Wigamur

Wir lesen jn den püchen, Der es kan darin sȗchen, Manig seltsam mere, Wie das ain künig wäre, Der was Paltriot genantt, Der bericht Lendrie das landt Nach eren manig stundt, Wan jm die feld des gundt, Des er bejagt mangen preyß. Er was hübßch vnd auch weyß, Milte seines güeß, Vnd senft seines müeß, Zu ritterschafft was er palotz; Er bezwang mit gewaldt, Was jm der landt was gelegen bey, Seines müettes was er frey, Gar volkomen was sein leyb. Er het jm geleigt ain weyb, Die schönest jn dem landt; Sie lebt an alle schandt Frolichen manigen tag, In den sitten, als man pflag. Ainen sun sie gewunnen, Als jn got wolt gunnen, Des wurden sy vil fro; Wigamur nanten sy jn do. Des kindes waren sy gemaydt; Layder da geschach jn laydt In vil furczen zeittenn. Der künig solt reittenn, Wan nach jm het gesandt Sein potten in das landt Der reich künig Artus, Het geladen jnn sein hus Vnd auch sein schöne frawen,

Das sye das solten schawen, Turnyeren vnd vederſpill Vnd auch ander furczweyl vil, Der man ze Caridol mit züchten pflag, Baide, nacht vnd tag. Dar raitt der künig Paltriott Vnd die künigin mit jm gnott, Vnd auch manig jundfraw gemaidt; Die warenn all wol beflaitt, Küniclich was jr geuertt gar, Mit fröden komen sy dar, Vor pfingstenn vil nahen, Seyt jn begunde empfachen Artus der künig vil reych Vnd manig ritter lobleich. Da sy sein namen war, Vil fro ward das gesindt gar, Nit als groß, als vmb ain har, Was kain falsche vnder jn dar, Auch was die schön künigin Mit wol betachtem syn̆n Fur das burgtor gegan, Vnd manig fraw wol gethan Von fürsten geschlechte. Auch waren da wol ächte, Die künigin hießen, Die doch nicht enlieſſen, Was jn die hausfraw gepott, Also ward der künig Paltriot Lieblich empfangen wol, Als man solch gest empfachen sol, Vnd sein frawe die künigyn, Vnd auch die gesinde mit jn. Die hochzeit ward gesprochen Ain manat vnd ain wüchen,

Die waren sie do alle Mit frölichem schalle, Wan jn da nicht gepraßt; Er wär fründt oder gast, Den ward allen vorgetragen, Als jr das mer hörent sagen, Das yemannt kund erden̆den. Auch traten die schenden Vor dem tisch manigen wand, Wein vnd lautter tranck, Siropel vnd auch matras, Des waren da die golduaß Vol zu allen stunden, Das die tafelrund was. Auch mocht man da schawen Vil manig schöne frawen Mit rosen rotem munde, Mit fleysse schön gepunden, Mit lachenden augen lieht. Anders was jn nicht, Dan mit züchten hubschait. Auch ist offt gesait, Was tugent die ritter habent, Vnd wie offt sy preyß bejagent; Das wöllen wir nu lassen hie. Do die hochzeit ergie, Do schied da von dann Kunig Paltriot vnd sein mann Hin haim zu Lendrie. Den künig von Karthasye Batt er mit ym keren, Der vil offt nach eren Zu rechter abentfeür raitt; Wol hundert ritter gemaidt Het er zu gesellen, Die fürtten manig schellen Geschlagen von gold rot; Die fürtten die künigin Paltriott Durch hübschait jn sein landt, Da er ain laidiges mer fandt. Jn dem landt wonet da Ain wildes weyb, hieß Lespia, Die tatt dem künig groß laidt, Da er zu der hochzeit raitt, Vnd mit jm die künigyn. Des tags kam die falentin, Des künigs sun sie da fing, Da er mit anderen künigen gieng Vil pald sy von dannen liefz Das gesind alles nachrieff.

Sie trüg jn jnn das mer; Da was verlorn gar die wer; Darumb ward ain vnmuet. Der künig fand das gesinde guet Trauren hart vnd sere, Die künigin michels mere. Sie suchten allenthalben ratz; Da kund jn so gethanner tat Niemans kain frumen gesein, Wan verlorn was daz kindlein. Dis was also ergangen, Wigamur was gefangenn In dem mer mangenn tag, Das sein die merfrawe pflag. Mit fleysse sie jn bewârte, Vnd pflag sein wol vnd zarte Mit jren tochtern, zway schöne kind. Sie getacht, so sy gewachsen sind, So solle dieser kindes paren Mit ainer zu hoffe faren. Diser wan hat sy betrogen. Jedoch ward das kind gezogen Mit yren tochtern zwayn. Sy hette ainen hollen stain In dem mer besessen Jr speys vnd auch jr essen Was fische vnd wilde tier, Vnd het auch vil schier An den bergen vil gejaget. Es was jr auch vil lieb betaget, So sie die kind so wol beriet. Als sy aber von jn schied, So trug sy ainen vil grossen stain Fur die hol, das jr kain Mocht kamen auß vnd ein. Wigamur vnd die kleinen töchterlein Lagen auch da allein Jn dem felsen vnd holen stain; Biß das daz weyb widerkant Durch die kind alſo schön, So tet sy aber auf die hol; So mochten dan die kinder wol Gehaben freyen gand. Das stund als land, Vncz das die kind warenn Komenn zu jren jarenn. Aines tages sich das ergieng, Das das merweyb fieng Ainer schlachte funter, Das was ain merwunder,

Dem was das haubt gethan Menschlichen als ain man, Wan das sein har solt sein, Das waren hort börst hüernnein, Geleich ainem merswein, Auch so was der bart sein Lang, grüenfar vnd ungeschaffen, Dieffe augen vnd münd gleych ainem affen; Sein arm warn rauhe gar, Von den prusten was er gefar Geschüepelt als die fisch sind; Es het zway pain als ain rind An seinen glüdern allen groß. Da er jn dem mer floß, Da het sy es gefangen; An ainen riemen langen Pandt sy ym an die pain, Vnd furt es mit jr jn den stain; Wan es vor mangen tagen Ir jrn man het erschlagen. In ainen winkel sy es pandt; Den kinden verpot sy zu handt, Das sy nicht kömen jn das hol, Wan sy west das vil wol, Welches jm so nahent kem, Das es ym das leben näm. Sie wolt lauffen tratt Nach jres prueders ratt, Dem merwunder nemen den leib, Also lieff das wilde weyb Von den kinden bald Zu ainem vil grossen wald, Da waren jr prueder zwen wild mann; Sie wolte jn gesaget han Die mer, wie es jr ergieng, Da sy das merwunder fieng. Nun was der kunig nach seinen sitten In den selben wald geritten, Dem sy das kind het entragen, Als jr dan vor habt horen sagen; Der jaget jn dem walde. Nu sach er lauffen balde Das wilde weyb vor den hunden; Da pließ er an den stunden Der kunig das horn kreftiglich; Er mant die hundt gar fraißlich Vil vaste auf die fart, Die roß wurden nit gespart, Die jäger ritten auf jr spar; Die hundt triben sy an ain stat dar

Da sy nicht mocht empfliehen; Sie tätten sie vmbziehen; Ir ward geschoßen ain zain Mit ainem pogen durch ain pain, Da mueßt sy beleyben da, Gern war sy gewesen anderſwa. Da Lespia das wilde weyb Gefangen ward vmb jren leyb Vnd also was verſertt, Do ward jr verbertt Ir vbermüet zu layde; Ir hende wurden payde Vil vast vnd wol gepunden, Auch was sy von den hunden Vil sere vnd hart gepiſſer. Ir mügent wol wiſſen, Wie frölich der kunig haym rait, Des gefelles was er gemaidt; Er sprach zu der vallentein: „Nu solt du den sün mein Erarnen gar vil teür, Den du vil vngeheür Mir entrugest jn das mer; Vnd het ich alles mein her Zu den zeitten verlorn, Das het ich syder wol erfornn, Nun müeßt du falentinyn Hangen an meiner zinn An dem tag morgen.“ Da lebt sy mit sorgen Vmb jren leyb vnd jre kind Die dort jn dem mere sind. Sy ward gefuret bald Dem kunig haim von wald Mit mangen schlegen groſsen In ainen karcer ward sy gestoßen, Der was tieff vnd an lieht, Kain essen gab man jr nicht, Darjn lag sy mit groſsen sorgen Die nacht biß an den morgen. Da die helle sun erschien, Da hieß der kunig auf ainem stain Ainen galgen zuberaitten, Er wolt nit lenger paytten, Seinen sun wolt er rechnen; Den kerker hieß er prechen. Das weyb furt man herfür, Vnd gab jr die kür; Er sprach: „Wilt du dingen, So eyl mir widerpringen

Meinen sün, den du genomen hast mir; Furwar geheiß ich dir Ledig wil ich dich lassen Vnd wider haim dein straßenn. Hast du jn aber geſterbet, Getött oder sunst verderbet, So müeßt du vil armes weyb Mit jamer enden deinen leyb.“ Das wilde weyb mit sorgen sprach, Da sy den galgen ane sach: Der kunig hie sy streichen, Oder sy geb widere das kind. „Nu so wir alle komen sind Mit grossem arbaittenn, Das sie wol wolten laitten, Da mügent jr wol finden Bey meinen lieben kinden Von Letintice des künigs sün; Ir sult sein gut warten tüen Gar wol vnd all besunder, Das jr das merwunder Inn dem winckel icht verkert, Oder jr sint des todes gewert. Den jungen heren nement jn eur pfleg, Vnd farent wider eürn weg, Als ich euch her geweyset han, Vnd lassent mich mein straß gan, Haylent meine wunden, Die sind noch vngepunden.“ Ir sult vernemen dise mer, Wan der stain was ler, Darjn der jung kunig solt sein. Des wilden weibes töterlein Funden sy da ligen todt, Vnd das plüt also rot Was von jnnen gerunen. Der gefangen was entrunen; Das merwunder was so stark Vnd mit listen so karck, Das es die riemen zerprach, Vnd es des kunigs sun erfacht. Er merckte an seinem leyb, Das er von dem weyb Nicht war geporn; Es vbet den seinen zorn An den megtlin vast gnüg, Da es sy zu todt erschlüg. Des kunigs sun furt er gesundt Mit jm auf des meres grunt. Sie suchten vil vnd funden nicht.

Do das weyb sach die geschicht Vnd tod ligen jre kind, Sie begund lüen als ain rind. Vil töblich sy rüeff, Gen ainer stainwandt sy do lieff, Ainen stain sy dar ab prach, An jr selber sy do rach Irn schaden vnd jrer kinder tod, Vnd da der kunig Paltriothe Seinen sun anderwaidt het verlornn, Dur die layd vnd den zorn Gab sy jr selber ainen schlag, Das sy todt nider lag. Die poten kerten wider do, Dem kunig sagten sy dy mer so. Nu merdent alle besunder, Wie das merwunder Mit des kuniges sün nu warb, Da das merweyb erstarb, Vil schöne er sein pflag, Gut speys er jm gab, Er lernt jn seiner Ekinthait Tugent vnd gefuglicait, Singen vnd saittenſpil, Vnd auch ander hüpschait vil, Schirmen vnd springen, Lauffen vnd auch rinngen, Vnd er kam zu seinen tagen, Das er solt haben getragen Swert vnd mannes were, Da weyset jn daz wunder auff dem mere In ain lant, das haißet Doloyer. Das merwunder sprach: „Nu sag mir, Du vil schönes kind ellende, Von welchem landt ende Bistu nu komen her? Waißt du icht, wie oder wer Dich zu der welt hat getragen? Kanst du mir das sagen, Wem dich nam dye merynn; Hettestu so vil synn, Das du dich erkantest, Vnd mir dein landt nantest, Deinen vater oder dein landt, Ich weyst dich dar zu handt.“ Wygamur antwurtt jm sä: „Das merweyb Lespia, Der du jr kind erschlügst Vnd mich von jr trügst, Die was mein mueter, als sy jah.“

Das merwunder aber sprach: „Ich wayß wol, das daz wild weyb, Die mir wolt haben genomen den leyb, Dein rehte mueter nit entwas; Du solt fur war wiſſen das, Das ſy dich deinem vater ſtall, Vnd dir darvmb das verchalt, Das du nit entfrumest jr; Sy wolt haben geben dir Ir tochter zu ainem weyb, So du an deinem leyb Wareſt waren fuglich darzüe; So wareſtu jmer an rüe Vnd an freden geweſen; Darvmb ließ ich dich geneſen, Da ich auß den riemen entran Vnd jrn tochteren das leben namm, Da weſt ich das vil wol, Da ich dich fandt jn jrem hol, Das ſy dich hette geraubet, Nu ſey dir erlaubet, Vnd far, wo dich hin duncket güt, Nach deines synnes müer. In mangerlay acht Han ich dich gelert, als ich macht, Hubſcher ding vnderweyset, Dauon wirdestu gepreyset Vber all jn den landen, Wiltu es recht nemen furhanden.“ Wygamur ward vil fro, Dem merwunder antwurt er do: „Seyt ich nit geborn pin Von dem weyb, als ich wenne ſin, So haſtu vil wol an mir gethan; Wiltu nu daran wol beſtan, So weyſe mich nu pald Auß diſem groſſen wald, Das ich zu den leüten Fer; So bitt ich dich nicht mer.“ Das merwunder da tätt Nach des jungling gepet, Vnd weyſt jn auß an das landt. Ainen pogen nam er jn die hant Vnd ainen köcher mit geſchücz, Das ward jm ſeyd vil nücz; Vnd do ſchieden ſie ſich an der ſtunnd, Wider an des meres grundt Das merwunder da ſür. Hin lieff da Wigamur, Da er ain burge ſah ſtan,

Dahin fert der ellend man, Wan er enweſt nit anders war. Nu was er an dem leyb gar Weyſe, ſchön und herlich, Wilt vnd darzu törlich Waren die geperde ſein; Ain güt hembt ſeydein Reht weyß als ain ſwan, Vnd ainen rof trüg er an, Der was auh von seyden gut, Rot gar als ain plüt, Biſchin was ſein paingewant, Den pogen trug er jn ſeiner hant. Gen der burg er ferte, Als jn die ſtraſſe lerte Auß ainem geuilde. Nu was das waſſer wilde Daz daſelbſs floß, Vnd auch auſſer maſſen groß. An aller ſchlahtte wicze gar, Nu ſach er reitten ain ſchar Gewauppent von dem walde, Zu der purge eylten ſie palde, Wol gerüſt, als ſy dan ſolten, Wan ſy ſtürmen wolten, An dyſelben burg zu gewinnen, Wigamur ane ſynnen Kerte zu dem here so Es was niemant do, Der des mohte jehen, Das er ye hett geſehen Kainen ſolchen ſchönen man; Sein gewandt sahenn ſy vaſt an, Denn rof vnd auch das hemde, Das dauchte ſye alles fremde. Zu der burg was jm gach; Wigamur lieff jn nach, Biſ ſy kommen an den graben. Ey wolten da nit lenger habenn, Ey ſtygen von den roſſen al, In der burg hub ſich ain ſchall, Vnd eylten vaſt an die wer, Mit grymmen empfingen ſy daz her. Der wirt, der da der burge wartt, Mit ſeinem geſind hielt er hart Jnnerhalb vor der burg tor; Ey gaben darunder vnd daruor Vil mangen ſchlag hertten, Mit krefften ſy ſich wertten, Mit ſchlegen vnd mit ſtychen,

Die geſt offt entwichen Wider von der pruggen, Wan es fel auf jren rucken Mang hertter ſtain. Sy begunden da vil groſſen main, Sy ſchuſſen oben ab der her, Vnd wundten vnder dem her Vil mangen ritter lobleic); Manlich vnd vngeheürleich Ehaſſen vnd ſchlugen auch die geſt Wider jn die veſt, Die burger jn die burg wider trungen, Die ſwert vil ſer erklungen Den rittern jn den handen, Do die weyganden Ir burge mit grymmen wertten. Mangen würff hertten Tatten ſy von den zinnen; Das plut ſach man rinnen Vber dy halſperg weyß, Die ſwert verlurenn jrn gleyß, Sy wurden alle plüt far. Sy trungen vaſt mit jrer ſchar, Biſ ſy die tor gewunnen. Sy warenn gern entrunnen, Die der burg huetten ſolten; Vil groß not ſy tollten: Sy wurden gefangen vnd wund, Die purg verpranttenn ſy an der ſtund, Den wirt fiengen ſy an, Damit ferten ſy von dann. Nu Wygamur geſehen hyt Diſen ſtreyt vnd die tatt, Nu ward er zweyſelhaft, Wan er kain ritterſhaft Dauor nie mer geſach; Wider ſich ſelb er do ſprach: „Sind das leüt, ſo ich wanen wiſ, So künnen ſy ain ſchones ſpil; Doch wän ich, es vil wee tät.“ Dicz kam jm ſer jn den mut, Vnd marckte jr gepärde, Vnd gedaucht in doch vil ſwere Vnd auch gar gemelich. Er mainte, das ſy all tag keglich Diſe ding tryben ta; Auf ainem ſtain ſaß er ſa, Er warttet biſ ſy kamen von dan, Da gieng der wiczlos mann Zu der purg ſchauenn

Da fandet er verhauenn Mangen ſtolczen ritter da ligen, Vnd des plütes erſigen. Die purg ſach er prinnen Vil ſere auſſen vnd jnnenn; Er ſaß alle geſchicht a. Lebentigs vnd entwicht, Er fandt auch ain roß geſatelt wol Vnd verdedet, als es weſen ſol, Mit dem zaum es gepunden was, Von dem feur da es genaß. Des roſſes was er fro; Ainen totten ritter ſchut er do Auß ſeinem harnaſch güt, Ein ſwert vnd ain eyſenhüte Zwü hoſen lieht eyſneyn, Die legt er an den leyb ſein; Auf das roß er da ſaß, Seines pogens er do nit vergaß, Auff den hufſchlag er do kert, Das roß er do nyndert lert; Er fur, wie es im gefiel Das er dauon nit enſiel, Das was wunderlich Wan er mit den henden ſich Habt an den ſatelpogen; Vnd war ain fogel jn jn geflogen, Er wär dauonn gruallenn nider, Wan er weſt nit zu ziehen wider, Mit dem zaum, noch ze furen Vnd die pain gerueren. Alſo ſaß vnd rait der kindiſch man, So das ros ſelber wolt gan, Jn dem landt zu Dolier. Ain ritter, hieß Glakotelesfloyr, Der ſach jn reitten alſo; Gen jm ſprach er do, Wigamur der thumb, Vnd forchte ſich nit darumb, Vnd marckte ſein gelaß, Vnd ſah vil eben, wie er ſaß, Auch wie er den zaum fürt, Wie er die pain rürtt, Vnd merkt auch ſein behendikait, Wie er fur vnd rait, Vnd nam es jn ſein aht, Als er peſte macht, Nu rait er ain wenig paß, Biſ er jn den satel geſaß Vngehabt zu gueter weyß.

Nu rait er her nach preyß, Glafotholes de Loyr der ritter jung; Die roß tätten mangen sprung, Bncż nu der ritter hat gestan Mit neyd den kindischen man. Wygamur dem was nit kundt; Der ritter an der selbenn stundt Mitt so frayssamen sytten Vff jn so was geritten Im was so uil vngewiſſen, Vnd was so gar vngeflissen An so getoner achte, Er enwest, wie er machte Den ritter empfahen; Wan er begund gahenn Vnd sich zu were beraitten, Das sye die vngeleichen mann Auff dem wald alſo fran Zu ainander rayten, Die bayde samen gaytten Des sie preyſlich lob gewynnen Vnd doch mit vngeleichen synnen, Der ain ritterlichen strait, Der ander kindischen raitz Der ritter ritterlichen stach, Sein sper mit krefften, daz er zeprach Auf dem schonenn jungling, Wan die hertten ring Des halsperg gar wenig widerwande, Do er grymlid auf jn rantt, Er war da gelegen todt; Do was jm das ain michel not, Das sy zusamenen liessen, Die roß ainander stiessen, Das sy baidenthalben fiellen nider; Gahens sprungen sy wider Vff von der erden, Zusamen was jr gerden Die swert sy gefingen, Zu ainander sy do giengen Die zwen vngeleichen man, Die fachten streiticleichen an Ainen vil langen tag; Der ritter mangen grossen slag Schlug da auf den jungen, Mit vil schnellen sprungen Weygamur jm offt entran, Vnd loff jn aber wider an, Mit schlegen er jn vmb trayb,

Das jm des schiltes nit belayb, Wan da der pukel was daran; Na preyse wurden die zwen man. Als der ritter das ersach, Das der jungling so ser facht, Do enpran erst sein gemut Von des zorns gluet, Er schlug jm auf sein haubt Damit er jn nacht beraubt Des leybes an der weyle; Mit zorniger eyle Der junge sich erholt; Er tett, als er wolt Mit dem swert jnn gestoßen han, Vnd schlug jm durch den helmhür, Das jm do das rotte blüt Zu der erden nyder ran, Vnd das er nicht mocht gestan Das swert jm auß der hand fur; Darnach lieff da Wigamur, Er wolt jm das leben han genomen; Do er jn aber an waz komen, Do sprach der ritter an der zeit: „Nain held, nu peyt, Laſſe mich, herr, nun leben, In dein gnad wil ich mich ergeben, Vnd wil werden dein man Vnd wil auch sein dein vntertan, Vnd dir diennen, wie du wilt.“ Die red bot er jm vnbeuilt, Bncż im der kindisch man Also anttwurten began „Ritter bald, nu sage mir, Was schuld hettest du zu mir? Da ich dir heut widerrait Dort auf der haiden prayt, Do bestuntst du mich mit zorn; Des bist du hie verlorn; Du hast mir vil wee gethan.“ Des anttwurt jm der küne man: „Da im dich heut vil palde Sach reitten vor dem walde, Da rittestu werlichen So vngeheglichen Das ich des nit verwante mich, Ich hette vil schir dich Von deiner hab entseczet Nu hast du mich geleczet Vnd mir betrogen meinen muſ;

Nu wil ich leyb vnd gut Vil gern in dein gwalt geben; Helt gut, nu laß mich leben. Ich bin dir ymmer vndertan, Vnd wil werden dein man.“ Wygamur der junge degen Hette sich des wol verwegen, Das er jm das leben wolt lan; Er begundt jn aber fragen san: „Nu sag mir, — sprach der kunigs sun — Wie du dem wellest thun, Das du wilt mein man sin, Vnd ich ain weyb nit entpin; Oder was mainst du damit? Nu sage mir deinen synt.“ Der ritter, wie er wär wündt, Er lachte an der selben stündt; Er verstundt sich an dem mer, Das der jungling nicht wer Gewachsen, da die leit sind, Wan er was sein ain kind, Vnd was der kreffte reich. „Ich sag dir beshaydenleich, — Sprach da Glokothelesfloyr — Ainen sytten haben wir: Wer des andern man werden sol, Der muß vil schön vnd wol Im pietten die hende sein, Als, herr, ich thün dye mein: Er sol im dan sein mitt treuen vndertan Dauon hayßet er sein man, Vnd hayßet er sein herre, Er kumpt nie so ferre, Er sol jm doch mit stattikait Vnd mit treuen wesen layd; Auch sulle der herr meren Dem man sein güt mit eren: So sind vngeschayden Ir trew bey jn bäyden.“ „Ain burg stat dort aine, Gar hoch auf aimem staine, — Sprach Wigamur aber do — Dar kam ich gestern frü; Do kamen ritter für gerandt Die begunden sturmen zehand. An den graben sye do gyengen, Mit grymen sy empfingen Die einwanner in der vest; Jedoch die küenne gest Giengen dar zu mit gantzer schar,

Wan sy namen klain war, Was man worff oder schoß; Ir schade ward do vil groß, Ee sy gewunnen das burgtor, Da lagen darvnder vnd darvor Manig ritter totten, Vil sere verschrotten, Der wirt ward gefangen da, Das feür wurffen sy sa An die pürg vnd schieden von dan, Wayst du, ritterlicher man, Wer die herren waren, Das sag auch mir für ware; Wan ich mein roß da stene fandt Vnd dises eyßen gewand, Das was aines, der lag todt, Dem was geschehen michel not.“ „O wee, — sprach Glatokthelesfloyr — Das wil ich recht sagen dir: Der wirt ist genennet, Des purg nu ist verprennet, Der kunig von Pontrafort, Der hat begangen manlichen mort Zu Doloyr in dem landt; Er hat vil manig schande Dem kunig gethan; vil layd; Wer hie gyeng oder raytt, Der hett nie so gut hayl, Er müest den zway taill Seines güttes jm ze zolle geben, Oder er müest das leben Zu pfande da lassen. Den wald vnd die strassen Hat er beraubet mangen tag, Biß das dem kunig kam die clag Von dem mortgrymmen mann; In die ächt ward er gethan, Sunst lebt er noch zehen jar. Nu wil der kunig wissen furwar In morgen henken als ain tyeb, Das ist den leütten allen lieb, Nu mügen sy wol mit gemach Wandeln vnd werben jr sach Baide, wider vnd für.“ Da sprach aber Wigamur: „Ob ich dich ainig lasse Neytten dein strasse, So kumt es vil leyt dar zu, Das ich dich hab gezwungen dar zu, Das du daz an mir richest,

Bnd dein gelübt pricheſt, Bnd vergyſſt deiner trewen; So mag mich wol reüen, Ob ich das leben laſſe dir.“ Da ſprach Glodothesfloyr: „Ob du mich nu laſſeſt geneſen, So ſoltu des gewiß weſen, Das ich dich mit treuen han, Als ain herre ſol ſein man, Dieweyl vnd mir der leyb wert, Nu hab mir, herr, das ſwert, Ich wil dir ſweren ainen ayd, Das dir nymer fain layde, Von mir geſchicht hinfur.“ Da ſprach aber Weygamur „Ich wil dich laſſen, ritter güt, Durch deinen ritterlichen müt, Deines aydes ich nicht wil, Wan es war mir zu vil.“ Geſſellen wurden ſy do, Des ward der ritter fro; Die roß fiengen ſy do, Mit lieb ſchieden ſy ſich ſo. Als nu Wigamur auf das roß geſaß, Da kund er nit vil baß, Dan er noch da vor raytt; Doch was ſein hercz vil gemayt, Das jm ſo reich abenteür Von dem ritter vngeheür Widerfarn was an diſer ſtundt. Das roß das begundt Widerfern auf dy ſchlach, Gen der burg was jm gach, Die nu dortt ſtundt verprannt, Wan es offt ee da fannt Warmenn-ſtal vnd ſpeyſe hort, Die wenyl ſein herr Lupindrafoxt Mit geſundem leyb lebte, Bnd der purge-pflegte. Die ſtraß was jm wol bekannt; Bnd da es niemant da fandt, Da fur es faſt vber den graben; Es het den wol gepornen knaben Auff die erd gefellet nah, Wan jm das hayl geſchah, Das es den perg auf ſprang, Bnd es durch die lüfft trang, Das ain aſt den zaum gefieng Bnd das roß behabte hieng, Das es da ſtyl ſtundt da.

Weygamur ſprach ſa:

„Holt, du haſt mich gelert wol, Des ſelben ich dir folgen ſol.“ Den zaum er mit der hant gefieng, Er zoh das roß, das es gyeng An dem weg vnd rechte raiſe; Der ſynnen gar ain waiſe, Zu gueter maſſe er da rayt, Das vngeuerde er gar vermayd, Die burg was gar ain feür, Die knaben waren gar teür, Die jm engegen ſolten gahen, Oder den ſtegrayff empfahen, Er fand die burg leere, Wan die purgerre Warent alle gelegen todt. Der weg was von plüte rot, Auſſerhalb vor dem tor Was gemachet empor Ain vil claines kemerlein, Darjnn mocht wol geweſen Des wachters weyb geweſen, Das was vor dem feur geneſen, Sein roß er darvnder pandt, Der herberg er ſich da vnderwandt; Er wolt ſelbs da wirt ſein, Er fand auch ſten da einen ſchrein, Darjnn was fueters gnüg; Fur das roß er das trüg; Bnd zway prot er do ſach; Das geſind het da güt gemach, Die nacht wolt er beleyben da, Er entweſt nit anderß wa, Der wilde, der raine Was do allaine; Bmb die burg gieng er ſchauen, Ain ſchöne jungfrauen Fand er da allain ſyczen Wigamur mit clainen wiczen Aldo zu der jungfrauen gieng; Mit groſſen vorchten ſy jn empfing, Sy was hübſchlich gethan, Von rottem ſcharlach het ſie an Rock vnd auch corſeytt Wol geſnitten vnd weyt; Ain liechte veße was zogen darvnden, Mit roſemfarbem munden Was die ſchön jungfraw clar. Der thum kam gegangen dar, Er ſprach: „Wer ſeyt jr unverzaget?“

Sy antwurt jm: „Ich bin ain maget.“ „Nu saget mir, wie haiſſent jr?“ Sy ſprach: „Pioles, das glaubent mir.“ „Was tüet jr hie allaine?“ „Da ſitze ich vnd waine.“ „Fraw, was iſt euc geſchehen?“ „Groß laid das muß ich jehen.“ „Wolt jr fraw das ymand ſagen?“ „Ja, herr, ich mag wol clagen Bnd ymmer waynnen, Wan nu troſt kainew Bringet mir man noch weyb. O wee, das ich meinen leyb Zu der welt je gewän, Das ich enſterben nit enkän! Gar vergeſſen hat mein gott, On troſt iſt mein nott; Der tod mueß es ennden.“ Mit jren weyſſen hennden Zu prüſte ſie ſich ſchläg, Laydes het ſy genüg.

„O wee, was mocht mir mer geſein? Mein mueter was von Gyſmaſmalein, Mein vater was künig von Rifflancz, Ir baider er was vil gancz, Sy hetten Finves nit wan mein; Darzu der künig von Vordein, Des hant bejaget mangen preiß Der ſolt weſen mein ameysz Auſſ meins vaters hauß er mich nam. Als er jn diſen wald kam, Ain riter ſagt jm mere ſchier, Wie ain turnay wer zu Pelrapier, Mit ym vil ritter begunden reyten; Seiner widerfart wolt ich erbeiten. Der wirt der der purge wielt, Durch Sand Peter er mich behielt; Nu iſt jm miſſegeſchehen, Als jr ſelber habt geſehen. Sein purg iſt gar verprunnen Auſſen vnd auch innen; Sein leute ligen alle todt Von feur vnd von ſwertes nott; Er ſelber iſt gefangen, Oder jn hat villeicht erhangen Der kunig von Toloyr; Den ſult jr clagen mit mir, Ob jr ſind ſo geheür. Geht inn dem ſelben feür Ligenn zwo jungfrauen tod,

Die herczogin von Libranot, Die ander was von Grabalmontoygs, Der herczogin ſweſter von Logroys, Die diſes hauſes frawe was. O wee, das ich yp g.nas! Nu wayß ich nit, wo ich hie kere; Alles gutes han ich nit mere, Wan als ich hye ſtandent pin, Bnd ain gulden fingerlin, Das ich hie an der handt han.“ Da ſprach aber der ſinlos man: „Liebe fraw, gehabt euch baß.“ Jm wurden die augen vor jamer naß. Weygamur der güete Tröſt da jr gemüete Als ferr, als er mochte Bnd ſeinen ſynne wicze tochte. Er patt die magt auſſtän Bnd mit jm jun das hauß gän „Wir ſein heüt wolberatten Prott vnd auch ain pratten Haben wir heut zu ſpeyſe.“ Geiner torhaiten weyſe Ward ſy ſchir gewar. Die magt ſprach aber dar: „Wölt ir heüt hie beſtan, So deücht mich das güt gethan, Wan rue da lüczel was; Er ſchütte da ab den harnaſch.“

Noch in dem harnaſch belaib der man: „Fraw, ſprach er, ich nit enkan Dauon emploſſen mich, Bnd diſem roß enkan ich Den rude hawet empfinden; Ich kan nyndert finden, Das ich jm erlöſe den mundt. Ich han erarnet diſen fundt, Das ich es heut geſah, Wan ich groſſen vngemach Heüte han gewunenn Mich wundert, ob ſy kunen Baß reytten, dan ichz Es na het erfellet mich. Do het ich heüt es nit angetragen, So hette mich erſchlagen Der ritter auf der haide.“ Wie jnn groſſem layde Die ſelbig jungfraw were, Noch lachet ſy der mere, Pyoleys die maget clar,

Mit schönen züchten gieng sy dar, Do das roß was gepunden Sy löst an den selben stunden Die gürt von dem roße nu; Weygamur sach jr eben zu; Aber dy orn zo sy jm den zaum; Weygamur nam des guten zaum. Das harnaß half sy jm schüten ab; Da was der jung knab Von dem eyſen ramfar; Ain waſſer pracht sy dar, Den ram wuſch sy jm dan; Da was er den rosen gleich gethan. Sie sach wol, das er was von schöner art, Die schön magt, von jm da ward Vergessen jrs laydes ain tayl; Vnd an aller schlacht schanden mayl Belayben ſye die nacht nu. Des andern morgens frü Weygamur wolt reyten von dan; Die jundfraw begundt aber san Vil jamerlich gehaben sich; Sy sprach: „Wölt jr, herre, mich Erſchlagen mit ewrem swert, Das ich so allain nicht werdt Leben in disem wald!“ Des antwurt er jr pald, Der junge knab an synnen Sprach: „Ir payt mein hinnen; Ich kum herwider, mich jr dan not, Oder ich müß ligen tod.“ Der tpr also mynicleich Der was also krefften reich, So er zu dem rosse gye, Er truckt es nider auf die knie, Vnd habt es pey dem pain, Vnd die maget rain Den zaum daran gelegt, Das es sich nyndert regt. Sein harnaß gefieng er nu, Die magt halff jm auch darzu, Das er sich waſſnet darin. Er ließ sy da vnd rayt hin. Mit traurigem müete Was die maget quete; Mangen augenplick warf sy jm nach, Da hin jm was vil gach. Sy bat jm hailes, da er rait; Sein hercz auch nicht vermaid, Er gedacht an das magetein,

Wie er jr freund möcht gesein. Wan er enhet sorgen kain Vmb die maget rain, Wie er volbräht die tat, Dauon jr sorgen wurd rat. Nun merdent alle geleich, Wie recht wunderleich Got begabte seiner hend getat, Die er jn acht hat; Wan mangen reichet er mit kunst, Das ist alles sein gunst; Mangen eret er mit ritterschaft, Da prueffent alle sein kraft; Mangen mit dem pflug, Vnd mit andern dingen gnüg. Also öderuchet er dise kind, Die bayde krank an wiczen sind Die jungkfraw war da tod, Wan das jr der knab half auß not; Vnd het jn auch der magt trost Von seinen unwiczen nit erlöſt, Vnd wer er nit erſtorben, So war er doch verdorben. Sunst laſt got niemant vnkerwegen, Der seiner gnad tüt pflegen; Also bringet ains dem andern rat, Hilff vnd selde tat. Den langen tag rayt Wigamur, Das jm nichs widerfur; Des frauret er vil sere, Do so muet jn mere Vmb das junfreülein, Die dort was warten sein Hungrig vnd gnaden ploß. Ainen vaßhannen er do schoß, An den sattelpogen er jn pandt; Er rayt wider, da er fandt Die jundfraw die jn empfieng, Vil pald sy da gen jm gyeng, Da sy jn zureyten sach, Sy nam das roß vnd sprach: „Geyt wilkomen, lieber herr Wie seyt jr so ferr Inn den wald geritten? Ich han ewr vil kom erpitten.“ Das roß zoch sy jn den stal; Enwaffenet ward er vberall. Den faſhannen refft er mit fleys, Sy beraitt jm mit jrer hend weyß. Der hunger was jr bayder koch,

Wan sy vastetten baide noch. Sy hetten dannocht ain gancz prott, Sy vergassen aller jrer nott, Sy truncken wasser für wein Sy tätten ainander trew schein; Mit lieb sy die nacht vertrieben, Vnuermailiget sy da beliben. Des morgens, da erschain der tag, Weygamur sich des verwag Vnd suchte an glüeteratt; Baide, roß vnd wat Beraittet jm aber die maget güt Mit wainen vnd traurigem müt, Benam jr der edel herr vil gar, Da er jr verhieß für war Das er sy nit ließe aldach. Suß rait er hin, jm was gach, In den wald er vil ferr rait, Die rechten straß er gar vermaidt, Ainem steyg er folgen began, Ainen hohen perg wol getan, Zu guter maß waß er prayt, Ainen steig er da aufrait, Der was schmal vnd grasig, Ain alte maur verwaſig Vand er an dem perge. Ain claines gezwerge Dem gewarttet er jn dez burge tor, Das gezwerg was auch hie dauor Aptor ist ain stain genannt, Lügel leüten ist er bekant, Des natur ist myßlich, An tugenden ist er lieplich, Als im davon gelesen han: Wann jn ansieht ain man Er tuncket jn schön rot gar, Wie er sein nemen war; So er jn ye lenger sieht an, So er ye rötter ist gethan. Von dem stain ich mer sag: Sieht jn ain man an dem tag So er bey frawen ist gelegen Vnd der mynn hat gepflegen, Er tuncket jn trüeb, als ain rauch. Von des stains varb merkent auch, Sieht jn ain weyb an, daz wißt für war, Er tuncket sie trüebvar, Es ist auch an zweifel kain, Sehe ain maget disen stain, Sye sähe daran garbe

Auch alle die farbe. So ist an dysem stain Manig dugent rain, Als ich euch nu sagen wil: Wer den stain tragent vil, Der mueß gar vermeyden Haß, zorn vnd auch neyden, Vntrew vnd falschaït; Zucht vnd stätigkait Sol er lieb han, wo er mag, So wirt nymer kain tag, Wen er den stain ansieht, Das jm kain ungeschicht Ymer widerfar; Der stain hat die krafft gar, Wer jnwendig jn falschaït ist, Der enmag kain frist Gewynnen bey dem stain; Wer aber sein hercz rain, So wirt er von des staines krafft Vil werd vnd lobhafft. Diese mer söllent jr merken wol, Der stain was gemacht hol, Baide trieff vnd weytt, Als vns die vrkunt geyt, Dise abenteür reich, Ainem vaß was geleich Darinnen man baden solle Wen der wirt wollt, Dicz was wol beraittet; In den stain was gelaytter Das wasser mit synnen Mit zwayen sylberin rynnen, Die ain kaltes wasser trüg, Die ander hayßes gnüg. In den staine sy baide runnen Von zwayen edeln prunnen; Der ain waß hayß durch daz jar, Der ander lauter, kalt vnd clar, Wol bedecket rayn, Zusammen sy flüsen jn den stain. Nu stonden, do die prunen floſſen Manig lind vnd ölbaum grossen, Vmb vnd vmb zu tal Stunden fruchtper päum an zal, Nuß, öpfel, pyern, küttin vnd auch kest(en), Feygen, mandel, maulper vnd tattel die besten, Die dem stain mit platren Vnd mit esten paren schatten, Vnd schyrmetten auch dye prunen

Vor regen vnd vor ſunenn. Liehte pluemenn vnde graſs, Mit den der plan geziert was; Auch ſtunden allvmb da Roſenſtök vnd weinreben ſa, Die waren jn ain gulden rayſf gepogen, Vnd hoh über den ſtain gezogen, Die gleiͤch ainem hag, Das dardurch kum der tag Moht ſein ſchein gehan: Alſo ſtund es vmb den plan. Auch wuchſen da veyal vnd mayen pluemeinn, Vnd auch aller plumen ſchein, Die kriegten vil ſüß jn ainz; Ir jedwerders da ſchain Das ander an mit widerſtreyt. Auch fand man da zu ſeiner zeyt Vil der vogel mangfalt, Galander, nachtgall, was der wald Zu aller zeit mocht gehan, -Das waz daz ſchoneſt fogelgetön, Das gethan was da ſchön, Vnd ſchöner vil, dan anderſwa; Aug vnd or hetten da Waide vnd wunne baide, Das aug ſein wayde, Das or ſein wunne. Da was ſchat vnd ſunne, Der luft vnd die winde Senft vnd linde. Vnd jn dem ſelben ſtain badet kain man Der falſchen muet ye gewan, Er wurde kranck, plaich, miſſefar Vnd des leybs vnkrefftig gar. Wer aber jn das pad gye, Der raine tugent mynnet ye, Von des ſtaines macht vnd türe Vnd von des prunnen natüre So er jn das pad geſaß, Aller ſwere er vergaß, Sein leyb ward ring, ſein hercz fro, Sein kraft ſtarck, ſein gemüt hoh, Der ſynnen ward er weyße, Sein leyb ſtund gar nah preyße; Suſs lebt er ain manat Das jn kainerſay ſchlachte not Von freuden geſchaiden mocht, Jn ſo gethanner acht, Als ich euch geſaget han,

So was das pad lobeſan.

Weygamur der thum, Der weſte nit darvmb; Do er da geweyſet ward, Da ward es nit lenge geſpart, Abzog er ſein gewandt; Zwä frawen komen zu handt, Schön bayde geleich, Geclaidet ritterleich Zu dem pade ſy giengen, Den herren ſy wol empfingen; Seines padens heten ſy fleys, Mit jren linden henden weyß Ward er geriben vnd gezwagen; Ain badlach ward dar getragen, Da ward ſchon ein genomen; Zwen kamerer warent komen, Ain bett ſy hetten beraitt, Vnd darvöber geprait Zway leylaͤch hart clain. Weygamur der ſchanden rain Gieng daran ligen; Die juncfrawen mit züchten nygen, Die kamerer fur jn knietten, Vnd jm ſein gewandt pietten Da er ſich angelayt, Dem wirt was beraitt Baide tyſch vnd eſſen. Die ritter vermeſſen Giengen zu kemnatten, Ir frawen ſy da pattenn, Ob ſy zu tiſch wolten gan, Aufſtund die fraw ſan, Mit züchten ſye fur jn gieng: Weygamur nu erſach hie, Das jm vor was vnkundt. Geſeczet wurden ſy zeſtund Mit gefallen jn gedienet ward, Die ſchenden tratten manig fart, Vnd ſy alle wurdent fro. Der wirt fraget aller erſt do Den knaben, wer er wär; Jn dauht ſein gepär Kintlißen vnd fremde; Rod vnd hemde

Was ſpäch geworcht von ſeyden güt; Es ſprach der herr wolgemüt: „Jungkherre gut, wie hayſſent jr, Sprach der wirt — nu ſagent mir, Von wanne ſeyt jr auß dem merr? Wer pracht euch dar?“ — „Jch enwaiß wer.“ „Wo wolt jr hin?“ — „Jch waiß nit war.“ „So beleybent hie?“ — „Jch entar.“ „Was jret euch?“ — „Mein ſelbs müt.“ — „Der trüeg euch nit.“ — „Zwar er entüt;“ — „Geyt jr zu potten her geſandt, Oder iſt euch yemannk hie bekannt, Oder wes begerdt ewr müt?“ Des antwurt jm mit güt Weygamur vber lanngk, Wan er was der ſynnen kranck: „Ain merweyb, hieß Leſpia, Die verſtal mich, ich enwaiſſe wa, Jn jr hole ſy mich trüg, Speyſe gab ſy mir genüg, Sy zog mich vnd ire zway kind, Das vns nie kain windt Noch froſt angewant, Noch kain regen verſchrannt; Alſo zoß ſy mich wol zwelf jar, Ain merwunder kam dar, Ir kinder es bayde erſchlüg, Geſund es mich von dan trüg, Das hat mich bißher gezogen Dicz gewandt vnd ainen pogen Gab es mir vnd weyſte mich Auß dem mer, da kam ich Zu ainer purg, die was verprant, Mein roß vnd ain eyſnyn gewant Gewan ich ainem da ſelbs an, Der mich ſtreyttes nit wolt erlan, Zu mir nam er ſein ker, Wan von der purg ſo rait er. Alſo ich diſen harnaſch han. Na fünd ich gern ainen man, Der da wär ſo tugenthaft Vnd mich ritter macht.“ Der wirt des vil ſer erlacht, Das er rette ſo kintſich Er ſprach: „Jch wil euch wärlich Herlich zu ritter machen, Vnd zu aller ſchlacht ſachen Wil ich euch beraitten wol, Als dan ain ritter haben ſol,

Des wiſſent die warhait, Roß, harnaſch, waffen vnd claid.“ Des morgens da die ſun erſchain, Da was aller verziehen kain, Der wirt auf dem hofe ſaß, Er wolt war laſſen das, Das er ſeinem gaſſte gehieß, Ain roß er do ziehen hieß, Das was hoh, ſtarck vnd roſfar; Er hieß auch ziehen dar Ain gezäumt pferd praun vnd güt; Ainen ſamat rot als ain plüt, Dauon hieß er im ſchneyden claid; Zwen ſättel, ain ſchilt was berait Gemacht von laſur; Manigen ſtain vil tuer, Die da ſchinen als ain feür ſa Von aller hand farb da, Lagen an dem ſattelbogen, Daran was auch nit erlogen Von gold die reihait; Ain wappenrock was auch perait Von ainem grüenen pfeller geſnitten. Alſo ward nach ritterlichen ſytten Weygamur ſein ſelbs man. Vor der purg hüberns an, Die ritter puhurten vnd ander ſpil; Da wart geſtochen hart vil. Der werde degen Wigamur Auf dem ring vmbfur, Recht ſam er tobt. Sein geuertt lobtt, Der wirt vnd ſein geſind gar, Vnd begund wol nemen war Vil ritterliche achte, Die Weygamur vbet, wie er mochte. Vnd flayſſe ſich ritterlicher ſytt; Alſo erwarb er ſchir damit, Das ſein nam ward erkfant Zu Dolier vber das landt. Da nu Weygamur ritter was, Da flayß er ſich deſter baß Auf preyß vnd auf ere; Er wolt auch ſelden mere Erdienen auf wirdikait; Er was allen den berait, Die ſeins dienſtes gerühtenn, Vnd es nah eren ſüchten, Vncz er die künſt gewan, Das er ritter was, als jm zam;

Darvmb ward er harte fro. An dem hoff was er do Ain manat vnd nicht mer. Fur den furſten her Gyeng er zuchticlichen ſtan; Er ſprach: „Gnad, herr, ſult jr han Vnd auch lon von got; Ich ſull ewrm gepot Ymer vndertän ſein. An mir iſt warden ſchein Ewr groſſe wirdigfait; Sol ich des ſweren ainen ayd, Do ward nie muter man geporn. Dye weyl ward nicht verlorn, Do ich hieher kertte, Als mich die ſelde lertte; Ich han gefunden ſelden rat. Genigen ſey ewr tatt. Erlaub ich nemen wil; Mir iſt geſait eren vil Zu Caridol von dem geſinde gut, Da ſtett nun vaſt hin mein mut.“ Der wirt da wirdigclichen ſprach: „Iſt euc kain vngemach Widerfarren jn diſem hauß Das jr ſo gacent darauß, Das wil ich nymer verclagen, Fur war wil ich euch ſagen, Erfundt ich die ſchuld, Der müeſte mein huld Vnſanffte gewinuenn, Wer en vertreibt von hinnen. Von Prutanie künig Artus Den zoch ich ſelber jn meinem hauß, Vncz er ward ſein ſelbs man, Als euch nun iſt gethan. Ich muß auch mit herreferten Sein land behütten vnd beherten; Das müſte im von ſchulde thün, Wan er iſt meins prüders ſünz Vnd magſt du wol an ſcham An meinem hoff ſein alſam, Vncz das dir werd erkannt, Wahin du kereſt jn dem landt. Nach eren ich dein pflegen wil Biß an meines todes zil.“ „Ich wayß es wol, ſprach Wigamür Das ich nymer hinfür Vnd kaine ſtat mer fündt, Da mich wirt vnd geſind.

Alleſampt ſo geleich ere. Das ich von hinnenn kere, Das macht, das ich bin vnbekannt, Wo ich far jn dem landt, Bey mannen vnd weyben; Nymer wil ich beleiben An kainer ſtat ſtett, Wie vil ich da hett, Dieweyl ich ſo vnbekannt bin. Ja iſt zwar mein ſyn Nicht geſtallt auf güt, Sunder iſt aller mein mütt Geſfallen an das zil, Das ich mit abenteur wil Meinen leyb verlieſen Vnd das leben verkieſſen Oder mein nam wird bekannt, Wo zu eren wirt gemannt, Vnd andern rittern genoſſlic; Das geclagt ward vil großlich Der wirt begund da ſelbs clagen. Ein ſwert hieß er für her tragen, Das was lauter, ſpiegelſar, Das gehülcz was von gold gar, Zu baiden egfen ſchnayd es ſer; Dicz gab der fürſte her Dem kindiſchen man; Er naygt jm ſchon vnd rait von dan, Nu was er geharnaſcht wol, Als ain ritter von recht weſen ſol, Vnd was geritten alſo, Als er wolt wünſchen do; Frölich rait er ſa In ain land genand Stolleputria, Dahin kam der junge ritter pald Geritten jn ainen groſſen wald, Da hort er lautte gleyen, Vogel weyen vnd ſchreyen Vff ainem paum, der was hoch. Sein roß er ain berg auf zoch; Da ſach er ainen adlar, Seinen kinden fürt er dar Speyſe da er ſy weſte Lygen jnn dem neſte, Do er ſy het gezogen. Da kam ain geyr geflogen, Vnd zuckt dem adlar der jungen ain, Vnd fürt es auf ainen hohen ſtain. Vil pald er es erzärtte Vnd fraß es vil härte;

Her wider flog er aber ſa, Nu was der adier da, Vnd ſach, das er das ander nam, Vnd erpayß vnd gram, Er hört laute glayen Vnd weelichen ſchreyen; Zu hand hüb er ſich dar. Nu begund der geyr vnd der ar Ainander peyſſen vnd grymmen; Gar weelic was jr ſtymens; Der geyr payß vnd ſchlüg, Des jm der adlar nit vertrüg, Er kraczt vnd gram; Das ſach der ritter alles an. Von dem geyr gyng ſo böſer ſmaſ, Das der adler für tod lag. Weygamur nit lenger payt, Seinen pogen hett er berait, Den geyr er zu tod ſchoß, Des ward des adlers fröd groß; Er zartt jn auff vnd gram, Seine kind er darauß nam, Vnd warff ſy ferr von dan.“ Schon flog er zu dem man, Vnd vil nahent zu im ſaß, Mit der geperd kund er tün das, Als er jm gnade ſagt, Das er jm geholffen hat. Vil pald der ritter von dan raitt; Der adler nit lenger paitt, Wo er rayt, dahin flog er, Er kerte hin oder her, Vncz ſy kamen in den wald, Do erſach der ritter pald Ain burg auf ainem berg; Dar rayt er zu der herwerg. Gutte handlung fand er da; Des morgens rayt er ſa Gen ainem wald, hieß Mygareth; Des adlers er vergeſſen het, Den weg wolt er ſein geritten; Der adler het ſein gepitten Vor der burg auff ainer linden prait; Da Wigamur dort zu rayt, Er flog jm alles neben Vnd habt ſich jm ewen, Wa er rait oder gie, So begabe er in nie, Er für alweg zu handt, Wa er ſein roß fandt,

Des hüt er alle nacht, Das im nichs geſchehen mot, Auch ſo ſchoß der ritter ſchir Vogel oder tier, So der adler eſſen wolt; Des er vil ſellten dolt Von hunger kain not, Er taylt ym mit das prott Vnd ander ſpeyß gar; Das verdient wol der adlar. Aines tages im da widerraygt Ein junckfraw ſchon vnd gemaydt; Ir clayd das was frömd, Ain guͦt ſeydin hemdt Het ſy zu vorderſt an, Clar, weyß als ain ſwan, Ain roſ pfellin, tryplatt, Gewordt in ainem cyklat, Vnd ainen gurtel wehin, Beſchlagen mit coſpern ſpangen eben; Das der rieme ſolte ſein, Das was ain port pritanein, Daran mit fugen waz geſchlagen Ain ring von gold wol ergraben, Gar ſubtil mit geſtain geziert, Vnd auch hofflig gefigurirt; Darobe fürt das megdelin Ainen mantel hermlin, Geſchnitten als der roſ was; Von ainem ſamat grön als ain graß Was das raydlachen. Sy was an allen ſachen Hübfch vnd hoffleych, Schöne vnd mynnecleych. Vff ainem maul, daz waz weyß, Ain ſatel gemacht mit vleyß Von golde vnd mit laſur, Ainen zaum vil tuer Von klarem gold rott, Mit ſeyden vnd perlein wol durchnätt Die zügel warn gemachet wol; Ain pfelle ſwarcz als ain kol Waz auf daz maul gepraittet, Alſo ward gelaittet Die junckfraw wol geporn Bayde hindin vnd forn Waz ſy myniklich genüg; Das maul ſy vil ſanft trüg. Eydes von dem ſynbein berg waz ſy gnant; Alſo rait ſy durcͦ die land.

Zu den zeytten waz der sytt, Das nyemant kainem weyb iht Tät, es vergunde dan gerne ir müt. Der ritter also wol behütt, Do er die junckfrawen sach, Er empfieng sy vnd sprach: „Wilkomen seyt, mein fraw, mir, Hie wa geruechent jr Zu sagen mir die mer, Wahin eür wil wär; Oder von wan kumpt ir geritten so?“ Die maget sprach: „Dez bin ich fro, Das dir, ritter, clagen soll Mein schwere, die ich doll, Wan ich han laider grosse mü, Nu süch ich hilf darzü In dem land, wo ich mag, Wan ez ist vil mangen tag, Daz mich bestund die arbait, Vnd daz mir manig layd Mein müem hat getann, Zu nemen mein erb, daz ich han Pracht ich an diser stünd, Vnd sy mit irem munnd Meiner muter daz ich verjach, Daz manig man hört vnd sach, Das sy land vnd burg sa, Leut vnd erbe da Mir ainander getaylt heten, Vnd mit ainander raitten, Auf ainander tätten verziehen sich, Solches mag sich gehelfen nicht, Ir rede sey so mangjallt, Vnd wil mir nemen mit gewalt Ain vil grosse linden schön, Die ist allzeit grün, Summer vnd auch winterzeyt, Als ferr als sy schatten geyt, Da felt weder reysf noch schneez, Darumb stand pluemen vnd clee, Die werden zu kainer zeyt fal; Da haben die vogel grossen schall, Vnd singen da wol mit preyß, Mit ganczem lust, mit grosser weyß. Bey der linden, das ist war, Dar entſpringt ain prun lauter vnd clar, Der eyßkalt, güt vnd rain, Vnd springet auß ainem staiz; Alle selde vnd auch güte Vß jm von natur plütte:

Wer in trinket drey stundt, Der ist allwegen gesundt, Die weyl vnd er hat den leyb, Er sey man oder weyb, Vnd ist ymmer jündlich, Starck vnd auch tugentlich, Als er scheint an der fryst, So er dreissig jar alt ist. Der selbig prun hat den sytt, Da ist er geteüret mit, Er schmeckt yglicem man, Als sein müt ist getan: Er ist weyn, so ainer weins gert, Wil er met, so ist er auch gewert; Dem aber stat sein danck, Dem ist er maras oder lauter tranck; Also wandelt er sych zu aller stund Ainem yglichen nach seinem mund, Als ich dir han gesayt. Den prunnen vnd die linden praik Hab ich gehabt zehen jar, Das icht vmb ain har Darin mir nymant widersass. Nun hat mein müm grossen haß Here zu mir gewunnen, Vnd wil mir den selben prunen Nemen durch irn gewalt, Nun ist mein sorg manigfallt, Wan es also gelobt ist, Das ich in ainer Furczen frist Mit kempfen komen soll Auf den hof zu Karidoll, Von heut vber newn tag, So sol ich enden die clag, Vnd ich vnd die mueme mein. Sollen mit kempfen berait sein, Bayde in ainem ring; Wem darin geling. Nun bin ich, herr, nit so weyß, Sprach die maget Eydeys — Das ich wayß, wohin ich keren müg Vmb ainen kempffer, der mir tüg, Der durch sein güte, Vnd durch sein ritterlich gemütte Für mich wolte fechten, Vnd mir nach dem rechten Helffe durch sein hohe ere, Der solte ymermere Von preyssen gefrünt sein, Vnd solte in dem land mein

Gepietten mit gewalt Über jung und über alt.“ Do sprach der ritter Wigamür, Mit dem der wilde adler für: „Eür müe vnd eür swere, Fraw, die ist vil clagpere, Nun bin ich layder ain man, Der euch nit geraten kan, Wan mir leüt vnd land Genczlich sind vnerkant; Es war dan, daz ir begert mein, So wolt ich eür kempffer sein, Vnd wolt durch eür huld Rechen eür schuld, Oder aber den tod erkiesen, Vnd auch den leyb verliessen.“ Der ritter sprach mit dem arn. — „Nun müß euch got bewarnn Durch sein miltikeit; — Sprach die fraw gemaydt — Seyt eür leyb ist so güt, Das ir durch eüren rainen müt Mir zu hilff wellent bestan, Des sültt jr ymmer lob han Von got vnd der welt preyß.“ Schön beweiset sich die maget Eydeys, Vnd fielle dem ritter an die füß; Sie sprach: „Nu müß Dir hie werden puß Aller deiner kumernüß Vnd auch angstlich sorgen. Nun sullen wir baide morgen Zu dem land Prittanye keren, Dar bring ich euch mit eren, Da sol mein clag nun nemen end Von der hilff ewer hend.“ Da der ritter wolgemüt Sach, das die frawe güt Sich im zu süssen pieten wolt, Vil ungern er das verdolt, Da es nu also ergye, Die junckfraw er richt enlie, Sie kam nie zu fall; Er sprach: „Ja fraw, ist eür fall Mir gar zu großleich, Ich bin euch ungeleych An ern vnd an güt; Ich sül euch mit dem müt Dienen vnd mit der getat; Auch, fraw, das ist mein rat,

Das wir nit lenger paytten; Wir süllen vns beraitten Dahin, da ich fechten sol.“ Das gefiel in bayden wol; Wider auf die roß sy sassen. Die junckfraw nit mocht lassen, Vor lieb sy wainen begund; Der ritter tröst sy zu stund, So er beste mocht, Vnd seinen züchten tocht. Also ritten sy mit güt Zu der frawen hermüt, Da warn sy uber nacht. Die fraw waz wol bedacht, Ireß kempfers sy vil schön pflegen hieß. Der adler auch nit enließ, Er wont seinem hern mit, Er gieng, er stünd oder rit, Baide, spat vnd auch frü. Weygamur der ward nu Von dem adler wol bekanntt Vnd anders nicht genannt, Wa er hin kam gevarenn, Wan der ritter mit dem aren. Eydeys die junckfraw gemaydt, Mit fleysse sye sich berait, Als sy aum zu hoffe solte faren, Sie mocht es lenger nit gesparen, Mit speyse vnd mit gereite. Fanſczig schöner megete, Von praunem scharlach gür Vnd von samat rot als ain plüt, Dauon warn ir klaider geschnitten; Die zelterpferd, die sy ritten, Die warn prawn, weyß vnd rot Vnd mit grossem vleyß gesatlott, Behangen wol mit schellen. Manigen falcken schnellen Fürten durch ir hübschait Tausent ritter gemaytt, Geclaidet vnd geritten wol, Was ain ritter haben sol, Des heten sy alles genüg; Der yeglicher antrüg Scharlachen fritſmal premmit, Zendal, tyrat vnd tymyt Waren ir waffenröck spech, Grün, weyß ond praun vil wech. Manig panier seydein, Geschnitten, als sy solten sein,

Furten die ritter gemaydt, Also hofflichen raytt Zu hoff Eydeys die maget, Als ich euch han gesaget. Weygamur vnd sein adlar Furn auch myt der schar Biß auf den hoff zu Caridol, Da wurden sy empfangen wol. Ritter vnd auch frawen Die mocht man da schawen, Vnd geporen züchtigcleich; Wan kunig Artus der reich Lebet zu allen zeytten so. Des andern morgens frü, Ee das man hette meß, Do kam mit grosser preß Afrosydones von jrm lant Campil Vnd mit jr gesindes vil. Die brachte ainen kempffer dar, Der rait zü vorderst an der schar, Der hieß Dyartorforgrant, Der was von Triasoltrifertrant, Ain ritter schon vnd starck, Wol ze preyß gyeng im sein marck, Seine claider warn geschnitten gar Auß ainem pfell von Patſchar, Gewaffent, als er wolt, Wenn er fechten solt. Von dem land Campil Afrosidenez, Die veraint sich des, Das man kainen zu Fempfen mocht han, Der dem vor mocht gestann, Vnd jr so wär gelungen, Das sy den prunnen Solt haben vngestrittenn. Als sy da kam geriten, Da was Eydes vor komen. Als der kunig het vernomen, Das sy bayde warn da, An das gericht saß er sa. Artus die mer so vernam, Als ich euch gesagt han, Warumb die frawen würen dar geriten, Die vmb den prunen da stritten, Vnd bayde jr red hetten gesayt Vnd jr kempfer warn beraitt Da hieß der kunig nach irer bayder bet Ainen ring machen an der stett, Da wurden die kempffer ein gestalt, Da schuff der kunig mit gewalt

Grießwertel vnd mayster darzü, Dye kempfer stunden bayde nü Mit zwayen guten degen, Gleych gethan, ewen Gewauffet zu widerstreyt; Yedwedern zwang der neyd, Ob der ander solt gesigen. Dem kunig sy bayde nygen, Vnd sprungen zu ainander da, Wan jn bayden was vil gach sa, Wie sy lob gewunnen, Wem die säld des wol gönnen, Sy warn bayde lobes wert, Inn erclungen offt dye schwert Von schlegen in den handen, Den kuenen weyganden Warn verhauen jre schilt, Grosser schleg warn sy milt; Ainer stach, der ander schlug, Des triben sy bayd do genüg So ainer drang, der ander sprang, So ainer hand, der ander wand. Des tryben sy an die stundt, Das jr kainer nicht enkundt Vor müede mer gestan. Sprach kunig Artus der vil werde man: „Wir sullen mit gütten dätingen Die junckfrawen darzu bringen, Das sy den kampf verberen, Vnd des gevolget weren, Das wir sy mit leyb vnd gut Machen aingemürt.“ Eydes die maget gemaydt Die sprach: „Des bin ich berait; Ich laß es gern vnderstan, Vnd solt es an meinen schaden gan, Ee der ritter tugenthaft Seines leybes werd schadhaft, Der da vecht an meiner stat.“ Afrosodanes da herfür trat, Der junckfraw müem, vnd sprach: „Was ich leüte heut gesach, Durch die alle laß ich es nit vnderstan, Der kampff muß fur sich gan, Oder ich wil haben gewunnen Den paum vnd auch den prunen.“ Da die hern vernamen das, Do patten sy nit furpaß. Der kunig ward vor zorn rot, Den grießwerteln er da gepot,

Das sy zusammen ließen Die kempffer, vnd sy hießen Streytten vnde fechten, Wan er wolt nach dem rechten Den kampff lassen enden, Vnd wolte nicht wennden, Wer das recht behalte da. Zusammen giengen sy aber sa, Die zwen ritter außerwelt; Diatorforgrant der küne held Bachte ainem leuen glich; Auch so versäumet sich Der ritter lüczel mit dem arm; Sye kunden bayde nit gesparn Die schilt, die sy trügen; Von den schlegen, die sy schlugen, Wurden sy der schilte ploß, Daß jr yedweder floß Mit plüt gemischt vnd mit swais Durch die ring in dem Kraiß. Die ritter alle jahen, Die den kampf sahen, Daß sy bayde fast stryten. Nun begunden sy aber pitten Die frawen gütlichen, Sy mynigclichen Den kampff ließen vnderstan, Vnd das sy die wartman Ließen schayden vnder jn. Eydes das magetin Het es gar gern getan, Da widerredt es aber san Afrosydones von lant Campill. Si sprach: „Zwar ich enwill Paum vnd prunnen haben mir.“ Der kunig sprach: „Nu lassen wir Die bette beleiben gar.“ Vnd des schlug mit kreften dar Diatorforgrant ainen neydschlag. Er sprach: „Wir haben allen disen tag Gar vergebens geschritten, Das sol nu werden vermidten; Ich han dein geschonet vil, Des ich nit mer tün wil.“ Do sprach ritter Wigamur, Mit deme der adler für: „Es sol hie werden schein An hilf der adler mein; Edolle es werden slecht, Wer vnder vns zwayen hab recht.“

Do schlugen die kampfgenoßen Mangen schlag grossen; Der stach, jener schlug, Das sy bayd teten genüg. Da schlug der ritter Wigamur, Mit dem der adler für, Den küenen Dyatorforgrant, Das ym das swert fur auß der hand, Vnd er zu der erden fiel für tod. Artus der kunig gepot Das sy den ritter nerten, Vnd das sy wol wertten. Do ward er also worden wundt, Das er nymer ward gesundt. Da fraget kunig Artus Ainer vr tail alſuß, Was recht wär darumb do; Da ertailet man zeſtundt so: Das Eydes die maget gemaidt Solte haben an layd Den paum vnd den prunen nu, Vnd das jr jr müem darzü Jr leüt vnd land geben solt Vnd hundert marck mit gold, „Vnd das jr damit wäre Vergolten sam vnd schwere; Das lag vil eben; Darnad solt sy geben Dem kempffer zwey hundert marck, Das waz ain wertt also starck, Dyses was geendet also; Eydes die magt wolte do Den selben paum, prunen vnd land Jrm kempfer geben in sein hand; Vnd was daz ir leüt rat, Wan er selber vnd sein tat Gefiele in allen geleich. Hart wol gezogenleich Er sprach: „Ich bin nit so reich, Noch so mächtig vnd gleych Gütes vnd eren, Das ich solte kerren Zu eüch, frawe groß; Wer ich halt ymmer so genoß, Vnd das ich wär bekannt. Eunjt han ich weder burg noch land, Das ich jr sey genoßen dan; Was ich jr gedient han, Damit sey jr genygen Vnd des mit jr huld verzigen;

Gnade hab mein fraw her, Dicz ſolk ich dienen ymmer mer. Zu lane wil ich haben das, Das ich ewr huld deſter baß Hab, wo ich hin kere; Lopes beger ich niht mere,“ Nu naygte ym die maget Eydes; Des hat er lob ere vnd preyß. Künig Artus kamen mer, Das nun ledig wer Ain kunigreich vnd ain land, Vnd das jm war gesandt, Das es leyhen solt Vnd geben, wem er wolt, Das landt hieß da Deleproſatz Manig fürst in darumb pat; Den, verſagt er es allen geleich, Wan er tatk wol hoffleich; Er hieß die kran dar tragen, Vnd hieße uberall sagen, Das ſy ſich beraitten darzu, Vnd des andern tags fru Alle waren gerecht; Er wär ritter oder knecht: Wer turnyrte allerbest da, Daß er die krane solte sa Haben vnd damit daz landt. Darzu berait sich zu hand Manig ritter stolcz. Bff ain plan vor ainem holcz Ward der turnyer gelayt, Den manig ritter gemaydt Süchte mit hohem mütt. Vnarc ain held vil güot, Ein herczog vil reych, Der was wol ritterleich Geziert vnd gewappnet wol, Costliches müttes was er volz Der reyt zum erſten auf den ring. Gen dem für ain jungling, Segremors von Roy); Do was erhaben der turnay. Miffrigall vnd ain Mynſebunt Kerte an der ſtund Mit ainem panier wol geſchnitten An den kam geritten Febrefluior von Tubys, Vagrofßicall von Portynys, Die ritten da von preyß wol, Als man zu turnay tun ſol,

Zehatfell, Feforon, Bnud Tryachta, Karfabalon, Die kemen vaſt gefarn. Der ritter mit dem arnn Der für als ain tocz; An ſeinem wappenrocz Hing manig fingerlin, Die warn alle guldin, Born an vnd hinden, Das nymant fund finden Kain ſtat, die da ler war; Es was alles behangen gar. Nun ſehent, wie gar lobenbäre, Als ob es ein kocze were, Recht dick von zotten, An ainem yeglichen knotten Ain fingerlin geſtecket; Alſo was es bedeket, Der wappenroͤck pfellin. Er keret her oder hin, So clang der rock von pfelle gar: Den het jm geſendet dar Eydes gemaget gemaydt; Wan ſy von ſeiner frümkait Den paume vnd auch den prunen Het widergewunnen. So rayt der tugentlich So reyt ritterlich Auff ainem roß, das was starck; Er stach den held Vnarc, Das er viel in den ring. Rurans der jüngling Vil hoffertigclich rayt, Er furt ain schilt prayt, Gta davon eyttel Baydenthalben manig schön troppel, Rot, prawn vnd gel Warent ſy gezimerirt, Da ward geturnyert, Wie künig Artus kome mitt Lanczilet vnd andern rittern. Artus vnd Lanczilet, Burſett vnd Gamoret, Die kerten in die biden; Mit manigen pliken Stachen ſie offt vmb ſich,

Manigen ritterlichen ſtych Tetten ſye da mit krefften Zu den ritterſchäfften. Phyoplerin von Aratäün, Auff ainem roß praün, Der fürt ein ſper in ſeiner hant; Dem hette ſein amey geſandt Bey tauſent marden ain cläinot, Das was, ain ſchappel von gold rot, Das färt er auf dem helm ſin, Bnud ain rot gulden fingerlin; Der kam vaſt gefarn An den ritter mit dem arnn; Sein ſper er an dem verſtach, Das er alles zerprach, Das vergalt er jm ritterleichen, Bnd ließ an jn ſtreichen, Bnd warff in vnder ſein roß. Ain ritter hieß Gletechleflors, Der was gezimyrt wol bewert, Als jm dy ſeld het beſchert, Was mit gold ſein indewe, Die het auch ain frawe Von Rappälynde dar geſand Den vieng der küen Weygant Weygamur mit dem arn. Da kam aber an in gefarn Tugat von Barbarie Auf ainem roß von Gyrie, Das was hoch vnd starck gnüg, Wan es jn vermeßlichen trüg Zwaymal über den ring; Do stach in der jüngling Mit dem arn, Weygamur, Das er von dem roß für Vil nahet aines schafftes prayt. Do kam ain ritter gemaydt Geuarn von Dudel Auf ainem roß starck vnd schnel. Sein schilt was zu loben, Vmb vnd vmb vil ewen Lag edels geſtaines vil, Als ich eu nun ſagen wil: Der ſchilt was gemachet güt Von gold vnd von tradenplüt Gancz all umb den rantz; In der mytt was ain helffant Erhaben von edelm geſtain, Der was au vil rain, Bnud darzü von gymme.

Die riemen darjnne Das was ain gulden port, Mit vleyß wol geworckt; Sein halſperg güter ringe waz, Sein helm lauter als ain glaß, Bnd auch von stahel hört; Das gehülcz an ſeinem ſwert Was geſchlagen von gold rot; Sein eyßnyn hoſen warn güt; Sein wappenrock was ſchön, Rot, gel vnd grün Was gemalet ſein ſper; Auf dem helm fürt er Von roſen ain zymerrol; Joryol von Mofetyol Des was gewarnet gar, Bnd was auch komen dar Dur abenteur willen, Die zwen geſellen Wollten nyemant daz ſparn, Biß der ritter mit dem arn Dar kam, der stach ain nider. Weder ee noch ſyder Kome auf kainen turnay Kain ritter, der enzway Stach als manig ſchafft. Auf den turnay rayt Maniger ritter gemaydt In vil ritterlicher acht, Den nyemant enmocht Nicht geprechen, wen er Man hort da nicht mer, Wan: kera her! kera her! Bring ſper! raich mir Auch vil güter ſel zwir! Bnuczt der künig ſend dar. Die ritterſchafft hieß er laſſen. Die degen da ſaſſen Von den roſſen, in daz palas, Sye ſchütten ab den harnaſch, Bnd legten wider an die clayd. Artus der künig gemaydt Hieß ſy alle für jn komen: „Ihr habt alle wol vernomenn, Was ih gelobet han, Das ſol ich war lan: Wer den peſten preyß bejagt hat

Mit ritterlicher tat, Der solle dise kron Darumb haben zu lon Und auch daz künigreich. Nun sprechent alle gleich, Wen des ir welt jehen. Ich han heut gesehen Manig klainat wol gethän Vil ritterlicher lobesän.‘

Sye schwiegen alle gleich, Weygamur der tugentreich Sprach da unverporgen: „Der ritter, der gestern morgen In dem ring strayt, Dem het die küngin gmaydt Ascoſydones, für die er facht, Berait an der nacht Seinen tisch von reicher kost, Darin hat er heut gerieten wol, Ich sag, als ich sweren sol, Das er der beste ritter was, Der heut ye auf roß gesaß,“ Da sprach Piolplerin: „Wan ich sein gefangen pin, So wil ich der warheyt jehen, Es entorst nie kain man gesehen Ain ritter also tugenthafft, Der hat manliche kraft.“ Do sprach der künig Bnard, „Ich gäb darumb tausent mard, Das mir hie zu Karidol Wer gelungen als wol; Des mag er sein wol gemayt. Do sprach Salmurte berait: „Ich verjeh, daz er hat den preyß.“ Sam sprach der ritter Porteneys, Eregg und Lanczilet, Byworans und Gamurek, Kay und Pagrofitall; Darnach die ritter überall Sprachen myt ainer stym, Das Weygamur der jungling Wär seiner manheit. Jrer gnüg was es layd,

Das sein lob so groß was; Wan ye was neyd und haß; Doch belayb jm der preyse gar. Der kunig hieß in pringen dar Und empfing jn vil schon; Er hiesse dar tragen die kron, Die het er verdient do. Weygamur pat er also; Bernempt, wie der künig sprach, Do er den ritter ersach: „Herr, jr mügt gern leben Das eu die sald hat geben Als grosse wirdigkeit, Die hie hat got an euch gelait, Wan ewr lobe ist so groß, Das nyndert ewr genoß Ist gewesen zu Caridoll, Wan jr beharent hand wol, Das jr lobper statz Jr sullent haben ane spot. Es ward durch euch her gesandt nu; Wes payttent jr? nu greiffent zů, Und richtent recht Dem hern als dem knecht, Dem arm als dem reychen.“ Do sprach gezogenleichen Der ritter mit dem arn: „Herr, jr sůlt baß erfarn An den rittern, wer ich sey, Mein ist gespottet hiepey; Mein lob ist layder zu krank, Der künig tratt auf ain pank, Biß das er sy alle übersach, Gürlich er aber sprach: „Nu jehent, jr edeln ritter, Besant zu der tafel her, Wem jr die kron vnd daz land Ertaylt mit recht zu hant.“ Nyntyn von Mantalkein „Ich nyme es auf die treive mein, Das ich hie nymant han gesehen, Kainen ritter, dem ich wöl jehen, Der so ritterlich vnd so preyßlich strayt.“ Do sprachen alle ritter nach in warhait: „Mit wirdikeit sol er tragen dy kron.“ Des antwurt der hochgeborn riter schon, „Der oft genant Wigamur, Damit der adler für: „War ich, als ich gerůchent jehen, So wär mir hart wol geschehen

An ern vnd an frumkait; Jst das nit, daz ist mir layd. Gern ich daz tůn sol, Das jr mir sprechent also wol. Wie möcht ich ains lancz wert sin? Ich enwayß, wer ich bin. Neme ich das künigreich nů, Villeicht kem es darzů, So dy hern in den landen Mein geburt nit erkanten, Sye hetten mich schwechleich, Und begunden mein reich Wider rauben und heren, Und ich mich dan solt weren, So het ich ungemach vnd kumer; Wan ich dan dauon entrunne, So het ich schaden vnd schant. Zu Frone vnd zu land Han ich weder fründ noch gůt. Dauon sol ich meinen můt Zu den dingen laytten, Das ich müg erbaytten, Biß ich wirt erkannet. Künigreich vnd land Wär mir vil zů grösslich; Wan ich bin darzů genůßlich, Das ich mit dienst sey gerecht, Es sey ritter oder knecht, Was man an mich suchet, Das ich sein mit züchten rüchet.“ Artus der kunig lobesam Sprach, als seinem hoff gezam, Zu dem ritter also gůt: „Herr ir habt ainen můt, Der dunkt mich wunderleich Das ir der jungen frawen reich Euch weret zu weyb, Die an gůt vnd an leyb Ainen künig wol vermag, Vnd habent allen disen tag Euch des künigreichs gewert. Auch ist euch groß beschert, Ob ir das volgent gern, Vnd liests eu aygen můt wernn.“ Da sprach aber mit güte, Mit wol befachtem můte, Der ritter mit dem adlar: „Hab ich daran nit missefar, Oder wider ewr huld getan, Das sůlt ir, herre, farn lan

Vnd der rede begeben gar. Ich sol an ewr schar Euch sein ymmer mer, Wa ich hin ker. Kůngreich vnd land War nit wol zu mir gewant: Mit diensten sol ich berait sein, Wer darzů gerůchet mein.“ Der künig künigclichen tet, Er hieß dem ritter an der stet Ain roß pringen, daz waz gůt; Wan er durch seinen hohen můt Wolte reitten stechen, Das er mocht zerprehen Andern rittern daz zil; Der stund da hart vil. Da man das roß herfür zoc, Das was so starck vnd so hoch, Daz ander ritter jahen, Daz sy nie gesahen Kain roß so zirlich. Da sprach der ritter tugentlich: „Nempt hin, adler ritter, gůt, Durch ewren ritterlichen můt, Das roß sullent jr reyten, Das ist zu bayden seyten Zu den sparn wol gewachsen. Belßomors von Engelandt Das roß mir sandt Bber see von seinem land, Das ist starck vnd lauffet wol. Auch so sullent jr zu Caridol Beleiben etlich frist; Wes ewr mund gerůchet ist, Das sult jr finden an mir. Jnn disem hoff, gerůchet ir, Sůlt jr auch haben, wez ir gert; Wan jr mich dez dünkent wert.“ Artus auch seiner worte geschwaig, Weygamur im züchtigcleichen naig, Dem künig vnd sprach also: „Herr, er mag wol wesen fro, Der eu icht gedinen mag; Gern gelebt ich den tag, Das ich verdienen möcht Mit dienst, ob ich darzů döcht, Die ere also manigfalt, Die mir jung vnd allt In ewrm hoff erpoten han.

Modchtent irs haben getan Alles übergüldet wol. Das geſind hie zu Caridol Hat der ern alſo vil, Das ich das wol jehen wil, Das ich ewren genoßen ſach nie. Ich wil gern beleyben hie, Seyt mich ewer gnad tüt ſolchs pitten. Ir habt mit gütlichem ſytten Ewer lob wol gepraiſtet; Mich hat her gelaytet Evre miltiſeyt groß; Wan ich ewrn genoß Nye kainen fand, Gyd ich erfennt hann daz land. Ich han hie gesehen vil, Das ich ymmer jehen wil, Euch preysen die weyl ich han daz leben. Daz roß, das ir mir habt geben, Darumb ich euch dienen wil ſein Mit dem ritterlich vermügen mein.“ Da Eydes, dy maget gemaydt, ſach, Das Weygamur da verſprach Wayde, kron vnd landt, Auffſtund ſy zu handt, Die künigin vrlaub patt; Künig Artus gütlichen gen jr tratt, Er ſprach: „Fraw, beleybent noch, Nun habt jr ewr ere doch Hie behabt vnd ewr land Mit des ritters hanndt, Den jr pracht mit eüch her, Mit ſwert vnd mit ſper Groſſen preyß bejaget hie, Das ir jn geſachet nie, „Des habt jr ymmer mere Bayde, frum vnd ere. Ir mügent hie gern ſchawen Mit andern frawenn Kürczweyl manig ſchlacht, Die wir in güter acht Bůben, alte tag täglich; Wan manig abenteür riß In diſem hoff wirt geſaytt.“ Do ſpracß dy fraw gemaydt, Eydes dy künigin: „Das ſol an ewrn gnaden ſin,- Das ich mit ewrm rat gefar.“ Dem künig hieß ſy tragen dar Ain gezelt, waz gemachet wol,

Dauon ich euch nu ſagen ſol: Im was oben der hüte Gefüllet wol von ſeyden güt, Daran waz wol außgenomen, Als jr offt habt vernomen, Wie Troy ward zerfürt; Es waz auch wol geſchnyert Mit ſaylen güt ſeydin, Ain port von Pritanyn, Fieng allumb die wynden, Forn vnd auch hinden Was es gemacht ſpäch Manig reb wech Lag allvmb darann; Es mochten wol zwayhundert man Syczen dacvnnder Es was michel wunder Auſſen vnd jnnen daran, Zwölff camer wolgetan Warent auch darjnne. Es gab die künigine Eydes dem kunig lobefann; Vrlaub nam ſy vnd ſchied von dan, Der ritter mit dem adlar Da raytt mit jr auff daz feld, Der künig ſchawet das gezelt, Das jm geben het die magt. Als die mer wurden geſagt, Das Weygamur mit der frawen rayt, Das waz dem künig laydt, Darumb wann er gedacht in ſeinem mör, Das jm jcht die maget güt Von ſeinem hoff empfrempte; Sein hercz ſich da ſenkte. Sein roß hieß er im ziehen dar, Er wolt reytten nach der ſchar. Da warent aber die ritter da, Die da zu der dauelrundt waren ſa, Mit der frawen geritten uß, Als der kunig Artus In das feld geritten was, Bnyud der ritter Parilas, Da komen die ritter überall, Vor freoden da hetten ſy groſſen ſchall. Mit jr rayt da Wigamur, Der adler alles mit jm für. Als ſye da der künig geſach, Gar hofflich er zu jr ſprach, Lieblichen er ſy vmbfie;

Nun volget jr nie Geſinde als tugentleich. Artus der künig reyſt In das feld da habte, Den ritter Balban er da patte, Vnd ſprach: „Balban, lieber geſelle mein, Laſſe dir wol beuolhen ſein Den ritter, der mit dem arn fert.“ Nun waren ſy komen in den wertt, Das was grün vnd von plümen gel; Da erpayſten dye ritter ſchnell Bey ainem füllen prunnen; In was hayß von der ſunnen, Sy ſtrichen den ſchwayß von den augen do; Mit züchten warn ſy alle fro. „Auch ſpracen die ritter ſtolcz: „Wir ſüllen vor dyſem fürholcz Ligen durch der plumen geſmad, Von heut vber den dritten tagk, Vnd durch der klainen fogel geſang. Do ſprach künig Artus: „Über lanng Ich wil vor dyſem waldt, Das hören jung vnd alt, Ain hochzeit machen, Vnd wil hie vier wüchen Weſen, mit frolichem ſytten, Vnd her laden vnd pitten Frawen vnd ritter ſtoltz An dyſes grünne fürholcz, Mit züchten ſchön vnd wol, Als daz geſind leben ſol; Dicz wiſſent alle geleych, Vnd beraittent eüch ritterleich Von heüt vber zehen tag.“ Nu merckent aber, was ich ſag Potten vnd garßun er do ſandte Bber all in die landt. Er hieß mit fleyß laden dar Vil manige ritterliche ſchar, Frawen vnd auch herren Nachent vnd auß ferren Wurden die mer geſaytt; Das gepot Artus der künig gemaidet. Da die hochzeit ward, Die wägen detten manig fart, Die ſpeyſe vnd wein trügen. Die gezelde ſy auſſchlügen In ainen anger für den wald, Da floß ain prunen lautter vnd kalt, Auch ſungen wol zu preyße

Die vogel auf dem reyſſe Da waz kürczweyl groß, Das nyemant da verdroß. Do was manig ritter ſchnell, Delmitten vnd Rabel, Vnd der herczog von Gryrczin, Die hetten da mit jm Ritter bey acht hundert. In dem wald geſundert Was gemacht daz geſtüll Bey ainem brunen küel. Do waz Artus der künig Vnd ander vil frünig Von vnkunden lannden, Wan ſy wol bekantten Des künigs reychen mür, Wan er gab daz güt, Als es wär vnraine; Es was gar gemaine, Als ferr dy burgherren jehenn. Man mot an ſeinem hoff ſehen, Mit züchten, groſſe miltikeit, Des waz jm vil beraitt, Vil manig ritterlicher degen; Sy lieſſen das nit vnderwegen, Was er gepott oder patt; Er het geſindes an der ſtatt, Da die hochzeit was, Als ich an der abenteuer laß, Zwölff hundert ritter gemaydt, Der kainer des vermaydt, Sye litten nach wirdigkeit pey im; Auf güttes gewin, Was jr müt nit geſtalt. Ains tags da die ritter pald Vor dem künig alle ſaſſen, Truncken vnd aſſen, Vnd dy künigin mynycleych Vnd manig fraw zuchtreich Sy hetten zucht ane neyd: Nu kam auf den hoff weytt Ain juncfraw dort her geritten; Schön empfangen ward ſy mit adellich ſyten. Der künig vnd dye künigin Hieſen ſy wilkomen ſin; Alſo tet alles, das da was. Die juncfraw fügt ſich in daz graß. Vernement, wie die maget gemaydt Auff ainem weyſſen maul raitt, Das gieng ſanft vnd pald,

Das gesind jn dem wald Begund sy alles shawen, Wan sy so getoner frawen Warn zu Prikania ungewon; Au namen sy wunder davon. Die schön maget fremde Tie het ain claines hemde, Von scyden gespunnen weyß, An sy gepreyßet mit fleyß; Darob furt daz megetin Ainen rock getaylt pfellin, Das was ain samat grün Mit praytten leysten schön; Vnderhalb was der gar Als die rosen gefar, Ain vil teürer cyclatt, Wan daran was die natt Von grossen perlin gerigen; Vnnden vmb sach man ligen Manig pild von gold, Daz der saum wesen solt. Sye trüg ain fürspang teür, Daz was in dem feür Von golde geleittert wol, Darin pran als ein kol Vil manig edel gestaine; An jrn bayden armen schain Zwen spangen guldin, Da was auch gelegt in Manig spehes werk; Es wordt ain wilde zwerg, Der listig Pranczopil. Ain gürtel spech vil Was gegürtet vmb jrn leyb. Baide, man vnd auch weyb Die den gürtel sahen, Alle die dez jahen, Das sy kostlichen nie Gesachen in jrn tagen hie. Der sattel, der auf dem maul lag, Der schain als der tag Von golde vnd von helfenpain Vnd auch von mangem edeln gestain. Das geraide, daz daran was, Daz waz grüner dan daz graß, Von ainem sammat grün, Der ander tayl rot als ain plüt, Vnd waz ain rotter syclatt, Daruff von golde manig nat. Die junfraw erpaißet zu hant

Von dem maul, jn jrm gewant, An mantel vnd an überclaid, Als sy auch da rayt. Enmitten jn dem gezeld palas, Do der künig ob dem tische saß, Vnd die ritter alle da, Die zu der taffelrundt gehorent sa, Die fürsten nämen jr alle war, Sy kunden sy nie geschawen gar; Ir mund pran recht als der rubein, Gar schön waz daz megetein; Sy wundert alle, wer sy wär, Die vil seldenper, Sehent, wie ritterlich sy was! Manig hercz fro von jr gesas, Maniger wunscht: vnd wer sy mein, Daz wolt got vnd solt es sein, Welcher solt schneyden daz prot, Dem waz zü sehen als nott, Das er schnaid in die handt, Das er sein nicht empfandt. Wer da solt trinden, Der ließ es auch nyder sincken, Das er sich ob dem tisch begoß: Sy wurden alle synloß. Do gieng dy junkfraw zü handt, Do sy den künig syczen fandt; Fur den tisch sy do stünd, Rot alls ain roß waz jr mund, Vnd liechter dan ain gymm; Sye naygt der künigin, Sye sprach: „Dienſt vnd holden. grüß Die künigin von Holdraflüß, Mein fraw, euch sagen lat, Das sy an dise statt, Durch ewren willen da, Herkumen wil ye sa, Reytten vnd sehen hie; Wan sy hort sagen ye, Das zücht vnd myltikeit, Ere vnd hübscheit Wer bey eu unverporgen. Nun sult jr baide morgen Warten meiner frawen, G) wil vil-gern schawen Euch vnd ewr gesynde, Ob sy dahie finde, Das sy von euch vernomen hat.“ Die junkfraw da patt Die kunigin beleyben da.

Des antwurt jm aber sa Die maget, die da gestanden waz: „Bey dem brunnen zu Sinfroylas Wil mein fraw heint sein, Darumb muß ich eylen wider hein.“ Sie naiget sich vnd kerte wider; Weder ee noch syder Ward nie geschaffen baß. Da das gesinde het gaß, Da hub sich fröd vnd tancz In aller frölicheit gancz, Alles daz gesinde stolcz Auf ainer wisen vor dem holcz. Als der ander morgen schain, Die ritter wurden dez in ain, Die von der tauelrunden, Das sy ritten zu stunden Gen der künigin von Holdrafluß, Also hüben sy sich uß Gen dem prunen Gynfroylassen, Da funden sy auf der strassen, Die edeln frawen Ysope Mit jrm hoffgesinde. Sy waren alle wol bechlaidt; Die junkfraw selber raytt Ain zelttent pferd für, Das waz rot als ain plüt, Mit langer män gewundenn, Darauff waz gepunden Ain sattel, gemacht füg vnd clain, Der was auch von helfenpein Erlegt gar maysterlichen wol, Ein samat swarcz als ain kol, Was darüber gezogen; Zwischen dem satelbogen Saß die magetk gesfüg; Zaum vnd fürbug Was von golde reich; Alles gar kayserleich Rait Ysope die maget, Als die abenteür vns saget, Das Saloman der weyse man Wär der frawen adler an. Auch furt die maget rrich Vierczehen maget herleich; Sy fürren seyden gewant, Von golde reiche harbant Furten sy da alle, So gar mit reichem schalle, Zway hundert ritter gemailt,

Der kainer daz vermaidt, Sye ritten all nach hohem preyß. Gabwein der ritter weiß Mit den rittern sy empfie. Nun was der adler hie, Vnd flog aber dem heren sein Das was ain groß wunder, Das die tauelrunder Erputen jr alle grosse er, Nu sach die maget her, Das Weygamur tugendreich was, Sy erkandt von jrn synnen das, Das er was von gepurd hoch; Ir pferd sy da zoc[h] Mit dem zaum daz sy rait, Sy fraget den ritter gemaydt, Von welchem land er wär; Mit manger hant mer Die fraw Ysope das vernam, Biß das sy nu kam, Da mit freuden was der künig; Artus vnd auch die ritter frünig Empfingen mit grosser wirdigkeit Die edeln frawen Ysope gmaydt; Sam tätt er jr gesind gar; Die künigin mit jr schar Gen den junkfrawen. Hie mocht man wol schawen, Münde rott rosen gleich, Lichte augen erleic[h], Mynigcliche kynne; Also gieng die küniginne Der stolczen von Holdrafluß; Darnach vil junkfrawen süß Furt sy, irm gesynnde, Ir weyße hende linde; Ainander sy vmbfiengen, Darnach sy zu tisch giengen; Da ward jn gedient wol, Als man ainer künigin dienen sol. Mit fröden warn sy da Bey dem künig sa. Die künigin von Holdrafluß Ritten wolte haim zu hůß; Da gieng sy für den künig her, Sie claget jm layd vnd schwer, Sie sprach: „Herr ich muß euch sagen Vnd meinen großen kumer clagen, Wan der künig von Sarczein

Hat die vngenade ſein Vaſt gekert auf mich, Wan er hat vermeſſen ſich, Er welle zu Holdrafluß Mich ſuchen in meinem huß, Vnd wirbet zu raiſe, Nu bin ich herr ain wayſe, Vnd der hilff gancz entweret; Er hat mir erſterbet Manig man dahaym; Auch mein öheim Hat er burg vnd landt Gar beraubet vnd verbrannt; Vnd ich auch nie getet wider ſein huld; Anders hab ich kain ſchuld, Wan daz ich ſein nit wil zu man, Nu wil er mir zwingen an, Das ich werd ſein weyb. Ee wil ich mein leyb Imer Frenden ſin; Wan ich bin nit ain haydnyn, Als er iſt ain hayden Es zeme nicht vns bayden. Ich wol ee man verſprechen Vnd mir laſſen prechen Mein hoff vnd auch burgen Vnd rauben mein erbe, Vnd wolt ee verlieſen mein leyb, Ee ich würd ſein weyb. Nun bin ich her gerittenn, Vnd wölt euch gern pitten, Auch dise ritter außerwelt, Wan in preiß iſt gezelt, Das dy durch jr güte Vnd. jr ritterlich gemütte Mir zu hilff wolen ſten, Wan ich hör jehen Tugent von der ritterſchafft, Das mich des hayden Kraft Nicht vertreyb von dem land.“ Das het mein herr ſchand“ Sprach Gaban der ritter ſchnel, Der milt herczog von Duczel, Der gab der frawen gutten troſt, Er ſprach: „Ir werd wol erloſt, Seyt jr hilffe ſächent hie.“ Nu fiel die maget auf die knie, Für die tafelrunder, Sy ſprach: „Land euch beſunder Alle erparmen durch got

Mein groſſe ſchwere ane ſpot.“ Artus der kunig reich Antwurt jr gütleich, Er ſprach: „Fraw, gehabt euch wol, Wan eüch zu hilff kumen ſol Mein geſinde vnd auch mein ſelbz hannt. Kompt der hayden in ewr land, Er muß es mit ſhanden raumen,“ Nu wolt ſich nit lenger ſaumen Von Holdrafluß die künigein, Sye nam vrlaub vnd rait haim Wider in ir land zu huß; Sy danckt dem künig Artus, Vnd bat ſy all beſunder, Die ritter von der tafelrunder, Auch den ritter mit dem arnn, Das er wolt mit jn farn. Der ſtolcze Weygamur ſprach: „Fraw, ewr vngemach Iſt mir layd, daz wiſſent furwarz Ich wil komen dar Mit des küniges ſamnung; Reich, arm, alt vnd jung Sollent euch alles hayles pitten Mit hofflichem ſytten.“ Die fraw da von dan ſchyed Gen dem haydniſchen dieht Wolt ſy ſchaffen ir were. Sie ferten auf bey dem mere Zu ainer ſtat die hieß Narbiart, Die was für frayſe wolbewart. Artus der lieſe werden ſchein, Was er gehieß der fünigein; Seiner ſamnung er pot, Nu kam manig held güt Zu ainem prunnen auf ain wiſen prayt: Dar kam Salmurte berait Der herczog von Zwäge Mit ainer ſchönen menge; Ym was zu der rayſe ger, Nun pracht ſein neff Diether Mangen gewappenten man. Artus der künig lobeſan, Der furt bayde, jung vnd allt, Was zu der tafelrund gezalt, Die ritter warent erwelt gar. Nun empfalch der kunig ſeiner ſchar Bnargk vnd Balban Vnd der held Weygamur

Die wurden zu potten für Gesandt, vnd gefraget der mer, Wa die statt wer, Da die hayden solten ſein, Mit den ſy solten ſtreyttein. Nu was der künig Saraczein, Marroch was der nam ſein, Geritten mit ſeiner ſchar Fur ain ſtatt, hieß Podogar, Die lag bey dem mer Vnd het krefftig wer Von turn vnd tieffen graben; Da hetten ſich die hayden für erhaben Manig gezelt wäch, Daran vil manig werck ſpech; Sy hetten bedecket das feld Mit manigem ſchönen gezelt, Das ſy nymant mocht überſehen. Sy ritten vmb die ſtatt ſpehen, Wa ſy mochten geſtürmen daran. Nun warent auch die wartkmann, Die künig Artur het geſent, Zu der ſelben ſtat gewentt, Da die hayden lagent bey; Nu ſahent die ritter all drey, Bnargk, Balban vnd Wigamur, Das die hayden hetten für Geſendet auch wartman; Do ſprach der ritter Balban: „Dicz mügen auch wol wartman ſin; Nu ſullen wir reyten gen jn, Vnd fragen ſy von dem her, Ob ſy mügen kain wer Wider vns gehaben.“ Dicz was hinder einem graben, Der vmb die ſtatt gemachet waz. Ain hayden, hieß Grymuras, Der was des künigs brüderſun, Turbart vnd Draſbarun, Die hetten manliche craft Vnd warent troſt der haydenſchafft; Sy waren fürſten alle drey, Kün vnd jres mütes frey: Die kamen geritten durch preiſſes wan Auff den ritter Balban Vnd zu ſeinen geſellen zwain. Da ſprach der hayden ain: „Von wem kumbt jr alſo gerittenn?“ „Da haben wir ewr hie gepitenn Sprach Balban der ritter pald

Wir reytenn vom dem wald, Vnd wolten fragen mer, Aber das hör dort wer, Das ſo gwaltigclich fert Vnd daz landt gar verhert; Das iſt ain vnpärmig diet, Vnd wil durch got laſſen nit.“ Do ſprach der hayden Grymuras: „Wolt gern wiſſen das? Das iſt der künig von Saraczain, Der wolt diſe künigein Yſopey die ſchönen magt, Ich enwaiß, ob es eüch iſt geſagt, Genomen haben zü ainem weyb; An reichtum, güt vnd an leyb Iſt er wol ir genoſſen; So verſchmecht ſye den künig ſo groſſen, Groß, mächtig von Marroch; Darumb hat er ſy zu haſſen noch, Vnd wil an jr rechen; Ir purg wil er zeprechen, Ir fürſten wil er fahen Vnd jr volk hayen; Er ſelber wil er vertreyben gar: Darumb hat er dieſe prayde ſchar Auff jrn ſchaden geladen her; Das er nicht was ſein ger, Das wil er nun bezwingen Mit böſen, ubeln dingen.“ Bnargk ſprach mit ſchönen ſytten: „Nun ſind wir auch daher geritten Durch der künigin ſold, Vnd haben empfangen jr gold, Vnd haben jr hilff gelobt. Ich wän, jr habt daran getobt, Das Marroch ewr herr Iſt geritten ſo ferr Auff der künigin ſchaden; Ir auſſent vaſt werden geladen Die ſach auf ewren rugken; Auch wirt ze ſchmal die brucken, Die jr wider ſolt reytten. Ir muſſent hie erpeytten Der künigin, waiß got. Nu wert eüch wol, daz iſt euch not, Vnd ſtreyttent vmb daz weyb. Er! iſt werlich jr leyb Zu groſſem ſchaden geporn; Ir habt gut vnd er verlornn.“ Turbart der hayden ſprach:

„„Euch müßt vnſer vngemach Mer, dan vns ſelber türz; Was jr nu wölt, das tüt darzů Wir ſind durch clag nit komen her; Wolt ir tioſtyeren, ſo naygt dy ſper. Oder wölt jr ſtreyden, So müſent jr näher reyttenn.“ Da rannten ſy zu einander dah; In was bayden zu einander gach« Mit dem arn Weygamur Vnd Grymuras zuſamen fürz; Ritterlich ſy ſtachen, Das jr ſper bayde zebrachen; Von den roſſen ſy do ſprungen, Wider zu einander ſy trungen; Ir kainer was jn zagheitz; Schmal wurden jr ſchilt prayt, Die ſy bayde trügen; Die ſchleg, die ſy da ſchlügen, Die waren ſtarck vnd groß, Weygamur des genoß, Das er was der kreft ſo ſtarck. Der hayden liſtig vnd karck Der ward des ſchir gewar, Er wolt fliehen gen der ſchar, Er begund von jm lauffen dan; Weygamur der ſchnel mann Der begrayff den held gut, Er trugk in, das jm das plüt Zu den oren außran. Do ſprach der haidniſch mann: „Laſſe ſten, tegen treülich, Vnd laß lenger leben mich Ich beüt dir mein ſicherheyt.“ Weygamur was des gemaydt. Vnd er des hett der ritter bald Balban gezwungen mit gewalt Draſbraun den heyden. Bnargk was geſchayden Von dem dritten, als ich wil ſagen, Er het jn durch den helm geſchlagen Ain wunden in das haubt, Der kreft was er beraubt: Alſo was er geſchayden, Nu patten die hayden, Das man ſy ließ geneſen; Der ritter ſprach: „Es mag wol weſen, Wolt ir laiſten, des wir begern, Des wir nicht wollen enpernn, Ich antwurt euch alle drey

Der kunigin Iſopey, Von Beldrafluß der künigin, Ir gefangen ſult jr ſin; Dicz ſol weſen morgen.“ Des lebten ſye mit ſorgenn, Ir ſicherhait ſy gaben daran, Vnd lyeſſen ſy auch alle farnn, Vnd ſchyeden ſich dabey. Die kuüenen ritter drey Ritten frölich von dan. Die zwen hayden huben ſan Auf das roß den dritten; Sein wunden warn weyt geſchnyten; Mit waſſer ſy jn labten Vnd jn vnder den armen habtenn Alſo fürten ſy in von dem feld Vnder jre haydniſche gezelt, Da ſy dan zu felde lagen. Die andern begunden fragenn, Was jn geſchehen wäre, Sy wolten wiſſen die mere Reht, als in geſchehen was; Wan alle hayden clagten das; Do ſprach der hayden Turbar: „Ich ſag euch furwar, Der vns hat her pracht, Der hat des teuffels gedacht; Wan hat Yſopey die kunigin her Goſcher ritter mer, So ſynd wir ubel gefaren Sy kunden vns nit geſparen. Kain ſchilt iſt ſo hert, Sy hauen in mit dem ſchwert, Recht, als er faul ſey; Auch ſo merckent dabey, Das vnſer hilff iſt ab Wir müſſen vns an dem tag Antwurten Yſopey der künigin, Wan wir ir gefangen ſyn.“ Da dy kunigin des innen ward, Das der hayden mit ſeiner herfart In ir land was geritten, Sy ſelber pat vnd hieß pitten, Was fürſten warn in irm land, Die ſy da vil wol erkannt, Das ſy an got gedächten, Vnd ir hilff brüchten, Sunſt lebt ſy mit ſorgen Die nacht vncz an den morgen Wan ſy het nit vernomen,

Das ir hilff was komen, Von Prytanie der künig Vnd manig ritter frünig, Als der ander morgen erſchain, Grymuras ward des ain, Draſbraun vnd Turbart, Das ſy wolten auf die fart, Des ſy jr treü hetten geben, Damit ſy friſten jr leben. Sye legten an ir peſtes chlayd, Ain hohes roß ir yeglicher rait; Sy ritten gen der burg tor, Da die hayden lagen for. Sy fragten gen dem palas, Da dy künigin auf ſas, Sy batten ſy weyſen fur dy maget Das ward in nit verſaget. Da enpfieng ſy alle drey Dye künigin Yſopey. Sy wontten, ſy waren geſendet dar; Da ſprach der hayden Turbar: „Fraw, wir ſein geritten her An ſwert vnd an ſper, Vnd ſullen ewr gefangen ſein.“ „Wauon?“ Sprach die kunigein. Da ſprach der hayden bald: „Es rayten auß dem wald Des abencz ſpatt drey mann, Auff ſtarcken roſſen wol getann, Vnd mit dem ainen furwar Flog ain rechter adlar, Die bezwungen vns mit ſwerten, Das wir gnade begerten. Den muſt wir vnſer treüw geben, Das ſy vns lieſen leben, Das wir vns antwurten her: Alſo ſye wir komenn an wer, Frawe, zu den gnaden dein.“ Da ſprach Yſopey die künigein: „Ich verſtand an dyſen meren Das ſy endet mein ſweren, Von dem adler ich daz wayß; Künig Artus wil ſein geheyß Laiſten, als er mir gelobet hat; Nun ſol mein werden güt rat!“ Der hayden ſy hieß pflegen wol, Als man gefangen tün ſol. Jn der ſelben weyl Da kam mit eyl Ain ritter, der hieß Selrogier

Er ſprach: „Fraw, es empeüt dir Seinen dinſt künig Artus, mein herr, Er iſt durch deinen willen ſo ferr Geritten, durch den wald ſo fren, Vnd manig ritter wolgetän „Volgen ſeinem panier: Nu ſolt du ſenden ſchir Potten, die jn leren, Wo er hin ſol keren.“ Do ſprach die fcawe gemaidt „Des bin ich ſelber berayt, Das ich in her weyß,“ Die ſtolcz maget berait ir gewannt; Die pferd pracht man zu hant; Da rait die maget zu ainem kor, Da die hayden lagen vor, Wan die ſtat ſo michel was, Das nymant weder holcz noch gras Geweren kunde, Wie ubel man in gunde. Hie kam die ſchon maget Mit zway hundert rittern vnuerzaget, Da Artus der künig gemaydt Mitt ſeinem geſindt rayt; Mit freüden hieß ſy die künigin Alle gotwilkomen ſin, Den künig vnd daz her gar, Sy zaiget mit dem vinger dar, Da die heyden lagen dort; Sy ſprach: „Gy haben mir ermort Manigen man in diſem landt. „Das gelten ſy mir mit ſchandt, Sprach Ere fyly roys Lac Geleben wir den morgen tagk.“ Yſopey die künigin kert wider heim Den kunig ſy zu herberg ließ Den herfannen man aufſtyeß; Man gabe jn volle ſpeyſe, Artus der künige weyſe Sand dem kunig von Saraczein Ainen brief bey dem botten ſein, Vnd tät das durch den liſt, Das er gern wiſt, Welich ſein ſtat mocht ſein Alſo ſprach der brieff fein „Artus Prittan Artaras Furbein Der empeüt Marroch Tuffran von Earaczain, Was ain sumerliechter tag

An ainer nacht gehaben mag. Du hast erwelt dir ainen namen, Den du haben mußt mit schamen, Das du dich kunig nennest, Vnd dabey nit erkennest, Das ain kunig dez solt geren, Das in das recht mag geweren, Es sol ain man mytt mynnen Ain frawen lieb gewinnen. Das du nu hie erfechten wild, Das ist doch zu hoch gezilt, Vnd zwischen vns aufgesezt, Das yedwerders lieb lezt Wan du bist ain hayden Vnd bist damit geschayden, Als wol vnd wee; Du tettest wider dein ee, Mynnest du ain Cristen weyb, So hettest du deinen leyb Nach vnwiczen getrachtet, Du mochtest nit haben geachtet, Dauon dir schanden mer Die rainen magt von Belrafluß: Darumb sey dir widerſagt mein gruß.” Marroch do er den brieff gelas Artus er volgen was, Zu dem potten sprach er do: „Deines herren Artus dro Sind mir großen laid Mein her ist alſo prayt, Das ich wol rich meinen zoren Dise magt muß sein verloren, Des hilfft ir kain Artus, Ich wil hie burg vnd hus Alles sampt zerstören. Die botschafft laß hören Artus vnd die seinen all, Wie jn das gefall.“ Dise antwurt bracht Der pot wider doz Ey warent baydenthalb so, Vor der statt vnd darjnnen Doch het die künigine Bayde, sorg vnd schwer. Alſo, das der nacht nicht mer Vnd der tag begünnde scheinen, Künig Artus der gepot den seinen, Das sy zu streytten warn berayt gar.

Er het geachtet sein schar; Sein fanen für er da stet, Gaudynes sun, Gameret. Da warff man auf die burgdor; Die hayden beraiten sich davor, Als sy wolten streyten; Sye wolten nit lenger peyten. Der hayden fanen furt Driopaz, Der was gewaltig ze Felundagas; Die hayden hetten groß kraft; Auch waz dise ritterschafft Genczlichen außerwelt; Sy heetent manigen held Baydenthalben in der schar, Da hie nu adlar. Die, dy das panier fürten, Vast auf einander rürttenn, Die aber nach in.ritten, Baydenthalb vil kaum erpitten, Das sy zusamen sollten; Jedweder wolten An dem andern lob erstrytten han, Das was baydenthalben jr wan. Sere strayt der hayden her, Man hört da nit andre mer, Wan prechen sper vnd clingen swert, Wen Eregg er rayt, der ward gewert, Auch her Walbany wider vnd fur, Vnd der kün ritter Wigamur, Der rait wol nach preyse gar In der hayden schar. Der stolcz ritter Araclium Vnd der ritter Plyoperum, Die zwen ritter gemayde Tetten den hayden groß laid. Der schnelle degen Buargk Der rayt ain roß, daz waz starck, Der sach vor jm reyten Ainen hayden sere streytton, Das waz Fraor: van Absan; Mit einer lanczen kert er in an, Vnd stach in kreftigchlich darnider; Schnell sprang er wider Auff vnd sprang an jn; Er tet da wol schin, Das er was ain degen bald; Er schlug schleg ungezalt, Er schlug vnder im daz roß; Wan der held Eegremors, So muß Buargk gefangen sin.

Ain hayden, der hieß Offratin, Der was herczog zu Rutar, Der kam geritten in die schar, Do Artus der kunig rayt Mit ainem schwert, daz waz prayt, Den kunig er auf den helm schlug, Das jm ran daz plüt Auff seinen wappenrock senydinn; Jn het erschlagen Offratin, Wan der held mit dem aren, Der kam mit krefften gefaren, Dem kunig halff er, daz er genas. Was der hayden da was, Der kam kainer von dan; Da geschach groß wunder an, Wan die von der tafelrunden Schlugen solch wunden, Von den man ynmer sagen mag. Recht vmb ainen mitten tag Marroch der hayden kam gefaren An den ritter mit dem aren. Marroch der kunig von der haiden land Furt ain sper in seiner hannd Mit ainem panyer grün; Wygamur der kün, Das man seyder nie Hörte sagen von kainem ritter, Der ye gestrytten het baß: Darzu begrayf sy der haß; Sy waren bayd so starck, Darzu bayde so karck, Dar ir yedweder macht Komen in die acht, Das ainer dem andern schadet icht. Der hayden sprach: „Ez ist entwicht.“ Er wolt an jm bejagen preyß; Da waz Wigamur so weyß, Er fieng in bey dem zaum, Er kerte vnd zoch in dann; Alſo ward er gefangen Da waz der streyt ergangen. Die hayden wurden gefangen vnd syglos. Marroch der kunig da verloß Seines heres auß der maß, Mar feld vnd auch dy straß Was von blüt worden tot; Der hayden was gelegen tod, Das jr was anzalhaft. Kunig Artus vnd sein ritterschafft Ritten frolichen ein.

Marroch der künig von Saraczein Antwurt sich dem ritter Wigamur, Mit dem auch der adlar für. Der künigin von Baldrafluß Da was irer sorgen worden püs, Die sy durch keuscheyt laid. Dise abent eür vns saydt, Das der kunig von der hayden land Der frawen sezcet große pfandt, Das er jr gelten solt Iren schaden, als sy wolt, Vnd das sy ane not Furbaß vor im beleib biß an iren tod; Vnd müßte auch darzü sein selbs land Empfachen auß kunig Artus hand, Vnd müßte darzu zinse stanz Damit ward er verlan. Alſo fur er wider über mer; Vil clain waz warn sein her, Vnd was an eren warn kran: Des haben die stolczen ritter danck, Die von der dauelrunder, Die belyben vast besunder. Weygamurs lob was groß, Do was nyndert sein genoß, Da er den künig alſo gefieng. Yſopey zu ratte gyeng, Was ere sy im erpieten wölt, Weygamur dem werden held. Jch leütte retten da mit jr: „Ach fraw hetten wir Ainen herren so manleich, So war wir aller selden reich Wan er ist der schonest man, Der das leben je gewan. Wölt euch, fraw, daz gezemen, Das ir den ritter wolt nemen, So wurd vnser aller ratz, Wan ir seyt von seiner tatt Von sorgen worden frey.“ Do sprach dye fraw Yſopey: „Ewr rat war güt, Ob im auch wär alſo ze mut, Das er wolt haben gemach; Jch wayß wol, das er versprach Ain kunigin vnd jr landt, Die auch von seiner handt Irn prunnen wider gewan Vnd ain linden zu Abfan, Das was die maget Eydeys.

Mir auch worden zu weys, Das er mit der ritterſchafft erwarbe, Do Nodengat der kunig ſtarbe, Sein kron vnd ſein gewalt: Dar wider redt der ritter alſo pald; Das tet er durch ſeinen reychen müt. Het ich daz land oder daz güt, Darumb er hie wolt beſtan, Ich neme in gern zu man: Nun er des müttez nicht enhat, So wirt ſein doch vil güt rat.

Yſopey dy maget clar Gabe Artus, das iſt war, Ain kron von golde reidy, Geworcht vil Fayſerleich Von geſtain, von berlein weyß, Es lag daran groſſer fleyß. Dem ritter Weygamur Dem hyeß ſy zihen ain ſchönez roß fur, Das was ſchwarcz vnd gür, Vnd ains was rot als ain plüt, Die bayde nit beſſer mochten ſein. Zwen wappearöck ſeydein, Der ain was rok, der ander ſwarcz, Die warn geworcht von Graarcz, Das gab ſy dem ritter mit dem aren;z Sye kund vor eren nit geſparen, Sy gad jn allen beſunder, Den von der dauelrunder, Gold ſylber vnd ſchöne roß. Sy gabe dem ritter Segremors Ain ſchapel, das ſelbe was Geſandt von Natrifalas Es was von gold wol ergraben, Vnd manig fogel wol erhaben, Vnd auch manig tierlein clain, Vil edelgeſtain Des lag gar vil darinn, Sunſt gabe die künigin Mie willigem mütt. Artus der kunig gür Dolt nu zu landt farn. Der ritter mit dem arn Wolt auch reytten furbaßz; Er gyeng da der künig ſaß

Vnd die künigin fraw Yſope, Mit jm geſynde; Do ſprach der ritter tugenthafft, Das hört alle ritterſchaft: „Artus, der kunige her, Du haſt dein er An mir biß her behaltenn Got müß dein ymer walten, Erlaub ich nu geren wil; Ich han vncz an mein todes zil Dir ymer danden ſin, Ich far her oder hin; Das haſt du wol verſchuld vmb mich.“ Do ſprach der kunig lobes rich: „Nain, du ritter gemaydt, Das war mir ynecliſchen layd, Wan jr ſind hohes lobes wert; Ewr haud vnd ewr ſchwert Haben eucſ hohen preys bejaget.“ Do ſprac Yſopey dy maget: „Herr, ir habt an mir getan, Das jr ymmer ſolt han Von edeln frawen allen lön; Hektor vnd Demefrön Mochten eucſ niht geleichen; Ir ſeyt werleihen Vor valſche frey vnd tugenthafft.“ Do ſprach alle die ritterſchafft, Das es alſo war wärz, Vnd was jn allen gar ſchwär, Das er von danen kert, Künig Artus der gert Vnd bat aber den ritter mit dem aren, Das er wolt wider faren Mit ym gen Caridol, Er wolt in ymmer haben wol, Seinem prüder geleid. Do ſprach der ritter tugenſeid) Des adlers herre: „Ich bin nahent vnd ferre Allenthalben vnbekant, Wo ich kere jnn das lanndt. Ich wil ymmer farent ſein, Das aud der nam mein Vnder andern rittern werd gezalt.“ Erlaub nam der held pald Von Yſopey der künigin ſa Vnd von allem hoffgeſind da. Miet zehen knappen er danen rayt, Artus der kunig gemaydt

Zu land rayt mit gütem müt, Vnd alles ſein geſinde güt, Der küne ritter Wigamur Mit ſeinen zehen knechten für, Der pflag er mit güter ſytte; Sein adlar flog alles mitte. Er kam geritten jn ain landt, Das was genennet Deleferant, Jn ain ſtat, hieß Leydiſar, Das land was verwüſtet gar Von vrleuges vnd krieges frayßen Sy waren gute wayſen; Das lannd was in ſtreytte Gar vor manger zeytte, Es was wider ſtreyt verprannt, Zwen künig dacz ſelbig landt: Das was Atroclas, Rerat ſein künigreicß was; Das ander was Paltryoth Von Lentrye der künig gür, Von dem Weygamur was geboren; Wan jn het verloren, Als vns die abenteur gycht, Wan wunders vil geſchicht. Weygamur vnd ſein adlar Waren komen zu Lydaſar, Vnd waren die nacht da. Seinen wirt fraget er ſa, Von wellicher hand ſwer Das land alſo verderbet wer. Da ſprach der wirt mit jamers not: „Die was ain kunig hieß Amolot, Her iſt verfarenn ane erwen, Als wir müßen ſterben. Nu ſtreytten vmb das reich Zwen künig geleich; Attroclas von Rerat Der hat bezwungen dyſe ſtatt; Der künig von Lendrie Hat ander ſtet dreye, Die zu dyſem land auch gezelt ſind, Ain graff, hayſſet Negrafindt, Dem hat der kunig von Rerat Beuolhen dyſe haubtſtat.“ Weygamur ſpracſ aber do: „Haben ſy yſt recht darzü, Die vmb dycz ſtreydten, Das ſy damit nit peyten, Vnd ließen es bayde an ain recht? Mir recht wurd es ſchlecht.“

Da ſprach der wirt aber mer: „Die zwen kunig her Die haben gleich recht darzü, Als ich eucſ noch ſagen tüe: Mein herr der kunig Amilos, Des reichheit was alſo groß, Das er kauffet daz landt Von ainem künig, der hieß Pannt, Der was auch ain erbe werden, Dreyſſig ſämer fürdten Wurden mit geladen, Was ſy mochten tragen, Die gabe er vmb daz reich, Vnd het es gewaltigcleich Alle ſein lebtagen; Hie ſült ir mercken, waz ich euſ hie ſagen, Das er es nymant gab; Alſo ward er gepracht in ſein grab. Nun was der kunig von Rerakt, Dem nun diſe ſtatt, Meines. hern eheim, Das iſt zweyfel kain, Der gycht erbe auf daz landt; Auch iſt mein herr wol erkant, Das Paldryoth der künig herr Was meins hern vetter, Vnd ſpricht auff die erbſtatt.“ Do ſprach der ritter tugenthaft Wigamur zu dem wirte ſein: „Als mich laytten die ſynne mein, Ir bayder recht iſt glei gancz.“ Ain herczog von Troyforlancz Kam da geritten in die ſtat, Der wolt dem künig von Rerar Pringen die hylffe ſein Mit ritterlicher gylffe ſchein Naydt er frolicſ durcſ die landt; Volle ſpeyß vnd gut gewandt Hette er vnd die ſeinen, Von werd vnd von weynen Warn ſein ſamer geladen allz, Er het groſſen herſchall. Des nachtes kamen ſy dar, Vnd belyben da mit jrer ſchar. Da nu Weygamur het daz vernomen, Das der herczog was dar komen, Vnd wie ſein wil was geſtalt, Nun kert der ritter paldt Mit ym auff die ſtraſſen Er eranck oder ſye aſſen

Go het er zu gesellen; Er sac wol das er erwellen Het jn armes mūt. Ain wasser, hayßet Agreſtrūt, Da sy darüber solten farn, Da verloß der ritter mit dem arn Ainen knaben, der im ertrank; Des habe der herczog danck, Das er ym gab zwen ander wider, Mit froden kerten sy da syder, Bnucz sy kamen gen Rerat, Do was des küniges haubtstatt, Bnud lag zu tal bey dem mer. Atroclas der kunig her Den herczogen wol empfing. Weygamur herfür gieng; Als in der kunig anesach Miniclich er zu im sprach, Das er wilkomen wer. Er merwet sein geper Bnd sein schone außerwelt; Er sprach: „Herr, ir sind gezelt Zu der selbigen schare; Ewr leyb der ist gare In gottes gütte, Macet mid) senftes gemüte. Wol der mütter, die üch geparz Als clain als vmb ain har Hat ewr leyb wandel kain; Ewr müt mag wol wesen rain. Der reiche künig Atroclas, Do im zu hause komen was Der herczog vnd sein her, Do sand er poten uber mer Dem kunig Patryoth Von Lentrye, er im pot, Er wolt daz nit lenger sparen, Er wolt mit herre faren Zu Lendrie in sein land, Vnud wolt rauben mitsampt dem prant Bnuden vnd oben darjnen Seiner burg zinen. Wolte er ayderprechen, Bnd wolt an jm rechen Paide laster vnd layd. Des was der pot zu hant berait, Der im solte daz tün kund, Er für an der selben stünd Gen dem kunig Paltryoth, Der sagt jm, was er im enpot,

Paltryoth der kunig sprach, Do er den potten anesach Bnd vernam auch die mer: „Mir ist die botschafft nit swer, Die botschafft deines herren; Sye entmag mir nit geweren; Kompe dein herr in mein land, Ich sol im pussen zu hand; Wo er mein purg türk finden, Er sol sy nit pald überwinden.“ Der pot sprach: „Er tüt, Er hat so manlich ritter güt; Der herczog von Troyswarlancz Der fürt ein schar gancz, Die scheinen gar eysnyn; Graff Mubur von Laseyn, Der furt, daran ist zweyfel nicht, Zwayhundert halſperg lieht; Der herczog von Grymel Fört manigen ritter schnell: Mein herr hat heres vil, Das er süht, ob er wil, Zu Lentrye mit gewalt; Er hat so mangen ritter pald.“ Der pot nu von dannen schied Nu saumet sich nit Der künig von Lentrye, Dynstman vnd freye In eylen er besande; Die fürsten von dem lande Pat er jm zu hilff komen. Do sy all hetten vernomen, Das der künig Atroclas Zu Lentrye komen was Mit seinem her also prait: Nu was auch kunig Paltryoth bereit Mit seiner samnunge, Allte vnd junge, Die zu streytte kochten Bnud an dem leyb vermochten, Er wär ritter oder kneht, Der wär gut zum swert recht, Die het er gesammet all, Bnd für mit grossem schall Zu ainem wasser, hayßet man Gerat, Do der künig von Rerat Genhalb lage bey. Nun warren reicher kunig drey Kommen Paltryoth zu hilff,

Das was der künig von Jrrlannt, Agrasyn von Euefandt, Von Spannyr Nationey, Die hetten grosser schar drey, Die alle watn zu harnasch. Manig stolzer ritter da was, Wolgewappent vnd gezymeryrt, Von gold vnd von samat geparirt Waren ir wappenröck gü. O, wie grosser ubermüt Baydenthalben da was! Paltryoth vnd Atroclas Die hetten auch bayde hilfe gros. – Der künig Amilos, Nu ist der zweyfel kain, Dein vetter vnd dein öheim Die wellent streytten vmb daz landt; Das wär wol erwandt, Wenn du noch hettest dein leben; Du kü(n)st wol nach eren geben. – Der künig von Lentrye Bnud sein helffer dreye Die trosten da vil vast Die werden ritterschafft, Ainen herfanen berayten, Den pat der künig laitten Ainen ritter, der hieß Daphyr, Der waz geporn von Nagrahyr, Der was der ritterschafft pald, Bnud het bayder hand gwald: Wes jn die recht hand verzeicht, Die lingk im daz verleyht. Dem enpfalch der künig Paltryoth Seinen herfanen rot, Das er daz her weyset damit, Bnd vor seiner schar ritt, Als man mit ainem her reitten sol Vnd mit feinden streyten wol. Also ward gefürt die schar, Ain geprest jn da war; Sy waren gewappent vnd dy orß. Ain ritter, der hieß Delemorß, Der ward zu wartman gesandt Auf ainen pühel, da er fandt Ainen ritter pald, der hieß Zeyhatat, Des künigs wardtman von Rerat. Da die wartman bayde Auff die schönen hayde Zu ainander waren komen, Bnud ydweder het vernomen

Des andern mere, Bnd wer sein herr were, Da sprach der ritter Zyhatat: „Es hat der kunig von Rerat Vff deinen hern grossen haß, Bnud ist herkomen vmb das, Das er jm sein land erstören wil. Er hat heres hart vil Auf seinen schaden her pracht.“ „Dat er aber des nit gedacht, – Sprach Delymors der weygant – Bnd vicht, wer hab das landt, Ob got des gerüchet, Er findet, das er suchet; Wan es hat der künig Paltryoth Mangen ritter also gür Gezogen jn seinen landt, Die auch wol an schandt Rytters amp hand getragen: Die müssent mit jrm schaden Bnd mit schanden von hynnen faren. Nun süllen wir nit lenger sparen, Wir lassen dy here reyttenn Zusamen vnd streytten.“ Ytweder dem andern empotf, Das sein sicherheit, Das er dem andern kain laydt Tät in dem streyt. Nu was es an der zeyt, Da der liechte morgen was, Da ward nit lenger gespart daz, Die dy panyr führten, Ey, wie die ritter sich rürten Auf verdeckten rossen schnell! Die hetten margn gugeryl Bnd manger handt gezymer. Ain ritter, hieß Gemyelder, Der kam vnder dem fan gefarnn; Der ritter mit dem arn Er pracht mit im sein praffe; Da hüb sich die ritterschafft. Mit dem arn Weygamur Auf ainem guten roß für Vor dem fanen vnd vor der schar; Er was wol gewappent gar; Ritterlichen er stach Sein sper, das es zerprach. Also tet der ritter gewaltig

Sy vertatten baider zymier gar Nach werdem preyß vor der schar. Nu kam dort her geritten Nach ritterlichem syten Wol gezieret bayde her, Sy hetten zu streytte gancze ger; Ire schafft waren schir enzway. Yar und Miray, Der kamen mit der ersten schar Mit ainem roß, das was gar Weyß als ain hermlein gethan, Sein harnasch den furt er an, Der was weyß als der schnee; Sein schleg dy tetten wee, Do er durch die schar bra. Als das künig Paltryoth ersach, Da er so großen schaden tet, Er kert daz roß da ze stett, Er stac den ritter Ylar, Das er lag all dar Mit plüt gar berunnen. „Ich han gewunnen — Sprach er — ainen friden mit dir: Du mußt ymer lassen mir Landt vnd leüt an not; Du warest weyß, nu bist da rot.“ Weygamur jnn dem streyt Schlug wunden groß vnd weyt, Manigen ritter darnider; Das geraw jn aber syder. Roy lag von Panlannder, Und manig ritter ander Eylten vast auf das wal, Da wurden prayt schilt shamal, Manig helm verschrotten; Es enmochten vor den toten An die erden getretten dy roß; Die erd da jr varb verloß, Von dem plüt ward sy rott, Wan es lag manger ritter todt. Paltryoth der rüfft sein ritter vast an, Er sprach: „Das ich ye gwan, Das ward von euch nie gespart, Als eü hilff not ward, Das ich selber icht dienen sol; Nun gedenkent, held wol, Das jr ye warent werd, Und rürent all eivr swert Vast jn den handen, Das wir an den schanden

Heut nit beleyben Wir süllen onßrn weyben Den preyß wider pringen.“ „Nu müß vns wol gelingen,“ Sprach der werd Caradin, Ain fürst stolcz von Lindin. Atroclas vnd sein her Waren vast mit wer, Und gedacht yendert an die flücht; Da lag manger an der sücht, Dem da spottes puß ward. Es was ain übel herfart; Wan die von Lendrye Machten mange wittwe Und ledig von mangem lehen, Die mynsten zehen Clagten lüczel yemant da. Die geste begunden sa Mit ainer schar dringen zü; Weygamur rayt aber nu Mit dem panyr wider ein; Er drang mangen jn pein, Und schendet mangem sein aygen plüt. Ein ritter also güt, Wes schlegst du deines vaters man? Du dußt jm layd daran; Du begineß es hernach clagen, So du selber hast den schaden, Also weret der streyt Frü biß an die vesperzeit. Da musten sy zu baider seyden Von einander reitten, Wan sy des tages hetten nit mer, Sy waren müde vnd swer, Und was in baiden rüe not, Da lag manig ritter todt, Der vil clagber was, Das er aber nit genas, Da was yymant schuldig an, Wan das in tages zerran. Die ainen nacht gaben sy fryd, Es was gelobet bey det wyd, Das in prat kain man, Es solt jm an den leyb gan. Alßo belieben die her baide Auf der rotten hayde. Die fürsten alle besuzder Ritten vil darunder; Sy versüchten an mangen enden, Ob sy wolten erwenden.

Der kunig der strayk auf des herez tod; Gy sprachen, es wär ain michel not, Das durch zwayer man zorn Die here solten sein verlorn, Sy wurden des zu rät, Und plyben daran stät, Das die kunig nemen solten Zu kempffen, wen sy wolten: Welches kempfer stryte pas, Das der het ane haß Baide, leüt vnd lannd Des schwuren sy aid vnd gaben pfannd, Da sprach offenbar, Ich sag euch fur bar, Atroclas von Rerat: „Wer fechten wil an meiner stat, Dem wil ich geben zu lone Mein tochter also schone, Und das selb landt darzü, Und meiner besten burg zwü In dem land zu Rerat.“ Her Müelat da herfür tratt, Ain margraue von Raurzatel, Ain ritter weyß vnd snel, Der sprach: „Er mag gerne leben, Wem got die seld hat geben, Das er die kraft an jm wayß, Der mag gern streyten jn dem krayß.“ Der herczog von Troyßwerlancz Der sprach: „Ich gyb euch mein rat gancz, Dem volgent, herr, der ist güt: Ain ritter bald vnd wolgemüt Der ist mit mir her gefarn, Der haißet Weygamur mit dem arn, Der ist zu ritterschafft ain held, Zu ganczen tugenden außerwelt, Der mag wol sein von guter art, Mit dem seyt jr wol bewart, Wölt er ewr kempfer sein; Das nym ich auf die trewe mein; Wan er hat ains leven müt, Und ist euch nymant darzu so güt.“ Attroclas gieng zu hand, Da er den selben ritter fand Der het er also gewan; Er sprach: „Ey, tugenthafter man, An dir ist vil ern schein, Wan vnser tochterlein Hat dir selden vil geben; Selde prüfft dein leben,

Und eret dich maniger weyß; Dir ist beschert hoher preyß, Des genüße ich gern, mocht es gesein, Woltestu durch den willen mein An dysem kampfe verweßen mich: Eret got also dich, Das du erwurbest des siges kronn, So geb ich dir zu lon, Burg, stet vnd landt, Und was du selbst nannt, Und auch ain schones megethein, Die vil liebe tochter mein, Die mynigclichen Dulsessür.“ Do sprach der ritter Weygamur: „Ewr bette han ich vernomen wol, Des ich gern euch geweren sol, Seyt ich aller leute grus Mit dienst[e] erkempfen muß, So sol ich darzu sein berait; Es ist doch lüczel leuten layd, Ob ich darumb tod gelig. Ist aber, das ich gesyg, Das mir von got die selde geschicht, So beger ich doch kains lones nicht; Wan stet, burg, leüt vnd lande Wern an mir nit wol gewant, Auch bin ich laider nit so frumm, Das ich eü genosßen kunn, Und mich ewr tochter zu ainem mann, Euch wil ich preyßen wan, Mit freuden disen kampf bestan.“ — „Das sol vns mit Got zu hail ergan, — Sprach der kunig von Rerat — Ich sol euch an meines kindes state Habenn ymmer mere; Kain fürst ward mer so here, Ir mocht wol gewesen jr genoß, Wan ir seyt aller vnkat ploß.“ Der kunig von Lentrye Bat fursten vnd freüe, Und auch diensteman, Mit jm zu ainer sprach gan. Er sprach zu jn also, Der kunig von Lendrio: „Disen kampff gelobet hat Nun es ist mein geding, Das ich in dem ring Villeicht jn selbs bestan, So müß es mir zu hayl gan.

Bnd wil es dan die gottes Prafft So e-wenden schadhafft.” „Gelt hon, — Gunderlach, Bon dem rotten turn sprach, — Dicz wär euch laſter gethan; Herr, ich bin ewr man, Mag es mit ewrn hulden sein, Ich wil mit dem leyb mein Vechten an ewrer ſtatt.” Des ſelben manig ritter bat. Do ſprach der kunig Baldrioth: „Ir bittent mich ane noft, Wan wir vnſer trächten Ich wil ſelber fehtenn.” Als die nacht verfaren was, Do rait der künig Atroclas Bnd der herr von Lendrie, Ane alle ir geſinde Zu ainander mit fride; Der was beſtettigt bey der wide; Sy erpraiſten auf der hayde rott, Da gieng künig Paldrioth. Da ſprach alſo drat Atroclos von Reratt: „Wir ſind komen alſo her, Bnd iſt das von meiner wer Bnd des künigs von Lendrie komen, Ob ich recht han vernommen, Das zwen kempfer ſchüllen ſchaiden Den ſtreyt vnder vns bayden, Das ſol hie haben ende; Wem got das hayl ſende, Der ſol haben leut vnd landt, Bnd gepieten ze Deloyrlandt.” Da ſprach der kunig Paldrioth: „Das ſelb landt, wil es gott, Das ſol zu recht weſen mein.” „Das ſol heüt werden ſchein.” Sprach der kunig Atroclas, Alſo do das gelobet was, Das ward vnder in bayden Vaſtgeueſtet mit ayden. Ain ring ward gemachet ſo; Auch wurden beſtellet do Zu grießwartel fier man. Kunig Paldrioth gieng an Mit ſeinem ſchilt in den ring. Weygamar der jungling Het wol beraitet ſich. Paldrioth ſprach: „Ich,

Ich vorder den kunig von Reratt, Wan er mit gewalt hat Sich hat meins landes vnderwunden; Das wil ich an disen stunden Auf seinem leyb beherten Mit kolben vnd mit ſwerten.” Mit dem arn Weygamur Manlich trat da herfür, Bnd sprach: „Ich bin hie an dez küniges ſtat, Wan er mich zü kempffer hat Erkorn vnd wil kieſen; Er wil mit mir verlieſen Heüt, oder gewinnen.” Do ſprach mit güten ſynnen Paldrioth der kunig reich: „Es iſt nicht pilleich, Das ain künig vecht Mit des anderen knecht: Ich vorder den kunig von Reratt Gen mir zu kempffen an die ſtat.” Do ſprachen die fürſten überall: „Er ſol von recht haben die wal.” Es wär vnder in bayden Mit worten alſo beſchayden, Das ſy baide mochten kempfer nemen; Wöll ir ainem aber gezemen, Der möchte ſelber kempffer ſin. Dicz tryben ſy her vnd hin. Do ſprach der künig Paldrioth: „Nu müß ſein heüt pflegen gotz Ich wil doch wiſſen, das iſt recht, Seyd jr ritter oder knecht? Bnd wil auch wiſſen dabey, Weder ſeyt jr aygen oder frey? Ob ewr ſchlag gen mir ſtee? Das jr das ſagent ee.” Weygamur was die red laydt, Nicht lenger er do paydt, Seinen helm er äbpandt, Den ſchilt legt er von der hant, In den ring enmitten ſtund, Ab dem haube tätt er ſchnür, Sein roß hieß er im pringen ſchir, Vil bald er darauf geſaß. Die ritter merckent alle das, Groß wunder ſy nam, Was er wolt began. Do ſprach der tugentleich „Nun hört, arm vnd reich,

Hie ſtet der künig von Lendrie, Der fragt, wer ich ſeye; Das iſt mir layder vnfundt; Ich wil euch aber hie zu ſtunde Sagen, ſo ich fere wayß, Bnd horent alle vmb den krayß. Leſpya was ain weyb genant, Das mer war jr wol bekannt, In ainem ſtain was jr hol, Darjn zoch ſy mich wol, Mit jrn töchtern zwaynn; Die auch paute den ſtain, Die wonte ich mein muter ſein. Zehen jar pflag ſy mein, So ſy beſte kunde. Sy pracht zu ainer ſtunde, Da ſy auß was gegangen, Ain merwunder, het ſy gefangen, Das waz man, viſch vnd rind, Als in dem mer wunder ſind; Eye pracht es in den ſtain, Bnd pandt jm vaſt die pain Mit vil ſtarcken riemen; Sy verpot vaſt, das yemen Ym käm alſo nahen, Das er vns möcht gefachen. Zu hand ſy von vns ſchied, Nu ſaumet ſich auch nit Das merwunder, Da es lag beſunder, Seine pandt es zerprach, Grymiclich es ſich rach, Des weybes kind es erſchlüg, Auf ſeinem rücken es mich trüg Bon dem ſtain in das mer. Das weyb geſach ich nymer mer, Das merwunder mein da pflag Vil wol menigen tag. Es lere mich behentigkeit vil, Schirmen, ſchyeſſen vnd ſaitenſpil, Es zoch mich wol aht jar, Es ſaget mir fur war, Das Leſpya mein müter wer nicht; Es komen von der geſchicht, Das ſy mich meinem vater entrüg, Bnd mir das nicht gewüg, Das ich jr icht entrunnz Gunſt enwayß ich, wo ich mein künn In dem land ſuchen mag. Das merwunder mein da pflag,

Es gab mir ſpeyß vnd gwandt, Bnd treyst mich in das landt, Das ich feld vnd leut ſach; Es gab mir vrlaub vnd ſprach: „„„Wa du wilt, ſo ker hin; Zü dem mer ſtet mein ſynn.‘“ Alſo ſchied es von mir; Do fert ich in ain landt, hieß Dolyer, Kam ich alſo gegangen ploß, Do layd ich arbeit groß, Wan ich was aller ſynn plint, Ich tümer dan ain kind, Manigen winkel ich erfur, Hayde, wald vnd mür, Berge hoch vnd graben tieff; Ich rant vnd lieff, Biß ich gelernte den ſyt, Da die leut lepten mit, Die ſelde mich an ſich nam, Eyn riet mir, das im kam, Das mir widerfür, Auff ainer burg, hieß Dalmſamür: Ainen kunig ich da fand, Der was Jteera genannt, Dem was das landt vndertan Artus der herr von Prittan, Der auch nach eren wol kund tün, Der iſt ſeines pruders ſönn; Von des ſelben kuniges handt Empfieng ich roß vnd gewandt, Bor ſeiner burg gab er mir ain ſwert; Manig ritter lobeswertt Die hetten ir maſſenye, Fürſten, grauen vnd freye. Alſo bin im komen her, So ich mit ſwert vnd ſper Müß kainen breyß bejagen Ich kan anders nit geſagen Von vater vnd müter mein.” Von Lendrie kunig Paldrioth Hub ſein hend auf gen gott, Bnd auch ſein hercze taugenn, Im überlieffen ſeine augen. Eyn freud ward groß; Er ſprach: „Herr, ir ſeyt wol mein genoß Von kunigs artt iſt ewr leyb; Ewr müter iſt mein weyb, Ewr vater das bin ich; Gond her vnd küſſent mich.

Zwar ir ſind komen haim; Hier ſtet ewre öheim, Das iſt der künig von Irrlandt.“ Weygamur ſprach zu handt: „Go gewynn der fünig von Reratt Ainen andern kempffer an meiner ſtat, Wan ich wider euch nicht nicht.“ Do diſe wunderliche ding von geſchicht Die herren alle ſahen, Mit warhait ſo jahen, Das diß gefügt hat got, Vnd loben alle ſein gepot. Weygamur zů ſeinem vater gie; Es wurden leüt fröer nie, Dan ſein mäg wurden da. Die fürſten gingen aber ſa Zů rat; do ſprach der kunig von Flachen: „Hie dan ſunder ſprachen Nu wiſſent, alle beſunder, Got hat dycz wunder Vnns ze hayl her pracht; Wer künt es haben anders gedacht? Nu ſullen wir verſuchen das, Ob wir der zwayer kunige haß Mit ern mugen vnderfomen; Es hat jr zorn hie benomen Manigem ritter den leyb ſein.“ Da ſprach der kunig von Dorafferein „Horent alle meinen ratt; Der kunig von Reratt Sol geben dem kunig mit dem arnn, Er kan nymet baß gefarn, Sein tochter wol gethän, Vnd laſſe jn damit hän Den ſtreyt an dem landt; Er mag wol ane ſchandt Seyn zu ayden jehen. Wir haben alle wol geſehen, Daß Weygamur iſt ain weygant, Vnd iſt auch allen wol bekannt, Das ſchoner maget nyndert mag geſein, Dan Duſcelur die magetein; Sye ſind paide wol geporn. Alſo mag der zwayer künig zorn Wandeln ſich in güt.“ Go mit frolichem mut Giengen ſy wider an den ring; Sy baten den jungling Weygamur, vnd den vater ſin, Das ſye rietten vnder jn,

Das ſy daz laiſten bayde; Das was in doch nit laide. Atroclos daſſelbig tätt, Das was uber der fürſten bet, Das man ſagt den ratt, Ain herczog da herfur trakt, Dem man der rede gunde, Wan er wol reden kunde, Mylegragram von Lunders; Er het vil wunders Gefrümmet mit ſeinem leyb; Von mannen noch von weyb Ward geporn nie trewer man; Sein red er alſo gewan: „Alſo iſt geſamnet der ratt, Es ſol der künig von Neratt Kuſſen den kunig von Lendrey, Vnd iſt geratten dabey, Daz ſy mit freüntſchafft leben, Der künig Atroclas ſol geben Sein tochter Duſcelur Dem jungen künig Weygamur, Von Lendrie des küniges ſün, Vnd ſol in des gewiß tün Mit ſeinem ayd an der ſtat.“ Do ſprach der künig von Rerat: „Zwar, des bin ich von hercz n fro.“ Die ayd ſwurn ſy do, Als das gelobet was. Nu ſprach der künig Atroclas: „Das verdient ich vmb got nie, Wan ich mit eren meiner tochter hie Ainen ſön han gewunnen, Des mir gott müß günnen, Den türſtigſten ritter, den ich ye geſach.“ Manig man des ſelben jah; Sye freüten ſich zu bayder ſeitten. Die hern begunden reyten Zu lande wider-haym. Weygamur vnd ſein öheim Ritten von dem here ſa, In was baidenthalben gach. Der künig von Jrrlandt, Seinen botten er furſandt, Wie jr was komen geſundt, All zu derſelben ſtund, Ir ſun, den ſy het verloren. Als die fraw wolgeporen Vernam die liebe potſchafft, Sich erweget alle jr krafft

Vor liebe gen jrem lieben kinde, Des küniges geſynnde Gewunnen groß freude nu. Gdir kam geriten zů Weygamur vnd ſein are gflo gen. Die künigin wol gezogen Gen jm für das tor gieng, Vor lieb ſy in wainent empfing. Mein ſyn wer zu waich darzü, Das ich recht euch ſagen tü, Wie die fraw empfing jr kind. Nun die mer komen ſind Allenthalb in das land, Da ſein vater was bekandt, Da begunden ſy alle gachen, Den hern wol empfaen, Als ainem künig wol gezam. Groß wunder ſy das nam, Das in der ar nit verlie, Wo er rayt oder gie. Nun het der künig Paldrioth Überkomen all ſein nott, Zu fromen vnd zu eren, Seinen müt begund er keren An tugent vnd an mylt, Roß vnd teür ſchilt, Scharlach, zobel vnd pundt Gab er an vil maniger ſtundt Allen den, dy es gerüchten, Vnd nach eren ſüchten. Er empfalch gericht vnd lande Weygamur zu ſeiner handt, Das er richtet zu recht Dem hern als dem kneht. Er gab jm väterlichen rat, Er ließ jm ſelber wat Geben vnd gold rot. Zu vorderſt er jm gebot, Das er getrew wäre, Vnd künigcliche gepere Lert er jn vnd ſytt, Er hieß in, das er vermyt Zorn, valſchait vnd lüge, Vnd das er nimant betrüge; Er hieß in barmherczig ſein, Das er met vnd wein Solte trinken vnd offt geben, Vnd auch mit züchten leben; Er hieß in vaſt lieb han got, Vnd halten ſeine gepott;

Er hieß in ſein gemain Vnd ſelten weſen ain, Er riet ym vil ſere, Das er des gutes herre Vnd ſein knecht nietz; Gewiſlich er im vnderſchied Baide, übel vnd gůt; Er hieß in haben mannes můt, Zu koſtlichen dingen Hieß er jm frund gewinnen, Vnd nimant verlieſen Durch kainerlay miet verfieſen; Wo der gaſt gieng, Das er den empfieng; Er hieß in üben ritterſchafft, Mit ſtet weſen warhaft. Er ſprach: „Du ſolt der ritter pflegen, Vnd leyhen vnd geben. Du ſolt ſy haben geſellenweyß, Dauon gewineſtu hohen preyß.“ Der jung künig herr Merket ſeines vaters ler Vnd behielt ſy zu allen zeiten. Secht, nu wolt er reiten, Seinen gemahel ſchawen, Duſcelur die jungfrawen, Des küniges tochter von Reratt; Seinen vater er do batt, Das er jm ſchüff ſein fart. Sir jm berait wardt Silber, gold vnd claydt; Fünff hundert ritter gemaydt Solten ſein geſinde ſein, Manig füter hermlein, Cyclatt vnd ſamatt, Von ſcharlach manig kapp weyt; Sy waren rot vnd prawn, Manig ſtolcz garczaun Auff die ſelben rayß; Sie verkunden die frayß. Man gab den rittern mang roß snel; Rot, prawn, grüen vnd gel Ware die wappenröck lieht, Kain gepreſten was da nicht. Suß waz der ritter mit dem arn Von ſeinem hauß gefarn In daz landt zu Reratt. Nogragroys hieß die ſtatt, Do der künig was die zeit; Sein palaſt was hoch vnd weyt,

Alles gemacht von quaderſtain; Sein güt was gemain, Wer es alda ſüechte Vnd mit ern gerüchte; Die ſtat lag nahent bey ainem holcz. Weygamur der künig ſtolcz, Der kunigclicher ſyten pflag, Er kam vmb ainen mittentag Fur den palaſt geritten; Nu fand er mit hoflichen ſitten Groß geſinde myniclich, Die waren mit züchten gemelich, Vor der purg auf ainem plan, Mit züchten eylten ſy in empfan, Die vnkunden ſchar; Schnelles ſpringen ward dar, Nach kunigclicher wirdigkait Wurden ſy empfangen. Nu kam dort her gegangen Der ſtolcz künig Atroclas; Er empfing vor dem palas: Die vnkunden geſtee Funden güte reſte; Man pat daz ſy ſich nanten. Als ſy da erfanten, Das es Weygamur der künig waz, Do ſprach der künig Atroclas: „Wilkomen ſol hie ſein Das lieb geſinde ſein; So iſt nie gaſt komen herz Ir ſult mir ſagen, wo iſt er, Dauon ſich mein er wachſen ſol.“ „Er reyt daher vnd gehabt ſich wol;“ Sprach Agyr von Elifan. Der was ain ritter wol gethan, Den het der künig Weygamur Mit ainem her geſendet für. Als der kunig erhörte das, Auf ain roß er geſas; Do er das künigclich geſinde Empfangen het von Lentrie, Den jungen künig Weygamür Vnd geſynde, das mit jm für, Gen dem palaſt ſy riten, In guten kappen wol geſchniten, Sy riten fur die porten. Nun floß an den orten Ain lauter prunn clar; Die ritter weyſt man aldar;

Do ſtund ain lind prayt, Auch waren golter dar gelayt, Geſtickelt wol mit ſeyden; Auch ſtund wol mit grüner weyden Ain anger weyt bey dem prunnen, Dabey die vogel ſüſſe ſungen. Die ritter kamen alle dar. Nu kame der ſchencken ain ſchar Mytt kopffen güt guldin, Sie ſchandten ein lauttern win, Vnd batten ſy trincken vaſt. Auch ſungen an dem aſt Manig vogel clain Bey dem prunnen rain. Darnach kamen die knaben Vnd namen jn die clayder aben, Vnd prachtent jn jr hoffclaid; Es was vil ſchier beraitt, Das man eſſen ſolt. Der künig ſy ſelber holt, Das hübſch hoffgeſinde, Die ritter von Lendrie. Da nu der künig Atroclas Zu dem prunnen komen was, Da die ritter warn bey, Er nam den künig von Lentrey Bey der hand, vnd weyst jn dan Auff den balaſt, da fand er stan. Die tiſche wol berait, Darauff war gepraytt Tiſchla weyß vnd wol gefar, Vnd die benck wol verdecket vnd geziert gar, Da man ſolt ſyczen; Auch was mit wiczen Manig golter darauff gelait. Hie wurden nach jrn wirdigkeit Die ritter geſeczet überall; Man ſchüff in knappen ane zal, Die in dienen ſolten. Die kamerer ſo wolten Das waſſer furtrager. Da ſy alle waren gezwagen, Do hieß man weyden vor der tür, Da kam gegangen für, Die da haußfraw was; Ain ſamat grün als ein graß Was jr mantel, den ſy trüg; Ich ſolt euch ſagen von ir gnüg; Ir tochter auch vor ir gie, Wol gethän, als ich euch ſag hie:

Jre augen vnd jr anliß was gethan ſar Weyſſer dan ich gedinges gar, Senftmütigclichen ſy dar an pran, Ir augen leüchten alſan, Jr mund rötter dan ain plütz; Ey mat ſenſten mür, Maniger ritter, der ſy ſach, Spilende herczen vngemach; Ir kurſat was geſchniten wol; Seyt ich dauon ſagen ſol, Sölt ir mercken meine wort: Ain purgg, hayſſet Gramrimort, Die liegt zu der wüſten Jndia, Ain ſchlachter paum wechſet da, Darauf die port ſeyden, das iſt war, Die werden anders nit gefar Nur als geſpunen gold; Wer der ſeyden da hold Zu ainem roß, der iſt ymmer mer Dauon reich vnd her. Der ſeyden ain pfelle geweben Was dem künig geben, Dauon hieß er ſchneyden clayd Seiner tochter gemaidt. Sie ſchain liehter dan gold Es was ain wirdiger ſold; Hermlein was der vnderzog Des ſelben pfellers ain rod Die junckfraw trüg an; Ain hemb, was als ain ſwan, Da was ſy gepreyſet in; Ain goldport Pritryn, Da was ſy gegürtet mit; Sy was nach haydniſchem ſyt Alumb wol geſchlagen. Ich wil euch von den ringen ſagen, Der gewürckt was clain, Vnd geziert mit geſtain Zu vorderſt lag ain amatiſt, Des dugent alſo iſt: Er gybt wicze gür Vnd vertreybt traurigen müt; Dagegen lag ain rubin, Der wil bey dem güt ſin, Er gybt güten ſyn, Vnd vertreybt falſche mynn; Dabey lag ain granat, Der manig güt tugent hat; Bey dem lag ain jaſpis, Saffir vnd auch ſardiß,

Die warn jn den ringen gethan, Als ich euch geſaget han; Darnach was der ſpangen kain, Es lag darjn ain edel geſtain; Das geſchmeyde was von golde gar; Ein gürtel trug die maget clar, Ain furſpang trug ſy oben, Dauon was zü loben, Das was gold von Arabin; Zway junckfraw hauptlin Waren baydenthalben daran erhaben; Zwiſchen den was ergraben Mit laube ain rewbelein; Ain ſchapel trug das megetein, Das was geworckt mit ſpechaitt, Da was mit gold ein gelait Manig ſpeck werd klain. Die junckfraw darvnder ſchein Als der edel rubein für Bey andern ſtainen güt. Als die maget wol gethan Für den tyſch gegangen kam, Vnd jr müter darnach, Da gieng der wirt, da er ſach Den künig von Lendrei Mit ſeiner maſſaney; Bey der hand er jn fieng, Er layt jn, da jn empfieng Die mynicliche küngigin. Do ſprach Atroclos zü der tochter ſin: „Du ſolt dich, tochter, küſſen län Diſen ritter wol gethän; Er iſt ain künig tugentleich, Bayde, edel vnd auch reych.“ Nun wurden an der ſtunde Zwen rotte munde An ainander getrüder Vnd gächling wider gezümet. Über den tiſch ſy da ſaſſen, Truncken vnd auch aſſen. Sy wurden wol beratten Mit geſotem vnd gepratten; Wilpret vnd auch viſch Was alles gnüg auff dem tiſch Das ward jn geſeczet für; Es entorſt nymant gen der tür Nach der ſpeys gedencken, Noch nach den weinſchencken, Vor dem tiſch manig fartet, Da ward der wein nit geſpart,

Marras vnd lauter trank. Der kamerer hab tannd, Der hieß in da herfür tragen. Da die hende waren gezwagen, Man pracht grosse schenck liecht; Jn was zü püssen nicht; Sy wurden alle geleich fro, Die tischlach huben sy do, Die knaben von den heren Hetten kainen weren. Nun die hern geſſen handt, Da fatterten sy betgewandt, Yegliches ritters knechtz; Die kamerer warn gerecht Vnd tailten die betgewandt, Als ain yeglich knecht gepet handt, Die ritter giengen schlaffen sa. Nun kamen aber die schencken da, Vnd schenckten jn an die betten. Als sy getruncken hetten, Die heren giengen an jr schlaffes zil. Fütter vnd ſpeyßs vil Yeglicher zu herberg trüg; Sy hetten alle gnüg; Ir ſchlaf was an sorgen. Do nun erſchain der liechte morgen, Do der wirt auffam Vnd die meſße warnam, Vnd es gen mittem tag gieng, Der kunig aber zu tisch gieng, Da ward die wirdig schar Nach wirdikeit geseczet gar. Man kund euch recht nit gesagen, So willig jn für ward getragen Bayde wild vnd zam, Vnd trincken allesam, Vnd jn allen nichts gepraſt, Er wer frunt oder gast: Jn ward gedienet wol, Als man künigen dienen sol. Do für den tisch gegangen kam Manig stolcz spilman; Sy hoffierten wol zu weyß Vnd sungen wol nach preiß. Zway junckfräwelein Zu süeß der kunig dar ein, Zway hundert frawen; Da mocht man wol schawen Manigen mund rosenfar Vnd auch manig raydes har,

Manig kind wol geclaidt. Sunst mit züchten gemait Batt er die ritter auffstan, Zu den junckfrawen gan. Zu ainander sy saßen, Vnd langer weyl sy da vergaßen Da dicz geschach, da sprach der wirt: „Seyt jr all hie begiert, Der mein red ist kund, So wil ich an diser stund Meines dinges enden ain tail, Darzü muß vns volgen hayl: Rattent, ist es mit ewrer wirdikeit, Ich wil hie ablaſſen meinen ayd, Den ich darumb hab geschworen, Ich wil dem künig wol geporen Von Lendrie Weygamur, Die jungen magt Dulceflür Vesten nach landes ſyt. Hie sul wir vns zaygen mit, Das wir volbringen hernach, Des gütten sul vns wesen gar Zü füdern nach eren; Sich sol dauon meren Vnser bayder wirdigkeit. Ich bin hie beraitt, Wan ich wil layſten, daz ich schwür.“ Do sprach der kunig Weygamür: „Ich bin also kumen her, Das ich ewr beger Erfull, als ir weysent mich; Was jr wölt, das thün ich.“ Wygamur tät nach gewonhait, Er gab der junckfrawen gemait Ein gemahelfingerlein. „Ir fült auch, herr, nemen daz mein, Sprach die maget süße — Got mir günnen müße, Das jr gesund lang seyt, Wan all mein freud an euch leyt.“ Da küst er das megetlein, „Nu süllet jr selbs wirt sein, — Sprach der kunig von Kerrat — Wo mein gewalt hin gat.“ Da hub sich puhurtieren vnd tanczen, Da ward frund mit freüden ganczen, Da tanczet der kunig vnd die küngin; Weygamur bey der gemahel sin Gieng tanczen jn der frawen schar, Der kunig hieß peraitten dar

Lauter trank vnd wein, One zadel vollen schein; Sy hetten freude ane haß; Weygamur bey seinem gemahel saß, Auff ainem teppich seydein; Wan da kam gelauffen ein Ain garczun, jung, wol geclayt; Die maſeney nicht vermaydt, Sy empfieng jn besunder; Sy nam all besunder, Was er sagt newer mer, Mit solcher geper. „Euch sol allen sein gesayt, — Sprach der garczun gemaydt — Wem sein müt nach preyſſe ist gestalt, Vor der stat zu Muſygrallt Wirt übermorgen ain turnay, Da manig ritter enzwey Sein sper pricht, durch bejag. Ja hat der kunig von Drymagk Gen jm genomen von Gauies; Mein fraw mich da Funden hieß, Die künigin Dynßogar, Sy wil selbs komen dar Vnd wil da reytten schon Mit jr lands fron. Wer der höchsten preyß bejaget da, Dem wil mein fraw geben sa Ir krän, jren leyb vnd jr land, Das sey euch allen bekannt, Morgen wirt die vespere.“ Mit schöner kurthaseye Naygt sich gen menigclichen der garzaun; Scharlach rot vnd prawn Was sein mantel gehalbiert, Mit zendal gefüttert, Der pot also dannen lieff, Jeglicher ritter da rief: „Wo nu roß vnd harnasch her? Fur den schilt, nym daz sper, Auch platten vnd wappenröck!“ Ritterlich was jr gezög. Kunig Atroclos selbs da rait; Wygamur was auch berait Vnd sein stolcze ritterschaft; Sunst fur mit ainer gesellschaft Weygamur vnd Atroclas, Die da hausfraw was, Zu dem kunig sy do sprach: „Ich muß beleyben durch gemach,

Ich mag nit wol reyten rü, Ich sende aber morgen frü Dulceflür mein tochter dar, Das Weygamur jr ameys Wol kan erwerben hohen preyß.“ Do sprach der künig: „Das sol sin; Ich wayß wol, daz die künigin, Hat auſſerwelt schön, Die land vnd die krön Wil geben vnd jren magthum, Wem da wirt der best ruem; Das mag vns kain schade sein, Wan er hat jr gemahelfingerlein, Vnd sy auch das sein hat genomen; Es mocht vns anders zu schaden komen, Dan er hat vil mangen hohen preyß kost Offt erworben mit seiner manhait groß.“ Also ritten die kunig bayd Mit gezog über die hayd, Sy ritten über den grünen wald Gen der stat zu Mußegralt, Da der turnay solte sin, Als sy komen da hin, Es was geschlagen auff daz feld Manig hüt vnd gezelt, Von frawen maniger hande, Da Atrocloß dar sandte Ain poten vil palden, Das er fraget von den helden, Wan sy warn oder wer, Da erfüllte der pot der hern ger; Vil schir er wider kam, Er sagt die mer, als er vernam. Der pot zu dem kunig sprach: „Ich sag euch recht, als ich sah, Dort liget der kunig von Zangruil, Mit jm ritter hart vil, Die sind mit harnasch wolbewart, Sy füerent alle den leopart, Wan sy dem herczog von Bergalt Vnder seinem panir sind gezalt. Ain gezelt stet dort ferr hin Da ist der künig Lehelin, Mit seinem gesinde darunder; So ligent dort besunder Die zwen brüder von Canadic, Die haben erworben dick Vil manigen werden syg.

Ain hohes gezelt ſcheint dort her, Darvor hanget ain ſper; Sein panier ſchön vnd grüne, Darunder ligen ritter füne Von Kungryol vnd von Pramotz; Der iſt vil ane ſpot. In dem gezelt, das dabey ſtet, Liget der künig Gamiret, Der küne von Waleys, Der tüt an der reyß, Das von jm ze ſagen iſt, Er hat zu ritterſchafft liſt Vnd groſſe manheit dabey; Von Fußes Trogren, Der wil den leonn hinfüren, An ſein gezelde ſchnüren Henken ſeinen ſchilt Vnd ſeinen wappenrocd; Er hat hie ain ritterlich gezog. Diß ſind fürſten tugenthaft; Wir haben groſſe herſchafft; Das ſind alles ritter pald. Anthalben für den wald Hat geherbergt, als man ſaytt, Artus der Punig gemayd, Vnd JYeher ſeiner paſen ſun, Vnd ander manig Prytun, Die von der taſfelrunder; Da iſt kain zal vnder, Eolhs geſinde iſt da gar. Zingund vnd Lyplagar Hat da manigen ritter ſchnell Der herczog von Dudel Iſt in ſeiner ritterſchafft. Der kunig von Kathaclyſyo tugenhaft Füret ainen ſchilt von laſur pla, Daran ain haubt vnd ains greyffen ka, Der rait ane vorcht hie. Die ich erkent vnd ſach Vnd jr zung mir verjach.“ Da ſprach der kunig mit dem arn: „Ir ſuliet mit dem zeüge farn Neben die ſtat auff daz feld, Vnd ſult ſpannen die gezelt Allum zu ainem ring daran, Die ſchnür ſüllen zuſamen gan, Ir ſullent das gezelt mein Schlahen mitten darein,

Das iſt hoch vnd weyt, Vnd iſt güt, wirt ein ſtreyt.“ Die knappen da nit lenger pitten, Mit den ſämern ſy da ritten Gen der ſtat Müßigral. Darauf die zelt warn geſchniten; Groß warten da was nit vermitten Van allen den, die es beſahen. Nu begunden die knappen gachen, Sie ritten auf die ze mittewr, Von dem wald uncz an die maur, Drew hundert gezeld oder mer. Die Atroclos der künig her Gepot da den ſeinen, Das ſy mit puſaünnen Vnd mit tampuren machten ſchal, Dauon der wald laudt erhal. Do rait der künig Weygamur Mit ſeinem zeüg hin für; Atroclas rait darnad, Da was jn zu herberg ga, Die ſtolczen ritter abſtygen ſan; An in ward groß ſchawen gethan. Da die ſunne gen dem abent ſchain, Da waz der ritter kain, Im wär ſein harnasch berait; Weygamur der kunig gemayd Sein roß jm beraitten batt; Künig Atroclos von Rerat Was berait vnd die ſeinen gar, Er hüb zu vorderſt an der ſchar Plaſen zwo puſaunen groß, Von dampuren in ain ſchal dos Nahent vnd auch ferre, Da ſprad des adlers herre: „Wir ſüllen traben auf den plan, Die veſpere began. Da ſind zway panir herfür Sich hat erhaben der purhür.“ Kunig Artus von Pritane Kam geriten auf den plane, Mit ym Yeher von Gaafies; Lyplagar dort her ließ Stręychen vaſt auf dem ring, Weygamur der jüngling Mit rechtem tyoſt yn dernider ſtach. „Thü ſicherhait, Weygamur da ſprach Dulceflur dem Linde gar.“ „Das ſol nu ſein ſpracß Lyplagar.

Sein roß er jm wider pot Zu hylff, Loyr fyli roy Paldriotht. Gunst hübe ſich die ritterſchafft: Gamuret der fünig tugenthaft Wol berüſt rait dort her, Er fürt von gold ain ſper, Vnd kerte an Lehelein, Des müſt er gedulden vales pein. Von Spanniol künig Ryol Rait mit ſeiner troppol Ritterlihen auf den ring; Die ſchellen clingen klinga kling! Da die ritter kertten hin. Zu der andern ſeyten rait darin Auff ainem roß prawn Von Gurgalet Lympontrogrön Des zymmer was ain krönz Auch was geſchnitten ſchone Sein wappenrocz lang vnd weyt, Ain cyclat yn ainen ſammeyt; Der ſamat was rot, der cyclat gel, Er was ſtarck vnd ſchnel, Sy rittent baydenthalben in, Sy furent her vnd hin. Die taffelrunder tätten da michel pund, Des was auch maniger vngeſund, So wurden ſy ſchadenhaft, Gamuret fur mit kraft Auf ainem roß ſwarcz; Der jung von Grytarcz Was wol gezymiert, Alſo ward geturniert. Nu merckent alle gleyh Die den furnay het dar gelayt, Wie hofflichen die rayt An dem ring ſchawen Mit fünfzig juncfrawen, Die waren all auſßerwelt; Die abbenteür vns daz zelt, Sy waren alle fürſten kind. Da ward manig aug plint, Das doch wol geſach. Manig ritter des jah: „Des gottes fleiß lag an jn.“ Nyfrogar die künigin Auf ainem weyſen maul rait; Vber den ſattel was geprayt Ain prawn ſamettin teck

Die hievor die Kriechen worchten, Da ſy da nymant vorten Ain clain hemed ſeydein, Da was ſy gepreyſet ein Die maget was zu maſſen langk, Enmitten clain, ſinwel vnd swanck, In rechter weyß erfollen, Ir höüfflin zart getrollen, Ir mündlin rot als der rubein; Gar ſchön was das megethein; Ir zern weyß als das helffenpain, Die weyſſin durch die röttin ſchain; Ir wenglin zart gemenget, Die weyſſin durch die rötin tringet; Doch het die röt den peſſern tayl; Ir neſſlin gar an alle mayl Edlecht, klain vnd nit gepogen; Auch het die maget wolgezogen Zway augen prawn nach valden art, Darin das weyß ſich nit ſpart, Nach wunſch gar vnerblichen, Ir prawnen praen geſtrichen Mit ainem penſel wolgefar; Als geſpünſt was jr har. Auch furt die edel maget rain Ain harpant von edelm geſtain Geworcht mit ganczem vleyß, Darzwiſchen groß perlein weyß, In rechter weyſe gelencket Vnd auf ir har geſendet. Die nywnigclich diern Het zway prüſtlin als zwo piern, Geſchmudet an jr hercze zart; Sy was geporen von hoher art. Ir hendlin weyß, jr finger lang, Ir nädlin vnd jr hälßlin planck, Ir kel vnd auch ir kynn Geformirt nach der mynn, In rechter maße an laſter, Lind, weyß dann ain alapaſter; Ir füßlin clain, pogriften hol, Ain zeyßlin het ſich verporgen wol Vnder jrn füßriſten Geſücht nach mayſters liſten. Sy was gancz ar alle mayl; Frawe Schön het wol den jrn tail Forderlich auf ſy geſteät; Was yederman ſagt oder geüt Von ſchönen frawen, dez gan ich'n wol; Noch mer ich eu ſagen ſol:

Ir rock von samat was, Noch grüner dan ain gras, Fürte sy ob dem hemde Ain spehe gürtel fremde; Von golde und von gestain, Den fürt die maget rain; Sye furt auch ain furspang teür, Der was in dem fewr Geleutert mit vleyß; Umb ir arm weyß Fürte da das megethein Zwü spangen güldein, Da lag jnen manig stain; Auff jm haubt schain Von rottem gold ain kron, Darjnnen glayß vil schon Vß andern stainen ain rubein. Alßo rayt das schön megethein Baydenthalb bey dem ring; Aller ſchlacht ding Vergajßen die helde güt, In stüänd allen der müt, Wie sy den preyß bejagten, Das sy wol behagten Und geviellen der künigin gmaid, Die da alßo stolczlichen rayt. Von der güten ritterschaft Ward zerproßen manig sperſchaft Und manig clainet vertän Nach ern auff preyses wän, Manig roß ward geritten, Der gar were vermitten, Wan die künigin Dinifogar. Zu lest fiel der preyß gar, Das sy alle jahen, Die den turnay sahen, Auff drey ritter lobleich: Das ain was der künig reich Von Balays Gamuret; Lympodrigon von Gurgalet Was der ander genant; Der dritt was wol bekant, Das was der künig Weygamur, Der mit dem adler für: Dicz warn die künig alle drey. Nu gepot die künigin dabey, Das sy ließen den schal; Do ward ain styl über all; Sy hetten zwen ring weyt. Do sprach die künigin: „Es ist zeit,

Das dise ritterschaft habe ein end; Ewr arme und ewr hend Mügen wol müde sein. Es ist heüt worden schein, Das ich hört sagen ye, Das besser ritter wurden nie, Daz ich heüt sieh; Hincz euch allen ich das vergich, Ich sih heär vnder euch nit zagen, Ir mügt wol syges kron tragen. Ich muß euch allen preyß jehen, Und han doch das wol gesehen, Das heüt gnüg sind hie gefangen; Das ist aber also ergangen, Das jr lobe davon nit wirt kranck; Sy haben wol verdient den danck Von allen schönen frawen; Ich sich hie verhauen Manig schilt und helm darzü, Die gancz waren heüt frü.“ Da sprach die maget clar: „Ich han gelobet, das ist war, Wem der höchst preyß wirt gezalt, Er sey junc oder alt, Der sol kunig und herr sein Meines landes und mein, Ob ich ym geualle; Nun sprechent, ritter alle, Wem die ere sey widerfarn? Ain ritter haisst mit dem arn, Der ist hie grosses lobes wert, Im hat sein sper und swert Erworben grosse ere; Danocht ist jr mere, Linpondrigön von Gurgalet, Und der kunig Gamüret, Der ist meiner pasen san. Nu sult jr alle so wol thün Und sült vns beschaiden Und erinnnern von handen Welchem jr des wölt günnen, Das er hab gewunnen Vor dem andern den preyß, Wan ich bin layder nit so weyß, Das ich müg erdenken; Ich wil jr kainen krenken, Sie tragen bayde hohen müt. Nu vernement, jr edeln ritter gut, Wie ich hiezu komen sey, Und merckent auch dabey,

Das ich durch kain vnkeuscheit Zü dysem turnay rait, Wan daz mich darzü zwinget not: Ain hayden hayßet Gamgrinot, Das land stoßet an das mein; Nu wil er so gewaltig sein, Das er mein land wil zwingen Und mich darzü pringen, Das ich sein kebsweyb muß sein. Ee wolt ich den leyb mein Ainem schlechten knaben geben, Oder verliessen mein leben, Ee er gewynn den rumm, Das er meinen magtum Mir nach laster aberstrite; Grosse not ich ee lytte, Das ich den leyb nach eren verlür, Nu wil ich haben die kür, Das ir mirs nit zelt für vnſinikeit Durch ewr aller stolczhait.“ Die heren alle gemain Sprachen das über ain: „Seyt ewr ding alſo stet in acht, Fraw, so rat wir euch recht, Das dyser ritter tugentlich Mit ainer tyost versüche sich, Wem die selde wolt günnen, Das er hab gewunnen Ewr magtum und ewr land, Den hat got vil wol erkant Und der welt geeret.“ Nu wurden san gekeret Die roß auf ainen punayß; Nu ward gemacht der prayß, Darjn sy züsamen solten varn. Do sprach der kunig mit dem arn: „Wir mügen wol den streyt län; Wir haben ainander nit gethän, Wan das ich ew dienen sol, Ich gan euch der ern wol, Ob eych mein fraw gnaden wil, Hie sind ritter harte vil, Die der wirdigkeit ob mir sind, Ich bin, herre, nit so ain kind, Ich waiß wol, waz euch gefrumen müg; Redte ich anders, ich lüg. Mein fraw sol mein dienst han, Ich sol mich des nit ziehen an, Davon mir widerfür spot, Das sol mich erlassen got.

Ich bin nit komen her, Das ich der ern icht ger. Das aber jr mir gepietent den preyß, Das beken ich wol in der weyß, Durch ewr zücht jr das thüt.“ Da sprach die künigin gut: „Her, euch preißet manger man, Der es baß erkennen kan, An ainem ritter ewr tugent, Wan jr habt mannes jugent. — Also sprach das megethein: — Er und tugent ist an euch schein.“ Da sprach der kunig Gamuret Von aller der herre bett Zu der künigin also: „An zweyfel, ich bin hart fro, Das dir von ritterlicher tat Got hie gesendet hat, Ainen fürsten so tugenthaft, Den alle die ritterschaft Zu ainem güten ritter nennet, Und sein gepurd wol erkennet; Den solt du nemen zu ainem man.“ Do sprach die künigin san: „Ich waiß wol, das er ist ain künig Edel, reich und frünig, Und tregt ain kron als wol als ich; Wan ain sach die jrret mich, Das er schlůg den vater mein. One man wolt ich ymmer sein, Ee das ich wurd sein weyb; Meinem vater nam er den leyb. An trewen und an ern wol, Er wer mein gar vil reicher gestol, Ob ich het mannes leyb: Layder nu bin ich ain weyb; Ich mag darwider nit gethän.“ Do sprach der künig Lypandrigän: „Nun horent alle, die hie sein, Mein fraw, die künigein, Hasset mich umb jres paters tod; Darzu zwang mich grosse not: Er tät mir grosses layd, Mit gwalt er mir in mein land rait, Mein leüt er mir schlůg, Meiner burge nam er mir gnüg.“ „Nu wil ich euch allen sagen, Wie der künig ward erschlagen; Das ist mir noch wol wissen. Ains tags was er erpissen,

Jn ainem wald er pierſſen rait, Vnd mit jm manic held gemain; Dar kam ich auch geritten, Vnd grüſet ſy nach güten ſyten, Vnd hieß jm ſchenden güten wein, Vnd bat jn uber nacht da ſein; Das globt der künig von Gurgalet. Einen praden namen ſy zu ſtet, Sie ritten ſüchen wilde tier, Ainen hirſen funden ſy ſchir, Der ward mit ainem ſtral verwundt; Auff ſein fart lieſſen ſy die hundt; Nach dem hyrs was in gach, Vnd lieffen jm alles nach, Wan die künig bayde Rikten auff ainer hayde, Sye zwen vnd nymant mer. Lypondrigän fürt ain ſper, Den kunig er durch den leyb ſtach; Der groß mord alſo geſchach. Von dem ſtych lag er tod. „O we, das erparm got!“ Rüfften ſy alle gemain. Nu erſchain ſich von dem main Lypondrigan vnd ſprach: „Wer das heüt geſach, Das ich treuloß ſey, Er ſey kunig, fürſt oder frey, Der iſt vngetreüer dan ich; Sein tat erweyſten mich Ich ſchafft, das er mich ſein erlat, Diewenl das die welt ſtat.“ Da ſprach der helde Weygamur: „Die rede ſüllen euch werden ſur, Herr von Gurgalet; Ich wil euch weren hie zu ſtet Die kunigin vnd die mynnen, Ob ir ſy welt gewynnen Mit ritterſhafft an mir Noch heut an dem tag ſol im vnd jr Streytten vmb das magethein Der preyß iſt ewr oder mein, Nu wil ich jn ainig han, Ich wil auff güten wan Ze rüſten gan, auch reyten; Ir müſſent heut ſtreytten, Oder jr ſeyt an preyß laß. Ir habent doch geſprochen das, Ir wollent euch entladen der ſchanden, Oder jr ſeyt jn allen landen

Ymmer vngenäme Vnd an ern widerzäme.“ Lypondrigan mit zorn ſprach: „Das ſey der mayſte vngemach, Das mich gerür ymmer mer; Möcht ich preyß vnd er An euch hie gewynnen, Ir wurdent des wol jnnen, Das mir zorn wäre; Ervr red iſt mir ſwäre. Der kunigin ich nicht entgere Ir müßt aber von meinem ſpere Zu der erden fallen; Das macht ewr ſchallen.“ Weygamur den helm aufpand, Ain ſper nam er in die hand, Er rürt das roß mit den ſporn, Wan jn het begryffen der zorn. Alſo tet Lypandrigän; Auff ainem roß, daz waz praun, Kert er an den ritter mit dem arn; Sie funden bayde nit lenger ſparn, Die ſchafft jn den handen, Geleiche den weyganden, Yetweder das ſein zerſtach Da müſten leyden vngemach Die ſchilt von den ſwertren; Des ſy bayde gerkten, Das hetten ſy da gefunden; Greüliche tieffe wunden Gdlügen ſy durch den harnasch Das ir yettweder genaß, Das was wunderlich genüg. Weygamür mit zorn ſchlüg Das ſwert, das es enzwey prach. Mit zorn Lypondrigon ſprach „Nun hat dein drow ain end, So ſind dir ploß die hend, So hylft dir weder magt noch weyb; Es müß dir gan an den leyb.“ Do ſprach der ritter mit dem arm: „Ir ſült mir der red ſhon nachfarn, Wie nahent euch kumet mein tod, Ich bring euch noch jn groſſe not.“ Mit den armen er in gefie, Er truckt jn nyder auff die knie, Vnd truckt jn alſo ſer, Das er nicht mocht mer Auff den füſſen geſtanz, Das plüt vaſt von jm ran

Auß den orn vnd von dem mund. Do rufft er do zü der stund: „Laß mich leben, ritter güt, Durch deinen ritterlichen müt; Han ich dir icht gesprochen, Das hast du wol gerochen, Das ich ſein ymmer gedenken mag.“ Weygamur ſich des vermag, Das er jn wolt laſſen leben; Er hieß jn ſiherhait geben Dem künig von Rerat. Die gab er an der ſtat. Nun gieng die ſüß künigin Mit irn megten dahin, Da Weygamur entwappent ward; Sy tet nach weyßlicher art, Sein wunden ſy beſah, Irn ſegen ſy darüber ſprach, Sye eylet jn zu uerpinden Mit jrn henden linden; Sy tröſt jn, als man wunden tün ſol, Sy ſprach: „Held, gehabt euch wol; Ir ſeyt zu recht nit gewundt.“ Man zoch jm an der ſtund Ain pferd, das ſanft trüg. Da ward gefraget gnüg, Wie ſeinen wunden wäre. Sie clagten ſein ſwäre, Die ritter allgemaine, Wan Lypandrigon allaine, Die kunigin Dymsygar Mit jm zu herberg rayt; Vmb jn was jr layd; Sy hieß in haben güten gemach, Sy wunſcht jm krafft vnd mat; Zu der herberg ſy do rayt. Die ſtolczen ritter gemaidt Enwafften ſich überall, Sy hetten mit freuden groſſen ſchal. Die veſpere was alſo ergangen, Die kunigin het danoch wunſamen Auff dem ritter mit dem arm; Ainen knecht ſy bat erfarn. Ob er icht hette weybes. Hayles vnd geſundes leybes Wunſchte jm offt die maget. Dem knecht ward geſaget, Wie es vmb den hern ſtünd; Das tät er ſeiner frawen kunt.

Da ſprach das ſüſſe megethein: „Das wiſs vnſer trachtein, Iſt die magt Dulceflur, Gemahelt dem künig Weygamur, So mag ſy gern haben das leben, Dulceflur die maget ſüß, Das dich bewarn müß Mit deinem gemahel der gottes ſegen; Er iſt des müß vnd leybs ain degen.“ Des morgens, da der tag erſchain, Lypondrigon ward des jn ain, Das er wolt von dannen reytten; Er mocht nit erpeytten Vorſchanden, das es wurd liecht; Er nam vrlaub nicht, Er eylet dannen bald. Nu widerrayt jm vor dem wald Dulceflur die maget gemaid, Mit ainer jungfrawen, dy mit jr rait, Die was Myglares genant; Nu grüſte ſy zu hand Lypundrygon von Gurgalet; Gnade ſagt ſy jm ze ſter, Die jungfraw wolgefar; Ir har was gepunden gar Mit ſeydin ſchnüre clain; Dulceflur die maget rain, Ain ſchones zeltenpferd raydt, Von prawnem ſamat het ſy ain claid, Ainen rock lang vnd weyt; Hermlin was ir kürseit; Sy fürte ainen pfabenhut, Ain ſeydin ſchnur vil gut Was gemachet daran; Die maget clar darunder pran Rotter, dan ain plüm thö. Lypundrigan ſprach aber nu: „Meinen dienſt ſult jr haben darzu, Wo jr hin wollet reitten ſo frü, Das ſagent mir, ſüſſes megetein, Ob jr darzu bedorffent mein.“ Darauff ſprach dy jung künigin: „Herr, wir müſſen gahen, Ehe wir noh nicht nahen Zu Myſeregal bey der ſtar.“ Der ritter daz megetein aber pat, Das ſy ſich wolte nennen, Er wolt ſy gern kennen.

Do sprach die maget Myglares: „Warumb fraget jr des?“ Er sprach: „Durch ewer ere, Das ich deste mere Euch zu dienste werden müg, Wo mein dienst euch tüg.“ Da sprach aber das megetein: „Mein fraw ist die künigein, Des kunigs toch­ter von Reratz; Ainen gemahel sy hat, Das ist Weygamur der kunig werd, Mit dem da der adler fert.“ Als die maget das verjach, Lypundrigän da sprach: „So seit jr mir recht widerritten; Von ewrm vater han ich gestern erliten Spot und grosse schandt. Nun sült je zu ainem pfandt Mit mir faren von hynnen; Ewrs gemahels mynnen Werdent jr wol ergeczet; Er hat mich auch geleczet, Und mir mein er benommen, Seht, die wunden, die ich han, Die schlug mir nachtin ewr man.“ Die kunigin er bey dem zaum gefie, Die andern maget er reitten lie, Dulciflur die süsse Viel jm an die füße, Sere wainet, pat sy jn, Das er sy reitten ließe hin Mit jrer gespillen die dort rait, Es was jr lieb oder layd, Er furt sy da gefangen Mangen weg langen. Er hieß sy sanfte füren, Sy getorste nymant rüren; Wan es was die gewonhait, Das weder arm noch reich layd An Kainem weyb mysetät, Dan was er erwarb mit seiner bet. Alſo ward Dulciflur die maget Gefangen, als man nu saget. Gen Gurgalet er sy furte do; Er was dez pfandes harte fro. Er hieß jr kunigclichen pflegen; Er war gern bey jr gelegen, Zu weybe wolt er sy haben gnomen; Da kund er sy nicht überfomen,

Das es jr wille wär. Ir was die weyl swär; Ir augen wurden offt rot Wan sy wainet zu aller stund; Die rot an jrm mund Ward mysevar und plaich; Alle schöne jr entwaich. Nun ist gefangen Dulciflur; Atroclas und Weygamur Sind noch ze Mysirigalt, Und mit jn manig ritter bald, Und ist noch gesaget nicht Umb die laydige geschicht. Nu kam die maget Myclares Zu gütem under des, Das die ritter gemayd Zu rosse wären beraitt, Als sy turnyren wolten, Und als sy des tages solten: Da komen die maget rewfar, Die vor was schon und clar. Sy tat jn laydige märe kund Da ward vil traurens an der selben stund, Atroclas von Rerat, Do jm das verkündet ward, Sprach zu den rittern überall. Do ward ain michel schal; Sy eylten alle nachfarn; Der jung kunig mit dem arn Seiner wunden da vergaß, Auff ain roß er da saß, Er eylet zu vorderst an der fart; Des turnays vergessen ward. Hie hetten sy gerne die maget gewunen, Waren sy auf das spor komen, Der kunig von Lendreye, Wie unkreftig er seye, Er het gewunen die maget herz, Darumb so mußt er Leyden not und arbait. Was die ritter gemaid Suchten, sy funden nicht, Ir rüe was gar entwicht. Weygamur mit dem aren Hatt da wider haim faren, Also det der kunig Atroclas. Nun die zwen kunig bald Ritten da allein in den wald

Gegen Gurgalet dem land sy kerten; Sy hetten kain geuerten, Wan den arn, der flog mit jn. Sy kamen gen Lauflirarin, Das was ain stat bey dem mer, Die het von türnen grosse wer, Die was des künigs von Sabelet, Und was der von Gurgalet Mit der maget geritten für. Da sprach kunig Weygamür „Unns sol des nicht betragen, Wir sülsen hie der mer fragen, Wan das ist des landes huptstat.“ Do sprach der künig von Rerat, Das jn das selbig dauchte güt. Die künige mit eren wol behüt In ain herberg gritten; Do sy des morgens jnn erpitten; Den wirt fragten sy der mer, Wes die gut stat wär, Von dem land und von der stat. Da sagt jn der wirt, des man in pat, Er fraget auch sein geste, Ob yeder darumb icht weste, Das sy jm woltent sagen: „Es kom daher vor vier tagen Ein ritter geeilet da herein, Der furt ain megethein, Die was mit pfelle wol geclait; Eie geporte, als jr wär laid, Das sy mit jm solte farn.“ Do sprach der ritter mit dem arn: „Her wirt, daz wil ich euch tün kund, Es was der künig Lypundrigund, Der rait her von Myssigralt, Da ward jm das best gezalt; Da folget jm das megethein, Dynifogar, die künigein, Die solte er haben ze weyb, Zu wunse seinem leyb, Die gewon er da mit ritterschaft; Er hat manliche kraft.“ Do sprach aber der wirt: „Wan daz jr mein gest sytt, Und ich euch niht versweren wil, Davon solt ich euch sagen vil Von der maget, die er furte; Als er sy yndert rürte, One massen sy wainte; Damit sy beschainte,

Das sy mit jm ungern für. Sy was geheissen Dulciflur; Von Rerat Atroclas Der selben maget vater was. Auch hette daz selbig megetein In jrer hant ain fingerlein, Als offt und dick sy daz ansach; Das wort sy ye darnach gesprach: „Eya, kunig Weygamür, Sol ich nymmer hinfür Deinen leyb beschawen?““ So begund er jr trawen, Der ritter, mit scharpffem worte. Als sy das gehorte, So ward jr jamer so grausenlich, Es begund erbarmen mich: Sy wand jr schneweys hende, Sy schlug an die wende Ir wol geschaffen haubt; Fröden was sy beraubt; Groß was jr ungemach. Also vertryben sy die nacht In dysem haws, daz ich es sach. Ich muß der frawen ungemach Clagen uncz an meinen tod. Ach, ach, sy leyt grosse not!“ Da nu der wirt begund also sagen, Und der maget Fumer clagen, Da überlieffen jn taugen, Den rittern bayden, jre augen. Weygamür sprach aber zum wirt also „Künnent jr vns nit gsagen, wo Ist sein land gelegen, Wie lang ist er under wegen, Ee er müg gar haim komen?“ Sprach der wirt: „Ich han vernommen, Er müße voran lange weg, Bayde, moß und steg, Hoch berg und tieffe tal, In dem walt steyg smal, Durch den wald zu Toloyr, In das land zu Effloyr, Über den see zu Mysegret, In das land zu Gurgälet; Da sol er tragen die krön.“ — „Hay, Dulciflur, wie schön Und sewr ich die erarnenn müß! Ich thün dir auß sorgen püß, Wie fremde es zwischen vns sey.“ — Sprach der künig von Lendrei.

Es ward geſwigen hie mitten. Nach vil hofflichem ſytten Des nachtes jr der wirt pflag. Als nu da der liecht tag, Urlab namen ſy zü hant; Sy füren wald vnd land, Sy ritten manig meil. Es kam jn an die eyl, Das ſy gern wären tod, Wan ſy litten groſſe not. Auch iſt hie wol geſaget, Wie Lypundrigund die maget Dulciflur, die maget ſieng. Nun vernement wie es darnach ergieng. Da er ſy haim bracht, Aines dinges er jm gedacht: Da ſy jr vater ſüchte mit were, Da entgegen ſchüff er ſein here, Er gedacht jn ſeinem müt, Wie er die maget mit güt Vnd mit liſten überfäme, Das ſy jn vil gerne näme; Wie er ſeinen dingen tät, Es wär treütten oder pet, Die waren jr alle geleich. Vnder des kom der kunig reich Zü der ſee zu Miſſagrett, Der ſchyed das land zu Gurgalet Vnd das land zu Doloyr. In ainer hayde, hayſſet Effloyr, Ein ritter jn wider rayt, Das was der kunig gemaid, Vnd der herczog von Nordin, Die zwen künig grüſſten jn; Des danket er jn ſüſſe Mit vil hofflichen grüße. Sy fragten jn der mere; Da clagt er jn vil ſere, Jamerlich gepärd het er darzu, Er clagt jn arbayt vnd müe; Er ſprach: „Ich vnſäliger man, Wan ich ſälde nie gewan! Es iſt nu vil manig tag, Da ich fräden nicht enpflag, Vnd daz mir widerfür dicz layd. Aines tages, da ich rait In den wald zu Doloyr, Ein juncfraw het gefolget mir, Von Drißwas land die künigin, Ir müter waz von Grißmaßmalin;

Pioles jr name was; O wee, das ich ye genas, Das ich mit jr icht layd den tod! O wee, das erbarm got! Auf ain purg ich ſy pracht, Vil wenig ich des gedacht, Ich ſolt ſy wider finden; Dem wirt vnd ſeinem gefinde Empfalch ich ſy mit frewen. Das müß mich ymmer reüen, Das ich den turnay nit vermaid, Da ich vnſäliger man hin rait; Vnd als ich kam da wider, Da lag die purg dar nider, Verprant vnd zerprochen; Do het der künig gerochen An dem wirt ſeinen zorn; Des hat manig man verlorn Jämerlich ſeinen leybe, Da verprunen juncfrawen vnd weybe, Vnd alles das da was, Das da nymant genaß. Da verlöß ich die frawen mein, Das müße got geclaget ſein.“ Weygamur der held pald Sah neben ſich jn den wald: Er gedacht wo er wäre; Er verſtund ſich an dem mere, Das es die juncfraw was, Der er halff das ſy genaß In der purg die er fand, Die jn dem wald was verprant, Da er erſt auß dem mer ſchied, Vnd der ſynne hette nit. Er gedacht vaſt daran, Wa er die juncfraw her gelan; Vber lang er ſich beſan Das er was auß dem ſelben land. Nu begund er trachten zu hand, Er ſach da alumbe gar ferr; Zuleſt ſach der herr Ain burg auff ainem berge, Da er dem gezwerge Empfolhen het die maget gür. Das hat wol acht jar gerüt, Der er nyemant gewüg. Er ſprach: „Wir haben geriten gnüg, Wir ſullen beleyben hie.“ Die herren ſprachen: „O wie?

Wan wir haben nit ſpeys.“ „Da tünd als ich euch weyß, Sprach der kunig von Lendrie, Ain burg ſtat nahent hie, Da wil ich ein reytten; Ir ſullent mein hie beytten. Ich bring euch ſpeyß, ob ich mag. Wir haben geritten diſen tag, Diſe roß ſind müd vnd auch wir,“ Da ſprach der kunig Hartzier: „Herr, jr habent geſprochen wol, Ob das alſo weſen ſol, Das ich ewr gunſt han, Vnd mir er tugent das gan, Das ich alhie beleybe Vnd die nacht bey eu vertreybe, Miet geſalliclicher tat.“ Do ſprach der kunig von Rerat: „Herr, das iſt vnſer bet.“ Sie gehieſſen ſich zü ſtet Dienſt vnd geſelſchafft; Die drey ritter tügenthafft Gelobtent das mit ayden, Das ſy nit wolten geſchayden Werden, von kainer ſchlacht not, Es wär gefangnüß oder tod. Die geſelſchafft werd ain jar, Vnd hieltent es ſtät zwar. Weygamur der tugentreich, Vil hart fröleich Rait hin auf den berg; Da fand er aber das zwerg Vor der burg ſyczen, Dar kam er mit güten wiczen. Als jn das gezwerg anſach, Es erkant jn vnd ſprach: „Herr, ſeyt mir wilkomen vnd gor, Laſt mich ſeyn ain pot, Der das pottenprot gewynn, Wan die künigin Werden alle ewer zükünft fro,“ Weygamur der fraget do Vnd ſprach: „Iſt die juncfraw noch ſie, Die ich zum nechſten hie lie, Pyoles die vil güt, Die ich in deines frawen hüt Empfalch, da ich von hinen rait? Iſt jr ye geſchehen kain layd Das muß mich ymer rewen; Ich empfalch ſy zu ewrn freuen.“

„Ja, ſy iſt geſund vnd fro, Sprach das gezwerg do, Das mügt jr ſelber ſchawen, Sy iſt bey meinen frawen In ainer kemnatten, Da iſt ſy wol beratten Zu allem, daz ſy geren hat, Seyden, gold vnd allen rat.“ Das gezwerg do dannen lief, Vil laut es jn der purg rieff: „Wol auf! enpfahent den man, Von dem wir den leyb han!“ Den frawen ſaget er die mär, Das da komen wär Der ritter, von des fründheit Was zu lieb komen jr layd. Die ſchöne Lygroniten Vnd auch die hübſch Floßgeniten Vnd die ſüß Pyoles, Gar fro wurden ſy des. Bey den henden ſy ſich fiengen, In den hoff ſy giengen; Da ſy den ritter ſahen, Sy eylten jn ze empfahen, Sy kuſten jn vil mynicleich. Die kunigin alle geleich Belaitten jn auf den balaſt hoch; Pyoles vmbfieng jn do Mit den armen zu jr: „Wie mochtent jr, herr, von mir Ye ſo lang geſein? Wan ich han nymant dan dein.“ Da ſprach der kunig Weygamur, Nun ſolt die fraw hinfur Nymer bey der kunigin ſein: „Den reichen kunig von Nordein Bring ich dir, das iſt war.“ Pyoles die frawe wol gefar, Ab ſeinem namen vor liebe erſchrack, Das ſy nit weſt wa ſy lagk. Sy viele dem ritter jn ſein ſchoß, Ain kalter ſwayß jr überſloß, Ir liechte varb die ward plaich, Das jr dy krafft entwaich. Sy richtet ſich auf vnd ward fro, Zu Weygamur ſprach ſy do: „Lieber herr, nu ſagent mir, Wa iſt der künig Hartzier?“ Do ſprach der kunig mit dem arm: „Da ſoltu, fraw, mit mir farn,

Ich bring euch schir da er ist.“ Nun ward die fraw jn kurczer frist Zu der fart geclaydet, Ain pfert ward ir auch beraittet. Weygamur der ritter pald, Furte die frawen jn den wald; Sy koment jn kurczer stunden, Da sy den kunig funden. Als sy jn ersach, die süsse, Da fiel sy jm zu fiesse Von dem pfertt, als sy rait. Der kunig das auch nit vermaid. Da sy die frawen sachen, Sy eylten sy empfachen. Nu erkandt der kunig von Nordein Do die früntdin sein. Gutlichen er sy empfie, Größer lieb gewunnen sy nie, Man noch weyb, als man sagte, Es was jn vil lieb betagte. Do sprach das süsse megetein Zu dem kunig von Nordein: „Nu solt du, lieber herre, Danden vil fere Disem ritter gemaydt, Wan von seiner frundeit, Du hettest mich anders nymer mer gesehen, Ich wil jm der trewen jehen, Die er an mir getan hat.“ Sy sagt jm alle die tat, Die er yje an jr begie, Wie er sy fand vnd wie er sy lie, Vnd sy pracht zu den leüten wider, Vnd wie man jr pflag syder, Mit ganczen ern durch jn. Do sprach der kunig von Nordin: „Das sol ich verdienen, wil es got.“ Sein hende er jm bot, Er wolte werden sein man. Weygamur sprach san: „Herr, jr seyt ain kunig als ich, Es wär mir zü größlich, Ewer manhait ich nit ger, Mein schilt vnd mein sper Sol euch dienen, dyweil ich lebe, Wan es sich anders begebe, Wan mir sein kain not ist. Es wär ain vil güter list, Das ain man wol tät, So er des stat het.

Frawen dienet ich auch ye, Als jr habt gejehen hie; Das wil ich ymmer wesen fro,“ Die junckfrawen komen do Von der burg geritten. Sy begunden mit züchten bitten Die drey ritter gemaydt, Das sy, durch jr huöschait, Mit jn zu hoffe wolten farn. Do sprach der ritter mit dem arn: „Von ewren gnaden wir daz biten vnd begeren, Das wir mit ewren hulden dez werden Berzihen, jr sult vns senden der hilfe not, Futter, wein vnd auch prot.“ Do die junckfrawen wol gefar, Hießen sy füren dar Fäter vnd speyse vil. Pyoles jr gespyl Urlaub nam von jn, Wan sy der kunig von Nordin Nu wolt füren von dan, Nu begund wainen san Die süsse junckfrawelein, An jn was myltikeit wol schein. Als jn dem schieden sy sich, Die junckfrawen mynigclich. Also lagen sy die nacht in dem wald, Biß kam der ander morgen pald, Da ritten sy gen Mysigreth. Die stat was von Gurgalet, Des kunigs von Lypundrigon, Ain ritter von Harelfrum Auf der strasse jn widerfur. Da pat der ritter Weygamur, Das er jm sagte mere, Wes die stat were. Do sprach der ritter zu hand: „Die stat vnd dyses land Dienet dem kunig von Gurgulet,“ Weygamur sprach zu der stet: „Nu sag vns, herr, dabey, Wissent jr wo der kunig sey? Ist euch das icht bekant? Wir sind poten an jn gesandt, Vnd sein hie zu land geste.“ „So rat ich euch das beste, Sprach der ritter vnuertzagt; Er pracht heut ain magt, Die ist clar vnd wolgetan, Die kan der kunig nit ubergan

Mit übel noch mit gütz; Ey ist in so vestem müt, Das jn durch jn nit thün. Nu wil der kunig Lypundrigon Reytten gen Gemorigal, Vnd das megetein mit schal Mit jm furn, vmb das, Ob er sy desta baß Seines willen müg übergan. Er wil sy selbs sehen lan Seiner manhait kraft. Dahin koment grosse ritterschaft Von allen disen landen; Vor seinen feinden handen Besorge er sich mit do.“ Weygamur sprach: „Wo Gät die rechte straß dahin?“ „Über den berg zu Plamynn, Zu Grunlalyr über den wald, Da mügent jr vil bald Den kunig morge besprechen.“ „Möcht wir es wol gereßen! Wir besprechen jn“; sprach Atroclas. Dem ritter eylen was Sach vnd rait furbas. Da sprach der ritter Weygamur, Mit dem der adler fur: „Ich bin des meres hart gayl; Wil vns got geben hayl, So mag vns wol gelingen, In allen vnsern dingen.“ Harczir, der kunig von Nordin, Vnd die junckfrawen sin, Westen denocht nicht der mer Von der zwayer hern swär, Vnd den grossen kumer den sy litten. Do sy da kamen geritten Zu ainem prunen an ain graß, Da sprach kunig Atroclas Zu dem kunig von Nordein: „Ich wil auf die gnade dein Dir, herre, clagen layd, Wan ich not vnd arbait Han, vnd auch grosse rew, Wan Lypundrigon hat sein trew An mir zerprochen vnd geschwacher, Des nu sein hercz jn falschait lachet; Das ist meines herczen ser, Es ist geschehen selten mer.

Ain tochter die ich han, Die ain maget wol gethan, Vnd ist nur vierczehen jar alt, Die rait gen Misegralt; Lipundrigon sy do fieng, Das mir zu nötten ergieng. Ainen türnay wolt sy schawen, Als ander junckfrawen; Durch die bin ich hergefarn. Auch der ritter mit dem arn, Weygamur der reiche, Hat die maget eleiche, Dusceflur die tochter mein, Als er nu lat werden schein, Wan er mit fert nach jr.“ Do sprach der kunig schir „Seit die tät so ist gethan, So sult ir wissen ane wan, Da ist kain zweyfel an mir nicht Wo mir zu streyten geschicht Vmb ewre bayder ere, Ee ich von dannen kere, Ir sehent dan das ich gesig Oder bey euch tod lig. Wan ich von ewr tugent göt Hab gewunen hohen müt.“ Da sprach der kunig von Lendrie: „Nu sult jr ratten me, Wie wir erlösen die maget. Als vns der ritter sagt, Das er komt gen Grymdolar, Vnd mit jm die maget dar Koment auf abentür, So müß jm zu saur Werden das megethein, Mir entpreche dan die hende mein. Er müß fallen von mir an trost, Damit wirt die magt von jm erloßt; Oder ich verleüse den leybe, So das ich kain weybe Mir acht mer gewynn.“ Pyoles die küngin Wainke vnd clagte do. Sy ward aber herwider fro, Das sy wol erkannte Die kraft seiner handte; Der troste vnd der gedinge Machte jr hercz geringe. „Aines tages sult jr folgen mir, Das der kunig sprach schir,“

Wir wollen eylen pald, Bnd ſein hütten auf dem wald, Da er über reitten ſol; Seines mütes iſt er dol, Das er an geſinde fertt. Jſt vns die ſelde beſchert, Das er die maget pringet dar, Ee er dan von vns far, Er muß vns die maget ledig lan, b. Das ſol er furwar von mir han.“ Weygamur ſpracĥ zu hand: „Lypondrigon richtet dycz land, Ymi ſind die ſteyg wol bekant; Wir verſaumen villeicht die hütz Jch ſag eucĥ mein müt; Mir müß das wol geuallen, Der kunig fert mit ſchallen Bnd fleyſſet ſi wie er bejag rum Durĥ der frawen magthum, Ob er mot gelinden jrs herczen mütz Dauon dundet mich das güt, Das wir der hut abe ſtein Bnd laſſen jm das magetein Furen biß gen Fründylar, Bund wir nach komen dar. Das wir jn nit erſchrecken, Bnußer waffen ſallen wir bedecken, Das er vns nicht erfenne. Widerrit er mir denne, Jch ſtiych jn das er fallen müßz Ich mach jm ſeiner hocĥfart püß, Ee er von mir kfere, Das er ymmer mere Gemütte Faines weybes. Gan mir got des leybes Ih gyb jm des ain entliche leße, a. Das er kainem ſeinen gemahel mit fahen beheſte.“ Bon Rerat Atroclas, Der der maget vater was, Dancket dem kfunig Weygamur: Er ſpracĥ: „Die maget Dulſciflur Jſt mein kind, das wayß ich wol, Wan die iſt mein rechter geſtol. Linpondrigon von Gurgulet, Ob mir nach hayl erget, Das ich mit jm ſtreyten ſol, So erpeite icĥ es jm wol, Das er mir mein Pind laſt frey.' Alſo ritten die kunig al drey Die ſtraſſen gen Gundylar,

Da ſy waren komen dar, Sy fiengen herberge Nyden an ainem berge, An dem ende der ſtat. Weygamur den wirt pat, Das er behielte ſein arm, Er wolte an jn außfarn, Das man jn nit erkante da. Die drey kunig ritten ſa Gewaffent auß an das feld, Da was aufgeſchlagen manig gezelt Vor der ſtat, bey ainem graben, Da het ſich der turnay erhaben, Da manig ſtolczer ritter raytt, Bnd manig hübſche fraw wol geclaid Rait ſchawen dabey. Nu ſach der kunig von Lendrey, Das dort habet Lypondrigon Bff ainem roß, das was prawn, Gezymiert wol, nach hoher koſt, Bnud ſich berait zu ainem tyoſt. Manlichen er hin vnd her für. Nu kerte der herr Weygamur Baſt auf jn mit ainem ſper, Es was jm komen nah ſeiner ger, Mit ſolcher Fraft er jn ſtach, Das jm der ſattelbogen zerbrach, Bnud viel nyder in den ſandt, Das ers an ſeinem leyb empfand. Weygamur für über jn Er ſpracĥ: „Wayſt du die trewe din, Die du mir gabeſt zu Miſigralt, Da dir der preyſe ward gezalt Bber alle ritterſcĥafft, biß an mich? Hetteſt du nicht verſprochen dich? Da tetteſt du mir ſicherhait, Das müß dir nun werden land, Das du die nicht lieſſeſt farn Duſceflur, die maget clarnn, Die du mir fiengſt zu layd. Nu ſach ſy alſo wunden Lypundrigun her tragen, Sy hört ſein nyndert agen, Wan ſy wöneten alle, Nu fur tort her mit ſchalle Atroclas vnd Weygamur, Pald und ſcĥir der kunig fur. Sie alle jachen, Da ſy die maget ſahen, Dur die ſy warn komen dar,

Haben an der frawen ſchar, Auf ainem weyſen maul pland: „Weygamur, nu hab danć.“ Als er die frawen erſach, Er küſte ſy vnd ſprach: „Fraw, jr ſeyt von ſorgen frey.“ Die reichen kunig alle drey Bnderwunden ſich der maget ſchon, Sye ritten frolich von dan Gen Granlynas. Seines arn er nicht vergaß, Von Lendrye Weygamur. Pyoles vnd Dulciſlur, Die zwo jungen künigia, Die waren durĥ ſĥleĥte mynn Zu groſſer arbayt komen, Als jr von jn habt vernommen; Die hat der künig von Lendrey Bon ſorgen gemacht frey. Atroclas, Hartſchir, Weygamur, Pyoles vnd Dulceflür Mit freden riten gen Reratz; Zu Negragryß der haubtſtat Komen ſy aines morgens frü. Die jungen kunigin zwü Wurdent da zu rat, Das ſy rittent trat Auf die burg, vnd tetten kund, Das jnn käm geſund Ir herr, der kunig Atroclas.

Nu ſy kamen fur den palas, Da ſtygen ab die frawen gmayd. Manig ritter wol geclait Eylten ſy empfachen. Auß der burg begunde gachen Maniger jungĥer dol. Ir junkfrawen erkanten ſy wol; Irer mutter kamen auĥ die mer, . . . En eylte pald herfür. Da ſpracĥ Dulceflur: „Fraw muter, ir ſult fro ſein, Atroclas der vater mein Jſt geſund komen wider da.“ Nichte er als er ſolte tün; Er gewan ainen ſün Bey der frawen Dulceflür, Der ward genandt von natur Dulciweygar künigcleihen, Des freüet ſich arm vnd die reichen; Bey dem hat die abenteur nit betaget, Wan von jm wirt hie nit geſaget, Damit hat es ain ende. Got vnßr aller kumer wende Jn freuden jn dem hymelreich; Spredent alle geleid: Amen. Deo gracias.