König Oswald

Wellet ir härren stille gedagen, sö wil ich iu kunden unde sagen von deme miltisten man, sö er daz leben ie gewan: daz was sant Oswalt ülz Engellant, alsö tuot uns daz buoch bekant.

deme dienten krefticliche nn zwelf künicriche, zwelf künige die dienten ime schöne, I0 iegelicher under siner guldiner kröne, vier unde zweinzic herzogen here die dienten ime durh sin gröze re, sehs unde drizic gräfen lobesam die dienten ime mit manigem werden man, niun edele bischofe die dienten ime Üf sineme hofe, ritter unde knehte die dienten ime gar rehte. nü verweisete sant Oswalt vruo, daz ime gie gröziu sorge zuo, er lebete mit grözen sorgen den äbent unde den morgen: des twanc in gröziu nöt, wande ime was vater unde muoter töt. er was junc ze der stunde, daz er sich niht versinnnen kunde: der milte künic Oswalt was niwan vier unde zweinzic jär alt.

doch wie er gar ein kint was, des richen gotes er nie vergaz, er was ze allen ziten in deme geträhte, wie er gote wol gedienen mähte, er sprach: ‚himlischer degen ich wil dir dienen, die wile ich hän min leben’. er sprach: ‚solte ich mich sin niht schemen, sö wolte ich gerne ein vrouwen nemen, nü bin ich ein kindischer man, hörre wie sol ich ez grifen an? ich naeme gerne ein magedin, möhte ez nür äne sunde gesin: ei himlischer vurste h£re nü gip mir rät unde lE&re! daz geschach eines nahtes, dö lac er unde slief, sin herze ime ze den sinnen rief: ,‚Oswalt sulen Jdiniu lant äne ein vrouwen stän? triuwen daz ist niht wol getän! zwiu sulen dir witiu künicriche, du hetest danne ein vrouwen tugentliche? wande sturbest du, sö wurde ez erbelös:

nim dir eine, diu si din genödz!’ er gap ime selber rät unde ler unde gedähte ouch hin unde her an der selben stunde, wä er sin genözen vunde. er hete in sineme geträhte, daz er niendert vinden mähte in zwelf künicrichen daz ime möhte gelichen. nü gap ime sin engel in den muot: ‚ich wil dir räten edeler vurste guot: nim dir dehein vrouwen in den landen din, ich wil dir ez räten üf die triuwe min, du muost varen über mere mit eineme kreftigen here näch einer heidnischer küniginne, die solt du über mere her bringen, du muost in die heidenschaft k&ren unde kristenlichen gelouben mä£ren: nim dir ein heidnische künigin, daz ist gotes wille unde der lieben muoter sin.‘ dö er den rät vol vernam,

des vröiwete sich der werde man, er sprach: ‚himlischer vurste guot nü hilf mir über des meres vluot!‘ sant Oswalt dannoch in sorgen lac die langen naht unze an den tac, wie er ime eines sinnes erdaehte, daz er die sine zesamene braehte. nü lie er niht beliben, er hiez ıme briefe schriben, boten er gesant in alliu siniu lant. er enböt dö mit @ren allen sinen landes h£rren, von den wolte er rät nemen, des dorfte er sich niendert schemen. dö die herren sin boteschaft vernämen, wie balde si gen hofe quämen! ritter unde knehte, die ıme wären gerehte, zwelf künige quämen ime schöne, iegelicher under siner guldiner kröne, vier unde zweinzic herzogen here die quämen ime durch sin gröze £re, sehs unde drizic gräfen lobesam

die quämen mit manegem werden man, niun edele bischof quämen ime üf sinen hof, die besten h£rren alle quämen dar mit schalle. dö si nü gen hofe wären komen unde daz sant Oswalt hete vernomen, hoeret, wie er under in umbegie unde si gar wirdiclichen empfie, vrien, gräfen sunderbär, daz sage ich iu vürwär, ritter unde knehte, ieden man näch sineme rehte, er empfie sine landes härren wirdiclichen näch grözen £ren. dö sprächen die helde höchgemuot: ‚nü danke iu got der guot!‘ er begunde si ze hüse laden, alse wir noch hoeren sagen. dö sprächen die dienesthörren: ‚hörre wir tuon ez rehte geren‘, alsö begunden si alle jehen:

‚waz ir wellet daz muoz geschehen‘. sant Oswaldes @re die wären gröz, den herren man dö wazzer böt, sant Oswalt hüs&re nie vergaz, mit den herren er ze tische saz, die höchgebornen degen satzte man dö ze tische eben, er satzte si schöne ze tische unde gap in bräten vische, er gap in semele unde guoten win unde waz dä reines möhte gesin, er gap in zamez unde wiltbraete, guoter koste allez geraete, der allerbesten spise genuoc, sö man si vür herren ie getruoc. der edele vurste wolgetän begunde mit den h£rren wirtschaft hän, volliclichen zwelf tac er ir mit grözen &ren pflac. dö sich diu wirtschaft erlie, sant Oswalt vür den tisch gie,

er sprach mit grözen £ren: nn ‚nü merket alle mine landes h£rren, ir sult allc samt stille gedagen unde merket, waz ich iu habe ze sagen: ich hän iuch niht umbe sust zesamene bräht, merket, wes mir si gedäht: einen rät wil ich von iu nemen, des durft ir iuch niendert schemen: ritter unde knehte ir sult mir räten rehte, herzenlieben vriunt min nü rätet mir, waz daz beste müge gesin, mit triuwen, der ich iu getrouwe: ir wizzet wol, mıiniu lant stänt Äne ein vrouwen: kunnet ir mir iendert gezeigen under kristen unde under heiden ein küniginne edele unde riche, der lip si kluoc unde minnicliche, ir &re michel unde gröz unde diu si min genöz’" manic helt abe Jer vräge erscliricte,

ie einer den andern anblicte, si besorcten an den stunden, daz si sin genözen niendert vunden. die herren giengen döÖ ze räte beide vruo unde darzuo späte volliclichen dri tac, ein iegelicher man dö siner witze pflac. ir aller triuwe dö wol erschein, die besten wurden überein unde sprachen ze deme h£rren: ‚nü riete wir iu daz beste geren, nü kunne wir iu geräten niht, wie halt uns darumbe geschiht: juwer gewalt ist üzermäzen gröz, wir vinden niendert iuwern gendz, in zwelf künicrichen vinde wir niendert iuwern gelichen, si sin iuwer vriunt oder eigen, dävon kunnen wir iu niendert gezeigen.... . daz geloubet uns lieber herre min, wir wizzen niendert kein künigin, der wir des mugen getrouwen,

daz si iu gezeme ze einer vvouven‘ — er sprach, alse uns daz buoch vergiht: ‚kunnet ir mir danne geräten niht, sö sult ir heim ze lande varen, got müeze iuch bewaren!’ der höchgeborne degen begunde deme räte ein urloup geben. dö in daz urloup wart bekant, dö vuoren die hörren heim ze lant. dö der rät ein ende nam, dö trürte der vurste lobesam. nü quam üf sinen hof gegän ein edeler pilgerin wolgetän, der was geheizen Wärmunt, zwei unde sibenzic lant wären ime kunt, diu hete er erwallet mit &ren in deme dienste unsers lieben härren unde durh die Ere der himlischen künigin, darzuo stuont ime daz gemiüete sin. er truoc einen balmen in siner hant unde gruozte sant Oswalt in Engellant. dö in der künic ansach,

dö begunde er in empfähen unde sprach: ‚Wärmunt edeler pilgerin du solt mir gotwilkomen sin, sit du mir ze hofe bist komen, din kunft hän ich gerne vernomen‘. er gevie in under sinen arm dräte unde vuorte in in sin beste kemenäte, dä si nieman hörte weder sach, höret, wie er vräcte unde sprach: er sprach: ‚Wärmunt edeler pilgerin sage mir Üf die triuwe din: kanst du mir iendert gezeigen under kristen unde under heiden ein küniginne schoene unde minnicliche, diu mir gezeme über min riche?‘ dö sprach der pilgerin Wärmunt: ‚zwei unde sibenzic lant sint mir wol kunt, darinne weiz ich niht edeler vurste lobesam, noch wil ich iu räten obe ich kan: enhalp des meres vluot

dä weiz ich ein küniginne lsÖ ut, ich muoz dir der wärheite jehen, ich hän sö schoenez bilde nie gesehen alsö ir werder lip, ich gesach nie schoener wip, ir schoene ist Üzermäzen gröz, an schoene lebet niendert ir genöz, milter künıc Oswalt, ir lip ist minnicliche gestalt, sı ist ouch tugentliche, si gezimet dir wol über diniu riche, si ist diu schoene vrou Pamige genant. dä ze Arön in deme lant dä ist ir vater gesezzen, ein heiden sö vermezzen. si ist ein heidnischiu künigin unde geloubet an got unde an die muoter sin, si selbe vierdiu juncvrouwe, herre des sult ir mir getrouwen, si hät kristengelouben . 0 00 0 [8 8 T 8 2 LT Te LT Tr Tr Te

heimliche vor deme heidnischen man, unde weste er ez, er gewunne ir daz leben an, sı wolten gerne ze der toufe keren unde kristenlichen gelouben m£ren beide späte unde vruo, nü hänt si nieman, der in helfe darzuo.‘ dö sprach der werde vurste guot: oO ‚nü muoz ich über des meres vluot, ich hilfe in ze der toufe‘, sprach der junge degen, ‚unde gienge ez mir an min werdez leben!" . er sprach, alse wir hoeren sagen: ‚nü solte ich einen boten haben über des wilden meres vluot ze der werden küniginne guot, daz er mir ervüere diu maere, wes ir ze muote waere: wolte si kristengelouben hän, daz solte si mich wizzen län, sö braehte ich zesamene ein michel here unde vüere näch ir über mere.‘ dö diu rede vol geschach, hoeret, wie der pilgerin sprach:

‚Oswalt höchgeborner degen du solt dich der maget verwegen, daz ich dir hän geseit daz ist mir entriuwen leit, hete ich dir ez niht geräten vurste h£re, ich geriete dir ez niemermäre: du maht ir niht gewinnen mit allen dinen sinnen, ez tuo danne got selber sin stiure darzuo beide späte unde vruo.‘ ‚ane gotes hilfe‘, redete der werde man,. ‚trüwe ich si niemermäre gewinnen von dan, doch tuon ich ez in deme namen sin, üf die triuwe min, er hilfet mir mit den genäden sin, daz mir werde diu junge künigin.‘ sant Oswalt der vurste h£re begunde den pilgerin vrägen m£re: ‚sage mir pilgerin Wärmunt, dir ist doch wol kunt, wie der heiden si genant, daz ist dir doch wol bekant?

sage mir sinen rehten namen, des darft du dich niendert schamen.‘ der pilgerin sprach mit £ren: ‚triuwen daz tuon ich geren: er ist genennet schön N unde heizet der riche künic_Arön.‘ | er sprach: ‚Wärmunt dar solt du min bote sin, daz er mir gebe die tohter sin, darumbe gibe ich dir richen solt, beide silber unde golt, ich wil dir geben ein herzogtuom, du maht die boteschaft wol mit @ren tuon.‘ dö sprach der pilgerin: ‚des überhebe mich lieber h@rre min! milter künic Oswalt, ez ist sö gröz des heidens gewalt, ez ist nie kein bote dar komen, der heiden habe ime sin leben genomen, ez ist kein bote nie komen dar, der heiden neme sin vil ebene war: der in baete umbe die künigin,

deme slehet er abe daz houbet sin. der heiden hät daz versworen, geloubet mir ez vurste höchgeboren, er welle die tohter nieman geben alle die wile er habe sin leben. er hät einez in sineme muote, daz understä ime got der guote: sterbe ime diu alte heideninne, er welle sin tohter selber minnen.‘ dö sprach der vurste wolgetän: ‚daz sol got selber understän, daz der heiden sin tohter iht minne, si sol werden ze einer kristinne,‘ alsö sprach der vurste lobesam: ‚nf hän ich manegen dienestman, die vüere ich über daz mere balt unde vüere si dannen mit gewalt.‘ dö sprach der pilgerin Wärmunt: ‚Oswalt dir ist niht wol kunt: er hät ein burc veste unde guot, diu ist vor schanden wol behuot:

daz kristen unde heiden, alle diu werlt waere din eigen unde hetest dich dämite für die burc erhaben, du möhtest ir niemäre geschaden, du müestest dävor ligen drizic jär, Oswalt daz sage ich dir vürwär, dannoch wurdest du niht innen balt, wie dıu juncvrouwe si gestalt.‘ dö sprach der pilgerin: ‚hörre nüı volge der löre min ich wil dir räten, obe ich kan, rehte alse ein getriuwer man: du häst üf dineme hofe erzogen, des solt du got iem£re loben, du häst erzogen einen edeln raben, den solt du ze eineme boten haben: ez lebet üf erden niendert alse ein wiser man, wan der rabe dir ez baz gewerben kan, er ist dir nutzer über daz wilde mere, danne obe du sandest ein ganzez here, er hät von unserme härren daz gebot,

daz geloube mir härre äne allen spot... daz din rabe ist redende worden, daz geloube mir vurste höchgeboren.‘ dö sprach der vurste lobesam: ‚wie w£nic ich daz gelouben kan! ich hän in erzogen, daz ist wär, volliclichen zwelf jär, daz ich keiner slahte stinnme von ime nie bin worden inne, nieman ich ez gelouben mähte, ich hörte danne sin gebrähte.‘ dö sprach der pilgerin Wärmunt: ‚Oswalt dir wirt noch wol kunt, milter künic Oswalt nü sende näch deme raben balt: si nıht redende worden der rabe din, sö slach mir abe daz houbet min unde scheit mich von deme leben, unde si dir vor gote vergeben.‘ sant Oswalt sümte sich niht m£r unde hiez ime den raben bringen her. nü was der rabe vermezzen üf einen höhen turn gesezzen, des trürte der vurste wolgetän,

daz er den raben niht mohte gehän. nü rätet alle an deme ringe, wie wir den raben abe deme turne bringen! sant Oswalt begunde harte klagen, daz er niht hete sinen lieben raben. dö sprach der pilgerin Wärmunt, deme was umbe des raben vart wol kunt: ‚herre ir sult iuch wol gehaben: wanne got entbiutet iuwerme raben.... wanne got wil durh iuwer £r, sÖö sendet er iu iuwern raben her.‘ der himlische trahtin tete dö sin genäde schin unde gap deme raben an der stunde, daz er alle spräche wol reden kunde. der himlische heilant den raben schiere herabe gesant, daz er quam gevlogen balt

vür den milten künic Oswalt. dö er üf den tisch was bekomen, alse wir ez sit hän vernomen, den stolzen pilgerin Wärmunt empfie er dö an der stunt. daz Erste wort, daz er ie gesprach, hoeret, wie ein zeichen dö geschach: ‚Wärmunt, edeler pilgerin, du solt mir gotwilkomen sin!‘ der milte künic Oswalt erhörte die rede balt, nü mohte ime niht liebers geschehen, alse wir noch hoeren jehen, ez sprach der üzerwelte degen: ‚Wärmunt du solt mir vergeben, daz ich niht wolte gelouben den worten din, vergip mir ez durh den willen min! ich hän in erzogen zwelf jär, pilgerin daz sage ich dir vürwär, nü ist daz daz Erste wort, daz ich noch ie von ime han gehört.‘ dö sprach der edele rabe:

‚herre merke waz ich dir sage: es keiner menschlicher stimme waerest du von mir niem@re worden inne unde hetest ir ouch noch niht vernomen: diu genäde ist mir von gote her komen. du wirbest umbe ein edele künigin, herre des wil ich din bote sin, ich wil dir die boteschaft werben, unde solte ich darumbe sterben, ich erwirbe dir die küniginne höre oder du gesihest mich ze Engellant niemermäre.‘ sant Oswalt kuste den raben an sin houbet unde an sinen snabel, ‚ich wil got iem&re loben, daz ich dich ie hän erzogen.‘ dö sprach der rabe dräte: ‚hörre nü volge mineme räte: heiz balde springen unde heiz dir einen goltsmit her bringen, heiz mir beslahen daz gevidere min Oswalt durh die äre din alsamt mit röteme golt, darumbe gip ime richen solt,

heiz mir wurken schöne üf min houbet ein guldine kröne! wanne ich kume under die heidnischen man, sö wirt mich ein michel volk gaffen an, sö mac ich deste baz einen vride gehaben, herre daz wil ich dir vürwär sagen, vür vähen unde vür schiezen, hörre 1A dich sin niht verdriezen, sö wirde ich deste schöner empfän beide von vrouwen unde von man, mit rittern unde mit knehten mac ich deste baz gebrehten, wanne ich var sö mit grözen £ren, sö siht mich ieder man geren: man hät den man nür alse man ın siht unde pfliget darzuo guoter witze niht... dar zuo deme richen künic Äröne deme sage ich die boteschaft schöne, unde der lieben tohter sin der sage ich deste baz den dienest din.‘ sant Oswalt volcte des raben ler unde hiez ime den kameraere bringen her.

a [sant Oswalt hiez springen b unde ime einen goltsmit her bringen.) alse er ime sin gedähte, wie balde man [den meister| her brähte, diu wile werte niht lange, der kaıneraere quam gegangen. dö er den härren an sach, nü muget ir hoeren, wie er sprach: ‚genäde lieber härre min, waz ir wellet daz sol geschehen sin.‘ dö sprach der milte künic Oswalt: ‚einen goltsmit solt du mir bringen balt, den muoz ich haben, daz wil ich dir vürwär sagen.‘ der kameraere tete durh nöt waz ime sin eigen hörre böt, der kameraere dö nicht langer beit, wie balde er gen Salmiders reit! dö er in die stat was bekomen, alse wir ez sider hän vernomen, an der selben stunde einen meister er an sehen begunde, den vant er vor einer smitten stän,

der was ein künstericher man. ‚got grüeze iuch!‘ sprach der kameraere, meister ich sage iu vremediu maere: ir muget niht langer hie bestän, ir sult mit mir gen hofe gän.‘ der meister gar harte erschricte, sehet, wie balde er umbe sich blicte! er sprach: ‚vil stolzer kameraere, bescheit mich der rehten maere, waz mac der hörre mit mir ze schaffenne hän? daz sult ir mich wizzen län.‘ er sprach: ‚daz wil ich iu sagen: ir sult ime sinen raben beslagen gar schöne mit röteme golt, darumbe git er iu guoten solt.‘ der meister hörte die rede dö, des wart er Üüzermäzen vröd, ez dühte in niht ze swaere, unde gie mit deme kameraere. dö er nü gen hofe was komen, alse wir es sider hän vernomen..... dö in der künic an sach, dö begunde er in grüezen unde sprach: ‚meister ich hän niht umbe sust näch iu gesant, merket waz ich iu tuo bekant: ir sult mir minen raben, daz wil ich iu vürwär sagen, beslahen schöne mit röteme golt, darumbe gibe ich iu richen solt, beslahet ime daz gevidere sin, .

unde tuot daz durlı den willen min, mit iuwern künsterichen henden, wande ich wıl in ze boten senden. wurket mir ime alsö schöne üf sin houbet ein guldine kröne, wanne er kome unter die heiden vri, daz man sehe, daz er eines richen küniges bote si.‘ der meister sprach ze deme h£rren: ‚waz ir wellet daz tuon ich geren, waz ir wellet daz muoz ich liden: ich wurke iu das gesmide.‘ der meister was ein künstericher man, den raben er ze ime genam unde truoc in ze einer smitten dräte, daz geschach eines äbendes späte. dä wären si verborgen ‚unze an den vierden morgen, unde dri naht sö lange was der rabe unde der goltsmit bi einander. der meister worhte mit ringer hant, diu kunst was ime wol bekant, er worhte mit aller siner maht beide tac unde ouch die naht. an deme vierden morgen vruo

gie deme meister vrölde zuo: dö hete er den raben schöne bereit, des dühte er sich gemeit: dö er den raben sach vor ime stän, er sprach: ‚wol mich, daz ich die kunst gelernet hän! Oswalt der vurste höre lät mich sin geniezen iemerm£re.‘ den raben er fif sin hant gevie, dämite er gen hofe gie unde quam schiere sä zehant dä er den milten künic vant. er sprach: ‚lieber h&rre min ich hän geleistet den wilien din, .edeler vurste wolgetän zwelf marc goldes ich harte wol verdienet hän.‘ dö sprach der höchgelobete degen: ‚meister ich wil iu ez gerne geben.‘ der milte künic Oswalt hiez den kameraere bringen balt.

zwelf marc von golde röt, deme meister er die geböt. der künic den meister schöne beriet, vröliche er von dannen schiet heim ze den kinden sin, daz habet üf die triuwe min. dö sprach der rabe mö£re: ‚herre nü volge miner l£re, nü lä niht langer beliben unde heiz dir briefe schriben hin über des meres vluot ze der werden küniginne guot, daz si daran mtüge beschouwen, diu schoenste obe allen vrouwen, vlizic den werden dienest din, nü süme dich niht langer lieber hörre min, vertige mich von hinnen ze der edeln küniginne!‘ der milte künic Oswalt

gie ze sineme schribaere balt: iz ‚meister ir sult niht län beliben, ir sult mir briefe schriben hin über des wilden meres strän ze der küniginne lobesam.‘ der brief wart schiere bereit, sant Oswalt sin insigele daran leit unde stricte deme raben under daz gevidere sin [unde darzuo] ein guldin vingerlin mit einer sidiner snüere, er solte ez über mere hin vüeren. er sprach: ‚min lieber rabe, nü merke rehte, waz ich dir sage: nüt sende dich der himlische vurste guot hin über des wilden meres vluot ze der edeln künigin, sö sage ir den getrinwen dienest min: nfi sage der küniginne vri, daz mir äne got niht lieber si, danne mir ist ir werder lip, si sol, obe got wil, werden min wip: wil si kristengelouben hän,

daz sol si mich wizzen län, sö bringe ich zesamene ein michel here unde vare näch ir über mere.‘ der rabe sprach ze deme herren: ‚waz ir ir enbietet daz sage ich ir geren, ich wil ir allez niht verdagen, ich kan ir allez samt wol sagen, bitte nür die himlischen küniginne, daz si mir vröliche helfe von hinnen unde her wider von deme heidnischen man, daz er mir niht gewinne daz leben an.‘ er gap ime sant Johannes minne unde empfalh in der himlischen küniginne. er sprach: ‚lieber hörre min ich empfilhe dich gote unde der lieben muoter sin, dich unde alle dine dienestman.‘ dämite schiet der rabe von dan, daz urloup was schiere zergän, der rabe schiet schiere von dan. von der bürge was ime gäch,

sant Oswalt sach ime vaste hın näch, er sprach: ‚himlischer trahtin, ich empfilhe dir den boten min.‘ nü vlouc der rap mere unde lant unze an den zehenden tac: an deme zehenden tage ze nöne dö swebete er obe deme mere schöne. der rabe vlouc mit @ren in deme dienste sines lieben härren, er vlouc, daz ime sin kraft entweich unde in gröziu müede ersleich. sin kraft was ime entwichen, in hete dıu müede erslichen, daz lät iuch niht ein wunder dunken: er vlouc zehen tage ungäz unde untrunken, er was gevlogen vaste unde hete ouch gerne gerastet. üf einen höhen stein er gesaz, der üz deme wilden mere gewahsen was, in hete diu müede unde der hunger sines lebennes nähent betwungen,

daz er kein vröide niht mohte gehaben, er begunde trüren unde klagen. des raben klage diu was gröz, ein visch ze deme steine gevlöz: dö der rabe den visch erblicte, von vröiden er dö erschricte, sin gevidere er erswanc, näch deme vische stuont aller sin gedanc. deme raben ez wol ergie: den visch er under die kläwen gevie, er vuorte in Üf einen höhen stein, gotes hilfe dö wol erschein. aller nöt hete er vergezzen, den visch begunde er ezzen. ein wildez merwip in ersach, dävon mä£rte sich des raben ungemach: daz selbe merwip gie ime näch ein lange zit. deme raben ez niht wol ergie, daz si in bi den vüezen gevie: si vuorte in an der selben stunt

hin in des meres grunt. dö er nü in daz mer was komen unde daz die andern heten vernomen, dö begunden si alle gen ime her gähen unde in gar wirdicliche empfähen. diu in in daz mere hete bräht, der was vröide mit ime gedäht, diu sprach: ‚luoget lieben gespilen min, vu daz mac wol ein engel sin, der himlische heilant hät in uns her gesant, durh den himlischen vursten höre sulen wir ime erbieten gröze £re.‘ dö sprächen diu andern merwibe: ‚dise rede lä beliben, wande ez mac kein engel gesin, daz habe üf die triuwe min, ez ist niwan ein wilder vogel, wir möhten wol mit ime werden betrogen.‘ nü sprach ein ander merwip:

‚rabe kurzwile uns eines, wande daz ist au der zit!‘ dö diu bete vol geschach, nü hoeret, wie der rabe sprach: er sprach ze den merwiben: ‚kein kurzwile kan ich niht getriben, ich diene deme milten künic Oswalt, nü ist ez üf mines härren hofe alsö gestalt, daz niht kurzwile tribe kein varender man, er müeze vor gäz unde getrunken hän: vrouwe heiz mir ze ezzenne unde ze trinkenne geben, sö mac ich deste baz kurzwile pflegen, beide kaese unde bröt, des ist mir Üüzermäzen nöt, heiz mir geben semele unde guoten win, vrouwe durh die @re din, unde darzuo einen bräten guot, dävon werdent varende liute gar wol gemuot.‘ diu vrouwe sümte sich niht mö£r, balde hiez sie tragen her semele unde guoten win

unde waz dä reines mohte gesin, nn zamez unde wiltbraete, guoter koste allez geraete, der allerbesten spise genuoc, sö man ez den vrouwen her truoc. alse der rabe geaz unde getranc, erest gewan er manigen gedanc, wie er mit allen sinen sinnen den vrouwen Üüz deme mere möhte entrinnen: er sprach: ‚liebiu vrouwe min, möhtest du schouwen durh die triuwe d!n, sich hin umbe an dirre stunde, waz hebet sich wunders an des meres grunde? grözez wunder beginne ich sehen!‘ alsö begunde der rabe jehen: ‚got wil volvüeren sinen zorn, alle diu werlt hät ir leben verlorn |‘ des erschricten die vrouwen s£r, nti wart in ze schouwenne alsö ger, si wolten ervaren diu maere, waz wunders in daz mere komen waere.

alse die vrouwen hin umbe sähen, dö begunde der rabe gähen, er sümte sich niht m£r, ime wart abe deme tische ger, sin gevidere er erswanc, fiz deme mere stuont aller sin gedanc, er satzte allez sin geträhte, wie er üz deme mere komen mähte. nüt half ime der himlische trahtin, daz er zesamene sluoc obe deme mere daz gevidere sin in aller der gebaere, alse er nie in kein wazzer komen waere. des raben vröide wol erschein, er vlouc dähin üf einen höhen stein. alse er üf den stein was komen, dö wart ime leides vil benomen, dd treip er einen ungevüiegen schal, daz ez hin wider in daz mere erhal. daz heten dd die vrouwen erhört, si sprächen: ‚nu si wir alle betört von deme listigen vogel st wir alle samt betrogen.‘ die vrouwen alle umbe her blicten,

ö wie harte si erschricten| dö in der rabe entrunnen was, iegelichiu ir vröide gar vergaz. diu in mit ir in daz mere hete bräht, diu sprach: ‚nf was mir vröide gedäht, daran ist mir misselungen, sit mir der rabe nfi ist entrunnen, ö w& daz ich ie wart geboren umbe minen raben, den ich alsö hän verloren! minen herzenlieben raben den kan ich niemermäre verklagen | unde möhte ich ime komen alsö nähen unde in möhte wider vähen, ich vuorte in an der selben stunt her wider in des meres grunt, er mileste bi mir bestän, die wile ich daz leben möhte gehän.‘ an der [selben] vart daz der edele rabe erhört unde von vröiden er sich üf geburte. dö sprach der edele rabe: ‚vrouwe nf l& din gröze klagel unde gulte ez danne das leben din, ich quaeme niemerm£re ze dir hin: zewäre ich wil vliegen schöne hin in das lant gen Äröne unde wil werben mit ren Oswalden mineme lieben h£rren.‘

unde nfi vlouc der edele rap mere unde lant unze an den vünften tac, an deme sehsten tage ze nöne dö quam er ze deme künige Äröne. der rabe in höhen vröiden lebete, hoeret, wie er obe des küniges bürge swebete, einez hin, daz ander her: ime was ze schouwenne alsö ger. der rabe langer niht vergaz, zwischen zwö zinnen er dö saz {ff die burcmüire, dö begunde er sich vröiwen unde trüren. er sach wider unde dan, dö sach er hunde unde heidnische man, dö begunde er schouwen unde spehen, obe er die juncvrouwen iendert kunde sehen. si was gar ir vater zart, er hete si in ein kamer verspart, üf si gie kein liehtschin, wane durh diu gleserin venster hin in. mit vier unde zweinzic juncvrouwen guot was si ze allen ziten wol behuot, die heten ze allen stunden an vier schefte gebunden einen pfeller, der was röt unde wiz, den truogen si obe der küniginne mit vliz, wanne si ze deme tische wolten gän, sö muosten si den pfeller obe ir hän, daz der wint noch der sunnenschin niht möhte genähen der künigin. der edele rabe daz ersach, hoeret, wie er wider sich selber sprach:

‚waerliche, diu küniginne guot ist vor mir rehte wol behuot, die stolzen küniginne mac ich der boteschefte niem&re bringen inne: wolte ich in der ahte ze ir komen, . sö wurde mir lihte min leben benomen: ich muoz ez klagen iemerm£r, daz ich ie bin komen her, ez si mineme h£rren leit oder zorn, sö hän ich alle min arbeit verlorn!‘ alsö redete wider sich selben der rap: ‚vlüge ich vür den künic in den sal, sö vastet er noch unde ist ein grimmiger man, er gewunne mir lihte min leben an, ich wil biten, unze er geezze unde getrinke, sö muoz ime der unmuot sinken: ez wart kein kristen nie sö guot, wanne in hungert, er si ungemuot.‘ daz ezzen truoc man fif den tisch dar, des nam der rabe vil ebene war: dö man die lesten rihte dar truoc, der rabe sich üf den tisch huop. dö er üf den tisch was bekomen,

alse wir ez sider hän vernomen, dö sprach der rabe: ‚der den himel hät besezzen der gesegene iu heidenen iuwer trinken unde ezzen.‘ dämite begunde er neigen schöne deme richen künic Äröne, tougenliche mit den ougen sin gruozte er die jungen künigin, mit alsö guoten sinnen neicte er der alten küniginne, dämite k£rte er sich umbe in den sal unde neicte deme hofegesinde über al. die heidnischen man sähen an einander an, si sprächen: ‚nü müeze wir alle jehen, wir hän klüegern vogel nie gesehen.‘ alsö vräcten ritter unde knehte: ‚kan uns ieman gesagen rehte, der uns beschiede der maerc, wes der kluoge vogel waere?‘ dö sprach ein heidnischer hofeschalc, der was von arte ein rehter wechselbalc, er sprach: ‚ir heiden alle sant :des raben vart ist mir wol bekant:

mich triegen danne die sinne min, er ist gesant näch der jungen künigin.‘ der rabe sprach mit eineme geschelle: ‚der tiufel üz der helle klaffet ze aller stunde dir üz dineme valscheme mundel daz dir din mül verwahsen waere, daz dühte mich ein liebez maere: daz du keinen rät möhtest gegeben, die wile du häst din valschez leben!‘ er sprach: ‚ir heiden alle sant min vart tuon ich iu bekant: ich bin gevlogen balde her von eineme vinsterme walde, ich hän @ren vil vernomen unde bin üf genäde her komen, daz mir der künic gebe bröt unde win durh die grözen Ere sin.‘ er sprach alsö schön, der riche künic Ärön: ‚bist du durh min hüsere her komen, triuwen daz hän ich gerne vernomen:

wes din herze an mich begert, des solt du alles sin gewert.‘ der künic hiez springen, deme raben ze ezzenne unde ze trinkenne bringen. der kameraere sümte sich niht m£&r unde begunde ze ezzenne unde ze trinkenne tragen her. dö man ze ezzenne unde ze trinkenne brähte, der rabe sich einer vräge bedähte, an der selben stunde er den künic vrägen begunde, er vräcte in alsö schön: ‚sage mir richer künic Arön, wer izzet din bröt unde trinket dinen win, deme tuost du doch niht an deme lebenne sin?‘ der künic sprach unverborgen: ‚rabe lebe nür äne sorgen: wer trinket minen win unde izzet min bröt, der kumet in deheiner slahte nöt: hie an deme hofe min solt du äne alle sorge sin, din lip unde din guot

ist bi mir rehte wol behuot.‘ nn dö der rabe die rede vernam, wie harte er sich vröiwen dö began! aller nöt begunde er vergezzen unde begunde vröliche trinken unde ezzen. alse der rabe geaz unde getranc, erest gewan er manigen gedanc, wie er mit sineme geträhte den heiden der boteschefte innen bringen mähte: er sprach alsö schön: ,ö edeler künic Ärön du dunkest mich sö ein vester man, daz ich dir min boteschaft nü niht langer verdagenkan.. du wellest mir danne dinen vride geben, beide mineme libe unde mineme leben, sö wolte ich dir sagen drät waz man dir enboten hät. der heiden sprach ein stimme gröz, daz ez in deme hfise erdöz: ‚du bist gar ein listiger vogel, ich furhte, ich werde mit dir betrogen!

dannoch kan ich dir sin niht versagen, du muost minen staeten vride haben: der lip unde ouch daz leben din sol hAn den staeten vrıde min.‘ der heiden sprach unverborgen: ‚rabe lebe nür äne sorgen, dämite wil ich ären Mähmeten, minen lieben härren: unser got ist Mähmet genant, durh des willen habe einen vride Ülz deme lant.' dö sprach der listige vogel: ‚mit Mähmeten wurde ich harte betrogen, der kunde mir niht bi gestän, ich muoz einen bezzern vride hän.' er sprach: ‚edeler vurste h£re, tuo ez durh dines landes @re unde gip mir einen vride von hinnen, alsö liep dir si diu alte küniginne!’ ‚sit du mich häst gemant an min vrouwen unde an min lant, sö verzihe ich dir den vride niht, wie halt mir darumbe geschiht.’ er sprach: ‚sit ich dinen vride hän, sö wil ich dich wizzen län:

ktinic Oswalt in Engellant hät mich her ze dir gesant: nü merke härre, daz ist min rät, waz er dir bi mir enboten hät: dich bittet der liebe härre min, daz du ime gebest die tohter din. waerliche, deme höchgelobeten degen solt du din tohter gerne geben: ime dienent krefticliche zwelf künicriche, zwelf künige die dienent ime schöne, iegelicher under siner guldiner kröne, vier unde zweinzic herzozen h£re die dienent ime durh sin gröze Ere, sehs unde drizic gräfen lobesam die dienent ime mit manigem werden man, niun edele bischofe die dienent ime fif sineme hofe: er pfliget wirde unde £ren, du solt ime din tohter geben geren. unde wirt din tohter sin wip sö ist ouch heilig ir beider lip, si koment iz aller schulde unde erwerbent unser vrouwen hulde.‘ dö diu rede vol geschach, der heidnische künic vür nider sach,

abe unser vrouwen er harte erschricte, zornicliche er Üf blicte, er sprach: ‚daz wil ich allen minen helden klagen, den tiuresten, sö ich si tiendert mac gehaben, daz ich deme raben vride hän gegeben, daz muoz mich riuwen, die wile ich hän daz leben! ez riuwet mich alsö s@re, er redet mir an min £re: er beginnet mir sin vrouwen vür nennen, der wil ich ze vriunde niht erkennen!‘ alsö sprach der heiden an der stet: ‚eret unsern härren Mähmet unde setzet darnäch alle iuwer sinne, daz der rabe niem&re kome von hinnen!‘ der heidnische künic den vride zerbrach, dävon miärte sich des raben ungemach. mit der selben vart deme raben line unde türe verdrungen wart, man sluoc zuo venster unde tür

starke rigel schöz man dävür, alsö wart verslozzen daz hüs, der rabe mohte niendert fiz. dem raben wart ze vliehenne gäch, die heiden Ilten ime vaste näch, mit allen sinen sinnen mohte in der rabe niendert entrinnen: diu wile werte niht lange, der rabe wart gevangen. an den selben stunden wart er krefticliche gebunden mit hirzinen riemen, den raben half dö niemen. der. heidnische künic dö niht enlie, den raben er an ein stange gehie. er sprach: ‚unde hete sin diu werlt gesworen, sö muost du daz leben hän verloren.‘ alse diu junge küniginne ervuor diu maere, daz der rabe durh ir willen gevangen waere, einen sidinen mantel si umbe gevie, wie balde sie vür den vater gie! si sprach: ‚vater dich bänt dine sinne betrogen an deme wunniclichen vogell

nü hete du ime dinen vride gegeben beide sineme libe unde sineme leben, waz häst du gerochen, daz du dinen vride häst zerbrochen an deme edeln raben? des muöst du iemä&re schande haben! verliuset er in deme vride daz leben sin, daz stät übele an den £ren din unde muost sin ouch iem£re laster haben, wä man ez sol singen oder sagen: man sprichet, du siest worden triuwelös, unde wirst niem&äre deheines biderben mans genöz | wie stät dir daz an? man sprichet, du siest ein vridebrechender man unde häst sin gröze schande, wä du verst der lande, unde habe ez üf alle min £re: du kanst dich ze guoten dingen gelichen niemerm£re.‘ dö diu rede vol geschach, der heiden zornicliche sprach: ‚ch sage dir ez, liebiu tobter min, ez gät ime an daz leben sin,

ich läze in niht langer leben, des wil ich dir min triuwe geben, danne unze an den morgen vruo, sö gät ime gröziu sorge zuo: sö wil ich in hähen balt hin iz vür den vinstern walt.‘ si sprach: ‚nein lieber vater min, alse liep dir min muoter müge gesin, läz uns den raben mit deme lebenne von hinnen!‘ bat in diu junge küniginne. er sprach, alse wir hoeren jehen: ‚tohter des mac niht geschehen, er ist gevlogen her üf min wirde unde üÜf min Er.‘ si sprach: ‚sit du den raben niht wilt läzen leben, sö wil ich dir des min triuwe geben: wanne du mich wilt. geben eineme heidnischem man,‘ sprach diu küniginne lobesam, ‚daran begän ich niemäre den willen din, daz geloube mir lieber vater min, fjich muoz mich von hinnen heben, vater des wil ich dir min triuwe geben, mit eineme spilman fiz deme lande, vater des häst du danne iemäre schande.‘ er sprach: ‚du vüegest niht wol ze eineme spilwip,

ez ist ze edele dir din lip, ich muoz dir der wärheite jehen: ich hän der sprunge keinen von dir nie gesehen.‘ si sprach: ‚darumbe darft du niht sorgen, wes ich hiute niht kan, daz lerne ich morgen.‘ alse der künic erhört siner lieben tohter wort, er sprach: ‚unde waere allez daz gevügel näch dir gevlogen her über, daz in Engellant mohte gesin, ich gaebe dir ez, liebiu tohter min, wande ich hAn nü gesehen,‘ alsö begunde der heiden jehen, ‚wie din klage waere gestalt: der rabe mac wol werden alt, wilt du sin niht entwesen, sö mac der rabe wol genesen, bis niwan aller sorgen vri, trac in wä er dir aller liebest st.‘ diu junge küniginne niht enlie, den vater sie liepliche umbevie: ‚sit du mir den raben häst gegeben,

daz wilichumbedichdienen, die wile ich.hän daz leben.‘ diu küniginne mit ir selbes hant erlöste deme raben alliu siniu bant unde truoc in mit ir dräte in ir kemenäte. si sümte sich niht m£r, balde hiez si tragen her semele unde guoten win unde waz dä guotes molıte gesin, zamez unde wiltbraete, guoter koste allez geraete, si hete den raben mit guoteme vliz mit trinken unde mit guoter spis.. alse der rabe geaz unde getranc, daz gevidere er iz einander erswanc, er sprach: ‚edeliu künigin loese mir den brief unde daz vingerlin, daz hät dir bi mir gesant künic Oswalt in Engellant. nü merke vrouwe, daz ist min rät, waz er dir bi mir enboten hät: dir enbiutet der vurste vri,

daz ime äne got niht lieber in, _ DO “1095 danne ime ist din werder lip: du solt, obe got wil, werden sin wip. wilt du kristengelouben hän, daz solt du mich wizzen län, sö wil er zesamene bringen ein michel here unde wil näch dir varen über mere. edeliu küniginne gemeit nü hän ich dir ez allez geseit, des mineme härren ist ze muot, nüüi merke ez werdiu küniginne guot unde gip mir urloup von hinnen, des bitte ich dich edeliu küniginne: begriffe dinen vater sin heidnischer zorn, sö muoste ich lihte min leben hän verlorn. mir bänt die wilden heiden alse vil getan ze leide, daz ich besorge mineme lip: - nü gip mir urloup du edelez wip.‘ dö sprach diu edele küniginne h£re: ‚min vater tuot dir niht m£re I115 an libe noch an guot

nım an dich vesten muot, kein urloup maht du niht gehaben,‘ alsö sprach si ze deme raben, ‚du muost langer hie bestän, des solt du min triuwe hän, unze daz ich mich beräte beide vruo unde späte, wie ich mit grözen ären dich heim sende ze dineme lieben herren.‘ nfi hete si den raben verborgen unze an den niunden morgen, mit ganzen triuwen si sin pflac beide naht unde tac. an deme niunden morgen vruo dö gie si deme raben zuo unde stricte ime under daz gevidere sin einen brief unde ein guldin vingerlin mit einer sidiner snüere, alse er ez heim ze lande solte vüeren. si sprach: ‚min lieber rabe nü merke rehte, waz ich dir sage: nü sende dich der himlische trahtin heim ze deme lieben h£rren din: sö solt du ime niht verdagen,

du solt ime ‚minen dienest sagen: sage deme werden vursten vri, daz mir äne got niht lieber si, danne mir ist sin werder lip, ich welle, obe got wil, werden sin wip. nü sage deme vursten höchgemuot, min lip unde ouch min guot siile ime werden undertän, an Jesum Krist wil ich gelouben hän. rabe sage ime möre, daz ist min rät, wanne der winter ein ende hät, welle er danne näch mir über mere varen, sö süle er sich wol bewaren: welle er mit gemache bestän, zwene unde sibenzic kiele müeze er hän unde alse manic tüsent ritter Erliche unde die sin alles muotes riche: heiz in vüeren helde guot mit ime üf des meres vluot: waeren si des libes niht biderbe, ime quaeme ir keiner lebendic hin widere. — [nn nn

heiz ın des kieles mastboum — unde heiz ime diu wort niht wesen ein troum — beslahen mit edelme gesteine, daz daz si luter unde reine: war er vare des nahtes üf deme mere, er unde ouch sin kluogez here, daz ime daz edele gesteine erglaste volliclichen vierdehalp raste. nf heiz in üf die kiele tragen, waz er ze aht jären süle haben, koste unde guot gewant ime unde sinen helden allen sant. noch wil ich dir m£@re sagen: einen überguldeten hirzen muoz er haben. nü sage deme vursten höchgeboren, kome er her äne dich, sin arbeit. si gar verloren. herzenlieber rabe min, nt kum her wider mit deme herren din: ich wil dir lihen unde geben, die wile ich hän daz leben.‘ er sprach: ‚mit mineme lieben herren

ET kume ich her wider rehte geren: . begeret sin der he&rre. min, min helfe sol ime unverzigen sin. vrouwe du solt mir ein urloup geben, ich wil mich heim ze landc heben. . . si gap ime sant Johannes minne unde empfalh in der himlischen küniginne. der rabe urloup nam ' von der küniginne lobesam, er hete niemäre reste = FE unde ilte von der veste. nü vlouc der edele rap mere unde lant unze an den gehenden tac. an deme zehenden tage ze.nöne, dö swebete er obe deme mere schöne: nü sante das himlische kint ‚einen ungevüegen sturmwint, daz sich der rabe dri stunt übergap, unmäzen gröz was sin klac: er mohte sines vluoges niht mere gehaben, des begunde er trüren unde klagen. diu ‚sidine snuor. sich ime erlöst, daz gap deme raben boesen tröst. jämer wart ime kunt,

ime entviel das vingerlin an des wilden meres grunt. dö der rabe ervuor diu maere, daz ime daz vingerlin entvallen waere, sin gevidere er erswanc, — gröziu not in des betwanc — er vlouc des meres an ein ende hin ze einer steinwende. dö er Üif die steinwant was komen, dö was ime vröide vil benomen, er mohte dehein vröide niht gehaben unde begunde trüren unde klagen. üf der selben steinwant er einen einsidel vant, der was dä gesezzen, daz ist wär, vollicliche zwei unde drizic jär. dö in der einsidel von @rste ansach, dd begunde er in grüezen unde sprach: ‚rabe bis mir gotwilkomen, din klage hän ich wol vernomen: waz ist dir ze leide geschehen? des solt du mir der wärheite jehen, wande ich kenne dich rehte wol,

vürwär ich dir daz sagen sol: en din leit tuo mir bekant, ich weiz wol, daz du dienest künic Oswalt in Engellant. nü hät mir geboten der himelische trahtin, daz ich süle dri stunt bitten umbe den härren din.‘ des raben herze wart vröiden vol, er sprach: ‚sit du mich kennest sö wol, sö kan ich dir sin niht verdagen, ich müeze dir kunden unde sagen, waz mir ze leide si geschehen.‘ alsö begunde der rabe jehen: ‚ich wolte werben mineme herren beide näch wirde unde näch ären, unde vlouc hin in das lant schöne ze deme richen künige Aröne: ich hän ime erworben die küniginne guot, deme vursten näch alleme sineme muot. nfı sande ime diu junge künigin bi mir ein guldin vingerlin, daz ist mir entvallen in daz mere, ez möhte niht vinden ein ganzez lıere.

alliu miniu leit, ee einsidel, diu hän ich dir geseit. ° sit ich nf niht mineme lieben herren mac heim komen mit grözen E@ren, sö kume ich niemäre in Engellant, einsidel des nim min triuwe ze pfant.‘ dö sprach der einsidel guot: ‚rabe nim an dich vesten muot unde ergip ez deme lebendigen krist, der aller dinge gewaltic ist, himels unde der erden, i wanne derwil,sömacdazvingerlin wol vunden werden.‘ nü viel der einsidel werde enkriuzestal üf die erde unde bat got unde die lieben muoter sin umbe daz guldine vingerlin. daz wizzet, an der selben stete sprach er mit triuwen sin gebete. nfi wart er schöne gewert alles, des sin herze begert:

dö truoc an der selben stunde ein visch daz vingerlin in sineme munde, deme geböt der himlische heilant, daz er ‚daz vingerlin vuorte Üf des meres sant. des nam der einsidel guot war unde huop sich ze deme vische dar. er viel nider üf siniu knie, daz vingerlin er von deme vische empfie. nü sprach er ze deme raben: ‚du solt dich wol gehaben, ich hän daz vingerlin in miner hant, nü vüere ez heim in Engellant!‘ dö der rabe die rede erhörte dö, dö wart er Üzermäzen vrö. der einsidel naın daz vingerlin in sin hant deme raben er ez under daz gevidere bant. dö gap er ime sant Johannes minne unde empfalh in der himlischen küniginne. alsö vlouc der edele rap mere unde lant unze an den sehsten tac. - alse diu zit hete schiere ein ende genomen, nü was er heim ze lande komen.

der rabe in höhen vröiden ee, — hoeret, wie er obe sines härren bürge swebete: aller nöt er gar vergaz, {if einen höhen turn er gesaz, er treip einen ungevüegen schal, daz ez in der bürge erhal. sant Oswaldes dienaere vier erhörten dA den raben schier. si heten niht mä&re ze wilen si begunden vaste ilen: ir aller vröide si des betwang, ie einer vür den andern spranc, si ilten an den stunden dä si den künic vunden. der hete niht vergezzen, er waere schöne ze tische gesezzen mit den besten helden sin, daz hät üf die triuwe min. dö in die vier ansähen, nü muget ir hoeren, wie si jähen: ‚herre wir wellen iu liebiu maere sagen von iuwerme lieben raben: der ist her heim ze lande komen,

herre daz hän wir wol vernomen: wir hän in mit unsern ougen gesehen!‘ sant Oswalde mohte niht liebers sin geschehen: der milte künic Oswalt spranc von deme tische balt, einen zoblinen mantel er umbe gevie, vrölichen er ze deme raben gie. sant Oswalt, der vurste werde, swief den mantel nider üf die erde. des nam der rabe guot war unde vlouc üf den mantel dar. sant Oswalt sich nider ducte, den raben er liepliche üf zucte. er sprach: ‚lieber rabe min du solt mir gotwilkomen sin!‘ der rabe wart höchgemuot, er sprach: ‚nü danke dir got der guot!‘ er truoc in mit ime dräte in sin beste kemenäte, dä sie nieman hörte noch sach, hoeret, wie sant Oswalt sprach: ‚ei herzenlieber rabe min nü sage mir üf die triuwe din waz mir diu küniginne enboten hät,

daz solt du mir sagen drät.‘ DE “ diu rede diu dfhte den raben smäch, er sprach: ‚härre ir sit ein teil ze gäch, mich hät diu müede unde der hunger mines lebennes nähen betwungen, daz ich kein rede niht mac gehaben, nü wil ich dir tälanc niht sagen: ir sult mir ze ezzenne unde ze trinkenne geben, sö mac.ich deste baz mit: iu.rede gepflegen. ir müezet leben in sorgen | die langen naht unze an den morgen: wanne diu naht hät ein ende genomen, sö sult ir ze mir herwider komen.‘ des erschricte sant Oswalt s£r, balde hiez er tragen her semele unde guoten win gap.er deme raben sin. gröziu sene in des betwanc, ime was diu naht eines järes lanc.'

er lac unze an den morgen vruo, dö gie er deme raben zuo. er sprach ze deme raben: ‚noch solt du mir rehte sagen, waz boteschefte du mir häst bräht oder wes der küniginne si gedäht!‘ den raben sin trıuwe des betwanc, sin gevidere er iz einander swanc, er sprach: ‚lieber härre min loese mir den brief unde das vingerlin! daz hät dir bi mir gesant diu küniginne von Ärönlant. diu edele küniginne h£re enbiutet dir wirde unde £re, dir enbiutet diu küniginne vri, daz ir äne got niht lieber si, danne ir ist din werder lip, si welle, obe got wil, werden din wip, deme heiligen grabe welle si werden undertän unde an J&sum Krist gelouben hän. herre nf merke, daz ist min rät,

! waz si dir bi mir enboten hät: wellest du näch ir über mere varen,. sö solt du dich wol bewaren: wilt du mit gemache bestän, zwene unde sibenzic kiele muost du hän unde alse manic tüsent ritter Erliche unde die alle sin muotes riche: du solt vüeren helde guot mit dir über des meres vluot, waeren si ir libes niht biderbe, dir quaeme ir keiner lebendic hin widere. heiz dir des kieles mastboum — unde lä dir diu wort niht wesen ein troum — beslahen mit edelme gesteine, daz daz si lüter unde reine: wanne du des nahtes varest Üüf deme mere, du unde ouch din kluogez here, _ daz dir daz edele gesteine erglaste, daz du mügest gesehen vierdehalp raste. du solt ouch Üf die kiele tragen

waz du ze aht jären muost haben: ° _ koste und guot gewant, alse du sin bedörfest in vremediu lant. noch wil ich dir m£re. sagen: einen überguldeten hirzen muost du habeh ich sage dir vurste höchgeboren: kumest du äne mich hin über, din arbeit ist gar verloren. von der küniginne gemeit hän ich dir die boteschaft geseit, nüt schouwe werder vurste vri, wie der brief geschriben sil‘ dö diu rede vol. geschach, ee sant Oswalt den brief Üfbrach, der üzerwelte degen begunde den brief schouwen eben. dä vant er geschriben inne die himlischen küniginne, sant Johannes, der werde man, was ouch geschriben daran, sant Oswalt ‚sich selben geschriben vant, erest wart ime gröziu vröide bekant:

sich selben unde die küniginne vant er geschriben mitten inne, si hete in umbevangen, gedrucket an ir wangen unde kuste in an den munt sin. _...den brief hete geschriben ein edeliu ktinigin. dö sant Oswalt die grözen genäde ervant, er sprach: ‚mine dienestliute alle sant setzet darnäch iuwere sinne, daz wir zw&ne unde sibenzic kiele vinden, unde heizet mir si machen veste: sie müezen tragen werde gestel‘ nfi bereitete er sich den winter lanc, — gröziu sene in des betwanc — daz er deheiner reste gepflac unze hin gen sant Jörgen tac: dö hete er ez allez zesamene bräht, des ime ze der verte was gedäht, koste unde guot gewant ime unde sinen helden allen sant. er hiez ime balde her tragen, alse wir noch hoeren sagen,

golt unde silber wiz: . der verte hete er guoten vliz. darnäch hiez er springen und ime goltsmide her bringen. alse er ime sin gedähte, : wie balde man ime die meister brähte| diu wile werte niht lange, die meister quämen gegangen. dö si der künic an sach, nü muget ir hoeren, wie er sprach: ‚ir meister sit mir gotwilkomen| iuwer kunft hän ich gerne vernomen| ich hAn niht umbe sust näch iu gesant, nül merket, waz ich iu tuo bekant, umbe waz ich iuch bitten wil, des Jät iuch niht dunken ze vil: ir sult mir wurken schöne üz golt — darumbe gibe ich iu richen solt — zwei unde sibenzic tüsent kriuze guldin! nü wurket mir si durh den willen min, wande ich wil varen über mere mit eineme kreftigen here.‘ die meister worhten mit ringer hant, diu kunst was in wol bekant.

diu kriuze wurden schiere bereit, des dühte sich der künic gemeit. nf begunde er zelen schön den goltsmiden allez ir lön. dö si den solt heten empfän, dö schieden si von dan. ’ nü lac sant Oswalt aber in sorgen die langen naht unze an den morgen, wie er ime eines sinnes erdaehte unde sine dienestliute zesamene braehte. er lie niht beliben unde hiez ime balde briefe schriben unde entböt mit grözen &ren allen sinen landes h£rren. dö si sin boteschaft vol vernämen, wie balde si gen hofe quämen sine ritter unde knehte, die ime wären gerehte! zwelf künige quämen ime schöne iegelicher under siner guldiner kröne, vier unde zweinzic herzogen h£re die quämen ime durh sin gröze £re,

sehs unde drizic gräfen lobesam, die brähten mit in manigen Wer en man, niun edele bischof quämen ime üf sinen hof ünde waz si alle dienestliute mohten gehaben, alse wir noch hoeren sagen: dämite wolten si ime bigestän unde in deheinen noeten Jän. si quämen balde gen hofe geriten näch ritterlichen siten, si wären bereit mit guoteme vliz, ir harnasch was silberwiz. nü quämen si üf den hof dar, ir was ein ungevüege schar. dö si nü üf den hof wären komen unde daz sant Oswalt hete vernomen, hoeret, wie er under in umbegie unde si gar wirdiclichen empfie| er hete si besamenet krefticliche über alliu siniu riche, unze daz er ze ime gewan 'zw&ne unde sibenzic tfsent man, : die wären alle samt helde guot unde ouch ir libes höchgemuot.

daz er hete sö manigen dienesth£rren. an den selben stunden die zwelf künige vrägen begunden, den milten künic Oswalt begunden si dö vrägen balt, si sprächen ze deme h£rren: ‚ja nü weste wir rehte geren, warumbe ir uns zesamene habet bräht oder wes iu mit uns si gedäht: waz muget ir mit uns ze schaffenne hän? daz sult ir uns wizzen län.‘ er sprach: ‚ritter unde knehte daz wil ich iu sagen rehte: ıch wil varen über des meres vluot,‘ alsö sprach der vurste guot, ‚ich wil in die heidenschaft kören unde kristenlichen gelouben m£ren, ein heidnische küniginne die wil ich über mere her bringen: ez si deme wilden heiden liep oder leide, sö muoz ich hän die küniginne guot!‘ alsö redete der vurste höchgemuot,

‚daz mac äne iuwer hilfe niht geschehen — alsö begunde er ze in allen jehen - ‚wer mir nü welle bigestän, der sol mich daz wizzen län!‘ alsö sprach der vurste vri: ‚wer ze ritter worden si oder noch ze ritter werden wil, den dunke der verte niht ze vil, wande wer üf der verte wirt erslagen, des sele muoz gröze genäde haben in deme &wigen leben, des wil ich iu min triuwe geben,‘ alsö sprach der vurste h£re: ‚lip unde säle ist behalten iemerm£re: iegelicher wirt reine alse ein westerbar, ir herren, daz sage ich iu vürwär. ir sult mir triuwe erzeigen, wande ir sit alle min eigen. darzuo gibe ich iu richen solt, beide silber unde daz golt, ich wil iu lihen unde geben, die wile ich hän daz leben: wol nü her ir edeln künige,

ir hät von mir lant unde bürgel ir herzogen höchgemuot, ir hät ouch von mir lant, liute unde guot! ir gräfen alle sant, si iegelicher an sin triuwe gemant| unde ouch ir bischofe häre, ir hät von mir wirde unde £re| ei sit alle unverzeit unde werdet schöne mit mir bereit unde bereitet iuch mit mir üf die vart unde gedenket an minen vater Säwart: habe iu der ie dehein triuwe getän, des sult ir mich geniezen län!‘ ir aller triuwe dö wol erschein, \ nüt wurden die besten überein unde sprächen ze deme herren: ‚wir wellen iu helfen rehte geren mit libe unde mit guot hin über des wilden meres vluot, daz welle wir vröliche mit iu wägen.‘ nüt begunde er niht vürbaz vrägen: der höchgelobete degen hiez die guldinen kriuze üfheben

unde üiz der bürge her tragen, alse wir noch hoeren sagen, er hiez si schutten Üf einen anger dar, er sprach: ‚ir herren nü nemet war: wer mir der verte wil bigestän, der muoz der kriuze einez hän: obe wir wurden bestanden von der heiden handen, sö waere wir kristen alle sant bi den kriuzen einander wol erkant.‘ mit der selben vart ein michel gedrenge ze den kriuzen wart, iegelicher wolte sich harte schamen, solte er der kriuze niht einez haben: von den härren, die dö wären komen wurden diu kriuze alliu Üüfgenomen. si machten ez üf ir wäpenrocke alle sant, obe si quaemen in vremediu lant unde von den heiden wurden bestanden, daz si bi den kriuzen einander erkanden.

nf hete er Üf sineme hofe erzogen, des begunde er got vaste loben, einen hirzen wol ahtzehen jär, daz sage ich iu vürwär, der hete sö vil schoenez gezinde, daz wunderte daz vremede hofegesinde. si bereiteten sich mit deme hirzen dar unde nieman nam des raben war: sant Oswalt mit den härren unmüezic was, daz er des raben däheime vergaz. nü wurden si schiere bereit, alse uns daz tiutsche buoch seit, daz here begunde sich rusten überal, sich huop ein vreislicher schal. sant Oswalt unde alle sine man zugen dö vröliche von dan, in was hin gen den kielen gäch, man sprach in manigen segen näclı, sant Oswalt mit sinen härren ilte üf die kiele mit ären. dar quämen die marnaere alle sant

unde nämen diu ruoder in de hant,—m— — die anker si üzgeschuzzen, vröliche si von deme gestade vluzzen, sant Oswalt unde allez sin here schicte sich vröliche üf daz mere. nf vuoren die werden helde guot üf des wilden meres vluot zwelf wochen unde ein ganzez jär, alsö saget uns das buoch vürwär. alse diu zit hete ein ende genomen, dö wären die werden kristen komen vröliche alle sant hin gen Arön in daz lant. nü sähen si bi deme mere stän ein burc, was schoene unde lobesam. diu lühte von golde same si brunne unde stuont ouch schöne gen der sunne. von zwelf turnen guot was diu veste wol behuot. die turne wären röt marblin unde stunnden ouch schöne gen der sunnen schin,

üf iegelicheme turne ein wahtaere darüfe si tac unde naht lägen, der bürge si schöne pflägen. dö sant Oswalt die veste ansach, gerne muget ir hoeren, wie er sprach: ‚daz mac wol diu burc sin, darüfe wonet diu liebe vrouwe min!‘ daz was an eineme äbende späte, dd gie sant Oswalt ze räte, er sprach: ‚nü rätet mir alle mine dienestman: wie welle wir ez grifen an? wande ich hän wol vernomen, wir sin ın daz lant komen: mine h£rren alle sant, ditze lant ist Arön genant. nd rätet zuo mine stolzen härren, daz unser die heiden niht innen werden!‘ nü hete er einen alten dienestman, der sprach: ‚ich wil iu räten, obe ich kan, volget mir ir vursten h&re, sö behalte wir wirde unde äre!

ich sihe dort bi deme wilden mere,‘ alsö sprach er ze deme here, ‚gar zwene höhe berge, darzwischen hän wir guote herberge: darzwischen ist ein anger breit, ir herren daz si iu geseit, darüfe sul wir uns ze velde legen, dä ist sicher unser lip unde unser leben, unser lip unde unser guot ist allenthalben wol behuot, zwischen den bergen unde ouch deme mere ist sicher unser here.‘ si volcten alle deme einen räte, unde ilten mit einander dräte, si hefteten an daz heidnische gestat, manic helt abe den kielen trat, ez ilten die kristen alle sant abe den kielen üf daz lant. zwischen der berge Üf den anger breit manic helt sich dö ze velde leit, die höchgelobeten degen

begunden sich schöne ze velde legen, zwischen der berge üif daz velt wart gerihtet manic h£rliche gezelt: si lägen zwischen der berge verborgen unde lebeten doch mit sorgen. dö sı nü ze velde wären komen, alse wir ez sider hän vernomen, der milte künic Oswalt sante näch sineme kameraere balt. diu wile werte niht lange, der kameraere quam gegangen. dö in der künic ansach, nü hoeret, wie er ze ime sprach: ez sprach der vurste unverwegen: ‚du solt mir den raben geben, ich wil mich nü niht lengen, ich wil in ze boten senden, daz er mir ervare an der küniginne vri, wes ir noch ze muote si.‘ der kameraere harte erschricte, den h£rren er trüriclichen anblicte

unde sprach: ‚ich muoz ıu der wärheite verjehen, ich hän den raben üf deme mere nie gesehen, ich hän halt daran nie gedäht, daz ich in mit mir hete bräht: ich wänte edeler vurste riche, ir hetet in selber gevuort gar tugentliche.‘ der kameraere besorcte des h£rren zorn unde wände, er müeste sin leben hän verlorn, er kniewete nider vür in üf daz lant unde sprach: ‚min leben stät in iuwerre hant.‘ sant Oswalt des erschricte ser unde sprach: ‚OÖ daz wir ie sin komen her! ö aller miner dienestman,‘ sprach der vurste lobesam, ‚ich bin komen under die wilden heiden, nf stuont ez mir nie sö leidel“ ez klagete der edele vurste guot, alse noch manic man von leide tuot, er sprach: ‚mine dienaere alle sant der rabe ist noch in Engellant! “ fl was mir grözer ären gedäht, hete ich den raben mit mir bräht,

gen der küniginne höchgeboren: alsö ist min arbeit gar verloren!‘ er sprach: ‚alle mine dienestman wie welle wir ez grifen an? wir hän niht rehte getän, daz wir den raben däheime hän gelänl obe wir nü werden bestanden von der wilden heiden handen, sö weret iuch, des ist uns nöt: ich hän iuch gevuort in den töt!‘ des erschräken die dienestliute söre unde sprächen: ‚wäfen hiute unde iemerm£re| waere wir nl von den heiden bestän, sö müeste ez uns an unser leben gän.‘ gröziu nöt wart in bekant unde 'gedähten alle heim ze lant an ir wip unde an ir kindelin, daz diu in solten verweiset sin. an denselben stunden si vor leide ir hende wunden, der hörren klage diu wart gröz, manic zäher in von den ougen vlöz. dö sant Oswalt die grözen klage ansach,

hoeret, wie er ze in allen sprach: ez sprach der werde vurste höre: ‚ir sult volgen miner l£re: ir werden helde guot nemet an ıuch vesten muot, sit der manheite staete unde ziehet abe iuwer stritgewaete| ir stolzen recken werden nü valle iegelicher rider kriuzestal üf die erden! vrien unde dienestman, ruofet got von himele an unde bittet die himlischen küniginne, daz si uns helfe vröliche von hinnen!‘ si volcten ir hörren räte unde ilten üz deme harnasche dräte, si zugen abe ir stritgewant unde vielen kriuzestal nider üf daz lant, si bäten den himlischen vursten guot, daz er si hete in stner huot unde si behüetete vor den heiden: den kristen was üzermäzen leide. ‚got unde diu muoter sin teten dÖö ir genäde schin unde sanden einen engel werde

nider üf die erde. der engel quam in Engellant, dä er sant Oswaldes raben vant. dö der engel den raben ansach, gerne muget ir hoeren, wie er sprach: ‚rabe ich kan dir niht verdagen, ich muoz dir von dineme h£örren sagen: wie häst du sin sö lange vergezzen? wande er ist gar harte besezzen, er ist harte bestanden in den heidnischen landen, stic unde sträze sint ime benomen, er mac niendert von dannen komen: kumest du ime niht ze hilfe in kurzer zit, sö verliesent si alle ir lip, man lät ir keinen niht genesen: wie bist du sö lange von ime gewesen?!‘ dö diu rede vol geschach, der rabe ze deme engel sprach: ‚engel du solt stille gedagen unde merke, waz ich dir habe ze sagen: min härre der sande mich tiber mere, Gdö was ich ime nutzer danne ein ganzez here:

ich vlouc ime schöne hin in daz lant gen Äröne, ich warp mineme härren näch wirden unde näch grözen £ren, in sineme dienste wart ich gevangen, unde wolte mich der heiden hän erhangen! unde waere sin tohter halt niht gewesen, er hete mich nie län genesen: | nü half mir diu künigin, daz ich beleip bi deme lebenne min, ir e@re wol an mir erschein, daz ich mit @ren quam herheim. nü wie gar ist min h£rre ein tör! nü sagete ich ime ez allez vor: davon er ist komen in arbeit, daz hän ich ime allez vor geseit: ich sagete deme vursten höchgeboren, quaeme er äne mich hin über, sin arbeit waeregar verloren nü hät er einen hirzen an mine stat genomen des ist er in gröze nöt komen: wil er niht senden den hirzen sin hin ze der künigin, nımet er nüt schaden, er unde sine dienestman,

waerliche dä bin ich niht schuldic an: sı nemen vrume oder schaden, den gewin sulen si äne mich haben!‘ dö diu rede was geschehen, aber begunde der engel jehen: ‚rabe lä von dineme zorn unde kum ze hilfe deme vursten höchgeborn! kumest du ime niht ze hilfe in kurzer zit, ' sö verliesent si alle ir lip unde werdent ouch alle ze töde erslagen, mugen si diner hilfe niht gehaben.‘ dö sprach der rabe: ‚engel merke waz ich dir sage: ich bin gewesen zwelf wochen unde ein jär, engel daz sage ich dir vürwär, daz ich keiner slahte spise, engel des wil ich dich erwisen, ze mineme libe nie gewan: mineme h£rren ich niht gehelfen kan. dö min h£rre von deme lande was komen, dö wart mir min pfruonde genomen von deme koche unde von deme kellaere, ——— — e- —_

engel merke mines herzen swaere: die begunden min gar vergezzen, si gäben mir weder ze trinkenne noch ze ezzen, si brächen mir abe bröt unde win, si vorhten niem&@re den herren min: alsö wart min gar vergezzen: ich muoste mit den swinen ezzen, alsö muoste ich min spise nemen, min hörre muoz sich sin iem&re schemen! ich muoste ouch ezzen ze allen stunden vor deme tische mit mines härren hunden: welicheme hunde ich sin spise genam, der grein mich danne jämerliche an. man gap mir weder win noch bröt, von hunger hän ich geliten gröze nöt, min gevidere ist mir zezerret säre: mineme h@rren mac ich nicht gehelfen m£re, ich mac keinen vluc niht gehaben unde wurden si alle ze töde erslagen.‘ dö sprach der engel möre: ‚rabe nüü\ volge miner l&re unde erswinc daz gevidere din

alse höch driu spere mugen gesin: maht du danne des vluges niht gehaben,' — alsö redete der engel ze deme raben — ‚sö lä dich her wider ze der erde,‘ alsö sprach der engel werde, ‚dannoch häst du geleistet die triuwe din unde muoz dir got unde diu werlt deste holder sin.‘ der engel den raben übergie, daz er daz gevidere üz einander lie unde swanc sich von der erde, des twanc in der engel werde, daz er sich in die lufte zöch volliclichen zwelf spere höch. nü wolte er sich ze der erden hän gelän, daz mohte ime der engel wol understän: der engel den raben des betwanc, daz er sin gevidere höher erswanc

unde vlouc hin über daz wilde mere unde ilte ze sant Oswaldes here unde quam an deme vierden tac, dä sant Oswalt in grözen noeten lac. ff einen segelboum er gesaz, aller müede er gar vergaz, dä treip er einen ungevüegen schal, daz ez under daz here erhal. an der selben vart in ein schefkneht erhört, deme mohte niht liebers sin geschehen, alse wir noch hoeren jehen, deme schefknehte deme geschach dö üzermäzen rehte. wie balde er ilz deme scheffe spranc! sin gröziu vröide in des betwanc, er spranc ze der selben zit volliclic.en drier klafter wit unde quam schiere sä zehant, dä er den milten künic vant. dö er den künic ansach,

gerne muget ir hoeren, wie er prach; — er sprach ze deme h£rren balt: ‚ei milter künic Oswalt gebet mir daz botenbröt, sich wil volenden unser nöt, ich muoz iu der wärheite jehen, iuwern raben hän ich hie gesehen, er ist her ze lande komen, unser nöt hät ein ende genomen!' dö diu rede vol geschach, sant Oswalt begunde lachen unde sprach: ‚unde ist min rabe komen her iz Engellant, drizic marc goldes gibe ich dir in din hant unde mache dich ze ritter,‘ sprach der vurste h£re, ‚kein schefkneht bist du niemermäre!‘ dö er daz botenbröt empfie, wie balde er ze deme raben giel er sprach: ‚rabe bis mir gotwilkomen, din kunft hän ich gerne vernomen!‘ er sprach: ‚min herzlieber rabe

nü vliuc gevuoge üf mich er bel 0. ich wil dir dienen iemäre willicliche, ich bin von dinen schulden worden guotes riche.‘ der rabe sin gevidere erswanc, ze deme schefknehte stuont aller sin gedanc. der schefkneht niht enlie, den raben er üf sin hant gevie. nü gie er mit £ren hin ze deme stolzen h£rren. der milte künic Oswalt gie engegen deme raben balt, mit manigem höchgelobeten degen gie er deme raben engegen. — daz diu werlt alsö abebirt, daz kein bote m£re alsö empfangen wirt, alse der rabe wart empfän von sant Oswalde unde von allen sinen man! — sant Oswalt niht enlie, den raben er Üf sin hant gevie unde sprach: ‚lieber rabe min du solt mir gotwilkomen sin! sit du mir nü bist her komen, nf wirt mir leides vil benomen.‘

der rabe wart höchgemuot, er sprach: ‚nüi danke dir got der guot!‘ sant Oswalt vräcte ın der maere, wie deme vride in Engellant waere? er sprach: ‚vrit unde gemach ist in Engellant under dinen dienestliuten allen sant, doch kan ich dir niht verdagen, ich muoz dir alsö vil klagen über den koch unde über den kellaere: hörre nfüt merke mines herzen swaere: dö du von deme lande waere koınen, dö wart mir min pfruonde genomen, si pflägen weder wirde noch äre, si wänden, du komest ze lande niemerm£re, si begunden min gar vergezzen, si gäben mir weder ze trinkenne noch ze ezzen, si gäben mir weder win noch bröt, von hunger hän ich geliten gröze nöt, ich muoste nü ezzen ze allen stunden mit den swinen unde mit den hunden: welicheme hunde ich sin spise genam, der grein mich jämerliche an: härre nüt gip mir din triuwe ze pfande,

wanne du heim kumest ze lande, daz du si beide wellest vähen unde an einen galgen hähen!‘ ez sprach der vurste wolgetän: ‚rabe du solt von deme zorne län! unde tuo daz durh den willen min, alse liep ich dir müge gesin, sö wil ich dir des min triuwe geben: die wile wir beide hän unser leben, sö kumest du von miner schuzzele niem£re, zewäre daz habe üf alle min £rel‘ er sprach: ‚nü wolte der himlische trahtin, daz dir wol waere gerastet daz gevidere din: diu zit hät ein ende, sö wolte ich dich ze der küniginne senden.‘ dö sprach der edele rabe: ‚herre nft merke waz ich dir sage: .ez ist hiute der vierde tac, vürwär ich dir daz sagen mac, dannoch was ich in Engellant, herre des habe dir min triuwe ze pfant: ich weiz, obe ich gevlogen bin oder obe mich triuget min sin,

wande mir ist werder vurste vri, alse ich wol gerastet si. nül enbiut der ktiniginne, waz dir si in dineme sinne, sö wil ich dir die boteschaft werben, unde solte ich darumbe sterben.‘ er sprach: ‚sage mir der künigin vlizicliche den dienest min, ich si her komen ze lant, ich unde mine dienestliute alle sant, unde si durh ir willen komen her: daz si mir gebe rät unde I£r, wie ich si siile gewinnen üz der bürge guot,‘ hiez in reden der vurste höchgemuot, ‚daz si mir sage rehte, obe ich umbe si süle vehten: daz tuon ich danne rehte geren, ich hän manigen stolzen dienesthäiren.‘ der rabe was liste vol, er sprach: ‚ich kan ir ez allez gesagen wol, ich wil ouch her wider sagen dir waz si dir enbiutet bi mir.‘ der rabe urloup von deme härren nam unde schiet ouch vröliche von dan:

hin gein der bürge was ime gäch. die hörren sänen ime vaste hin näch: er vlouc über den berc höch der sich in die lufte zöch, der rabe hete niht m£re reste, er ilte hin ze der guoten veste. alse er ze der veste was komen, alse wir sit hän vernomen, des raben gelücke wol erschein: die küniginne vant er alein oben an einer zinnen, herüz hete sich geneiget diu junge küniginne. der rabe ze ir nider vlöch, vıöliche si in fifzöch mit ir durh ein venster in unde bat in gotwilkomen sin. an der selben stunde si in vrägen begunde, si sprach ze deme raben: ‚du solt mir rehte sagen: wä lieze du dinen h£rren? waerliche den saehe ich rehte geren|

daz er ist gewesen sö lange, des ist min vröide nähent zergangen.‘ er sprach: ‚vrouwe ich tuon iu bekant: min härre ist hie ze lant mit manigem werden ritter guot, die hät er bräht über des wilden meres vluot. zwischen der zweier berge hänt si ein guote herberge, dä ligent si verborgen unde lebent doch mit sorgen. nü hät mich min h£rre ze iu gesant her, daz ir ime gebet rät unde I£r, wie er iuch süle gewinnen üz der bürge guot, enbiutet iu der vurste höchgemuot: ir sult ime enbieten rehte, obe er umbe iuch süle vehten: daz tuot er danne rehte geren, wande er hät manigen dienesth£rren.‘ dö sprach diu küniginne gemeit: ‚rabe daz si dir unde dineme h£rren geseit: daz kristen unde heiden, alle diu werlt waere sin eigen

sö möhte er ir niht geschaden. nü wil ich dineme h£rren räten, obe ich kan:‘ — sprach diu küniginne lobesam — ‚heiz in volgen der löre min unde daz er neme ein roupgalin, darin ein hundert helde guot unde die ir libes sin höchgemuot. waz er sust dienestliute müge gehän, die sol er zwischen der berge län: mit hundert küenen degen sol er sich ber vür die burc legen. in einer dunkele muoz daz geschehen, umbe daz in nieman müge gesehen. her vür die burc üf daz velt heiz in rihten ein kleinez gezelt, unde wer si danne vräge der maere, sö sprich, daz er lebe äne alle swaere, daz si danne sprechen, si sien waehe goltsmit unde varen durh vremediu lant näch ir sit, sö wirt er schöne empfän von mineme vater unde von allen sinen man.

beide vruo unde späte,‘ | sprach diu kliniginne, ‚wie ich kome mit ime von hinnen.‘ der rabe was biderbe unde vlouc balde hin widere ze sineme h£rren sä zehant unde tete ime diu maere bekant. er sprach: ‚härre wilt du @re bejagen, zwelf goltsmide muost du haben.‘ des erschricte sant Oswalt s£re, er sprach: ‚hiute unde iemermöre, daz sint mir Erest starkiu maere! nü hän ich weder hämer noch schaere unde muoz sin ouch nemen grözen schaden, daz ich keinen goltsmit mac gehaben!‘ die rede erliörten zwelf helde guot, die wären mit ime gevaren über des meres vluot, die sprächen: ‚h@rre ir sult iuch wol gehaben, wir wellen iu liebiu maere sagen,‘ ich ver ouch $,

‚von solicher kunste läze wir iuch niht gewerren. nü merket uns vurste lobesam: unser sint zwelf junger man, wir sin alle samt goltsmide gewesen unde sin worden guotes riche, daz geloubet uns vurste lobeliche, daz wir sin ritter worden, nüı geloubet uns daz vurste höchgeboren, dö iu der verte wart gedäht: nt hän wir den wercziuc mit uns bräht, obe wir quaemen in vremediu lant,‘ alsö redeten si alle sant, ‚unde wir ze noeten müesten onen; daz uns daz guot wurde genomen, möhte ez danne anders niht enwesen, sö tıwet wir mit der arbeite wol genesen: wir wellen iu mit triuwen bistän,

dö sant Oswalt die rede erhörte dd, dö wart er Üzermäzen vrö, er sprach: ‚darumbe wil ich iu lihen unde geben, die wile ich hAn daz leben!‘ ze den zwelf nam er hundert man, dämite huop er sich von dan: mit den goltsmiden sin schicte er sich üf ein roupgalin. er hete niht mä@re reste, unde huop sich ze der veste, in einer dunkele daz geschach, daz si nieman hörte noch sach. vür die burc üf daz velt rihte er ime ein kleinez gezelt, sine goltsmide rihten sich ze der arbeit, alse uns daz buoch seit, mit zangen unde mit hämern triben si ein gröz getämer. daz erhörte des küniges wahtaere, ez dühten in wunderlichiu maere. nü lief er alsö dräte

hin vür sines hörren kemenäte, deme sagete er dö diu maere, daz vür die burc komen waere 2144a[manic werder kristenman.] er sprach alsö schön: ‚wolüf richer künic Arön! ich kan dir langer niht verdagen, ich muoz dir vremediu maere sagen: ez sint vremede geste komen vür die veste, von manigem werden man sint dir diniu lant gewunnen an. ... unde wellen dir din lant gewinnen an!‘ dö sprach der wilde heiden: ‚wahtaere lA dir niht wesen leide, ez törste nieman hän getän, des solt du min triuwe hän, ez sint boten Üz vremdeme lant unde sint näch miner tohter gesant, ez sint werdiu kristenkint: wecke mir üf min hofegesint: ez ist umbe si ergangen, si müezen alle werden erhangen |‘

dö lief der wahtaere dräte | ze maniger schoener kemenäte unde begunde die heiden wecken unde iz ir släfe erschrecken. er sagete in diu: maere, daz vür die -burc komen waere manic werder kristenman: ‚unde wellen unserme herren daz lant gewinnen an!" des erschricten die heiden gar ser, in wart von deme bette ger. gröziu nöt wart in bekant, si legeten an ir stritgewant, -:an den selben stunden si ir helme Af bunden, si verwäpenten sich grimme in die liehten stahelinen ringe. si sprächen, ez waere der kristen ende. iegelicher gevie ze siner hende beide swert unde schilt, der heiden geverte wart unmilt. daz erhörte diu küniginne dräte in ir selbes kemenäte. einen sidinen mantel si umbe gevie,

wie balde si ze deme vater gel dö sı den vater ansach, hoeret, wie zuhticliche si ze ime sprach: ‚herzenlieber vater min du solt beruochen der zuhte din, woltest du mir es gelouben [haben], sö wolte ich dir die wärheit sagen, wer die geste möhten gesin.‘ alsö sprach diu junge künigin: ‚ez sint alle samt waehe goltsmit unde varent durh vremediu lant näch ir sit, durh dines landes @r vater sint die gevaren her: du solt niht wesen sö gäch unde erzeige den kristen niendert kein smäch! du unde alle dine knehte ir sult inch bedenken rehte, unde erzeiget in keinen übermuot, vater ez waere dir niht guot:

wir bedurfen wol vingerlin unde haftlin, die wurkent si uns lieber vater min! sö bedarft du richer künic Arön selber wol einer guldiner krön! die wurkent si dir schöne (iz golt, vater darumbe gip in richen solt, des muost du iemäre &re haben, wä man ez sol singen oder sagen!‘ die tohter den vater übergie, daz er von deme zorne lie: er schuof mit sinen h£rren allen sant, daz si abezugen ir stritgewant. si teten durh nöt waz in ir eigen he£rre böt, die werden helde alle sant zugen abe ir stritgewant, si mahten sich des harnasches blöz, ir aller vröide diu wart gröz. alse daz vol geschach, diu tohter ze deme vater sprach: ‚vater du solt niht län bestän, du solt ze den meistern gän, ze in solt du gähen unde si gar wirdicliche empfähen,

daz zimet wol den ären din ren herzenlieber vater min.‘ er schuof mit allen sinen dienestman, si solten legen ir kleiderwambes an. die stolzen heiden begunden sich schöne kleiden. der künic hete niht mä@re reste unde ilte üz der veste: | hin ze den kristen was ime gäch, die sinen zogeten ime wirdicliche :näch, ir vünf hundert zogeten schöne | mit deme richen künic Äröne. der milte künic Oswalt gie her ze deme heiden balt, die goltsmitten lie er stän unde begunde mit den sinen her ze deme heiden gän. dö si der heiden ansach, er begunde si grüezen unde sprach: ‚ir kristen sit mir willekomen, inwer kunft hän ich gerne vernomen,

iuweriu kriuze sint guldin, ir muget wol guote kristen sin, ich sihe wol, ir sit alle ritter unde knehte! nü sult ir mir sagen rehte unde tuot mir die wärheit bekant: hät iuch ieman ze boten her gesant?" dö diu vräge vol geschach, sant Oswalt zuhticliche sprach: ‚uns hät nieman gesant her, heiden daz habe üf alle min Er! ich kan ez langer niht verdagen, ich wil dir die wärheit sagen: wir sin waehe goltsmit unde varen durh vremediu lant näch unserme sit. uns was gesaget maere, wie daz din tohter Üz empfestet waere, die hetest du geben eineme man, niht anders ich dir gesagen kan. dö wir diu maere nü vernämen, üf dinen tröst sin wir her komen unde wurden gerne guotes riche.‘ alsö sprach er listicliche: ‚bedörftest du unser niht ze dienaere,

heiden sö bescheit uns der reliten maere, du unde din vrouwe diu küniginne, sö gip uns ein genaedigez urloup von hinnen - unde läz uns von hinnen varen, got der mac uns wol bewaren!' dö sprach der wilde heiden: ‚meister Jät iu niht wesen leide: sit ir her komen durh den willen miner £ren, sö sihe ich iuch rehte geren: sö sult ir von mir hän hilfe unde rät beide vruo unde darzuo spät.‘ .dö sant Oswalt erhörte die rede dd, dö wart er Üzermäzen vrö, von grözen vröiden er erschricte, tougenliche er Aifblicte unde sprach: ‚himlischer trahtin tuo ez durh die grözen güete din : 2290 unde hilf mir, daz ich niem£re ersterbe üf dirre erde, unze daz diu lüge von mineme munde gebüezet werde, die ich hie hän getän: herre got des solt du mich niht engelten län!

der heiden enlie dö niht beliben, er hiez den meistern briefe schriben: waz si ein ganzez jär solten haben, daz hiez er in üz der bürge in ir herberge tragen, beide win unde bröt unde wes den meistern was nöt, zamez unde wiltbraete, guoter koste allez geraete. dannoch lägen si vor der bürge, daz ist wär, zwelf wochen unde ein jär, daz si keiner vrouwen bilde nie gesähen, des begunde in grözer kumber nähen, noch keines wibes gebaere, des wart in ir gemüete swaere. nü sprach der milte künic Oswalt ze sinen goltsmiden balt: ‚ei ir herren alle sant ich wolte, wir waeren däheime in Engellant! wan daz kristen unde heiden, alle diu werlt waere min eigen unde hete mich dämite vür die burc erhaben,

sö kunde ich ir nieme&re geschaden: ich möhte verzeren allez min here, dannoch miüeste ich wider varen über mere, daz ich niht innen wurde,‘ sprach der vurste balt, ‚wie diu juncvrouwe waere gestalt.‘ daz geschach an eineme mäntage morgen: — dö was er entsläfen in allen sinen sorgen — dö was ime in deme släfe vürkomen, alse wir ez sit hän vernomen, wie er die küniginne solte üz der bürge gewinnen. {iz deme släfe er erschricte, von grözen vröiden er üfblicte. dö er die sine vor ime sach, hoeret, wie er ze in sprach: ‚ir herren ir sult iuch wol gehaben, ich wil iu liebiu maere sagen: mir hänt geräten die sinne min, wie ich süle gewinnen die künigin! dävon sit nür alle vrö unde wurket mir guldine klö, die wil ich ime mit snüeren sidin binden ze den vüezen sin,‘

‚unde machet mir zwei guldiniu hirzhorn, machet mir si schoene unde innen hol, alse si der hirze üÜf sineme houpte tragen sol! noch wil ich iu m&re sagen: ein guldine decke muoz er haben, daz si neben des hirzen g& üf die ert, sÖö nime ich in‘, sprach der vurste wert, ‚unde vüere in an den burcgraben hin zuo, daz tuon ich eines morgens vruo: sö ist der künic ein &renricher man unde jaget mir den hirzen her dan, er unde alle sine heiden, lät iu nür niht wesen leide: lihte belibet diu porte unbehuot, sö gewinne ich lihte die küniginne guot!‘ die goltsmide wurden alle vrö unde worhten ime guldine klö, si worhten schöne mit ringer hant, diu kunst was in wol bekant, si worhten mit aller ir maht beide, den tac unde ouch die naht unze an den sibenden morgen, dö quämen si fiz sorgen:

dö was daz gesmide allez bereit, alse uns daz buoch seit. sant Oswalt niht enlie, den hirzen er dö angevie an ein sidin seil, er sprach: ‚herre got nf gip mir heil!‘ an deme ahtoten morgen vruo vuorte er in an den burcgraben hin zuo, dä lie er den hirzen stän unde begunde her wider ze der smitten gän. dö ersach in des küniges wahtaere, ez dühten in wunderlichiu maere. dämite lief er abe dräte ze sines herren kemenäte, er ruofte aber schön: ‚wolüf richer künic Arön, hiute solt du jagen geren, din gröziu @re wil sich möären! ich muoz dir der wärheite jehen, einen guldinen hirzen hän ich gesehen, der gät dä Üze an deme burcgraben, daz wil ich dir vürwär sagen: unde wirt der hirze hie gevangen, du häst sin iem&re äre in dinen landen!‘

dö sprach aber schön der riche künic Ärön: ‚du stolzer wahtaere Ju sagest mir liebiu maere! daz habe üf alle min Er, daz getihte gät von den gotsmiden her: die sint alle samt künste vol unde hänt den hirzen innen gemachet hol, daz er loufet von den winden. nü wecke mir üf min hofegesinde unde enbiut, wer einen stap müge getragen, daz er mir den hirzen helfe jagen: wer versitzet daz gejegede min, den scheide ich von deme lebenne sin!’ nü lief der wahtaere dıäte ze maniger schoener kemenäte unde begunde die dienaere wecken unde üz ir släfe erschrecken. er sagete in diu maere, wie daz ein guldin hirze komen waere her an den burcgraben, den wolte der künic jagen. dö sı die rede erhörten dö, dd wurden si Üzermäzen vrö: alten unde jungen

von deme bette si sprungen, vrien unde dienestman begunden sich dö legen an. si hiezen herziehen snelliu marc, diu wären kreftic unde starc, wie balde si darüf gesäzen!| grözer vröide si sich vermäzen. si sümten sich niht langer m&r bogen unde spieze hiezen si tragen her, des begunde si niht verdriezen: si wolten den hirzen stechen unde schiezen. die heiden höchgeborn erschalten ir jagehorn unde ruoften an den stunden allen ir hunden. der heiden vröide diu wart gröz, die porten man in üfslöz. dö diu porte wart üfgetän unde die hunde abe den stricken gelän..... dö die heiden üiz der bürge wären komen, alse wir ez sider hän vernomen,

des torwarten triuwe diu was gröz: die porten er krefticliche wider zuoslöz, daz diu küiniginne guot wurde krefticliche behuot. der hirze umbe blicte: wie harte er erschricte an den selben stunden abe den heiden unde abe den hunden er vliehen begunde, er hete ze beiten niht m£r, ime was ze vliehenne ger, er huop sich ze vliehenne balde hin gen eineme vinstern walde. deme hirzen was ze vliehenne gäch, die heiden ilten ime vaste hin näch. der hirze an den berc vlöch, der sich in die lufte zöch, dä was nie niht lebendiges über komen,

alse wir ez sit hän vernomen, danne nür die wilden vogel. die heiden wurden mit deme hirzen betrogen: er lief über den berc hin dan vor manigem heidnischen man rehte in aller der gebaere, alse er ein hofeschalc waere. der hirze mit deme golde, alse ez got selber wolde, der quam über den berc ze deme mere, dä er vant sant Oswaldes here. dö er under daz here was komen unde daz die h&rren heten vernomen, iegelichen besunder nam dö gröz wunder, wie der hirze ze in komen waere: dö sagete in nieman diu rehten maere. daz wizzet, den wilden heiden geschach unmäzen leide, daz sı den hirzen heten verlorn, daz was den heiden allen zorn. si jageten in deme walde entwer, einer hin, der ander her, einer dort, der ander hie, STMisß.

si westen selber niht wie. nü läze wir si den hirzen jagen unde sulen däheime von der küniginne sagen! diu stuont oben an einer zinne vor ir muoter, der alten küniginne, unde vier unde zweinzic juncvrouwen guot, dämite was si wol behuot. die si ze naehest bi ir sach, nü hoeret, wie si ze der selben sprach: si sprach: ‚liebiu gespile min nü tuo. ez durh die triuwe din: . 1A dir sin wol lönen unde habe mir minen mantel unde min kröne unde stä däher an min stat’ — alsö si diu junge kiüniginne bat — ‚vür: min muoter die küniginne vri unde tuo, alse ich ez selber sil waz sol ich dir sagen m&? mir ist in deme houpte worden w&, daz ich niht langer mac bestän, ich muoz rehte von der zinne gän, ich wil mich küelen dräte in miner kemenäte:

wanne min krankheit hät ein ende genomen, sö wil ich her wider komen.‘ diu juncvrouwe tete durh nöt, waz ir diu junge küniginne böt: umbe sweifte si den mantel schöne unde satzte ff ir houbet die kröne, üf satzte si die kröne eben: f diu junge küniginnne begunde sich von dannen heben. diu junge küniginne huop sich üz der schar, diu muoter nam sin niht war: diu juncvrouwe stuont in aller der gebaere, alse ez diu junge küniginne waere. nü lief diu junge küniginne dräte in ır selbes kemenäte, unde schoener juncvrouwen dri . giengen mit der jungen küniginne vr!. si liefen an den stunden, dä si vier röcke vunden: die heten si vor bereit, alse uns daz buoch seit, dö in des wart ze muot, daz si wolten werden kristen guot. die röcke begunden si legen an, alse si waeren junge man, si satzten Üif ir hilete,

gegen got stuont ir gemüete, die vier minniclichen meit gurten umbe ir gurtel breit, si legeten an hosen unde brisschuoch, Mähmeten teten si manigen vluoch, die vier megede höchgeborn gurten umbe guldine sporn in allen den gebaeren, alse si heidnische ritter waeren, si nämen vier swert in ir hant, alsö tuot uns daz buoch bekant. si heten niht ze beiten m£r, hin gen der porten was in ger: nüi was verslozzen tor unde tür, starke rigele gestözen vür, daz si niendert mohten üzkomen, des wart in vröide vil benomen. si giengen oben an ein zinne unde nämen war, obe si ez möhten erspringen: dö dühte si diu mfire ze höch. diu junge küniginne her wider abe vlöch, her ze der porten was ir gäch,

die dri ilten ir vaste hin näch. nn diu junge küniginne niht enlie, si viele nider an ir knie ze der porten an die müre, dö begunde si harte trüren. si sprach: ‚nü hörte ich ie sagen ımaere, wie genaedic unser vrouwe waere, wie si braehte mit ir güete wazzer ze der glüete: Maria din genäde läz an uns werden schin unde hilf uns armen magedin, daz wir vröliche komen von hinnen unde saelde in dineme namen gewinnen!‘ dö diu bete vol geschach, . daz slöz sich von der porten brach in aller der getaete alse ez ein grözer wint üfgeworfen haete. die stolzen juncvrouwen h£re sümten sich niht langer m£re: — in was wol gelungen —

wie balde si vür die porten sprungen| dö sı her iz wären komen, alse wir ez sider hän vernomen, an der selben stete daz tor sich wider zuo tete: beide türe unde tor wart baz verslozzen danne vor. si heten niemäre reste unde ilten balde von der veste über daz wite velt hin ze sant Oswaldes gezelt. nüi hete der rabe niht vergezzen, er waere üf die goltsmitten gesezzen. die juncvrouwen er ersach: hoeret, wie er ze deme hörren sprach: er sprach: ‚h&rre ich kan dir sin niht verdagen, ich wil dir liebiu maere sagen: ich sihe dort von der bürge her gän vier juncvrouwen wolgetän: mich triegen danne mine sinne, ez ist diu junge küniginne!| edeler vurste höre

stüme dich niht m£re: . du solt ir balde engegen gän unde si gar wirdicliche empfän!‘ | dö er daz wort vol gesprach, sant Oswalt lieberz nie geschach. der üzerwelte degen gie der küniginne balde engegen: sı was ime iz in allen erkant, wande si truoc ein guldin härbant, dämite bezeichnote sı daz, daz si diu küniginne selber was. sant Oswalt niht enlie, liepliche er si umbevie, einez daz ander umbeslöz, ir beider vröide diu was gröz. der milte künic Oswalt huop sich mit der küniginne balt, ze der goltsmitten was in gäch, die dri ilten ime vaste hin näch. dö sprach der vurste lobesam: ‚wolüf alle mine dienestman unde lät uns heben von hinnen, ich hän rehte die jungen küniginne!‘

die selben dienestherren vröiten sich der ren, daz in sö wol was gelungen unde si die küniginne heten gewunnen. der milte künic Oswalt begunde ilen alsö balt: hin gein deme mere was ime gäch, die sine zugen ime vaste hin näch. er hete niht mä£re ze wilen unde begunde vaste ilen: er ilte an die galin mit der küniginne unde mit den helden sin. er huop sich tougenliche von dan, die goltsmitten lie er vor der bürge stän: er vuor zwischen der berge sä zehant, dä er alle sine dienaere vant. er hiez ruofen an der stunt unde tete den helden allen kunt unde hiez in sagen diu maere, wie daz er vröliche komen waere. alse si die rede erhörten dd, dö wurden si Üüzermäzen vrö,

von den höärren allen huop sich ein michel schallen: — daz here mit einander Üfbrach — von grözen vröiden daz geschach, daz si heten die jungen künigin: nü möhte in allen niht liebers geschehen sin. zwischen der berge üf deme velt liezen si stän manic schoene gezelt, die hütten liezen si alle stän unde huoben sich nür balde von dan. diu reise in wol geviel, unde ilten an die kiel, sant Oswalt unde allez sin here schicte sich vröliche üf daz mere. dar quämen die marnaere alle sant unde nämen die ruoder in die hant, die anker si Üüzgeschuzzen, vröliche si von deme gestade vluzzen. dö si nü üf daz mere wären komen, alse wir ez sider hän vernomen, in was wol gelungen, den ruof si vröliche sungen.

nü läze wir si gote empfolhen varen, der mac si alle wol bewaren, wir sulen nü niht verdagen, wir sulen von der alten küniginne sagen, wie diu des morgens sprach, dö si den heiden zuoriten sach! si sprach alsö schön: ‚bis mir willekomen richer künic Arön, du unde alle dine dienesthärren| nü weste ich alsö geren, wie ez dir an deme gejegede waere ergangen, obe du den hirzen hetest gevangen’‘ er sprach: ‚liebiu vrouwe min lä dir umbe ein kleinez golt niht sin: wir hän noch goldes vil! nü merke waz ich dir sagen wil: mine goltsmide sint noch künste vol unde kunnen mir einen andern hirzen machen wol.‘ dö diu rede vol geschach, diu alte küniginne begunde lachen unde sprach: ‚sicher künic läz äne zorn, alle din arbeit ist gar verlorn:

din birsen unde din gejeide | daz kumet-uns nü säere ze leide: unser tochter diu küniginne diu ist mit den goltsmiden von hinnen, si selbe vierdiu juncvrouwe, — 6 wie solte ich ir des getrouwen! — - si ist mit in üf deme wilden s&!‘ der heiden lüte schr&: ‚daz weste ich wol, liez ich leben den raben, daz ich sin quaeme ze grözeme schaden: daz ist Oswalt üz Engellant, Be: der vüeret min tochter hin an siner hant! nü kan er mir doch niht entrinnen mit allen sinen sinnen, ich entrenke in in deme wilden mere in unde allez sin here!‘ der heiden hete ein guldin horn: wanne ime wart von schulden zorn unde er ez satzte an sinen munt, sö tete er allen sinen liuten kunt...

daz horn was an den vristen gemachet mit zouberlisten: wanne er ez erschalte krefticliche, sö hörte man ez in deme dritten künicriche. er erschalte sin horn gröz, daz ez unmäzen lüte erdöz, daz ez erhörten die landeshärren: si sprächen: ‚waz mac ime gewerren, deme richen künige Ärön? redeten die härren alle dö. die härren üf den vesten unde die dä wären die besten die sprächen: ‚wir hän gehört das horn, unserme h£rren ist von schulden zorn!‘ dö si daz horn heten vernomen, dö wolten si deme härren ze hilfe komen: si verstuonden sich wol der maere, daz er in grözen noeten waere. si bereiten sich mit grimme in ir stahelin ringe: daz wizzet, den wilden heiden was umbe ir hörren mit triuwen leide. an den selben stunden

si ir helme üfgebunden ne unde quämen gein hofe dar, ir wart ein ungevüege schar. näch ritterlichen siten quämen si gen hofe geriten unde vräcten der maere, waz deme hörren geschehen waere. die wilden heiden wurden des bescheiden: man sagete in, diu küniginne waere mit goltsmiden von hinnen. die heiden heten niht mä@re ze wilen unde begunden vaste ilen. .. . zuo ime nam er sine dienestman dämite huop er sich von dan, an die grözen roupgalin ilte er mit den helden sin. der künic nam selber ein ruoder in die hant, alsö teten die marnaere alle sant, hin üf daz mere was in gäch, si ilten sant Oswalde vaste hin näch.

daz geschach an eineme mäntage morgen, dö sant Oswalt vuor in grözen sorgen: dö wären ıme die heiden sÖ nähent komen, — aber sant Oswalt hete sin niht vernomen — daz die heidnischen man wurden die kristen sichtig an. hete er dö niht gehapt den raben, sö waeren die kristen ze (öde erslagen. dö hete der rabe niht vergezzen, er waere üf einen kiel gesezzen. dö er die heiden zuovliezen sach, nü muget ir hoeren, wie er sprach: er sprach: ‚lieber herre min ez mac rehte anders niht gesin, ich hoere daz mere diezen unde sihe galin ze uns her vliezen: der heiden ist uns her näch komen, waerliche daz hän ich wol vernomen! ez welle danne got understän, ich vurhte, wir müezen daz leben verloren hän!' des erschricte diu küniginne s£re,

sı sprach: ‚wäfen hiute unde iemer m£re | unde ist her näch komen der vater min, sö gät ez manigem kristen an daz leben sin! ime ist umbe mich leide unde hät manigen wilden heiden bräht üf unsern schaden, ich vurhte, die kristen werden alle erslagen: begrifet in sin heidnischer zorn, sö hän wir alle daz leben verlorn: er wirt uns ertrenken unde in deme wilden mere versenken!‘ sant Oswalt die grözen klage ansach: hoeret, wie er ze der küniginne sprach: ‚juncvrouwe ir sult iuch wol gehaben, äne got selber kan uns niht geschaden! des hän wir kristen einen tröst: vrouwe daz hän ich iu noch nie erlost, daz kein kristen sterbe Üf erden, ez müeze sin rehter veictac werden, er habe danne verworht sin leben gegen deme himlischen degen: sö stirbet er och & siner zit

unde hät ouch verloren le nde p. daz hät kein kristen, obe got wil, noch nie getän: wir sulen tröst ze unserme härren hän unde bitten die himlischen küniginne, daz si uns helfe mit @ren von hinnen!‘ sant Oswalt niht enlie, er viele nider üf siniu knie, sin beide hende er üf geböt, wanne des betwanc in gröziu nöt, er sprach: ‚himlischer trahtin nf nim hin die triuwe min, daz mich üf ertriche kein man niemer m£re nihtes gebiten kan: wes er durch dinen willen begert her got, des wirt er alles gewert: er bitte mich umbe bürge oder umbe lant, wes er mich durch dinen willen ermant, unde baete er mich umbe daz houbet min, ich gaebe im ez durch den willen din! unde hilf mir mit ren hin von deme heidnischen h£rren, daz ich niht kome ze leide hie von deme wilden heiden!‘ dö sant Oswalt daz vol gelobete,

zehant daz mere tobete, daz er vuor in einer kleinen wile des meres wol vierdehalphundert mile. dö sante daz himlische kint deme heiden einen nebel unde einen wint, daz si niht ınohten gesehen, alse wir noch hoeren jehen. si vuoren dort unde hie, si westen niht selber, wie, oder war iegelicher k£ren solte, alse ez got selber wolte. deme heiden lac ez herte, aber üf sant Oswaldes geverte dö schein diu liehte sunne unde was ouch michel wunne. si vuoren in eineme halben tac, vürwär ich daz gesagen mac... an. den selben vristen quämen die werden kristen zwischen des meres üf einen sant, alsö tuot uns daz buoch bekant. an den selben stunden

‘die kiele man dö heften begunde. nü begunden si sich ze velde legen unde wolten dä ruowe pflegen. dö si ze velde wären komen, alse wir ez sider hän vernomen, dö quämen die heiden an den stunden, dä si die werden kristen vunden. dö die heiden die kristen ansähen, dö begunden si aber baz gähen. si sprächen: ‚unde hete sin diu werlt gesworen, sö müezen die kristen ir leben hän verloren!‘ sant Oswalt die heiden zuovliezen sach: hoeret, wie er ze den sinen sprach: ‚nü ir werden kristen guot, nemet alle an iuch vesten muot, lät ıu niht wesen leide und wert iuch der heiden! wir werden nü bestanden mit werlichen handen: wert iuch, des betwinget uns nöt: wir werden bestanden üf den grimmigen töt! wer nü von den heiden wirt erslagen, des s@le muoz gröze genäde haben in deme äwigen leben, des wil ich iu min triuwe geben:

daz habet üf alle min £re: lip unde s@le ist behalten iemer mö&re.‘ dö sprächen die werden kristen guot: ‚herre nf hät selber vesten muot! wir wellen iu mit triuwen bibestän, alle die wile wir daz leben gehän: waerliche die wilden heiden müezen von uns komen ze leide! ir ilen unde ir gähen daz beginnet uns harte versmiähen, daz si uns her näch hänt getän: nü muoz ez in an ir lebenne gän! si sulen des hän unser triuwe, ir hervart muoz si harte geriuwen: zewäre die heiden alle sant “koment niemer märe heim ze lant!‘ sant Oswalt niht enlie, den sturmvanen er selbe in sin hant gevie, her gegen den heiden was ime gäch, die sine ilten ime vaste hin näch. nüt wären die heiden alle sant ze ın komen üf daz lant. sant Oswalt die heiden ansach,

daz wort er vurstiche e in pc; ‚ir heiden ir sult iuch weren, iuch mac nieman erneren!‘ sant Oswalt den heiden widerböt, dö huop sich angest unde nöt. kein man dö niht vermeit, iegelicher zucte sin swert von der scheit, die wären alle liehtvar. nü drungen si üif einander dar, heiden unde kristen man luffen einander an. dö si zesamene wären komen, dö wart ein harter strit genomen: si drungen zesamene einer geswinden vart, einer den andern niht enspart mit starken swertslegen begunden si sich üf einander heben. si wurden beidenhalp gewert alles, des ir herze begert. sant Oswalt der wigant vuorte den sturmvanen in siner hant, { der manheite was er niht ein tör, den sinen vaht er ritterlichen vor, er vaht alse ein wilder bere

unde gap den sinen rät unde l£re, er vuorte den strit gar wisliche, dez vröiten sich die sine alle geliche. die kristen wären unverzeit unde pruoften den heiden arbeit, si drungen mit einander dar unde begunden smelen der heiden schar, si machten ungevüege den strit unde sluogen schedeliche wunden wit durch die stahelinen ringe gröz: manic heiden dö sin leben verlös. die kristen begerten keiner reste unde hiuwen durch die helme veste unde durch daz stahelin gewant, si valten die töten üf daz lant. die kristen sich krefticliche gerächen, die heiden si sluogen unde stächen. den heiden muoste misselingen, wande si liezen sich verdringen, einer hin, der ander her, des verluren si wirde und Er. si vähten einen sumerlangen tac,

daz nieman keiner reste pflac Bu vollicliche unze üf den äbent dan: dö wurden erslagen die heidnischen man. künic Arön wart sigelös, drizic tfsent heiden er verlös, die wurden ime alle samt erslagen, alse wir noch hoeren sagen: ez mohte anders niht enwesen, man lie ir keinen niht genesen, si verluren alle den lip, daz klageten diu heidnischen wip. nür des richen küniges Arön des begunde man vür die andern schönn. daz tete man ouch nür umbe daz, 2x daz er der küniginne vater was: die kristen in undergiengen, daz si den künic Arön viengen. si vuorten in an den stunden, dä si sant Oswalt vunden. dö in sant Oswalt ansach, dö begunde er lachen unde sprach: ‚her sweher sit mir gotwilkomen,

iuwer kunft hän ich gerne vernomen!“ er empfie in wol mit £ren, er sprach: ‚ir sult iuch toufen geren!' dö diu rede vol geschach, der heiden zorniclichen sprach: , ‚Oswalt wilt du mich ze eineme sweher hän, sö solt du mich dines spotes erlän: an dinen got geloube ich niht, wie halt mir darumbe geschiht!‘ dö sprach der milte künic Oswalt ze deme wilden heiden balt: ‚du solt minen got niht schelten, wande du möhtest sin gar harte entgelten: ich bin an dir worden sigehaft! nü hät min got wol die kraft, daz er dine liute heizet üfstän, daz du si lebendic vor dir sihest gän.‘ dö diu rede vol geschach, hoeret, wie der heiden sprach: ‚e milter künic Oswalt‘,

sprach der wilde heiden balt, ‚daz wil ich reden äne allen spot: maht du des erbitten dinen got, daz er den minen hilfet üz dirre nöt unde daz si üfstän von deme töt, sö wil ich ze ime k£ren unde wil mich läzen toufen geren, mac des aber niht geschehen, an dinen got wil ich niem£re jehen.‘ dö diu rede vol geschach, sant Oswalt sach üf gein himel unde sprach: ‚& himlischer trahtin ich ermane dich hiute des tödes din, den du empfienge an deme heiligen kriuzes stam: dö erlöstest du vrouwen unde man mit dineme unverdienten töt: nü mane ich dich an die selben nöt: hilf mir durch diner marter £re, daz die töten alle wider lebendic werden!‘ dö diu bete vol geschach,

ie ein töter den andern ansach, sı stuonden üf in allen den gebaeren, nür alse si sunst entsläfen waeren. dö sprach sant Oswalt schön: ‚sihest du richer künic Arön, waz zeichens min got hät getän: noch solt du an in gelouben hän unde solt balde gähen unde kristenlichen gelouben empfähen: geloubest du an in krefticliche, sö besitzest du daz @wige himelriche.‘ dö sprach der wilde heiden: ‚Oswalt daz waere mir iem£re leide: din got ist ein junger tör, der möhte mir niht wesen vor: ich wil gelouben an den alten, der sol ouch mines lebennes walten, unde waz der alte geschaffen hät: an den geloube ich vruo unde spät.‘ er sprach: ‚Oswalt vurste riche, unde hete ich siben houbet £rliche üf mineme libe stän, alse ich doch nür einez hän, diu lieze ich mir alliu abenemen,

des wolte ich mich niem£re geschemen, €& daz ich geloupte an dinen got, wande darumbe waere ich aller heiden spot.‘ alsö redete er üz grözeme zoren: ‚sihest du niht, mine Jiute sint wider lebendic worden: hie an disen ziten, wil ich ärest mit dir striten!‘ die heiden, die dö lebendic wären worden, die sprächen: ‚härre lät von iuwerme zoren! ir sult von deme kriege län, wir wellen iu niht bigestän: wir sin gewesen an dirre stunde in der heizen helle grunde, dä ist uns alsö w& geschehen,‘ — begunden die heiden alle jehen — ‚hät ez üf alle unser Ere: an Mähmeten gelouben wir niemer m£re: er mac nieman bigestän: wir wellen an Jösum Krist gelouben hän, deme wellen wir dienen vür eigen, der mac uns wol hilfe erzeigen!‘ dö diu rede vol geschach,

hoeret, wie der künic Arön sprach: ‚e milter künic Oswalt nü häst du min sö grözen gewalt: ich wolte mich toufen geren unde ouch kristenlichen gelouben me£ren, nü ist daz mere ein sulze unde darzuo gruntlös, darüf hAn ich sorge alsö gröz: daz mere hät niendert grunt: entviele ich dir an der stunt hin in daz wilde mere, sö möhte mir niht gehelfen allez din here.‘ alsö sprach er trüricliche: ‚Oswalt edeler vurste riche du gihest din got sin ein heilant: sihest du dort die steinwant? ...:.... din got..... ar daz er üz deme harten steine einen brunnen lät erspringen,

dä toufe ich mich innen, mac des aber niht geschehen, ar dinen gat wil ich niem£re jehen.‘ sant Oswalt der heilant gie hin üf die steinwant unde viel nider üf siniu knie, daz swert er in die rehten hant gevie unde zöch ez üiz der scheit. der helt daz langer niht vermeit, daz ort lieze er hangen nider, saget uns daz buoch sider. sant Oswalt üf gein himel sach, gerne muget ir hoeren wie er sprach: ‚€ himlischer vurste hä&re ich ermane dich der heiligen toufe £re, die du empfienge in deme heiligen Jordän, beide durch vrouwen unde durch man: nü hilf mir Af dirre erde, Jaz ein brunne hie entspringen werde, daz die heidnischen herren in dineme namen alle kristen werden!‘

sant Oswalt wart gewert ee alles, des sin herze begert von deme himlischen traht!n unde von der lieben muoter sin: daz swert ime üz der hende brach — von gotes krefte daz geschach — abe durch den harten stein. gotes kraft dö wol erschein: von des swertes orte sich diu steinwant durchborte. nü lie sich ein schiel her dan, daz sähen heiden unde kristen man, der was sö gröz, alse wir noch hoeren sagen, tüsent wagen möhten in niht hän getragen. gotes kraft diu was gröz: {iz der steinwende ein brunne gevlöz, der was zehen kläfter wit, seit uns daz diutsche buoch sit, unde nür einer tief. sant Oswalt lüte rief: ‚sihest du heidnischer man, waz zeichens hät min got getän? noch solt du zuo der toufe gähen unde kristenlichen gelouben empfähen,

unde wilt du daz niht balde tuon, sö häst du weder vride noch suon: iezuo mit deme swerte min slahe ich dir abe daz houbet din!‘ der heiden der rede harte erschricte, sant Oswalden er anblicte: er sprach: ‚milter künic Oswalt din got hät aller dinge gewalt! min got ist Mähmet genant, der heiden h£rre über alliu lant: des wil ich von ime kären unde kristengelouben m£ren: ich muoz dir der wärheite jehen: ich hän solich zeichen von Mähmeten nie gesehen. ich wil mich an den haben, der J@sus ist genant, der ist herre über allıu lant, daran wil ich beliben staete. Oswalt ziuch mir abe min gewaete: von gote bist du gewert: Oswalt min herze der toufe gert.‘ sant Oswalt der heilant zöch abe deme heiden sin gewant, er sprach alsö schön: ‚vor hieze du der riche künic Arön,

nf solt du Zentinus werden genant über alliu kristenlant.‘ sant Oswalt toufte den sweher sin, darnäch diu vier magedin, er toufte dri sumerlange tac, daz er nie keiner reste pflac. andemedrittentage,dösich tacundenaht wolte scheiden dlannoch wären ungetouft zwä&ne unde sibenzic heiden. die vorhten, ez wurde in ze späte, unde begunden ilen alsö dräte, si vorhten, si müesten versümet sin, unde sprungen mit einander darin | unde wurfen des wazzers dri stunt in den munt: iegelicheme wart ein reiniu s@le kunt. alse getoufet wurden die heiden, nüü was in niht m£re leide: si sprächen an den stunden: ‚nü habe wir den töt überwunden |‘ si sprächen: ‚Oswalt, vurste h£@re, leben wir nf iemer märe’‘ dö sprach der milte künic Oswalt: ‚got hät aller dinge gewalt: ich tuon ez iu heiden allen bekant:

ir sterbet in deme järe noch alle sant.‘ des erschricten die getouften heiden s£r: ‚Ööwe, daz wir ie sin komen her!‘ si sprächen, alse wir hoeren jehen: ‚nü ist uns mit deme töde sö we geschehen, nü wänt wir an disen stunden, _ wir heten ez allez überwunden: müeze wir noch eines ligen töt, wie sule wir überwinden die nöt?’‘ si sprächen unverborgen: ‚Oswalt hilf uns üz den sorgen, unde bitte den himlischen heilant, daz wir iezuo sterben alle sant| unde solte wir alsö sorgen daz ganze jär, Oswalt daz sagen wir dir vürwär, sö möhten wir in den sunden verzagen unde naemen sin an der s@le schaden: bitte den himlischen trahtin, daz er ime unser sele läze empfolhen sin!‘ sant Oswalt tete an der selben stat, wes in maniger getoufter heiden bat: er sprach an der selben stunt:

‚her got tuo mir din genäde kunt, u unde hilf mir, daz die getouften heiden senfticlichen verscheiden unde daz si alsö ersterben unde mit deme andern töde din hulde erwerben!‘ sant Oswalt wart gewert, alles, des sin herze begert von gote unde von der muoter sin, die täten ime genäde schin, daz die getouften heiden dö geswigen unde alle vür töt darnider sigen, daz si ir lebennes verdurben unde ouch gar senfticlichen sturben. si wurden ze aschen unde ze molte, alse es got selber wolte. mit deme andern töt quämen si von der helle nöt: got sande ein englische schar, die nämen dö der sälen war, si empfiengen si an der stunde iegelicheme von sineme munde

unde vuorten si dö wirdicliche in daz &wige himelriche. sant Oswalt nam den sweher sin unde diu vier magedin unde alle sine dienestman unde zogeten dö vröliche von dan: er hete ir nie keinen verloren, des vröite sich der vurste höchgeboren: mit den sinen allen sant quam er vröliche gen Engellant. gen Engellant sagete man diu maere, daz sant Oswalt komen waere mit einer schoenen briute, daz hörten gerne alle sine liute. die richen quämen dar mit gäbe, die armen quämen dar durch genäde, si erten den richen künic Oswalt durch härschaft unde gewalt. nt hete er ein schoene höchzit, — seit uns daz diutsche buoch sit — von pfingesten unze üf den sibenden tac: iewederme man er ze ezzenne unde ze trinkenne gap, man gap ez wirdiclichen

armen unde richen. dö diu höchzit was zergän, die herren schieden von dan, si zugen alle heim ze lande. sant Oswalt boten (iz sande unde hiez ime bringen arme liute den wolte er geben ein spende mit siner milten hende. dö die armen liute sin boteschaft vernämen, wie balde si gen hofe quämen! sant Oswalt satzte nider armer liute niun schar alse manic tüsent quam ouch dar. dar quam ouch der himlische trahtin mit den grözen genäden sin: dö wolte er beruochen unde sant Oswalden versuochen, obe ime wolte leisten der vurste guot, daz er ime hete verheizen üf des wilden meres vluot. unser härre niht vergaz, wie balde er an die Ersten schar saz! dö ime dä wart gegeben, dö begunde er sich an die andern schar heben.

dd er die andern gäbe empfie, wie balde er an die dritten schar gie! dannoch wolte er niht bestän unde begunde an die vierden schar gän. er hete niht m£re ze wilen unde begunde an die vünften schar ilen. er begunde vaste wandern von einer schar an die andern: daz treip der himlische degen, unze ime des tages niun stunt wart gegeben. er tete geliche eineme armen man unde schiet mit den armen liuten von dan: an der selben stunde in nieman erkennen kunde. dö diu spende was zergän, arme liute schieden von dan, dannoch wolte unser herre niht enlän, er begunde balde hin wider gän: sant Oswalden den vursten h£re, wolte er aber versuochen m£re, obe ime wolte leisten der werde man, waz er ime hete verheizen üf des meres strän.

schiere quam der himlische heilant, dä er den milten künic vant: vür den vursten wolgetän, begunde er barmiclichen stän. nf sprach der pilgerin balt: ‚@ milter künic Oswalt du solt mir ein gäbe geben, sö dir got behüete din werdez leben!‘ er sprach, alse wir noch hoeren jehen: ‚pilgerin daz sol geschehen.‘ dö sprächen die kameraere: ‚herre geloubet uns diu maere: der pilgerin hät hiute zesamene getragen, er solte ein halbez jär daran haben, er ist alse ein gitiger man, alse wir in nie gesän: wir hän daz wol vernomen, daz er an die niunden schar ist komen.‘ dö sprach der pilgerin an der zit: ‚dä hän ich zehen kint unde ein armez wip an der herberge gelän,

die mohten mit mir niht her gän.‘ der milte künic Oswalt hiez ime her tragen balt zwelf vleisch unde zwelf bröt, sö mir got helfe {iz aller nöt, darzuo gap er ime ringe zwelf guldine pfenninge. daz muote die kameraere sere, sie sprächen ze deme pilgerine: ‚nü kum her wider niht m£re!‘ unser h£rre hete niht märe reste unde ilte von der veste unde gie sä zehant, dä er arme liute vant. des guotes er sich schiere verwac: wie balde er ez armen liuten gap! nü wolte er niht langer bestän unde begunde balde hin wider gen hofe gän: sant Oswalden den vursten häre wolte er aber versuochen mö£re, obe ime wolte leisten der werde man,

daz er ime hete verheizen {if des wilden meres strän. sant Oswalt hete niht vergezzen, er waere schöne ze tische gesezzen: mit sinen helden guot saz ze tische der vurste böchgemuot. nü begunde man balde her tragen, waz man ze ezzenne unde ze trinkenne solte gehbaben, 3297a[semele unde guoten win 3397bunde waz dä reines mohte gesin,] zamez unde wiltbraete, guoter koste allez geraete: er böt ez in allen wol, wande er was ganzer @ren vol. nü begunde der pilgerin dar gän unde vür sant Oswaldes tisch stän. in ersähen die kameraere, daz dühte si wunderlichiu maere, daz er stüende vür den vursten guot, die hofeschälke daz gar harte muot: buoben und schintvezzel die begunden dö niht vergezzen,

si triben in vor deme tische entwer, einer stiez in hin, der ander her, ie einer gap in deme andern dar. sant Oswalt begunde des nemen war unde sprach: ‚solte ich daz niht understän, sö waere ich niht ein biderber man!‘ sant Oswalt sümte sich niht me£r, ime wart von deme tische ger, der edele vurste niht enlie, wie balde er den pilgerin bi der hende gevie! er tete alse ein biderber man unde vuorte in üf den ofen dan unde sprach: ‚du solt sitzen eben, sö heize ich dir ze ezzenne unde ze trinkenne geben.‘ sant Oswalt, der vurste riche, saz wider ze tische gar wirdicliche. deme vursten höchgemuot truoc man her einen bräten guot: den ersach der pilgerin unde sprach: ‚Oswalt durch die &re din gip mir den bräten guot, sö dich got habe in siner huot!‘ sant Oswalt sprach mit Eren:

‚durch got wil ich dir in geben geren.‘ den bräten er selber üf gehuop, wie balde er in üf den ofen truoc| sant Oswalt dö niht vergaz, wie balde er wider ze tische saz! man truoc ime vür hüener unde vische. dabi stuont üf deme tische ein kopf, der was guldin gar, der pilgerin blicte gar ofte dar. er sprach: ‚OÖswalt du solt mir den kopf geben, sö dir got behuote din jungez leben! | er zimet dir niht üf dineme tische ze hän, er sol Üf eineme alter stän, daz man darinne wandele daz lebendige bröt: gip mir in, sö dir got helfe üz nöt!‘ der milte künic Oswalt truoc ime den kopf ff den ofen balt. sant Oswalt dö niht vergaz, wie balde er wider ze tische gesaz! ein twehel diu was üÜf den tisch geleit, dıu was lanc unde breit, diu was alliu wol beslagen,

alse wir noch hoeren sagen, mit silber unde mit golde, alse si ein künic von rehte haben solde. dö spräch der pilgerin: ‚Oswalt gip mir die twehel din, sö wil ich si gen Röme tragen, dä sol man si ze eineme altertuoche haben.‘ sant Ozwalt die twehel ff huop, wie balde er sie deme pilgerine dar truoc! er sprach: ‚nü trac si hin gen Röme, daz dir sin got selber lönel‘ daz er sö vil bat den vursten h£re, daz muote die dienaere sö s£@re: schintvezzel unde kameraere den wart ir gemüete allen swaere. si heten niht märe ze biten, sı reihten ze der siten: den pilgerin wolten si lestern unde zucten ir mezzer unde wolten in gestochen hän. daz begunde sant Oswalt understän:

sin gröziu @re in des betwanc, daz er von deme tische spranc. der edele vurste höchgeboren sluoc einen schintvezzel ze den Ören, den andern stiez er an den giel, daz er an den rucke viel, deme dritten gap er einen ungevüegen slac, daz er gestrac vor ime lac, den vierden nam er bi deme här unde zöch in umbe gar ungewar: er sprach: ‚wartet an die veigen buoben, wie tribent die sö gröz ungevuoge! waz wellet ir, umbe wiu er mich bitt? nü gät ez doch üz iuwerme kasten nit! ich gehiez deme himlischen vursten guot, dö ich swebete üf des wilden meres vluot unde ich vuor in grözeme leide vor deme wilden heiden ..... dö ich besorcte den harten töt, dö half mir got Üiz grözer nöt: deme himlischen heilande

deme gap ich dö min triuwe ze pfande, wes man an mich durch sinen willen begert, des wurde ein iegelicher mensche gewert: unde baete er mich umbe daz houbet min, durch in sol ez ime unverzigen sin!‘ mit der selben vart den hofeschälken verboten wart, daz si deme pilgerine nint getörsten tuon: sant Oswalt schuof ime vride unde suon. dö sprach der pilgerin: ‚iuwern zorn lät sin! ich räte iuch üf min triuwe: stechet ir mich, ez möhte iuch harte geriuwen!‘ sant Oswalt, der höchgemuot, saz wider ze sinen helden guot, er saz schöne ze tische eben, dö begunde sich der pilgerin abe deme ofen heben, er begunde vür den tisch stän unde wolte üf nieman deheine sorge hän: er sprach: ‚OÖswalt edeler vurste höre noch wil ich dich bitten me£re:

alliu diniu lant solt du mir setzen in mine hant, gip mir üf schöne beide zepter unde kröne: ein künic sin trıuwe leisten sol, von gote wirt ez vergolten wol.‘ dö sprach der milte künic Oswalt: ‚got hat ez allez in sineme gewalt: min trıuwe leiste ich sä zehant, ich gibe dir üf bürge unde lant.‘ dd sprach der pilgerin: ‚Oswalt sö gip mir ouch die vrouwen din: zwiu solten mir witiu künicriche ich hete danne ein vrouwen tugentliche?‘ sant Oswalt abe der rede harte erschricte, die vrouwen er trüricliche anblicte, er sprach mit @ren: ‚pilgerin ich gibe dir si rehte geren, ich verzihe dir niht der vrouwen min, möhte ez nür ir wille gesin.‘ dö sprach der üzerwelte degen:

‚vrouwe ich wil dich deme pilgerine geben, durch den willen unsers lieben h£rren, der bete solt du mich geweren.‘ si sprach, alse wir hoeren jehen: ‚waz ist gotes wille, daz sol geschehen.‘ sant Oswalt die vrouwen an sin hant gevie, wie schöne er mit ir ze deme pilgerine gie! er sprach: ‚edeler pilgerin 1A dir si üf din triuwe empfolhen sin!‘ alsö sprach der vurste staete: ‚pilgerin nü gip mir din gewaete, daz wil ich nü legen an unde wil mich gelichen ze eineme armen man: von deme mineme allen wil ich nü willicliche wallen hin in vremediu lant, dä bin ich unerkant. richtuom wil ich miden unde williclichen liden smaehe unde armuot, unze got sin genäde an mir tuot.‘

dämite urloupte er sich mit sinnen von der edeln küniginne, urloup nam er von deme pilgerin unde ouch von den helden sin. sinen helden was umbe in leit, alse uns daz buoch noch seit: den stolzen vursten h£&re i begunden si dö klagen s£re. der milte künic Oswalt ilte von den sinen balt, hin über den hof was ime gäch. der pilgerin rief ime balde näch: ‚@e milter künic Oswalt nü gä her ze mir balt!‘ sant Oswalt tete’ durch nöt, waz ime der pilgerin böt: er gie hin wider geren, des vröiten sich sine liebe härren. der edele vurste wolgetän begunde vür den pilgerin stän unde sprach: ‚waz maht du mit mir ze schaffenne hän? daz solt du mich wizzen län!’

dö sprach der pilgerin: ‚westest du aber niht gerne, wer ich möhte gesin?‘ ‚Ja,‘ sprach sant Oswalt, ‚hete ich von gote den gewalt, sö weste ich ez rehte geren, hete ich die genäde von unserme härren.‘ dö diu rede vol geschach, hoeret, wie dö der pilgerin sprach: ‚ich bin ez äne allen spot, selber der lebendige got! ich hän beruochet unde dich eigenliche versuochet, obe du mir woltest leisten vurste guot, daz du mir verhieze üf des wilden meres vluot: daz häst du allez samt getän: bürge unde lant solt du wider hän, daz wil ich dir allez samt wider geben, du solt aber keiner sunden mit der vrouwen pflegen: du lebest niht langer danne zwei jär, Oswalt daz sage ich dir vürwär, sö solt du der vierzehen nöthelfaere einer sin, daz solt du haben von den genäden min. merke, wie du den sunden solt widerstän:

wazzer solt du vor dineme bette hän: wanne dich din manheit wil betwingen, sö solt du in daz wazzer springen. alsö sol ouch tuon diu vrouwe din, unde tuot daz durch den willen min: darumbe wirt iu gegeben schöne daz himelriche ze löne.‘ dämite der himlische heilant üf sant Oswaldes hofe verswant, daz in nieman mä&re mohte gesehen, alse wir noch hoeren jehen. sant Oswalt, der vurste riche, diente gote gar wirdicliche, er unde diu künigin, diu wolte ouch gotes dienaerinne sin. si begunden liepliche bi einander ligen, aber weltlicher liebe si sich gar verzigen: wanne si der werlte vröide betwanc, iedewederez in daz wazzer spranc. si dienten gote, daz. ist wär, wirdicliche diu zwei jär.

diu wile hete sich vergangen, ‚ ir leben werte niht lange, si quämen des libes in nöt, wande sie begreif der harte töt. der werlte muosten si sich verwegen unde begunden sich an ein bette legen. si sümten sich niht mär unde hiezen in zw&ne priester bringen her. si erkanten sich ir schulde unde wurben näch gotes hulde unde berihten sich mit gotes lichnamen wert. alse man si solte legen in die ert, dö quam von himele ein englischin schar unde nämen dä der s@len war unde empfiengen an der stunde die sölen von deme munde unde vuorten si wirdicliche vür got in daz Ewige himelriche. alsö ist sant Oswalt erstorben unde hät gotes hulde erworben,

er unde diu künigin, des sult ir sicher sin. nü helfe uns got der guote unde Maria sin liebiu muoter, daz unser keinez nieme@re ersterbe, unze wir ir beider hulde erwerben! darumbe sule wir bitten, daz ist min rät. dämite sant Oswaldes buoch ein ende hät.