Nibelungenlied

1 Uns ist in alten mæren wonders vil geseit von heleden lobebæren, von grôzer arebeit, von frônden, hôchgezîten, von weinen und von klagen, von küener recken striten muget îr nu wonder hœren sagen. 2 Ez wuohs in Búrgônden ein vil édel magedin, daz in allen landen niht schœners mohte sîn, Kriemhilt geheizen: siu wart ein scœne wip. dar umbe muosen degene vil verliesén den lip.

3 Der minneclîchen meide triuten wol gezam. ir muotten küene recken: niemen was ir gram. âne mâzen schœne sô was ir edel lîp: der juncvrouwen tugende zierten ándériu wîp. 4 Ir pflâgen drîe künege edel unde rîch, Gunther unde Gêrnôt, die recken lobelîch, und Gîselher der junge, ein ûz erwelter degen.— diu frouwe was ir swester, die fürsten heten s’ in ir pflegen. 5 Die herren wâren milte, von arde hôhe erborn, mit kraft unmâzen küene, die recken ûz erkorn. dâ zen Búrgónden sô was ir lant genant. sie frumten starkiu wunder sît in Étzélen lant. 6 Ze Wormze bî dem Rîne sie wonten mit ir kraft. in diente von ir landen vil stolziu ritterscaft mit lobelîchen êren unz an ir endes zît. sie sturben jæmerlîche sint von zweier edelen frouwen nît. 7 Ein rîchiu küneginne, frou Uote ir muoter hiez: ir vater der hiez Dancrât, der in diu erbe liez sît nâch sîne lebene, ein ellens rîcher man; der ouch in sîner jugende grôzer êren vil gewan.

8 Die drie künege wâren, als ich gesaget hân, von vil hôhem ellen: in wâren undertân ouch die besten recken, von den man hât gesaget, stárc únd vil küene, in scarpfen strîten unverzaget. 9 Daz was von Tronege Hagene und ouch der bruoder sîn, Dancwart der vil snelle, von Metzen Ortwîn, die zwêne marcgrâven Gêre und Ekkewart, Volkêr von Alzeije, mit ganzem ellen wol bewart. 10 Rûmôlt der kuchenmeister, ein ûz erwelter degen, Sindolt und Hûnolt, dise hêrren muosen pflegen des hoves unt der êren, der drier künege man. sie heten noch manegen recken, des ich genennen niene kan. 11 Dancwart der was marscalch: dô was der neve sîn truhsǽzé des küneges, von Metzen Ortwîn. Sindolt der was scenke, ein ûz erwelter degen. Hûnôlt was kamerære: sie kunden hôher êren pflegen. 12 Von des hoves krefte und von ir wîten kraft, von ir vil hôhen werdekeit und von ir ritterscaft, der die herren pflâgen mit vröuden al ir leben, des ęnkunde iu ze wâre niemen gar ein ende geben.

13 In disen hōhen êren troumtè Kriemhilde, wie si züge einen valken, stare scēn' und wilde, den ir zwēn' aren erkrummen, daz siu daz muoste sehen: ir ẹnkunde in dirre werlde leider nimmér gesehen. 14 Den troum siu dó sagete ir muoter Úotén. sine künde's niht beseiden baz der guoten: «der valke den du ziuhest, daz ist ein edel man: in welle got behüeten, du mnost in seiere vloren hán.» 15 «Waz saget ir mir von manne, vil liebiu muoter mīn? âne recken minne sô wil ich immer sin. sus scene ich wil beliben unz an minen tót, daz ich von mannes minne sol gewinnen nimmer nôt.» 16 «Nu versprich ez niht ze sêre», sprach aber ir muoter dô. «soltu immer herzenliche zer werlde werden vrô, daz geseht von mannes minne. du wirst ein scene wip, obe dír noch got gefüeget eins rehte guoten ritters lip.» 17 «Die rede lát beliben», sprach siu, «frouwe mīn. ez ist an manegen wiben vil dicke worden scēn wie liebē mit leide ze jungest lōnen kan. ich sol sie mīden beide: son' kan mir nimmer missegán.»

18 Kriemhilt in ir muote sich minne gar bewac. sit lebete diu vil guote vil manegen lieben tac, daz sine wesse niemen den minnen wolde ir lip. sit wart siu mit êren eins vil küenen recken wîp. 19 Der was der selbe valke, den sî in ir troume sach, den ir besciet ir muoter. wie sêre siu daz rach an ir næhsten mâgen, die in sluogen sint! durch sin eines sterben starp vil maneger muoter kint.

20 Dô wuohs in Niderlanden eins edelen küneges kint, des vater der hiez Sigemunt, sin muoter Sigelint, in einer rîchen bürge, wîten wol bekant, nîdene bî dem Rîne: dîu was ze Sântén genant. 21 Sîvrit was gcheizen der snelle degen guot. er versûochte vil der rîche durch ellenthaften muot. durh sines libes sterke er reit in menegiu lant. hei waz er sneller degene sît zen Búrgónden vant! 22 In sinen besten zîten, bî sinen jungen tagen, man mölte michel wonder von Sîvride sagen, waz êren an im wûchse und wie scéne was sin lip. sît heten in ze minne dîu vil wætlichen wip.

23 Man zôch in mit dem vlize als im daz wol gezam. von sin selbes muote waz tûgende er án sich nam! des wurden sit gezieret sines vater lant, daz man in z'allen dingen sô rechte hêrlîchen vant. 24 Er was nu sô gewahsen daz er ze hove reit. die liute in sâhen gerne: manec frôuwe und manec meit im wunschten daz sin wille in immer trüege dar. holt wurden im genuoge: des wart der herre wol gewar. 25 Vil selten âne huote man riten lie daz kint. in hiez mit kleidern zieren Sigmúnt und Sigelint. sin pflâgen ouch die wisen, den êre was bekant. des mohte er wol gewinnen beidiu liut unde lant. 26 Nu was er in der starke daz er wol wâfen truoc: swes er dar zuo bedorfte, des lag an im genuoc. er begúndé mit sinnen werben scœniu wip: die trûten wol mit êren des kûenen Sivrides lip. 27 Dô hiez sin vater Sigemunt kûnden sinen man, er wolde hôhgezite mit lieben vriwenden hân.

diu mære man dô fuorte in ander künege lant. den fremden und den kunden gab er röss und gewant. 28 Swâ man vant deheinen der ritter solde sin von art der sînen mäge, diu edelen kindelin diu ladet' man zuo dem lande durh die hōhgezit: mit dem jungen künege swert genāmēn sie sît. 29 Von der hōhgezite man möhte wonder sagen. Sigemunt unde Sigelint die mohten wol bejagen mit guote michel êre: des teilte vil ir hant. des sah man vil der fremden zuo z'in ritten in daz lant. 30 Vier hundert swertdegene die solden tragen kleit samet Sîvrîde. vil manec scœniu meit von werke was unmüezec, wan sie im wâren holt: vil der edelen steine die frouwen leiten in daz golt, 31 Die sie mit porten wolden wurken ûf ir wât den jungen stolzen recken: des newas niht rât. der wirt der hiez dô sidelen vil manegen küenen man. z'einen sunewenden, dâ Sivrit ritters namen gewan.

32 Dô gie ze einem münster vil manec richer kneht und manec edel ritter. die wîsen heten reht daz sie den tumben dienden, als in was ê getân. sie heten kurzwile und ouch vil maneger freuden wân. 33 Gote man dô zen êren eine messe sanc. dô hnop sih von den liuten vil michel der gedranc, dâ sie ze ritter wurden nâh ritterlicher ê mit alsô grôzen êren, daz wætlich immer mêr ergê. 34 Sie liefen dâ sie funden gesatelt manec marc. in hove Sigemundes der bûhurt wart sô starc daz man erdiezen horte palas unde sal. die hôhgemuoten degene die heten græzlichen scal. 35 Von wîsen und von tumben man horte manegen stôz, daz der scefte brechen gein den lüften dôz. trunzûne sach man vliegen für den palas dan von maneges recken hende: daz wart mit vlîzé getân. 36 Der wirt der bat ez lâzen: dô zôch man dan diu marc. man sach ouch dâ zebrochen vil manege buckel starc,

vil der edelen steine gevellet ûf daz gras ab liehten schildes spangen: von hurte daz geschehen was. 37 Dô giengen 's wirtes geste dâ man in sitzen riet. vil der edelen spîse sie von ir müede seiet und wîn der aller beste, des man in vil getruoc. den vremden und den kunden bôt man êren dâ genuoc 38 Swie vil sie kurzwîle pflâgen al den tac, vil der varender diete ruowe sich bewac: sie dienden nâch der gâbe die man dâ rîche vant. des wart mit lobe gezieret allez Sigemundes lant. 39 Der herre hîez lîhen Sîvrît den jungen man lânt ûnde bürge, als er het ê getân. sînen swertgenôzen den gap dô vil sîn hant: dô liebet' in diu reise, daz sie kômen in daz lant. 40 Diu hôhgezît werte unz an den sibenden tac. Sigelint diu rîche nâch alten siten pflac durch ir sunes liebe teilen rôtez golt. siu kunde'z wol gedienen daz im die liute wâren holt. 41 Vil lützel man der varnder ármên dâ vant. rôss ûnde kleider daz stoup in von der hant.

sam sie ze lebene hêten niht mêr deheinen tac. ich wæn' ie ingesinde sô grôzer mílté gepflac. 42 Mit lobelichen êren sciet sich diu hôhgezit. von den rîchen herren hôrte man wol sit daz sie den jungen wolden z'eime herren hân: des engerte niht her Sivrit, der vil wætlîche man. 43 Sit daz noch beide lebeten, Sigmúnt und Sigelint, niht wolde tragen krône ir beider liebez kint: doch wold'er wesen herre für allen den gewalt des in den landen vorhte der degen küen' únde balt.

44 Den herren muoten selten deheiniu herzen leit. er hôrte sagen mære wie ein scœniu meit wære in Búrgónden, ze wunsche wol getân; von der er sît vil vreuden und ouch arebeit gewan. 45 Diu ir unmâzen scœne was vil wîten kunt, und ir hôhgemüete zuo der selben stunt an der juncfrouwen sô manec helt ervant: ez ladete vil der geste in daz Gúnthéres lant. 46 Swaz man der wérbenden nâh ir minne sach, Kriemhilt in ir sinne ir selber nie verjach,

daz siu deheinen wolde z'eime trûte hân. er was ir noch vil vremde, dem siu wart sider undertân. 47 Do gedâht' ûf hôhe minne daz Sigelinde kint. ez was ir aller werben wider in ein wint. er mohte wol verdienen scœner frouwen lip. sît wart diu edele Kriembilt des küenen Sivrides wip. 48 Im rieten sîne mâge und genûoge sine man, sît er ûf stæte minne tragen wolde wân, daz er dan eine wurbe diu im möhte zemen. dô sprach der küene Sivrit: «sô wil ich Kriem- hilden nemen, 49 Die scœnen juncfrouwen von Burgonden lant durch ir uumâzen scœne. daz ist mir wol bekant, nie keiser wart sô riche, der wolde haben wip, im zæme wol ze minnen der reichen kûneginne lip.» 50 Disiu selben mære gehôrte Sigemunt. ez reiten sîne liute: dâ von wart im kunt der wille sines kindes was im harte leit, daz er werben wolde die vil hêrlichen meit. 51 Ez gevriese ouch Sigelint, des edelen kûneges wip. siu hete grôze Sorge umbe ir kindes lip, wan siu wol erkande Gunthêrn und sîne man. den gewêrp mân dem degene sêre lèidên began.

52 Dô sprach der küene Sivrit: „vil lieber vater mîn, ân' edeler frouwen minne wold' ich immer sîn, ih ęnwurbe dar mîn herze vil grôze liebe hât. swaz iemen reden kunde, des ist deheiner slahte rât.» 53 «Unt wil du niht erwinden», sprach der künec dô, «sô bin ich dînes willen wærlîchen vrô, und wil dir'z helfen enden so ich aller beste kan. doch hât der künec Gunther vil manegen hôhfêrten man. 54 Ob ez ânder niemen wære wan Hagene der degen, der kan mit übermüete der hôhverte pflegen, daz ich des sêre fürhte, ez müg' uns werden leit, ob wir werben wellen die vil hêrlîchen meit.» 55 «Waz mag uns daz gewerren?» sprach dô Sivrit. «swaz ich friwentlîche niht ab in erbit, daz mac sus erwerben mit ellen dâ mîn hant. ich trouwe an in erdwingen beidin liut ûnde lant.» 56 Dô sprach der fürste Sigemunt: „dîn rêde din ist mir leit, wan wurden disiu mære ze Rîne geseit, dune dörftest nimmer geriten in daz lant. Gunther unde Gêrnôt die sint mir lânge bekant. 57 Mit gewalte niemen rewerben mac die maget, sô sprach der künec Sigemunt; „daz ist mir wol gesagt.

wil aber du mit recken riten in daz lant, ob wir iht haben vriwende, die werdent scíeré besant.» 58 «Des ênist mir niht ze muote», sprach aber Sîvrit, «daz mir sulen recken ze Rine volgen mit durh deheine hervart (daz wære mir vil leit), dâ mit ich solde ertwingen die vil hêrlichen meit. 59 Sie mac wol sus erwerben dâ min eines hant. ich wil selbe zwelfte in Gûntheres lant. dar sult ir mir helfen, vater Sigemunt.» dô gap man sinen degenen ze kleidern grâ unde bunt. 60 Do vernâm ouch disiu maere sin muoter Sigelint. siu begunde trûren umbe ir liebez kint: daz vorhte siu verliesen von Guntheres man. diu edele kûneginne vil sêre wêinen began. 61 Sîvrit der herre gie dâ er sie sach; wider sine muoter er güetlîchen sprach: «frouwe, ir sult niht weinen durh den willen mîn. jâ wil ich âne sorge vor allen wiganden sîn. 62 Und helfet mir der reise in Burgonden lant, daz ich und mine recken haben sölch gewant, daz alsô stolze helde mit êren mügen tragen. des wil ich iu genâde mit triuwen waerlichen sagen.»

63 «Sit du niht wil erwinden». sprach frou Sigelint, «sô hilf' ich dir der reise, min éinigez kint, mit der besten wæte, die ritter ie getruoc, dir und dînen gesellen: ir sult ir füerên genuoc.» 64 Dô neic der küneginne Sivrit der junge man. er sprach: «ih wil zer verte niemen mêre lân niwan zwelef recken: den sol man prueven wât. ich wil daz sehen gerne wie'z umbe Kriemhilde stât.» 65 Dô sâzen scœne frouwen nâht ûnde tac, daz lützel ir deheiniu rûowé gepflac, unze man geworhte die Sivrides wât. er wolde sîner reise haben deheiner slahte rât. 66 Sîn vater hiez im zieren sîn ritterlich gewant, dâ mit er wolde rûmen daz Sigemundes lant, und ir vil lichten brünneje die wurden ouch bereit, und ir vesten helme, ir schilde scœn' ûnde breit. 67 Dô nâhet' in ir reise zen Búrgónden dan. um sie begunde sorgen wîp ûnde man, ob sî immer komen solden heim wider in daz lant. die helde in hiezen soumen beide wâfen und gewant. 68 Ir ros diu wâren scœne, ir geréite goldes rôt. lebt' iemen übermüeter, des enwas niht nôt

denne wære Sîvrit und die sîne man. urloubes er dô gerte zuo den Burgonden dan. 69 In werten trûreclîchen der künec und sîn wîp. er trôste minneclîchen dô ir beider lîp. er sprach: «ir sult niht weinen durch den willen mîn: immer âne sorge sult ir mînes lîbes sîn.» 70 Ez was leit den recken, ez weinte ouch manec meit. ich wæn' in het ir herze rehte daz geseit, daz in sô vil der friwende dâ von gelæge tôt. von sculden sie dô klageten: des gie in wærliche nôt. 71 An dem sibenden morgen ze Wormez ûf den sant riten die vil küenen. allez ir gewant was von rôtem golde, ir geréite wol getân. ir ross in giengen ebene, des küenen Sîvrides man. 72 Ir schilde wâren niuwe, lîeht únde breit, und vil scœne ir helme, dâ ze hove reit Sîvrit der vil küene in Gúnthéres lant. man gesach an heleden nie sô hérlich gewant. 73 Diu ort ir swerte giengen nider ûf die sporn: ez fuorten scarpfe gêren die ritter ûz erkorn. Sîvrít der fuort' ir einen wol zweier spannen breit, der ze sînen ecken vil harte vreislichen sneit.

74 Die goltvarwen zoume fuorten s' an der hant, sidîniu fürbüege: sus kômen s' in daz lant. daz volc sie allenthalben kapfen an began: dô liefen in engegene vil der Gúnthéres man. 75 Die hôhgemuoten recken, ritter unde kneht, die giengen zuo den herren (daz was michel reht) und enpfiengen dise geste in ir herren lant, und nâmen in die mære mit den schilden von der hant. 76 Diu ros sie wolden dannen ziehen an gemach. Sîvrit der vil küene, wie snelle er dô sprach: «lât uns stên die mære, mir und mînen man. wir wellen sciere hinnen: des ich guoten willen hân. 77 Swem sîn kunt diu mære, der sol mich niht verdagen, wâ ich den künec vinde, daz sol man mir sagen, Gunthern den vil rîchen ûz Burgonden lant. dô sagete'z im ir einer dem ez rehte was bekant. 78 «Welt ir den künic vinden, daz mac vil wol geschehen. in jenem sale wîten hân ich in gesehen bî den sînen helden. dâ sult ir hine gân; dâ muget ir bî im vinden manegen hêrlîchen man.» 79 Nu wæren dem künige diu mære geseit daz dâ komen wæren ritter vil gemeit, die fuorten wîze brünne und hêrlîch gewant: sin' erkande niemen in der Burgonden lant.

80 Den künec des hete wunder, von wannen kœmen dar die hêrlichen recken in wæte lieht gevar und mit sô guoten scilden, niuwe unde breit. daz im daz sagte niemen, daz was Gúnthêre leit. 81 Des ántwúrt' dem künege von Metzen Ortwîn (rîch únde küene moht' er wól sîn) «sît wir ir niht erkennen, sô sult ir heizen gân nâch mînem œheim Hagenen: den sult ir sie sehen lân. 82 Dem sint kunt diu rîche und ouch diu vremden lant. sint im die herren künde, daz tuot er uns bekant.» der künec bat in bringen unde sîne man: man sach in hêrlîche mit recken hin ze hove gân. 83 Waz sîn der künec wolde, des vrâgte Hagene. «ez sint in mîme hûse unkünde degene, die niemen hie bekennet: habt ir si ie gesehen, des sult ir mir, Hagene, der rehten wârheite jehen.» 84 «Daz tuon ich», sprach Hagene: z'eim' venster er dô gie, sîn ouge er dô wenken zuo den gesten lie. wol behâgte im ir geverte und ouch ir gewant: sie wâren im vil vremde in der Burgonden lant. 85 Er sprach, von swannen kœmen die recken an den Rîn, ez möhten selbe fürsten oder fürsten boten sin. «ir ros diu sint scœne, ir kleider harte guot.» von swánnén sie füeren, «sie sint hôhé gemuot.»

86 Alsô sprach dô Hagene. «ich wil des wol verjehen, swie ich Sîvrîden nie mére habe gesehen, sô wil ich wol gelouben, swie ez dar umbe stât, daz ez sî der recke, der dort sô hêrlîchen gât. 87 Er bringet niuwemære her in ditze lant. die küenen Nibelunge sluoc des heldes hant. Schilbunc und Nibelunc, die rîchen küneges kint. er frumte starkiu wunder mit sîner grôzen krefte sint. 88 Dâ der helt al eine ân' alle helfe reit, er vant vor einem berge, daz ist mir wol geseit. bî Nibelunges horde vil manegen küenen man: die wâren im ê vremde, unz er ir kunde dâ gewan. 89 Hort der Nibelunges der was gar getragen úz eime holn berge. nu hœret wunder sagen, wie in wolden teilen der Nibelunge man: daz sach der degen Sivrit: den helt es wûndern began. 90 Er kom zuo z'in sô nâhen daz er die helde sach und ouch in die degene. ir einer drunder sprach: «hie komet der starke Sivrit, der helt von Niderlant.» vil sêltsâniu mære er an den Nibelungen vant. 91 Den recken wol empfiengen Scilbunc und Nibelunc. mit gemeinem râte die edelen fürsten junc den scaz in bâten teilen, den wætlîchen man, und gerten des mit vlîze: der herre loben in'z began.

92 Er sach sô vil gesteines, sô wir hœren sagen, hundert kanzwägene ez möhten niht getragen; noch mê des rôten goldes von Nibelunge lant: daz sold' in allez teilen des küenen Sîvrides hant. 93 Dô gâben sî im ze miete daz Nibelunges swert. sie wâren mit dem dienste vil übele gewert, den in dâ leisten solde Sîvrît der hélt guot. er'n kunde'z niht verenden: sie wâren zórnec gemuot. 94 Sie heten dâ ir friwende zwélf küener man, daz starke risen wâren: waz kunde'z sie vervân? die sluoc sît mit zorne diu Sîvrides hant, und recken siben hundert dwang er von Nibelunge lant 95 Mit dem guoten swerte, daz hiez Balmunc. durch die starken vorhte vil manec recke junc, die sie zem swerte hêten und an den küenen man, daz lant zuo den bürgen sie im tâten undertân. 96 Dar zuo die rîchen künege die sluog er beide tôt. er kom von Albrîche sît in grôze nôt. der wânde sîne herren rechen dâ zehant, unz er die grôzen sterke sît an Sîvride vant. 97 Done kúnde im niht gestriten daz stárké getwerc. alsam die lewen wilde sie liefen an den perc,

da er die tarnkappen sit Albrich ane gewan. dô was der hordes herre Sivrit der vreisliche man. 98 Die dâ torsten vehten, die lâgen alle erslagen. den scaz den hiez er balde füeren unde tragen dâ in dâ vor dâ nâmen die Nibelunges man. Albrich der vil starke dô die kameren gewan. 99 Er muos’ im sweren eide, er diente im sô sin kneht. aller hande dinge was er im gereht. sô sprach von Tronege Hagene. «daz hât er getân: alsô grôzer krefte nie mêr récké gewan. 100 Noch weiz ich an im mére daz mir ist bekant. einen lintrachen sluoc des heldes hant. er badet’ sich in dem bluote: sin hût wart hurnin. des snîdet in kein wâfen: daz ist dicke worden scîn. 101 Wir súllén den herren enpfâhen deste baz, daz wir iht verdienen des jungen recken haz. sîn lîp der ist sô küene, man sol in holden hân: er hât mit sîner krefte sô menegiu wúndér getân.» 102 Dô sprach der künic rîche: «du maht wol ha- ben wâr. nu sich wie degenlîche er stêt in strîtes vâr, er und die sînen degene, der vil küene man. wir sulen im engegene hin nider zuo dem recken gân.»

103 «Daz mugt ir», sprach dô Hagene, «wol mit êren tuon. er ist von edelem künne, eins rîchen küneges sun. er stêt in der gebære, mich dunket, wizze Krist, ez ęnsîn niht kleiniu mære dar umb’ er her geriten ist.» 104 Dô sprach der künec des landes: «nu sî uns willekomen. er ist edel und küene, daz hân ich wol vernomen: des sol ouch er geniezen in Burgonden lant.» dô gie der herre Gunther dâ er Sîvriden vant. 105 Der wirt und sîne recken enpfiengen sô den gast daz in an ir zühten vil wênec iht gebrast. des begunde in nîgen der wætliche man, daz sie in heten grüezen sô rehte scœné getân. 106 «Mich wundert dirre mære», sprach der künec zehant, von wanne ir, edel Sîvrit, sît komen in ditze lant, oder wâz ir wellet werben ze Wormez an den Rîn.» dô sprach der gast zem künege: «daz sol iuch unverdaget sîn. 107 Mir wart gesaget mære in mînes vater lant, daz hie bî iu wæren (daz het ich gerne erkant) die kûenîsten recken (des hân ich vil vernomen), die ie künec gewunne: dar umbe bin ich her bekomen. 108 Ouch hœre ich iu selben der degenheite jehen daz man künec deheinen küener habe gesehen.

des redent vil die liute über élliu disiu lant: nune wil ich niht erwinden unz ez mir wérde bekant 109 Ich bin ouch ein recke und solde krône tragen. ich wil daz gerne fuegen daz sie von mir sagen daz ich habe von rechte liute unde lant: dar umbe sol min êre und ouch min houbet wesen pfant. 110 Nû ir sit sô küene, als mir ist geseit, sone rûoche ich, ist ez iemen liep oder leit: ich wil an iu ertwingen swaz ir muget hân, lánt únde bürge. daz sol mir werden undertân.» 111 Den künec hete wunder und sine man alsam umbe disiu mære . din er hie vernam, daz er des hete willen, er næme im siniu lant. daz hôrten sine degene: dô wart in zürnên bekant. 112 «Wie het ich daz verdienet», sprach Gunther der degen, «des min vater lange mit êren hât gepflegen. «daz wir daz solden vliesen von iémânnes kraft? wir liezen übele schînen daz wir ouch pflegen ritterschaft.» 113 «I'ne wil es niht erwinden», sprach aber der küene man. «ez énmüge von dinen ellen din lant den fride hân, ich wil es alles walden: und ouch diu erbe min. erwirbest du'z mit sterke, diu sulen dir undertænec sin.

114 Dîn erbe und ouch daz mîne sulen gelîche ligen. sweder unser einer am andern mac gesigen, dem sol ez allez dienen, die liute und ouch diu lant.» daz widerredete Hagene unde Gêrnôt zehant. 115 «Wir hân des niht gedingen», sprach dô Gêrnôt, «daz wir iht lande ertwingen, daz iemen drumbe tôt gelige vor heldes handen. wir haben rîchiu lant: diu dienent uns von rehte, ze niemen sint siu baz bewant.» 116 Mit grímmígem muote dâ stuonden friwende sîn. dô was ouch dar under von Metzen Ortwîn; der sprach: «disiu suone ist mir harte leit. iu hât der starke Sîvrit unverdienet widerseit. 117 Ob ir und iuwer bruoder hetet niht die wer, und ob er danne fuorte ein ganzez küneges her, ih trûte wol erstriten daz der küene man diz starkez übermüeten von wâren schulden müese lân.» 118 Daz zurnde harte sêre der helt von Niderlant. er sprach: «sich sol vermezzen niht wider mich dîn hant ich bin ein künec rîche, sô bistu küneges man: jane dörften mich dîn zwelve mit strîte nimmêr bestân.»

119 Nâch swerten rief dô sêre von Metzen Ortwin: er mohte Hagenen swester sun von Tronege vil wol sin. daz der sô lange dagete, daz was dem kûnege leit. dô understuond ez Gêrnôt, der ritter kûen' ûnt gemeit. 120 Er sprach ze Ortwine: «lât iuwer zürnen stân: uns enhât der herre Sivrit solhes niht getân. wir mügen'z noch wol sceiden mit zühten, dêst min rât, und haben in ze friwende: daz uns noch lobelicher stât.» 121 Dô sprach der starke Hagene: «uns mac wol wesen leit, allen dinen degenen, daz er ie gereit durch striten her ze Rine. er solde'z haben lân: im heten mine herren sölher leide niht getân.» 122 Des antwurte Sivrit, der krêftige man: «müet iuch daz, her Hagene, daz ich gesprochen hân, sô sol ich lâzen kiesen daz die hende min wellent vil gewaldec hie zen Burgonden sin.» 123 «Daz sol ich eine wenden», sprach aber Gêrnôt. allen sinen degenen reden er verbôt iht mit übermüete des im wære leit. dô gedâhte ouch Sivrit an die vil hêrlichen meit. 124 «Wie zæme uns mit iu striten?» sprach aber Gêrnôt. «swaz helde nu dar under müesen ligen tôt, wir heten's lützel êre und ir vil kleinen frum.» des antwurtẹ ime dô Sivrit, des künec Sigemundes sun:

125 «War umbe bîtet Hagene und ouch Ortwin, daz er niht gâhet strîten mit den friwenden sîn, der er hie sô manegen zen Burgonden hât?» sie muosen rede vermîden: daz was Gêrnôtes rât. 126 «Ir sult uns wesen willekómen», sô sprach daz Uoten kint, «mit iuwern hergesellen, die mit iu komen sint. wir sulen iu gerne dienen, ich und die mâge mîn.» dô hiez man den gesten scenkèn den Gúnthéres wîn. 127 Dô sprach der wirt des landes: «allez daz wir hân, geruochet ir's nâch êren, daz sî iu undertân, und sî mit iu geteilet lîp únde guot.» dô wart der herre Sivrit ein lützel sánftér gemuot. 128 Dô hiez man in behalten allez ir gewant. man suochte herberge, die besten die man vant, Sîvrides knehten: man scuof in guot gemach. den gast man sît vil gerne dâ zen Burgonden sach. 129 Man bôt im michel êre dar nâch ze manegen tagen, tûsent stunden mêre dann' ich iu kan gesagen. daz hete versolt sîn ellen. ir sult gelouben daz, in sach vil lützel iemen der im wáré gehaz. 130 Sich vlizzen kurzwîle die künege und ouch ir man. sô was er ie der beste swes man dâ began:

des'n kund' im gevolgen niemen, sô michel was sîn kraft, sô sie den stein wurfen oder schûzzên den scaft. 131 Swâ sô bî den frouwen durch ir höfscheit kurzewîle pflâgen die ritter vil gemeit, dâ sah man ie vil gerne den helt von Niderlant. er het ûf hôhe minne sîne sinne gewant. 132 Swes man ie begunde, des was sîn lîp bereit. er truoc in sîne sinne ein minneclîche meit, und ouch in ein diu frouwe die er noh nie gesach, diu im in heinlîche vil dicke güetlîchen sprach. 133 Swenn' ûf dem hove wolden spilen dâ diu kint. ritter unde knehte, daz sach vil dicke sint Kriemhilt durch diu venster, diu küneginne hêr: deheiner kurzewîle bedorfte s' in den zîten mêr. 134 Wess' er daz in sæhe die er in herzen truoc; dâ het er kurzewîle immer von genuoc. sæhen sie sîn ougen, ich wil wol wizzen daz, daz im in dirre werlde kunde nimmer werden baz. 135 Swenn' er bî den helden ûf dem hove stuont. alsô noch die liute durch kurzewîle tuont, sô stuont sô minneclîche daz Sigelinde kint, daz in durch herzen liebe trûte manege vrouwe sint. 136 Er gedâht' ouch manege zîte: wie sol daz geschehen daz ich die maget edele mit ougen müge sehen.

die ich von herzen minne und lange hân getân? diu ist mir noch vil vremde: des muoz ich trûric gestân.» 137 Sô ie die künege rîche riten in ir lant,136 sô muosen ouch die recken mit in al zehant.(138) dâ mite muos’ ouch Sîvrit: daz was der frouwen leit. er leit ouch von ir minne dicke michel arebeit. 138 Sus wond’ er bî den herren, daz ist alwâr,137 in Guntheres lande volleclich ein jâr,(139) daz er die minneclîchen die zîte nien’ gesach, dâ von im sît vil liebe und ouch vil léidé geschach.

139 Nu nâhent vremdiu mære in Günthéres lant, von boten die in verre wurden dar gesant von únkúnden recken die in truogen haz. dô sie die rede vernâmen, leit was in wærlîche daz. 140 Die wil ich iu nennen: ez was Liudegêr ûzer Sahsen lande, ein rîcher fürste hêr. und ouch von Tenemarke der künec Liudegast. die brâhten in ir reise vil manegen hêrlîchen gâst. 141 Ir boten komen wâren in Günthéres lant, die sîne widerwinnen heten dar gesant.

dô vrâgte man der mære die únkúnden man. man hiez die boten balde ze hove für den künec gân. 142 Der künec sie gruozte scône; er sprach: «sît willekomen. wer iuch hêr habe gesendet, des'n hân ich niht vernomen: daz sult ir lâzen hœren», sprach der künec guot. dô vorhten sie vil sêre den grimmen Gúnthéres muot. 143 «Welt ir, künec, erlouben, daz wir iu mære sagen, diu wir iu dâ bringen, sone sulen wir niht verdagen, wir nennen iu die herren die úns hêr hâbent gesant: Liudegast und Liudegêr die wellent suochen her enlant. 144 Ir habt ir zorn verdienet. jâ hôrten wir wol daz daz iu die herren beide tragent grôzen haz. sie wellent herverten ze Wormez an den Rîn: in hilfet vil der degene. daz wizzet úf die triuwe mîn. 145 Inre zwelf wochen diu reise muoz geschehen. habt ir iht guoter friwende, daz lâzet balde sehen, die iu vriden helfen die bürge und iuwer lant. hie wirt von in verhouwen vil manec helm unde rant. 146 Oder wêlt ir mit in dingen, so enbietet ez in dar: sone ritent iu sô nâhen niht die manegen scar der iuwer starken vinde úf herzenlichiu leit, dâ von verderben müezen vil guote rittêr gemeit.» 147 «Nu bîtet eine wîle». sprach der künec guot, «unz ich mich baz versinne: ich künd' iu mînen muot.

hân ich getriuwer iemen, die sol ich niht verdagen disiu starken mære sol ich mînen friwenden klagen.» 148 Günthêre dem rîchen wart léidé genuoc. die rede er tougenlîchen in sime herzen truoc. er hiez gewinnen Hagenen und ander sîne man und bat ouch harte balde ze hôve nâch Gêrnôte gân. 149 Dô kômén die besten swaz man der dâ vant. er sprach: «man wil uns suochen her in unser lant mit starken herverten; daz lât iu wesen leit.» des antwurte Gêrnôt, ein ritter küen' ûnt gemeit: 150 «Daz wer et wir mit swerten», sprâch Gêrnôt. «dâ sterbent wan die veigen: die lâzen ligen tôt. dar umbe ich niht vergezzen mac der êren mîn. die unser vîände sulen uns willekomen sîn.» 151 Dô sprach von Tronege Hagene: «daz endunket mich niht guot. Liudegast unt Liudegêr die tragent übermuot. wir mugen uns niht besenden in sô kurzen tagen;» sô sprach der küene recke: «wan muget ir'z Sivride sagen?» 152 Die boten herbergen hiez man in die stat. swie vient man in wære, vil scône ir pflegen bat Gunther der rîche, daz was wol getân, unz er revant an friwenden wer im dâ wóldé gestân.

153 Dem künege in sînen sorgen was idoch vil leit. dô sah in trûrénde ein ritter vil gemeit, der niht mohte wizzen waz im was geschehen: dô bat er im der mære den künec Gúnthér verjehen. 154 «Mich nimt des michel wunder», sprach dô Sivrit, «wie habt ir sô verkêret die vrœlîchen sit der ir mit uns nu lange habet alher gepflegen.» des antwurt' ime dô Gunther, der vil zierlîche degen: 155 «Jane mag ich allen liuten die swære niht gesagen die ich muoz tougenlîche in mîme herzen tragen: man sol stæten vriwenden klagen herzen nôt.» diu Sivrides varwe wart dô bleich unde rôt. 156 Er sprach zuo dem künege: «i'ne hân iu niht verseit. ich sol iu helfen wenden elliu iuwer leit. welt ir vriwent suochen, der sol ich einer sîn unt trouwe ez wol volbringen mit êren an daz ende mîn.» 157 «Nu lôn' iu got, her Sivrit: diu rede mich dunket guot. und ob mir nimmer helfe iwer éllén getuot, ich freu mich doch der mære, daz ir mir sît sô holt. leb' ich deheine wîle, ez wirdet umb' iuch wol versolt. 158 Ich wil iuch lâzen hœren war umbe ich trûrec stân. von boten mîner vînde ich daz vernomen hân daz sie mich wellen suochen mit herverten hie. daz getæten uns noch degene her zuo disen landen nie.»

159 «Daz lât iuch ahten ringe», sprach dô Sivrit, «unt senftet iuwerin muote: tuot des ich iuch bit. lât mich iu erwerben êre unde frumen, und bittet iuwer degene daz sie in ouch ze helfe kumen. 160 Swenn' iuwer starke vinde z'ir helfe möhten hân drîzec tûsent degene, sô wold' ich sie bestân, und het ich niwan tûsent: des lât iuch an mich.» dô sprach der kûnec Gunther: «daz dien' ich immer umbe dich.» 161 «Sô heizet mir gewinnen tûsent iuwer man, sît daz ich der minen bî mir niht enhân niwan zwelf recken: sô wer ich iuwer lant. iu sol mit triuwen dienen immer Sîvrides hant. 162 Des sol uns helfen Hagene und ouch Ortwin, Dânewârt und Sindolt, die lieben recken, dîn. ouch sol dâ mit riten Volkêr der küene man: der sol den vanen füeren; baz ich's niemên engan. 163 Unt lât die boten riten héim in ir lant: daz sie uns sehen sciere, daz tuo man in bekant, sô daz unser bürge müezen vride hân.» dô hiez der künec besenden beide mâge unde man. 164 Die boten Liudegêres ze hove giengen dô. daz sie ze lande solden, des wâren sie vil vrô. dô bôt in rîche gâbe Gunthêr der künec guot, und scuof in sîn geleite: des stuont in hôhê der muot.

165 «Nu saget,» sprach dô Gunther, «den vîänden mîn, sie mugen mit ir reise wol dâ heime sîn. welln aber sie mich suochen her in mîniu lant, mir'n zerinne mîner vriwende, in wirdet arbeit erkant.» 166 Den boten rîche gâbe man dô für truoc: der het in ze gebene Gúnthér genuoc. dine torsten niht versprechen die Liudegêres man. dô sî úrlóup genâmen, sie schieden vrœliche dan. 167 Dô die boten wâren ze Tenemarke komen, unt der künec Liudegast hete daz vernomen wie sie von Rîne kômen, als im daz wart geseit, ir starkez übermüeten was im wærlichen leit. 168 Sie sagten daz sie hêten vil manegen küenen man: ouch sâhen sie dar under einen recken stân, «der was geheizen Sîvrit, ein helt ûz Niderlant.» ez leidet' Liudegaste, do er daz mære rehte ervant. 169 Dô die von Tenemarke ditze hôrten sagen, dô ilten sie der friwende deste mê bejagen unze daz her Liudegast sîner küenen man zweinzec tûsent degene zuo sîner réisé gewan. 170 Do besánde ouch sich von Sahsen der künec Liudegêr, unz sie vierzec tûsent heten unde mêr, mit den sie wolden rîten in Burgonden lant. dô het ouch sich hie heime der künec Gúnthér besant 171 Mit den sînen mâgen und sîner bruoder man, die sie wolden füeren durch urliuge dan,

und ouch die Hagenen recken: daz gie den helden nôt. dar umbe muosen degene sider kiesen den tôt. 172 Sie vlizzen sich der reise. dô sie wolden dan, den vanen muose leiten Volker der kuene man, alsô sie wolden riten von Wormez uber Rin. Hagene von Tronege der muose scarmeister sîn. 173 Dâ mite reit ouch Sindolt unde Hûnolt, die wol gedienen kunden daz Guntheres golt, Dancwart Hagenen bruoder und ouch Ortwin. die mohten wol mit êren in der herverte sîn. 174 «Herr küncc, sit hie heime», sprach dô Sivrit, «sît daz iuwer recken mir wellent volgen mit: belîbet bî den frouwen und traget hôhen muot. ich trouwe iu wol behüeten beidiu êre unde guot. 175 Die iuch dâ wolden suochen ze Wormez an den Rin, daz wil ich wol behüeten, sie mugen dâ heime sîn. wir sulen in gerîten sô nâhen in ir lant, daz in ir übermüeten werde in sôrgên erwant. 176 Von Rine sie durch Hessen mit ir helden riten gegen Sahsen lande: dâ wart sît gestriten. mit roube und ouch mit brande wuosten sie daz lant, daz ez den fürsten beiden wart mit arebeit bekant. 177 Sie kômen ûf die marke: die knehte zogeten dan. Sîvrit der vil starke vrâgen des began:

«wer sol des gesindes uns nu hüeten hie?» jâne wart den Sahsen geriten schedelîcher nie. 178 Sie sprâchen: «lât der tumben hüeten ûf den wegen den küenen Dancwarten; der ist ein sneller degen. wir vliesen deste minre von Liudegêres man. lât in und Ortwînen hie die nâhhuote hân.» 179 «Sô wil ich selbe rîten», sprach Sîvrit der degen, «unde wil der warte gegen den vînden pflegen, unz ich rehte ervinde wâ die recken sint.» dô wart gewâfent sciere der scœnen Sigelinden kint. 180 Daz volc bevalh er Hagenen, dô er wolde dan, unde Gêrnôte dem vil küenen man: dô reit er eine dannen in der Sahsen lant. des wart von im verhouwen des tages manec helmebant. 181 Dô sah er here daz grôze daz ûf dem velde lac, daz wider sîner helfe mit ûnfuoge wac: des was wol vierzec tûsent oder dannoch baz. Sîvrit in hôhem muote sach vil vrœlîchen daz. 182 Dô het ouch sich ein recke gein den vînden dar erhaben ûf die warte: der was ze vlîze gar. den sach der herre Sîvrit, und in der küene man: ietweder dô des andern mit nîde hüeten began. 183 Ich sage iu wer der wære, der der warte pflac. ein liehter scilt von golde im vor der hende lac.

ez was der künec Liudegast; der huote siner schar. dirre gast vil edele sprancte hêrlichen dar. 184 Nu het ouch in her Liudegast vientliche erkorn. ir ros sie nâmen beide zen siten mit den sporn, sie neigten ûf die scilde die scefte mit ir kraft. des wart der künec rîche mit grôzen sôrgên behaft. 185 Diu ros nâch stiche truogen diu rîchen kü- neges kint beide für ein ander, sam sie wæte ein wint. mit zoumen wart gewendet vil ritterlichen dan: mit swerten ez versuochten die zwêne grimmege man. 186 Dô sluoc der herre Sivrit daz al daz velt erdôz. dô stoup ûz dem helme sam von brenden grôz die viwerrôten vanken von des heldes hant. ir ietweder den sînen an dem ândéren vant. 187 Ouch sluog im her Liudegast vil manegen grim- men slac. ir ietwederes ellen ûf schilden vaste lac. dô heten dar gehüetet wol drizec siner man: ê daz im die kœmen, den sic doch Sivrit gewan 188 Mit drin starken wunden die er dem künege sluoc durch eine wîze brünne, diu was guot genuoc. daz swert an sînen ekken brâht' ûz wunden bluot. des muost' der künec Liudegast haben trûrîgen muot.

189 Er bat sich leben lâzen und bôt im siniu lant und sagte im daz er wære Liudegast genant. dô kômen sîne recken: die heten wol gesehen waz dâ von in beiden ûf der warte was geschehen. 190 Er wolde in füeren dannen: dô wart er an gerant von drizec sînen mannen. dô wert' des heledes hant sînen rîchen gîsel mit ungefüegen slegen. sît tet scaden mêre der vil zierlîche degen. 191 Die drizec er ze tôde vil werlîche sluoc. er liez ir leben einen: balde er reit genuoc und sagte hin diu mære waz hie was geschehen. ouch mohte man's die wârheit an sîme rôtem helme sehen. 192 Den von Tenemarke was vil grimme leit, ir herre was gevangen, dô in daz wart geseit. man sagte ez sînem bruoder: toben er began von ungefüegem zorne, wand' im was léidé getân. 193 Liudegast der recke was gefüeret dan von Sîvrídes gewálte zuo Gúnthéres man. er bevalh in Hagenen: dô in daz wart geseit daz ez der künec wære, dô was in mæzlîche leit. 194 Man hiez den Burgonden ir vanen binden an. «wol ûf», sprâch Sîvrît, «hie wirt mêr getân, ê sich der tac verende, sol ich haben den lîp. daz müet in Sahsen lande vil manec wætlîchez wîp.

195 Ir helde von dem Rîne, ir sult mîn nemen war: ich kan iuch wol geleiten in Liudegêres scar. sô seht ir helme houwen von guoter helede hant. ê daz wir wider wenden, in wirdet sorgê bekant. 196 Zen rossen gâhte Gêrnôt unde sîne man. den vanen zuhte balde der starke spileman, Vôlkêr der herre: dô reit er vor der scar. dô was ouch daz gesinde ze strîte hêrlîchen gar. 197 Sie fuorten doch niht mêre niwan tûsent man, dar über zwelf recken. stieben dô began diu molte von den strâzen: sie riten über lant. dô sah man von in scînen vil manegen hêrlîchen rant. 198 Dô wâren ouch die Sahsen mit ir scarn komen mit swerten wol gewahsen, daz hân ich sît vernomen. diu swert diu sniten sêre den helden an der hant: dô wolden sie den gesten weren bürge unde lant. 199 Der herren scarmêister daz volc dô fuorten dan. dô was ouch komen Sîvrit mit den sînen man, die er mit im brâhte ûzer Niderlant. des tages wart in sturme vil manec plûotigiu hant. 200 Sindôlt und Hûnolt und ouch Gêrnôt die sluogen in dem strîte vil manegen helt tôt, ê sie daz rehte erfunden wie kuene was ir lîp. daz muose sît beweinen vil manec wætlichez wîp.

201 Völkêr und Hagene und ouch Ortwin die lascten ime strîte vil maneges helmes schîn mit vlîezéndem bluote, die sturmküene man. dô wart von Danewarte vil michel wúndér getân. 202 Die von Tenemarke versuochten wol ir hant. dô hôrte man von hurte erdiezen manegen rant, und ouch von scarpfen swerten, der man dâ vil gesluoc. die strîtküenen Sahsen tâten scaden dâ genuoc. 203 Dô die von Burgonden drungen in den strît, von in wart erhouwen vil manec wunde wît. dô sah man über sätele flîezén daz bluot. sus wurben nâch den êren die ritter küene unde guot. 204 Man hôrt’ dâ lûte erhellen den helden an der hant diu vil scarpfen wâfen, dô die von Niderlant drungen nâch ir herren in die herten scar: sie kômen degenliche mit samt Sîvride dar. 205 Volgen der von Rîne niemen man im sach. man mohte kiesen vliezen den blûotigen bach durch die liehten helme von Sîvrides hant, unz er Liudegêren vor sînen hergesellen vant. 206 Drie widerkêre het er nu genomen durch daz her an’z ende: nu was Hagene komen, der half im wol ervollen in sturme sînen muot. des tages muose ersterben vor in vil manec ritter guot.

207 Dô der starke Liudegêr Sivriden vant, und daz er alsô hôhe truog an sîner hant den guoten Bâlmungen und ir sô manegen sluoc, des wart der herre zornec unde grimme genuoc. 208 Dô wart ein michel dringen und grôzer swerte klanc, dâ ir ingesinde zuo z'ein ander dranc. do versuochten sich die recken beide deste baz. die scar begunden wîchen: sich huop dâ grœzlicher haz. 209 Dem vogete von den Sahsen was daz wol geseit, sin bruoder was gevangen: daz was im harte leit. wol wess'er daz ez tæte daz Sigelinde kint. man zêh es Gêrnôten: vil wol ervant er ez sint. 210 Die slege Liudegêres die wâren alsô starc daz im under satele strûchtê daz marc. dô sich daz ross erholte, der küene Sivrit der gewan in dem sturme einen vreislichen sit. 211 Des half im wôl Hâgene und ouch Gêrnôt, Dancwart und Volkêr: des lag ir vil dâ tôt. Sindolt und Hûnolt und Ortwin der degen, die kunden in dem strîte zem tôde manegen nider legen. 212 In sturme ungesceiden wâren die fürsten hêr. dô sah man über helme vliegen manegen gêr durch die liehten schilde von der helde hant. man sah dâ var nâch bluote vil mangen hêrlichen rant. 213 In dem starken sturme erbeizte manec man nider von den rossen. ein ander liefen an

Sivrit der küene und ouch Liudegêr. man sach dâ scefte vliegen unde manegen scarpfen gêr. 214 Duo flouc daz schiltgespenge von Sîvrides hant. den sie gedâht' erwerben der helt von Niderlant an den küenen Sahsen der man vil wunder sach. hei waz dâ liehter ringe der küene Danewart zebrach! 215 Dô het der herre Liudegêr ûf eime schilde erkant gemâlet eine krône vor Sîvrides hant. wol wess'er daz ez wære der kréftige man. der helt zuo sînen friwenden lûte rüofén began: 216 «Geloubet iuch des sturmes, alle mîne man. sun den Sigemundes ich hie gesehen hân: Sîvrîden den starken hân ich hie bekant. in hât der übele tiuvel her zen Sâhsén gesant.» 217 Die vanen hiez er lâzen in dem sturme nider. vrîdes er dô gerte: des werte man in sider. doch muos'er werden gîsel in Gúnthéres lant: daz het an im betwungen des küenen Sîvrides hant. 218 Mit gemeinem râte sô liezen sie den strit. dûrkel vil der helme und ouch der schilde wît sie leiten von den handen; swaz sô man der vant, die truogen bluotes varwe von der Burgonden hant. 219 Sie viengen swen sie wolden: des heten sie gewalt. Gêrnôt und Hagene, die réckén vil balt,

die wunden hiezen bâren: sie fuorten mit in dan gevangen zuo dem Rine fünf hundert wætlicher man. 220 Die sigelôsen recken ze Tenemarken riten. done heten ouch die Sahsen sô hôhe nicht gestriten — daz man in lobes jæhe: daz was den heleden leit. dô wurden ouch die veigen von vriwenden sêre gekleit. 221 Sie hiezen daz gewâfen wider soumen an den Rin. ez hete wol geworben mit den helden sin Sîvrit der recke, der het ez guot getân: des im jehen muosen alle Guntheres man. 222 Gegen Wormez sande der herre Gêrnôt. heim zuo sime lande den vriwenden er enbôt, wie gelungen wære im und sinen man: ez heten die vil küenen wol nâch êren getân. 223 Die garzûne liefen: von den wart ez geseit. dâ freuten sich vor liebe, die ê heten leit, dirre lieben mære diu in dâ wâren komen. dâ wart von edelen frouwen michel vrâgen vernomen, 224 Wie gelungen wære des rîchen küneges man. man hiez der boten einen für Kriemhilde gân. daz gescach vil tougen: jane torste s' über lût; wan siu hete dar under ir vil liebez herzen trût. 225 Dô siu den boten komende z'ir kemenâten sach. Kriemhilt diu scœne vil güetlichen sprach:

«nu sag' an liebiu mære: jâ gib' ich dir mîn golt, tuost du'z âne liegen, ich wil dir immer wesen holt. 226 Wie sciet ûz dem strîte mîn bruoder Gêrnôt und ander mîne friwende? ist uns iht maneger tôt? oder wér tet dâ daz beste? daz solt du mir sagen. dô sprach der bote sciere: «wir heten ninder einen zagen. 227 Ze ernste und ze strîte reit niemen alsô wol, vil edeliu küneginne, sît ich'z iu sagen sol, sô der gast vil edele ûzer Niderlant: dâ worhte michel wunder des küenen Sîvrides hant. 228 Swaz die recken alle in strîte hant getân, Dankwart und Hagene und ander's küneges man, swaz sie striten nâch éren, daz ist gar ein wint unz eine an Sîvrîden, des künec Sigemundes kint. 229 Sie frumten in dem sturme der helde vil erslagen: doch möhte iu daz wunder niemen wol gesagen waz dâ worhte Sîvrit, swenn' er ze strîte reit. den frouwen an ir mâgen tet er diu grœzlichen leit. 230 Ouch muoste dâ beliben vil maneger frouwen trût. sîne slege man hôrte ûf helmen alsô lût, daz sie von wunden brâhten daz fliezende bluot. er ist an allen tugenden ein ritter küen' unde guot. 231 Swaz dâ hât begangen von Metzen Ortwin (swaz er ir mohte erlangen mit dem swerte sîn,

die muosen wunt beliben oder meiste(t) tót), dâ tet iuwer bruoder die aller grœzisten nôt 232 Diu immer in den sturmen kunde sîn gescehten. man muoz der wârheite den ûz erwelten jehen: die stolzen Burgonden habent sô gevarn daz sie vor allen scanden ir êre kunden wol bewarn. 233 Man sach dâ vor ir handen vil manegen satel blôz, dâ von lichten swerten daz velt sô lûte erdôz. die recken von dem Rine die habent sô geriten daz ez ir vîänden wære bézzer vermiten. 234 Die küenen Tronegære die frumten grôziu leit, dâ mit volkes kreften daz her zesamene reit. dâ frumte manegen tôten des küenen Hagenen hant, des vil ze sagene wære her ze Burgonden lant. 235 Sindolt und Hûnolt, die Gêrnótes man, und Rûmolt der küene, die hânt sô vil getân daz ez Liudegêre mag immer wesen leit daz er den dînen mâgen ze Rine hete widerseit. 236 Strît den aller hœhsten der inder dâ gescach ze jungest und zem êrsten den ie man gesach, den tet vil willecliche diu Sivrides hant. er bringet rîche gîsel in daz Guntheres lant. 237 Die twanc mit sînen ellen der wætlîche man, des ouch der künec Liudegast muoz den scaden hân, und ouch von Sahsen lande sîn bruoder Liudegêr. nu hœret mîniu mære, vil edeliu küneginne hêr.

238 Sie hât gevangen beide diu Sîvrides hant. nie sô manegen gîsel man brâht' in ditze lant sô von sînen schulden nu kumet an den Rîn.» ir kunden disiu mære nimmer lieber gesîn. 239 «Man bringet der gesunden fünf hundert oder baz, unt der vérchwúnden (frouwe, wizzet daz) wol ahzec rôte bâre her in unser lant. die meistec hât verhouwen des küenen Sîvrides hant. 240 Die durch übermüeten widerságeten an den Rîn, die müezen nu gevangen die Guntheres sîn: die bringet man mit vreuden her in ditze lant.» do erblüete ir liehtiu varwe dô siu diu mære reht' ervant. 241 Ir scœnez antlütze daz wart rôsenrôt, do mit liebe was gescheiden ûz der grôzen nôt der wætliche recke Sîvrît der junge man. siu freute ouch sich ir friwende; daz was von scüldén getân. 242 Dô sprach diu minneclîche: «du hâst mir wol geseit. du solt haben dar umbe ze miete rîchiu kleit und zehen marc von golde, die heiz' ich dir tragen.» des mac man sölhiu mære rîchen frouwen gerne sagen. 243 Man gab im sîne miete, daz golt und ouch diu kleit. dô gie an diu venster vil manec scœniu meit. sie warten ûf die strâze: rîten man dô vant vil der hôhgemuoten in der Burgonden lant.

244 Dâ kômen die gesunden: die wunden tâten sam. sie mohten gruezen hœren von friwenden âne scam. der wirt gein sînen gesten vil vrœlîchen reit: mit vreuden was verendet daz sîn vil grœzlîche leit. 245 Dô enpfienc er wol die sîne, die vremden tet er sam: wan dem rîchen künnege anders niht enzam wan danken güetlîche den die im wâren komen, daz sie den sic nâh êren in sturme hêten genomen 246 Gunther bat im mære von sînen vriwenden sagen, wer im an der reise ze tôde wære erslagen. dô het er vloren niemen niwan sehzec man. verklagen man die muose sô sit nâch helden ist getân. 247 Die gesunden brâhten zerhowen manegen rant und helme vil verscrôten in Guntheres lant. daz volc erbeizte nidere für des künges sal: ze liebem ântpfânge man hôrte vrœlîchen scal. 248 Dô hiez man herbergen die recken in die stat. der künec sîner geste vil scône pflegen bat. er hiez der wunden hüeten und schaffen guot gemach. wol man sîne tugende an sînen vîänden sach. 249 Er sprach ze Liudegaste: «nu sit mir willekomen. ich hân von iuwern sculden scaden vil genomen: der wirt mir nu vergolten, ob ich gelücke hân. got lône mînen vriwenden: sie hânt mir liebe getân.» 250 «Ir muget in gerne danken», sprach dô Liudegêr: «alsô hôher gîsel gewan nie künec mêr.

umbe scœne huote wir geben michel guot, daz ir genædeclîche an iuwern vîänden tuot.» 251 «Ich wil iuch beide lâzen», sprach er, «ledec gân. daz mîne vîände hie bî mir bestên, des wil ich haben pürgen, daz sie mîniu lant iht rûmen âne hulde.» des bôt dô Liudegêr die hant. 252 Man brâhte sie ze ruowe und scuof in ir gemach. den wunden man gebettet vil güetlîchen sach: man schancte den gesunden met und guoten wîn. dô kunde daz gesinde nimmer vrœlicher sîn. 253 Ir zerhouwen schilde behálten man truoc. vil bluotîger sâtele der was dâ genuoc: die hiez man verbergen, daz weinten niht diu wîp. dâ kom hermüede vil maneges guoten ritters lîp. 254 Der künec pflac sîner geste vil grœzliche wol. der vremden und der kunden diu lant wâren vol. er bat der sêre wunden vil güetlîche pflegen. dô was ir übermüeten vil harte ringé gelegen. 255 Die erzenîe kunden den bôt man rîchen solt, silber âne wâge, dar zuo daz lichte golt, daz sie die helde nerten nâch des strîtes nôt: dar zuo der künec den gesten gâbe grœzlichen bôt.

256 Die wider heim ze hûse heten reise muot, die bat man noch beliben alsô man vriwende tuot. der kûnec gie ze râte wie'r lônte sînen man: sie heten sînen willen nâch grôzen êrên getân. 257 Dô sprach der herre Gêrnôt: »man sol sie riten lân. über sehs wochen si in daz kunt getân daz sie komen widere z'einer hôhgezît: sô ist maneger geheilet der nu vil sêre wunder lît.« 258 Dô gert' ouch urloubes Sivrit von Niderlant. dô der kûnec Gunther den willen sîn ervant, er bat in minneclîche noch bî im bestân. niwan durch sîne swester, sone wær' ez nimmêr getân. 259 Dar zuo was er ze rîche, daz er iht næme solt. er het daz wol verdienet, der kûnec was im holt. sam wâren sîne mâge: die heten daz gesehen, waz von sînen kreften in dem strîte was geschehen. 260 Durch der scœnen willen gedâht' er noch bestân, ob er sie gesehen möhte. sît wart ez getân: wol nâch sînem willen wart im diu maget bekant. sît reit er vrœlîche in daz Sigemundes lant. 261 Der wirt hiez z'allen zîten ritterscefte pflegen: daz tet dô willeclîchen vil manec junger degen. die wîle hiez er sidelen vor Wormez an den sant den die im komen solden zuo der Burgonden lant. 262 In den selben zîten, dô sie nu solden komen, dô het diu scœne Kriemhilt diu mære wol vernomen,

er wolde hōhgezite durch liebe vriwende hān: dō wart vil michel vlizen von scēnen frōuwēn getān 263 Mit wæte und mit gebende daz sie dā solden tragen. Uote diu vil riche diu mære hōrte sagen von den stolzen recken die dā solden komen. dō wart ûz der valde vil richer klēidēr genommen. 264 Durch ir kinde liebe hiez siu bereiten kleit: dā mite wart gezieret vil frōuwen und mānec meit und vil der jungen recken ûz Burgonden lant. ouch hiez siu vil den vremeden prüeven hērlich gewant.

265 Man sach sie tägelîchen nu rîten an den Rîn, die zer hôhgezîte gerne wolden sîn. die durch des küneges liebe kômen in daz lant, den bôt man sumelîchen ros und hêrlich gewant. 266 In was ir gesidele allen wol bereit. den hœhsten und den besten, als uns daz ist geseit, zwein und drîzec fürsten, dâ zer hôhgezît. dâ zierten sich engegene die scœnen frouwen wider strît. 267 Ez was dâ vil unmüezec Gîselher daz kint. die geste mit den kunden vil güetlîche sint die enpfieng er und Gêrnôt und ouch ir beider man. jâ gruozten sie die degene, als ez nâch êren was getân.

268 Vil goltrôter sätele sie fuorten in daz lant, zierliche scilde und hêrlîch gewant brâhten sie ze Rîne zuo der hôhgezît. manegen ungesunden sah man vrœlîchen sit. 269 Die in den betten lâgen und heten wunden nôt, die muosen des vergezzen, wie herte was der tôt. die siechen ungesunden muosen sie verklagen. sie vreuten sich der mære gein der hôhgezîte tagen, 270 Wie sie leben wolden dâ zer wirtscaft. wünne âne mâze, mit vreuden überkraft, heten al die liute, swaz man ir dâ vant. des huop sich michel vreude über al daz Gúnthéres lant. 271 An einem pfinxtmorgen sáh man füre gân, gekleidet wünneclîche, vil manegen küenen man, fünf tûsent oder mêre dâ zer hôhgezît. sich huop diu kurzewîle an manegem ende wider strit. 272 Der wirt der hete die sinne, im was daz wol erkant, wie rehte herzenlîche der helt von Niderlant sîne swester trûte, swie'r sie nien' gesach, der man sô grôzer scœne vor allen juncfrouwen jach. 273 Dô sprach zuo dem künege der degen Ortwîn: «welt ir mit vollen êren zer hôhgezîte sîn, sô sult ir lâzen scouwen diu wünneclîchen kint die mit sô grôzen êren hie zen Burgonden sint. 274 Waz wære mannes wünne, des vreute sich sîn lîp, ez entæten scœne mägede und hêrlîchiu wîp?

lâzet iuwer swester für iuwer geste gân.“ der rât was ze liebe vil manegem héldé getân. 275 «Des wil ich gerne volgen», sprach der künec dô. alle die'z erfunden, die wâren's harte vrô. er'nbôt éz froun Uoten und ir tóhter wol getân, daz siu mit ir mâgeden hin ze hove solde gân. 276 Dô wart ûz den schrînen gesuochet guot gewant. swaz man in der valde der edelen wât·e vant, die bouge mit den porten, des was in vil bereit. sich zierte flîzeclîche vil manec wætlichiu meit. 277 Vil manec recke tumber des tages hete muot, daz er an ze sehene den frouwen wære guot, daz er dâ für niht næme eins rîchen küneges lant. sie sâhen die vil gerne die sie nie hétén bekant. 278 Dô hiez der künec rîche mit sîner swester gân, die ir dienen solden, wol hundert sîner man, ir und sîner mâge: die truogen swert enhant. daz was daz hovegesinde vôn der Búrgónden lant. 279 Uoten die vil rîchen die sach man mit ir komen. diu hete scœne frouwen geselleclich genomen wol hundert oder mêre: die truogen rîchiu kleit. ouch gie dâ nâch ir tohter vil manec wætlichiu meit. 280 Von einer kemenâten sah man sie alle gân: dô wart vil michel dringen von helden dar getân, die des gedingen hêten, ob kunde daz geschehen, daz sie die maget edele solden vrœlîchen sehen.

281 Nu gie diu minneclîche alsô der morgenrôt tuot ûz den trüeben wolken. dâ sciet von maneger nôt der sie dâ truog in herzen und lange het getân: er sach die minneclîchen nu vil hêrlîchen stân. 282 Jâ lûhte ir von ir wæte vil manec edel stein: ir rôsenrôtiu varwe vil minneclîchen scein. ob iemen wünscen solde, der kunde niht gejehen daz er ze dirre werelde hete iht scœners gesehen. 283 Sam der lichte mâne vor den sternen stât, der scîn sô lûterlîche ab den wolken gât, dem stuont siu nu gelîche vor maneger frouwen guot. des wart dâ wol gehœhet den zieren heleden der muot. 284 Die rîchen kamerære sah man vor in gân. die hôhgemuoten degene die'n wolden daz niht lân, sinę drungen dâ sie sâhen die minneclîchen meit. Sivride dem herren wart beide lieb únde leit. 285 Er dâhte in sînem muote: «wie kunde daz ergân daz ich dich minnen solde? daz ist ein tumber wân. sol aber ich dich vremeden, sô wære ich sanfter tôt.» er wart von den gedanken vil dicke bleich unde rôt. 286 Dô stuont sô minneclîche daz Sigemundes kint, sam er entworfen wære an ein pérmînt von guotes meisters listen, als man ime jach, daz man helt deheinen nie sô scœnén gesach. 287 Die mit der frouwen giengen, die hiezen von den wegen wîchen allenthalben: daz leiste manec degen.

diu hôhe tragenden herzen vreuten manigen lip. man sach in hôhen zühten manec hêrlichez wip. 288 Dô sprach von Burgonden der herre Gêrnôt: «der iu sînen dienest sô güetlichen bôt, Gunther, lieber bruoder, dem sult ir tuon alsam vor allen disen recken: des rât's ich nimmer mich gescam. 289 Ir heizet Sivriden zuo mîner swester kumen, daz in diu maget grüeze: des habe wir immer frumen. diu nie gegruozte recken, diu sol in grüezen pflegen: dâ mite wir haben gewonnen den vil zierlîchen degen. 290 Dô giengen 's wirtes mâge dâ man den helt vant. sie sprâchen zuo dem recken ûzer Niderlant: «iu hât der künec erloubet, ir sult ze hove gân, sîn swester sol iuch grüezen: daz ist zen êren iu getân.» 291 Der herre in sînem muote was des vil gemeit. dô truog er ime herzen lieb âne leit, daz er sehen solde der scœnen Uoten kint. mit minneclîchen tugenden siu grüozte Sivriden sint. 292 Dô siu den hôhgemuoten vor ir stênde sach, dô erzunde sich sîn varwe. diu scœne magt sprach: «sît willekomen, her Sivrit, ein edel ritter guot.» dô wart im von dem grüoze vil wol gehoehet der muot. 293 Er neig ir flîzeclîche: bî der hende siu in vie. wie rehte minneclîche er bî der frouwen gie!

mit lieben ougen blicken ein ander sâhen an der herre und ouch diu frouwe: daz wart vil tougenlich getân. 294 Wart iht dâ friwentlîche getwungen wîziu hant von herzen lieber minne, daz ist mir niht bekant. doch enkan ich niht gelouben daz ez wurde lân: siu het im holden willen kunt vil scieré getân. 295 Bî der sumerzîte und gein des meijen tagen dorft' ér in sîme herzen nimmer mêr getragen sô vil der hôhen vreude denn' er dâ gewan, dô im diu gie enhende die er ze trûte wolde hân. 296 Do gedâhte manec recke: «hei wær' mir sam geschehen, daz ich ir gienge enhende, sam ich in hân gesehen, oder bî ze ligene! daz liez' ich âne haz.» ez gediente noch nie recke nâch einer küneginne baz. 297 Von swelher künege lande die geste kômen dar, die nâmen al gelîche niwan ir zweier war. ir wart erloubet küssen den wætlîchen man: im wart in dirre werlde nie sô liebé getân. 298 Der künec von Tenemarke der sprach sâ zestunt: «diss vil hôhen gruozes lît maneger ungesunt, des ich vil wol enpfinde, von Sivrides hant. got enlâze in nimmer mêre komen in mîniu künges lant.» 299 Man hiez dô allenthalben wîchen von den wegen der scœnen Kriemhilde. manegen küenen degen

sah man gezogenliche ze kirchen mit ir gân. sît wart von ir gesciden der vil wætliche man. 300 Dô gie siu zuo dem münster: ir folgte manec wîp. dô was ouch sô gezieret der küneginne lîp, daz dâ hôher wünsche maneger wart verlorn. siu was dâ z’ougen weide vil manegem réckén geborn. 301 Vil kûme erbeite Sivrit daz man dâ gesanc. er mohte sînen sælden immer sagen danc daz im diu was sô wæge die er in herzen truoc: ouch was er der scœnen holt von scülden genuoc. 302 Dô siu kôm ûz dem münster sam er ê hete getân, man bat den degen küenen wider zuo z’ir gân. alrêst begunde im danken diu minneclîche meit, daz er vor manegem helde sô rehte hêrlichen streit. 303 «Nu lôn’ iu got, her Sivrit», sprach daz scœne kint, «daz ir daz habt verdienet daz iu die recken sint sô holt mit rehten triuwen als ich sie hœre jehen.» dô begûnd’er minneclîche an froun Kriemhilden sehen. 304 «Ich sol iu immer dienen», alsô sprach der degen, «und enwil mîn houbet nimmer ê gelegen, ih enwerbe nâch ir willen, sol ich mîn leben hân. daz ist nâch iuwern hulden, mîn frou Kriemhilt, getân.» 305 Inre tagen zwelven, der tage al ieslîch, sah man bî dem degene die maget lobelîch,

sô siu ze hove solde vor ir vriwenden gân. der dienest wart dem recken durch grôze líebé getân. 306 Vreude unde wünne, vil grœzlichen scal sah man áller tägelîche vor Guntheres sal, dar ûze und ouch dar inne, von manegem küenen man. Ortwin unde Hagene vil grôzer wúndér began. 307 Swes iemen pflegen solde, des wâren sie bereit mit volleclîcher mâze, die helde vil gemeit. des wurden von den gesten die recken wol bekant. dâ von sô was gezieret allez Guntheres lant. 308 Die dâ wunde lâgen, die sah man fûr gân: sie wolden kurzwile mit dem gesinde hân, schirmen mit den scilden und schiezen manegen scaft. des hulfen in genuoge: sie heten grœzliche kraft. 309 In der hôhgezîte der wirt hiez ir pflegen mit der besten spîse. er hete sich bewegen aller slahte scande die ie künec gewan. man sah in vriwentlîche zuo den sînen gesten gân. 310 Er sprach: «ir guoten recken, ê daz ir sceidet hin, sô nemt mîne gâbe: alsô stêt mîn sin daz ich'z immer diene. versmæhet niht mîn guot: daz wil ich mit iu teilen. des hân ich willîgen muot.» 311 Die von Tenemarke sprâchen sâ zehant: «ê daz wir wider riten heim in unser lant,

wir gern stæter suone. des ist uns recken nôt: wir hân von iuwern degenen manegen lieben vriwent tôt.» 312 Liudegast geheilet sîner wunden was: der vogt von den Sahsen nâch strîte wol genas. etelîche tôten sie liezen dar enlant. dô gie der künic Gunther dâ er Sîvriden vant. 313 Er sprach zuo dem recken: «nu râte wie ich tuo. die unser widerwinnen die wellent rîten vruo, und gerent stæter suone an mich und mîne man: nu râtâ, degen Sîvrit, waz dich des dunke guot getân. 314 Waz mir die herren bieten, daz wil ich dir sagen. swaz fünf hundert mære goldes mügen tragen, daz gæben sie mir gerne, wold' ich sie ledec lân.» dô sprach der starke Sîvrit: «daz wær' vil übele getân. 315 Ir sult sie lediclîchen hinnen lâzen varn: und daz die recken edele mêre wol bewarn vîentlîchez rîten her in iuwer lant, des lât iu geben sicherheit hie der beider herren hant.» 316 «Des râtes wil ich volgen.» dâ mite sie giengen dan. den sînen vîanden wart daz kunt getân, ir goldes gerte niemen daz sie dâ buten ê. dâ heime ir lieben vriwenden was nâch den hermüeden wê. 317 Manege scilde volle man dar scatzes truoc: er teilte's âne wâge den vriwenden sîn genuoc,

bî fünf hundert marken, und eteslichen baz. Gêrnôt der vil küene der riet Gunthere daz. 318 Urlôup sie alle nâmen, alsô sie wolden dan.317 dô sah man die geste für Kriemhilde gân(320) und ouch dâ frou Uote diu küneginne saz. ez'n wart noch nie dégenen mêre gęúrlóubet baz. 319 Herbérge wurden lære dô sie von dannen riten.318 noch bestuont dâ heime mit hêrlichen siten(321) der künec mit sînen mâgen, vil manec edel man. die sah man tägelîche zuo froun Kriemhilde gân. 320 Urlóup ouch nemen wolde Sivrît der helet guot:319 er trûwet' niht erwerben des er dâ hete muot.(322) der künec daz sagen hôrte daz er wolde dan: Gîselher der junge in von der reise gar gewan. 321 «War woldet ir nu rîten, vil edel Sivrît?320 belîbet bî den recken, tuot des ich iuch bit,(323) bî Gúnthére dem künige und ouch bî sînen man. hie ist vil scœner frouwen, die sol mán iuch gerne sehen lân.» 322 Dô sprach der starke Sivrît: «diu ros lâzet stân.321 ich wolde hinnen rîten: des wil ich abe gân.(324) und traget ouch hin die scilde. jâ wóld' ich in mîn lant. des hât mich her Gîselher mit grôzen tríuwén erwant.» 323 Sus beleip der küene durch vríwende liebe dâ.322 jâ wær' er in den landen ninder anderswâ(325)

gewesen alsô sanfte. dâ von daz gescach daz er nu tægeliche die scœnen Kriemhilde sach. 324 Durch ir unmâzen scœne der herre dâ beleip. mit maneger kurzewîle man nu die zît vertreip, wan daz in twanc ir minne: diu gab im dicke nôt. dar umbe sît der küene lac vil jæmerlîche tôt.

325 Íteniuwe mære sich huoben über Rîn. man sagte daz dâ wære manec scœne magedîn. der gedâht' im eine erwerben Gunthér der künec guot: dâ von begund' dem recken vil sêre hôhén der muot. 326 Ez was ein küneginne gesezzen über sê: ir gelîche enheine man wesse ninder mê. diu was unmâzen scœne, vil michel was ir kraft. siu scôz mit snellen degenen umbe mínné den scaft. 327 Den stein warf siu verre, dar nâch siu wîten spranc. swer ir minne gerte, der muose âne wanc driu spil an gewinnen der frouwen wol geborn: gebrast im an dem einem, er hete daz houbet sîn verlorn.

328 Des het diu juncfrouwe unmâzen vil getân. daz gevriesch bî dem Rine ein ritter wol getân, der wande sine sinne an daz scœne wip: dar umbe muosen helede sit verliesen den lip. 329 Dô sprach der vogt von Rine: «ich wil nider an den sê hin ze Prünhilde, swie ez mir ergê. ich wil durch ir minne wâgen minen lip: den wil ich verliesen, sine werde min wip.» 330 «Daz wil ich widerrâten», sprach dô Sivrit. «jâ hât diu kûneginne sô vreisliche sit, swer umbe ir minne wirbet, daz ez im hôhe stât. des muget ir der reise haben wærlîchen rât.» 331 «Sô wil ih iu daz râten», sprach dô Hagene, «ir bitet Sivride mit iu ze tragene die vil starken swære, daz ist nu min rât: sit im daz ist sô kûndec wie'z umbe Prünhilde stat.» 332 Er sprach: «wil du mir helfen, edel Sivrit, werbên die minneclichen? tuostu des ich dich bit, und wirt mir z'eime trûte daz minnecliche wip, ich wil durch dinen willen wâgen êre unde lip.» 333 Des antwurte Sivrit, der Sigemundes sun: «gistu mir dine swester, sô wil ich ez tuon, die scœnen Kriemhilde, ein kûneginne hêr: sô ger ich keines lones nâch minen arebeiten mêr.»

334 «Daz lobe ich», sprach dô Gunther, «Sivrît, an dîne hant, und kumt diu scœne Prünhilt her in ditze lant, sô wil ich dir ze wîbe mîne swester geben: sô mahtu mit der scœnen immer vrœliche leben.» 335 Des swuoren sie dô eide, die réckén vil hér. des wart ir arebeiten verre deste mêr, ê daz sie die frouwen brâhten an den Rîn. des muosen die vil küenen sît in grôzen sorgen sîn. 336 Sivrît der muose füeren die kappen mit im dan, die der helt vil küene mit sórgén gewan ab éimé getwerge, daz hiez Albrîch. sich beréiten zuo der verte die recken küen' unde rîch. 337 Alsô der starke Sivrît die tarnkappen truoc, sô het er dar inne kréfté genuoc, zwélf manne sterke zuo sîn selbes lîp. er warp mit grôzen listen daz vil hérliche wîp. 338 Ouch was diu selbe tarnhût álsô getân daz dar inne worhte ein ieslicher man swaz er selbe wolde, daz in doch niemen sach. sus gewán er Prünhilde: dâ von im léidé gescach. 339 «Nu sage mir, degen Sivrît, ê daz mîn vart ergê, daz wir mit vollen êren komen an den sê, suln wir iht recken füeren in Prünhilde lant? drîzec tûsent degene die werdent scíeré besant.» 340 «Swie vil wir volkes füeren», sprach aber Sivrît, «ez pfliget diu küneginne sô vreislîcher sit,

die müesen doch ersterben von ir übermuot ich sol iuch baz bewîsen. degen küene unde guot. 341 Wir suln in recken wîse varn ze tal den Rîn.(340) die wil ich dir nennen, die daz sulen sîn. selbe vierde degene varn wir an den sê: sô erwerben wir die frouwen, swie'z uns dâr nâch ergê. 342 Der gesêllen bin ich einer, der ander soltu wesen,339 der dritte daz sî Hagene (wir mugen wol genesen),(340) der vierde daz sî Dancwart, der vil küene man. uns endürfen ander tûsent mit strîte nimmêr bestân.» 343 «Diu mære wess' ich gerne», sprach der künec dô,340 «ê daz wir hinnen füeren (des wære ich harte vrô),(341) waz wir kleider solden vor Prünhilde tragen, diu uns dâ wol gezæmen: daz sult ir Gunthere sagen.» 344 «Wât die aller besten die ie man bevant,341 die treit man z'allen zîten in Prünhilde lant.(342) des sulen wir rîchiu kleider vor der frouwen tragen, daz wir's iht haben scande, sô man diu mære hœre sagen.» 345 Dô sprach der degen guoter: «sô wil ich selbe gân(343) zuo mîner lieben muoter, ob ich erwerben kan daz uns ir scœnen mägede helfen prüeven kleit, diu wir tragen mit êren für die hêrlichen meit.»

346 Dô sprach von Tronege Hagene mit hêrlîchen siten: «wes welt ir iuwer muoter sôlher dienste biten? lât iuwer swester hœren wes ir habet muot: sô wirdet iu ir dienst zuo dirre hovereise guot.» 347 Do ẹnbôt er siner swester daz er sie wolde sehen, und ouch der degen Sivrit. ê daz was geschehen, dô hete sich diu scœne ze wunsche wol gekleit. daz komen der vil küenen daz was ir mæzliche leit. 348 Dô was ouch ir gesinde gezieret als im gezam. die fürsten kômen beide, dô siu daz vernam, dô stuont siu von dem sedele. mit zûhten siu dô gie dâ siu den gast vil edelen und ouch ir brûodér enpfie. 349 «Willekômen si min bruoder und der geselle sin. diu mære ich wiste gerne», sô sprach daz magedin, «waz ir herren woldet, sit ir ze hove gât. daz lât ir mich hœren wie'z iu edelen recken stât.» 350 Dô sprach der kûnec Gunther: «frouwe, ich wil'z iu sagen. wir müezen michel sorgen bi hôhem muote tragen. wir wellen höfscen riten verre in fremdiu lant: wir solden zuo der reise haben zierlich gewant.» 351 «Nu sitzet, lieber bruoder», sprach daz kûneges kint, «und lât mich rechte hœren wer die frouwen sint, der ir dâ gert mit minnen in ander kûnege lant.» die ûz erwelten beide nam diu frouwe bi der hant.

352 Dô gie siu mit in beiden dâ siu ê dâ saz, ûf mátrâz diu rîchen, ich wil wol wizzen daz, geworht von guoten bilden, mit golde wol erhaben. sie mohten bî den frouwen guote kurzwîle haben. 353 Friwentliche blicke und güetlichez sehen, des mohte dâ in beiden harte vil geschehen. er truoc sie inne herzen, siu was im sô der lîp. sît wart diu scœne Kriemhilt des starken Sivrides wîp. 354 Dô sprach der künec rîche: «vil liebiu swester mîn, âne dîne helfe kund' ez niht gesîn. wir wellen kurzwîlen in Prünhilde lant: da bedörften wir ze habene vor frouwen hêrlich gewant. 355 Dô sprach diu juncfrouwe: «vil lieber bruoder mîn, swaz der mînen helfe dar an kan gesîn, des bringe ich iuch wol innen, daz ich iu bin bereit. versagt iu ander iemen, daz wære Kriemhilde leit. 356 Ir sult mich, ritter edele, niht sorgénde biten: ir sult mir gebieten mit hêrlîchen siten. swaz iu von mir gevalle, des bin ich iu bereit, unt tuon ez willeclîche», sprach diu wünneclîchiu meit. 357 «Wir wellen, liebiu swester, tragen guot gewant. daz sol helfen prüeven iuwer edelîu hant: des volzîehen iuwer mägede, daz ez uns rehte stât: wande wir der verte hân deheiner slahte rât.

358 Dô sprach diu juncfrouwe: «nu merket waz ich sage. ich hân selbe sîden: nu scaffet daz man trage gesteine uns ûf den scilden: sô wurken wir diu kleit.» des willen was dô Gunther und ouch Sîvrit bereit. 359 «Wer sint die gesellen», sprach diu künegîn, «die mit iu gekleidet ze hove sulen sîn?» er sprach: «ich selbe vierde. zwêne mîne man, Dáncwárt und Hagene, suln ze hove mit mir gân. 360 Ir sult vil rehte merken waz ich iu, frouwe, sage, daz ich selbe vierde ze vier tagen trage ie drier hande kleider und alsô guot gewant, daz wir âne scande rûmen Prünhilde lant.» 361 Mit guotem urloube die herren schieden dan. dô hiez ir juncfrouwen drîzec meide gân ûz ir kemenâten Kriemhilt diu künegîn, die zuo solhem werke heten grœzlichen sin. 362 Die árâbischen sîden wîz alsô der snê unt von Zázamanc der guoten grüen' alsam der klê, dar in sie leiten steine; des wurden guotiu kleit. selbe sneit siu Kriemhilt, diu vil hêrlîche meit. 363 Von vremder visce hiuten bezoc wol getân ze sehene vremde'n liuten, swaz man der gewan, die dahten sie mit sîden, sô sie sie solden tragen. nu hœret michel wunder von der liehten wæte sagen.

364 Von Marroch ûz dem lande und ouch von Lybiân die aller besten siden die ie mêr gewan deheines küneges künne, der heten sie genuoc. wol lie daz scînen Kriemhilt daz si in holden willen truoc. 365 Sît sie der hôhen verte heten nu gegert, hérmîne vedere dûhten si unwért. pfelle drobe lâgen swarz alsam ein kol: daz noch snellen heleden stüende in hôhgezîten wol. 366 Úz ârâbîschem golde vil gesteines scein. der frouwen unmuoze diu newas niht klein: inre siben wochen bereiten sie diu kleit. dô was ouch ir gewæfen den guoten réckén bereit. 367 Dô sie bereitet wâren, dô was in ûf den Rîn gemachet flîzeclîchen ein starkez sciffelîn, daz sie tragen solde vol nider an den sê. den edelen juncfrouwen was von arebeiten wê. 368 Dô sagte man den recken, in wæren nu bereit, diu sie dâ füeren solden, ir zierlîchen kleit, alsô sie dâ gerten. daz was nu getân: done wólden sie niht langer bî dem Rîné bestân. 369 Nâch den hergesellen wart ein bote gesant, ob sie wolden scouwen niuwez ir gewant, ob ez den helden wære ze kurz und ze lanc. ez was in rehter mâze: des sageten sie den frouwen danc. 370 Fur alle die sie kômen die muosen in des jehen daz sie zer werlde hêten bezzers niht gesehen.

des mohten sie sie gerne dâ ze hove tragen: von bezzer recken wæte kunde niemen niht gesagen. 371 Vil grœzliche danken wart dâ niht verdeit. dô gerten urloubes die recken vil gemeit: in ritterlichen zühten die herren tâten daz. des wurden liehtiu ougen von weinen trüeb' únde naz. 372 Siu sprach: «vil lieber bruoder, ir möhtet noh bestân unt wurbet ander frouwen (daz hiez' ich wol getân), dâ iu sô sêre enwâge stüende niht der lip. ir muget hie nâher vinden ein alsô hôchgeboren wip.» 373 Ich wæn' in saget' ir herze daz in dâ von geschach. sie weinten al gelîche, swaz iemén gesprach. ir golt in vor den brüsten wart von trâhenen sal: die vielen in genôte von den ougen hin ze tal. 374 Siu sprach: «herre Sivrit, lât iu bevolhen sîn úf triuwe und úf genâde den lieben bruoder mîn, daz im iht gewerre in Prünhilde lant.» daz lobte der vil küene in froun Kriemhilde hant. 375 Dô sprach der degen rîche: «ob mir mîn lîp bestât, sô sult ir aller sorgen, frouwe, haben rât. ich bringe'n iu gesunden her wider an den Rîn: daz wizzet sicherlîchen.» im neic daz scœne magedîn. 376 Ir goltvarwen seilde man truog in ûf den sant unde brâhte in zúo z'in allez ir gewant.

ir ros hiez man in ziehen: sie wolden riten dan. dô wart von scenen frouwen vil michel wéinén getán. 377 Dô stuonden in den venstern diu minneclichen kint. ir scif mit dem segele daz ruorte ein höher wint. die stolzen hergesellen die sâzen ûf den Rin. dô sprach der künee Gunther: «wer sol nu seif- meister sin?» 378 «Dáz wil ich», sprach Sivrit: «ich kan iuch ûf der fluot hinnen wol gefüeren, daz wizzet, helede guot. die rechten wazzestrâzen die sint mir wol bekant. sie scieden vrölichen ûz der Burgonden laut. 379 Sivrit dô balde ein scáltén gewan: von stade begunde schiehen der kréftige man. Gûnthér der küene selbe ein ruoder nam. dô huoben sich von lande die snellen ritter lobesam. 380 Sie fuorten richc spise, dar zuo guoten win, den besten den man kunde vinden umbe'n Rin. ir ros diu stuonden scône, sie heten guot gemach. ir seif daz gie vil ebene: vil lützel leides in geseach. 381 Ir vil starken segelseil wurden in gestraht: sie fuoren zweinzec mile ê daz ez wurde naht, mit eine guoten winde nider gegen dem sê. ir starkez arebeiten tet sit den hôhgemuoten wê. 382 An dem zwelften morgen, sô wir hêren sagen, heten sie die winde verre dan getragen gegen Isensteine in Prûnhilde lant: daz was ir deheinem niwan Sivride erkant.

383 Dô der künec Gunther sô vil der bürge sach372 und ouch die wîten marke, wie balde er dô sprach!(391) «saget mir, friwent Sîvrit, ist iu daz bekant, wes sint dise bürge und ouch daz hêrlîche lant?» 384 Des antwurte Sîvrit: «ez ist mir wol bekant.373 ez ist Prünhilde lîut únde lant(393) und Îsenstein diu veste, als ir mich hôrtet jehen. dâ muget ir noch hiute vil scœner fróuwén gesehen. 385 Unt wil iu helden râten, ir habet einen muot,374 îr jéhet gelîche, jâ dunket ez mich guot.(394) swenne wir noch hiute für Prünhilde gân, sô müezen wir mit sorgen vor der küneginne stân. 386 Sô wir die minneclîchen bî ir gesinde sehen,375 sô sult ir, helede mære, wan einer rede jehen,(395) Gunther sî mîn herre, und ich sî sin man: des er dâ hât gedingen, daz wirdet álléz getân.» 387 Des wâren sie bereite swaz er sie loben hiez.376 durh ir übermüete deheiner ez niht liez,(396) sie jâhen swes er wolde: dâ von in wol geseach, dô der künec Gunther die scœnen Prünhilde sach. 388 «Jane lob' ih'z niht sô verre durch die liebe dîn(397) sô durch dîne swester, daz scœne magedîn. diu ist mir sam mîn sêle und sô mîn selbes lîp: ich wil daz gerne dienen daz siu wérdé mîn wîp.»

389 In den selben zîten dô was ir scif gegân der bürge alsô nâhen: dô sah der künec stân oben in den venstern vil manege scœne meit. daz er ir niht erkande, daz was Gunthere leit. 390 Er vrâgte Sîvrîde, den gesellen sîn: «ist iu daz iht künde umb' disiu magedîn, die dort her nider scouwent gein uns ûf die vluot? swie ir herre heize, sie sint vil hôhê gemuot.» 391 Dô sprach der herre Sîvrit: «nu sult ir tougen spehen under den juncfrouwen, und sult mir danne jehen welhe ir nemen woldet, hetet ir's gewalt. «daz tuon ich», sprach Gunther, «ein ritter kuen' unde balt.

392 «Sô sihe ich ir eine in jenem venster stân, in snêwîzer wæte: diu ist sô wol getân, die wellent miniu ougen durch ir scœnen lip. ob ich gewalt des hête, siu müese wêrdên min wip.» 393 «Dir hât erwelt vil rehte diner ougen sein: ez ist diu edele Prünhilt, daz scœne magedin, nâch der din herze ringet, din sin unt ouch der muot.» elliū ir gebærde diu dûhte Guntheren guot. 394 Dô hiez diu kûneginne ûz den venstern stân ir hêrliche mâgede: sin' solden dâ niht stân den vremden an ze sehene. des wâren sie bereit. waz dô die vrouwen tâten, daz ist uns sider ouch geseit. 395 Gegen den unkunden strichen sie ir lip, des ie site hêten diu wætlichen wip. an diu engen venster kômen sie gegân, dâ sie die helde sâhen: daz wart durh schôuwên getân. 396 Ir wâren niwan viere, die kômen in daz lant. Sifrit der küene ein ros zôch ûf den sant; daz sâhen durch diu venster diu wætlichen wip: des dûhte sich getiuret des kûnec Guntheres lip. 397 Er habt' im dâ bi zoume daz zierliche marc, gûot ûnde schœne, vil michel unde starc, unz der kûnic Gunther in den satel gesaz. alsô diente im Sifrit: des er doch sit vil gar vergaz.

398 Dô zôh er ouch daz sîne von dem schiffe dan. er hete solhen dienest vil selten ê getân, daz er bî stegereife gestuende ie helede mêr. daz sâhen durch diu venster die vrouwen schœn’ unde hêr. 399 Rehte in einer mâze den helden vil gemeit von snêblanker varwe ir ros unt ouch ir kleit wâren vil gelîche, ir schilde wol getân: die lûhten von den handen den vil wætlichen man. 400 Ir sätele wol gesteinet, ir fürbüege smal: sie riten hêrlîche für Prûnhilde sal: dar an hiengen schellen von lichtem golde rôt. sie kômen zuo dem lande als ez ir ellen in gebôt, 401 Mit spern niuwesliffen, mit swerten wol getân, diu ûf die sporn giengen den wætlichen man: diu fuorten die vil küenen, schärpf unde breit. daz sach alliz Prûnhilt, diu vil hêrlîche meit. 402 Mit im kom dô Dancwart unt ouch Hagene. wir hœren sagen mære, wie die degene von rabenswarzer varwe truogen rîchin kleit. ir schilde wâren schœne, michel, guot unde breit. 403 Von Indiâ dem lande man sah sie steine tragen: die kôs man an ir wæte vil hêrlîche wagen. sie liezen âne huote ir schiffel bî der fluot: sus riten zuo der bürge die helde küene unde guot.

404 Sehs unt ahzec türne sie sâhen drinne stân, drî pálas wîte unt einen sál wól getân von edelem marmelsteine grüene alsam ein gras, dar inne selbe Prünhilt mit ir ingesinde was. 405 Diu burc was entslozzen, vil wîte ûf getân. dô liefen in engegene die Prünhilde man unt enpfiengen dise geste in ir vrouwen lant. ir ros hiez man behalten unt ir schilde von der hant. 406 Dô sprach ein kamerære: «ir sult uns geben diu swert unt ouch die liehten brünne.» «des sît ir ungewert», sprach von Tronege Hagene: «wir wellen s' selbe tragen.» dô begonde im Sîfrit dâ von diu rehten mære sagen: 407 «Man pfliget in dirre bürge, daz wil ich iu sagen, daz neheine geste hie wâfen sulen tragen. nu lât siu tragen hinnen: daz ist wol getân.» des folgte vil ungerne Hagene Guntheres man. 408 Man hiez den gesten scenken unt scaffen ir gemach. vil manigen snellen recken man dâ ze hove sach in fürstlicher wæte allenthalben gân: doch wart michel schouwen an die küenén getân. 409 Dô wart vroun Prünhilde gesaget mit mæren daz unkunde recken dâ komen wæren in hêrlicher wæte gevlozzen ûf der fluot. dâ von begonde vrâgen diu maget scœne unde guot.

410 »Ir sult mich lâzen hœren«, sprach diu kûnegîn, «wer die vil unkunden recken mugen sîn, die in mîner bürge sô hêrlîche stân, unt durch wês liebe die helde her gevaren hân.» 411 Dô sprach ein ir gesinde: »vrouwe, ich mac wol jehen daz ich ir deheinen nie mêr habe gesehen: wan gelîche Sîfrîde einer drunder stât. den sult ir wol enpfâhen: daz ist mit triuwên mîn rât. 412 Der ander der gesellen der ist sô lobelîch: op er gewalt des hête, wol wær' er künic rîch op wîten fürsten landen, und maht' er diu hân. man siht in bî den andern sô rehte hêrlîche stân. 413 Der dritte der gesellen der ist sô gremelîch unt doch mit schœnen lîbe, küneginne rîch, von swinden sînen blicken, der er sô vil getuot. er ist in sînen sinnen, ich wæne, grimmé gemuot. 414 Der jüngeste drunder der ist sô lobelîch: magetlîcher zühte sih' ich den degen rîch mit gûotém gelæze sô minneclîche stân. wir möhten'z alle fürhten, het im hie iemen iht getân. 415 Swie blîde er pflege der zühte, und swie scœne si sin lîp, er möhte wol erweinen vil wætlîchiu wîp, swenn' er begonde zürnen. sin lîp ist sô gestalt, er ist in allen tugenden ein degen küene unde balt.»

416 Dô sprach diu küneginne: «nu brinc mir mîn gewant. unt ist der starke Sîfrit komen in ditze lant durch willen mîner minne, ez gât im an den lîp. i'ne fürhte in niht sô sêre daz ich wérdé sîn wîp.» 417 Prünhilt diu schœne wart schiere wol gekleit. dô gie mit ir dannen vil manic schœniu meit, wol hundert oder mêre: gezieret was ir lîp. ez wolden sehen die geste diu vil wætlichen wîp. 418 Dâ mite giengen degene dâ ûz Îslant, die Prünhilde recken: die truogen swert enhant, fünf hundert oder mêre. daz was den gesten leit. dô stuonden von dem sedele die helde küene unt gemeit. 419 Dô diu küneginne Sîfriden sach, nu muget ir gerne hœren wie diu maget sprach. «sît willekomen, Sîfrit, her in ditze lant. waz meinet iuwer reise? gerne het ich daz bekant.» 420 «Vil michel iwer genâde, mîn vrou Prünhilt, daz ir mich ruochet grüezen, fürsten tohter milt, vor disem edelen recken, der hie vor mir stât: wan der ist mîn herre: der êren het ich gerne rât. 421 Er ist geborn von Rîne: waz sol ich sagen mêr? durch die dîne liebe sin wir gevaren her. der wil dich gerne minnen, swaz im dâ von geschiht. nu bedénke dich's bezîte: mîn herre erlât dich es niht.

422 Er ist geheizen Gunther unt ist ein künic hêr. erwurbe er dîne minne, sone gert' er nihtes mêr. ja gebôt mir her ze varne der recke wol getân: möht' ich es im geweigert haben, ich het iz gerne verlân. 423 Siu sprach: «ist er dîn herre unt bistû sîn man, diu spil diu ich im teile, und getâr er diu bestân, behabt er des die meisterschaft, sô wird' ich sîn wîp: unt ist daz ich gewinne, ez gêt iu allen an den lîp. 424 Dô sprach von Tronege Hagene: «frouwe, lât uns sehen iuwer spil diu starken. ê daz iu müeste jehen Günthêr mîn herre, dâ mües'iz herte sîn. er trouwet wol erwerben ein alsô schoene magedîn.» 425 «Den stein schol er werfen unt springen dar nâch, den gêr mit mir schiezen. lât iu niht sîn ze gâch. ir muget wol hie verliesen die êre und ouch den lîp: des bedênket iuch vil ebene», sprach daz minne- lîche wîp. 426 Sîfrit der küene zuo dem künege trat, allen sînen willen er in reden bat gegen der küneginne; er solde ân' angest sîn: «ich sol iuch wol behüeten vor ir mit den listen mîn. 427 Dô sprach der künec Gunther: «küneginne hêr, nu teilt swaz ir gebietet. unt wær'es dannoch mêr.

daz bestüende ich allez durch inwern schœnen lip. mîn houbet wil ich vliesen, ir enwêrdêt mîn wîp.» 428 Dô diu kûneginne sine rede vernam, der spile bat siu gâhen, als ir daz gezam. siu hiez ir gewinnen ze strite guot gewant, ein prûnne rôtes goldes unt einen guoten schildes rant. 429 Ein wâfenhemede sîdin dâz leit' án diu meit, daz in deheime strîte wâfen nie versneit, von pfelle ûzer Lybiâ. ez was vil wol getân: von porten licht gewürhte daz sach man schînén dar an. 430 Die zît wart disen recken mit gelfe vil gedreut. Dancwart unt Hagene die wâren ungefreut. wie iz dem kûnege ergienge, des sorget' in der muot. sie dâhten: «unser reise ist uns recken niht ze guot.» 431 Die wile was oueh Sîfrit, der wætliche man, ê iz iemén erfunde, in daz schif gegân, da er sîne tarnkappen verborgen ligen vant. dar in slouf er vil schiere: dô was er niemén bekant. 432 Er îlté hin widere: dô vant er recken vil, dâ diu kûneginne teilte ir hōhen spil. dar gie er tougenliche (von listen daz geschach), aller die dâ wâren, daz in dâ niemén ensach. 433 Der rînc der was bezeiget, dâ solde'z spil geschehen vor manigem kûenen recken, die daz solden sehen.

mêr danne siben hundert die sah man wâfen tragen: swem an dem spil gelunge, daz ez die helde solden sagen. 434 Dô was komen Prünhilt: gewâfent man die vant sam ob siu solde strîten umb' elliu küniges lant. jâ truoc siu ob den sîden vil manigen goldes zein: ir minneclichiu varwe dar under hêrlichen schein. 435 Dô kom ir gesinde: die truogen dar ze hant von alrôtem golde einen schildes rant, mit stahelherten spangen, vil michel unde breit, dar under spilen wolde diu vil minneclîche meit. 436 Der vrouwen schiltvezzel ein edel porte was. dar ûffe lâgen steine grüene sam ein gras. der lûhte maniger hande mit schîne wider daz golt. er müeste wesen vil küene dem diu vrouwe wurde holt. 437 Der schilt was under buckeln, als uns daz ist gesaget, wol drier spannen dicker, den tragen solt' diu maget. von stahel unt ouch von golde rîch er was genuoc: den ir kamerære selbe vierde kûme truoc. 438 Alsô der starke Hagene den schilt dar tragen sach, mit grimmigem muote der helt von Tronege sprach: «wâ nu, künic Gunther? wie vliese wir den lîp! der ir dâ gert ze minnen, diu ist des tiuveles wîp.

439 Vernemt noch von ir wæte: der hete siu genuoc. von Azagouc der sîden einen wâfenroc siu truoc, edel unde rîche: ab des varwe schein von der kûneginne vil manic hêrlîcher stein. 440 Dô truoc man dar der vrouwen swære unde grôz einen gêr vil scharpfen, den sî alle zîte schôz, starc unt ungefüege, michel unde breit, der ze sînen ecken harte vreislîchen sneit. 441 Von des gêres swære hœret wunder sagen. wol vierdehalbiu messe was dar zuo geslagen. den truogen kûme drîe Prünhilde man. Gúnthêr der edele vil harte sórgên began. 442 Er dâhte in sînem muote: «waz sol ditze wesen? der tiuvel ûz der helle wie kunder dâ vor genesen? wær' ich ze Burgonden mit dem lebene mîn, siu müeste hie vil lange vrî vor mîner minne sîn.» 443 Dô sprach Hagenen bruoder, der küene Dancwart: «mich riuwet inneclîchen disiu hovevart. nu hiezen wir ie recken: wie vliese wir den lîp, suln uns in disen landen nu verdérbén diu wîp! 444 Mich müet daz harte sêre daz ích kòm in daz lant. unt hete mîn bruoder Hagene sîn wâfen an der hant, unt ouch ich daz mîne, sô möhten sanfte gân mit ir übermüete alle Prünhilde man.

445 Daz wizzet sicherlîchen, sie solden'z wol bewarn. unt het ich tûsent eide ze einem vride geswarn, ê daz ich sterben sæhe den lieben herren mîn, jâ müese'n lîp verliesen daz vil schoene magedîn.» 446 «Wir solden ungevangen wol rûmen ditze lant», sprach sîn bruoder Hagene, «beten wir daz gewant des wir ze nôt bedurfen unt ouch diu swert vil guot: sô würde wol gesenftet der starken vrouwen übermuot. 447 Wol hôrt' diu maget edele waz der degen sprach. mit smi師endem munde siu über ahsel sach: «nu er dunke sich sô küene, sô traget in ir gewant: ir vil scharpfen wâfen gebet den recken an die hant. 448 Dô sie diu swert gewonnen, alsô diu maget gebôt, der vil küene Dancwart vor vröuden wart rôt. «nu spilen swes sie wellen», sprah der snelle man: «Gunthêr ist umbetwungen, sît daz wir unser wâfen hân.» 449 Diu Prünhilde sterke vil grœzlîchen schein. man truoc ir zuo dem ringe einen swæren stein, grôz unt ungefüege, michel unde wel: in truogen kûme zwelve helde küene unde snel. 450 Den warf siu z'allen zîten, sô siu den gêr verscôz. der Burgonden sorge wurden harte grôz. «wâfen», sprach dô Hagene, «waz hât der künic ze trût! jâ solde s' in der helle sîn des übelen tiuvels brût. 451 An vil wîzen armen siu die ermel want: siu begunde vazzen den schilt an der hant.

den gêr siu hôhe zuhte: dô gienc iz an den strît. Gunther unt Sîfrit die vorhten Prünhilde nît. 452 Unde wære im Sîfrit niht ze helfe komen, sô het siu dem künige sînen lîp benomen. er gie dar tougenlîche unt ruort' im sîne hant. Gunther sîne liste vil harte sorclîch ervant. 453 «Waz hât mich gerüeret?» dâht' der küene man. dô sah er allenthalben: er vant dâ niemen stân. er sprach: «ich pin'z Sîfrit, der liebe vriunt dîn. vor der küneginne soltu gar ân' angest sîn. 454 Den scilt gip mir von hende unt lâ mich den tragen, unde merke rehte waz du mich hœrest sagen. nu habe du diu gebære: diu werc wil ich begân.» do er in rehte erkande, ez was im liebé getân. 455 «Nu hil du mîne liste, dine soltu niemen sagen: sô mac diu küneginne vil lützel iht bejagen an dir deheines ruomes, des siu doh willen hât. nu sihtu wie diu vrouwe vor dir unsôrclîchen stât.» 456 Dô scôz vil kreftelîche diu hêrlîche meit ûf einen schilt niuwen, michel unde breit: den truoc an sîner hende daz Sigelinde kint. daz fiwer spranc von stahele alsam ez wæté der wint. 457 Des starken gêres snîde al durch den schilt brach, daz man daz fiwer lougen ûz den ringen sach. des scuzzes beide strûchten die kréftigen man: wan diu tarnkappe, sie wæren tôt dâ bestân.

458 Sifride dem vil kuenen von munde brast daz pluot. vil balde spranc er widere: dô nam der helet guot den gêr den siu gescozzen im hete durch den rant: den frumte ir dô hin widere des starken Sifrides hant. 459 Er dâhte: «ich wil niht schiezen daz schoene magedin. er kêrt' des gêres snide hinder'n rücke sin; mit der gêrstangen er scôz ûf ir gewant daz ez erklanc vil lûte von siner ellenthaften hant. 460 Daz fiwer stoup ûz ringen alsam ez tribe der wint. den scuz scôz mit ellen daz Sigemundes kint. sine môhte mit ir kreften des scuzzes niht gestân. ez'n hete der künic Gunther entriuwen nimmêr getân. 461 Prünhilt diu schoene wie balde si ûf spranc! «Gunther, ritter edele, des scuzzes habe danc.» siu wânde daz er'z hête mit siner kraft getân: ir was dar nâch geslichen ein verre krêftiger man. 462 Dô gie siu hin vil balde: zornec was ir muot; den stein huop vil hôhe diu edele maget guot. siu swanc in kreftecliche vil verre von der hant: dô spranc siu nâch dem wurfe, ja erklanc ir allez ir gewant. 463 Der stein der was gefallen wol zwelf klâfter dan: den wurf brach mit sprunge diu maget wol getân.

dar gie der herre Sîfrit dâ der stein gelac: Gunther in dô wegete, der helt in wérfénnes pflac. 464 Sîfrit was küene, vil kreftec unde lanc. den stein den warf er verrer, dar zuo er wîter spranc. von sînen schoenen listen er hete kraft genuoc daz er mit dem sprunge den künic Gunthere truoc. 465 Der sprunc der was ergangen, der stein der was gelegen. dô sah man ander niemen wan Gunther den degen. Prünhilt diu schoene wart in zorne rôt: Sîfrit hete geverret des künic Guntheres tôt. 466 Zuo z'ir ingesinde ein teil siu lûte sprach, dô siu z'ent des ringes den helt gesunden sach: «vil balde kumt her nâher, ir mâge unt mîne mân: ir sult dem künic Gunther alle wesen undertân.» 467 Dô leiten die vil küenen diu wâfen von der hant, sie buten sich ze füezen ûz Burgonden lant Gunther dem rîchen, vil manic küener man. sie wânden daz er hête diu spil mit sîner kraft getân. 468 Er gruozte s' minneclîche, jâ was er tugende rîch. dô nam in bî der hende diu maget lobelîch: si erloubte im daz er solde haben dâ gewalt. des freute sich dô Hagene, der degen küene unde balt. 469 Siu bat den ritter edele mit ir dannen gân in den palas wîten. alsô daz wart getân,

dô erbôt man'z den recken mit dienste deste baz. Danewart unt Hagene die muosen'z lâzen âne haz. 470 Sifrit der snelle als er was genuoc, sîne tarnkappen er abe behalten truoc. dô gie er hine widere dâ manic vrouwe saz. er sprach zuo dem künige, unt tet vil wîslîche daz: 471 «Wes bîtet ir, mîn herre? wan beginnet ir der spil, der iu diu küneginne teilet alsô vil? unt lât uns balde schouwen wie diu sîn getân.» sam er's niht enwesse, gebârt' der listige man. 472 Dô sprach diu küniginne: «wie ist daz geschehen daz ir habt, her Sîfrit, der spil niht gesehen, diu hie hât errungen diu Guntheres hant?» des antwurt' ir Hagene ûzer Burgunden lant. 473 Er sprach: «dâ het ir, vrouwe, betrüebet uns den muot: dô was bî dem scheffe Sîfrit der helet guot, dô der vogt von Rîne diu spil iu an gewan: des ist ez im unkünde», sprach der Guntheres man. 474 «Sô wol mich dirre mære», sprach Sîfrit der degen, «daz iuwer hôhverten ist alsô gelegen, daz iemen lebet der iuwer meister müge sîn. nu sult ir, maget edele, uns hinnen volgen an den Rîn.»

475 Dô sprach diu wol getâne: «des enmác noch niht ergân. ez müezen ê bevinden mâge unt mîne man. jane mag ich alsô lîhte gerûmen mîniu lant: die mîne besten friunde müezen werden ê besant.» 476 Dô hiez siu boten rîten allenthalben dan, siu besande ir vriunde, mâge unde man. die bat siu z'Îsensteine komen unerwant, unt hiez in geben allen rîch unt hêrlîch gewant. 477 Sie riten tägelîche spâte unde vruo der Prünhilde bürge schárháfte zuo «jarâjâ», sprach Hagene, «waz haben wir getân! wir rebéiten hie vil übele der schœnen Prünhilde man. 478 Sô sie nu mit ir kreften koment in daz lant. (der küneginne wille ist uns unbekant: waz ob siu alsô zürnet daz wir sîn verlorn?), so ist uns diu maget edele ze grôzen sórgên geborn.» 479 Dô sprach der starke Sîfrit: «daz sol ich understên. des ir dâ habet sorge, des lâz' ich niht ergên. ich sol iu helfe bringen her in ditze lant von ûz erwelten recken die iu nóch nie wúrdén bekant. 480 »Ir sult nâch mir niht vrâgen: ich wil hinnen varn. got müez' iuwer êre die zît wol bewarn.

ich kume schiere widere unt bringe iu tûsent man der allerbesten degene der ich ie künde gewan. 481 «Sone sit et niht ze lange», sprach der künic dô. «wir sin iuwer helfe vil pillichen vrô.» er sprach: «ich kum iu widere in vil kurzen tagen. daz ir mich habt gesendet, daz sult ir Prunhilde sagen.

482 Dannen gie dô Sîfrit zer porten ûf den sant in sîner tarnkappen, da er ein schiffel vant. dar an sô stuont vil tougen daz Sigemundes kint: er fuort' ez balde dannen, alsam ez wâtė der wint. 483 Den schéfmeister sach niemen: daz schiffel sêre vlôz von Sîfrides kreften: die waren alsô grôz. sie wânden daz ez fuorte ein sunderstarker wint: nein, ez fuorte Sîfrit, der schœnen Sigelinde kint. 484 Bî des tages zîte unt in der einen naht kom er z'einem lande mit grœzlicher maht, wol hundert langer raste unde dannoch paz: die hiezen Nibelunge da er den grôzen hort besaz.

485 Der helt fuor aleine ûf einen wert vil breit: daz scif gebant vil balde der ritter vil gemeit er gie z'einem berge, dar ûf ein burc stuont, unt suochte herberge, sô noch die wegemüeden tuont. 486 Do kom er für die porten: verslozzen im diu stuont. jâ huoten sie ir êren, sô noch die liute tuont. an'z tor begunde bôzen der unkunde man. daz was vil wol behüetet: dô vant er innerthalben stân 487 Einen ungefüegen der der bürge pflac. bî dem z'allen zîten sîn gewæfen lac. der sprach: «wer ist der bôzet sô vaste an daz tor?» dô wandelt' sîne stimme der küene Sîfrit dâ vor. 488 Er sprach: «ich pin ein recke: entsliuz ûf daz tor. ich erzürne ir eteslîchen noch hiuté dâ vor, der gerne sampfte lege unt hete sîn gemach.» daz muot' den portenære, dô daz Sîfrit gesprach. 489 Nu hete der rise küene sîn wæfen an getân, sînen helm ûf sîn houbet: der vil starke man den schilt er balde zuhte, daz tor er ûf dô swief: wie rehte gremelîchen er an Sîfrîden lief! 490 Wie er getorste wecken sô manigen küenen man. dâ wurden slege swinde von sîner hant getân. dô begonde im schirmen der hêrlîche gast. dô scuof der portenære daz sîn gespénge zebrast

491 Von einer îsenstangen: des gie dem helde nôt. ein teil begonde fürhten Sîfrît den tôt, dô der portenære sô krefteclichen sluoc. dar umbe was im wæge sîn herre Sîfrit genuoc. 492 Sie striten alsô sêre daz al diu burc erscal. dô hôrte man daz diezen in Nibelunges sal. er twanc den portenære, daz er in sît gebant. diu mære wurden künde in al der Nibelunge lant. 493 Dô hôrt' daz grimme striten verre durch den berc Albrîch der vil küene, ein wildîz getwerc. er wâfende sich balde: dô lief er dâ er vant disen gast vil edelen, da ér den stárkén gebant. 494 Albrîch was vil grimme, dar zuo starc genuoc. hélm únde ringe er an dem lîbe truoc, unt eine geisel swære von golde an sîner hant. dô lief er harte swinde dâ er Sîfriden vant. 495 Siben knöpfe swære die hiengen vor dar an. dâ mit er vor der hende den schilt dem küenen man sluoc sô pitterlichen, daz im des vil zebrast. des lîbes kom in sorge dô der wætliche gast. 496 Den scerm er von der hende gar zebrochen swanc: dô stiez er in die sceide ein wâfen, daz was lanc. den sînen kamerære wold' er niht slahen tôt: er scônde sîner zühte als im diu tugent daz gebôt. 497 Mit starken sînen handen lief ér Albrîchen an. dô vienc er bi dem parte den altgrîsen man:

er zogete'n ungefuoge daz er vil lûte erscrê. zuht des junges heldes diu tet Albriche wê. 498 Lûte rief der küene: «nu lâzet mich genesen. unt möht' ich iemens eigen ân' einen recken wesen (dem swuor ich des eide, ich wære im undertân), ich diende iu ê ich sturbe.» sô sprach der lîstige man. 499 Er bant Albrichen alsam den risen ê. die Sîfrides krefte tâten im vil wê. daz twerc begonde vrâgen: «wie sît ir genant?» er sprach: «ich heize Sîfrit; ich wânde ich wære iu wol bekant.» 500 «Sô wol mich dirre mære», sprach Albrich daz getwerc. «nu hân ich wol erfunden diu degenlîchen werc, daz ir von wâren sculden mügt landes herre wesen. ich tuon swaz ir gebietet, daz ir lâzet mich genesen.» 501 Dô sprach der herre Sîfrit: «ir sult balde gân unt bringet mir der recken, der besten die wir hân, tûsent Nibelunge, daz mich die hie gesehen.» war umbe er des gerte, des hôrt' in niemên verjehen. 502 Dem risen unt Âlbriche lôst' ér diu bant. dô lief Albrich balde da er die recken vant. er wahte sórgénde der Nibelunge man. er sprach: «wol ûf ir helde, ir sult ze Sîfride gân.» 503 Sie sprungen von den betten unt wâren vil bereit. tûsent ritter snelle wurden wol gekleit.

sie giengen dâ sie funden Sîfriden stân: dâ wart ein scône grüezen ein teil mit wérkén getân. 504 Vil kerzen was enzündet, man scancte im lûtertranc. daz sie sciere kômen, er saget' in's allen danc. er sprach: «ir sult hinnen mit mir über fluot.» des vant er vil bereite die helde küen' unde guot. 505 Wol drîzec hundert recken die wâren sciere komen: ûz den wurden tûsent der besten dô genomen. den brâhte man ir helme unt ander ir gewant, want er sie füeren wolde in daz Prünhilde lant. 506 Er sprach: «ir guoten ritter, daz wil ich iu sagen, ir sult vil rîchiu kleider dâ ze hove tragen, want uns dâ sehen müezen vil minneclichiu wîp. dar umbe sult ir zieren mit guoter wætê den lîp.» 507 An einem morgen früeje huoben sie sich dan. waz snéllér geverten Sîfrit dô gewan! sie fuorten ros diu guoten unt hêrlîch gewant: sie kômen ritterlîche in daz Prünhilde lant. 508 Dô stuonden in den zinnen diu minneclîchen kint. dô sprach diu küneginne: «weiz iemen wer die sint die ich dort sihe vliezen sô verre ûf dem sê? sie füerent segele rîche, die sint noch wîzer dan der snê.» 509 Dô sprach der künic von Rîne: «ez sint mîne man, die het ich an der verte hie nâhen bî verlân.

die hân ich besendet: die sint nu, vrouwe, komen. der hêrlichen geste wart vil grôze war genomen. 510 Dô sah man Sifride vor ineme sceffe stân in hêrlicher wæte und ander manigen man. dô sprach diu kûniginne: «her kûnc, ir sult mir sagen, sol ich die geste enpfâhen oder sôl ich gruozen sie verdagen? 511 Er sprach: «ir sult engegen in für den palas gên; ob wir sie sehen gerne, daz sie daz wol verstên. dô tet diu kûniginne als ir der kûnic geriet. Sifride mit dem gruoze siu von den ândêren sciet. 512 Man scuof in herberge unt behielt in ir gewant. dô was sô vil der geste komen in daz lant, daz sie sich allenthalben drungen mit den scarn. dô wolden die vil kûenen heim zen Burgonden varn. 513 Dô sprach diu kûniginne: «ich wold' im wesen holt. der geteilen kunde mîn silber unt mîn golt mîn unt des kûneges gesten, des ich sô vile hân. des antwurte Dancwart, des kûnic Giselheres man: 514 «Vil edeliu kûniginne, lât mich der slüzzel pflegen. ich trûwe iz sô geteilen», sprach der küene degen.

«swaz ich erwerbe scande, die lât mîn eines sîn.» daz er milte wære, daz tet er grœzlichen scîn. 515 Dô sich Hagenen bruoder der slüzzel underwant, sô manige rîche gâbe bôt des heldes hant: swer einer marke gerte, dem wart sô vil gegeben daz die armen alle muosen vrœlichen leben. 516 Wol bî hundert pfunden gap er âne zal. genuoge in rîcher wæte giengen vor dem sal, die nie dâ vor getruogen sô hêrlichiu kleit. daz gevriesc die künegîn: ez was ir wærliche leit. 517 Dô sprach diu küneginne: «her künic, ich het des rât, daz iuwer kamerære mir wil der mînen wât lâzen niht belîben: er swendet gar mîn golt. der iz noch understüende, dem wold' ich immer wesen holt. 518 Er gît sô rîche gâbe, jâ wænet des der degen, ich habe gesant nâch tôde: ich wil 's noch langer pflegen. ouch trûwe i'z wol verswenden, daz mir mîn vater lie.» sô milten kamerære gewan noch küneginne nie. 519 Dô sprach von Tronege Hagene: «vrouwe, iu sî geseit, ez hât der künec von Rîne gólt ûnde kleit alsô vil ze gebene daz wir des haben rât, daz wir von hinnen füeren iht der Prünhilde wât.»

520 «Nein, durh mine liebe», sprach diu kunegin. «nu lāzet mich erfüllen zweinzec leitschrin von golde unt ouch siden, daz geben sol min hant, sō wir komen übere in daz Guntheres lant.» 521 Mit edelem gesteine ladet' man ir diu scrīn. ir selber kamerere dā mite muosen sin: sine wolde's niht getrūwen dem Giselheres man. Gūnthēr unt Hagene dar umbe lāchen began. 522 Dō sprach diu küneginne: «wem lāz' ich miniu lant? diu sol ē hie bestiften min unt iuwer hant.» dō sprach der künic edele: «nu heizet hēr gān der iu dar zuo gevalle, den sul wir voget wesen lān.» 523 Ein ir hœhsten māge diu vrouwe bī ir sach (er was ir muoter bruoder), zuo dem diu maget sprach: «nu lāt iu sīn bevolhen die bürge unt ouch diu lant, unze daz hie rihte des künic Guntheres hant.» 524 Dō welt' siu ir gesindes zweinzic hundert man, die mit ir varn solden ze Burgunden dan, zuo jenen tūsent recken ūz Nibelunge lant. sie rihten sich zer verte: man sach sie riten ūt den sant. 525 Sie fuorten mit in dannen sehs unt ahzec wīp, dar zuo wol hundert māgede: vil scœne was der līp.

sin' sûmten sich niht langer, sie wolden gâhen dan. die sie dâ heime liezen, hei waz der wéinén began! 526 In tugentlichen zühten siu rûmte ir eigen lant: siu kust' ir vriunt die næhsten, swaz siu der bi ir vant. mit guotem úrlóube sie kômen ûf den sê. zuo ir vater lande kom diu vrouwe nimmer mê. 527 Dô hort' man ûf der verte maniger hande spil: aller kurzewile der hêtén sie vil. dô kom in zuo ir reise ein rechter wazzerwint: sie fuoren von dem lande mit vil grôzen vreuden sint. 528 Doneç wolde siu den herren niht minnen ûf der vart: cz wart ir kurzewile unz in sin hûs gespart ze Wormez zuo der bürge z'einer hōhgezît, dar sie vil vreuden rîche kômen mit ir helden sît.

529 Dô sie gevaren wâren volle niwen tage, dô sprach von Tronege Hagene: «nu hœrt waz ih iu sage. wir sûmçn uns mit den mæren ze Wormez an den Rin. die iuwern boten solden nu ze Burgonden sin.» 530 Dô sprach der kûnic Gunther: ir habet mir wâr geseit. uns wær' zer selben verte niemen sô bereit als ir, friwent Hagene. nu ritet in min lant. die unser hovereise tuot in niemen baz bekant. 531 Des antwurte Hagene: «ich pin niht bote guot. lât mich pflegen der kamere. beliben ûf der fluot wil ich bi den vrouwen, behûeten ir gewant, unze wir sie bringen in der Burgende lant.

532 Nu pitet Sîfrîde fuerèn die potescaft: der kan sie wol gewerben mit ellenthafter kraft. versage er iu die reise, ir sult mit guoten siten durch iuwer swester liebe der bete in vriuntlîchen piten.» 533 Er sande nâch dem recken: der kom, dô man in vant. er sprach: «sît daz wir nâhen heim in mîniu lant, sô solde ich poten senden der lieben swester mîn und ouch mîner muoter, daz wir nâhen an den Rîn. 534 Des ger ich an iuch, Sîfrit: nu leistet mînen muot, daz ich ez iemer diene», sprach der degen guot. dô widerredet' iz Sîfrit, der vil küene man, unze daz in Gunther sêre vlêgén began. 535 Er sprach: «ir sult riten durch den willen mîn unt ouch durch Kriemhilde, daz scœne magedîn, daz ez mit mir verdiene diu hêrlîche meit.» dô daz gehôrte Sîfrit, dô was der recke vil bereit. 536 «Nu enbietet swaz ir wellet: des wirdet niht verdaget. ich wil iz werben gerne durch die vil scœnen maget. zwiu sold' ih die verzihen die ich in herzen hân? swaz ir durch sie gebietet, daz ist álliz getân.» 537 «Sô saget mîner muoter Uotên der künegîn, daz wir an dirre verte in hôhem muote sîn. lât wizzen mîne bruoder wie wir geworben hân. ir sult ouch unser friunde disiu mære hœren lân. 538 Die mînen schœnen swester sult ir niht verdagen mîn ûnt Prünhilde dienest sûlt ir ir sagen,

unt ouch dem gesinde unt allen minen man: dar nâch ie ranc min herze, wie wol ich daz verniet hân! 539 Unt saget Ortwine, dem lieben neven min, daz er heize sidelen ze Wormez an den Rin. unt ander mine mâge die sol man wizzen lân, ich wil mit Prünhilde grôze hôhzîte hân. 540 Unt saget miner swester, sô siu daz habe vernomen daz ich mit minen gesten si ze lande komen, daz siu mit vlize empfâhe die triutinne min. daz wil ich immer diende umbe Kriemhilde sin. 541 Sifrit der herre balde ûrlôup genam von vroun Prünhilde, als im daz wol gezam, unt z'allen ir gesinde: dô reit er an den Rin. ez enkunde in dirre werlde ein bote bezzer niht gesin. 542 Mit vier unt zweinzec recken ze Wormez er dô reit. des küneges kom er âne, dô daz wart geseit, allez daz gesinde muote jâmers nôt: sie vorhten daz ir herre dort beliben wære tôt. 543 Do'rbheizten sie von rossen: vil hôhe stuont ir muot. vil schiere kom in Giselher, der junge künic guot, und Gêrnôt sin bruoder. wie balde er dô sprach, do er den künic Gunther niht bi Sifride sach! 544 «Sit willekomen, Sifrit: ir sult mich wizzen lân wâ ir minen bruoder den künic habt verlân.

dîn Prünhilde sterke in wæn' uns hât benomen: sô wære ir hôhiu minne uns ze grôzem scaden komen.» 545 «Die angest lât belîben. iu unt den mâgen sîn enbiutet sînen dienest der hergeselle mîn. den liez ich wol gesunden: er hât mich in gesant, daz ich sîn bote wære mit mæren her in iuwer lant. 546 Ir sult daz ahten sciere, swie sô daz geschehe, daz ich die küneginne unt iuwer swester sehe. die sol ich lâzen hœren waz in enboten hât Gunthér unt Prünhilt: ir dinc in beiden hôhe stât.» 547 Dô sprach der junge Gîselher: «dâ sult ir zuo z'ir gân: dâ habt ir mîner swester vil liebe an getân. siu treit doch michel sorge umb' den pruoder mîn. diu maget siht iuch gerne: des wil ich iuwer bürge sîn.» 548 Dô sprach der herre Sîfrit: «swaz ich ir dienen kan, daz sol vil willeclîchen mit triuwen sîn getân. wer saget nu den vrouwen daz ich wil dâr gân?» des wart dô bote Gîselher, der vil wætliche man. 549 Gîselher der snelle zuo sîner muoter sprach unt ouch zuo sîner swester da er sie beide sach: «uns ist komen Sîfrit, der helt ûz Niderlant: in hât mîn bruoder Gunther her ze Rîne gesant. 550 Er bringet uns diu mære wie'z umbe'n künic stê. nu sult ir im erlouben daz er ze hove gê.

er sagt diu rehten mære her von Îslant. noch was den edelen vrouwen michel sôrgén bekant. 551 Sie sprungen nâch ir wæte: dô leiten sie sich an. sie bâten Sîfrîde hin ze hove gân. daz tet er willeclîchen, want er sie gerne sach. Kriemhilt diu edele zuo im güetlichen sprach: 552 «Sît willekomen, her Sîfrit, ritter lobelich. wâ ist mîn bruoder Gunther, der edel künic rîch? von Prünhilde sterke den wæn' wir haben verlorn. owê mir armer meide, daz ich zer werlt ie wart geborn.» 553 Dô sprah der ritter küene: «nu gebet mir botenbrôt. ir vil schœne vrouwen, ir weinet âne nôt. ich liez in wol gesunden: daz tuon ich iu bekant: sie habent mich iu beiden mit den mæren her gesant. 554 Iu enbiutet holden dienest er unt diu wine sîn mit vriuntlîcher liebe, vil edeliu künegin. nu lâzet iuwer weinen: sie wellent sciere komen. siu het in manegen zîten sô lieber mære niht vernomen. 555 Mit snêwîzen gêren ir ougen wol getân wiscte siu nâh trehenen. danken siu began dem boten dirre mære diu ir dâ wâren komen. dô was ir michel trûren unde wéinén benomen. 556 Siu bat den boten sitzen: des was er vil bereit. dô sprach diu minneclîche: «mir wære niht ze leit, ob ich ze botenmiete iu solde gebin mîn golt. dar zuo sît ir ze rîche: ich wil iu sus immer wesin holt.»

557 «Op ich nu eine hête», sprach er, «drizec lant, so enpfiencge ich doh gerne gâbe ûz iuwer hant.» dô sprach diu tugentrîche: «nu sol ez sîn getân.» siu hiez ir kamerære nâch der botenmiete gân. 558 Vier unt zweinzec pouge mit gesteine guot die gap siu im ze miete. sô stuont des heldes muot, er wolde's niht behalden, er gab iz sâ zehant ir næhstim ingesinde die er ze kemenâten vant. 559 Ir muoter bôt ir dienest in vil güetlîchen an. «ich sol iu sagen mêre», sprach der küene man, «wes iuch der künic bittet, so er kumet an den Rîn. ob ir daz, vrouwe, leistet, er welle iu immer wæge sîn. 560 Die sîne rîche geste, dés hôrt' ich in gern, daz ir die wol enpfâhet und sult in des gewern daz ir gegin im rîtet für Wormez ûf den sant. des sît ir von dem künege mit rehten triuwén gemant.» 561 Dô sprach diu minneclîche: «des bin ich vil bereit. swaz ich im kan gedienen, daz ist im unverseit. mit vriuntlichen triuwen sô sol ez sîn getân.» dô mêrte sich ir varwe die siu vor líebé gewan. 562 Ez enwart nie bote enpfangen deheines fürsten baz. getorste si' in küssen, diu vrouwe tæte daz. wie rehte minneclîche er von den vrouwen sciet! dô tâten Burgonden als in Sîfrit geriet. 563 Sindolt unt Hûnolt unt Rûmolt der degen, vil grôzer unmuoze muosen sie dô pflegen,

rihten daz gesidele vor Wormez ûf den sant. des küniges scaffære man mit arbeiten vant. 564 Ortwin unt Gêre dine wolden daz niht lân, sie sanden nâch den friunden allenthalben dan. sie kunden in die hôhzit diu dâ solde sîn. dâ zierten sich engegene diu vil scœnen magedîn. 565 Der palas unt die wende was allez über al gezieret gegen den gesten: der Guntheres sal wart vil wol bezimbert durch manegen vremeden man. disiu starke hôchgezît huop sich vil vrœlîchen an. 566 Dô riten allenthalben die wege durch daz lant der drier künege mâge, die hete man besant daz sie den solden warten die in dâ wolden komen. dâ wart ûz der valde rîcher wæte vil genomen. 567 Dô sagete man diu mære daz man rîten sach die Prünhilde vriunde: dô huop sich ungemach von des volkes krefte in Burgonden lant. hei waz man küener degene dâ ze beiden sîten vant! 568 Dô sprach diu scœne Kriemhilt: »ir mîniu magedîn, die an dem antpfânge mit mir wellen sîn, die suochen ûz den kisten diu aller besten kleit: sô wirt uns von den gesten lob unt êre geseit.« 569 Dô kômen ouch die recken: die hiezen tragen dar die hêrlîchen satele von rôtem golde var

die vrouwen solden rîten ze Wormez an den Rîn. bezzer pfertgereite kunde nindér gesîn. 570 Hei waz dâ lichtes goldes von den mœren scein! in lûhte von den zoumen vil manic edel stein. die guldinen scæmel ob lichtem pfelle guot die brâhte man den frouwen: sie wâren vrœlich gemuot. 571 Ûf dem hove wâren diu vrouwen pfert bereit den edelen juncvrouwen, als ich iu hân geseit. diu smalen fürbüege sach man die mœre tragen von den besten sîden dâ von iu iemen kunde sagen. 572 Sehs unt ahzec vrouwen sach man für gân, die gebende truogen. zuo Kriemhilde dan kômen die vil schône unt truogen lichtiu kleit. dâ kom ouch wol gezieret vil manic wætlichiu meit, 573 Fünfzec unde viere von Burgonden lant: ez wâren ouch die besten die man inder vant. die sach man valevahse under lichten porten gân. des ê der künic gerte, daz wart mit vlîzé getân. 574 Sie truogen rîche pfelle, die besten die man vant, vor den vremden recken, sô manic guot gewant, daz ir genuoger scœne ze rehte wol gezam. er wære in swachem muote der ir deheiner wære gram. 575 Von zobel unt von harme vil kleider man dâ vant. dâ wart vil wol gezieret manic árm únde hant

mit pougen ob den sîden, die sie dâ solden tragen. in enkunde ditze vlîzen ze ende niemên gesagen. 576 Vil manigen gürtel spæhen, rîch unde lanc, über liehtiu kleider manec hant dô swanc, ûf edele röcke ferrans von pfelle ûz Arabî. den edelen juncvrouwen was vil hôher freuden bî. 577 Ez wart in fürgespenge manic scœniu meit genæt vil minneclîche. ez möht' ir wesin leit, der ir vil liehtiu varwe niht lûhte gegen der wât. sô scœnes ingesindes nu niht künges künne hât. 578 Dô die vil minneclîchen nu truogen ir gewant, die sie dâ füeren solden, die kômen dar zehant, der hôchgemuoten recken ein vil michel kraft. man truoc ouch dar mit scilden vil manigen eschînen schaft.

579 Anderthalp des Rînes sach man mit manigen scarn den künic mit sînen gesten zuo dem stade varn. ouch sah man dâ bî zoume leiten manige meit. die sie enpfâhen solden, die wâren állé bereit. 580 Dô die von Îslande zen schiffen kômen dan, unt ouch von Nibelungen Sîfrides man, sie gâhten zuo dem lande (ummüezec wart ir hant) dâ man des küniges vriunde des stades andert- halben vant.

581 Nu hœrt ouh disiu mære von der künegin. Uoten der vil rîchen, wie siu diu magedin gefrumte von der burge dar siu dô selbe reit. dâ gewan ein ander kunde vil manic ritter unde meit. 582 Der herzoge Gêre Kriemhilt zoumte dan niwan für daz bürgetor: Sîfrit der küene man der muost' ir fürbaz dienen. siu was ein scœne kint. des wart im wol gelônet von der juncvrouwen sint. 583 Ortwin der küene bî vroun Uoten reit, vil geselleclîchen manic ritter unde meit. ze sô grôzem antpfânge, des wir wol mügen jehen. wart nie sô vil der vrouwen bî ein ander gesehen. 584 Vil manigen bûhurt rîchen sach man dan getriben von helden lobelîchen (niht wol waer' ez beliben) vor Kriemhilt der scœnen zuo den schiffen dan. dô huop man von den mœren manige vrouwen wol getân. 585 Der künic was komen übere unt manic werder gast. hei waz starker scêfte vor den vrouwen brast! man hôrt' dâ hurteclîchen von schilden manigen stôz. hei waz rîcher buckeln vor gedrange lûte erdôz! 586 Die vil minneclîchen die stuonden an der habe. Gunthêr mit sînen gesten gie von den schiffen abe:

er fuorte Prünhilde selbe an sîner hant. dâ lûhte wider einander vil liehte stein' unt gewant. 587 Mit vil grôzen zühten vrou Kriemhilt dô gie dâ siu vroun Prünhilde unt ir gesinde enpfie. man sach dâ scapel rucken mit liehten henden dan, dâ sie sich kusten beide: daz wart durch zühté getân. 588 Dô sprach gezogenlîche Kriemhîlt daz mägedin: «ir sult zuo disen landen uns willekomen sîn, mir unt mîner muoter unt allen die wir hân der getriuwen friunde.» dô wart dâ nîgén getân. 589 Die vrouwen sich beviengen mit armen dicke hie. sô minneclîch enpfâhen gehörte man noch nie sô die vrouwen beide der briute tâten kunt, vrou Uote unt ir tohter: die kusten dicke ir süezeu munt. 590 Dô Prünhilde frouwen volkômen ûf den sant, dâ wart vil minneclîchen genomen bî der hant von wætlichen recken manic wîp wól getân. man sah die schœnen mägede vor vroun Prünhilde stân. 591 Ê daz ir gruoz ergienge, daz was ein langiu stunt. jâ wart dâ geküsset manic rôsenvarwer munt. noh stuonden bî ein ander die küniges tohter rîch: daz liebet' an ze sehene vil manigen recken lobelîch. 592 Dô speheten mit den ougen die ê hôrten jehen daz sie alsô scœnes heten niht gesehen

sô die vrouwen beide: des jach man âne luge. ouch kôs man an ir libe dâ deheiner slahte truge. 593 Die vrouwen spechen kunden unt minneclichen lip, die lobten durch ir scœne daz Guntheres wip: dô sprâchen dâ die wisen, die hêtên iz báz beschen, man möhte Kriemhilde wol für Prünhilde jehen. 594 Wider ein ander giengen maget unde wip. man sach dâ wol gezieret vil manigen scœnen lip. dâ stuonden sidin hütten und manec rich gezelt: der was dâ gar erfüllt vor Wormez álléz daz velt. 595 Von des küniges mâgen wart dringen dâ getân. dô hiez man Prünhilde unt Kriemhilde gân, unt mit in al die vrouwen, dâ man scate vant. dar brâhten sie die degene ûzer Burgonden lant. 596 Nu wâren ouch die geste ze rossen alle komen. vil manic richiu tjoste durch scilde wart genomen. daz velt begunde stouben sam ob al daz lant mit louge wære enbrunnen: dâ wurden helde wol bekant. 597 Des dâ die recken pflâgen, daz sach vil manic meit. mich dunket daz her Sifrit mit sinen degenen reit vil manige widerkêre für die hütten dan. er fuort' der Nibelunge tûsent wætlicher man. 598 Dô kom von Tronege Hagene, als im der wirt geriet: den bûhurt minnecliche dô der helt gesciet

daz sị ungestoubet liezen diu vil schœnen kint. des wart dô von den gesten gevolget güetliche sint. 599 Dô sprach der herre Gêrnôt: «diu ros lâzet stân, unz ez beginne kuolen; sô sul wir ane vân dienen scœnen wiben für den palas wit; so der kûnic welle rîten, daz ir vil bereite sit.» 600 Do der bûhurt was zergangen über al daz velt, dô giengen kurzwîlen under mânic hôch gezelt die ritter zuo den vrouwen ûf hôher vreuden wân. da vertrîben sie die stunde unz man rîten wolde dan. 601 Vor âbende nâhen do diu súnne nider gie und ez begonde kuolen, niht langer man daz lie, sich huoben gegen der bürge manic mán únde wîp. mit ougen wart getriutet vil maniger scœnen vrouwen lîp. 602 Dâ wart von guoten helden vil kleider abe geriten von den hôchgemuoten nâch des landes siten, unze für den palas der kûnic dâ nider stuont. dâ wart gedienet vrouwen sô helde hôchgemuote tuont. 603 Dô wurden ouch gescheiden die rîchen kûnegin. vrou Uote unt ir tohter die giengen beide hin mit ir ingesinde in ein vil wîtez gadem. dô hôrt' man allenthalben ze vreuden grœz- lîchen kradem. 604 Gerihtet wart gesidele: der kûnic wolde gân ze tische mit den gesten. dô sach man bî im stân

die scoenen Prünhilde. krône siu dô truoc in des küniges lande: jâ was siu rîche genuoc. 605 Vil manic hergesidele mit guoten tavelen breit vol spîse wart gesetzet, als uns daz ist geseit. des sie dâ haben solden, wie wênec des gebrast! dô sach man bî dem künege vil manigen hêrlichen gast. 606 Des wirtes kamerære in pêcken von gôlde rôt daz wazzer für truogen. des wære lützel nôt, ob iu daz iemen sagte daz man diente baz ze fürsten hôchgezîte: ich wolte niht gelouben daz. 607 Ê daz der vogt von Rîne wazzer dô genam, dô tet der herre Sîfrit als im dô gezam. er mant’ in sîner triuwe, wes er im verjach ê daz er Prünhilde dâ heime in Îslande sach. 608 Er sprach: ›ir sult gedenken wes mir swuor iuwer hant, swenne daz vrou Prünhilt kæme in ditze lant, ir gæbt mir iuwer swester. war sint die eide komen? ich hân an iuwer reise vil michel arebeit genomen.‹ 609 Dô sprach der künic zem gaste: ›ir habet mich rehte ermant. jane sol niht meineide werden des mîn hant: ich wil’z iu helfen füegen sô ich beste kan.‹ dô hiez man Kriemhilde ze hove für den künic gân.

610 Mit ir vil schœnen mægeden siu kom für den sal. dô spranc von einer stiegen Giselher ze tal. «nu heizet wider wenden disiu magedin: niwan mîn swester eine sol hie bî dem künige sîn.» 611 Dô brâht' man Kriemhilde dâ man den künic vant. dâ stuonden ritter edele von maniger fürsten lant. in dem sale witen man hiez sie stille stân. dô was diu vrouwe Prühilt vol hin unz an den tisch gegân. 612 Dô sprach der künic Gunther: «swester vil gemeit, durch dîn selber tugende lœse mînen eit. ich swuor dich eime recken: unt wirdet er dîn man, sô hâstu mînen willen mit grôzen triuwén getân.» 613 Dô sprach diu maget edele: «vil lieber bruoder mîn, ir sult mich niht vlêgen; jâ wil ich immer sîn swie ir mir gebietet: daz sol sîn getân. ich wil in loben gerne den ir mir, herre, gebet ze man.» 614 Von lieber ougen blicke wart Sifrits varwe rôt: ze dienest sich der recke vroun Kriemhilde bôt. man hiez sie zuo ein ander an dem ringe stân: man vrâgte si ob siu wolde den vil wætlichen man. 615 In magtlîchen zühten siu scamte sich ein teil: iedoch sô was gelücke unt Sifrides heil daz si in niht versprechen wolde dâ zehant. ouch lobte sie ze wîbe der edele künic von Niderlant.

616 Dô er sie gelobete unt ouch in die meit,570 guetlich umbevâhen daz was dâ vil bereit(161) von Sifrides armen daz minnecliche kint. vor helden wart geküsset diu scœne küniginne sint. 617 Sich teilte daz gesinde, alsô daz gescah,571 an daz gagensidele man Sifride sah(162) mit Kriemhilde sitzen. dar diente im manic man: man sach die Nibelunge samet Sifride gân. 618 Der künic was gesezzen unt Prünhilt diu meit.572 dô sah siu Kriemhilde (dô wart ir nie sô leit)(163) bi Sifride sitzen: weinen siu began. ir vielen heize trähene über liehtiu wange dan. 619 Dô sprach der wirt des landes: «waz ist iu, vrouwe min,573 daz ir sô lâzet truoben liehter ougen scîn?(164) ir muget iuch vrewen balde, wan iu ist undertân mîn lant unt mîne bürge unt manic wætlicher man.» 620 «Ich mac wol balde weinen», sprach diu scœne meit.574 «umbe dîne swester ist mir von herzen leit.(165) die sihe ich sitzen nâhen dem eigenholden dîn: daz muoz ich immer weinen, sôl si alsô verderbet sîn.» 621 Dô sprach der künic Gunther: «ir mügt wol stille dagen.575 ich wil iu z'andern zîten disiu mære sagen,(166) war umbe ich mîne swester Sifride hân gegeben. jâ mac siu mit dem recken immer vrœliche leben.»

622 Siu sprach: «mich jâmert immer ir scœne unt ouch ir zuht. wess' ich war ich mehte, ich hete gerne fluht, daz ich iu nimmer wolde geligen nâhen bî, ir'n saget mir wâ von Kriemhilt diu wine Sîfrides sî.» 623 Dô sprach der künic edele: «ich tuon'z iu wol bekant. er hât als wól bürge als ich unt wîtiu lant: daz wizzet sicherlîchen. er ist ein künic rîch: drumbe gân ich im ze minnen die schœnen maget lobelîch.» 624 Swaz ir der künic sagete, siu hete trüeben muot. dô gâhte von den tischen vil manic ritter guot. ir bûhurt wart sô herte daz al diu burc erdôz. den wirt bî sînen gesten vil harte sêré verdrôz. 625 Er dâhte er læge sanfter der schœnen vrouwen bî. dô was er des gedingen niht gar in herzen vrî, im müese von ir schulden liebes vil geschehen: er begónde vriuntlichen an vroun Prünhilde sehen. 626 Ir ritterschaft die geste bat man abe lân: der künic mit sîme wîbe ze bette wolde gân. vor des sales stiegen gesamenten sich sit Kriemhilt unt Prünhilt: noch was iz ân' ir beider nît. 627 Dô kom ir ingesinde: die sûmten sich des nicht, ir rîchen kamerære die brâhten in diu lieht. sich teilten dô die recken, der zweier künige man. dô sach man vil der degene dan mit Sîfrîde gân.

628 Die herren kômen beide dâ sie solden ligen. do gedâht' ir ietslicher mit minnen an gesigen den minneclîchen vrouwen: daz senftet' in den muot. Sîfrîdes kurzewîle diu wart vil grœzlîche guot. 629 Dô der herre Sîfrit bî Kriemhilde lac, unt er sô minneclîche der juncvrouwen pflac mit sînen edelen minnen, siu wart im sô sîn lîp: er naeme für sie eine niht tûsent ándèriu wîp. 630 Ich sage iu niht mêre wie er der vrouwen pflac. nu hœret disiu mære, wie Günthér gelac bî vroun Prünhilde. der zierlîche degen, er hete dicke sanfter bî andern frouwen gelegen. 631 Daz volc was im entwichen, vrouwen unde man: dô wart diu kemenâte vil balde zuo getân. er wânde er solde triuten ir minneclîchen lîp: jâ was iz noch unnâhen ê daz siu würdê sîn wîp. 632 In sabenwîzem hemede siu an daz bette gie. dô dâht' der ritter edele: «nu hân i'z allez hie des ich ie dâ gerte in allen mînen tagen. siu muos' im durch ir scœne von grôzen schulden wol behagen. 633 Diu lieht begonde bergen des edelen küniges hant. dô gie der degen küene da er die vrouwen vant. er leite sich ir nâhen: sîn vreude diu was grôz. die vil minneclîchen der helt mit armen umbeslôz.

634 Minneclîche triuten des kund'er vil begân, ob in diu edele vrouwe het lâzen daz getân. dô zurnde siu sô sêre daz in gemüete daz. er wânde vinden vreude: dô vant er vîntlichen haz. 635 Siu sprach: «ritter edele, ir sult iz lâzen stân. des ir dâ habet gedingen, ja'n mag es niht ergân. ich wil noch magt belîben (ir sult wol wizzen daz) unz ich diu mære ervinde.» dô wart ir Gunther gehaz. 636 Dô rang er nâch ir minne unt zerfüorte ir diu kleit. dô greif nâch eime gürtel diu hêrlîche meit: daz was ein starker porte, den s' umb' ir sîten truoc. dô tet siu dem künige grôzer léidé genuoc. 637 Die füeze unt ouch die hende siu im zesamme bant, siu truoc in z'eime nagele unt hienc in an die want. do er sie slâfes irte, die minne sî im verbôt. jâ het er von ir krefte vil nâch gewúnnén den tôt. 638 Dô begonde vlêgen der meister wânde sîn. «nu lœset mîn gebende, vil edeliu künegin. i'ne trouwe iu, scœniu vrouwe, doch nimmer an gesigen, unt sol ouch harte selten iu sô nâhen mêr geligen.» 639 Sine ruochte wie im wære, want siu vil sanfte lac. dort muost' er allez hangen die naht unz an den tac, unz der liehte morgen durh diu venster scein. ob er ie kraft gewunne, diu was an sînem lîbe klein.

640 Nu saget mir, her Gunther, ist iu daz iht leit, ob iuch gebunden funden, sprach diu scœne meit, «die iuwern kamerære von einer vrouwen hant?» dô sprach der ritter edele: «daz wurde iu übele bewant. 641 Ouch hete ih's wênic êre», sprach der snelle man. «durch iuwer selber tugende sô lât mich zuo iu gân. sît daz iu mîne minne sint sô starke leit, ich sol mit mînen handen nimmer rüeren iuwer kleit.» 642 Dô lôste siu in balde, ûf siu in verlie. wider an daz bette er zuo der vrouwen gie. er leite sich sô verre daz er ir schœne wât dar nâch vil selten ruorte: des wolde ouch siu dô haben rât. 643 Dô kom ouch ir gesinde: die brâhten'n niuwiu kleit. der was in an den morgen harte vil bereit. swie wol man dâ gebârte, trûrec was genuoc der hêrre des landes, swie er des tages krône truoc. 644 Nâch siten der sie pflâgen unt man durch reht begie, Gunther unt Prünhilt niht langer daz enlie, sie giengen zuo dem münster dâ man die messe sanc. dar kom ouch her Sîfrit: sich huop dâ grœzlich gedranc. 645 Nâch küneclîchen êren was in dar bereit swaz sie haben solden, ir krône unt ouch ir kleit. dô wurden sie gewîhet. dô daz was getân, dô sah man s' alle viere under krône vrœlîchen stân.

646 Vil junger swert dâ nâmen, sehs hundert oder baz, den kûnezen zen êren, ir sult wol wizzen daz. sich huop vil michel vrende in Burgonden lant. man hôrte schefte hellen an der swêrtdêgene hant. 647 Dô sâzen in den venstern diu schænen magedin: sie sâhen vor in liuhten vil maniges schildes schîn. dô het sich gesundert der kûnic von sînen man: swes iemen under pflege, man sah in trûrênde stân. 648 Im unt Sîfrîde ungeliche stuont der muot. wol wesse waz im wære der edele ritter guot. dô gienc er zuo dem kûnige, vrâgen er began: «wie ist iu hint gelungen? daz sult ir mich wizzen lân.» 649 Dô sprach der wirt zem gaste: «ich hân lâster unde scaden: ich hân den übelen tiuvel heim ze hûs geladen. do ich sie wânde minnen, vil sêre siu mich bant: siu truoe mich z'eime nagele unt hie mich hôte an eine want. 650 Dâ hieng ich angestlichen die naht unz an den tac, ê daz siu mich embunde. wie samfte siu dô lac! daz sol dir vriwentliche ûf genâde sin gekleit.» dô sprach der starke Sîfrit: «daz ist mir wêrliche leit. 651 Des bringe ich iuch wol innen, unt lât ir'z âne nit. ich scaffe daz siu hinaht sô nâhen bi'u gelit, daz siu iuch ir minne gesûmet nimmer mêr.» der rede was dô Gunther nâch sînen arebeiten hêr.

652 Dô sprach der herre Sîfrit: «du maht wol genesen. ich wæne uns ungelîche hinaht sî gewesen. mir ist dîn swester Kriemhilt lieber dan der lîp. ez muoz diu vrouwe Brunhilt noch hinaht wêrden dîn wîp. 653 Er sprach: «ich kume noch hinte zer kemenâten dîn alsô tougenlîche in der târnkappen mîn, daz sich mîner liste mac niemen wol verstên. sô lâ die kamerære zuo z’ir herbergen gên. 654 Sô lesche ich den kinden diu lieht an der hant: daz ich sî dar inne, daz sî dir dâ bî bekant, daz ich dir gerne diene: sô twinge ich dir dîn wîp. daz tu sie hinte minnest, oder ich verliuse den lîp. 655 «Âne dazdu iht triutest», sprach der künic dô, «die mîne lieben vrouwen, anders pin ich’s vrô, sô tuo ir swaz du wellest. unt næmest ir den lîp, daz solde ich wol verkiesen: siu ist ein vreislichez wîp. 656 «Daz nim ich», sô sprach Sîfrit, «ûf die triuwe mîn, daz ich ir niht enminne. diu scœne swester dîn diu ist mir vor in allen die ich noch ie gesach.» vil wol geloubte’z Gunther daz dô Sîfrit sprach. 657 Dô was von kurzewîle vreude unde nôt. bûhurt unde scallen allez man verbôt, dâ die vrouwen solden gegen dem sale gân. dô hiezen kamerære die liute von dem wege stân.

658 Von rossen unt von liuten gerûmet wart der hof. der vrouwen ieslîche fuorte ein biscof, dô sie vor den künegen ze tische solden gân. in folgte an daz gesidele vil manic wætlicher man. 659 Der künic in guotem wâne dô vrœlîchen saz: daz im gelobte Sîfrit, wol gedâht’ er ane daz. der eine tac in dûhte wol drîzec tage lanc. an sîner vrouwen minne stuont im aller sîn gedanc. 660 Er erbeite kûme daz man von tishe gie. die schœnen Prünhilde man dô komen lie, unt ouch Kriemhilde, sie bêde an ir gemach. hei waz man sneller degene vor den küniginnen sach! 661 Sîfrit der herre vil minneclîchen saz bî sînem schœnen wîbe, mit vreuden âne haz. siu trûte sîne hende mit ir vil wîzer hant, unz er ir vor den ougen sinę wésse wénné verswant. 662 Dô siu mit im spilte unt si’s niht mêr ensach, zuo sîném gesinde diu küneginne sprach: «mich hât des michel wunder, wâr der künic sî komen. wer hât die sînen hende ûz den mînén genomen?» 663 Die rede siu lie beliben. dô was er hin gegân da er vil kamerære vant mit lichten stân: diu begonde er lescen den kinden an der hant. daz ez Sîfrit wære, daz wart dô Gunther bekant. 664 Wol wess’ er waz er wolde: dô hiez er dannen gân mägede unde vrouwen. dô daz was getân,

der rîche künic selbe dô beslôz die türe: starker rigele zwêne die warf er snêllê der füre. 665 Diu lieht verbare er schiere under die bettewât. eines spils begonde (des was dô niht rât) Sîfrit der vil starke unt ouch diu schœne meit: dâz wâs dem künige beide liep unde leit. 666 Sîfrit sich leite nâhen der juncvrouwen bî. siu sprach: «nu lât iz, Gunther, als liep als iu daz sî daz ir iht arebeite lidet alsam ê.» sit getet diu vrouwe dem küenen Sîfride wê. 667 Dô hal er sîne stimme, daz er niht ensprach. Gunther wol hôrte, swie er sin niht ensah, daz heimlicher dinge von in dâ niht geschach: sie heten an dem bette vil harte kleinen gemach. 668 Er gebârte sam ez wære Gunther der künic rich: er umbeslôz mit armen die maget lobelîch. siu warf in ûz dem bette dâ bî ûf eine banc, daz im sîn houbet lûte an eime scämel erklanc. 669 Wider ûf mit kreften spranc der vil küene man: er wold’ iz baz versuochen. dô er des began, daz er sie wolde twingen, dar umb’ wart im vil wê. solch wer deheiner vrouwen diu wæn’ immer mêr ergê. 670 Do er niht wolde erwinden, diu maget ûf spranc: «ir’n sult mir niht zefüeren mîn hemede alsô blanc. ir sit vil ungefüege: daz sol iu werden leit. des bringe ich iuch wol innen», sprach diu wæt- lîchiu meit.

671 Siu beslôz mit armen den tiwerlîchen degen: dô wolde sị in gebunden alsam den künic legen, daz siu an dem bette möhte haben gemach. daz er ir wât zerfuorte, diu vrouwe iz grœzlîchen rach. 672 Waz half sîn grôziu sterke unt ouch sîn michel kraft? si ẹrzeigete dem degene ir lîbes meisterschaft. siu truoc in mit gewalte (daz muos' et alsô sîn) unt druht'in ungefuoge zwischèn der wende und einen schrîn. 673 «Owê», gedâht' der recke, «sol ich nu mînen lîp von einer magt verliesen, sô mugen elliu wîp her nâch immer mêre tragen gelpfen muot gegen ire manne, diu ez sus nímmér getuot.» 674 Der künic ez wol hôrte, er angestẹ umbe'n man. Sîfrit sich schamte, zurnen er began: mit ungefüeger krefte sazt' er sich ir wider; er versûocht' ez angestlîchen an vroun Prünhilde sider. 675 Den künic ez dûhte lange ê daz er sie betwanc. siu druht' im sîne hende, daz ûz den nagelen spranc daz pluot im von ir krefte: daz was dem helede leit. sît brâht' er an ein lougen die vil hêrlîchen meit 676 Ir ungefüeges willen des siu ê dâ jach. der künic iz allez hôrte, swie er niht ensprach. er druhte s' an daz bette, daz siu vil lûte erschrê: ir tâten sîne krefte harte grœzlîchen wê. 677 Dô greif siu z'ir sîten, dâ siu den porten vant, unt wolt' in hân gebunden: dô wert' ez sô sîn haut,

daz ir diu lit erkrachten, unt ouch al der lîp. des wart der strît gescheiden: dô wart siu Guntheres wîp. 678 Siu sprach: «künic edele, du solt mich leben lân. ez wirt vil wol versüenet, swaz ich dir hân getân. ich gewer mich nimmer mêre der edelen minne dîn: ich hân daz wol erfunden daz du kanst vrouwen meister sîn.» 679 Sîfrit der stuont dannen, ligen lie er die meit, sam er von im ziehen wolde sîniu kleit. er zôch ir ab der hende ein guldîn vingerlîn, daz siu des nie wart innen diu vil edele künegin. 680 Dar zuo nam er ir gürtel: daz was ein porte guot. i'ne weiz ob er daz tæte durh sînen hôhen muot. er gab iz sînem wîbe: daz wart im sider leit. dô lâgen bî ein ander der künic unt diu schœniu meit. 681 Er pflac ir minneclîchen, als im daz gezam. — dô muoste siu verkiesen ir zorn unt ouch ir scam. von sîner heinlîche siu wart ein lützel bleich: hei waz ir von der minne ir vil grôzen krefte entweich! 682 Done was ouch siu niht sterker danne ein ander wîp. er trûte minneclîche den ir vil scœnen lîp. ob si'z versuochte mêre, waz kunde daz vervân? daz het ir allez Gunther mit sînen minnen getân. 683 Wie rehte minneclîche siu dô bî im lac mit vriuntlîcher liebe unz an den liehten tac. nu was der herre Sîfrit wider ûz gegân, da er wart wol enpfangen von einer vrouwen wol getân.

684 Er understuont ir vrâge der sin hete gedâht. er hal sie sît vil lange daz er ir hete brâht, unz daz siu under krône in sînem lande gie. swaz er ir geben solde, wie lützel er'z beliben lie! 685 Der wirt wart an dem morgen verre baz gemuot dann' er dâ vore wære. des wart diu fröwede guot in allen sînen landen von manigem edelem man, die er ze hûse ladete: den wart vil dienste getân. 686 Diu hôhgezît werte unz an dên vierzéhenden tac, daz in al der wîle der scal nie gelac von aller hande vrenden der iemen solde pflegen. dô wart des küneges koste vil harte hôhé gewegen. 687 Des edelen wirtes mâge, als ez der künic gebôt, gâben durch sîn êre kleidêr unt golt vil rôt, ross unt dar zuo silber, vil manigem varnden man. die dâ gâbe gerten, die scieden vrœlichen dan. 688 Sifrit der herre ûzer Niderlant mit tûsent sînen mannen, alliz daz gewant, daz sie ze Rine brâhten, daz wart gar hin gegeben, unt ouch diu ros mit sätelen: sie kunden hêrliche leben. 689 Ê man die rîchen gâbe alle dâ verswanc, die wider ze lande wolden, die dûhte des ze lanc. ez enwart nie geste mêre baz gepflegen. sus endet' sich diu hôhzît: daz wolde Gunther der degen.

690 Dô die geste wâren alle dan gevarn,637 dô sprach ze sîm' gesinde Sigemundes barn:(699) «wir suln ouch uns bereiten heim in miniu lant. liep was ez sînem wîbe dô ez diu vrouwe rehte ervant. 691 Siu sprach zuo z'ir manne: «wenne sul wir varn?(700) daz ich sô harte gâhe, daz heiz' ich wol bewarn. mir suln ê mîne brüeder teilen mit diu lant.» leit was ez Sîfride, dô er'z an Kriemhilde ervant. 692 Die fürsten zuo z'im giengen unt sprâchen alle drî: «nu wizzet daz, her Sîfrit, daz iu immer sî(701) mit triuwen unser dienest bereit unz in den tôt.» dô neig er den degenen, dô man im'z sô güetlich erbôt. 693 «Wir suln ouch mit iu teilen», sprach Giselher daz kint,639 «lánt únde bürge die unser eigen sint:(702)

swaz der wîten rîche uns ist undertân, der sult ir teil vil guoten samet Kriemhilde hân.» 694 Sun der Sigemundes zuo den fürsten sprach, do er der herren willen gehörte unde sach: «got lâz' iu iuwer erbe immer sælic sin unt ouch die liute drinne: ja getuot diu liebe wine min 695 Des teiles wol ze râte, den ir ir woldet geben. dâ siu sol tragen krône, unt sol ich daz geleben, siu muoz werden rîcher dann' iemen lebender sî. swaz ir sus gebietet, des pin ich iu dienestlichen bî.» 696 Dô sprach diu vrouwe Kriemhilt: «habt ir der erbe rât, umb' Burgonden degene ez sô lîhte niht enstât, sie müge ein künic gerne vüeren in sîn lant. jâ sol sie mit mir teilen mîner lieben bruoder hant.» 697 Dô sprach der herre Gêrnôt: «nu nim dir swen du wil. die gerne mit dir riten, der vindestu hie vil. von drîzec hundert recken wir geben dir tûsent man: die sîn dîn heimgesinde.» Kriemhilt dô sêndén began 698 Nâch Hagenen von Tronege und ouch nâch Ortwin, ob die unt ouch ir mâge Kriemhilde wolden sîn. do gewan dar umbe Hagene ein zornlîchez leben; er sprach: «ja mac uns Gunther zer werlde niemên gegeben. 699 Ander iwer gesinde daz lât iu volgen mite, want ir doch wol bekennet der Tronegære site:

wir müezen bî den künigen hie ze hove bestân. wir suln in langer dienen den wir alher gevolget hân. 700 Daz liezen sie belîben: do berêiten sie sich dan. ir edel ingesinde vrou Kriemhilt z'ir gewan, zwô unt drîzec meide unt fünf hundert man. Eckewart der grâve der folgte Kriemhilde dan. 701 Urlôup sie alle nâmen, beide ritter unde kneht, mägede unde vrouwen: daz was vil michel reht. gescheiden küssénde wurden sie zehant: sie rûmten vrœlichen des künec Guntheres lant. 702 Do belêiten sie ir mâge vil verre ûf den wegen. man hiez in allenthalben ir nahtselde legen swâ sie se gerne nâmen, durch der künige lant. dô wurden boten balde Sigemûndé gesant, 703 Daz er daz wizzen solde, unt ouch Sigelint, daz sîn sun komen wolde und ouch vroun Uoten kint, Kriemhilt diu vil schœne, von Wormez über Rîn. done kunden in diu mære nimmer liebér gesîn. 704 «Sô wol mich», sprach dô Sigemunt, «daz ich ge- lebet hân daz diu schœne Kriemhilt sol hie gekrœnet gân. des müezen wol getiuwert sîn diu erbe mîn. mîn sun Sîfrît der edele sol hie selbe künec sîn.» 705 Dô gap diu vrouwe Sigelint vil manigen samît rôt, silbêr unt golt daz swære: daz was ir botenbrôt. siu vreute sich der mære diu siu dô vernam. sich kleidet' ir gesinde mit vlîze wol als in gezam.

706 Man sagete wer da kœme mit im in daz lant. dô hiezen sie gesidele ríhtén zehant, dar zuo er gekrœnet vor vriunden solde gân. dô riten im engegene des künic Sigemundes man. 707 Ist iemen baz enpfangen, daz ist mir umbekant, dan die helede mære in Sigemundes lant. Sigelint diu schœne Kriemhilt engegene reit mit maniger schœnen frouwen (ir volgten rîttér gemeit) 708 In einer tageweide, dâ man die geste sach. die vremeden unt die kunden die liten ungemach, unze daz sie kômen z'einer bürge wît, diu was geheizen Santen: dâ sie krône truogen sît. 709 Mit láchéndem munde Sigelint unt Sigemunt kusten Kriemhilde durch liebe manige stunt unt ouch Sîfriden: in was ir leit benomen. allez ir gesinde was in grôze willekomen. 710 Man bat die geste bringen für Sigemundes sal. die schœnen juncvrouwen huop man dâ ze tal nider von den mœren. dâ was vil manic man, dô man den schœnen vrouwen mit vlize dienén began. 711 Swie grôz ir hôhzîte bî Rîne was bekant, noch gap man hie den heleden vil bézzér gewant, danne sî ie getrüegen noch bî állén ir tagen. man möhte michel wunder von ir rîcheite sagen. 712 Dô sî in ir hôhen êren sâzèn und heten genuoc, waz goltvarwer gêren ir ingesinde truoc, unt edele gesteine, verwieret wol dar in! sus pflac ir vlîzeclîchen Sigelint diu edele künegin.

713 Dô sprach vor sinen vriunden der herre Sigemunt: „den Sîfrides mâgen tuon ich allen kunt, er sol vor disen recken die mîne krône tragen.“ diu mære hôrten gerne die von Niderlanden sagen. 714 Er beválh im sîne krône, geriht' unde lant. sît was er ir aller meister die er ze rehte vant unt dar er rihten solde. daz wart alsô getân daz man sêre vorhte der scœnen Kriemhilde man. 715 In disen grôzen êren lebet' er, daz ist wâr, und rihte ouch under krône unz an daz zehende jâr, daz diu schœne vrouwe einen sun gewan. daz was des küneges mâgen nâch ir willen wol ergân. 716 Den ilte man dô toufen unt gap im einen namen, Gunthêr, nâch sînem œheim: des dorfte er sich niht schamen. geriet' er nâch den mâgen, daz wær' im wol ergân. dô zôh man in mit vlîze: daz was von scúldén getân. 717 In den selben zîten starp vrou Sigelint. dô hete'n gewalt mit alle der edelen Uoten kint, der sô rîchen vrouwen ob landen wol gezam. daz klageten genuoge, dô sie der tôt von in genam. 718 Nu het ouch dort bî Rîne, sô wir hœren sagen, bî Günthêr dem rîchen einen sun getragen Prünhilt diu schœne in Burgonden lant. durch des heldes liebe sô wart er Sîfrit genant.

719 Wie rehte vlizeclichen man sîn hüeten hiez! (72a) Gûnthér der edele im magezogen liez, die ez wol kunden ziehen ze einem biderbem man. hei waz im ungelücke sit der vriunde an gewan! 720 Mære z'allen ziten der wart vil geseit, wie rehte lobelichen die recken vil gemeit (72b) lebeten z'allen stunden in Sigemundes lant: alsam tet ouch Gunther mit sinen mâgen ûz erkant. 721 Daz lant ze Nibelungen Sifride diente hie (rîcher sîner mâge wart noheiner nie) (72c) unt Schilbunges recken, unt ir bêder guot. des truoc der vil küene deste hôhêren muot. 722 Hort den aller meisten, den ie helt gewan, âne die's ê pflâgen, het nu der küene man, (72d) den er vor einem berge mit sîner hende erstreit. dar umbe er sluoc ze tôde vil manigen rittér gemeit. 723 Er hete'n wunsc der êren: unt wær' des niht geschehen, sô müese man von schulden dem edelen recken jehen (72e) daz er wær' ein der beste der ie ûf ors gesaz. man vorhte sîne sterke unt tet vil billiche daz.

724 Nu dâht' ouch alle zîte daz Guntheres wîp: «wie treit et alsô hôhe vrou Kriemhilt den lîp? nu ist doch unser eigen Sîfrît ir man: er hât uns nu vil lange lützel dienste getân. 725 Daz truoc siu in ir herzen unt wart och wol verleit. daz si ir vremede wæren, daz was ir harte leit, daz man ir sô selten diente von Sîfrides lant. wâ von daz komen wære, daz hete siu gérne bekant. 726 Si versuochte'z an dem künige, ob daz möhte geschehen daz siu Kriemhilde solde noch gesehen. siu reite'z heinlîche des siu dâ hete muot. dô dûhte den herren diu rede mæzlichen guot.

727 «Wie möhte wir sie bringen», sprach der künec rîch, «her zuo disem lande? daz wære unmügelich. sie sitzent uns ze verre: ich getâr si's niht gebiten.» des antwurte im Prünhilt in vil lîstîgen siten: 728 «Swie hôhe rîche wære deheines küneges man, swaz im gebüte sîn herre, daz sold' er doch niht lân.» des ersmielte Gunther, dô siu daz gesprach: er'n jah's im niht ze dienste, swie dicke er Sî- friden sach. 729 Siu sprach: «vil lieber herre, durch den willen mîn sô hilf mir daz Sîfrit unt diu swester dîn komen zuo disem lande, daz wir sie hie gesehen: sone kunde mir ze wâre nimmer lîebér geschehen. 730 Dîner swester zühte unt ir wól gezogener muot, swenn' ich dar an gedenke, wie sanfte mir daz tuot, wie wir ensament sâzen, do ich êrste wart dîn wîp! sie mac mit êren minnen des küenen Sîfrides lîp.» 731 Siu gerte's alsô lange unz daz der künic sprach: «nu wizzet daz ich geste sô gerne nie gesach. ir müget mich sanfte vlêgen. ich wil die boten mîn nâch in beiden senden, daz sie uns komen an den Rîn.» 732 Dô sprach diu küneginne: «sô sult ir mir sagen wenn' ir sie welt besenden, oder in welhen tagen unser lieben vriunde suln komen in daz lant. die ir dar wellet senden, die lât mir wérdén bekant.»

733 ‚Daz tuon ich‘, sprach der vürste: ‚drîzec mîner man wil ich dar lâzen rîten.‘ die hiez er für sich gân: bî den enbôt er mære in Sîfrides lant. ze liebe gap in Prünhilt vil harte hêrlich gewant. 734 Dô sprach der künic: ‚ir recken sult von mir sagen al daz ich dar enbiete (des sult ir niht verdagen), dem starken Sîfride unt ouch der swester mîn, daz in endarf zer werlde niemen holder gesîn. 735 Und bitet daz siu beidiu z'uns komen an den Rîn. daz welle ich unt mîn vrouwe immer diende sîn. vor disen sunewenden sol er und sîne man sehen hie vil manigen der im vil grôzer êren gan. 736 Dem künic Sigemunde saget den dienst mîn, daz ich und mîne vriunde im immer wæge sîn. und saget ouch mîner swester daz siu niht lâze daz, siu rîte zuo z'ir vriunden: ir zam nie hôhgezîten baz. 737 Prünhilt unt Uote und swaz man dâ vrouwen vant, die enbuten alle ir dienst in Sîfrides lant den minneclîchen vrouwen unt manigem küenem man. mit küneges vriunde râte die boten huoben sich dan. 738 Sie vuoren reisliche: ir pfert und ir gewant daz was in komen allen: dô rûmten sie daz lant. in zogete wol der verte dar sie dâ wolden varn. der künic mit geleite hiez die boten wol bewarn.

739 Sie kômen in drin wochen geriten in daz lant. ze Nibelunges bürge, dar wâren sie gesant, ze Norwæg' in der marke dâ funden sie den degen. diu ros den boten wâren müede von den langen wegen. 740 Sîfrîde und Kriemhilde wart béidén geseit daz ritter komen wæren. die trüegen solhiu kleit sam man zen Burgonden dô der site pfac. siu spranc von einem bette dar an siu rûowénde lac. 741 Dô bat siu z'einem venster eine maget gân. diu sach den kûenen Gêren an dem hove stân, in unt die gesellen, die wâren dar gesant. gegen ir herzeleide wie liebiu mære siu bevant! 742 Siu sprach zuo dem kûnige: «nu seht ir wâ sie stênt, die mit dem starken Gêren ûf dem hove gênt, die uns min bruoder Gunther sendet nider den Rîn!» dô sprach der starke Sîfrit: «die suh uns wille- komen sin.» 743 Allez daz gesinde lief dâ man sie sach. ir ietslich besunder vil gûetliche sprach daz beste daz sie kunden zuo den boten dô. Sigemunt der herre der was ir kûnfte harte vrô. 744 Dô wart geherberget Gêre unt sine man: diu ros man hiez behalten. die boten giengen dan dâ der herre Sîfrit bi Kriemhilde saz. in was ze hove erloubet: dâ von sô tâtén sie daz. 745 Der wirt mit sime wibe stuont ûf sâ zehant. wol wart enpfangen Gêre von Burgonden lant

mit sînen hergesellen, die Guntheres man. Gêren den vil rîchen bat man an den sedel gân. 746 Erloubet uns die boteschaft, ê daz wir sitzen gân. «uns wegemuede geste. lât uns die wîle stên. wir süln iu sagen mære waz iu enboten hât Gunther und Pruonhilt, der dinc vil hôchlîche stât. 747 Unt ouch waz vrou Uote, iwer muoter, her enbôt. Gîselher der junge unt ouch her Gêrnôt unt iuwer besten mâge die habent uns her gesant: die enbietent iu ir dienest ûzer Burgonden lant.» 748 «Nu lôn' iu got», sprach Sîfrit, «ich getrûwe in harte wol triuwen unde guotes, alsô man vriunden sol: alsam tuot ouch ir swester. man sol uns mære sagen ob unser lieben vriunde dâ heime iht hôhes muotes tragen. 749 Sît daz wir von in scieden, hât iemen iht getân den mînen konemâgen? daz sult ir mich wizzen lân. daz wil ich in mit triuwen immer helfen tragen, unze daz ir vînde den mînen dienest müezen klagen.» 750 Dô sprach der marcgrâve Gêre, ein recke guot: «sie sint in allen tugenden sô rehte hôh gemuot: sie ladent iuch ze Rine z'einer hôhgezît: sie sæhen iuch vil gerne, daz ir des âne zwîfel sît. 751 Unt pitent mîne vrouwen, siu sül mit iu dar komen, swenne der winder ein ende habe genomen. vor disen sunewenden sô wolden sie iuch sehen. dô sprach der starke Sîfrit: «daz kunde müelich geschehen.»

752 Dô sprach aber Gêre von Burgonden lant: «iuwer muoter Uote diu hât iuch gemant, Gêrnôt unt Gîselher, ir sult in niht versagen. daz ir in sît sô verre, daz hœre ich tägelîche klagen. 753 Prünhilt mîn vrouwe unt alle ir mägedîn die vreunt sich der mære: obe daz mehte sîn daz sie iuch noch gesæhen, daz gæbe in hôhen muot. dô dûhten disiu mære die scœnen Kriemhilde guot. 754 Gêre was ir sippe: der wirt in sitzen hiez. den gesten hiez er scenken: niht langer man daz liez. dô was ouch komen Sigemunt, da er die boten sach. der herre vriuntlîche zuo den Burgonden sprach: 755 «Sît willekomen, ir recken, ir Guntheres man. sît daz Kriemhilde ze wîbé gewan Sîfrit der mîn sún, man sold’ iuch dicker sehen hie in disem lande, wolt ir uns vriuntschefte jehen.» 756 Sie sprâchen, swenne er wolde, sie solden gerne komen. in wart ir michel müede mit vreuden vil benomen. die boten bat man sitzen, spîse man in truoc: der hiez dô geben Sîfrit sînen géstén genuoc. 757 Sie muosen dâ belîben bevollen niwen tage. des heten endelîchen die snellen ritter klage, daz sie niht wider solden rîten in ir lant. dô het der künic Sîfrit nâch sînen vriundén gesant. 758 Er vrâgte waz sie rieten: ob si solden an den Rîn. «ez hât nâch mir gesendet Gunthér der friunt mîn,

er mit sine mâge, durch eine hôchgezît: nu kom' ich im vil gerne, wan daz sîn lant ze verre lît. 759 Unt bitent Kriemhilde daz siu mit mir var. nu râtet, liebe vriunde, wie sol siu komen dar? unt solde ich herverten durch sie in drîzec lant, dâ müese in dienen gerne hin diu Sîfrîdes hant. 760 Dô sprâchen sîne recken: «habt ir der reise muot hin zer hôhgezîte, wir râten waz ir tuot. ir sult mit tûsent recken rîten an den Rîn: sô müget ir wol mit êren dâ zen Burgonden sîn.» 761 Dô sprach von Niderlanden der herre Sigemunt: «welt ir zer hôchgezîte, wan tuot ir mir daz kunt! ob iz iu niht versmâhet, sô rîte ich mit iu dare: ich vuere hundert degene, dâ mite mêr' ich iuwer schare.» 762 «Und welt ir mit uns rîten, vil lieber vater mîn, sprach der küene Sîfrit, «vil vrô sol ich des sîn. inre tagen zwelven sô rûme ich mîniu lant.» alle die's dô gerten, den gap man ross unt ouch gewant 763 Dô der künic edele der reise hete muot, dô hiez man wider rîten die snellen boten guot. den sînen konemâgen enbôt er an den Rîn, er wolde harte gerne dâ z'ir hôhgezîte sîn. 764 Sîfrit unt Kriemhilt, alsô wir hoeren sagen, sô vil den boten gâben daz iz niht mohten tragen ir mære heim ze lande: er was ein rîcher man. ir starken soumære die treip man vrôlîchen dan.

765 Ir volc kleite Sîfrit unt ouch Sigemunt. Eckewart der grâve der hiez an der stunt vrouwen kleider suochen, diu besten diu man vant oder índer kunde erwerben über állez Sîfrides lant. 766 Die sätele zuo den schilden bereiten man began. rittern unde vrouwen, die mit im solden dan, den gap man swaz sie wolden, daz in niht gebrast. dô brâht' er sînen vriunden manigen hêrlichen gast. 767 Den boten zogete sêre ze lande ûf den wegen. dô kom zen Burgonden Gêré der degen. er wart vil wol enpfangen: do erbeizten sie ze tal von rossen unt von mœren für den Guntheres sal. 768 Die tumben unt die wîsen giengen, sô man tuot, vrâgen umbe mære. dô sprach der ritter guot: «swenn' ich se sage dem künige, dâ hœret siu ze hant. er gie mit den gesellen dâ er Guntheren vant. 769 Der künic durch grôze liebe von dem sedele spranc. daz sie sô snelle kômen, des sagte in dô danc Prünhilt diu schœne. Gunthér zen boten sprach: «wie gehabet sich Sîfrit, von dem mir liebes vil gescach?» 770 Dô sprach der küene Gêre: «dâ wart er vröuden rôt, er unt iuwer swester. nie vriunden baz enbôt sô getriuwiu mære deheiner slahte man, als iu der herre Sîfrit und ouch sîn vater hât getân.» 771 Dô sprach zem marcgrâven des edelen küniges wîp: «nu saget mir, kumet uns Kriemhilt? hât noch ir schœner lîp

behalten iht der zuhte, der siu wol kunde pflegen? «siu kumt in sicherlîchen», sô sprach dō Gêrê der degen. 772 Uote bat dō drâte die boten für sich gên. daz moht' man an ir vrâge harte wol verstên daz siu daz gerne hôrte, was Kriemhilt noch gesunt. er sagete wie'r sie funde unt daz siu kæme in kurzer stunt. 773 Ouch wart von in diu gâbe ze hove niht verdeit, die in gap her Sîfrit: golt ünde kleit daz brâhte man ze sehene der drier kunige man. der ir vil grôzen milte wart in dâ danken getân. 774 «Er mac», sprach dō Hagene, «von im sampfte geben: er'n kunde'z niht verswenden, unt sold' er im- mer leben. hort der Nibelunge beslozzen hât sîn hant. hei sold' er komen immer in der Burgonden lant!» 775 Allez daz gesinde vreute sich dar zuo daz sie komen solden. spâte unde vruo wâren vil ummüezec der drier künege man. vil manic hergesidele man dô rihten began. 776 Hûnolt der küene und Sindolt der degen die heten vil ummuoze. die zît sie muosen pflegen,

truhsæzen unde scenken, rihten manige banc. des half in ouch Ortwîn: des ságet' in Gúnthére danc. 777 Rûmólt der kuchenmeister, wie wol er rihte sît die sînen undertânen! vil manigen kezzel wît, hävene unde pfannen, hei waz man der dâ vant! do beréite man den spîse die dâ kômen in daz lant.

778 Alle ir unmuoze die lâze wir nu sîn. und sagen wie vrou Kriemhilt unt ouch ir magedîn gegen Rîne fuoren von Nibelunge lant. nie getruogen mêre sô manic hêrlich gewant. 779 Vil der soumschrine man schihte zuo den wegen dô reit mit sînen vriunden Sîfrit der degen unt ouch diu küneginne dar si hêten vreuden wân. sît wart ez in allen ze grôzem lêide getân. 780 Dâ heime sie dô liezen Sîfrides kindelîn unt sun den Kriemhilde: daz muos' et alsô sîn. von ir hovereise erstuont michel sêr: sîn vater unt sîn muoter gesach daz kindel nimmer mêr. 781 Dô reit ouch mit in dannen der herre Sigemunt. sold' er rehte wizzen, wie ez nâch der stunt

zer hôchgezite ergienge, er'n hete ir niht gesehen: im kunde an lieben vriunden leider nîmmér gescehen. 782 Bóten man für sande, die diu mære sageten dar. dô reit ouch in engegene mit wûnneclicher scar vil der Uoten vriunde unt der Gûnthéres man. der wirt gên sînen gesten sich sêre vlîzén began. 783 Er gie zuo Prûnhilde da er sie sitzen vant. «wie enpfie et iuch mîn swester do ir kômet in daz lant? sam sult ir enpfâhen daz Sifrides wip.» «daz tuon ih», sprach siu, «gerne, von schulden holt ist ir mîn lîp.» 784 Dô sprach der kûnic rîche: «sie koment uns mor- gen vruo. welt ir sie enpfâhen, dâ grifet balde zuo; daz wir ir in der bûrge niht erbiten lie. mir kom in allen ziten sô rehte lieber geste nie.» 785 Ir meide unt ir vrouwen hiez sin dô sâ zehant snochen guotiu kleider, diu besten diu man vant, diu ir ingesinde vor gesten solden tragen. daz tâten sie doch gerne: daz mae man lîhté gesagen. 786 Ouch ilten in dô dienen die Guntheres man. alle sîne recken der wirt zuo sich gewan. dô reit diu kûneginne vil hêrliche dan. dâ wart vil michel grûezen die lieben gês té getân.

787 Mit wie getânen vreuden man die geste enpfie! sie dûhte daz vrou Kriemhilt vroun' Prunhilde nie sô rehte wol enpfienge in Burgonden lant. die sie ê nie gesâhen, den wart vil hôher muot erkant. 788 Nu was ouch komen Sifrit mit den sînen man. man sach die helde wenden wider unde dan, des veldes allenthalben, mit ungefüegen scharn. dringen unde stouben kunde niemen dâ bewarn. 789 Dô der wirt des landes Sifriden sach, unt ouch Sigemunden, wie minneclîch er sprach! «nu sît mir grôze willekomen unt al den vriunden mîn. der iuwer hovereise sul wir hôhgemuote sîn.» 790 «Nu lôn' iu got», sprach Sigemunt, der êre gernde man. «sît daz iuch mîn sun Sifrit ze vriundê gewan, dô rieten mîne sinne, daz ich iuch solde sehen.» dô sprach der künic Gunther: «nu ist mir liebe dran geschehen.» 791 Sifrit wart enpfangen, als im daz wol gezam, mit vil grôzen êren: im was dâ niemen gram. des half mit grôzen zühten Giselhér unt Gêrnôt. ich wæne man ez gesten nie sô güetlîch erbôt. 792 Dô nâhten zuo ein ander der zweier künege wîp. dâ wart vil sätile lære: manic schœner vrouwen lîp wart von helde handen erhaben ûf daz gras. die vrouwen gerne dienten, waz der ummüezigen was!

793 Dô giengen zuo ein ander diu minneclîchen wîp. des was in grôzen vreuden vil maniges ritters lîp, daz ir beider grüezen sô schône wart getân. dô sah man vil der recken bî den juncfrouwen stân. 794 Daz hêrlîch gesinde daz vie sich bî der hant. in zühten grôze nîgen, des man vil dâ vant, und küssen minneclîchen von vrouwen wol getân: daz was liep ze sehene Gunthêrs und Sîfrides man. 795 Sinę biten dâ niht langer, sie riten zuo der stat. der wirt sînen gesten daz wol erzeigen bat daz man sie gerne sæhe in Burgonden lant. vil manigen puneiz rîchen man vor den juncfrouwen vant. 796 Ûzer Tronege Hagene unt ouch Ortwîn, daz sie gewaldec wæren, daz tâten sie wol schîn. swaz sie gebieten wolden, daz torste niemen lân. von in wart michel dienest den lieben géstén getân. 797 Vil schilde hôrt' man schellen dâ zem pürgetor von stîchen und von stœzen. lange habt' der vor der wirt mit sînen gesten, ê daz sie kômen drin. jâ gie in diu stunde mit grôzer kurzwîle hin. 798 Für den palas rîchen mit vröweden sie dô riten. manegen pfellel spæhen, unde wol gesniten, sach man über sätele den vrouwen wol getân allenthalben hangen. dô kômen Guntheres man.

799 Die geste hiez man füeren balde an ir gemach. under wîlen blicken man Prünhilde sach an vroun Kriemhilde, diu schoene was genuoc. ir varwe gegen dem golde den glanz vil hêrlichen truoc. 800 Allenthalben schallen ze Wormez in der stat hôrte man'z gesinde. Gunthêr dô bat Dancwarten sînen marscalc daz er ir solde pflegen. dô begónd'er daz gesinde harte güetliche legen. 801 Dar ûze unt ouch dar inne spîsen man sie lie. jâ wart vremder geste baz gepflegen nie. alles des sie gerten, des was man in bereit. der künec was sô rîche daz da niemen niht wârt verseit. 802 Man diende in vriuntlîche und ân' allen haz. der wirt dô ze tische mit sînen gesten saz. man bât Sîfride sitzen als er ê het getân. dô gie mit im ze sedele vil manic wahtlîcher man. 803 Zwélf húndert recken an dem ringe sîn dâ ze tische sâzen. Prünhilt diu künegin gedâht' daz eigenholde niht rîcher kunde wesin. sin was im noch sô wæge daz si in gerne lie genesin. 804 An einem âbénde, dâ der künec saz, vil der rîchen kleider wart von wîne naz, dâ die schenken solden zuo den tischen gân. dâ wart vil voller dienest mit grôzem vlîzé getân. 805 Sô man ze hôhzîten lange hât gepflegen, vrouwen unde mägede hiez man schône legen.

von swannen sie dar kômen, der wirt in willen truoc. mit güetlîchen êren man gap in állén genuoc. 806 Dô diu naht het ende unt der tac erscein, ûz den soumscrînen vil manic edel stein erlûhte in guoter wæte, die ruorte vrouwen hant. dô wart dar für gesuochet vil manic hêrlîch gewant. 807 Ê daz ez vol ertagete, dô kômen für den sal vil ritter unde knehte: dô huop sich aber scal, vor einer vruomesse die man dem künige sanc. dâ riten junge helde daz's in der künec sagete danc. 808 Vil krefteclîche lûte manic pûsûn erdôz: von trumben unt von floyten wart der scal sô grôz daz Wormez diu vil wîte dar nâch lûte erscal. die hôhgemuoten helde ze rossen kômen über al. 809 Dô huop sich in dem lande harte hôh ein spil von manigem guotem recken: der sah man dâ vil. den ir tumbiu herze gâben hôhen muot, der sah man under scilde manigen zieren recken guot. 810 In diu venster sâzen diu hêrlîchen wîp und vil der schœnen mægede: gezieret was ir lîp. sie sâhen kurzewîle von manigem küenem man. der wirt mit sînen vriunden selbe rîten dâ began. 811 Sus vertriben sie die wîle: diu dûhte sie niht lanc. man hôrte dâ zem tuome maniger glocken klanc. dô kômen in die mære: die vrouwen riten dan. den edelen küneginnen folgte manec küene man.

812 Sie stuonden vor dem münster nider ûf daz gras. Prünhilt ir gesten dannôch vil wæge was. sie giengen under krône in daz münster wît. diu liebe wart sît gescheiden: daz frumte groezlîcher nît. 813 Dô sie gehôrten messe, sie fuoren wider dan mit vil manigen êren. man sach sie sider gân ze tische vrœlîche. ir vreude nie gelac dâ zer hôhgezîte unz an den einleften tac.

814 Vor einer vesperzîte huop sich grôz ungemach, daz von manigem recken ûf dem hove geschach. sie pflâgen ritterschefte durch kurzewîle wân. dô liefen dar durch schouwen vil manic wîp unde man. 815 Ze samene dô gesâzen die küneginne rîch. si gedâhten zweier recken, die wâren lobelîch. dô sprach diu schœne Kriemhilt: «ich hân einen man, daz elliu disiu rîche zuo sînen handen solden stân.»

816 Dô sprach diu vrouwe Prünhilt: «wie kunde daz gesîn? ob niemên enlebete wan siu unde dîn, sô möhten im diu rîche wol wesen undertân: die wîle lebet Gunther, sô kunde'z nimmêr ergân.» 817 Dô sprach aber Kriemhilt: «nu sihestu wie er stât, wie rehte hêrlîche er vor den recken gât, alsam der liehte mâne vor den sternen tuot? des muoz ich von schulden tragen vrœlîchen muot.» 818 Dô sprach diu vrouwe Prünhilt: «swie wætlîch sî dîn man, swie bîderbe unt swie scœne, sô muost tu vor im lân Gunthern den recken, den edelen bruoder dîn: der muoz vor allen künegen, daz wizze, wærlîche sîn.» 819 Dô sprach aber Kriemhilt: «sô tiwer ist wol mîn man, daz ich in âne schulde niht gelobet hân. an vil manegen dingen ist sîn êre grôz. geloubestu des, Prünhilt, er ist wol Gunthers genôz.» 820 «Jane solt du mir'z, Kriemhilt, ze arge niht verstân, want ich âne schulde die rede niht hân getân. ich hôrt' sie jehen beide, dô ih s' aller êrste sach, und dâ des küneges wille an mîme lîbe geschach, 821 Unt dâ er mîne minne sô ritterlîch gewan, dô jach des selbe Sîfrit, er wære's küneges man. des hân ich in für eigen, sît ih's in hôrte jehen.» dô sprach diu scœne Kriemhilt: «sô wær' mir ubele geschehen.

822 Wie heten sô geworben die edelen bruoder mîn, daz ich eigenmannes wine solde sin? des wil ich dich, Prünhilt, vil friuntlichen biten daz du die rede lâzest durch mich mit güetlichen siten.» 823 «L'ne mac ir niht gelâzen», sprach des küneges wip. «zwiu sold' ich verkiesen sô maniges ritters lip, der uns mit dem degene dienstlich ist undertân?» Kriemhilt din vil schœne vil sêre zûrnên began. 824 «Du mmost in verkiesen, daz er dir immer bî wone deheiner dienste. er'st tiwerr danne si Gunther mîn bruoder, der vil edele man. du solt mich des erlâzen daz ich von dir vernomen hân. 825 Und nimet mich immer wunder, sit er din eigen ist unt daz du über uns beidiu sô gewaltec bist, daz er dir sô lange den zins versezzen hât. der diner übermüete sold' ich von rehte haben rât.» 826 «Du ziuhest dich ze hôhe», sprach des küniges wip. «nu wil ich sehen gerne, op man den dinen lip habe ze solhen êren sô man den minen tuot.» die vrouwen wurden beide vil sêre zôrnée gemnot. 827 Dô sprach din vrouwe Kriemhilt: «daz muoz et nu geschehen. sit du mines mannes für eigen hâst verjehen, nu müezen hinte kiesên der beider künige man, op ich vor küniges wibe ze kirchen tûrré gegân.

828 Du muost daz hiute schouwen daz ich bin adelvrî: unt daz mîn man ist tiuwerr dan der dîne sî, dâ mite wil ich selbe niht bescholten sîn. du solt noch hiute kiesen wie dîn eigendiu dîn 829 Ze hove gê vor recken in Burgonden lant ich wil selbe tiwerr wesen dann' iemen habe bekant deheine küneginne diu krône ie her getruoc. dô huop sich under'n vrouwen grôzes nîdes genuoc. 830 Dô sprach aber Prünhilt: «wiltu niht eigen sîn, sô muostu dich scheiden mit den vrouwen dîn von mînem ingesinde, dâ wir zem münster gân.» des antwurte Kriemhilt: «entriuwen, daz sol sîn getân.» 831 «Nu kleidet iuch, mîn mägede», sprach Sîfrides wîp.774 «ez muoz âne schande belîben hie mîn lîp.(839) ir sult wol lâzen schouwen, und habt ir rîche wât. sîn mac sîn gerne lougen dés Prünhilt verjehen hât.» 832 Man mohte in lîhte râten: sie suochten rîchiu kleit: dâ wart vil wol gezieret manic vröuwe unde meit. dô gie mit ir gesinde des êdelen küniges wîp: dô wart ouch wol gezieret der schœnen Kriemhilde lîp, 833 Mit drîn und vierzec meiden, die brâhte s' an den Rîn: die truogen liehte pfelle geworht in Arâbîn. sus kômen zuo dem münster die meide wol getân: ir warten vor dem hûse alle Sîfrides man.

834 Die liute nam des wunder, wâ von daz gescach daz man die küneginne alsô gescheiden sach, <sub>(842)</sub> daz sie bî ein ander niht giengen alsam ê. dâ von wart manigem degene sît vil sorclîchen wê. 835 Hie stuont vor dem münster daz Guntheres wîp. dô hete kurzewîle vil maniges ritters lîp <sub>(843)</sub> mit den schœnen vrouwen der sie dâ nâmen ware. dô kom diu vrouwe Kriemhilt mit maniger hêr- lîchen schare. 836 Swaz kleider ie getruogen edeler ritter kint, wider ir gesinde daz was gar ein wint. <sub>(844)</sub> siu was sô rîch des guotes, daz drîzec künige wîp möhten niht erziugen daz tete Kriemhilde lîp. 837 Ob iemen wünschen solde, der kunde niht gesagen daz man sô rîcher kleider gesæhe ie mêr getragen <sub>(845)</sub> alsô dâ truogen ir meide wol getân. wan ze léide Prünhilde, ez hete Kriemhilt verlân. 838 Ze samne sie dô kômen vor dem münster wît. ez tet diu hûsvrouwe durch einen grôzen nît, <sub>(846)</sub> siu liez vil übellîche Kriemhilde stille stân: «jâ sol vor küniges wîbe nimmer eigendiu gegân.» 839 Dô sprach diu frouwe Kriemhilt (zornec was ir muot): «kundèstu noch geswîgen, daz wæré dir guot. <sub>(847)</sub> du hast gescendet selbe den dînen schœnen lîp: wie möhte mannes kebese immer werden küniges wîp?»

840 «Wen hâstu hie verkebset?» sprach des küniges wîp. «daz tuon ich dich», sprach Kriemhilt. «den dînen schœnen lîp minnet' êrste Sîfrit, mîn vil lieber man. jane was ez niht mîn bruoder der dir den mage- tuom an gewan. 841 War kômen dîne sinne? ez was ein arger list. zwiu lieze du in minnen, sît er dîn eigen ist? ich hœre dich», sprach Kriemhilt, «ân' alle schulde klagen.» «entriuwen», sprach dô Prünhilt, «daz wil ich Gunt- here sagen.» 842 «Waz mac mir daz gewerren? dîn übermüot dich hât betrogen: du hâst mich ze dienste mit rede dich an gezogen. daz wizze en rehten triuwen, ez ist mir immer leit: getriuwer heinlîche sol ich dir wesen umbereit.» 843 Prünhilt dô weinde: Kriemhilt niht langer lie, vor des küniges wîbe in'z münster siu dô gie mit ir ingesinde. dâ huop sich grôzer haz: des wurden liehtiu ougen vil starke trüeb' unde naz. 844 Swie vil man gote gediende oder iemen dâ gesanc, des dûhte Prünhilde diu wîle gar ze lanc: wand' ir was vil trüebe der lîp und ouch der muot. des muosen sît engelten manic hélet küen' unde guot. 845 Prünhilt mit ir frouwen gie für daz münster stân. si gedâhte: «mich muoz Kriemhilt mêre hœren lân

des mich sô lûte zîhet daz wortræze wîp. hât er sich's gerüemet, ez gêt an Sîfrides lîp.» 846 Nu kom diu edele Kriemhilt mit manigem küe- nem man. dô sprach diu vrouwe Prünhilt: «ir sult noch stille stân. ir jâhet mîn ze kebesen: daz sult ir lâzen sehen. mir ist von iuwern sprüchen, daz wizzet, léidé geschehen.» 847 Dô sprach diu vrouwe Kriemhilt: «ir möht mich lâzen gân. ich erzíuge'z mit dem golde deich an der hende hân: daz brâhte mir mîn vriedel do er êrste bî iu lac.» nie gelebte Prünhilt deheinen léidéren tac. 848 Siu sprach: «diz golt vil edele daz wart mir verstoln und ist mich harte lange vil übele vor verholn: ich kum es an ein ende, wer mir'z hât genomen.» die vrouwen wâren beide in grôz ungemüete komen. 849 Dô sprach aber Kriemhilt: «i'ne wil's niht wesen diep. du möhtes wol gedaget hân, und wær' dir êre liep. ich erzíuge'z mit dem gürtel den ich hie umbe hân, daz ich niht enliuge: jâ wart mîn Sîfrit dîn man.» 850 Von Ninnivê der sîden siu den porten truoc, mit edelem gesteine: jâ was er guot genuoc.

dô den gesach vrou Prunhilt, weinen siu began: daz muose vreischen Gunther und alle Burgonden man. 851 Dô sprach diu kuneginne: «heizet here gân den fürsten vonne Rine. ich wil in hœren lân wie mich hât gehœnet siner swester lip. siu sagt hie offenlîchê, ich si Sîfrides wip.» 852 Der künic kom mit recken. weinen er dô sach die sinen triutinne: wie gnetlîch er sprach: «saget mir, liebiu vrouwe, wer hât iu getân?» siu sprach zuo dem künige: «ich muoz unvrœlîche stân 853 Von allen mînen êren mich diu swester dîn gerne wolde scheiden. dir sol geklaget sîn, siu gihet, mich habe gekebeset Sîfrit ir man.» dô sprach der künic Gunther: «sô hete s' übele getân.» 854 «Siu treit hie mînen gürtel den ich hân verlorn, und mîn golt daz rôte. daz ich ie wart geborn, daz riuwet mich vil sêre, dun' beredest, künic, mich der vil grôzen schanden: daz diene ich immer umbe dich.» 855 Dô sprach der künic Gunther: «er sol her vüre gân. hât er sich's gerüemet, daz sol er hœren lân: oder sin muoz lougen der helt ûz Niderlant.» den Kriemhilde vriedel hiez man bringen sâ zehant. 856 Dô der herre Sîfrit die ungemuoten sach, er'n wesse niht der mære: wie balde er dô sprach:

«waz weinent dise vrouwen? daz het ich gerne erkant; oder von welhen schulden mich der künic habe besant.» 857 Dô sprach der künic Gunther: «dâ ist mir harte leit: mir hât mîn vrouwe Prünhilt ein mære hie geseit, du habes dich des gerüemet, daz du ir schœnen lip alrêrst habes geminnet, daz seit frou Kriemhilt dîn wîp.» 858 Dô sprach der herre Sifrit: «und hât siu daz geseit, ê daz ich erwinde, ez sol ir werden leit: und wil dir daz enpfüeren vor allen dînen man mit mînen hôhen eiden daz ich's ir niht gesaget hân.» 859 Dô sprach der künec von Rîne: «daz soltu lâzen sehen. den eit den du biutest, unt mac der hie geschehen, aller valschen dinge wil ich dich ledic lân.» man hiez zuo dem ringe die stolzen Burgonden stân. 860 Sifrit der vil küene zem eide bôt die hant. dô sprach der künic rîche: «mir ist sô wol bekant iuwer grôz unschulde: ich wil iuch ledic lân, des iuch mîn swester zîhet, daz ir des niene habt getân.» 861 Dô sprach aber Sifrit: «geniuzet es mîn wîp, daz siu hât betrüebet den Prünhilde lîp, daz ist mir sicherlîchen âne mâze leit.» dô sâhen zuo z'ein ander die guoten ritter gemeit.

862 «Man sol sô vrouwen ziehen», sprach Sîfrit der degen, «daz si üppecliche sprüche lâzen under wegen. verbint ez dînem wîbe, der mînen tuon ich sam. ir grôzen ungefüege ich mich wærlichen scam.» 863 Mit rede was gescheiden manic schœne wîp. dô trûret' alsô sêre der Prünhilde lîp, daz ez erbarmen muose die Guntheres man. dô kom von Tronege Hagene zuo sîner vrôuwén gegân. 864 Er vrâgte waz ir wære: weinende er sie vant. dô sagte si im diu mære. er lobet' ir sâ zehant daz ez erarnen müese der Kriemhilde man: oder er wolde nimmer dar umbe vrœlich gestân. 865 Zuo der rede kom Ôrtwîn unde Gêrnôt, dâ die helde rieten den Sîfrides tôt. dar zuo kom ouch Gîselher, der edelen Uoten kint. do er ir rede gehôrte, er sprach getriuwelîche sint: 866 «Ir vil guoten recken, war umbe tuot ir daz? jane gediente Sîfrit nie alsolhen haz daz er dar umbe solde verliesen sînen lîp. jâ ist es harte lîhte, dar umbe zürnent diu wîp.» 867 «Suln wir gouche ziehen?» sprach aber Hagene: «des habent lützel êre sô guote degene. daz er sich hât gerüemet der lieben vrouwen mîn, dar umbe wil ich sterben, ez engê im an daz leben sîn.»

868 Dô sprach der künic selbe: «er’n hât uns niht getân niwan guot und êre; man sol in leben lân. waz touc ob ich dem recken wære nu gehaz? der was uns ie getriuwe und tet vil willecliche daz.» 869 Dô sprach vone Metzen der degen Ortwîn: «janē kan in niht gehelfen diu grôze triuwe sîn. erloubet mir’z mîn herre, ich tuon im allez leit.» dô heten im die helde âne schulde widerseit. 870 Sin gevolgte niemen, niwan daz Hagene riet in allen zîten Gunthér dem degene, ob Sîfrit niht enlebte, sô wurde im undertân vil der künege lande. der helt dô trûrén began. 871 Dô liezen si’z belîben: spilen man dô sach. hei waz man starker schefte vor dem münster brach vor Sîfrides wîbe al zuo dem sale dan! dô wâren in unmûote genuoge Guntheres man. 872 Der künic sprach: «lât belîben den mortlîchen zorn. er ist uns ze sælden unt ze êrén geborn. ouch ist sô grimme starker der wundernküene man: ob er sîn innen wurde, sô torste in niemén bestân.» 873 «Nein er», sprach dô Hagene. «ir muget wol stille dagen: ich getróuwe’z heimlîche alsô wol an getragen, daz Prünhilde weinen sol im werden leit. jâ sol im von Hagenen immer wesen widerseit.»

874 Dô sprach der kunic Gunther: wie mohte daz ergân? des antwurt Hagene: ich wil'z inuch horen lân. wir heizen boten riten zuo z'uns in daz lant widrsâgen offenliche, die hie niemen sin bekant. 875 Sô jehet ir vor den gesten daz ir und iwer man wellet herverten. alsô daz ist getân, sô lobet er in dar dienen: des vlinset er den lip: so ervare ich uns diu mære ab des küenen recken wip. 876 Der kunic gevolget' übele Hagenen sinem man. die starken untriuwe begonden tragen an, ê iemen daz erfunde, die ritter ûz erkorn. von zweier vrouwen bâgen wart vil manie helt verlorn.

877 An dem vierden morgen zwên' unt drizec man sach man ze hove rîten. daz wart dô kunt getân Gunther dem vil rîchen, im wære widerseit. von lüge erwuohsen vrouwen diu aller groézêsten leit. 878 Urloup sie gewunnen, daz sie für solden gân, und jâhen daz si'z wæren die Liudegêres man, den ê dâ hete betwungen diu Sîfrîdes hant unt in ze gîsel brâhte in daz Guntheres lant. 879 Die boten er dô gruozte und hiez sie sitzen gân. ir einer sprach dar under: herre, lât uns stân unz wir sagen mære diu iu enboten sint. jâ habet ir ze vînde, daz wizzet, maniger muoter kint. 880 «Iu widersaget Liudegast unde Liudegêr, den ir dâ wîlen tâtet diu vremelîchen sêr:

die wellent zuo z'iu riten mit her in ditze lant der kunic begunde zurnen do er diu mære bevant. 881 Man hiez die meinraeten zen herbergen varn. wie möhté sich Sifrit dô dâ vor bewarn, er oder ander iemen, daz sie dô truogen an? daz wart sit in selben ze grôzem leide getân. 882 Der kunic mit sinen vriunden rûnende gie. Hagene von Tronege in nie geruowen lie. noch heten ez gescheiden gennoge 's kuniges man dône wolde et Hagene nie des râtes abe gân. 883 Eines tages Sifrit sie rûnende vant. dô begonde vrâgen der helt von Niderlant: «wie gât sô trûreclîche der kunic unt sine man? daz hilfe ich immer rechen, hât im iemen iht getân. 884 Dô sprach der kunic Gunther: «mir ist von schul- den leit. Liudegast und Liudegêr die habent mir widerseit. sie wellent offenlîche riten in mîn lant. dô sprach der degen küene: «daz sol diu Sifrides hant 885 Nâch allen iuwern êren mit vlîze understân. ich getuon nóch den degenen als ich hân ê getân: ich gelege in wüeste ir bürge und ouch ir lant. ê daz ich erwinde: des si mîn houbet iuwer pfant. 886 Ir unt iuwer recken sult hie heime bestân. und lât mich zuo z'in riten mit dén die ich hân. daz ich iu gerne diene, daz lâz' ich iuch sehen: von mir sol iuwern vinden, daz wizzet, léide geschehen.

887 «Sô wol mich dirre mære», sprach der kûnic dô, als ob er ernstliche der helfe wære vrô. in valsche neig im tiefe der ungetriuwe man. dô sprach der herre Sîfrit: «ir sult kleine sorgē hân.» 888 Dô schihten sie die reise mit den knechten dan: Sifride und den sinen ze sehen ez was getân. dô hiez er sich bereiten die von Niderlant: die Sifrides recken die suochten stritlich gewant. 889 Dô sprach der herre Sîfrit: «min vater Sigemunt, ir sult hie beliben. wir komen in kurzer stunt, gît uns got gelücke, her wider an den Rin. ir sult bî dem kûnige hie vil vrœliche sin.» 890 Diu zeichen sî ane bunden, alsô sie wolden dan. dô wâren dâ genuoge Guntheres man, dine wêssen niht der mære, wâ von ez was geschehen: man mohte grôz gesinde dô bî Sifride sehen. 891 Ir helme und ouch ir prûnne sie bunden ûf din marc: sich beréite vome lande vil manic ritter stare. dô gie von Tronege Hagene da er Kriemhilde vant unt bat im geben urloup: sie wolden rûmên daz lant. 892 «Nu wol mich», sprach dô Kriemhilt, «deich ie gewan den man der minen lieben vriunden sô wol tar vor gestân, alsô min herre Sîfrit tuot den vriunden mîn. des wil ich hôhes muotes», sprach din kûneginne, «sin.

893 Vil lieber vrunt Hagene, nu gedenket ane daz, daz ich iu gerne diene und noch nie wart gehaz. des lâzet mich geniezen an minem liebem man. er'n sol des niht engelten, hab' ich Prünhilde iht getân. 894 Daz hât mih siu gerouwen, sprach daz edele wip. ouch hât er sô zerblouwen dar umbe minen lip. daz ich iz ie geredete daz beswârte ir den muot, daz hât vil wol errochen der helet küene unde guot.» 895 «Ir werdet wol versüenet her nâch disen tagen. Kriemhilt, liebiu vrouwe, jâ sult ir mir sagen wie ich iu müge gedienen an Sifride iuwerm man. daz tuon ich gerne, vrouwe: baz ih's niemén engan.» 896 «Ich wære ân' alle sorge, sprach daz edele wip, «daz im iemen næme in sturme sinen lip, ob er niht volgen wolde siner übermuot: sô wære immer sicher der degen küene unde guot.» 897 «Vrouwe», sprach dô Hagene, «unt habet ir des wân daz man in müge versnîden, ir sult mich wizzen lân, mit wie getânen listen ich daz sül understên. ich wil im ze huote immer rîten unde gên.» 898 Siu sprach: «dû bist mîn mâc, sô bin ich der dîn. ich bevilhe dir mit triuwen den holden wine mîn, daz tu mir wol behüetest den mînen lieben man.» siu seit' im kundiu mære, diu bezzer wæren verlân.

899 Siu sprach: «mîn man ist küene, dar zuo starc 842genuoc. do er den lintrâchen an dem berge sluoc, dâ badet' sich in dem pluote der recke vil gemeit, dâ von in sît in stürmen nie déhein wâfén versneit. 900 Iedoch pin ich in sorgen, swenn' er in sturme stât843 und vil der gêrscüzze von helde handen gât, daz ich dâ verliese den mînen lieben man. hei waz ich grôzer leide dick' úmbe Sîfriden hân! 901 Ich melde iz ûf genâde, vil lieber vriunt, dir,844 daz du dîne triuwe behaldest ane mir. dâ man dâ mac verhouwen den mînen lieben man. daz lâz' ich dich hœren: dêst ûf genâdé getân. 902 Dô von des trachen wunden vlôz daz heize bluot845 und sich dar inne badete der küene recke guot, dô viel im zwischen herte ein linden blat vil breit. dâ mac man in verhouwen: des ist mir sorgen vil bereit. 903 Dô sprach von Tronege Hagene: «ûf daz sîn gewant846 næt ir ein kleinez zeichen. dâ bî ist mir bekant wâ ich in müge behüeten, sô wir in sturme stân.» siu wânde'n helt vristen: ez was ûf sînen tôt getân. 904 Siu sprach: «mit kleinen sîden næ ich ûf sîn gewant847 ein tougenlîchez kriuze. dâ sol, helt, dîn hant den mînen man behüeten, sô ez an die herte gât, swenn' er in den stürmen vor sînen vîänden stât.»

905 Daz tuon ich», sprach dô Hagene, «vil liebiu vrouwe mîn. dô wânde ouch des diu vrouwe, ez solde im vrume sîn: dô was dâ mite verrâten der Kriemhilde man. urloup nam dô Hagene: dô gie er vrœliche dan. 906 Des küneges ingesinde was alliz wol gemuot. ich wæne immer recke deheiner mêr getuot sô grôzer meinræte sô dâ von im ergie, dô sich an sîne triuwe Kriemhilt diu künegin verlie. 907 Des ândēren morgens mit tûsent sîner man reit der herre Sîfrit vil vrœlichen dan. er wânde er solde rechen der sîner vriunde leit. Hagene im reit sô nahen daz er geschouwēt’ diu kleit. 908 Als er gesach daz pilde, dô seiht’ er tougen dan, die sageten ander mære, zwêne sîner man: mit vride solde bliben daz Guntheres lant, und sie hete Liudegêr zuo dem künige gesant. 909 Wie ungerne Sîfrit dô hin wider reit, er’n het etwâz gerochen sîner vriunde leit! wand’ in vil kûme erwanden die Guntheres man. dô reit er zuo dem künige: der wirt im dānkén began. 910 «Nu lôn’ iu got des willen, vriwent Sîfrit. daz ir sô willeclichen tuot des ich iuch bit, daz sol ich immer dienen, als ich von rehte sol. vor allen mînen vriunden sô getrouwe ich iu wol. 911 Nu wir der hereverte ledic worden sin, sô wil ich jagen riten bērn ūnde swin

hin zem Waskenwalde, als ich vil dicke hân.» daz het gerâten Hagene, der vil ungetriuwe man. 912 «Allen minen gesten den sol man daz sagen, daz wir vil vruo riten: die mit mir wellen jagen, daz sie sich bereiten; die wellen hie bestân hövschen mit den vrouwen, daz si mir liebé getân.» 913 Dô sprach der herre Sifrit mit hérlichem site: «swenne ir jagen ritet, dâ wil ich gerne mite. sô sult ir mir lihen einen suochman und etelichen bracken: sô wil ich riten in den tan.» 914 «Wolt ir niht wan einen?» sprach der künic zehant. «ich lihe iu, welt ir, viere, den wol ist bekant der walt und ouch die stige, swâ diu tier hine gânt, die iuch niht fürewise zen herebergen riten lânt.» 915 Dô reit zuo sinem wibe der recke vil gemeit. schiere hete Hagene dem künige geseit wie'r gewinnen wolde den tiwerlichen degen: sus grözer untriuwe solde nimmer man gepflegen.

916 Gunther und Hagene die réckén vil balt. lobeten mit untriuwen ein pirsen in den walt. mit ir scarpfen gèren sie wolden jagen swin, bérn unde wisende: waz möhte kúenèrs gesin? 917 Dà mite reit ouch Sifrit in hêrlichem site. maniger hande spise die fuorte man in mite. z'einem kalten brunnen verlós er sit den lîp. daz het gerâten Prûnhilt des kúnîc Guntheres wip. 918 Dô gie der degen kúene da er Kriemhilde vant. dô was nu ûf gesonnet sin edel pirsge want.

unde der gesellen: sie wolden über Rin. done dórste Kriemhilde nimmer léidér gesin. 919 Die sînen triutinne die kust' er an den munt. «got lâze mich dich, vrouwe, gesehen noch gesunt, und mich diu dînen ougen. mit holden mâgen dîn soltu kurzewîlen: i'ne mac hie heime niht gesîn.» 920 Do gedâhte s' an diu mære (sinẹ torst' ir niht gesagen) diu sin dâ Hagene sagete: dô begonde klagen diu edele küniginne daz sị ie gewan den lîp. dô weinde âne mâze des herren Sîfrides wîp. 921 Siu sprach zuo dem recken: «lât iuwer jagen sîn. mir troumte hînaht leide, wie iuch zwei wildiu swîn jageten über heide: dâ wurden bluomen rôt. daz ich sô sêre weine, des gêt mir wærlîche nôt. 922 Ich fürhte harte sêre etelîchen rât, ohe man der deheinem missedienet hât die uns gefüegen kunnen vîentlichen haz. belîbet, lieber herre: mit triuwen rât' ich iu daz.» 923 Er sprach: «mîn triutinne, ich kume in kur- zen tagen, i'ne weiz hie niht der liute die mir iht hazzes tragen. alle dîne mâge sint mir gemeine holt: ouch hân ich an den degenen hie niht ándérs versolt.» 924 «Neinâ, herre Sîfrit: jâ fürht' ich dînen val. mir troumte hinte leide, wie obe dir zetal

vielen zwêne berge: i'n gesach dich nimmer mê. wil du von mir scheiden, daz tuot mir inneclîchen wê. 925 Er umbevie mit armen daz tugentrîche wîp: mit minneclîchem küssen trût' er ir scoenen lîp. mit urloube er dannen sciet in kurzer stunt. sine gesach in leider dar nâch nimmer mêr gesunt. 926 Dô riten sie von dannen in einen tiefen walt durch kurzewîle willen. vil manic ritter balt volgten Gunthêre unde sînen man. Gêrnôt und Giselhêr die wârn dâ heime bestân. 927 Geladen vil der rosse kom vor in über Rîn, die den jâgetgesellen truogen brôt unde wîn, vleisc mit den vischen, und ander manigen rât, den ein künic sô rîche harte pillîchen hât. 928 Sie hiezen herbergen für den grüenen walt gên des wildes abeloufe die stolzen jegere balt, dâ sie dâ jagen solden, ûf einen wert vil breit. dô was ouch komen Sîfrit: daz wart dem künige geseit. 929 Von den jagtgesellen wurden dô gar bestân die warte in allen enden. dô sprach der küene man, Sîfrit der vil starke: «wer sol uns in den walt wîsen nâch dem wilde, ir helde küene unde balt? 930 «Welle wir uns scheiden», sprach dô Hagene, «ê daz wir beginnen hie ze jagene! dâ bî wir mügen bekennen, ich und die herren mîn, wer die besten jâgere an dirre waltreise sîn.

931 Liute und gehünde suln wir teilen gar: sô kêr’ ieslîcher swar er gerne var. der danne jage daz beste, des sol er haben danc.» dô wart der jeger bîten bî ein ándér niht lanc. 932 Dô sprach der herre Sîfrit: «ich hân der hunde rât, niwan einen bracken, der sô genozzen hât daz er die verte erkenne der tiere durch den tan. wir komen wol ze jegede», sprach der Kriemhilde man. 933 Dô nam ein alter jägere einen guoten spürhunt: er brâhté den herren in einer kurzer stunt dâ sie vil tiere funden. swaz der von lägere stuont, di erjageten die gesellen, sô noh guote jägere tuont. 934 Swaz ir der bracke ersprancte, diu sluoc mit sîner hant Sîfrit der vil küene, der helt von Niderlant. sîn ros liuf sô sêre, daz ir im niht entran. den lop er vor in allen an dem gejägede gewan. 935 Er was an allen dingen biderbé genuoc. sîn tier was daz êrste, daz er ze tôde sluoc. ein vil starkez halpful, mit der sînen hant: dar nâch er vil schiere einen úngefüegen lewen vant. 936 Dô den der bracke ersprancte. den scôz er mit dem bogen. eine scharpfe strâle (het er dar in gezogen: ) der léwe lief nâch dem scuzze wan drier sprünge lanc. die sînen jagtgesellen die sagten Sîfride danc.

937 Dar nâch sluoc er sciere einen wisent und einen elch, starker ûre viere, und einen grimmen schelch. sîn ros truoc in sô balde, daz ir im niht entrann. hirze oder hinden kunde im wênic engân. 938 Einen eber grôzen den vant der spurehunt. als er begunde vliehen, dô kom an der stunt des selben gejâgedes meister (bestuont in ûf der slâ.) daz swîn vil zorneclîche lief an den küenen helet sâ. 939 Dô sluoc in mit dem swerte der Kriemhilde man: ez het ein ander jegere sô samfte niht getân. dô er in hete ervellet, man vie den spurchunt. dô wart sîn jaget daz rîche wol den Burgonden kunt. 940 Dô sprâchen sîne jegere: „mug' ez mit fuoge wesen, sô lât uns, her Sîfrit, der tier ein teil genesen. ir tuot uns hiute leere den berc und ouch den walt.“ des begonde smielen der degen küene unde balt. 941 Dô hôrten s' allenthalben lûdem unde dôz. von liute und ouch von hunden der schal was sô grôz daz in dâ von antwûrte der berc und ouch der tan. vier und zweinzec ruore die jegere hêten verlân. 942 Dô muosen vil der tiere vliesen dâ daz leben. dô wânden sie daz füegen (daz man in solde geben den prîs von dem gejâgede: des enkunde niht geschehen, dô der starke Sîfrit wart zer fiwerstat gesehen.

943 Daz jaget was ergangen unde doch niht gar. die zer fîwerstete wolden, die brâhten mit in dar vil maniger tiere hiute und wildes genuoc. hei waz man des zer kuchen des küneges in- gesinde truoc! 944 Dô hiez der künic künden den jegeren ûz erkorn daz er enbîzen wolde. dô wart vil lûte ein horn z'einer stunt geblâsen: dâ mite in wart erkant daz man den fürsten edele dâ zen herbergen vant. 945 Dô sprach ein Sîfrits jâgere: «herre, ich hân vernomen von eines hornes duzze daz wir nu suln komen zuo den herbergen: antwúrten ich des wil.» dô wart nâch den gesellen gevrâget blâsende vil. 946 Dô sprach der herre Sîfrit: «nu rûme ouch wir den tan!» sîn ros truoc in ebene: sie ilten mit im dan. si ersprangeten mit ir scalle ein tier vil gremilich: daz was ein ber wilde. dô sprach der degen hinder sich: 947 «Ich wil uns hergesellen kurzewîle wern. ir sult den bracken lâzen: jâ sihe ich einen bern, der sol mit uns hinnen zen herbergen varn. er'n vliehe dann' vil sêre, er'n kan sih's nimmêr bewarn.» 948 Der bracke wart verlâzen, der bere spranc von dan. dô wolde in errîten der Kriemhilde man. er kom in ein geyelle: done konde's niwet wesen. daz starke tier dô wânde vor dem jâgere genesen.

949 Dô spranc von sînem rosse der stolze ritter guot: er begônde nâch loufen. daz tier was umbehuot, ez enkonde im niht entrinnen: dô vienc er iz zehant, ân' aller slahte wunden der helt ez schiere gebant. 950 Krazen noch gebîzen kunde ez niht den man. er band ez zuo dem satele: ûf saz der snelle sân, er brâht' iz an die tiwerstat durch sînen hôhen muot, z'einer kurzewîle, der recke küene unde guot. 951 Wie rehte hêrliche er zen hêrbergen reit! sîn gêr was vil michel, stárc unde breit. im hienc ein ziere wâfen hin nider an den sporn: von vil rôtem golde fuort' der herre ein schœne horn. 952 Von bezzerm pirsgewæte gehört' ich nie gesagen. einen rôc von swarzem pfellel den sach man in tragen und einen huot von zebele, der rîche was genuoc. hei waz er rîcher porten an sînem kochære truoc! 953 Von éinéme pantel was dar über gezogen ein hût durch die süeze. ouch fuorter einen bogen den man mit ántwérke muose ziehen dan, der in spannen solde, er'n hete iz sélbé getân. 954 Von einer ludemes hiute was allez sîn gewant. von houpte unz an daz ende gestreut man drûfe vant. úz der liehten riuhe vil manic goldes zein ze beiden sînen sîten dem küenen jâgermeister schein.

955 Ouch fuort er Balmungen, ein ziere wâfen breit, daz was alsô scherpfe, daz ez nie vermeit swâ man ez sluoc ûf helme: sîn ecke wâren guot. der hêrliche jâgere der was vil hôhé gemuot. 956 Sît daz ich iu diu mære gar bescheiden sol, im was sîn edel kocher vil guoter strâle vol, von guldînen tüllen, diu sahs wol hende breit. ez muose balde ersterben swaz er dâ mit versneit. 957 Dô reit der ritter edele vil weidenliche dan. in sâhen zuo z'in komende die Guntheres man. sie liefen im engegene und enpfiengen im daz marc. dô fuorte er bî dem satele einen bêren grôz unde starc. 958 Als er gestuont von rosse, dô lôste er im diu bant von fuoze und ouch von munde. dô erlûtte dâ zehant vil grôze daz gehünde, swaz des den bern sach. daz tier ze walde wolde: die liute heten ungemach. 959 Der bere von dem schalle durch die küchên geriet: hei waz er kuchenknehte von dem fiwer schiet! vil kezzel wart gerüeret, zefüeret manic brant: hei waz man guoter spîse in der aschen ligen vant! 960 Dô sprungen von dem sedele die herren und ir man. der bere begonde zürnen: der künic hiez dô lân allez daz gehünde daz an seilen lac. und wær' iz wol verendet, sie heten vrœlîchen tac. 961 Mit bogen und mit spiezen niht langer man daz lie, dô liefen dar die snellen dâ der bere gie.

dô was sô vil der hunde daz dâ niemen scôz. von des liutes scalle daz gebirge allez erdoz. 962 Der ber begonde vliehen vor den hunden dan: im enkunde niht gevolgen wan Kriemhilde man. der erlief in mit dem swerte, ze tôde er in dô sluoc. hin wider zuo dem fiwere man den beren sider truoc. 963 Dô sprâchen die daz sâhen, er wære ein kreftec man. die stolzen jagetgesellen hiez man zen tischen gân. ûf einen scoenen anger saz ir dâ genuoc. hei waz man rîcher spîse den edelen jegeren dô truoc! 964 Die scenken kômen seine, die tragen solden wîn. ez enkunde baz gedienet nimmer heleden sîn: heten sie dar under niht sô valschen muot, sô wæren wol die recken vor allen schanden behuot. 965 Dô sprach der herre Sîfrit: »wunder mich des hât, sît man uns von kuchen gît sô manigen rât, von wiu uns die scenken bringen niht den wîn. man enpflege baz der jegere, ine wil niht jaget- geselle sîn.« 966 »Ich hete wol gedienet daz man mîn næme ware.« der künic von dem tische sprach in valsche dare: »man sol'z iu gerne büezen swes wir gebresten hân. ez ist von Hagenen schulden: der wil uns gern' erdürsten lân.« 967 Dô sprach von Tronege Hagene: »vil lieber herre mîn, ich wânde daz daz pirsen hiute solde sîn

dâ zem Spehtsharte: den wîn den sande ich dar. sîn wir hint ungetrunken, wie wol ich mêre daz bewar! 968 Dô sprach der herre Sîfrit: «ir lîp der habe undanc. man solt’ mir siben soume met und lûtertranc haben her gefüeret. Dô des niht mohte sîn, dô solt’ man uns gesidelet haben nâher an den Rîn.» 969 Dô sprach von Tronege Hagene: «ir edelen rit- ter balt, ich weiz hie vil nâhen einen brunnen kalt (daz ir niht enzürnet): dâ suln wir hine gân.» der rât wart manigem degene ze grôzen sórgên getân. 970 Sîfrit den recken dwanc des turstes nôt: den tisch er deste zîter rucken dan gebôt: er wolde für die berge zuo dem brunnen gân. dô was der rât mit meine von den réckén getân. 971 Diu tier man hiez ûf wägenen füeren in daz lant, diu dâ hete verhouwen diu Sîfrides hant. man jah im grôzer êren swer iz ie gesach. Hagene sîne triuwe vil sêre an Sîfride brach. 972 Dô sie dannen wolden zuo der linden breit, dô sprach von Tronege Hagene: «mir ist des vil geseit daz niht gevolgen künne dem Kriemhilde man, swenne er wolde gâhen: hei wolde er uns daz sehen lân!» 973 Dô sprach von Niderlande der küene Sîfrit: «daz muget ir wol versuochen, welt ir mir loufen mit

ze wette zuo dem brunnen. sô daz sî getân, dem sol man jehen danne den man sihet ge- wunnen hân. 974 Nu welle ouch wir'z versuochen, sprach Hagene der degen. dô sprach der starke Sîfrit: »sô wil ich mich legen vür die iuwern vüeze nider an daz gras.« dô er daz gehörte, wie liep daz Gunthere was! 975 Dô sprach der degen kuene: »ich wil in mêre sagen, allez mîn gewæte wil ich mit mir tragen, den gêr zuo dem schilde und al mîn pîrsgewant.« den kocher zuo dem swerte vil schier' er umbé gebant. 976 Dô zugen sie diu kleider von dem lîbe dan: in zwein wîzen hemeden sah man sie beide stân. sam zwei wildiu pantel sie liefen durch den klê; doch sah man bî dem brunnen den kuenen Sîfriden ê. 977 Den prîs an allen dingen truoc er vor manigem man. daz swert lôst' er schiere, den kocher leit' er dan, den starken gêr er leinde an der linden ast: bî des brunnen vluzze stuont der hêrliche gast. 978 Die Sîfrides tugende wâren harte grôz. den schilt leit' er nidere aldâ der brunne vlôz. swie harte sô in durste, der helt doch niene tranc ê daz der künic getrunke: des sagt' er im vil bœsen danc. 979 Der brünne was kuele, lûter unde guot. Gunther sich dô neigte nider zuo der vluot.

als er hete getrunken, dô rihte er sich von dan. alsam het ouch gerne der küene Sîfrit getân. 980 Dô engalt er sîner zühte. den bogen unt daz swert, daz truoc allez Hagene von im danewert. dô spráng ér hin widere da er den gêr vant. er sach nâch einem bilde an des küenen gewant. 981 Dâ der herre Sîfrit ob dem brunnen tranc, er scôz in durch daz kriuze, daz von der wunden spranc daz bluot im von dem herzen vast' an die Hagenen wât. sô grôze missewende ein helet nimmer mêr begât. 982 Den gêr im gein dem herzen stecken er dô lie. alsô grimmeclîchen ze flühten Hagene nie gelief noch in der werlde vor deheinem man. dô sich der herre Sîfrit der starken wunden versan. 983 Der herre tobelîchen von dem brunnen spranc: im ragete von den herzen ein gêrstange lanc. der fürste wânde vinden bogen oder swert: sô müese wesen Hagene nâch sîne dienste gewert. 984 Dô der sêre wunde des swertes niht envant, done hêt et er niht mêre wan des scildes rant: er zuhte'n von dem brunnen, dô lief er Hagenen an: done kunde im niht entrinnen des künic Guntheres man. 985 Swie wunt er was zem tôde, sô krefteclîch er sluoc, daz ûzer dem schilde drâté genuoc des edelen gesteines: der schilt vil gar zebrast. sich hete gerne errochen der vil hêrlîche gast.

986 Dô was gestrûchet Hagene vor sîner hant zetal. von des slages krefte der wert vil lûte erhal. het er swert enhende, sô waer’ ez Hagenen tôt. sô sêre zurnt’ der wunde: des gie im warlîchen nôt. 987 Erblichen was sîn varwe: er’n mohte niht gestên. sînes lîbes sterke diu muose gar zergên, wand’ er des tôdes zeichen in liehter varwe truoc. sît wart er beweinet von schœnen vrouwen genuoc. 988 Dô viel in die bluomen der Kriemhilde man: daz pluot von sîner wunden sah man vaste gân. dô begonde er schelten (des twanc in grôziu nôt) die ûf in gerâten hêten den ungetriuwen tôt. 989 Dô sprach der verchwunde: «jâ ir vil bœsen zagen, waz helfent mîniu dienest, daz ir mich habt erslagen? ich was iu ie getriuwe: des ich engolten hân. ir habet an iuwern mâgen leider übele getân. 990 Die sint dâ von bescholten. swaz ir wirt geborn hêr nâch disen zîten. ir habet iuwern zorn gerochen al ze sêre an dem lîbe mîn. mit laster ir gescheiden sult von guoten recken sîn.» 991 Die ritter liefen alle da er erslagen lac. ez was ir genuogen ein vreudelôser tac. die iht triuwe hêten, von den wart er gekleit: daz het wol verdienet der ritter küen’ und gemeit. 992 Der künic von Burgonden klagete sînen tôt. dô sprach der verchwunde: «daz ist âne nôt. daz der nâch scaden weinet, der in dâ hât getân der dienet michel schelten: ez waere bezzer verlân.

993 Dô sprach der grimme Hagene: «janę wéiz ich waz ir kleit. ez hât nu allez ende unser sórge unt unser leit: wir vinden ir vil wénic die getürren uns bestân. wol mich deich sîner hêrschaft hân ze râté getân.» 994 «Ir müget iuch lihte rüemen», sprach dô Sîfrit. «het ich an iu erkennet den mortlichen sit, ich hete wol behalten vor iu mînen lîp. mich riuwet niht sô sêre sô vrou Kriemhilt mîn wîp. 995 Nu müeze got erbarmen deich ie gewan den sun dem man daz itewîzen sol nâh den zîten tuon daz sîne mâge iemen mortlîche hân erslagen. möht' ich», sô sprach Sîfrit, «daz sold' ich pillîche klagen. 996 Dô sprach vil jæmerlîche der verchwunde man: «welt ir, künic edele, triuwen iht begân in der werlt an iemen, lât iu bevolhen sîn ûf iuwér genâde die lieben triutinne mîn. 997 Und lât sie des geniezen, daz si iuwer swester sî. durch aller fürsten tugende wont ir mit triuwen bî. mir müezen warten lange mîn vater und mîne man. ez enwart nie vrouwen leider an liebem vriundé getân.» 998 Die bluomen allenthalben von bluote wâren naz. dô rang er mit dem tôde: unlange tet er daz, want des tôdes wâfen ie ze sêre sneit. dô mohte reden niht mêre der recke küen' unt gemeit. 999 Dô die herren sâhen daz der helt was tôt, sie leiten in ûf einen schilt, der was von golde rôt,

und wurden des ze râte, wie daz solde ergân daz man ez verhele daz ez het Hagene getân. 1000 Dô sprâchen ir gennoge: «uns ist übele geschehen. ir sult ez heln alle und sult gelîche jehen, da er rite jagen eine, der Kriemhilde man, in slüegen scâchære, dâ er fuere dorch den tan. 1001 Dô sprach von Tronêge Hagene: «ich bringe'n in daz lant. mir ist vil unmære, und wirt ez ir bekant. diu sô hât betrüebet den Prünhilde muot. ez ahtet mich vil ringe. swaz siu weinens getuot

1002 Do erbiten sie der nahte und fuoren über Rin. von heleden kunde nimmer wirs gejaget sin. ein tier daz sie dâ sluogen, daz weinden edeliu kint. jâ muosen sîn engelten vil guote wigande sint. 1003 Von grozer übermüete müget ir hœren sagen, und von eislîcher râche. dô hiez Hagene tragen Sîfrîden alsô tôten von Nibelunge lant für eine kemenâten dâ man Kriemhilde vant. 1004 Er hiez in tougenlîchen legen an die türe, daz si'n dâ solde vinden so si gienge der fure hin zer mettîne ê daz ez wurde tac, der diu vrouwe Kriemhilt vil selten keine verlac.

1005 Man lûte dâ zem munster nâch gewonheit. vrou Kriemhilt diu schœne wahte manige meit: ein lieht bat siu ir bringen und ouch ir gewant. dô kom ein kamerære dâ er Sîvriden vant. 1006 Er sach in bluotes rôten: sîn wât was elliu naz. daz ez sîn herre wære, niene wesse er daz. hin zer kemenâten daz lieht truog an der hant von dem vil leider mære diu vrouwe Kriem- hilt ervant. 1007 Dô siu mit ir vrouwen zem munster wolde gân, dô sprach der kamerære: jâ sult ir stille stân: ez lît vor dem gademe ein ritter tôt erslagen. dô begonde Kriemhilt vil harte unmæzliche klagen. 1008 Ê daz siu rehte erfunde daz iz wære ir man, an die Hagenen vrâge denken siu began, wie er in solde vristen: dô wart ir êrste leit. von ir was allen vreuden mit sîme tôde widerseit. 1009 Dô seic siu zuo der erden, daz siu niht ensprach: die schœnen vreudelôsen ligen man dô sach. Kriemhilde jâmer wart unmâzen grôz: dô erschrê siu nâch unkrefte daz al diu ke- menâte erdôz. 1010 Dô sprach daz gesinde: «waz ob ez ist ein gast? daz bluot ir ûz dem munde von herzen jâmer brast. dô sprach siu: «ez ist Sîfrit, der mîn vil lieber man: ez hât gerâten Prünhilt, daz ez hât Hagene getân.»

1011 Diu vrouwe bat sich wisen dâ siu den helt vant. siu huop sîn schoene houbet mit ir vil wîzen hant. swie rôt ez was von bluote, siu het in schiere erkant. dô lac vil jæmerlîche der helt von Nibelunge lant. 1012 Dô rief vil trûreclîche diu küneginne milt: «owé mir mînes leides! nu ist dir dîn schilt mit swerten niht verhouwen: du bist ermorderôt. unt wesse ich wer iz het getân, ich riete im immer sînen tôt.» 1013 Allez ir gesinde klagete unde scré mit ir lieben vrouwen, wand' in was harte wé umb' ir vil edelen herren, den sie dâ heten verlorn. dô het gerochen Hagene harte Prünhilde zorn. 1014 Dô sprach diu jâmerhafte: «ir sult hine gân und wecket harte balde die Sîfrides man. ir sult ouch Sigemunde mînen jâmer sagen, ob er mir helfen welle den küenen Sîfriden klagen.» 1015 Dô lief ein bote balde da er sie ligen vant, die Sîfrides helede von Nibelunge lant. mit den vil leiden mæren ir vreude er in benam. sie wolden'z niht gelouben unz man daz wéi- nén vernam. 1016 Der bote kom ouch schiere dâ der künic lac. Sigemunt der herre des slâfes niht enpflac: ich wæn' sîn herze im sagete daz im was geschehen, er'n möhte sînen lieben sun lebenden nimmêr gesehen.

1017 Wachet, herre Sigemunt. mich bat nach iu gân Kriemhilt mîn vrouwe. der ist ein leit getân daz ir vor allen leiden an ir herze gât: daz sult ir klagen helfen, wand’ ez iuch sêre bestât. 1018 Ûf rihte sich dô Sigemunt; er sprach: „waz sint diu leit der schoenen Kriemhilde, diu du mir hâst geseit?“ der bote sprach mit weinen: „ine kan iu niht verdagen: jâ ist von Niderlanden der kuene Sîfrit erslagen.“ 1019 Dô sprach der herre Sigemunt: „lât daz schimpfen sîn und alsô boesiu maere durch den willen mîn, daz ir daz saget iemen daz er sî erslagen: wand’ ine kunde in nimmer unz an mîn ende verklagen.“ 1020 „Wolt ir mir niht gelouben daz ir mich hoeret sagen, sô muget ir selbe hoeren Kriemhilde klagen unt allez ir gesinde den Sîfrides tôt.“ vil sêre erscrac dô Sigemunt: des gie im waerlîchen nôt. 1021 Mit hundert sînen mannen er von den betten spranc. sie zuhten zuo den handen diu scharpfen wâfen lanc. sie liefen zuo dem wuofe vil jâmerlîche dan. dô kômen tûsent recken des kuenen Sîfrides man. 1022 Dô sie sô jæmerlîche die vrouwen hôrten klagen, dô wânden sumelîche, sie solden kleider tragen.

janę mohten sie der sinne vor leide niht gehaben: in wart vil michel swære in ir hérzén begraben. 1023 Dô kom der künec Sigemunt da er Kríemhilde vant. er sprach: «owê der reise here in ditze lant. wer hât mich mînes kindes und iuch des iuwern man bî alsô guoten friunden sus mortlîch âne getân?» 1024 «Hei solde ich den bekennen», sprach daz vil edele wîp, «holt enwurde im nimmer mîn herze unt ouch mîn lîp: ich geriete im alsô leide daz die friunde sîn von den mînen schulden müesen wéinende sîn.» 1025 Sigemunt der herre den fürsten umbeslôz. dô wart von sînen vriunden der jâmer alsô grôz, daz von dem starken wuofe palas unde sal und ouch diu stat ze Wormez von ir wéinén erschal. 1026 Done kunde niemen trœsten daz Sîfrides wîp. man zôch ûz den kleidern den sînen schœnen lîp, man wuosch im sîne wunden und leit’ in ûf den rê. dô was sînen liuten von grôzem jâmere wê. 1027 Dô sprâchen sîne recken von Nibelunge lant: «in sol immer rechen mit willen unser hant.(1039) er ist in dirre bürge, der iz hât getân. dô îltén nâch wâfen alle Sîfrides man. 1028 Die ûz erwelten degene mit schilden kômen dar, einlef hundert recken: die hete an sîner schar

Sigemunt der herre. sînes sunes tôt den wolde er gerne rechen: des gie im wærlichen nôt. 1029 Sine wessen wen sie solden mit strîte dô bestân, sine tæten'z Gunther unde sîne man, mit den der herre Sîfrit an daz gejagede reit. Kriemhilt sach sie gewâfent: daz was ir grœzliche leit. 1030 Swie michel wær' ir jâmer und swie starc ir nôt, doch vorhte siu harte der Nibelunge tôt von ir bruoder mannen, daz siu ez understuont. siu warnt' sie güetlîche sô vriunde liebe vriunde tuont. 1031 Dô sprach diu jâmers rîche: «mîn her Sigemunt, wes welt ir beginnen? iu ist niht rehte kunt. jâ hât der künic Gunther sô manigen küenen man: ir welt iuch alle vliesen, welt ir die recken bestân. 1032 Mit ûf erbürten schilden in was ze strîte nôt. diu edele küneginne bat und ouch gebôt daz si'z mîden solden, die recken vil gemeit. dô si'z niht lâzen wolden, daz was ir wærlichen leit. 1033 Siu sprach: «herre Sigemunt, ir sult iz lâzen stân unz ez sich baz gefüege: sô wil ich mînen man immer mit iu rechen. der mir in hât benomen, wirde ich des bewîset, ich sol im schadelîche komen. 1034 Ez ist der übermüeten hie bî Rîne vil: dâ von ich iu des strîtes râten niht enwil. sie habent wider einen ie wol drîzec man. nu lâz' in got gelingen als sie umb' uns gedienet hân.

1035 Ir sult hie belîben, unt dolt mit mir diu leit; als iz tagen beginne, ir helde vil gemeit, sô helfet mir besarken den mînen lieben man.» dô sprâchén die degene: «daz sol wérdén getân.» 1036 Iu enkunde niemen daz wunder vólságen von rittern unt von vrouwen, wie man die hôrte klagen, sô daz man des wuofes wart in der stat geware. die edelen burgære die kômen gâhénde dare. 1037 Sie klageten mit den gesten, want in was harte leit. die Sîfrides schulde in niemen het geseit, durch waz der edele recke verlür den sînen lîp. dô weinden mit den vrouwen der guoten burgære wîp. 1038 Smide hiez man gâhen, wurken einen sarc, von silber und von golde, vil michel unde starc. man hiez in vaste spengen mit stahel, der was guot. dô was al den liuten harte trûréc der muot. 1039 Diu naht was zergangen: man sagte ez wolde tagen. dô hiez diu edele vrouwe zuo dem münster tragen Sîfrit den herren, ir vil lieben man. swaz er dâ vriunde hête, die sah man wéinénde gân. 1040 Dô sî in zem münster brâhten, vil der glocken klanc. dô hôrt’ man allenthalben vil maniges pfaffen sanc. dô kom der künic Gunther mit den sînen man, und ouch der grimme Hagene zuo dem wúofé gegân. 1041 Er sprach: «vil liebiu swester, owê der leide dîn, daz wir niht mohten âne des grôzen schaden sîn.

wir müezen klagen immer den Sîfrides lîp. «daz tuot ir âne schulde», sprach daz jâmerhafte wîp. 1042 «Wær' iu dar umbe leide, so'n wær' es niht geschehen. ir hêtet mîn vergezzen, des mag ich wol jehen, dô ich dâ wart gescheiden von mîne lieben man daz wolde got», sprach Kriemhilt, «wær' iz mir selbêr getân.» 1043 Sie buten vaste ir lougen. Kriemhilt begonde jehen: «swelher sich unschuldige, der lâze daz geschen; der sol zuo der bâre vor den liuten gân. dâ bî mac man die wârheit harte schiere verstân.» 1044 Daz ist ein michel wunder: vil dicke ez noch geschiht, swâ man den mortmeilen bî dem tôten siht, sô bluotent im die wunden: als ouch dâ gescach. dâ von man die sculde dâ ze Hagenen gesach. 1045 Die wunden vluzzen sêre alsam sie tâten ê. die ê dâ sêre klageten, des wart nu michel mê. dô sprach der künic Gunther: «ich wil'z iuch wizzen lân. in sluogen schâchære: Hagene hât es niht getân.» 1046 «Mir sint die schâchære», sprach siu, «vil wol bekant. nu lâz' ez got erreichen noch siuer vriunde hant. Gunthêr und Hagene, jâ habet ir iz getân.» die Sîfrides degene heten dô ze strîte wân.

1047 Dô sprach aber Kriemhilt: «nu habt mit mir die nôt.» dô kômen dise beide dâ sie in funden tôt, Gêrnôt ir bruoder und Gîselher daz kint. in triuwen sie in klageten mit den ándéren sint. 1048 Sie weinden inneclîche den Kriemhilde man. man solde messe singen: zuo dem münster dan giengen allenthalben man wîp unde kint. die sîn doch lîhte enbâren, die weinten Sîfriden sint. 1049 Gêrnôt und Gîselher sprâchen: «swester mîn, nu trœste dich nâch tôde, als iz doch mûoz sîn. wir wellen dich's ergetzen die wîle unt wir geleben.» done kunde ir trôst deheinen zer werlde niemén gegeben. 1050 Sîn sarc der was bereitet wol umbe'n mitten tac. man huop in von der bâre dâ er ûfe lac. in wolde noch diu frouwe lâzen niht begraben. des muosen al die liute michel arebeite haben. 1051 In einen rîchen pfellel man den tôten want. ich wæne man dâ iemen âne weinen vant. dô klagete herzenlîche Uote, ein edel wîp, und allez ir gesinde den sînen wætlichen lîp. 1052 Dô man daz gehôrte, daz man zem münster sanc, unt in gesarket hête, dô huop sich grôz gedranc: durch willen sîner sêle waz opfers man dô truoc! er hete bî den vinden doch guoter vriundé genuoc.

1053 Kriemhilt diu arme z'ir kameræren sprach: «sie suln durch mîne liebe lîden ungemach, die im iht guotes gunnen und mir wesen holt; durch Sîfrides sêle sol man teilen sîn golt. 1054 Doch ein kint wâs sô kleine daz witze mohte haben, daz muose gân zem opfer. ê er würde begraben, baz danne hundert messe man dâ des tages sanc. von Sîfrides vriunden wart dô grôzer gedranc. 1055 Dô man dâ hete gesungen, daz volc huop sich von dan. dô sprach diu vrouwe Kriemhilt: «ir'n sult niht eine lân hînte mich bewachen den ûz erwelten degen. ez ist an sîne lîbe al mîn vreude gelegen. 1056 Drî tage und drî nahte wil ich in lâzen stân, unz ich mich geniete mîns vil lieben man. waz ob daz got gebiutet daz mich ouch nimet der tôt? sô wære wol verendet mîn armer Kriemhilde nôt.» 1057 Zen herbergen giengen die liute von der stat. pfaffen unde müniche siu belîben bat und allez sîn gesinde, daz des heldes pflac. sie heten naht vil arge unt vil müelîchen tac. 1058 Ân' ezzen und ân' trinken beleip dâ manic man. die ez nemen wolden, den wart daz kunt getân, daz man's in den vollen gæbe: daz schuof Sigemunt. dô was den Nibelungen vil michel arebeit kunt.

1059 Die drîe tagezîte, sô wir hœren sagen, die dâ kunden singen, daz sie muosen tragen vil der arebeite. waz man in opfers truoc! die vil arme wâren, die wurden rîche genuoc. 1060 Swaz man vant der armen die es niht mohten hân, die hiez man dort zem opfer mit dem golde gân ûz sîn selbes kamere. do er niht solde leben, umbe sîne sêle wart manic tûsent marc gegeben. 1061 Urbor ûf der erden teilte s'in diu lant, swâ sô man diu klôster und guote liute vant. silber unde wæte gap man den armen gnuoc. siu tet dem wol gelîche daz s'im holden willen truoc. 1062 An dem drittem morgen ze rehter messezît sô was bî dem münster der kirchof alsô wît von den lantliuten weinens alsô vol: sie dienden im nâch tôde als man lieben vriunden sol. 1063 In den tagen vieren, man hât gesaget daz, ze drîzec tûsent marken, oder dannoch baz, wart durch sîne sêle den armen dâ gegeben. dô was gelegen ringe sîn grôziu schœne und ouch sîn leben. 1064 Dô gote dâ wart gedienet und daz man vol gesanc, mit ungefüegem leide vil des volkes ranc.

man hiez in ûz dem münster zuo dem grabe tragen. die sin ungérn' enbâren, die sah man weinen unde klagen. 1065 Vil lûte scrîende daz liut gie mit im dar. vrô enwas dâ niemen, weder wîp noch man. ê daz man in begrüebe, man sanc unde las: hei waz guoter pfaffen ze sîner pifülde was! 1066 Ê daz zem grabe kome daz Sîfrides wîp, dô ranc mit solhem jâmer der ir getriuwer lîp, daz man sie mit dem brunnen vil dicke dâ vergôz. ez was ir ungemüete vil harte unmâzlichen grôz. 1067 Ez was ein michel wunder daz siu ie genas. mit klage ir hêlfende manic vrouwe was. dô sprach diu küneginne: ir Sîfrides man, ir sult durch iuwer triuwe an mir genâdé begân. 1068 Lât mir nâch mîme leide daz kleine liep geschehen, daz ich sîn schœne houbet noch eines müeze sehen. dô bat si's alsô lange mit jâmers sinnen starc, daz man zebrechen muose den vil hêrlichen sarc. 1069 Dô brâhte man die vrouwen dâ siu in ligen vant. siu huop sîn schœne houbet mit ir vil wîzen hant; dô kuste s' alsô tôten den edelen ritter guot. ir vil liehten ougen vor leide wéinéten bluot. 1070 Ein jæmerlîchez scheiden wart dô dâ getân. dô truoc man sie von dannen: sinę mohte niht gegân. dô vant man sinnelôse daz hêrliche wîp. vor leide möht' ersterben der ir vil winneclîcher lîp.

1071 Dô man den edelen herren hete nu begraben, léit ãne mâze sah man die alle haben die mit im komen wâren von Nibelunge lant. vil selten vrcelichen man dô Sigemunden vant. 1072 Dô was der etelicher der drier tage lanc vor dem grôzem leide niht az noch entranc. dô mohten sie dem lîbe sô gar geswîchen niht: sie nerten sich nâch sorgen, sô noch genûogén geschih.

1073 Der sweher Kriemhilde gie dâ er sie vant. er sprach zer küneginne: wir suln in unser lant. wir wæn' unmære geste bi dem Rîne sîn. Kriemhilt, vil liebiu vrouwe, nu vart ir zuo den landen mîn. 1074 Sît daz uns untriuwe âne hât getân hie in disen landen des iuwern edelen man, des ensult ir niht engelten: ich wil iu wæge sîn durch mînes suns liebe: des sult ir âne zwîvel sîn. 1075 Ir sult ouch haben, vrouwe, allen den gewalt, den iu ê tete künde Sîfrit der degen balt. daz lant und ouch diu krône daz sî iu undertân. iu sulen gerne dienen alle Sîfrides man. 1076 Dô sagete man den knehten, sie solden rîten dan: dô wart ein michel gâhen nâh rossén getân.

bi ir starken vinden was in ze wesen leit. vrouwen unde megeden hiez man súochén diu kleit. 1077 Dô der künic Sigemunt wolde sîn geriten. dô begonden Kriemhilt ire mâge biten daz siu bî ir muoter solde dâ bestân. dô sprach diu vrouwe hêre: «daz kunde müelich ergân. 1078 Wie möhte ich den mit ougen immer an gesehen, von dem mir armem wîbe sô leide ist geschehen?» dô sprach der junge Gîselher: «vil liebiu swester mîn, du solt durch dîne triuwe hie bî dîner muoter sîn. 1079 Die dir dâ habent beswæret und betrüebét den muot, der bedárftu niht ze dienste: nu zere mîn eines guot.» siu sprach zuo dem recken: «jane máges niht geschehen. vor leide mües' ich sterben, swenne ich Hagenen solde sehen.» 1080 «Des tuon ich dir ze râte, vil liebiu swester mîn. du solt bî dînem bruoder Gîselhere sîn. jâ wil ich dich ergetzen dînes mannes tôt.» dô sprach diu gotes arme: «des wære Kriemhilde nôt. 1081 Dô ez ir der junge sô güetlîch erbót, dô begonde vlêgen Uote und Gêrnót

und ir getriuwe mâge: sie bâten s' dâ bestân— siu hete lützel kunnes under Sîfrides man. 1082 Sie sint iu alle vremede, sô sprach Gêrnôt. niemen lebet sô starker, er'n müeze ligen tôt. daz bedênket, liebiu swester, und troestet inwern muot. belîbet bî den vriunden: ez wirt iu wærlîchen guot.» 1083 Siu lobete Gîselhêre, siu wolde dâ bestân. diu ros gezogen wâren den Sigemundes man, als sie wolden rîten zer Nibelunge lant: dô was ouch ûf gesoummet al der recken gewant. 1084 Dô gie der herre Sigemunt zuo Kriemhilde stân; er sprach zuo der vrouwen: «die Sîfrides man iu wartent bî den rossen. nu sulen wir rîten hin, wand' ich vil ungerne bî den Burgonden bin. 1085 Dô sprach diu vrouwe Kriemhilt: «mir râtent vriunde mîn, swaz ich hân der getriuwen. ich süle hie bî in sîn: ich habe niemen mâge in Nibelunge lant.» leit was ez Sigemunde, dô er'z an Kriemhilde ervant. 1086 Dô sprach der künic Sigemunt: «daz lât iu niemen sagen. vor allen mînen mâgen sult ir krône tragen alsô gewalticlîchen als ir ê habt getân. ir'n sult des niht engelten daz wir den helt verloren hân. 1087 Und vart ouch mit uns widere durch inwer kindelîn: daz ensult ir niht, vrouwe, verweiset lâzen sîn.

swenn' iuwer sun gewahset, der trœstet in den muot. die wîle sol in dienen manic hélet küene unde guot.» 1088 Siu sprach: «herre Sigemunt, janę mac ich riten niht. ich muoz hie belîben, swaz halt mir geschiht, bî den mînen mâgen, die mir helfen klagen.» do begónden disiu mære den guoten recken missehagen. 1089 Sie sprâchen al gelîche: «sô möhte wir wol jehen daz uns aller êrste wære leit geschehen, woldet ir belîben bî unsern vinden hie: so gerîten hovereise noch helde sorclîcher nie.» 1090 «Ir sult âne sorge gote bevolhen varn: man git iu guot geleite (ich heiz' iuch wol bewarn) zuo Sigemundes lande. mîn liebez kindelîn daz sol ûf genâde iu recken wol bevolhen sîn.» 1091 Dô sie wol vernâmen, daz siu niht wolde dan, dô weinden al gemeine die Sigemundes man. wie rehte jâmerlîchen schiet dô Sigemunt von vroun Kriemhilde! dô was im ungemüete kunt. 1092 «Sô wê der hôhgezîte», sprach der künec hêr. «ez geschíht von kurzewîle hin für nimmer mêr künige noch sînen mâgen daz uns ist geschehen. man sol uns nimmer mêre hie zen Burgonden sehen.» 1093 Dô sprâchen offenlîche die Sîfrides man: «ez möhte noch diu reise in ditze lant ergân,

sô wir den reht' erfunden, der uns den herren sluoc. sie habent von sinen mâgen starker vînde genuoc. 1094 Er kuste Kriemhilde: wie jâmerlîch er sprach, dô sin belîben wolde und er daz rehte ersach. „nu rîten vreuden âne heim in unser lant. alle mîne sorge sint mir êrste nu bekant.“ 1095 Sie riten ân' geleite von Wormez an den Rîn: sie mohten wol des muotes sicherlîchen sîn. ob sie in vientschefte würden an gerant, daz sich weren wolde der küenen Nibelunge hant. 1096 Sine gerten urloubes dâ ze keinem man. dô sah man Gêrnôten und Giselheren gân zuo z'im minneclichen. in was sin schade leit. des brâhten in wol innen die helde küene und gemeit. 1097 Dô sprach gezogenlîche der fürste Gêrnôt: „got weiz daz wol von himele, an Sîfrides tôt gewan ich nie die schulde, daz ich daz hôrte sagen wer im hie vient wære. ich sol in pillîche klagen.“ 1098 Dô gab in guot geleite Gîselher daz kint: er brâhte sórgênde ûz dem lande sint den künic mit sînen recken heim ze Niderlant. wie lützel man der mâge dar inne vroelîche vant! 1099 Wie sie nu gefüeren, des enkan ich niht gesagen. man hôrt' hie z'allen zîten Kriemhilde klagen,

daz ir niemen trôste daz herze joch den muot, ez entæte Gîselher: der was getriuwe unde guot. 1100 Prünhilt diu schoene mit übermüete saz. swaz geweinde Kriemhilt, unmære was ir daz. sinē wart ir guoter triuwen nimmer mê bereit. sît getêt ouch ir vrou Kriemhilt diu vil herzen- lîchen leit.

1101 Dô diu edele Kriemhilt alsô verwitewet wart, bî ir inme lande der grâve Eckewart beleip mit sînen mannen: der diende ir z'allen tagen. der half ouch sîner vrouwen sînen herren dicke klagen. 1102 Ze Wormez bî dem münster ein gezimber man ir slôz, wît und vil michel, rîch ûnde grôz, dâ siu mit ir gesinde sit âne vreude saz. siu was zer kirchen gerne und tet vil willeclîchen daz. 1103 Dâ man begruob ir vriedel, wie selten siu daz lie, mit trûrigem muote siu alle zît dar gie. siu bat got den guoten sîner sêle pflegen. vil dicke wart beweinet mit grôzen triuwên der degen.

1104 Uote und ir gesinde sie trôsten z'aller stunt. dô was ir daz herze sô grœzliche wunt: ez kunde niht vervâhen, swaz man ir trôstes bôt. siu hete nâch liebem vriunde die aller grœzisten nôt. 1105 Die nâch liebem manne ie mêr wîp gewan. man mohte ire tugende kiesen wol dar an. siu klaget' unz an ir ende die wîle werte ir lîp. sît rach sich wol mit ellen des küenen Sîfrides wîp. 1106 Sus saz siu nâch ir leide, daz ist alwâr, nâch ir mannes tôde wol vierdehalbez jâr, daz siu ze Gunthêre nie dehein wort gesprach unt ouch ir vient Hagenen in der zîte nie gesach. 1107 Dô sprach von Tronege Hagene: «möht ir daz tragen an, daz ir iuwer swester ze vriunde möhtet hân? sô kœm' ze disen landen daz Nibelunges golt: des möht ir vil gewinnen, würd' uns diu küneginne holt.» 1108 Er sprach: «wir suln'z versuochen. mîne brüoder sint ir bî: die sul wir'z piten werben daz si unser vriunt sî, ob wir'n ir an gewinnen, daz siu daz gerne sehe. «i'ne trouwe's niht», sprach Hagene, «daz ez immêr geschehe.» 1109 Dô hiez er Ortwinen hin ze hove gân unt den márgrâven Gêren. dô daz was getân, man brâhte ouch Gêrnôten und Gîselher daz kint. si versuochten'z vriuntlîchen an vroun Kriemhilde sint.

1110 Dô sprach von Burgonden der künec Gernôt: „vrouwe, ir klaget ze lange den Sîfrides tôt. in wil der künic rihten daz er's niht hât erslagen. man hoert iuch z'allen zîten sô rehte grœzlichen klagen. 1111 Siu sprach: „des zîht in niemen: in sluoc diu Hagenen hant. wa man in verhouwen solde, do er daz an mir ervant, wie moht' ich des getrouwen daz er im trüege haz? ich hete wol behüetet«, sprach diu küneginne, »daz, 1112 Daz ich niht vermeldet hete sînen lîp: sô lieze ich nu mîn weinen, ich vil armez wîp. holt wird' ich in nimmer, die ez dâ hânt getân. dô begónde vlêgen Gîselher, der vil wætliche man. 1113 «Ich wil den künic grüezen», dô siu im des verjach. mit sînen besten vriunden man in vor ir sach. dône torste Hagene für sie niht gegân: wol wesse er sîne schulde, er het ir leidé getân. 1114 Dô siu verkiesen wolde ûf Gunther den haz, ob er sie küssen solde, ez zæme im deste baz. wær' ir von sînem râte leide niht getân, sô möht' er vrevellîche zûo Kriemhildé gegân. 1115 Ez enwart nie suone mit sô vil trahenen mê gefüeget under vriunden. ir tet ir schade wê. si verkôs ûf sie alle wan ûf den einen man. in hete erslagen niemen, het ez Hagene niht getân.

1116 Dar nâch vil unlange dô truogen sie daz an daz diu vrouwe Kriemhilt den grôzen hort gewan von Nibelunges lande und fuorte in an den Rîn. er was ir morgengâbe, er solt' ir billîche sîn. 1117 Dâr nâch fûor Gîselher unde Gêrnôt. ahzec hundert mannen Kriemhilt dô gebôt daz si'n holen solden da er verborgen lac, dâ sîn der degen Albrich mit sînen besten vriunden pflac. 1118 Dô man die von Rîne nâch dem schâtze ko- men sach, Albrich der vil küene zuo sînen vriunden sprach: «wir getürren ir des hordes vor gehaben niht, sît sîn ze morgengâbe diu edele küneginne giht. 1119 Doch enwurde ez nimmer», sprach Albrich, «getân, niwan daz wir übele dâ verlorn hân samet Sîfrîde die guoten tarnhût: want die truoc alle zîte der schœnen Kriemhilde trût. 1120 Nu ist ez Sîfrîde leider übele komen, daz uns die tarnkappen der helt het benomen unt daz im muose dienen allez ditze lant.» dô gie der kamerære dâ er die slüzzéle vant. 1121 Ez stuonden vor dem berge die Kriemhilde man, und ouch ein teil ir mâge. den scáz trûoc mân dán zúo dem sêwe an diu schiffelîn: den fuort' man ûf den ünden unz ze berge an den Rîn.

1122 Nu muget ir von dem horde wunder hœren sagen: swaz zwelf karrnwagene meiste mohten tragen in vier tagen und nahten von dem berge dan. ouch muose ir ietslicher des tages drî stunde gân. 1123 Ez enwas niht anders wan gesteine unde golt. unt ob man al die werlde het dâ von versolt, sîn wære niht minner einer marke wert. jâne het es âne schulde niht gar Hagene gegert. 1124 Der wunsch der lac dar under, von golde ein rüetelîn. der daz het erkunnet, der mohte meister sîn wol in aller werlde über ietslichen man. der Albriches mâge kom vil mit Gêrnôte dan. 1125 Dô sie den hort behielten in Guntheres lant und sih's diu küneginne alles underwant, kamere unde türne sîn wurden vol getragen. man gehörrute nie daz wunder von guote mêrê gesagen. 1126 Und waer' sîn tûsent stunde noch alse vil gewesen, und solt' der herre Sîfrit gesunder sîn genesen, bî im wære Kriemhilt hendeblôz bestân. getriuwer wîbes künne ein helt nie mêrê gewan. 1127 Dô siu den hort nu hête, dô brâhte s' in daz lant vil unkunder recken. jâ gap der vrouwen hant daz man sô grôzer milte mêre nie gesach. siu pflac vil grôzer tugende: des man der küneginne jach.

1128 Den armen unt den rîchen begonde siu nu geben daz daz reite Hagene, obe siu solde leben noch deheine wîle, daz siu sô manigen man in ir dienst gewunne daz ez in leide müese ergân. 1129 Dô sprach der küncc Gunther: «ir ist lîp únde guot, zwiu sol ich daz wenden swaz siu dâ mit getuot? ja erwarp ich daz vil kûme daz siu mir wart sô holt. nu enruochen war siu teile beidíu ir silber und ir golt » 1130 Hagene sprach zem künige: «ez solde ein frumer man deheinem einem wîbe niht des hordes lân. siu bringet ez mit gâbe noch unz ûf den tac daz'z vil wol geriuwen die küenen Burgonden mac.» 1131 Dô sprach der künic Gunther: «ich swuor ir einen eit daz ich ir getæte nimmer mêre leit, und wil es fürbaz hüeten: siu ist diu swester mîn.» dô sprach aber Hagene: «lât mich den schúldîgen sîn.» 1132 Ir sumelîcher eide wâren umbehuot. dô nâmen sie der witewen daz kréftige guot: Hagene sich der slüzzel aller underwant. daz zurnde ir bruoder Gêrnôt, do er daz réhté bevant. 1133 Dô sprach der herre Gîselher: «Hagene hât getân vil leides mîner swester: ich sold' iz understân. unde wær' er niht mîn mâc, ez gienge im an den lîp.» iteniuwez weinen tet dô Sîfrides wîp.

1134 Dô sprach der herre Gêrnôt: „ê daz wir immer sîn gemüet mit disem golde, wir solden’z in den Rîn allez heizen senken, daz’z immer wurde man.“ siu gie vil klêgelîche für Gîselher ir bruoder stân. 1135 Siu sprach: „vil lieber bruoder, du solt ge- denken mîn: beidiu lîbes unde guotes soltu mîn voget sîn.“ dô sprach er zuo der vrouwen: „daz sol sîn getân, als wir nu komen widere; wir haben rîtênnes wân.“ 1136 Der künic und sîne mâge rûmten dô daz lant, die aller besten drunder die man inder vant: niwan Hagene aleine, der belêip dâ durch haz den er truoc Kriemhilde, unt tet vil willeclîche daz. 1137 Ê daz der künic rîche wider wære komen, die wîle hete Hagene den grôzen scaz genomen. er sancte’n dâ ze Lôche allen in den Rîn. er wânde er sold’ in niezen, des enkunde niht gesîn. 1138 Die fürsten kômen widere, mit in vil manic man. Kriemhilt ir schaden grôzen klagen dô began mit meiden unt mit vrouwen: in was harte leit. gerne wær’ ir Gîselher aller triuwen bereit. 1139 Dô sprâchen sie gemeine: „er hât übele getân. er ’ntweich der fürsten zorne alsô lange dan unz er gewan ir hulde. sie liezen in genesen: dône kunde im Kriemhilt nimmer vînder gewesen. 1140 Ê daz von Tronege Hagene den scatz alsô verbarc, dô heten si’z gevestent mit eiden alsô starc,

daz er verholn wære unz ir éiner möhte leben. sit enkünden si's in selben noch ander niemén gegeben. 1141 Mit iteniuwen leiden beswæret was ir muot, umbe ir mannes ende, unt dō sie ir daz guot alsō gar genâmen. dō gestuont ir klage des libes nimmer mêre unz an ir jūngēsten tage. 1142 Nâch Sîfrides tôde, daz ist alwâr, siu wonde in manigem sêre drîuzēhen jâr, daz siu des recken tôdes vergezzen kunde niht. siu was im getriuwe: des ir diu meiste menige giht.

1143 Daz was in einen zîten do vrou Helche erstarp unt daz der künic Etzel umb' ein ánder vrou- wen warp: dô rieten sîne vriunde in Burgonden lant z'einer stolzen witewen, diu was vrou Kriemhilt genant. 1144 Sît daz erstorben wære der schœnen Helchen lîp, sie sprâchen: „welt ir immer gewinnen edel wîp, die hœhsten und die besten die künic ie gewan, sô nemt die selben vrouwen: der starke Sîfrit was ir man.“

1145 Dô sprach der künic rîche: «wie möhte daz ergân, sît ich pin ein heiden unt des tóufes niene hân? sô ist diu vrouwe kristen: dâ von lobet si'z niht. ez müese sîn ein wunder, ob ez immér geschiht.» 1146 Dô sprâchen aber die snellen: «waz ob si'z lihte tuot? durch iuwern namen den hôhen und iuwer michel guot sô sol man'z doch versuochen an daz vil edele wîp. ir müget vil gerne minnen den ir vil wætlîchen lîp.» 1147 Dô sprach der künic edele: «wem ist nu bekant under iu bî Rîne liute unde lant?» dô sprach von Bechelâren der guote Rüedigêr: «ich hân erkant von kinde die edelen küneginne hêr. 1148 Gunther und Gêrnôt, die edelen ritter guot, der dritte heizet Gîselher: ir ietslîcher tuot swaz er der besten êren und tugende mac begân: ouch hânt ir altmâge her daz sélbé getân.» 1149 Dô sprach aber Etzel: «vriunt, du solt mir sagen, op siu in mînem lande krône solde tragen. und ist ir lîp sô schœne sô mir ist geseit, den mînen besten vriunden sol ez nimmer werden leit.» 1150 «Si gelîchet sich mit schœne wol der vrouwen mîn, Helchen der vil rîchen. jâne könde niht gesîn in dirre werlde schœner deheines küniges wîp. den siu lobet ze vriunde, der mac wol trœsten sînen lîp.»

1151 Er sprach: «sô wirb ez, Ruedegêr, als liep als ich dir sî. und sol ich Kriemhilde immêr geligen bî, des wil ich dir lônen sô ich beste kan: sô hâstu mînen willen sô rehte vêrré getân. 1152 Ûzer mîner kameren sô heiz' ich dir geben daz du unt dîne gesellen vrœlîche muget leben, von rossen und von kleidern allez daz du wil. des heize ich iu bereiten zuo der boteschefte vil. 1153 Des antwurte Rûedegêr, der marcgrâve rîch: «gerte ich dînes guotes, daz wære unlobelîch. ich wil dîn bote gerne wesen an den Rîn mit mîn selves guote, daz ich hân von der hende dîn. 1154 Dô sprach der künic rîche: nu wenne welt ir varn nâch der minneclîchen? got sol iuch bewarn der reise an allen êren, unt ouch die vrouwen mîn. des helfe mir gelücke daz si uns genædic müeze sîn. 1155 Dô sprach aber Rûedegêr: ê wir rûmen daz lant, wir müezen ê bereiten wâfen unt gewant, alsô daz wir's êre vor fürsten mugen hân. ich wil ze Rîne füeren fünf hundert wætlîcher man. 1156 Swâ man zen Burgonden mih unt die mîne sehe, daz ir ietslîcher danne dir des jehe, daz nie künic deheiner alsô manigen man sô verre baz gesande dan du ze Rîne habest getân. 1157 Und ob du'z, künic rîche, dar umbe niht wil lân, siu was ir edelen minne Sîfrîde undertân,

dem Sigemundes kinde: den hâstu hie gesehen: man moht' im grôzer êren mit rehter wârheite jehen.» 1158 Dô sprach der künic Etzel: «was siu des recken wîp, sô was wol alsô tiure des edelen fürsten lîp. daz ich niht versmâhen die küneginne sol. durch ir grôzen schœne sô gevellet siu mir wol.» 1159 Dô sprach der marcgrâve: «sô wil ich iu daz sagen daz wir uns heben hinnen in vier unt zwein- zec tagen. ich enbiute iz Gotelinde, der lieben vrouwen mîn, daz ich nâch Kriemhilde selbe bote welle sîn.» 1160 Hin ze Bechelâren sande Rüedegêr. dô wart diu marcgrâvinne trûrec unde hêr. er 'nbôt ir daz er solde dem künige werben wîp: si gedâhte minneclîche an der schœnen Helchen lîp. 1161 Dô diu marcgrâvinne die boteschaft vernam, ein têil wâs ir leide, weinens sie gezam, ob siu gewinnen solde vrouwen alsam ê. sô siu gedâht' an Helchen, daz tet ir inneclîche wê. 1162 Rüedegêr von Ungern in siben tagen reit. des was der küncc Etzel vrô ûnt gemeit. dâ zer stat ze Wiene bereite man in wât. dô mohte er sîner reise dô niht langer haben rât. 1163 Dâ ze Bechelâren im warte Gotelint: diu junge marcgrâvinne, daz Rüedegêres kint, sah ir vater gerne unde sîne man: dô wart ein liebez piten von schœnen kinden getân.

1164 Ê daz der edele Rüedegêr ze Bechelâren reit ûz der stat ze Wiene, dô wâren in diu kleit rehte volleclîchen ûf den soumen komen: die fuoren in der mâze daz in wart wênic iht genomen. 1165 Dô sie ze Bechelâren kômen in die stat, die sînen reisgesellen herebergen bat der wirt vil minneclîchen unt schuof in guot gemach. Gotelint diu rîche den wirt siu gerne komen sach. 1166 Sam tet sîn liebiu tohter, diu junge marcgrâvin: derne kunde nimmer sîn komen lieber sîn. die helde ûz Hiunen lande wie gerne siu sie sach! mit lâchêndem muote diu edele juncvrouwe sprach: 1167 Nu sî uns grôze willekomen mîn vater und sîne man. dô wart ein schoene danken mit vlîze dâ getân der jungen marcgrâvinne von manigem ritter guot vil wol wêsse Gotelint des herren Rüedegêres muot. 1168 Dô siu des nahtes nâhen bî Rüedegêre lac, wie güetlîche vrâgen diu marcgrâvinne pflac, war in gesendet hête der künic von Hiunen lant! er sprach: «mîn vrou Gotelint, ich tuon dir'z gêrné bekant. 1169 Dâ sol ich mîme herren werbên ein ander wîp, sît daz ist erstorben der schoenen Helchen lîp. ich wil nâch Kriemhilde rîten an den Rîn: diu sol hie zen Hiunen gewaltec küniginne sîn. 1170 «Daz wolde got», sprach Gotelint, «und mohte daz geschehen, sît daz wir ir hoeren sô maniger êren jehen.

si ergazte uns mîner vrouwen lîhte in alten tagen: ouch möhte wir sie gerne zen Hiunen krône lâzen tragen.» 1171 Dô sprach der marcgrâve: «triutinne mîn. die mit mir sulen rîten hinnen an den Rîn, den sult ir minneclîche bieten iuwer guot. sô helde varent rîche, sô sint sie hôhé gemuot.» 1172 Siu sprach: «ez ist deheiner der'z gerne von mir nimt, i'ne gebe ir ietslîchem swaz im wol gezimt, ê daz ir hinnen scheidet und ouch iuwer man.» dô sprach der marcgrâve: «daz ist mir lîebé getân.» 1173 Hei waz man rîcher pfellel von ir kamere truoc! der wart den edelen recken ze teile dô genuoc, erfullet vlîzeclîchen von halse unz ûf den sporn. die im dar zuo geviellen, die het im Rüedegêr erkorn. 1174 An dem sibendem morgen von Bechelâren reit der wirt mit sînen recken. wâfen unde kleit fuorten sie den vollen durh der Beier lant. sie wurden ûf der strâzen durch rouben selten an gerant. 1175 Inre tagen zwelfen sie kômen an den Rîn. done kunden disiu mære niht verholen sîn. man sagete'z dem künige unde sînen man, dâ kæmen vremde geste. der wirt dô vrâgén began, 1176 Ob iemen sie bekande. daz man'z im solde sagen. man sah ir soumære sô rehte swære tragen:

daz sie vil rîche wæren, daz wart dâ wol bekant man schuof in herberge in der wîten stat zehant. 1177 Dô die vil unkunden wæren in bekomen, dô wart der selben herren vaste war genomen. C. sie wundert' wannen fuoren die recken an den Rîn der wirt nâch Hagenen sande, ob sie im kundec mohten sîn. 1178 Dô sprach der von Tronege: — i'n hân ir niht gesehen. als wir sie nu geschouwen, ich kan iu wol verjehen, 1120, von swânnén sie riten her in ditze lant. sie sulen sîn vil vremde, i'ne habe sie schiere bekant. 1179 Den gesten herberge wæren nu genomen. in vil rîchiu kleider was der bote komen 1120, und sîne hergesellen. ze hove sie dô riten: sie fuorten guotiu kleider vil harte spæhé gesniten. 1180 Dô sprach der snelle Hagene: als ich mih kan verstân, wand' ich den herren lange niht gesehen hân, 1120, 3. sie varent dem gelîche sam ez sî Ruedegêr, von hiunischen landen der degen kuene unde hêr. 1181 «Wie sol ich daz gelouben», sprach der künic zehant, «daz der von Bechelâren koeme in ditze lant?» als der künic Gunther die rede vol gesprach, Hagene der küene den guoten Ruedegêren sach.

1182 Er und sîne vriunde liefen alle dan. dô sach man von den rossen fünf hundert ritter stân. dô wurden wol enpfangen die von Hiunen lant. boten nie getruogen alsô hêrlich gewant. 1183 Dô sprach harte lûte von Tronege Hagene: «nu sîn gote willekomen dise degene, der voget von Bechelâren unt alle sîne man.» der antpfanc wart mit êren den snellen Hiunén getân. 1184 Des küniges næhsten mâge die giengen dâ man s' sach. Ortwîn von Metzen zuo Rüedegêre sprach: «wir haben in aller wîle mêre nie gesehen geste hie sô gerne: des wil ich wærliche jehen.» 1185 Des gruozes sie dô dancten den recken über al. mit den hergesinden sie giengen in den sal, dâ sie den künic funden bî manigem küenen man. der herre stuont von sedele: daz was durch grôze zuht getân. 1186 Wie rehte zühteclîchen er zuo den boten gie! Gunther und Gêrnôt vil vlîzeclich enpfie den gast mit sînen mannen, als im wol gezam. den guoten Rüedegêre er bî der hénde genam. 1187 Er brâhte'n zuo dem sedele dâ er selbe saz: den gesten hiez man scenken (vil gerne tet man daz) mete den vil guoten unt den besten wîn, den man kunde vinden in dem lande al umbe'n Rîn. 1188 Gîselher und Gêre die wâren beide komen, Dancwart und Volkêr die hêtén vernomen

umbe dise geste: sie wâren vrô gemuot, si enpfiengen vor dem künige die ritter edel unde guot. 1189 Dô sprach zuo sime herren von Tronege Hagene: «ez solden immer dienen dise degene daz uns der marcgrâve ze liebe hât getân: des solde lôn enpfâhen der schœnen Gotelinde man.» 1190 Dô sprach der künic Gunther: «i'ne kan daz niht verdagen. wie si sich gehaben beide, daz sult ir mir sagen, Ezel unde Helche ûzer Hiunen lant.» dô sprach der marcgrâve: «ich tuon'z iu gerne bekant.» 1191 Dô stuont er von dem sedele mit allen sînen man. er sprach zuo dem künige: «und mac daz sîn getân, daz ir mir, fürste, erloubet, sone wil ich niht verdagen diu mære diu ich bringe sol ich iu willeclîchen sagen.» 1192 Er sprach: «swaz man uns mære bi iu enboten hât, diu erloube ich iu ze sagene, âne vriunde rât. ir sult sie lâzen hœren mich unt mîne man, wand' ich iu in aller êren hie ze werbenne gan.» 1193 Dô sprach der bote biderbe: «iu enbiutet an den Rîn getriuwelîchen dienst der grôze voget mîn, dar zuo allen vriunden die ir muget hân: ouch ist disiu boteschaft mit grôzen triuwen getân. 1194 In bat der künic edele klagen sîne nôt. sîn volc ist âne freude: mîn vrouwe diu ist tôt.

Helche diu vil rîche, mînes herren wîp, an der nu ist verweiset vil maniger juncvrouwen lîp, 1195 Kint der edelen fürsten, diu siu gezogen hât: dâ von ez inme lande vil jâmerlîche stât. di'n hânt nu leider niemen der ir mit triuwen pflege. des wæn' ouch sich vil seine des küniges sorge gelegen.» 1196 «Nu lôn' im got», sprach Gunther, «daz er den dienest sîn sô willeclîch enbiutet mir und den vriunden mîn. den sînen gruoz ich gerne hie vernomen hân: daz sulen gerne dienen beide mâge unt mîne man.» 1197 Dô sprach von Burgonden der recke Gêrnôt: «die werlt mac immer riuwen der schoenen Helchen tôt, durch ir vil manige tugende, der siu kunde pflegen.» der rede gestuont im Hagene, der vil zierlîche degen. 1198 Dô sprach aber Rüedegêr, der edele bote hêr: «sît ir mir, künic, erloubet, ich sol iu sa- gen mêr waz iu mîn lieber herre her enboten hât, sît im sîn dinc nâch Helchen sô rehte kumber- lîchen stât. 1199 Man sagete mînem herren, Kriemhilt sî âne man, her Sîfrit sî erstorben. und ist daz sô getân, wolt ir ir des gunnen, sô sol siu krône tragen vor Étzélen recken: daz hiez ir mîn herre sagen.»

1200 Dô sprach der künic rîche (wol gezôgen was sîn muot): siu hoeret mînen willen, ob si'z gerne tuot. den wil ich iu künden in disen drien tagen. ê ih'z an ir erfunde, zwiu solde ich Etzeln versagen?» 1201 Die wîle man den gesten hiez schaffen guot gemach, in wart dâ sô gedienet, daz Rüedegêr des jach daz er dâ friunde hête under Günthêres man. Hagene im diente gerne: er het im ê alsam getân. 1202 Alsus beleip dô Rüedegêr unz an den dritten tac. der künic nâch râte sande (vil wîslich er pflac) und ob ez sîne mâge dûhte guot getân daz Kriemhilt nemen solde den künic Etzeln ze man. 1203 Sie rieten'z al gemeine, niwan Hagene, der sprach ze Gunthêre deme degene: «habt ir rehte sinne, sô wirt ez wol behuot, ob si's joch volgen wolde, daz si'z nimmêr getuot. 1204 «War umbe?» sprach dô Gunther, «solde ih's volgen niht? swaz der küneginne liebês geschiht, des sol ich ir wol gunnen: siu ist diu swester mîn. wir solden'z selbe werben, op ez ir êre mohte sîn.» 1205 Dô sprach aber Hagene: «nu lât die rede stân. het ir Etzeln künde, als ich sîn künde hân, sol siu in danne minnen, als ich iuch hoere jehen, sô ist iu aller êrste von schulden sorge geschehen.»

1206 «War umbe?» sprach dô Gunther. «ich behüete wôl daz, daz ich im kome sô nâhen daz ich deheinen haz von ime dulden müese, und wurde siu sîn wîp.» dô sprach aber Hagene: «ez gerâtet nimmêr mîn lîp.» 1207 Man hiez nâh Gêrnôte und Gîselhere gân, ob die herren beide dûhte guot getân daz Kriemhilt nemen solde den rîchen künic hêr. noch widerreite’z Hagene und ander niemannes mêr. 1208 Dô sprach von Burgonden Gîselher der degen: «nu müget ir, vriunt Hagene, noh der triuwen pflegen: ergetzet sie der leide und ir ir habet getân. an swiu ir wol gelunge, daz solt ir ungevêhet lân.» 1209 «Dâ habet ir mîner swester getân sô manegiu leit», sô sprach aber Gîselher, der recke vil gemeit, «daz siu des hete schulde ob siu iu wære gram. nie man deheiner vrouwen noch mêre vröuden benam.» 1210 «Daz ich dâ wol bekenne, daz tuon ich iu kunt. sol sie nemen Etzel, gelebet siu an die stunt. si getuot uns noch vil leide, swie si’z getraget an. jâ wirt ir díenende vil manic wætlicher man.» 1211 Des antwurte Hagenen der küene Gêrnôt: «ez mag alsô beliben unz an ir beider tôt, daz wir gerîten nimmer in Étzélen lant. wir suln ir sîn getriuwe: daz ist zen êren uns gewant.»

1212 Dô sprach aber Hagene: «mir mac niemen widersagen. und sol diu edele Kriemhilt Helchen krône tragen, siu getuot uns leide, swie siu gefüeget daz. ir sult iz lân beliben: daz zimet iu recken michel baz. 1213 Mit zorne sprach dô Gîselher, der schoenen Uoten sun: «wir suln doch niht alle meinlîchen tuon. swaz êren ir geschæhe, vrô solten wir des sîn. swaz ir geredet, Hagene, ich diene ir durch die triuwe mîn.» 1214 Dô daz gehörte Hagene, dô wart er ungemuot. Gêrnôt und Gîselher, die stolzen ritter guot, und Gunther der rîche ze jungest rieten daz, ob ez lobete Kriemhilt, sie wolten’z lâzen âne haz. 1215 Dô sprach der fürste Gêre: «ich wil’z der vrouwen sagen, daz si ir den künec Etzel lâze wol behagen. dem ist sô manic recke mit vorhten undertân: er mac sie wol ergetzen swaz ir leides ist getân.» 1216 Dô gie der snelle recke dâ er Kriemhilde sach. si enpfie in güetliche: wie balde er dô sprach! «ir müget mich gerne grüezen und geben botenbrôt. iuch wil gelücke scheiden ûz aller iuwêrre nôt. 1217 Ez hât durch iuwer minne, vrouwe, her gesant ein der aller beste der ie küneges lant gewan mit vollen êren oder krône solde tragen: ez werbent ritter edele, daz hiez iu iuwer bruoder sagen.

1218 Dô sprach diu jâmers rîche: «iu sol verbieten got und allen mînen vriunden, daz sie deheinen spot an mir armer üeben. waz sold' ich einem man der ie herzen liebe von guotem wîbé gewan?» 1219 Siu widerreit' ez sêre. dô kômen aber sint Gêrnôt ir bruoder unt Giselher daz kint. die bâten minneclîche trœsten sie den muot: ob siu den künic genæme, ez wær' ir wærlîchen guot. 1220 Überwinden kunde niemen dô daz wîp, daz siu minnen wolde deheines mannes lîp. dô bâten sie die degene: «nu lâzet doch geschehen, ob ir anders niht getuot, daz ir den boten ruochet sehen.» 1221 «Daz enwil ich niht versprechen», sprach daz edele wîp, «ich ensehe gerne den Rüedegêres lîp durch sîne manige tugende. wær' ér niht her gesant, swer'z ander boten wære, dem wær' ich immer umbekant.» 1222 Siu sprach: «ir sult in morgen heizen here gân zuo mîner kemenâten. ich wil in hœren lân vil gar den mînen willen sol ich im selbe sagen.» ir wart eriteniuwet daz ir vil grœzlîche klagen. 1223 Dô gert' ouch niht anders der edele Rüedegêr wan daz er gesæhe die küneginne hêr: er weste sich sô wîsen, ob ez immer sold' ergân, daz siu sich den recken überreden müese lân.

1224 Des andern morgens vrüeje, dô man die messe sanc. die edelen boten kômen. dô wart dâ grôz gedranc. die mit Ruedegêre ze hove solden gân, der sah man dâ gekleidet vil manigen wætlichen man. 1225 Kriemhilt diu hêre und vil trûrëc gemuot, siu warte Ruedegêre, dem edelen boten guot. der vant sie in der wæte die si alle zîte truoc: dâ bî truoc ir gesinde rîcher kleider genuoc. 1226 Siu gienc im engegene zuo der türe stân, und enpfic vil güetliche den Étzelen man. niwan selbe zwelfter er dar in zuo ir gie. man bôt im grôzen dienest: ir'n kômen hôher boten nie. 1227 Man hiez den herren sitzen unde sîne man. die zwêne marcgrâven sah man vor ir stân, Eckewart und Gêren, die edelen recken guot. durch die hûsvrouwen sie sâhen niemen wol gemuot. 1228 Sie sâhen vor ir sitzen vil manic schœne wîp. dô pflac niwan jâmers der Kriemhilde lîp. ir wât was vor den brüsten der heizen trâhene naz. der edele marcgrâve wol sáh an Kriemhilde daz. 1229 Dô sprach der bote hêre: «vil edeles küniges kint, mir unt mînen gesellen, die mit mir komen sint, sult ir daz erlouben daz wir vor iu stân und sagen iu diu mære nâch wiu wir her geriten hân.» 1230 «Nu sî iu erloubet», sprach diu künegîn, «swaz ir reden wellet. alsô stât mîn sin, daz ich ez gerne hœre: ir sît ein bote guot. die andern dô wol hôrten ir unwillîgen muot.

1231 Dô sprach von Bechelâren der fürste Rüedegêr: «mit triuwen grôze liebe Ezèl ein künic hêr hât iu enboten, vrouwe, her in ditze lant: er hât nâh iuwer minne vil guote recken her gesant. 1232 Er enbiut iu inneclîche lîep ấne leit: stæter vriuntschefte der sî er iu bereit, als er ê tet vroun Helchen, diu im ze herzen lac. jâ hât er nâch ir tugênden vil dicke unvrœlîchen tac.» 1233 Dô sprach diu küneginne: «maregrâve Rüedegêr, wær' iemen der bekande diu mînen scharpfen sêr, der bæte mich niht triuten noch deheinen man. jâ vlôs ich ein den besten den ie vrôuwé gewan.» 1234 «Waz mac ergetzen leides», sprach der vil küene man, «wan friuntlîche liebe swer die kan begân, unt der dan einen kiuset der im ze rehte kumet? vor herzenlîcher leide niht sô grœzlîche frumet. 1235 Und gerüochet ir ze minnen den edelen herren mîn, zwelf vil rîcher krône sult ir gewaltec sîn. dar zuo gît iu mîn herre wol drîzec fürsten lant, diu elliu hât betwungen sîn vil ellenhaftiu hant. 1236 Ir sult ouch werden vrouwe über mánigen wer- den man, die mîner vrouwen Helchen wâren undertân, und über manige vrouwen, der siu het gewalt, von hôher fürsten künne», sprach der küene degen balt.

1237 «Dar zuo git iu mîn herre, daz heizet er iu sagen, ob ir geruochet krône bî dem künige tragen, gewalt den aller hœhsten, den Helche ie gewan: den sult ir gewaldechlîche haben vor Etzelen man.» 1238 Dô sprach diu küneginne: «wie möhte mînen lîp immer des gelusten deich wurde heledes wîp? mir hât der tôt an einem sô rehte leit getân, des ich unz an mîn ende muoz unvrœlîche stân.» 1239 Dô sprâchen aber die Hiunen: «küneginne rîch, iwer lêben wirt bî Etzeln sô rehte lobelîch, daz ez iuch immer wünnet. ist daz ez ergât: want der künic rîche vil manigen zieren degen hât. 1240 Helchen juncvrouwen und iuwer magedîn, soltên die bî ein ander ein gesinde sîn, dâ bî möhten recken werden wol gemuot. lât ez iu, vrouwe, râten: ez wirt iu wærlîchen guot.» 1241 Siu sprach in ir zühten: «nu lât die rede stân unze morgen vrüeje. sô sult ir here gân: ich wil iu antwurten des ir dâ habet muot.» des muosen dô gevolgen die recken küen' unde guot. 1242 Dô sie zen herbergen alle kômen dan, dô hiez diu edele vrouwe nâch Gîselhere gân, und ouch nâch ir muoter. den beiden sagt' siu daz, daz sie gezæme weinen und niht andéres baz. 1243 Dô sprach ir bruoder Gîselher: «swester, mir'st geseit, und wil'z ouch wol gelouben, daz elliu dîniu leit

der künic Etzel swende, und nímestu ín ze man. swaz ander iemen râte, sô dunket ez mich guot getân.» 1244 «Er mac dich wol ergetzen», sprach aber Gîselher. «vome Róten zuo dem Rîne, von der Élbe unz an daz mer, sô ist künec deheiner sô gewaltec niht. du maht dich vrewen balde, sô er dîn ze konen giht.» 1245 «Mîn vil lieber bruoder, zwiu rætestu mir daz? klagen unde weinen mir immer zæme baz. wie solde ich vor recken dâ ze hove gân? wart mîn lîp ie schœne, des pin ich ǣné getân.» 1246 Dô sprach diu vrouwe Uote ir lieben tohter zuo: «swaz dîne bruoder râten, liebez kint, daz tuo: volge dînen friunden: sô mac dir wol geschehen. ich hân dich doh sô lange mit grôzem jâmér gesehen.» 1247 Dô bat siu got vil dicke füegen ir den rât, daz siu ze gebene hête golt silber unde wât, sam ê bî ir manne, do er noch was gesunt: si gelêbt' doch nimmer mêre sit sô vrœliche stunt. 1248 Si gedâhte in ir sinne: «und sol ich mînen lîp geben einem heiden (ich pin ein kristen wîp), des muoz ich zer werlde immer schande hân. gæb' er mir elliu rîche, ez ist vón mir immer ungetân.» 1249 Dâ míte si'z lie beliben. die naht unz an den tac diu vrouwe an ir bette mit vil gedanken lac. diu ir vil lichten ougen getrúckenten nie, unze sî aber den morgen hin ze mettîne gie.

1250 Ze rehter messezît die künige wâren komen. sie heten aber ir swester under hant genomen: jâ rieten si ir ze minnen den künic ûz Hiunen lant. die vrouwen ir deheiner lützel vroelîche vant. 1251 Dô hiez man dar gewinnen die Etzelen man. die nu mit urloube wæren gerne dan. geworben oder gescheiden, swie ez dô mohte sîn. ze hove kom dô Rüedegêr. die helde reiten wider in, 1252 Daz man rehte erfüere des edelen fürsten muot, und tæten daz bezîte: daz diuhte s' alle guot: ir wege wâren verre wider in ir lant man brâhte Rüedegêren dâ er Kriemhilde vant. 1253 Vil minneclîche bitten der recke dô began die edelen küneginne, siu solde in hæren lân waz siu enbieten wolde in Etzelen lant. er wæn' an ir niht anders niwan lougenen vant; 1254 Daz si nimmer minnen wolde mêr deheinen man. dô sprach der marcgrâve: «daz wære missetân. zwiu woldet ir verderben einen alsô schoenen lîp? ir müget noch mit êren werden guotes mannes wîp.» 1255 Niht half daz sie gebâten. unze Rüedegêr gesprach in heimliche die küneginne hêr, er wolde sie ergetzen swaz ir ie geschach. ein teil begonde ir senften ir vil grôzer ungemach. 1256 Er sprach zer küneginne: «lât iuwer weinen sîn. ob ir zen Hiunen hêtet niemen danne mîn,

getriuwer mîner mâge, und ouch der mîner man, er müese's sêre engelten, und het in iemen iht getân.» 1257 Dâ von wart geringet dô der vrouwen muot. siu sprach: «sô swert mir eide, swaz mir íemén getuot, daz ir sît der næhste, der büeze mîniu leit.» dô sprach der marcgrâve: «des pin ich, vrouwe, bereit.» 1258 Mit allen sînen mannen swuor ir dô Rüedegêr mit triuwen immer dienen, unt daz die recken hêr ir nimmer niht versageten ûz Etzelen lant, des si êre haben solde: des sichert' ir Rüedegêres hant. 1259 Dô gedâhte diu getriuwe: «sît ich vriunde hân alsô vil gewonnen, sô sol ich reden lân die liute swaz sie wellen, ich jâmerhaftez wîp. waz ob noch wirt errochen des mînen lieben mannes lîp?» 1260 Si gedâhte: «sît daz Etzel der recken hât sô vil, sol ich den gebieten, sô tuon ich swaz ich wil. er ist ouch wol sô rîche daz ich ze gebene hân: mich hât der leide Hagene mîns guotes âné getân.» 1261 Siu sprach ze Rüedegêre: «het ich daz vernomen daz er niht wære ein heiden, sô wolde ich gerne komen swar er hete willen, und næme in z'einem man.» dô sprah der marcgrâve: «die rede sult ir, vrouwe, lân. 1262 Er hât sô vil der recken in kristenlicher ê, daz in bî dem künige nimmer wirdet wê.

waz ob ir daz verdienet daz er toufet sînen lîp? des müget ir gerne werden des künic Etzelen wîp. 1263 Dô sprâchen aber ir bruoder: «nu lobt iz, swester mîn. iuwer ungemüete daz sult ir lâzen sîn.» sie bâten's alsô lange unz daz doch ir trûrec lîp lobete vor den helden, siu würde Etzelen wîp. 1264 Siu sprach: «ich wil iu volgen, ich vil armiu künegîn, daz ih var zen Hiunen, sô daz nu mac gesîn, swenne ich hân die vriunde die mich vüeren in sîn lant.» des bôt dô vor den helden diu schœne Kriemhilt ir hant. 1265 Dô sprach der marcgrâve: «habet ir zwêne man, dar zuo hân ich ir mêre: ez wirdet wol getân daz wir iuch wol nâch êren bringen über Rîn. ir'n sult niht, vrouwe, langer hie zen Burgonden sîn. 1266 Ich hân fünf hundert manne und ouch der mâge mîn: die suln iu hie dienen, unt dâ heime sîn, vrouwe, swi ir gebietet. ich tuon iu selbe alsam, swenn' ir mich mant der mære, daz ih mih's nim- mêr gescham. 1267 Nu heizet iu bereiten iuwer pfertkleit: die Rüedegêres ræte iu nimmer werdent leit; und saget ez iuwern mageden die ir dâ vüeren welt. jâ kumt uns ûf der strâze vil manic ûz erwelter helt. 1268 Sie heten noch gesmide daz man dâ vor reit bî Sîvrides zîten, daz sie vil manige meit

mit êren mohte füeren, swenn' siu wolde dan. hei waz man guoter sätele den schœnen vrôuwén gewan! 1269 Ob sie ê ie getruogen deheiniu rîchen kleit, der wart zuo z'ir verte vil manigez nu bereit, wand' in von dem künige sô vil gesaget wart. sie sluzzen ûf die kisten, die ê stuonden wol bespart. 1270 Sie wâren vil unmüezec wol fünftehalben tac, sie suochten ûz den valden des vil dar inne lac. Kriemhilt ir kamere ensliezén began. siu wolde machen rîche alle Rüedegêres man. 1271 Siu hete noch des goldes von Nibelunge lant (siu wânde ez zen Hiunen teilen solde ir hant), daz ez hundert mære ninder kunden tragen. diu mære hôrte Hagene dô von Kriemhilde sagen. 1272 Er sprach: «sît mir Kriemhilt nimmer wirdet holt, sô muoz ouch hie beliben daz Sîfrides golt. zwiu solde ich mînen vinden lân sô michel guot? ich weiz wol waz Kriemhilt mit disem scátzé getuot. 1273 Ob siu in bræhte binnen, ich wil gelouben daz, er wurde doch zerteilet ûf den mînen haz. si'n habent ouch niht der rosse die in solten tragen. in wil behalten Hagene, daz sol man Kriemhilde sagen.» 1274 Dô siu gehôrt' diu mære, dô was ir grimme leit. ez wart ouch den künegen allen drin geseit. sie wolden'z gerne wenden; dô des niht geschach, Rüedegêr der edele harte vrœliche sprach:

1275 «Rîchiv küneginne, zwiu klaget ir daz golt? iu ist der künic Etzel sô grœzlichen holt, gesêhent iuch sîniu ougen, er git iu alsô vil daz ir'z verswendet nimmer: des ich iu, vrouwe, sweren wil. 1276 Dô sprach diu küneginne: «vil edel Ruedegêr, ez gewan nie küniges tohter richêite mêr danne der mich Hagene âne hât getân.» dô kom ir bruoder Gêrnôt hin zer kameren gegân. 1277 Mit gewalt des küniges slüzzel stiez er an die tür: golt daz Kriemhilde reichte man der für, ze drîzec tûsent marken oder dannoch baz. er hiez iz nemen die geste: liep was Günthêre daz. 1278 Dô sprach von Bechelâren der Gotelinde man: «ob ez mîn vrouwe Kriemhilt allez mohte hân, swaz sin ie wart gefüeret von Nibelunge lant, sîn solde lützel rüeren mîn oder der küneginne hant. 1279 Nu heizet ez behalten, wand' ich es nîne wil. jâ fuort' ich von lande des mînen alsô vil, daz wir's ûf der strâze haben guoten rât [und unser koste binnen harte hêrlichen stât.» 1280 Dâ vor in aller wîle gefüllet zwelef schrin des aller besten goldes daz inder mohte sin, hêtên ir megede: daz fuorte man von dan, und gezierde vil der vrouwen daz sie zer verte solden hân. 1281 Gewalt des grimmen Hagenen dûhte sie ze starc. siu het ir opfergoldes noch wol tûsent marc:

siu teilte’z sîner sêle. ir vil lieben man. daz dûhte Rüedegêren mit grôzen triuwên getân. 1282 Dô sprach diu klagende vrouwe: «wâ sint die vriunde mîn, die durch mîne liebe wellent éllénde sîn? die suln mit mir rîten in der Hiunen lant? die nemen scaz den mînen und koufen ros unt gewant.» 1283 Dô sprach zer küneginne der marcgrâve Eckewart: «sît daz ich aller êrste îwer gesinde wart, sô hân ich iu mit triuwen gedienet», sprach der degen, «und wil unz an mîn ende des selben immer bî iu pflegen. 1284 Ich wil ouch mit mir füeren fünf hundert mîner man, der ich iu ze dienste mit rehten triuwen gan. wir sîn vil ungescheiden, ez’n túo dán der tót.» der rede neig im Kriemhilt: des gie ir wærlîche nôt. 1285 Dô zôh man dar die mære: sie wolden varen dan. dâ wart vil michel weinen von vriundén getân. Uote diu vil rîche und manic schœne meit die zeigten daz in wære nâch vroun Kriemhilde leit. 1286 Hundert rîcher mägede fuort’ siu mit ir dan: die wurden sô gekleidet als in daz wol gezam. dô vielen in die trehene von liehten ougen nider. si gelébete vil der vreuden ouch bî Etzelen sider. 1287 Dô kom der herre Gîselher und ouch Gêrnôt ; samet ir gesinde, als in ir zuht gebôt. dô wolden sie beleiten ir liebe swester dan: dô fuorten sie ir recken wol tûsent wætlîcher man.

1288 Dô kom der snelle Gêre und ouch Ortwin: Rûmólt der kuchenmeister dâ mite muose sin. sie schuofen die nahtsêlde unz an Tuonóuwe stat. dô reit niht fürbaz Gunther wan ein lützel für die stat. 1289 Ê sie von Rine füeren, sie heten für gesant ir boten harte snelle in der Hiunen lant, die dem künige sageten daz im Rüedegêr ze wibe hete erworben die edelen küneginne hêr.

1290 Die boten lâzen rîten: wir suln iu tuon bekant wie diu küneginne vüere durch diu lant, óder wâ vón ir schieden Gîselhêr und Gêrnôt. sie heten ir gedienet als in ir triuwe daz gebôt. 1291 Unz an die Tuonouwe ze Vergen sie dô riten. si begónden urloubes die küneginne biten, wan sie wider wolten rîten an den Rîn. done mohte'z âne weinen von guoten friunden niht gesîn. 1292 Gîselher der snelle sprach zer swester sîn: «swenne daz du, vrouwe, bedurfen wellest mîn, ob dir iht gewerre, daz tuo mir bekant: sô rîte ich dir ze dienste in daz Etzelen lant.» 1293 Die ir mâge wâren, die kuste s' an den munt. vil minneclîche sceiden sach man an der stunt

vone Rüedegêres des marcgrâven man. dô fuort' diu küneginne vil manege maget wol getân. 1294 Hundert unde viere, die truogen rîchiu kleit von gemâlet rîchen pfellen. vil der schilde breit fuort' man bî den vrouwen nâhen ûf den wagen. dô kêrte von ir dannen vil manic hêrlîcher degen. 1295 Sie zogeten dannen balde nider durch Péyer lant. dô sagte man diu mære, dâ wæren für gesant vil unkunder geste, dâ noch ein klôster stât unt dâ daz In mit fluzze in die Tuonouwe gât. 1296 In der stât ze Pazzouwe saz ein biscof. herbêrge wurden lære unt ouch des fürsten hof: sie ilten gegen den gesten ûf in Beyer lant, dâ der biscof Pilgerîn die schœnen Kriemhilde vant. 1297 Den recken von dem lande was daz niht ze leit, dô sie ir volgen sâhen sô manige schœne meit. dâ trûte man mit ougen der edelen ritter kint. vil guote herberge gap man den edelen gesten sint. 1298 Der bischof mit sîner nifteln ze Pazzouwe reit. dô daz den burgæren von der stât wárt geseit, daz dar kæme Kriemhilt, des fürsten swester kint, diu wart wol enpfangen von den koufliuten sint. 1299 Daz sie beliben solden, der biscof hete's wân. dô sprach der herre Eckewart: «ez ist ungetân. wir müezen varen nidere in Rüedegêres lant. uns wartet vil der degene: wan iz ist in allen wol bekant.»

1300 Diu mære nu wol wesse diu schœne Gotelint. si beréite sich mit vlîze und ir vil edele kint. ir het enboten Rüedegêr daz in daz dûhte guot, daz siu der küneginne dâ mite trôsté den muot, 1301 Daz siu ir rite engegene mit den sînen man ûf zûo der Ense. dô daz wart getân, dô sah man allenthalben die wege unmüezec stên: si begônden gegen den gesten beidiu rîten unde gên. 1302 Nu was diu küneginne ze Everdingen komen. genuoge ûz Peyer lande, solden s' hân genomen den roup ûf der strâzen nâch ir gewoneheit, sô heten sie den gesten dâ getân vil lihte leit. 1303 Daz was wol understanden von dem márc-græven hêr: er fuorte tûsent ritter unde dannoch mêr. dô was ouch komen Gotelint, Rüedegêres wîp: mit ír kom hêrlîche vil maniges edelen recken lîp. 1304 Dô si über die Trûne kômen bî Ense ûf daz velt, dô sah man ûf gespannen hütten unt gezelt, dâ die geste solden die nahtselde hân. diu koste was den gesten dâ von Rüedegêr getân. 1305 Gotelint diu schœne die herberge lie hinder ir beliben. ûf den wegen gie mit klíngénden zoumen manic pférit wol getân. der antpfanc wart vil schœne: liep was iz Rüedegêr getân. 1306 Die in ze bêden sîten kômen ûf den wegen, die riten lobelîche: der was vil manic degen.

sie pflâgen ritterschefte, daz sach vil manic meit. ouch was der ritter dienest der küniginne niht ze leit. 1307 Dô zuo den gesten kômen die Ruedegeres man, vil der trunzûne sach man ze berge gân von der recken hende mit ritterlîchen siten. dâ wart wol ze prîse vor den vrouwen geriten. 1308 Daz liezen sie belîben. dô gruozte manic man vil güetlîche ein ander. dô fuorten sie von dan die schœnen Gotelinde dâ siu Kriemhilde sach. die vrouwen dienen kunden, die heten kleinên gemach. 1309 Der voget von Bechelâren ze sime wîbe reit. der edelen marcgrâvinne was daz niht ze leit, daz er sô wol gesunder was von Rîne komen. ir was ein teil ir swære mit grôzen vrêuden benomen. 1310 Dô si'n hete enpfangen, er hiez sie ûf daz gras erbeizen mit den vrouwen, swaz ir dâ mit ir was. dâ wart vil unmüezec manic edel man: dâ wart vrouwen dienest mit grôzem vlîze getân. 1311 Dô sach diu vrouwe Kriemhilt die marcgrâvinne stên samet ir gesinde: siu lie niht nâher gên. daz pferit mit dem zoume zucken siu began, und bat sich snelleclîchen heben von dem satele dan. 1312 Den biscof sach man wîsen sîner swester kint, in und Eckewarten zuo Gotelinde sint. dâ wart vil michel wîchen an der selben stunt. dô kust' diu ellende an den Gotelinde munt.

1313 Dô sprach vil minneclîche daz Rüedegéres wîp: «nu wol mich, liebiu vrouwe, deich iuwern schœnen lîp hân in disen landen mit ougen mîn gesehen. mir ẹnkunde an disen zîten nimmer liébér geschehen.» 1314 «Nu lôn’ iu got», sprach Kriemhilt, «vil edele Gotelint. sol ich gesunt belîben und Botelunges kint, ez mag iu komen ze liebe daz ir mich habet gesehen.» in beiden was unkünde daz sider múosé geschehen. 1315 Mit zühten zuo z’ein ander gie vil manic meit. dô wâren in die recken mit dienste vil bereit. sie sâzen nâch dem gruoze nider ûf den klê. si gewúnnen maniger künde, die in vil vremde wâren ê. 1316 Man hiez den vrouwen schenken. ez was wol mitter tac: daz edel ingesinde dâ niht langer lac. sie riten dâ sie funden manige hütten breit: dâ was den edelen gesten vil michel dienést bereit. 1317 Die naht sie heten ruowe unz an den morgen vruo. die von Bechelâren bereiten sich dar zuo wie sie behalten solden vil manigen werden gast. wol het geschaffet Rüedigêr daz in dâ wênic iht gebrast. 1318 Diu venster an den mûren sah man offen stân: diu burc ze Bechelâren diu was ûf getân. dô ríten dar in die geste die man vil gerne sach. den hiez der wirt vil edele schaffen' gúotén gemach. 1319 Diu Rüedegéres tohter mit ir gesinde gie, dâ siu die küniginne vil minneclîch enpfie.

dâ was ouch ir muoter, des maregrâven wîp. mit liebe wart gegrüezet vil maniger juncvrouwen lîp. 1320 Sie viengen sich behanden unde giengen dan in einen palas wîten, der was vil wol getân, dâ diu Tuonouwe under hine vlôz. sie sâzen gegen dem lufte und heten kurzewîle grôz. 1321 Wes sie dâ mêre pflægen, des enkan ich niht ge- sagen. daz in sô ubele zogete, daz hôrte man dô klagen die Kriemhilde recken: wand' iz was in leit. hei waz dô guoter degene mit in von Bechelâren reit! 1322 Vil minneclîchen dienest Rüedegêr in bôt. dô gap diu küneginne zwelf spange rôt der Gotelinde tohter, unt alsô guot gewant daz siu niht bezzers brâhte in daz Étzélen lant. 1323 Swie ir genommen wære der Nibelunge golt, allè die sie gesâhen, die machte siu ir holt noch mit dem kleinem guote daz siu dâ mohte hân. des wirtes ingesinde wart grôziu gâbé getân. 1324 Dâ widere bôt dô êre diu vrouwe Gotelint den gesten von dem Rîne sô güetliche sint, daz man dô der vremden harte wênic vant, sine trüegen ir gesteine oder ir vil hêrlich gewant. 1325 Dô sie enbizzen wâren unt daz siu solden dan, von der hûsvrouwen wart geboten an

getriuwelîcher dienest daz Etzelen wîp. dâ wart vil getriutet der schœnen juncvrouwen lîp. 1326 Siu sprach zer küneginne: «swenn' iuch nu dunket guot, ich weiz wol daz iz gerne mîn lieber vater tuot, daz er mich zuo z'iu sendet in der Hiunen lant.» daz si ir getriuwe wære, vil wol daz Kriemhilt ervant. 1327 Diu ros bereitet wâren unt für Béchelâren komen. dô het diu edele künegin urloup nu genomen von Rüedegêres wîbe und von der tohter sîn. dô sciet ouch sich mit gruoze vil manic schœne magedîn. 1328 Ein ander sie vil selten gesâhen nâch den tagen. ûzer Medelicke ûf handen wart getragen manic goltvaz rîche, dar inne brâht' man wîn den gesten zuo der strâze: sie muosen willekomen sîn. 1329 Ein wirt was dâ gesezzen, Astôlt was der genant: der wîste sie die strâze in daz Ôsterlant gegen Mûtâren die Tuonouwe nider. dâ wart vil wol gedienet der rîchen küneginne sider. 1330 Der biscof minneclîche von sîner nifteln schiet. daz siu sich wol gehabete, wie vast' er ir daz riet unt daz si ir êre koufte als Helche het getân! hei waz siu grôzer êren sît dâ zen Hiunên gewan! 1331 Zuo der Treisem brâhte man die geste dan. ir pflâgen vlîzeclîche die Rüedegêres man, unze daz die Hiunen riten über lant. dô wart der küneginne vil michel êré bekant.

1332 Bi der Treisem hête der kunic von Hiunen lant eine burc vil rîche, diu was wol bekant, geheizen Treisenmûre: vrou Helche saz dâ ê unt pflac sô grôzer tugende daz wætlîch nimmer mêr ergê, 1333 Ez entæte danne Kriemhilt, diu alsô kunde geben, siu mohte nâch ir leide daz liep vil wol geleben [1381] daz ir ouch jâhen êre die Étzélen man, der siu sit grôzen vollen bî den helden gewan. 1334 Diu Etzelen hêrschaft was wîten erkant, daz man z'allen zîten in sîne hove vant [1382] die küenêsten recken von den ie wart vernomen under kristen und under heiden: die wâren mit im alle komen. 1335 Bî im was z'allen zîten, daz wætlîch mêr ergê, kristenlîcher orden unt ouch der heiden ê. [1383] in swie getânem lebene sich ietslîcher truoc, daz schuof des küniges milte daz man in allen gap genuoc.

1336 Siu was ze Treisenmûre unz an den vierden tac. diu molte ûf der strâze die wîle nie gelac, sine stûbe, sam ez brunne, allenthalben dan. dâ riten durch Österrîche des künic Etzelen man. 1337 Dô was ouch dem künige vil rehte nu geseit, des im von gedanken swunden siniu leit, wie hêrlîchen Kriemhilt dâ kœme durch diu lant. der künic begonde gâhen da er die minneclîchen vant. 1338 Von vil maniger sprâche sah man ûf den wegen vor Etzelen rîten vil manigen küenen degen, von kristen und von heiden vil manige wîte schare. dâ sie die vrouwen funden, sie kômen hêrlîchen dare.

1339 Von Riuzen und von Kriechen reit dâ vil manic man: den Polân unt den Vlâchen sah man swinde gân ir ros diu vil guoten, dâ sie mit krefsten riten. swaz sie site hêten, der wart vil wênic vermiten. 1340 Von dem lant ze Kiewen reit dâ vil manic degen, unt die wilden Pescenære. dâ wart vil gepflegen mit den bogen schiezen zen vogelen die dâ flugen. die pfîle sie vil sêre zuo den wenden vaste zugen. 1341 Ein stat bî Tuonouwe lit in Ôsterlant, diu ist geheizen Tulne: dâ wart ir bekant vil manic site vremede, den si ê nie gesach. si enpfiengen dâ genuoge, den sît leit von ir geschach. 1342 Vor Étzéln dem künege ein gesinde reit, vrô und vil rîche, höfsch unt gemeit, wol vier und zweinzec fürsten rîch unde hêr. daz sie ir vrouwen sâhen, dâ von engerten sie niht mêr. 1343 Der herzoge Râmunc ûzer Vlâchen lant, mit siben hundert mannen kom er für sie gerant: sam vliegénde vogele sáh mán sie varn. dô kom der fürste Gibeche mit vil hêrlichen scharn. 1344 Hornboge der snelle wol mit tûsent man kêrte von dem künege gein siner vrouwen dan. vil lûte wart geschallet nâch des landes siten. von der Hiunen mâgen wart ouch dâ sêre geriten. 1345 Dô kom von Tenemarke der kuene Hâwart, unt Irinc der vil snelle, vor valsce wol bewart,

unt Irnfrit von Düringen, ein wætlicher man: si enpfiengen Kriemhilde daz si's êre muosen hân, 1346 Mit zwelf hundert mannen, die fuorten s' in ir schar.1286 dô kom der herre Blœdelîn mit drin tûsent dar, der Etzelen bruoder ûzer Hiunen lant: der kom vil hêrliche da er die küneginne vant. 1347 Dô kom der künic Etzel und ouch her Dietrich1287 mit allen sîn gesellen. dâ was vil lobelich manic ritter edele bîderbe unde guot. des wart vroun Kriemhilde vil wol gehôhét der muot. 1348 Dô sprach zer küneginne der herre Rüedegêr:1288 «vrouwe, ich wil enpfâhen hie den künic hêr. swen ich iuch heize küssen, daz sol sîn getân: janẹ muget ir niht gelîche grüezen Etzelen man.» 1349 Dô huop man von dem môre die küneginne hêr.1289 Etzel der vil rîche enbeite dô niht mêr, er stuont von sînem rosse mit manigem küenem man: man sah in vrœliche gegen Kriemhilde gân. 1350 Zwêne fürsten rîche, als uns daz ist geseit,1290 bî der vrouwen giengen unt truogen ir diu kleit, dâ ir der künic Etzel hin engegene gie, dâ siu den fürsten edele mit kusse güetlich enpfie. 1351 Ûf ruhte si ir gebende: ir varwe wol getân1291 diu lûhte ir ûz dem golde. dâ was vil manic man: die jâhen daz vrou Helche niht schœner kunde sîn. dâ bî sô stuont vil nâhen des küniges bruoder Blœdelîn.

1352 Den hiez sie küssen Ruedegêr, der marcgrâve rîch, unt den künic Gibechen. dâ stuont ouch hêr Dietrich. der recken kuste zwelve daz Etzelen wîp: do enpfie siu sus mit gruoze vil maniges ritters lîp. 1353 Al diu wîle und Etzel bî Kriemhilde stuont, dô tâten dâ die tumben als noch die liute tuont: vil manigen puneiz rîchen sah man dâ geriten. daz tâten kristen helde und ouch die heiden nâch ir siten. 1354 Wie rehte ritterlîche die Dietrîches man die schefte liezen vliegen mit trunzûnen dan hôhe über schilde, von guoter ritter hant! von den tiutschen gesten wart durkel manic schildes rant. 1355 Dâ wart von schefte brechen vil michel dôz vernomen. dô wâren von dem lande die recken alle komen, unt ouch des küneges geste, vil manic edel man: dô gie der künec rîche mit vroun Kriemhilde dan. 1356 Sie sâhen bî in stênde ein vil hêrlich gezelt. von hütten was erfüllet al ümbe daz velt, dâ sie solden ruowen nâch ir arebeit. von helden wart gewîset dar under manic schœniu meit 1357 Mit der küneginne dâ siu sit gesaz ûf rîche stuolgewæte. der marcgrâve daz hete wol geschaffen daz man ez vant vil guot daz gesidele Kriemhilde: des vrout' sich Etzelen muot.

1358 Waz dô redete Etzel, daz ist mir umbekant: in der sînen zeswen lag ir wîziu hant. si gesâzen minneclîche dâ Rüedegêr der degen den künec niht wolde lâzen Kriemhilde heinlîche pflegen. 1359 Dô hiez man lân belîben den bûhurt über al. mit êren wart verendet dâ der grôze schal. dô giengen zuo den hütten die Etzelen man: man gap in herberge vil wîten allenthalben dan. 1360 Der tac der het nu ende: sie schuofen ir gemach, unz man den liehten morgen aber schînen sach. dô was zuo den rossen komen manic man: hei waz man kurzewîle dem künege z'êren began! 1361 Der künec ez nâch den êren die Hiunen schaffen bat. dô riten sie von Tulne ze Wiene zuo der stat. dâ funden sie gezieret vil maniger vrouwen lîp: si enpfiengen wol mit êren des künec Etzelen wîp. 1362 Mit harte grôzem vollen sô was in bereit swaz sie haben solden. vil manic helt gemeit sich vreute gegen dem schalle. herbërgen man began. des küneges hôchgezîte huop sich vil vrœlîchen an. 1363 Sine möhten gehërbergen niht alle in der stat: die niht geste wâren, Rüedegêr die bat daz sie herberge næmen in daz lant. ich wæn' man alle zîte bî vroun Kriemhilde vant 1364 Den herren Dietrîchen und ander manigen degen. sie heten sich der ruowe mit arebeit bewegen,

durch daz sie den gesten trôsten wol den muot. Ruedegêr und sîne vriunde heten kurzewîle guot. 1365 Diu hôhzît was gevallen an einen pfinztac, dâ der künec Etzel bî Kriemhilde lac in der stat ze Wiene. siu wæn' sô manigen man bî ir êrsten manne nie ze dienste gewan. 1366 Siu kunte sich mit gâbe dem der sie nie gesach. vil maniger dar under zuo den gesten sprach: «wir wânden daz vrou Kriemhilt niht guotes möhte hân: nu ist hie mit ir gâbe vil manic wünder getân.» 1367 Diu hôhzît diu werte wol sibenzehen tage. ich wæn' man von deheinem künige mêre sage des hôhzît grœzer wære: daz ist uns gar verzeit. alle die dâ wâren die truogen iteniwe kleit. 1368 Siu wæn' in Niderlande dâ vor nie gesaz mit sô manigem recken. dâ bî geloube ich daz, was Sîfrit rîch des guotes, daz er nie gewan sô manigen recken edelen sô siu sach vor Etzeln stân. 1369 Ouch gap nie deheiner zuo sîn selves hôhgezît sô manigen rîchen mantel, tief ûnde wît, noch sô guoter kleider, der si vil möhten hân, sô sie durch Kriemhilde heten alle getân. 1370 Ir vriunde und ouch die geste die heten einen muot, daz sie dâ niht ensparten deheiner slahte guot: swes iemen an sie gerte, daz gâben sie bereit. des gestuont dâ vil der degene von milte blôz âne kleit. 1371 Wie siu ze Rine sæze, si gedâht' ane daz, bî ir edelem manne: ir ougen wurden naz.

siu hete's vaste hæle, deiz iemen kunde sehen. ir was nâch manigem leide sô vil der êrén geschehen. 1372 Swaz iemen tet mit milte, daz was gar ein wint unz an Dietrîchen: swaz Botelunges kint im gegeben hête, daz was gar verswant. ouch begie dâ michel wunder des milten Rüe- degêres hant. 1373 Ûzer Ungerlande der fürste Blœdelîn der hiez dâ lære machen vil manic leitschrîn von silber und von golde: daz wart dâ hin gegeben. man gesach des kûneges helde sô rehte vrœliche leben. 1374 Wärbel unde Swemmelîn, des küniges spileman, ich wæn' ir ieslîcher zer hôhgezît gewan wol ze tûsent marken oder dannoch baz, dâ diu schœne Kriemhilt bî Etzeln under krône saz. 1375 An dem âhtzéhenden morgen von Wiene sie dô riten. dâ wart in ritterschefte schilde vil versniten von speren die dâ fuorten die recken an der hant. sus kom der künic Etzel unz in daz hiunische lant. 1376 Ze Heimbure der alten sie wâren über naht. done kunde niemen wizzen wol des volkes aht, mit wie getâner krefte sie riten über lant. hei waz man schœner vrouwen in sîner heimüete vant! 1377 Ze Misenburc der rîchen dâ schiften sie sich an. daz wazzer wart verdecket von ross und ouch von man, alsam ez erde wære, swaz man sîn vliezen sach. die wegemüeden vrouwen heten senfte und ouch gemach.

1378 Zesamene was geslozzen manic schif vil guot, daz in niht enschadete die ûnde noch diu fluot. dar über was gespannen vil manic guot gezelt, sam ob sie noch heten beidiu lant unde velt. 1379 Dô kômen disiu mære ze Etzelnburc von dan. dô vröuten sich dar inne wîp unde man. daz Helchen ingesinde, des ê diu vrouwe pflac, gelebte bî Kriemhilde sît manigen vrœlîchen tac. 1380 Dô stuont dâ wârtende vil manic edel meit, die von Helchen tôde heten manigiu leit. siben künige tohter Kriemhilt noch dâ vant: von den was gezieret wol allez Etzelen lant. 1381 Diu juncvrouwe Herrât noch des gesindes pflac, diu Helchen swester tohter, an der vil tugende lac, diu gemahele Dietrîches, eins edelen küneges kint, diu tohter Nântwînes: diu hete vil der êren sint. 1382 Gegen der geste künfte vröute sich ir muot: ouch was dar zuo bereitet vil krœftigez guot. wer kunde iu daz bescheiden, wie sit der künec saz? si gelêbten dâ zen Hiunen nie mit küneginne baz. 1383 Dô der künec mit sîne wîbe von dem stade reit, wer ieslîchiu wære, daz wart dô wol geseit der edelen Kriemhilde: siu gruozte s' deste baz. hei wie gewalteclîchen siu sit an Helchen stat gesaz! 1384 Getriuwelîcher dienste wart ir vil bekant. dô teilt' diu küneginne golt unt gewant, silber unt gesteine: swaz siu des über Rîn mit ir zen Hiunen brâhte, daz muose gar zer- geben sîn.

1385 Ouch wurden ir mit dienste sider undertân alle des küniges mâge unt alle sine man, daz nie diu vrouwe Helche so gewâldeclich gebôt, sô sie nu muosen dienen unt an den Kriemhilde tôt. 1386 Dô stuont mit sölhen êren der hof unt ouch daz lant, daz man dâ z'allen ziten die kurzewile vant, swar nâch ieslichem daz herze truoc den muot, durh des küneges liebe unt der küneginne guot.

1387 Mit vil grôzen êren, daz ist alwâr, wontên sie mit ein ander unz an daz sibende jâr. die zît diu küneginne eins sunes was genesen. des kund' der künic Etzel nimmer vrœlicher wesen. 1388 Sine wolde niht erwinden, sine würbe sint daz getoufet würde daz Êtzelen kint nâch kristenlichem rehte: Ortliep wart ez genant. des wart vil michel freude über êlliû Etzelen lant. 1389 Swaz ie guoter tugende an vroun Helchen lac, des vleiz sich vrou Kriemhilt dar nâch vil manigen tac. die site sie lêrte Herrât, diu ellende meit. diu hete tougenlîche nâch Helchen grœzlîchiu leit.

1390 Den vremden unt den kunden was siu vil wol bekant. die jâhen daz nie vrouwe besæze ein küneges lant bezzer unde milter: daz heten sie für wâr. daz lop siu truoc zen Hiunen unz an daz drîuzehende jâr. 1391 Nu hete siu wol erkünnen daz ir niemen widerstuont, alsô noch fürsten wîbe küneges recken tuont, unt daz siu alle zîte zwelf künige vor ir sach. si gedâht' ouch maniger leide der ir dâ héimé gescach. 1392 Si gedâht' ouch maniger êren von Nibelunge lant, der siu dâ was gewaltic unt die ir Hagenen hant mit Sîfrides tôde hete gar benomen, ób im dáz iemer noch ze leide möhte komen. 1393 »Daz geschæhe ob ich in bringen möhte in ditze lant.« ir troumte daz ir gienge vil dicke an der hant Gîselher ir bruoder: siu kuste'n z'aller stunt vil ofte in senftem slâfe: sît wart in arebeiten kunt. 1394 Ich wæn' der übele vâlant Kriemhilde daz geriet daz si sich mit friuntschefte von Gunthere schiet, den siu durch suone kuste in Burgonden lant. do begónde ir aber salwen von heizen trähenen ir gewant. 1395 Ez lac ir an dem herzen spât' únde vruo, wie man sie âne schulde brâhté dar zuo

daz siu muose minnen einen heidenischen man. die nôt die het ir Hagene unde Gunther getân. 1396 Des willen in ir herzen kom siu vil selten abe. si gedâhte: „ich pin sô rîche unt hân sô grôze habe daz ich mînen vinden getuoge noch ein leit. des wære et ich von Tronege Hagenen gerne bereit.“ 1397 Nâch den getriuwen jâmert dicke'z herze mîn: „die mir dâ leide tâten, möhte ich pî den sin, sô würde wol errochen mînes vriwendes lîp: des ich kûme erbeite“, sprach daz Etzelen wîp. 1398 Ze liebe sie dô hêten alle 's kûneges man, die Kriemhilde recken: daz was vil wol getân. der kâmeren dêr pflac Eckewart, dâ von er friunt gewan. den Kriemhilde willen kunde niemen understân. 1399 Si dâhte z'allen zîten: „ich wil den künic biten, daz er ir des gonde mit güetlichen siten, daz man ir friwende bræhte in der Hiunen lant.“ den argen willen niemen an der küneginne ervant. 1400 Dô siu eines nahtes bî dem künige lac, mit armen umbevangen het er sie, als er pflac die edelen vrouwen triuten: siu was im sô sîn lîp. dô gedâhte ir vîende daz vil hêrliche wîp. 1401 Siu sprach zuo dem künige: „vil lieber herre mîn, ich wolde iuch bitten gerne, moht' iz mit hul- den sîn.“

daz ir mich sehen liezet ob ich daz het versolt ob ir den mînen vriwenden wæret inneclîchen holt.» 1402 Dô sprach der künic rîche (getriuwe was sîn muot): «ich bringe iuch des wol innen, swâ liep unde guot den recken widerfüere, des müese ich freude hân, wand' ich von wîbes minne nie bezzer friwende gewan.» 1403 Dô sprach diu küneginne: «iu ist daz wol geseit, ich hân vil hôher mâge; dar umbe ist mir sô leit daz mich die sô selten ruochent hie gesehen. ich hœre mîn die liute niwân für éllénde jehen.» 1404 Dô sprach der künec Etzel: «vil liebiu vrouwe mîn, diuht' ez sie niht ze verre, sô lüede ich über Rîn swelh' ir dâ gerne sæhet her in mîniu lant.» des vreute sich diu vrouwe, dô siu den willen sîn ervant. 1405 Siu sprach: «welt ir mir triuwe leisten, herre mîn, sô sult ir boten senden ze Wormez über Rîn. so enbiute ich mînen friwenden des ich dâ habe muot: sô kumt uns her ze lande vil manic edel rit- ter guot.» 1406 Er sprach: «swenn' ir gebietet, sô lâzet ez ge- schehen. ir'n kundet iuwer vriwende sô gerne niht sehen als ich sie gesæhe, der edelen Uoten kint. mich müet daz harte sêre daz sî uns sô lange vremde sint. 1407 Ob ez dir wol gevalle, vil liebiu vrouwe mîn, sô wold' ich gerne senden nâch den friwenden dîn

die mînen videlære in Burgonden lant, die guoten videlære hiez er bringen dâ zehant. 1408 Sie îlten harte balde dâ der künec saz bî der küneginne. er saget' in beiden daz, sie solden poten werden in Burgonden lant. dô hiez er in bereiten harte hêrlich gewant. 1409 Vier unt zweinzec recken bereite man diu kleit. ouch wart in von dem künege diu boteschaft geseit wie sie dar laden solden Gunther und sîne man. Kriemhilt diu vrouwe sie sunder sprëchen began. 1410 Dô sprach der künec rîche: »ich sage iu wie ir tuot. ich enbiute mînen vriwenden liep und allez guot, daz sie geruochen rîten her in mîniu lant. ich hân sô lieber geste harte wênic noch bekant. 1411 Und ob sie mînes willen wellen iht begân, die Kriemhilde mâge, daz sie des niht enlân, sine komen an disem sumere zuo mîner hôhgezît, wand' vil der mînen wünne an mînen konemâgen lît. 1412 Dô sprach der videlære, der stolze Swemmelîn: »wenne sol iuwer hôhzît in disen landen sîn? daz wir daz iuwern friwenden kunnen dort gesagen.« dô sprach der künec Etzel: »zen nâchsten sunne- wenden tagen.« 1413 »Wir tuon swaz ir gebietet«, sprach dô Wærbelîn. in ir kemenâten bat sie diu künegin bringen tougenlîchen dâ siu die boten sprach: dâ von vil manigem degene sît wênic liebes geschach.

1414 Siu sprach zen boten beiden: «nu dienet michel guot, daz ir mînen willen vil güetlîchen tuot, und saget swaz ich enbiete heim in unser lant. ich mache iuch guotes rîche unt gibe iu hêrlîch gewant. 1415 Und swaz ir mîner friwende immer muget gesehen ze Wormez bî dem Rîne, den sult ir niht verjehen daz ir noch ie gesahet betrüebet mînen muot: unt saget mînen dienest den heleden küene unde guot. 1416 Bitet daz sie leisten daz in der künic enbôt, unt mich dâ mite scheiden von aller mîner nôt. die Hiunen wellent wænen deich âne vriwende sî. ob ich ein ritter wære. ich kæme in êtwénne bî. 1417 Und saget ouch Gêrnôte, dem edelen bruoder mîn, daz im zer werlde niemen holder müge gesîn: bitet daz er mir bringe mit im in ditze lant unser besten friwende, deiz uns zen êren sî gewant. 1418 Sô saget ouch Gîselhêre, daz er wól gedenke dran, daz ich von sînen schulden nie leides niht gewan: des sæhen in vil gerne hie diu ougen mîn. ich hete'n hie vil gerne durch die grôzen triuwe sîn. 1419 Saget ouch mîner muoter die êre die ich hân. und ob von Tronege Hagene welle dort bestân, wer sie danne solde wîsen durch diu lant? dem sint die wege von kinde her zen Hiunen wol bekant.» 1420 Die boten nine wessen wâ von daz was getân, daz sie von Tronege Hagenen niwet solden lân

beliben bî dem Rîne. ez wart in sider leit: mit im was manigem degene zem grimmen tôde widerseit. 1421 Brieve unde boteschaft was in nu gegeben. sie fuoren guotes rîche und mohten schœne leben. urloub gap in Etzel und ouch sîn schœne wîp. in was von guoter wæte wol gezierét der lîp.

1422 Dô Etzel zuo dem Rîne sine bóten sande, dô flugen disiu mære von lant ze lande: mit boten harte snellen er bat und ouch gebôt zuo sîner hôhgezîte: des holte maneger dâ den tôt. 1423 Die boten dannen fuoren ûzer Hiunen lant zuo den Burgonden: dar wâren sie gesant, nâch drin edelen künegen und ouch nâch ir man. sie solden komen Etzeln: des man dô gâhen began. 1424 Hin ze Bechelâren kômen sie geriten. dâ diente man in gerne. daz enwart dâ niht vermiten,

Rüedger sînen dienest enbôt und Gotelint bî in hin ze Rîne, und ouch ir beidêre kint. 1425 Sine liezen s' âne gâbe von in niht scheiden dān, daz deste baz gefuoren die Etzelen man. Uoten und ir kinden enbôt do Rüedegêr, sine heten in sō wæge deheinen marcgrâven mēr. 1426 Si enbuten ouch Prümhilde dienest unde guot, stæteclîche triuwe und willigen muot. dô sie die rede vernâmen, die boten wolden varn: sie bat diu marcgrâvinne got von himele bewarn. 1427 Ê daz die boten kœmen vol durch Beyer lant, Wârbel der vil snelle den guoten bischof vant. waz der dô sînen friunden hin ze Rîne enbôt, daz ist mir niht gewizzen: niwân sîn gölt alsô rôt 1428 Gap er den boten ze minne, rîten er sie lie. dô sprach der bischof Pilgerîm: „und solde ich s' sehen hie, mir wære wol ze muote, die swester sune mîn: wand' ich mac vil selten zuo z'in komen an den Rîn.“ 1429 Welhe wege sie füeren ze Rîne durch diu lant, des kan ich niht bescheiden. ir silber unt gewant daz ennam in niemen: man vorhte ir herren zorn. jâ was vil gewaltec der edele künic wol geborn. 1430 Inre tagen zwelfen sie kômen an den Rîn, ze Wormez zuo dem lande, Wærbėl und Swemmelîn.

dô sagte man diu mære den künegen und ir man, dâ kœmen boten vremde: Gunthér dô vrâgên began. 1431 Dô sprach der vogt von Rine: «wer tuot uns daz bekant, von wannen dise vremden riten in daz lant?» daz enwesse niemen unze daz sie sach Hagene von Tronege dô ze Gunthere sprach: 1432 «Uns koment niuwemære, des wil ich iu verjehen. die Etzeln videlære die hân ich hie gesehen. sie hât iuwer swester gesendet an den Rin: sie suln uns durch ir herren grôze willekomen sîn.» 1433 Sie riten al bereite für den palas dan. ez gefuoren nie hêrlîcher fürsten spileman. des küneges ingesinde enpfie sie sâ zehant: man gap in herberge unt hiez behalten ir gewant. 1434 Ir reisekleider wâren rîch und sô wol getân, jâ möhten sie mit êren für den künic gân: der enwolden sie niht mêre dâ ze hove tragen. ob ir iemén geruochte, die boten hiezên daz sagen. 1435 In der selben mâze man ouch liute vant die ez vil gerne nâmen: den wart ez gesant. dô leiten an die geste verre bezzer wât, als ez boten küneges ze tragene hêrlîche stât. 1436 Dô gie mit urloube, dâ der künic saz, daz Etzeln gesinde: gerne sah man daz.

Hagene zuhteclîche gegen den boten spranc unt enpfîc sie minneclîche. des sageten im die knappen danc. 1437 Durch diu kunden mære vrâgen er began, wie sich Étzél gehabete unde sîne man. dô sprach der videlære: «daz lant gestuont nie baz, noch sô vrô die liute; nu wizzet endeclîche daz.» 1438 Sie giengen zuo dem wirte. der palas der was vol. dô enpfie man die geste sô man von rehte sol güetlichen grüezen in ander künige lant. Wärbel vil der recken dâ bî Günthére vant. 1439 Der künec gezogenliche grüezen sie began. «sit willekomen beide, ir Hiunen spileman, und iuwer hergesellen. hât iuch her gesant Étzél der rîche zuo der Burgonden lant?» 1440 Si nigen deme künige; dô sprach Wärbelîn: «dir enbiutet holden dienest der liebe herre mîn, und Kriemhilt dîn swester, her in ditze lant. sie habent uns iu recken ûf guote triuwé gesant.» 1441 Dô sprach der fürste rîche: «der mære bin ich vrô. wie gehabet sich Etzel», sô sprach der künic dô, «und Kriemhilt mîn swester ûzer Hiunen lant?» dô sprach der videlære: «diu mære tuon ich iu bekant. 1442 Daz sich noch nie gehabten deheine liute baz dan si sich gehabent beide, ir sult wol wizzen daz, und allez ir gedigene, die mâge und ouch ir man. sie vreuten sich der verte, dô wir scieden von dan.»

1443 «Genâde sîner dienste, die er mir enboten hât, unde mîner swester, sit ez alsô stât, daz sie lebent mit freuden, der künec und sîne man: wande ich doh der mære gefrâget sórgénde hân.» 1444 Die zwêne jungen künege die wâren ouch nu komen: sie heten disiu mære alrêrst dô vernomen. durch sîner swester liebe die boten gerne sach Gîselher der junge zuo z'in minneclîchen sprach: 1445 «Ir boten solt uns grôze willekomen sin, ob ir dicker woldet her rîten an den Rîn: ir fündet hie die friunde die ir gérne möhtet sehen. iu solde hie ze lande vil wênic léidés geschehen.» 1446 «Wir getrûwen iu áller êren», sprach dô Swem- melin. «ine könde iu niht bediuten mit den sinnen mîn, wie rehte minneclîche iu Ézel enbóten hât unt iuwer edeliu swester, der dinc in hôhen êren stât. 1447 Genâde unde triuwe mant iuh des küneges wîp, unt daz ir ie was wæge iwer hérze unt iuwer lîp. und ze vórdérst dem künege sin wir her gesant, daz ir geruochet rîten in daz Etzelen lant. 1448 Daz wir iuch des bæten, vil vaste uns daz gebôt Etzel der rîche iu allen daz enbôt, ob ir iuch iuwer swester niht sehen woldet lân, sô wold' ér doch gerne wizzen waz ér iu hêtê getân,

1449 Daz ir in alsô vremdet unde sîn lant, ob iu diu küneginne waere nie bekant, sô moht' er doch verdienen daz ir in ruochet seh'n, swenne daz ergienge, so waer' im liebe geschehen. 1450 Dô sprach der kunec Gunther: «uber dise siben naht sô kunde ich iu diu mære wes ich mich hân bedâht mit den mînen friunden. die wîle sult ir gân in iuwer herberge und sult vil guote ruowe hân. 1451 Dô sprach aber Wärbelîn: «ount mohte daz geschehen, daz wir mîne vrouwen konden ê gesehen, Uoten die vil rîchen, ê wir suochten uns gemach? Giselher der edele dô vil zuhticlîchen sprach: 1452 «Daz ensol iu niemen wenden. welt ir für sie gân, ir habet mîner muoter willen gar getân: want siu sihet iuch gerne durch die swester mîn, vrouwen Kriemhilde: ir sult ir willekomen sîn. 1453 Gîselher sie brâhte da er die vrouwen vant. die boten sach siu gerne von der Hiunen lant. siu gruozte s' minneclîche durh ir tugende muot. dô sagten ir diu mære die boten höfsch unde guot. 1454 «Ja enbiutet iu mîn vrouwe, sô sprach Swemmelîn, «dienest unde triuwe, mohte daz gesîn, daz siu iuch dicke sæhe, ir sult gelouben daz, sô wære ir in der werlde mit deheinen vreuden baz.

1455 Dô sprach diu küneginne: «des enmac niht gesîn. swie gerne ich dicke sæhe die lieben tohter mîn, sô ist leider mir ze verre des edelen küneges wîp. nu sî immer sælic ir und Etzelen lîp. 1456 Ir sult mich lâzen wizzen, ê ir'z gerûmet hie, wenne ir wider wellet: ine gesâch sô gerne nie boten in langen zîten denn' ich iuch hân gesehen. die knappen ir dô lobeten daz sie daz liezén geschehen. 1457 Zen herbergen fuoren die von Hiunen lant. dô het der künec rîche nâch friunden sîn gesant. Gunther der edele vrâgte sîne man, wie in diu rede geviele. vil maniger sprechen dô began, 1458 Daz er wol möhte rîten in Etzelen lant: daz rieten im die besten die er dar under vant, âne Hagene eine. dem was ez grimme leit. er sprach zem künige tougen: «ir habt iu selben widerseit. 1459 Nu ist iu doch gewizzen waz wir haben getân. wir mügen immer sorge zuo Kriemhilde hân: wand' ich sluoc ze tôde ir man mit mîner hant. wie getôrste wir gerîten in daz Etzelen lant? 1460 Dô sprach der künec rîche: «mîn swester lie den zorn, mit kusse minneclîche siu hât ûf uns verkorn daz wir ir ie getâten, ê daz siu hinnen reit: ez ensî et, Hagene, danne iu einem widerseit.

1461 Nu lât iuch niht betriegen«, sprach Hagene, »swes sie jehen, die boten von den Hiunen welt ir Kriem- hilde sehen, ir muget dâ wol verliesen die êre und ouch den lip: ez ist vil lancræche des künec Etzelen wîp.« 1462 Dô sprach zuo dem râte der fürste Gêrnôt: »sît daz ir von schulden fürhtet dâ den tôt in hiunischen rîchen, solde wir’z dar umbe lân wir ensæhen unser swester, daz wær’ vil übele getân.« 1463 Dô sprach der fürste Gîselher zuo dem degene: »sît ir iuch schuldec wizzet, friwent Hagene, sô sult ir hie belîben unt iuch vil wol bewarn, und lâzet die getürren mit uns zuo mîner swe- ster varn.« 1464 Dô begonde zürnen von Tronege der degen: »ine wil daz ir iemen vüeret ûf den wegen der mit iu getürre rîten ze hove baz. sît ir niht welt erwinden, ich sol iu wol erzeigen daz.« 1465 Dô sprach der kuchenmeister, Rûmolt der degen: »der vremden unt der kunden möht ir wol heizen pflegen nâch iuwer selbes willen: wand’ ir habt vollen rât. ich wæne niht daz Hagene iuch noch vergisêlet hât. 1466 Welt ir niht volgen Hagenen, iu rætet Rûmolt, wand’ ich iu bin mit triuwen vil dienstlîchen holt, daz ir sult hie belîben durch den willen mîn, und lât den künec Etzelen dort bî Kriemhilde sîn,

1467 Wie kunde iu in der werlde immer baz gewesen? ir müget vor iuwern vinden harte wol genesen. ir sult mit guoten kleidern zieren wol den lip: trinket wîn den besten unt minnet wætlîchiu wîp. 1468 Dar zuo gît man iu spîse die besten di ie gewan in der wérlte künec deheiner. ob des niht möhte ergân, ir soldet noh belîben durch iuwer schœne wîp, ê ir sô kintlîche soldet wâgên den lip. 1469 Des rât' ich iu belîben. rîch sint iuwer lant: man mac iu baz erlœsen hie héimé diu pfant danne dâ zen Hiunen. wer weiz wie'z dâ gestât? ir sult belîben, herre: daz ist der Rûmoldes rât.» 1470 «Wir wellen niht belîben», sprach dô Gêrnôt, «sît daz uns mîn swester sô friuntlîch erbôt unt Étzél der rîche. zwiu solde wir daz lân? der dar niht gerne welle, der mac hie héimé bestân.» 1471 Des antwurte Hagene: «lât iúh unbilden niht mîne rede dar umbe, swie halt iu geschiht. ich rât' iu an den triuwen, welt ir iuch bewarn, sô sult ir zuo den Hiunen vil gewärlîche varn. 1472 Sît ir niht welt erwinden, sô beséndet iuwer man, die besten die ir findet oder índer müget hân. sô wel ich ûz in allen tûsent ritter guot: sone mag iu niht gewerren der arge Kriemhilde muot.» 1473 «Des wil ich gerne volgen», sprach der künec zehant. dô hiez er boten rîten wîtên in siniu lant:

dô brahte man der helde drin tûsent oder mêr. sie wanden niht z’ erwerben alsô grôzlîchen sêr. 1474 Sie riten vrœlîche in Guntheres lant. man hiez in geben allen ross ûnt gewant, die dâ varen solden von Burgonden dan. der kunece mit guotem willen der vil manegen gewan. 1475 Dô hiez von Tronege Hagene Dancwart den bruoder sîn ir beider recken ahtzec vüeren an den Rîn. die komen ritterlîche: harnasch unt gewant fuorten die vil snellen in daz Guntheres lant. 1476 Dô kom der kuene Volkêr, ein edel spil man, zuo der hovereise mit drîzec sîner man: die heten solech gewæte, ez mohte ein kunece tragen. daz er zen Hiunen wolde, daz hiez er Gunt- here sagen. 1477 Wer der Volkêr wære, daz wil i'uch wizzen lân. er was ein edel herre: im was ouch undertân vil der guoten recken in Burgonden lant. durch daz er videlen konde, was er der spile- man genant. 1478 Hagene wolte tûsent: die hete er wol bekant, unt waz in starken sturmen hete gefrumet ir hant, oder swaz sie ie begiengen, des het er vil gesehen. den konde anders niemen niwan frumekeite jehen.

1479 Die boten Kriemhilde vil sêre dâ verdrôz: wand’ ir vórhte z’ir herren diu was harte grôz. sie gerten tægelîche urlóubés von dan. des engonde in niht Hagene: daz was durch lîsté getân. 1480 Er sprach zuo sîne herren: «wir süln daz wol bewarn daz wir sie lâzen rîten ê daz wir selbe varn dar nâch in tagen sibenen in Etzelen lant. treit uns iemen argen willen, daz wirt uns deste baz bekant. 1481 Sone mac ouch sich vrou Kriemhilt bereiten niht dar zuo daz uns durh ir ræte iemen schaden tuo. hât aber siu den willen, ez mac ir leide ergân: wir füeren mit uns hinnen sô manigen ûz erwelten man. 1482 Schilde unde sätele unt allez ir gewant, daz sie füeren wolden in Etzelen lant, daz was nu gar bereitet vil manigem küenem man. die boten Kriemhilde hiez man für Guntheren gân. 1483 Dô die boten kômen, dô sprach Gêrnôt: «der künec wil gevolgen des uns Étzel her enbôt. wir wellen komen gerne zuo sîner hôhgezît und sehen unser swester: daz ir des âne zwîfel sît.» 1484 Dô sprach der künec Gunther: «kunnet ir uns gesagen wenne sî diu hôhzît oder in welhen tagen wir dar komen solden?» dô sprach Swemmelîn: «zen næchsten sunewenden sol siu wærlîche sîn.»

1485 Der kunec in erloubte, des was noh niht geschehen, ob sie wolden gerne froun Prünhilde sehen, daz sie fur sie solden mit sinem willen gân. daz understuont dô Volkêr: daz was ir liebé getân. 1486 «Jan' ist mîn vrouwe Prünhilt nu niht so wol gemuot, daz ir sie müget schouwen», sprach der ritter guot. «bitet unze morgen: sô lât man s' iuch sehen. dô sie sie wânden schouwen, dône kunde's niht geschehen. 1487 Dô hiez der fürste rîche, er was den boten holt, durch sîn selbes tugende tragen dar sîn golt ûf den breiten schilden: des moht' er vile hân. ouch wart in rîchiu gâbe von sînen vriunden getân 1488 Giselher und Gêrnôt. Gêre und Ortwin. daz sie ouch milte wâren, daz tâten sie wol schîn. alsô rîche gâbe sie buten die boten an, daz si se vor ir herren niwet tôrsten enpfân. 1489 Dô sprach zuo dem künige der bote Wärbelin: «her künic, lât iuwer gâbe hie ze lande sîn. wir mügen ir niht gefüeren: mîn herre iz uns verbôt, daz wir iht gâbe næmen: ouch ist es harte lützel nôt. 1490 Dô wart der vogt von Rîne dâ von vil ungemuot, daz sie versprechen wolden sô rîches küneges guot: doch muosen sie enpfâhen sîn golt und sîn gewant, daz sie mit in fuorten sit in Etzelen lant. 1491 Sie wolden sehen Uoten ê daz sie schieden dan. Giselher der snelle brâht' die spileman

für sîne muoter Uoten. diu vrouwe enbôt dô dan, swaz siu êren hête, daz wære ir líebê getân. 1492 Dô hiez diu küneginne ir porten und ir golt geben durch Kriemhilde, want der was siu holt, unt durch den künec Etzeln den selben spileman. sie mohten'z gerne enpfâhen: ez was mit triuwén getân. 1493 Urlóup genomen hêten die boten nu von dan von wîben und von mannen, vrœlich sie dô dan fuoren unz in Swâben; dar hiez sie Gêrnôt sîne héldê beleiten, daz ez in niemen missebôt. 1494 Dô sich die von in schieden die ir solden pflegen, diu Etzelen hêrschaft sie vridet' ûf allen wegen: des ennam in niemen ros noch ir gewant. sie îlten harte balde in daz Etzelen lant. 1495 Swâ sie der vriunde iht wessen, daz tâten sie den kunt, daz die Burgonden in vil kurzer stunt kœmen her von Rîne in der Hiunen lant. dem bischof Pilgerîme wart ouch daz mære bekant. 1496 Dô sie für Bechelâren die strâze nider riten, man sagete'z Rüedegêre, daz wart niht vermiten, unde Gotelinde, des marcgrâven wîp. daz siu sie sehen solde, daz wart vil vrœlich ir lîp. 1497 Gâhen mit den mæren sah man die spileman. Etzeln sie funden in der stat ze Gran. dienest über dienest, der man im vil enbôt, sageten sie dem künige. vor liebe wart er freuden rôt.

1498 Dô diu küniginne diu mære rehte ervant, daz ir bruoder solden komen in daz lant, dô was ir wol ze muote: siu lônt' den spileman mit vil grôzer gabe: daz was ir êre getân. 1499 Siu sprach: »nu saget beide, Warbêl und Swem-melîn, welhe mîne mâge zer hôhzît wellen sîn, der besten die wir ladeten her in ditze lant: nu saget waz redete Hagene, dô er diu mære bivant?« 1500 Er sprach: »er kom zer sprâche an einem mor-gen vruo: lützel guoter sprüche redet' er dar zuo. dô sie die reise lobten her in Hiunen lant, daz was dem grimmen Hagenen gar zem tôde genant. 1501 Ez koment iuwer bruoder die künige alle drî in hêrlîchem muote. swer mêr dâ mite sî, der mære ich endeclîche wizzen niene kan. ez lobte mit in rîten Volkêr der küene spileman.« 1502 »Des enbær' ich harte lîhte«, sprach des kü-neges wîp, »deich immer hie gesæhe den Volkêres lîp. Hagenen bin ich wâge: der ist ein helt guot. daz wir in hie sehen müezen, des stât mir hôhe der muot.« 1503 Dô gie diu küneginne dâ siu den künic sach. wie rehte minneclîche vrou Kriemhilt dô sprach: »wie gevallent iu diu mære, vil lieber herre mîn? des ie mîn wille gerte, daz sol nu verendet sîn.« 1504 »Dîn wille der'st mîn vreude«, sprach der künic dô. »ine wart mîn selber mâge nie sô rehte vrô,

ob si immer komen solden her in miniu lant. durh liebe diner friunde sô ist min sórgé verswant » 1505 Des küneges ambetliute die hiezen über al mit gesidele rihten palas unde sal gegen den lieben gesten die in dâ solden komen. sit wart von in dem künege vil michel wûnné benomen.

1506 Nu lâzen daz beliben, wie sie gebâren hie. hôchgemuoter recken die gefuoren nie sô rehte hêrlîche in dehêines küneges lant. sie heten swaz sie wolden, beidiu wâfen unt gewant. 1507 Der vogt von dem Rine kleidet' sine man, sehzec unde tûsent, als ich vernomen hân und niwen tûsent knehte gegen der hôhgezît. die sie dâ heime liezen, die bewêinten ez sît. 1508 Dô truoc man diu gereite ze Wormez uber den hof. dô sprach dâ von Spire ein alter bischof

zuo der schœnen Uoten: «unser friunde wellent varn gegen der hôhgezite: got müeze ir êre dâ bewarn.» 1509 Dô sprach zuo z'ir kinden diu edele Uote: «ir soldet hie beliben, helde guote. mir ist getroumet hinte von angestlîcher nôt, wie allez daz gefügele in disem lande wære tôt.» 1510 «Swer sich an troume wendet», sprach dô Hagene, «der enweiz der rehten mære niht ze sagene, wenne ez im zen êren volleclîchen stê. ich wil daz mîn herre ze hóve nâch úrloúbe gê. 1511 Wir suln gerne rîten in Etzelen lant: dâ mac wol dienen künegen guoter helde hant, dâ wir dâ schouwen müezen Kriemhilde hôhgezit.» Hagene riet die reise: iedoch geróuw éz in sît. 1512 Er hete'z widerrâten, wan daz Gêrnôt mit ungefüegen sprüchen im alsô missebôt: er mant' in Sîfrides, vroun Kriemhilde man; er sprach: «dâ von wil Hagene die grôzen hove- reise lân.» 1513 Dô sprach von Tronege Hagene: «durh vorhte ich niht entuo. swenn' ir gebietet, helde, sô sult ir grîfen zuo. jâ rîte ich mit iu gerne in Etzelen lant.» sît wart von im verhouwen manic hélm únde rant. 1514 Diu schif bereitet wâren. dâ was vil manic man: swaz sie kleider hêten, diu trûoc mán dar an. sie wâren vil ummüezec vor âbéndes zît. sie huoben sich von hûse vil harte vrœliche sît.

1515 Gezelt unde hutten spien man an daz gras anderthalp des Rînes. dô daz geschehen was, den künec bat nóch belîben sîn vil schœnez wîp: siu trûte noch des nahtes den sînen wætlichen lîp. 1516 Pusûnen, flöytieren huop sich des morgens fruo, daz sie varen solden: dô griffen sie dô zuo. swer hete liep an arme, der trûte friundes lîp. des schiet sît vil mit leide des künec Etzelen wîp. 1517 Diu kint der schœnen Uoten die heten einen man, küenen und getriuwen: dô sie wolden dan, dô sagte er dem künege tougen sînen muot. er sprach: «des muoz ich trûren daz ir die hove- reise tuot.» 1518 Er was geheizen Rûmolt und was ein helt zer hant. er sprach: «wem welt ir lâzen liute unde lant? daz niemen kan erwenden iu recken iuwern muot! diu Kriemhilde mære nie gedûhtên mich guot.» 1519 «Daz lant si dir bevolhen unt ouch mîn kindelîn, unt diene wol den vrouwen: daz ist der wille mîn. swen du sehest weinen, dem trœste sînen lîp. ja getuot uns nimmer leide des künec Etzelen wîp.» 1520 Diu ros bereitet wâren den künigen und ir man. mit minneclîchem küssen schiet vil maniger dan, dem in hôhem muote lebete dô der lîp. daz muose sît beweinen vil manic wætlichez wîp. 1521 Dô man die snellen recken sah zen rossen gân, dô kôs man vil der vrouwen trûreclîchen stân. daz ir vil langez scheiden sagt' in wol ir muot ûf grôzen schaden ze komene, daz herze niene sanfte tuot.

1522 Die snellen Burgonden sich ûz huoben. dô wart in dem lande ein michel uoben: beidenthalp der berge weinde wîp und man. swie dort ir volc getæte. sie fuoren vrœliche dan. 1523 Die Nibelunges helde kômen mit in dan in tûsent halspergen, die ze hûse heten lân vil manige schœne vrouwen, di si gesâhen nimmer mê. die Sîfrides wunden tâten Kriemhilde wê. 1524 Dô seihten sie ir reise gegen dem Menne dan, ûf durch Ôstervranken, die Guntheres man. dar leite sie dô Hagene: dem was ez wol bekant. ir marschálk was Dancwart, der helt von Bur- gonden lant. 1525 Dô sie von Ôstervranken gein Swanevelde riten, dô mohte man sie kiesen an hêrlichen siten, die fürsten unt ir mâge, die helde lobesam. an dem zwelften morgen der künic zer Tûonóuwe quam. 1526 Dô reit von Tronege Hagene z'aller vorderôst: er was den Nibelungen ein helflîcher trôst. do erbeizt' der degen küene nider ûf den sant, sîn ross er harte balde zuo z'einem bóume gebant. 1527 Daz wazzer was engozzen, diu scif verborgen: ez ergie den Nibelungen ze grôzen sorgen,

wie sie kœmen ubere: der wâc was in ze breit. do ęrbeizte zuo der erden vil manic rittér gemeit. 1528 «Leide», sô sprach Hagene, «mac dir wol hie geschehen, voget von dem Rine. nu maht du selbe sehen, daz wazzer ist engozzen, vil starc ist im sin fluot. jâ wæn' wir hie verliesen noch hinte manigen helet guot.» 1529 «Waz wizet ir mir, Hagene? sprach der künec hêr. «durch iuwer selbes tugende untrœstet uns niht mêr. den furt sult ir uns suochen hin über an daz lant, daz wir von hinnen bringen beidiu ross unt ouch gewant.» 1530 «Jan' ist mir», sprach Hagene, «mîn leben niht sô leit, daz ich mich welle ertrenken in disen ünden breit: ê sol von mînen handen ersterben manic man in Etzelen landen: des ich vil guoten willen hân. 1531 «Belîbet bî dem wazzer, ir stolzen ritter guot. ich wil die vergen suochen selbe bî der fluot, die uns bringen übere in Gelfrâtes lant.» dô nam der starke Hagene sînen guoten schildes rant. 1532 Er was vil wol gewâfent: den schilt er dan- nen truoc, sînen hêlm ûf gebunden, lieht was er genuoc. dô truog er ob der brünne ein wâfen alsô breit daz ze bêden ecken harte vreislichen sneit.

1533 Dô suochte er nâh den vergen wider unde dan. er hôrte wazzer giezen: losen er began. in einem schœnen brunnen daz tâten wîsiu wîp: sie wolden sih dâ küelen unde badeten ir lîp. 1534 Hagene wart ir innen, er sleich in tougen nâch. dô sie daz versunnen, dô wart in dannen gâch. daz sie im entrunnen, des wâren sie vil hêr. er nam in ir gewæte: der helet schadete in niht mêr. 1535 Dô sprach daz eine merewîp, Hadebûrc was siu genant: «edel ritter Hagene, wir tuon iu hie bekant. swenn' ir uns, degen küene, gebt wider unser wât, wie iu zuo den Hiunen disiu hovereise ergât.» 1536 Sie swebeten sam die vogele vor im ûf der fluot. des dûhten in ir sinne stærc ûnde guot. swaz sie im sagen wolden, er geloubte in's deste baz. des er dô hin z'in gerte, wol beschieden sie im daz. 1537 Siu sprach: «ir müget wol rîten in Etzelen lant. des setze ich iu ze bürgen mîn triuwe hie zehant, daz helde nie gefuoren in dehêiniu rîche baz nâch alsô grôzen êren: nu geloubet wærlîchen daz.» 1538 Der rede was dô Hagene in sînem herzen hêr. dô gap er in ir kleider und sûmte sich niht mêr. dô sie dô an geleiten ir wunderlîch gewant, dô sageten sie im rehte die reise in Etzelen lant.

1539 Dô sprach daz ander merewip, diu hiez Sigelint «ich wil dich warnen, Hagene, daz Aldrîânes kint. durh der wæte liebe hât mîn muome dir gelogen: und kumestu zen Hiunen, sô bistu sêre betrogen. 1540 Jâ soltu kêren widere; daz ist an der zît: wand’ ir helde küene alsô geladet sît daz ir sterben müezet in Etzelen lant. swelhe dar gerîtent, die habent den tôt an der hant. 1541 Dô sprach aber Hagene: «ir trieget âne nôt. wie möhte ez sich gefüegen daz wir alle tôt solden dâ belîben durh iemannes haz? si begônden im diu mære sagen kûntlicher baz. 1542 Dô sprach aber diu eine: «ez muoz alsô wesen, daz iuwér deheiner kan dâ niht genesen. niwan des küneges kappelân: daz ist uns wol bekant, der kumet gesunder widere in daz Guntheres lant. 1543 Dô sprach in grimmem muote der küene Hagene: «daz wære mînen herren müelich ze sagene, daz wir zen Hiunen solden vliesen alle en lîp. nu zeige uns über’z wazzer, daz aller wîseste wîp. 1544 Siu sprach: «sît du der verte niht welles haben rât: swâ obene bî dem wazzer ein herberge stât, dâ inne ist ein verge und ninder anderswâ. der mære der er vrâgte, der geloubet’ er sich sâ.

1545 Dem ungemuoten recken sprach diu eine nâch: «nu bîtet noch, her Hagene: jâ ist iu gar ze gâch. vernemet noch baz diu mære, wie'r komet über sant. dirre marc herre der ist Élsé genant. 1546 Sîn bruoder ist geheizen der degen Gelpfrât, ein herre in Beyer lande. vil müelich ez iu stât, welt ir durh sîne marke. ir sult iuh wol bewarn und sult ouch mit dem vergen vil bescheiden- lîchen varn. 1547 Der ist sô grimmes muotes, er lât iuch niht genesen, ir enwelt mit guoten sinnen bî dem helde wesen: welt ir daz er iuh füere, sô gebet im den solt. er hüetet disses landes unt ist Gelpfrâde holt. 1548 Und kum er niht bezîte, sô ruofet über fluot, unt jeht ir heizet Amelrîch. der was ein helt guot, der durch fientschefte rûmte ditze lant. sô kumet iu der verge, swenn' im der name wirt genant.» 1549 Der übermüete Hagene den vrôuwén dô neic: er'n redete niht mêre, wan daz er stille sweic. dô gie er bî dem wazzer hôher an den sant, dâ er anderthalben eine herberge vant. 1550 Er begonde ruofen vaste über fluot. «nu hol mich hie, vérge», sprach der degen guot: «sô gib' ich dir ze miete von golde ein bouc vil rôt. jâ ist mir dirre verte, daz wizze, wærlîche nôt.» 1551 Der verge was sô rîche, daz im niht dienen zam: dâ von er lôn vil selten von iemen dâ genam.

ouch wâren sîne knehte vil hôhe gemuot. noch stuont allez Hagene eine dischalp der fluot. 1552 Dô ruofte er mit der krefte daz al der wâg erdôz, wan des heldes sterke was michel unde grôz: »nu hol mich Amelrichen: ich pin der Elsen man, der durch grôze fientschaft von disen lândên entran.« 1553 Vil hôhe aneme swerte einen bouc er im dô bôt, lieht unde schœne was er von golde rôt, daz er in über fuorte in Gelpfrâdes lant. der übermüete verge nam selbe'z ruoder an die hant. 1554 Ouch was der selbe verge vil müelich gesit. diu gir nâch grôzem guote vil bœsez ende git. dô wold' er verdienen daz Hagenen golt sô rôt: des leit er von dem degene den swertgrimmigen tôt. 1555 Der verge fuor genôte hin über an den sant. den er dâ nennen hôrte, do er des niht envant, dô zurnde er ernestlichen: als er Hagenen sach, vil harte grimmelîchen er dô zuo dem helde sprach: 1556 «Ir muget wol sîn geheizen benamen Amelrîch: des ich mich hie verwæne, dem sît ir ungelîch. von vater und von muoter was er der bruoder mîn. nû ir mich betrogen habt, ir muezet dischalben sîn.» 1557 »Nein, durch got den rîchen«, sprach dô Hagene. »ich bin ein vremder recke unt sorge ûf degene. nu nemet vriuntlîche hine mînen solt, daz ir mich über füeret: ich pin iu wærlîchen holt.«

1558 Dô sprach aber der verge: «des mac niht gesîn. ez habent vîände die lieben herren mîn: dar umbe ich niemen vremden füere in ditze lant. sô liep dir sî ze lebene, sô trit vil balde ûz an den sant.» 1559 «Nune tuot des niht», sprach Hagene: «trûrec ist mîn muot. nemet von mir ze minne ditze golt vil guot unt vüert uns über tûsent ross unt alsô manigen man.» dô sprach der grimme verge: «daz wirdet nimmêr getân.» 1560 Er huop ein starkez ruoder, michel unde breit, er sluoc ez ûf Hagenen (des wart er ungemeit), daz er in dem schiffe strûchte ûf sîniu knie. sô rehte grimmer verge kom dem Tronegære nie. 1561 Dô wolde er baz erzurnen den übermüeten gast: er sluoc eine schalten, daz diu gar zerbrast, Hagenen über daz houbet: er was ein starker man. dâ von der Elsen verge grôzen schaden dâ gewan. 1562 Mit grimmigem muote greif Hagene zehant vil balde z'einer scheiden, da er ein wâfen vant. er sluoc im ab daz houbet und warf ez an den grunt. diu mære wurden schiere den stolzen Burgonden kunt. 1563 An den selben stunden do er den schifman sluoc, daz schif daz vlôz en ouwe: daz was im leit genuoc. ê er'z gerihte widere, müeden er began: dô zôh vil krefteclîche des künec Guntheres man.

1564 Mit zûgen harte swinden kêrte ez der gast, unz im daz starke ruoder in sîner hende brast. er wolde zuo den recken ûz an einen sant. dô was deheinez mêre: hei wie schier' êr'z gebant 1565 Mit einem sciltvezzel! daz was ein porte smal. gegen einem walde kêrte er hin ze tal.(1600) dô vant er sînen herren an dem stade stân: dô gie im hin engegene vil manic waetlîcher man. 1566 Mit gruoze in wol enpfiengen die rittere guot. dô sâhen s' in dem sciffe riechen daz bluot von einer starken wunden die er dem vergen sluoc. dô wart von den degenen gevrâget Hagene genuoc. 1567 Dô der künic Gunther daz heize bluot ersach sweben in dem sciffe, wie balde er dô sprach: «wan saget ir mir, Hagene, war ist der verge komen? iuwer starkez ellen wæn' im daz leben hât benomen.» 1568 Dô sprach er lougenlîche: «da ich daz scif dâ vant, bî einer wilden wîden, dâ lôstê'z mîn hant. ich hân deheinen vergen hiute hie gesehen: ez ist ouch niemen leide von mînen sculden hie geschehen.» 1569 Dô sprach von Burgonden der herre Gêrnôt: «hiute muoz ich sorgen ûf lieber vriunde tôt, [1604] sît wir der scifliute bereite nine hân, wie wir komen übere. des muoz ich trûrende stân.» 1570 Vil lûte rief dô Hagene: «leit nider ûf daz gras, ir knehte, diu gereite. ich gedènke daz ich was [1605] der aller beste verge den man bî Rîne vant: ja getrûwe ich iuch wol bringen über in Gelpfrâdes lant.»

1571 Daz sie deste balder kœmen über fluot,1511 diu ros sie ane sluogen: der swimmen daz(1606) wart guot, wand' in der starken ünde deheine'z dâ benam. etlîchez ouwet' verre, als ez ir müedé gezam. 1572 Dô truogen sie zem sceffe ir golt und ouh ir wât,1512 sît daz sie der verte niht mohten haben rât.(1607) Hagene was dâ meister: des fuort' er ûf den sant vil manegen rîchen recken in daz unkunde lant. 1573 Zem êrsten brâht' er übere tûsent ritter hêr:1513 dar nâch sîne recken. dannoch was ir mêr:(1608) niwen tûsent knehte fuort' er an daz lant. des tages was unmüezec des küenen Tronegæres hant. 1574 Do er sie wol gesunde brâht' über die fluot,1514 do gedâhte vremder mære der snelle degen guot,(1610) diu im ê dâ sageten diu wilden merewîp. des het des küneges kapelân nâch verlorn sînen lîp. 1575 Bî dem kappelsoume er den pfaffen vant:1515 ob dem heilectuome er leinte an sîner hant.(1611) des mohte er niht geniezen: dô in Hagene sach, der gotes arme priester muose lîden ungemach. 1576 Er swanc in ûz dem sciffe: dar zuo was im gâch.1516 dô riefen ir genuoge: «vâhâ, herre, vâch!»(1612) Gîselher der junge, zurnen er'z began. er'n wold' iz doch niht lâzen: daz was im leidê getân. 1577 Dô sprach von Burgonden der herre Gêrnôt:1517 «waz hilfet iuh nu, Hagene, des kappelânes tôt?(1613)

tæt' ez ander iemen, ez sold' in wesen leit. umbe welhe sculde habt ir dem priester widerseit? 1578 Der pfaffe swam genôte: er wolde sin genesen, ob im iemen hülfe: des moht' dô niht gewesen, wan der grimme Hagene vil zornec was gemuot. er stiez in zuo dem grunde: daz dûhte niemenne guot. 1579 Dô der arme priester der helfe niht ensach, dô kêrt' er wider übere: des leid er ungemach. swie er niht swimmen kunde, im half diu gotes hant daz er kom wol gesunder hin wider ûz an daz lant. 1580 Dô stuont der arme priester und schutte sîne wât. dâ bi sach wol Hagene daz sin niht wære rât daz im für mære sageten diu wilden merewip. er dâhte: «dise degene müegen vliesen den lîp.» 1581 Dô sie daz scif entluoden und gar getruogen dan swaz sie dar ûfe hêten, der drier künege man, Hagene ez sluoc ze stucken und warf ez an die fluot. des hete michel wunder die recken küene unde guot. 1582 «Zwiu tuot ir dáz, brüoder?» sô sprach Dancwart: «wie sul wir komen übere, sô wir die widervart riten von den Hiunen wider an den Rîn?» seht, dô saget' im Hagene daz des kunde niht gesîn. 1583 Dô sprach der helt von Tronege: «ich tuon iz ûf den wân, ob wir an dirre reise deheinen zagen hân, der uns entrinnen welle durch zagelîche nôt. der muoz an disem wâge doch lîden schamelîchen tôt.»

1584 Sie fuorten mit in einen ûz Burgonden lant, der was ein helt zen handen, Volkêr was er genant. der redete spæhelîche allen sînen muot. swaz ie begie Hagene, daz dûht' den videlære guot. 1585 Ir ros bereitet wâren, die soumer wol geladen. sie heten an der verte noch deheinen schaden genommen der sie muote, wan des küneges kapelân. der muose ûf sînen füezen hin wider zuo dem Rine gân.

1586 Dô sie nu wâren alle komen ûf den sant, der künec begonde vrâgen: »wer sol uns durch daz lant die rehten wege wîsen, daz wir niht irre varn?« dô sprach der sterke Volkêr: »daz sol ich eine bewarn.« 1587 »Nu enthaldet iuch«, sprach Hagene, »ritter unde kneht. man sol friunden volgen: jâ dunket ez mich reht. vil ungevüeger mære diu tuon ich iu bekant: wir enkomen nimmer widere in der Burgonden lant. 1588 Daz sageten mir zwei merwîp hinte morgen vruo, daz wir niht komen widere. nu rât' ich waz man tuo.«

daz ir iuch wâfent, helde. ir sult iuch wol bewarn! wir haben hie starke fînde; daz wir gewärlîche varn. 1589 Ich wânde an lûgene funde diu wîsen merwîp. sie jâhen daz gesunder unser dēheines lîp wider ze lande kœme, niwan der kappelân: dar umbe ich in gerne hiute ertrenket wolde hân.» 1590 Dô flugen disiu mære von schare baz ze schare. des wurden snelle helde vor leide missevare, dô sie begunden sorgen ûf den herten tôt an dirre hovereise: des gie in wærlichen nôt. 1591 Dâ ze Mœringen sie wâren über komen, dâ dem Elsen vergen was der lîp benomen. dô sprach aber Hagene: «sît daz ich finde hân verdienet ûf der strâze, wir werden sicherlîch bestân.» 1592 Ich sluoc den selben vergen hiute morgen fruo. sie wizzen wol diu mære. nu grîfet balde zuo, ob Gelpfrât und Else hiute hie bestê unser ingesinde, daz iz in schâdelîch ergê. 1593 Ich erkénne sie sô küene, ez wirdet niht verlân. diu ros diu sult ir lâzen deste sanfter gân, daz des iemen wæne, wir vlîchen ûf den wegen.» «des râtes wil ich volgen», sô sprach Giselher der degen 1594 «Wer sol daz gesinde wîsen über lant?» sie sprâchen: «daz tuo Volkêr, dem ist hie wol bekant»

stige unde strâze, der küene spileman. ê daz man's vollen gerte, man sah wol gewâtent stân 1595 Den snellen videlære. den helm er ûf gebant: in herlîcher varwe was sîn wîcgewant. er bant ouch z'eime scafte ein zeichen, daz was rôt: sît kom er mit den künegen in eine grœzlîche nôt. 1596 Dô was tôt des vergen Gelpfrâte komen mit gewærem mære; dô het ez ouch vernomen Else der vil starke. ez was in beiden leit. sie sanden nâch ir helden: die wâren schiere bereit. 1597 In vil kurzen zîten, ich wil'z iuch hœren lân, sah man zuo in rîten die scaden heten getân in starkem urliege, vil ungefüegin sêr: der kômen Gelpfrâte wol siben hundert oder mêr. 1598 Dô sie ir grimmen vînden begonden rîten nâch, jâ leiten sie ir herren. den was ein teil ze gâch nâch den küenen gesten: sie wolden anden zorn. des wart der herren friunde sider mêre verlorn. 1599 Dô hete von Tronege Hagene wol gefüeget daz (wie möhte sîner friunde ein helt gehueten baz?), er pflac der nâchhuote mit den sînen man, und Dancwart sîn bruoder: daz was vil wîslîch getân. 1600 In was des tages zerunnen: des enheten sie niht mêr. er vorhte an sînen vriunden leit unde sêr. sie riten under schilden durch der Beyer lant: dar nâch in kurzer wîle die helde wurden an gerant.

1601 Beidenthalp der strâzen und hinden vaste nâch sie hôrten hüeve klaffen: dem liute was ze gâch. dô sprach der küene Dancwart: «man wil uns hie bestân. nu binden ûf die helme: daz ist rætlich getân.» 1602 Sie hielten ab ir verte, als iz muoste sîn. sie sâhen in der vinster der lichten schilde schîn. dône wolde Hagene niht langer sie verdagen: «wer jaget uns ûf der strâze? daz muos' im Gelpfrât dô sagen. 1603 Dô sprach der marcgrâve ûzer Beyer lant: «wir suochen unser vînde und haben her nâch gerant. i'ne weiz niht wer mir hiute mînen vergen sluoc. der was ein helt zen handen: daz ist mir léidé genuoc.» 1604 Dô sprach von Tronege Hagene: «und was der verge dîn? der wolde uns niht füeren. des ist diu schulde mîn: dô sluoc ich den recken. deiswâr des gie mir nôt: ich hete von sînen handen vil nâch gewúnnén den tôt. 1605 Ich bôt im ze miete gólt únd gewant, daz er uns über fuorte, hélt, in dîn lant. daz zurnde er sô sêre, daz er mich dô sluoc mit einer starken scalte: des wart ih grímmé genuoc. 1606 Dô kom ich zuo dem swerte und wert' im sînen zorn mit einer starken wunden: des wart der helt verlorn.

daz bringe ich in ze suone swie iuch dunket guot. dô gie ez an ein strîten: sie wârn hêrtê gemuot. 1607 «Ich wesse wol», sprach Gelpfrât, «dô hie fur gereit Gunther und sîn gesinde, daz uns tæte leit Hagene von Tronege. nu sol er niht genesen: fur des vergen ende der helt muoz hie borge wesen.» 1608 Sie neigten über schilde ze stiche nu diu sper. Gelpfrât und Hagene: in was z'ein ander ger. Else unde Dancwart vil hêrlîche riten, si versuochten wer sie wâren: dâ wart vil grimme gestriten. 1609 Wie mohten sich versuochen immer helde baz? von einer starken tjoste hinder'z ors gesaz Hagene der küene von Gelpfrâtes hant. im brast das fürbüege: dô wart im strûchen bekant. 1610 Von ir ingesinde der krach der scæfte scal. dô erholte ouch sich dort Hagene, der ê was ze tal komen von dem stiche nider an daz gras. er wæne unsanftes muotes wider Gelpfrâte was. 1611 Wer in diu ros behielde, daz ist mir unbekant. sie wâren zuo der erden komen ûf den sant, Hagene unde Gelpfrât ein ander liefen an. des hulfen ir gesellen, daz in wart strîten kunt getân. 1612 Swie pitterlichen Hagene zuo Gelpfrâte spranc, der edele marcgrâve des schildes hin im swanc

ein vil michel stücke, deiz fiwer dræte dan. des was vil nâh erstorben des künic Guntheres man. 1613 Dô begonde er rüefen Dancwarten an. «hilfâ, lieber bruoder, jâ hât mich bestân ein helt ze sînen handen: er'n lât mich niht genesen.» dô sprach der küene Dancwart: «des sol ich scheidære wesen.» 1614 Der helt dô spranc dar nâher und sluoc im einen slac mit eime scarpfen wâfen, dâ von er tôt gelac. Else wolde gerne rechen dô den man. er und sin gesinde schieden scedelîche dan. 1615 Im was erslagen der bruoder: selbe wart er wunt. wol ahzec sîner degene beliben dâ zestunt mit dem grimmen tôde: der herre muose dan flühteclichen wenden von den Guntheres man. 1616 Dô die von Beyer lande wichen ûz dem wege, dô hôrt' man nâch hêllen die vreislichen slege: dô jageten die von Tronege ir fianden nâch, die's niht engelten wânden: den was állén ze gâch. 1617 Dô sprach an ir flühte Dancwart der degen: «wir suln wider wenden balde ûf disen wegen, und lâze wir sie rîten: sie sint von bluote naz. gâhen wir zen friunden: ich râte wærlîchen daz.» 1618 Dô sie hin wider kômen da der scâde was gesehen, dô sprach von Tronege Hagene: «helde, ir sult beschen

wes uns hie gebreste oder wen wir hân verlorn hie in disem strîte durch den Gelpfrâdes zorn. 1619 Sie heten vlorn viere: die muosen sie verklagen. die wâren wol vergolten: dâ wider was erslagen der von Beyer lande hundert oder baz. des wâren den von Tronege ir schilde truebe unde naz. 1620 Ein teil schein ûz den wolken des lichten mânen prehen. dô sprach aber Hagene: «niemen sol verjehen den minen lieben herren waz wir hie haben getân: lât sie unze morgen âne sorge bestân.» 1621 Dô sie nu nâch in kômen die dort striten ê, dô tet dem ingesinde diu müede harte wê. «wie lange sul wir riten?» des vrâgte manic man. dô sprach der küene Dancwart: wir mügen niht herberge hân. 1622 Ir müezet alle riten unz ez werde tac. Volkêr der snelle, der des gesindes pflac, bat den marschalc vrâgen: «wâ sul wir hinte sîn, da gerâsten unser mære und ouch die lieben herren mîn?» 1623 Dô sprach der küene Dancwart: «i'ne kan's iu niht gesagen. wir enmügen niht gerouwen ê iz beginne tagen: swâ wir'z danne vinden, dâ legen uns an ein gras. dô sie diu mære hôrten, wie leit in sümelichen was! 1624 Si beliben unvermeldet des heizen bluotes rôt, unze daz diu sunne ir liehtez schînen bôt

dem morgen über berge, daz ez der künic gesach daz sie gestritten hêten. der helt vil zornec- lichen sprach: 1625 «Wie nu, fríunt Hagene? iu wæn' versmâhet daz, daz ich pî iu wære dâ iu die ringe naz sus wurden von dem bluote. wer hât daz getân?» er sprach: «daz tet Else: der het uns nâhtén bestân. 1626 Durch den sînen vergen wir wurden an gerant. dô sluoc Gelpfrâten mînes bruoder hant. sît entran uns Else. des twang in michel nót: in hundert und uns viere beliben in dem strîte tôt.» 1627 Wir kunnen niht bescheiden wâ sie sich lei- ten nider. al die lantliute die gevriescen sider daz ze hove füeren der edelen Uoten kint. sie wurden wol enpfangen dâ ze Pazzouwe sint. 1628 Der edelen künege œheim, der biscof Pilgerîn, dem wart vil wol ze muote, dô die neven sîn mit alsô vil der recken kômen in daz lant. daz er in willec wære, daz wart in schíeré bekant. 1629 Sie wurden wol enpfangen von vriunden ûf den wegen. dâ ze Pazzouwe man konde ir niht gepflegen. sie muosen über'z wazzer, dâ sie funden velt. dâ wurden ûf gespannen beide hütten und gezelt. 1630 Sie muosen dâ beliben allen einen tac und ouch die naht mit vollen. wie schône man ir pflac!

dar nâch sie muosen rîten in Rüedegêres lant. dem wurden ouch diu mære dar nâch vil schiere bekant. 1631 Dô die wegemüeden ruowe genâmen unde sie dem lande nâher quâmen, dô funden s' ûf der marke slâfende einen man, dem von Tronje Hagene ein starkez wâfen an gewan. 1632 Jâ was geheizen Eckewart der selbe ritter guot. er gewan dar umbe vil trûrigen muot, daz er verlôs daz wâfen von der helde vart: die marke Rüedegêres funden s' übele bewart. 1633 «Owê mir dirre schande», sprach dô Eckewart.1573 «jâ riuwet mich vil sêre der Burgonden vart. sît ich vlôs Sîfriden sît was mîn vreude ergân. ouwê, herre Rüedegêr, wie hân ich wider dich getân!» 1634 Dô hôrte vil wol Hagene des edelen recken nôt: er gab im wider sîn wâfen und sechs pouge rôt. «die habe dir, helt, ze minnen, daz du mîn friunt sîst. du bist ein degen küene, swie eine du ûf der marke lîst.» 1635 «Got lône in iuwer pouge», sprach dô Eckewart. «doch riuwet mich vil sêre zen Hiunen iuwer vart. ir sluoget Sîfriden: man ist iu hie gehâz. daz ir iuch wol behüetet, in triuwen rât' ich iu daz.» 1636 «Nu müeze uns got behüeten», sprach dô Hagene. «jan' hânt niht mêre sorge dise degene

wan umb' die herberge, die künige und ir man, wâ wir in disem lande noch hinte nahtselde hân. 1637 Diu ros sint uns verdorben ûf den verren wegen, unt der spîse zerunnen», sprach Hagene der degen. «wir vinden'z ninder veile: uns wære wirtes nôt, der uns noch hinte gæbe durch sîne tugende sîn brôt.» 1638 Dô sprach aber Eckewart: «ich zeig' iu einen wirt, daz ir ze hûse selten sô wol bekomen birt in deheinem lande. als iu hie mac geschehen, ob ir vil snelle degene wellet Rüedegêren sehen. 1639 Der sitzet bî der strâze und ist der beste wirt der ie kom ze hûse. sîn herze tugende birt, alsam der süeze meije daz gras mit bluomen tuot. so er sol helden dienen, sô ist er vrœlich gemuot.» 1640 Dô sprach der künec Gunther: «welt ir mîn bote sin, ob uns welle enthalten durch den willen mîn mîn lieber friunt Rüedigêr, mîn mâge und unser man? daz wil ih immer dienen sô ich aller beste kan.» 1641 «Der bote pin ich gerne», sprach dô Eckewart. mit vil guotem willen huob er sich an die vart und sagete Rüedegêre als er hete vernomen. im was in manigen zîten niht sô lieber mære komen. 1642 Man sah ze Bechelâren îlen einen degen. selbe erkande in Rüedegêr; er sprach: «ûf disen wegen

dort her gâhet Eckewart, ein Kriemhilde man. er wânde daz die vinde im heten leide getân. 1643 Dô gie er für die porte da er den boten vant. daz swert er abe gurte und leite'z von der hant. diu mære diu er brâhte wurden niht verdaget den wirt und sîne friunde: ez wart in schiere gesaget 1644 Er sprach zem marcgrâven: «mich hât zuo z'iu gesant Gûnther der herre von Burgonden lant und Gîselher sîn bruoder und ouch Gêrnôt. der recken ieslîcher iu sînen dienst her enbôt. 1645 Daz selbe hât ouch Hagene unde Volkêr mit triuwen vlîzeclîche. noch sage ich iu mêr, daz iu des küneges marschalc bî mir daz enbôt daz den guoten knehten wær' iuwer herberge nôt. 1646 Mit lâchendem munde sprach dô Rüedegêr: «nu wol mich dirre mære, daz die künge hêr geruochent mîner dienste: der wirt in niht verseit. koment sie mir ze hûse, des pin ich vrô unt gemeit.» 1647 «Dâncwârt der marschalc der hiez iuch wizzen lân wên ir ze hûse mit in soldet hân: sehzec sneller recken unt tûsent ritter guot und niwen tûsent knehte. dô wart er vrœlîch gemuot. 1648 «Nû wol mich dirre geste, sprach dô Ruedegêr, «daz mir koment ze hûse dise recken hêr,

den ich noch vil selten iht gedienet hân. nu ritet in engegene, beide mâge unde man.» 1649 Dô îlten zuo den rossen ritter unde kneht. swaz in gebôt ir herre, daz dûhte s' alle reht: dô liezen s' in der dienste zogen deste baz. noch enwéste es niht vrou Götelint, diu in ir kemenâten saz.

1650 Dô gie der marcgrâve da er die vrouwen vant, sin wip mit siner tohter, unt sagete in zehant diu vil lieben mære diu er hete vernomen, daz in ir frouwen bruoder dar ze hûse solden kômen. 1651 «Vil liebiu triutinne», sprach dô Ruodegêr, «ir sult vil wol enpfâhen die edelen künige hêr, sô sie mit ir gesinde her ze hove gân. ir sult ouch schône grüezen Hagenen Guntheres man. 1652 Mit in kumet ouch einer, der heizet Dancwart: der ander heizet Volker, an zuhten wol bewart. die sehse sult ir küssen unt diu tohter min, und sult ouch bî den recken in zühten güetliche sîn.»

1653 Daz lobeten dô die vrouwen und wâren sîn bereit. sie suochten ûz den kisten diu hêrlichen kleit, dar inne sie begegene den recken wolden gân. dâ wart vil michel vlîzen von schœnen fróuwén getân. 1654 Gevelschet frouwen varwe vil lützel man dâ vant. sie truogen ûf ir houbet von golde liehtin bant (daz wâren scapel rîche), daz in ir schœne hâr zefuorten niht die winde: daz ist an den triuwen wâr. 1655 In solhen unmuozen sul wir die vrouwen lân. hie wart vil michel gâhen über velt getân von Rüedegéres vriunden dâ man die fürsten vant. sie wurden wol empfangen in des marcgrâven lant. 1656 Dô sie der marcgrâve zuo z’im komen sach, Rüedegêr der snelle, wie vrœlich er sprach! «sit willekomen, ir herren, und ouch iuwer man. hie in mînem lande wie gerne ich iuch gesehen hân!» 1657 Dô nigen im die recken mit triuwen âne haz. daz er in wille wære, vil wol erzeigt’ er daz. besunder gruozte er Hagenen: den het er ê bekant. sam tet er Volkêren ûzer Búrgónden lant. 1658 Er enpfie ouch Dancwarten. dô sprach der küene degen: «sit ir uns welt bernuochen, wer sol danne pflegen des unsern ingesindes, daz wir haben brâht?» dô sprach der marcgrâve: «ir sult haben guote naht.

1659 Und allez iwer gesinde, swaz ir in daz lant habt mit iu gefüeret, ross und gewant, dem scaffe ich solhe huote, daz sin niht wirt verlorn daz in ze scaden bringe gegen einigem sporn. 1660 Spannet ûf, ir knehte, die hutten an daz velt. swaz ir hie verlieset, des wil ich wesen gelt. ziehet abe die zoume, diu ros lâzet gân.» daz het in wirt deheiner dâ vor vil sêlten getân. 1661 Des vreuten sich die geste, dô daz geschaffen was, die herren riten dannen, sich leiten in daz gras über al die knehte: sie heten guot gemach. ich wæne in an der verte nie sô sâfté gescah. 1662 Diu edele marcgrâvinne was für die burc gegân mit ir vil schœnen tohter. dô sah man bî ir stân die minneclîchen vrouwen und manige scœne meit: die truogen vil der bouge unde hêrlichiu kleit. 1663 Daz edele gesteine lûhte verre dan ûz ir vil rîchen wæte: sie wâren wol getân. dô kômen ouch die geste und erbêizten sâ zehant. hei waz man grôzer zühte an den Búrgónden vant! 1664 Sehs unt drîzec mägede unt ander manic wîp, den was wol ze wunsche geschaffen der lîp, die giengen in engegene mit manigem küenem man. dâ wart ein scœne grüezen von edelen vrouwen getân.

1665 Diu junge marcgrâvinne kust' die künige alle drî (alsam tet ir muoter): dâ stuont ouch Hagene bî. ir vater hiez in küssen; dô blihte siu in an: er dûhte sie sô vorhtlich, daz si'z vil gerne hete lân. 1666 Doch muoste siu dâ leisten daz ir der wirt gebôt. gemischet wart ir varwe, blêich únde rôt. siu kuste ouch Dancwarten, dar nâch den spileman: durch sînes lîbes ellen wart im daz grüezén getân. 1667 Diu junge marcgrâvinne nám bî der hant Gîselher den recken von Burgonden lant: alsam tet ir muoter Gunthér den küenen man. sie giengen mit den helden vil harte vrœliche dan. 1668 Der wirt gie bî Gêrnôte in einen wîten sal. ritter unde frouwen gesâzen dâ zetal. dô hiez man balde scenken den gesten guoten wîn. janę dorften nimmer helede baz gehándélet sîn. 1669 Mit lieben ougen blicken wart gesehen an diu Rüedegêres tohter: diu was sô wol getân. jâ trûte s' in den sinnen vil manic ritter guot. daz konde ouch siu verdienen: siu was vil hóhé gemuot. 1670 Si gedâhten swes sie wolden: des enmoht' ab niht geschehen. hín únd her widere wart dâ vil gesehen

an magede und an vrouwen: der saz dâ genuoc. der edele videlære dem wirte holden willen truoc. 1671 Nâch gewonheite sô schieden sie sich dâ: ritter unde vrouwen die giengen anderswâ. dô rihte man die tische in dem sale wît. den unkunden gesten man diende herlîche sît. 1672 Durch der geste liebe hin ze tische gie diu edele marcgrâvinne. ir tohter siu dô lie belîben bî den kinden, dâ siu von rehte saz. die geste ir niht ensâhen: sie muote wærlîchen daz. 1673 Dô sie getrunken hêten unt gâzen über al, dô wîste man die schœnen wider in den sal. gâmelîcher sprüche der wart dâ niht vermeit: der redete vil dâ Volkêr, ein degen küen' unt gemeit. 1674 Dô sprach offenlîchen der edele spileman: »vil rîcher marcgrâve, got hât an iu getân vil genædeclîchen, wand' er iu hât gegeben ein wîp sô rehte schœne, dar zuo ein wunnec- lîchez leben. 1675 Ob ich ein fürste wære«, sprach der spileman, »und solde ich tragen krône, ze wîbe wolde ich hân die iuwern schœnen tohter: des wünschet mir der muot. diu ist minneclîch ze sehene, dar zuo edel unde guot.« 1676 Dô sprach der marcgrâve: »wie mohte daz gesîn, daz iemer künec gegerte der lieben tohter mîn?

wir sîn ellende, ích únd mîn wîp: waz hilfet grôziu schœne dán der júncvrôuwen lîp? › 1677 Des antwurte Gêrnôt, der wol gezogene man: ‹ und solde ich triutinne nâch mînem willen hân, sô wold' ich solhes wîbes immer wesen vrô. › des antwurte Hagene vil harte güetlichen dô: 1678 ‹ Nu sol mîn herre Gîselher nemen doch ein wîp: ez ist sô hôher mâge der marcgrâvinne lîp, daz wir ir dienden gerne, ich und sine man, und solde s' under krône dâ zen Búrgónden gân. › 1679 Diu rede Rüedegêren dûhte harte guot, und ouch Gotelinde: jâ freute s' in den muot. sît truogen an die helde daz sie ze wîbe nam Gîselher der edele, als ez wol künege gezam. 1680 Swaz sich sol gefüegen, wer mac daz understên? man bat die juncvrouwen hin ze hove gên. dô swuor man im ze gebene daz wünneclîche wîp. dô lobte ouch er ze minnen den ir vil minnec- lîchen lîp. 1681 Man besciet der juncvrouwen bürge unde lant. des sichert' dâ mit eiden des edelen küniges hant, und ouch der herre Gêrnôt, daz wurde daz getân. dô sprach der marcgrâve: ‹ sît ich der bürge niht enhân, 1682 Sô sol ich iu mit triuwen immer wesen holt. ich gibe zuo mîner tohter silber unde golt

swaz hundert sôumêre meist mügen getragen, daz ez des heldes mâgen nâch êren müge wol behagen. 1683 Dô hiez man siu beide stên an einen rinc nâch gewonheite. vil manic jungelinc in vroelichem muote ir zegagene stuont: si gedâhten in ir sinnen sô noch die tumben gerne tuont. 1684 Dô man begonde vrâgen die minneclichen meit, ob siu den recken wolde, ein teil was ez ir leit, unt dâhte doch ze nemene den wætlichen man. siu scamte sich der vrâge sô manic magt hât getân. 1685 Ir riet ir vater Rüedegêr daz siu spræche jâ unt daz si in gerne næme. vil schiere dô was dâ mit sînen wîzen handen, der sie umbeslôz, Gîselher der junge, swie lützel siu sîn doch genôz. 1686 Dô sprach der maregrâve: «ir edelen künege rîch, als ir nu wider rîtet (daz ist gewonlich) heim ze Burgonden, sô gib' ich iu mîn kint, daz ir sie mit iu füeret.» daz gelôbten sie sint. 1687 Swaz man dâ scalles hôrte, den muosen sie doch lân. man hiez die juncvrouwen z'ir kemenâten gân, und ouch die geste slâfen und ruowen an den tac. do berêitte man die spîse: der wirt ir güetliche pflac. 1688 Dô sie enbizzen wâren, sie wolden dannen varn gegen der Hiunen landen. «daz heiz' ich wol bewarn,

sprach der wirt vil edele: «ir sult noch hie bestân: wand' ich sô lieber geste selten her gewonnen hân.» 1689 Des antwurte Danewart: «janę mag es niht gesîn. wâ næmet ir die spise, daz brôt und ouch den wîn, daz ir sô manigem recken noch hînte müeset hân?» dô daz der wirt gehôrte, er sprach: «ir sult die rede lân. 1690 Minę vil lieben herren, ir sult mir niht versagen. jâ gæbe ich iu die spise ze vierzêhen tagen, mit allem dem gesinde daz mit iu her ist komen: mir hât der kûnee Etzel noch vil wênic iht genomen.» 1691 Swie sêre sie sich werten, sie muosen dâ bestân unz an den vierden morgen. dô wart dâ getân von des wirtes milte daz verre wart geseit: er gap den sînen gesten beidiu rôss ûnde kleit. 1692 Ez ęnkunde niht wern lenger, sie muosen dan- nen varn. Rüedgêr der küene konde vil wênic iht gesparn von der sînen milte: swes iemen gerte nemen, daz versaget' er niemen: ez muose in âllên gezemen. 1693 Ir edel ingesinde brâhte für daz tor gesatelet vil der mære. dô kom zuo z'in dâ vor vil der fremden recken: sie truogen schilde enhant, wand' sie wolden rîten in daz Étzêlen lant. 1694 Der wirt dô sîne gâbe bôt über al ê daz die edelen geste kœmen für den sal.

er konde miltecliche mit grôzen êren leben. die sîne schœnen tohter die het er Giselher gegeben. 1695 Dô gap er Gunthêre, dem helde lobelich, daz wol truoc mit êren der edele kunic rich, swie sêlten er gâbe enpfienge, ein wætenlîch gewant. dar nâch neic dô Gunther des edelen Ruedegêres hant. 1696 Dô gap er Gêrnôte ein wâfen guot genuoc, daz er sît in stürmen vil hêrlîchen truoc. der gâbe im vil wol gonde des maregrâven wîp: dâ von der guote Rüedigêr sît muose vliesen den lîp. 1697 Gotelint bôt Hagenen, als ir wol gezam, ir minneclîche gâbe, sît sie der künic nam, daz er âne ir stiure zuo der hôhgezît von ir varn niht solde: doh widerredte er ez sît 1698 «Alles des ich ie gesach», sprach dô Hagene, «sonê gerte ich niht mêre hin ze tragene niwan jenes schildes dort an jener want: den wolde ich gerne füeren in daz Etzelen lant.» 1699 Dô diu maregrâvinne Hagenen rede vernam, ez mande sie ir leide: weinen sie gezam. dô gedâhte siu vil tiure an Nuodunges tôt. den het erslagen Witege: dâ von sô het siu jamers nôt. 1700 Siu sprâch zuo dem degene: «den schilt wil ich in geben. daz wolde got von himele, daz er noh solde leben, der in dâ truoc enhende! der lag in sturme tôt. den muoz ich immer weinen: des gât mir armem wîbe nôt.»

1701 Diu edele marcgrâvinne von dem sedele gie, mit ir vil wîzen handen sin den schilt gevie: diu vrouwe truog in Hagenen, er nam in an die hant. diu gâbe was mit êren an den réckén gewant. 1702 Ein hulft von lîchtem pfelle ob sîner varwe lac, bezzern scilt deheinen belûhte nie der tac, von edelem gesteine; swer sîn hete gegert ze koufen, an der koste was er wol tûsent marke wért. 1703 Den schilt hiez dô Hagene von im tragen dan. dô begonde Dancwart hin ze hove gân. dem gap vil rîchiu kleider des marcgrâven kint. diu truoc er dâ zen Hiunen vil harte hêrlîche sint. 1704 Allez daz der gâbe von in wart genomen. in ir deheines hende wær’ ir niht bekomen, wan durch des wirtes liebe. der’z in sô schône bôt. sît wurden s’ im sô vient daz sie in muosen slahen tôt. 1705 Vólkêr der snelle mit sîner videlen dan gie gezogenlîche für Gotelinde stân. er videlte süeze dœne und sanc ir siniu liet: dâ mite nam er urloup, do er von Bechelâren sciet. 1706 Ir hiez diu marcgrâvinne eine lade tragen. von friuntlicher gâbe müget ir nu hœren sagen. dar ûz nam siu zwelf pouge und spien s’ im an die hant. «die sult ir hinnen füeren in daz Etzelen lant, 1707 Und sult durh mînen willen sie ze hove tragen, swenne ir wider wendet, daz man mir müge sagen,

wie ir mir habet gedienet dâ zer hôhgezît. des diu vrouwe gerte, vil wol léiste'r daz sît. 1708 Dô sprach der wirt zen gesten: «ir sult dest sanfter varn. ich wil iuch selbe leiten und heizen wol bewarn daz iu ûf der strâze niemen müge geschaden» dô wurden sîne soume harte schiere geladen. 1709 Der wirt wart wol bereitet mit fünf hundert man mit rossen und mit kleidern. die fuort' er mit im dan vil harte frœlîchen zuo der hôhgezît: der einer mit dem lebene kom nie ze Bechelâren sît. 1710 Mit kusse minneclîche der wirt dô dannen schiet: alsô tet ouch Gîselher als im sîn tugent riet. mit unbeslozzen armen sie trûten schoeniu wîp. daz muose sît beweinen vil maniger juncvrouwen lîp. 1711 Dô wurden allenthalben diu venster ûf getân. der wirt mit sînen mannen zen rossen wolde gân. ich wæn' ir herze in sagete diu krefteclîchen leit: dâ weinde manic vrouwe und manic wætlichiu meit. 1712 Nâch ir lieben friunden genuoge heten sêr, die sie ze Bechelâren gesâhen nimmer mêr. doch riten sie mit vreuden nider über sant zetal bî Tuonouwe unz in daz hiunische lant. 1713 Dô sprach zen Burgonden der ritter vil gemeit, Rüedegêr der edele: «jâ sulen niht verdeit wesen unser mære, daz wir zen Hiunen komen. im hât der künic Etzel nie sô liebes niht vernomen.»

1714 Zetal durch Ôsterrîche der bote balde reit: den liuten allenthalben wart daz wol geseit, daz die helde kœmen von Wormez über Rîn. des kûneges ingesinde kond' éz niht líebér gesîn. 1715 Die boten fûr strîchen mit den mæren daz die Nibelunge zen Hiunen wæren. «du solt sie wol enpfâhen, Kriemhilt, vrouwe mîn: dir koment nâch grôzen êren die lieben brúodére dîn.» 1716 Kríemhílt die vrouwe in ein venster stuont: siu warte nâch den mâgen, sô friunt nâch friun- den tuont. von ir vater lande sach siu manigen man; der kûnic vriesc oúch diu mære: vor liebe er láchén began. 1717 «Nu wol mich mîner vrenden», sprâch Kríemhílt. «hie bringent mîne mâge vil manigen niuwen schilt und halsperge wîze: swer nemen welle golt, der gedénke mîner leide, und wil im immer wesen holt.»

1718 Dô die Burgonden kômen in daz lant, do gevriesc êz von Berne der alte Hildebrant. er sagte'z sime herren. ez was im harte leit: er bat in wol enpfâhen die ritter küene und gemeit. 1719 Wölfhârt der snelle hiez bringén diu marc. dô reit mit Dietriche vil manic degen starc, da er sie enpfâhen wolde, zuo z'in an daz velt. dâ heten s' ûf gebunden vil manic hêrlich gezelt. 1720 Dô sie von Tronege Hagene verriste sach, zuo den sinen herren gezogenlich er sprach: «nu sult ir snellen recken von dem satele stân, und gêt in hin engegene. die iuch hie wellent enpfân.

1721 Dort kûmet her éin gesinde, daz ist mir wol bekant. ez sint vil snelle degene von Amelunge lant. die füeret der von Berne: sie sint vil hôhgemuot. ir sult iz niht versmâhen swaz man iu diênéste tuot.» 1722 Dô stuonden von den rossen (daz was michel reht) neben Dietriche manic ritter unde kneht. sie giengen zuo den gesten dâ man die helede vant: sie gruozten minneclîche die von Burgonden lant. 1723 Dô sie der herre Dietrich gegen im komen sach, hie müget ir hœren gerne, waz der degen sprach zuo den Uoten kinden. ir reise was im leit: er wânde ez weste Rüedegêr, daz er'z in hêtê geseit. 1724 «Sît willekomen, ir herren, Gunthêr und Gîselhêr, Gêrnôt unde Hagene: sam sî Volkêr unt Dancwart der snelle. ist iu daz niht bekant? Kriemhilt noh sêre weinet den helt von Nibelunge lant.» 1725 «Siu mac vil lange weinen», sprach dô Hagene: «er lît vor manigem jâre ze tôde erslagene. den künec von den Hiunen sol siu holden haben: Sîfrit kumet niht widere, er ist nu lánge begraben.» 1726 «Die Sîfrides wunden lâzen wir nu stên: sol leben diu vrouwe Kriemhilt, noch mac schade ergên.» sô redete von Berne der herre Dietrich. «trôst der Nibelunge, dâ vor behüeté du dich.»

1727 Wie sol ich mich behüeten? sprach der künic hêr. Etzel uns boten sande (wes sol ich vrâgen mêr?), daz wir züo z’im solden rîten her in daz lant: ouch hat uns manigiu mære mîn swester Kriemhilt gesant. 1728 Ich kan iu wol gerâten», sprach aber Hagene, «nu bittet iu diu mære baz ze sagene den herren Dietrichen unt sîne helde guot, daz sie iuch lâzen wizzen der vrouwen Kriemhilde muot.» 1729 Dô giengen sundersprâchen die drî künige rîch, Gunther und Gêrnôt und ouch her Dietrich. «nu sage uns, von Berne vil edel ritter guot, wie dir sî gewizzen umb’ der küneginne muot.» 1730 Dô sprach der voget von Berne: «waz sol i’u mêre sagen? ich hœre alle morgen weinen unde klagen mit jâmerlîchen sinnen daz Etzelen wîp dem rîchen gote von himele des starken Sîfrides lîp.» 1731 «Ez ist et unerwendet», sprach der küene man, Volkêr der videlære, «daz wir vernomen hân. wir suln ze hove rîten und suln lâzen sehen waz uns snellen degenen müge zen Hiunen geschehen.» 1732 Die küenen Burgonden hin ze hove riten: sie kômen hêrlîche nâch ir landes siten. dô wundert’ dâ zen Hiunen vil manegen küenen man umb’ Hagenen von Tronege, wie der wære getân.

1733 Durch daz man sagete mære (des was im genuoc) daz er von Niderlanden Sîfrîden sluoc. sterkest aller recken, den Kriemhilde man, des wart michel vrâgen ze hove nâh Hagenen getân. 1734 Der helt was wol gewahsen, dâz ist âlwâr: grôz was er zen brusten, gemischet was sîn hâr mit einer grîsen varwe. diu bein im wâren lanc, und eislich sîn gesihene. er hete hêrlîchen ganc. 1735 Dô hiez man herbergen die Burgonden man. Gûnthêrs gesinde wart gesundert, dan. daz riet diu küniginne diu im vil hazzes truoc. dâ von man sît die knechte an der herberge sluoc. 1736 Danewart Hagenen bruoder der was marschalc. der künic im sîn gesinde vlîzeclîch bevalch, daz er ir wol pflæge und in gâbe genuoc. der helt von Burgonden in allen guoten willen truoc. 1737 Kriemhilt diu schœne mit ir gesinde gie dâ siu die Nibelunge mit valschem muote enpfie. siu kuste Gîselhêren und nam in bî der hant. daz sah von Tronege Hagene: den helm er vaster gebant. 1738 «Nâh sus getânem gruoze», sprâch Hâgene, «mügen sich verdenken snelle degene: man grüezet sunderlingen die künge und ir man. wir haben niht guoter reise zuo dirre hôhgezît getân.»

1739 Siu sprach: „nu sit willekomen! swer iuch gerne siht. durch iuwer selbes friuntschaft grüeze ich iuch niht. saget waz ir mir bringet von Wormez über Rîn, dar umbe ir mir sô grôze soldet willekomen sîn.“ 1740 „Het ich gewest diu mære“, sprach dô Hagene, „daz iu gâbe solden bringen degene, ich wære wol sô rîche, het ich mich baz verdâht, daz ich iu mîne gâbe her ze lande hete brâht.“ 1741 „Nu sult ir mich der mære mêre wizzen lân. hort der Nibelunge, war habet ir den getân? der was doch mîn eigen, daz ist iu wol bekant: den solt ir mir gefüeret hân in Etzelen lant.“ 1742 „Entriuwen, mîn vrou Kriemhilt, des ist vil manec tac deich hort der Nibelunge niene gepflac. den hiezen mîne herren senken in den Rîn: dâ muoz er wærlîche unz an daz jungeste sîn.“ 1743 Dô sprach diu küneginne: „ich hân’s ouch gedaht. ir habet mir’s noch vil wênic her ze lande brâht, swie’r mîn eigen wære und ich sîn wîlen pflac. des hân ich alle zîte vil manigen trûrigen tac.“ 1744 „Ich bringe iu den tiuvel“, sprach aber Hagene. „ich hân an mînem schilde sô vil ze tragene und an mîner brünne: mîn helm der ist lieht, daz swert an mîner hende, des enbringe ich iu nieht.“

1745 Dô sprach diu küneginne zen recken über al: «man sol deheiniu wâfen tragen in den sal. ir helde, ir sult mir s' ûf gében: ich wil s' be- halten lân.» «entriuwen», sprach dô Hagene, «daz wirdet nímmér getân. 1746 Janę ger ich niht der êren, fürsten wine milt, daz ir zen herbergen trüeget mînen schilt und ander mîn gewaefen: ir sît ein künegîn. daz enlêrte mich mîn vater niht: ich wil sélbe kamerære sîn.» 1747 «Owê miner leide», sprach dô Kriemhilt. «war umbe wil mîn bruoder und Hagene sînen schilt niht lâzén behalten? sie sint gewarnôt. und wesse ich wer iz tæte, ich riete im immer sînen tôt.» 1748 Des ántwurtè mit zorne der herre Dietrich: «ich pin'z der hât gewarnet die edelen fürsten rîch, und Hagenen den küenen, den Burgonden man. nu zuo, vâlandinne, du solt mih's niht ge- niezen lân.» 1749 Des schamte sich vil sêre daz Étzélen wîp: siu vorhte bitterlîchen den Dietriches lîp. dô gie siu von in balde, daz siu niht ensprach, wan daz siu swinde blicke an ir viânde sach. 1750 Behenden sich dô viengen zwêne dēgene: daz eine was her Dietrich, daz ander Hagene.

dô sprach gezogenlichen der recke vil gemeit. «daz iuwer komen zen Hiunen daz ist mir wær- lîche leit 1751 Durch daz diu küneginne alsô gesprochen hât.» dô sprach von Tronege Hagene: «des wirt wol alles rât.» sus redeten mit ein ander die zwêne küene man. daz sach der künec Etzel: dar umbe er vrâgen began. 1752 «Diu mære ich weste gerne», sprach der künec rîch, «wer jener recke wære, den dort her Dietrich sô friuntlîch enpfâhet. er treit vil hôhen muot: swer sîn vater wære, er mac wol sîn ein helet guot.» 1753 Des antwurte'm künege ein Kriemhilde man: «er ist geborn von Tronege, sîn vater hiez Aldriân. swie blîd' er hie gebâre, er ist ein grimme man. ich lâze iuch daz schouwen, daz ich gelogen niene hân. 1754 «Wie sol ich daz erkennen daz er sô grimmec ist?» dannoch er niht enwiste vil manigen argen list, den sît diu küneginne an ir mâgen begie, daz siu ir mit dem lebene deheinen von den Hiunen lie. 1755 «Wol erkande ich Aldriânen: dér wás mîn man. lop und michel êre er hie bî mir gewan. ich machet' in ze ritter und gap im mîn golt. Helche, diu getriuwe, was im inneclîchen holt. 1756 Dâ von ich wol erkenne allez Hagenen sint. ez wurden mîne gîsel zwei wætlîchiu kint,

er und von Spâne Walther: die wuohsen hie ze man. Hagenen sande ich widere: Walthér mit Ilite- gunde entran.» 1757 Er gedâhte langer mære, diu wâren ê geschehen. sînen friunt von Tronege den het er reht' ersehen, der im in siner jugende vil starken dienest bôt. sit frumt' er im in alter vil manigen lieben vriwent tôt.

1758 Dô schieden sich die zwêne recken lobelich, Hagene von Tronege, unt ouch her Dietrich. dô blihte über ahsel der Guntheres man nâch einem hergesellen, den er vil schieré gewan. 1759 Dô sah er Volkêren bi Gîselhere stên: den spæhen videlære den bat er mit im gên, wand' er vil wol erkande sînen grimmen muot. er was an allen dingen ein ritter kuene unde guot. 1760 Noch liezen sie die herren ûf dem hove stên. niwan sie zwêne aleine sach man dannen gên über den hof vil verre für einen palas wît. die ûz erwelten degene vorhten niemânnes nît.

1761 Si gesâzen vor dem hûse gegen eime sal, der was Kriembilde, ûf eine banc zetal. dô lûhte in vor ir libe ir hêrlich gewant. genuoge die sie sâhen sie heten gêrné bekant. 1762 Alsam tier diu wilden wurdèn gekapfet an die übermüeten helde von den Hiunen man. do ersâh sie durch ein venster daz Etzelen wîp: des wart aber betrüebet der schœnen Kriembilde lîp. 1763 Ez mande sie ir leide: weinen siu began. des hete michel wunder die Etzelen man, waz ir sô schiere ertrüebet hêté den muot. siu sprach: «daz hât Hagene, ir helde küene unde guot.» 1764 Sie sprâchen zuo der vrouwen: «wie ist daz geschehen? wand' wir iuch niuwelîche haben vrô gesehen. nie niemen wart sô küene, der'z iu hât getân, heizet ir'z uns rechen, ez sol im an sîn leben gân.» 1765 «Daz wolde ich immer dienen, swer ræche mîniu leit: alles des er gerte, des wær' ich im bereit. ich bint' mich iu ze füezen», sprach des künges wîp: «rechet mich an Hagenen, daz er vlîesé den lîp.» 1766 Dô garten sich vil balde sehzec küener man: durch Kriembilde willen sie wolden hine gân und wolden slahen Hagenen, den vil küenen man, und ouch den videlære. daz wart mit râté getân.

1767 Dô diu kûneginne ir scar sô kleine sach, in eime grimmem muote siu zuo den helden sprach: «des ir dâ habet gedingen, des sult ir abe gân. jane durfet ir sô ringe nimmer Hagenen bestân. 1768 Swie starc unt swie küene von Tronege Hagene sî, noch ist verre sterker, der im dâ sitzet bî, Volkêr der videlære: der ist ein übel man. jane sult ir die helde niht sô lîhtê bestân.» 1769 Dô sie daz gehôrten, dô garte sich ir mêr, vier hundert sneller recken. diu küneginne hêr was des vil genæte daz siu in tæte leit. dâ von wart sît den degenen vil michel sórgê bereit. 1770 Dô siu vil wol gewâfent ir gesinde sach, zuo den snellen recken diu küneginne sprach: «nu bîtet eine wîle: jâ sult ir stille stân. ich wil under krône zuo mînen vîänden gân. 1771 Und hæret itewîze, waz mir hât getân Hagene von Tronege, der Guntheres man. ich weiz in sô übermüeten daz er mir lougent niht. sô ist ouch mir unmære swaz im dar umbê geschiht.» 1772 Dô sach der videlære, ein küene spileman, die edelen küneginne ab einer stiegen gân nider abeme hûse. als er daz gesach, Volkêr der vil küene zuo sime hergesellen sprach: 1773 «Nu schouwet, vriunt Hagene, wâ siu dort here gât diu uns âne triuwe in'z lant geladet hât.

in' gesách mit künges wîbe nie sô manegen man, die swert enhende trüegen, alsô strîtlichen gân. 1774 Wizzet ir, friunt Hagene, ob sie iu sîn gehaz? sô wil ich iu daz râten, ir hüetet deste baz des lîbes unt der êren. jâ dunket ez mich guot. als ich mich versinne, sie sint vil zôrnêc gemuot. 1775 Und sint ouch sümelîche zen brusten alsô wît, swer sîn selbes hüete, der tuo daz enzît. ich wæne sie die lichten brünne drunder tragen: wen sie dâ mite meinen, daz kan ich niemén gesagen.» 1776 Dô sprach in zornes muote Hagène der küene man: «ich weiz wol daz iz allez ist ûf mich getân. daz sie diu lichten wâfen tragent an der hant. vor den möht' ich gerîten noh in der Búrgónden lant. 1777 Nu saget mir, vriunt Volkêr, ob ir mir welt gestân. ob mit mir wellent strîten die Kriemhilde man? daz lâzet ir mich hœren, als lieb als ich iu sî. ich won iu immer mêre mit triuwen dienstlîchen bî.» 1778 «Ich hilfe iu sicherlîchen», sprach der spileman. «ob ich uns hie engegne sæhe en künec gân mit allen sînen recken, die wîle ich leben muoz, so entwîche ich iu durh vorhte ûz helfe nimmer einen fuoz.» 1779 «Nu lône iu got von himele, vil edel Volkêr. ob sie mit mir strîten, wes bedárf ich danne mêr?

sît ir mir helfen wellet, als ich hân vernomen, sô sulen dise recken vil gewarlîchen komen. 1780 Nu stê wir von dem sedele», sprach der spileman. «siu ist ein küneginne: und lât sie für gân. bieten ir die êre: siu ist ein edel wîp. dâ mite ist ouch getiuret unser iêwêders lîp.» 1781 «Nein durch mîne liebe», sprâch Hâgene. «sô wolden sich versinnen dise degene daz ih'z durch vorhte tæte, und solde ich hine gên. ich enwil durch ir deheinen nimmer von dem sedele stên. 1782 Jâ zimet ez uns beiden zewâre lâzen baz. zwiu solde ich dên êren, der mir ist gehaz? daz engetuon ich nimmer, die wîle ich hân den lîp. ouch enruoche ich waz mich nîdet des künec Etzelen wîp.» 1783 Der übermüete Hâgene leit' über siniu bein ein vil liehtez wâfen, ûz des knopfe scein ein vil liehter jaspes grüener danne ein gras. wol erkande'z Kriemhilt, daz ez Sîfrides was. 1784 Dô siu daz swert erkande, dô gie ir trûrens nôt. sîn gehilze daz was guldin, diu scheide ein porte rôt. ez mande sie ir leide: weinen siu began. ich wæne ez hete dar umbe der küene Hâgene getân. 1785 Volkêr der küene zôh nâher ûf der banc einen videlbogen starken, michel unde lanc.

gelîch eime swerte, vil scarpf unde breit. dô sâzen unervorhten die zwêne degene gemeit. 1786 Nu dûhten sich sô hêre die zwêne küene man daz sie niht enwolden von dem sedele stân durch níemánnes vorhte. des gie in an den fuoz diu edele küneginne und bôt in vîntlichen gruoz. 1787 Siu sprach: «nu saget mir, Hagene, wer hât nâh iu gesant, daz ir getorstet rîten her in ditze lant, und ir daz wol erkandet waz ir mir habet getân? hetet ir guote sinne, ir solt ez pillîche lân.» 1788 «Nâch mir ensande niemen», sprach dô Hagene. «man ladete her ze lande drie degene: die heizent mîne herren, sô bin ich ir man. deheiner hovereise bin ich sêlden hinder in bestân.» 1789 Siu sprach: «nu saget mir mêre, zwiu tâtêt ir daz, daz ir daz habet verdienet, daz ich iu bin gehaz? ir sluoget Sîfrîden, den mînen lieben man: des ich unz an mîn ende immer gnuoc ze weinen hân.» 1790 Er sprach: «waz sol des mêre? der rede ist nu genuoc. ich pin'z et aber Hagene, der Sîfrîden sluoc, den helt ze sînen handen. wie sêre er des engalt daz diu vrouwe Kriemhilt die schoenen Prünhilde scalt! 1791 Ez ist et âne lougen, küneginne rîch, ich hân es alles sculde, des schaden scedelîch.

nu reche'z swer der welle, ez si wip oder man. ih'n wolde in danne liegen, ich hân in leides vil getân. 1792 Siu sprach: «nu hœrt, ir recken, wa er mir lougent niht aller miner leide. swaz im dâ von geschiht, daz ist mir vil unmære, ir Etzelen man. die übermüeten degene ein ander sâhen sie an. 1793 Swer den strit dâ hüebe, sô wære dâ geschehen daz man den zwein gesellen der êren müese jehen, wan si'z in stürmen hêten vil dicke wol getân. des sich jene vermâzen, durch vorhte muosen sie daz lân. 1794 Dô sprach ein der recken: «wes sehet ir mich an? daz ich ê dâ lobete, des wil ich abe gân, durch niemannes gâbe verliesen minen lip. jâ wil uns verleiten des künic Etzelen wip.» 1795 Dô sprach dâ bi ein ander: «des selben hân ich muot. der mir gæbe türne von rôtem golde guot, disen videlære wolde ich niht bestân, durh sine swinde blicke, die ich an im gesehen hân. 1796 Ouch erkenne ich Hagenen von sinen jungen tagen: des mac man von dem recken lihte mir gesagen. in zwein und zweinzec stürmen hân ich in gesehen, dâ vil maniger vrouwen ist herzenleide geschehen. 1797 Er unt der von Spâne trâten manigen stic, dô sie hie bî Etzeln vâhten manigen wîc.

ze êrên dem künege: des ist vil geschehen. dar umbe muoz man Hagenen der êren pilliche jehen. 1798 Dannoch was der recke sîner jâre ein kint. daz dô die tumben wâren, wie grise die nu sint! nu ist er komen ze witzen und ist ein grimmec man. ouch treit er Balmungen, daz er vil übele gewan.» 1799 Dâ mite was gescheiden daz dâ niemen streit. dô wart der küneginne vil herzenlichen leit. die helde kêrten dannen: jâ vorhten sie den tôt von dem videlære: des gie in sicherlichen nôt. 1800 Dô sprach der videlære: «wir haben daz wol ersehen daz wir hie vînde finden, als wir ê hôrten jehen. wir suln zuo den künegen hin ze hove gân: sone tar unser herren mit strîte niemén bestân.» 1801 Wie dicke ein man durch vorhte manigiu dinc verlât, swâ sô friunt bî friunde friúntlîchen stât, und hât er guote sinne, daz er's niht entuot. schade vil maniges mannes wirt von sinnen wol behuot. 1802 «Nu wil ich in volgen», sprach dô Hagene. sie giengen dâ sie funden die zieren degene in grôzem ántpfânge an dem hove stân. Volkêr der vil küene lûte sprêchen began 1803 Zuo den sinen herren: «wie lange welt ir stên, daz ir iuh lâzet dringen? ir sult ze hove gên

und hœret an dem küncge, wie der si gemuot. dô sach man sich gesellen die helde kuene unde guot. 1804 Der fürstê von Berne der nam an die hant Gunthern den rîchen von Burgonden lant. Irnfrit nam Gêrnôten, den vil küenen man: dô sah man Rüedegêren ze hove mit Gîselhere gân. 1805 Swie iemen sich gesellet’ und ouch ze hove gie, Vôlkêr und Hagene geschiedên sich nie, niwan in eime sturme, an ir endes zît. daz muosen edele vrouwen beweinen grœzlichen sît. 1806 Dô sach man mit den künegen hin ze hove gân ir edelen ingesindes tûsent küener man, dar über sehzec recken, die wâren mit in komen: die hete in sime lande der küene Hagene genomen. 1807 Hâwart und ouch Irinc, zwên’ ûz erwelte man, die sah man geselleclichen bi den künegen gân. Dancwart und Wolfhart, ein tiwerlicher degen, die sach man wol ir tugende vor den ândéren pflegen. 1808 Dô der voget von Rine in den palas gie, Étzél der rîche daz langer niht enlie, er spranc von sime sedele, als er in komen sach. ein gruoz sô rehte schœne von künege nie mêr geschach. 1809 «Sit willekomen, her Gunthêr, und ouch her Gêrnôt. und iuwer bruoder Gîselher. mîn dienst ich iu enbôt mit triuwen vlîzeclîchen ze Wormez über Rîn. und allez daz gesinde sol mir willekomen sîn.

1810 Nu sît uns grôze willekomen. ir zwêne degene, Volkêr der küene und ouch her Hagene. mir und mîner vrouwen her in ditze lant. siu hât iu boten manigen hin ze Rîné gesant.» 1811 Dô sprach von Tronege Hagene: «des hân ich vil vernomen. wær' ich durch mîne herren zen Hîunên niht komen, sô wære ich iu zen êren geriten in daz lant.» dô nam der wirt vil edele die lieben geste bî der hant. 1812 Er brâhte sie zem sedele dâ er selbe saz. dô schancte man den gesten (mit vlize tet man daz) in witen goldes schalen mete, môrâz unde wîn, und bat die ellenden grôze willekomen sîn. 1813 Dô sprach der künec Etzel: «des wil ich iu verjehen, mir ẹnkunde in dirre werlde lieber niht geschehen denne ouch an iu helden, daz ir mir sît bekomen. des ist der küneginne michel trûrên benomen. — 1814 Mich nimet des michel wunder, waz ich iu habe getân, sô manigen gast vil edelen den ich gewonnen hân, daz ir nie geruochet komen in mîniu lant. daz ich iuh nu gesehen hân, daz ist zen vreuden mir gewant.» 1815 Des antwurte Rüedegêr, ein ritter hôhgemuot: «ir muget sie sehen gerne: ir triuwe diu ist guot, der mîner vrouwen mâge sô schône kunnen pflegen. sie bringent iu ze hûse vil manigen wætlichen degen.»

1816 An sunewenden âbent die herren wâren komen in Etzeln hof des rîchen. vil selten ist vernomen von alsô hôhem gruoze als er die helde empfie. nu was ouch ezzens zîte: der künic mit in ze tische gie. 1817 Ein wirt bî sînen gesten schœner nie gesaz. man gab in volleclîchen trinken unde maz: alles des sie gerten. des was man in bereit. man hete von den helden vil michel wunders geseit.

1818 Der tac der hete nu ende und nâhet' in diu naht, die wegemüeden recken ir sorge si ane vaht, wann' sie solden ruowen und an ir bette gân. daz beredete Hagene: ez wart in sciere kunt getân. 1819 Gunther sprach zem wirte: «got lâze iuch wol geleben. wir wellen varen slâfen: ir sult uns urloup geben. swenne ir daz gebietet, sô kome wir morgen fruo.» er sciet von sînen gesten vil harte vrœlichen duo. 1820 Dringen allenthalben die geste man dô sach. Volkêr der küene zuo den Hiunen sprach: «wie getûrret ir den recken für die füeze gân? und welt ir's iuch niht mîden, sô wirt iu leidê getân.

1821 Sô slah' ich etelîchem sô swæren gîgen slac, hât er getriuwen iemen, daz er'z beweinen mac. wan wîchet ir uns recken? jâ dunket ez mich guot. ez heizent allez degene und sint gelîche niht gemuot. 1822 Dô der videlære sô zornclîchen sprach, Hagene der küene hinder sich dô sach. er sprach: «iu rætet rehte der küene spileman. ir Kriemhilde helde, ir sult zen hérbergen gân. 1823 Des ir dâ habet willen, ich wæn' iz iemen tuo. welt ir ihtes beginnen, sô komet uns morgen fruo und lât uns ellenden hinte haben gemach: jâ wæne ez von heleden mit solhem willen ie geschach.» 1824 Dô brâhte man die geste in einen wîten sal: den funden sie berihtet den recken über al mit vil rîchen betten, lânc ünde breit. in riet diu vrouwe Kriemhilt diu aller grœzesten leit. 1825 Vil manigen kolter spæhe von Arraz man dâ sach der vil liehten pfellel und manic pettedach von ârâbîschen sîden, die beste mohten sîn. dar ûffe lâgen listen: die gâben hêrlîchen schîn. 1826 Diu declachen härmîn vil manegiu man dâ sach, und von swarzem zobele, dar under si ir gemach des nahtes scaffen solden unz an den liehten tac. ein künec mit sîm' gesinde nie sô hêrlîch gelac. 1827 «Owê der nahtselde», sprach Gîselher daz kint. «und owê mîner friunde die mit uns komen sint.

swie et ez uns mîn swester sô güetlîche erbôt, ich fürhte daz wir müezen von ir schulden ligen tôt.» 1828 «Nu lâzet iuwer sorgen», sprach Hagene der degen. «ich wil noch hînte selbe der sciltwache pflegen. ich trouwe iuch wol behüeten unz uns kumet der tac. des sît gar ân' angest: so genése denne swer der mac.» 1829 Dô nigen sie im alle und sagten im des danc. sie giengen zuo den betten. diu wile was niht lanc daz sich geleget hêten die wætlichen man. Hagene der küene der helt sich wâfén began. 1830 Dô sprach der videlære, Vôlkêr der degen: «versmâht' ez iu niht Hagene, sô wolde ich mit iu pflegen der sciltwache hînte unze morgen fruo.» der helt vil minnecliche dancte Volkêre duo. 1831 «Nu lône iu got von himele, vil lieber Volkêr. z'allen mînen sorgen son' gerte ich niemen mêr, niwan iuch aleine, swâ ich hete nôt. ich sol ez wol verdienen, mich enwende's der tôt.» 1832 Dô garten sie sich beide in lichtez ir gewant. dô nam ir ietwedere den schilt an sîne hant, und giengen ûz dem hûse für die tür stân. dô pflâgen sie der geste: daz was mit triuwén getân. 1833 Volkêr der snelle, zuo des sales want sînen scilt den guoten leint' er von der hant. dô gie er hin widere, die videlen er genam: dô diend' er sînen friunden als ez dem héldé gezam.

1834 Undêr die tür des hûses saz er ûf den stein, küener videlære wart nie dehein. dô im der seiten dœnen sô suezech erklanc, die stolzen ellenden sagten's Volkêre danc. 1835 Dô klungen sîne seiten daz al daz hûs erdôz. sîn ellen zuo der fuoge diu beidiu wâren grôz. süezer unde senfter videlen er began: dô entswebet' er an den betten vil manegen sorgenden man. 1836 Dô sie entslâfen wâren und er daz ervant, dô nam der degen widere den schilt an die hant, und gie ûz dem gademe für den turn stân, und huote dër ellenden vor den Kriemhilde man. 1837 Des nahtes wol enmitten, i'ne weiz iz ê geschach, daz Volkêr der küene einen helm schînen sach verre ûz einer vinster, die Kriemhilde man wolden an den gesten scaden gerne hân getân. 1838 Dô sprach der videlære: «friunt her Hagene, uns zimet disiu sorge ensamt ze tragene. ich sihe gewâfent liute vor dem hûse stên: als ich mich versinne, ich wæn' sie wellent uns bestên.» 1839 «Sô swîget», sprach dô Hagene, «lât se uns her nâher baz. ê si unser werden innen, sô wirt hie helmevaz verrückt mit den swerten von unser zweier hant, sie werdent Kriemhilde hin wider übele gesant.»

1840 Ein der Hiunen recken vil schiere daz gesach daz diu tür wás behüetet: wie balde er dô sprach! «des wir dâ heten willen, jan’ mag es niht ergân. ich sihe den videlære an der schiltwache stân. 1841 Der treit ûf sîme houbte einen helm glanz, lûter unde herte, stârc únde ganz. ouch lohent im die ringe sam daz fiwer tuot. bî im stêt ouch Hagene: des sint die geste wol behuot.» 1842 Zehant sie kêrten widere. dô Volkêr daz ersach, wider sînen gesellen er zorneclîchen sprach: «nu lât mich zuo den recken von dem hûse gân: ich wil vrâgen mære der vrouwen Kriemhilde man.» 1843 «Nein durh mîne liebe», sprach dô Hagene. «komet ir von dem hûse, die snellen degene bringent iuch mit swerten lihte in sölhe nôt, daz ich iu müese helfen, wær’z aller mîner mâge tôt. 1844 Sô wir danne beide koemen in den strît, ir zwêne oder viere in einer kurzen zît sprungen zuo dem hûse und tæten uns diu leit an den slâfenden, diu nimmer würdén verkleit.» 1845 Dô sprach aber Volkêr: «sô lât doch daz geschehen, daz wir sie bringen innen daz ich sie habe gesehen, daz des iht haben lougen die Kriemhilde man, daz si ungetriuwelîche vil gerne hêtén getân.» 1846 Zehant dô rief in Volkêr hin engegene: «wie gêt ir sus gewâfent, ir snellen degene? welt ir scâchen rîten, ir Kriemhilde man? dar sult ir mich ze helfe und mînen hergesellen hân.»

1847 Des antwurte im niemen. zornic was sin muot: «pfî, ir zagen bæse», sprach der helt guot, «wolt ir slâfende uns ermordert hân? daz ist sô guoten helden noch vil selten her getân.» 1848 Dô wart der küneginne rehte daz geseit daz ir bôten niht enwurben. von schulden was ir leit. dô füogte si'z anders: vil grimmec was ir muot. des muosen sît verderben helde küene unde guot.

1849 «Mir kuolent sô die ringe»: sô sprach Volkêr. «jâ wæn' diu naht uns welle nu niht wern mêr. ich kiuse'z von dem lufte ez ist vil schiere tac.» dô wahten sie der manigen, der noch slâfende lac. 1850 Do erschein der lichte morgen den gesten in den sal. Hagêne begónde wecken die recken über al, ob sie zuo dem münster zer messe wolden gân. nâch siten kristenlichen man vil liuten began. 1851 Die sungen ungelîche, daz dâ vil wól schéin, kristen unde heiden die wâren niht enein.

dô wolden zuo der kirchen die Guntheres man; sie wâren von den betten al gelîché gestân. 1852 Dô mahten sich die recken in alsô guot gewant, daz nie helde mêre in dehéines küncges lant ie bezzer kleider brâhten. daz was Hagenen leit. er sprach: »jâ sult ir helde hie tragen ânderiu kleit. 1853 Jâ sint iu doch genuogen diu mære wol bekant. nu traget für die rôsen diu wâfen an der hant, für scapel wol gesteinet die liehten helme guot: sît wir wol erkennen der argen Kriemhilde muot. 1854 Wir müezen hiute strîten, daz wil ich iu sagen. ir sult für sîden hemde die halsperge tragen, und für die vêhen mentel die guoten schilde wît, ob iemen mit iu zürne, daz ir vil werlîche sît. 1855 Mîne vil lieben herren, dar zuo mâge und man, ir sult vil willeclîchen zuo der kirchen gân, und klaget gote dem rîchen sorge und iuwer nôt, und wizzet sicherlîchen daz uns nâhêt der tôt. 1856 Ir'n sult ouch niht vergezzen, swaz ir habet getân, und sult vil vlîzeclîche dâ gein gote stân. des wil ich iuch warnen, récken vil hêr. ez enwelle got von himele, ir vernemet messe nimmer mêr. 1857 Sus giengen zuo dem münster die fürsten und ir man. ûf dem vrônen vrîthôve dâ hiez sie stille stân

Hagene der küene, daz sie sich schieden niht. er sprach: «jâ weiz noch niemen waz von den Hiunen uns geschiht. 1858 Leget, mîne friunde, die schilde für den fuoz, und geltet ob iu iemen biete swachen gruoz, mit tiefen verchwunden: daz ist Hagenen rât; daz ir sô werdet funden daz ez iu lobelîchen stât.» 1859 Volkêr unde Hagene, die zwêne giengen dan für daz wîte münster. daz wart durh daz getân, daz sie daz wolden wizzen daz des küneges wîp müese mit in dringen: jâ was vil grimmec ir lîp. 1860 Dô kom der wirt des landes und ouh sîn schœne wîp. mit rîchém gewande gezieret was ir lîp, der vil snellen recken, die man sach mit ir varn: dô kôs man hôhe stouben von den Kriemhilde scharn. 1861 Dô der künec rîche sus gewâfent sach die künege und ir gesinde, wie balde er dô sprach! «wie sihe ich friunde mîne under helmen gân? mir'st leit ûf mîne triuwe, und hât in iemen iht getân. 1862 Ich sol'z in gerne büezen swie sie dunket guot. hât iemen in beswæret daz herze und ouch den muot, des bringe ich sie wol innen daz ez mir ist vil leit. swaz sie mir gebietent, des pin ich alles in bereit.»

1863 Des antwurte Hagene: «uns hât niemen niht getân. ez ist site mîner herren, daz sie gewâfent gân z'allen hôhgezîten ze vollen drien tagen. swaz man uns hie getæte, wir solden'z Etzelen sagen. 1864 Vil wol hôrte Kriemhilt waz Hagene dô sprach. wie rehte fientlîche si im under d'ougen sach! sine wolde doch niht melden den site von ir lant, swie lange siu den hête zên Burgóndén bekant. 1865 Swie grimme und swie starke si in vient wære, het iemen gesaget Etzelen diu rehten mære, er hete wol understanden daz doch sît dâ geschach. durch ir vil starken übermuot ir deheiner im's verjach. 1866 Dô gie vil grôziu menege mit der küneginne dan: dône wolden dise zwêne idoch niht hôher stân zweier hande breite. daz was den Hiunen leit. jâ muose siu sich dringen mit den héldén gemeit. 1867 Etzeln kamerære dûhte daz niht guot: jâ heten sie den recken erzurnet dô den muot, wan daz sine torsten vor dem künege hêr. dâ was vil michel dringen unt doch niht ándéres mêr. 1868 Dô man dâ gote gediende unt daz sie wolden dan, vil balde kom zen rossen vil manec Hiunen man. dô was bî Kriemhilde vil manec schœniu meit: wol siben tûsent degene bi der küneginne reit. 1869 Kriemhilt mit ir vrouwen in diu vénstér gesaz zuo Étzéln dem rîchen: vil liep was im daz.

sie wolden schouwen rîten die helde vil gemeit. hei waz vremder recken vor in ûf dem hove reit! 1870 Dô was ouch der marschalch mit den knehten komen, Dancwart der vil küene: der het zuo z'im genomen sîns herren ingesinde von Burgonden lant. diu ros man wol gesatelet den küenen Nibelungen vant. 1871 Dô sie zen rossen kômen, die künege und ir man, Volkêr der starke râtén began, sie solden bûhurdieren nâh ir landes siten. des wart von den helden sît vil hêrlich geriten. 1872 Der helt het in gerâten des sie doh niht verdrôz. der bûhurt unt daz scallen diu wurden beidiu grôz. ûf den hof vil wîten kom vil manec man. Etzel unde Kriemhilt daz selbe schôuwén began. 1873 Ûf den bûhurt kômen sehs hundert degene der Dietriches recken, den gésten zegégene. sie wolden kurzewîle mit dên Burgónden hân. het er's in gegunnen, sie heten'z gérné getân. 1874 Hei waz guoter recken in dâ nâch reit! dem herren Dietriche dem wart daz geseit. mit Guntheres mannen daz spil er in verbôt. er vorhte sîner manne: des gie im sicherlîchen nôt. 1875 Dô dise vone Berne gescheiden wâren dan, dô kômen von Béchelâren die Rûedegéres man fünf hundert under schilde für den sal geriten: liep wær' dem marcgrâven daz si'z hétén vermiten.

1876 Dô reit er wîslichen zuo z'in durh die schar und sagete sînen degenen, sie wæren des gewar daz in unminnûote wæren die Guntheres man: ob sie den bûhurt liezen, daz wære im liebé getân. 1877 Dô sie von in geschieden, die helde vil gemeit, dô kômen die von Düringen, als uns daz ist geseit, unt der von Tenemarken wol tûsent küener man. von stichen sah man vliegen vil der trunzûne dan. 1878 Irnfrit unde Hâwart in den bûhurt riten. ir heten die von Rine vil stolzlich erbiten: sie buten manige tjoste den von Düringen lant. des wart von stichen dorkel vil manic hêrlicher rant. 1879 Dô kom der herre Blœdelin mit drin tûsent dar. Etzel unde Kriemhilt nâmen sin wol war, wande vor in beiden diu ritterschaft geschach. diu küneginne ez gerne durh leit der Bûrgônde sach. 1880 Scrûtân und Gibeke ûf den bûhurt riten, Râmunc und Hornboge nâch hiunischen siten. sie hielten gegen den heleden von Burgonden lant. die scefte dræten hôhe über des küneges sales want. 1881 Swes iemén dâ pflæge, sô was ez niwan schal. man hôrt' von schilde stœzen palas unde sal harte lût' erdiezen von Guntheres man. den lop daz sin gesinde mit grôzen êrén gewan. 1882 Dô was ir kurzewile sô michel und sô grôz, daz durh die kovertiure der blanke sweiz dô flôz

von den vil guoten rossen die die helde riten. si versûochten’z an die Hiunen mit vil hôhvérten siten. 1883 Dô sprach der videlære, Volkêr der spilman: «ich wæn’ uns dise recken türren niht bestân. ich hôrte ie sagen mære sie wæren uns gehaz. nunẹ kunde’z sich gefüegen zwâre niémêre baz.» 1884 «Zen herbergen füeren», sprach aber Volkêr, «sol man uns die mære, und rîten danne mêr gegen âbénde, sô des wirdet zît. waz op diu küneginne lôp den Búrgónden git?» 1885 Dô sâhen s’ einen rîten sô weigerlichen hie, daz ez al der Hiunen getet deheiner nie. jâ moht’ er in den zinnen wol haben herzen trût. er fuor sô wol gekleidet sam eines ríttéres prût. 1886 Dô sprach aber Volkêr: «wie möhte ich daz verlân? jener trût der vrouwen muoz ein gepiuze hân. ez kunde níemén gescheiden: ez gât im an den lîp. ja nẹ ruoche ich ob ez zürne des künec Etzelen wîp.» 1887 «Nein durch mîne liebe», sprach der künec sân.1824 «ez wîzent uns die liute, ob wir sie bestân. ir lât iz heben die Hiunen: daz füeget sich noh baz.» dannóch der künec Etzel bî der küneginne saz. 1888 «Ich wil den bûhurt mêren», sprach dô Hagene.1825 «lât die vrouwen schouwen und die degene,

wie wir kunnen riten: daz ist guot getân. man git doh lop deheinen des küncc Guntheres man. 1889 Volkêr der vil snelle den bühurt wider reit. daz wart sît maniger vrouwen grœzlichen leit. er stach dem rîchen Hünnen daz sper durch sînen lîp: daz sah man sît beweinen beide maget unde wîp. 1890 Vil harte hurteclîche Hâgene und sîne man, mit sehzec sîner degene rîten er began nâch dem videlære. dâ daz spil geschach. Etzel unde Kriemhilt ez bescheidenlîchen sach. 1891 Done wolden die künege ire spileman bî den vîenden niht âne huote lân. dâ wart von tûsent heleden vil kunstlîch geriten. sie tâten daz sie wolden in vil hôhverten siten. 1892 Dô der rîche Hünne ze tôde was erslagen, man hôrte sîne mâge wuofen unde klagen. dô vrâgte al daz gesinde: »wer hât ez getân?» »daz hât der videlære, Volkêr der küene spileman.» 1893 Nâch swerten und nâch schilden riefen dâ zehant des marcgrâven mâge von der Hünnen lant: sie wolden Volkêren ze tôde erslagen hân. der wirt ûz eime venster vil sêre gâhen began. 1894 Dô huop sich von den liuten allenthalben schal. die künege und ir gesinde erbeizten für den sal.

diu ros ze rucke stiezen die Burgonden man. dô kom der künec Etzel: der herre ez schéi- dén began. 1895 Ein des Hiunen mâge, den er bî im vant, ein vil starkez wâfen brach er im ûz der hant: dô sluoc er s’ alle widere: wand’ im was vil zorn. «wie het ich mînen dienest an disen heleden verlorn! 1896 Ob ir hie bî mir slüeget disen spileman», sprach der künec Etzel, «daz wære missetân. ich sah vil wol sîn rîten, do er den Hiunen stach. deiz âne sîne schulde von eime strûché gescach. 1897 Ir müezet mîne geste vride lâzen hân.» dô wart er ir geleite. diu ros diu zôh man dan zuo den herbergen: sie heten manigen kneht, die in ze díenêste mit vlize wârén gerecht. 1898 Der wirt mit sînen friunden in den palas gie. zorn er mêr deheinen dâ niht werden lie. dô rihte man die tische, daz wazzer man in truoc. dô heten die von Rîne starker vinde genuoc. 1899 Ê die hérren gesæzen, des was harte lanc. diu Kriemhilde sorge sie ze sére twanc. siu sprach: «fürsté von Berne, ich suoche’s dînen rât, helfe und genâde: mîn dinc mir angestlîchen stât.» 1900 Des antwurte ir Hildebrant, ein recke lobelich: «swer sleht die Nibelunge, der tuot iz âne mich,

durh dehēines scatzes liebe. ez mac im werden leit: sie sint noh umbetwungen, die snellen rittér gemeit.» 1901 Dô sprach in sînen zühten dar zuo her Dietrich: «die bete lâ belîben, küneginne rîch. mir habent dîne mâge der leide niht getân, daz ich die degene küene mit strîte wèlle bestân. 1902 Diu bete dich lützel êret, vil edeles fürsten wîp. daz du dînen mâgen rætest an den lîp. sie kômen ûf genâde her in ditze lant. Sîfrît ist unerrochen von der Dietrîches hant.» 1903 Dô siu der ûntriuwe an dem Bêrner nine vant, dô lobete s' alsô balde in Blœdelînes hant eine wîte marke die Nuodunc ê besaz. sît dô sluoc in Dancwart, daz er der gâbe gar vergaz. 1904 Siu sprach: «du solt mir helfen, herre Blœdelîn. jâ sint in disem hûse die vîande mîn. die Sîfrîden sluogen, den mînen lieben man. swer mir daz hilfet rechen, dem bin ih immer undertân.» 1905 Des antwurte ir Blœdel: «vrouwè, nu wizzet daz, jan' getâr ich in vor Etzeln gerâten keinen haz, wande er dîne mâge vrôwe gerne siht. tæt' ich in iht ze leide, der künec vertrüege mir sîn niht.» 1906 «Neinâ, herre Blœdel, ich pin dir immer holt. jâ gib' ich dir ze miete silber unde golt,

und eine maget schœne, daz Nuodunges wîp: sô maht du gerne triuten den ir vil minneclîchen lîp. 1907 Daz lant zuo den bürgen wil ich dir allez geben: sô maht du, ritter edele, mit vreuden im- mer leben, gewinnestu die marke dâ Nuodunc inne saz. swaz ich dir gelobe hiute, mit triuwen léist' ích dir daz.» 1908 Dô der herre Blœdel die mieté vernam, unt daz im durch ir schœne diu vrouwe wol gezam, mit strîte wânde er dienen daz minneclîche wîp. dar umbe muost' der recke dô verlíesén den lîp. 1909 Er sprach zer küneginne: «gêt wider in den sal. ê is iemen werde inne, sô hebe ich einen schal. ez muoz erarnen Hagene swaz er iu hât getân: ich antwurt' iu gebunden des künec Guntheres man.» 1910 «Nu wâfent iuch», sprach Blœdel, «alle mîne man. wir suln den vîänden in die hérbérge gân. des wil mich niht erlâzen daz Etzelen wîp. dar umbe suln wir helde alle wâgén den lîp.» 1911 Dô diu küneginne Blœdelînen lie in des strîtes willen, ze tische siu dô gie mit Étzéln dem künege und ouch mit sînen man. siu hete swinde ræte an die gésté getân. 1912 Dô der strît niht anders kunde sin erhaben (Kriemhilde leit daz alte in ir hérzen was be- graben),

dô hiez siu tragen ze tische den Étzélen sun. wie kunde ein wîp durch râche immer vreis- lîcher tuon? 1913 Dar giengen an der stunde vier Étzélen man: sie truogen Ortlieben, den jungen künêc, dan zuo der fürsten tische, dâ ouch Hagene saz. des muosiz kint ersterben durch sînen mort- lîchen haz. 1914 Dô der künec rîche sînen sun ersach, zuo sînen konemâgen er güetlîche sprach: «nu seht ir, friunde mîne, diz ist mîn einec sun, und ouch iuwer swester: daz mac iu allen wesen frum. 1915 Gevæht er nâch dem künne, er wirt ein küene man, rîch und vil edele, starc und wol getân. leb' ich deheine wîle, ich gib' im zwelf lant: sô mag iu wol gedienen des jungen Ortliebes hant. 1916 Dar umbe bite ich gerne iuch, lieben friunde mîn, swenn' ir ze lande rîtet wider an den Rîn, sô sult ir mit iu vüeren iuwer swester sun, und sult ouch an dem kinde vil genædeclîchen tuon. 1917 Und ziehet in zen êren, unz er werde ze man. hât iu in den landen iemen iht getân, daz hilfet er iu rechen, gewahset im sîn lîp.» die rede hôrte ouch Kriemhilt, des künec Étzélen wîp. 1918 «Im solden wol getrouwen dise degene, gewüehse er z'einem manne», sô sprach Hagene: «doch ist der künec junge sô veiclîch getân. man sol mich sehen selten ze hôve nâh Ortliebe gân.»

1919 Der künec an Hagenen blihte: die rede was im leit. swie niht dar umbe redete der fürste vil gemeit, ez betrüobte im sîn herze und beswârte im den muot. dô was der Hagenen wille niht ze kurzewîle guot. 1920 Ez tet den fürsten allen mit dem künege wê daz Hagene von sîm' kinde hete gesprochen ê. daz si'z vertragen solden, daz was in ungemach. sin' wessen niht der mære waz von dem recken sît geschach.

1921 Blœdelînes recken die wâren alle gar: mit tûsent halspergen huoben sie sich dar dâ Dancwart mit den knehten ob den tischen saz. dâ huop sich under helden der aller grœzéste hâz. 1922 Alsô der herre Blœdel für die tische gie, Dáncwárt der marschalch in vlîzeclîche enpfie: «willekómen her ze hûse, mîn her Blœdelîn. jâ wundert mich der mære: waz sol disiu rede sîn?» 1923 «Jane darftu mich niht grüezen», sprach dô Blœdelîn. «wan ditze komen daz mîne daz muoz dîn ende sîn, durch Hagenen dînen bruoder, der Sîfriden sluoc. des engiltest du zen Hiunen und ander degene genuoc.»

1924 «Neinâ, herre Blœdel», sprâch nu Dáncwárt: «sô möhte uns balde riuwen disiu hovevart. ich was ein wênic kindel dô Sifrit vlôs den lip: i'ne wéiz niht waz mir wizet des kûnec Etzelen wîp.» 1925 «Janę weiz ich dir der mære nimêr ze sagene: ez tâten dîne mâge, Gunthêr und Hagene. nu wert iuch vîl ellênden: ir kûnnet niht genesen, ir müezet mit dem tôde pfant daz Kriemhilde wesen.» 1926 «Sonę welt ir niht erwinden», sprâch Dáncwárt. «sô riuwet mich mîn vlêhen: daz wære baz gespart.» der snelle degen küene von dem tische spranc: er zôch ein scharpfez wâfen, daz was michel unde lanc. 1927 Dô sluoc er Blœdelîne einen swinden swertes slac, daz im daz houbet schiere vor den füezen lac. «daz sî dîn morgengâbe», sprach Dancwart der degen, «zuo Nuodunges briute, der du mit minnen wol- dest pflegen. 1928 Man mac sie morgen mehelen einem andern man: wil er die brûtmiete, dem wirt alsam getân.» ein vil getriuwer Hiune hete im daz geseit, daz in diu küneginne riet sô grœzlichiu leit. 1929 Dô sâhen Blœdelînes man, ir herre lac erslagen: donę wolden sie den gesten niht langer daz ver- tragen. mit ûf erhûrten swerten sie sprungen für diu kint, in grimmigem muote: daz gerou vil manigen sint.

1930 Vil lûte rief dô Dancwart daz gesinde allez an: «ir sehet wol, edelen knehte, wie ez wil umbe gân. nu wert iuch ellenden, deiswâr des gât uns nôt, swie uns diu edele Kriemhilt sô rehte güetlich enbôt.» 1931 Die niht swert enhêten, die reichten für die banc und huoben von den füezen vil manigen scâmel lanc: der Burgonden knehte in wolden niht vertragen. dâ wart von swæren stüelen durch helme biulen vil geslagen. 1932 Wie grimme sich dô werten diu ellenden kint! sie triben ûz dem hûse die gewâfenden sint: doch beléip ir tôt dar inne fünf hundert oder baz. dô was daz ingesinde von bluote rôt unde naz. 1933 Disiu starken mære wurden dan geseit den Êtzélen recken (ez was in grimme leit), daz erslágen wære Blœdel unde sine man: daz hete Hagenen bruoder mit den knéhtén getân. 1934 Ê ez der künec erfunde, die Hiunen, durh ir haz, der garte sich zwei tûsent oder dannoch baz. sie giengen zuo den knehten, daz muos' et alsô wesen, und liezen des gesindes ninder éinén genesen. 1935 Die ungetriuwen brâhten für'z hûs ein michel her. die ellenden knehte die stuonden wol ze wer. waz half ir baldez ellen? sie muosen ligen tôt: dar nâch in kurzen stunden huop sich ein vréis- lichiu nôt. 1936 Hie müget ir hœren wunder bi ungefüege sagen. niwen tûsent knehte die lâgen tôt erslagen,

dar über ritter zwelfe der Dancwartes man. man sah in alters eine noch bî den vîänden stân. 1937 Der schal der was geswiftet, der dôz der was gelegen. dô blihte über ahsel Dancwart der degen. er sprach: «owê der friunde die ich verlorn hân! nu muoz ich leider eine bî mînen fîänden stân.» 1938 Diu swert genôte vielen ûf sîn eines lîp. daz muose sît beweinen vil maneges heldes wîp. den schilt den ruhte er hôher, den vezzel nider baz: dô frunte er vil der ringe mit bluote vlîezénde naz. 1939 «Sô wê mir dirre leide», sprach Aldriânes kint. «nu wîchet, Hiunen recken, ir lât mich an den wint, daz der luft erküele mih stúrmmüeden man.» dô sah man den recken vil harte hêrlîche gân. 1940 Alsô der strîtes müede ûz dem hûse spranc, waz iteniuer swerte ûf sîme helme erklanc! die niht gesehen hêten, waz wonders tet sîn hant, die sprungen hin engegene dem von Burgonden lant. 1941 «Nu wolde got», sprach Dancwart, «möht' ich den boten hân der mînen bruoder Hagenen kunde wizzen lân daz ich vor disen recken stên in solher nôt! er hulfe mir von hinnen oder êr gelæge bî mir tôt.» 1942 Dô sprâchen Hiunen recken: «der bote muostu sîn, sô wir dich tragen tôten für den bruoder dîn.»

sô sihet im êrste leide der Günthéres man. du hâst dem kûnege Etzeln sô grôzen schaden hie getân. 1943 Er sprach: »nu lât daz dreuwen und stêt ûf höher baz. ja getûon ich etelîchem noh die ringe naz. ich wil diu mære selbe hin ze hove sagen, und wil ouh mînen herren mînen grôzen kum- ber klagen.« 1944 Er leidet' sich sô sêre den Étzélen man, daz sie in mit den swerten torsten niht bestân. dô scuzzen sie der gêre sô vil in sînen rant daz er in durch die swære muose lâzen von der hant. 1945 Dô wânden s' in betwingen, do er niht schildes truoc. hei waz er tiefer wunden durch die helme sluoc! des muose vor im strûchen vil manic kûener man: dar umbe lop vil grôzen der küene Dancwart gewan. 1946 Ze beiden sînen sîten sprungen sie im zuo. jâ kom ir eteslîcher in den strît ze fruo. dô gie er vor den vinden alsam ein eberswîn ze walde tuot vor hunden: wie möht' er küenér gesîn? 1947 Sîn vart diu wart erniuwet von heizem bluote naz. jane kunde ein einic recke gestriten nimmer baz mit sînen vîänden danne er het getân. man sach den Hagenen bruoder ze hove hêrlîchen gân. 1948 Truhsæzen unde scenken die hôrten swerte klanc. vil maneger dô daz trinken von der hende swanc,

und eteslîche spîse, die man ze hove truoc: dô kom im vor der stiegen der starken vîndé genuoc. 1949 «Wie nu, ir trúhsæzen?» sprach der müede degen. «jâ soldet ir der geste güetlîche pflegen, und sóldét den herren guote spîse tragen, und liezet mich diu mære mînen lieben herren sagen.» 1950 Swelher durch sîn ellen im für die stiegen spranc, der sluoc er eteslîchem sô swæren swertes swanc, daz sie durch die vorhte ûf hôher muosen stân. ez het sîn starkez ellen vil michel wúndér getân.

1951 Alsô der küene Dancwart under die türe getrat, daz Etzeln gesinde er höher wîchen bat. mit bluote was berunnen allez sîn gewant: ein vil starkez wâfen daz truog er blôz an sîner hant. 1952 Vil lûte rief dô Dancwart vor dem gademe: «ir sitzet al ze lange, bruoder Hagene. iu unde got von himele klage ich unser nôt: ritter unde knehte sint in der herberge tôt.» 1953 Er rief im hin engegene: «wer hât daz getân? «daz hât der herre Blœdel unde sîne man. ouch hât er's sêre engolten, daz wil ich iu sagen: ich hân mit mînen handen im sîn houbet abe geslagen.»

1954 «Daz ist ein schade kleine», sprâch Hágene, dâ man saget mære von eime degene, ob er von recken henden verliuset sînen lîp: in suln deste ringer klagen wætlîchiu wîp.» 1955 «Nu saget mir, bruoder Dancwart, wie sît ir sô rôt? ich wæne ir von wunden lîdet grôze nôt. ist er índer inme lande, der'z iu hât getân, in ernér der übele tiuvel, ez muoz im an sîn leben gân.» 1956 «Ir sehet mich wol gesunden: mîn wât ist bluotes naz. von ander manne wunden ist mir geschehen daz, der ich alsô manegen hiute hân erslagen, ob ich des swern solde, i'ne kúnd' iz nimmér gesagen.» 1957 Er sprach: «bruoder Dancwart, sô hüetet uns der tür, und lât der Hiunen einen komen niht der für. ich wil réden mit den recken, als uns des dwinget nôt. unser ingesinde liget unverdienet tôt.» 1958 «Sol ich sîn kamerære», sprach der küene man, «alsô rîchen künegen ich wol gedienen kan: sô pflîge ich der stiegen nâh den êren mîn.» den Kriemhilde degenen kunde leider niht gesîn. 1959 «Mich nimet des michel wunder», sprâch Hágene, «waz nu hinne rûnen die Hiunen degene.

sie wæn' des lihte enbæren der an der tür stât, unt diu hovemære geságet den Bürgónden hât. 1960 Ich hân vernomen lange von Kriemhilde sagen, daz siu ir herzen leide wolde niht vertragen. nu trinken wir die minne und gelten 's küneges wîn. der junge vogt der Hiunen der muoz der êriste sîn.» 1961 Dô sluoc daz kint Ortlieben Hagène der helt gûot, daz im gegen der hende ame swérte vlôz daz bluot und der küneginne'z houbet spranc in die scôz. dô huop sich under degenen ein mort vil grimmee unde grôz. 1962 Dar nâch sluog er dem magezogen einen swin- den slac mit beiden sînen handen, der des kindes pflac, daz im daz houbet schiere vor tische nider lac. ez was ein jâmerlicher lôn, den er dem mage- zogen wac. 1963 Er sach vor Etzeln tische einen spileman: Hàgene in sîme zorne gâhen dar began. er sluoc im ûf der videlen abe die zeswen hant, «daz habe dir ze bóteschefte in der Bürgónden lant.» 1964 «Sô wê mir mîner hende, sprach Wérbel der spileman. «her Hagene von Tronege, waz het ich iu getân? ich kom ûf grôze triuwe in iuwer herren lant. wie klenke ich nu die dœne, sît ih verlorn hân die hant?»

1965 Hagenen ahte ringe, gevidelt' er nimmer mêr. dô frumte er in dem hûse diu verchgrimmen sêr an den Etzeln recken, der er sô vil ersluoc. dô brâhte er in dem hûse ze tôde liutés genuoc. 1966 Volkêr der vil snelle von dem tische spranc: sîn videlboge im lûte an sîner hende erklanc. dô videlte ungefuoge Gunthéres spileman. hei waz er im ze vînde der küenen Híunén gewan! 1967 Ouch sprungen von den tischen die drîe künege hêr. sie wolden'z gerne scheiden, ê daz scáden gescæhe mêr. sinē mohten'z mit ir sinnen dô niht understân, dô Volkêr unde Hagene sô sêre wüetén began. 1968 Dô sach der vogt von Rîne ungeschéidén den strît: dô sluoc der fürste selbe vil manige wunden wît durh die lichten ringe den vîánden sin. er was ein helt zen handen: daz tet er grœzlichen schîn. 1969 Dô kom ouch zuo dem strîte der starke Gêrnôt: jâ frumte er der Hiunen vil manegen helt tôt, mit eime scarpfem swerte, daz im gap Rüedegêr. den Étzélen recken tet er diu grœzlichen sêr. 1970 Der junge sun vroun Uoten zuo dem strite spranc: sîn wâfen hêrlîchen durch die helme erklanc den Etzelen recken ûzer Hiunen lant. dâ tet vil michel wunder des küenen Giselheres hant.

1971 Swie frum sie alle wæren, die künige und ouch ir man, doch sah man vor in allen Giselheren stân gêgen den vîanden: er was ein helt guot. er frumte dâ mit wunden vil manegen vallen in daz pluot. 1972 Ouch werten sich vil sêre die Etzelen man. dô sah man die geste hóuwénde gân mit den vil lichten swerten durh des küneges sal. dô hôrt' man allenthalben von wuofe grœzlichen schal. 1973 Dô wolden die dar ûze z'ir friunden sin dar in: die nâmen an den türnen vil kléinén gewin. dô wæren die dar inne vil gerne für den sal: Dancwárt liez ir deheinen die stiegen ûf noch zetal. 1974 Des huop sich vor den türnen vil stárkér gedranc und ouch von den swerten grôzer helmklanc. des kom der küene Dancwart in eine grôze nôt: daz besórgté sin bruoder, als im sin triuwê gebôt. 1975 Vil lûte rief dô Hagene Volkêren an: «sehet ir dort, geselle, mînen bruoder stân vor hîunîschen recken under starken slegen? vriunt, nert mir den bruoder ê wir vliesén den degen. 1976 «Daz tuon ich sicherlichen», sprach der spilman. er begónde vîdelénde durch den palas gân: ein hertez swert im ofte an sîner hende erklanc. die recken von dem Rîne im sageten grœzlichen danc.

1977 Volkêr der vil küene zuo Dancwarte sprach: «ir habet erliten hiute vil grôzen ungemach. mich bat iuwer bruoder durch helfe zuo z'iu gân. welt ir nu sîn dar ûze, sô wil ich innerthalben stân.» 1978 Dancwart der snelle stuont ûzerhalp der türe: er werte in die stiege, swaz ir kom der füre. des hôrt' man wâfen hellen den heleden an der hant. sam tet ouch innerthalben Volkêr von Búrgónden lant. 1979 Der küene videlære rief über die menege: «der sal ist wol beslozzen, vriwent hêr Hagene. jâ ist alsô verschranket diu Étzélen türe: von zweier helde handen dâ gênt wol tûsent rigele füre.» 1980 Dô von Tronege Hagene die tür sah sô behuot, den schilt warf ze rücke der mære helt guot: alrêrst begond' er rechen daz im dâ was getân. dô heten sine vînde ze lebene keiner slahte wân. 1981 Dô der vogt von Berne rehte daz ersach, daz Hagene der starke sô manegen helm brach, der künec von Amelunge spranc ûf eine banc; er sprach: «hie scenket Hagene daz aller wir- siste tranc.» 1982 Der wirt het grôze sorge, als im dô daz gezam (waz man im lieber vriunde vor sînen ougen nam!), wand' er vor sînen vînden vil kûme dâ genas. er saz vil angestliche: waz half in daz er künec was?

1983 Kriemhilt diu rîche rief Dietrichen an: «nu hilf mir, ritter edele, mit dem lîbe dan, durch aller fürsten tugende ûz Amelunge lant: wan erreichet mich Hagene, ich hân den tôt an der hant.» 1984 «Wie sol ich iu gehelfen», sprach her Dietrich, «edeliu küneginne? nu sorge ich umbe mich. ez sint sô sêre erzürnet die Guntheres man, daz ich an disen zîten gefriden niemen enkan.» 1985 «Neinâ, herre Dietrich, vil edel ritter guot, lâzâ hiute schînen dînen tügentlîchen muot, daz du mir helfest hinnen: oder ich belîbe tôt.» der sorge gie Kriemhilt vil harte grœzlîche nôt. 1986 «Daz wil ich versuochen, ob ich iu gehelfen kan; wand' ich in langen zîten nie gesehen hân sô bitterlich erzürnet manegen ritter guot. jâ sihe ich durh die helme von swerten springen daz pluot.» 1987 Mit kraft begonde ruofen der degen ûz erkorn, daz sîn stimme erlûte alsam ein wîsendes horn, unt daz diu burc vil wîte von sîner kraft erdôz. diu sterke Dietrîches was unmæzlîche grôz. 1988 Dô gehôrte Gunther ruofen disen man in dem herten sturme: losen er began. er sprach: «Dietrîches stimme ist in mîn ôre komen: ich wæne im unser degene haben etwen hie benomen.» 1989 Ich sihe in ûf dem tische: er winket mit der hant. ir friunt unde mâge von Burgonden lant,

gehabet ûf des strites, lât hœren unde sehen, waz hie deme degene von mînen mannen sî geschehen.» 1990 Dô der küncc Gunther bat und ouch gebôt, sie habten ûf mit swerten in des strîtes nôt. daz was gewalt vil grôzer daz dâ niemen sluoc. er vrâgte den von Berne der mære schíeré genuoc. 1991 Er sprach: «vil edel Dietrich, waz ist iu hie getân von den mînen vriunden? willen ich des hân, buoze unde suone bin ich iu bereit. swaz iu iemen tæte, daz wær’ mir inneclîchen leit.» 1992 Dô sprach der herre Dietrich: «mir ist niht getân. lât mich ûz dem hûse mit iuwerm vride gân von disem herten strite mit dem gesinde mîn: daz wil ich sicherlichen immer díenénde sîn.» 1993 «Wie vlêhet ir sô schiere?» sprâch Wôlfhârt. «jâ hât der videlære die tür nie sô verspart, wir entslíezen sie sô wîte daz wir dar füre gân.» «nu swîget», sprach her Dietrich: «ir habet den tíuvél getân.» 1994 Dô sprach der küncc Gunther: «erlouben ich iu wil, füeret ûz dem hûse lützel oder vil, âne mîne vînde: die suln hie bestân. sie hânt mir zen Hiunen sô rehte léidé getân.» 1995 Dô er daz erhôrte, under árm ér beslôz die edelen küneginne: der sórgé was grôz.

dô fuort' er anderthalben Etzeln mit im dan. ouch gie mit Dietriche sehs hundert wætlicher man. 1996 Dô sprach der marcgrâve, der edele Ruedegêr: «sol aber ûzem hûse iemen komen mêr die iu doch gerne dienen, daz lâzet uns vernemen: sô sol ouch vride der stæte guoten vriundén gezemen.» 1997 Des antwurte Giselher von Burgonden lant: «vride unde suone sî iu von uns bekant, sît ir sît triuwen stæte, ir und iuwer man. ir sult unængestlîchen mit iuwern vriunden hin- nen gân.» 1998 Dô Rüedegêr der herre gerûmté den sal, fünf hundert oder mêre im volgten über al, der von Bechelâren, vriunt und sîner man, von den der künic Gunther schaden grôzen sît gewan. 1999 Dô sach ein Hiunen recke Etzelen gân bî Dietriche nâhen: genozzen wold' er's hân. dem gap der videlære einen solhen slac, daz im vor Etzeln füezen daz houbet schiere gelac. 2000 Dô der wirt des landes kom für daz hûs gegân, dô kêrte er sich hin widere und sach Vôlkêren an. «owê mir dirre geste, ditz ist ein grimmiu nôt, daz alle mîne recken sulen vor in ligen tôt. 2001 Ach wê der hôhgezîte», sprach der künic hêr. «dâ vihtet einer inne, der heizet Vôlkêr.

alsam ein eber wilde, und ist ein spileman. ich danke's mîne heile daz ich dem tiuvél entran. 2002 Sîn leiche lûtent übele, sîn züge die sint rôt: jâ vellent sîne dœne vil manigen helt tôt. i'ne weiz niht waz uns wîze der selbe spileman: wand' ich gast nie deheinen sô rehte léidén gewan.» 2003 Sie heten die sie wolden lâzen für den sal: dô huop sich innerthalben ein grœzlicher schal. die geste sêre râchen daz in ê geschach. Volkêr der vil küene, hei waz er hélmé zerbrach! 2004 Sich kêrte gegen dem schalle Gunthêr der künec hêr. «hœrt ir die dœne, Hagene, die dort Volkêr videlet mit den Hiunen, swer zuo den türnen gât? ez ist ein rôter anstrich, den er zem videlbogen hât.» 2005 «Mich riuwet âne mâze», sô sprach Hagene, «deich vor dem degene ie gesaz in disem gademe. ich was sîn geselle unde ouch er der mîn: und kome wir immer widere, daz suln wir noch mit triuwen sîn. 2006 Nu schouwe, künec hêre, Volkêr ist dir holt: er dienet willeclîche dîn silber unt dîn golt. sîn videlboge im snîdet durch den herten stâl: er brichet ûf den helmen diu liehte schînenden mâl.

2007 I'nę gesâch nie videlære sô hêrlichen stân, alsô der degen Volkêr hiute hât getân. die sînen leiche hellent durch helm unde rant. jâ sol er riten guotiu ross und tragen hêrlich gewant. 2008 Swaz der Hiunen mâge in dem sâle was gewesen, der enwás nu deheiner dar inne mê genesen. des was der schal geswiftet, daz niemen mit in streit: diu swert von handen legeten die küenen recken gemeit.

2009 Die herren nâch ir müede gesâzen dô zetal. Volkêr unde Hagene die giengen für den sal. sich leinden über schilde die übermüeten man. dô wart dâ rede vil spæhe von in béidén getân. 2010 Dô sprach von Burgonden Gîselher der degen: «jane müget ir, lieben vriunde, noch ruowe niht gepflegen: ir sult die tôten liute ûz dem hûse tragen. wir werden noch bestanden, ich wil'z iu wær- lichen sagen. 2011 Sinẹ suln uns under füezen hie niht langer ligen. ê daz uns die Hiunen mit sturme an gesigen, wir gehouwen noch die wunden, diu mir vil sanfte tuot. des hân ich», sprach dô Gîselher, «einen stæ- tigen muot.»

2012 „Sô wol mich sôlhes herren“, sprach dô Hagene, „der rât enzæme niemen wan eime degene. den uns mîn junger herre hinte hât getân, des muget ir Burgonden alle vrœlîche stân.“ 2013 Dô volgiten sie der râte unt truogen für die tür siben tûsent tôten: wurfen sie der vür. vor des sales stiegen vielen sie ze tôt. dô huop sich von ir mâgen ein vil klagelîcher schôz. 2014 Ez was ir etelîcher sô mæzlîchen wunt, der sîn sanfter pflæge, er würde noch gesunt, der von dem hôhen valle muose ligen tôt. daz klageten dô ir friunde: des gie in wærlîche nôt. 2015 Dô sprach der videlære, Volkêr, ein helt gemeit: „nû kiuse ich des die wârheit, als mir ist geseit, die Hiunen sint bœse, sie klagent sam diu wîp. nu solden sie beruochen der vil sêre wunden lîp.“ 2016 Dô wânde ein marcgrâve, er reit' iz durch guot, er sach einen sînen mâc gevallen in daz pluot. er beslôz in mit den armen und wold' in tragen dan. den schôz ob im ze tôde der vil küene spileman. 2017 Dô d'andern daz sâhen, diu vluht huop sich dan. si begônden alle vluochen dem selben spileman. einen gêr er ûf zuhte, vil scharpf unde hart, der von eime Hiunen zuo z'im dar ûf geschozzen wart. 2018 Den scôz er kreftelîchen durch die hûre dan über daz volc vil verre, den Etzelen man

gab er herberge hôher von dem sal. sîn vil starkez ellen die liute vorhten über al. 2019 Dô stuonden vor dem hûse vil manec tûsent man. Volkêr unde Hagene reden dô began mit Etzeln dem künege állén ir muot. des kômen sit in sorge die helede küene unde guot. 2020 «Ez zæme», sô sprach Hagene, «vil wol volkes trôst, daz die herren væhten z'aller vorderôst, alsô der mînen herren hie ieslîcher tuot: die houwent durch die helme, nàch swerten vlíuzét daz pluot. 2021 Etzel was sô kuene, er vazte sînen schilt. «nu vart gewerlîche», sprach vrou Kriemhilt. «und bietet ir den recken daz golt über rant: wan erréichet iuch dort Hagene, ir habet den tôt an der hant.» 2022 Der künec was sô küene, er wolde erwinden niht. daz von sô rîchen fürsten selden nu geschiht: man muos' in bî dem vezzel ziehen wider dan. Hagene der grimme in aber hônén began. 2023 «Ez was ein verriu sippe», sprach Hagene der degen «die Etzel unde Sîfrit zesamne hant gepflegen. er minnet' Kriemhilde é si ie gesæhe dich: künec vile bœse, war umbe rætest ane mich?»

2024 Dîse rede hôrte des edelen küneges wîp. des wart in unmuote der Kriemhilde lîp, daz er sie torste scelden vor Etzelen man· dar umbe si aber râten an die geste began. 2025 Siu sprach: »der mir von Tronege Hagenen slüege unde mir sîn houbet her für mich trüege, dem fult' ich rôtes goldes den Etzelen rant, dar zuo gæbe ich im ze miete vil guote bürge unde lant.« 2026 «Nu enweiz ich wes sie bîtent», sprach der spileman. «inê gesâch nie helde mêre sô zagelîchen stân, dâ man hôrte bieten alsô hôhen solt. jâne sold' in Etzel dar umbe nimmer werden holt. 2027 Die hie sô lasterlîchen ezzent des fürsten brôt unde im nu geswîchent in der grœzesten nôt. der sihe ich hie manigen vil zagelîche stân, und wellent doch sîn küene: sie müezen's immer schande hân.»

2028 Dô rief von Tenemarke der marcgrâve Îrinc: «ich hân ûf êre lâzen nu lange miniu dinc und hân in volkes stürmen des besten vil getân. nu brinc mir mîn gewæfen: jâ wil ich Hagenen bestân.» 2029 «Daz wil ich widerrâten», sprach dô Hagene. «sô heiz ûf höher wîchen die Hinnen degene. gespringent iuwer zwêne oder drî in den sal, die sende ich ungesunde die stiegen wider hin zetal.» 2030 «Dar umbe ih'z niht enlâze», sprach aber Îrinc. «ich hân ouch ê versuochet sam sorclichiu dinc. jâ wil ich mit dem swerte eine dich bestân. waz hilft dîn übermüeten, daz du mit rede hâst getân?»

2031 Dô wart gewâfent balde der degen Irinc1968 und Irnvrît von Düringen, ein küener jungelinc, und Hâwart der starke, wol mit tûsent man: swes Irinc begunde, sie wolden's alle im gestân. 2032 Dô sah der videlære eine vil grôze scar,1969 die mit Iringe gewâfent kômen dar. sie truogen ûf gebunden vil manegen helm guot. dô wart der küene Volkêr ein teil vil zornec gemuot. 2033 Sehet ir, vriunt Hagene, dort Iringen gân1970 der iuh mit dem swerte lobt' eine bestân? wie zimet helede lugene? ich wil unprîsen daz. ez gênt mit im gewâfent wol tûsent recken oder baz. 2034 Nu heizet mich niht liegen, sprach Hâwartes man.1971 ich wil'z gerne leisten swaz ich gelobet hân. durh deheine vorhte wil ih's abe gân: swie griulich nu sî Hagene, ich wil in eine bestân. 2035 Ze vüezen bôt sich Irinc mâgen unde man,1972 daz sie in eine liezen den recken bestân. daz tâten sie ungerne: wand' in was wol bekant der übermüete Hagene ûzer Burgonden lant. 2036 Doch bat er sie sô lange daz ez sit geschach.1973 dô daz ingesinde den willen sin ersach, daz er warp nâh êren. dô liezen sie in gân. dô wart von in beiden ein grimmez strîten getân. 2037 Irinc von Tenemarken hôhe truoc den gêr,1974 sich dahte mit dem schilde der tiwer degen hêr.

dô lief er ûf zuo Hagenen vaste für den sal: dô huop sich von den degenen ein vil grœz- licher schal. 2038 Dô scuzzen sie die gêre mit kreften von der hant durh die vesten scilde ûf liehtez ir gewant, daz die gêrstangen vil hôhe dræten dan. dô griffen zuo den swerten die zwêne grimme küenen man. 2039 Des küenen Hagenen ellen daz was starke grôz: dô sluoc ûf in Írinc daz al daz hûs erdôz. palas unde türne erhullen nâch ir slegen. done konde niht verenden des sînen willén der degen. 2040 Írinc lie Hagenen unverwundet stân. zuo dem videlære gâhen er began. er wânde in möhte twingen mit sînen starken slegen: daz konde wol bescermen der vil zierlîche degen. 2041 Dô sluoc der videlære daz über des schildes rant dræte daz gespenge von Volkéres hant. den liez er dô beliben: er was ein übel man: dô lief er Gunthéren vón den Búrgónden an. 2042 Dô was ir ietwedere ze strîte starc genuoc. swaz Gunther und Írinc ûf ein ander sluoc, daz enbrâhte niht von wunden daz vliezénde pluot. daz behúote ir gewæfen: daz was starc unde guot. 2043 Gunthérn er lie beliben und lief Gêrnôten an: daz fiwer ûz den ringen er houwen im began.

dô hete von Burgonden der starke Gêrnôt den küenen Îringen erslagen næhlichen tôt. 2044 Dô spranc er von dem fürsten: snel er was genuoc. der Burgonden viere der helt vil balde sluoc, des edelen ingesindes von Wormez über Rîn. done konde Gîselhêre nimmer zôrner gesîn. 2045 «Goteweiz, her Îrinc», sprach Giselher daz kint, «ir müezet mir die gelten die vor iu tôt sint gelegen hie ze stunden.» dô lief er in an, er sluoc den Tenelender, daz er muose dâ bestân. 2046 Er scôz vor sînen handen nider in daz pluot, daz sî alle wolden wænen daz der helt guot ze strîte nimmer mêre geslüege keinen slac. Îrinc doh âne wunden hie vor Gîselhere lac. 2047 Von des helmes dôze und von des swertes klanc wâren sîne witze worden harte kranc, daz sich der degen küene des lebens niht versan. daz hete mit sînen kreften der starke Gîselher getân. 2048 Do im begonde entwîchen von hôubte der dôz, den er ê dâ dolte von dem slage grôz, er dâhte: «ih pin noch lebende unde ninder wunt: nu ist mir aller êrste daz ellen Gîselheres kunt.» 2049 Dô hôrte er beidenthalben die vîände stân. wisten sie diu mære, im wære mêr getân.

ouch het er Giselhêren dâ bî im vernomen. er dâhte wie er solde von den vîanden komen. 2050 Wie rehte tobelîche er ûz dem pluote spranc! síner snelheite er mohte sagen danc. dô lief er ûz dem hûse da er aber Hagenen vant, und sluoc im slege swinde mit síner ellenthafter hant. 2051 Dô gedâhte Hagene: »du muost des tôdes wesen. dich envrîde der übele tiuvel, dune kanst niht genesen.« doch wundet’ Írinc Hagenen durch sînen helmhuot. daz tet der helt mit Wasken: daz was ein wâfen alsô guot. 2052 Dô der herre Hagene der wúndén enpfant, do erwaget’ im ungefuoge daz swert an sîner hant. aldâ muos’ im entwîchen der Hâwartes man: hin nider von der stiegen Hagene im vólgén began. 2053 Írinc der vil küene en schilt über houbet swanc. und wær’ diu selbe stiege drîer stiegen lanc, die wîle liez in Hagene nie slahen einen slac. hei waz rôter vanken ob sîme hélmé gelac! 2054 Wider zuo den sînen kom Írinc wol gesunt. dô wurden disiu mære Kriemhilde kunt, waz er von Tronege Hagenen mit strîte hete getân: des im diu küneginne vil hôhe dánkén began. 2055 «Nu lôn’ dir got, Írinc, vil mære helt guot, du hâst mir wol getrœstet daz herze und ouch den muot.

er selbe sach rôt von phluote Hagenen sîn gewant. Kriemhilt nam im selbe den schilt vor liebe von der hant. 2056 »Ir muget im mâzen danken«, sô sprach Hagene, »wold' er'z noch versuochen. daz zæme degene: kœm' er dūme widere, sô wær' er ein kuene man. diu wunde frumet iuch kleine, die ich von im enpfangen hân. 2057 Daz ir von mîner wunden die ringe sehet rôt, daz hât mich erreizet ûf maniges mannes tôt. ich pin alrêrste erzürnet ûf Hâwartes man. mir hât der degen Irine schaden kleinen noch getân.« 2058 Dô stuont gegen dem winde Irinc von Tenelant: er kuolte sich in ringen, den helm er abē gebant. dô sprâchen al die liute, sîn ellen wære guot. des hete der marcgrâve einen rîche hôhen muot. 2059 Aber sprach dô Irinc: »mîne friunt, wizzet daz, daz ir mich wâfent balde: ich wil'z versuochen baz, ob ich noch muge betwingen den übermuoten man. sîn schilt was verhouwen: einen bezzern er gewan. 2060 Vil schiere wart der recke dô gewâfent baz. einen gêr vil starken nam er durch den haz, dâ mite er aber wolde Hagenen dort bestân. dô warte im vientlîche der mortgrimmige man. 2061 Sîn mohte niht erbîten Hagene der degen. er lief im hin engegene mit scuzzen und mit slegen

die stiegen an ein ende: sîn zurnen daz was grôz. Îrinc sîner sterke dô vil wênêc genôz. 2062 Sie sluogen durch die scilde dei'z lōugén began von fiwerrôten winden. der Hâwartes man wart von Hagenen swerte krefteclîchen wunt durh schilt und durch brünne: des er wart nim- mer mêr gesunt. 2063 Dô der degen Îrinc der wúndên enpfant, den schilt er baz ruhte über diu helmbant. des schaden in dûht' der volle, den er dâ gewan: sît tet im aber mêre des künec Guntheres man. 2064 Hagène vor sînen füezen einen gêr lîgen vant: er scôz Îringen, den helt von Tenelant, daz im von dem houbte diu stange ragete dan. im hete der recke Hagene den grimmen endé getân. 2065 Îrinc muost' entwîchen zuo den von Tenelant. ê daz man dô dem degene den helm ab gebant, man brach den gêr von houbte: dô nâhet' im der tôt. daz weinden sîne mâge: des gie in wærlîche nôt. 2066 Dô kom diu küneginne über in gegân: den starken Îringen klagen siu began. siu weinde sîne wunden, ez was ir grimme leit. dô sprach vor sînen mâgen der recke küene unt gemeit: 2067 Lât die klage belîben, vil hêrlîchez wîp. waz hilfet iuwer weinen? jâ muoz ich mînen lîp verliesen von den wunden die ich enpfangen hân. der tôt wil mich niht langer iu und Etzeln dienen lân.

2068 Er sprach zuo den von Dôringen unt den von Tenelant: «die gâbe sol enpfâhen iwer deheines hant von der küneginne, ir liehtez golt vil rôt. und bestêt ir Hagenen, ir müezet kiesen den tôt. 2069 Sîn varwe was erblichen, des tôdes zeichen truoc Îrinc der küene: daz was in leit genuoc. genesen niht enkunde der Hâwartes man: dô muost' ez an ein strîten von den von Tenemarke gân. 2070 Irnfrit unde Hâwart die sprungen für daz gadem wol mit tûsent helden. vil ungefüegen kradem hôrt' man allenthalben kreftec unde grôz. hei waz man starker gêre züo den Bürgonden scôz! 2071 Irnfrit der küene lief an den spileman: des er schaden grôzen von sîner hant gewan. der edele videlære den lantgrâven sluoc durch einen helm vesten: jâ was er grimme genuoc. 2072 Dô sluoc der herre Irnfrit den küenen spileman, daz im muosen bresten diu ringes gespan, unt daz sich beschütte diu brünne fiwerrôt. doch viel der lantgrâve vor dem videlære tôt. 2073 Hâwart unde Hagene zesamme wâren komen. er mohte wunder kiesen, der's hete war genomen.

diu swert genôte vielen den helden an der hant. Hâwart muoste ersterben von dem ûz Burgon- den lant. 2074 Do die Tênen und die Dûrenge ir herren sâhen tôt, dô huop sich vor dem hûse ein vreislichiu nôt, ê sie die tür gewunnen mit ellenthafter hant. des wart dâ verhouwen vil manec helm unde rant. 2075 «Wîchet», sprach dô Volkêr, «und lât sie her in gân. ez ist sus unverendet des sie dâ habent wân: sie müezen drinne ersterben in vil kurzer zît. sie arnent mit dem tôde daz in diu küneginne gît.» 2076 Dô die übermüeten kômen in den sal, vil manegem wart daz houbet geneiget sô zetal daz er muose ersterben von ir swinden slegen. wol streit der künic Gêrnôt: sam tet ouch Giselher der degen. 2077 Tûsent unde viere die kômen in daz hûs: von swerten sach man blicken vil manegen swinden sûs. sît wurden doch die recken alle drinne erslagen. man mohte michel wunder vón den Búrgónden sagen. 2078 Dar nâch wart ein stille, dô der scal verdôz. daz pluot allenthalben durh diu löcher vlôz unt dâ zen rigelsteinen von den tôten man. daz heten die von Rine mit grôzem ellén getân.

2079 Dô sâzen aber ruowen die von Burgonden lant. diu wâfen mit den schilden sie leiten von der hant. dô stuont noch vor dem hûse der kuone spilman: er warte ob iemen wolde noch zuo z'in mit strîte gân. 2080 Der künic klagte sêre, sam tet ouch sîn wîp. megede unde vrouwen die quelten dâ den lîp. ich waene des daz hête der tôt ûf sie gesworn: des wart noch vil der recken von den gesten verlorn.

2081 «Nu bindet abe die helme», sprach Hagene der degen. «ich und mîn geselle sulen iuwer pflegen. und welnt iz noch versuochen die Etzelen man, sô warne ich mîne herren so ich áller schíereste kan. 2082 Do entwâfent’ daz houbet manic ritter guot: sie sâzen ûf die wunden, die vor in in daz pluot wâren zuo dem tôde von ir handen komen. dâ wart der edelen geste vil übele góumé genomen 2083 Noch vor dem âbénde schuof der künic daz, und ouch diu küneginne, daz ez versuochten baz die hiunischen recken. der sah man vor in stan noch wol zweinzec tûsent: die muosen dâ ze strîte gan.

2084 Sich huob ein sturm herte zuo den gesten sân. Dancwart, Hagenen bruoder, der vil snelle man, [2140] spranc von sinen herren zen vînden für die tür. man wânde er wære erstorben: er kom gesunder wol dar für. 2085 Der herte strît werte unz in'z diu naht benam. dô werten sich die geste, als iz guoten hel- [2141] den zam, den Etzelen mannen den sumerlangen tac. hei waz noch guoter degene vor in veige gelac! 2086 Z'einen sunewenden der grôze mort geschach daz diu vrouwe Kriemhilt ir herzen leit errach [2142] an ir nêhsten mâgen unde manigem man: dâ von der künec Etzel vreude nimmer mê gewan. 2087 In was des tages zerunnen: dô gie in sorge nôt. si gedâhten daz in bezzer wære ein kurzer tôt [2143] dan lange dâ ze quelne ûf ungefüegiu leit. eins vrides sie dô gerten, die stolzen ritter gemoit. 2088 Sie bâten daz man bræhte den künec zuo in dar. die bluotvarwen helde unde harnaschvar [2144] trâten ûz dem hûse, die drie künege hêr. sine wessen wem ze klagene diu ir vil grôzlichen sêr. 2089 Etzel unde Kriemhilt die kômen beide dar. daz lant daz was ir eigen; des mêrte sich [2145] ir schar. er sprach zuo den gesten: «nu saget waz welt ir mîn? ir wænet vride gewinnen: daz kunde müelich gesîn.

2090 Ûf schaden alsô grôzen als ir mir habet getân, (ir sult is niht geniezen, sol ich mîn leben hân) mîn kint daz ir mir sluoget und vil der mâge mîn, vride unde suone sol iu vil gar versaget sîn.» 2091 Des antwurte Gunther: «des twanc uns grôziu nôt. allez mîn gesinde lac vor dînen helden tôt an der herberge: wie hete ich daz versolt? ich kom zuo dir ûf triuwe, ich wând' daz du mir wærest holt.» 2092 Dô sprach von Burgonden Gîselher daz kint: «ir Étzélen helde, die noch hie lebende sint, waz wîzet ir mir recken? waz hân ich iu getân? wand' ich vriuntlîche in ditze lant geriten hân.» 2093 Sie sprâchen: «dîner güete ist al diu burc vol mit jâmer zuo dem lande. jâ gonden wir dir wol, daz du nie komen wærest von Wormez über Rîn. daz lant habt ir verweiset, du unt ouch die brüeder dîn.» 2094 Dô sprach in zornes muote Gúnthér der degen: «welt ir dítze starke hazzen z'einer suone legen mit úns ellénden recken, deist beidenthalben guot. ez ist gar âne schulde swaz uns Étzél getuot.» 2095 Dô sprach der wirt zen gesten: «mîn und iuwer leit diu sint vil ungelîche. diu michel arebeit

des scaden zuo den schanden, die ich hie hân genomen, des sol iwer deheiner nimmer lebende hinnen komen. 2096 Dô sprach zuo dem kûnege der starke Gernot: „sô sol in got gebieten daz ir trûmtlichen tuot. slâhet uns ellenden, und lât uns zuo z'in gân hin nider an die wîte: daz ist in êre getân. 2097 Swaz uns geschehen kunne, daz lâzet kurz ergân. ir habt sô vil gesunder, und türren s' uns bistân, daz sie uns sturmmüede lâzent niht genesen. wie lange suln wir recken in disen arbeiten wesen?“ 2098 Die Etzelen recken die heten'z nâch getân, daz sie sie wolden lâzen für den palas gân. daz gehörte Kriemhilt: ez was ir grimme leit. des wart den ellenden der vride gâhes widerscit. 2099 „Neinâ, Hiunen recken, des ir dâ habt muot, ich râte an rehten triuwen, daz ir des niht entuot. daz ir die mortrâchen iht lâzet für den sal: sô müesen iuwer mâge lîdên den tôtlîchen val. 2100 Ob ir nu niemen lebte wan diu Uoten kint, die mînen edelen bruoder, und kômen s' an den wint, erkuolent in die ringe, sô sît ir alle vlorn. ez enwurden küener degene nie zer werlde geborn.“ 2101 Dô sprach der junge Gîselher: „vil schoeniu swester mîn, des getrôuwet' ich vil übele, dô du mich über Rîn ladetest her ze lande in dise grôze nôt. wie hân ich an den Hiunen hie verdienet den tôt?“

2102 Ich was dir ie getriuwe, nie getét ich dir leit. ûf sólhén gedingen ich her ze hove reit, daz du mir holt waerest, vil edeliu swester mîn. bedenke an uns genâde: ez mac niht ándérs gesîn.» 2103 «I'ne mac iu niht genâden: ungenâde ich hân. mir hât von Tronege Hagene sô grôziu leit getân, ez ist vil unversüenet, die wîle ich hân den lîp. ir müezet's alle engelden», sprach daz Etzelen wîp. 2104 «Welt ir mir Hagenen einen ze gîsele geben, sonę wil ich niht versprechen ich'n welle iuch lâzen leben: wand' ir sît mîne bruoder und éiner muoter kint: sô rede ih'z nâch der suone mit disen helden die hie sint.» 2105 «Nune welle got von himele», sprach dô Gêrnôt. «ob unser tûsent waeren, wir laegen alle tôt, der sippen dîner mâge, ê wir dir éinen man gæben hie ze gîsel. ez wirdet nimmér getân.» 2106 «Wir müesen doch ersterben», sprach dô Gîselher. «uns enscheidet niemen von ritterlîcher wer. swer gerne mit uns vehte, wir sîn et aber hie, wand' ich deheinen mînen friunt an triuwen nie verlie.» 2107 Dô sprach der küene Dancwart (im zæme niht ze dagene: «jane stêt noh niht eine mîn bruoder Hagene.

die hie den vride versprechent, ez mac in werden leit. des bringe wir iuch innen: daz sî in wærlîch geseit. 2108 Dô sprach diu küniginne: «ir helde vil gemeit, nu gêt der stiegen näher und rechet mîniu leit daz wil ich immer dienen als ich von rehte sol. der Hagenen übermüete der gelôn’ ich im wol. 2109 Lât einen ûz dem hûse niht komen über al, sô heiz’ ich vieren enden zünden an den sal: sô werdent wol errochen elliu mîniu leit.» die Etzelen degene die wurden schiere bereit. 2110 Die noh hie ûze stuonden, die triben s’ in den sal mit slegen und mit scüzzen: des wart vil grôz der schal. doh wolden nie gescheiden die fürsten und ir man: sine konden von ir triuwen niht ein ander verlân. 2111 Den sal hiez dô zünden daz Etzelen wîp. dô quelte man den recken mit fiwer dâ den lîp. daz hûs von einem winde vile balde enbran. ich wæn’ daz volc deheinez grœzer angest gewan. 2112 Genuoge ruoften drinne: «owê dirre nôt! wir möhten michel gerner sîn in sturme tôt. ez mohte got erbarmen: wie si wir alle vlorn! nu richet ungefuoge an uns diu küniginne ir zorn.» 2113 Ir einer sprach dar inne: «wir müezen ligen tôt. waz hilfet uns daz grüezen daz uns der künec enbôt? mir tuot von starker hitze der durst sô rehte wê, des wæn’ mîn leben sciere in disen sorgen zergê.»

2114 Dô sprach von Tronege Hagene: «ir edelen ritter guot, swen der durst twinge, der trinke hie daz pluot. daz ist in solher hitze noch bezzer danne wîn. ez enmac an disen zîten et nû niht bézzér gesîn.» 2115 Dô gie der recken einer da er einen tôten vant: er kniete im zuo der wunden, den helm er abe gebant: dô begonde er trinken daz vliezénde pluot. swie ungewon er's wære, ez dûhte in græzlîchen guot. 2116 «Nu lône iu got, her Hagene», sprach der müede man, «daz ich von iuwer lêre sô wol getrunken hân. mir ist noch vil selten gescenket bezzer wîn. leb' ich deheine wîle, ich sol iu immer wæge sîn.» 2117 Dô d'andern daz gehörten, daz ez in dûhte guot, dô wart ir michel mêre die trunken ouch daz pluot. dâ von gewan vil krefte ir eteslîches lîp. des engalt an lieben friunden sit vil manec wæt- lîchez wîp. 2118 Daz fiwer viel genôte ûf sie in den sal: dô leiten si'z mit schilden von in hin zetal. der rouch und ouch diu hitze in tâten beidiu wê. ich waen' der jâmer immer mêr an heleden ergê. 2119 Dô sprach von Tronege Hagene: «stêt zuo des sales want, lât niht die brende vallen ûf iuwer helmbant. tret sie mit den füezen tiefer in daz pluot. ez ist ein übel hôhzît die uns diu küneginne tuot.»

2120 In sus getânen leiden in doch der naht zeran. noch stuont vor dem hûse der küene spileman und Hagene sin geselle, geleinet über rant. sie warten scaden mêre von den ûz Etzelen lant. 2121 Dô sprach der videlære: «nu gê wir in den sal. sô wænent des die Hiunen daz wir sin über al tôt von dirre quâle diu an uns ist getân: sie sehent uns noh begegene in strîte ir etelichen gân.» 2122 Dô sprach von Burgonden Gîselher daz kint: «ich wæn’ ez tagen welle: sich hebet ein küeler wint. nu lâze uns got von himele noch lieber zît geleben. uns hat mîn swester Kriemhilt ein arge hôhgezît gegeben.» 2123 Dô sprach aber einer: «ich kiuse nu den tac. sît daz ez uns nu bezzer wesen niene mac, sô wâfent ir iuch, helde, gedenket an den lîp. jâ kumt uns aber schiere des künec Etzelen wîp.» 2124 Der wirt wolde wænen, die geste wæren tôt von ir arbeite und von des fiwers nôt: dô lebte ir noch dar inne sehs hundert küener man, daz nie künec deheiner bezzer degene gewan. 2125 Der ellenden huote hete wol ersehen daz noch die geste lebten, swie vil in was ge- schehen ze schaden unt ze leide, den herren unde ir man. man sah sie in dem gademe noh vil wol gesunde stân. 2126 Man sagete Kriemhilde, ir wære vil genesen. dô sprach diu küneginne, daz kunde nimmer wesen

daz ir deheiner lebte von des fiwers nôt: «ich wil des baz getrouwen daz sie alle ligen tôt.» 2127 Noch genæsen gerne die fürsten und ir man, ob noch iemen wolde genâde an in begân. die'n kunden sie niht vinden an den von Hiunen lant: dô râchen sie ir sterben mit vil williger hant. 2128 Des tages wider morgen grüezen man in bôt mit hertem ûrlinge: des kômen helde in nôt. dô wart zuo z'in gescozzen vil manec starker gêr: sich werten ritterlichen die recken küene unde hêr. 2129 Dem Etzeln gesinde erweget was der muot, daz sie wolden dienen daz Kriemhilde guot: dar zuo sie wolden leisten daz in der künec gebôt. des muose maniger schiere von in kiesén den tôt. 2130 Von gehéize und ouch von gâbe man mohte wun- der sagen. siu hiez golt daz rôte dar mit schilden tragen: siu gab ez swer sin ruochte und ez wolde enpfân. jane wart nie grœzer solden mér ûf vîndé getân. 2131 Ein michel kraft der recken dar zuo gewâfent gie. dô sprach der küene Volkêr: «wir sin et aber hie. i'ne gesach ûf vehten nie helde gerner komen, die daz golt des küneges uns ze vâre hânt genomen.» 2132 Dô riefen ir genuoge: «nâher, helede, baz, daz wir dâ suln verenden, und tuon bezîte daz.

hie belibet niemen wan der doh sterben sol. dô sah man schiere ir schilde stecken gërschuzze vol. 2133 Waz mac ich sagen mêre? wol zwelf hundert man die versuochtên'z vil sêre wider unde dan. dô kuolten mit den wunden die geste wol ir muot. ez enmóht' niemân gescheiden: des sah man vliezên daz pluot 2134 Von verchtiefen wunden: der wart dâ vil geslagen. ieslichen nâch sîn vriunden hôrte man dô klagen. die biderben stürben alle dem rîchen künege hêr. des heten holde mâge nâch in groezlichiu sêr.

2135 Ez hêten die éllénden wider mórgen guot getân. wíne der Gôtelinde kom ze hove gegân. dô sah er beidenthalben din grœzlichen sêr: daz weinte inneclîche der getriuwe Rüedegêr. 2136 «Owê mir», sprach der recke, «deich ie den lîp gewan. daz disen grôzen jâmer kan niemen understân! swie gerne ich’z vriden wolde, der künec entuot es niht, wand’ er der sînen leide ie mêr und mêre gesiht.» 2137 Dô sande an Dietrîchen der guote Rüedeger, ob si’z noch kunden wenden an den künegen hêr.

dô enbôt im der von Berne: «wer moht' iz understân? ez enwil der künic Etzel scheiden niemenne lân.» 2138 Dô sah ein Hiunen recke Ruedegêren stân mit weinenden ougen und hete's vil getân. der sprach zer küneginne: «nu seht ir wie er stât, der doch gewalt den meisten hie bî Etzelen hât. 2139 Unt dem ez allez dienet, liut ünde lant. wie ist sô vil der bürge an Ruedegêr gewant, der er von dem künege sô manege haben mac! er gesluoc in disen stürmen noch nie lobelîchen slac. 2140 Mich dunket er'n ruoche wie ez hie umbe gât, sît daz et er den vollen nâch sînem willen hât. man giht im, er sî küener dann' iemen müge sîn: daz ist in disen sorgen worden bœslîche schîn. 2141 Mit trûrigem muote, der vil getriuwe man, den er daz reden hôrte, der helt der bliht' in an. er dâht': «du solt ez arnen. du gihest ich sî verzaget: du hâst diu dînen mære ze hôve ze lûte gesaget. 2142 Die fûst begond' er twingen: dô lief er in an, und sluoc sô krefteclîche den hiunischen man, daz er im vor den füezen lac vil schiere tôt. dô was aber gemêret des künic Etzelen nôt. 2143 «Hîn, du zage bœse», sprach dô Ruedegêr. «ich hân doch genuoge leit ünde sêr; daz ich hie niht envihte, zwiu wîzest du mir daz? jâ wære ich den gesten von grôzen schülden gehaz.

2144 Und allez daz ich möhte, daz het ich in getân, niwan daz ich die recken her gefüeret hân. jâ was ich ir geleite in mînes herren lant: des ensol mit in niht strîten mîn vil élléndes hant.» 2145 Dô sprach zem marcgrâven Etzêl der künec hêr: «wie habt ir uns geholfen, vil edel Rüedegêr! wand' wir sô vil der veigen hie ze lande hân, wir bedôrften ir niht mêre: ir habt vil übele getân.» 2146 Dô sprach der ritter edele: «da beswârt' er mir den muot und hât mir geitewizet êre unde guot, des ich von dînen handen hân sô vil genomen: daz ist dem lügenære ein teil unstætelîche komen.» 2147 Dô kom diu küneginne und het iz ouch gesehen daz von des heldes zorne dem Hiunen was ge- schehen. siu klaget' ez ungefuoge; ir ougen wurden naz. siu sprach zuo Rüedegêre: «wie habe wir ver- dienet daz, 2148 Daz ir mir unt dem künege mêret unser leit? nu habt ir uns, edel Rüedegêr, allez her geseit, ir woldet durh uns wâgen die êre und ouch daz leben. ich hôrt' iu vil der recken den prîs vil grœz- lîchen geben. 2149 Ich mane iuch der genâden und ir mir habt ge- sworn, do ir mir zuo Etzeln rietet, ritter ûz erkorn,

daz ir mir woldet dienen an unser eines tôt. des wart mir armem wîbe nie sô grœzlîche nôt. 2150 «Daz ist âne lougen, ich swuor iu, edel wîp, daz ich durch iuch wâgte die êre und ouch den lîp: daz ich die sêle vliese, des enhân ich niht gesworn. zuo dirre hôhgezîte brâht' ich die fürsten wol geborn.» 2151 Siu sprach: «gedenke, Rüedegêr, der grôzen triuwen dîn, der staete und ouch der eide, daz du den scha- den mîn immer woldest rechen, und elliu mîniu leit.» dô sprach der marcgrâve: «ich hân iu selten iht verseit. 2152 Êtzel der rîche vlêgen ouch began. dô buten sie sich beide ze füezen für den man. den edelen marcgrâven unmuotes man dô sach. der vil getriuwe recke harte jâmerlîchen sprach: 2153 «Owê mir gotes armem, deich ditz gelêbet hân. aller mîner êren der muoz ich abe stân, triuwen unde zühte, der got an mir gebôt. owê got von himele, daz mih's niht wendet der tôt! 2154 Swelhez ich nu lâze unt daz ander begân, sô hân ich bœslîche und vil übele getân: lâz' aber ih siu beide, mich schiltet elliu diet. nu ruoche mich bewîsen der mir ze lebene geriet.»

2155 Dô bâten sie genôte, der kûnec und ouch sîn wîp. des muosen sider recken verliesén den lîp vor Rüedegêres handen, dâ ouch der helt erstarp. ir müget daz hie wol hœren, daz er vil jâmer- lichen warp. 2156 Er wiste schaden gewinnen und ungefüegiu leit. er hêté dem kûnege vil gérné verseit, und ouch der kûneginne. vil sêre vorhte er daz, ob er ir einen slüege, daz im diu werlt trüege haz. 2157 Dô sprach zuo dem kûnege der vil küene man: «her kûnec, nu némt hin widere al daz ich von iu hân, daz lant mit den bürgen: des sol mir niht bestên. ich wil ûf mínen füezen in daz éllénde gén.» 2158 Dô sprach der kûnec Etzel: «wer hülfe danne mir? `daz lant zuo den bürgen daz gib' ich allez dir, daz du mich rechest, Rüedegêr, an den vinden mîn. du solt ein kûnec gewaltec beneben Etzelen sîn.» 2159 Dô sprach aber Rüedegêr: «wie sol ih'z ane vân? heim ze mínem hûse ich sie geladen hân, trinken unde spîse ich in gûetlîchen bôt, und gab in míne gâbe: wie sol ich râten in den tôt? 2160 Die liute wænent lîhte daz ich si verzaget. deheinen mínen dienest hân ich in widersaget, den vil edelen fürsten unde den ir man: ouch riuwet mich diu vriuntschaft die ich mit in geworben hân.

2161 Gîselher dem degene gab ich die tohter mîn. sîne kunde in dirre werlde niht baz verwendet sîn ûf zuht und ouch ûf êre, ûf triuwe und ouch ûf got. i’ne gesach nie künic sô jungen sô rehte tugent- lich gemuot. 2162 Dô sprach aber Kriemhilt: »vil edel Ruedegêr, nu lâ dich erbarmen unser beider sêr, mîn und ouch des küneges. gedenke wol dar an, daz nie wirt deheiner sô leide geste gewan.« 2163 Dô sprach der marcgrâve wider daz edele wîp: »ez muoz noch hiute gelten der Ruedegêres lîp swaz ir und ouch mîn herre mir liebes habt getân: dar umbe muoz ich sterben. daz mac niht len- gêr gestân. 2164 Ich weiz wol daz noch hiute mîn burge und miniu lant iu müezen ledec werden von ir etelîches hant. ich bevilhe iu ûf genâde mîn wîp und miniu kint und ouch die vil ellenden die dâ ze Bechelâren sint.« 2165 »Nu lôn’ dir got, Rûedegêr«, sprach der künic dô. er unt diu küneginne, sie wurden beidiu vrô. »uns suln dîne liute vil wol bevolhen wesen: ouch trouwe ich mînem heile daz du maht selbe wol genesen.« 2166 Dô liez er an die wâge sêle unde lîp. dô begonde weinen daz Etzelen wîp. er sprach: »ich muoz iu leisten als ich gelobet hân. owê der mînen vriunde, die ich vil ungerne bestân!«

2167 Man sah in von dem künege trûreclîchen gên. dô vant er sîne recken vil nâhen bî im stên. er sprach: «ir sult iuch wâfen, alle mîne man, die küenen Burgonden muoz ich léidér bestân.» 2168 Sie hiezen balde springen dâ man ir gewæfen vant. ez der helm wære, oder des schildes rant, von ir ingesinde wart ez in dar getragen. sît hôrten leidiu mære die stolzen éllénden sagen. 2169 Gewâfent wart dô Rüedegêr mit fünf hun- dert man: dar über zwélf récken ze helfe er gewan. die wolden prîs erwerben in des sturmes nôt: sin’ wessen niht der mære daz in sô nâhté der tôt. 2170 Dô sah man Rüedegêre under helme gân. ez truogen swert diu scarpfen des maregrâven man, dar zuo vor ir handen die liehten schilde breit. daz sach der videlære: ez was im grœzliche leit. 2171 Dô sah der junge Gîselher sînen sweher gên mit ûf gebundem helme. wie moht’ er dô verstên waz er dâ mite meinte, niwan allez guot? des wart der künec edele sô rehte vrœlich gemuot. 2172 «Nu wol mich solher vriunde», sprach Gîselher der degen, «die wir hân gewonnen ûfe disen wegen. wir suln mînes wîbes vil wol geniezen hie. mir ist liep ûf mîne triuwe daz ie der hîrât ergie.»

2173 «I'ne weiz wes ir iuch troestet», sprah dô der spileman. «wâ gesâht ir ie durh suone sô manegen helt gân mit ûf gebunden helmen, die truegen swert enhant? an uns wil dienen Ruedegêr sine burge und siniu lant. 2174 Bedaz der videlære die rêde völsprâch, Ruedegêrn den edelen man vor dem hûse sach. sinen schilt den guoten sazt' er fur den fuoz. dô muos' er sinen friunden versagen dienst unde gruoz. 2175 Der edele marcgrâve rief in den sal: «ir küenen Nibelunge, nu wert iuch uber al. ir soldet min geniezen, nu engêltêt ir min. ê dô wærên wir friunde: der triuwen wil ih ledec sin. 2176 Dô ercrahten dirre mære die nôthaften man: wand' ir deheiner vreude dâ von niht gewan, daz mit in wolde striten dem sie dâ wæren holt. sie heten von ir vinden vil michel arebeit gedolt. 2177 «Nunę welle got von himele», sprach Günther der degen, «daz ir iuch genâden sult an uns bewegen unt der vil grôzen triuwe, der wir doch heten muot. ich wil iu des baz getrouwen daz ir'z nimmêr getuot. 2178 «Jane mac ich's niht gelâzen», sprah dô der küene man: «ich muoz mit iu striten, wand' ih'z gelobet hân. nu wert iuch, küenen helde, sô lieb iu si der lip. mich enwolde's niht erlâzen des künec Etzelen wip.

2179 «Ir widersâgt uns nu ze spâte», sprach dô der künec hêr. «nu müez’ iu got vergelten, vil edel Rüedegêr, triuwe unde minne, die ir uns habt getân, ob ir’z an dem ende woldet güetlicher lân. 2180 Wir solden’z immer dienen. daz ir uns habt gegeben, ich und mîne mâge, ob ir uns liezet leben, der hêrlîchen gâbe, dô ir uns brâhtet her in Etzeln lant mit triuwen, des gedénket, edel Rüedegêr.» 2181 «Wie wol ich iu des gunde!», sprach Rüedegêr der degen, «daz ich iu mîne gâbe mit vollen solde wegen alsô willeclîchen als ich des hete wân! sone wurde mir dar umbe nimmer schéltén getân.» 2182 «Erwindet, edel Rüedegêr», sprach dô Gêrnôt. «wand’ ez wirt deheiner gesten nie erbôt sô rehte minneclîchen als ir uns habt getân, des sult ir wol geniezen, ob wir bî lebene bestân.» 2183 «Daz wolde got», sprach Rüedegêr, «vil edel Gêrnôt, daz ir ze Rine wæret und ích wære tôt mit etelîchen êren, sît ich iuch sol bestân! ez enwart noch nie an helden wirs von friundén getân.» 2184 «Nu lôn’ iu got, her Rüedegêr», sprach aber Gernôt, «der vil rîchen gâbe. mich riuwet iuwer tôt,

sol an in verderben sô tugentlicher muot. hie trage ich iuwer wâfen, daz ir mir gâbet, helet guot. 2185 Daz ist mir nie geswichen in aller dirre nôt. under sînen ecken lit manic ritter tôt. ez ist lûter unde stæte, hêrlich unde guot ich wæn' sô rîche gâbe ein recke nimmer mêr getuot. 2186 Und welt ir niht erwinden ir'n wellet zuo z'uns gân, slaht ir mir iht der vriunde, die ich noh hinne hân, mit iuwer selbes swerte nim' ich iu den lîp: sô riuwet ir mich, Rüedegêr, und iuwer hêrlichez wîp. 2187 «Daz wolde got, her Gêrnôt, und möhte daz ergân, daz aller iuwer wille wære hie getân. unt daz genesen wære iuwer vriunde lîp! jâ sol in wol getrouwen bêdiu mîn tohter und mîn wîp. 2188 Dô sprach von Burgonden der schœnen Uoten kint: wie tuot ir sô, her Rüedegêr? die mit mir komen sint, sie sint iu alle wæge. ir grîfet übele zuo. die iuwern scœnen tohter welt ir verwitewen ze vruo. 2189 Swenn' ir und iuwer recken mit strîte mich bestât, wie rehte unvriuntlîche ir daz schînen lât daz ich iu wol getrouwe für alle ander man, dâ von ich z'einem wîbe iuwer tohter mir gewan. 2190 «Gedenket iuwer triuwe, vil edel kunec hêr, gesende iuch got von hinnen : sô sprach Rüedegêr.

«lât die juncvrouwen niht engelten mîn: durch iuwer selbes tugende sô ruochet ir genædec sîn.» 2191 «Daz tæt' ich pillîchen», sprach Gîselher daz kint: «die hôhen mîne mâge, die noch hier inne sint, suln die von iu ersterben, sô muoz gescheiden sîn diu vil stæte vriuntschaft zuo dir und ouch der tohter dîn.» 2192 «Nu müez' uns got genâden», sprach dô der küene man. dô huoben sie die schilde, alsô sie wolden dan strîten zuo den gesten in Kriemhilde sal. dô rief vil lûte Hagene von der stiegen zetal: 2193 «Belîbet eine wîle, vil edel Rüedegêr.» alsô sprach dô Hagene. «wir wolden reden mêr, ich und mîne herren, als uns des twinget nôt. waz mac gehelfen Etzeln unser éllénder tôt?» 2194 «Ich stên in grôzen sorgen», sprach aber Hagene. «den schilt den mir vrou Gotelint gap ze tragene, den habent mir die Hiunen zerhouwen vor der hant. ich fuort' in friwentlîche in daz Étzélen lant. 2195 Daz des got von himele ruochen wolde, daz ich schilt sô guoten noch tragen solde sô den du hâst vor hende, vil edel Rüedegêr! sô bedörfte ich in den stürmen deheiner hals- perge mêr.» 2196 «Vil gerne wære ich dir gnot mit mînem schilde, torst' ich dir'n gebieten vor Kriemhilde.

doch nim du in hin, Hagene, unt trage'n an der hant. hei soldest du in füeren in der Bürgonden lant! 2197 Dô er im sô willeclichen den schilt ze gebene bôt, dô wart genuoger ougen von heizen trahenen rôt. ez was diu leste gâbe die sider immer mêr gebôt deheinem degene von Bechelâren Ruedegêr. 2198 Swie grimme Hagene wære und swie hérte gemuot, ja erbarmet' im diu gâbe die der helt guot bî sînen lesten zîten sô nâhen het getân. vil manec ritter edele mit im trûren began. 2199 «Nu lône iu got von himele, vil edel Ruedegêr. éz wirt iwer gelîche deheiner nimmer mêr der ellenden recken sô hêrlîche gebe. got sol daz gebieten daz iuwer tugent immer lebe.» 2200 «Sô wê mir dirre mære», sprach aber Hagene. «wir heten ander swære sô vil ze tragene: sul wir mit friunden strîten, daz sî got gekleit.» dô sprach der marcgrâve: «daz ist mir innec- lîchen leit.» 2201 «Nu lôn' ich iu der gâbe, vil edel Ruedegêr. swie halt gein iu gebâren dise recken hêr, daz nimmer iuch gerüeret in strîte hie mîn hant, ob ir sie alle slüeget die von Burgonden lant.» 2202 Des neig im mit zühten der guote Ruedegêr. sie weinten allenthalben, daz disiu herzen sêr niemen scheiden kunde: daz was ein michel nôt. vater aller tugende lag an Ruedegêre tôt.

2203 Dô sprach von dem hûse Volkêr der spileman: «sît mîn geselle Hagene den fride hât getân, den sult ir alsô stæte haben von mîner hant. daz habt ir wol verdienet, dô wir kômen in daz lant. 2204 Vil edel marcgrâve, ir sult mîn bote sîn. dise rôten bouge gap mir diu marcgrâvîn, daz ich sie tragen solde hie zer hôhgezît: die müget ir selbe schouwen, daz ir mîn ge- ziuc des sît.» 2205 «Daz wolde got von himele», sprach dô Rüedegêr, «daz iu diu marcgrâvinne noch solde geben mêr! diu mære sage ich gerne der triutinne mîn, gesihe ich sie gesunde: des sult ir âne zwîvel sîn.» 2206 Als er im daz gelobete, den schilt huop Rüedegêr: des muotes er retobete, done beit er dâ niht mêr, er lief zuo den gesten eim' degene gelîch. manegen slac vil swinden sluoc der marcgrâve rîch. 2207 Die zwêne stuonden hôher, Volkêr und Hagene, wand' ez im ê gelobten die zwêne degene. noch vant er alsô küenen bî dem turne stân, daz Rüedegêr des strîtes mit grôzen sorgen began. 2208 Durch mortræchen willen sô liezen in dar in Gunther unde Gêrnôt: sie heten helede sin. dô stuont ûf hôher Gîselher: ze wâre ez was im leit. er versach sich noch des lebenes: dar umbe er Rüedegêren meit. 2209 Dô sprungen zuo den vînden des marcgrâven man. man sah sie nâch ir herren vil degenlîche gân.

diu snîdenden wâfen sie truogen an der haut des brast dâ vil der helme und manec hêrlicher rant. 2210 Dô sluogen die vil müeden manigen swinden slac den von Bechelâren, der eben und tiefe wac, durch die lichten ringe vaste unz ûf daz verch. sie tâten in dem sturme diu vil hêrlichen werch. 2211 Daz edele ingesinde was nu kômen gar dar in: Volkêr unde Hagene die sprungen balde hin. sine gâben vride niemen, wan dem einem man. von ir beider hende daz pluot durh helme nider ran. 2212 Wie rehte gremelîche vil swerte drinne erklanc! vil der schiltspangen ûz den slegen spranc: des reis ir schiltgesteine verhouwen in daz pluot. sie vâhten alsô grimme, daz man ez nimmer mêr getuot. 2213 Der vogt von Bechelâren gie wider unde dan, alsô der mit ellen in sturme werben kan. dem tet des tages Rüedegêr harte wol gelîch. daz er ein recke wære, vil küene unt ouh vil lobelîch. 2214 Hie stuonden dise recken, Gunthêr und Gêrnôt! sie sluogen in dem strîte vil manegen helt tôt. Gîselher unt Dancwart, die zwêne ez ringe wac: des frumten sie vil manegen unz ûf ir jüngesten tac. 2215 Vil wol zeigte Rüedegêr, daz er was starc genuoc, küene und wol gewâfent: hei waz er helde sluoc!

daz sach ein Burgonde: zornes gie im nôt. dâ von begunde nâhen des edelen Rüedegêres tôt. 2216 Gêrnôt der starke, den helt den rief er an. ' er sprach zem marcgrâven: «ir welt mir mîner man niht genesen lâzen, vil edel Rüedegêr. daz müet mich âne mâze: ich'n kan's niht an gesehen mér. 2217 Nu mag iu iuwer gâbe wol ze scaden komen, sît ir mir mîner vriunde habt sô vil genomen. nu wendet iuch her umbe, vil edel küene man. iwer gâbe wirt verdienet so ich áller hôhéste kan.» 2218 Ê daz der marcgrâve vol zuo z'im koeme dar, des muosen liehte ringe werden missevar. dô sprungen zuo ein ander die êre gernde man. ir ietwedere schermen für starke wúndên began. 2219 Ir swert sô scherpfe wâren, ez enkunde niht gewegen. dô sluoc Gêrnôten Rüedegêr der degen durch hélm vlînshérten, daz nider vlôz daz pluot. daz vergalt im schiere der ritter küene unde guot. 2220 Die Rüedegêres gâbe an hende er hôhe erwac: swie wunt er wær' zem tôde, er sluoc im einen slac durch den schilt vil guoten unz ûf diu helmgespan. dâ von muos' ersterben der schoenen Gotelinde man. 2221 Jane wart nie wirs gelônet sô rîcher gâbe mér. dô vielen beide erslagene, Gêrnôt und Rüedegêr,

gelich in dem sturme, von ir beider hant. alrêrst erzurnde Hagene do er den grôzen schaden vant. 2222 Dô sprach der helt von Tronege: »ez ist uns ubele komen. wir haben an in beiden sô grôzen schaden genomen, den nimmer überwindent ir liute und ouh ir lant. die Rüedegêres helde sint unser ellenden pfant.« 2223 »Owê mines bruoder. der tôt ist hie gefrumt. waz mir der leiden mære z'allen zîten kumt! ouh muoz mich immer riuwen der edele Ruedegêr. der schade ist beidenthalben unt diu vil grœz- lîchen sêr.« 2224 Dô Gîselher der herre sach sînen sweher tôt, die dô dar inne wâren, die muosen lîden nôt. der Tôt der suochte sêre dâ sîn gesinde was. der von Bechelâren dô langer einer niht genas. 2225 Gunther unde Gîselher und ouch Hagene, Dancwart und Volkêr, die guoten degene, die giengen dâ sie funden ligen die zwêne man: dô wart dâ von den heleden mit jâmer wei- nen getân. 2226 »Der Tôt uns sêre roubet«, sprach Gîselher daz kint. »nu lâzet iuwer weinen, und gê wir an den wint, daz die ringe erkuolen uns sturmmuoden man. jâ wæn' uns got langer niht ze lebene hie engan.«

2227 Den sitzen, disen leinen sah man dâ manegen degen. sie wâren aber müezec: dâ wâren tôt gelegen die Rüedegêres helde. vergangen was der dôz. sô lange wert' diu stille daz sîn Etzeln verdrôz. 2228 «Owê mir dirre dienste», sprach des küniges wîp: «dine sint niht sô stæte, daz unser vinde lîp müge des engelten von Rüedegêres hant. 'er wil sie wider bringen in der Burgonden lant. 2229 Waz hilfet, künec Etzel, daz wir geteilet hân mit im swaz er wolde? der helt hât missetân. der uns dâ solde rechen, der wil der suone pflegen.» des antwurte ir Volkêr, der vil zierlîche degen: 2230 «Der réde enist sô niht leider, vil edeles küniges wîp. getörste ich heizen liegen alsus edelen lîp, sô het ir tiuvellîchen an Rüedegêr gelogen. er unt die sînen degene sint an der suone gar betrogen. 2231 Er tet sô willeclîche daz im der künec gebôt, daz er und sîn gesinde ist hie gelegen tôt. nu sêhet al úmbe, Kriemhilt, wem ir nû gebieten welt. iu hât unz ûf den ende gedienet Rüedegêr der helt. 2232 Welt ir des niht gelouben, man sol'z iuch sehen lân.» durch ir herzen leide sô wart dô daz getân: man truoc den helt verhouwen dâ in der künec sach. den Étzélen degenen sô rehte leide nie geschach.

2233 Dô sie den marcgrâven sâhen tôten tragen, ez enkunde ein schrîbære geprieven noch gesagen [— 3] die manegen ungebære von wîbe und ouch von man, diu sich von herzen jâmer aldâ zeigen began. 2234 Der Étzélen jâmer der wart alsô groz, als eines lewen stimme der rîche kuncce erdôz [— 3] mit herzen leidem wuofe: alsam tet ouch sîn wîp. sie klageten ungefuoge des guoten Ruedegêres lîp.

2235 Dô hôrt' man allenthalben jâmer alsô grôz, daz palas unde türne von dem wuoſe erdôz. dô hôrt' ez ouch von Berne ein Dietrîches man: durch disiu starken mære wie balde er gâhen began! 2236 Dô sprach er zuo dem fürsten: «hœrt, min her Dietrîch. swaz ich noh her gelebt hân, sô rehte un- mügelich gehôrt' ich klage nie mære, als ich nu hân vernomen. ich wæn' der künec Etzel ist selbe zuo dem schaden komen.»

2237 Wie mohten s' anders alle haben solhe nôt? der künec oder Kriemhilt, ir einez daz ist tôt von den küenen gesten durh ir nît gelegen. ez weinet ungefuoge vil manec zierlicher degen. 2238 Dô sprach der helt von Berne: «minē vil lie- ben man, nu gâhet niht ze sêre. swaz hie hânt getân die ellenden recken, des gât in michel nôt. und lât sie des geniezen daz ich in mînen fride bôt.» 2239 Dô sprach der küene Wolfhart: «ich wil dar gân und wil der mære vrâgen, waz sie haben getân und wil'z iu sagen danne, vil lieber herre mîn, als ich ez dort ervinde, waz diu klage muge sîn.» 2240 Dô sprach der herre Dietrich: «swa man zornes sih versiht, ob ungetüegiu vrâge danne dâ gesciht, daz betrüebet recken lîhte den ir muot. janē wil ich niht, Wólfhart, daz ir die vrâge gein in tuot.» 2241 Dô bat er Helpfrîchen vil balde dar gân und hiez in daz ervinden an Etzelen man oder án den gesten selben, waz wære dâ geschehen. donē het man von liuten sô grôzen jâmer nie gesehen. 2242 Der bote begonde vrâgen: «waz ist hie getân?» dô sprach einer drunder: «dâ ist vil gar zergân swaz wir vröuden hêten in der Hiunen lant. hie lît erslagen Rüedegêr vôn der Bürgonden hant.

2243 Die mit im dar in kômen, der ist éiner niht genesen.» donę konde Helpfrîche nimmer leider wesen. janę gesaget’ er mære sô rehte ungerne nie. der bote ze Dietrîche vil sêre wéinende gie. 2244 «Waz habt ir uns erfunden?» sprach dô Dietrîch. «wie weinet ir sô sêre, degen Helpfrîch?» dô sprach der edele recke: «ich mac wol balde klagen: den guoten Rüedegêre hânt die Búrgónde erslagen.» 2245 Dô sprach der helt von Berne: «daz ęnsol niht wellen got. daz wære ein starkiu râche und ouch des tiuvels spot. wâ mite hete Rüedegêr an in daz versolt? jâ ist mir daz wol künde, er ist den éllénden holt.» 2246 Des antwurte Wolfhart: «und heten si’z getân, sô solt’ ez in allen an ir leben gân. ob wir’z in vertrüegen, des wære wir geschant. jâ hât uns vil gedienet des guoten Rüedegêres hant.» 2247 Der vogt von Amelunge hiez iz ervarn baz. vil harte senelîche er in ein venster saz: dô bat er Hildebrande zuo den gesten gân, daz er an in erfünde, waz dâ wæré getân. 2248 Der sturmküene recke, meister Hildebrant, weder schilt noch wâfen truog er an der hant: er wolde in sînen zühten zuo den gesten gân. von sîner swester kinde wart im ein strâfen getân.

2249 Dô sprach der grimme Wolflıart: »welt ir der blôzer gân, sô mag ez âne ein schelten nimmer wol gestân: sô müezt ir lasterlîche tuon die widervart: komt ir dar gewâfent, daz etelîcher wol bewart. 2250 Dô garte sich der wîse durch des tumben rât. ê daz er's innen wurde, dô wâren in ir wât alle Dietrîches recken unt truogen swert enhant. dem helde was iz leide: vil gerne hêt er'z erwant. 2251 Er vrâgte war sie wolden. »wir wellen mit iu dar. waz ob von Tronege Hagene deste wirs getar gein in mit spotte sprechen, des er wol kan gepflegen. dô er daz gehôrte, dâ von gestatte's in der degen. 2252 Dô sach der küene Volkêr wol gewâfent gân, die récken von Berne, die Dietrîches man, begürtet mit den swerten: sie truogen schilt enhant. er saget' ez sînen herren ûzer Burgonden lant. 2253 Dô sprach der videlære: «ich sihe dort hér gân sô rehte vientlîche die Dietrîches man gewâfent under helme: sie wellent uns bestân. ich wæn' ez an daz übele welle uns ellenden gân. 2254 In den selben zîten kom ouch Hildebrant. dô sazt' er für die füeze sînes schildes rant, er begonde vrâgen die Guntheres man: ›owê ir guoten helde, waz het iu Rüedegêr getân? 2255 Mich hât mîn herre Dietrich her zuo z' iu gesant: ob erslagen hête iwer deheines hant

den edelen marcgrâven, als uns daz ist geseit, wir'n kunden überwinden niht diu grœzlichen leit.» 2256 Dô sprach von Tronege Hagene: «daz mære ist ungelogen. wie wol ich iu des gunde, het iuch der bote betrogen, durch Rüedegêres liebe, daz lebte noch sin lîp, den immer mugen weinen beidiu man unde wîp!» 2257 Dô sie daz rehte erhôrten daz er wære tôt, dô klageten in die recken: ir triuwe in daz gebôt. den Dietrîches recken sah man trähene gân über bérte und über kinne: in was vil léidé getân. 2258 Der herzogē ûzer Berne Sigestap dô sprach: «nu hât gar ein ende genommen der gemach, den uns ie fuogte Rüedegêr nâh unser leide tagen. vröude ellender diete lit von iu héldén erslagen.» 2259 Dô sprach von Amelungen der degen Wolfwîn: «und ob ich hiute sæhe tôt den vater mîn, mir enwurde nimmer leider denn' umbe sînen lîp. owê wer sol nu trœsten des guoten marcgrâven wîp?» 2260 Dô sprach in zornes muote der degen Wolfhart: «wer wîset nu die recken sô manege herevart, alsô der marcgrâve vil dicke hât getân? owê, vil edel Rüedegêr, daz wir dich sús vlóren hân!» 2261 Wolfprant und Helpfrîch unde Helmnôt, mit állén ir vriunden sie weinten sînen tôt.

vor siuften mohte vrâgen niht mére Hildebrant. er sprach: «nu tuot, ir degene, dar nâch min herre hât gesant. 2262 Gebt uns Ruedegêren alsô tôten ûz dem sal, an dem gar mit jâmer lit unser freuden val: und lât uns an im dienen daz er ie hât begân an uns vil grôze triuwe und an manegem andern man. 2263 Wir sin ouch ellende als Ruedegêr der degen. wes lâzet ir uns piten? lât in uns after wegen tragen, daz wir nâch tôde lônen noh dem man. wir heten'z pillicher bi sime lebene getân. 2264 Dô sprach der kûnec Gunther: «nie dienest wart sô guot sô den ein vriunt vriunde nâch dem tôde tuot. daz heiz' ich stæte triuwe, swer die kan begân. ir lônet im von schulden: er hât iu liebé getân. 2265 «Wie lange suln wir vlêgen? sprach Wolfhart der degen. «sît unser trôst der beste von iu ist tôt gelegen, und wir sin leider mére mügen niht gehaben. lâten uns tragen hinnen dâ wir den récken begraben. 2266 Des antwurte Volker: «niemen in iu git. nemten in dem hûse dâ der degen lit mit starken verchwunden gevallen in daz pluot: so ist éz ein voller dienest den ir hie Ruedegêre tuot.»

2267 Dô sprach der küene Wolfhart: «got weiz, her spileman, ir endürfet uns niht reizen: ir habt uns leit getân. törst' ich vor mînem herren, sô kœmet ir's in nôt: des müezen wir'z lâzen, wand' er uns strîten verbôt.» 2268 Dô sprach der videlære: «der vorhte ist gar ze vil, swaz man im verbiutet, der'z allez lâzen wil. daz enkan ich niht geheizen rehten heldes muot. diu rede dûhte Hagenen von sînem hergesellen guot. 2269 «Des enlât iuch niht gelangen», sprach aber Wolfhart. «ich entrihte iu sô die seiten. swenn' ir die widervart rîtet gegen Rîne, daz ir'z wol muget sagen. iuwer übermüeten mag ich mit êren niht vertragen.» 2270 Dô sprach der videlære: «swenn' ir die seiten mîn verirret guter dœne, der iuwer helmes schîn muoz vil trüebe werden von der mînen hant, swie halt ich gerîte in der Burgonden lant.» 2271 Dô wold' er zuo z'im springen, wan daz in niht enlie Hildebrant sîn œheim in vaste z'im gevie. «ich waen' du woldest wüeten durch dînen tumben zorn. mînes herren hulde du hetes immer mêr verlorn.» 2272 «Lât abe den lewen, meister, er'st so grimme gemuot. kumt er mir zen handen», sprach Völker der dêgen guot,

het er die werlt alle mit siner hant erslagen, ich slahe in daz er'z widerspel nimmer mêre durt gesagen. 2273 Des was vil harte erzürnet der Bernære muot. den schilt gezuhte Wolfhart, ein sneller de- gen guot. alsam ein lewe wilder lief er vor in dan. im wart ein gâhez volgen von sînen vriunden getân. 2274 Swie wîter sprunge er pflæge fur des sales want, doch ergâhte in vor der stiege der alte Hildebrant: er wolde in vor im lâzen niht komen in den strît. sie funden daz sie suochten an den ellenden sit. 2275 Dô gespranc zuo Hagenen meister Hildebrant: diu swert man hôrte erklingen an ir beider hant. sie wâren sêre erzürnet: daz moht' man kiesen sint. von ir zweier swerten gie der fiwerrôter wint. 2276 Die wurden dô gescheiden in des strîtes nôt: daz tâten die von Berne, als in ir kraft gebôt. zehant dô wande Hildebrant von Hagenen wider dan: dô lief der starke Wolfhart den küenen Volkêren an. 2277 Er sluoc den videlære ûf den helm guot, daz des swertes ecke unz an die spangen wuot. daz vergalt mit ellen der küene spileman. dô sluog er Wolfharten, daz er stieben began. 2278 Des fiwers ûz den ringen hiuwen sie genuoc. haz ir ieslîcher dem andéren truoc.

die sciet dô von Berne der degen Wolfwin: ob ez ein helt niht wære, des ẹnkunde nimmêr gesîn. 2279 Günthêr der recke mit williger hant2216 enpfie die helde mære von Amelunge lant.(2338) Gîselher der herre, diu lichten helmvaz, der frumt' er dâ vil manigez von pluote rôt unde naz. 2280 Dancwart, Hagenen bruoder, was ein grim- mec man.2217 swaz er dâ vor hête in strîte getân.(2339) den Etzelen recken, daz was gar ein wint: nu vaht vil tobelîche des küenen Aldriânes kint. 2281 Ritschart unde Gêrbart, Helpfrîch und Wichart.2218 die heten in manegen stürmen vil selten sich(2340) gespart: des brâhten sie wol innen die Guntheres man. dô sach man Wolfpranden in strîte hêrlîche gân. 2282 Dô vaht alsam er wuote der alde Hildebrant.2219 vil der guoten recken vor Wolfhartes hant(2341) mit tôde muose vallen von swerten in daz pluot. sus râchen Rüedegêren die recken küene unde guot. 2283 Dô vaht der herre Sigestap als im sîn ellen riet.2220 hei waz er in dem strîte der guoten helme schriet(2342) den sînen vîänden, Dietrîches swester sun! er ẹnkunde in dem sturme nimmêr bęzzers niht getuon. 2284 Vôlkêr der starke, dô er daz ersach2221 daz Sigestap der küene den blüotêgen bach(2343)

lin ûz hert a ringen, daz was dem helde zorn. er sprach im hin entgegen: dô hete S'gestap verloren 2285 Von dem videlêre vil schiere dâ daz leben; er begonde im siner kûnste al-allen teil dâ gehen, daz er von sinem swerte nuse ligen tut. daz rach der alte Hildebrant, als im sin elen daz gebôt. 2286 Owê liebes herren, sprach meister Hildebrant, oder hie lit erstorben von Volkêres hant. nunne sol der videlêre lenger niht gezen. Hildebrant der kuche, wie kûnde er grimm' r gewessen? 2287 Dô sluog er Volkeren, daz im den heilant. stuben allenthalben zuo des sales wunt von helme und ouch von schilde, den kûnden spil man dâ von der starke Volkêr do den ende dâ gewan. 2288 Dô drumen zuo dem strite die Dietriches man. sie sluogen daz die ringe vil verre draten dan, unt daz man ort der swerte vil hêhe vliezen sach. sie holten ûz den helmen den heize vliezenden bach. 2289 Dô sach von Tronege Hagene Völkêren t. t. daz was zer hêhgezite sin aller naistiu nôt, die er dâ hete gewonnen an mâgen und an man. owê wie harte Hagene den helt dô rêchen began! 2290 Nunne sol es niht genessen der alte Hildebrant. min helfe lit erslagene von des heldes hant.

der beste hergeselle, den ich ie gewan.» den schilt ruht' er hôher: dô gie er hóuwénde dan. 2291 Helpfrich der starke Dancwarten sluoc. Gunther und Gîselher, den was ez leit genuoc, dô sie in sâhen vallen in der starken nôt. er hete mit sînen handen wol vergolten sînen tôt. 2292 Die wîle gie dô Wolfhart beide wider unde dan, allez hóuwénde die Guntheres man. er was die dritten kêre komen durch den sal: dâ viel von sînen handen vil manec récké ze tal. 2293 Dô rief der herre Gîselher Wolfharten an: «owê daz ich sô grimmen vient ie gewan. edel ritter küene, nu wendet gegen mîn. ich wil'z helfen enden: ez enmac niht lángér gesîn.» 2294 Zuo Gîselhere kêrte Wolfhart in den strît. dô sluoc ir ietwedere vil manege wunden wît. sô rehte krefteclîchen er zuo dem künege dranc daz ime'z plûot under füezen al über daz hóubét gespranc. 2295 Mit swinden slegen grimmen der sehœnen Uoten kint enpfie Wólfhárten den küenen helt, sint. swie starc der degen wære, er kunde niht genesen. ez endorfte küncc sô junger nimmer küenér gewesen. 2296 Dô sluoc er Wolfharten durch eine brunne guot, daz im von der wunden nider vlôz daz pluot.

er wunte zuo dem tôde den Dietriches man: ez enhet an' einen recken zwaer' in nie getân. 2297 Alsô der küene Wolfhart der wunden enpfant, [2245] den schilt liez er vallen, hôher an der hant huob er ein starkez wâfen: daz was scharpf genuoc: durch helm unt durch ringe der helt dô Gîsel- heren sluoc. 2298 Sie heten beide ein ander den grimmen tôt getân. [2246] done lebte ouch nu niht mêre der Dietriches man. Hildebrant der alte Wolfharten vallen sach: im waen' vor sînem tôde sô rehte leide nie geschach. 2299 Dô wâren gar erstorben die Guntheres man [2247] und ouch die Dietriches. Hildebrant was gegân dâ Wolfhart was gevallen nider in daz pluot: er beslôz mit armen den recken küen' unde guot. 2300 Er wolde'n ûzem hûse mit im tragen dan: [2248] er was ein teil ze swære, er muose in ligen lân. dô blihte ûz dem bluote der rewende man: er sach wol daz im gerne sîn neve het geholfen dan. 2301 Dô sprach der tôtwunde: «vil lieber œheim mîn, [2249] ir mügt an disen zîten mir niht trum gesîn: nu hüetet iuch vor Hagenen: jâ dunket ez mich guot. er treit in sîne herzen einen grimmigen muot. 2302 Und ob mich mîne mâge nâch tôde wellen klagen, [2250] den nêhsten unt den besten den sult ir von mir sagen, daz sie nâch mir niht weinen: daz ist âne nôt. vor eines küniges handen lig' ich hie hêrlichen tôt.

2303 Ich hân ouch sô vergolten hier inne minen lip, daz ez wol mugen beweinen der guoten ritter wîp. ob iuch des iemen vrâge, sô müget ir balde sagen, vor min eines handen lit wol hûndért erslagen. 2304 Dô gedâht' ouch Hagene an den spileman, dem der küene Hildebrant sîn leben an gewan: dô sprach er zuo dem degene: «ir geltet mîniu leit. ir habt uns hinne erbunnen vil maneges réckén gemeit.» 2305 Er sluoc ûf Hildebranden, daz man wol vernam Bálmûngen diezen, den Sîfride nam Hagene der küene, da er den helt sluoc. dô werte sich der alte: jâ was er küené genuoc. 2306 Der recke Dietrîches sluoc ein wâfen breit ûf den helt von Tronege, daz ouch vil sêre sneit. done kund' er niht verwunden den Guntheres man: dô sluoc ab in Hágene durh eine brünne wol getân. 2307 Dô der alde Hildebrant der wúnden enpfant, dô vorhte er schaden mêre von der Hagenen hant: den schilt warf über rücke der Dietrîches man, mit der starken wunden der helt dô Hagenen entran. 2308 Dâ was niemen lebende al der degene, niwan die einen zwêne, Gunthér und Hagene. mit bluote gie berunnen der alte Hildebrant: er brâhte leidiu mære dâ er Dietrichen vant. 2309 Dô sah er trûreclîche sitzen hie den man. der leide michel mære der fürste dô gewan.

er sah ouch Hildebranden in sîner brunne rôt: dô vrâgte er in der mære, als im diu sorge gebôt. 2310 Nu sagt mir, meister Hildebrant, wie sît ir sô naz von dem verchpluote? oder wer tet iu daz? [2271] ich wæne ir mit den gesten zem hûse habt gestriten: ich verbôt ez iu sô sêre, dô het ir'z pillich vermiten.» 2311 Dô sagt' er sînem herren: «ez tet Hagene. der sluog mir dise wunden in dem gademe, [2272] dô ich von dem recken wolde wenden dan. mit mînem lebene kûme ich dem tievel entran.» 2312 Dô sprach der Bernære: «vil rehte ist iu geschehen, dô ir mich friuntschefte den recken hôrtet jehen, [2273] daz ir den vride brâchet, den ich in hete gegeben. het ih's niht immer scande, ir soldet vliesen daz leben.» 2313 «Nu ênzürnet niht sô sêre, mîn herre Dietrich. an mir und mînen friunden der schade ist alze rîch. [2274] wir wolden Rüedegêren getragen haben dan: des enwolden uns niht gunnen des künge Guntheres man.» 2314 «Sô wê mir dirre leide! ist Rüedegêr doch tôt, daz muoz mir sîn ein jâmer vor aller mîner nôt. Gotelint diu edele ist mîner pasen kint. ach wê der armen weisen die dâ ze Bechelâren sint.»

2315 Riuwen unde leides mant' in dô sîn tôt. er begônde starke weinen: des gie dem helede nôt. «owê getriuwer helfe. die ich verlorn hân! jane überwinde ich nimmer des künec Étzélen man. 2316 «Müget ir mir, meister Hildebrant, diu rehten mære sagen, wer der recke wære, der in dâ hât erslagen?» er sprach: «daz tet mit kreften der starke Gêrnôt: vor Rüedegêres handen ist ouch der helt gelegen tôt.» 2317 Er sprach ze Hildebrande: «nu saget mînen man, daz sie sich balde wâfen; wand' ich wil dâr gân. und heizet mir gewinnen mîn liehtez wîcgewant. ich wil selbe vrâgen die helde ûz Burgonden lant. 2318 Dô sprach meister Hildebrant: «wer sol zuo z'iu gên? swaz ir habt der lebenden, die seht ir bî iu stên. daz pin ich alterseine: die andern die sint tôt.» do erschraht' er dirre mære: des gie im wær- lîche nôt; 2319 Wand' er leit sô grôzez zer werlde nie gewan. er sprach: «und sint erstorben alle mîne man, sô hât mîn got vergezzen, ich armer Dietrich. ich was ein künec hêre, vil gewaltic unde rîch.» 2320 «Wie kunde ez sich gefüegen», sprach aber Dietrich, «daz sî alle sint erstorben, die helde lobelîch, von den strîtmüeden, die doch heten nôt? wan durch mîn ungelücke, in wære vremde noch der tôt.

2321 Sît daz es mîn unschulde niht langer wolde entwesen, sô sagt mir, ist der geste noch iemen genesen? dô sprach meister Hildebrant: daz weiz got, niwan Hagene alein und Gunther der künec hêr. 2322 Owê, lieber Wolfhart, sol ich dich hân verlorn, sô mac mich balde riuwen daz ich ie wart geborn: Sigestap und Wolfwin und ouch Wolfprant, wer sol mir danne helfen in der Amelunge lant? 2323 Helfrich der vil küene, und ist mir der erslagen, Gerbart und Wîchart, wie solde ich die verklagen? daz ist an mînen vreuden mir der leste tac. owê daz vor leide niemen stêrben ne mac!

2324 Dô suocht' der herre Dietrich selbe sîn gewant: im half, daz er sich wâfent', meister Hildebrant. dô klagete alsô sêre der krêftige man, daz daz hûs erdiezen von sîner stimme began. 2325 Dô gewan er widere rehten heldes muot, in grimme wart gewâfent dô der degen guot, einen schilt vil vesten den nam er an die hant, sie giengen balde dannen, er unde meister Hildebrant. 2326 Dô sprach von Tronege Hagene: ich sihe dort here gân den herren Dietrichen: der wil uns bestân.

nâch sînem starkem leide, daz im ist hie geschêhen. man sol daz hiute kiesen wem man des besten muge jehen. 2327 Jane dunket sich von Berne der herre Dietrich nie sô starc des lîbes und ouch sô gremelich, und wil er’z an uns rechen, daz im ist getân», alsô redete Hagene, «ich getâr in rehte wol bestân.» 2328 Dise rede hôrte Dietrich und Hildebrant. er kom dâ er die recken beide stênde vant ûzen vor dem hûse, geleinet an den sal. sînen schilt den guoten den sazte Dietrich zetal. 2329 In leitlichen sorgen sprach dô Dietrich: «wie habt ir sô geworben, Gunther, künec rîch, wider mich ellenden? waz het ich iu getân? alles mînes trôstes des pin ich éinê bestân. 2330 Iuch endûhte niht der volle an der grôzen nôt, dô ir uns Rüedegêren den helt sluoget tôt: nu habet ir mir erbunnen aller mîner man. janê het ich iu helden sölher leide niht getân. 2331 Gedenket an iuch selben unde an iuwer leit, tôt der iuwer vriunde und ouch diu arebeit, ob ez iu guoten recken beswæret’ iht den muot. owê wie rehte unsanfte mir tôt der Rüedegêres tuot! 2332 Ez geschach in dirre werlde nie manne leider mêr. ir gedâhtet übele an mîn und iuwer sêr.

swaz ich freuden hête, diu liget von iu erslagen. janę kan ich nimmer mêre die mîne mâgê verklagen.» 2333 «Janę sîn wir niht sô schuldic», sprach dô Hagene. «ez giengen iuwer helde zuo disem gademe, gewâfent wol ze vlize mit einer schar sô breit. mich dunket daz diu mære iu niht rehte sîn geseit.» 2334 «Waz sol ich gelouben mêre? mir seit’ ez Hil- debrant, dô mîne recken gerten von Amelunge lant daz ir in Rüedegêre gæbet ûz dem sal, dô bütet ir niwan spotten den küenen helden her ze tal.» 2335 Dô sprach der künec von Rîne: «sie jâhen wol- den tragen Rüedegêren hinnen: den hiez ich in versagen É́tzeln ze leide, und niht den dînen man: unze daz dô Wolfhart dar umbe scéltén began.» 2336 Dô sprach der helt von Berne: «ez muose et alsô sîn. Gunther, künec edele, durch die zühte dîn ergetze mich der leide dî mir vón dir sint geschehen, und süene iz, ritter küene, daz ich des künne dir gejehen. 2337 Ergip dich mir ze gîsel, du und ouch dîn man: sô wil ich behüeten, so ih aller beste kan, daz dir hie zen Hiunen niemen niht entuot. dunę solt an mir niht vinden niwan triuwe unde guot.» 2338 «Daz enwelle got von himele», sprach dô Hagene, «daz sich dir ergæben zwêne degene,

die noch sô werlîche gewâfent gegen dir stênt und noch sô lediclîche vor ir vîenden gênt. 2339 Ir ensult iz niht versprechen so redet Dietrich, Gunther unde Hagene. ir habt beide mich sô sêre beswæret, daz herze und ouch den muot, welt ir mich ergetzen, daz ir'z vil pillîchen tuot. 2340 Ich gibe in mîne triuwe und sicherlîche hant, daz ich mit iu rîte heim in iuwer lant. ich leite iuch nâch den êren oder ich gelige tôt, und wil durch iuch vergezzen der mînen grœzlîchen nôt. 2341 Nunc muotet sîn niht mêre, sprach aber Hagene. von uns enzimt daz mære niht wol ze sagene, daz sich iu ergæben zwên' alsô küene man. nu siht man bî iu niemen wan e Hildebrande stân. 2342 Dô sprach meister Hildebrant: got weiz, her Hagene, der iu den vride biutet mit iu ze tragene. ez kumt noch an die stunde daz ir in möhtet nemen. die suone mînes herren möht ir iu lâzen gezemen. 2343 Jâ næme ich ê die suone, sprach aber Hagene. ê ih sô lasterlîche ûz einem gademe flühe, meister Hildebrant, als ir hie habt getân. ich wânde daz ir kundet baz gein vîanden stân.

2344 Des antwurte Hildebrant: «zwiu verwîzet ir mir daz? nu wer wás der ûfme schilde vor dem Wásken- steine saz, dó im von Spanje Walther sô vil der friunde sluoc? ouch habt ir noch ze zeigen an iu sélbén genuoc.» 2345 Dô sprach der herre Dietrich: «daz ęnzimt niht helede lip, dáz sie súln scelten sam diu alten wip. ich verbiute iu, Hildebrant, daz ir iht sprechet mêr. mich ellenden recken twinget grœzlîchin sêr. 2346 Lât hœren», sprâch Dietrich, «recke Hagene, waz ir beide sprâchet, vil snelle degene, dô ir mich gewâfent zuo z'iu sâhet gân? ir jâhet daz ir eine mit strîte woldet mich bestân.» 2347 «Janę lougent iu des niemen», sprach Hagene der degen, «i'ne welle'z hie versuochen mit den star- ken slegen, ez ęnsî daz mir zebreste daz Nibelunges swert. mir ist zórn daz unser beider ist ze gîsél gegert.» 2348 Dô Dietrich gehôrte den grimmen Hagenen muot, den schilt vil balde zuhte der snelle degen guot. wie balde gein im Hagene von der stiegen spranc! Niblûnges swert daz guote vil lûte ûf Dietrîche erklanc. 2349 Dô wesse wol her Dietrich daz der küene man vil grimmes muotes wære: schermen im began

der herre von Berne vor ungeslîchen slegen. wol erkand' er Hagenen, den vil zierlîchen degen. 2350 Ouch vorht' er Balmungen, ein wâfen starc genuoc. under wîlen Dietrich mit listen wider sluoc, unze daz er Hagenen mit strîte doch betwanc. er sluoc im eine wunden: diu was tief unde lanc. 2351 Do gedâht' der herre Dietrich: «du bist in nôt erwigen: ih hân's lützel êre, soltu tôt vor mir geligen. ich wil'z sus versuochen, ob ich ertwingen kan dich mir ze einem gîsel.» daz wart mit sôrgen getân. 2352 Den schilt liez er vallen: sîn sterke diu was grôz, Hagenen von Tronege mit armen er beslôz. des wart dô betwungen von im der küene man. Gunther der edele dar umbe trûren began. 2353 Hagenen bant dô Dietrich und fuort' in dâ er vant die edelen küneginne, und gab ir bî der hant den küenesten recken der ie swert getruoc. nâch ir vil starkem leide dô wart siu vrœlich genuoc. 2354 Vor liebe neic dem degene daz Etzelen wîp: «immer sî dir sælic dîn herze und ouch dîn lîp. du hâst mich wol ergetzet aller mîner nôt. daz sol ich immer dienen, mich ensûmê's der tôt.» 2355 Dô sprach der herre Dietrich: «ir sult in lân genesen, edeliu küneginne. und mac daz noch gewesen, wie wol er iuch ergetzet daz er iu hât getân! er sol des niht engelten daz ir in seht gebunden stân.»

2356 Dô hiez siu Hagenen füeren an sîn ungemach, dâ er lac beslozzen unt dâ in niemen sach. Gunthér der künec edele rüefen dô began: «war kom der helt von Berne? der hât mir léidé getân.» 2357 Dô gie im hin engegene der herre Dietrich. daz Guntheres ellen daz was vil lobelich: done beit ouch er niht mêre, er lief her für den sal. von ir beider swerten huop sich ein grœzlicher scal. 2358 Swie vil der herre Dietrich lange was gelobt, Gunther was sô sêre erzürnet und ertobt, wand' er nâch starkem leide sin herzevient was: man sagt ez noch ze wunder, daz dô her Dietrich genas. 2359 Ir ellen und ir sterke beide wâren grôz. palas unde türne von den slegen dôz, dô sie mit swerten hiuwen ûf die helme guot. ez het der künec Gunther einen hêrlichen muot. 2360 Sit twanc in der von Berne, sam Hagenen ê geschach. daz pluot man durch die ringe dem helde vliezen sach von einem scarpfen swerte: daz truoc her Dietrich. doch het gewert her Gunther nâch müede lobe- liche sich. 2361 Der herre wart gebunden von Dietriches hant, swie künege nime solden lîden solhiu bant. er dâht' ob er sie lieze, den künec und sînen man, alle die sie fünden, die müesen tôt vor in bestân. 2362 Dietrich von Berne der nam in bî der hant: dô fuort' er in gebunden dâ er Kriemhilde vant.

dô was mit sînem leide ir sorgen vil erwant. si sprach: «willekomen Gunther ûzer Burgonden lant.» 2363 Er sprach: «ich solde iu nîgen, vil edele swester mîn, ob iuwer grüezen mohte genædeclîcher sîn. ich weiz iuch, küneginne, sô zornec gemuot, daz ir mich und Hagenen vil swache grüezên getuot.» 2364 Dô sprach der helt von Berne: «vil edeles ku- neges wîp, ez enwart nie gîsel mêre sô guoter ritter lîp, als ich in, vrouwe hêre, an in gegeben hân: nu sult ir die ellenden mîn vil wol geniezen lân.» 2365 Siu jach siu tæt' iz gerne. dô gie her Dietrich mit weinenden ougen von den hélden lobelich. sît rach sich grimmelîchen daz Etzelen wîp: den ûz erwelten degenen nam siu beiden den lîp. 2366 Siu lie sie ligen sunder durch ir ungemach, daz ir sît dewedere den andern nie gesach, unz siu ir bruoder houbet hin für Hagenen truoc. der Kriemhilde râche wart an in beiden genuoc. 2367 Dô gie diu küneginne dâ siu Hagenen sach. wie rehte fîentliche siu zuo dem recken sprach! «welt ir mir geben widere daz ir mir habt genomen, sô muget ir noch wol lebende heim zen Bur- gonden komen.» 2368 Dô sprach der grimme Hagene: «diu rede ist gar verlorn, vil edeliu küneginne. jâ hân ich des gesworn, (2312)»

daz ich den hort iht zeige die wîle daz sie leben, deheiner mîner herren, sô sol ich in niemen geben.» 2369 «Ich bringe'z an ein ende», sô sprah daz edele wîp. dô hiez siu ir bruoder nemen sâ den lîp. man sluoc im abe daz houbet: bî hâre siu ez truoc für den helt von Tronege. dô wart im léidé genuoc. 2370 Alsô der ungemuote sîns herren houbet sach, wider Kriemhilde dô der recke sprach: «du hâst iz nâch dîn' willen z'einem ende brâht, und ist ouch rehte ergangen als ich mir hêté gedâht. 2371 Nu ist von Burgonden der edele künec tôt. Gîselher der junge, und ouch her Gêrnôt. den scaz den weiz nu niemen wan got unde mîn: der sol dich, vâlandinne, immer wol verholen sîn.» 2372 Siu sprach: «sô habt ir übele geltes mich gewert. sô wil ich doch behalten daz Sîfrides swert. daz truoc mîn holder vriedel, dô ich in jungest sach, an dem mir herzeleide von iuwern scúldén geschach.» 2373 Siu zôh iz von der scheiden: daz kunde er niht erwern. dô dâhte siu den recken des lîbés behern. siu huob ez mit ir handen, daz houpt si im abe sluoc. daz sach der künec Etzel: dô was im léidé genuoc. 2374 «Wâfen», sprach der fürste, «wie ist nu tôt gelegen von eines wîbes henden der aller beste degen der ie kom ze sturme oder ie schilt getruoc! swie vîent ich im wære, ez ist mir léidé genuoc.»

2375 Dô sprach der alte Hildebrant „ja geniezét si es niht, daz si in slahen torste. swaz halt mir geschiht, swie er mich selben brahte in angestliche nôt, idoh sô wil ich rechen des kuenen Tronegæres tôt.“ 2376 Hildebrant mit zorne zuo Kriemhilde spranc, er sluoc der küneginne einen swæren swertes swanc. jâ tet ir diu sorge von Hildebrande wê. waz mohte sie gehelfen daz siu sô græzlichen schrê? 2377 Dô was gelegen aller dâ der veigen lîp. ze stücken was gehouwen dô daz edele wîp. Dietrich und Etzel weinen dô began: sie klageten inneclîche beidiu mâge unde man. 2378 Diu vil michel êre was dâ gelegen tôt. die liute heten alle jâmer unde nôt. mit leide was verendet des künges hôhgezît. als ie diu liebe leide z’aller jüngêste gît. 2379 I’ne kan iu niht bescheiden, waz sider dâ geschach: wan ritter unde vrouwen weinen man dâ sach, dar zuo die edelen knehte, ir lieben friunde tôt. hie hât daz mære ein ende: daz ist der Nibelunge nôt.