König Rother

Über dem westeren mere Saß ein kuninc, der her Rother, In der stat zu Bare, Da lebete er furware Mit vil grozen erin; Ime dienten andere herren, Zwene unde sibenzic kuninge, Biderbe unde wauge, Die waren ime al undertan. Er was der allerheriste man, Der da zu Rome Je enefinc die cronen. Ruther was ein here, Sine dinc stunden mit eren Und mit grozen zuhten an sinem hove, Oder haben die büche gelogen, Daz im daran nihtes ne gebrach, Vene der herre zu hove saz. Do rededen die jungen zarten, Di ime da ze hove waren, Were ie iuncvrouven zu wibe, So den herren do tuchte, Sie gevise im reht. Do var ein guter kneht, Der im diente in eren Und tugentricen manne ie beren: Man bot e ein wip anne, De uns ware vil gezeme, Unde wir solhe empfingen, „Der si under viben Dann die cronen Solden geben zu Rome, This wäre ih, herr, i-l sei — — — — — — — — — — gelingen,

Dat het er not von irer minnen, Liph gerne hinz in — — Lie im aller edele, Ruther, eime koninge, Baz zu vrowen, richen herzoge; Nu ne waz sie nirgen in dime lande, Die mir so wol gevalle, Daz ir sie lobet alle. Do het er ein graven, Der half ime von Rom varen, Mit listen; grozer eren So dienete er sinem heren; Des quam er zit in groze not; Lupolt heiz der heket gut, Der was in Rotheres hove Mit grozeme vlize gezogen Er was sin man und mac, An deme stunt ouch sin rat, Der was der allergetrüiste man, Den ie sich hein Romisc kuninc gewan. Die thuren voldegene Die giengen zosamene Die wisen alt herren Die plagen grozer erent Und goter zuhte under in: Sie nanten ein megetin. Lupolt der sprahe zu allererist: Ich weiz, wize Crist, Oster over se Einis riken kuninges tohter vil her, Da zo Constantinopole In der meren burge; Ir vater heizit Constantin; Schone ist die tohter sin, Sie luchet uz deme gedigene,

So daz gesterne tüt vun deme himel, Sie luchtet vor anderen wiben, So daz golt von der siden; Sie ist in midin also smal, Sie gezeme eime herren wol, Und mochte von ir adele Gezeme eime koninge. Ir dienet alderdegeliche, Daz wize aber got der riche, Umbe de stat es muoweliche, Wan ir ne bat nie nechein man, Er moste den liphe virloren han. “ Also der kuninc do vurnam Den rat, der was getan, Ein marcgrave, der heiz Herman, Undeme erist reden began: Wer der bote mohte sin, De ime irwurbe daz megetin? Do sprach der marcgrave: „Ich sage dir ze waren, Herre, iz tut Lipolt, Der ist dir van allen herzen holt, Und weit ouch wol, we ez umbe daz wiphe stat; Truven, daz is min rat: Machtu in mit minnen In de rede bringen, Daz er din bothe welle sin, Der werbit dir allertruvelichs umbe daz megetin. “ Rüther sande baden drate Nah Lipolde in eine kemenate; Alser vor den kuninc quam gegangen, Do war er wol untfangen; Der marcgrave romt ime den stol; Daz heiz in sin herre don. Also Lupolt gesaz, Der kuninc gezügeliche sprach: „Ich han durc michele not Nach dir gesant, helet got, Daz tu mir werbest umbe daz megetin, Die da so wundrin(s)chone si, Und hilf mir miner eren; Ja sprechint dise herren, Du sist allerbest darzü: Helt, nu salt tuz durch dine sebes frumicheit don. “ Alsus redet do Liupolt: Deme kuninge Rüther was er holt: „Herre, du salt mich so verre manen nie, Din ere sin mir also liep, Daz ich dir werbe die bodescaft, So ich allertruvelichs mac,

Umbe das vil schone wip, Oder ich vurliesen den lip. Nu heiz dir gewinnen herren, Die du mit dinen eren Wol mugis senden Uz disen landen Eilf riche graven; Der zwelfte bin ich zwaren; Ich wil, daz have graven igelich Zwelf ritter herlich, Die alle so gut gewant haven, Daz wir ane laster vor ein kuninc mogen tragen. “ Der kuninc do sinen hof gebot, Was er vursten hete gesamenot, Zvo und sibenzic cronen, Die dieneten ime schone, Den sagete he sinen willen; Do sprach vile manic helt snelle: „Herre, woldit ir mich senden, Hinnen zu der erden enden, Daz ne widerredt ich durc neheinen man; Wir sulen uch alle sin underdan. “ Eilf graven ime do swören, Daz sweine herren umbe die maget vorenz; Sie waren deme kuninge alle holt, Daz madete silber und golt, Daz er in Funin(s)ihe gap; Sie wurben des herren bodescap. Also die vart wart gelobet, Do nam swert ufe dem hove Ein vil iunger degen, Beide fabel und kelen, Ein grave, der heiz Erevin. Dar raiten Roeter die riter sin, Die anderen herren daten sam; Vil wol vareten ire man, Ir ros waren alle blanc; Iz quam nu nie in hein lant So manic here wol getan: Sie leite ein vast listiger man, Der was deme kuninge vil lieph, Unde ne hate der untruwen niet. Die kiele waren gevarrot, Dan dem staden wolde Liupolt der helit gut; Der kuninc heiz in stille haven, Und bad eme sine hersen dar tragen; Einis reines her ime gedachte, Daz her sint vollenbrachte; Er hiez die herren alle gan, Oven ufen fiel stan,

Dri leike er in nande, The ſie ſint wole ircanden, Do ſprach der herre vils gut: „Kummet ir imer in decheine not, Swa' ir virnemet die leiche dri, Da ſulder min gewis ſin. Des ureuwete ſic manic man, Der ſint in groze not quam. Iren ruf ſie do hohen, Uon deme ſtade ſie woren. Eia, we die ſegele duzzen, Da ſie inowe vluzzen! Die herren ulvzzen in das mere; Do ſtunt der kuninc Rother Und bat got den rigen unde den goten, Dur ſine othmode, Daz er ſie ſande Wider heim zu lande; Er ſprach: „Suvil wer danne wil ſcaß nemen, Dem salichn ane zale geben; Wil er aber burge und lant, Des gibi ime in ſine gewalt, Unz in des ſelven dunfet vil; Wie gerne ich daz don wil! Und helfe im daz beherten Mir mines ſilbes ſuwerte.“ Do voren die boten here Uffe den ſe verre Gegen Conſtantinopole dar zo Kriechen, Vor kiele ſie do ſtezen In daz fruemede lant; Sie trogen riterlich gewant Alle geliche, Sie woren uermezzeliche. Do bat Liupolt einen koufman Eine vile zo deme ſchiffe gan Buz ſie von hove quemen; Des wolder ime wol lonen. Einen mantel her ime gab. „Dri tage und nacht Hodich dir, sprach der koufman Ewar du wilt ritin oder gan Daz weiz der waldindinger got, Der mir zo lebene gebot, Du has mir ſo kuninliche gegeben; Ich wil diner ſchiffe wol mit truwen plegen.“ Die herren vazzetin ſich Alſeß kan verſtan mich, Dar nie vor necheinen man So manic ſchone bode ne quam;

Ire mantele waren geſteinit bider enden Mit den beſten iahanten, die ye dorten Die drachen van ſchiren golde, Alſo ſi ez haben wolden, Herze und hinden, Maneger ſlachte wunder Truogen die helede gode, Uz van golde an ir gewende; Mit ſamitte und pfellele Waren die ſattilſchellen Gewrot; das was michil lop: Sie quamen ſchone uffe den hof, Die herren ritin uffe Conſtantinis hof; Da intfenc man in de ros, Do luhte manic iahant Vor enander in das gewant. Der turliher degen Erwin Der hez die zwölf ritar ſin Mit zuchten nach ime ganz Die anderen herren daden ſam; Sie giengen alle in ſunderlich share: Ir gewandes namen ſie groze ware. Da quam dem kuninge mere, Daz uffe deme hove were Ein loſſam ritterſchap. Heia, waz der kaſfere was, Die den vrowen sageten, Wilch gewant die geſte haveten! Alſus redete die gote konigin: „Nu ſtant uf, herre Conſtantin, Und untkfawe diſe geſte; We gerne ich daz wiſte, Wannen ſie kumen weren! Ir gewapnt is ſeltſiene; Swer ſie hat uz geſant Her in unſer lant, Der iſt ein ſtatehafter man. Of ichß mer rehte verſinnen kan, Mich dunket got, herre, Daz wir deſe boden heren; Sie ne ſint der antworte niht gewonc, Die du thos manigen boten vore. Ich wene, daz nie ſo manic man Sone an diz lant nequam; Sie ſint alle wol getan, Beide, ros und man; Iz nequamen ne lute ſo vrieuntlihe In dis Conſtantinis riche. An den hof der kuninc ginc, Die hellede er alle wol inkfincz

Und die gote kuningin, Sie hiez ſie willecumen ſin Algeliche, Und neig en gezogenliche. Sich hof ein groz gedrank, Sie duchte ſeltſene daz gewant; Von ritarin unde von vrowen Dar wart ein michel ſchowen; Do redite ein alt vrowe, die heiz Herlint: „Suvannen diſe herren kumen ſint, Daz iſt ein wunderlichez lant; Sie tragen ſo manigen iahant Gecirot mit deme golde, Daz daz goth wolde, Daz ver den kuninc geſehen, Des diſe boten weren!“ Lupolt zo deme kuninge ſprach: „Nu orloue mir mines herren bodeſcap, Darumbe ich bin geſant Her in diz lant, Daz ich der sage, herre got, Waz der ein riche kuninc inbot; Der iſt der allerſchoniſte man, Der je von wibe gequam, Unde veret mit grozer menige Ime dienint ſnelle helede, Scal unde vedirſpil, Des iſt in mines herren hove vil, Ros und iuncfrowen, Und ander ritaris gezowe, Des vlizit ſich min herre; Von du mach tu mit eren Mir irlovben mines herren bodeſcap, Wande her weiz aller tugenden kracht.“ Alſus antwarde Conſtantin: „Nu saliz dir irlovbet ſin Durch dines herren willen, Nu werph, ſues du willes, Du biſt ein wetliher man, Du ſalt minen urlob han.“ Do ſprach Lupolt Dem kuninge Rother was er holt: „Nu virnim mich, kuninc Conſtantin, Min herre gerit der tohtir din, Der is geheizen Rother Und ſizit weſtert uber mere Her iſt ein ſtatehafter man, Her wolde dine thocter zo einer kuniginne han; Unde wil das got von himele, Daz ſie kumen zoſameue,

Wip mit einem manne.“

Croriſch ſprach do Conſtantin, Zurnich was der mot ſin: „Daz ich die rede irlovbet han, Des moz ich lange trorich ſtan. Were min ſiete ſo getan, Daz ich ſie gebe geheinen man, So mochtich ſie mit eren Senden dime herren; Daz weiz aver got riche, Du tates wiſliche Du vur redtis umbe die bodeſchap, Du ne beſcohetis anderis nimmer mer den tac: Wande miner tochter ne bat nie neßein man, Er ne moſte ſin hovet uirlorin han. So magiz u nicht gan: Ir ſit alle gewan, Und ne geſet vweris herren Riche nimmermere.“ Der kuninc heiz die botin here In einen kerkere; Da waren inne manigen tac, Daz ir nie necheinen de ſunnen geſah, Noch den manen ſo lieht, Lider ſie ne heten vrowede nicht, Wene vruſt vnd naz: Hei, wi groz ir arbeit was! Se haten hunger und not, Sie waren na blihin tod; Die darheime gnoc habeten, Mit deme wazzere ſie ſich labeten, Daz under in ſwebete: We kume die herren lebeten! Do weinte manic man Sinen lib wol getan. Ir herce rvue was groz, Sie nehetin zu niemanne froſt. Und doh half in goth der gote Dur ſin othmote, Daz ſie alleſamen geſunde Quamen heim zu lande. Nu mugide horen mere De note von den herren; Do ſpradh der herre Erwin Zo Lupolde deme meiſter ſin: „Owi, lieber bruder min, Wie lange ſul wir hie ſin? Wer helfit nu den magen, Den wir gotis ſchuldic waren?

Oder weme ſul unfer erbe Zo iungeſtin werde? Der Adamen gebilidote, Der helfe uns uzze derrer note.” Do viellen ſie al in crucesſtal, Michil wart der ir ſcalhal, Da ſie zo gothe riefen; We troric ſie weifen! Vil trurich iz uz ir hercen gienc. Echlicher in daz wazzer viel, Daz er darinne belohen lac. Eint geſahen ſi den tac, Daz ſie vroliche Beſazzen daheim ir riche. Der kuninc heiz do hinen gahn Beide, mage vnd man, Daz ſie die cirheit geſahen, Die in den kielen lagen. Do giengen die iuncvrowen Dirre wunder ſchowen Mit in zo den ſchiffen, Da ſie daz got wiſtin. Nv ne kan v nichein man geſagen Die wunder, die in den kielen lagen: Da inne was daz golt rot, Cleine gewierot, Nuskele vnd vingerlin, Daz die boten mitfamin Hetin bracht den vrowen, Vunf duſint bovge, Die ſie al geben wolden, So ſie widir keren ſolden Roſſe, cleit unde vanen Lac dar ein michel teil ane; Unde vehe geſcelde, Wole geworcht mit golde, Gaben in ir holden, Da ſie von lande varen ſolden, Die ſie in ſelben heten irwelt; Da was manic ſneller helit Vil virmezzenliche uz kumen: Ez ne haben de buche gelogen. Nu ſaget man uns van ſilber und van golde, Sower daz ſien wolde, Des lac da ein viel michil magen; Der kuninc hiez ez abe tragen, Unde beval ez ſeinem kamerere, Daz er es alzo plege, Eowanne man ez haben wolde, Daz er iz haben ſolde,

Ez ware wafen oder wane, Daz iz iht queme dane; Swa ein ros irſturbe, Daz ein ander widir gewunnen vurde: Daz gebot er ime an ſein leben, Und heiz in des ſo plegen, Ob man iz immer wider gegebe, Daz iz dar allez were. Nu wert iz iar unde tac, Daz vil manic man lac In deme Perkenere, Unde qualitin ſich ſere. Groz was ir weinen. Bude ouch Rother daheime Vil ſere trorote Umbe die botin gote. Her want ſine hende Unde gedachte in manigen ende, We er daz beſage, Wa ſine boten lagen. Do giengen die alden ratgeben, Der vrunt da waren underwegen, Die weinotin vil ſere Vnd batent ouh ir herren, Daz er ſie ſilbe geſehe, „Ob ſe lebende weren. Rother uf eime ſteine ſaz, We trurich ime ſin herze was, Drie tage unde drie nacht, Daz er zo niemanne niht ne ſprach, Wene daz er allez dahte, We er kumen mochte Zo Kriechin in daz lant, Da er hete geſant Manigin boten herlich. Do heiz er gen vor ſich Berter einen alden man, Zo deme er allen ſinen rat nam; Des ſune waren ir ſibene, Der ne legurz ouh megin radere. Her ſprach: „Du ſolt mir ratin, Berter, Wie wir kumen ober mer Zu Conſtanopele in de ſtat. His, daz des got geſtadet hat, Daz der kuninc Conſtantin Gehoubetit hat der boten min, So ne willic nimmermere Beliven an Romeſker erden, Er iz ime an den lib gat: Owe, wie troric her mich gemachet hat!“

Alſus redet da Berter der alde man: Er was ein grave von Meran: „Ich hete eilif ſvne herlich, Der zvelſte hiez Helfrich, Dan ſantes du uber etve Mit vil grozer menige, Da vor er herreverte, Und manige ſtorme herte, Da er die heidinen quelete, Die ſunder ewe leveten An godes dienſte wart er irſlagen: Den ne muge wer nimmer verclagen, Nu ſin ir ſibene an deſſe vart: Owe, daz ich ie geborin wart, Ich vil weuiegor man, Waz ich lieber kinder virſorin han! Lupolt ende Erevin Waren die eldeſten ſune min: Sowanne ich der vunuer verdage, Diſe zvene ne mach ich nimmer virclagen, Rother, lieber herre min, Daz ſal nu min rat ſin, Daz wir varen herevart, Und ir beide, Ungerin und Kriechen, ſlat. Ich vor uch ritare duſint: Mich ruwent ſere mine kind.“ Des antvworde im do Rother der getruwe man: „Des ſaltu immer lon han; Ja hoert ich minen vater hi bevorn ſprechen, Swer were ein got recke, Daz her vnrechte tete, So man ime goten rate gebe, Daz er des niht ne neme, Nu wil ich uffe den hof gan, Wir ſuln iz den herren allen ſagen, Und kunden iz goten knehten, Daran to wir rechte, Wie iz in gevalle, Unde bedenfen unsich alle: Wat ob uthelicher iſt, Der hat bezzere liſt, Dan wir uns haben genumen? Warumbe ſolde wir mit ſo manigime ſumen Hin zo Creichen, Wir ne wiſten werliche, Ob ſi waren gehovbitod? Waz ob ſie der grimmige tod Noch hat neht bevangin? Soche wir ſie mit dem here dan, So quelit men

Die helede loſſam Daz weiz der waldendinger guth, Der mer zo lebene gebot, Eo ruwin ſie niich ſere.“ Do weinutin die herren. Alſus redete do Berther der alde man: „Kuninc, du ne mochtis nimmer ſo gote ſinne habe, Ich ne wolde dir gerne gevolgid ſin; Die leit die ſin half min. Nu ſamene, herre, deine man, Ich wil is gerne iren rat han, Mit wie getanen ſinnen Wir Kriechen cennen. Des is kin herre, Mid ruvvent vil ſere Mine ſüne wol getan, Die ich wunderliche virloren han; Die ſandic durch dine ere, Nu weſtu, lieber herre, Alſo vil, als ich, Wor iz an iren dingen kumen iſt. Wene, gut durc ſine crefte Helfe mir ſchade afin, Daz daz muge geſche, Daz ich mine kind lebende geſe.“ Rother ginc zo hove Mit deme alden herzogen, Unde bat ſine liebeſten man Wor ſich an den rat gan. Do de herren wirnamen Die ſtarken nvmare, Da horde man manigen vromen man Vromicliche rede han, Damide ſie ir herren Hulfen grozzer erin, Sie giengen zoſamene Sprachen vor die kameren: Sie reiten iren herren, Er ſolde mit grozen erin In reckevis over mer vare So mochter ſin ere aller beziſt beware. Wente ein ald herzoge Was in Rotheris hove, Der riet, daz man is ſolde irwenden, Do half der vater ſinen kindin; Er ſprach: „Ja, du zagehafter man, Wei troſtis du an diſin rat gan?“ Mit der vuſt er in ſloc, Daz ime uz deme halſe vuor daz blot, Unde er ouch lach drie nacht,

Daz er nehorte noch ne sprach, Do sprachen Bertheris man, Her hete ime al rechte getan: Warumme her in solde seren; Ir herr hete doch schaden mere, Van der anderin siheiner; Man ne solde ime niht leiden. Der herzoge hette den schaden, Ime was ein michel slach geslagen; Die herren giengen drate Vor den kuninc mit deme rate Unde redeten under in, Ob er iz gevolgic wolde sin? Sie sprachen: „Wir haben einis dingis gedacht, Daz mac wol werden vollebracht; Der herverte ist ein teil zo vil, Bnude ob du iz ton wil, Go madtu dise allerbest bewaren, Wiltu in rehten wis over mere varen; Wande soche wer ere Kriechen, Daz wizzeſtu worlichen, Ei ton uns vil zo leiden, Unde lebit der boden sicheiner, Sie mozen alle kiesen den tod; Des is den Kriechen michel not. Nu vore golt unde schaz, Des ein michel mancraft In diner kameren Is gelegit zosamene, Des bistu kuninc riche; Nu kelere vrumeliche, Min vil lieber herre, Damide stent din ere, Wir nemugen mit unsen sinnen Nidchit bezzeris ratis vinden: Ne volges du des niht, Rother, Gone kumistu nimmer uber mer,“ Do sprach der kuninc riche Harte willigliche „Ir habet vrumeliche getan, Ich wil uch gerne volgen; Swaz mir ie war, daz waz u leit, Diz ist ubergulde aller warheit, Daz ir mir nu so vaste bestat, Nu iz mir an die not gat. Ich han gewise michel(en) schaz, Nu moze er gewinnen gothis haz, Der sin immer icht gespare, Svelichen enden er gevare,“ Diese boten er do sande

Uil witin imme lande, Unde irbot in algeliche, De da woldin werdin riche, Daz sie zo hove quemen, Der da solde sin zo Rome. Da bedorfte er zo eime dinge, Danne moet er niht vol uvilen bringen, Ane goter knechte, Iz ne queme in unrehte. Einen brief er do sante Zo eime unfundigen lande, Da was ein rise, der hiez Asprian, Der nemer zo hove niquam: Durch die starken numere Hub er sich zware Mit unfundiger diete Vor den kuninc goten; Der vorte riseniske man, Die tragen stangin wreissam. Des kuningis nimere, Daz sage u zware, Die irschullen harte wide. Die herren begunden riden; Da vazzete sich man wider man, Daz er schone zo hove quam; Durch daz iz ein houesprache was, Ir nehein ez ne virsaz. Do gewan er miele heres craft, Sie ritten die scharehaft, Do zwa unde sibencich cronen Uor den kuninc quamen zo Rome. Da san sie in deme melme gan Einin wunderlihen man, Den ne mochte nehein ros gefragen, Der ducte sie ein selzene knape, Der troc eine staline stangin, Vier unde zviencich ellene lange; Des wart sie ein michel kaffen an getan: Sie bracht ein riese, der hiez Asprian. Also Berther die riesen angegah, Nu muagit ir horen, wie her sprach: „Ich sie duore gvote knehte, Die turren vol vechten, Uns kumit zo voze ein schone schare, Die sin harte wicliche gare. Nun, vil lieber herre, Untfa sie nach dinen eren; Si sint zo den brusten vil groz: War gewan ie sicheinis kuningis gnoz So manigin wichgaren man?

Twar sie einen zorn wollen han, So wil ich in niht weichet uor der stangin, Unde her in mit deme swerte gelanget, Der ne dorfte umbe daz sin leben Nimmer einen pfenninc gegeven, Nu vore, kuninc Rother, Derre wigande zwelfe ober mere, So ne dar uns nehein man Mit sime volke bestan, Her ne moze vurliesen das leben, Al sie in de hof ungelegen, Sie sin doch so wichgare kumen, Dir zo helfe unde zo vromen,“ Die riesen in deme melme Tragen lichte helme Unde brunien snewize, Gewrocht mit allen vlize, Die swert zo den stangen, De geislen also lange: Daz die riemin solden sin, Daz warin kettenen iserxin, Groze knopfe hingen daran. Midel wunder sie des nam, Die se heten gisen, Waz en sulde geschen Sie waffenden sich mit grimme In die liechten ringe Ir gebere waren vromeliche getan. Do irsag iz der herzoge von Meran, Vil luzzel er do twalte, Unze her daz volc irrante; Her sprach: „Wer hat irhaben disin schal? Den verbedich uberal.“ Do sprachen die storkmegierin: „Wir untforten gine herren, Den sule wer unsich nidliche werin, Durch daz wir uns generin.“ Do sprach der alde herzoge: „Sie kumit durch got here zo hove; Iz ist der kuninc Aspriant, Bnude bringit risenishe man.“ Wol untfinc der kuninc riche Die riesen algeliche Bud manigen vromen man, Der zo sime hove quam, Vnud sagete in allen sine not, Die dar hette der helid got; Her sprach: „Nu virnumet, kurin wigande, Ich moz uzme lande In einis rehten wise varen,

Bud wille mich anderis namen: Ich wene, der kuninc Constantin Gehovbitit habe die botin min; Des ist nu jar und dach, Daz ich ir negeinen ne gesach.“ Do begunden die herren dringen Vaste zo deme ringe Bnude maeten eine schare vil breit; Do cierete sie weighe(it), Unde redeten under in: Berchter solde kuninc sin Biz ir herre queme, Wande her der cronen wolde pflege. Do sprach der herzog: „Ich ne darf nichenis gerichtis hie zo hove; Wande bevildir mir daz uwer lant, Iz wirt berovbit unde virbrant, Virhert, die marke Uirwusten sie vil starke; Bondu kiesit uch einen andern man: Ich wille nach minen sonen varin, Nu bitet Amelgeren, Der mach wol wesen herre.“ Deme bevalen sie die cronen Unde daz gerichte zo Rome An eime vil schonen ringe: Her was von Tengelingen. Der kuninc Rother zo ime nam Zwelf herzoge losam, Unde herzogen iegelich Zwei hundert ritar erlich, So sie allerschonist waren kumen Die vil turligen gumen Under deme volcmagene, Die hoben sich zosamene. Da vorte der kuninc Asprian Mit ime zvelf sine man; Da under hete her einen riese vrei(s)am, Des moste man groze hote han, Der gien gebunden alse ein lewe, Unde was der allerfunisten eine, Der ie moter barn gehiez Evenne man in von der kitenen geliez, Deme entete nieman einen zorn, Er ne hette den lib virlorn. Der was verre gegangin Uz der riesin laade Durch degenhete willen. Mit drowe unde mit minnen So virwant in Asprian,

Daz her wart ſin man. Er was ureſliche gemot, Witolt hiez der helit got. Der kuninc hiez daz gedigene Mit Emilgere ritin widere, Und daz ſie daz riche Bewaren vromcliche Vor aller ſlachte ubelen mannen Do karde der herre dannen Ingegin der ſtat zo Bare; Dar die kiele waren So witine gereitot, Darinne der helit got Ouer mere ſolde waren; Mit golde waren ſie geladen Unde mit grozzer cirheit, Samit vnde pfellile breit; Den ſcaz man ane zale nam, Unde trag en allez daran Uz des Funinges fameren Sie vortun uffe den wagenin Hinne zo den kielen Maniger ſlachte gewire. Der Kuninc heiz ime gewinnen man, Die got geſmide kunde ſlan Ghone uzer golde, Alſe iz die ritar haben voldenz Daz wort er allez uber hacht: Iz newird unz an den Tomistach Nimmer me nechein man, Der ſolihe wunder mage began. Do waren des kuninges kiele Gereitit vil ſchiere, Sine harfen her zu ime nam; Her heiz daz luth unde die rieſin ingan. Von deme ſtade ſie ſcubin, Die ſigilriemen ſie zogin, Sie vorren zo Conſtinopele Der vil meren burge, Bber de ſe vil breit. Der kuninc gedachte eine weiſheit, Er sprach zo herren allenſammt: „Wir ſolin in ein unfundegez lant, Iz ni iſt nichein kindis ſpiel, Daz ich v nu ſagen wil, Wir mozen mit gotin liſtin Unſer lib geuirſtin; IH bit v alke geliche, Armen, vnde riche, Heizit mich Thiderich,

Sone weiz nichein vremede man Wie min gewerph ſi getan.“ Des ſworen ſie ime eide; Die liezen ſie uwmeine; Sie gelobeten, daz ſie hiecin Rothere SIE Daz daten die herren herlich, Do die reden ſchone Zo deme ſtade quamen, Do liefin die burgere Dur wunderis mere, Bnde wolden ire cirheit gesen hän, Do begundin die rieſin san Zo uechtene an deme sande: Sich hob die ulvt dannen, “Ettiliheme ward so leide, Daz her des andern nicht ne beide, Do quam einer harte hestelichen Bor den kuninc ricßen; Her sprach: „Owe, kuninc Constantin! Wannen mac diz vosc sin? Daz veret mit so getaner craft, Daz ez neman gesagen ne mach.“ Alsus redete do die kuningin „„Wilic mad ire geuerte sin?“ Do sprach der burgwre: „Warumbe suldir mich des vragen? Vande unser was ein michel teil, De ne zo rechte nebesagen den kiel; Wer vorten die ureislichen diet, Da newart schowenis niet.“ Dar ligit ein gebunden vor sime zornez Wir werin anderis die verlorne. Ich ne kan v nicht mer gesagen, Warmite die kiele sin geladen, Wene, mit isirinen stangen, Grozen unde langen: Lach och anderes icht darane, Des ne kan ich v niet gesagen.“ Sie hiezzen den vreissamen man, Der da lac gebunden an, Daz er an deme stade were, Unde her des godes plege. Lol gecierof was ir liph, Sie trogen alle bonit herlich, Sie riten snewize mule, De waren do zo Krieden ture; Manich appelgra march, Beide, schone unde starch, Die giengen in an den henden, Den waren de manen bewunden-

Mit borten also cleine, Da inne was got gesteine. So war die herren hinin ritten, De riesin liefen allez mite In ere wichgewete. Dar saz in manigen rieten Der kuninc Constantin, Wer de herren mochten sin; Do sprad finer ratgeven ein: „„Herre, dir ist ovele geschen An den boten wolgetan, Die du hast gevangen lan, Bude sin diz ir herren, Sie moygit an sich alle sere, Des intgeldet ettelicher man, Der is me scult ne gewan; Die da mit den stangen Kumen sint, so langen, Den ne mah nehein man widirstan: Du ast den valant getan.“ Do quam ez an ein oster tac, Daz Constantin mit scalle was, An deme poderamis hove, Mit graven unde mit herzogen Unde mit vrigen herren; De hette er durch sin ere Heim zo sime hus geladit: Die wurden mit swete gebadit, Den sie von vrochten haveten Wande die riesin gebarten, alse sie doueten. Do Thiederich unde sine man Vor den kuninc quam gegan, Eme ward ein schone denest getan: Intgegen ime giengen de herzogen lossam; Bude die gute kuningin, Sie hiez sie willekume sin, Sie neic in allen geliche Bnde intfinc sie gezogenliche. Do solden zvene grauin Asprianis stangin intfahen, Da was jo vil stalis zo geslagin, Sie ne modtin sie hebe noch getragen An iren danc vil sie darnieder Sie liezen sie durch not liegen. Constantin saz upfe sinem stolz; Thiederich gezogenliche stont Vor ime an den knien, Her sprach: „Kuninc, man sagete mir ie .Bon dir groze vrumeceitz Leider nu ist mein arbeid

Also groz zo mime schaden, Daz ich in dir nimmer ne mochte gesagen Nu in kinne got an mir armen man, Wande mich hat in achte getan Ein kuninc, der heiz Rother, Bnde sizzet westric ober mer, Des gewalt ist so getan, Ime ne mach nieman widerstan; Do her mir sin riche virbot, Do most ich iz rumen durch de not, Do ne frouwede ich in negeineme lande Minen liph so wol behalden, Eo hir zo deme hove din; Nu ist gesaget, daz du so gewaldich sis, Min dienst biete ich dir an, Nu nim ez, tuginthafter man; Durch genade quam ich here gevaren, Du salt dine here an mir bewaren: Ne wiltu mich an din dienst nicht nemen, So moz ich Rothere den liph geben.“ Al de wile Rother den kuninc bat, Asprian der riese trat In de erden biz an das bein. Constantin ward in ein Mit den bideruisten magen, Die an sinen houe waren, We her de herren lossam mochte behalden Er sprach: „Der herre nemach vor Rother nicht genesen, Nu wolde er gerne mit mir wesen, Her bietet sich an die gewalt min, Bnde saget mir ovhe, daz her notic si: Waz wert is umme den vertriueuen man, Mir is leit, daz er ie here quam, Bnde die sine boden Dunkent mich harte irbolgen, Sie habent so notliege sitte; Da stet ein unde tredet, Der gezeme wole in der helle Deme tuiuele zo eime gesellen.“ Do reiten ime di herren, daz her ir also pflege, Daz si ez vur got nemen: „Wir ne wizen umbe Rothere nez Diz ist ein vreislicher diet, Den sul wir grozliche geben, Daz sie uns lazen daz leben.“ Constantin sprach herliche Wider Thiederiche: „Mir ratin genoge mine man, Wir sulin dich minnilihe unfan; Ob siz aber widerredit habetin,

We ungerne ich en uirſagete! Deme ellenden, Suvilichen mir got gesendet, Deme wirt gedienet, wize Crist, Alſe her wert iſtz Doch ne achtich in zo nieheinen vrumen man, Der da ie durch richtom uzquam Her zo Kriechen in diz lant. Ture degene ville balt, Din geuerde daz iſt groz, Du biſt ir aller obergnoz Nu gebut dir an de gewalt min, Du ſult hie ſilue wirt ſin, Wandiz mir zo danke is Daz du minis gotis gerois Wer wanden daz du gertis Einer magit wolgetan Die ich mit gjize irzogen han: So tet ic<, alſo Rothere Der dich uirtreib ober mere; Den hanich ie do< bedwungen, Sine botin ſin hiere gebunden In mime kerkenere, Her ne geſiet ſie nimmermere; Darunder waren zvene man, Daz ſie ein keiſer mochte han Gerne in ſiner gewalt, Sie vuorten manigen helt balt.“ Alſe Asprian diſe rede uirnam, Den ſchilt er vazen began Bnude vorderte ſin wicgewete Her ſprac<: „Man butit uns hie unrechte Ir habet minen herren zo ſuache gezalt; Rother ſante gote knechte in diz lant, Eo wer die heiz binden, Des modte her nod) lichte untgelden Nu ſuvir hi vor huwen handen, Er wir werden geuangen, Daz weiz der waldindiger got, Er geligit ettelicher tod Der allerturiſt wil ſin, Mir ne zobreche die ſtange min. Gnelliſche her an den rinc trat; Constantin zo ime ſprach „Herre, ir zornit ane not, Wande hu< hi nieman miſſebot; Die rede, die i< han getan, Die ſulder nicht zo nide han, Mich madent getrunfint mine man, Daz ich hute alſe en tore ganz

Von da ne kan id nicheime goten knechte Geanwarten zo rechte; Min drowe ne wart nie von ſinne getan, Des gelovbit mere, herre Asprian;z Wan diz mer no< in deme libe umbegat, Vnde mich ſo geweldigt hat, Daz ich widir vweris herren man Negeine gote rede ne kan.“ Asprianis zorn was irganz Sich herbergeten Thiederichs man Der porten alſo nahe, Daz ſie ſich wol underſagen. Do gingen die kamerare, Die mit Tazhriche da waren, Unde gewunnen zvelf wagine; Die gingin ſibin naht geladene, Sie trogin golt vnd scaz Bnude allez, daz in den kielen was, Eine vil michel macht des gotis; Damite vor ein, der iz wol behote; Dene triuen ſes rieſin vreſam Vnude heizen ene ungebere han, Daz die burgere Immer ſageten mere Von Dietheriches mannen: Do ſtribete her an de lannen, Zvene ſteine her in de hant nam, De wref dier grimmige man, Daz daruz vor die vlamme, Die Kriechen hoven ſich danne, Nachvolgete hume manich man, Unze her uor Constantine" quam; Do ſprac< ein graue ober lut: „Hier veret des kuuelis brutz Mocht ich die scande Immer mer gewandelen, So mir daz heiliche licht, I< ne gebeite ſin vor deme kuninge nicht, Alſo die kuninginne geſach Dene, de dar gebunden lach, Sie ſprac<: „Sich nu, herre Constantin, Hie uoren ſie den meiſter din, In einer ketenen zvvaren: Owe, we tomp wer do waren, Daz wer unſe fohter uirſageten Rothere, Der diſe uirtreiph vber mere! Iz ne gewelt nicht grozer wiſheit; Got der moze geuen leit Dineme unggmote! Owe, herre gote,

Nu mochtestu diſe van oder ſlan, Ob wir minen rat hedden getan: Ich wene aber, ſowes ſie dich beten, Daz du iz vor vorchten tetes, Mer dan dur gote. Owe, hetten ſi nu min gemote, Eo heizen si in geben daz ſelve wiph Darumbe du manigen man daz liph Haſt benumen unde bracht in arbeid Eo wolde ich ſien dine kundicheit.“ Dise ne sin dir aver kumen nicht rechte, Sie voren gote knedhte, Mich dunkit daz ſie dine meistere ſin z Du torſtis baz in daz ovge din Gegreifin mit diner hant, Den du zornetis wider deſſen wigant Immer mit eineme hare: Hude ne is din gebare Nicht kunnigliche getan Du zudis dich trundenheit an,“ Die reden stalleten ir ros Bnude geherbergeten uſfe dene hofz In er mantelin ſie sich bevengin, Vor Constantine ſie giengen Harde gezogenliche Mit eren herre Thiederiche; Silbe tragen ſie die suert, Bnuder in ne hette nigen wert Der vnwezende houeman, No< ne dorfſte neigen zo in ganz Wande ſie voren mit ſo getanen ſtatin, Daz den Dietheriches gaten Ne nebluüchte der tach. Sin holde, der da gebunden laß, Der hette ſich gecierot, Van ime schen daz golt rot, Her trocg eine brunnen guldin, Der bezeichnote den rihetum vnder en; Darober troe der helit got Einen stalinen hot, Deme was die liſte Gewrocht mit allen vlize, Gewierit vile cleine; Do trocg her an den beinen Zwo hoſen schonir ringe, Die scoweten die iungelinge; Einen goden waphenroch trocg er an. Do ſprachen Constantines man: „Hute geſie wir daz beſte gewant, Daz ie quam in diz lantz

Diſe rekken ſin alle riche: Wer leven boſliche Daz wir dinin eime zagen, Der ime vil ſeldene grocen ſchaden Dur unſer ſiheinis willen totz Wande ene erbarmet ze hande daz got.“ Die umbehange man ufhiencz Der kuninc Constantin zo tiſche gienc Uf ein ſchone palas; Constantin da inne'was Mit vile grozime gedrange Von Dietheriches mannen; Hei, der was eine ſchone menige! Ein duſint ſneller helide Vorte der uirtrivene Zo hove in daz gesidile, Die kamerere kamen, Die des gotis plagen, Bude ſatten Dietheriche Harde vromeliche Truzzaten unde ſchenken, Die ſolden bedenken Zucht mit grozzen eren, Eie vorcten die.geſte ſere. Do zohe man vor Constantinis diſch einen lewen vreissam, Der ne wolde niemanne vor nicht han, Her nam den knechten das brot, Her ret en over deme diſſge groze not: Asprian begreif ene mit der hant Bude warf ene an des ſales want, Daz her alzebrach. We leide eme der Kuning do ſaz, Her ne geregite doch nie de uote. Got moze uns gebozen Epradchen zvene herzogen Dieſer herren hir zo hove!“ Der eine rumete den ſal Bnd ſagete es deme ingeſinde over al: „Dar haf der eine valant Den lewin geworfen an die-wand, Durch daz er eme ſine ſpiſe namz Ir ſulit gewerliche gan, Wilder minis rades volgen, Ir vermidet den unholden Bude lazet ene mit gemache Weruen ſine ſache; Hodit uchg alle uffe daz leven, Daz ir ime ſin brof nicht ne nemen: Begreifet her jemanne mit der hant, Her werfet ine in des ſales want.

Die Funneginne ſach gerne den zorn, Daz der lewe was virloren; Sie lachte Conſtantine an: „Nu warte, — ſprach ſie — wie genir hoveman Din vedirſpil irzogen hat, Der da vor deme tiſche ſtatz; Jz kumet noch an die ride min: Ja ne hettes du die tochter din Nicht verloren an Rothere, Der diſe vertreif over mere. Owe, we gerne ich noch riete, Daz man die boten liete Nitin hin zo lande, Bnude vazzete ſie mit gewande! Suſlicher ſlachte ez were, Daz man en mochte geven mit heren; We mochte iz bat beſtadet ſin? Nu gedenke, herre Conſtantin, Daz ſich diſe nicht ne mochten erweren: We woldeſtu den dig vor Rothere generen? Gedenkit her an ſine man, Go moz din lant an owe ganz Wane geveſtu mir noch die haftin, Die dar ligint an unerachten, Daz ich ſie moce uznimen Sie havent ein vil ſwar leven.“ Der Funinc ioͤch einer note Spraͤch: daz her dies nine tete, Ic bete were al werloren; Ez moſtin dolen ſinen zorn, Iz were ir leit oder lieb, Sie nequamen von Kriechen nicht, So lange, ſo er lebete, gen.“ Do ſprach aber die Lkuningin: Waz wunderis wiltu an in began? Ir vader hiez Adam, Danne wir alle quamen; Du ſoldes gotis ſchonen An der vil armen diete, Bnude liezes ſie uz der note; Nu ſin ſi verſuellet, Harte miſſe writ: Owe des ir vil ſchonen libes! Der mir armen wibe Einen ſolchen helfere Wider den kuninc gebe, Alſo die dar ligit gebundin, So moſtin ſie zo lande, Du ne rietis Mir nicht ſo vaſte mite,

Er iz der-ane danc were: Swe ſchere er iz verbere!“ Berther ſprach zo deme kuninc herren jin: „Ich troſte mich an die kuningin, Iz kumit uns wole, daz Aſprian Deme lewen ſo we hat getan; Sie wroit ſich in ir gemote, Die anderin nerochten, Ob wir alſe uere werin, Daz ſie unſich nimmerme geſehen Hie in ir lande; Sie gent ſo runande Beide, uz unde in: Wene, wir in icht dankneme ſinz Ir necheine wenet vor uns geneſen: Nu ſulen ſie mit genaden weſen, Jrlazent ſi der ſorgen, Vnude var zo den herrebergen, Daz die ellenden mozzen genezzen, Des dir din vater lieze, Der hie vil maniger umbegat, Unde habit vil grozen unrät Von deme armote; Got dur ſine gote Der irgezze ſie ir leides; Jo modchein ſie heime Wole weſen riche: Sie lieben jamerliche Daz irbarmut mid ſere. Nu hilf en dur dine ere; Du biſt richer, dan Conſtantin, Warumme ſoldeſtu an ſiner ſpiſe ſin? Iz ne were uns nicht mvgelich.“ Do ſprach der herre Dietherich: „Du haſt einen ſtedigen mot; Daz der got geve got! Gwanne ich uz dime rate gan, So nevolgich immer nehein man.“ Alſo man daz wazzer genam, Dietherich vor den kuninc ging ſtanz; Her ſprach: „Ich wolde gerne, Conſtantin, Zo der herbergen ſin Mit minen holden; Sie ne mugen mer nicht gevolgen, Alſo ich hare zo hove gan, So iſt dar uile mani man, Da wir alſamen ſin. Nu helfet mer, vrowe kuningin Wande ich vore eine helfeloſe diet, Der vromigiſtin gevolget mir niet;

Gnoz ſo ich der mochte haben, Die hat Rother irſlagen: Her virtreich mich uze deme lande min.“ Do ſprach der kuninc Conſtantin: „Wir virzihent din ungerne, Nu vare zo dinen herbergen; Gerodiz du ieht, des ich han, Daz ſal dir weſin undertan; Ich wille dich gerne miete, Unde wille dir ere biete, Daz du dinen houeman Zogeliche heizis hi zo iſte gan; Wander irſreXet mir daz weib, Die mir iſt, alſo der lib; Minen manen ne magit nicht ſchade weſen, Die ſint is die geneſen; Jn diſime ſale iſtiz aber ſelden getan.“ Do ſprach der rieſe Aſprian: „Herre, iz tete mir michel not, Mer nam din berwelf min brot.“ Dietherich der herre Vor zo den herbergen, Unde gebarte verzennaht, Alſo her were unſtadichaft; Alwante ime die ellenden Got begunde ſenden, Den waren die porten ufgetan, Sie liezen ſie uz unde ingan; Selve her iz in wol gebot, Her bott in vlizeliche ir not. Berther unde Aſprian Unde andere Dietheriches man, Wol entfingen ſie die armen Ande liezenſich ere not ervarmen, Die richte man den tiſch, Da was daz inbiz gevis Allen, die des gerochten, Daz ſie den helit geſohtin, Der beſchenet enen groze minne, Unde brachte ſie alles godes en inne; Des was den ellenden not, Wandez en nieman ne pot Ovir alle die ſtat. Ir zoch zo Dietheriche die Die von degenheite Gelidin hatten arbeite Gie ne hatten die kleider, nuch die ros, Darumbe verbot man en Conſtantinis hof; Des livete ville mannich riche Harte iamerliche.

Sich virſtont die notige diet, Dac ſie deme riche waren lieb, Der in Conſtantinis hove was, Ir zoch dar hiene ein groz hgris craft, Zo Dietheriche; Her gab en vrumeliche, Her genozte ſich in, He ſazte ſie inebin in, Unde hiez ir die ſchenfen Hotin mit deme tranke, Unde gebot den fructzecin, Daz ſie ir niene vurgezïn: Den vremidin geſtin War die allerbeſten Liphnare vor getragen, Die man iergin mochte hauen, Alſo den herren gezam Ir leides ein teil vergazn. Swe dar hatte ritaris namen, Die ſundirte man dan, Unde gad en gote roſſe Unde pelleline rode, Zo den roſſen ſtaline ringe, Daz ſie mit ſwerten neman ne künde gewinnen. Do troch der Rieſe Aſprian Manichen mantel wol getan Uze der Famcren Dietheriches Unde vazzete ſie algeliche, Die ſvert her en umbbant Unde gab in die uanin an die hant; Do begunden ſie behurdiren, Und vroweten ſich vor lieve; Des lovete man Dietheriche Dar ze hove grozliche. Do quam ein herlich ſchare, Die hatte ſich virſumit gare, Daz ſie ſo lange waren; Sie wrochtin, daz man en icht gave. Berker gienc ſi umbe, Alles ſchowende, Wie ir gelaz were getan; Do ſaz dar manich naket man Unde ſchametin ſich vil ſere. Do ſprach Berker zo ſime herren: „Nu warte zo dieſen armen, Daz mochte got erbarmen, Sie ſchamet ſich vor ſchanden, Sie nefragit nicht unbez liph unde in den handen: Du ſalt ſie alle vazzen Unde reiche machen.“

Sie sin zo dem gvrtele also smal, En stat er liph harte wal; Sie vlizen sich zu waren Na riterlichen gebare; Die toginlichen blide Began sie so dide, Daz iz von ungeſlahte Kumen nine mohte Neſin under in nicht edele man, So heit mir min howeht ave ſlan.“ „Ich volge dir gerne, — sprach Dietherich — Eo wer so genade suchet ane mich, He vindet sie, ob iz got wil.“ Dar war des goldes harde vil Den ellenden vorgetragen; Se entfingen es al an Cristis namen. Do ne stund iz vorlange, Her Dietherich der manne Ses dusint gewan, Die ime waren underdan Mit diereste allertagelich Sin ingesinde was herlich. Do quam ein verorlaget man Zo Constantinopole gegan, Ein graue, der hiez Arnolt, Der vorde ein nodigez volc, Dre vrige herren, Die hatten groze ere Virloren in eren lande, Die gingen frorande Bil bloliche in der stat, Daz en nieman nicht ne gaf. Do sprach der beste cortman, Der die vele got gewan: „Ich sie an v herren wole, Er ne sint der armote nicht gewone: Wilder nu drate Bolgin mime rate, So gat vor Dietheriche, Her helfit v vrumeliche Uz der note; Bnde geroczir minis gotis Ich give ein gewant, Daz ir v so harde nicht ne schamet, Daz ir so nachit sin. Nun lone der min drechtin; Sprach Arnolt der grave Daz sal du wizzen zwaren, Of mir Dietherich genade dot, Ich vergelde der din got.“

Der elende graue Nam sine mage Bnude vor vore Dietheriche; Der intfenc ene vrumeliche Mit godeme gebare Bnde vragete ene, wie her ware, Do sprod der trorande: „Mid hant mine viande Virtriwen dur iren overmot, Nu is mir thure daz gotz Swe arm so ich si, Ich bin doch von minen magen vri, Bnd han durc genade Her zo der gevragit.“ „Die vindestu. Gprad Dietherich. Mit Berker besprach her sich, az sie deme herren solden geven, Daz er mit eren mochte nemen. Alsus riet do der alde man: „Got hat vil wole zo dir getan Mit grozeme gote, Nu helf in vzir der note; Nu wilstus minen rat haven, Eo hiez den scaz hervore tragin, Hir newirt der boheit nicht geplegen; Man sal en dusint marc geven Bnde itwaz geven mere, So hilfet iz ovh den herren, Daz her den besten hof gewinne, Den man in der stat vinde.“ In trowen, sprach Asprian Her sal ovh minen han, Darinne wil ic ime, daz is war, Driezih rittare vazen ein iar.“ Dietheriche duchte die rede gotz Den meren scaz man in troc, Bnde gaf deme edelen manne; Da vor her vroliche danne, Hinne vor Constantinīn, Bnude sagete ime unde den sinen: „Diz hat mir Dietherich gegevin Got laze ene mit genaden sieven!“ Do sprach die edile Kuningin „Weiz got, her mach wol edile sin. Hir schinit Constantinis sin Eya, arme, wie ich nu uirſtozin bin, Daz min thoctir deme virsagit wart, Der diesen helit virtrieven hat! Dirre tod so vrumichliche, Ich weiz wol, Rother der ist riche,

Bude mac wol gewalt han.“ Do sprachen Constantinis man: „Vrowe, v ist der ride not: Der tuvil tho en den dot, Die iz je irwantin! Wir weren uz deme lande Mit deme kuninc Rothere; Der hete uns doh wider ower mere Gesant mit grozzen eren. Nu dunkit uns bezzere, Nu des nicht ne mach irgan, Daz wer werden Dietheriches man; Her gevet uns vrumeliche Bnd macher uns alle riche, Die ellende graue Nam sine mage Unde vor vor Dietheriche Her entfienc sie vrumiche, Bnude sante in vor in de stat. Berker ime einin hof gab, Darz gab ime Asprian Drizzic ritar lossam Mit grozime gute. Do wart vaste zo mote Des kuningis ingesinde, Sie newoldin nicht irwenden, Sie ne wurdin Dietherichis man; Dar begunden vrige herren gan, Darnacht die edelin grawen Bnde alle, die da waren In Constantinis hove, Ane die rien herzogen, Die irlazis daz liet, Sie ne tadens ou niht; Gwas der anderen vrome was, Die zugin hin mit heres craft Zo Dietheriche. Her gab en tageliche Mit golde deme rotin, De pellele ongeſcrotin, Darzo mantele snevare; Dornad) hoven sie sic dare. Do moste die riese Asprian Die zo der kameren gan, Biz her sie gewerte, Des sie an den herren gerten. Do lovete men Dietheriche, Die herren algeliche; Dar ne was ouh niehein man, Her ne mochte mit erin bestan,

Ob se uirsant waren, Die sinen scaz namen. Also die ritare wider quamen Mit den schonen gaven, Do hob sich harde tovgin Daz runin under den vrowin, Beide, vro unde spade, An der vrowen kemenaten, Von deme herren Dietheriche: Her levete vromichliche. „Owe, we salich“ — sprach die kuningin — „Irwerbe umbe den vater min, Daz wir den selven herren Gesien mit unsen eren?“ „Ich ne weiz introwen,“ sprach Herlint „Du bist einigez daz kine Dinen vater also lieb: Nu bite in eine hocgezite, Daz der dene helit zo hus neme, Zo varen ich dir daz sagen, So mag wir ine allerbeste gesen Iz ne mac ouch nimmer baz geschen. Die iuncvrowe gin hin drate Zo ir vatir kemenatin Unde sprach: „Woldit er nu, vater min, Dise pinketen hir heime sin, Daz duchte mich ein ere getan, Bnude sameneten vwere man, Daz die rchen sagen, Ob ir ieht riche waren. Ich ne weiz, warzo der vorste sal, Her ne hette ettewane schal Mit vroweden in deme houe sin?“ Do sprach kuninc Constantin: „Wol dich, tochter, daz du levis! We du nach den heren strevis, Bnde retis je daz beste! Ich wille haven gaste, Daz man immer sagete mere, Was hie schales were Zo disen hochgecitin; Min gewalt get so wide, Virsizzet iz daz geman, Der moz den liph virloren han.“ Widir zo kemenatin gin daz megetin. Do sante der kuninc Constantin Wide sine mere Unde gebot den ritarin Hin zo der wertſchefte, Die was gelovet mit crafte;

Her hiez ſie ſich riliche varen, Do moſtin ſie alle dare. Swer ſich icht ſazte darwider, Deme gebot man iz bi der widen, Daz her gerne dar gienge, Dan man in hienge. Do ne korſt iz nieman irlan; Sid geſellete man wider man Zo ſime gelichen, Bude vazzeten ſich vlizeliche. Dar ne hette nicen mantil namen, Her newere mit golde beſclagen, Bude mochte daz ſo lichte ſin getan, Daz ſin meiman niheine warrenam, Die vorſten reiche Hoven ſich geleiche Hin zo deme poderamus howe, Seſzen herzogen Bnude drizzic grauin; Mit ſcalle ſie da waren Bnude nuzzen Conſtantinis got, Eo man noch manides herren todt. Do ſie quamen zo Conſtantinopole Der vil meren burge, Die vroſtin waren dar ober nacht, Daz man ire da wole plaf. Der tac begunde ufgan, Jegelich kamarare nam Sime herren eine ſtat, Die man eme von hove gab. Do heizen ſie Aſpriane Daz geſittele vahen Deme herren Dietheriche; Dar benketer vlizeliche Mit al dime ſtele, Daz vere was gewerit Hievor von irlande; Iz trogin elphande Wille in den gebiene; Darinne lac got geſteine, Swe tkhuſter die nacht was, Sie luctin, alſe der tac. Her ſazze einen tiſch herlich, Dar mote der riche Dietherich Ane laſter zo gan. Do was her ein harte her man, Ein herzoge der hiez Friederich; Des famerere verſumede ſich, Der hiez Aſpriane Sine benke ruden nahir,

Bnude ſagete ime zware, Wie ride ſin herre ware, Her wolde alſo ture ſin, So der kuninc Conſtantin Er ſprach: „Nu r-mit, grozze bulgan, Wir ſulin daz geginſidile han.“ — „Ju trowen, ſpracß Aſprian — Daz ne wirt nuwet gedanz; Bon houe ſchof man mir die ſtat, Daz ſie o niman ne gafz; Irhefvet ir wider mich ſo cheinen zorn, Den moter gerne han virborn Biz zo eime anderen male, So iz hie heimlicher ware, Daz ducſte mich wiſtum getan; Nu kieſit einin anderen man, Bnude lazit mich min geſtole han,“ Der kamerere here Der zornete ſich ſere Ynade troſte ſich zo hundert manen, Die mit ime warin gegangin, Bnude ducht in torliche getan, Daz der rieſe Aſprian Ir torſte riden dawidir; Her ſtezt eme einin banc darnider, Aſprian der helit got, Die hant her ufhof Bnude ſloc ime einin orſlac, Daz eme der fopf alzobrah. Nad den ſchilden giengin ſine man Vnde woldin Aſpriane ſlan; Der herzoge Friederich, Selve waphinter ſich Bude rief ſinen ſellen. Do hof ſich ein geſchelle, Daz Tiederichs kamerere Da zo hove beſtanden were Mit michlicher craft: Jener, der da gebunden lac, Der begunde bremin, alſe ein berre; Die ketenin die zobrach er gare Bnude begreif eine ſtaline ſtangen Vier vnde zvencik elle lange, Gwaz ime des volkes widirſtiez, Wie luzzel her des geneſen liez! Do ſprach ein rieſe, die hiez Grimme: „Iz wirt hie vbil inne Iſ ſie Widolde varen; Nu gedenket, herre Aſprian, Vwir grozer gote.“

Mit liſtigeme mote Vraget dene grimmigin man, Waz eme daz lut hette getan, Daz her in ſo viant ſi. „Mir wart geſegit, herre min, — Do ſpracß Widolt der helit got — Sie hetten diße braht an groze not, Do newiſtiſ, we iz hette getan, Iſ wolde ſie alle irſlagen hane, Were der danne zo iemanne zorn, Der moſte den liph haben uirlorin.“ „In trowen, — ſpracß Aſprian — Sie ne hetten mer nieht getan, Wane ere unde gotis; Nu wichif uwers gemotis Vnde gebit die ſtangin dieſin man.“ Ein rieſe ſie im uz der hant nam. Den herzogen herren Row ſin kemerere Daz volc alzoſemene Hof ſich dar zogegine, Bnude wolden Aſpriane ſlan. Do ſpracß Widolt der kone man: „Waz iſt ieniz gedrenge? Owi, miner ſtangin Sie woldin di ſchaden herre; Des ingelden ſie hute uil ſere, Iz ne ſi, daz ich irſterve, In moz ville we werden, Sie kumin vluchtiec wider.“ Mit der vuſt ſloc einin darnider, Bnude begreif den herzogen got Bnude ſrazit ime awe den ſtalin hot, Mit deme hare here in ufwant; Do intficl er eme in daz gedranch. Gwo her die anderen geuienc, Wie ſtrodiſe iz ufgienc! Dar wart geſtozen manic man, Daz her unſanfte nider quam. Nu ne weiz ich, wie ein ſpileman Zo houe vuor den kuninc quam Vnde ſagete im mere, Daz dar groz uechte were. Conſtantin uragete mere, Waz dar ſchalles were. Her ſpracß: „Daz weiz der heilige Criſt, Ich ſage der, alſis iſt: Dar gaf einer daz foter Mit der lengiſtin roten, Die ich mit den ovgin ie geſach,

Biz man ſie ime uz der hant brach; Do wart her danc neme, Sie ſin im alle gezeme, Armen unde riche, Her roftt ſie vreiſliche; Mir is lieb, daz ich ſo vro inran, Dohe warf her mich over ver man, Daz mine woze Die erden nie neberortin; Ich ſtont ime ovch vor deme liechten, Her ne bedorte min dar zo niehte, Uindol wart geuangin, Gebundin an die lannin. Alſer zo den herbergen quam, Wie drate iegelich man Na deme anderen zoh! Bor deme kuninge wart die clacße groz Over Dietherihes kemerere, Daz ſie gerovft weren. „Daz iſt mer lieth,“ ſpracß Conſtantin — Nu ſagitt iz deme herren ſinz Wil her o riechtin, daz is mer lieb: Ich ne vnderwindes mich nieht.“ Alſiz Dietherich virnam, Her hiez zo eme ſine man gan, Widolden den ſonen, Uffe den hof vronen: „Hat er iemanne icht getan, Iz ſal ime an den liph gan, Zo uwir aller geſichte.“ „Wir irlazin in des gerichtis,“ ſpracß Friederich der herzoge — E der tuvil kume her zo hove; Gwann er her quame, Da wer in alle geſechin Bi den henden ſie ſi bewingen, Vor den kuninc ſie giengen, Sie ſprachen: „Neina, herre Dietherich, Nicht ne lad ene uor dich; Her ne hat uns ſulechiſ nicht geſchadit, Daz iz dir immer werde geclagit. Nu du helith virtriwen biſt, Man ſal dich eren, wize Criſt, Hie in diſeme riche; Daz ſtet uns gevohliche.“ Do danfkete eme der herre; Ettelicher forte ſere Her wurde des roufens geclagit Mit vil grozen buſſlagen Ob der helit kone

Uf den hof queme Darumbe liezen ſie die loge Vnde ſwigitin laſteris vnde ſchaden, Die gerovſtin mit deme hare Die ſwigitin is zvare, GSwilche wis ſie mochtin. Der kuninc ſaz in riechte Vnde clagitiz der kuningin „Eya, arme, wie ich nu gebonit bin An den vremeden magin, Die here geritin waren Vz anderen richen! Die ſin ſo vreiſliche Beide, gerouft unde geſlagin, Daz ſiez immer mugen clagen; Daz hat Dietheriches man Vmme ein ſtole getan z Ulvehtic quamen ſie wider, Her ſtiez mit der vuſt nidir, Daz ſie in deme hove lagen, Wane mochte ſie umbe die ſchuzzen vragen, Die mochten ſie haven geſchozzen, So ne hetten ſie is nicht genozzen Des woldich immer vro ſin.“ „Nu ſwic, ſprach die kuningin Vnde laze wir das geſchvzze, Din rede iſt unnuzze; Hette der ſo na geſin, Daz du ene rechte hettis geſin, Dir ne gehulfe des nichein boge, Du ne moſtis ſin gevlogin Zo aller vurdriſt after wegen: Bunde were aber-Nothere gegeven Die unſe tochter ſchone,,. So ne troſte di; nieman honen, Her hette dir uze ſime lande Der thurin wigande Geſendit, daz dic nieman Mit here torſte beſtan Von div moz ich wole clagen: Nv dulde honede unde ſchaden Hir in dime lande Von Dietheriches manne.“ Den zorn liez Conſtantin beſtan Bnud hiez na ſiner tochter gan, Daz die magit ſchone Gdire zo diſche quame Darane ne ſumpnete ſie nicht, Ir was uffe. den hof lieb. Die urowe begonde vore gan,

Hundert megede loſſam Die uolgeden ir zwaren; Alle vale here, Manigin armbove rot Trogin ſie gewirot. Vus ſaget daz liet mere, Wie ſie gewazzit weren: Daz aller uordirſte wiph, Die hette gecierit den liph Mit einer cronen guldin; Daz gebot ir vater Conſtantin. Die anderen megide alleſamen Die trogin ritarlih gewant Von groceme overmote; Cyclat der gote, Der was mit deme golde Geſtikit allen halven, Darvnder zobil vnde kelin: Sie moſte maniger anſeen, E die urowe ſchone Hin zo diſke quame. Do hof ſich das gedrenge Von manigeme ſnellen manne Mit deme herren Dietheriche, Die waren wundirliche Geuazzit, alſer uore gieng Ir ne hortit e noh ſint Geſagin von bezzerme gewete, Dan die reken hetin: Ir himede waren ſidin; Sie trogin bonit guldin, Da inne got geſteine Einen karbulful ſchone Uffe Dietheriche ſtunt, Der virdructe manich geſmide got, Daz wole gelovgt ware, Ob man dit darinne nich ne ſage. Wie mochtiz uffe der herden Die Mantilee immer werden er mit gevoge, in die herren trogen Die inuille waren hermelin, Darover gezogen cyclatin z Der in na bi was, „Den dochtiz ſchone alſo ein gras, Alſe die varwe uirlaſc; Aller ſteine vbicglas Luchte von der edelicheite ſin: Wie mochte turis icht ſin! Dazzu ſmactiz ſuze:

Iz brachtin blatvuze Aspriane zo eren; Her gaph iz ſime herren: Von div muſtin ſie al intſamt Des herren Dietheriches gewant Schowin, de da waren. Von den kaffaren Virlos die wrowe ir hochgeceit, Daz ſie niene beſah des ritaris liph. Die hochgecit waren alle Dre tage uolle. Alſez an den drieten tach quam, Die varunde diet begunde gan Vor den Dietherichis diſh Her gaph in ſchone, wizze Criſt, Den halsherme gote, Her gaph ſinun mantil gotin, Eineme armen ſpilemanne; Her was zo heile dar ingegannen: So tatin die anderen al intſamt, Dar ne behelt nieman ſin gewant, Die mit ime dar waren, Eie nerochtin zvaren, Wie iz in vz der hank nam: Ir mantele nequam nichen dan. Do ſcheit ſich die hochgecit, Allermannelich Reit zo ſinen ſeleden, Ane Dieteriches helde, Die voren zo den herrebergen, Vnde moſtin gevazzet werden; Brumedeit hette her dar began, Iz ne wart ouch nie nehein man, Die Dietheriche dorſte beſtan, Die reken namen hette. Daz her ſo ville getate, Von du lobet in daz liet: Sie nie genoztin ſich alle darzo nicht. Die hodcit was irgangen Do lief man wider manne Zo vroven Femenaten, Vnde ſagete von der gewete, Die der reke Dietherich Hette gewazzit ane ſich. Alſo der eine inne was, Der ander vor der turin was; Vante die maget ſv vil vernam, Daz ſie den tuginthaftin man Von aller ſlachte ſinne In iren herzen begunde minnenz

Noch dan was ſie ime vremde: Sint gewan ſie mit deme helede Manige weoltwunne, Vnde ouch trube darvnder. In der Femenatin wart iz ſtille Do ſprach die funniginne: „Owe, urowe Herlint, Wie. groz mine ſorge ſint Vmme den herren Dietheriche Den hettich ſicherliche Vorholne gern geſen;z Vnde mochtiz mit gewoge geſchen, Bube den tuginthaften man, Vunf bovge loſſam Die mochte ein bote ſchire Unbe mith verdienen, Der den helit drate Brachte zo miner Pemenaten. „In trowen, ſprach Herlint Ich wille mich heven an den ſintz Ez ſt ſchade oder ne jy, Ich ge zo der herbergen ſin; Doch plegit er ſolicher zvbte Daz wir ſin waren ane laſter, Herlint gienc drate Zo einer Femenaten Vnde nam die turligen want, Alſo manich urowe hat, Darin cierte ſie den liphz Do gin daz liſtigez wiph Zo deme herren Dietheriche, Her intfinc ſie vromelichez Vil na ſie zo ime ſaz, Deme reden ſie in daz ore ſprach: „Dir imbutit holde minne Min urowe die kuninginne, Unde iſt de urvntſchefte underdan, 'Du ſalt hin zo ir gan, Dar wil die maget zware Dich ſelve wol infan, Nicht wene durch din erez Aller truwin, herre, Des mah du uil gewis ſin An der iuncvrowen min.“ Alſus redete do Dietherich: „Browe, du ſundiges dich An mer ellenden manne; Ich bin ovch zo kemenatin gegangen Hievor, da daz mochte ſin Warumme ſo ſpozeder min?

Lieder ſo tod man den armen ie. Uwer vrowe ingedachte die rede nie, Hie is ſo ville herzogen Vnde vorſten in dem houe, Daz ir mit einen anderen man Uwerin ſchœunf mohtin han, Des hettir minir ſunde, Ir uirdienit daz afgrunde, Daz her mich ſo torecht woldit han: Ich bin ne ſo arm man, Ine ware doh zware Darheime ein reicher graue.” Herlint ſprach deme herren zo; Sie kunde ire rede wole gedon: „Neina, herre Dietherich, Nicht ne denke des ane mich, Ich ne han is, weiz got, nicht getan Mid hiez min vrowe here gan, Sie nimit michil wunder, Daz du ſo manige ſtunde In deſſeme houe heves geweſn, Bude ſie ne woldis nie geſen; Daz iſt doh ſeldene getan Von eime ſo ſtatehaften man. Nu ne wizzit mer der rede nicht, Der kuninginne ware lieph, Gwelich ere der geſche, Gwie du ſie nie ni geſe, Woldiſtu aber dar gan, Du nethadis nicht ubelis daranne.” Dietherich zo der wrowen ſprach; Her wiſte wole, daz iz ir erniſt was: „Hie iſt der merkere ſo ville, Swer ſin ere behalden wille, Der ſal gezogenliche gan; Ja wenit der ellende man, Daz her nimmer ſo wole geto, Daz ſiez alle uber got Haven, die in deme houe ſin. Nu ſage der iuncvrowen din Min dieniſt, ob ſie is gerochit; Ich ne mach ſie nicht geſoßen Vor der miſſehelle, Ich uorte, daz iz irſchelle Bns beiden laſterlice; So uirbutit mer daz riche Constantin der herre, So moz ich immer mere Blychtich ſin vor Rothere Vnde ne mach mich niergin generen.”

Herlint volde dannen gan, Der herre bat ſie dar beſtan, Vnde hiez die goltſmide ſin Zvene ſcho ſilverin Vnde giezin, Wie ſie do zowen liezen, Vnde zvene von golde, Alſer ſie geven wolde. Do bat her Aſprian, Daz ſie zo einimen voze quamen, Daz her die beide neme Vnde der vrowen geve, Vnde enin mantil ville gor, Zvelf bovge golt rot: So ſal men einir kuninginne Irbutin minnin. Do ſpranch ſie urolice Von deme herren Dietheriche. Herlint quam drate Zo ire urowen Femenatin Vnde ſagete ir von deme herren, Her pflege ſinir eren Harte ulizeliche: „Daz wizzin werliche, Ime ſin des kuningis hulde lieb, Her ne mach dich geſen nicht Mit nidcheiner ſlächte uoge. Nu warte an diſe ſchohe, Die gab mir der helt got, Vnde tete mir lievis genoh, Bude einen mantil wol getan: Wol mich daz ich ie dare quam! Bnude zvelf böge, die im Han, Die gaf mir der helt loſſam. Iz ne mochte uffe der erden Nie ſchonir ritar werden, Dan Dietherich der degen, So laz ene mich got liebin Ich kaſfed ene undankis ane, Daz ich mich is immer mach ſchamen.” ſchinit wole, ſprach die kuningin Daz ich nicht ſelic ne bin; Nu her min nicht wil geſehen, Mach du mir die ſcho geve, Durch des herren hulde, Die uollich dir mit golde.” Schire wart der cof getan; Sie zoch dene guldinen an Vnde nam dene ſilverinen ſchon, Der ginc an den ſelven voz:

„Owi, — ſprach die ſchone kuningin — Wie wer nu gehonit ſin! Do dieſen ſchoen loſſam Iſt miſſegrife getan; Ich ne bring en nimmer an. In trowen, du moſt hine wider gan, Vnde bitten Dietheriche Harde gezogenliche, Daz her dir den anderin ſchon geve, Vnde mich geſen ſelve wille, Ob her in ſime kunne Je goter ſlacte geuinne.” „Owi, ſprach Herlint — Wie gare die laſter danne ſint Buſer beider, vrowe! Nu wizzitu, in trowen, Soldich immer ſchande han, Ich moz aber widir gan.” Do hub die maget wolgetan Ir wat loſſam Vaſte an de kne, Sie nigedachte der zucht nie, Vrowelicher gange ſie uirgaz; Wie ſchire ſie ober den hof geloufin was Zo deme herren Dietheriche! Her infinc ſie vromichliche In allen den geberden, Alſer ſie nie geſege; Do wiſte der helt woleſan, Warumme ſie dar wider quam. Herlint ſprach zo deme heren: „Ich moz immer mere In bodeſcheffte gan: Der ſchon iſt miſſegrife getan Sie ſin der kuniginne Gegeven durch dinin willin, Noch ſolde wir den einin hauen, Des heiz di min vrowe manen, Daz du ir den andern ſchon geve woldis Vnde ſie geſeges ſelbe, Ob du undir dime kunne Je got ſlechte gewunnis.” „Ich datiz gerne, — ſprach Dietherich — Wane die kamerere, die meldin mich.” „Nie ſie, — ſprach Herlint — Mit vioweden ſie in deme houe ſint, Die rifare ſhiezen den ſchaft, Dar is michil ſpilis craft; Ich wil hin uore gan. Nu nim zvene diner man

Vnde heve dich vil drate Na mer zo der kemenaten; Mit deme grozem ſchalle Birmiſſen ſie din alle; Ich geſcheffe ein geſtille Von der kuninginne.” Herlint wollte dannen gar, Do ſprach der liſtiger man: „Nu-beute des kamereris, Ich wille na den ſchon vragen.” Schire quam Aſprian; Her ſprach: „Owe, we han ich der getan? Die wege ich nicht irleiden ne mac, Du mowis mich allen diſen tac Mit itenuwin meren, Dan du ie getatis, herre; Ir was hie ein michel teil geſlagen, Die han die knechte zotragen; Iſt ir dar icht iruallen, Ich bringe dir ſie alle.” Do nam Aſprian Die anderen ſchon loſſam, Vnde einen mantil vile got, Vnde zvelif armboge rot, Bunde gab der alden vrowin; Do gienc ſie alſo tougin Vil harte uroliche Von deme herren Dietheriche, Bnyude ſagete ouch zvaren Ir wrowen liebh mare, Der megede wartin was grozlich; Sich beriet der herre Dietherich Mit Berkere deme alden manne, We iz mit geuoge mochte gan. Vile wole ſprach der herzoge: „An deme poderamus houe Salich machen grozen ſchal, Dar zut daz lut ubir al; So newardit bein nehein man.” Her heiz die riesen vzgan; Selve bedacter ſin ros. Sich hof der lut uffe deme hof, Do vorte der alde jungelinc Dusint ritar in den sintz; Widolt mit der stangen Vor dar ſcrikande In aller der gebere, Alſer nerriz ware; Da ubirwarf ſich Aſprian, Der was der riesen ſpileman

Grimme zvelif clafter ſpranc, So datin die anderen al intfamt, Her greif einen ungeuogen ſtein z Daz der merkere nedhein Dietherich uirnam, Do ſie begunden umbegan. In deme venſtere die ſiunge kuninginne ſtunt, Sire quam der helit iunc Over hof gegangen; Do wart her wolle infangen, Mit zven ritarn erlich; Dar ginc die rede Dietherich, Do ware die kemenate vfgetan, Darin ginc der helit wolgetan, Den hiez die iunge Luninginn Selves willecumen ſin, Unde ſprach, ſwes her dar gebete, Daz ſie daz gerne deten Na er beider eten: „Ich han dih gerne, herre, Dur dine vromicheit geſen, Daz ne is durh anderis nicht geſchen Deſſe ſchon loſſam Die ſaltu mir zien an.“ „Vile gerne, ſprachß Dietherich Nu ies geruchit an mich.“ Der herre zo den uozen geſaz, Vil ſchone ſin geberre was, Uſffe ſin bein ſaze ſie de uoz: Iz ne wart nie urowe baz geſchok. Do ſprach der liſtiger man: „Nu ſage mer, vrowe loſſam, Mere uffe die truwe din, Alſe du Criſtin wollis ſin: Nu hakt din gebetin manic man, Ob iz an dinin willin folde ſtan, Wilich under in allen Der beſte gevalle?“ „„Daz ſage der, ſprach die urowe Vil ernſtlihen in trowen, Herre uffe die ſele min Alſic) getovfet bin: Der. vze allen landen Die turin wigande Zo einander hieze gan, So newart me nichein man, Der din gegnoz mochte ſinz Daz nemich an de truwe min, Daz me nichein moter gewan Ein barin alſo loſſam,

Daz iz mit zvhten, Dietherich, Muge genozin ineben dich z Von du biſt der tugende ein uzgenumen man. Eoldih aber die wele han, So nemich einen helit gut unde balt, Des boten quamen her in diz lant, Unde ligen hie zware In meinis vater kerkenere, Der iſt geheizen Nother Vnude ſizzet weſtert vber mere: Ih wil ou) immer maget gan, Mer ne werde der helit loſſam,“ Alſiz Dietherich uirnam, Do ſprach die liſtige man: „„Wiltu Rothere minnen, Den wil ih dir ſchire bringenz Jz ne levet nehein werltman, Der mer ſo leve hette getan; Des ſal her noh geniezen, Bit in die honede liezin, Her bozte mir die mine not, Des lone ime noh goth Wir nuzzen uroliche daz lant Bnde levete uroliche ſamtz Her was mir ie genedich unde got: Allen have mir nu virtriven der helit got.“ „In truwen, ſprach die iuncge kuningin IH virſta mich an der rede din Der iſt Rother alſo lieb, Her ne hat dich vertriven niht. Swannen du ueriſt, helit balt, Du biſt ein bode her geſant, Die ſint des kuningis hulde lieb; “Mune virhel mich der rede nicht, Swaz mir hute wirk geſagit, Daz iſt immer uole uirdagit Biz an den iungiſten tac.“ Der herre zo der urowen ſprach: „Nu lazihg alle mine dinc An gotes genade ande din: Ja ſtent dine uoze In Rotheris ſchoze.“ Die urowe harte erſride, Den uoz ſie ufzuchte Unde ſprach zo Dietheriche Harde baltliche: „Nune wart ich ne ſo ungezogen, Mi hat min vbermot bedrogen, Daz ich mine uoze Sazte in dine ſchoze.

Ande biſtu Rother ſo her, So nemachtu, Funinc, nimmermer Bezzer tugint gewinnen z Der uzgenummener dinge Haſtu von meiſterſchaf liſt: Sowilich's kunnis du aber biſt, Min herze was hellende; Vnude hette dieß goth nu her geſendeſ, Daz were mer innenchliche lieb; IH ne machis do; gewuwen niet Du neſcheinis mir die warheit Unde varez dan al der werlde liet, So. rumde ich ſichirlihe Mit ſamt der die riche; Sus iſtiz aber immer ungetan, Doch nelebet nehein man So ſchone, den ich davor neme, Ob du der kuninc Rother weriſt,“ Alſus redite do Dietherich; Sin gemote was harte liſtich „Nu han iH urunde mere Uan diven armen herren In deme kerkenere Swa mich die geſehin, Dar motis dig an en uirſtan, Daz ich der war geſaget han.“ „In trowen, ſprachß die Funingin Die irwerbi) umbe den vater min Mit ettelicheme ſinne, Daz ich ſie uzgewinne; Her negevet ſie aber nicheime man, Her ne moche ſie uffe den liph han, Daz her nichein intrinne, Biz man ſie aber bringe In .den Ferfenere, Dar ſie mit notin waren.“ Des antwarte do Dietherich „IH wil ſie nemen uber miß Bor Conſtantine dem richen, Morgin ſicherliche, So ſal her zo houe gan.“ Die urowe alſo loſſam Kuſte den herrenz Do ſchiet her danne mit ereu Uz van der Femenaten Zo den herbergen drate. Alſo daz Berker geſach, Wie ſchire der rinc zelazen was! Do ſagete der herre Dietherich Die mere alſo wunniclich

Dem. furlichen herzogen Des begunden ſie beide got louen. Die iuncvrowe lac vber nacht; We groz ire gedance waz! Alſiz zo deme tage quam, Einin ſtab ſie nam Unde ſchovf in ein ſwarziz gewefe, Alſe ſie ſich gewilot hette, Einen palmen ſie ober ir achſlen nam, Alſe ſie uz deme lande wolde gan, Vnude hob ſich vil drate Zo ires vater Femenaten Unde clofphete an daz turlinz Ufdete do Conſtantin. Alſo he die maget angeſahh, Wie liſtichliche ſie zo ime ſprach „Nu gebvt mir, herre uater min, Moter er ſult geſvnt ſin, Mir iſt ſo getrömot: Mer ne ſende der waldindieger goth Einin botin under dan, IH moz in abgrunde gan Mit levendigen liphe; Des niſt ne hein zwivil, Iz ne mac mich neman irwenden, IhH ne wille daz elelende Buwen immermere, Zo troſte minir ſele.“ Trurich ſprahß da Conſtantin: „„Neina, lieve tohter mig, Sage mer, was du willis, Ja wegich der die helle,“ „Vater, daz iſt unmer getan, Mer 'newerden die botin loſſam, Die wil ic vazen unde baden, Daz ſie genade mozen haven An ir armin live Etteliche wilez Ih ne ger er nicht wane drie tage, So wirdin ſie dir widir aber Zo deme Ferfenere.“ Conſtantin der mere Sprach, dat her daz gerne dete, Ob ſie einin burgin hetten, Der ſie uffe den liph torſte nemen Unde ſie ime widir mochte geven, Daz ir nichein intrunne. Do ſprach die maget iunge: „JH bitis hute ſo manich man, Daz ſie ettelicher moz beſtan,

Des liph ist also tuginthaft, Deme du sie mit eren geven macht.” Do sprach Constantin: „Daz tonich gerne, tochter min.“ Der zit iz nachte Vil harde genote, Daz Constantin zo tiske ginc; Dietherich des nicht ne liez, Her queme mit sinen mannen Vor den kuninc gegangen, Do man daz wazer nam, Die iuncvrowe lossam Ginc vor deme tiske umbe Heize weinunde, Ob sie iemanne so leve hetfe getan, Der die botin lossam Uffe den liph torste nemen: Ir nedein torste sie des geweren Herzogin die richen Birzigint ir geliche, Biz sie zo den reken quam, Mit deme der rat was getan, Do sprach die magit erlich: „Nu gedenke, helit Dietherich, Aller diner gote Vnude hilf mir uz der note; Nim die botin uffe daz levent, Di hezzit der di kuninc gepen; Irzagit sin minis voter man, Eie ne turren sie nicht bestan. Do sal die edelicheit dein Mitsamt mir geteilit sin, Daz ich der genieze Swe gerne du daz liezis, Di ne lazzen din tuginthafter mot, Du salt mich geweren, helit got.“ „Gerne,“ sprach Dietherich Gwas gerodit anne mich, Iz ne gat mich nicht wene an den liph, Doch werdich din burge, schone wiph.“ Die botin gab do Constantin Dietheriche uffe den liph sin; Der herre sie do obernam. Do volgentin ime des kuningis man Zo deme kerfenere, Dar sie mit notin waren. Die helenden haftin Lagen in unkreften Bnude leveten bermeliche Berker der riche

Stund unde weinote, Do her den schal gehorte. Den kerfenere man ufbrach, Darin schein do der tac, Schire quam in daz liecht, Des ne waren sie gewoene nicht, Erwin was der erste man, Der uz dem kerfenere quam; Als en der vater angesah, Wie gros sin herceruwe was! Her karte sim hine umbe Bnude wranc sine hende; Her ne torste nicht wienen, Bnude ne stvnt ime nie so leide, Sint in sin moter getruch. Erwin der helit got Was von deme liphe getan, Alſo von rechte ein arm mav; Sie namin die zvelf graven Vz deme kerkenere, Bnde jegelic sinen man; Die ritar also lossam, Sie waren swarz vnde fale, Bon grozin notin missevare. Lgpolt der meister Ne mochte nicht gebresten, Wan ein bose schurcelin, Daz want her vmme den liph sia; Do was der weinige man Harte burliche getan, Zoschundin vnde zeswetlit. Dietherich der helit got Stunt troricg von leide Bnude ne wolde doc nicht weinen Vmbe die botin lossam. Berker der alde man Ginc alvmbe Die haften schowende Do ne ruwen in nichein din Harter, dan sine schonen kint. Dietherich der herre Heiz die botin heren Boren zo den herbergen sin, Wan Lupolt vnde Erwin, Die liez man eine gan, Daz her ne plaf nehein man, Do sprach Erwin der mere: „Lupolt, trut herre, Sie stu einen grawin man Mit deme schonin barte stan,

Der mich schowete Wunderen note; Her karte sich umbe Bnde wranc sine hende, Her ne torste nicht weinen Bnde ne stvnt ime doch nie so leide: Waz ob got der gote Dur sine otmote Ein groz zeichen wil began, Daz wir kumen hinnan.“ „Daz is war, broder min, Her mach wole unse vatir sin.“ Do laceten sie beide Von vroweden vnde leide. Die ellenden geste Warin hanfeste Biz an den anderen dach. Die iuncvrowe eren vater bat, Daz her sie lieze dare gan, Sie wold en selve dienan. Orlof er der kuninc gaf We schire sie over hof getrah, Zo deme herren Dietheriche! Do hiez man algeliche Die vremiden ritae uzgan; Dar ne beleib nichein man, Wan der verhmage, Die vber mere waren gewarin Den botin also lossam Den legete man got gewant an Bnd vazete sie vlizicliche Daz quam von Dietheriche. Der tis was gerichfot Berker der helt got Was trochſaze, Die wile sine kint azen. Alse die herren gesazen Ir leides ein teil virgazzen, Do nam die rede Dietherich Eine harfin, die was erlich, Vnde scleich hinder den ummehan: Wie schire ein leich darvz clanc! Swilich ir begunde trinkin, Deme begundiz nidirſinkin, Daz erz uffe dem riske goz: Ewelicher aber sneit daz brot, Deme intfiel daz mezzer durz notz Sie wurdin von troste wizzelos, Wie manich sin troren verloz! Sie sazen alle vnd hortin,

War daz spil hinen karte. Lude der eine leich clancz; Luppolt ober den tisch spranch Bnde der graue Erwin, Sie heizen in willekume sin, Den richen harfere, Bnde kustin zwaren. Wie rechte die urowe do sach, Daz her der kuninc Rother was! Alse die iuncvrowe hinin wider quam, Do liez man die botin uzgan Allenthalchen in die stat, Daz ir neman ne plach; Do merketen iz des kuninges man, Bnde sagetin iz ir herren san. „Nu ne rohit,“ sprach Constantin — Ich bevalch se eme uffe daz leven sin; Her pleget so goter sinne, Iz ne mach ime nichein intrinnen.“ Der kerkenere wart geromot Alse die iuncvrowe gebot. Do drie tage irgegengin, Die botin sie aber wiengen Bnde legeten sie zwaren Widr in den kerkenere, Mithil bettewate Bnde ander got gerate Wart in uirholne dar ingetragin; Do mosten sie genade haven, Similen vnde wiz brot; Des was den heliden vil not.: Die iuncvrowe hiez einen man Zo Dietherichis herbergen gan; Der grab ein hol zo berge Bon deme kerkenere, Swar sie woldin hinnin keren. Do lagen die haften In sanften unkreften Die botin lagen dar alle Zvencih tage valle Bnde haveten grozen wirtſchaf Sie wunnin an deme live craft. Do hob sich vnder deme himele. Bon zvein vnde sibincik kuningin Von Babilone Zo Constantino deme kuninge Die allergroziste herwart, Die ie gecin wart: Ymelot gerte sin zo man; Her was ein heidin urefam,

Jme ne mochten nicht widirſtan, Her wolde die riche alle han Bedwingen mit grozir gewalt; Aber al vncriſten lant So ne virſaz neiman ſin gebot: Her wolde ſelve weſen got. Simelin heiez ſin wib; Her wirlos zo Jeruſalem den liph. Do quamen ilinde man Vor deme volke gevarin, Zo Conſtantinopole Der wil meren burge, Vnde ſageten deme kuninge mere, Wie not ime were, Ob her ſich mochten irweren; In ſochte ein Freftigez here. Alſus redete do Conſtantin: Wer mochten ſo riche ſin, Der mich torſte beſtan?“ Do ſprach der gahinder man „Din groze overmot Der nis zo nichte gotz In trouwen ſie havent genendot, Iz is der herre Ymelot Von woſter Babilone Zvene vnde ſibincik kunninge Die ſochen daz lant din; Ich ſach die uozreiſe ſin, So manith celt ufgeſlagen Sie mvgin wole cencik duſint haven, Deme kuninge wurdin ſvare Die ſtarken numere. Dietherich der helit got Der orſte wole ſinin motz Her ſprach: „Halt dig wole, Conſtantin, Vnde gib mer uffe den liph min Die elenden haftin Vz den vncreftin: Hetten ſie ros unde gewant, Vndir in is manich helit balt. Darzo beſende dine man, Wer ſulen engegin in varen, Nu lone dir got! ſsprach Conſtantin Jch bevalh den kemerere min Beide, ros unde gewant, Daz ſie brachtin in diz lant; Iz wirt in allez widirgegeven, Nu du, turlichir degin, Mit mir „wenigin man In derre note wilt beſtan.

Conſtantin gienc drate Na Dietheriches rate Vnde ſante wide in daz lant. Do quam vil manich helt balt Zo Conſtantinopole Der vil meren burge; Inninthalp drin tagin Do mochten vnfik duſint haven, Do giengen danne Die tvrin wigande. Vnde namen die zvelf grauin Vz deme kerkenere, Vnde iegelic ſinen man. Wie ſchire iz alliz widirquam, Daz ſie brachten in daz lant! Dietherich der helit balt Die nam ſie zo ſiner ſchare; Do warin ſie dar herliche gare Vffe roſſen ſneblanken Do was deme helede wol zo danche. Den heleden vil ivngin Gingen die ros in ſprungin. Do brachte Dietheriches wane Zvencik duſint loſſam Jn breither blicken vber lant. Manigin goten wigant Vorte der kuninc Conſtantin Ingegen die viande ſin. Sie ritin wol ſibin nache Jngegen der heris craft. Die zvene vnde ſibencic kuninge Von woſtin Babilone Die liegetin ſich alſo nahe, Daz ſie den rod geſagen Von den herbergen; Do hoben ſich die ſorgin: Do gaf in Dietherich den troſt, Her herbergete do alleruurderoſt Mit den ſinen heleden Inzuſken den menigen, Schire vil do die nacht anz Dar bevalen Conſtantinis man Einin anderen die kint vnde wiph; Ir nichein trokſte ſic; an den liph. Dietherich unde ſine man Begunden ruminde gan Vnde rieten an die heidenſchaf, Die dar lag mit heris craft: Wislich ere in daz were, „Ob ſie den kuninc meren,

Ane Conſtantinis ſchadin, Gewahin mochten odir ſlan. „In trvwin, ſsprach Widolt Kume wir in daz volk, Sie ſin vncriſtint diet, Ich ne werd in horſenfte niet, Des ſulin ſie vil gewis ſin, Vnde lazent man vor die hende min, Iz moz en an den liph gan. Do waffende ſich Aſprian, Vnde zvelf ritar loſſam Slvſfen in ir wicgewant; In was zo deme ſtorme harte lieb. Do ſthein ein halſperg liecht, Die trok der helit Aſprian; Iz ne levar nichein ſo kone man, Der ime widirſtieze Daz her geneſin lieze Vnde der heidinſchefte Sie hoben ſich mit crefte. Der herzoge von Meran Heiz Dieterihes man Blizeliche wachen Vnde grozin ſchal machin Her ſprac: „Min herre“mit den ſinen Wil zo Conſtantine, Der hat na ime geſendot. Do was vil manic helit got Wol gewafint an den wich; Iz ne wiste niemannis liph, Wan die 'verchmage, Die over mere waren gevaren. Dietherich ginc zo den roſſen ſin Do luchte ein brunie guldin An daz mark loſſam Die trok der zvringiſte man, Der von Adame Zo der werlde ie bequeme Vnde eine ſtangin vrieſſam, Da ne mochten nicht vor beſtan, Die trokſte Dietheriche volc: Daz was der helit Widolt. Luppolt der getruwe man Sprach zo den rieſen al: „Vſen den halſpergen liecht, Nu ne kumit uz der die niet, Daz ſie icht zo verre ſchinin. Dietherich mit den ſinin Der reit vmme die heidenſchaft, Die kac mit heris craft,

Vnde behebe vragen, War ſin herre ware; Her hette ſic) virſumot, Her bracht ime manigin helit got. Do zeigt ime man zo manne, Vnd er zo Jmelote quam In ein zelt loſſam. Daz ſvert zvhte Aſprian 'Vnde hiez in vil ſtille ſtan, A Ob her den liph wolde han. Der kuninc do nicht ne ſprach, Alſe die ſtangin angeſach Die dutch in arde ureiſſam Gewangin was der rike man. Dietherich unde ſine man Begundin degenliche gan Vnder eine dicke ſchare Dar valten ſie daz herre gare. Widolt gab die ſtangin Uz den handin; Swaz her der heiden anequam, Die ſlovc her alſe en donir ſan; Swaz her zo der dicke quam, Dar ſlovc her uffe den man, Daz ſie al zeſcrietin, Alſo ein ſtop daz da hine weite. Die zvelf rieſen ureiſſam Die ſclogin manichen man Die heidin vlun durch not, Eie jagete der grimme toth. so Widolt wart gewangin, Gebundin an die lanin. Dietherich der herre Vor zo den herbergin In allen den geberen, Alſ ime nicht geſchen were. Dietherich heiz ſine man Zo den herbergen gan: Swaz ſchalles ſie uernemen, Daz ſie it zo den roſſen quamen, Do rief der wachtcre Obir daz here mere: Stol uf, herre Conſtantin, Ich hore die viande die Mit grozeme ſchalle; Jch wene, ſie here wallen, Wie ſere ſie irquamen, Do ſie die vlucßt virnamen Von der heidenſchefte Die dar lagin mit heris crefte!

Conſtantin wart gewafenot Vnde vil manich heſit got; Do ſprachen ſumeliche „Nu ſiet zo Dietheriche, Her lvgit dar, alſe ein bvſe zage, GSwe her nu ſid) here gewiſit hevetz Von den untruwin ſin Siet ir verratin, herre Conſtantin, Conſtantin do rande, Als ime daz mark irhancte, Vor ein gecelt erlim; Vol uf, her Dietherich! Die heidin willin vns beſtan; Hie nahet der oth manic manne, Lute rief Ymelot: „Herre ir ſpottet ane not; Hinacht zo mitirnacht, Do ich in mineme bete lac, Do quam ein ureiſlicer man Vnde trovk mich vnder ſinen arme dan; Mir ſin die mine gar irſlagin, Sie ne mugin dir nicſt geſchadin, Alſe daz Conſtantin uirnam Do vorte er unliche dan Vnde ſagete ſinen mannen „Ymelot is gevangin; Daz hat Dietherih getan Nu mozin ſie laſterliche ſtan, Die den herren ane n& So vere habin gevalſcot Mit grozeme vnrechte. Do giencgin got fnechte Zo deme herren Dietheriche Unde danketen ime grozliche. Daz mark uerliez Conſtantin, Zo uordiſt her in daz gecelt ginc, Die hande nam her uor ſich, Her ſprach: „Got lone der, herre Dietherich Daz du mit dinin manin Den kuninc haft gevangin.' Eia turlichher degin, Wilicſ ere dir iſt geſchein! Hettich nu ſigen in got, Dez dir immir wirde not, Daz ſal der weſen underdan, Ir aller ſorge was irgan. Der tac begunde vfganz Do ſalite manic man. Dietherich der wigant Nam Jmelotin bi der hant

Vnde uort ine vor Conſtantine, Her bevalſH in ime vnde ſinen. Do ſprad der liſtiger man: Wir ſoldin einin botin han, Der den urowen ſagete, Waz wir gevromit hebetin.' In trowen, ſprach Conſtantin Der bote-ſaltu ſelve ſin, Durd miner toter willen; Vnde ſaget der kuninginne VVnde den urowen allerſamt, Wir ritin in daz lant Uil harte uroliche; Din volc ſumelichez Laz mit mir her beſtan, Do ſprach der liſtige man, Daz her gerne dete, Des in der Funinc bete. Dietherich ginc dannen Mit ſinen heimlichen mannen, Vnde ſante daz volc zo. des kuninges uanen Her bat ſie grozen danc hauen, Zo ime nam. her ſine man, Swaz ir ober mere quam; “Den kunin her ſagetfe, Wes her willin habete. Die tvrin wigande Hvgitin do zo lande. Dannin vor do Dietherich Ein ceichin, das was herlich, Bracht er zo Conſtantinopole Der uil meren burge Mit den ſinin manninz Her ſprachß, were intrunninr. Do ueinte die urowe Funingin Jarya, wa is Conſtantin Vnde die Wigande Vz von manigeine lande? Dietherich, lieber herre, Geſewir ſie immermere?“ „Nein ir, daz weiz got; Sie hat geſlagin Ymelot Vnde ritit dahere mit heris craft, Her uvil zovorin die ſtat; Iſ ne tkruwe mich nicht irweren, Nu moz ich uliezin ober mere: Beide, wib vnde kint, Wa ſie in der burge ſint, Sie kieſint alle den tot, Sie irſlet der kuninc Ymelot,

Do nam daz Conſtantinis wib Ir tochter, die was herlich, Vnde batin Dietheriche Beide grozliche, Daz her in hulfe uz der heidinſchefte Die dar quamen mit herescrefte. Do heiz der liſtige man Die celder alſo loſſam Der kuninginne dar cehen Vnde uorte ſie zo den kielen, Daz mugit ir geloubin, Bon maniger ſchonin urowen Weinin unde hantſlagin, Sie ne mochtin nicht gedaginz Her zoſ ein michil magincraft Na Dietheriche vz der ſtat, Sie wolden alle vſffe den mere Vor Ymelote den liph generen. Do troſte ſie der karge man, Der hetiz durch ein [liſt getan. Dietherich heiz ſine man Vil drate in kel gan; Aſprian der helit got Den kamerſchaz man dar intro; 'e gehetin alle uffe daz mere. Do heiz der kuninc Rother Die moter an deme ſtade ſtan, Die tochter in den kiel gan; Ir weinen uas grozlich; Sie ſprachh: „Owi, herre Diethrich, Weme wiltu kuginthafer man Buſich armen wiph lan?“ Sus ſprach die gote kuningin: „Nu ram mich in den kiel din Zo miner tochter loſſam. Do ſprad die liſtige man; „Browe, ir ſolit ug wol gehauin; Conſtantin nis nicht geſlagin, Ymelote han wir gewangin, 'Iz iſt Conſtantine wol irgangin, He ridit here zo lande Mit lieuen merande, Her komit ouir dri tagez Ir mogit eme werliche ſagin, Sin tochter ſi mit Rothere Geuaren weſtere. ouer mere: Nu, gebut mir, urowe herlich, Jo ne heizicſh niwit Dietherich, „Nu wol mich, ſprach' die EXuningin Daz ich ie gewan den lif min!

Nu laze dich got der gode Durd ſiene otmode Die mine tochter loſſam Lange mit gemadhjin han! Daz iſt war, kurlicher degen, Ei were dir ſanifter gegeuin, Dan du ſie haſt gewunnin, Inde ſtundiz an miain willin; Swie Conſtantin nu den lif Quelede umbe daz ſchoue wif, Daz iſt mir daz miniſt, Nu du Rother biſt, Nu vare, trulicher degin, Sant Gilege moze din plegin!“' Do ſprach daz ſchone mege*in: „Gehauet ucſ woll, moder min!“ Die urowen alſo loſſam Gingen lachinde danen Uf den Conſtantinis ſal, Bade gunden Rothere wol, Daz in got geſande Mit eren heim zo lande. Alſe Rother ouer mere quam, Do wart die urowe loſſam Ewanger einis kindis, Einis ſeligen barnis, Do was eineger dot, Die lant alle uerſtorot Van ſes marcgraevin, Die woldin Hademaren Zo eime Foninge han genomin und gelouet; De was ein riche herzoge Geboren uon Diezen. Die Rother gehiezen Trowen, biz he queme, Die werthtin die crone Deme ricßen erueloſan man, Vnze Wolfrat daz ſvert geuan An einem ſchonim ringe; Der was uon Thendelinge Des koningis Amelgeres ſune: Iz ne quam van eineme ſinen kunue Alſo manich ture wigant; Beide, liude unde lant, Die beherte der ture man, Biz Rother widerquam. In ſtride lagen die lant: Rother der wigant Liez die wecſmudin Luzel geruwent.

He moſte dur< gerithe uaren; He heiz die urowen bewaren Lippolden den getruwen man. Die andere ritare loſſam, Zo den roſſen waren ſie gereth Vo reit dar manich got Fneth Bi Rothere ingegin Berne, Vnde ſtrichen durch die berge. Die rieſen hetten grozen not, Sie liefen alle gewaffenot; Die rieſe Wolframmen erwant, Do wiſter ouer lant Eine vil breide menie Rothere zogeginne Her. intfienc in mit eren Alſo uan rechte ein man ſinen herren, Sich hof der lut ouer den doz;z Där wart der ſcal harde groz, Dar der herre Conſtantin Reit uf den hof ſin Zo Conſtantinopolin in der ſtar. Der Foninc haſteliche ſprach, Wa ſin thocter were, Daz he ſie nicht inſege. Des antwarde die koningin „Gealt di< wole, Conſtantin, Genur ritar erlich, Der da nante Dietherich, Daz was der Poninc Rother, Bnde hat geuort ouer mere Mine toter unde din Bie mochte ſie baz beſtadet ſin? Si vil der liſtige man Zo eineme urete han, Biz ime wirt gelonit, Des he der hat gedienit. Ker hat uns rechte getan, Wir hetten wonderlicen wan: Wat reden mochte der ſo riche ſin? Jr ſit gewarnet, Conſtantin, Kome v uver mer gein uetriwen man, Da ſolit ir uc) baz uor warnan. Conſtantinis gemode Sich uerwandelode, Her begunde ſere weinin Inde quelite ſich uon leide; He ſprach: „Owi, utov koningin, Nu rowet mich die thoker min, Die der kuninc Rother Hat geuort ouir mere;

Nu iſt iz mich dure beſtan, Baz ſo her gaf gehenin man. Her uiel von leyde in unmath. Da zov< der burgere craff Vz der ſtat mere; ire rovin was mere groz: We ual des Ymelot genoz! Der ſin folde plegin, Der zov< dur wunder after wege Bnude wolde gerne han geſien, Waz da were geſcien. Ymelot mit liſtin Begunde den lif vriſtin Do Conſtantin darnider lach Imelot huf ſich uze der ſtatz; In eime (ciffe he intran Inde uor bit coufmannin dan Zo der woſten Babilonie; “Danne ſich manige coninge Von ime begeginde groz herzeliet: Des gewonnin ouch die reden midel arbeit. Alſe Conſtantin zo ime ſeluin bequam, Do rief man wider man, Die alden und die iungen: Imelot iſt intronin „Jaria! ſprac< Conſtantin Nu nemat ſcaz, vrowe koningin, Bnude geuit den wigandin Bnude vrvmit ſie heim zo lande, Of he mich hiena beſte, Daz mir des uolkis ich zerge. Si was des goldis milde, Si legedit uf die ſcilde, Vorſten den richen Gaf ſie riclichen Vnude lonede den gvdin knechthin, Alſe man noc< uan redtin Plegit grozzer eren: Zo lande riden die heren. Do die grozze menie Gerumde deme koninge, Do ſprac ein ſpileman: „Herre, du ſalt dic) wol gehan: Lanis du mir, Conſtantin, „Ic< brenge dir die tochter din Wir mozin auer einin kiel hauin, Die maniger hanve wondir trage, Golt unde ſteine, Waizer .perlin cleine, Scarlachin und pellen, Gver da coufen wolle,

Daz wir des gode ſtade han; Seſzik ritare loſſam Die ſolin darinne uerhalne ſin; Die iuncvrowe, Conſtantin, Bedrugit die ſelzine want, Dat ſie ließe in den kiel gat Bnude ſchovet min cramgewant, Eo vore wir ſt in daz lant. Nu ſprich, waz du mir biedis; Bude behaget mir die miede, Ic< ſeze in vrkeil den lif, Ich ne brenge der Rotheres wif. „Genadhe, here, ſprach Conſtantin Ic< wiſe dich uf den ſcaz min, Des nim dir, truf geſelle, Swe uile du willis, Niüir iſt zo der uerde lief, IH ne uerſume dich minis dankes nich.“ Der ſigel zo deme kele Wart gereit ſchice, i Darin trov< man golt rot, Alſe der koninc gebot, Nuſcheu vod boge unde harbant; Selzene cramgewank;z Daz ſante Conſtantin Mir rade na der thoter ſin; Daz got begunde man zotragin, Scire wart der fiel geladhin; Verecn unde ſpileman Huven ſich alle daran: Jntgegen Bare ſciften over mere, Do was der koninc Rothere Hine zo Riſlande Miit ſinen uianden, Da rigte der gode keyſer Widewin unde weiſin. Do die leide Criechin Ze Bare zoſtiezin Uzgienc der ſpileman Bade truch der kiſelinge an Bere, die he an me ſtade uant; Liſtich was der ualant. Nu ſiet warzo he ſe wolde, Oder we ſc coufen ſolde. Des morgins, als iz dagede, Der ſpileman hauede Behangen ſine crame Mit gewete ſelzene Do giengen die burgere Uz der ſtat zo Bare,

Si ueilſceden gole unde pellin: Wie biedet ir dat geſelle?“ Da ne was nedein ſo ture inc, Her ne geu it unbe einin pennincz; Dy» ducte die burgare, Daz he ein tore ware; Si couften ſin gewete, Ewat he gotes hette, Einer die ciſelinge geſach Her ſprach: „Geſelle, warzo wolle ir daz?“ Do boit he einin an der ſtunt Nit wan umbe duſint punt Des allerbeſtin goldis, Des die urowen tragen woldin. Do ſprach der burgare, Dat iz, ſin ſpot were: „Ir lieget dem duvele an daz bein Diz dunkit mich ein boſe ueltſtein.“ „Introwen“, ſprach die ſpileman, Ir hauent ime unrecthe getan, Ir uelſchid in ane not, He iſt zo manigin dingin guot; Neme in ein koningin an die hanf, Her lugte ouir al dith lant, Neman erſturue; E he begrauen wurde, Man ſold en darmide beſtrichin, So leueder ſicherliche, Nieman in is halz noc< crump, He ne wurde ſciere geſunt, Gervrde in die koningin, Mit deme goden ſteine min; Si ſoldiz auer in diſme ſciffe don, Ouer it nis <ein urowe darzo: Zette wir einin crumbin man, Inde wolde die konintjin darin gan, In ne ſi it dan nuwit war, Dat ich v geſaget han, So heizit mig van Unde up ein boum han.“ Do ſprach ein ritaxe, De geweldic< was ze Bare; IG han zvei wenige kindelia, Die ein iar gelegen ſin, Die wir ie moſtin tragin: Ic< will ik miner urowen ſagin; Wat of ſie dur ire gode Gebozet der ſeluer node? Gehilfet in der din ſtein, Daz ſie geint wider heun,

Ich geue dir gotes ſalige craft, Swaz du is geuoren macht. „Liegich, — ſprac der ſpileman — Heizit mir min houe aueſclan, Mir iſt der lif ſo lief, Ich ne geue dir ſo niet.“ Eine uronde he do nam, ſeſzen coufman, Bnude gienc vor die vrowen ſtan; Do intfienc in die riche Harde gunſteliche In allen den gebere, Als er ein herre were. Do bat her die kuniginne Dur ſancte Petres willen, Dat ſi ufhulfe zven haften Von grozen uncreften: „Daz ſin, vrowe, mine Fint, Die lange crump gelegen ſint; Hie ſteit ein kiel bi deme ſtade, Dar ſal ich ſi up heizin tragin, Dar liget geſteine, dat iſt got Bnud bvzit manigen ſiner not: Nemet ir einin, vrowe, an die hant, He lugthet ouer alle die lant; Svilich man erſteruit, Er he begrauin werde, Woldet ir in darmide beſtrichin, He leuede ſan vvolichen; Neman nis halz noc crump, He ne werde zo hant geſunt, Alſe uns gener geſaget hat, De ſi hat here brath; Her ſprichit, in ſi ir nuiwit war, Daz ich v geſagit han, Daz ic in hezze van Bude uf einin bovm han. Verſchez, vrowe, dur got Is wirt v wol gelonst, Bnude troſtet mine arme, Lint, Die nu lange gelegen ſint, Wand ich weinger man Si en da michel leit an. „Nu du mich, — ſprac die koningin — Biddis durch unſin tregtin, Ich ne wille dir nit verſagen; Nu heiz die kint zo deme ſciſfe tragin.“ Luppol waz uzgegan; Zvenzich ritar loſſam Volgeden der vrowen zo deme kiele; Dar quamen die ſiechen ſcire

Den ſu dar got ſolde ſin; In den kiel trat die koningin. „Wol vf, — ſprac der ſpileman — Zo den Kriechen wille vir varen; Siet, war daz wif ſtat, Die uns here gemovt hat,“ Do ſprungin uile ſcire Die Criechen zo deme kiele, Die crumben wurchen ſie an daz ſtat, Geneme wart der hantſlach, Die der vrowen ſoldin plegen, Die vorden die Criechen after wege, Nu ſiet zo ö9Me valandas man, Wie he dat wif gewan! Die Cefechen huven ſich dan Die vrowe vragede den ſpileman, Wie in dare ſante Zo deme ſelven lande? „Daz dede min herre Conſtantin Der lieue vater din, Sante uns ouir mere,“ „Owi, Poninc Rothere“, Sprach daz wenige wif Wie du nu dinen lif Beginnis quelin umbe mich! So duon ich minen umbe dich.“ Die vrowe gehaun ſich ouele; Zo Conſtantinopile Vorde ſie die ſpileman. Wie ſcire numere quam, Den vorſten were gelungin Aldin vnde iungin Heizin ſie willekomen ſin. In den kiel cinc Conſtantin Bude nam die thoter bi der hant, Vurde ſie vf daz lant He halſte ſie vnde cuſte. Wie wol in des geluſte, Die moder weinende genc, Jyr thoter ſie ungerne infienc, Swaz die moder redde, Die toter iz alliz dolete. Conſtantin was vil lief, Her irhatte uf ire ſprechin nit, ſiez ſi ſvigin unde dagin, iz ſi iz gnoh mothe hauin, Do erſcal daz numare MOuir al die ſtat zo Bare, Daz die vrowe was uerloren; Sie uorten Rotheres zorn,

Beide wif unde man, Sie woldin alle inuec gan. Do quam der helit Luppolt Bnud korſte daz trorige volc; He bat ſie dar beliven, Des in were negein zuivel, He ne gewonne die hulde, Daz Rother die ſculde An ir ne geime reche, Oder igtes leides ſpreche. Do uielen algeliche Die burgere alſo riche Zo den vozen Lippolde; Sie ſprachen, ſvaz he wolde, Des volgeden ſie uf ſinen troſt; Ir ſorgen waren uile groz. Do ſprach der herre uile got: „Goth helfe uns uzer not! Minis herren truwe is ſo uile, Wir geneſen wol, of iz goth vil.“ Bon deme thage ouer ſieven nagt, Do quam mit grozer heres craft Rother der herce Unde vant leide-mere. Luppolt der getruwe man Der gienc vor den herren alle ſtan Vnde ſprach zo deme koninge herlich: „Ich han mia, herce, wider dich Ouele behalden, Rothere; Din wif iſt wider ouer mere; Daz hauet Conſtantinis man Mir grozen liſten getan; Nu vort ich, herre, dinen zorn Ez ſteit mein broder Erwin, Daz mer der lif ſi uerlorn. He lah durch den willen din Zo Kriechen uil manigen tach, Daz he die ſunne nie geſad Mothe wir ſin geniczen, Daz ir geneſen liezin, Eine uil unſcaldige diet, Die ne hat dir getan nich; Ich nam die burgare Die woldin uzer Bare Alle ire wec ganz Uf minin troſt ſin ſie hie beſtan. Ich bin eine ſcaldic wider dich, Du ſalt richtin ouer mich Waz iſt billic vnde reht, Luz bedorfte ein got fnet

Richetumes mere, Behelde truwe und ere? Nu ich des nine han getan, Nu laz is mir an den lif gan.“ Nu uernemet, wie Rother ſprach, Deme daz herzeleit geſcah Vor den herren allin sammt Nam he Luppolde mit der hant Bude cuſte en vor den munt ſin: Gehaue dim wole, neve min, Varumbe quelis du den lif? Iz leuet ſo manich ſchone wif; Is uns auer ſichein guot, Vor der vrowen groz di not, Daz mah ze iungest wol irgan. Svich dugenhafter man Borchtes du minen zorn, So were din dienest ouele uerlorn Daz du mic die hast getan: Ja lege du, helt loſſam, Zo Criechen driche half iar, Dines lines harte ungeuar, Bunde manich ritar erlich: Gezornit ich immer widir dich, So dadich alſe Judas, Der ſich ſeluin uirlois. Du ſolt den burgeren sagin, Daz ſie ſim alle wol gehauen.“ Dar horde manich got ſnet Rotheres lantreth, Bnud wie ſin zorn was getan. Der herzoge von Meran Gienc gezogneliche Bor den koninc riche Bnude lachede uoz lieue: „Nu lac mid got virdienen, Daz du Luppolde hast getan, An mir armen man, Hude hat din truwe Die aldin zuht genuwet, Der din uatir plegete, Die wile daz he leuete; Bude ware min lif zware, Alſe uor vonfcic iar(e)n, So uerdiendich diſe ere, Unde e dice mere: Na ne mach das leider ni mer ſin. Nu hat der koninc Conſtantin Ehelicheme gemachet end, Dar gedenket, iungelinge, zo,

Die hie intgegenwart ſtan, Daz is des ualandes man Ich genieze: Rother, Wir ſolin mit creften ouer mere: Mir iſt der bart nie ſo gra, Daz ich hie heime beſta." „War ſint nu — ſprac Aſprian — Minis herren Rotheres man, Der hie ſin got gaf Bnude den creftigen ſcaz: Nu bedarf her an der node." Do drungin helede gote Vaſte zo deme ringe Unde herven manich lantreeth, Dar lovete manich got fnet RNothere dem richen Harde urvmeliche, Quemoz ime an die not, Eie rieden mit ime an den dor. Lude rief Widolt „Zie iſt ein herlichez volc; Lant vnde mage Eezzent ſie an die wage Durd dinen willen, Rotherez Wir ſolin dir helpin ouir mere." Sver dir icht dienet, Deme wird wol geloner. Bus hauint Conſtantinis man Ein groz herzeleit getan, Genuzen ſie des, daz were mer zorn, Go hettic od einin michelen louf uverlorin." Do ſprac der helit Wolfrat: „Nu iz Widolt gelouet hat Dez wir deme Foninge Rothere Solin helfen ouer mere, Ich uore vzer mime lande Der turen wigande Eine michele ſcare, Zvelif duſint ritare wolle gare; Luppolde zvaren Wilic ſin here waren; Der herre iſt min konlinc: Iz iſt ein eriſtenlic dinc, Daz beide, brodere unde neven, Bit einander rechte leuin Sver den uront durd ſin eines rat Verlazet, ſo iz ime an die not gat, Geſviche he deme lantman, He hette michel baz getan. Berker der rige

Der rede uromeliche: Do min uatir was uertkriten, He gewan ime ſin lant wider, He erſſuch Eluewine, Einen herzogen uan Rine, Der was ein ureiſcliher man, Her hatte uns michil leith getan: Von den ſculdin ſin, Luppolt, trut neue min, So wil ic imer dir biſtan, Die wile ich daz leuin han," Sus vermaz ſich in deme ringe Der here von Tengelinge. War ſin mine mage vnde man? Wir ſulin ſiczerlice uaren In daz Conſtantinis lant. Sprad Luppolt der helit balt Nu min neue Wolfrat, Als er gelowet hat, Ridet heim ze lände Na der wigande, Eo uor ich helede iunge Zo der ſamenunge Uz der ſtat zo Meylan, Die ic uon Rothere han, Zvencich duſint manne Mit ſnewizen bronien. Des ſi ein tach geſprocin, Van hute ober zvelf wohin, Her zo Bare uf den ſant." Daz geſouete manich wigant Vor Rothere dem richen Harde uromeliche. Do ſprad der herzoge von Meran: „Zvenzihg duſint lufſam Der ſalt du warin, Rothere, Von mir ze uolleiſt ouer merre Ich geloue dir an die truwe min, Widervert mir Conſtantin, Deme wert lichte ein ſuerdis ſlah, Daz he gedenken ime mach, Of ime die rother ie wurde lief; Steruic e dan, des in mach ic dan nicht; Daz in wize mir ne gein man, Wande he hat mir michel leit getan: Mich duinget noch die alde noth, Daz he Luppolide ſo hat gemarterot." Die herren lagen ouer naht Ze Bare in der ſtatz Des morginis rumpten ſi den ſant.

Do ſtrichen uorſten ober lant Luppolt gegen Meylan, Berker zo Meran; Do reit ein helit iunge Gegen Tengenlingen, Daz was der helit Wolfrat, Als uns daz buch gezalt hat: Mit wie getanen eren Eie Rothere deme herrin Gewunnin die uil goten, Pipinchis mvder, Van deme uns Karl ſit bequam Bnude eine-magit loſſam, Die gode Sancta Gerdrut; Dar zo Niuelle hat ſie hus Bnude hilfit den ellenden Gerne vze den ſunden: Von du nis daz liet Bon lugenen gedithet niet. Der zith it nahen beganz Sich uazzede mani man In die grozen hereuart, Die Rother gelouet hat. Do ſtreich ein alder wigant Wol gewazit ouer lant In die ſtat ze Bare Bnde ſagete lieue mere, Daz queme manich hereman He reit ein ros loueſam Bude uorde in deme ſcilde ſin Eine bukelin guldin, Der ſcilt was alſo getan, Daz he alſe ein uur bran Von deme ouerglaſte; He troc eine brunien uaſte, Vf den gurtel ginc ime der bart: Nechein herre ne wart Bi den ziden alſo lofſam, Alſe der herre uan Meran. Rother der riche Eneſinc in uromeliche; Alſe tete Aſprian Bnde Widolt der kone man. He ſprach: „Eia, koninc edele, Nu ne halt dich nicht ouele, Bude gif mir daz bodenbrot: Dir Pomit manich helet got, Nim die burgare Inde reit vz ze Bare Vf den ſant loſſam,"

Du geſiſt edelichen man. E diſe dach ende: Ich bin uore geſendit, Daz ich der, herre, ſal gagin, Bie groze mancraft ſi hauen." Rother vnde Aſprian Bnde Widolt der kone man, Die namen die burgare Unde rieden uz ze Bare Uf einin ſant lofſam Bnude wartin allinthaluin dan Do ſagen ſie under luſten Bolc bit grozer creften Riden wol gewafenot. Dar brachte manigen helet quot Luppolt der getrue man Bude uorde einin herlicen vanen, Aſin der wint hette uerwandelor, So luthe darane daz golt rot, In allin den gebaerin, Als iz himelbliHe werin. Do ſpracin die burgare Bzer der ſtat ze Bare: „Genedenlicher trethin, Wer mad geniz uolc ſin Bi deme uanen wol getan?" Do ſprac der herzoge uon Meran: „Rother, lieuer herre min, Daz ſin die notſtadele din; Jeniz zeichen loſſam Borit Luppolt der getrue man, Der uerdienet hude ſine grafcaft, Daz du ir ime wole gunnen macht, Iz iſt harde we underſniden; Dar rident zvenzih duſint mide, Alſo getane herenian, Daz dar nuvet mach uore beſtan Die uorich unde mine kint Durd dinen willin in den fint." Do luften in ſtrite ouer lant Gmaracten unde iachant, Neven der Luppoldis ſcare, Deme einin uanen ſneuare, Deme nolgedin iungelinge, Die uorde uan Tengenlinge Wolfrat der iunge man; Dar riedent uonzich duſint an Der uzgenomenen diete In allin iren ſtate, Pellin vnde cleine gewire

Die ſconen gezire, Die dar ie dehein man Ze herwerte gewan, Die uortin ſi an den roſſen, Jn pcilinen roſin Quam die Beyeriſche diet; Jz ne beluchte nie chein lith, Alſo manichen helm guth, Mit golde wol gezieret, Dan der helet Wolfrat Sinme neuen hette bracht; Jz ſcienet den Beyeren imer mer an: Da iſt noch manich watziere man. Alſe die helede guote Geherbergoten Uffe den ſant bi dem mere, Do gienc der Foninc Rothere Vnde infienc mit grozen eren Luppolt den herren Vnde Wolfratin Vnde manigen helet guten Die heiz he willekomin ſin, „Owi, Rother, herre min, Sprach der rieſe Aſprian Daz ich nicht ſamenunge ne han Bzer mineme lande, Der tueren wigande! Daz machit daz ſi uereſint; Nu muz ich leider eine ſin.“ „Gvigit, here Aſprianz; Sprach Widolt der cone man Dar zo Conſtantinopole Jn der meren burge Niſt ne geinis ſalis dure, Vnde geſtellit ir micß dauore, Iſt dar den ieman inne Sich heuet ein unminne, Daz man ſie biez Tomenstach Bit necheinen eren uerreden in mach,“ Die heren waren dar ouer nacht, Biz an den anderen tach, Do nam der here uon Meran Luppolden den getruuen man Vnde Wolfraten, Sie giengen uile drate, Die ſuert drug Erwin, Daz gebot ime der uader ſin, Do riedin ſie deme koninge Daz he uzzer der menie Welide drizicg duſint loſſam

Bude lieze die andre ze hus uarin Ind gaf in bit golde, Die daz nemen wolde, Alſe der rat was getan, Do gienc der rieſe Aſprian Bnude nam des koninges golt rot, Als ime Berker gebot, Inde gaf den wiganden; He uromede ſie heun ze lande, Do uorte der koninc Rothere Drizzic duſint ouer mere, Vnde zven und zuenzich kiele Vordin geladen ſcirez Dar uor uil manich man, Des uader nie ze Bare quam. Lude diezzin die ſegele, Die kiele giengen euene, Inde quamen in ſes wochen Ouer mere geulozen Hinnze Conſtantinopole Der uil meren burge. Eine mile niderhalf der ſtat, Dar holz unde geberge lah, Darzugen Rotheres man Buder die boume loſſam Die ros uz den kielen, Daz is in wiſte nieman Ouer al Criehen lant, Vie manich tuere wigant In den walt ſcone Bracte der koninc uon Rome, An den tach die alde zucht Bnude die wereltliche urovcht; Die ſölde ein iegelich man Wider ſinen herren hanz So ne worde die gruntueſte Nuwet der helle geſte. Alſe die helede gute Die ſcif gerumoten, Do zugen die Rotheres man Under die boume loſſam; Do ſprac der koninc riche Harde wiſliche: „Brunt unde man Ich wille uor Conſtantine gan In walleres wiſe Weruen mine ſpiſe Durd numaris willen.“ Do ſprac von Tengelingen Wolfrat der iunge man:

„Du ne ſalt nicht eine dare gan, Berker iſt ein wis man Bnude hat dir manigen rat getan; Wiſlt du, koninc herre, Behalden dir, here, Dar bidde mit dir gan Luppolde den getruuen man. Nu nim daz guode horn min; Daz ſal die bezehenunge ſin: Die Crichen plegenkt ſinne, Bude wirt din ieman innen, Dich uant Conſtantinis man.“ „Jn trowen, ſpracß Aſprian Bernehmen wir din horn, Eo iſt die ueſte uerlorn Die bruc niſt nirgen ſo wit, Eo mir ſele vnde lif, Bor wilicher ſtraze ich beſtan, Unde Widolt der Fone man, Dar wird der engeſte pfad, Den ie chein man geſach.“ Do ſlouffen die helede guote In pilegrimis gewete; Der herzoge uon Meran Bund Luppolt der getruue man, Die uolgitin deme koninge Gande von der menige. Do reit ein recke guote Bor den walt, her ſchowete Rother; der riche Grozt in guthliche Bnude uragete, Waz dar meres ware. „Ich bin ein elender man, Na miner ſpiſe moz ich gan; Nu ſage mir, truth herre min, Ich bin ein arm pilegrim Bnude uare durc die riche Vil gamerliche Go moz der nothafter man Dide zo houe ganz Dar uragit man den wallere Gerne numare: Sagistu mir icht durc goth, Des wirt dir wole gelonoth.“ Do ſprach der helt tuginthaft: „Ich ſage der wunders craft: Hi zo Conſtantinopole Der vil merin burge Was ein recker herre

Bude plach grozer erin: Daz ſchinit mir immer an, Her hat mer michil guot getan Jme waren die vorſten alle holt, Her gaf in daz creftige golt, Daz ie ſich ein man Zo deſir werltde gewan; Ein hof ſtunt offen uromeliche Den armin unde den richen, Die vundin an deme gotin Uatir unde motir; Sin wille was zo gebine, Her ne rohte nicht zo lebine Mit ſicheinis ſcazzis vberſite, Dar hetter urloge mite, Her ſante in nacht vnde tac; Euer in duſint pfunde bate Her gab ſie ime alſo ringe; Alſo zvene penninge. Beide, herre, ich wil dir sagen, Warumbe ich die rede han ichauen,“ Rother der gerne virnam, Waz her ſelve hette getan; Do ſprach der riche mere: „Ich ſage dir von deme herren, Her was othmote Bnde plach der bezzistin gote, Die ie ſich ein man Zo der werlde gewan; Icht ne lever nißein zunge, Die daz geſagen kunde, Waz her tuginde hat began: Her bereit die ellenden man, Arme kint hiez er vazzin vnde baden, Uor ſiz uffe den riſk tragen, Her gab en al, daz her gewan, Her ne rochte, wer iz nam; Her uorte ſulke degine, Daz under deme hymele Hie nichein uirtriven man So groze h-reſchaf gewan, Conſtantine deme rihen Halfer urumeliche Von grozin notin; Her uinc Ymelotin, Der was ein heidin ureiſlich; Deme dientin tagelich Zvene unde ſivenzic koninge Von woſter Babilonie, Do karte unſe gedigene

Vroliche widere; Her sante den wigant Zo botin in daz lant, Daz her den urowen sagete, Waz her geurumit hauete, Hie zu Constantinopole In der merin burge Was daz scone wis, Die ie gewan den lib; Darumbe hetter arbeit Bnde irwarh mit sinir houisheit, Daz die maget lossam Ir uater inran. Her si widerquemin, Do heter sie ime zo lone Bnde vorte westert ouer mere: Daz was der koninc Rothere, Ban Nome ein tugnthafter man, Bnde hat uns al lieb getan, Nu uirnim, guote pilegrim, We ime des gelonit si." Rother wolde dannin gan, Do sprach der helit lossam: "Beite, wallere, Hie sage der starke mere: Also min herre widerquam, Jme inran der heiiniſke man. Do sante der koninc Constantin Botin na der tochter sinz Sie stalin sie deme konine Rothere Bnde vortin sie widir ouer mere. Do reit der koninc Ymelot Bnde vorte manigin helit got Har ze Criechen in daz lant Bnde stifte rouf unde brant Bnde vienc Constantine, Den leiden herren, minin. De loste Constantin sinen lif Bnde gaf daz Rotheres wif Deme vreislichen koninge Ban woster Babilonie; Des sunne sal sie nemin hinaht, Alse du selbe sen macht. Zo Constantinopole in der stat Ein mit grozer herescraft Drizic koninge Ban woster Babilonie. Dar stat Rotheres wif Bnde quelit den erlichin lif; Ban herceleide daz ist,

Nu se der waldiger Crist, Der Asprianen sante, He dise tac wante!" De herren sprachin: "Amen! Dat ste an gotis genadin." Die rede drauite balde Widir zo deme walde Heize weininde; Eine hande wringinde; Do clagite der helit guot Der iuncvrowen not. Rother giene in de statz Berker sinin herren bat Daz her wurbe gewerliche. Constantin der riche Saz mit grozin creftin Zo einir wirtſchefte Vf einim erlichen sal: Dar was michil schal Bor den richen koningin Bon wostin Babilonie. Rother quam mit listin Zo Constantinis tiske; Deme saz bi der siten Ein Koninc, heiz Basilistium, Bnde was Ymelotis sunz Bi deme saz Rotheris wib Vnde qualite ir lib. Do sprach Constantin Nu svic, kost er min; Mir trovmte nahte von der, Des salt u wol gesovbin mir, We ein valke quame Geulfogin von Rome Bnde vorte dig widir ouer mere." Do slovf Rother Under tisf vnde sin man, Daz man ir necheine war ne manz Do horter al, daz Constantia Redite mit den gesten sin. Die heideniſken kuninge Broweten sic der menige Unde sprachin: "Queme Rother, Er wurde irtrekit in deme mere, Odir bosliche uirlorn." Daz ware Widolt zorn. Do sprach die kuningin: "Owi, gesent in unse trechtin Bnder os so ricin, He worde etliģeme,

Daz in svin nachtin Virsmerze nine mochte. Rother saz naher Uffe dem vozschemil Bnde nam ein guldin vingerin Bnde gaf der koningin; Dar stunt geboHstavet ane Des richen ioninges name. Als in die urowe gelas, Daz Rother in deme sale was, Do lachete die gote Bnde saget iz ir motir, Daz in von Bare Der kuninc Fumen ware. Daz lachin Constantin gesa Nu mugik ir horen, wie her sprach: "Wol dich, trut fochter min, Nu urowit si der water din." Do sprach die urowe erlich: "Daz ich ie gezorte widir dich, Daz ruwit mich sere; Ich ne getoz nimmir mere." Do sprach Ymelot: "Browe, ir liegit ane not; Ich wene, uns uwer lachin Herceleit iht mache Bnde wringinde die hend, Swanne iz niinit ende: Wir horin unsich wole, Hie sint in deme sale Der leidin spehere Des kuningis von Bare; Swer mir des nine gelovet, Deme gevich min hovbit." Do sprach Ymelotis svne, Der koninc Balistium: "Ich sach ein guot uingerin, Daz gaf din tochter, Constantin, Der aldin kuningin: Rothere is hie inne, Swie er Bere quem Der koninc von Rome, Des salt u wole gewis sin." Do sprach der koninc Constantin: "Ich hezze zwelf minir man Bor der salis ture stan, Daz sie recte irkinnin, Die wir haven hie inne; Is Rother darunder, Den have wir schire vunden?

Walder aber hereuore gan, Daz were ime ere getan, E wir den koninc richen Soctin lasterliche, Alse einin vlvchtigjen dieb Iz nist ovh sinis rectis nier, Ewa man sin innen werde, Daz her sich icht berge." Rother der riche Beriet sich ermeliche; Do sprach der herzoge von Meran: "Wir sulin hie uore gan, In ere des himiliskin koningis Bnde alles sinis heris, Daz her uns beide behode Durch sin ethmote Bor den heidenin, Die mit sinir creffe Moysen Heiz gan Durd daz rote mere vreissam Mir der Israhelischen diet: Dar ne levet ein barin nie An des meres grunde. Got der hat gebundin Beide, ouil unde guot, Svonnez widir ime dout: Jedoh si wir rehin Widir unştir trethin Beide, lutter und licht, Her in lecit uns under wege nit: In Sante Gilies namen So wil ich endeliche uore gan." Sprach der herzoge von Meran. Do houin sich mit liste Die herren uon me triste; Rothere do uore gienc: "Ich bin sicherliche hir; Mich scowe, wer so wille." Die rechen koninge alle Droweden ime an den lif; Daz galt etlicher sint, Do sprach Ymelotis sune, Der koninc Balistium "Ich wille dich heizen Rother Irtrenken in deme mere: Du uengist den uater min, Daz gat dir an den lif din; Du most verloren werdin, Swie du wilt irsteruen." "In trowen," sprach Constantin —

„He ſal ouele irſteruen ſin.“ Do ſprach der koninc riche Harde wiſchliche: „Wer mir nu der lif, So ne mochte ich doch geneſen niet. Sies du ienez geberge ſtan Vor deme valde loſſam? Dar wil ich hangin; Nu gebuet dinen mannin, Daz ſie der helfen darzo; Du ſalt mer ſelue den doit tom. Iz iſt in mime lande recht, — Sprach Rother der gode knet — Gvowaz einen uorſten geſche, Daz iz der ander aneſe. Hie iſt ein michil minie, Drizzic koninge, Die kumen dir alle Unde hanf mich in deme ſcalle Daz iſt dir ere getan. — Do gienc Ymelotis man — Du haſt dig wal gerochin.“ Daz wart durch liſt geſprochen: Dar he ſich bat han, Dar lah ſin here nain; He zeichenede rechte die ſtat, Dar die rieſe Aſprian lach. Imelot heiz die koninge Bon woſter Babilonie Rothere uan;z He wold in ſelue han. „Introwen, — ſprach Conſtantin — Des willi helfe weſen din, Daz he uns icht inrinnez Jener alde mit deme barde Die mowit die lude harte Mit heruerten ovir lant, Nu ha wir ſie alleſamt. So ne ureiſkin die Romexe Liete nimmir mere, War die fkoninc ſi kumin, Oder wie her ſin ende have genomen.“ Dar na den ſtundin Rothere wart gebundin; Daz daten Ymelotis man, Wie harte truren began Die iunge koninginne Unde uirwandelote die ſinne Von grozir herceleide! Wafin unde weinin

Hoven die urowin Mit uliezenden ovgin; Da dorfte nieman uro gan, Do clagete wif unde man, Alle Rotheres not. Sint half der riche got Arnolde, daz her in benam Deme koninge ureiſſam. Notheris hahin Irſcal ſo witine mare Zo Conſtantinopole Der uil meren burge Den konin wigandin Uz uan manigin landen, Die liefin weinande Eine ſtrazze zo tale. Midil was der ir ſchal; Eie ſprachin: „Waldindiger got, Warumbe haſ du des uirhengot, Daz her hie gebunden ſtat, Der unſjich al generet hat?“ Do hette gebunvit harte Mit duſint marken, Die ime Rothere gaf, Ime dieneten in der ſtat Siuin hundrit loſſam, Die warin mik handin ſine man, — Der heiz graue Arnolt; Her hette ſilver unde golt, Des was der helit milde. Zvelf hunderit ſchilde Brachter zo deme ſchalle Bude bat die herren halle, Daz ſie loſten mit iren handen. Rotheren uzen bandin „Nu ſtat her gewangin; Bnude wirt her hude gehangin, So ne uirwinde wir in nietz In ne mach ovch die Romiſke diet Nimmir uirclagin. Ir ne horit nimmir mer geſagen, Bon ſinen genoze in ſelden Wir ſulin ime hude geldin, Daz der tugenhafter man Van deme armote unſich nam, Nu nar, guten knechte, Lazzit it an minen krechtin, Bnde haelfet ime uromicliche; Ir uirdinet daz himilriche; Sprad) Arnalt ein got knecht —

Ja wore wir godis recht, — Swer hie hute wirt irſclagin, Des ſele ſal genade hauen: Die heiden ſul wir ſlan Dar deme Eancte Gylien an, Unde Sanctus Johannes der tovfere, Daz Rothere were Der allerturiſte man, Der ie koninriche gewan.“ Do kluffin die recken In ſtaline rohe; Sie wunnin eine herliche ſchare, Vunf duſint wole gare, Die woldin alle den lib geven, Se ne loſten Rothere daz leven. Sic huoven mit grozer menige Drizic koninge Von waſter Babilonie Bzer Conſtantinopale; Do uorte der Ymelotis ſune, Der koninc Baſiliſtium, Rothere gewangin Bnude wold en hauen irhangin,. Midhil was der ir baracht; Sie wordin in vz der ſtat, Wal zezic duſint Ualewin Mit in zo deme galgin, Bnude alſo manigin heidin. Do was deme reden leide; Arnolt der wigant, Eine kefſin her an daz ſper bant, Die her in deme tome nam;z Sie riefin unſin trechtin an Bnude dravetin in vz der ſtat na, In was uſfe daz velt ga, Mit vunf duſint mannin In ſnewizzen brunien. Alſe Ymelot daz geſag, Nu mudir horen, wie her ſprach „Wach geniz ſint die reden, Die woldin uns irſcreckin An den gerechi minin zorn, Sie havent ovch den lib uirlorn.“ Die heiden begunden nahen, Dar man Rothere ſolde hahen Do riefin ſie allenthalven: „Nu rich dic uf den galgin!“ Daz irbarmote die recken ſeve, Ir weinte mihil mere, Dan her e tate;

Do was er in ſtarker note. Arnolt der kone man Rief die ellenden an: „Nu horet, gote knechte, Warumbe wir hute uechtin Bnus ſint gebotin zvei lon, Wi mugin iz beſte gerner ton; Daz iſt ſichirlicge Daz ſchone himelriche; Gwe hie ligit tot, Des ſele wirt geledigot In daz wunnichliche leven Waz mochte daz bezzeris ſin gegeuin? Der ander iſt alſo getan Generder den getruwin man, — Er vorit vch in ſin lank Bnde behalt unſich alleſamt.“ Do troveten ime die ovgin; Mit rechtime gelovven Beſtundin ſie die heidinſchaft Bude ſclagin ir eine michele craft. Daz heidine wicgerovſte Daz was uile uaſte; Sie trougin hornin gewant. Die kefſin man ouerbant, Bor den konin rein; Sie houin ſich gegen der diEe. Daz heiligdum uor ze uorderoſt; Sie wuftin vf den godis troſt Mit ſo getaneme harme, Daz in uor deme arme Nicht in mochte beſtan, „Iz ne moſte alliz undergan. Die heidenen und die Ualewen Wichin uon deme galgin, Dur die mihelen not, Dar laH mani helet dot, Arnolt der wigant Gaf daz zeichen uzer hant Bnde zvoch ein ſuert, daz hiez Mal; Jz in was negein ſtal So hart noh ſo uaſt, Iz ne moſte breſten; Des namen uon ſinen henden Der koninge ſeſſe ir ende. Svaz he der andren anequam; Den tede he ſicherliche ſam, Biz he in den herren benam Bnde Berkeren uon Meran Bnde Luppoldin,

Den ſie dar han woldin: Die boch ne wille uns miſſeſagen, In ne mochte ire nieman acthe hauin, Die dar waren ſchadehaft, Sie iahen, iz dade die godes craft. Alſe Rother geſach, Dac Arnalt bi ime was, Do ſprach die koninc riche Harde uromeliche: „Gnita, cone wigant, Mi die bande uon der hant; Vnude geblas ic min horin, Ir wirt michil me uerlorn, Dan ir noch ſi getan: Vnus kumit der helet Aſprian.“ Do die reden daz uernamen, Wie uro ſie alle waren! In was zo deme ſtorme uile lief, Si ne dachten an die ulugit nit. Die konin wigande Die ſtundin in deme ſande, Dannod ſiuen Foninge Mit aczih duſint menie: Lude do ein horn ſcal Ouer beri) vnd dal, Daz bles Rotheres man, Luppolt uon Meylan. Lute rief Aſprian Min here iſt, weiz got, beſtan; Wol uf, helet Wolfrat, Ich wene, dinen neuen not beſtat; Nu willich Rotheris gedagin, Inde wirt Luppalt irſlagin, He mochte uns imer rowin, He iſt gruntueſte allir trowe. Widolt gagethe balde Uz deme walde; Wie die halsberch clanc, Dar he ouer die ſtruke ſpranc! Bude der helet Aſprian Die zvelef rieſen ureiſam Liefen zv inde ſlechz; Dar uolgete manich got knet Deme Tengelere, He brachte ein here mere Uz deme walde loſſam, Daz waren Rotheres man; Dar gachete manich wigant Wal gewaphenet ouer lantz Der lueden wart allinthaluen:

Sie loſten in uon deme galgin. Bnde horten die herden biuen, Dar liefen do mit nide Zuene rieſen ureiſam, Der eine uas Aſprian. Der ander was Widolt; Bere luchte ime daz golt Von des ſcildis rande, Imelot irkande Rotheres ſinne; He wolde gerne intkrinnen Dar wart die ulucht uile groz, Der wint von Aſpriane dozz Rother gienc ingegin inz He ſprach: „Kone helt, uirnim, Die dort uor Luppulde hauin, Den ne ſolin die rieſen niwet ſcaden Mir hauen die ſelve hecren Gehalfin grozer erin; Ihn krowin, ic was gewangin, Mid wolden han irhangin Die ureiſliche coninge Von waſter Babilonie: Wire dar icht widir getan, Daz laz ich alſo beſtan. Lude rief do Grimme: „Sie ne Foment niemer hinne.“ Die rieſen liefen alle in daz wal; Dar wart des heres michel ſcal, Dar ſcluch der helet Aſprian Alliz, daz he anequam, Witolt nicht in ſprach, Biz ime die ſtange zebrach; Do zovch der grimmige man Ein wafen, dat was ureiſan, Dv bagen uf den doden Die ture mar uerſcroden Von den wundin uloz daz blut, Da Wolfrat der helet got Zo deme uolquige quam, Bude andere Rotheres man, Die konin wigande Die uromeden mit iren handen, Daz man imer moz ſagen, Bande wir daz orfunde hauen, Von den alden herren, Die nach uertrieuen waren. Sich hetten die ſiuen koninge Beſundret uon der menie Bnde uluwen uröeiſſihe dannen;

Erwin rande ir einen an Unde ſclocht den ſeluen walant Dur ſin hornin gewant Von der aſlin biz an den ſadel; Da rach der helet ſinen uader: Ir wurdin uunve irhangen: Iz was in ouele irgangin. Sich hof der uncriſtine walz Die ſiehßen lagen in den wal: Sva ſiq ein: „We!“ rief, Widolt in anelief Vnude trat eme in den munt, Der ne wart nimer geſunt: Sie moſtin durc not dagen, Unde beiden Dumenſtagis. Da dar nieman genas, Imelot, des die reiſe was, Den hiez man hine lazen Varen ſine ſtraze, Daz he darheime mot ſagen, Wer ime daz uolc hette irſclagin. Do warein der ſpilemanne Wal hundert mit in gegangen, Die heiz der helet Grimme Durd Jmelotis willen Bit den zugeweichen ſtauen, Baſte recken und ſlan; Do ulo ein ſpileman, Die Widolden ou hieuore infran, Vor Conſtantinen den richen Harde haſticliche Do uragen die uroſten alle Bon deme grozen ſcalle, Der da ze uelde were. „Ich ſage u ſtarke mere Sich hat irlegit der hafte; Ei ridene here mit heris crafte: Swer ungerne hange, Der ne ſizze nith zo lange; Dar geuet der helet Widolt Beide, ſpiſe unde ſolt, Den heideniſchen redin. Ich wart darnider geſtrecket Ich wart beuilt unde beſcoren, Ich hette nach den lif uerlorn; Ich wil iz u warliche ſagen: Die turlichen bulſlage Gaf Widolt mit der ſtangin: Baſiliſtium iſt irhangin Iz ne gat dar niemanne an den voz,

Man dut ime gare des liues boz. Der tueuel nime och mir den ſin, Daz ich ſo houebare bin Bnde och ſo lange hie ſtan; Nu uraget ouch einen andren man: Swer hude wirt begrifen, Der iſt nimmir beſwichin. Sie hueuen ſich ze uluchtin Do ſaz in leyden trechtin Conſtantin der riche Imre harde laſterliche. Do die wigände Von Romiſchen lande Bvz deme ſturme giengin Bnde die ros geueingen, Do hette Wolfratis zorn Gemadit blutige ſporn Diſe gewunnin Manigen ungeſundin Durc den helm uerſcroten; Minigen helt gotin Bromete der wigant Mit ſiner ellenthaften hant Ze leiden tagedingen. Er was von Tengelingen, Der dureſten diete, Riche an ouermude, Mit wisdumis ſinez, Der liz ouch ſime kunne, Daz to imer uorſten namen hat, Die wile daz diſe werelt ſtat. Do ginc der herzoge von Meran Vor den grauen Arnolde ſtan, Bnde, mit ime Wolfrar, Der alliz guot uerdiener hat, Bnude Erwin, der ſich ie uorenam Sva man uromideide began, Uro unde ſpade; He konde wol geraden Eime gotin Fnehte, Daz ime ſin dine recte Beleif miz an ſin alder; Den modte man wole behalden, Nac den ginc ein wis man, Luſ wolt von Meylan, Der hatte in ſime lande Gewonit ane ſcande Bnde was durcnechte Bit zucßten an ouerbredte He iwiſte wal ze rechte,

En hetten gode knechte Geuort biz he ſuert naîn, Rother und ſine man Badin Arnolde, Of he iz nemen wolde, Sie werin ime ungeſuichen, Zo allen ſinen ſahen. Do leueter ane ſorgez Daz hetter irworuen In deme wolcquige Mit ſinen konin live: Von du wirt iz ime lichte goth, Swer ſo icht uromelichis getot. Sich beriet der helet Aſprian, Wie iz Conſtantine mochte irgan. „Dar moz he — ſprach Grimme — In der burich brinnen; Nu neme wir die thocter ſin, Na der wir geuaren ſin, Vnd tragen daz vur an; Widolt ſol uor die ture ſtan, Swer dan daruz gat, Wie wol vns de gerichit dat! Vermiſſit ſin der helet got, Wir lazen immir ane not.“ „Entrowin, — ſprach Aſprian — Ir lazit die burc ſtan; Sich hauent dar gelazin nidere Der zuelf boden ſiuene Unde die uile gvde, Conſtantinis moder, Helena, die daz cruce uant, Dar got die werlt ane intbank, Nah der ufferſtande Loſte mit ſiner hande, Der Adamen ualte: Er nicht uermeidins wolde, Daz ime der alde got uerbot, Die unſich hat gebiledot. Her hettis allis gewalt; Beide berc unde walt, Scuf her unde die lufte Mit ſinir mancrefte: Swer deme icht gedienit, Deme wirt wal gelonit, Daz ime ſine dinc wole ſtent Vnde ime immir me zegent Bon ewin wan zen ewin. Nu ſconit des aldin herren, Spra der rieſe Aſprian

Daz dunkit mich got getan.“ Witolt uorcht den heilantz Des wart he ouer alle die lant Gemeine ſit den reden; He ſprach: „Heiliger trechtin, Waz woldis du minis armen mar, Nu ich die wize nine han? So der lif erſteruit, Waz ſal der ſelen werden? Owi, daz ich ie geborin wart! Mir riet der tuuel ſine uart, Daz ich arme tore Die burc wolde zeſtoren. Groz ſint mine ſculdez Ich hette dine hulde Gerne, trechtin here, Bude uorchte uil ſere, So du mich lieze gewerden, Du lazes mid irſteruin Alſo in minin ſundin: Nu iſt daz afgrunde Geſezzit den unrechten Wie harde ich uorchte Sanctum Mäidaelen! Er iſt troſt allir ſelen, Vor deme der tuuel gelac; Her kede ime einen michelen ſlach: In vure unde in gſude Von ſime ouermode Js he uerſtozen Von allin ſinen genozin. Die rieſen allerſament Worfin die ſtangin uz der hant; Durc den ewigen got, Der in ze leuene gebot, Liezen ſie Conſtantinople ſtan: Iz ne ware anders nicht getan, Rother heiz uor ſic gan Luppoldin den getruwen man Bnde Berkeren den richen; Der riet ime wiſlike He ſprac: „Nu ſcone, koninc herre, Godis unde diner ſele, Des haſtu groze ere, Unde heiz die burc lazin ſtan Wirt Couſtantino icht getan, So ſi wir ſeuldich irkorn Bnde ſin ewelihe uerlotenz Conſtantinum den richen Vorch ich vreiliche;

Nu ſal he des geniezen. Der uns gewerden hieze, Got, der gildit harde uil; Gſwenne ſich der menſche ouir wil So tut he unrechte: Ja ſprichit unſe trechkin, Ewer in bit truwen meine, Der ſi in ewin reine, Nu ſende trut herre min, Na deme wiue din.“ Do ſprach der koninc riche Harde wiſeliche: „Sint mir der uater ſtarf Vnd ich der beuolen wart, So wereſt du minir eren Willich immer mere; Du trudis mich nacht vnd tac, Daz mir ze leide nicht geſcach, Vnde du zugis mich, alſe din kint, Daz waren criſtenliche dinc, Vnde lerdis mich gode knechte Hauen nach iren rechte: Nu laze dich got der guode Dur ſin otmode Geniezen aller truwin; Du ſal mich immer rowin, Iz, daz ich dich ouerleue: Se ne mochte mir nimir leyder weſin.“ Des koningis gekoſe Was ane ualſloſe. Sie hoten ſich der ſunde; Do ne dorſten ſe uor den ſcanden Gereden, nehein helet goter, Wan des ime was ze mode, Wider iegelichen man; Do waren die uorſten loueſam Vnde bueten in me riche Mit trowin ſtadicliche. Conſtantin der riche Der uorchte ime vreisliche He ſprac zo der koningin: „Owi, trut vrouwe min, Daz ich ie den lif min gewan! Mich ſlant Rotheres man. Wie grozer kintheit ich gewelt; Daz ich ime ſin wif nam! Dar geſcach mir ouele an, Iz was ouch alliz ane notz He hette mir wol gedienot: Des woldich dem richen

Hude boſliche Lonin mit deme galgin. Iz begegenit allinthaluin Die den man,“ Swaz he dan hat getan: Die groue hefich gegrauin, Ich moz dar ſelue in uarin, So iz aller wedichet iſt, Nich in nere der waldige Criſt Unde die gude koningin. Nu nim die ſcone thoter min Vnde uore ſie deme helede Uz der burc intgegene Vnde bide in durch got den godin Gedenkin miner node, Daz he mich laze genefen Ich wil immer me weſen Zo Conſtantinopole wervhaft, Daz man ſit biz an den Tomistach, Daz he zo Conſtantinopole hat getan, Do in Rother nine liz irhan. Do ſprac die koningin: Wes uorchtis du Conſtantin? Der helfent die koninc Von weſter Babilonie, Daz du Rothere hais: Waz of du noch wais Dines ouertruwen ſcandæn? Ich ne mocht is dir ze nie geſagin, Du uerſmades harde got, Der uns ze leuene gebot, Unde uolgodis deme uertriuenin, Die legeden dich darnidere, Unde dieſin wer iz bezzir, Gener leget diz in daz wazzir, Dar du ind dine gadin Ne mugin geſuimmin noch gewadin; Von du ma du wol uerſtan, Daz nedhein dinc dem man Grozeren ſcaden dut, Dan der leide ouermut; Daruon der tueuel gewan, Daz ime nimer zeran Ochdis! noch achis! Nod allis ungemachis; Des hat he immer genuch: Und giner is och dir, of du na ime dust.“ Conſtaytin ſaz in trehtin, Wie he geneſen mochte Von Rotheres geſtin;

Do dachte he des beſtin: Eine thoter heiz he uore gan In ire gewande loſſam; Do zierede man megede unde wif Mit ulize den iren lif; Sie trogin kurzebolde Geliſtet mit deme golde Und mit edelen geſteine Gewiret uile cleine. Vor Conſtantinin den richin Giengen gezogenlichen Achzig ſcone urowin Mit goldinen cronen. Do quamen die zeldere inde die ros Uffe den poderamus hof; Do clapperde daz geſteine Mit den ir perlin cleine An den uorebouginz Mit ſamitte grunin Waren die ſadele bezogin: Ja in hauen die buche gelogin. Dar ſaz in Conſtantinis kine Uf ein ſidin gewin. Der koninc reit ane ſine man Under den urowin loſſam; Bi deme reit die koningin Unde die lieue tother ſin. Dar luͤchte ein carbunkil, Dar ne war ic nimmer dunkir, Quene uz der cronin. Achzig vrowen ſcone Borde der koninc Conſtantin Mit der lieuin tochter ſin Nothere deme helede Bz der burc intgegene. Wie deme — — — — — — — — — Die zoume clungin, Do die urowin drungin Uz der burc in widerſtrit, Dar luchte daz Rotheres wif Vor andven wiuen ouer lant, Als ein bernender iochant. Daz irſac der graue Erwin, He ſpracß zo deme herren ſin: „Dar fomit dein lende ſuagir, Du ſalt in wol intfahen; Gedenke der aldin zuchte und erin, Wie hiebeuoren die herren Ir leit liezin durc got:

Nu ne mache der werlde necheinin ſpot An deme godin Fnecte; Daz komit dir rechte, Nu der koninc Conſtantin Ridit uz intgegin dir, Daz du ime lazis den lif: He bringit dir daz ſconiſte wif. “ — „Iz were uil wol, — ſprac Aſprian — Vorde ime ein bolſlach geſlan. “ Do ſprach gezogenliche Berker der riche: „Neina, herre Aſprian, Hie ſal die zucͤt uore gan, Nu he under den urowin iſt komin; Vnude hette he benumin Allin minin kindin den lif, Wir ſulin erin diſe wif An deme richen koninge, Iz queme uns anders ouele: Alſe der man genadhin gert, Iz iſt recͤt, der in gewerit. “ Rother der riche Gprad guodiͤhe; „Nu nar, wigande Uon Romiſchen lande, Inkfat Conſtantinin Durch den willin minin. “ Do ginc der herzoge uon Meran Intgigin der urowen loſſam; Luppolt und Erwin Intfiengen die koningin, Rother cuſte ſin wif, Sie was ime, alſe der lif; He cuſte ouch die aldin koningin Und heiz ſie willecome ſin. Wolfrat der wigant Nam Conſtantine bi der hant. Do in Widolt geſach, Ouillicße he ſprach He lach inde beiz in die ſtangin, Daz die ubris flamme Daruz uoren dide; Die ureiſlihen blide Sach man an deme konin man; Dar ne mochte neman zo gegan, Si ne rededen ime uile euene mide; He hof die meiſten unſide, Des he imir began, Ze wilißen hantwerke he quam. Wie rechte die koningin geſach,

Daz Widolt unſitig was, Zo Conſtantino dem richen Sprach ſi gezogenliche: „Du ſolt uor Rothere ſtan; Dort ſteit Aſprianis man, Sin gemote iſt herte; Waz of dich dinis geuertis No hude ſelue iruilt? Nu warde, wie iener knet ſpilit, Daz ime die uirflammin Scriit uz der ſtangin! Wene durcͤ des koningis ere, Du ne beſcowedis nimmer mere Weder lude noch lant, Daz ſloge der ſelue ualant, Irbreche her uon der lannin, Din leuent were irgangin. “ Die koningin ir tochter nam, Eine urowe loſſam: „Rother, herre min, Diz iſt die eͤgone din, Die nim in dine gewalt, Swie du gebudiſt, helet balt; Got lone dir maniger eren Unde allin diſin heren, Die ſi zu mir hant getan: Berker uon Meran Du biſt ein uzirwelet helt, Zo allin trowin irwelt Bude irkennis och unſin trechtin Din moder muze ſalich ſin, Daz ſi dich ie getruͤg; Du biſt biderue und got: Din zucht is hute wole ſcin, Sit der koninc Conſtantin Mit deme liue intgat, So uile he dir leydes getan hat. Si ſpracß deme gotin knechte al mit grozeme rechte; Im was ie ailͤr haz leit: Des beherdint die buch die warheit, Do ſprach der koninc Conſtantin; „Rother, liue herre min, Heiz Arnolde hereuore gan, Ich wil deme tugenthaften man Durch ſine dugint geuin, Daz he immir ſumfte mag leuin,– Der dich nerin wolde. Do cronete man in mit golde Und leh ime ein lant dar;

Do wart he koninc in Grecia; Die uonf duſint herren, Die mit ime geriden waren Bz der burich loſſam, Die wurden bit handen ſine man; Do reit he uroliche In daz ſin riche, Inde leuete mit grozin eren, Die hetter immir mere Bize an ſinin kot: Sus wart ime gelonot. Gedachte des noch etlich iune man, Iz in ſtunde ime nicht ouele an, Bnude dienete ulizliche Im lonete ecliche. Die herren rump­tenz dar; Arnalt uor in Grecia. Die koningin ginc umbe Bnude cuſte beſunder Alle Rotheres man: Sie heiz ſi gode beuolin varin. Wolfrat der wigant Nam achzich duſint bi der hant Bude brachte ſi uile ſcire Zo eime ſconin kiele; Die uorde der koninc Rothere Mit ſineme wife ouer mere, Do heiz der rieſe Aſprian Die lude in den kiel gan. Die heren uoren alleſamt Wider hein in ir lant, Do reit der here Conſtantin Bnud die riche Foningin Zo Conſtantinopole Der maren burge; In ne rou ſine tohter nicht, Rotheres ere was ime lief. Die fiele begundin euene gan, Rothere und ſine man Boren uroliche Ingegen Romeſche riche, Herwider ze Bare uf den ſant, Dar uromete man ros und gewant Bn alleiz, dac in deme kiele was, Die urowe Pipinis genas An deme ſeluen tage, Do ſi quamen zo deme ſtade. Luppolt der getruwe man Geinc uor Rotheren ſtan, He ſpracͤ: „Uro uveſet, herre,

Der lieuen nimere, Die ich iu wil in sagen: Ju wif hat einen sun gedragen, Der koninc vor lieue upspranc: „Sere got, nu haue danc, Waz du genaden hast getan Zu mir vil sundigin man. Ich sie wol, de bit di bestat, Dar ime nimmer zegat Des ewigen richis, Du hilfis ime stadencliche.“ Hie lieuen capellane Do sie de rede vernamen, Unde touften daz kindelin, Daz wart geheizen Pippin, Do quam vil manich amme In die burc gegangin, Unde zugen daz kint bit vorten, Cint beslif ic Berten, Eine vrouven uile gut, Die sit Karlen getruch Von du ne sulit ir dic'lit Den andren gelichin nit; Wand ich so manich recht hat, Danne imme die warheit instat, Rother in deme houe saz; Wie michil dat gedranc was Vor deme koninge lossam, Do hugede iegclich man Wider heun in sin lant, Vande si in der heruerde Manige zit harde Hetten gewunnin Beide, alden ande iungin, Badin in geuin urlof, Si woldin rumen den hof. Der koninc sich in zo uozin bot Unde bat si durch got: „Neinna, mage und man, Ir sult mit mir bestan, Nu vart durc got scone Biz ich ui gelone; Iz ware die meiste scande, Die in sicheine lande Je nich man gesach. Manich gut knec do sprach: „Nein ir, herre, wez gat, Ir hauet uns wol gelonet.“ Do sprac der riese Asprian: „Wir salin hie bestan,

Ich ne kome nimmir hine Ane des koningis minne,“ Rother der riche Lonede uromicliche: Den guden knec̄ten allentsamint Leh he die rihen Scottelant, Vnde deme helede Grimme, Der buete darinne Bit michelen eren; Aspriane gaf he Remis Vnd led ime die marke; Der hette gedienet starke: Den zen riesen allentsamint Leh he die rien Scoklant. Dorringen und Brabant, Briesen und Hollank Gaf he vier hecen, Die mit ime waren Bz ir lande gevarin, Die hetten herzogin namen; He mert en allin ir qut, Eie hetten ime wol gedienot, Rother saz bit voller hant Vnde dete widene die lant, He richede manigen: Erwine gaf he Ispanienz Sazzen und Turinge, Plisum un Suuruen Baz he zen grauen, Die mit Luppalde waren Ouer mere geuaren. Her nam ir allir gudi ware; Die ime icht lieues hetten getan, Die ne uerluren da nit an, Da ne was nehein scaz metliet, Er ne bot och die rosse nit, Mit der breidin erdin Must en gelonet werden. — Hie saget uns der tichtere Von deme leiden mere, Dat is den uromin allen lif, Die bosev die ne gelouent is nie, Si ne hant der uromecede nicht getan Vnud in getruweder gemen man. — Rother saz in trechten Bude gaf alliz, daz he mochte; Do heiz he ime gewinnin Den herren von Tengelingin Bnude gaf ime Osterriche, He gaf ime uuarliche

Behein und Polan, Daz he sich deste baz mochte began. Do ne gewas bi dem mer Weder sit noch er Ne hen so stadehafter man; Iz was ime allez underdan; Her hette des godes michele macht Bnd was der rechten vorsten slah, Die alle so irsturbin, Dat sie nie beciginne wordin Valsces widir niheinin man; Ir ende was got unde louesam. Rother wol gedachte, Wer ime wole gedienit hate; Luppoldin den getruwin man Her heiz vor sich gan Bnd machete den helt iungin Koninc zo Karlungin Bnude gaf ime Berkeris gewalt, Pulge unde Cecilien lant; Bon du wart ime sin len breit, Daz Berker mit sime scilde bereit; Manigin winter kaldin Vil die deme alden Sin bart rinne began: Er was ein vnbedrozin man. Die herren gertin allesammt Geleidis uffe daz lant; Do sprach Asprian: „Wan ritin ir daran, Swen dar ieman bestat, Wie gewis er den minin schilt hat!“ Des antwerde do Widolt: „Ich bin in allin holt, Die Rother sin underdan, Der ne laziH nimmir neheinin man, Swa ich von ime hore sagen, Dar mich die uoze mogen getragen.“ Do sprachan Asprianis man, Sie ne woldin darheime nicht bestan, Bedorst er immir mere Rother der herre „Swer ime iht wulde don, Wir zerbrachin in, alse ein hon.“ Do gezeme bide, nit und spat, Virbutit der waldindiger got, Als iz was witin Bi Rotheres gecitin; Do ne plac sin nieman Iz ne moste ime an den lif gan;

Bon du wistin sie wole, Beide, heune unde zo hofe, Swer deme andris icht geheiz, Datz her dat war liet, Iz ne beneme ime der tot Oder ehaft not. Rother do kuste, Wie wol in des geluste, Manigin warhaftin man. Die ros man satilin began; Widir heim in ir lant. Do reit uffe blankin marhe In lechtime geferwe Bon Rothere deme richen Ein herre werliche, Der uorte an den beinin Mit edilime gesteine Z3 hosin wal gecierot, Mit golde gewirot; Er worte an sime scilde Ein tier, samt iz spilde Bz deme golde erlich, Eime cupelune gelich, Darumme lagin steine Groz vnde cleirie, Die daz leicht barin, Als iz sterren waren; Ime stunt vmme des schildis rant Manich got iahant; In deme satilbogin sin Stundin swanin guldin Uffe deme helme lac ein stein, Der vmme mitte nacht schein, In allen den gebaren, Als ez liecht tac ware: Den brachte Alexander Von vremedime lande, Dar nie nichein Cristin man Weder e noch sint ne quam. Der stein hiez claugestian; Den worte ein aldgrisir man, Deme was die bart harte breit: Ay, wie vermezeliche her reit! Ime ginc daz mark in sprungen, Baz dan eime iungin. Vrlof her zo deme koninge nam; Iz was der herzoge von Meran, Nach deme darheime Sin wif die weinite:

Der riche got von himele' Sant in ir sit widere. Do der herzage von Meran Zo deme koninge vrluf genam, Do rietin sie alle dannen; Die herren do sungin, Die mark begundin springin; Dar wart uon den urowin Midil schowin. Rother wranc die hande: „Nu bin ich ellende; Noch sal die welt gewis sin, Moz ich haven den lif min, Daz ich gerne min quot, Game der edele arn tot, Wil teilin gelige Armin vnd richen, Swer iz an mich sochit Vnude is mit eren gerohit, Die wile ich ein brot han.“ Widolt und Asprian Bude andere Rotheres man Worin in ere rige Bnde begingin sich uromeliche „Mit grozin erin, daz is war, Zuei unde zvencik iar. Bnder des gewvchs Pippin, Daz her koninc mochte sinz Rother der riche Half ime uromichliche, Alse noh manih man Sime sone grozir erin gegan. Rothere saz darheime, Goth irliet in aller leide, Bnud zoch Pippinin, Den lieven sone sinin, Mit grozin erin, daz is war, Vier und zvehcic iar, Bit der turlicher degen Gerne swert wolde nemen. Do wart ein lanksprage Gebodin hin zo Ache, Dar vil manih urvme man Mit sime hergesellen quam Gevazzit uromicliche; Wietin uz deme riche Uffe den hof quamin Rotheres man, Dar Pippin dat suvert nam. Dar quam die riese Asprian Und Widolt der kone man

Und der helt Grimme; Der riesin ingesinde Der was gruieliche getan; Do brachte der riese Asprian Siuin hundrit manne Mit yserinen stangen. Do reit durch Frenkise lant Wolfrat der wigant Mit sconeme ingesinde, Der herre von Tengelingen, Der worte wundirinkone man, Drizzic dusint lossam, Vffe den hof zo Ache Zo der lantsprage. Von Yspania Erwin Bnd Luppolt der meister sin, Die waren beide riche Bnude worin gezogenliche Durch Pippingis willin Brachte von Kerlingen Luppolt der getruge man Secsic dusint lossam. Hei, wie lieve Rothere was! Wande her sie alle gerne gesach. Dar zo Ache waren sie over naht Bnz an den andrin tach. Als iz des morgenis tagete, Vffe deme rosse hauete Pippin der helt got Mit golde wole gecirot; Die mar begundin springin Vnuder den jungelinge, Do burderete manih man, Dar Pippin suert nam. Widolt vnde Grimme Liefin in deme ringe; Die riesin do tumiden, „Daz die erde bibite. Zo Ache was die herschaft Dre tage vnde dri naht; Do hubin geliche Arme unde riche, Die bestunden allesamt Von Rotheres sone daz lant, Alse sin vatir sturue, Daz Pippin Keisir wurde. Die swertleite was getan, Do zoch iegelich man Hin zo sime lande; Dar leueten sie ane schande.

Rother der riche Der leuete uromicliche. Do der koninc Pippin Vor Rothere deme vater sin Daz suert umbegebant, Do riet her mit manigeme uffe daz lant Bnde richte nach rechte Herrin vnd knechten. Do scheit sich zo Ache Die groze lantsprache; Do quam gestrichin ouer lant Ein snewizer wigant Daz hette dat alder getan Ime volgeten sin hereman, Zvei dusint, daz ist war, Ime was daz edile har Bi den orin auageschorin; Er was von grunde vf geboren Zo deme allertruvistin man, Den ie schein kuninc gewan. Er reit durch numare, Was der zo Ache ware; Sin ros was zouimstrenge. Iz ne stunt borlange, Bnz in Rother gesach; Nu mugikt ir horin, wie er sprach: „Wol mich, daz ich min lif han! Dort kumit der helt von Meran: Nu insat in alle, die hie sin.“ — „Daz don hic.“ Gprad die Fkoningin, Die frouwe lossam Kuste den helt von Meran. Wie skume Rothere irbeite, Bit Berthere vf den of reit! Selue intfiac he sin rosvertz Des was der helt wole wert. GSwaz mit Berkere quam, die guten knechte Datin al rechte; Wan diz hette der helt got itil wole uirdienot, Do sine tage dochtin Bnde sihe ritin mochte. Do Berker virnam, Waz Pippin hette getan, Rothere deme richen Reit her wisliche: „Nu volge mer, koninc gote, Des mer is zo mote, Bnud helf der armin sele; Daz ist tugint aller erin,

Du grawist, herre min, Daz dinc ne mac immir niht sinz Iz stan den gotin knechtin In ir aldere rete, Daz sie mit gote uirdieneten, So sie von diser werlde endin. Din dinch stunt groze; Der minir genoze Quamen sechscene Bf ir alemene Bnud clagetin, trut herre min, Deme liebin vater din, Der lac in sinin ende Bnd beualch diz mir bi der hende; Sit han ich dir bigestan Daz dir nicht ein man Argis nicht ne bot, Her hette uns beide gedrot: Nu ne mach ich, trut herre min, Der nedßein urome sin, Du ne volgis mineme rade; So bistu aller node Irlazin immir mere, Bnde helfist och der sele.“ Rother svigeto do; Berker spradh ime aber zo: „Daz ist war, koninc edele, Ich ne rade dir nicht ouele; Nu coufe dir selve got wat; Ja his der schaz Alse ein hor leider unreine, Wir ne vinden sin nicht leider darheime; Swe vil der man gewinnit, Wie schire ime zerinnit: Daz ist us alle tage schin. Nu volge deme rade min, Bnud helf der armen sele; Die levet immer mere. Nu ne laz dich nicht betragin; Swer der gotis genadin Rechte wirdir innin, Der moz sie immir minnin, Du were ie riche, Din dinch stunt grozliche: Waz helfit nu daz? Getot ein ander baz, Er wil din ouergenoz sin, Nu volge mir, trut herre min, Bnde zewir hin zo walde; Swer genesin wolde,

Der mochte dar gerne broder ſin: Wir munichin uns, trut herre min, Wir ſulin der armen ſele wegen: Diz iſt ein unſtade leuen.“ Do ſprach der konin gote, Daz her dat gerne date. Rother bi der hant nam Die urowen alſo loſſam

Bnde ſagete ir ſin gemochte; Do ſprach die urowe gote: „Jz iſt der beſte rat, Den Berker getan hat, Nu uolge ims, koninc edele, Jz ne kumit uns nicht ubele “ Do ſprach der — — — . . . . .