In historischer Schreibweise · Die Absatznummern verlinken einzelne Textstellen.
Übernahme der Mosel-Sagen-Digitalisierung. Enthält OCR- und Segmentierungsfehler; keine vollständige Scan-Gegenlesung durch Verlag Kawerau. Zeilen und Trennstriche der TEI bleiben erhalten.
Herr Ludwig von Liechtenberg, herr Jacobs sone, ist ain wunderlicher herr worden und der sich mit der schwarzen Kunst vil beladen hat ; damit ist er vil umbgangen und ist mit derselbigen in ain solche pratik kommen, das er vil geschwinder und bei den un- erfarnen ungleubliche sachen hat verbracht. Er ist uf ain zeit ver- klaidet und gar unerkantlich uf ain markt im Elsäs geraist und hat vil schöner roß, wie man hat vermaint, mit sich dahin gebracht. Wie nun der markt am größten, ist er mit seinen rossen auch kommen und hat die in gueten wert ganz wolfail gebotten ; also ist ain groß reissen umb die schönen roß gewesen, ein ieder hat ains wellen haben. Aber er hat die nit trennen oder von ainander wellen ver- kaufen, hat also vorbehaltlich verzogen, biß ain geschwinder, ver- rüempter roßdeuscher kommen, der hat im die rvß abkauft und
gleich also par bezallt. Solch gelt hat er seiner diener eim geben und befolchen, er soll dem roßdeuscher mit den rossen uf dem fueß nachziehen biß in die nachtherberg, und so der seins schadens sich wol erclagt und erjemert, so soll er im alsdann das gelt umb die roß wider zustellen und im darbei ansagen, es habs herr Ludwig von Liechtenberg ime zu ainer schalkhait thuon. Hierauf der knecht dem roßdeuscher und den rossen, wie er befelch gehapt, nachgezogen. Herr Ludwig ist sein weg der haimat zugeritten. Der roßdeuscher aber, so baldt er ain solchen gueten Kauf seines vermainens gethon, hat er auch nit lenger daselbs bleiben, sonder ist mit seiner haab auch darvon zogen. Wie er aber für den flecken wol hinauß kommen, do hat er durch ain fließenden bach reuten müessen. Wie nun der roßdeuscher durchgeritten und seine erkaufte roß nach im ziehen wellen, do sein im bach eitel strobuscheln darauß worden und den bach hinab geschwumen, alles in gegenwurtigkait des liechtenbergischen dieners, der dabei gehalten und zugesehen. Wer ist erschrockner oder mehr erfert gewesen, dann dieser roßdeuscher ? Wiewol in der Liech- tenbergisch getröst und gesagt, es helf nichs, er soll fürziehen biß an die Nachtherberg, alsdann welle er im möglichen fleiß zu laisten versprechen, ungezweifelt, er müesse sein gelt wider bekommen, dann er kenne den Kaufmann wol, der hab hievor solche und dergleichen trüegerei vil begangen. Damit er den kaufmann beredt, daß er fortzogen. Also da sie an die herberg zum nachtleger kommen, do hat im der liechtenbergesch diener sein gelt alles widerumb zugestellt, wie ers ausgeben gehapt, und darbei seines herrn befelch angezaigt und ime bevolchen, ain anders mal mer achtung uf seine waren, dann wie beschehen, zu geben. "