Graf Ludwig von Lichtenberg und der Kaufmann

„In ainer andern zeit hat Graf Ludwig von Liechten- berg erfaren, das ain kaufmann, der menigclich, wo er künde, be- trüges, auch mit den falschen, bösen münzen, wie er gelegenhait hab, die leut überfortaile. Also hat er sich abermal verwelscht, das

er nit leuchtlichen hat erkennt mügen werden, und ist disem kauf- man, nachgewandelt, und als er den angetroffen, ist er umb ain namhaftige suma gelts ains kauss mit ime ains worden und den kaufman darauf bezallt, das er wol content gewest. Die war hat herr Ludwig hinfieren lassen. Nichts destoweniger aber in seinem abschaiden hat er ain vertrawten diener mit sovil gelt gueter münz hünder ime verlassen, sampt notturftigen bevelch, mit dem kaufman im fall der nott weiter zu handlen. Des andern tags, als der kaufman sein gelest gelt widerumb an andere wahr legen und den geltsack ufthuon und bezallen wellen, do ist kain gelt darin gewesen, sonder ain solcher ungleuplicher haufen hurnaussen, das sie dem kaufman schier die Augen ausgestochen, auch in und andere umbstender dermaßen uf bloser haut molestiert, das kain wunder gewesen, da gleich sturm über diese unfögel wer ge- schlagen worden. Darauf ain grose clag von dem kaufman ent- standen des gelts halben, darumb er sich besorgt hat gehapt be= trogen zu sein. Derhalben der liechtenbergisch diener, wie er ver- maint hat, es sei zeit, do hat er erbar leut zum kaufman gefüert, der im bet gelegen, also haben ine die hurnausen gestochen, und im bericht, dises alles sei ime von seim herrn, herrn Ludwigen von Liechtenberg begegnet, allain der ursach, dieweil er, kaufman, menigclich, wo er künde, mit bösen, verbottnen, und frembden münzen biß an- hero hab verfiert und betrogen, und hiefiero soll er deßhalben uf- recht handlen ; und damit hat in der diener mit landleufiger minz zu guetem beniegen bezallt. "