Kudrun

1 Ez wuohs in Írlande ein rîcher kûnic hêr; geheîzen was er Sigebant, sîn vater der hiez Gêr. sîn muoter diu hiez Uote und was ein kûniginne. durch ir hôtte tugende sô gezam dem. rîche wol ir minne. 2 Gêre dem rîchen kûnige, daz ist wol erkant, dienden vil der bûrge; er het sîben fürsten lant. dar inne het er recken vier tûsent oder mêre, dâ mite er tegelîchen mohte erwerben beide guot und êre. 3 Dem jungen Sigebande man gêr hove gebôt, dâ er solde lernen, ob im des wurde nôt,

mit dem sper riten, schirmen unde schiezen, so er zúo den vînden kœme, daz er's diu baz möhté geniezen. 4 Er wuohs unz an die stunde daz er wâfen truoc. in heldes ahte er kunde alles des genuoc, des in solden prîsen mán únde mâge. des lie der helt edele sich deheine zîté betrâgen. 5 Dar nâch in kurzen stunden dô schiet sie der tôt, sô noch den edelen liuten geschilt ze grôzer nôt. ja erstént diu úrkünde in aller fürsten richen, der wir mit grôzen sorgen müezen warten allertegelichen. 6 Diu Sigebandes muoter den witewen stuol besaz. der mære helt guoter, dar umbe liez er daz,

daz er niht wolde minnen ze rehter siner ê. edelen küniginnen was nâch Sigebande wê. 7 Sîn muoter riet dem reichen, daz er im næme ein wip, dâ von getiwert wurde sîn lant und ouch sîn lîp. nâch sô grôzem sêre, er und ouch sîn künne, nâch sînes vater tôde volgte im beide freude und michel wünne. 8 Siner muoter lêre diu behâget' im wôl; der begunde er folgen als man friunden sol. er hiez im werben eine die besten von den reichen, diu saz in Norwæge. des hulfen im sîn mâge vliziclichen. 9 Siu wart im gemahalet, alsô ist uns geseit. dô wart ir hovegesinde vil manic schœniu meit und siben hundert recken von Frideschotten lande. die fuoren mit ir gerne, wan sie den jungen künic wol erkanden. 10 In magetlichen êren, die ir dâ fuoren mite, sie brâhten s' im ze lande nâch rîchem küniges site.

die sie dâ sâhen gerne, , die begunden îlen. bedecket man die strâze vant vil wol in vierdehalber mile. 11 Gewetet allenthalben bi den wegen was von der liute krefte bluomen unde gras. ez was in einen ziten, sô diu loup entspringent und daz ouch in dem walde alle vôgelẹ ir wîse beste singent. 12 Gelpher tumber liute reit mit ir genuoc. vil manic sôumære rich gewæte truoc, daz ir hovegesinde brâhte von dem lande. der gienc bi ir tûsent geladen mit schatze unde mit gewande. 13 Enphangen wart vil schône daz minnicliche kint tuf zweier lande marke, dâ sie der westerwint von des meres ünde wæjen abe begunde. man gab ir herberge; daz der jûnge künic vil wol ge- schaffen kunde. 14 Mit bûhurt wart enphangen diu ritterliche meit: der was nu zergangen mit grôzer arebeit.

diu frouwe wart gefüeret in daz Gêren lant. siu wart dâ vil gewaldic und sider vérré bekant. 15 Swaz si ir kunden dienen, des was man ir bereit. den vil guoten mœren diu guoten satelkleit hiengen für die hûeve nider ûf daz gras. ahî wie hôhes muotes der vogt von Irlande was! 16 Dô er kûssen solde die minniclichen meit, bî im wart gedrunge mit grôzer arebeit. dâ horte man erdiezen manige buckel rîchen von ir schilde stœzen. sie kûnden ein ander niht entwîchen. 17 An dem næhsten morgen dô wart für gesant, wie siu komen solde in des fürsten lant, dâ siu bî dem recken solde tragen krône. siu wart sit kûniginne und dienet' an dem helde michel lôn. 18 Daz er sie solde minnen, daz dûhte niemen reht; siu was ein kûniginne, dô was er dannoch kneht.

dô muost' er tragen krône ob edelen fürsten rîche: des hulfen im sîn mâge. sit wart er ze künde lobelîche. 19 Fûnf hûndert recken nâmen bî im swert. alles des sie wolden wurden sie gewert, von rossen und von kleidern, von maniger hande wæte: der junge kûnic edele beleip an sînen êren harte stæte. 20 Er saz in Írlande sit vil manigen tac, daz sîn hôhiu êre ringe nie gelac. er rihte swem er solde und rach der armen anden. er was bevollen milde und was ein tiurer helt ze sînen handen. 21 Im dienden sîne huobe daz kréftige guot. sîn wip diu kûniginne diu was ouch sô gemuot, der sie gewaldic tæte drîzic kûnige lant, ob siu diu haben solde, diu zergæbe gar ir hant.

22 In den næhsten driē jâren, sô wir hœren sagen, si begûnde bi dem kûnige ein edel kint trâgen. daz wart dô getoufet unde sit genennet bi sinem namen Hagene: dâ von man daz mære wol erkennet. 23 Man hiez ez ziehen schône und vliziclichen phlegen. geriete ez nâch dem kûnne, sô wurde ez wol ein degen. sîn phlâgen wîse frouwen und vil schœne meide: sîn vater und sîn muoter sâhn an im ir liechten ougen weide. 24 Dô ez was gewahsen ze sibē jâre tagen, man sach ez dicke recken ûf ir handē tragen: im leidet' bi den frouwen und liebet' bi den mannen. sit wart ez in fremede; ez wart von in gefüeret verre dannen. 25 Swâ daz kint diu wâfen ûf dem hove sach (der mohte ez vil bekennen), dicke daz geschach, daz ez ze kleidern gerte hêlm ûnde ringe. daz wart im sit fremede: dô gelac vil gâr sîn gedinge. 26 Eines tages Sigebant ûf einer grêden saz. sîn wip diu kûniginne mit im redete daz

undr einem zêderboume: «wir haben êren vil. mich wundert einer mære, der ich verdagen niht enwil.» 27 Er frâgte, waz daz wære? dô sprach daz edele wip: «des verdriuzet sêre min herze und minen lip, daz ich dich sihe sô selden, dar umbe so ist mir leide, bî dînen kûenen helden in der minen liehten ougen weide.» 28 Dô sprach der kûnic edele: «wie solde daz geschehen, daz du mich woldest gerne vor minen recken sehen? daz lâz du mich ervinden, kûniginne hêre. durch den dînen willen sô hân ich arebeite deste mêre.» 29 Siu sprach: «sô rîche niemen ist lêbendîc erkant, der habe sô vil der bûrge und ouch wittiu lant, silber und gesteine unde golt daz swære. dem tuon wir ungelîche: des ist mir ze lebene vil unmære. 30 Dô ich magetlichen in Frideschotten saz (her kûnic, miniu mære merket âne haz), dô sach ich tegelîchen mines vater man nâch hohem prise werben; des ich hie kûnde nie gewan.

31 Ein künic sô richer solde sich dicker lâzen sehen, als ir sît genennet und ich iu hœre jehen, mit den sinen helden ofte bûhurdieren, dâ er siniu erbe und sich selben solde mite zieren. 32 Ez ist an richen fürsten ein harte kranker muot, die zesamene bringent âne mâze guot, obe si'z mit recken niht willeclichen teilen. die sie ûz stürmen bringent, tiefe wunden, wie sol man die heilen?» 33 Dô sprach der künic edele: «frouwe, ir spottet mîn. ich wil in dem gedingen vliziclichen sîn, daz sich des mîn herze nimmer sol verkêren, man müge mich vil lîhte edeler fürsten site noch gelêren.» 34 Siu sprach: «sô sult ir senden nâch recken in daz lant, und bietet in ze gebene schâz ûnd gewant: sô wil ich boten senden nâch den minen mâgen; ich enbfute in holden willen: sô mag uns deste minner hie betrâgen.»

35 Der künic von Írlande zuo sinem wibe sprach: «ich wil iu gerne folgen, als ez mēr geschach daz man nāch frouwen rāte lōbeten hōchzīte. mīn und iwer māge wil ich her ze hove heizen rīten.» 36 Dō sprach diu küniginne: «daz ist mir niht leit: sō gib' ich besunder fünf hundert frouwen kleit. vier und sehzeic meiden den gibe ich guot gewæte.» dō daz der künic erhōrte, er jach daz er ez willic- lichen tæte. 37 Do er lōbete hōchzīte, dar nāch in ahtzehn tagen den friunden und den māgen hiez er allen sagen, die hin ze Írlande gerne wolden rīten, daz sie nāch dem sumere von des winters stunden sol- den bīten. 38 Gesidele hiez er werken, sō wir hœren sagen; des muost' man von dem wilden walde dār tragen. sehzeic tūsent helden den hiez man allen benken. daz kunden wol gebrüeven des küniges trūhsæzen unde schenken.

39 Riten sie begunden uf vil manigen wegen (die ze hove kômen, der hiez man schône phlegen), unze daz dem kûnige ûzer Îrriche heim ze hove kômen sehs und ahzic tûsent lobeliche. 40 Von des wirtes gademe kleider man dô truoc. : allen die ir gerten, den gap man ir genuoc. dar zuo gap man in schilde und ros von Îrlande. diu edele kûniginne zieret' ir ouch vîl mît gewande. 41 Siu gap wol tûsent wiben hêrlîche wât, unde vil der meide daz kinden rehte stât, von borten und gesteine vil manigen phelle rîchen. die minneclîchen frouwen stuonden in ir wæte stû- berlîchen. 42 Alle die es gerten, heten guot gewant. dâ sach man rôs springen den knaben an ir hant, die brâhten liehte schilde unde schefte rîche. Uote diu vil edele sâz in den venstern lobeliche. 43 Do ẹrloubte bûhurdieren der wirt den gesten sîn; des wart dâ vil tunkel manic hêlm schîn. die wol gelobeten frouwen sâzen alsô nâhen, swes die helde phlâgen, daz sie ez bescheidenlîchen sâhen.

44 Der bûhurt werte lange, sô dicke ist geschehen. der wirt sich wolde lâzen bî sînen gesten sehen. daz lobet' in guoter mâze sîn wîp diu kûniginne, wande siu sô nâhen saz mit den frouwen obene an der zinne. 45 Dô er geriten hête als fürsten wol gezam, dô begunde er wenden (daz tet er âne scham) den sînen lieben gesten die starken arebeite. nâch vil grôzen êren was er für die frouwen ir geleite. 46 Úoté diu schœne grûezen dô began die fremeden zuo den friwenden. dâ von siu gewan manigen gast mit willen, die sie ouch gerne sâhen. der frouwen Uoten gâbe dorfte ir deheinem niht versmâhen. 47 Ritter unde frouwen man bî ein ander vant. in was des wirtes wille allen wol bekant, daz er in êren gunde bî sîner hôchzite. wider ấbûnde hiez er aber die werden geste riten. 48 Diu hôchgezit werte unz an den niunden tac. swes man mit ritters fuore bî dem kûnige phlac,

des móhté die varnde diet lützel dâ verdriezen. die heten arebeite, wande si's ouch wóldén geniezen. 49 Pusûnen unde trumben vil lûte man vernam. floiten unde harphen, swes man dâ began, rotten unde singen, des vlizzen sie sich sêre, phifen unde gîgen. in wart der guoten kleider deste mêre. 50 An dem zehenden morgen (nu hœret wonder sagen) nâch ir aller wûnne muoste ir maniger klagen. von der hôchzîte heben sich niuwe mære. nâch ir grôzen frôweden sie kômen in vil herzen- liche swære. 51 Dô der wirt mit frôweden bî sinen gesten saz, dô kom der varnden einer. mit vlize kunde er daz, daz er für sie alle (wer möhte des getrouwen?) dâ spilte mit gefuoge, daz in werde fürsten muosten schouwen. 52 Dar wiste an ir hende ein schœne magetîn dâ ûz Írlande des wirtes kindelîn. dâ mite giengen frouwen, die sin mit zûhten phlâgen, und ouch des wirtes friwende: die zugen ez mit vlize sinen mâgen.

53 In des wirtes huse hōrt' man grōzen schal. daz liut begunde lachen allez über al. des jungen Hagenen magezogen kōmen gar ze nāhen, daz sie der jungen meide und des kindelnes niht ensāhen. 54 Des wirtes ungelücke nāhen dō began, dā vōn èr und frou Uote grōziu leit gewan. ez het der übele tiufel gesant in daz riche sinen boten verre. daz ergieng in allen klageliche. 55 Ez was ein wilder grife, der kom dar geflogen. daz im der künig Sigebant het ze liebe erzogen, sin grōz ungelücke mohte er dā bī kiesē: sinen sun den jungen muose er von dem starken grifen vliesen. 56 Er begunde schatewen dar sin gevidere in trūoc, als ez ein wolken wære. starc was er genuoc. vor ir manigen freuden sie nāmen's war vil kleine. diu maget mit dem kinde stūont vōr dem hūsē vil eine. 57 Vor des grifen krefte der walt dā nider brach. dō diu maget edele den vogel fliegen sach, dō nerte siu sich selben und lie daz kint beliben. durch ditze starke mære möhte man ez für ein wunder schriben.

58 Der grife lie sich nidere und beslôz daz kindelin in die sine klâwe. dô tet er grôze schin daz er grimmic wære und übele gemuot. daz muosten sit beweinen helde küene unde guot. 59 Ez begünde lûte erschrien, ez was sêre erschraht. er truog ez harte hôhe mit der sinen maht. dô kêrte er gegen dem lufte zuo den wolken verre. daz muoste dô beweinen ûzer Írlândé der herre. 60 Sigebandes friunde frieschen dise nôt; sie klagten harte sêre des kindelînes tôt. des was in unmuote der künic und ouch sin wip. sie klagten algemeine des kindes wætlîchen lip. 61 Von dem unmuote diu werde wirtschâft diu muoste sich zerlâzen. die het mit siner kraft der grife sô zerfüeret, daz sie mit arebeit sich alle muosten scheiden: in was vil inneclîchen leit. 62 Der wirt weinde sêre, sin brust diu wart im naz. diu edele küniginne mit zûhten sprach dô daz, daz er die klage lieze. «læg' ál daz liut tôt, ez müese sich verenden, als got von himele gebôt.» 63 Die geste wolden rîten; dô sprach diu künigin: «jâ sult ir, edele helde, noch hie ze hove sin,

und lāt iu niht versmāhen silber unde golt: daz haben wir ze gebene. wir sin iu grœzlichen holt.» 64 Dô nigen ir die recken. sie begunden sagen hôhe danken alle. der wirt hiez in tragen manigen rīchen phelle, die wâren ungesniten. sie wâren sumeliche von verren landen dar geriten. 65 Dar zuo gab er in mœre, zelter unde marc, diu ros ûz Írlande, michel hôch und starc. man gab in golt daz rôte, silber ungewegen. der wirt hiez siner geste schône und güetlîchen phlegen. 66 Dô lie diu küniginne scheiden manic wip und vil der edelen meide, alsô daz ir lip ir gâbe was getiuret; sie truogen guot gewant. diu hôchzît sich endet: sie rûmten Sigebandes lant.

67 Nu lâzen wir beliben wie dâ gescheiden wart, und grifen an diu mære, welch ein swindiu vart mit dem wilden grifen daz kint dannen treit. ez heten sine mâge umb' ez vil starkez herzeleit. 68 Ez was noch unerstorben, wan ez got gebôt; iedoch het ez besunder dar umbe grôze nôt, wan ez der alde grife den sinen jungen truoc. do ez die vor in hêten, dô het ez arebeit genuoc. 69 Alsô diu kunft des alden zuo dem neste ergie, daz kint er tûz den klâwen zuo den jungen lie. dô zuhte ez ir einer. daz er ez niht verslant, dâ wart diu gotes güete vil harte verre an bekant. 70 Sie wolden'z hân zebrochen, mit klâwen gar zertragen. dâ hœret michel wonder von sinen sorgen sagen,

wie dâ den lîp behielde von Írlant der herre. in habt' der jungen einer under sinen klâwen harte verre. 71 Von bôumé ze boume er mit dem kinde flouc. den grifen dô sin sterke ein teil ze sêre trouc. er gestuont ûf einen ast, dem was er ze swære. des muoste er ûf die erde, dô er zuo dem neste gern wære. 72 Von des grifen valle daz kindel im enbrast. sich barc in einem krûte der wênige gast. er was noch übelẹ enbîzzen an dem sinem libe. sit kom er ze trôste in Írlande manigem schœnen wibe. 73 Got tuot michel wonder; des mac man wol verjehen. von der grifen starke was ouch ê geschehen, daz drier kûnige tôhter wâren dar getragen. sie sâzen dâ vil nâhen. nû kan iu niemén gesagen, 74 Wie sie den lîp nérten ie sô manigen tac, wan daz ir got von himele vil gnædiclichen phlac. Hagene dâ beliben solde niht aleine. die minneclichen meide vant daz kint in einem holen steine. 75 Do ez die frouwen slichen sâhen an den berc, dô wolden sie des wænen, ez wære ein wildez twerc

óder ein mérwúnder von dem sê gegangen. sit kom ez in sô nâhen: jâ wart ez von in güetliche enphangen. 76 Hagene wart ir innen. sie wichen in daz hol; alles unmuotes was ir herze vol, ê daz sie erfunden, daz ez ein kristen wære. mit siner arebeite schiet er sie sit von maniger herzen swære. 77 Dô sprach diu éltiste: «wie getárst du zuo uns gàn, sit wir von gote von himele dise hérberge hân? nu suoche dín genôze in dem wilden sê. wir liden dóch árebeit; uns ist hie grœzlichen wê.» 78 Dô sprach daz edele kindel: «lât mich iu wesen bî, ob ir daz welt gelouben, daz ich ein kristen si. mich truoc der wilden grifen einer zuo dem steine. ich wære bî iu gerne; jâ mag ich hîe nîht beliben eine.» 79 Do enphiengen s' minneclichen daz wénige kint. sie gewunnen's künde von sînem dienste sint. sie begunden frâgen wan ez komen wære. von sînes hungers sorgen verdrôz ez harte sêré der mære. 80 Dô sprach daz edele kindel: «mir wære enbizens nôt. welt ir mir mite teilen trinken unde þrôt,

deist mir gewesen tiure wol drier tage wile, wande mich der grife truoc dâ her wol hundert lange mile.» 81 Dô sprach der frouwen einiu: «ez ist sô geschehen, daz wir unser schenken selden haben gesehen, noch unser truhsæzen, die uns sólden tragen spise.» sie lobeten gotes güete und wâren in ir tumben jâren wise. 82 Si begúnden balde suochen wurze und ander krût. sie wolden bî in nerjen den Sigebandes trût. al des sie dâ lebeten, des brâhten s' im genüege. ez was ein fremede spise die im wæn' die juncfrouwen trüegên. 83 Diu krût diu muoste er niezen durch des hungers nôt; müelich ist ze lîden der bitterliche tôt. er wonde bî den frouwen dâ vil manigen tac, daz er ir güetliche mit sinem dienéste phlac. 84 Ouch heten s' in in huote, daz wil ich iu sagen. jâ wuohs er dâ mit sorgen in sinen jungen tagen, unze daz den kinden bî ir grôzen swære vor dem holen steine erstuonden áber diu súnderbæren mære. 85 I'nē weiz von welhen enden geflozen über mer zuo der steinwende kom ein gotes her.

die starken gruntwelle kelten sie vil sêre. die ellenden meide heten ungemüetes deste mêre. 86 Die kiele in zebrâsten, des liutes niht genas. die alden grifen kômen dâ daz geschehen was. sie truogen zuo ir neste vil manigen tôten man; des manic wip von frâge vil der sórgén gewan. 87 Dô sie den jungen grifen ir spise heten lán, die alden grifen kêrten von ir geniste dan, i'nē weiz in welhen ende ûf des meres strâze. sie heten ûf dem berge einen grimmen nâchgebûren lâzen. 88 Hagene rât der liute sach ligen bî dem mer, die dâ ertrunken wâren (daz was ein gotes her); dô wânde er daz er solde vinden dâ ir spise. vor den übelen grifen sleich er zuo dem stade harte lise. 89 Dâ vant er niemen mêre wan gewâfent einen man; des er von den grifen grôze nôt gewan. er schutte in ûz den ringen, er lie'z im niht versmâhen. bogen und gewæfen vânt ér der sîten harte nâhen. 90 Dô gárté sich selbe daz wếnige kint. dâ obene in den lüften hörde er einen wint. dô hete sich versûmet der wênige herre. dô kom der alde grife; Hagene was dem steine gar ze verre.

91 Er swanc sich zornicliche nider uf den griez. den sinen burgære, den er dâ heime liez, den wolde er harte gerne an der zît hân verslunden. dô wart der küene Hagene in vil quotes heldes mâze funden. 92 Mit siner blœder krefte het er uf gezogen manige starke strâle schôz er ûz dem bogen. er kunde's niht versniden; wes mohte er dô geniezen? do versûochte er'z mit dem swerte. er hôrt' die frouwen klagen unde riezen. 93 In sinen siten tumben grimme er was genuoc. dem grifen einen vetechen er von der ahsel sluoc, und verhîew in aneme beine starke unde sêre, daz er getragen mohte von der stete sinen lip niht mêre. 94 Den sic het er erworben. der eine der was tôt. schiere kom der ander; des leit er sundernôt. sit sluog er sie alle, die jungen zuo den alden. des half im got von himele; jâ mohte er solher krefte niht gewalden. 95 Als er daz michel wonder hete dâ getân, dô hiez er sine frouwen von dem steine gân. er sprach: «lât iu erscheinen den luft und ouch die sunne, sit uns got von himele etlicher frêudén wil gunnen.»

96 Si enphiengen'n güetlichen: dicke bî der stunt wart er von den frouwen geküsset an den munt. ir voget lac dâ veige; waz mohte in dô gewerren, si giengen an dem berge nâch ir willen nâhen oder verren? 97 Dô in der grôzen sorgen von im gar gebrast, dô lernde sô wol schiezen der ellende gast, daz im die vogele kunden fliegénde niht entrinnen. er râmte swes ergerte, do er nâch siner nar begundesinnen. 98 Er wart sô baldes herzen, sô frevele und sô zam. hei waz er von tieren sneller sprunge nam! als ein pantel wilde lief er ûf die steine. jâ zôch er sich selbe; er was aller siner mâge eine. 99 Wie dicke er zuo den ûnden durch kurzwile gie! er sach in dem wâge die râwen vische ie. die kunde er gevâhen, möht' er ir iht genießen. sin kuchen diu rouch selden; des mohte in alle tage dâ verdriezen. 100 Von siner herberge gieng er in den walt. dâ sach er vil der tiere frevele unde balt. dar under was ir einez, daz wolde in verslinden. daz sluog er mit dem swerte; ez muoste sines zornes harte enphinden.

101 Einem gabilûne was ez anelich. er begunde ez schinden; dô wart er krefte rich. in luste sines bluotes. dô er des vol getranc, do gewân er vil der krefte. er hete manigen gedanc. 102 Mit des tieres hiute der helt sich bewant. bî im er harte nâhen einen lewen vant; der mohte im niht enphliehen. wie schiere er zuo im gie! des beléip er unverhouwen. der helt in güetliche enphie. 103 Daz tier daz er hête dâ ze tôde erslagen, daz gedâhte er ze hûse héim mît im tragen. die frouwen z'aller zite genuzzen siner güete. von der fremeden spise hôtte sich ir herze und ir gemüete. 104 Fiwer was in tiure, walt heten sie genuoc. tiz einem herten velse er manigen vanken sluoc. daz in vor was fremede, des wurden sie berâten. jâ tet ez ander niemen; sie muosten'z selbe bî der glüete brâten. 105 Dô sie die spise nuzzen, dô mêrte sich ir kraft. ouch kuhten sich ir sinne von gotes meisterschaft. sie wurden an ir lîben schœne unde lobebære, sam ir ieclichiu dâ heime in ir vater lande wære.

106 Ouch het der wilde Hagene krefte zwêlf mán; des er bî sinen ziten hōhen lop gewan. in und die juncfrouwen muot' daz harte sêre, daz sie in der wüeste sóldén beliben immer mêre. 107 Dô bāten sie sich wisen zuo des wazzers fluot. sie giengen schamelichen; jâ wāren niht ze guot ir kleider, diu sie truogen. diu strihte ir selber hant, dā sie der junge Hagene in ir éllénde vant. 108 Tage vier und zweinzic sie giengen durch den tan. an einem morgen früeje dô sach der junge man ein schif geladen swære; ez kom von Garadê. den ellenden frouwen den tet ir arebeit vil wê. 109 Hagene ruofte lûte, daz in des niht verdrôz, swie sêre von den winden daz mer mit ünden flôz. daz schif begunde krachen. die bî in fuoren nâhen, sie vorhten wildiu merkint, dô sie die frouwen an dem stade sâhen. 110 Daz schif het einen herren ûzer Salmê. Hagene und sîn künne was im vil kûnt ế. er was ir nâchgebûre. dā her von Írlande sun den Sigebandes der bilgerîne einer niht be- kande. 111 Der grâve sinen schifman zem stade niht enliez. der ellende recke füeren sich dô hiez

durch die gotes güete von dem wilden sande. do erbaldet' ir gemüete, dō er Krist sō frevenliche nande. 112 Der grāve selbe zwelfte in eine barken spranc. ê er diu mære erfüere, diu wile dūhte in lanc, ob ez schrawaz wæren od wildiu merwunder. er gesách bi sinen ziten nie niht sō hêrlîchiu kunder. 113 Er begunde frâgen, ê er zem stade gie: «sît ir, kint, getoufet, waz tuot ir danne hie?» er sach ir lip den schœnen in jungen mies gewunden. dō bâten sie die geste daz sie in mit in ze varne gunden. 114 Ê sie zem schiffe giengen, dō brâht' man in gewant, daz die bilgerine fuorten in daz lant. swie kîusché sie wæren, daz muosten sie dō tragen. jâ schamten sie sich sêre; iedoch verendet' sich ir klagen.

115 Dô sie die schœnen megede brâhten ûf die fluot, dô giengen in engegene die ritter stolz und guot. si enphfengen vlizicliche die fürsten tohter tiure, swie sie sich ê versâhen daz sie wæren wilde und ungehiure. 116 Do belîben sie des nahtes bî in ûf dem sê. diu ungewonheite tet den kinden wê. hêten si'z für wirde, sô diuhten sie mich wise. der grâve ûz Garadie hiez in allen geben guote spise. 117 Dô sie gespîset wâren und er bî in gesaz, der grâve ûz Garadie bat im sagen daz, wer sie sô rehte schœne bræhte zuo dem sê. den kinden tet sîn frâgen und ouch ir arebeit wê. 118 Dô sprach diu éltîste, diu under in dâ saz: «ich bin von verren landen, herre, wizzet daz, von Indîâ der guoten; dâ was kûnic inne mîn vater dô er lebte, da ich krône leider nimmer mêr gewinne.» 119 Dô sprach diu mitteliste: «ich bin von verren komen. mich hât ein wilder grîfe ze Portegâl genommen. der mîn dâ jach ze kinde, der was dâ landes herre; ein voget vil gewaldic hiez er beide nâhen unde verre.»

120 Diu jungeste drunder, diu bî dem grâven saz, diu sprach gezogenliche: «herre, ich sage iu daz; ich bin von Îserlande, dâ was mîn vater herre. die mich dâ ziehen solden, den kom ich doch leider al ze verre.» 121 Dô sprach der ritter edele: «got hât vil wol getân, sît er iuch bî den mâgen niht belîben wolde lân; ir sît mit genâden ûz grôzer nôt enbunden, sît ich iuch sô schœne meide hân an disem stade funden.» 122 Swes er dâ frâgen möhte, des wære im únnôt, wie daz komen wære, daz sie den grîmmen tôt niht von den grîfen nâmen, die sie ze neste truogen. sie liten sêr vil manigez, des sie doch nie mếré ge- wuogen. 123 Dô sprach der rîche grâve wider den jungen man: «friunt únd geselle, ir sult mich hœren lân; sît daz mir die frouwen gesaget hânt ir mære, nu weste ich harte gerne, wâ iuwer lânt óder kûnne- wære.» 124 Dô sprach der wilde Hagene: «daz wil ich iu sagen. mich hât der grîfen einer ouch dâ her getragen. mîn vater der hiez Sigebant; ich bin von Îrrîche, und bin bî disen frouwen gewesen hie vil lange kum- berliche.» 125 Dô frâgtén sie alle: «wie móhté daz wesen, daz ir bî den grîfen sô lange sît genesen?»

dô sprach der junge Hagene: «daz wolt' diu gotes güete. an in ist wol erküelet beidiu mîn herze und ouch mîn gemüete.» 126 Dô sprach der ûz Garadê: «daz solt du mir sagen, wie dir geringet sî diu nôt?» «dâ hân ich erslagen die alden zuo den jungen. ir einer niht genas, bî den ich mines libes in harte grôzen sorgen was.» 127 Dô sprâchen s' algemeine: «sô ist starc dîn lîp; dich mugen loben balde mán ûnde wîp. ez möhten unser tûsent nimmer hân getân, daz wir s' erslagen hêten. ez ist dir sælicliche ergân.» 128 Der grâve und sin gesinde vorhten ditze kint. ez het unmâzen sterke; daz geschâdete in sînt. man wolde in von den wâfen mit listen hân scheiden. daz werte er zornicliche; jâ mohte in sîn komen balde leiden. 129 Dô sprach aber der grâve: «mir ist wol geschehen nâch manigem schaden grôzen, den ich hân gesehen. und bist du der mâge dâ her von Írlande des fürsten Sigebandes, sô wil ich dich haben mir ze phande. 130 Du bist mir komen rehte, daz sî dir geseit. mir habent dîne friunde getân sô manigiu leit

ze Garadê dem lande, daz lît in gar ze nâhen. sie hiezen mine helde in einer herte slahen unde vâhen.» 131 Dô sprach der junge Hagene: «unschúldic ich des bin daz sie iu getâten. nu bringét mich z'in; so getrúwe ich wol versüenen ir haz und iuwer striten. lât mich genendicliche zuo den minen kúndén erbitten.» 132 Der grâve sprach zem kinde: «du muost min gisel sin; sô sin min hovegesinde diu schœnen magedin. die wil ich mir ze êren haben in minem lande.» diu rede dūhte Hagenen, siu wære im beide schade unde schande. 133 Der recke sprach in zorne: «ich wil niht gisel wesen. des enmuote niemen, der wéllé genesen. ir guote schifiute, ir bringet mich ze lande; des lône ich iu gerne. ich gildé mit schatze und mit gewande. 134 Er muotet minen frouwen sin ingesinde wesen; âne sine helfe sie mugen wol genesen. sî iemen hie sô wise, der volge miner lère. wendet iuwer segele, daz man daz schif gein Ír- lande kêre.» 135 Daz liut in wolde vâhen; ir herre daz gebôt. dô stuont er in ze nâhen; des kômen sie in nôt. er holete bî dem hâre wol drizic in die ünde. diu kraft sines libes wart den bilgerînen harte künde.

136 Hêten'z niht gescheiden diu minniclichen kint, den helt von Garadîe hiet' er erslagen sint. sie wâren im gelîche, die armen zuo den hêren. die selben schifîute muosten dô gên Írlande kêren. 137 Ílen sie begunden, daz sie niht wurden vlorn; wan sie muosten fürchten des jungen Hagenen zorn. tage sibenzehene sie vil unmûezic wâren. sie vorhten in gemeine, wan sie in sâhen übele gebâren. 138 Do er begunde nâhen in sînes vater lant, (die vil witen bürge het er ê bekant), einen palas hâhen kôs er bî dem fluote. drîu hûndert tûrne sach er dâ vil veste unde guote. 139 Dar inne was her Sigebant und ouch sin edele wîp. die bilgerîne muosten sorgen umbe ir lîp, ob ir wurde innen der ûz Írrîche, daz er sie alle slûege. daz understuont dô Hagene lobelîche. 140 Dô sprach zuo den gesten der wætliche man: «ich wil ez gerne süenen. swie ich niht enhân gewaldes hie ze lande, ich wil dar boten senden und wil haz den alden mit iu und mit dem kûnige gar verenden.

141 Der nu welle dienen an mir michel guot, diu mære, diu'ch enbiute, swer daz gerne tuot, der diu sage dem künige, dem gibe ich golt daz rîche. jâ lônnet im vil gerne mîn vater und mîn muoter rîlîche.» 142 Der bilgerîne zwelve hiez er rîten dan. «nu saget daz dem künige», sprach der junge man, «ob er welle Hagenen sinen sún séhen, an dem von einem grifen im herzenleide was geschehen. 143 Ich weiz wol, sîn geloubet der edele künic niht. sô frâget mîne muoter, ob siu iu des vergiht, daz siu mich danne welle haben z'einem kinde, ob siu ein guldin kriuze vór án der mîner brüste vinde.» 144 Die boten rîten dannen nâhen in daz laut; dâ saz in einem hûse frou Uote und Sigebant. do erkande er daz sie füeren dâ her von Garadîne. ez wâren sîne vînde; dar umbe zurnt' der wirt und ouch die sîne. 145 Er iesch, wie sie getörsten komen in daz lant? dô sprach ir einer drunder: «dâ hât uns her gesant dîn sun der junge Hagene. swer den gerne sæhe, der ist hie sô nâhen, daz daz in kurzer zîte wol ge- schæhe.» 146 Dô sprach der fürste Sigebant: «ir triege tane nôt. er ist sô hin gescheiden, daz mir des kinde tôt

dicke hât erwecket mines herzen sinne.» «ob ir's niht geloubet, sô frâget iuwer wip die küneginne. 147 Der ist er alsô dicke gewesen nâhen bî. ob im an siner brüste ein guldin kriuze sî, ob man des an dem degene die rechten wârheit vinde, geruochet ir des beide, sô muget ir sin wol jehen z'einem kinde.» 148 Úotén der frouwen ditze wart geseit. siu frewete sich der mære; ê was ir dicke leit. siu sprach: «wir sulen riten dâ wir'z ze rehte ervinden.» der wirt hiez dô satelen im und sînen besten ingesinden. 149 Zehant dô sprach ein bilgerin der schœnen Uoten zuo: «wilt du mir, frouwe, folgen, ich râte waz du tuo. du solt bringen kleider den vil schœnen kinden, die koment dir z'allen êren; sie heizent dînes jungen ingesinde.» 150 Man brâhte richiu kleider mit der frouwen dan. ouch volgt' der küniginne vil manic küener man. her Hagene was gestanden nider ûf den sant, dâ man die von Garadê bî dem éllénden vant.

151 Dô gesach er riten wîp únde man. dô wolde in her Hagene hin engegene gân. wer in grüezen tæte, daz wolde er gerne sehen. dâ muoste ein starkez dringen von sinen frundén geschehen. 152 Der künec hiez in willekomen sîn in sîn lant. er sprach: «sit ir'z der recke der nâch uns hât gesant und jehet ze einer muoter der edelen küniginne? und sint wâr diu mære, sô bin ich frô von allen minen sinnen.» 153 Úoté diu schoene gezogenlichen sprach: «heiz uns vor den liuten schaffen hie gemach. ich sol in wol erkennen, ob im hie zimt diu krône.» si ervânt diu wâren bilde. do enphingen sie den jungen helt vil schône. 154 Mit wéinénden ougen siu kuste in an den munt. «ê west' ich mich siechen, nu bin ich wol gesunt.

wis willekomen, Hagene, mîn éinigez kint. nu mugen sich dîn wol trœsten die hie bî Sigebande sint.» 155 Der künic trat dar nâher, sîn freude diu was grôz. von sines herzen liebe ûz sînen ougen vlôz ime der vil heizen trâhene dâ genuoc. dem kinde er holden willen von schulden frîuntlîchen truoc. 156 Die ellenden fremeden froun Uoten wurden kunt. siu gap in maniger hande grâ únde bunt, phelle ob liehten vederen, daz wol gezam ir lîbe. sich ringet' ir gemüete von des künic Sigebandes wîbe. 157 Man kleit' die schœnen frouwen als ez in wol gezam. die zit sie muosten dulden dar under michel scham, unze sie behangen mit rîchen borten giengen. der wirt und sine helde die jungen meide vlîzîclîch enphîengen. 158 Hagene hiez genædic den von Garadê sîn den künic und al die liute durch den willen sîn, daz er in vergæbe schaden unde schulde. Hagene der junge der gewan den bilgerînen hulde. 159 Dô der künic mit kusse versuonde sînen zorn, dô muoste man in gelden swaz sie heten verlorn. daz was ir frume vil grôziu und was ouch Hagenen êre. sît wurdén sie vînde mit dem von Îrlande nimmer mêre.

160 Dô hiez man den gesten tragen ûf den sant in dem fride Hagenen ir spise und ir gewant, daz sie dâ ruowen solden ze vierzehen tagen. die stolzen bilgerine im muosten des genâde sagen. 161 Dô riten sie mit schalle von dem mere dan. zuo der burc ze Baljân kom vil manic man durch diu fremeden mære, daz noch leben solde des vil reichen küniges sun. lützel iemen daz gelouben wolde. 162 Nâch tagen vierzehenen scheiden man dô lie die wazzermüeden helde, die bi in wâren hie. dô gab in sine gâbe der wirt von lichtem golde. durch sines sunes liebe ze stæten friunden er sie ha- ben wolde. 163 Hagene sine frouwen niht unberuochet liez. baden ze allen ziten er s' vliziclichen hiez. den minneclichen meiden den diende er vil lîse. man gab in richiu kleider; er was in sinen jungen jâren wise. 164 Wahsen er begunde bevollen z'einem man. dô phlag er mit den helden swes man ie began, daz ritter brüeven solde, mit werken und mit handen. sit wart er gewaldic in sines vater Sigebandes landen. 165 Der junge Hagene lernde daz helde wol gezam vor sô manigem degene, daz er des âne scham

müesté beliben. daz lobeten schœne frouwen. er wart sô rehte milde, daz es niemen möhte wol ge- trouwen. 166 Dar zuo wart er sô küene, als uns ist geseit, daz er getorste rechen siner friunde leit. er behábet gar sin êre an aller hande dingen. des hôrt' man in dem lande von dem helde sagen unde singen. 167 Er wuohs in einer wüeste, der edele fürste junc, bi den wilden tieren. des mohte im einen sprunc lebendes niht enphlichen, swaz er wolde vâhen. er wæn' und sine frouwen bi dem mere manic wunder sâhen. 168 Sin rehter náme hiez Hagene; sit wart er genant Vâlant aller künige. dâ bi was er bekant von der sinen starke wol in allen rîchen. Hagene der küene urbólte sinen namen vlizicliche. 169 Im rieten sine mâgē, er wurbe umbe ein wip. diu was im dâ vil nâhen, daz ninder schœner lîp lebet' in al der werlde ûf dem ertrîche. diu het erzogen in sélben; jâ wuohs er bi ir harte sórclîche. 170 Siu was geheizen Hilde und was von Indiân. siu het im dicke liebe in grôzer nót getân,

dâ er sie aller êrste vant in einem steine. ûzer allen landen gerte er für sie bézzér deheine. 171 Sin vater hiez in gâhen, daz er næme swert mit hundert sinen helden: tûsent marke wert gæb' er ie vier gesellen für ros und für gewæte. dô sprach der degen Hagene, daz er daz vil willic- lichen tæte. 172 Dô hiez er ez künden in diu fürsten lant. wanne ez wesen solde, daz tet man in bekant. sît wart sin grôziu milde harte wol befunden. man saget' die hôchzite in driên tagen und in jâres stunden. 173 Dar zuo sich vlizzen recken die gerne wolden dar. sie hiezen wurken schilde licht und wol gevar. dar zuo man in bereite satele vil riche. fürbüege und zoume bruofte man von golde süberliche. 174 Ûf einem witen plâne herbérgen man dô hiez des richen kúniges geste. wie wênic er des liez des sie an in gerten! dâ sidelte man vil witen. man sach an allen enden sine geste zuo dem lande riten. 175 Die fremeden, die dâ wolden wâfen mit im nemen, die hiez er kleiden alle; daz muoste in wol gezemen.

die dâ von fremeden erben kômen zuo dem lande, der wâren tûsent helde; die zierte er wol mit rosse und mit gewande. 176 Er sprach zuo sînen friwenden: «nu râtet ir mir daz, daz ich ein kûnic heize. ez zimt mir deste baz, ob ich von herzen minne diu bî mir trage krône. ich erwinde nimmer unz ich ir ir arebeit gelône.» 177 Wer diu frouwe wære, des frâgten sine man, diu vor sînen helden ze hove solde gân. er sprach: «daz ist frou Hilde von Indiâ dem lande, der ich und mine friunde ze dirre werlde haben lützel schande.» 178 Wol behâgete ez sîner muoter (sîm vater tet ez sam), daz man sie solde krœnen, dô siu daz vernam. siu was wol in der mâze, daz lant het ir êre. wol sehs hundert degene nâmen bî im wâfen oder mêre. 179 Nâch siten kristenlichen wîhen man dô hiez beide zuo der krône. niht langer man dô liez, her Hagene und frou Hilde riten vor in dannen. manigen bûhurt rîchen sach man getriben dâ von des kûniges mannen. 180 Her Sigebant reit selbe; hôhe stuont sîn muot. in ahte harte ringe, verzerte er michel guot.

dô sie geriten hêten wol nâch ritters rehte, dô wurden vil unmüezic ûf des kûniges hove die kâmerknehte. 181 Sie truogen an gesidele brêit ûnde lanc, stüele unde tische. dô man vol gesanc, ze hove reit frou Uote, und mit ir vil der frouwen, die die jungen helde dâ vil williclichen mohten schouwen. 182 Dô der kûnic Sigebant bî froun Uoten saz und Hagene bî Hilden, die liute redeten daz, im wære wol gelungen an sînem lieben kinde. den krach von manigem schafte vor den tischen bruofte ir ingesinde. 183 Dô der ûz Írlande vol enbizzen was, schiere wart ze molden bluomen unde gras von sînen manigen gesten; die riten dâ mit schalle. die man gesunde weste, die bûhurderten vor den frouwen alle. 184 Vier und zweinzic recken, die wâren ûf den plân komen under schilde. dâ wart ez wol getân; manic richiu tjoste wart von in getriben. daz sâhen schœne frouwen; jâ wær' daz übele beliben. 185 Sun der Sigebandes den bûhurt selbe reit. daz sach sîn triutinne; jâ was ez ir niht leit.

ob siu im iht gedienet het in fremeden landen, des lōnde er ir gerne; er was ein mærer helt ze sinen handen. 186 Dā vant man under stoube dem wirte rīten bī, daz ouch künige hiezen, zwelwe unde drī, die lēhen von im hēten, kristen unde heiden. Sigebande und Hagenen den diendēn sie vlzīchtlichen beiden. 187 Diu hōchzit werete lange, diu freude diu was grōz. von hurten und von dringen wart ludem unde dōz. der wirt hiez sine geste ir arebeite lāzen. dō wart in daz erloubet, daz sie zuo den frouwen gesāzen. 188 Vor den sinen gnōzen sprach her Sigebant: «minem sune Hagenen gibe ich miniu lant, die liute mit den bürzen, nāhen unde verren. alle mine recken sulen in in haben z'einem herren.» 189 Dō sich verzigen hēte der fürste Sigebant, do begūnde Hagene līhen bürge unde lant mit vil guotem willen. die si nemen solden, er dühte sie sō biderbe, daz si s' von im gerne nehmen wolden. 190 Nāch lēhenlichem rehte gestraht ir maniges hant wart dem jungen künige. schaz und ouch gewant gab er sinen gesten, nāhen unde verren. sō mildes fürsten hōchzit möhte noch den armen niht gewerren.

191 Ze hove wâren frouwen, die mit im in daz lant wâren dar gefüeret. nâch der éiner wart gesant, die hiez man zuo froun Hilden für den künic gân. diu was von Íserlande und was ze wunsche wol getân. 192 Ir gerte ein junger fürste; der hete sie gesehen bi der küniginne. des mohte er wol verjehen, daz siu von allem rehte solde tragen krône. siu was gespil froun Hilden: sit wart ir ein richez lant ze lône. 193 Dô schieden sich die geste, der künic und sine man. die edelen juncfrouwen füorté man dan; gegen Norwæge in des fürsten riche. nâch ir grôzer leide sô stuont ir dinc vil genendicliche. 194 Dô begunde rihten her Hâgene in Írlant. swaz er únbillîches an den liuten vant', des muosten sie engelden von im harte sêre. inner einem jâre enthoubet' er ir ahzic oder mêre. 195 Sit schuof er herverte in sinér vinde lant. durch die armen füeren wolt' er deheinen brant. swâ ir mit übermüete deheiner wart erfunden, den brach er die bürge und rach sich mit den tiefen vérchwúnden.

196 Swâ er kom ze strite, er was ein ritter guot. den hôchverten helden swachet' er den muot mit siner vorgetæne, nâhen unde verre, er Vâlant aller künige: daz mohte sinen vinden wol gewerren. 197 Der helt lebete schône; frô was er genuoc. von Indiâ diu frouwe bi dem recken truoc eine tohter schône. sit wart diu genennet nâch ir muoter Hilde; dâ von man diu mære wol erkennet. 198 Dô hiez der wilde Hagene ziehen sô daz kint, ez beschêin diu sunne selden, noch daz ez der wint vil lützel an geruorte. sin huoten edele frouwen. sam tâten sine mâge, den er beste móhté getrouwen. 199 Inner zwelf jâren diu hêrlîche meit wart unmâzen schône. verre ez wart geseit. edele fürsten rîche die begunden sinnen, wie sie wolden werben nâch des wilden Hagenen tohter minnen. 200 Der selben fürsten einer bi Tenemarke saz ze Wâleis in dem lande. do er gehôrte daz, daz siu sô schône wære, dô rang er nâch ir sêre. daz versmâhte Hagenen; er jach, er næme im beide lip und êre.

201 Swaz man ie boten sande nâch der megede guot, die hiez her Hagene vliesen durch sinen übermuot. er wolde s' geben deheinem der swacher danne èr wære. dō hōrt' man allenthalben sagen von dem fürstén daz mære. 202 Boten hiez er hâhen wol zweinzic oder mêr (die'z niht gerechen mohten, den was ez herzen sêr), alle die man sande nâch siner tohter hêre. genuoge, den man'z sagete, die gerten ir ze wibe nimmer mêre. 203 Noch beléip ez ungeworben von guoten recken niht. hât ir einer übermuot, alsô man des giht, dâ bî man vindet einen, der dunket sich sam hêre. von ir hōhen minne huop sich siner sorgen deste mêre.

204 Ein helt der was erwahsen dâ in Tenelant. ze Sturme in einer marke, daz ist wol erkant, dâ sâzen sine mâge; die zugen in nâch êren. ime diende ouch Ortlant; jâ was er vil gewaldic unde hêre. 205 Einer siner mâge, Wate was er genant, der hete von dem degene bürge unde lant. durch daz er was sin künne, er zôch in vliziclichen. er lêrte in alle tugende; er liez in ûz der huote niht entwîchen. 206 Ze Tenemarke herre was Waten swester kint, Hôrant der biderbe. der verdiende sint an Hetelen dem künige, daz er im der krône wol ze tragene gunde; er gáp sie dem héldé ze lône.

207 Hetele der riche ze Hegelingen saz bi Ortlande nâhen, ich wil iu sagen daz; dar inne het er bürge wol ahzic oder mêre. die der phlegen solden, die dienden ime tegelich mit êren. 208 Er was ze Friesen herre, wazzer unde lant; Dietmers unde Wâleis was in siner hant. Hetele der was riche und hete vil der mâge. er was ouch grimme küene; dicke schuof er sinen vinden lâge. 209 Hetele was ein weise; dâ von sô wart im nôt, ob er ein wip hête. im wâren beide tôt vater und ouch muoter, die im diu lant dâ liezen. sus het er vil der friunde; bi dên muos' in ze lebene verdriezen. 210 Dô rieten im die besten, er solde minne phlegen, diu im ze mâze kœme. dô sprach der junge degen: «ich enweiz deheine, diu zen Hegelingen mit êren wære frouwe, noch die man mir ze hûse möhte bringen.» 211 Dô sprach von Niflande Môrûnc der junge man: «ich weiz ein alsô edele, als ich vernomen hân, daz dehêiniu lebt sô schoene ninder ûf der erde. wir suln daz ahten gerne, daz siu iu z'einer triu- tinne werde.» 212 Er frâgte wer siu wære oder wie si si genant. er sprach: «siu heizet Hilde und ist ûz Írlant.

ir vater heizet Hagene und ist daz Gêren künne. kumt siu her ze lande, sô hâst du immer freude unde wünne.» 213 Dô sprach der fürste Hetele: «nu ist mir doch geseit, swer werbe nâch ir minne, ez si ir vater leit; dar umbe si erstorben vil manic edel man. deheinem minem friunde ich des tôdes niht engan.» 214 Dô sprach aber Môrunc: «sô sende in sin lant. heiz Hôranden bringen; dem ist wol erkant alle site Hagenen hât er wol gesehen. âne sine helfe kunde ez nimmér geschehen.» 215 Er sprach: «ich wil dir folgen, nu siu sô schœne si. dâ man sie sol gewinnen, dâ muost du wesen bi, wan ich dir alles guotes von schulden wol getrouwe. du hâst es frum und êre, wirdet siu ze Hegelingen frouwe.» 216 Dô hiez er boten riten hin ze Tenelant, dâ man Hôránden sinen neven vant. er enbôt dem recken, daz er in sehen solde inner tagen sibenen, ob er'm deheinen dienst leisten wolde. 217 Dô die boten kômen und daz er die vernam, getriuwelicher dienste was er im sô zam, daz er leiste gerne swaz er im gebôt. des gewán er sider arebeit unde grœzlîche nôt.

218 Er reit ze hove schiere mit sehxic siner man. dò der helt dâ heime úrlóup genam, dò gâhte er deste vaster, daz er diu mære erfunde, wâ mite er dem degene wol nâch ếrén gediener kunde. 219 An dem sibenden morgen kom er in daz lant. er und sin gesellen truogen guot gewant. der künic hin engegene gie den recken guoten. dò sach er bî dem degene von Tenemárké den küenen Fruoten. 220 Im was ein liebez mære daz sie wâren komen. der künic sach sie gerne; dâ von im was benomen ein teil siner sorgen, die'r het in sinem muote. dò sprach er láchénde: «nu wis willekomen, neve Fruote.» 221 Dô gienc für den herren Fruote und Hôrant. er frâgte wie ez stüende dâ heime in Tenelant. dò sageten sie im beide: «wir haben in kurzen stunden in den herten stürmen geslagen vil der schedelichen wunden.» 222 Er frâgte wâ sie wæren durch vehten hin geriten. «dâ ze Portegále haben wir gestriten.» des wolde uns niht erlâzen der edele künic riche, er enschadete uns sêre in der marke aller tegeliche.» 223 Dô sprach der junge Hetele: «nu lâet et hine gân. jâ wæne ich Wate der alde der welle niht enlân

die marke dâ ze Stürmen, dâ er dâ sitzet inne. danc hab' er des immer, der im eine búrc án gewinne.» 224 Die helde giengen sitzen in einen palas wit. mit tumplichen witzen begunden reden sit von edeler frouwen minnen Hôrant unde Fruote. der künic horte ez gerne; dar umbe gáp ér in miete guote. 225 Hétele Hôránden biten dô began: «ist dir daz mære künde, du solt mich wizzen lân, wie stêt ez umb' froun Hilden, die jungen küniginne? der wolde ich mínen dienst unde míne botschaft hei- zen bringen.» 226 Dô sprach der degen küene: «eist mir vil wol erkant. maget alsô schœne ich mêre nie bevant, als von Írlande Hildé diu rîche, des wilden Hagenen tohter; jâ stüende ir ein krône lobelîche » 227 Hetele dô frâgte: «möhte daz gesîn, daz mir ir vater gæbe daz schœne magedin? und dihte ich in sô bíderbe, sô wolde ich sie minnen, und wolde im immer lôn, der mir die maget hûlfé gewinnen.» 228 «Daz mac sich niht gefüegen», sprach Hôránt. «ze boten rîtet niemen in daz Hagenen lant. des wil ich mich selbe nîmmér vergâhen. den man dar gesendet, den heizet man dâ slahen oder hâhen.»

229 Dô sprach aber Hetele: «mir'st nie nâch ir sô nôt, hâhet er mir einen, dar umbe enmûeze tôt geligen Hagene selbe, der kûnic von Írriche. er ist nie sô frevele, im kome sîn grimmer muot vil schedelîche.» 230 Dô sprach der degen Fruote: «wolde Wate sîn gegen Írlande wan der bote dîn, sô möhte uns wol gelingen und brâchten dir die frouwen; oder uns wurden wunden ûf daz herze aldurch den lîp gehouwen.» 231 Hetele der herre sprach: «dâ wil ich hin senden zuo den Stûrmen. ân' angest ich des bin, Wate rite gerne swar ich im gebiute. heizet mir von Friesen kômen Írôlde und sine liute.» 232 Die boten riten gâhes ze Stûrmen in daz lant, dâ man Waten den kûenen bi sînen helden vant. man saget' im von dem kûnige, daz er im komen solde. Waten hete wunder, waz sîn der kûnic von Hegelingen wolde. 233 Er frâgte, ob er füeren solde mit im dan hêlm óder brünne und iemen sîner man. der boten sprach dô einer: «des'n hورتé wir niht, daz er bedôrfte iht recken, wan daz er iuch gerne siht.»

234 Wate wolde dannen. sîne huote er lie| dem lande und den bürgen. do er ze rosse gie, dô volgte im niemen mêre wan zwelve siner man. Wate der vil küene ze hove gâhén began. 235 Er kom ze Hegelingen. dô der degen reit hin ze Kampatille, daz was niht ze leit Hetelen dem degene: er begünde zuo im gâhen. er gedâhte wie er Waten sinen alden fríunt sólde en- phâhen. 236 Er gruozte in willicliche. der fürste lûte sprach: «her Wate, nu sît willekommen; daz ich iuch niht ensach, des ist nu lange zîte, daz wir ensamet sâzen dâ wir uns urluges ûf unser widerwînnén vermâzen.» 237 Wate im ántwúrte: «ensamet solden wesen gerne guote friunde; sô möchten sie genesen vor ir starken vînden immer deste baz.» er vieng in bî der hende und tet vil güetlichen daz. 238 Sie giengen beide sitzen und ander niemen mêr. der kûnic der was rîche; Wate der was hêr und ouch übermûete ze allen sinen dîngen. Hetele hete gedanke, wie ér in ze Írlande solde bringen. 239 Dô sprach der junge recke: «ich hân nâch dir gesant. boten ich bedôrfte in des wîlden Hagenen lant.

nú enweiz ich niemen, der mir dar bezzer wære, danne ir, Wate, lieber friunt: ir sit zer boteschaft vil redebære.» 240 Dô sprach Wate der alde: «swaz ich werben sol iu ze liebe und z'êren, daz tuon ich gerne und wol. des sult ir mir getrouwen, ich bringe ez an ein ende nâch iuwérme willen, éz ensi daz mich's der tôt er- wende.» 241 Hetele sprach: «mir râtent al die friunde mîn, ob mir geben welle die schœnen tohter sin Hagene der starke, daz siu ein kûniginne werde in minem lande. dar nâch stênt vil hōhe mine sinne.» 242 Wate sprach mit zorne: «swer dir daz hât geseit, ob ich hiute sturbe, daz wære im niht ze leit. jâ hât dich ander niemen gereizet des gedingen, wan Fruote ûz Tenemarke, daz ich dir die schœnen Hilden bringe. 243 Ez ist in solher huote diu minneclîche meit. Hôrant unde Fruote, die ditze hânt geseit, daz siu si sô schœne, ich wil ê niht erwinden, du solt mich und sie beide in dinem dienst genendic- lichen vinden.» 244 Er wolde nâch in beiden senden an der stunt. mêre siner friunde tete man ez kunt,

daz sie ze hove solden für den künic hêre. héimlîcher sprâche heten sie dar umbe keine mêre. 245 Wate der vil küene, do er Hôranden sach und ouch von Tenen Fruoten, wie schiere er dô sprach! «gôt lône iu helden beiden, daz ir der minen êre und miner hovereise under wilen muotet alsô sêre. 246 Jâ sit ir's vil genœte daz ich bote bin. nu müezet ir ouch beide mit samet mir dâ hin: sô sul wir dem künige dienen wol nâch hulden. der mins gemaches vâret, der sol die selben vâre mit mir dulden.» 247 Dô sprach der Tene Hôrant: «ich wil dar gerne varn. ob mich's der künic erlieze, sô wolde ich niht bewarn, i'ne wolde haben arebeit da ich schoene frouwen sæhe, daz mir und minem künne etlichiu fréudé von in ge- schæhe.» 248 «Wir suln», sprach her Fruote, «siben hundert man die reise mit uns füeren. her Hagene niemen gan deheiner voller êre; er dunket sich vermezen. ob er uns wænet twingen, sô muoz er siner hôchvart gar vergezen. 249 Her künic, ir sult heizen bereiten ûf die fluot ein schif von ciperboumen veste unde guot,

daz iuwer ingesinde müge wol getragen. von silberwizen spangen sül n siule wérdén geslagen. 250 Und werbet umbe spise, die man haben sol. heizet wurken helme vliziclichen wol und halsperge veste, die wir füeren hinnen. des wilden Hagenen tohter muge wir deste baz alsô gewinnen. 251 Jâ sol min neve Hôrant, der ist ein wiser man, stên in siner krâme, des ich im wól gán, nuschen unde bouge verkóufén den frouwen, golt und édel gestéine: sô sol man uns deste baz ge- trouwen. 252 Wir suln füeren veile wâfen unde wât. sit ez umb' Hagenen tohter sô angestlichen stât, daz si niemen mac erwerben, er'n müeze umb' sie striten, nu kiese Wate selbe, welche er mite welle heizen riten.» 253 Dô sprach Wate der alde: «ich kan niht koufes phlegen: mín habe ist vil selten müezic her gelegen. ich teilde s' ie mit helden, daz ist noch mín gedinge. ich bin niht sô gefüege, daz ich kleinât schoenen frouwen bringe. 254 Sit ez mín neve Hôrant ûf mich gerâten hât, er weiz in guoter måze, wie'z umbe Hagenen stât;

der genôzet sich mit sterke sehs und zweinzig mannen. gefreischet er daz werben, sô kómen wir hárte sor- liche dannen. 255 Her kunic, heizet gâhen; decken man uns sol . unser schif mit dillen. jâ muoz ez unden vol wesen guoter recken, die uns helfen striten, ob uns der wilde Hagene niht mit gemache welle lâzen riten. 256 Der suln wol hundert degene strîtlich gewant mit uns hinnen füeren gegen Írlant; sô sol mîn neve Hôrant mit zwei hundert mannen wesen in der krâme; sô koment zuo im schœne frouwen danne. 257 Dar zuo sol man wurken guoter kocken dri, die ros unde spise uns nâhen tragen bi, daz uns in einem jâre der sî unzerunnen. wir suln sagen Hagenen, daz wir kûme ûz Stürmen sin entrunnen; 258 Und daz uns ungenâde der kunic Hetele tuo. mit unser grôzen gâbe sul wir dicke zuo ze Hilden und ze Hagenen hin ze hove gân; sô wirt uns von dem künige frîde vil stæté getân. 259 Wir suln jehen alle, daz wir in æhte sin. zehant sô vâhet gnâde der wilde Hagene mîn. man heizet herbergen uns ellenden geste: sô lât uns her Hagene in sinem lande lützel iht ge- bresten.»

260 Die helde frâgte Hetele: «wanne mac daz sin, daz ir scheidet hinnen, lieben friunde min?» sie sprâchen: «swanne ez sumeret, gên des meien ziten, sô si wir gekleidet und sulen aber her ze hove riten. 261 Die wile man uns wurket daz man haben sol, segel unde riemen, vlizichtichen wol, kocken und galeide, die wir sulen füeren, daz uns die gruntwelle iht ze schaden mügen an ge- rüeren.» 262 Herr Hetele sprach: «nu ritet heim in iuwer lant. ir'n durfet niht verkosten ûf rós nóch gewant. allen die iu volgent, den gibe ich solch gezouwe, daz iuch wol mit êren mac gesehen ein ieslichiu frouwe.» 263 Dô reit mit urloube Wate in Sturmlant. Hôrant unde Fruote die kêrten sâ zehant hin ze Tenemarke, dâ sie hiezen herren. si gedâhten sich mit dienste dem kûnic Hetelen ním- nér geverren. 264 Dô tete sinen willen dâ heime Hetele schin. ez wurden vil unmüezic die zimberliute sin. siniu schif sie worhten, sô sie beste kunden; die wende ze den stœzen wurdén mit silber wol ge- bunden. 265 Die masboume wurden veste unde guot. do bewánt mán diu ruoder, rôt alsam ein gluot,

mit dem liechten golde; 'der herre der was riche. dô sie varn solden, si beréiten sich zer verte lobeliche. 266 Ir ankerseil wurden dâ her von Arabê gefüeret harte verre, daz man sit noch ê deheiniu alsô guoten ninder vinden künde. deste baz sie fuoren von Hegelingen ûf den tiefen ûnden. 267 Dô worhte man die segele späte unde fruo. der künec hiez des îlen. dô welte man dar zuo von Abalt der siden die besten die sie funden. vil unmüezic wâren die sie wurken solden an den stunden. 268 Wer mag uns daz gelouben, daz man ûz silber guot; hiezt die anker wurken? des küniges gernder muot stuont nâch hôher minne. er machte manigen man vil gar ûnmüezic, do er sin gâhên began. 269 Gedillet und getrâmet diu schif man dô vant gên wetere und gêr strite. schiere wart gesant nâch den die varn solden nâch der schœnen frouwen. dar zuo bat man niemen, wan den der kûnec wol môhté getrouwen. 270 Wate reit von Stürmen dâ er Hetelen vant. sin ros giengen swære von silber und gewant. vier hundert manne fuorte er mit im dan; Hetele der biderbe vil küene gésté gewan. 271 Mórûnc der snelle dâ her von Friesen reit. er brâhte zwéi hundert; dem künige wart geseit,

daz sie komen wæren mit helme und mit brünne. vil schiere kom ouch Írolt; jâ wãrén sie Hétélen künne. 272 Dar reit von Tenemarke Hôránt der küene man. boten guotes willen Hetele dô gewan tûsent oder mêre, die er wolde senden. wære er niht sô riche, er enkünde ez nímmer verenden. 273 Írólt von Ortlande het sich sô bereit, ob im der künic gæbe nimmer siníu kleit, doch wãren sine helde und ér sô berâten, swâ sie hin gewanden, daz sie lützel iemen ihtes bâten. 274 Der künic sie alle gruozte, als ez wol gezam. Írólden bi der hende er güetlichen nam; er gienc dâ er sitzen den alden Waten vant. dô die helde mære solden rűmén daz lant, 275 Dô hiez man allenthalben vil kleine nehmen war, swaz sie füeren solden, daz si'z heten gar. die helde sâhen selbe, ir schef diu wãren riche. nâch der schoenen Hilden sande er sine boten listecliche. 276 Zwô galie niuwe, veste unde guot, und ouch zwêne koken, die heten s' bi der fluot, und einen kiel den besten, den bi allen stunden ûf des meres ûnden in dem lande iemen hête funden. 277 Dô wolden sie von dannen. ir ros und ouch ir wât daz was ûf den schiffen. Wate sinen râ

gap dô dem künic Hetelen, unz sie komen solden, daz er sich wol gehabete, wan sie im alle gerne die- nen wolden. 278 Der künic sprach trürénde: «lât iu bevolhen sîn die tumben, die von hinnen in dem dienest mîn varent sorliche; durch iuwer selber êre aller tegeliche gebet den tumben helden iuwer lêre.» 279 Wate sprach zem künige: «swaz man dort getuot, nu schaffet sô hie heime, daz iu iuwer muot niht dar an geswîche, swâ man sol haben êre. hüetet uns der erbe; in gebristet niht an mîner lêre.» 280 Frúoté der küene der kameren dô phlac, dâ golt und gesteine und vil dînges inne lac. der künic leiste gerne swes man an in gerte. des Fruote einez wolde, der künic in ieachlichs wol drizic werte. 281 Hundert man dô welte, die dâ solden sîn verborgen in dem scheffe, dâ man daz magedin mit liste erwerben solde, ob in strîtes gienge nôt. sine grôze gâbe der künic in williclichen bôt. 282 Aller hande liute fuorten s' mit in dan, ritter unde knehte, drizic hundert man, sam sie gerûmet hêten ir lant mit arebeite. Hetele sprach zen helden: «nu gebe iu got von himele sîn geleite.»

283 Hôrant sprach zem künige: «ir sult ân' angest sin. swenn' ir uns sehet nâhen, sô schœniu magedin muget ir danne schouwen, die ir gérne sult enphâhen.» der künic horte ez gerne; dannoch was ir komen vil unnâhen. 284 Mit kusse liez er scheiden manigen von im dan. nâch ir arebeit der junge künic gewan trûric gemüete; er vorhte ir alle stunde. der künic sich getrœsten ir in sinen siten niht enkunde. 285 Dô kom in daz ze heile, daz ein nortwint den helden nâch ir willen ir segele ruorte sint. ir schif giengen ebene, dô sî ûz dem lande kérten. die ze arebeit kunden iht, die tumben sie dô lérten. 286 Wir kunnen'z niht bescheiden noch wizzen'z niht ze sagen, wâ sie ir nahtselde ze sehs und drizic tagen ûf dem mere nâmen. die dâ bî in fuoren, mit gestabeten eiden zé behalten sie die alle swuoren. 287 Swie sô was ir wille ûf den wilden sê, sô was in etewenne von ungemache wê. dâ bî sô heten s' ruowe, sô daz mohte wesen. swer die ûnde bouwet, der muoz mit ungemach genesen.

288 Sie het wol tûsent míle daz wazzer dan getragen hin ze Hagenen bürge, sô wir hœren sagen, dâ er herre wære, ze Baljân, lasterliche. sie liegen tobeliche; ez enist dem mære niht geliche. 289 Dô die von Hegelingen wâren hin bekommen zuo der Hagenen bürge, dâ wart ir war genommen. die liute wundert' alle, von welher künige lande sie die ünde trüegen; sie wâren wol gezieret mit ge- wande. 290 Ir schif sie schiere bunden mit anker ûf den grunt. ir segele nider lâzen wurden sâ zestunt. dô wert' daz únlange, unz daz man sagete mære in der Hagenen bürge, daz in fremede liute komen wæren. 291 Sie giengen ûz den schiffen und truogen ûf den sant. swes sô man bedorfte, veile man'z dâ vant, und swes iemen gerte. ir armuot diu was kleine. swie manige marc sie hêten, der sande man nâch kóufé vil seine. 292 In burgære mâze sach man ûf stade stân sehxic oder mære der wætlichen man. von Tenemarke Fruote meister was dar under. ouch truog er bezzter kleider danne ander iemen dâ besunder.

293 Der stete rihtære von der búrc ze Baljân, durch daz er die geste sô riche dâ gewan, mit sinen burgæren reit er dâ sie funden die spæhe koufliute. die gehâbeten sich sô sie beste kunden. 294 Der rihtære frâgte, wannen sie gevarn über sê dar wæren. «got müeze iuch bewarn», sô sprach der degen Fruote: «unser lant lit verre. wir sin kóuflíute und haben in dem scheffe riche herren.» 295 Her Wate hiesch gedinges des landes herren biten. man mohte dâ wol kiesen an sinen hêren siten, den sin gewalt gereichte, daz er dâ grimme wære. Hagenen dem künige brâhte man die geste mit dem mære. 296 Er sprach: «mín geleite unde minen fride den wil ich in enbieten. er büezet mit der wide, der an iht beswæret die unkunden herren. des sin âne sorge; in sol in minem lande niht ge- werren.» 297 Dem künige sie dô gâben wol tûsent marke wert an reichen kleinâten. er hête's niht gegert gên einem phenninge, wan daz sie liezen schouwen, waz sie dâ veile hêten, daz wol gezæme rittern unde frouwen.

298 Her Hagene dancte sêre; er sprach: «und sol ich leben drier tage stunde, daz sie mir hânt gegeben, daz wirt minen gesten álsô vergolden, haben sie gebresten ihtes, daz ich immer bin be- scholden.» 299 Der kûnic begunde teilen daz im was für getragen. bouge drunder lâgen, die mohten wol behagen den minniclichen frouwen. die borten alsô riche, schapel unde vingerlîn, diu teilte dô der wirt vil vlî- zicliche. 300 Sîn wip und ouch sîn tohter die heten wol gesehen, daz sô richiu gâbe selden was geschehen von dehêinen koufliuten in des kûniges lande. Hôrânt und Wate ir gâbe aller êrste hin ze hove sanden. 301 Sehxic richer phelle, die besten die man vant, und vierzic sigelâte truoc man ûf den sant. purpur unde baldekîn het man dâ unwert funden. sie gâben hundert sabene, die besten die sie bî in vin- den kunden. 302 Nâch der phelle mâze, die man ze hove truoc, bezoge die vil reichen, der gap man dâ genuoc. der mohte werden vierzic oder dannoch mêre. sol iemen lob erkoufen, sô muosen sie der gâbe ha- ben êre. 303 Dar brâhte man gesatelet zwêlf kâstelân, und ouch manige brünne und helme wol getân

hiez man mit in füeren unde zwélf schilde gevazzét mit golde; des künic Hagenen geste wâ- ren milde. 304 Mit der gâbe Hôrant dar ze hove reit, und Îrolt der starke. dem künige wart geseit, man bræhte im aber mære von den gesten sîn. sie wæren landes herren, daz was wol an der gâbe schîn. 305 Ze hove mit in kômen wol vier und zweinzic man, die sie mit in fuorten; die wâren wol getân. sie wâren sô gekleidet, ob ez kiesên wolden des künic Hagenen recken, sam sie des tages swért némen solden. 306 Einer sprach zem künige: «herre, ir sult enphân dise gâbe grôze, diu iu wirt getân. ir sult ouch ungedanket niht den gesten lâzen.» swie riche er selbe wære, er dânczé den gesten âne mâze. 307 Er sprach: «ich danke in's gerne, als ich des schulde hân.» sine kamerære hiez man dâr gân. man hiez sie daz gewæte schouwen al besunder. dô si'z rehte ersâhen, dô nam sie der gâbe michel wunder. 308 Dô sprach ein kamerære: «herre, ich sage iu daz, ez lit hie bî von silber und von golde manic vaz

mit edelem gesteine, edele unde reiche. ze zweinzic tûsent marken hânt sie iu gegeben sicherliche.» 309 Der wirt der sprach: «die geste müezen sælic sin. nu wil ich ez teilen mit den recken min.» der kunic gab in allen, swer an in ihdes gerte; ieclîchen sunder er nâch sinem willen wól wérte. 310 Der wirt hiez zuo im sitzen die zwêne junge man, Írolde und Hôranden. frâgen er began, wannen sie dar wæren komen in daz rîche: «wan mir gâben geste bî minen zîten nie sô lobeliche.» 311 Dô sprach der recke Hôrant: «daz wil ich iu sagen. herre, ûf genâde sô müezen wir iu klagen: wir sin vertribene liute von unser selber landen. ez hât ein kunic rîche an uns gerochen sinen grôzen anden.» 312 Dô sprach der wilde Hagene: «wie ist er genant, durch den ir muoset rûmen iwer bürge und iuwer lant? ich sihe iuch in der mâze, kunde er witze walden, ir dunket mich sô bîderbe, sô möhte er iuch gerne hân behalden.» 313 Er frâgte wie er hieze, der sie ze æhte bôt, unde von des schulden sie wâren in der nôt, daz sie in ir flühte suochten fremediū rîche. dô sprach der degen Hôrant: «den tuon wir iu bekant sicherliche.»

314 Sin name heizet Hetele von Hegelinge lant. sin kraft und ouch sin ellen sint starc und ouch sin hant. er hât uns geswachet an manigen freuden guot, daz wir sin von schulden deste trüebér gemuot.» 315 Dô sprach der wilde Hagene: «ez ist iu wol bekomen; ez wirt iu gar vergolden daz er iu hât genommen. ez'n si daz mir gebreste gárwé des minen, den künic von Hegeligen sult ir selten bittén des sinen.» 316 Er sprach: «und welt ir recken bi mir hie bestân, sô wil ich mit iu teilen diu lant, diu ich dâ hân, daz iu der künic Hetele nie gebôt die êre. swaz er iu genommen hât, ich gibe's iu wol zehen stúnt märe.» 317 «Wir beliben bi iu gerne», sprach von Ténen Hôránt; «wir fürhten, ob uns freische hie in Írlant ûz Hegeligen Hetele (jâ sint im kunt die strâze), ich sorge z'allen ziten, daz uns der recke ninder leben lâze.» 318 Hagene der herre zuo den gesellen sprach: «vereinet iuch es rehte und schaffet iu gemach. iuch getar her Hetele nimmer hie ze lande gesuochen schedeliche; wan daz wære mir ein grôziu schande.» 319 Er hiez sie herbergen balde in die stat. sin selbes burgære der wilde Hagene bat,

daz sị in erbüten ére swâ mite sô sie kunden. die wazzermüeden helde sie vil dicke an ir gemache funden. 320 Von der stat die liute in werten siner bete. hūs diu aller besten (mit willen man daz tete) vierzic oder mêre wurden in dô lære, den ūz Tenelande. dar ūz zugen sich die búrgære. 321 Zuo dem stade sie brâhten daz kréftige guot. die dâ verborgen lâgen, die heten dicke muot, daz sie in herten stürmen gern wolden striten, danne sie gelückes nâch der schœnen Hilden sol- den biten. 322 Der künic der hiez frâgen die werden geste sîn, ob sie wolden niezen sin brôt und sinen win, unze sie besæzen bi im fürsten rîche. dô sprach von Tenen Fruote: «daz stüende uns allen harte schemeliche. 323 Ob uns der künic Hetele ze rehte wære holt, und ob wir ezzen solden silber oder golt, des möhte wir dâ heime wol sô vil bevinden, daz wir grôzen hunger dâ von ofte möhten über- winden.» 324 Fruote hiez ūf swingen siner krâme dach. von sô richem koufe daz wonder nie geschach

al umbe in den landen, dâz ie búrgære gæben guot sô ringe. sie möhten eines tages wer- den lære. 325 Ez kouften, die ez wolden, steine unde golt. der künic was sinen gesten ze guoter mâze holt. swer aber âne koufes ir gâbe ihtes gerte, sie wâren in dem willen, daz man ir manigen güet- liche werte. 326 Swaz aber iemen sagete von den küenen man, von Waten und von Fruoten, waz dâ wart getân, der milde was noch mêre dann' iemen möhte trouwen. sie wurben vaste umb' êre, daz sagete man ze hóve den schênen frouwen. 327 Man sach arme liute tragen ir gewant. die sich verzert hêten, den wart dicke ir phant gelœset und gefriget. von ir kamerære diu junge küniginne horte dicke sâgen von in daz mære. 328 Siu sprach zuo dem künige: «vil lieber vater min, heiz ze hove riten die werden geste dîn. man saget, hie si einer, swenne daz geschæhe, sô wunderliches muotes, daz ich in under wilē gerne sæhe.» 329 Der künic sprach zer meide: «daz mac vil wol ge- schehen. sin site und sin gebære die lâz' ich dich sehen.»

dannoch was er Hagenen gar in únkünde. die frouwen biten kûme unze sie die site an Wáten erfûnden. 330 Der kûnic sine geste bat und in gebôt, ob sie von gebresten heten deheine nôt, daz sie ze hove kœmen und nûzen sine spîse. daz riet von Tenen Fruote, der was beide küene unde wîse. 331 Ze hove sich dô vlizzen die von Tenelant, daz niemen itewizzen in mœlte ir gewant. sam tâten ouch von Stûrmen die Waten ingesinden. jâ mohte man in selben einen guoten swértdegen finden. 332 Die Môrunges recken die truogen mentel guot, rocke ûz Kampalie. rôt alsam ein gluot sach man dar ûz erschînen golt mit dem gesteine. Írôlt der küene der gienc dar ze hove niht alleine. 333 Hôrant der snelle, des hete niemen strît, der baz gekleidet wære. tiefe mentel wît sach man daz sie truogen, die wâren lichtgevar. die snellen Tene küene kômen hêrlichen dar. 334 Swie rîch her Hagene wære und swie hôchgemuot, er gie in hin engegene. diu kûniginne guot stuont ûf von gesidele, dô siu Waten sach. der hete die gebære daz im lâchêns gebrach.

335 Siu sprach gezogenliche: «nu sit uns willekomen. ich und der künic mîn herre hân daz wol vernomen, ir sit vermüete helde von urluge sêre. nu sol an iu bedenken der künic sînen lop und ouch sîn êre.» 336 Sie nigen allgemeine; zühtic was ir muot. der künic hiez sie sitzen alsô man geste tuot. dô truoc man in ze trinken den aller besten win, der in allen landen in fürsten hûse mac gesin. 337 Mit schimphlichen worten sâzen s' über al. diu edele küniginne rûmté den sal. siu bat den wilden Hagenen, daz er ir gehieze, daz er die snellen helde durch mære zuo ir keme- nâten lieze. 338 Daz lobt' der künic schiere, als uns ist geseit. der jungen küniginne was ez niht ze leit. dô vlizzen sie sich alle mit golde und mit gewæte; sie wolden sehen gerne, wie daz fremede ingesinde tæte. 339 Dô nu diu alde Hilde bî ir tohter saz, die minniclichen meide vil wol behuoten daz, daz sie iemen funde dâ in der gebære, daz man iht anders spræche wan dáz ieclîche ein kü- niginne wære. 340 Dô hiez man Waten den alden zuo der meide gân. swie gris er dô wære, siu het iedoch den wân, daz siu sich vor im huote in kintlichem sinne. Waten hin engegene mit zühten gie diu junge küniginne.

341 Si enphieng in aller êrste. jâ wære ir lichte leit, ob siu in küssen solde. sin bárt wás im breit, sin hâr was im bewunden mit borten den vil guoten. siu hiez sie sitzen beide. Waten und von Tenemarke Fruoten. 342 Vor ir gesidele stuonden die wætlichen man, die manige zuht kunden und heten vil getân in ir tagen tugende in manigem strite schône. daz lobet' man an den helden; man gab in des den prís dâ ze lône. 343 Frou Hilde und ir tohter durch schimphlichen muot begunden Waten frâgen, ob in daz dihte guot, swann' er bî schœnen frouwen alsô sitzen solde, oder ob er gernere in den herten striten vehten wolde? 344 Dô sprach Wate der alde: «mir zimet einez baz. wan bî schœnen frouwen sô sanfte ich nie gesaz, ich'n tæte einez lihter, daz ich mit guoten knehten, swenne ez wesen solde, in vil herten stürmen wolde vehten.» 345 Des erlachte lûte diu minnecliche meit. siu sach wol daz im wære bî schœnen frouwen leit. dâ von wart des schimphes mære in der selde. frou Hilde und ir tohter redeten dô mit Môrûnges helden. 346 Siu frâgte von dem alden: «wie ist er genant? hât er inder liute, bürge unde lant?

oder hāt er in der bürge wīp óder kint? ich wæne, sie getriutet in sīner heime selden sint.» 347 Dô sprach der recken einer: «kint únde wīp hāt er in sīnen landen. gúot únde līp daz wāget er durch êre; deist an im wol erfunden. er ist ein küener recke gewesen her von allen sīnen stunden.» 348 Írolt sagete mære von dem küenen man, daz nie künic deheiner mēre noch gewan sô rehte küenen recken in den sīnen landen. «swie sanfte so er gebāre, er ist ein mærer helt ze sīnen handen.» 349 Dô sprach diu küniginne: «her Wate, ez ist mīn rāt: sīt iuch von Tenemarke her vertriben hāt Hetele der herre, nu sult ir hie beliben. ez lebet sô richer niemen, der iuch wol von hinnen müge vertriben.» 350 Er sprach zer küniginne: «jā hete ich selbe lant. dô gab ich, swem ich wolde, rós únd gewant. solt' ich nu lêhen dienen, müelīchen ich daz tæte. von den mīnen erben belibe ich nimmer jāres frist stæte.» 351 Von dannen sie dô giengen. diu schœne Hilde bat, daz sie z'allen ziten ze hove heten stat

sitzens bî den frouwen; ez wære in âne schande. dō sprach der degen Írolt: «sam bōt man'z uns in mines herren lande.» 352 Der künic ze allen stunden bōt vil michel guot. die ūz erwelten recken die wâren sō gemuot, daz sie von niemen gerten nehmen ze einer marke. her Hagene der was rîche: ein teil in muote ir über- müete starke. 353 Für den künic sie giengen: dâ wâren ritter vil. dâ funden sie besunder maniger hande spil, in dem brete zabelen, schermen under schilden. sie ahten niht sō hōhe, als man doch hete, Hagenen den wilden. 354 Nâch site in Írlande vil dicke man began maniger hande freude; dâ von Wate gewan den künic z'einem friunde. Hōrânt von Tenerîche, durch der frouwen liebe vant man in vil dicke ge- mellichen. 355 Her Wate und ouch Fruote, die snellen ritter balt, vil nâch in einer mâze die recken wâren alt. ir beider grise lōcke sach man in golt gewunden. swâ man bedorfte recken, dâ wurden sie vil ritter- lichen funden. 356 Des küniges ingesinde ze hove schilde truoc, kiule und buckelære. geschirmet wart dâ gnuoc,

gevohten mit den swerten, mit gabilôt geschozzen vil ûf guote schilde: die jungen helde wâren unver- droffen. 357 Der fürste Hagene frâgte Waten und sîne man, ob in in ir lande wære iht kunt getân schirmen alsô starke, alsam in Îrriche die sinen helde phlegeten. des ersmielte Wate ver- smâheliche. 358 Dô sprach der helt von Stürmen: «ich gesach ez nie. der aber mich ez lêrte, dar umbe wære ich hie bevollen z'einem jâre, daz ich ez rehte kunde. swer des meister wære, mîner miete ich ime gerne gunde.» 359 Dô sprach der künec zem gaste: «den besten mei- ster mîn wil ich dich lêren heizen durch die liebe dîn, daz du doch drie swanke künnest, swâ man strite in herten veltstürmen: ez frumt dir lihte z'etelicher zite.» 360 Dô kom ein schirmmeister. lêren er began Waten den vil küenen; dâ von er gewan des sines libes sorge. Wate stuont in huote, sam er ein kemphe wære. des erlachte dô von Tenen Fruote. 361 Daz half dem schermmeister, daz er witen spranc, alsam ein lêbart wilde. an Waten hende erklanc

vil dicke ein schœne wâfen, daz die fiwervanken drâten ûz den schilden. des mohte er sinem schérm- knâben gedânken. 362 Dô sprach der wilde Hagene: «gebt mir daz swert enhant! ich wil kûrzwîlen mit dem von Sturmlant, ob ich in müge lêren der minen slege viere, daz mir's der recke danke.» daz lobete dô der alde Wate schiere. 363 Der gast sprach zem kûnige: «ich sol den fride din haben, fürste Hagene, daz du iht vârest min. slüegest du mir wunden, des schamte ich mich vor frouwen.» Wate kunde schirmen, deis in der werlde niemen möhte trouwen. 364 Hagenen sluoc dô sêre der kûnstelôse man, daz er als ein begozzen brant riechén began, der meister vor dem junger. jâ was er starc genuoc. der wirt ouch sinem gaste slege unmæzlichen sluoc. 365 Die liute ez sâhen gerne durch ir beider kraft. der kûnic vil schiere erkande die Waten meisterschaft. ein teil begunde er zûrnen, wær' ez im niht ân' êre. swaz man sach ir sterke, doch het ir Hagene dâ be- zeiget mêre.

366 Wate sprach zem künige: «lâz âne fride sîn unser beider schirmen. ich hân der slege din gelernet nu wol viere: ich wil dir's gerne danken.» er lônde im sit sô hôhe, sam einem wilden Sahsen oder Franken. 367 Dô sie den fride liezen beliben under wegen, der sal begunde diezen von ir beider slegen. swaz sie anders tæten, in möhte sîn gelungen. ir schirmen was sô swinde daz in die swertes knôphe hine sprungen. 368 Sie giengen beide sitzen. der wirt zem gaste sprach: «ir jeht, ir wellet lernen? jâ wæn' ich nie gesach des junger ich sô gerne nâch solher künste wære. swâ man phligt der dinge, dâ sit ir ûf dem ringe lobebære.» 369 Írolt sprach zem künige: «herre, ez ist geschehen, daz ir iuch habet versuochet. wir hân ez ê gesehen in unsers herren lande. wir haben'z uns ze rehte, deis aller tegeliche phlegent beide ritter unde knehte.» 370 Dô sprach aber Hagene: «und het ich daz erkant, sô wær' daz schirmwâfen niht komen in mine hant. ich ensach nie junger lernen alsô swinde.» der rede wart gelachet dâ von maniger edeler muoter kinde.

371 Do ẹrloubet' er den gesten swā mite sie die zīt hin getriben möhten. des volgten ime sit die von Nortlande. dō sie begunde erdriezen, dō wurfen sie die steine und begunden mit den schef- ten schiezen. 372 Daz kom an einen ābent, daz in sō gelanc, daz von Tenemarke der küene degen sanc mit sō hêrlîcher stimme, daz ez wol gevallen muose al den liuten. dā von gesweic der vogelline schallen. 373 Daz hōrt' der künic gerne und alle sine man, dā von von Tenen Hôrant der friunde vil gewan. ouch het ez wol gehœret diu alde küniginne. ez erhāl ir durch daz venster dā siu was gesezzen an der zinne.

374 Dô sprach diu schœne Hilde: «waz hân ich vernomen? diu aller beste wise ist in min ôren komen, die ich ze dirre werlde von iemen hân erfunden. daz wolde got von himele daz sie mine kamerære kunden!» 375 Siu hiez ir gewinnen der sô schône sanc. dô siu sach den recken, siu sagetẹ im's grôzen danc, daz ir der âbent wære mit freuden hin gegangen. von froun Hilden wîben wart der hêlt harte wol en- phangen. 376 Dô sprach diu küniginne: «ir sult uns hœren lân die wise, die ich hinte von iu vernomen hân. daz gebt mir z'einer gâbe ze allen âbunden, daz ich iuch hœre singen: sô wirt iuwer lôn wól er- funden.» 377 «Frouwe, ob ir's geruochet, welt ir mir's sagen danc, ich singe iu z'allen ziten alsô guotez sanc, swer ez rehte erhœret, daz im sin leit verswindet und minnert gar sin sorgen, der mine süeze wise rehte ervindet.» 378 Er sprach, er diende ir gerne. 'dâ mite schiet er dan. sin singen lôn sô grôzez ze Írlant gewan, daz man im nie dâ heime gelônet' alsô verre. alsô diende Hetelen ûzer Tenemárké der herre. 379 Dô sich diu naht verendet' und ez begunde tagen, Hôránt begunde singen, daz dâ bî in den hagen geswigen alle vogele von sinem süezen sange. die liute, die dâ sliefen, die enlâgén dô niht ze lange.

380 Sin liet erklang im schône, ie hôher und ie baz. Hágenē ez sélbe hórte; bi sinem wibe er saz. ūz der kemenâten muosten s' in die zinne. der gast wart wol berâten. ez hórte ez diu junge kü- niginne. 381 Des wilden Hagenen tohter und ouch ir magedin die sâzen unde loseten, dâ diu vogellin vergâzén ir dœne ūf dem hove frône. wol hórten ouch die helde, daz der von Tenemarke sanc sô schône. 382 Dô wart im gedanket von wiben und von man. dô sprach von Tenen Fruote: «min neve möhte lân sin ungefüege dœne, die ich in hœre singen. wem mag er ze dienste als ungefüege tageweise bringen?» 383 Dô sprâchen Hagenen helde: «herre, lât vernemen: niemen lebet sô siecher, im möhte wol gezemen hœren sine stimme, diu gêt ūz sinem munde.» «daz wolde got von himele», sprach der künic, «daz ich sie selbe kunde.» 384 Dô er drie dœne sunder vol gesanc, alle die ez hórten, dûhte ez niht sô lanc, sie heten'z niht geahtet einer hande wile, obe er solde singen, daz einer möhte rîten tûsent-mile.

385 Do er nu het gesungen und er von sedele gie, diu junge küniginne frœlîcher nie wider mórgen wart gekleidet mit lichtem ir gewande. diu junge maget edele, nâch ir vater Hagenen siu dô sande. 386 Der herre gie bálde da er die maget vant in trûriclicher wîse. dô was der megede hant an ir vater kinne. siu bat in vil sêre. siu sprach: «liebez veterlîn, heiz in singen hie ze hove mêre.» 387 Er sprach: «liebiu tohter, ze âbende stunt, wolde er dir singen, ich gæbe im tûsent phunt. nu sint sô hôchverte die werden geste mîne, daz uns wol erklingen hie ze hove niht die dœne sine.» 388 Swaz siu gebiten kunde, der kûnic dannen gie. des vleiz sich aber wîse Hôrant, daz er nie gesanc sô ritterliche. die siechen zen gesunden sich niht wól dânnen mit ir sínnén gescheiden kunden. 389 Diu tier in dem walde ir weide liezen stên. die wûrme, die dâ solden in dem grase gén, die vische, die dâ solden in dem wâge vliezen, die liezen ir geverte. jâ kunde er siner fuoge wol ge- niezen. 390 Swaz er dâ dœnen mohte, daz dûhte niemen lanc. sin unmârt' in kœren dâ von der phaffe sanc.

die glocken niht enklungen sô wol alsam ê. allez daz in hôrte, dem was nâch Hôrande wê. 391 Dô bat in ir gewinnen daz schœne magedin, deiz âne ir vater wizen vil tougen solde sin, noch daz ir muoter Hilden niemen sagt' daz mære, daz er sô tougenliche bi ir in ir kemenâten wære. 392 Ein gefüeger kamerære der erárndé den solt. daz siu im gap ze miete, daz was rôt golt, lieht únde tiure zwélf bôuge swære, daz der sanges meister ze âbendé in ir kemenâten wære. 393 Er warp ez tougenlichen. jâ frewete sich der man, daz er sô guoten willen dâ ze hove gewan. er was von fremeden landen gevarn nâch ir minne. durch die sîne fuoge truoc siu im wol von schulden holde sinne. 394 Siu hiez ir kamerære vor dem hûse stân, daz niemén ensolde nâch im dar in gân, unz siu vol gehörte die wise die er sunge. dâ was manne niemen wan ér únde Môrunc der junge. 395 Den helt bat siu sitzen. «ir sult mich hœren lân», sprach diu maget edele, «deich ê vernomen hân. des lustet mich vil sêre, wande iuwer stimme diu ist vor aller frôwede ob aller hande kurzwile ein gimme.» 396 «Getörste ich iu singen, vil schœnez magedin, daz mir dar umbe næme niht daz houbet mîn

iwer váter, der künic Hagene, mir solde niht versmâhen swâ ich iu möhte dienen, wæret ir mins herren lande nâhen.» 397 Dô huob er eine wîse, diu was von Amilê, die nie kristen mensche gelernde sit noch ê, wan daz er sie horte ûf dem wilden fluote. dâ mite diendê ze hove Hôrânt der snelle degen guote. 398 Do er die süezen wîse ze hove vol gesanc, dô sprach diu maget schœne: «friunt, du habe danc.» siu gab im abe ir hende, niht goldes was sô guotes. siu sprach: «ich lône iu gerne; des bin ich iu vil wîl- liges muotes.» 399 Siu gab im des ir triuwe mit willen an die hant: getrüege s' immer krône und daz siu gewunne lant, daz man in niht verrer kündê vertriben, niwan zuo ir bürge. dâ möhte er mit êren wol beliben. 400 Swaz im bûte diu frouwe, des enwolde er niht, niwan eine gürtel: «des man mir vergiht, daz ich sie beholde, maget vil minnecliche. die bringe ich minem herren; so ist er miner mære freuden rîche.» 401 Siu sprach: «wer ist din herre oder wie ist er genant? mag er haben krône oder hât er eigen lant?

ich bin im durch dîn liebe holt vil sicherlichen.» dô sprach von Tenen der küene: «ich gesach nie künic alsô rîchen.» 402 Er sprach: «und melde uns niemen, vil schœne magedin, sô saget' ich dir gerne, wie uns der herre mîn von im scheiden lieze, do er uns hér sânde durch dînen willen, frouwe, zuo dines vater bürge unde lande.» 403 Siu sprach: «lâz mich hœren, waz mir der herre dîn ûz iwerne lande enbiete. ist ez der wille mîn, des bringe ich dich wol innen, ê daz wir uns gescheiden.» Hôrant vorhte Hagenen; im begunde dâ ze hove leiden. 404 Er sprach zuo der frouwen: «so enbiutet er dir daz, daz dich sîn herze minnet ân' aller slahte haz. nu lâz in genießen, frouwe, dîner güete. er hât durch dich eine genômen von âllen frouwen sîn gemüete.» 405 Siu sprach: «got müeze im lônên, daz er mir wæge sî. kome er mir ze mâze, ich wolde im ligen bî, ob du mir woldest singen den âbent und den morgen.» er sprach: «ich tuon ez gerne, des sit ir ân' aller slahte sorge.» 406 Er sprach zer schœnen Hilden: «vil edelez magedin, mîn herre tegeliche hât in dem hove sîn zwelve, die ze prîse für mich singent verre. swie süeze sî ir wise, doch singet aller bésté mîn herre.»

407 Siu sprach: «nu sô gefüege dîn lieber herre si, ich wil gên im nimmer des willen werden frî, ich gelône im der gedanke, die er hât nach mînen minnen. getörste ich vor dem vater mîn, sô wolde ich iu gerne volgen hinnen.» 408 Dô sprach der degen Môrunc: «frouwe, uns sint bereit siben hundert recken, die lîep ûnde leit gerne mit uns dulden. komet ir ûf die strâze, sô sit ân' alle Sorge, daz wir iuch dem wilden Hagenen lâzen.» 409 Er sprach: «wir wellen hinnen úrloubes gern. sô sult ir Hagenen bitten, daz er iuch müeze wern, junge maget edele, er und iuwer muoter sül unser kiele schouwen und ir selbe», sprach der degen guoter. 410 «Daz tuon ich vaste gerne, ob mir's mîn vater gan. dar zuo sult ir bitten den kûnic und sine man, daz ich und die megede rîten zuo den ûnden. ob iu'z mîn vater geheize, sô sult ir mir'z drier tage ê kûnden.» 411 Der hœhste kamerære hete des gewalt, daz er dicke bi ir wære. der selbe degen balt der gieng an der wile durch mære für die frouwen. die helde vant er beide: dô mohten sie ir lebenes niht getrouwen. 412 Er sprach zuo froun Hilden: «wer sint die sitzent hie?» dô wart den snellen helden sô rehte leide nie.

er sprach: «wer hiesch iuch bêde gên ze kemenâten? swer iu daz gefuogte, der hât iuch entriuwen gar ver- râten.» 413 Siu sprach: «nu lâ dîn zürnen. sie mügen wol genesen. ob du mit ungemache niht immer wellest wesen, du solt sie tougenlichen zuo ir gemache bringen. jâ hulfe in anders übele daz er sô ritterlichen kan ge- singen.» 414 Er sprach: «ist ez der recke, der sô wol singen kan? der selben weiz ich einen, daz künic nie gewan bêzzéren recken (mîn vater und sîn muoter diu wâren eines vater kint); wan er was ein zierer degen guoter.» 415 Diu maget begunde frâgen: «wie was der genant?» er sprach: «er hiez Hôrant und was von Tenelant. swie er niht krône trüege, er dienet' im die krône. swie sie mir sîn fremede, wir lebten ie bî Hétélen schöne.» 416 Dô Môrunc den erkande, den man in æhte bôt dâ heime in sinem lande, dô gienc dem recken nôt, im erwíelen sîniu ougen, truoben er began. dô sach diu küniginne den recken güetlichen an. 417 Ouch sach der kamerære der recken ougen naz. er sprach: «liebiu frouwe, ich wil iu sagen daz,

ez sint mâge mine: nu helfet, daz genesen dise helde beide. ich wil ir huetære wesen.» 418 Den recken wart in sorgē ein teil ir herze wunt. «törst' ich vor minner frouwen, ich kuste s' an ir munt, dise recken beide. des ist nu langiu stunde, daz ich von Hegelingen nâch dem künic Hetelen frâ- gen kunde.» 419 Dô sprach diu juncfrouwe: «sint sie die neven dîn, mir suln deste lieber dise geste sîn: sô solt du die helde minem herren künden, daz sie alsô gâhes niht enkomen zuo des meres tünden.» 420 Dô giengen sundersprâchen die zwêne ritter guot. Môrunc dem kamerære sagete sinen muot, daz sie durch froun Hilden kœmen zuo dem lande, und wie der künic Hetele sie nâch der frouwen Hilden dâr sânde. 421 Dô sprach der kamerære: «mir'st beidenthalben nôt, nâch des küniges êre, und wie ich iu den tôt gefremede von dem künige. und wirdet er des inne, daz ir gert der megede, sô enkumt ir nimmer mêre hinnen.» 422 Dô sprach der degen Hôrant: «hœre waz ich sage. wir gern úrlóubes an dem vierden tage daz wir wellen scheiden hine von dem lande: sô muotet uns ze gebene der künic mit schatze unde mit gewande.

423 Sô muoten wir niht mère (des solt du uns helfen biten) wan daz uns wer her Hagene mit vil guoten siten riten zuo dem scheffe, ér únd min frouwe, sin wip diu küniginne, und únséren kiel dâ be- schouwen. 424 Mag uns dar an gelingen, sô swindet unser leit, und ist wol bewendet unser arebeit. ob diu maget edele ritet zuo den griessen, des muge wir dâ heime wider den künic Hetelen wol geniezen.» 425 Dô brâhte s' ûz dem hûse der listige man, alsô daz der mære der künic sich nie versan, dô sie z'ir herberge balde solden gâhen. alsô getriuwer dienst dorfte in dâ ze hove niht ver- smâhen. 426 Sie sagten heimlichen dem alden Waten daz, daz diu maget edele minnet' âne haz den ir friunt Hetelen von den Hegelingen. dô rieten s' mit dem degene, wie si s' mit in ze hûse solden bringen. 427 Dô sprach Wate der alde: «kœme s' ûz dem tor, daz ich sie wan eines gesæhé dâ vor, swie halt wir gerungen mit den von dem hûse, diu junge küniginne kœme nimmer zuo ir vater klûse.»

428 Ditze starke mære gar verholen wart. sie rihten sich vil tougen zuo ir widervart. sie sagten'z ouch den degenen, die in den schiffen lågen. die hōrten'z niht ungerne; jâ mohte sie nu lange dâ betrâgen. 429 Sie brâhten zuo ein ander die sie mohten hân. dô wart ein geriune under in getân, daz in Írlande klagten gnuoge sêre. swie leit ez Hagenen wære, die Hegelinge wurben vaste umb' êre. 430 An dem vierden morgen ze hove sie dô riten. iteniuwiu kleider, ze wunsche wol gesniten, truogen an die geste. sie wolden scheiden dannen. sie gerten urloubes von dem künige und allen sînen mannen. 431 Her Hagene sprach zen gesten: «wie låt ir miniu lant? alle mine sinne ich dar zuo hete gewant, wie ich iu geliebet' mîn lant und mîn riche. nu welt ir hinnen scheiden unde låt mich ungesel- licliche.» 432 Dô sprach Wate der alde: «nâch uns gesendet hât der vogt von Hegelingen, und wil niht haben rât, er'n bringe ez z'einer suone. ouch jâmert nâch uns sêre die wir dâ heime liezen. dâ von gâhen wir vil deste mêre.»

433 Dô sprach der wilde Hagene: «sô ist mir nâch iu leit. nu ruochet nemen ze minne ros und mîniu kleit, gôlt únd gesteine. ich sol iu alsô gelden iuwer grôze gâbe, daz mich die liute drumbe iht dür- fen schelden.» 434 Dô sprach Wate der alde: «ze rîche ich dar zuo bin, daz ich iuwers goldes mit mir iht füere hin. an dem uns unser mâge erworben habent hulde, Hetele der rîche der vergæbe uns nimmer unser schulde. 435 Wir haben eines dinges, her kûnic, an iuch muot (daz dûnkét uns êre, ob ir daz gerne tuot), daz ir daz sehet selbe, wie wir uns mügen verkosten. bîderber liute spîse wær' uns in drîen jâren niht ge- brosten. 436 Wir geben'z swer es ruochet, sit wir hinnen varn. got müeze iu iuwer êre und iuch sêlben hie bewarn. jâ scheiden wir uns hinnen, wir mugen niht langer bîten. daz hœhsté geleite sôl mit úns zûo den scheffen rîten. 437 Iuwer schœne tohter und mîn frôuwe iuwer wîp sol unser habe schouwen. des ist uns der lîp getiuret an ein ende. geschitht uns diu êre, edeler kûnic Hagene, sô bite wir iuch deheiner gâbe mêre.» 438 Der wirt sprach den gesten gezogenlichen zuo: «nu ir niht welt erwinden, sô heize ich morgen fruô

satelen hundert mœre megeden unde frouwen. ich wil ouch mit in selbe und wil iuwer schéf gérne schouwen.» 439 Die naht mit urloube sie riten zuo der fluot. dô truoc man zuo der erde win, der was vil guot gelegen in den kocken, und dar zuo vil der spise. ir schif wurden ringe: von Tenemarke Fruote was vil wise. WIE DIE JUNCFROUWEN DIU SCHEF SCHOUWETEN, UND WIE SIE HIN GEFÜERET WURDEN. 440 An dem næhsten morgen nâch fruomesse zît dô kléitén sich meide und wip wider strît, die Hagene füeren wolde zuo des meres sande. hie mite riten schône wol tûsent recken guot ûz Írlande. 441 Die geste heten messe ze Baljân vernomen. der künic niht enwesse, daz ez im möhte komen ze schedelichem leide. ez was im gar ân' êre der fremeden recken scheiden. dâ von verlôs er sine tohter hêre.

442 Dô sie-nu komen wâren da er diu schéf vánt, froun Hilden und ir frouwen die huop man ûf den sant. dô solden zuo den scheffen die minneclichen frouwen. die krâme stuonden offen: dâ moht' diu küniginne wun- der schouwen. 443 Her Hagene sach ouch selbe swaz ûf der krâme lac, vil manic kleinât riche, diu man vil hôhe wac. dô er und sîn gesellen daz geschouwet hieten, duo lie man'z sehen die megede, den sie ir guote bouge nemen rieten. 444 Der künic ûf einen kocken durch schouwen was gegân. ê diu tür der krâme vol wurde ûf getân, die Waten anker wâren alle von dem grunde. dô schiet man die frouwen sô man aller gæhéste kunde. 445 Niemens ungemüete Waten hôhe wac. er'n ruochte war daz kœme daz ûf der krâme lac. die alden küniginne schiet man von der meide. ûf sprungen die dâ lâgen: dô was dem künic Hagenen grimme leide. 446 Ûf zuhten sie die segele, die liute sâhen daz. die si ûz dem scheffe stiezen, der wart vil maniger naz. sie swebeten sam die vogele in dem wázzer bî dem sande. der alden küniginne wart nâch ir vil lieben tohter ande. 447 Dô der wilde Hagene die gewâfênden sach, wie rehte grimmecliche der helt mit zorne sprach!

«nu bringet mir vil drâte die minen gêrstangen. sie müezen alle sterben, die ich mit der minner hende erlange.» 448 Schône sprach her Môrunc: «nu si iu niht ze gâch. swaz ir uns durch striten immer îlet nâch, dâ mite wol gewâfent tûsent iuwer helde, die kel wir in der flüete: wir geben in die wazzerküelen selde.» 449 Dô wolden es niht lâzen des küenen Hagenen man. der grunt begunde erglîzen: striten wart getân. erzogen sach man wâfen und ouch mit spern schiezen. sie warfen in diu ruoder: man sach die kochen von dem stade vliezen. 450 Wate der vil küene von dem stade spranc in éiné galte, daz im diu brünne erklanc. mit fünfzic siner helde er îlde Hilden nâch. den stolzen burgæren den was ze urlinge gâch. 451 Dô kom der degen Hagene. gewæfen er dô truoc und ein swert vil scharphez, swæré genuoc. sich hete Wate der alde gesûmet nâch ze lange. der helt was vil grimme: er truoc vil hôhe sîne gêr- stangen. 452 Er ruofte harte lûte. îlen er dô hiez, daz liut allenthalben er ungeruowet liez, ob er sine geste möhte noch ergâhen, die tâten im vil leide. er wolde s' alle slahen unde vâhen.

453 Vil schiere er het gewonnen ein vil michel her. dò kunde er'n niht gevolgen ûf dem wilden mer. diu schif diu wâren dürkel und vil unbereite, dò sie gâhen solden. dem wilden Hagenen man den schaden dò seite. 454 Do enweste er wie gebâren, wan daz er ûf den griez mit ander sim' gesinde die wercliute hiez iteniuwer schiffe gâhen zuo dem fluote. im kômen die dâ mohten: er gewan vil ziere degene guote. 455 An dem sibenden morgen rûmten s' Îrlant. die der kûnic Hetele nâch Hilden het gesant, der enwas niht mære wan tûsent siner manne. dâ wider brâhte Hagene drizic hundert helde nâch ir dannen. 456 Die kûenen Tenen hêten nâch Hetelen gesant. sie kunden im diu mære, daz sie im in sin lant die Hagenen tohter brâhten nâch grôzen sînen êren. swie sie des niht gedâhten, ja gewûnnen sie der are- beite mære. 457 Hetele der herre vil frœliche sprach: «min sorge ist mir nu verre. mir'st liep daz ie ge- schach arebeit miner helde in dem Hagenen lande. die rûmten mine selde, nâch den was mir z'allen ziten ande.

458 Ob du mich niht triegest, vil lieber bote mîn, und mir daz niht liegest, hâst du daz magedîn bî den mînen friunden gesehen in disen rîchen, sô wil ich dir lônên dirre mære harte lobelîchen.» 459 «Ich sage dir âne triegen, daz ich die maget sach. daz siu ir vorhte sêre, diu kûniginne sprach, swie sie von dannen wæren nu vil manige mîle: des bin ich in swære, ob mîn vâter mit schîffen nâch uns île.» 460 Dem boten hiez er gâben wol hundert marke wert. die ritter die dâ wâren, hêlm ûnde swert brâhte man den helden und manigen schilt guoten. ûz den Hetelen selden begunden sie der hovereise muoten. 461 Alle die er kunde bringen mit im dan, des het er gedingen, daz er sîne man sô ze velde bræhte, mit sô grôzer êre, daz man kûniges tohter enphienge nie sô lobe- lîche mêre. 462 Swie harte sie sîn gâhten, die mit im solden dan, lützel sie des nâhten ê er daz volc gewan, des sie dar zuo bedorften. ez muote sie vil sêre. doch brâhte er sîner friwende gegen Hîlden tûsent oder mêre. 463 Gekleidet vlizicîchen (des enwas niht râ) die armen zuo den rîchen in liehte sarwât,

wolden sie die frouwen heim ze lande bringen. die stolzen helde ziere heten zuo der verte hôch gedinge. 464 Dô sie von hûse wolden, man hôrte grôzen schal. dô sie hinnen solden, ze berge und ouch ze tal mohte man vil liute dâ bî dem wege schouwen. Hetele dar zuo gâhte, wie er gesæhe sine schœne frouwen. 465 Nu was Wate der alde, der helt von Sturmlant, ze Wâleis in der marke komen ûf den sant. die wazzermüeden helde, ze stade sie dô giengen. an den friuntselden froun Hilden sie dô herberge viengen. 466 Sie hiezen nider spannen hütten zuo der fluot des alden Waten mannen. ir leben daz wart guot. do ẹrstuonden in vil schiere iteniuwiu mære. man saget' den helden ziere, von Hegelingen Hetele komen wære, 467 Unde rite engegene der triutinne sin, er und sine degene. diu schœnen magedin heten des gedingen, daz man sie mit êren zuo ir lande bræhte. si versâhen sich deheines strites mère. 468 Sie hêten swes sie gerten, spise unde win. die lantliute werten, die mite solden sin,

die geste swes sie mohten. des sie solden bringen und des sie haben wolden, dar ane liezen s' in niht misselinge. 469 Hetele dō nâhen zuo in in daz lant mit den begunde gâhen nâch den ê was gesant zuo sines vater erbe. die kômen ouch sô riche mit lichter sarwæte, daz sie die geste sâhen willeclîche. 470 Die von Hegelingen rîten ûf den plân. von den snellen helden ein bûhurt wart getân nâch der tumben muote ze ritterlichem prîse. dô kom von Tenen Fruote; mit im reit ouch Wate der vil wîse. 471 Von verren sach sie Hetele, er wart hôchgemuot. er sprancte dar durch liebe, der mære helt guot, da er zwêne sach die besten, die er hin ze Írlande mit den werden gesten nâch des wilden Hagenen tohter sande. 472 Dô sâhen ouch sie gerne den helt vil lobelîch. sie muosten freude lernen aller tegelîch. sie heten kumber grôzen dâ vor in fremeden landen, Wate mit sînen gnôzen; den buoxt' der kûnic Hetele nu ir anden. 473 Mit láchendem muote vor den friunden sîn sprach der kûnic Hetele: «ir liebe boten mîn,

ich hete nâch iu helden grôze und michel swære; daz in den Hagenen selden al mîn volc in vancnûsse wære.» 474 Vor liebe kuste er beide die altgrise man. lieber ougen weide der kûnic hie gewan dann' er in langen ziten wætlich ie gesæhe. ich gelôube daz dem degene in kurzer zite lieber nie geschæhe. 475 Dô sprach Wate der alde: «des ist niht geschehen. von sô grôzem gwalde hôrte ich nie gejehen, als der starke Hagene phliget in sinem lande. sin volc ist übermûete, selbe ist er ein helt ze sinen handen. 476 Ez was ein sælic stunde, daz sin ie wart gedâht; swer dir daz râten kunde, daz wir dir haben brâht die schônêsten frouwen, daz ist âne lougen, geloube mir der mære, die ich ie gesach mit minen ougen.» 477 Dô sprach der ritter edele: «swie schiere ez mac ge- schehen (die vinde die sint frevele), ir sult umbe sehen, daz uns iht ergâhe hie in dirre marke Hagene der grimme: so gemûejet uns sin übermûete starke.» 478 Wate und ouch her Fruote, die fuorten mit in dan, die küene helde quote, des kûnic Hetelen man,

dâ sie die schœnen Hilden des tages solden schouwen. ob den vil lichten schilden wart sit der helme vil von in verhouwen. 479 Undr einem schœnen huote diu edele maget gie. die von Hegelingen bi dem kûnige hie wâren nu von rosse komen ûf daz gras. mit frœlichem muote daz edel ingesinde was. 480 Îrôlt von Ortriche und Môrûnc von Friesen lant, der recken ietwedere gieng ir an der hant, Hildén der schœnen, dâ sie den kûnic ersâhen. ir lop man möhte krœnen. dô gedâhte siu den helt emphâhen. 481 Mit ir giengen meide zweinzic oder baz samt in wizen sabenen, ich wil gelouben daz. die aller besten siden, die man mohte vinden (daz mohten sie wol liden), die sach man an den tu- gentlichen kinden. 482 In guoten siten schône grûezen dô began, die sit bi im truoc krône, der wætlîche man, die maget minneclîche, des in wol geluste. er beslôz mit armen der schœnen lip vil süezeclich er kuste. 483 Do enphie er albesunder diu schœnen magedin. dâ was einiu under, diu mohte vil wol sin

geborn von küniges künne. siu was von richen mågen. siu was der frouwen einiu, die dâ lange bi den grifen lâgen. 484 Diu was geheizen Hildeburc. frou Hilde, Hagenen wip, diu het erzogen nâch êren ir tugenthaften lîp. siu was von Portegâle geborn ûz dem lande. siu sach vil fremeder diete; dâ von was ir nâch ir friunden ande. 485 Hetele het gegrüezet mit zuht diu magedin. noch was in ungebüezet. dô sie wânden sîn komen von arebeite, an dem næhsten morgen, do ez aller êrste tagete, dô kômen aber sie zuo grôzen sorgen. 486 Daz edel ingesinde wart gegrüezet über al. bi dem Hagenen kinde sâzen sie zetal an die liechten bluomen under guoten sîden. Hagene was nu nâhen: dâ von muosen s' grôze ar- beit lîden.

487 Dô ez tagen begunde, dô sach von Tenelant Hôrânt der degen küene (ez was im wol bekant) ein kriuze in einem segele; bilde lâgen drinne. solher bilgerine hete Wate der alde lützel minne. 488 Lûte ruoft' dô Môrunc Īrôlde zuo: «nu sage dem künic Hetelen, waz er dar umbe tuo. ich sihe diu Hagenen wâfen in einem segele rîchen. wir haben ze vil geslâfen. jâ scheidē wir von im un- senftlicichen.» 489 Hetelen saget' man mære, daz von Īrlant sin sweher her gefüeret zuo im ūf den sant vil manigen kocken hête und ouch vil galeide. râten mit dem künige begündên dô Wate und Fruote beide. 490 Ez wolden niht gelouben die von Tenelant, si'n sæhen'z mit ir ougen, ze Wâleis ūf den sant

Hagenen helde kœmen nâch Hildén der rîchen. die von Ortlande die lâgen ûf dem stade gemenlichen. 491 Dô hôte ez frou Hilde, daz schœne magedin. diu edele und diu milde sprach: «der vater min, kumt er her ze lande, maniger schœnen frouwen er tuot mit sinen handen des ze der werlde niemen mac getrouwen.» 492 «Daz sul wir wol behüeten», sprach der dégen Írólt. «ob er begunde wüeten, und wære ein berc golt, den næme ich niht dar umbe, sô der strit geschæhe, deich Waten minen œheim bi dem wilden Hagenen niht ensæhe.» 493 Dô weinden unde klageten diu wætlichen kint. diu schif vil sêre wageten. ez het ein âbentwint ze Wâleis in die marke gefüeret vil der helde. in den herten stürmen gâben s'in die blوتvarwen selde. 494 Wate hiez froun Hilden ûf einem kocken sin. begâhen mit den schilden für diu magedin was in allen enden daz schef behüetet sêre. ez was bi den frouwen ze huote hundert ritter oder mère. 495 Dô rihten sich ze strite al die ûf den sant mit Hilden komen wâren und die von Írlant die magét heten gefüeret dem kûnige ze leide. vil maniger gesunder gestuont sines libes an der freide.

496 Hetelen hōrt' man ruofen vaste an sine man: «nu wert iuch, snelle degene! der nie golt gewan, dem heize ich ez mezzen mit vollen āne wāge. ir sult des niht vergezzen, ir stēt den Írlenden hie ze lāge.» 497 Mit ir stritgeziuge sie sprungen an den sant. gemüet mit urluge Wāleis al daz lant wart in den selben ziten von den guoten helden. die vīnde mit den friunden wolden alle sin an éiner selde. 498 Nu was ouch komen Hagene zuo in an den sant. dā wurden sper geschozzen von guoter helde hant. die ûf dem sande stuonden, die werten sich vil sêre. der von Írlande; dā von geschach der wunden deste mêre. 499 Wie gar selden iemen gæbe dar sin kint, dā man sô kunde dienen, daz man des fiures wint slüege ûz herten helmen ze sehene schœnen frouwen! ir reise mit den gesten het die schœnen Hildén ge- rouwen. 500 Dā stuonden under wehsel mit den herten spern die úndér den schilden ein ander wolden wern der vil tiefen wunden durch halsberge guote. geverwet was daz wazzer mit dem álrōten vērchblúote.

501 Hagene ruofte lûte, daz im der wâc erdôz, an die sine trûte (sin sterke diu was grôz), daz s' im erwerben hulfen daz lant mit tiefen wunden. daz tâten sie vil gerne; des wurden wâfen an der herte funden. 502 Hagene hete gedrungen vil nâhen an den sant. diu swert vil lûte erklingen. Hagene Hetelen vant ze nâhest bî dem wazzer an dem stade stân. er het ez lobeliche mit sinen ellên dâ getân. 503 Hâgenē in grôzem zorne spranc ûz in die fluot. der degen ûz erkorne zuo dem stade wuot. dô sach man ûf den recken sam snêwes flocken swinde geschiesen dâ mit philen. daz tet von Hegelinge daz gesinde. 504 Dâ wart ouch von den swerten ein vil michel klanc. die in dâ slahen gerten, die muosten manigen wanc vor sinen slegen wenken. Hetele der vil hêre kom ze sinem swehere. daz weint' diu schœne Hildé vil sêre. 505 Ez was ein michel wunder, als diu bûoch uns kûnt tûont wie starc Hagene wære, daz vor im ie gestuont der Hegelinge herre. dô sie begunden dringen mit strite zuo ein ander, man horte guoter helme vil erklingen. 506 Ez wart doch niht gescheiden in sô kurzer stunt. Hetele der küene wart von Hagenen wunt.

dô kômen sine mâge mit Wâten von Stûrlande. Îrolt unde Môrunc wârnu vil guote recken zuo ir handen. 507 Dô kom der degen Fruote und Wate mit siner schar. tûsent helde guote drungen mit in dar. von den Hegelingen die Hêtélen mâge die sluogen vil der wunden. die geste bêdenthalp ge- strewet lâgen. 508 Dô heten ouch mit ellén erworben nu daz lant die Hagenen gesellen. duo kômen ûf den sant mit disen werden gesten die von Îrriche. dâ muosten helme bresten. sie wurben nâch den frou- wen grimmicliche. 509 Hagene gefriesch bî im Hetelen daz kint. manigen ungesunden frumten sie dâ sint, die von Tenelanden und die von Hegelingen. ze Hagenen dem wilden hîezén sie Waten den 'alden dringen. 510 Hagene der starke durch die schar brach. sin swert daz sneit sêre; willeclîch er rach, daz im enphûeret wâren die minneclîchen meide. dâ wart gerêret manic rinc. im was harte grœzliche leide. 511 Er trouwet' mit dem swerte gerechen niht den haz. von siner gêrstangen hinder sich gesaz

vil manic ritter edele, der nimmer mêr diu mære gesagte in sinem lande, wie im in dem strit gelungen wære. 512 Dô kom Wate schiere, ein edel ritter guot, da er ûz den liehten ringen daz fliezénde bluot sach rinnen von den swerten den sînen lieben mâgen. die im dâ helfen gerten, fünf hundert der bî im dâ veige lâgen. 513 Dô hete sich gesamenet daz volc über al, die fremeden zuo den kunden. dô huop sich michel schal. Wate unde Hagene zuo ein ander drungen. die in dâ mohten wîchen, die bedûhte in wære wol gelungen. 514 Dô gieng ûf Waten den alden der kûnic mit grôzen slegen. wol mohte er starke walden. dâ sach manic degen daz fiwer ûz helmen stieben sam die rôstbrénde. sie kunden helme klieben beide mit vil manhafter hende. 515 Dô sluoc Wate der alde, daz im erwaget' der wert. ez wurden vor gewalde die frouwen kûme ernert. dô was dem kûnic Hetelen gebûndén sîn wunde. er begunde frâgen wâ er sînen néven hern Wâten funde. 516 Bî Vâlände aller kûnige er sînen neven dô vant. des wert' sich in der mâze der von Sturmlant, daz man von in beiden sagen möchte mære, wie Wate der vil küene bî Hagenen in dem herten strite wære.

517 Hagenen brast diu stange, die er in dem strite truoc, ûf dem Waten schilde, der was starc genuoc. ouch kunde baz vehten in deheinen reichen recken al deheiner: Wate wolde Hagenen niht ent- wichen. 518 Dô sluog er durch daz houbet des künic Hetelen man, Waten den vil küenen, daz ûz dem helme ran daz bluot von siner wunden. dô kuolden nu die winde. ez was gêna âbunde. man sach striten allez daz gesinde. 519 Wate galt mit zorne den grimmen verchslac, daz blúotiger zehere sô vil ûf im lac. er sluoc den wilden Hagenen, daz von des helmes bouge daz swert sêre erglaste. im gebrast des tages vor den ougen. 520 Dô was ouch wunt Îrolt, der helt von Ortlant. swie vil der tôten læge gestreut von siner hant, er kunde Waten den alden dâ niht von im bringen. die frouwen weinden sêre, dô sie hórten swerte sô vil klingen. 521 Hilde diu vil schœne rief trûrelichen an Hetelen den recken, daz er bræhte dan ir vater ûz den noeten vor Waten dem âltgrisen. er hiez nâch sinem vanre daz volc zuo dem herten sturme wisen. 522 Hetele der herre vil hêrlîchen streit. er kom zuo Waten dem alden; daz was dem helde leit.

der recke ruofte an Hagenen: «durch iuwer selbes êre lât sich den haz verenden, daz unser frîundê niht sterben mêre.» 523 Hagene frâgte lûte (grimme was sîn muot), durch wen er'z scheiden solde. dô sprach der helt guot: «ditze bin ich Hetele von Hegelingelande, der sine liebe mâge sô verre nâch froun Hîldên ge- sande.» 524 Dô sprach der übermûete: «sit ich hân vernomen, daz sie mit maniger güete wâren nâch ir komen, sit ist iu von helden grôz êre unzerunnen. ir habt mit schœnen listen mine lieben tôhtér ge- wunnen.» 525 Hetele spranc dar nâher, sô noch maniger tuot, der strit wænet scheiden. swie harte grimmen muot hete Wate der küene, doch wichen sie von dannen. dô stuont balde ûf hôher Hagene mit allen sinen mannen. 526 Hetele der fürste den helm abe gebant. den frîde hورت' man rüefen dâ über al daz lant. dô sprach vater der Hîlden, daz ez gescheiden wære. dô hورتen in die frouwen in maniger zîte nie sô liebez mære. 527 Do ẹngarten sie sich alle, die strites phlâgen ê. genuoge in schuofen ruowe; manigem was ouch wê

von den tiefen wunden, die sie ûz strite brâhten. maniger wart dâ funden, der der nœte nimmer mêr gedâhte. 528 Dô gienc der kûnic Hetele mit dem wilden Hagenen dan. er sprach zuo dem recken: «sît ich êren gan Hilden iuwer tohter, sô sult ouch ir der gunnen, daz siu trage krône dâ siu hât manigen zieren helt gewunnen.» 529 Hetele boten sande; dô hiez er Waten komen. sie heten in langer zite dâ vor wol vernomen, daz Wate arzât wære von einem wilden wibe. Wate der vil mære manigem gefrumte an dem libe. 530 Dô er sich entwâfent' und selben sich gebant, eine guote wurzen nam er in die hant und eine bûhsen wæhe, dâ was phlaster inne. dô viel im für die füeze Hildé diu schœne kûniginne. 531 Siu sprach: «Wate, lieber friunt, nere den vater mîn (swie du mir gebiutest, sô wil ich immer sîn) und hilf sinen recken, die da lîgent in der molden, und wer dîner kûnste die dâ mînem vater helfen wolden. 532 Du solt ouch niht vergezzen von Hegelinge lant der Hétélen friunde. jâ habent sie den sant genetzt mit ir bluote, sam ez ein regen wære. ich mac von dirre reise sagen immer mêre leidiu mære.»

533 Dô sprach Wate der alde: «ich bin arzât niht (ich wer ez mit gewalde) unze daz geschiht deiz redet ûf eine suone Hagene der vil riche mit Hetelen minem herren. die wile ich sie mîde schuldicliche.» 534 Dô sprach diu maget edele: «getörste ich dâr gãn! ich hân ab leider verre wider mînen vater getân, daz ich minen besten friunt niht getar enphâhen! im und ouch den sînen wæn' min gruez harte müge versmâhen.» 535 Hagene wart gefrâget: «helt, mac daz geschehen? ob iuch des niht betrâget, iuch wolde gerne sehen iuwer schoeniu tohter, diu junge küniginne. dîu wólde helfen iuwern wunden, hêtet ir'z ze minne.» 536 «Ich wil sie sehen gerne, swie siu habe getân. ich minne ouch ir enphâhen; war umbe solde ich'z lân hie in fremeden landen, ich ennæme ir grüezen? mir und miner tohter mac der künic Hetele wol ge- büezen.» 537 Hôránt von Tenemarke wiste s' bi der hant, und ouch der degen Fruote, dâ siu den künic vant, niwan mit einer megede, ir vater wunden schouwen. ir was leit umb' ir friunde, swes halt ir Hetele móhté getrouwen.

538 Do er sie und Hildeburge zuo im komen sach, dô spranc von dem gesidele her Hagene alsô sprach: «willekomen, tohter, Hilde diu vil rîche. ich kan des niht gelâzen, ich engrüeze iuch vil wil- licliche.» 539 Er wolde sine wunden diu kint niht sehen lân. die wurden im gebunden. ûf hôher hiez er gân die edelen juncfrouwen. Wate gâhte sêre wie er den kûnic heilte, daz diu maget weinde dô niht mêre. 540 Do er die erzenîe, wurze und krût genôz, er wart der sorgên frie nâch sinem schaden grôz. als er bestreich mit phlaster des kûnic Hagenen wunden, sin tohter gienc hin widere. dô vant siu ir vater wol gesunden. 541 Der erzenîe meister vil unmüezic wart. solde er guot verdienen in grôzer herevart, sô kunden'z olbende niht von stat getragen. von sô grôzer kûnste hôrte ich nie mán gesagen. 542 Zehant dô heilt' er Hetelen von Hegelinge lant, dar nâch die andern alle, swaz man der dâ vant. die mit deheinen listen heilen iemen kunde, die mohte ouch er gefristen. er machte vor dem tôde wol gesunde. 543 Dô wolden sie die megede niht langer lâzen dâ. Hagene sprach ze Hilden: «wir suln anderswâ

in der zit beliben, unz man daz velt gerûme von den manigen tôten. sie habent ir tages erbiten her vil kûme.» 544 Hetele bat dō Hagenen mit im in sin lant. ein teil lobete er'z trāge, wan daz er wol ervant, daz der von Hegelingen het lant diu vil richen. mit siner lieben tohter fuor er ze hûse sit vil lo- belichen. 545 Die jungen helde sungen, dō sie wolden dan. den lebenden was gelungen. sie heten dort verlān armer unde richer wol driu hundert tōte. sie lāgen jæmerlichen mit den scharphen swerten gar verschrōten. 546 Die hermüeden helde die fuoren in daz lant, daz man die liute drinne vil frœliche vant. iedoch jener māge, die dort lāgen tōt, die freuten sich vil trāge; des gieng in wærlīchen nōt. 547 Diu Hilden heimreise mit Hetelen geschach. dā weinde manic weise. dar nāch ir gemach sich fuogte in den landēn. von dem kûnige hêre gekrœnet wart frou Hilde: daz was den Hegelingen gar ein êre. 548 Hetelen was gelungen als er hete gegert. die alden zuo den jungen ze hove truogen swert.

sam tåten ouch die geste bi dem fürsten reichen. die hōchzit froun Hilden lobte ir vater Hagene bīllīchen. 549 Mit wie getåner êre imē brūtstuole saz daz magedin vil hêre! jå saget man uns daz, daz dâ wâfen nâmen fünf hundert ritter guote. dâ was ab kamerære von Tenemârké der wise Fruote. 550 Die rîcheite grôze het Hagene wol gesehen. die Hetelen genôze heten ê dort verjehen, daz er herre wære ob siben reichen landen. die armen sie dô alle mit freuden heim ze herberge sanden. 551 Dô gap der kûnic Hetele silber und gewant, ros und golt daz rôte den von Írlant, daz si's niht mohten füeren von sinem hûse mêre. er gewân sie im ze friunde. des het diu frouwe Hilde michel êre. 552 An dem zwelften morgen rûmten sie diu lant. diu ros von Tenemarke diu zôch man ûf den sant, den die mane verre ûf die hûeve giengen. liep was ez den gesten, daz sie Hetelen kûnde ie ge- viengen. 553 Truhsæze unde marschalc mit Hagenen riten dan, schenke und kamerære. swaz er der ie gewan, man diende im nie sô schône bi sîn selbes guote. daz Hilde truoc dâ krône, des was dem wilden Ha- genen wol ze muote.

554 Imbîz und nahtselde nâmen s' ûf den wegen. Hagnên und sîner helde wart alsô gephlegen, daz sie ez dâ heime wol gesagen kunden, die Hêtélen friunde, daz sie in wol aller êren gunden. 555 Hagene Hildeburgen mit armen umbeslôz. er sprach: «nu phlic Hilden durch dîne triuwe grôz. ez wirret lîhte frouwen an so grôzem ingesinde. nu tuo genædlichen, daz man dîne zûht án dir vinde.» 556 «Herre, ich tuon ez gerne. ez ist iu wol geseit, dô ich bî ir muoter hete vil manic leit, daz ich sie z'einer wile ze friunde nie verlôs. ir volgte ich manige míle ê sị iuch ze friedel ie erkôs.» 557 Die andern hiez er alle für sich ze hove gân. dô móhtén die schœnen ir weinen niht verlân. er enphálch síe dem wirte alle bî der hende. er sprach: «sît in genædic. jâ sint diu schœnen kint hie éllénde.» 558 Er sprach zuo sîner tohter: «ir sult sô krône tragen, daz ich und iuwer muoter iemen hœren sagen, daz iuch iemen hazze. ir sît sô guotes riche, liezet ir iuch schelden, daz stüende iwerm namen un- lobeliche.»

559 Hagenen kuste Hilde und neic dem künige hêr. er und sin gesinde gesâhen nimmer mêr daz lant ze Hegelingen; sie kômen in ze verre. gegen Baljâne schifmé sich Hagene der herre. 560 Sît dô er dâ heime bi ir muoter saz, der alden küniginne Hagene sagete daz, er kûndé ze niemen sin tohter baz bewenden. hete er ir noch mêre, er wolde s' hin ze Hegelingen senden. 561 Des lobt' diu schœne Hilde den waldenden Krist: «daz uns mit unser tohter sô wol gelungen ist, des freunt sich mine sinne, daz herze mit dem muote. wie gehâbet sich ir gesinde dâ und ouch frou Hilde- burc diu guote?» 562 Dô sprach der herre Hagene: «liute unde lant, des habent sie sich getrœstet. alsô guot gewant bi uns nie getruogen unser tóhter juncfrouwen. wir muosen s' lán beliben. durch ir willen wart der brünnen vil verhouwen.»

563 Nu lâzen disiu mære. ich wil iu sagen daz, daz Hétélen künne, daz in dem lande saz, wie sie im muosten zinsen die bürge zuo dem lande. ze hove kômen s' alle, als Hetele und frou Hilde nâch in sanden. 564 Wate reit zen Stürmen, Môrunc in Niflant. Hôrânt von Tenemarke, ze Givers ûf den sant brâhte er sine helde, wan si in dâ hiezen herre. si erwérten dâ ir selde; man erkande ir vogetes na- men verre. 565 Írólt ze Ortlande gewaldeclichen saz. er was dâ landes herre; des mahte er deste baz Hetelen gedienern nâhen und verren. der kunic was sô bîderbe, man gefriesch nie bezzer landes herren. 566 Swâ Hetele in den landen diu schœnen magedin gefriesch von edelem künne, getiuret wolde er sin, so er die ze hûse bræhte im ze ingesinde. als des siu willen habete, daz dienden sie des wilden Hagenen kinde.

567 Der künic mit sînem wibe vil frœlichen saz. sam was sit ir lîbe, die liute westen daz, daz er die werlt alle verkür durch sie eine. alle sine mâge gesâhen schœner frouwen nie deheine. 568 Dar nâch in siben jâren drîe stürme vaht Hetele ze wâre. die tac unde naht vârten siner êren, swâ si'z gefüegen kunden, von Hetelen dem degene wurden s' dicke an grôzem schaden funden. 569 Sine bürge er stifte und fridete sin lant wol nâch küniges rehte. dicke tet sin hant, daz man diu mære sagete verre in fremediū riche, daz er nie verzagete; er trüege sînen namen lobeliche. 570 Wol ze hôhem prise her Hetele gesaz. Wate der vil wise, selden liez er daz, dri stunt in dem jâre, er'n sæhe sînen herren. jâ diende er im ze wâre mit triuwen beide nâhen unde verren. 571 Hôránt von Tenemarke ze hove ouch dicke reit. er brâhte dem gesinde steine unde kleit, gôlt únde sîden. daz frouwen tragen solden, daz fuort' er von Tenelant und gab ez den die'z gerne nemen wolden. 572 Der gemeiner dienest, den des küniges man dem künic Hetelen tâten, dâ von er gewan

vor ándéren degenen alsô michel êre; des volzôch frou Hilde, ein richiu küniginne unde hêre. 573 Hilde Hagenen tohter zwei kindelin gewan bî Hetelen dem künige. dô daz was getân, diu hiez man schône ziehen. daz niht ân' erben wæren lânt únde bürge, man sagete harte wite disiu mære. 574 Daz eine wart ein recke und hiez Ortwin. den enphálch er Wáten dem álden. er zôch daz kindelin, daz er an hôhe tugende sine sinne wande. man lérte in die von jugende. er wart ein mærer helt ze sinen handen. 575 Diu vil schœne tohter bî namen wart genant Kûtrûn diu schœne. von Hegelinge lant sant' er s' ze Tenemarke durch zuht ir næhsten mâgen. dar an sie dienden Hetelen, des enliezen sie sich niht betrâgen. 576 Nu wuohs diu maget junge. schœne wart ir lîp, daz sie loben muose mán únde wip, wande man sie verre von ir lande erkande. siu was geheizen Kûtrûn unde wart erzogen in Te- nelande. 577 Siu wuohs ouch in der mâze, daz siu wol trüege swert, ob siu ein ritter wære. dâ von wart gegert nâch ir edelen minnen von fürsten harte richen. genuoge die ez wurben, den ergíeng éz vil sche- delichen.

578 Swie schœne wære Hilde, daz Hétélen wip, noch wart michel schœner der Kûtrûnen lip, oder dâne ir ane Hilde dâ her von Îrriche. für ander schœne frouwen lóbt' man Kûtrûnen te- geliche. 579 Er verságete si einem künige, der saz in Alzabê. do er im verzihen hörte, daz tet im vil wê. der dûht' sich alsô rîche, daz deheiner wære der mit siner tugende ie gebârte alsô lobebære. 580 Sîn name der hiez Sifrit, er saz in Môrlant. mit siten ellenthaften verre er was bekant. er was ein künic gewaldic siben künige hêre. er muote Hilden tohter, durch daz man saget' von ir sô michel êre. 581 Mit den sinen gnôzen ûz Ikárjã, manigen pris grôzen si erwûrben dicke dâ, die sinen hergesellen, dâ sie die frouwen sâhen. vor der Hetelen bürge sie tâtten dicke ritterschaft vil nâhen. 582 Dô Hilde und ir tohter giengen in den sal, vor Wigâleises hûse sie hörten dicke schal, dâ die von Môrlande mit ritterlicher krefte wol riten in ze sehenne. des erhullen dicke schilde und schefte. 583 Ez kunde ein ritter edele gevarn nimmer baz. siu truog im holden willen (dicke tet siu daz),

swie salwer varwe er wære ze sehennē an sînem libe. er phlæge ir minne gerne: dô gab im sie niemēn ze wibe. 584 Daz klagetē er âne mâze und was im vil zorn, daz riten manige strâze, solt' er daz hân verlorn. dar umbe drôte er Hetelen ze brennen al sin rîche. die von Môrlande gehabeten drumbe sich vil trû- ricliche. 585 Hetelen hôchgemüete versagete im sin kint. friuntlicher dienste schieden sie sich sint. er sprach, ob ez im immer kœme an die stunde, daz gelieze er nimmer, daz man in ûf Hetelen scha- den funde. 586 Von Hegelinge lande kêrten sie dô dan. dâ von ein ritter edele schaden vil gewan sit in langer wile nâch den selben stunden: sie tâten Herwige swaz sie gefüegen sines schaden kunde.

587 Do gefriesch mán diu mære in Ormanie lant, daz niemen schœner wære danne was erkant Hétélen tohter, Kûtrûn diu hêre. ein kunic der hiez Hartmuot; nâch ir wande er sine minne sêre. 588 Daz riet im sin muoter, diu hiez Gêrlint. dô vólgét' ir lêre der junge voget sint. sin vater der hiez Ludewic von Normandie lande. dô si's ze râte wurden, nâch dem alden künige man dô sande. 589 Ludewic der alde ze Hartmuote reit. des er willen hête, des wart in niht verdeit. dô er hôrt' diu mære von dem júnigen Hartmuote, diu wâren sorgébære, iedoch priste im sie der degen guote. 590 «Wer saget iu daz», sprach Ludewic, «daz siu sô schœne si? wær' sị aller lande frouwe, sị ist uns sô nâhen bî mit hûse niht gesezzen, daz wir sie möhten werben. boten under wilen möhten durch ir liebe vil verderben.»

591 «Ez sol niht sin ze verre», sprach dô Hartmuot, «swâ eines landes herre lïp únde guot wirbet im ze stæte, daz wert unz an daz ende. nu volget minner ræte; ich wil daz man boten zuo ir sende.» 592 Dô sprach diu alde Gêrlint von Ormanie lant: «nu heizet brieve schriben. scház únd gewant gib' ich den boten gerne, die solhiu mære bringen. man sol die strâze lernen nâch KûdrÛnén der kû- niginne.» 593 Dô sprach aber Ludewic: «ist iu daz erkant, wie ir muoter Hilde kom ûz Írlant, oder wáz den guoten recken an ir réisé geschæhe? daz volc ist übermüete. KûdrÛnen mâgen wæne sî wir smæhe.» 594 Dô sprach aber Hartmuot: «ob ich ein michel her nâch ir füeren solde erde unde mer, daz tæte ich willicliche. ich bin in dem sinne, ich erwinde nimmer, unz ich die Hilden tóhtér ge- winne.» 595 «Ich hilfe ez gerne füegen», sprach Ludewic der degen. «lât iuch des genüegen, daz ich iu zuo den wegen mit minem silber sende zwélf sóumære, ob sich iht nâch êren deste senfter künde ditze mære.» 596 Hartmuot dô welte, die er wolde dan nâch der frouwen senden, sehxic siner man.

die wurden wol bereitet mit wæte und mit spise unde wol beleitet. Ludewic der alde der was wise. 597 Dô sie bereitet wâren des sie solden hân, mit versigelten brieven sach man zuo in gân den snellen Hartmuoten und froun Gêrlinde. sie frumten von dem lande schiere dô daz stolze in- gesinde. 598 Sie riten swaz sie mohten, die naht zuo den tagen, unze daz sie funden dâ sie solden sagen daz in enboten wære von Ormanie lande. die wile Hartmuote was mit gedanken liebe und ouch ande. 599 Wol hundert tageweide, wazzer unde lant, was ir arebeit, ê in wurde erkant, welhen ende læge daz lant ze Hegelingen. diu ros wurden træge ê sie die briewe mohten vol- bringen. 600 Doch kômen si's ze ende, daz sie abe dem sê ze Tenemarke fuoren. in was dicke wê, ê sie die erkunden und den kûnic gesâhen. dô gerten sie geleites; dô hiez man in die wægîsten nâhen. 601 Man saget ez Hôrande; der was wol gezogen. sie frieschen ouch daz mære (daz was niht gelogen), daz man gesaget hête von Hetelen und von Hilden. man sach ir landes liute. dicke varn mit helme und mit schilde.

602 Sin geleite wisen hiez dô Hôrant die ellenden geste dâ her von Tenelant, unze daz sie bræhten die Hartmuotes mâge dâ sie ze hove kœmen. sie liezen sich der arebeit niht betrâgen. 603 Dô man ze Hegelingen die boten komen sach, sie fuoren in der mâze, daz ieclicher sprach, daz sie wæren riche, swie sie dar komen wæren. man begûnde ez dem kûnige ze hove bringen mit vil ganzen mæren. 604 Geherberget wurden die von Normendi. man hiez in vlziclichen mit dienste wesen bî. er enweste waz sie wurben in dem sinem lande. an dem zwelften morgen der kûnic nâch Hârtmúotes boten sande. 605 Ein grâve was dar under, wie schœner zûhte er phlac! ir wât, die sie truogen, vil hôte man die wac. sie riten ros diu besten, diu man hete funden. sie kômen zuo dem kûnige ze hove sô sie aller beste kunden. 606 Der wirt sie gruozte schône und ouch sine man. sit wart in ze lône, dô er sich versan daz sie nâch minne füeren, dô het man sie vil smæhe. ich wæn' der kûnic Hetele Hartmúote guotes willen niht verjæhe. 607 Als einer, der daz kunde, die bríevé gelas, der kûnic in übele gunde, daz ir geleite was

Hôrant der bîderbe, ein sneller degen rîche. sie müesten anders widere scheiden von dem künîge schedelîche. 608 Dô sprach der künîc Hetele: «ez was iu niht ze guot, daz iuch her hât gesendet der künîc Hartmuot. des müezet ir engelden, guote boten hêre. der gedînge Hartmuotes müet mich únd froun Hîldén vil sêre.» 609 Dô sprach ir einer drunder: «jâ heizet er iu sagen, liebet er der meide und wil siu bî im tragen vor den sînen friunden krône in Ormanîe, daz mac vil wol verdienen Hartmuot der helt vor schan- den gar der frîe.» 610 Dô sprach diu frouwe Hilde: «wie læge siu im bî? ez lêch mîn vater Hagene hundert unde drî sînem vater bürge dâ ze Karadine. diu lêhen næmen übele von Ludewîges hant die mâge mine. 611 Er gesáz in Frideschotten; dô gediende er daz, daz im des künîges Otten bruoder wart gehaz, der ouch diu lêhen hête von Hagenen mînem herren. der fremedet' sich im sêre; des muoste im von dem künîge harte werren. 612 Nu saget Hartmuote: siu wirdet niht sîn wip; daz der helt guote immer sînen lip

dar ûf dürfe prisen, daz in mîn tohter minne. ir sult in anders wisen, wa er sinem lande werbe ein küniginne.» 613 Den boten den was leide, diu swære in niht gezam, daz sie sô manige mile in sorgen und in scham muosten wider riten ze Ormanie verre. ir arebeit harte erkômen Ludewic und Hârtmúot der herre. 614 Dô sprach der junge Hartmuot: «muget ir mir verjehen, ob ir daz Hagenen künne inder habt ersehen? ist Kûtrûn sô schœne sô man mir sagt ze mære? daz Hetelen got gehœne, daz er mir ie sô arges wil- len wære!» 615 Dô sprach der grâve riche: «ich kan iu wol gesagen, swer gesiht die minnicliche, dem muoz siu wol behagen, durch daz si ir tugende prisent vor meiden und vor wiben.» dô sprach der herre Hartmuot: «sô wil ich âne sie nîht beliben.» 616 Dô klagete weinunde diu frouwe Gêrlint; siu sprach sâ ze stunde: «owê, vil liebez kint, daz wir únser boten hinnen nâch ir ie gesanden! wie gern ich daz gelebete, daz ich sie noch sæhe in disen landen!»

WIE HERWÍC UNDE HARTMUOT UMBE KŪTRŪNEN DAR KŌMEN. 617 Die boteschaft beliben sie liezen manic jâr. sich huoben ander mære (diu rede ist álwâr), von einem künige jungen: Herwíc was er genennet. den sach man dicke in prise; dâ von man noch den recken wol erkennt. 618 Der begunde werben, ob in diu schœne meit ze friwende nehmen wolde. mit grôzer arebeit versuochte er ez dicke und mit sinem guote. ob ez diu maget nu tæte, es was dem künic Hetelen niht ze muote. 619 Swie der helt gebârte, swaz boten drumbe reit, daz man der dâ vârte, daz was im grimme leit. des was sin stolzez herze gebúndén mit swære. er tet dem wol geliche, daz er bi Kūtrūnen gerne wære. 620 Ez hete sich gefüeget, swie ez was geschehen, daz dâ zen Hegelingen múostén gesehen ritter unde megede und ouch schœne frouwen den stolzen Hartmuoten. des enmohte Hetele niht ge- trouwen.

621 Nu was der nôtveste komen in daz lant. die vil werden geste beliben unerkant. Hartmuote und sinen mâgen deff hêlden dient' man schône. er hete des gedingen daz diu maget noch trüege mit im krône. 622 In sâhen frouwen edele dâ er was gegân in sinen lôhen zûhten für froun Hilden stân. man sach in der gebære Hartmuotén den richen, daz er edeler minne an hôhe frouwen gerte bîllîchen. 623 Sîn lip was wol gewahsen, schœne unde balt, milde unde küene. ich'n weiz wes er engalt, daz in versprochen hête diu schœne tohter hêre Hetelen und froun Hilden: daz muote Hartmuoten harte sêre. 624 Der sîn herze gerte, die het er nu gesehen. tougenre ougen blicke was dâ vil geschehen. er ẹnbot ir heimliche, daz siu daz erkande, daz er hieze Hartmuot unde wær' von Ormanie lande. 625 Dô kunde siu dem degene, daz ez ir wære leit (siu gunde im wol ze lebene, diu hêrliche meit), daz er gâhen solde von dem hove dannen, obe er leben wolde vor Hetelen und vor allen sinen mannen. 626 Siu sach in alsô schœnen, daz ir'z ir herze riet, swie sîn bote gehœnet ûz dem lande schiet.

siu was im doch genædic der er in herzen gerte, swie siu Hartmuoten sins willén vil lützel iht gewerte. 627 Alsô schiet von dannen der wol gezogene gast, daz er über rücke truoc den grôzen last, wie er sich geræche an Hetelen der leide, und daz er doch dar under niht vlür die hulde der vil schœnen meide. 628 Sus rûmte Hegelinge der degen Hartmuot. jâ was sin gedinge übel unde guot, wie er verenden kunde daz werben nâch der frouwen. jâ wart nâch der stunde vil helme durch ir willén verhouwen. 629 Dô er kom ze lande dâ er hete verlân vater unde muoter, rihten sich began ze starkem urliuge Hartmuot der vil grimme. daz riet im z'allen ziten Gêrlînt diu alde vâlentinne.

630 Nu lâzen wir belîben wie ez im ergê. dem küenen Herwige was wol alsô wê alse Hartmuote nâch Kûtrûn der rîchen. mit allen sînen mâgen versuochte er'z an die maget vlîzîclîchen. 631 Er was ir nâchgebûre und hete bî ir lant. het er tûsent stunde eins tages dar gesant, er vunde dâ niht anders wan hôchvart und versmâhen. swie sêre sie im'z wereten, sit gelag er Kûtrûnen nâhen. 632 Hetele bat in lâzen, er wurbe iht um sîn kint. do ẹnbot er dem kûnige zornîclîchen sint, er wolde niht erwinden, er'n sæhe in dâ mit schîlden, daz ez im schade wære und ouch der kûnîginne froun Hîlden. 633 Ich'n weiz wer im daz riete: driu tûsent küener man, die er ze frîunde hiete, Herwîc duo gewan. dâ mite spîlte er leide dâ zen Hegelîngen der die er in sîn dienest mit aller hande liebe wolde bringen.

634 Dô wolden's niht getrouwen die von Sturmlant. den von Tenemarke was ez ouch unerkant. sit gefriesch ez Írolt dâ her von Ortriche, daz Herwic der küene Hetelen suochte vil gewaldicliche. 635 Do ez nu Hetele weste, daz er mit siner schar zogete âne vorhte under wegen dar, er sagte ez sinen mannen und ouch der kûniginne. er sprach: «waz redet ir danne? ich høre uns gêté ze hûse bringen.» 636 «Waz sol ich dar zuo sprechen niwan allez guot? ez'n dunket mich unbillich, obe ein ritter tuot mit liebe und ouch mit leide daz man ûf êre prise. wie möhte im misselingen? Hêrwîc ist bîderbe unde wîse. 637 Jâ sul wir daz behûeten», sprach daz edele wip, «daz er iht beswære den helden hie ir lip. ich hân des jehen hœren, daz er an iuwer schranken kum alsô mit helden, daz im's iuwer tohter müeze danken.» 638 Ein teil sich dô ze lange der kûnic und sine man verstûnten, des dô Herwic des hazzes hie began. in einer morgenkûele er und sine geste für Hetelen burc bekômen. er tet in strite sit daz aller beste. 639 Dô noch die recken sliefen in Hêtélen sal, dô ruofte ein wâhtære für die burc ze tal:

«wol ûf in der selde! wir haben fremede geste, und wâfent iuch, ir helde. ich sihe manigen liechten helm glesten.» 640 Sie sprungen von den betten und lâgen dô niht mêr. swer dâ inne wære, armer oder hêr, der muoste haben sorgē der êre und ouch des libes. alsô gerte Herwic in dem herten sturme sines wibes. 641 Hetele und frou Hilde in daz vénster wâren komen. Hêrwîc der hête ein volc an sich genommen, daz saz vor einem berge ze Gâleis in dem lande, die der starke Môrunc ze Wâleis an der marke wol erkande. 642 Hetele sach ir dringen vaste gê dem tôr. jâ wære er ungerne gewesen dô dar vor, vater der Kûtrûnen, swie küene er doch wære. ja erzurnden in die geste. im hulfen sider sine búrgære. 643 Gewâfent wart dar inne ein hundert oder baz. der wirt der streit selbe; mit willē tete er daz. sin volc daz was küene: daz mohte in niht gewerren. man vant dâ schaden starken, den Hetelen tete Her- wic der herre. 644 Dicke sluog ûz helmen den fiwerheizen wint Herwic der herre. daz sach des wirtes kint, Kûtrûn diu schœne; daz het siu z'ougen weide. der helt der dûht' sie bîderbe; daz was ir beide liebe unde leide.

645 Hetele grimmes muotes selbe wâfen truoc. libes unde guotes was er bîderbe gnuoc. der wirt der tet unrehte. er kom im sit sô nâhen, daz sie abe der bürge den strit vil bescheidenlichen sâhen. 646 Dô sie hêten gerne die porten zuo getân, dô muosten sie daz lernen durch schumphentiure lân. si begûnden mit den gesten in die porten dringen. ûf schœner frouwen lônên stuont Herwige aller sin gedinge. 647 Hetele unde Herwic, für ir beider man die guoten ritter sprungen. liuhten in began der louc ûz gespenge, daz in dâ hie vor handen. daz werte vil unlange unz sie bêde ein ander wol be- kanden. 648 Dô der kûnic Hetele sô rehte küenen sach den stolzen Herwigen, in dem strite er sprach: «die mir ze einem friwende des recken niht engunden, die enwisten wer er wære. er houwet durch daz verch die tiefen wunden.» 649 Kûdrûn diu schœne diu sach und hôrt' den schal. gelücke daz ist sinewel dicke alsam ein bal. do ez diu frouwe anders mohte niht gescheiden, ir vater und dem gaste siu wünschte des sie in ge- dâhten beide.

650 Siu begunde rüefen zuo im über den sal: «Hetele, vater hère, nu flüzét ze tal daz bluot durch halsberge. dâ von sint uns die mûre besprungen allenthalben. Herwic ist ein übel nâch- gebûre. 651 Durch den minen willen sô sult ir'z beide friden. nu schaffet eine wile dem herzen und den liden ruowe in dem strite, unz ich iuch beide frâge, wâ der fürste Herwic habende si die aller beste mâge.» 652 Dô sprach der ritter edele: «der fride ist ungetân, ir'n lât mich ungewâfent, frouwe, für iuch gân. sô wil ich iu künden von minen bestęn mâgen. hân ich fride die zite, swes ir welt, sô muget ir mich wol frâgen.» 653 Durch der frouwen liebe gescheiden wart der strit. sich schutten ûz den ringen die sturmmûeden sit. nâch harnasches râme sie wuoschen sich mit brunnen. dô wâren s' wol getân. man mohte in ze lebene wol gunnen. 654 Mit hundert siner helde gieng er dâ er vant gezweiet in ir muote von Hegelinge lant Kûtrûn enphieng in mit ándéren frouwen. der ritter edel unde guot mohte in volliclichen niht getrouwen. 655 Die geste hiez dô sitzen daz wætliche kint. daz Herwîges ellē geliebet' sich sint.

durch sine grôze zühte behaget' er wol in beiden. Hilden und ir tohter riet man ez ân' alle twâle scheiden. 656 Herwic sprach zer frouwen: «mir ist daz geseit (doch hêt ez iuch gerouwen von minner arebeit) daz ich iu versmâhe durch min lîhtez künne. dicke bî den armen habent riche liute guote wünne.» 657 Siu sprach: «wer wær' diu frouwe, der versmâhte daz, der ein helt sô diende, daz siu dem trüege haz? geloubet mir», sprach Kûtrûn, «daz ez mir niht ver- smâhet. holder danne i'u wære ist déhein maget die ir ie ge- sâhet. 658 Wolden mir des gunnen die næhsten friunde min, nâch iuwer selbes willen wolde ich bî iu sin.» mit lieplîchen blicken er sach ir under ougen. siu trüege in ime herzen, daz redet' siu vor den liuten âne lougen. 659 Úrlóubes gerte ze werben um daz kint der récké vil küene. daz erloubte sint Hetele unde Hilde. die wolden hœren beide, ob ir tohter wære liep dér gewérp óder leide. 660 Vil schiere wart er innen wie siu was gemuot. vor der juncfrouwen stuont der helt guot, sam er ûz meisters hande wol entworfen wære an einer wizen wende. dem geliche stuont der degen mære.

661 «Geruochet ir mich minnen, vil schœnez magedin, mit allen minen sinnen sô wil ich immer sin swie ir mir gebietet. min bürge und mine mâge daz sol iu allez dienen, daz mich des, frouwe, hin z'iu niht betrâge.» 662 Siu sprach: «ich gihe iu gerne, daz ich iu wese holt. du hâst mit dieneste hiute hie versolt, daz ich den haz wil scheiden von dir und minem künne. daz mac mir niemen leiden. du solt immer haben mit mir wünne.» 663 Hetelen hiez man bringen (des endet' sich der strit) zuo der küniginne. nâch im kômen sit die aller besten degene von Hegelinge lande, die der künic hête. dô veréndét' sich al sin ande. 664 Frâgen sie begunde nâch râte siner man Hetele dô ze stunde, obe siu z'einem man wolde Herwigen, den edelen ritter guoten. dô sprach diu maget schœne: «ich wil mir niht bezers friundes muoten.» 665 Dô vestent' man die schœnen dem recken an der stunt, der sie dâ solde krœnen. von ir wart im kunt freude und ungemüete. daz man s' im gap ze wibe, des geschâch in kurzen zîten in sturme wê vil guoter recken libe. 666 Er wânde mit im füeren die juncfrouwen dan. des gunde im niht ir muoter. dâ von er gewan

von unkunden recken michel arebeite. Hilde sprach zem künige, siu wolde s' zuo der krône baz bereiten. 667 Man riet Herwige, daz er sie lieze dâ, daz er mit schœnen wiben vertribe anderswâ die zit und sine stunde dar nâch in einem jâre. daz frieschen die von Alzabê. sie rieten Herwige (dô ze vâre. 668 Do besándé sich Sifrit, der kúnic von Mõrlant. nâch schiffen hiez er werben. swâ sô er diu vant, diu hiez er vaste rüsten mit wâfen und mit spise, ze schaden Herwige. er besánde sich mit friunden harte lise. 669 Zweinzic starke kiele zimbern er dô hiez. ez wæn' den niht geviela, die er'z wizzen liez, daz er hín ze Sêlande wolde herverten. gelobet wart diu reise, sô sich veréndét' der winter herte.

670 Mit ahzic tûsent helden het er sich besant. von liuten wart dô lære ze Alzabê daz lant. die künige von den Mœren herverten swuoren. sie belîben sumeliche, die andern nâch des küniges willen fuoren. 671 Hin ze Sêlande hiez er widersagen. daz was dem fürsten ande. von schulden mohte er'z klagen, wan er nie verdiende der rîchen künige haz. der marke und siner bürge hiez er hûeten deste baz. 672 Er klaget' ez sînen friunden, swâ sô er die vant, daz man im brennen wolde und wûestén sin lant. swaz er ze gebenne hête, daz was nâch dienest veile. die gerne solt enphiengen, den kom ez sumelichen gar ze heile. 673 Gên des meien zitén sie kômen über sê, die helde ûz Abakie und die von Alzabê, sam sie gewaldiclichen der werlde z'ende wolden. vil gelpher fuor dar under, die man sider quelte mit der molden. 674 In lant daz Herwiges wurfen sie den brant. swaz er dô helfe hête an friundén besant, die bat er mit im rîten. sie huoben stürme grimme. sie kouften'z mit dem verhe swaz man in gap, golt, silber oder gimme. 675 Dem ûz Sêlande was sîn schade leit. er was ein helt zen handen. ahî wie er streit,

unze er gár túngte daz velt mit den tôten. die áldén ez jungte. dâ wart gesunder houbte vil ver- schrôten. 676 Der strit werete lange; des lac dâ maniger tôt. Herwic der edele kom in grôze nôt, daz er ûf sine marke muoste sit entrinnen. daz lant rouch allenthalben. daz embôt ér der kûniginne. 677 Die boten hiez er riten in daz Hetelen lant. mit manigem trahene fuoren die er dar het gesant, dâ sie diu mære sageten und Hetelen gesâhen. dem vil rîchen kûnige sie alles leides âne frume ver- jâhen. 678 Swie er sie sach gebâren, so ẹnphieng er s' alsô wol als man in fremeden landen liebe friunde sol. er frâgte wie sie kœmen von ir herren lande, sit man im brach die bürge und im die marke in allen enden brande. 679 Sie sprâchen dô: «mit sorgen si wir gevarn dan. âbent unde morgen die Herwiges man die urborent sère die gâbe mit ir libe. sie werbent vaste umb' ére. des hœrt man bi in wei- nen vil der wibe.» 680 Dô sprach der kûnic Hetele: «gêt für die frouwen min. swaz diu iu gebiutet, daz sol allez sîn. bite siu uns rechen den schaden in dem lande, sô dienen wir iu gerne. ez wirt vil wol gerochen gar sîn ande.» 681 Ê daz die boten giengen für die schoenen meit, dô sâhen dâ die liute wol ir herzen leit.

des trouwet' niht erbeiten Kûtrûn diu hêre. dô hiez siu nâch in senden. siu klagete vlorn ir lânt únd ir êre. 682 Die boten für sie kômen. mit triuwen tet siu daz, daz diu maget vil edele wéinénde saz. siu frâgte wie sie schieden von ir lieben manne: ob sie in lebenden liezen, dô sie von ir lande schie- den dannen. 683 Dô sprach dar under einer: «wir liezen in gesunt. sît wir fuoren dannen, uns enist niht kunt, wie mit im haben geworben die von Môrlande. ir was vil verdorben; sie tâten niht wan rouben mit dem brande. 684 Nu høre, maget edele, waz dir mîn herre enbôt. er und sine helede sint in grôzer nôt. sie fürhtent tegelichen verliesen lip und êre. nu wil mîn herre Herwic versuochen dine triuwe, frouwe hêre.» 685 Von sedele stuont dô Kûtrûn, diu vil schoene meit. die schaden wurden beide dem kûnige geseit, man slüege ir die liute und bræche ir bürge witen. siu bat ir vater Hetelen ze des kûnic Herwiges helfe riten. 686 Mit wéinenden ougen si ir vater umbeslôz. «hilfâ, kûnic hêre! mîn scháde wirt álze grôz, ez'n wellen dine degene mit willigen henden helfen minen friwenden. já kan ez ander niemen sô wol genden.»

687 «Daz lâze ich durch niemen, daz wil ich dir sagen, i'ne wege Herwige in vil kurzen tagen. ich wil den schaden grôzen, so ich beste mac, verenden und wil nâch Waten dem alden unde nâch den ándéren senden. 688 Der bringet von den Stürmen alle die er hât. gefreischet ez her Môrunc, wie'z in dem lande stât, der mag uns guoter helde wol tûsént gefüeren. die vinde werdent inne daz wir uns under helme tür- ren rüeren. 689 Hôránt von Tenemarke sol uns ûf den wegen driu tûsent ritter füeren. Írólt der degen der sol daz gesinde nâch dem vanen wisen; ouch kumt ir bruoder Ortwin: sô mac min tohter unser helfe prisen.» 690 Boten riten gâhes die dâ sant' diu meit. sie westen niht sô nâhes: alle die ir leit mit helfe wolden büezen, den bôt siu michel êre. siu kunde helde grüezen; des kom der recken vîl déste mêre. 691 Der meide muoter Hilde diu sprach wol dar zuo: «swer under sinem schilde williclichen tuo helfe dinen friunden, sô sie riten hinnen, im sol sîn mite geteilet swaz wir immer mêré ge- winnen.» 692 Dô slôz man ûf die kisten. hin ze hove man truoc, der sie dar inne wisten, hárnâsche gnuoc,

genagelet wol mit stâle. der silberwizen ringe brâht' man vil den helden. des frewete sich diu junge küniginne. 693 Der wirt wol tûsent helden gap rós únde wât. diu zugen sie ûz den selden, sô sie der ofte hât, der vehten wolde ritten zuo den langen strâzen. swaz ir der künic hête, der wolde er vil wêníc verlâzen. 694 Der wirt urlóubes gerte von sinem wibe dan. Hilde und ir tohter weinen dô began. doch sâhen sie vil gerne helde mit im ritten. sie sprâchen: «got von himele lâze iuch beide lob und êre erstriten.» 695 Dô sie nu komen wären für daz bürgetor, vil sfngénder knappen hörte man der vor, die sich in herten striten róubés versâhen. sie muosten verre ritten. jâ wâren in die vinde niht ze nâhen. 696 An dem dritten morgen dô kom in harte fruo Wate der vil alde mit tûsent helden zuo. an dem sibenden morgen dô kom von Tenelande Hôránt mit vierzic hundert, nâch den Kûdrûn diu schœne sande. 697 Von Wâleis der marke kom Mórunc der degen. durch schœner frouwen liebe wolde er strites phlegen. er brâhte sunder twâle zweinzic hundert manne. die fuoren wol gewâfent und ritten alle frœlîche dannen.

698 Der küniginne bruoder, der degen Ortwin, ûf des wazzers fluote fuort' er der swester sin wol vierzic hundert recken oder dannoch mêre. westen'z die von Alzabê, sô möhten sie in fürhten harte sêre. 699 Dô si im ze helfe kômen, Herwîge und sinen man, dô was im misselungen. swes er ie began, dar an er schaden grôzen vil dicke muoste enphâhen mit sinen stritgenôzen. sie riten sinem bürgetor vil nâhen. 700 Sich huop von küniges künne vil grôz ungemach. daz man dâ die porten und vesten bürge brach, daz kom von untriuwen und grôzem übermuote. swen man dar an ervindet, dem vervâhet man ez niht ze guote. 701 Die boten gâhes füeren, Herwîge sagt' man daz. die viende ez versuochten vil vaste durch ir haz vil manigen âbent spâte unde manigen morgen. dô sigen allenthalben Herwîges helfe zuo vil unver- borgen. 702 Do ez die von Karadie gefrieschen, in was leit. daz wâren zwêne künige, den ir arebeit kom ze unsenfte, dô Hetele der herre mit sinen helden mæren gestrichen was nâch in vil harte verre. 703 Durch daz sie friunde wâren, sie rihten sich ze wer. man sach sô gebâren von Môrlant daz her,

sam sie durch vehten wolden niemen dan entwichen. die's mit in phlegen solden, die muose ez maniger arebeite richen. 704 Wate der vil küene kom mit grôzer kraft. ez hete dar gefüeget grôze ritterschaft Kûdrûn diu schœne Herwige ir manne. swie sô sie dâ wurben, sie riten sit vil frœliche dannen. 705 Swie sie heiden hiezen, die von Môrlant dringen sich niht liezen. an in was wol erkant, ez wæren ie die besten von allem ertriche. sie gâben andern gesten vil dicke herberge schedeliche. 706 Herwic von Sêwen wolde sich erholn an den von Alzabie. dar umbe muosten doln diu her ze beiden siten. wunden vil ir mâge gewunnen z'allen ziten. sin moht' den künic Hetelen wol betrâgen. 707 Dô sie zesamene wâren, von den ich hân geseit, komen mit ir kreften, âne freude leit heten z'allen ziten die recken unde sorge, waz in die naht geschæhe. sie dâhten: «wie geleben wir den morgen?» 708 Drie veltstürme sie mit den Mœren striten. dô heten fride die bürge nâch ritterlichen siten. sie teilten'z mit den swerten und mit den spern sêre. frides sie niht gerten: dâ von sie heten der wunden deste mêre.

709 Die geste zuo den kunden kômen des niht abe, si enstriten zē allen stunden. des muoste ir bestiu habe der krefte dā beliben, dô si's niht wolden lâzen. daz saget' man schœnen wiben; die begunden weinen âne mâze. 710 Waz dā Wate der küene in stúrmé gestreit! er was vil harte wise, daz er diu herzen leit dicke fremeden gesten mit schaden frumte nâhen; wan sie in z'allen ziten mit sīnen helden bī den besten sâhen. 711 Hôránt von Tenemarke, frum was er genuoc. waz er der starken helme mit siner hant durchsluoc! ouch vergaz er selten der vil liechten brünne, si'n müesten sīn engelden. er tet den vinden dicke schar vil dünne. 712 Môrunc der snelle, dicke über rant mit ellentaftem muote strahte er sīne hant. er wolde niht entwenken den von Môrlande, den edelen künigen richen. an dēn rach ér den Her- wiges anden. 713 Hetele der riche durch daz in dar gesant hete sīn schœniu tohter in Herwiges lant, daz er'z friden solde, sit tet er'z in der mâze, der gerne leben wolde, der mohte im sīne marke ligen lâzen. 714 Herwic streit dā selbe, daz niemen kunde baz, vor porten und an velde. dā von vil dicke naz

wart im daz sîn houbet von sweize under ringen. ir wart dâ vil betoubet, die in wândén hin hinder dringen. 715 Wigâleis der guote tet den gesten leit. von Tenelant her Fruote sô ritterlichen streit, daz man im's danken mohte von schulden wol nâch êren. in sturme er wol getohte. man gefriesch nie alden recken alsô hêren. 716 Ortwin der junge, der helt ûz Ortlant, des jach im manic zunge, daz küener heldes hant niemen in den striten sô vollicliche trûege. man sagete z'allern zîten, daz er die ungefüege wunden slûege. 717 Sie heten tage zwelve mit sorgen nu gestriten. die Hétélen helde sach man in herten siten dicke vor dem kûnige liehte schilde houwen. dâ von die stolzen Mœre ir herverte mohte hân ge- rouwen. 718 Ame drîzéhenden morgen vor fruomesse zît sprach Sifrit mit sorgen: «sehet waz hie lît, unser guoten recken. der kûnic von Sêlande nâch vil hôher minne lât im ez alsô sêre enblanden.» 719 Er begunde râten mit den von Garadê (wie gerne sie ez tâten und die von Alzabê!) rîten in ein veste, dâ sie genesen kunden, daz sie die werden geste al gemeine niht erslagen funden.

720 Sie wichen von dem strite ze einer veste dan, dâ ze einer site ein grôzer phlûm ran. dô sie begunden riten dar sie entwichen solden, dô sach man mit in striten die in gemaches niht en- gunnen wolden. 721 Der kûnic von den Mœren ze Hetelen bereit. man mohte daz wol hœren, swaz er ie gestreit, daz was ein anegenge, sit er nu hête funden der im siner mâge sô manigen lazte mit vil tiefen wunden. 722 Von Hegelingen Hetele und her Sifrit die tâten daz sie kunden in hôchvertem sit. durchhouwen liechte schilde sach man vor ir henden. der kûnic von den Mœren der muose von dem Tene- lender wenden. 723 Dâ schuofen ir geligere die von Tenelant. dâ ist niht rede widere, dâ von man sit bevant die vil kûene geste in vil maniger swære. swie guot in was ir veste, ieclich doch dâ heime ger- ner wære. 724 Duo wâren dâ besezzen mit der vinde kraft die helde sô vermezzen, daz sie ritterschaft, sô man es an sie gerte, niht wol gegeben kunden. sie werten ir herbérge sô sie aller bézziste kunden.

725 Do ẹnbot hin heim Hetele, daz sie niht solden klagen. den schœnen frouwen edele hiez ér daz sagen, in wære wol gelungen in stürmen und in striten, alden unde jungen. sie solden ir genendicliche biten. 726 Und hiez in daz künden, daz in gesæze lac er mit al den sinen, dâ man dienen phlac der schœnen Kûdrûnen und dem ûz Sêlande. sie tæten daz sie kunden aller tegeliche mit ir handen. 727 Hildé diu schœne wünschen dô began gelückes Herwige und allen sinen man, daz in nâch ir êren müeste wol gelingen. «daz gebe got», sprach Kûdrûn, «daz si unser friunt gesunde wider bringen.» 728 Dô liezen die von Stürmen ninder ûf den sê die von Môrlande und die von Alzabê. sie muosten angestlichen bî in dâ türren. an Waten und an Fruoten heten sie vil übele nâch- gebûren. 729 Hetele swuor des eide, er kœme nimmer dan und rûmte in niht die heide, unz er und sîne man

ze gîsel dâ gewunne die von Môrriche. sie wâren unversunnen; sit kom in ir hervart schedeliche. 730 Diu spehe Hartmuotes diu was dar gesant (sie goumten dâ niht guotes) von Ormanielant. sie speheten z'allen ziten, waz dâ wurde erfunden. in stürmen und in striten Hetelen sie deheines guotes gunden. 731 Sie sâhen, sunder scheiden hie beseffen lac (daz mohte im vil wol leiden) nâht únde tac der künic ûz Karadine, der edelen Mœre herre. im kom vil lützel helfe. sin lant diu lâgen von im gar ze verre. 732 Die boten ilden widere in Ormanielant, die Ludewic und Hartmuot heten dar gesant. die sageten in dâ heime diu vil lieben mære, daz Hetele unde Herwic vil unmüezic in dem strite wæren. 733 Der lieben mære in dancte der voget von Ormandin. «kunnêt ir mir bescheiden, wie lange mac daz sin, daz die von Karadine sin in Sêlande bî ir widerwinnen, od wanne sie volrechen dâ ir anden?» 734 Dô sprach der boten einer: «her künic, diu rede ist wâr. sie müezen dâ beliben langer danne ein jâr. die von Hegelinge wellent sie niht lâzen. sie hânt sie sô beseffen, daz sie ninder mügen zuo den strâzen.»

735 Dô sprach von Ormanie der snelle Hartmuot: «hèi waz mich sorgen frien hōchgedinge tuot! sit sie sô sint beseffen, daz sie müezen striten, ê Hetele wider kœme, wir solden hin ze Hegelingen riten.» 736 Ludewic und Hartmuot veréindén sich sâ, ob sie helde hêten zehen tûsent dâ, daz sie Kûdrûnen wol dannen möhten bringen, ê Hetele wider kœme mit den sinen hin ze Hegelingen. 737 Des was dâ vil genœte diu alde Gêrlint, wie siu daz rechnen möhte, daz Hetele sin kint versagete smâheliche ir sune Hartmuote. siu wunschte, daz sie hâhen solden beide Waten unde Fruoten. 738 Dô sprach diu tiuvelinne: «nu habet ir grôzen solt. welt ir riten hinnen, min silber und min golt daz wil ich geben recken und wil'z entsagen frouwen. ja ǣnruochte ich, ob ez Hetelen unde Hilden hête nu gerouwen.» 739 Dô sprach der herre Ludewic: «wir suln von Ormandin brûeven herverten mit den recken min. ich trouwe wol gewinnen zweinzic tûsent manne in vil kurzen ziten. dâ míte sô füeren Kûdrûnen dannen.» 740 Dô sprach der junge Hartmuot: «und möhte daz ge- schehen, daz ich die Hilden tohter solde hie gesehen,

dâ für ich niht ennæme ein witez fürsten riche, daz uns beiden zæme bi ein ander wesen friuntliche!» 741 Râten alle stunde mit flize man began, wie man'z gefüegen kunde. Ludewic gewan ein her, daz wolde er füeren hin zen Hegelingen. wie solt' daz Hilde wizzen, daz ir dâ von solde misse- lingen? 742 Swâ mite und immer mahte daz Ludewiges wip, siu hete in ir ahte, der Kûdrûnen lip solde z'Ormanie bi Hartmuote erwarmen. siu fleiz sich des ze wâre, er umbeslüzze sie mit sinen armen. 743 Ludwîc ze Hartmuote sinem sune sprach: «nu gedenke, degen guoter, wir müezen ungemach haben, ê wir bringen die liute von den selden. sun, gib et du den gesten, sô gib' ich hie heime minen helden.» 744 Sie teilten grôze gâbe wider unde dan, daz man dâ ze Swâben solhez nie gewan von rossen und von soumen, von satelen und von schilden. ich wæn' si'z gerne tâten. jâ vant man Ludewigen nie sô milden. 745 Si beréitén sich drâte zuo ir verte dan. die guoten schifliute Ludewic gewan,

den die merstrâze ze rehte wâren künde. sie muosten arebeiten nâch dem hâhen solde durch die ünde. 746 Etelicher mâze wurden sie bereit. lânt ünde strâze, dâ wart ez hin geseit, daz Ludewic und Hartmuot von ir lande wolden. sie heten doch grôze sorge, wie sie hin zen Hegelingen solden. 747 Dô sie zem stade kômen, bereite man dâ vant diu schef, diu sie dâ solden tragen ûf den sant. geworht siu wâren veste von Gêrlinde guote. des alles niht enweste her Wate der alde noch von Tenen Fruote. 748 Mit dri und zweinzic tûsent sie fuoren über sê. ez was nâch Kûtrûnen Hartmuote wê; dem tet er wol geliche mit allen sinen mâgen. er begân dem kûnic Hetelen mit úrluge grêzliche lâgen. 749 Si ênwisten wie sie möhten dar bekommen sint. des kom in arebeite maniger muoter kint. jâ truogen sie die ünde neben Ortlanle, ê Hetele ez erfünde, dâ sie die Hilden bûrc wól er- kanden. 750 Wol inner zwelf milen kom Hartmuotes her in den selben wilen abe dem ticfen mer ze Hegelinge lande die mâze wol sô nâhen, daz si pâlâs unde türne in der schœnen Hilden bûrge sâhen.

751 Ludwîc von Ormandine der hiez ûf den sant die anker nider lâzen. dô bat er s' alle sant, daz sie nider gâhten, so si beldiste kunden. ez was dâ bî sô nâhen, sie vorhten deiz die Hegelinge erfunden. 752 Dô sie nu getruogen und fuorten abe der fluot, vil schilde sie besluogen und manigen helm guot; sie rihten sich ze strite. ir boten sie dô sanden versuochen ob si iht friwende funden in dem Hétélen lande. 753 Hartmuot hiez riten sine boten dan. dô wart der schœnen Hilden schiere kunt getân und ir lieben tohter: möhte ez sich gefüegen, sô tæte er nâch ir minne des sie wol beide möhté genüegen.

754 Ob siu in minnen wolde als er ir ê enbot (im was mit gedanken vil dicke nâch ir nôt), daz wolde er immer dienen die wile er möhte leben. sines vater erbe wolde er Kûtrûnen geben. 755 Ob siu des niht entæte, sô wære er ir gehaz. daz er die maget bæte, dâ von versuochte er daz, daz er ân' urlinge ze lande wolde bringen die schoenen juncfrouwen. des het der küene Hârtmúot gedingen. 756 «Widerredet si'z danne», sprach dô Hartmuot, «sô saget daz ich niht næme deheiner slahte guot, i'ne bringe ez ûf die zîte, ê ich hinnen scheide, daz ich der schoenen Kûtrûn machen wil mit recken ougen weide. 757 Mine boten bîderbe, ir sult ir sagen mê: ich kume nimmer widere ûf den breiten sê, ich wêllê mich lâzen ê ze stücken houwen, mir envolge hinnen von Hegelinge lant diu juncfrouwe. 758 Ob si'z gar verspreche, daz si'z niht entuo, siu sol mich sehen rîten mit minen recken zuo. zweinzic tûsent helde wil ich beliben lâzen vor Hegelinge bürge veige beidenthâlbén der strâze. 759 Daz Hetele Wigâleise des gevolget hât unde Waten dem alden, daz wir niht haben rât

sô maniger langen reise her ze Hegelingen, des wirt vil manic weise. ich wil'z an ein ende gerne bringen.» 760 Die boten riten vil drâte dannen (des was zit) nâch Hartmuotes râte für eine burc wit; diu hiez ze Matelâne. frou Hilde saz dar inne und diu vil wol getâne, ir tóhtér diu junge küniginne 761 Zwêne riche grâven het er dar gesant (die brâhte er mit im übere ûz Ormanielant), daz sie sageten Hilden sin dienst vliziclichen. er wolde niht erwinden, er wolde ir dienestes niht entwichen. 762 Daz si im der maget gunde, wan er die frouwen guot hête vor in allen (dannoch im der muot stuont ûf hôhe minne): siu solde's wol geniezen, daz siu sô edel wære. in solde ir dienen nimmér ver- driezen. 763 Die der frouwen phlâgen, den wart daz geseit, daz daz ingesinde von Ormanie reit durch gewerbes willen hin ze Matelâne. frou Hilde sie geswigen hiez: dés erschrac diu wol getâne. 764 Die Hilden schâffære sluzzen ûf daz tor, swer dar komen wære, daz man den der vor niht langer solde lâzen. man entslôz die porten witen. die boten Hartmuotes hiez man dô in Matelâne riten.

765 Sehen sie dô gerten daz Hétélen wip. die helde sie des werten, die ir schœnen lip sôldén behûeten nâch des kûniges êren. man liez sie selden eine, Hilden und ouch Kûdrûn die hêren. 766 Dô nu ze hove kômen die Hartmuotes man, Hildé diu schœne grûezen sie began. sam tete in hôhem muote frou Kûdrûn diu hêre. diu edele und diu guote minnt' den küenen Herwigen sêre. 767 Swie ẹrbolgen sie in wæren, schenken man in hiez den boten vor den mæren. Hildé sie sitzen liez vor ir und vor ir tohter. waz sie dâr wôlden, des frâgt' diu kûniginne, wande sie si's niht verdagen solden. 768 Vil gezogenliche von dem sedele stuont allez daz gesinde, sô noch boten tuont. sie sageten, waz sie wolden ze Hegelinge lande: daz sie ir herre Hartmuot nâch der schœnen Kûdrûn dâr sânde. 769 Dô sprach diu maget edele: «ich wil des haben rât, daz der küene Hartmuot bî mir niht enstât, vor unser beider friunden under kûniges krône. er ist geheizen Herwic, dem ich sins guoten willen gerne lône.

770 Dem bin ich bevestent: ich lobete in z'einem man, er nam mich ze wibe. dem recken ich wol gan swaz im immer kunde geschehen grôzer êren. alle mine stunde ger ich ûf minne keines friundes mêre.» 771 Dô sprach der boten einer: «iu hiez her Hartmuot sagen, des er dinget, ob ir des niht entuot, daz ir in mit recken sehet ze Matelâne an dem dritten morgen.» des erlachte diu vil wol getâne. 772 Die boten wolden dannen úrloubes gern, die zwêne riche grâven. frou Hilde hiez sie wern, swie fremede sie ir wæren, ir gâbe harte riche, der sie doch niht ennâmen. die boten wurben ez vil listicliche. 773 Die Hétélen recken, den boten saget' man daz, daz sie vorhten kleine ir zorn und ir haz. ob sie niht wolden trinken des künic Hetelen win, man schancte in mit dem bluote, ime und ouch den recken sin. 774 Dô brâhten disiu mære die boten an die stat hin widere, dâ sie Hartmuot von im riten bat. dô lief er in engegene und frâgte, wie'z ergienge; ob sie diu edele Kûdrûn durch sinu mære iht frœ- liche enphienge. 775 Der einer sprach zem recken: «iu ist alsô verseit, ez habe einen friedel diu hérliche mit,

den siu in herzen minne vor aller slahte diete. welt ir ir win niht trinken, sô schenke man iu heizez bluot ze miete.» 776 «Ach wê miner schande!» sô sprach Hartmuot, «in minem herzen ande mir disiu rede tuot. nâch bézzérme friunde endarf ich nimmer frâgen wan der mir helfe striten.» dô sprungen ûf die bi dem stade lâgen. 777 Ludewic und Hartmuot sich huoben mit ir schar mit vanen ûf gerihtet vil zorniclichen dar. man kôs ûf Matelâne ir zeichen schinen verre. dô sprach diu wol getâne: «wol mich! dâ kumet He- tele und min herre.» 778 Si bekânden, daz ez wære des wirtes zeichen niht. «ach wê grôzer swære, diu hiute hie geschiht! uns koment grimme geste nâch Kûdrûn der frouwen. manigen helm vesten siht man vor âbênde noch ver- houwen.» 779 Die von Hegelingen sprâchen Hilden zuo: «swaz hiute Hartmuotes gesinde hie túo, des sul wir sie letzen mit vil tiefen wunden.» dô hiez diu kûniginne diu bûrgetor versliezen an den stunden. 780 Des wolden niht envolgen die kûenen Hetelen man. die des landes huoten, die hiezen binden an

ir herren herzeichen. zuo in ûz der veste die Hétélen degene wolden slahen die vil werden geste. 781 Die schranken, die man solde alle nider lân, durch ir übermüete wurden ûf getân. daz goumen Hartmuotes liezen s' in versmâhen. do die êrsten in drûngen, dô kômen in die lesten ouch ze nâhen. 782 Mit ûf geworfen swerten vant man dô dar vor wol tûsent oder mêre, die habten vor dem tor. dô was ouch komen Hartmuot wol mit tûsent mannen. si erbeizten an die heide; man hiez diu ros schiere ziehen dannen. 783 Sie truogen schefte enhende mit snîdênden spern. wer moht' den strit dâ wenden? sie begunden wern die stolzen burgære mit den tiefen wunden. dô kom von Ormanie Ludewic mit helden sâ ze stunde. 784 Des heten frouwen sorge, dô er dort her reit. sie sâhen unverborgen siniu zeichen breit, bi der ieachem wol driu tûsent manne kômen dar mit zorne, swie die küenen recken schie- den dannen. 785 Sie wurden alle unmüezic dôrt ûnde hie. man gesách von einem lande küener recken nie,'

danne ouch dise wâren in den Hetelen selden. sie kunden wunden vâren; sie tâten'z wol mit Hart- muotes helden. 786 Ludewic der küene, der voget ûz Ormandin, ûz herten schildes spangen sluog er rôten schin mit sinem starken ellen, daz er in brüsten truoc. die sinen spilgesellen wâren kúené genuoc. 787 Dô die búrgære wânden fride hân, dô kom mit helden mære nâher dar gegân der vater Hartmuotes dâ her von Ormandine. dem helde gunde er guotes: daz wart des tages dîcké ze schine. 788 Den stolzen burgæren leiden dô began, daz sie den râ tliezen, den Hilde het getân, diu vil schœne frouwe, daz Hétélen wip. des sach man dûrkel schilde und vlôs ouch maniger dâ den lip. 789 Ludewic und Hartmuot beide wâren komen sô nâhen zuo ein ander; sie heten wol vernomen, daz man die burc froun Hilden wóldé versliezen. dô giengen s' mit den schilden, daz sie diu zeichen in die burc stiezen. 790 Swie vil man von der mûre wârf únd geschôz, des nam sie vil untûre: ir ellen daz was grôz.

sie ahte harte kleine swaz man dâ sach der veigen. mit grôzen lassteinen sach man vil der héldé geneigen. 791 Ludewic und Hartmuot kômen in daz tor. vil manigen sêre wunden liezen sie dar vor. des begunde weinen ein juncfrouwe sêre. in der Hetelen bürge wart des grôzen schaden dan- noch mêre. 792 Der kûnic von Ormanie der was frô genuoc, dô er und ouch die sine sins landes wâfen truoc für den sâl Hêtelen. obene durch die zinne liez man den vanen weiben. des trûrte diu vil hêre kûniginne. 793 Mich wundert, waz doch wære den gesten dâ ge- schehen, ob Wate der vil grimme hête daz gesehen, daz Hartmuotes helde durch den sal sô giengen mit samet Ludewige, dâ sie die schœnen Kûdrûnen viengen. 794 Wate und ouch Hetele hêten'z sô gewert, der in'z gesaget hête, ûf helme sô gebert mit den guoten swerten, deiz nimmer wære ergangen, daz sie Kûdrûnen ze Ormanie bræhtén gevangen. 795 Swaz man dâ vant der liute, die wâren ungemuot; sam tæte man noch hiute. maniger hande guot, die daz wolden rouben, die fuorten'z ûz der selde. daz muget ir gelouben: rich wurden alle Hartmuotes helde.

796 Hartmuot der snelle ze Kûdrûnen gie. er sprach: «maget edele, ich versmâhte iu ie. mir und minen friunden solde ouch nu versmâhen, daz wir hie niemen viengen. wir solden s' alle slahen unde hâhen.» 797 Dô redete siu niht mêre wan: «owê vater mîn, soldest du daz wizzen, daz man die tohter dîn gewaldiclichen füeret hin ûz dinem lande, mir armen küniginne geschæhe niht der schade noch diu schande.» 798 Dô sie genommen hêten schaz und ouch gewant, dar zuo man Hilden wiste bi ir wizen hant. die guoten Matelâne wolden sie verbrennen. swaz in dâ von geschæhe, des'n wolden die von Or- manie erkennen. 799 Hartmuot hiez dô lâzen die burc unverbrant. des ilde er âne mâze wie er rûmt' daz lant, ê daz ez erfunden die mit hêres krefte lâgen ze Wâleis bi der marke, des künic Hetelen man und sine mâge. 800 «Lât den roup beliben», alsô sprach Hartmuot. «ich gibē iu dâ heime mines vater guot. uns ist ouch deste lihter ze varne ûf dem sê.» gewalt der Ludewiges tete Kûdrûnen wê. 801 Diu burc diu was zerbrochen, diu stat diu was verbrant. dô hete man gevangen die besten die man vant. zwô und sehzic frouwen vil minniclicher meide, die fuorten sie von dannen. dô was der edelen Hilden herzenleide.

802 Wie trûric sie dō liezen des wirtes wine stên! dô ilt' diu kûniginne in ein venster gên, daz siu nâch den megeden her nider möhte schouwen. noch liezen s' in dem lande klagende vil manige schœne frouwen. 803 Wûefen unde weinen vil lûte man dâ vant. frô was ir deheine, dō man über lant mit der Hilden tohter fuorte ir ingesinde. daz geschâdete sît in alter dar nâch maniges werden ritters kinde. 804 Hartmuot der brâht' die gîsel mit im ûf den sant. verbrennet und zerfüeret liez er des fürsten lant. ez was nâch sinem willen die zît wol ergangen. Kûdrûn unde Hildeburc fuort' er mit im dânnên ge- vangen. 805 Er weste wol, daz Hetele in daz vierde lant durch urliuge wære. des rûmte er den sant. er was niht sô gâhes von den Hegelingen, frou Hilde hiez diu mære Hetelen unde sinen friunden bringen. 806 Wie rehte klagelîche siu dem kûnige enbôt, daz im dâ heime lægen sine ritter tôt. siê hiete Hartmuot lâzen in dem bluothe touwen. sin tohter wær' gefangen; dâ mite fuorte er manige schœne frouwen. 807 «Ir boten, saget dem kûnige, daz ich vil eine bin. ez ist mir komen übele. mit hôchverte hin

vert ze sinem lande Ludewic der riche. tûsent oder mêre ligen vor der porten jæmerliche.» 808 Hartmuot sich dô schifte snelle in driên tagen wider ûf die kiele. swaz die mohten tragen, daz heten sine recken genommen und geroubet. des kûnic Hetelen degene wâren hie vil schedelich be- toubet. 809 Wie sie nu gefûeren, wer möhte iu daz gesagen? man hôte in ir segele diezen unde wagen, dô sie gewendet wâren von des kûniges lande zuo einem wilden werde, der was geheizen dâ zem Wûlpensande. 810 Hilde diu vil hêre ir herze und ouch ir sin dar zuo wande sêre, wie siu gefrumte hin ir boten dem kûnic Hetelen. diu herzenliche leide geschach von Hartmuote: der liez ir mit jâmer ougen weide.

811 Ir manne und Herwige diu frouwe dō enbōt, ir tohter wær' gevangen, ir helde wæren tōt und hēten sie al eine mit ungemüete lâzen. ir golt und ir gesteine die von Órmanie fuorten an den strâzen. 812 Die boten riten gâhes und ilden über lant. sie hete in grôzen sorgen diu frouwe dar gesant. an dem sibenden morgen sie kômen dâ sie sâhen die von Hegelingen bi den Mœren ligen harte nâhen. 813 Sie gâben tegeliche ritterschepte vil. ouch mohte man dâ hœren maniger hande spil, daz sie an dem legere dôrfte niht verdriezen. man sach sie loufen springen unde dicke mit den scheften schiezen. 814 Dô sach von Tenemarke der degen Hôrant die Hilden boten riten zuo in in daz lant. er sprach zuo dem kûnige: «uns kument niuwiu mære. got gebe, daz uns helden dâ heime niht geschéhen sî scháde swære.» 815 Der kûnic gie in engegene selbe da er sie sach. zen boten ungemuoten gezogenliche er sprach: «sit willekomen, ir herren, her zuo disem lande. wie gehábet sich mîn frou Hilde? saget uns wer iuch dâ hér sánde.» 816 Er sprach: «daz tet mîn frouwe, diu hât uns her gesant. dîn bürge sint zerbrochen, verbrennet ist dîn lant. Kûdrûn ist gefüeret hin mit ir gesinde. schaden alsô grôzen ich wæné dîn lant niht überwinde.»

817 Er sprach: «ich klage dir mêre, des gêt uns michel nôt. mâge und dîner manne lit wol tûsent tôt. dîn schaz ist gefüeret zuo fremeden künicrichen. dîn hort ist an gerüeret: daz stêt sô guoten helden lasterlichen.» 818 Er frâgte wie er hieze, der ez het getân. dô sprach zuo dem künige ein des recken man: «der eine heizet Ludewic von Ormanieriche, der ander heizet Hartmuot. die kômen uns mit helden schedeliche.» 819 Dô sprach der fürste Hetele: «durch daz ich im verzêch mîne schœne tohter: wol weste ich daz im lêch dem künige ûz Ormanie Hagene sîn lant. dar umbe wære Kûdrûn hin z'im nâch êren niht bewant. 820 Man sol unser vinde disiu mære gar verdagen. man sol sie unsern friunden heimlichen klagen. nu heizet uns die mâge balde her bringen. ez'n dôrfte guoten recken dâ heime nimmer wîrsér gelingen.» 821 Dô hiez man Herwige hin ze hove gân, friunde unde mâge und ander 's küniges man. dô dise guote recken ze hove komen wâren, man sach den künic Hetelen in sînem muote trúobé gebâren. 822 Der voget von Hegelingen sprach: «ich wil iu klagen und muoz iu ûf genâde minen kumber sagen,

waz uns mîn frou Hilde her enboten hât, daz ez zen Hegelingen sô rehte unfrœlîchen stât. 823 Mîn lant ist verbrennet, mîn burc gebrochen nider. uns ist gehüetet übele dâ heime leider sider. mîn tohter ist gevangen, erslagen mine mâge, die mir mînes landes und mîner ẽré dâ heime phlâgen.» 824 Dô trehenden Herwîge diu ougen umbe daz, daz diu Hetelen ougen von weinen wurden naz. sam tâten d'andern alle, dô si s' weinen sâhen. der was frô deheiner, die dem kûnige stuonden alsô nâhen. 825 Dô sprach Wate der alde: «nu vermeldet niht. swaz uns an den friunden schaden nu geschihit, des muge wir uns ergetzen her nâch mit maniger wûnne. vil trûric wir gesetzt Hartmûotes unde Ludewiges kûnne.» 826 Hetele dô frâgte: «wie sol daz ergân?» dô sprach Wate der alde: «dâ sul wir fride lân den von Môrlande, dem kûnige und sîm' gesinde. sô füeren wir die degene nâch der schœnen Kûdrûn dinem kinde.» 827 Wate wîslichen râten kunde duo: «wir suln mit den gesten werben morgen fruo und ouch in der mâze, daz sie werden inne, ob wir's niht enlâzen, daz sie ir volc nimmer bringen hinnen.»

828 Dô sprach der küene Herwic: «hie ist gerâten wol. bereitet iuch sô hiute, wie man morgen sol gebâren mit den vinden, daz wir daz lâzen schouwen. swie wir hinnen scheiden, mir ist unmâzen leit nâch den frouwen.» 829 Sie rihten sich ze strite mit rossen und mit wât. sie liezen vil ungerne des alden Waten rât. dô in erschein der morgen, si versúochtén'z vil sêre an die von Abakine. dâ mite sie wurben beide lob und êre. 830 Die banier allenthalben in gedrénge man dô truoc. der vil wol gesunden vil manigen man dô sluoc. die von Sturmlande lûte ruoften: «nâher!» die sie dâ twingen wolden, den was zuo dem strite deste gâher. 831 Îrólt begunde rüufen über Schildes rant: «welt ir'z mit uns sùenen, ir helde ûz Môrlant? des heizet iuch mîn herre der künic Hetele frâgen. iwer lânt sint iu ze verre. ir vlieset beide gúot únde mâge.» 832 Des antwurte Sifrit, der künic ûz Môrlant: «swenn' ir den sig erwerbet, sô habt ir guotiu phant. ich wil mit niemen dingen wan nâch mînen êren. wænet ir uns twingen, ir verderbet beidenthalp diu mêre.»

833 Dô sprach der recke Fruote: «nu sichert ir uns bî ze wesene dienstliche, sô lâze wir iuch frî urlîuges immer mêre ûz mines herren landen.» die von Karadine strahten dar den fride mit ir handen. 834 Alsô kom ez ze suone, als ich iu hân geseit. dô giengen zuo ein ander die recken vil gemeit. ein ander buten dienst die ê vînde wâren. ir haz der was verstünet: sie rieten den von Ormanîn ze vâre. 835 Nu saget' alrêrste Hetele dem kûnigē ûz Môrlant, waz er leider mære von sînen boten ervant. ob er im helfen wolde, daz diende er an sîn ende, daz er hern Hartmuote mit im gelônde dirre misse- wende. 836 Dô sprach der herre Sifrit dâ her ûz Alzabê: «westen wir sie vinden, sô müese in werden wê.» dô sprach Wate der alde: «ich weiz hie bî vil nâhen ir rehte wazzenstrâze. wir mugen s' ûf dem mer vil wol ergâhen.» 837 Hetele sprach z'in allen: «wâ solde ich kiele hân? ob ich in gerne schatte, wie möhte daz ergân? ez'n wære ob ich dâ heime mich beréite zuo ir lande, daz ich sie dâ gesæhe, so geræche ich an in beide schaden und anden.» 838 Dô sprach Wate der alde: «sîn mac wol werden rât. got tuot mit gewalde al daz in bestât.

jā weiz ich hie vil nâhen bi uns in dem lande wol sibenzic guoter kiele; die stênt mit guoter spise ûf einem sande. 839 Die habent bilgerine gefüeret ûf den sê. die müezen wir gewinnen, swie'z uns dar nâch ergê. sie suln geduldiclichen ûf dem sande erbiten, unz wir mit unsern vinden uns versüenen oder aber gestriten.» 840 Waten dem vil küenen dem wart dannen gâch wol mit hundert recken; die andern zogeten nâch. er sprach, er wolde koufen, hêten sie iht veile. des starp im vil der mæge; im selben kom ez ouch ze ûnhéile. 841 Die sị an dem stade funden, für wâr sô weiz ich daz, der was drizic hundert, ich wæne, und dannoch baz. die mohten niht sô gâhes gerihten sich ze strite. dô kom in dar näher der künic mit vil maniger schâr wîten. 842 Swie sô sie gebârten, man truog in ûf den sant, des Wate niht enwolde, ir silber und gewant. die spise hiez er lâzen beliben ûf den ûnden. er jach, man solde in'z gelden, so sị aller næhést her wider wûnden. 843 Die bilgerine klageten, des gieng in michel nôt. swaz sị im ir dinges sageten, er ahte ez niht ein brôt. Wate der vil küene trahte âne smielen, daz sie im lâzen müesten ze phande beide kocken unde kiele.

844 Hetele der enruochte, ob si immer ûf daz mer mit ir kriuze kœmen. er nam ûz ir her fünf hundert oder mêre der besten, die sie funden. der brâhten sie vil lützel ze Hegelinge lande der ge- sunden. 845 I'ne weiz, ob des engulde Hétele und sîne man, daz ditze volc ellende daz herzen leit gewan, daz sie sich muosten scheiden in den fremeden landen. ich wæne got von himele ræché dâ selbe sînen anden. 846 Sie fuoren sô sie mohten béldiste dan. Hetele und die sîne guoten luft gewan. sie begunden segelen nâch ir vianden, swâ sie die befunden, und wolden an in réchén ir anden. WIE HETELE NÂCH SÎNER TOHTER KOM ÙF DEN WÜLPENSANT. 847 Nu was der künic Ludewic und ouch her Hartmuot mit ir landes volke bî des meres fluot beliben durch ir ruowe ûf den wilden griezen. swie vil sie liute hêten, des mohten sie doch lützel geniesen.

848 Ez was ein wert vil breiter und hiez der Wülpensant, dâ die von Ormanie ûz Ludewiges lant gemach gefüeget hêten ir rossen und in selben, dâ sich ir schade muose nâch ir gemache grimmicliche melden. 849 Die vil edele gisel von Hegelinge lant die hete man gewiset ûf den wilden sant. die mâze und sie dâ mohten und kûndén gebâren, die minnecliche meide, bi den vinden trûric sie wâren. 850 Diu fiwer man állenthalben bi dem sande sach. die von verren landen schuofen in gemach. sie wânden dâ beliben (daz kom in al ze sère) mit den schœnen wiben ze siben nahten oder dannoch mère. 851 Dô dise recken lâgen an einer wilden habe, Hartmûot mit sinen mâgen muoste lâzen abe gedingen, den sie hêten, daz sie dâ beliben ze siben tagen solden an ir gemache mit den schœ- nen wiben. 852 Ez was von Matelâne nu sô verre dan Kûdrûn diu wol getâne, daz Ludewiges man heten an ir gemache deheinen den gedingen, daz Wate und sine friunde ez in ie ze schaden möhten bringen. 853 Dô sach der marnære ûf den ünden wagen ein schif mit rîchen segelen. dem kûnige hiez er'z sagen.

dô daz gesach her Hartmuot und ouch al die sine, in den ségelen wæren kriuze, sie jãhén ez wæren bil- gerine. 854 Schiere sáhen s' vliezen drie kiele guot und niwen kocken riche; die trúogen ûf der fluot manigen, der daz kriuze durch gotes êre selden truoc an sinen kleiden. des muosten die ûz Ormanie engelden. 855 Sie kômen nu sô náhen, daz man die helme sach abe den schiffen schinen. sich huob ir ungemach unde schadete sêre Ludwige und den sinen. «wol ûf», sprach dô Hartmuot; «hie koment die grim- men widerwarten míne.» 856 Sie gâhten zuo dem lande, daz man wol vernam diu ruoder an den handén krachen manigem man. die ûf dem stade wâren, die alden zuo den jungen, die enwesten wie gebâren, wan daz sie werliche dár sprungen. 857 Ludewic und Hartmuot truogen schilt enhant. sie wâren ê vil sanfter komen in ir lant, wan daz sie ir ruowe troug ein teil ze sêre. si versãhen sich z'ir vinden, Hetele het der mãgé niht mêre. 858 Lûte ruoft' dô Ludewic an alle sine man (ez was gar ein kindes spil swes er ê began):

«nu muoz ich aller êrste mit guoten helden striten. ich gerîche in immer, der îr tar under mînem vanen erbiten.» 859 Hartmuotes zeichen truoc man ûf den sant. diu schif sô nâhen wâren, daz si s' mit der hant mit scheften mohten langen, bi in an dem grieze. ich wæn' her Wate der alde sinen schilt niht müezîc enlieze. 860 Sô rehte grimmîche werte man nie lant. die von Hegelingen drungen ûf den sant. mit spern und mit swerten striten s' alsô sêre. ein ander sie dô werten daz sie des koufes sit niht gerten mêre. 861 Sie wâren allenthalben an daz stat gestân. nâch winden von den alben sach man nie snê gân sô dicke sô dâ dræten die schüze von den henden. ob si'z nu gerne tæten, sô möht' den schaden niemen wol erwenden. 862 Man vant ein sperwehsel: diu wile diu was lanc, ê sie daz lant gewonnen. der alde Wate spranc zuo den vinden sêre; sie wâren im sô nâhen. er was sô grimmes muotes, daz sie sinen willen wol gesâhen. 863 Ludwic von Ormanie der lief Waten an. mit einem sper vil scharphen schôz er ûf den man, daz diu stücke hôhe sprungen in die winde. Ludewic der was küene. dô kom ouch daz Waten in- gesinde.

864 Wate Ludewigen durch den helm sluoc, daz des swertes ecke ûf daz houbet truoc. ouch hete er under brünne von vil guoten siden von Abalie ein hemede; anders müeste er nu daz ende liden. 865 Ludewic im vil kûme mit sinem libe enbrast. die stat muoste er rûmen. ez was ein übel gast Wate dâ er solde bi vinden sic erwerben. man sach von siner hende manigen guoten réckén dâ sterben. 866 Hartmuot und Írolt zuo ein ander spranc. ir ietwederes wâfen ûf dem helme erklanc, daz man ez mohte hœren durch die schar verre. Írolt was vil biderbe; küene was ouch Hartmuot der herre. 867 Herwic von Sêwen, ein mærer helt guot, der ẹnmhte vollangen. jâ sprang er in die fluot. er stuont unz an die üehsen tiefe in einer ünde. herter frouwen dienst wart dâ dem küenen Herwige künde. 868 Disen recken guoten wolden in der fluot ertrenken sine vinde. manigen schaft vil guot sach man ûf im zebrochen. im was gâch zem sande nâch sinen viënden. dâ wart gerochen maniges recken ande. 869 Als sie daz stat erwurben, man sach des meres fluot von den, die dâ sturben, gevar als daz bluot bi in allenthalben in rôter varwe vliezen sô wite, daz ez niemen mit einem sper wol möhte überschiezen.

870 Grœzer arebeite wart nie helden kunt. ez wart nie helt sô maniger gedrûcket an den grunt. ein lant sie möhten erben, die âne wunden sturben. die in dâ schaden tâten, ich wæn' sie allenthalben dâ verdurben. 871 Nâch sinem lieben kinde der kûnic Hetele streit, er und sin gesinde. schaden unde leit tâten allenthalben die fremeden zuo den kunden. des wart vil maniger veige ûf dem Wûlpensândé dâ funden. 872 Mit ungefüegem dienste urbôrten sie ir hant, die von Ormanîe und von Hégelinge lant. man sach die Tene kûene sô hêrlichen striten; swer genesen wolde, der endorfte ir nimmer dâ en- bîten. 873 Ortwin und Môrunc die bôutén daz lant nâch alsô grôzen êren, daz man ir lützel vant, die baz gefüegen kunden schaden mit ir ellen. sie sluogen vil der wunden, die zwêne helde und ir hergesellen. 874 Die vil stolzen Mœre, als ich hân vernomen, die wâren von ir schiffen zuo ir vinden komen. der wânde in den sorgen Hetele wol geniezen. sie wâren helde kûene. man sach daz bluot durch veste helme vliezen. 875 Ir voget, den sie hêten, wie möht' der kûener sîn? des tages frumte er sweizic maniger brünne schîn.

er was in starken stürmen ein mærer helt vil guote. wie kunden s' wesen küener; der alde Wate und ouch von Tenen Fruote? 876 Diu sper verschozzen wâren dórât únd ouch hie. Ortwin mit sin gesellen frœlichen gie. des wart des tages helme vil von in verhouwen. grimme weinde Kûdrûn; sam tâten óuch bî ir ander frouwen. 877 Der herte strit der werte des selben tages lanc. daz volc ein ander gerte; grôz was der gedranc. dâ muoste snellen heleden sêre misseligen, dâ die Hetelen friunde wolden sine tohter wider ge- winnen. 878 Der âbent seig ie nâher. dâ von der künic gewan schaden deste mêre. die Ludewiges man tâten swaz sie solden. si ẹnwesten war entrinnen. sie sluogen tiefe wunden: alsô werten sie die küniginne. 879 Ditze werte in sorgen, unz in'z diu naht benam, fruo von einem morgen. sie tâten âne scham allez daz sie kunden, die alden zuo den jungen, ê daz der künic Hetele zuo dem von Ormanie kom gedrungen.

880 Hetele unde Ludewic die truogen hôch enhant ir vil scharphiu wâfen. ir ietweder vant mit kreften aneme andern rechte wer er wære. Ludewic sluoc dô Hetelen. des wurdén dô herzenleidu mære. 881 Dô von Matelâne der wirt wart erslagen, daz gefriesch diu wol getâne. jâ hôte man dô klagen die schœnen Kûdrûnen und ouch alle ir meide. ez wart gescheiden kûme. den liuten wárt béident- halben leide. 882 Dô Wate der vil grimme gefriesch des kûniges tôt, er begunde limmen. sam ein âbentrôt sach man helme schinen von sinen slegen swinden. in und al die sinen die muoste man vil zórnige finden. 883 Swaz die helde tâten, waz mohte helfen daz? von dem heizen bluote der wért wárt vil naz. des frides niht engerten die von Hegelingen. ûf dem Wûlpenwerde wolden s' Kûdrûn gerne wider bringen.

884 Die Wâleis' in dem sturme râchen 's kûniges tût. die von Tenemarke wâren in der nôôt bî den Hegelingen und den von Ortlande. den vil zieren helden brâsten guotiu wâfen an den handen. 885 Sinen váter wolde rechnen der kûene Ortwin. dô kom mit menige Hôrant und die helde sin. der tac was verendet, nahten ez begunde. dô wart alrêrst erhouwen von den helden mánic vil tiefiu wunde. 886 Ir ein von Tenemarke ze Hôrande spranc. sin swert im harte lûte an der hende erklanc. er wânde er wær' der vinde: dô frumte im an den stunden Hôrant schaden grôzen; der degen kûene sluog im eine wunden. 887 Do er den neven sinen het ze tôde erslagen, den vanen hiez er schiere nâch sinem vanen tragen. do erkande er bî der stimme den er dâ hete verschrôten mit sinem starken ellen. Hôrant klagete sêre dô den tôten. 888 Lûte ruofte Herwic: «hie wirdet mort getân. sit daz wir niht langer des tages mugen hân, wir slahen alle ein ander, die frêmeden zuo den kunden. swie'z wer unz an den morgen, hie wirdet niht der dritte lebende funden.»

889 Swâ man Waten den küenen in stürmen ie vernam, niemen zuo im dringen in der nôt gezam. sîn ungefüegez zürnen niemen bî im dolde. er brâhte ir vil manigen dâ hin dâ er immer wesen solde. 890 Ouch mohten si'z wol scheiden unze ez wurde tac. ir volc dâ beidenthalben mit verschwunden lac erslagen von den fremeden. in gebrâst des mânen schinen. der tac der was zergangen; des vlôs den sic der gast mit al den sînen. 891 Die grimme müelichen liezen dô den strit. mit vil müeden handen schieden sie sich sit. si belîben bî ein ander dannoch alsô nâhen, swâ diu fiwer brunnen, daz sie ir helme und ouch ir schilde sâhen. 892 Ludewic und Hartmuot ûzer Ormandin giengen sundersprâchen. daz gesinde sîn; liez der kûnic hœren, wes er beliben solde bî Waten dem vil küenen, wande der in gerne sterben wolde. 893 Er riet in sînen listen: «nu leget iuch ze tal, iwer hóubet ûf die schilde, und habet grôzen schal; sô mugen niht enwænen die von Hegelinge, ob ich'z kan gefüegen, daz ich iuch von hinnen alsô bringe.» 894 Dô folgte Ludewige mâge unde man. trumben und pusînen lûte man vernam,

sam daz lant dâ wære gewaldiclich ir eigen. sine starke liste die begunde Ludewic dô zeigen. 895 Man hôrt' dâ allenthalben gebrehte unde wuof. do verbôt mán den kinden den weinenden ruof: die des niht wolden lâzen, daz man die alle ertrancte; swelhe man gehôrte, dáz man die in die ünde sancte. 896 Swaz sie gehabt mohten, daz wart in ûf getragen. sie liezen dâ die tôten, die wâren in erslagen. in gebrast vil friunde; daz was in vil swære. des liezen sie ir kocken hinder in dâ vil manigen lære. 897 Mit alsô grôzen listen kômen s' ûf den sê, die von Ormanie. den frouwen den was wê, daz sie verswtgen muosten daz varn von ir mâgen. des westen niht die helde, die noch ûf dem Wülpen- werde lâgen. 898 Ê in der tac bekœme, dô wâren s' ûf den wegen, mit den die Tenemarken strites wânden phlegen. Wate der hiez lûte sin herhorn erschellen. dô wolde er zuo in gâhen, die er mit tiefen wunden wolde vellen. 899 Ze rosse und ouch ze fuoze von Hegelinge lant daz volc sach man allez sigen über sant nâch den von Ormanie, Ludwige und sinen mannen, mit den sie wolden striten. dô wâren sie gevaren verre dann.

900 Diu schif sie funden lære, gestrewet ir gewant; daz sach man allez ligende ûf dem Wûlpensant. der herrenlôsen wâfen wart dâ vîl fûnden. sie heten daz verslâfen, daz sie in nîmmér geschaden kunden. 901 Dô man daz Waten sagete, des gieng im michel nôt: wie angestliche er klagete des kûnic Hetelen tôt, daz er'z niht het errochen an Ludewiges libe. vîl helme lac zerbrochen. daz klaget' dâ heime vîl der schœnen wibe. 902 Wie rehte jæmerlichen durch zôrnîgen muot Ortwin dô klagete die sinen recken guot! er sprach: «wol ûf, ir helde, ob wir sie mügen ergâhen, ê si rûmên die selde. jâ sint sie dem stade noch vîl nâhen.» 903 Des wolt' dô gerne folgen Wate der alde man. Fruote bî dem lufte kiesên dô began. er sprach zuo den recken: «waz hilfet, ob man île? merket mich vîl ebene: sie sint von hînnên wol drî- zic mîle. 904 Ouch mugen wir der liute die state niht gehân, daz in iht schade werde von unser vart getân. nu lât iu minne lêre», sprach Fruote, «niht versmâhen. waz welt ir rede mêre? jâ muget ir sie nimmer vol ergâhen. 905 Nu héizét die wunden zuo den schiffen tragen und suochet ouch die tôten, die uns sint erslagen,

und heizet die bestategen ûf den wilden griezen. sie habent hie vil der friunde; war umbe solden sie des niht geniezen?» 906 Sie stuonden allgemeine mit windender hant. obe in niwan eine der schade wurde erkant, daz sie verlorn hêten die jungen kûniginne: waz mære sie nu möhten der frouwen Hilden wider ze hûse bringen. 907 Dô sprach der degen Môrunc: «und wurde es nu niht mêr, wan daz wir selbe liden leit und herzen sêr. wir dienen swache gâbe, sô wir ir bringen mære, daz Hetele lit erstorben. noch sanfter ich vôn froun Hilden wære.» 908 Dô suochte man die tôten über al den sant. die dâ wâren kristen, swaz man der dâ vant, die hiez der helt von Stürmen zuo ein ander bringen. wâ sie beliben solden, daz âhtén sie mit den junge- lingen. 909 Dô riet der degen Ortwin: «dâ sul wir sie begraben. daz sul wir ahten danne, daz si úrkünde haben mit einem reichen klôster immer nâch ir ende und daz ein teil guotes iegelîchez kûnne dar zuo sende.» 910 «Daz hâst du wol gerâten», sprach der von Sturmlant. «jâ sol man verkoufen ir ros und ir gewant,

die dâ ligent tôte, daz man der armen diet nâch ir libes ende von ir guote disen frumen biete.» 911 Dô sprach der degen Írolt: «sol man ouch die begraben, die uns den schaden tâten, od sol man sie die raben und die wilden wolve ûf dem wérde lâzen niezen?» dô rieten daz die wisen, daz sie der einen ligen niht enliezen. 912 Dô sie dô müezic wurden nâch ir maniger nôt, den kûnic sie begruoben, der den werden tôt durch friunde liebe hête genommen ûf dem sande. swie sie geheizen wæren, sam tet man die von iec- lichen lande. 913 Die Mœre man besunder ir ieclichen vant. sam tet man dâ die degene von Hegelinge lant. den von Ormanie wart ir stat bescheiden; die legete man besunder. sie wâren beide kristen unde heiden. 914 Unmüezic sie wâren unz an den sehsten tac. sie heten niht der wile (daz gesinde nie gelac), wie sie ze gotes hulden die von Hegelingen von ir grôzen schulden und von ir missetæte mōhten bringen. 915 Lesen unde singen hôrt' man sô vil dâ, daz man bi sturmtôten ninder anderswâ

gote sô schône diende in deheinem lande. sit lie man bi den veigen vil der phaffen dā ûf dem sande. 916 Ouch muosen dâ beliben die ir solden phlegen. die hiez man ane schriben daz in dâ wart gegeben, wol driu hundert huobe; ez wurden spitâlære. diu mære erschullen verre, wie daz klôster dâ ge- stiftet wære. 917 Alle die ir mâge heten dâ verlân, die gâben dar ir stiure, wîp ûnde man, durch willen dâr sêle, der lich sie begruoben. sit wart ez alsô riche, daz dar dienden wol driu hun- dert huobe. 918 Nu ruoche in got genâden, die dâ sint gelegen und den in dem lande. nu fuoren after wegen die noch gesunt wâren ûf dem Wûlpensande. die kômen nâch ir sorgen ieslicher heim zuo ir her- ren lande.

919 Die Hétélen mâge heten lâzen hie in des tôdes lâge, daz guote recken nie mit sô grôzen sorgen mê kômen zuo ir lande. sit sach man schœne frouwen wéinén mit windénden handen. 920 Ez getórste ûz Ortlande der degen Ortwin nâch schaden und nâch schanden die lieben muoter sîn, Hildén die schœnen, vor jâmer nie beschouwen. diu warte tegeliche, obe sie bræhten Kûdrûn die frouwen. 921 Wate reit mit vorhten in daz Hilden lant. die andern niht getorsten. sin kraft und ouch sin hant het übele gehüetet in volcstürmen grimmen. er ẹntrouwet' niht sô gâhes die Hilden hulde widere gewinnen. 922 Dô die liute sageten, Wate wære komen, genuoge des verzageten. sie heten ê vernomen, swanne er reit ûz strite, sô fuor er ie mit schalle. daz tete er z'allen ziten. sie swigen nu geméinlîchen alle.

923 «Owê», sprach frou Hilde, «wie ist ez nu ergân? ez fürerent dürkel schilde des alden Waten man. unsânfte gânt die mœre geladen harte swære. sie gehabt sich übele. ich weste gerne wâ der künic wære.» 924 Dar nâch in kurzer wile, dō siu daz gesprach, dō sach man manigen îlen dâ man Waten sach, die von ir lieben friunden gerne wolden frâgen. dō saget' er in diu mære, der ieslichen mohte wol betrâgen. 925 Dō sprach Wate von Stürmen: «ich mag iuch niht verdagen noch sol iuch niht betriegen. sie sint alle erslagen.» des erschrâken sêre die alden zuo den kinden. man kunde nimmer mêre sô rehte trûric ingesinde vinden. 926 «Owê miner leide», sprach des küniges wip. «wie ist von mir gescheiden mines herren lip, Hetelen des richen! wie swindêt min êre! wie hân ich vloren beide! ja gesîhe ich Kûdrûnen nimmer mêre.» 927 Ritter unde meide quelten dō den lip von ungefüegem leide. dō des küniges wip ir man sô sêre klagete, man hōrt' den sal erdiezen. «owê mir», sprach frou Hilde, «und sol's der künic Hârtmûot genießen.» 928 Dō sprach Wate der küene: «frouwe, lât daz klagen. sie koment niht her widere. idoch nâch disen tagen,

sô uns die liute erwahsent hie in disem lande, sô tuo wir Ludewige unde Hartmuote ouch alsam ande.» 929 Dô sprach diu trûrende: «hei, solde ich daz geleben! allez daz ich hête wolde ich drumbe geben, daz ich errochen wurde, swie sô daz geschæhe, daz ich vil gotes armiu mine tohter Kûdrûn gesæhe.» 930 Wate sprach ze Hilden: «frouwe, lât daz klagen. wir suln uns besenden in disen zwelf tagen mit allen iwern recken, swaz wir der mugen bringen, und râten eine reise; sô muoz in z'Ormanie misse- lingen.» 931 Er sprach: «min frou Hilde, ez ist alsô komen: ich hân bilgerinen miwen schif genommen. diu sul wir den armen dar umbe wider bringen, ob wir mêre striten, daz uns danne báz mûge gelingen.» 932 Dô sprach diu jâmerhafte: «daz râte ich daz man tuo. daz man ir schaden bûeze, dâ hân ich willen zuo. swer iht nimt bilgerinen, der hât des sünde starke. man sol ie wider eine in mines silbers geben drie marke.» 933 Diu schef brâht' man widere, als diu frouwe riet. ê daz dêhein bilgerin von dem stade schiet, dô wart ez in allen alsô wol vergolden, daz sie dâ fluochten niemen. daz Hagenen kint beléip ûnbescholden. 934 Dar nâch des næhsten morgens dô kom von Sêlant Herwic der küene da er froun Hilden vant

nâch ir mannes ende weinen grimmicliche. mit windenden henden enphिएnc siu doch den helt vil lobeliche. 935 Von der frouwen weinen trehenen dô began Herwic der edele. dô sprach der junge man: «sie sint niht alle erstorben, die iu dâ helfen solden und ez gerne tâten. des habent sumeliche sêre en- golden. 936 Ez geruowet nimmer mîn herze und ouch mîn lip, ez muoz erarnen Hartmuot, daz er mir ie mîn wip getorste hin gefüeren und slahen unser helde. ich rite im noch sô nâhen daz ich im gesitze ûf sîner selde.» 937 Swie leide in allen wære, sie riten gegen der stat, hin ze Matelâne. diu kûniginne bat, swaz in geschehen wære, die triuwe haben wolden, daz sie die kûniginne doch dar umbe niht enmîden solden. 938 Dô kômen die von Friesen und die von Sturmlant. nâch den Tenemarken het siu ouch gesant. von Wâleis dâr kômen die Môrunges helde. dô riten die Hegelinge mit in zuo der schoenen Hil- den selde. 939 Dô kom von Ortlande ir sun Ortwin. sie klageten, als sie solden, den lieben vater sin.

die helde sundersprâche mit ir frouwen tâten. ez wart ein urluge mit den starken hêldén gerâten. 940 Dô sprach Wate der alde: «ez kan niht ê geschehen, die wir dâ hân ze kinden, unze wir gesehen, daz sie sint swertmæzic, vil manic edel weise. si gedénkent an ir mâge und helfent uns vil gerne zuo der reise.» 941 Dô sprach diu küniginne: «wanne möht' daz sîn? sol allez bi den vinden diu liebe tohter mîn aldort in fremeden landen sítzén gevangen, ich armiu küniginne, sô ist mir mîn freude gar zer- gangen.» 942 Dô sprach von Tenen Fruote: «ez mac niht ê ergân, ê wir die state der liute mugen vol gehân, daz wir in herverte rîtén von hinnen, swaz halt die vîénde grôzes schaden von uns dort ge- winnen.» 943 Dô sprach diu küniginne: «daz lâze uns got geleben. mir vil armer frouwen ist langer tac gegeben. swer an mich gedenke und an Kûdrûn die armen, dem wil i's wol getrouwen dêr sich über úns lât er- barmen.» 944 Sie gerten urloubes. dô sprach daz edele wip: «swer an mich gedenke, sælic sî sîn lip. jâ sult ir, küene recken, gerne zuo mir riten und schaffet unser reise sô ir beste kunnet in den ziten.»

945 Dô sprach Wate mit listen, der alde helt balt: «frouwe, man sol wenden dâ zem Westerwalt. sit wír ze hérverte haben guot gedinge, von ieachem lande heizet ir iu vierzic kocken gwinnen.» 946 Siu sprach: «sô sol ich wurken heizen bî der fluot zweinzic veste kiele, stârc únde guot, und wil die heizen rüsten (des hân ich guot gedinge), daz sie mine friwende mit staten zuo den vîenden bringen.» 947 Dô wolden sie sich scheiden. der voget ûz Môrlant der gie gezogenliche da er die frouwen vant. er sprach: «man sol mir künden der zît ein rehtez ende, sô sie hinnen wellen, daz man nimmer nâch mír ge- sende.» 948 Güetliche scheiden liez siu dô geschehen. man mohte nâch ir leiden trûrende sehen dise guote geste und ouch die schœnen frouwen. sie rieten z'allen stunden des die von Ormanin niht möhten trouwen. 949 Dô sie dannen wâren geriten in ir lant mit trûebén gebâren, ûf den Wülpensant der tôten beteliuten hiez man füeren spise, daz sie ir gedæhten gegen gote. frou Hilde was vil wise.

950 Dar zuo hiez siu mûren ein mûnster, daz was wit. klôster und spitale hiez siu wurken sit. mich dunket daz ez wurde erkant in manigem lande von den die dâ lâgen. sit nande man ez dâ zem Wûlpensande. 951 Nu lâzen wir beliben, wie'z umbe sie gestâ, oder wáz die klôsterliute ze schaffen heten dâ. wir suln lâzen hœren umbe Hartmuote, wie er ze lande brâhte manige maget edele unde guote. 952 Dô sie gescheiden wâren, als wir iu sageten ê, von vil manigem recken, den was von wunden wê,

die sie in den stürmen wunde heten lâzen, daz muosten sit die weisen beweinen in ir landen âne mâze. 953 Mit vil grôzen sorgen kômen s' über fluot. âbent unde morgen vil manic degen guot schamten sich vil sêre, die alden zuo den jungen, daz sie entrunnen wâren, swie wol in anders wæré gelungen. 954 Sie nâhten z'Ormanie, Ludewiges lant. den guoten schifliuten was dô freude erkant, dô sie in ir sorgen ir heimwesen sâhen. dô sprach ir einer drunder: «wir sin der Hartmuotes bürge nâhen.» 955 Dô hulfen in die winde in des fürsten lant. daz liut ûz Ormanie freute sich zehant, daz sie noch komen solden z'ir kinden und z'ir wîben, die ê wænen wolden daz sie dort tît müestén belîben. 956 Dô Ludewic der frie sine bürge sach, der von Ormanie ze Kûdrûnen sprach: «seht ir die bürge, frouwe? ir muget iuch freude nieten. welt ir uns sin genædic, wir wellen iuch mit richem lande mieten.» 957 Dô sprach vil trûricliche daz edele magedin: «wem möhte ich sin genædic? wan diu genâde min, von der bin ich sô verre leider nu gescheiden, ich wæn' mit herter werre: des belibe ich alle tage in leide.»

958 Dô sprach aber Ludewic: «lât iu niht wesen leit. minnet Hartmuoten, den réckén gemeit. al daz wir sîn habende, daz wellen wir iu bieten. ir muget iuch mit dem degene beidiu êre unde wünne nieten.» 959 Dô sprach diu Hilden tohtēr: «wan lâf ir mich ân' nôf? ê ich Hartmuoten næme, ich wolde ê wesen tôf. im ǣnwære ez von dem vater geslaht daz er mich solde minnen, den lîp wil ich verliesen, ê ich in ze fründé gewinne.» 960 Dem künic Ludewige tet diu rede wê. er vienc sie bî dem hâre, er warf sie ûf den sê. Hartmuot der küene, wie balde er daz werte, daz er die maget edelē von den starken ünden vor im nerte. 961 Dô siu nu wolde sinken, dô kom her Hartmuot. siu möhte wol ertrinken, wan daz der degen guot ir valwe zophe erreichte mit den sînen henden; dâ mite zôch er sie widere. anders möhte ir sterben niht erwenden. 962 Sie brâhte in eine barken Hartmuot der degen. Ludewic kunde unsanfte schœner frouwen phlegen. siu saz in dem hemede, do ǣr s' ûz dem wâge brâhte. diu zuht diu was ir fremede. hei wie rehte leide sî ir gedâhte!

963 Dô weinden algemeine din schœne magedin. frô was ir deheine. wie kunde in leider sin, dô man des küniges tohter strâfte alsô sêre? si gedâhten in ir muote: «man túot úns der léidé noch mêre.» 964 Dô sprach der herre Hartmuot: «zwiu ẹrtrénket ir min wip, die schœnen Kûdrûnen? diu ist mir als der lip. tæte ez ander iemen, sô zurnde ich alsô sêre, dan Ludewic der vater mîn, ich næme im beide lîp únd die êre.» 965 Dô sprach aber Ludewic: «unbeschôlden ich noch bin komen in mîn alder, und wolde ouch alsô hin nâch den minen êren leben unz an mîn ende. nu bite Kûdrûnen, daz siu ir zórn níht an mir verende.» 966 Die boten komen wâren frœlich gemuot. do ẹnbôt man froun Gêrlinde liep unde guot und willigen dienest von ir sún Hartmuote, und daz si enphâhen solde ûf dem stade vil manigen ritter guoten. 967 Er hiez ouch ir daz künden, ez kume über sê diu maget von Hegelingen, nâch der dicke wê wære Hartmuote ê daz er sie gesæhe. dô daz gehôrte Gêrlint, jâ wæn' ich ir lieber nie ge- schæhe. 968 Dô sprach der bote bîderbe: «frouwe, ir sult sin vor der burc dâ nidene, dâ ir diu magedin

mit minniclichem gruoze enphâhet in ir leide. ir und iuwer tohter ir sult riten zuo dem stade beide. 969 Ouch sult ir mit iu füeren hin nider zuo der fluot megede unde frouwen und ouch ritter guot, dâ man die ellende in der habe vinde. mit minneclichem gruoze sult ir enphâhen daz ir ingesinde.» 970 «Daz tuon ich williclichen», sprach frou Gêrlint. «ez sol mich freuden rîchen hie daz Hetelen kint, kumt siu her ze lande mit ir ingesinde. ich wil Hartmuoten dicke bî ir frœlichen vinden.» 971 Diu ros hiez man gewinnen, dar zuo diu satelkleit. diu junge küniginne was frô und gemeit, wanne daz geschæhe, daz si in ir vater lande Kûdrûn gesæhe, die man vil dicke in hohem prise nande. 972 Dô suochten s' ûz den kisten die aller besten wât, die sie dar inne wisten und die ouch iemen hât. mit vlize hiez man kleiden die Hartmuotes helde. des küniges ingesinde reit schône mit vil zierde ûz der selde. 973 An dem dritten morgen wîp ûnde man, swaz man Gêrlinde gesindés gewan, daz was wol bereitet ze frôwem antphange. sie riten ûz der bürge unde biten dâ ze hove niht lange. 974 Dô wären ouch die geste komen in die habe. allez daz sie brâhten, daz wart gefüeret abe.

sie wâren zuo ir lande komen frœlichen. Kūdrūn und ir gesinde die fuoren eine dō vil trūric- lichen. 975 Hartmuot der snelle sie fuorte bī der hant. möhte ez sich gefüegen, siu hēte ez gerne erwant. jā nam ouch diu arme den dienst von im durch ēre. dō tet ab er'z vil gerne unde swaz er dienen kunde mēre. 976 Mit ir giengen dannen wol sehzeic magedīn, dem gelīch, sie solden in hōhen zūhten sin komen ūz ir lande. sie wâren ē vil mære in manigen kūnicrichen. doneē lēz sie freude haben ir grōziu swære. 977 Diu Hartmuotes swester bī zwein fürsten gie dā siu die Hilden tohter vlizlich enphie. mit weinenden ougen die maget ellende kust' des wirtes tohter. dō nam sie Ortrūn bī ir wizen hende. 978 Küssen sie dō wolde daz Ludewiges wip. des was in unmuote der juncfrouwen lip. siu sprach ze Gērlinde: «wes gēt ir mir sō nâhen? wie ūngernē ich iuch kuste! ir endūrfēt mich niht en- phâhen. 979 Ez wâren iuwer ræte, daz ich vil armiu meit ūf michel unstæte vil manigiu herzen leit mit schanden hân geduldet. es wirt noch leider mēre.» do begūnde nâch ir hulden diu kūniginne ringen harte sēre.

980 Siu gruozte ouch albesunder die frouwen über al. dô kom liute ein wunder; dâ von was michel schal. dô hiez man ûf den griezen manige hütten spannen mit sidinen snüeren dem herren Hartmuote und sinen mannen. 981 Die liute unmüezic wâren ê daz sie abe dem sê brâhten daz sie fuorten. Kûdrûnen tete wê, daz die von Ormanie bi ir menige wâren. man sach sie wider niemen wan gegen Ortrûnen wol gebâren. 982 Sie muosten ûf den griezen beliben al den tac. ir ougen sach man riezen, swes ander iemen phlac; diu wurden selden trucken unde ir liechten wange. Hartmúot sie dicke trôste; doch muoste ir ungemüete weren lange. 983 Ortrûn was alles arges gegen ir tugende frî. swaz ander iemen tæte, siu was ir gerne bî und liebet' ir ze wesene in ir vater lande. der armen juncfrouwen was nâch ir friunden beide leit und ande. 984 Frô si s' dâ heime funden (daz was michel reht), den sie erzeigen kunde, ritter oder kneht, waz sie von Hegelingen heim ze lande brâhten. wie frœlich si s' enphiengen, wan s' ir dar ze lande niht gedâhten!

985 Dô sie gemuozet hêten abe dem wilden mer, swaz dô die liute tæten, daz Hartmuotes her daz wart dô gescheiden des landes manigen ende. etliche sach man lachen, sumeliche windên die hende. 986 Dô fuor ouch von dem lande der degen Hartmuot. er brâhte Kûdrûnen ze einer bürge guot. dâ muoste siu sit langer beliben danne wære der juncfrouwen wille. siu leit dâ michel angest unde swære. 987 Dô diu maget edele in der bürge saz, die man dâ solde krœnen, der wirt der riet in daz, daz sie ir allgemeine dienden vlizicliche; sô lieze siu deheinen, siu machte s' allesant mit guote riche. 988 Dô sprach diu alde Gêrlint, daz Ludewiges wip: «wanne sol nu Kûdrûn den Hartmuotes lip, den jungen kûnic rîchen, mit armen umbesliezen? er mac sich ir gelîchen. wolde siu, si endôrfte es niht verdriezen.» 989 Ditze erhôrte Kûdrûn, diu ellende meit. siu sprach: «mîn frou Gêrlint, ez wære iu lihte leit, der iuch eines nôte, von dem ir iuwer mâge sô manigen vlorn hêtet. jâ möhte iuch im dienen wol betrâgen.» 990 «Daz niemen mac erwenden», sprach dô des kûnîges wip, «mit triuwen sol man'z enden. nu minne sinen lip;

daz habe ûf mînem houbte, ich wil dir's immer lônên. wiltu heizen kûnigin, ich wil dir gerne geben mîne krônê.» 991 Dô sprach diu ungemuote: «der wil ich niht tragen. von sinem grôzen guote maht du mir niht gesagen, daz ich den recken immer gerne welle minnen. ich ger hie niht ze wesene. jâ muote ich aller tegeliche hinnen.» 992 Der junge wirt des landes, der degen Hartmuot, diu rede was im ande und dûhte in niht ze guot. er sprach: «sol ich erwerben niht die edelen frouwen, sô sol ouch mir diu schœne deheines guoten willen niht getrouwen.» 993 Dô sprach ze Hartmuote diu übele Gêrlint: «die wîsen suln ziehen alsô diu tumben kint. welt et ir, her Hartmuot, mich sie ziehen lâzen, ich trouwe ez wol gefûegen, daz siu sich ir hôchverte mâze.» 994 «Ich gan iu wol der dinge», sprach dô Hartmuot, «swie halt mir gelinge, daz ir die maget guot habet in iuwer zûhte nâch ir und iuwern êren. diu maget ist ellende. frouwe, ir sult sie gûetlichen lêren.» 995 Die schœnen Kûdrûnen, ê daz er dannen gie, der junge kûnic ze zûhte siner muoter lie.

die junge küniginne gemuote ez harte sêre. sich wolde ir niht gelieben, swie siu tæte, Gêrlinde lêre. 996 Dô sprach diu tiuvelinne wider die schoenen meit: «wilt du niht haben freude, sô muost du haben leit. nu sich et allenthalben, wer dir dáz wende. du muost mîn phiesel eiten und muost schüren sêlbé die brende.» 997 Dô sprach diu maget edele: «dâ kan ich wól zúo, swaz ir mir gebietet, daz ich daz allez tuo, unz mir got von himele mîne sorge wende. iedoch hât mîner muoter tohter sêldén geschürt die brende.» 998 Siu sprach: «du muost beginnen, ob ich daz leben hân, des ander küniginne selden hânt getân. dine michel hôchvart trouw' ich dir wol leiden. ê morgen âbent werde, du muost von dinen megeden sin scheiden.» 999 Du dunkest dich sô tiure, als ich høre jehen; dâ von dir arebeite dicke muoz geschehen. dinen muot vil grimmen trouw' ich dir wol leiden. von allen hôhen dingen wil ich dich beide swachen unde scheiden.»

1000 Ze hove gienc mit zorne diu übele Gêrlint. siu sprach ze Hartmuote: «daz Hétélen kint wil dich und dine friunde haben alsô smæhe, ê ich daz hœren wolde, ich wolde ê daz ich s' nimmer besæhe.» 1001 Dô sprach ze siner muoter Hartmuot der degen: «swie daz kint gebære, frouwe, ir sult sîn phlegen alsô gütliche, daz ich iu's müge gedanken. ich hân ir getân sô leide, siu mac wol von minem dienste wanken.» 1002 Dô sprach diu küniginne: «swaz ir iemen tuot, siu volget niemanne. siu ist sô gemuot, man enwénde si's mit übele, siu kumt dir z'einem wibe ze rehter mâze nimmer. daz tuon ouch ê si's ǣné belibe.» 1003 Dô sprach von Ormanie der ûz erwelte degen: «frouwe, nu lât schinen und ruochet ir sô phlegen, ob ir mir triuwe leistet; ir ziehet sị in der mâze, daz mich diu küniginne niht gár ûz der fruntscêfte lâze.» 1004 Diu übele tiuvelinne zornliche gie dâ siu daz ingesinde von Hegelingen lie. siu sprach: «ir juncfrouwen, ir sult wurken gân. daz ich iu gebiute, daz sol deheiniu verlân.» 1005 Dô wurden dâ gescheiden diu schœne magedin, daz sie ein ander lange muosten fremede sîn.

die mit grôzen êren · herzoginne wæren, die muosten garn winden. sie sâzen sit in ungefüeger swære. 1006 Sumliche muosten spinnen und bürsten ir den har. die von hôhen ·dingen wâren komen dar, und die wol legen kunde daz golt in die siden, mit edelem gesteine, die muosten michel arebeite liden. 1007 Diu diu beste drunder ze hove solde sin, der gebôt man sunder, daz siu diu magedin z'Ortrûnen komenâte daz wazzer tragen hieze. diu was geheizen Heregart. jâ mohte siu ir adeles niht geniezen. 1008 Ouch was ir einiu drunder von Galizen lant, die hete ir ungelücke von Portegâl gesant. siu was von Îrlande komen mit Hagenen kinde hin ze Hegelingen. sit wart siu z'Ormanie ingesinde. 1009 Siu was eins fürsten tohter, der hete bürge und lant. siu muost' den oven eiten mit ir wizen hant, sô Gêrlinde frouwen in die stuben giengen. daz siu in alsô diende, daz sie ir'z zem besten niht verviengen! 1010 Nu muget ir hœren wonder umb' dise grôze nôt. diu swâchéste drunder, swaz ir diu gebôt, daz mûosé siu leisten, swaz sie diu wurken hieze. siu mohte ir edelen mâge dâ ze Ormanie niht ge- niezen.

1011 Werc díu vil smæhen, dáz ist álwár, der phlágén die frouwen vierdehalbez jár, unze daz her Hartmuot ûz drien herreisen was komen heim ze lande. dannoch dienden allez dá die weisen. 1012 Hartmuot hiez im zeigen die triutinne sin. an der edelen frouwen was daz worden schin, daz siu hete vil selden gemach und guote spise. man lie sie des engelden daz siu lebte in tugent- licher wise. 1013 Dô siu im gie engegene, der junge künic sprach: «Kûdrûn, schœne frouwe, welch ist din gemach, sit ich und mine degene schieden von dem lande?» siu sprach: «dâ muose ich dienen, daz ir sin habet sünde und ich schande.» 1014 Dô sprach aber Hartmuot: «wie habet ir sô getân, Gêrlint, liebiu muoter? ich het iu s' doch verlân ze huote ûf die genâde, daz ir diu grôze swære an aller hande dingen geringét in disem lande wære.» 1015 Dô sprach diu wülpinne: «wie möchte ich ziehen baz die Hêtélen tohter? du solt wizzen daz: ich kunde nie gewinnen, gebiten noch gebieten, daz sie dich und dînen vater, dar zuo din mâge niht bescholden hiete.» 1016 Dô sprach aber Hartmuot: «des gêt ir michel nôt. wir sluogen ir der mâge sô manigen ritter tôt.

wir máchtén ze weisen Kûdrûn die hêren, mîn vater ir den vater sluoc: jâ mac man sie mit lihter rede gesêren.» 1017 Dô sprach aber sîn muoter: «sûn, dâz ist wâr: ob wir Kûdrûnen vlêgten drizic jâr, ich möhte s' niht mit besemen od geisel dar zuo bringen daz siu bî dir læge. anders kan ir'z niemen an er- twingen.» 1018 Siu sprach ze Hartmuote: «ie baz unde baz wil ich sie haben gerne.» dô enweste daz niht der recke küene, daz si s' in allen ende wirs dan dâ vor hête. daz moht' der armen leider niemen wenden. 1019 Dô gie siu hin widere dâ siu sie sitzen vant. siu sprach ze Kûdrûnen von Hegelinge lant: «ob du dich, maget schœne, niht baz wilt verdenken, du muost mit dinem hâre strichen stoup von schâmel und von benken. 1020 Mîne kemenâten, daz wil ich dir sagen, die muost du drî stunde ze ieclichem tage keren unde zünden mir daz fiur dar inne.» siu sprach: «daz tuon ich allez, ê ich für minen frie- del iemen minne.» 1021 Siu leiste güetlichen allez daz man hiez tuon die maget edele. wie lützel siu des liez!

siben jâr bevollen leit siu in fremedem rîche die grôzen arebeit. man het sie küniges kinde niht gelîche. 1022 Do ẹz dem niunden jâre nâhén began (Hartmuot der was wise), der helt sich versan, daz im und sînen friunden wære gar ein schande daz er niht krône trüege und doch herre hieze ob küniges lande. 1023 Er kom geriten ûz strite, er und sîne man. mit vil hôhem ellen prîs ér gewan. dô wände er Kûdrûnen die schœnen minnen solde, die er vor allen meiden z'einem liebe gerne haben wolde. 1024 Do ẹr nu was gesezzen, bringen er sị im hiez. deheiniu guote kleider tragen sie enliez Gêrlint diu übele. swie der helt nu tæte, die maget ez ahte ringe, wan siu was an ẽrén vil stæte. 1025 Dô rieten sîne friunde, ez liep oder leit siner muoter wære, daz er die schœne meit in sînen willen bræhte, swâ mite und er kunde. er möhte mit der frouwen geleben noch vil manige liebe stunde. 1026 Nâch siner mâge râte gie er da ẹr sie vant in einer kemenâten. er nam sie bi der hant. er sprach: «ir sult mich minnen, vil edele maget rîche, und sit ein küniginne. iu dient mine helde lobe- liche.»

1027 Dô sprach diu maget schœne: «des hân ich ninder muot, wan mir diu übele Gêrlint sô vil ze leide tuot, daz mich niht mac gelüsten deheines recken minne. ir und al ir künne bin ich vînt von allen mînen sinnen.» 1028 «Daz ist mir leit», sprach Hartmuot. «ob ich'z ge- dienen kan, swaz iu mîn muoter Gêrlint ze leide hât getân, des wil ich iuch ergetzen nâch unser beider êren.» dô sprach diu maget edele: «ich wil iu getrouwen nimmer mêre.» 1029 Dô sprach von Ormanîe Hartmuot daz kint: «ir wizzet daz wol, Kûdrûn, daz mîn eigen sint diu lant und die bürge und ouch al die liute. wer henge mich dar umbe, ob ich iuch mir gewünne z'einer briute?» 1030 Dô sprach diu Hetelen tohter: «daz hieze ich missetân. dar zuo ich keine sorge entriuwen nie gewan. ez spræchen ander fürsten, sô sie des hörten mære, daz daz Hagenen künne in Hartmuotes lande kebese wære.» 1031 «Waz ruochte ich waz sie reiten?» sprach dô Hartmuot. «ob et ez iuch, frouwe, eine dihte guot, sô wolde ich kûnic werden und ouch ir kûniginne.» siu sprach: «sît âne sorge, daz ich iuch immer gerne welle minnen.

1032 Ir wizzet wol, her Hartmuot, wie'z dar umbe stât, waz iuwer baldez ellen mir geschadet hât, dô ir mich dort vienget und mich fuortet dannen, waz schaden iuwer recken tâtén an mines vater mannen. 1033 Nu ist iu wol künde (daz ist mir leit genuoc), daz iuwer vater Ludewic minen vater sluoc. ob ich ein ritter wære, er dörfte âne wâfen zuo mir komen selden. war umbe solde ich danne bi iu slâfen?» 1034 Ez was noch her der zite ein site alsô getân, daz kein frouwe solde nemen nimmer man, ez'n wære ir beider wille; daz was ein michel êre. Kûdrûn diu schœne klagete nâch ir vater harte sêre. 1035 Dô sprach vil zornicliche der recke Hartmuot: «mir ist vil unmære swaz man iu getuot, sit ir niht enruochet tragen mit mir krône. ir findet daz ir suochet; jâ git man iu daz tegelich ze lône.» 1036 «Den lôn wil ich dienen, als ich hân her getân, swaz ich gewurken kunde den Hartmuotes man und Gêrlinde wiben, sit min hât got vergezzen, daz leit ich allez gerne. ich bin mit manigem kûmbér besezzen.» 1037 Sie wolden'z baz versuochen; ze hove hiez man gân die schœnen Ortrûnen, ein maget wol getân.

diu solde mit ir zühten, siu mit ir gesinde, eines guoten willen die arme Kûdrûnen überwinden. 1038 Dô sprach offenlichen der degen Hartmuot: «ich wil iuch immer rîchen, swester, obe ir'z tuot daz ir mir des gehelfet, daz Kûdrûn diu hêre vergezze ir grôzen leides, daz siu doch enklage niht sô sêre.» 1039 Dô sprach ûz Ormanîe Ortrûn daz kint: «ich sol ir immer dienen, und alle die dâ sint, daz siu vergezze ir leides. mîn houbet ich ir neige. ich und mine meide suln ir immer dienen hie für eigen.» 1040 Des sagte ir dô genâde diu maget wol getân. «daz ir mich sô gerne gekroenet sæhet stân bi Hartmuot dem kûnige und daz ich lebte in êren, des lône ich iu mit triuwen. doch müejet mich mîn ellende sêre.»

1041 Dô bôt man Kûdrûnen bürge unde lant. dô siu des niht enwolde, sit muoste siu gewant waschen tegeliche von morgen an die naht. des vlôs her Ludewic den sic, do er mit Herwige vaht. 1042 Dô bat man Kûdrûnen von dem sedele stên und hiez die maget edele mit Ortrûnen gên, daz siu gemaches phlæge und trunke guoten win. dô sprach diu ellende: «ich wil niht kûniginne sîn. 1043 Ir wizzet wol, her Hartmuot, swie iuwer wille stât, daz man mich bevestent einem kûnige hât mit vil stæten eiden z'eim' êlichen wibe. ez'n si daz er sterbe, ich gelige nîmmér bi recken libe.» 1044 Dô sprach der fürste Hartmuot: «ir sent iuch âne nôt. uns enscheidet niemen, ez entuo der tôt. ir sult mit siten guoten sîn bi miner frouwen; diu senfte iu iuwer swære: des wil ich ir ze vlize wol getrouwen.» 1045 Hartmuot wænen wolde, daz sich ir stæter site dâ mite senften solde, daz ir sîn swester mite

al geliche teilte swaz si möhte bringen. ja gedâhten sie in beide, daz in möhte noch an ir gelingen. 1046 Siu begunde enphâhen swer ir dienst bôt. Ortrûn saz zuo ir nâhen. ir varwe rôsenrôt wart in kurzen zîten von trinken und von spise. des wart ir vil bereite. dône was diu arme niht sô wise. 1047 Sô sie der kûnic ie gruozte und ir'z schône bôt, wie lützel daz ir buozte, si gedæhte ie an ir nôt, die siu mit ir gesinde dulde in fremeden landen. mit rede harte swinde râch síu an Hârtmûote ir anden. 1048 Daz tet siu alsô lange daz sin den kûnic verdrôz. er sprach: «min frou Kûdrûn, ich wære wol genôz des fürsten Herwiges, den ir für michel êre nemet iu ze friunde. jâ strâfet ir mich dicke alze sêre. 1049 Woldet ir daz lâzen, daz wære uns beiden guot. mir ist leit unmâzen, swer iu iht leides tuot, dâ mite er iu beswæret daz herze und ouch die sinne. swie vîent ir mir wæret, ich wolde iuch gerne wésen lân kûniginne.» 1050 Von dannen gie dô Hartmuot da er die sinen man vlêgte, daz sie solden des landes huote hân

und ander siner êren. er gedâhte im under stunden: «man hazzet mich sô sère, daz ich an dem schaden iht werde erfunden.» 1051 Gêrlint diu übele dienen ir dô hiez die siu an sedele râwen harte selden liez. die man von allem rehte bî den fürsten kinden solt' alle zite suochen, die muoste man dâ bî den schwachen vinden. 1052 Diu alde wülpinne sprach ir vintlichen zuo: «ich wil daz mir den dienst diu Hilden tohter tuo. nu siu sich durch ir übele dunket alsô stæte, nu muoz siu mir dienen, daz siu mir sus nimmér getæte.» 1053 Dô sprach diu maget edele: «swaz ich dienen mac mit willen und mit henden, náht únde tac, daz sol ich vlizlichen tuon in allen stunden, sit mir mîn ungelücke bî mînen friunden niht ze we- sene gunde.» 1054 Dô sprach diu übele Gêrlint: «du solt mîn gewant tragen tegeliche hin nider ûf den sant, unde solt daz waschen mir und mîm' gesinde, und solt daz behüeten, daz man dich keine wile müe- zic vinde.» 1055 Dô sprach diu maget edele: «vil riches küniges wip, sô schaffet daz man lère mich, daz ich den lip

dar zuo bringen künne, daz ich iu wasche kleider. ich sol niht haben wünne. ich wolde daz ir mir noch tætet leider. 1056 Nu heizet mich ez lêren, sit ich waschen sol. ich weiz mich niht sô hêre, ich künde ez gerne wol, sit ich dâ mite dienen sol die mine spise. ich versage ez niemen.» Kûdrûn diu arme was vil wîse. 1057 Dô hiez siu eine weschen tragen daz gewant, diu sie dâ lêren solde, mit ir ûf den sant. alrêrst begunde s' dienen mit sorgen angestlichen. daz understuont dô niemen. Gêrlint quelt' dô Kûdrûn die rîchen. 1058 Vor Ludewiges selden lêrte man sie daz, daz siu sô diende helden, daz niemen kunde baz gewaschen in diu kleider in Ormanîelande. ir megeden wart nie leider, dô sie sie sâhen dienen ûf dem sande. 1059 Dô was ir einiu drunder, diu was ouch kûniges kint. swaz sie alle klageten, daz was gar ein wint. disiu arebeite diu gieng in allen nâhen, dô sie ir edelen frouwen alsô jâmerlichen waschen sâhen. 1060 Dô sprach in ir triuwen Hildeburc diu meit: «ez mac sie alle riuwen (gote si ez gekleit), die mit Kûdrûnen kômen her ze lande; die ẹrbeitent reste kûme. nu stêt siu selbe waschende ûf dem sande.»

1061 Ditz gehôrte Gêrlint. siu sprach ir übele zuo: «wiltu, daz dîn frouwe der dienste niht entuo, sô solt du dich vervâhen der dienste z'allen stunden.» «ich tæte ez für sie gerne», sprach Hildeburc, «ob mir's iemen gunde. 1062 Ir sult durch got den richen, min frou Gêrlint, sie niht eine lâzen: siu ist ein küniges kint. ouch truoc mîn vater krône. daz wil ich noch vol- bringen, lât mich mit ir waschen, swie uns übele oder wol gelinge. 1063 Si erbarmet mir sô sêre, swie ich selbe lîde nôt, durch ir hôhen êre, die got an ir gebôt. richest' aller künige daz wâren vor ir mâge. ir dienest zimt hie übele, doch lâze ich mich niht bî ir betrâgen.» 1064 Dô sprach diu übele Gêrlint: «sô wirt dir dicke wê. swie herte si der winter, du muost ûf den snê und muost diu kleider waschen in den küelen winden, sô du dich dicke gerne in dem phieselgademe liezest vinden.» 1065 Si erbeite harte kûme, deiz âbenden began. dâ von diu edele Kūtrūn einen trôst gewan. zuo ir gie frou Hildeburc in eine kemenâten. klagen sie dô beide von ir dienste herzeliche tâten.

1066 Hildeburc diu hêre wéinénde sprach: «jâ riuwet mich vil sêre dîn grôzer ungemach. ich hân die tievelinne erbeten, daz du niht eine waschest ûf dem grieze. ich trage mit dir die swæré gemeine.» 1067 Dô sprach diu ellende: «des lônê dir Krist, daz du alsô trûric mines leides bist. wiltu mit mir waschen, daz git uns freude guote und kürzet uns die wile. uns ist ouch deste baz dâ von ze muote.» 1068 Do ir daz was erloubet, daz siu daz gewant, diu freuden was beroubet, mit ir ûf den sant ze waschen tragen müese in ir grôzem leide, swaz ander iemen tæte, noch muosten mêre waschen dise beide. 1069 Sô ir ingesinde die muoze mohte hân, sie weinden harte swinde, sô sie sie sâhen stân waschen an dem grieze. daz klagten s' alle sêre, und heten sie doch arebeit, daz ir het in der werlde niemen mêre. 1070 Daz werete alsô lange, daz ist álwâr, daz sie waschen muosen wol sehstehalbez jâr, bereiten wiziu kleider den Hartmuotes helden. ez wart nie frouwen leider. man vant sie jâmerliche vor der selde.

1071 Nu lâzen wir beliben, wie sie dienden hie mannen unde wiben. frou Hilde hete nie lâzen ûz gedanken, wie siu dar nâch gesunne, wie siu ir lieben tohter ûz Ormanielândé gewunne. 1072 Siu hete heizen wurken bi des meres fluot starker kiele sibene veste unde guot, zwêne und zweinzic kocken niuwe unde rîche. swaz die haben solden, des wâren sie berihtet vlî- zicliche. 1073 Vîerzîc galeide het siu ûf dem mer; daz was ir ougen weide. siu wart einem her, daz siu senden solde. dem hete siu ir spise erworben swâ siu kunde. siu lônde ir helden rehte wol ze prîse. 1074 Ez nâhent' zuo den ziten, daz sie zuo dem sê niht langer wolden bîten nâch jenen, den vil wê

was in fremeden landen mit starken arebeiten. dô hiez diu schœne Hilde mit kléidérn ir boten wol- bereiten. 1075 Daz was zen wihen nehten, dô kunde siu den tac den die daz solden rechnen, daz Hetele tôt gelac. dô bat si'z allen künden ir friunden und ir mannen, daz man ir liebe tohter ûz Ormanie wider fuorte dannen. 1076 Dô sande sị aller êrste Hérwîge dan ir boten, daz er weste unde sine man, wie sị in gesworn hêten lange herreise, von den in was bestanden zen Hegelingen manic richer weise. 1077 Die Hilden boten ilten in Herwiges lant. er weste wol war umbe sie wæren dar gesant. dô gieng er hin engegene dâ sie sie komen sâhen. duo gruozte er s' vliziclichen dô sie im Hilden bote- schaft verjâhen. 1078 «Ir wizzet wól, hérre, wie'z dar umbe stât, wie zen Hegelingen daz volc gesworn hât. des getrôuwet iu frou Hilde baz dann' ander iemen. Kûdrûnen ellende daz erbarmet billîcher niemen.» 1079 Dô sprach der ritter edele: «ich weiz wie'z drumbe stât, daz Hartmuot mit frevele mîn trût gevangen hât durch daz siu im versagete und mich ze friunde erkôs. dar umbe ouch mîn frou Kûdrûn ir vater Hetelen verlôs.

1080 Nu solt du, bote guote, ir mîn dienst sagen. jâ wirt ez Hartmuote nîmmér vertragen daz er mîne frouwen sô lange hât gevangen. baz dann' ander iemen sô mac mich der arebeit be- langên. 1081 Ir und ir gesinde solt du, bote, sagen, daz ich nâch wîhen nahten in sehs und zweinzic tagen zen Hegelingen rite mit dri tûsent mannen.» dô biten sie niht mêre. der frouwen Hilden boten schieden dannen. 1082 Dô rîhté sich Herwic ûf strîténnes wân mit den die ez vil dicke heten guot getân. do beréite er zuo der verte die mit im varn wolden in einem winter herte, die urluges mit im phlegen solden. 1083 Hilden der schœnen helfe wære nôt. hin ze Tenemarke ir friunden si'z enbôt, daz die vil snellen recken niht langer solden biten, die z'Ormanîe wolden nâch der schœnen Kûdrûnen riten. 1084 Siu hiez ez sâgen Hôrânde, daz er gedæhte dran, er wære 's kûnîges kûnne, er und sine man, daz sie ir lieben tohter in kîezén erbarmen. siu wolde ê selbe ersterben ê siu gelæge an Hart- muotes armen. 1085 Dô sprach der degen kûene: «froun Hilden solt du sagen, daz ich'z alsô süene mit manîges wibes klage.

ich kume zuo ir gerne und allez min gesinde. man hœret drumbe weinen ime lande noch von man- niger muoter kinde. 1086 Dar zuo sult ir mēre miner frouwen sagen, daz ich ir vil gerne kume in kurzen tagen, und wie ze urliuge stē mīn gedinge, daz ich zehen tūsent miner helde ūz Tenemarke bringe.» 1087 Die boten urloubes gerten von im dan ze Wāleis in die marke, dā sie mit sinen man Mōrūngen funden, den marcgrāven richen. er sach die boten gerne und enphie sie harte min- niclichen. 1088 Dō sprach der degen Īrolt: «wan mir ist wol erkant, daz ich in siben wochen ze Hegelinge lant mit recken solde riten, swaz ich der möhte bringen. daz tuon ich vil gerne, swie joch minen recken dā gelinge.» 1089 Dō hiez daz Mōrunc künden in Holzāne lant, daz nāch ir friunden hēte frou Hīldē gesant. man solde herverten, daz kunde man den guoten. dō sagete man diu mære von Tenemārkē dem kũenen Fruoten. 1090 Dō sprach der ritter biderbe: «ich kum vil gerne dar dā wir s' gewinnen widere. des ist driuzēhen jār, daz wir herverten ze Ormanīe swuoren, dō Hartmuotes friunde von uns hin mit Kūdrūnen fuoren.»

1091 Wate ouch wol gedâhte, der helt ûz Sturmlant; sine helfe er brâhte. swie im niht wart bekant der bote der küniginne von den Hegelingen, doch ilte er swaz er kunde, waz er guoter ritter möhte bringen. 1092 Dô vlizzen sie sich alle zuo der hervart. wol mit tûsent helden wol bereitet wart Wate dâ zen Stürmen von mannen und von mâgen, dâ mite er Hartmuote ûzer Ormanie wolde lâgen. 1093 Die ellenden frouwen übele bewart bi Gêrlinde wâren, wan frou Heregart (sô hiez ir einiu drunder), diu phlac hôher minne mit des küniges schenken. siu wolde wesen gewaldic herzoginne. 1094 Daz wéindé vil dicke der schœnen Hilden kint. ouch geschâdetē ez sêre der selben frouwen sint, daz siu mit in dâ wolde tragen niht die swære. swaz ir dâ von geschæhe, dâz was Kûdrûnen únmære. 1095 Daz liut was vil unmüezic, als ich iu hân geseit. vil lützel wart gebüezet doch der arebeit, der sie vil dicke phlâgen in Hegelinge lande. die helde dô daz rieten daz man nâch Kûdrûnen bruo- der sande. 1096 Die boten riten balde gegen Nortlant, dâ man ûf dem plâne den jungen degen vant bi einem breiten phlûme, der was voge le riche. mit sinem valkenære beizte dâ der künic vil kün- dicliche.

1097 Die boten sach er gâhen; dô sprach er sâ zehant: «dort ritent liute nâhen, die hât nâch uns gesant Hildé mîn frouwe, ir helde vil vermezzen. nu wil siu des wænen, daz wir der herverte haben vergezzen.» 1098 Die valken liez er vliegen: dô reit er balde dan da er in kurzen ziten trûeben muot gewan. die boten er dô gruozte. wie schiere sị im daz kunden, daz sie die küniginne ze allen ziten wéinende funden. 1099 Sie sageten im ir dienst, triuwe unde guot: wie dâ der recke umbe wæré gemuot oder wén er siner manne dár wólde bringen. sie solden herverten hin z'Ormanie von den Hegelingen. 1100 Dô sprach der degen Ortwin: «du hâst mir wâr geseit. ich wil von hinnen füeren michel unde breit ein her mit guoten helden mit zweinzic tûsent mannen. die wil ich dar füeren, ob ir deheiner nimmer kœme dannen.» 1101 Man sach in allen enden ritten in daz lant nâch den diu frouwe Hilde hêté gesant. wie sie der wol gedienden, des vlizzen sich durch êre die helde; die ir kômen, der was sehxic tûsent oder mêre. 1102 Von Wâleis her Môrunc der het ûf der fluot wol sehxic kocken starke veste unde guot.

swaz die liute mohten hin zen Hegelingen getragen ûf der flüete, die wolde er nâch froun Kû- drûnen bringen. 1103 Man brâhte ouch schif diu reichen dâ her von Nortlant. harte lobelichen ir ros und ir gewant allez was gezieret gê dem urliuge, ir helme und ir wâfen. sie fuorten harte ritterlich geziuge. 1104 Man ahte bî den schilden, wie vil ir möhte sîn, die der schœnen Hilden daz edele magedin solden helfen bringen ûz Ormanieriche. der wurden sibenzic tûsent. in gap frou Hilde ir gâbe kosteliche. 1105 Swelhè bekommen wâren od swer ze hove gie, diu freudenlôse frouwe selden daz verlie, si ẹngienge in engegene und gruozte sie besunder. den ûz erwelten degenen gap man von richen wæte manic wonder. 1106 Die Hilden kiele wâren wol bereit dar zuo, ob sie varn solden des næhsten tages fruo, ez zæme wol ze mâzen den lobelichen gesten. dô wolde si's niht lâzen unz sie heten deheiner slahte bresten. 1107 Diu wâfen hiez frou Hilde zuo den schiffen tragen und helmé vil guote ûz stahele geslagen.

halsbérge wize wol fünfhundert mannen über állez daz sie hêten hiez siu die recken mit in füeren dannen. 1108 Ir ankerseil diu wâren von vesten siden guot, ir segele harte riche, dâ mite sie über fluot von Hegelinge lande ze Ormanie solden, die der frouwen Hilden Kûdrûnen gerne wider brin- gen wolden. 1109 Ir ánkér die wâren von isen niht geslagen, von glocken spise gozzen, sô wir hœren sagen. von spânischem messe wâren sie gebunden, daz den guoten helden die magnêten niht geschaden kunden. 1110 Hildé diu schœne vil manigen bôuc bôt Waten und den sînen. dâ von muosten tôt geligen vil der helde, do er mit den Hegeligen ûz Hartmuotes bürge die schœnen frouwen solde wider bringen. 1111 Hilde vliziclichen dô begunde biten die von Tenelande: «swaz ir her habt gestriten in herten volcstürmen, des lône ich iu nâch êren. volget minem vanre, der kan iuch daz beste wol ge- lêren.» 1112 Sie frâgten, wer der wære; daz tete sî in bekant. siu sprach: «daz ist Hôrant dâ her von Tenelant. sîn muoter diu was swester Hetelen des reichen. welt ir's im getrouwen, sô sult ir'm in dem sturme niht entwichen.

1113 Ir sult ouch niht vergeffen des lieben sunes min, ir helde vil vermeffen; der ist der tage sin kûme in zweinzic jâren gewahsen z' einem manne. beginne's iemen vâren, sô helfet ir im, guote recken, dannen.» 1114 Daz sie daz gerne tæten, und wæren sie dâ' bi, daz sprâchen sie gemeine; er keme schaden frî wol heim ze sinem lande, ob er in wolde folgen. des was der helt Ortwin in sinen jungen siten un- erbolgen. 1115 Ez wart zuo den schiffen gefüeret und getragen, daz iu daz wonder niemen kunde vol gesagen. sie gerten urloubes gên ir arebeite. den richen Krist von himele bat sie diu schœne Hilde wol beleiten. 1116 Genuoge mit in fuoren, der vater was erslagen. die bîderbe weisen wolden ir schaden niht vertragen. joch weinde vil der frouwen dâ ze Hegelingen, wanne in got von himele ir liebiu kînt sôlde wider bringen. 1117 Sie mohten'z in ir sinne allez niht getragen und wolden hie die liute niht langer lâzen klagen. sie húobén sich dannen mit freuden und mit schalle. dô sie zen schiffen giengen, die guoten ritter hورت' man singen alle. 1118 Dô nu gescheiden wâren hie die liute dan, dô sach man vil der frouwen in den venstern stân.

si beléiten s' mit den ougen so si vérriste kunden von der búrc ze Matelâne, dō die helde dannen varn begunden. 1119 Ir masboume erkrachten, in kom ein rehter wint. vil segele sich erstrahten. maniger muoter kint fuor ûf den gedingen, daz sie wurben ére. der kom in vil ze handen; dar nâch sie muosten are- beiten sêre. 1120 Ja enweiz ich es niht allez, wie ir dinc ergê, wan der künic des landes dâ her von Karadê der fuor mit sinem volke den recken hin engegene. er brâhte ûz sinem lande wol zehen tûsent sneller dîetdégene. 1121 Ûf dem Wülpensande, dâ ê was der strit, von ieclichem lande dâ heten sie sich sit vermezzen algeliche einer samенииe. ir klôster daz was riche; dar gegap der alde und der junge. 1122 Die abe den schiffen wâren gegangen von der habe, der schiet nu vil maniger von sines vater grabe mit solhem ungemüete, daz ez wart jenen swære, an den sie daz erkanden, dêr in schedelich in strite wære. 1123 Der künic von den Mœren wart enphangen wol. vier und zweinzic kocken brâhte er liutes vol,

dar zuo vil der spise, daz in in zweinzic jâren niht gebresten solde. sie wolden der von Ormanie vâren. 1124 Von stâde sie sich dô huoben sô sị aller beste dan mit ir scheffen kunden. sit wart von in getân michel arebeiten ûf dem breiten fluote. waz half daz sie nu wiste der alde Wate und von Tenen Fruote? 1125 In kômen sunderwinde, die sluogen ûf den sê daz edele ingesinde (dâ von wart in wê), daz sie mit tûsent seilen den grunt niht hêten funden. ir beste schifliute aller meiste weinen dô begunden. 1126 Ze Givers vor dem berge lac daz Hilden her. swie guot ir anker wæren, an daz vinstre mer magnêtén die steine heten sie gezogen. ir guote segelboume stuonden állé gebogen. 1127 Dô daz volc mit jâmer weinde über al, dô sprach Wate der alde: «lât vallen hin ze tal in die grûntlôsen ûnde die unser anker swære. man saget von manigen dingen, dâ bi ich under wîlen gernere wære. 1128 Sit hie lit versigelet unser frouwen her und wir sîn komen sô verre ûf daz vinstre mer,

ich hôte ie sagen von kinde für ein wazzermære, da ze Givers in dem berge ein witez künicriche er- bouwen wære. 1129 Dâ leben die liute schône; sô riche sî ir lant, dâ diu wazzer vliesen, da sî silberin der sant: dâ mite mûren s' bürge. daz sie dâ habent für steine, daz ist golt daz beste. jâ ist ir armüete harte kleine. 1130 Und hôte sagen mêre (got wurket manigiu werc): swén die mágnêten bringen für den berc, daz lant hât die winde, swer ir mac erbiten, der ist immer riche mit allem sinem künne nâch den ziten. 1131 Ezzen wir die spise, ob uns gelinge wol», sprach Wate der vil wise: «sô sul wir vazzen vol unser schif diu guoten mit edelem gesteine. kom wir dâ mite widere, wir gesitzen frœlich noch dâ heime.» 1132 Dô sprach von Tenen Fruote: «ê mir diu galinê an minen vartgenôzen tæte hie sô wê, ich swüere ê tûsent eide, deich nimmer guot gewunne, daz ich vor disem berge mit guoten winden ûzer nôd entrunne.» 1133 Die dâ kristen hiezen, die gefrûmten ir gebet. dô diu schif dâ stuonden vaste an einer stet

viere tage lange, ich wæne, und dannoch mère, daz si nimmer dannen kœmen, des vorhten in die Hegelinge sère. 1134 Daz geníbele zôch sich hôher, als ez got gebôt. do verwãgen ouch die ünde; des kômen s' ûzer nôt. durch die grôzen vinstre sâhen sie die sunnen. dô kom in ein westerwint; dô was in ir árebeit gár zerrunnen. 1135 Der treip sị in einer wile ze Givers für den berc wol sehs und zweinzic míle, dâ sie diu gotes werc und ouch sine helfe bescheidenlichen sâhen. Wate mit sim' gesinde was den magnêten komen alze nâhen. 1136 Ze vliezenden ünden wâren sie nu komen. si ẹngulden niht ir sünden. jâ was in benomen ein michel teil ir sorgen; der wolde in got niht gunnen. diu schif diu wâren rehte gên Ormaníelande nu ge- runnen. 1137 Dô huop sich aber schiere ein iteniuwez klagen. die schifwende krachten. dô begunden wagen vón den grúntwellen ir kiele harte sère. dô sprach der degen Ortwin: «wir müezen tiure kou- fen unser ère.» 1138 Dô ruofte ein marnære: «ach ach dirre nôt, daz wir ze Givers lâgen niht vor dem berge tót! swes got wil vergezzen, wie sol sich der behüeten? ir helde vil vermezzen, daz mer wil aber toben unde wüeten.»

1139 Dô rief von Tenemarke der küene Hôrant: «gehabet iuch wol, ir degene; mir ist wol erkant, der luft schadet hie niemen, ez sint westerwinde.» dô freute sich der mære der kûnic von Karadie und daz gesinde. 1140 Hôránt der snelle obene in die keibe gie. er sach manige wellen. wenken er dô lie siniu ougen witen. dô sprach der selbe herre: «ir muget sanfte erbiten; wir sin Ormanie vil unverre.» 1141 Die segele hiez man lâzen nider in al dem her. einen berc sie sâhen vor in in dem mer und ouch vor dem berge einen walt vil witen. dâ hin begunde râten Wate sinen helden an den ziten. WIE SIE KÔMEN IN DIE HABE UND FUOREN IN ORMANIELANT. 1142 Sie fuoren vor dem berge an den selben walt. mit listen muosten werben dô die recken balt. ir anker sie dô schuzzen zuo des meres grunde. sie lâgen in der wilde, daz daz niemen merken niht enkunde.

1143 Durch gemach sie fuoren von schiffen ûf den sant. guoter dinge gnüege hei waz man der dâ vant! frische kalte brunnen die fluzzen in dem tanne nider von dem berge. des freuten sich die wazzermüeden manne. 1144 Dâ die liute solden mit gemache ligen, dâ was der degen Írolt ûf einen boum gestigen, der was unmâzen hôher. dâ warte er vlizicliche, war sie dannen solden. dô sach er z'Ormanie in daz riche. 1145 «Nu freut iuch, jungelinge», sô sprach der junge man. «min sorge ist nu ringe, sit ich gesehen hân wol siben palas riche und einen sal vil witen. wir sin in Ormanie morgen wol vor mittes tages ziten.» 1146 Dô sprach Wate der wîse: «sô traget uns ûf den sant schilde unde wâfen und iuwer wicgewant. tuot iuch selbe unmüezic, die knehte heizet dienen. diu rós sól man bâneken; ir heizet halsberge und helme riemen. 1147 Ob iuwer etelichem daz kleit niht rehte stât, daz zuo den wâfen hœret, sô habt des minen râ. t. ez hât min frou Hilde fünf hûndert brünne mit uns her gesendet; die geben wir der guoten ritter kûnne.» 1148 Diu ros zôch man schiere zuo in ûf den sant. swaz man guoter decken und kovertiure vant,

die versúochten úf ir rossen ritter unde knehte, welhez in gezæme. dô nam ir ieclicher im daz rehte. 1149 Diu ros hiez man ersprengen witen úf den sant die breite und die lenge. manigez man dô vant, diu dâ træge wâren und springen niht enkunden; diu heten sich verstanden. Wate hiez sie kelen an den stunden. 1150 Ir fiwer sie dô zunden. riche spise guot, die besten die sie funden bi des meres fluot, die hiez man dô bereiten den ellenden gesten, wande sie sô nâhen ir gemáchés in niht enwesten. 1151 Die naht sie heten ruowe unz an den næhsten tac. Wate und ouch her Fruote des kûniges râtes phlac. die giengen sundersprâchen úf dem wilden sande, die ir bürge brâchen, wie sie den gelônden in ir lande. 1152 «Wir solden boten senden», sprach dô Ortwin, «die uns erfüren mære von der swester min und von den ellenden, ob lebeten nòch die meide. swann' ich an sie gedenke, sô ist mir dicke herzen- liche leide.» 1153 Sie rieten, wer der wære, der bote möhte sin und der in bræhte mære, wâ man diu magedin vil bescheidenliche in dem lande funde, und ouch die sinen frâge vor den vînden wol gehelen kunde. 1154 Dô sprach von Ortlande der degen Ortwin, ein helt ze sinen handen: «ich wil bote sin.

Kûdrûn ist min swester von vater und von muoter. under állem dem gedigene sô ist dehein bote niht sô guoter.» 1155 Dô sprach der kûnic Herwic: «ich wil der ander wesen. ich wil bî dir sterben oder aber genesen. was diu maget din swester, man gap mir sie ze wibe. ûz ir dienéste einen tac ich nîmmér belibe.» 1156 Dô sprach Wate in zorne: «daz wære ein kindes muot, ir helde ûz erkorne. daz ir des niht entuot, daz ráte ich iu mit triuwen. lát ez iu niht versmâhen. wirt iuwer Hartmuot innen, er heizet iuch an einen galgen hâhen.» 1157 Dô sprach der kûnic Herwic: «ergê ez úbelẹ od wól, sît daz friunt friunde gestân mit dienste sol, ich und min friunt Ortwin sulen niht erwinden, swie halt uns gelinge, wir enmûezen Kûdrûnen vinden.» 1158 Dô sie beide wolden in boteschefte dan, dô hiezen s' in gewinnen ir mâge und ir man, daz sie mit in redeten, daz sie ir besten eide nimmer mêre solden vergezzen an den küenen recken beiden. 1159 «Ich man iuch iuwer triuwe», sprach dô Ortwin, «werdê man unser inne, ob wir gevangen sin, daz sie uns wellen lâzen løsen mit dem guote, so verkóufet lant und bürge. dar umbe si iu leide niht ze muote.

1160 Nu hœret, guote degene, waz wir iu mère sagen. erbünne man uns lebenes oder wêrden wir erslagen, sô sult ir niht vergezen, ir'n rechet iwern anden, ir helde vil vermezen, mit swértén in Hártmúotes lande. 1161 Ouch biten wir iuch mère, ir edelen ritter guot, mit swelhen arebeiten ir helde daz getuot, daz ir hie iht lâzet die ellenden frouwen, ê ir iuch strites mâzet, sit sie iu alles guotes wol getrouwen.» 1162 Des gâben sie ir triuwe den fürsten an ir hant, die aller besten drunder, daz sie ir eigen lant mit willén noch mit muote niht wóldén beschouwen, si'n bræhten mit in<sub>2</sub>widere ûz Ormanin die éllénden frouwen. 1163 Die in getriuwe wâren, die weinden umbe daz (sie vorhten alle harte den Ludewiges haz), daz sie niht boten ander von in möhten senden. si gedâhten sumeliche: «nu kan ir ende niemén er- wenden.» 1164 Sie heten mit dem râte gestriten al den tac. ez was nu worden spâte, der sunne schin gelac verborgen hinder wolken ze Gulstrâte verre. des muoste noch beliben Órtwîn und Hérwîc der herre.

1165 Nu swigen wir der degene; ich wil iuch lân vernemen, die wol mit freuden wæren, wie den daz mac gezemen, daz sie müezen waschen in den fremeden landen. Kûdrûn unde Hildeburc die wuoschen alle zit ûf einem sande. 1166 Ez was in einer vasten umb' einen mitten tach. ein vogel kom geflozen. Kûdrûn dô sprach: «owê, vogel schøne, du erbarmest mir sô sêre, daz du sô vil gefiuzezst ûf disem fluote», sprach diu maget hêre. 1167 In menschlicher stimme antwûrten ir began der gotes engel hêre, sam ez wære ein man: «ich bin ein bote dir von gote; und kanst du mich gefrågen, vil hêre maget edele, sô sage ich dir von allen dînen mâgen.» 1168 Dô diu juncfrouwe die stimme dô vernam, dô wolde s' niht getrouwen daz immer âlsâm der wilde vogel wurde daz er reden kunde. siu hôrte sine stimme, sam siu gienge ûz eines men- schen munde.

1169 Dô sprach der engel hêre: «du maht dich wol versehen, maget vil ellende: dir sol grôz liep geschehen. wilt du mich gefrâgen von diner mâge lande, ich bin bote der dîne, wan mich got ze trôste dir hêr sande.» 1170 Kûdrûn diu edele viel ûf den griez ze tal, als siu gên gote ir venie tæte enkriuzestal. siu sprach ze Hildeburge: «sô wol uns dirre êre, daz unser got ruochet. jâne sul wir trûren nu niht mêre.» 1171 Dô sprach diu gotes arme: «sit dich hât Krist gesant úns vil éllénden ze trôste in ditze lant, du solt mich lâzen hœren, bote du vil guoter, lebet noch inder Hilde? diu was der armen Kûdrû- nen muoter.» 1172 Dô sprach der vil hêre: «ich wil dir verjehen: Hilden dîne muoter hân ich gesunt gesehen, dô siu dir her daz grœzest frumte her ze lande, daz witewe oder kûnne durch lieber friunde willen ie gesande.» 1173 Dô sprach diu maget edele: «bote du vil hêr, lâ dich des niht verdriezen: ich wil dich frâgen mêr. lebet noch inder Ortwin, der kûnic von Ortlande, und Herwic min friedel? disiu mære ich harte gerne erkande.» 1174 Dô sprach der engel hêre: «daz tuon ich dir kunt. Ortwin und Herwic die sint wol gesunt.

die sach ich in den ūnden ûf des meres muoder. die ellenhaften degene zugen vil geliche an einem ruoder.» 1175 Siu sprach: «nu sage mère, ist dir daz bekant, ob Írolt und Môrunc komen in ditze lant, bote du vil hère. gerne ich dich des frâge. die sæhe ich ouch vil gerne; sie wâren mines vater Hetelen mâge.» 1176 Dô sprach der bote hère: «des wil ich dir verjehen. Írolde und Môrungen die hân ich gesehen. die dienen willlichen iu vil schœnen frouwen. koment sie her ze lande, von in wirt der helme vil verhouwen.» 1177 Dô sprach der engel hère: «ich wil scheiden hin (got phlege iuwer êre), wan ich unmüezic bin. eist über minen orden, ich sol niht reden mère.» er verswánt in vor den ougen. daz klagten dô die juncfrouwen sère. 1178 Dô sprach diu Hilden tohter: «mir ist unmâzen leit, des ich dâ wolde frâgen, daz mich daz ist verdeit. ich gebiute dir bî Kriste, ê daz du scheidest hinnen, daz du ûz den sorgên lœsest mich vil armen küniginne.» 1179 Er swebet' ir vor den ougen aber alsam ê. «ê daz unser scheiden, mîn und dîn, ergê, swaz ich dir mac gedienen, des sol mich niht betrâgen. sît du'z bî Krist gebiutest, sô sage ich dir von allen dinen mâgen.»

1180 Siu sprach: «sô hôrte ich gerne, hâst du daz vernomen, sol von Tenemarke Hôrant hér kómen mit den sinen helden die mich in sorgen liezen? den weiz ich alsô biderben deich's armiu maget möhte wol geniezen.» 1181 «Dir kumt von Tenemarke Hôránt der neve dîn ûf urluge starke, er und die recken sîn. er sol daz Hilden zeichen tragen in sinen handên, sô die Hegelinge koment zuo dem Hártmúotes lande.» 1182 Dô sprach aber Kûdrûn: «kanst du mir gesagen, lebet noch Wâte von Stürmen? sô wolde ich niht klagen. des freuten wir uns alle, swenne daz geschæhe, deich ouch den alden Fruoten bî miner muoter zéi- chén gesæhe.» 1183 Dô sprach aber der engel: «dir kumt in ditze lant Wate von den Stürmen. der hât an siner hant ein starkez stierruoder in einem kiel bî Fruoten. bezzer friunde keiner darftu niht bî urluge muoten.» 1184 Dô wolde aber der engel von in scheiden hin. dô sprach diu gotes arme: «in sorgen ich noch bin. ich wiste harte gerne, wanne daz geschæhe, daz ich vil ellende miner muoter Hilden boten sæhe.» 1185 Des antwurt' ir der engel: «dir gêt freude zuo. dir koment boten zwêne mórgén vil fruo. die sint wol sô biderbe, daz sie dich niht triegent, swaz dir die sagent mære, daz sie dir der deheinez niht enliegen.»

1186 Dô muoste von in scheiden hin der bóte vil hêr. die ellenden frouwen frâgten dô niht mêr. jâ was in mit gedanken lîep únde swære, die in dâ helfen solden, wâ daz vil werde ingesinde wære. 1187 Sie wuoschen deste seiner des tages daz gewant. sie redeten von den helden, die in dar gesant het ûz Hegelingen Hîldé diu riche. der Kûdrûnen mâge erbîten diu mágedin vil angestliche. 1188 Der tac der het ende; ze hûse solden gán diu magedin ellende. dâ wart in getân zornlichez strâfen von der úbelen Gêrlinde. daz liez siu vil selden, si'n zurnde mit dem edelen ingesinde. 1189 Siu sprach zuo den frouwen: «wer git iu den râ, daz ir sô seine waschet die sâbene und ánder wât? mine wize phelle die bleichet ir ze seine. diu ez niht behüeten welle, ich wil daz ez etelîchiu weine.» 1190 Dô sprach diu frouwe Hildeburc: «wir tuon swaz wir gemügen. ouch sult ir iuwer zühte, frouwe, an uns gehügen. uns armez ingesinde friuset dicke sère. wæren warme winde, wir wüeschén iu vîl déste mêre.» 1191 Dô sprach aber Gêrlint in übellichen zuo: «jâ sult ir iuch niht sûmen, swie daz weter tuo,

ir'n waschet mine sabene frúo únde spâte. als ez betaget morgen, sô sult ir gén von miner ke- menâten. 1192 Uns náhent hóchzite, daz habet ir wol vernomen. der palmetac ist náhen, uns sulen geste komen. und gebet ir minen helden wiziú niht ir kleider, so geschách nie weschen méré in kúniges selde noch zer werlde leider.» 1193 Von ir sie dô giengen. sie legten von in naz die wât die sie truogen; man solde ir phlegen baz. já was in gar der triuwen leider dâ zerunnen; daz mohte sie geriuwen. ir spise was von rocken und von brunnen. 1194 Daz arme ingesinde wolde slâfen gán. ir bette was niht linde. beide truogen s' an niwan zwei salwiú hemede. sus kunde sie bedenken Gêrlint diú vil übele liez sị âne küsse ligen ûf hérten benken. 1195 Kûdrún diú arme vil unsanfte lac. si erbiten beide kûme, wanne ez wurde tac, und sliefen deste minner. sie wæn' dar an gedæhten, wanne in die vogele guote ritter dar ze lande bræhten. 1196 Dô ez êrste tagete, an ein venster gie, diú durch die naht unsanfte was gelegen ie, Hildeburc diú edele von Galizen lande. dô was ein snê gefallen; daz was den armen léit únd vil ande.

1197 Dô sprach diu ellende: «wir solden waschen gân. ez'n si daz ez got wende, daz weter ist sô getân, sul wir hiute waschen, vor âbendes stunden, alsô barfüeze, wir wérdén vil lihte tôte funden.» 1198 Sie freute iedoch gedinge, swie'z sóldé geschehen, daz sie boten die Hilden des tages solden sehen. sô sie dar an gedâhten, die minniclichen meide, die in trôst und freude brâhten, dô was in niht sô herzenlichen leide. 1199 Dô sprach diu Hilden tohter: «gespil, du solt daz sagen der übelen Gêrlinde, daz si uns erloube tragen schuohe zuo dem sêwe. siu mac daz selbe kiesên, gên wir dar barfüeze, sô müezé wir ûf den tôt er- friesen.» 1200 Sie giengen dâ sie funden den kûnic und ouch sîn wip. dâ het umbevangen den Ludewiges lip Gêrlint diu übele. sie sliefen dannoch beide. si getórsten sie niht wecken; daz was der armen Kû- drûnen leide. 1201 Klagende in ir slâfe hórte siu sie stân. siu begunde strâfen die maget wol getân. siu sprach: «nu saget, war umbe gêt ir niht zuo dem grieze und waschet wât die mîne, daz daz lûter wazzer nider vlieze?» 1202 Dô sprach diu ellende: «ja enweiz ich war ich gê. hinaht ist gefallen ein krefticlicher snê.

ir enwelt uns danne des tôdes gerne büezen, wir 'müezen hiute sterben, tragen wir niht schuohe an den füezen.» 1203 Dô sprach diu wülpinne: «ich wæne ez niht ergê. ir müezet alsô hinnen, iu si sanfte od wê. ir waschet vil genôte oder ich tuon iu sô leide. waz werret ir mir tôte?» dô weinden die vil armen frouwen beide. 1204 Dô nâmen sie diu kleider und giengen alsô dan. «nu gebe ez got», sprach Kûdrûn, «daz ich iuch's geman.» mit den baren füezen sie wuoten durch den snê. den vil edelen meiden tete ir ellende wê. 1205 Nâch ir gewonheite giengen s' ûf den sant. sie stuonden unde wuoschen aber daz gewant, daz sie getragen hêten nider zuo den griezen. ir hôhês gedingen mohten sie vil übele geniezen. 1206 Sie tâten harte dicke für sich ûf den fluot sénlîche blicke, wâ die boten guot 'zuo in komen solden, die von ir vater lande diu riche küniginne dem edelen ingesinde dár sânde.

1207 Dô sie gewarten lange, dô sâhen s' ûf dem sê zwêne in einer barken und ander niemen mê. dô sprach diu frouwe Hildeburc ze Kudrun der richen: «dort sihe ich fliezen zwêne, die mugen dinen boten wol gelichen.» 1208 Dô sprach diu jâmers riche: «owê ich armiu meit! mir ist inneclîche beide liep und leit. sint ez boten die Hilden, suln mich die sus hie vinden waschen ûf dem grieze, daz laster kunde ich nimmer überwinden. 1209 Ich vil gotes armiu, ja enweiz ich waz ich tuo. trûgespil Hildeburc, rât mîr dar zuo:

so! ich hinnen wichen od lâzen mich hie vinden in disen grôzen schanden? ê wolde ich immer heizen ingesinde.» 1210 Dô sprach diu frouwe Hildeburc: «ir sehet wol wie ez stât. ir sult an mich niht lâzen alsô hôhen rât. ich leiste mit iu gerne allez daz ir tuot. ich wil bi iu beliben und liden übel unde guot.» 1211 Dô kêrten sie sich umbe und giengen beide dan. dô wâren ouch sô nâhen dise zwêne man, daz sie die schœnen weschen bi dem stade sâhen. sie wurden des wol innen, daz sie wolden von den kleidern gâhen. 1212 Sie sprungen ûz der barken und ruoften in hin nâch: «ir vil schœnen weschen, war ist iu sô gâch? wir sin fremede liute, daz muget ir an uns kiesien. scheidet ir von hinnen, sô muget ir die vil rîche sa- bene vliesen.» 1213 Sie tâten dem gelîche sam si's niht heten vernomen. doch was in diu stimme wol zen ôren komen. Herwic der herre sprach ein teil ze lûte. er wiste niht der mære, daz er sô nâhen stüende sinem trûte. 1214 Dô sprach der vogt von Sêwen: «ir minniclichiu kint, ir sult uns lâzen hœren, wes disiu kleider sint. wir biten iuch valsches âne durch aller megede êre, ir minniclichen frouwen, jâ sult ir wider zuo dem stade kêren.»

1215 Dô sprach diu frouwe Kûdrûn: «sô dihte ich mich geschant, sit ich ein maget heize, und ir mich habet gemant durch aller megede êre. des müezet ir geniezen», sprach diu frouwe hêre, «swie des müesen miniu ougen riezen.» 1216 Sie giengen in ir hemeden, diu wâren beidiu naz. den vil edelen frouwen was ê gewesen baz. dô bîdemte vôn dem froste daz arme ingesinde. sie wâren swacher koste; jâ wurren in die mierzîschen winde. 1217 Ez was in den zîten, der winter sich zerlie, und daz in widerstrite die vogele wolden hie singen aber ir wise nâch des merzen stunden. in snêwe und ouch in îse wurden die vil armen wei- sen funden. 1218 Mit strûbendem hâre sâhen sie sie gân. swie in diu houbet wâren beiden wol getân, ir vahs was in zerfüeret von merzischen winden. ez régente óder ez snîte, harte wê was den vil ede- len kinden. 1219 Der sê allenthalben mit dem îse flôz; daz hete sich zerlâzen. ir sorge diu was grôz. in schein durch diu hemede wîz alsam der snê ir lip der minnicliche. in tet diu unkünde wê.

1220 Herwic der edele in guoten morgen bôt, den ellenden kinden. des wære in dicke nôt, wan ir meisterinne diu was vil ungehiure. «guoten mórgen, guoten âbent» was den minniclichen meiden tiure. 1221 «Ir sult lâzen hœren», sprach her Ortwin, «wes disiu richen kleider ûf dem sande sin oder wem ir waschet. ir beide sit sô schœne. wie tuot er'z iu ze leide? daz in got von himele gehœne! 1222 Ir sit sô rehte schœne, ir möhtet krône tragen. ob ez iu wol möhte von erbe her behagen, ir soldet landes frouwen sin mit grözer êre. dem ir sô swache dienet, hât er sô schœner weschen noch iht mère?» 1223 Dô sprach vil trüriclichen daz schœne magedin: «er hât noch manige schœner dan wir mügen sin. nu frâget swes ir wellet. wir haben ein meisterinne, ez kumt uns niht vergebene, siht siu uns mit iu spre- chen abe der zinne.» 1224 «Lât iuch niht verdriezen und nemet unser golt. guoter bouge viere daz si iuwer solt, daz ir, schœne frouwen, iuch niht lât betragen, (die geben wir iu gerne) daz ir uns sâget des wir iuch wellen frâgen.» 1225 «Got lâze iu iuwer bouge beiden sælic sin. wir nehmen von iu niht miete», sprach daz magedin.

«nu fråget swes ir wellet: wir müezen scheiden hinnen. siht man uns bî iu beiden, daz ist mir leit von allen mînen sinnen.» 1226 «Wes sint disiu erbe und ditze rîche lant und ouch die guoten bürge? wie ist er genant, daz er iuch âne kleider lâst sô swache dienen? wolt' er iht haben êre, sô solde im'z für guot ver- vâhen niemen.» 1227 Siu sprach: «der fürsten einer heizet Hartmuot: dem dienet lant diu witen und veste bürge guot. der ander heizet Ludewic von Ormanerîche. im dienet vil der helde; die sitzent in ir lande lo- belîche.» 1228 «Wir sæhen sie vil gerne», sprach Ôrtwin. «muget ir uns bescheiden, vil schœniu magedîn, wâ wir die fürsten beide in ir lande vinden? wir sîn zuo in gesendet; jâ sî wir eines künîges in- gesinden.» 1229 Kûdrûn diu hêre sprach den helden zuo: «ich lie sie in der bürge hiute morgen fruo ligende an ir bette wol mit vierzic hundert mannen. daz ist mir ungewizzen, sint sî in der zît geriten inder dannen.» 1230 Dô sprach der künîc Herwic: «muget ir uns gesagen, von wiu die küenen recken sô grôze swære tragen, daz sie mit sô vil helden sitzent z'allen zîten? het ich s' in minner selde, ich troute wol ein künîges lant bestriten.»

1231 «Uns ist niht kunt dar umbe», sprâchen dô diu kint. «wir enwizzen welhen enden der fürsten erbe sint. ein lant, daz liget witen, daz heizet Hegelinge: die fürhtent sî alle zite, daz sî in dar ûz herte vinde bringen.» 1232 Dô bidemten vor der kelde diu schœnen meidin. dô sprach der fürste Herwic: «möhte daz gesin, daz ez iuch minnielichen dihte niht ein schande, ob ir, edele meide, unser mentel trüeget ûf dem sande?» 1233 Dô sprach diu Hilden tohter: «got lâze iu sælic sin iuwer beider mentel. an dem libe min suln nimmer iemens ougen gesehen mannes kleider.» möhten s' sich erkennen, sô wære in dické geschehen leider. 1234 Dicke erblihte Herwic die juncfrouwen an. siu dûhte in sô schœne und ouch sô wol getân, deiz im in sinem herzen harte siuften brâhte. er gelîchte sie ze einer der er vil dicke güetlich ge- dâhte. 1235 Dô sprach aber Ortwin, der kûnic von Ortlant: «ich frâge iuch megede beide, ist iu iht bekant umbe ein hergesinde, daz kom in ditze lant? einiu was dar under, diu was Kûdrûn genant.» 1236 Dô sprach diu juncfrouwe: «daz ist mir wol kunt. her kom ein gesinde, des ist nu langiu stunt.

in starker herverte brâht' mán s' in ditze rich. die ellenden frouwen kômen her ze lande jâmerliche.» 1237 Siu sprach: «die ir dâ suochet, die hân ich wol gesehen in grôzen arebeiten; des wil ich iu verjehen.» jâ was si'z der einiu, die Hartmuot dár brâhte: ez was selbe Kûdrûn. siu wæn' der mære deste baz gedâhte. 1238 Dô sprach der fürste Herwic: «nu seht, her Ortwin, sol iuwer swester Kûdrûn inder lebende sin in deheinem lande ûf al dem ertriche, sô ist daz diu selbe. ich gesách ir nie deheine sô geliche.» 1239 Dô sprach der kûnic Ortwin: «siu ist vil minniclich und doch minner swester ninder anelich. von unser beider jugende gedenke ich noch der stunde, daz man in al der werlde sô schœne maget hête nin- der funden.» 1240 Dô sich alsô nande der vil küene man, daz er Ortwin hieze, dô sach in wider an Kûdrûn diu arme. ob ez ir bruoder wære, daz wiste s' harte gerne: sô hête gar ein ende al ir swære. 1241 «Swie ir sit geheizen, ir sit lobelich. einen ich erkande, dem sit ir anelich, der was geheizen Herwic und was von Sêlande. ob der helt noch lebte, so ẹrlôste er uns von disen starken banden.

1242 Ich bin ouch der einiu, die Hartmuotes her in strite gevangen gefuorte über mer. ir suochet Kûdrûnen; daz tuot ir âne nôt. diu maget von Hegelingen ist in arebeiten tôt.» 1243 Dô trâhenden Órtwîne siniu ougen licht. ouch enliez ez Herwic ungeweinet nicht. do si in gesaget hête, daz erstorben wære Kûdrûn diu schœne, dô hêtén die helde grôze swære. 1244 Dô siu sie wéinénde beide vor ir sach, diu maget ellende zuo in siu dô sprach: «ir tuot dem geliche und sit in der gebære, sam diu edele Kûdrûn iu vil guoten helden sippe wære.» 1245 Dô sprach der fürste Herwic: «jâ riuwet mich ir lîp ûf mines lebenes ende. diu maget was mîn wip. siu was mir bevestent mit eiden alsô stæten. sit muoste ich sie verliesen durch des alden Lude- wiges ræte.» 1246 «Nu wellet ir mich triegen», sprach diu arme meit. «von Herwiges tôde ist mir vil geseit. al der werlde wûnne die solde ich gewinnen, wære er inder lebende: sô hête er mich gefüerét von hinnen.» 1247 Dô sprach der ritter edele: «nu seht an mîne hant, ob ir daz golt erkennet: sô bin ich genant.

dâ mite ich wart gemaheret Kûdrûn ze minnen. sit ir dann' mîn frouwe, sô füere ich iuch minnicliche hinnen.» 1248 Siu sach im nâch der hende; ein rinc dar an erschein. dâ lac in dem golde von Abali der stein, der beste den ir ougen zer werlde ie bekanden. den het diu frouwe Kûdrûn diu schœne ê getragen an ir handen. 1249 Si ẹrsmielte in ir freuden. dô sprach daz magedin: «daz golt ich wol erkande; hie vor dô was ez mîn. nu sult ir sehen ditze, daz mir mîn friedel sande, dô ich vil armez magedin mit freuden was in mines vater lande.» 1250 Er blihte ir nâch der hende. do ẹr daz golt ersach, Herwic der edele ze Kûdrûnen sprach: «dich truoc ouch ander niemen, ez'n wære küniges künne. nu hân ich nâch manigem leide gesehen mîne freude und mîne wünne.» 1251 Er umbeslôz mit armen die hêrlîchen mit. in was ir beider mære liep unde leit. er kuste, i'n weiz wie dicke, die küniginne rîche, sie und Hildeburgen die ellenden maget minnicliche. 1252 OrtwÏn begunde frâgen die hêrlîchen mit (des schamte siu sich sêre, wan ir was harte leit), ob siu niht anders kunde dienen in dem lande, niwan daz siu kleider wüesche z'allen ziten an dem sande.

1253 «Nu saget mir, frou swester, wâ sint iuwer kint, diu ir bi Hartmuote habet getragen sint, daz sie iuch eine lâzent waschen an den griezen? sult ir werden künigin, des lât man iuch hie übele geniezen.» 1254 Siu ságete im wéinende: «wâ solde ich nemen kint? eist allen den wol künde, die bi Hártmúote sint, daz er mir nie enkunde solhes iht gebieten, daz ich in minnen wolde; des muose ich mich der arebeit sit nicten.» 1255 Dô sprach der herre Herwic: «des muge wir wol jehen, daz uns an dirre verte ist alsô wol geschehen, daz uns nimmer kunde baz dar an gelingen. nu sul wir des gâhen, daz wir sie von der veste hin- nen bringen.» 1256 Dô sprach der degen Ortwin: «ich wæn' des niht ergê. und hête ich hundert swester, die lieze ich sterben ê, ê daz ich mich sô starke in fremeden landen hæle, die man mir mit sturme nam, daz ich die minen grim- men vinden stæle.» 1257 Dô sprach der helt von Sêwen: «daz ist diu angest mîn, wirt man unser innen, daz man diu magedin enphüere alsô verre (des si wir bi in tougen), man lât uns ir deheine nimmer mêr gesehen mit un- sern ougen.»

1258 Dô sprach aber Ortwin: «wie lîezé wir hie daz edele ingesinde? daz hât gebiten ie in disem fremeden rîche deis sie mac verdriezen. mîner swester Kûdrûn sulen alle ir meide wol ge- niezen.» 1259 Dô sprach der degen Herwîc: «war tuost du dînen sin? die mîne triutinne die wil ich füeren hin. werben, swie wir kunnen, über unser frouwen.» dô sprach der degen Ortwin: «ê lieze ich mich mit swértén zerhouwen.» 1260 Dô sprach diu ungemuote: «waz hân ich dîr getân, lieber bruoder Ortwin? wan ich nie gewan deheine die gebære, daz man mich möhte schelden. i'nē weiz welher dinge du mich, edele fürste, lāst engelden.» 1261 «Jā tuon ich'z, liebe swester, niht durch dînen haz. dine schœne meide genesent deste baz. ich kan dich niht von hinnen geziehen wan nāch êren. du solt haben holden Hêrwîgen dînen friedel hêren.» 1262 Sie giengen zuo dem schiffe. dô klaget' diu schœne meit. siu sprach: «owê mir armen, nu ist endelôs mîn leit. der ich mich ie getrôste, sol ich den nu versmâhen, daz mich ir helfe lōste? mir ist mîn gelücke vil un- nâhen.» 1263 Den ellenthaften degenen was von dem stade gâch. Kûdrûn diu arme rief Herwîge nâch:

«ê was ich diu beste, nu hât man mich zer bœsten. wem lâst du mich arme oder wes sol ich weise mich getrœsten?» 1264 «Du bist niht diu bœste, du muost diu beste sin. vil edele küniginne, verhil die reise min. ê des morgens schine ich bin vor disen selden, daz habe ûf minen triuwen, mit ahzic tûsent miner küenen helde.» 1265 Sie fuoren sô sie kunden béldiste dan. dô wart ein herter scheiden von friundén getân, dan noch friunde tæten, daz weiz ich âne lougen. so si vérriste kunden, beleiten sie die boten mit den ougen. 1266 Der wesche dô vergâzen diu hêrlichen kint. des hete wol gegoumet diu übele Gêrlint, daz sie stuonden müezic dâ nidene ûf dem sande. daz zurnde siu vil sêre; ez was ir an ir wesche leit und ande. 1267 Dô sprach diu frouwe Hildeburc, diu maget ûz Írlant: «wes lâst ir, küniginne, ligen ditz gewant, daz ir niht enwaschet Ludwiges man diu kleider? und wirt des Gêrlint innen, so getét siu uns mit sle- gen noch nie leider.» 1268 Dô sprach diu Hilden tohter: «dar zuo bin ich ze hêr, dáz ich Gêrlinde wasche immer mêr. dienest alsô swachez sol mir nu versmâhen. mich kusten zwêne künige und ruochten mich mit armen umbevâhen.»

1269 Dô sprach aber Hildeburc: «lât iu niht wesen leit, daz ich iuch daz lêre, wir bleichen baz diu kleit, daz wir siu iht sô salwiu tragen ze kemenâten. anders wirt uns beiden der rûcké mit slegen wol be- râten.» 1270 Dô sprach daz Hagenen kûne: «mir gêt freude zuo, trôst ûnde wûne. der mich unz morgen fruo die zît mit besemen slûege, ich trouwet' niht ersterben. die uns dâ tuont sô leide, der muôz etelicher ê ver- derben. 1271 Nu wil ich disiu kleider tragen zuo der fluot. siu suln des wol genießen», sprach diu maget guot, «daz ich mac gélîchen einer kûniginne. ich wirfe si ûf die ûnde, daz siu vrîlîche vliezen hinnen.» 1272 Swaz Hildeburc geredete, Kûdrûn trúoc dâ die Gêrlinde sabene. zurnen siu began. siu swanc sie von den handen verre zuo den ûnden. sie swebeten eine wile; i'nē weiz ob si s' immer mêre fûnden. 1273 Dô nâhent' ez der nahte, daz in des tages zeran. Hildeburc gie swære zuo der bûrge dan. siu truoc ander kleider und siben sabene rîche. diu Ortwînes swester gienc bî Hildeburge ledicliche. 1274 Ez was nu harte spâte; sie kômen hin gegân ze Ludewîges bûrge. dâ funden s' vor stân

Gêrlint die übelen; diu warte ir ingesinde. die vil edelen weschen gruozte siu mit worten harte swinden. 1275 «Wer hât iu daz erloubet?» sprach des küniges wip. «ez sol sêre erarnen iuwer beider lip, daz ir gêt den âbent über wert vil spâte. ez zimt niht küniges wibe, daz siu iuch sehe in ir kemenâten.» 1276 Siu sprach: «nu saget mir balde, war umbe tuot ir daz? ir versprêchet rîche künige, den sit ir gehaz, und kôset gegen âbent wider bœse knehte. welt ir erwerben êre, sô enkumet ez iu niht ze rehte.» 1277 Dô sprach diu maget hêre: «wes lieget ir mich an? wan ich vil gotes armiu den willen nie gewan, daz iemen lebe sô tiure, mit dem ich sprechen wolde, ez ẹnwæren mine mâge, mit den ich von rehte reden solde.» 1278 «Nu swîc, du übele galle; du heizest liegen mich? daz sol ich hînte rechen alsô über dich, daz dir dîn zorn erhillet sô lûte nimmer mêre. ê daz ich erwinde, sô gemüet ez dinen rugge sêre.» 1279 «Daz wil ich widerrâten», sprach diu maget hêr, «daz ir mich mit besemen gestrâfet nimmer mêr. jâ bin ich verre tiurer dann' ir mit iuvern mâgen. als ungefüeger zühte der möhte iuch vil lîhté betrâgen.»

1280 Dô sprach diu wûlpinne: «wâ sint die sabene mîn, daz du alsô gewunden hâst die hende dîn sô rehte müezicliche in den dînen gêren? leb' ich deheine wîle, ich wil dich ándéren dienst lêren.» 1281 Dô sprach daz Hagenen kûnne: «ich hân sie ligen lân dâ nidene bî der flûete. dô ich sie wolde dan mit mir her ze hove tragen, sie wâren mir ze swære. beschouwet ir sie nimmer, daz ist mir ûf mîn triuwe vil unmære.» 1282 Dô sprach diu tiuvelinne: «ja genîuzest du sîn niht. ê daz ich entslâfe, wie leide dir geschiht!» dô hiez sî ûz ziunen brechen unde besemen binden. der ungefüegen zûhte wolde duo frou Gêrlint niht er- winden. 1283 Ze einem bettestalle binden siu sie hiez. in der kemenâten niemân siu bî ir liez. siu wolde ir hût die schœnen slahen von den beinen. die frouwen die daz westen, die begunden krefticlichen weinen. 1284 Mit listen sprach dô Kûdrûn: «daz wil ich iu sagen: wird' ich mit disem besemen hinte hie geslagen, gesiht mich immer ouge gestên bî kûnigen richen, dâ ich trage krône, es wirt iu gelônet sicherlichen. 1285 Dar umbe ir mich der zûhte muget vil gerne erlân; sô wil ich ê minnen den ich versprochen hân.

ich wil daz künicliche ze Ormanie bouwen. wird' ich gewaldic immer, sô tuon ich des niemen mac getrouwen.» 1286 Dô sprach diu frouwe Gêrlint: «sô lieze ich minen zorn. und ob du tûsent sabene hêtest mir verlorn, die wolde ich verkiesen. ez kome ouch dir ze guote ob du von Ormanie minnen wilt den fürsten Hartmuote.» 1287 Dô sprach diu maget schœne: «jâ wil ich mich erholn. dise manige quâle mag ich niht verdoln. heizet mir gewinnen den künic ûz Ormanin. swie er mir gebiutet, sô wil ich immer mêre sin.» 1288 Die dô die rede hôrten, die liefen balde dan. dem snellen Hartmuote wart ez kunt getân. bî im sâzen mêre der sines vater manne. dô saget' im einer mære, daz er ze Kûdrûnen gienge dannen. 1289 Der saget' im offenlichen: «gebt mir daz botenbrôt. der schœnen Hilden tohter ir dienst iu enbôt, daz ir komen ruochet zuo ir kemenâten. siu wil iuch nimmer fremeden. siu hât sich bezzer dinge sit berâten.» 1290 Dô sprach der ritter edele: «du liugest âne nôt. wæren wâr dîn mære, ich gæbe botenbrôt guoter bürge drîe und dar zuo huobe riche und sehzic bouge goldes. jâ wolde ich immer leben wünnicliche.»

1291 Dô sprach ein sîn geselle: «ich hân ez ouch vernomen. die gâbe wil ich teilen. ir sult ze hove komen. ez sprach diu maget edele, daz siu iuch gerne minne; ob ir des geruochet, siu werde hie ze lande küniginne.» 1292 Hartmuot der sagete dō dem boten danc. wie rehte frœlichen er von dem sedele spranc! er wände daz in minne hête got beräten. in frœlichem sinne gieng er zuo der meide kemenâten. 1293 Dâ stuont in nazzem hemede daz hêrliche kint. mit wéinênden ougen gruozte siu in sint. siu gieng im hin engegene und stuont im alsô nâhen, daz er mit sînen armen wolde Kûdrûnen umbevâhen. 1294 Siu sprach: «neinâ, Hartmuot, des entuot noch niht. jâ wizent iu'z die liute, swer sô daz ersiht. ich bin ein armiu wesche: ez mag iu wol versmâhen. ir sit ein kunic rîche; wie zæme ich iu mit armen umbevâhen? 1295 Ich erlôube ez iu danne vil wól, Hârtmuot, swann' ich stên under krône vor iwern recken guot. sô heize ich küniginne, sô sol i'u niht versmâhen; sô zimt ez wol uns beiden, sô sult ir mich mit armen umbevâhen.» 1296 In sînen grôzen zühten er stuont ûf hôher dan. er sprach ze Kûdrûnen: «maget vil wol getân, nu du mich ruochest minnen, ich wil dich hôhe mieten. mir und minen friunden maht du swaz du selbe wilt gebieten.»

1297 Dô sprach diu juncfrouwe: «mir wart sanfter nie. sol ich vil gotes armiu nu gebieten hie, so ist min gebot daz êrste nâch grôzer arebeit, ê daz ich hinte slâfe, daz man mir ein schœnez bat- bereite. 1298 Min gebot daz ander daz sol ditze sin, daz man mir balde bringe miniu magedin, swâ sô man sie vinde under Gêrlinde wiben. in ir phieselgademe ensôl ir dehêinîu beliben.» 1299 «Daz schaffe ich willicliche», sprach her Hartmuot. dô suocht' man ûz dem gademe manige maget guot, die mit strûbêndem hâre und in swachen kleiden hin ze hove giengen. diu übele Gêrlint was umbe- scheiden. 1300 Dô kômen dri und sehzeic dâ Hartmuot sie sach. Kûdrûn diu edele gezogenliche sprach: «nu schouwet, kûnic riche, welt ir daz hân für êre? wie sint erzogen die meide?» dô sprach er: «ez ge- schiht in nimmer mêre.» 1301 «Tuot mir'z ze liebe, Hartmuot», sprach daz edele kint, «alle mine meide, die hie verderbet sint, daz man sie bade hinte. volget miner ræte. ir sult sie sehen selbe dâ sie stên in wûnniclicher wæte.» 1302 Des antwurte Hartmuot, der ritter ûz erkorn: «liebiu mîn frou Kûdrûn, ist iht der kleider vlorn, diu mit in her brâhten iuwer ingesinden, sô gibet man in diu besten, diu man in der werlde inder vinde.

1303 Ich sol sie sehen gerne bî iu gekleidet stân.» bades vliziclichen gâhen man began. Hartmuotes kûnnes wart maniger kamerære. sie ildn alle ir dienen durch daz siu in dar nâch genædic wære. 1304 Dô wart gebadet schône diu hêrliche meit mit ir juncfrouwen. diu aller besten kleit, diu iemen haben kunde, brâhte man in allen. diu swâchéste drunder diu möhte einem kûnige wol gefallen. 1305 Dô sie gebadet wâren, dô brâhte man in win, daz in Ormanie niht bezzer mohte sin. mete den vil guoten brâhte man den frouwen. wie's im gedanket wurde, wie solde des her Hârtmûot getrouwen? 1306 In einen sal gesâzen diu minniclichen kint. ir tohter Ortrûnen biez frou Gêrlint daz siu sich dar zuo kleite mit ir juncfrouwen, ob siu die Hilden tohter wolde mit ir ingesinde schouwen. 1307 Ortrûn diu edele kleite sich zehant. siu gienc vil frœlichen da si Kûdrûnen vant. dô gienc ir hin engegene des wilden Hagenen kûnne. dô sie ensamet wâren, dô sach man beide freude unde wûnne. 1308 Sie kusten beide ein ander under rôttem golde guot; dar zuo schein ir varwe. gezweiet was ir muot.

liep was Ortrûnen, der kûniginne riche, daz siu die edelen weschen sach gekleidet alsô wûn- nicliche. 1309 Dô frewete sich diu arme, als wir hân verjehen, daz siu ir edelez kûnne sô schiere solde sehen. spilnde bi ein ander sâzen die vil hêren. swar sie dicke sæhen, ez möhte ein trûric herze freude lêren. 1310 «Wol mich», sprach frou Ortrûn, «daz ich gelebet hân, daz du bi Hartmuote wilt alhie bestân. des dinen guoten willen gebe ich dir ze lône, die ich tragen solde, miner muoter Gêrlinde krône.» 1311 «Nu lôn' dir got, Ortrûn», sprach daz magedin. «swie du mir gebiutest, sô wil ich gerne sin. du hâst beweinet dicke mines herzen leide. getriuwelicher dienste wil ich mich nimmer tác vôn dir scheiden.» 1312 In kintlichen listen sprach diu maget guot: «ir sult boten senden, mîn her Hartmuot, in Ormanieriche, ob ez in wol gevalle, nâch iwern besten friunden, daz sie her ze hove ko- men alle. 1313 Gestênt mit fride diu erbe, daz wil ich iu sagen, sô wil ich bi iu krône vor den helden tragen, daz ich daz müge erkennen, wer mîn ger ze frouwen. mich und mine mâge lâze ich iuwer recken danne schouwen.»

1314 Ez was ein list sô wiser. swaz er der boten vant, wol hundert oder mêre wurden ûz gesant. diu minner was der vinde, dô die Hegelinge suochten Hartmuoten. daz was ouch der méidê ge- dinge. 1315 Dô sprach diu frouwe Gêrlint: «liebiu tohter mîn, nu sult ir iuch scheiden. so ez âber morgen si, sô sit bi ein ander mit gezogenheite.» dô neic siu Kûdrûnen unde bût gôt sin ir geleite. 1316 Von dannen gienc dô Hartmuot. schenken man ir schuof unde truksæzen. dâ was vil kleiner ruof; man hiez dâ haben goume der stolzen meide rîche. mit trinken und mit spise phlac man der ellenden vlizicliche. 1317 Dô sprach von Hegelingen ein vil schœniu meit: «sô wir dar an gedenken, sô wirt uns dicke leit, sul wir bi den beliben, die uns hér brâhten, uns selben âne wûnne; des wir uns doch selten ie gedâhten.» 1318 Siu begunde weinen dâ ir frouwe saz. dô der kinde mêre gesehen heten daz (si gedâhten in ir sorgen ir ungemaches mêre), sie weinden sumeliche. des erlachte Kûdrûn diu hêre. 1319 Sie wânden, daz sie solden immer dâ bestân. dô was der frouwen wille ninder sô getân, daz siu belibe gerne bi in tage viere. dô kom ez an die zîte, dâz si'z Gêrlinden rûnden schiere.

1320 Ein teil ûz ir zühten lachen siu began, diu in vierzehn jâren freude nie gewan. daz hete wol gehœret diu übele tiuvelinne; diu wincte Ludewige. ez was ir leit von állén ir sinnen. 1321 Dô gienc siu vil schiere da si Hârtmúoten vant. siu sprach: «sun der mine, über állez ditze lant mûezen haben arebeit die liuté dar inne. ich ẹnweiz wes gelachet hât Kûdrûn diu schoene kû- niginne. 1322 Swie'z sich habe gefüege od swie si'z habe vernomen, ir sint von ir friunden heimliche boten komen. dâ von solt du dich hüeten, edel ritter hêre, daz du von ir friunden iht vliesest beide lip und ouch die êre.» 1323 Er sprach: «lât ez beliben. ich gan ir harte wol, swaz siu bi ir wiben freude haben sol. mir sint ir næhste mâge gesezzen alsô verre; wâ kœme ich in ir lâge? jâ wæn' mir von in immer iht gewerre.» 1324 Kûdrûn ir gesinde frâgen dô began, ob ir gebettet wære; siu wolde slâfen gân. siu was die naht al eine gescheiden von ir swære. dô giengen mit der meide des kûnic Hartmuotes ka- merære. 1325 Diu kint von Ormanie diu truogen ir diu lieht. sie heten ir gedienet dâ vor vil selden ieht.

man vant dâ gerihtet wol drizic oder mêre vil süberlicher bette, dâ solden lîgen der ritter toh- ter hêre. 1326 Dar ûfe lâgen golter dâ her von Arabê vil maniger hande varwe, und grüne alsam der klê, von listen harte tiure diu deckelachen riche. rôt vôn dem fiure schein gôlt ûz den siden süberliche 1327 An den liehten phellen. von maniger vische hût bezoge wâren drunder. Hartmuot was ir trût, der minnicklichen meide dâ her von Hegelingen. er weste niht der mære, waz im ir künne leides möhte bringen. 1328 Dô sprach diu maget edele: «jâ sult ir slâfen gân, ir Hartmuotes helede. wir wellen ruowe hân, ich und mine frouwen, doch dise naht al eine. sît wir her bekômen, sô gewûnné wir mêr deheine.» 1329 Swaz dâ was der fremeden, die sach man dannen gân, die wîsen mit den tumben. die Hartmuotes man die fîlden z'ir gemache ûz der kemenâten. von mete und ouch von wine die armen wâren vli- zichlich berâten. 1330 Dô sprach diu Hîlden tohter: «besliezet mir die tür.» starker rigele viere schôz mán der für.

ouch was daz gadem sô veste, swes man dâ begunde, deiz ûz der komenâten bescheidenlichen niemen hœ- ren kunde. 1331 Dô sâzen s' alrêrste und trunken guoten win. dô sprach diu aller hêrste: «frô muget ir wol sîn, alle mîne frouwen, nâch starkem iwerm leide. ich lâze iuch morgen schouwen an iwern frîunden liebe- ougen weide. 1332 Ich hân gekûsset hiute Herwîge minen man und Ortwin minen bruoder. dâ sult ir denken an: swelhîu wil werden rîche von mir ân' allez sorgen, diu sî des genœte, daz siu uns kûnde nâch der naht den morgen. 1333 Ir miete wirt niht ringe. uns nâhent freuden zît. jâ gibe ich ir ze miete guote bûrge wît, dar zuo vil der huoben. die mac ich wol gewinnen, gelebe ich an die stunde, daz man mich nennet eine kûniginne.» 1334 Dô legten sie sich slâfen; frô was in der muot. sie westen daz in kœme manic ritter guot, die in gehelfen möhten von ir grôzen sorgen. dar zuo stuont ir gedinge, daz si s' sæhen an dem næhsten morgen.

1335 Nu hœren wir ein mære, des habe wir niht vernomen, Ortwin unde Herwic wârén nu komen dâ sie ir recken funden noch ûf dem wilden sande. dô liefen in engegene die helde ûzer Hegelinge lande. 1336 Die boten sie wol enphingen und bâten in daz sagen, waz sie mære bræhten; sie solden s' niht verdagen. Ortwin den küenen, den man dar umbe sande, sie frâgten: «lebet noch Kûdrûn in des kûnic Lude- wiges lande?» 1337 Dô sprach der ritter edele: «ich mag iu niht gesagen, állén besunder; jâ muoz ich iuch verdagen, unz unser beste friunde bî mir gestênt vil nâhen: sô lâze wir iuch hœren, waz wir vor Hartmuotes bürge sâhen.» 1338 Dô sagete man'z den helden; der kom ein michel kraft. dô wurden s' umbestanden mit grôzer ritterschaft. dô sprach der degen Ortwin: «nu bringe ich iu mære, möhte ez sich gefüegen, der ich mit mînen friunden gerne enbære.

1339 Nu hœret michel wunder, daz hie ist geschehen. Kûdrûn mine swester die hân ich gesehen unde Hildeburge, die maget ûz Îrriche.» dô er in daz sagete, dô heten ez für lüge sumeliche. 1340 Dô sprâchen sumeliche: «den spot mugt ir wol lân, wan wir nâch ir gesinnet nu lange zite hân, wie wir sie wider bræhten von Ludewiges lande. Ortwîn und sîne degene die sint noch ûf dem schaden und ûf der schande.» 1341 «Nu frâget Herwîgen, der hât sie ouch gesehen, und alsô daz uns kunde leider niht geschehen. nu gedénket, alle ir mâge, ob uns daz si ein schande: wir funden Hildeburgen und Kûdrûnen waschen ûf dem sande.» 1342 Dô weinden alle mâge, die man dâ gesach. Wate der vil alde zornicliche sprach: «ir gebâret alle wiben vil geliche, ir enwizzet niht war umbe. jâ stêt ez helden niht ze lobeliche. 1343 Welt ir Kûdrûnen helfen ûz der nôt, sô sult ir nâch der wize diu kleider machen rôt, diu dâ habent gewaschen ir vil wize hende. dâ mite sult ir ir dienen; sô mac siu komen ûz ir éllénde.» 1344 Dô sprach von Tenen Fruote: «wie viengen wir daz an, daz wir ze ir lande kœmen, ê Ludewiges man und Hartmuotes helde erfunden disiu mære, daz Hilden ingesinde bi in in Ormanieriche wære?»

1345 Dô sprach Wate der alde: «dâ kan ich râten wol. ich getrôuwe in vor der selde gedienen als ich sol, gelebe ich noch die zite, daz ich in kum sô nâhen. ir helde, ir sult'z hie rûmen und sult gegen Orma- nie gâhen. 1346 Der luft ist sô heiter, sô riche und sô breit der mâne schinet hinte: des bin ich gemeit. nu gâhet von dem sande, ir tiwerlichen helde, ê ez tage morgen, daz wir sin ze Ludewiges selde.» 1347 Sie wurden harte unmûezic durch den Waten râ, t, ê sie zen schiffen bræhten ir ros und ir wât. sie îlden, swaz sie mohten, des nahtes zuo dem lande. ê daz ez tagen begunde, sie wâren vor der bürge ûf dem sande. 1348 Wate der bat swigen daz here über al, daz sie sich sanfte legten den griez hin ze tal. den wazzermûeden helden den wart daz erlobet: sie strachten nider die schilde, dar ûf legten sume- liche ir houbet. 1349 «Swer an dem morgen früeje gerne welle sigen», sô sprach Wate der alde, «der sol sich niht verligen. jâ hân wir dirre verte erbiten harte kûme, sô wir den morgen kieszen, daz iuch gûote recken ihtes iht dann' sûme. 1350 Und wil iuch warnen mêre: ûf und ouch ze tal swer sô høre diezen mines hornes schal,

daz der sich sâ ze stunde rihte gêne dem strite, künde ich iu den morgen, daz iuwer keiner dâ iht langer bite. 1351 So ich ander stunt geblâse, des sult ir niht lân, iu ensî gesatelet. zen rossen sult ir gân und stêt dâ bereite, unz ich den tac erkiese, ze rehter sturmes zîte daz niemen dâ sin arebeit ver- liese.» 1352 Sie jâhen daz si'z gerne tæten swaz er riet. waz er dâ schœner frouwen von ir frôweden schiet mit verchtiefen wunden in dem herten strite! sie warten allgemeine niewan gêne des næhsten tages ziten. 1353 «So ich drî stunt geblâse, ir lieben friunde mîn, sô sult ir wol gewâfent ûf den rossen sin. dannoch sult ir degene mîn dâ gerne biten, unz ir mich sehet gewâfent nâch der schœnen Hilden zeichen riten.» 1354 Dô legten sich die müeden ûf den wert ze tal. sie wâren dô vil nâhen vor Ludewiges sal. swie'z bi der naht wære, den sâhen sie doch alle. die stolzen helden mære lâgen dâ mit wênigem schalle. 1355 Nu was der morgensterne hôhe ûf gegân. dô kom ein maget schœne in ein venster stân. siu spehete, wanne ez wære daz ez tagen solde, dâ mite siu grôze miete án froun Kûdrûnen dienen wolde.

1356 Dô kôs diu maget edele ein teil des morgens schîn. gêns des wazzers brehene, als ez solde sîn, sach siu liuhten helme und vil der liehten schilde. diu burc was besezzen; von gewæfen lûhte al daz gevilde. 1357 Dô gienc siu hin widere dâ siu ir frouwen vant. «wachet, maget edele, allez ditze lant und disiu burc veste mit vinden ist besezzen. unser friunt dâ heime habent unser armen niht ver- gezzen.» 1358 Kûdrûn diu hêre ûz dem bette spranc. gâch was ir an daz venster. siu saget' der meide danc dirre boteschefte; dâ von wart siu riche. von ir grôzen swære siu goumte nâch ir friunden vli- zicliche. 1359 Dô sach siu riche segele wagen ûf dem sê. dô sprach diu maget edele: «nu ist mir êrste wê. owê ich gotes armiu, deich ie den lip gewan! man siht hie hiute sterben manigen wætlichen man.» 1360 Dô siu daz geredete, daz liut noch meistec slief. Ludwîges wahtære krefticlichen rief: «wol ûf, ir stolzen recken! wâfen, herre, wâfen! her kûnic von Ormanic, jâ wæne ich ir ze lange habt geslâfen.» 1361 Ditze erhôrte Gêrlint, daz Ludewîges wip. dô liez siu ligen slâfen des alden kûniges lip.

dô gâht' siu harte balde selbe in eine zinne. dâ sach siu vil der geste. unmâzen leit was dô der tiuvelinne. 1362 Siu îldé hin widere dâ siu den kûnic vant. «wachâ, herre Ludewic! dîn burc und ouch dîn lant daz ist umbemûret von gesten ungehiure. daz lachen Kûdrûnen koufent dîne recken hiute tiure.» 1363 «Swîget», sprach dô Ludewic, «ich wil sie selbe sehen. wir müezen's alle erbiten swaz uns nu mac geschehen.» dô gienc er harte snelle in sin palas schouwen. er het des tages geste, der er übele mōhté getrouwen. 1364 Dô sach er vanen breite vor siner bürge wagen. dô sprach der kûnic Ludewic: «jâ sul wir ez sagen mim' sune Hartmuote. ez sint lîhtc bilgerine und ligent hie durch koufen vor der stat und vor der bürge mine.» 1365 Man wahte Hartmuote. do ẹz im wart geseit, dô sprach der degen guote: «lât iu niht wesen leit. ich erkénne fürsten zeichen wol in zweinzic landen. ich wæn' die vînde wellen réchén an uns ir alden anden.»

1366 Dô liez er ligen slâfen alle sîne man. Ludewic und Hartmuot die zwêne giengen dan schouwen in diu venster. dô sie diu here sâhen, schiere sprach dô Hartmuot: «sie ligent minner bürge ein teil ze nâhen. 1367 Ez sint niht bilgerîne, vil lieber vater mîn. Wate und ouch die sîne mugen ez vil wol sîn, der helt von Sturmlanden und der von Ortriche. dort sihe ich wagen ein zeichen, daz mac sich dem mære wol gelichen. 1368 Ez ist ein brûner phelle dâ her von Karadê. ê daz sich der geneige, dâ bî wirt helden wê. dar inne swebet ein houbet, daz ist von rôtem golde. alsô küener geste ich hie ze lande gerne enbern wolde. 1369 Uns bringet der von Mœren wol zweinzic tûsent man. daz sint vil küene degene, als ich gesehen kan. die wellen an uns werben mit strite michel êre. noch sihe ich dort ein zeichen, dâ bî lit der hêldê noch mêre.

1370 Der van ist Hôrandes dâ her von Tenelant. dâ bi sih' ich hern Fruoten, der ist mir erkant, und hern Môrungen von Wâleis dem lande. der hât uns vil der vinde gefüeret wider morgen zuo dem sande. 1371 Noch sihe ich ir einen mit liehten sparren rôt: dâ stênt örter inne. des koment helde in nôt. der ist Ortwines dâ her von Ortriche, dem wir den vater sluogen; der enkumt uns niht ze fríuntlîche. 1372 Dort sihe ich vanen einen, der'st wizer danne ein swan. gúldîniu bilde muget ir kiesen dran. den hât mîn swiger Hilde gesendet über ünde. der haz der Hegelinge wirt ê morgen âbent vil wol künde. 1373 Noch sihe ich hie bi weiben einen vanen breit von wolkenblâwen siden. daz si iu geseit: den bringet uns her Herwic dâ her von Sêlande. sêbleter swebent dar inne. er wil hie vaste reken sinen anden. 1374 Ouch kumt uns her Îrolt, des mag ich wol jehen. er bringet vil der Friesen, als ich mich kan versehen, und ouch der Holzæzen; daz sint ziere helde. ez nâhet z'einem sturme. nu wâfent iuch, ir recken, in der selde.»

1375 «Nu wol úf», sprach Hartmuot, «alle mine man, wan ich den grimmen gesten der ére niht engan, daz sie ze miner bürge geriten sint sô nâhen. wir suln sie vor der porten mit den swértslégen wol enphâhen.» 1376 Dô sprungen von den betten . die man noch ligende vant. sie ruoften, daz man bræhte ir liehtez wicgewant. sie wóldén dem kúnige helfen wern daz riche. wol vierzic hundert degene garten sich dar inne sū- berliche. 1377 Dô wāfent' sich Ludewic und ouch Hartmuot. die frouwen ellende dūhte ez übele guot. sie heten in der bürge ganzen trôst deheinen. dô sprach ir einiu drunder: «der vert lachte, den lāt hiure weinen.» 1378 Vil schiere kom frou Gêrlint, daz Ludewiges wip. «waz welt ir tuon, her Hartmuot? . zwiu welt ir den lip selbe hie verliesen und alle dise helde? jā slahent iuch die vīnde, kumt ir zuo in dár űz den selden.» 1379 Dô sprach der ritter edele: «muoter, gêt hin dan. ir muget niht bewisen mich und mine man. râtet iwern frouwen, die mugen'z sanfte liden, wie sie daz gesteine legen mit dem golde in die sīden. 1380 Nu sult ir», sprach Hartmuot, «waschen heizen gān Kūdrūn mit ir meiden, als ir ê habt getān.

ir wândet siu enhête niht friunt noch ingesinde. ir muget noch hiute schouwen, daz uns die gésté ge- dankent swinde.» 1381 Dô sprach diu tiuvelinne: «dâ mite diende ich dir, daz ich sie wände twingen. nu solt du volgen mir. dîn burc ist sô veste, heiz diniu tor besliezen; sô mugen dise geste ir reise harte lützel her ge- niezen. 1382 Du weist vil wol, Hartmuot, daz sie dir sint gebaz, den du ir mäge slüege; nu hüete dich diu baz. du hâst vor der bürge gesippen friunt deheinen. die stolzen Hegelinge bringent ir ie zweinzic wider einen. 1383 Ir sult ouch daz bedenken, vil lieber sun mîn: ir habt in disem hûse brôt únde win unde guote spise vollen z'einem jâre. swer hie wirt gevangen, jâ lâzent sie den lœsen harte undâre.» 1384 Dô riet aber dem recken daz Ludewiges wip: «behüetet iuwer êre, verlieset niht den lip. mit armbrusten heizet ûz den venstern schiezen die grimmigen verschwunden, daz ez ir friunt dâ héimé beriezen. 1385 Ántwerc diu besten heizet seilen wol gegen disen gesten. diu burc ist recken vol.

ê ich iuch mit den vinden swerte lâze brûchen, ich und mine meide tragen iu die steine in wizen stûchen.» 1386 Dô sprach in zorne Hartmuot: «frouwe, nu gêt hin. waz muget ir mir gerâten? zwiu solde mir mîn sin? ê man mich beslozen in dirre bürge vinde, ê wolt' ich ersterben dâ tûzen bî dem Hilden in- gesinde.» 1387 Dô sprach wéinénde des alden kúniges wip: «jâ tuon ich'z dar umbe, daz du dinen lîp deste baz behûetest. swer sich lât hiute schouwen under dinem zeichen, der mag uns alles guotes wol getrouwen.» 1388 «Nu wâfent iuch», sprach Gêrlint. «bî dem sune min houwet ûz den helmen den heizen fiures schîn. ir sult bî dem recken hiute wesen nâhen. jâ sult ir die geste mit den tiefen wunden wol en- phâhen.» 1389 «Min frouwe saget iu rechte», sprach dô Hartmuot, «ir vil guote knehte. swer ez mit willén tuot, und mir ez mit den vinden hiute hilfet tîchen, swaz der alden stirbet, den wil ich die weisen alle reichen.» 1390 Gewâfent wart dar inne der Ludewiges man tûsent unde hundert. ê daz sie fûeren dan

ûz des küniges porte, der bürge schuof er huote. noch liezen sie dar inne wol fünf hundert snelle ritter guote. 1391 Dô slôz man ûf die rigele ze vieren bürge torn. sie heten niht gebresten gén éinigem sporn. die dem jungen künige wolden helfen striten, mit helmen ûf gebunden sach mán dèr drizic hundert nâch im riten. 1392 Nu nâhent ez dem strite. der helt ûz Sturmlant begunde ein horn blâsen, daz man'z über sant wol von sinen kreften hörde drizic mile. die von Hegelingen begunden zuo dem Hilden zeichen ilen. 1393 Dô blies er ander stunde; daz tet er umbe daz, daz ieclicher recke in den satel saz und ir schar schihten dar sie wolden kêren. man gefriesch in den striten nie álden recken alsô hêren. 1394 Er blies ze dritten stunden mit einer krefte grôz, daz im der wert erwagete und im der wâc erdôz. Ludwiges eckesteine ûz der mûre möhten risen. dô hiez er Hôranden der schœnen Hilden zeichen dannen wîsen. 1395 Sie vorhten Waten sêre. dâ wart niemen lût. man hörde ein ros ergrinen. daz Herwîges trût

stuont obene in der zinne. stateliche riten sach man die küenen recken, die mit Hartmuote wol- den striten. 1396 Nu was ouch komen Hartmuot unde sine man, ze vlize wol gewâfent, ûz der porten dan. von fremeden und von kunden durch die venstersteine erglasten in die helme. jâ enwas ouch Hartmuot dâ niht eine. 1397 Der bürge in vieren enden giengen zuo die schar. allez ir gewæte was nâch silber var. dar zuo sach man schinen gespenge ab liechten schilden. sie vorhten Waten den alden alsam einen grimmigen lewen wilden. 1398 Die helde von den Mœren man sunder riten sach, schiezen starke schefte. vil trunzen dâ zerbrach. dô sie den strit erhoben mit den von Ormandine, dô sach man ûz ir wâfen und ûz ir brünne fiures blicke erscheinen. 1399 Die von Tenemarke zer bürge riten dan. Îrolt der vil starke wisen dô began der mûre an ein ende sehs tûsent oder mêre; daz wâren guote helde. ez schadete Ludewige harte sêre. 1400 Dô reit mit sînen mannen sunder Ortwin. er fuorte ir ahzic hundert; daz muose schade sin dem lande z'Ormanie und ouch den liuten drinne. Gêrlint und Ortrûn wêinénde stuonden an der zinne.

1401 Dô kom ouch her Herwic, froun Kûdrûnen man, des vil manic frouwe grôzen schaden gewan, da er begunde striten nâch sines herzen trûte. von den starken wâfen hورت' mán die helme erdiezen harte lûte. 1402 Nu was ouch Wate der alde mit sinen recken komen. der helt was grimmes muotes, daz heten sie vernomen. mit speren ungeneigten reit er unz an die schranken. leit was ez Gêrlinde; dô mohte ab ez Kûdrûn im ge- danken. 1403 Dô sach man Hartmuoten ritten vor der schar. ob er ein keiser wære, sô kunde er nimmer gar vliziclicher werben. ez lûhte gên der sunnen allez sin gewæte. im was noch hôhes muotes un- zerunnen. 1404 Dô ersach in Ortwin, der kûnic von Ortlant. er sprach: «und saget uns iemen, dem ez si erkant, wer ist jener recke? er vert dem wol geliche, sam er mit siner hende an uns erdienen welle ein kûnicriche.» 1405 Dô sprach ir einer drunder: «daz ist Hartmuot. dâ man sol helde kiesên, da ist er ein ritter guot. jâ ist ez der selbe, der dinen vater sluoc. er ist in allen striten küene und bîderbe genuoc.»

1406 In zorne sprach Ortwin: «sô ist er mîn geschol. er muoz mir sicherliche hiute gelden wol. swaz wir von im verlorn hân, daz sul wir hie gewinnen. des hilfet im niht Gêrlint, daz er immer lebende kome hinnen.» 1407 Dô het Ortwinen Hârtmúot erkorn. swie er sin niht erkande, doch hiew er mit den sporn sin ros, deiz spranc vil wite. er reit ûf Ortwinen. ir sper sie neigten bêde; dâ von sach man liehte brünne erscheinen. 1408 Ir ietweder des andern mit stiche niht vergaz. Ortwines ros daz guote ûf die hehsen saz. der künige ungemüete sie mohten niht verdoln. dô sach man ouch strûchen des künic Hartmuotes voln. 1409 Diu ros ûf gesprungen. dô huop sich michel klanc von der künige swerten. man mohte in's sagen danc, daz sie den strit erhoben sô rehte ritterlichen. sie wâren beide küene; sie wóldén ein ander niht entwichen. 1410 Ir beider ingesinde kom mit geneigten spern. daz geschádete manigem kinde. ein ander sach man wern mit hurte tiefer wunden die guoten ritter sêre. sie wâren alle bíderbe unde wúrbén vil vaste umb' ére. 1411 Tûsent wider tûsent der Hartmuotes man ze Waten ingesinde dringen dô began.

der herre von den Stürmen leidet' in sô sêre: swer im kom sô nâhen, der gedâhte dringens nim- mer mêre. 1412 Dô was unterschüttet diu Herwiges schar mit zehen tûsent mannen; die kômen zornic dar. ê daz sie iemen solde von dem lande triben, sie wâren in dem muote, daz sie wolden tôt dâ be- liben. 1413 Herwic was ein recke; wie weigerliche er streit! er diende vliziclichen, daz im diu schœne meit deste holder wære. wie im dâ gelunge, wie möhte er des getrouwen? ez sach allez Kûdrûn diu junge. 1414 Dô hete sich gesamenet mit den von Tenelant Ludewic der alde. der truog an siner hant ein vil starkez wâfen. er stuont alsam ein herre. er und sine degene kômen für die schrânkén ze verre. 1415 Mit den Holzsæzen manigen ersluoc Frúoté der küene; frum was er genuoc. von Wâleis ûz dem lande Môrûnc den degen jungen vor Ludewiges bürge sach man die erde mit den tô- ten tungen. 1416 Îrolt der junge was ein ritter guot. der hiew ûz den ringen daz heize walbluot. bî dem Hilden zeichen streit daz Waten künne. man sach diu houbet bleichen; jâ tâten sie die dicken schar vil dünne.

1417 Dô samende sich her Hartmuot und Ortwin alsam ê. die winde wæten verre sô dicke nie den snê, sô die helde tâten diu swert an den handen. dô wart aber Hartmuot von dem kûnige ûz Ortlant bestanden. 1418 Ortwin der junge bîderbe wás genuoc. Hartmuot der starke in durch den helm sluoc, daz im sin liehtiu brûnne mit bluote gar beran. daz sâhen vil ungérne des kûnen Ortwinnes man. 1419 Dô wart ein michel dringen; gemischet wart der strit. die sluogen durch die ringe vil manige wunden wit. dô sach man mit den swerten geneiget maniges houbet. der Tôt tet dem geliche, daz er die liute guoter friunde roubet. 1420 Dô sach von Tenen Hôrant Ortwinen wunt. dô begunde er frâgen, wer iht ungesunt gemachet' in dem strite sinen lieben herren. Hartmuot der lachte; jâ wâren s' von ein ander vil unverre. 1421 Ortwin sagete im selbe: «daz tet her Hartmuot.» dô gap daz Hilden zeichen von im der degen guot, daz er wol kunde bringen nâch maniger grôzen êre ze schaden sinen vinden. des dráng ér nâch Hart- muote sêre. 1422 Hartmuot bî im horte ungefüegen schal. er sach daz bluot rilîchen vliezen hin ze tal

vil manigen ûz den wunden nider zuo den füezen. dô sprach der degen küene: «den schaden sol ich minen helden büezen.» 1423 Dô kêrte er sich hin umbe da er Hôranden sach. von ir beider ellen balde daz geschach: daz fiwer von den ringen in drâte für diu ougen. sich bugen swertes ecke von ir handen ûf den helm- bóugen. 1424 Er wundet' Hôranden, als ouch ê geschach dem küenen Ortwine, daz im ein rôter bach flôz ûz sinen ringen von Hartmuotes handen. er was sô rehte biderbe; wer solde muoten dô nâch sinen landen? 1425 Gescheidet wart mit strite von ir beider man in angestlicher zite vil schilde wol getân mit den guoten swerten, diu sî ûf ein ander sêre vliziclichen sluogen. Hartmuot werte sich nâch grö- zer êre. 1426 Ortwîns und Hôrandes friunde huoten sit daz sî ûz der schar wichen, daz man ir wunden wit frúmté gebunden; des gâhten sie vil sêre. dô riten sie hin widere. von in wart gestriten sider mêre. 1427 Nu lâze wir sie muoten swes sie nu gezeme. wer dâ frume gewinne oder wér dâ schaden neme, daz ist hie unverscheiden vor Ludewiges veste. sin volc daz wert' sich grimme: dâ wurben wol nâch êré die geste.

1428 Man kunde iu von in allen geliche niht gesagen. der man dâ gedenket, der wart dâ vil erslagen. man horte in vieren enden der swerte vil erschellen. man mohte dâ zen stunden gescheiden niht die trê- gen noch die snellen. 1429 Wate stuont niht mûezic, daz ich gelouben wil. er het ir vil gegrûezet des libes an ein zil, die von sinen handên vor im verhouwen lâgen. daz wolden rechen gerne ûz Ormanin der guoten ritter mâge. 1430 Nu was komen Herwic, als uns ist geseit, gegen Ludewige mit einer schar breit, aldâ er sach striten Ludwîgên den alden, dâ er und sine degene wonder vil der guoten recken valden. 1431 Lûte ruoft' dô Herwic: «ist iemen daz erkant, wer ist jener alde? der hât mit siner hant sô vil der tiefen wunden allez hie gehouwen von sinem starken ellen, daz ez beweinen müezen schœne frouwen. 1432 Daz erhorte Ludewic, der voget ûz Ormanin. «wer ist der in der herte hât gefrâget min? ich bin geheizen Ludewic von Ormanieriche. möhte ich mit den vinden gestrîtén, daz tæte ich sicherliche.» 1433 Dô sprach der kûnic Herwic: «du hâst verdienet daz, nu du heizest Ludewic, daz ich dir bin gehaz,

wan du uns vil der helde slüege ûf einem sande. von dir erstarp ouch Hetele; der was ein küener heldt ze sinen handen. 1434 Du tæte uns schaden mære, ê daz du schiedest dan. den klage wir noch vil sère. dâ von ich gewan sô vil der herzen swære. du stæle mir min frouwen. ûf dem Wülpensande und lieze miner helde vil ver- houwen. 1435 Ich bin geheizen Herwic: du næme mir min wip; die muost du geben widere, ode únsrer eines lip muoz dar umbe sterben, dar zuo der recken mære.» dô sprach der kûnic Ludewic: «du drôwest mir in minem lant ze sère. 1436 Du hâst mir dine bihte âne nôt getân. ir ist lie noch mære, den ich genommen hân ir guot und ir mâge. des solt du mir getrouwen: ich sol ez alsô schaffen, daz du nimmer kûssest dine frouwen.» 1437 Nâch dem selben worte ein ander liefen an die zwêne riche kûnige. swer ez dâ guot gewan, der holde ez unsanfte von ir jungeligen. von ir beider zeichen sach man manigen guoten zuo in springen. 1438 Hérwîc was biderbe und kûené genuoc. der vater Hartmuotes den jungen kûnic sluoc,

daz er begunde strûchen vor Ludewiges handen. er wolde in hân gescheiden von sinem libe und von sinen landen. 1439 Wæren niht sô nâhen die Herwiges man, die im mit vlize hulfen, sô kund' er nimmer dan ãné sin ende von im sin gescheiden. alsô kunde Ludewic der alde sich den kinden bi im leiden. 1440 Die hulfen Herwige, daz er dâ genas. dô er sines valles wider komen was, dô blihte er harte schiere ze berge gegen der zinne, ob er inder sæhe dar inne stên sins herzen triutinne. 1441 Er gedâhte in sinem muote: «ach wie ist mir geschehen? ob min frouwe Kûdrûn ditze hât gesehen, gelebe wir daz immer deich sie sol umbevâhen, siu tuot mir itewize, sô ich bi minner frouwen lige nâhen.

1442 Daz mich der altgrise hie nider hât geslagen, des scham ich mich vil sêre.» sin zeichen hiez er tragen hin nâch Ludewige mit den sinen mannen. sie drungen nâch den vinden; sine wolden in niht lâzen dannen. 1443 Ludewic der horte hinder im den schal. dô kêrte er wider umbe gegen im ze tal. dô horte er ûf den helmen swerte vil erdiezen. die dâ bi in wâren, die mohte ir beider grimmes wol verdriezen. 1444 Sie sprungen zuo ein ander durch strit in daz wal, dâ herte wider herte in dem sturme ergal. waz dâ liute ersturbe, wer kunde's wizzen aht? des vlôs Ludewic den sic, do er mit Herwige vaht. 1445 Der Kûdrûnen friedel under hêlme über rant erreichte Ludewigen mit ellenthafter hant. er wundet' in sô sêre, daz er niht mohte striten. dâ von muoste Ludewic des grimmen tôdes dâ vor im erbitten. 1446 Er sluog im ander stunde einen vesten swanc, daz des kûniges houbet von der ahsel spranc. er het im wol vergolden, daz er was gefallen. der kûnic was erstorben; des muosten schœniu ougen überwallen. 1447 Die Ludewiges helde daz zeichen wolden tragen wider zuo der selde, als er wart erslagen.

dô wâren sie der porten komen gar ze verre. dô nam man in daz zeichen. ir muoste vil beliben bi ir herren. 1448 Dô sach der bürge huote, wie er verlôs den lip. * dô hôrt' man lûte weinen mán únde wip. sie westen wol erstorben den alden kûnic rîchen. Kûdrûn und ir gesinde stuonden dâ ze hove angest- lichen. 1449 Dô weste niht der mære der degen Hartmuot, daz erslagen wære mit manigem ritter guot sin vater und manic tumbe, die ir mâge wâren. dô hôrte er in der bürge schrien lûte und angestlich gebâren. 1450 Dô sprach zuo sinen mannen Hartmuot der degen: «nu wendet mit mir dannen. ir ist hie vil gelegen, die uns slahen wolden in dem herten strite. nu kêret zuo der bürge, unze daz wir bezzer wile erbiten.» 1451 Des wolden sie im folgen; sie kêrten dâ er reit. sie heten'z überhouwen mit grôzer arebeit dâ sie gewesen wâren bi grimmen vîanden. daz bluot flôz witen nidere von Hârtmuotès und siner recken handen. 1452 «Ir habt mir sô gedienet, ir mâge und mine man, daz ich iu miner erbe mit mir ze habene gan. nu sul wir rîten ruowen zuo der veste min. man tuot uns ûf die porten und schenket uns mete unde win.»

1453 Sie heten vil der degene hinder in verlân. wær' daz lant ir eigen, sin' kunde'n'z hân getân bezzer in dem strite. sie wolden zuo der selde. Wate sie sümte starke unde mit im tûsent siner helde. 1454 Er was unz an die porte mit grôzer kraft gegân, dâ Hartmuot hin wolde mit den sinen man. sie kunde'n'z niht verenden; in zoget' es harte kleine. sie sâhen abe der mûre wérfén mit mánigem lástéine. 1455 Ûf Waten und sine helde sô grimme man dâ schôz, sam von dem lufte nidere gienge ein schûr grôz. wer lebete oder sturbe, daz ahte Waten ringe. wie er den sic erwurbe, dar nâch stuont im aller sin gedinge. 1456 Dô sach in her Hartmuot vor dem bürgetor. er sprach: «daz wir verdienet haben hie bevor, daz wil sich wærliche hiute an uns erzeigen. die gesûnden haben sorge; jâ lit uns hie vil der rê- veigen. 1457 Daz ich der starken vinde ie sô vil gewan, daz mûet mich nu vil sêre. Waten und sine man den sihe ich an dem bürgetor dort mit swertén houwen. sol er sin portenære, sô mag i'm keines guotes niht getrouwen. 1458 Ir recken, schouwet selbe: die mûre und ouch diu tor sint vaste umbezimbert; da ist vil der helde vor. in allen vieren enden bouwent sie die strâze. Kûdrûnen friunde werbent nâch dem sige âne mâze.

1459 Daz muget ir selbe kiesen, als ich hân gesehen. wir müezen friunde vliesen; swie daz si geschehen, vor der ûzern porten sih' ich von Môrlichen wagen des landes zeichen. daz werent mine helde vliziclichen. 1460 Dâ bi in der næhsten sih' ich die vinde min. der wint diu örter rüeret. dâ ist her Ortwin, froun Kûdrûnen bruoder; der wil hie dienen frouwen. ê im der muot erkuolet, sô wirt mêre helme hie ver- houwen. 1461 Sô sihe ich bi der dritten Herwigen stân; dem habent dar gevolget wol siben tûsent man. er dienet ritterliche nâch seines herzen wûnne. daz siht hiute gerne frou Kûdrûn und ouch der me- gede kûnne. 1462 Nu hât sich versûmet mines herzen sin. nu enweiz ich wâ ich wende mit minen recken hin, sit daz Wate der alde zer vierden porten stritet. L min gesinde drinne daz wæn' et siner friunde lange bitet. 1463 Ich mac niht gefliegen, vedere hân ich niht. ich enmac ouch under d'erde, swaz anders mir ge- schiht. wir mugen ouch vor den vinden niht kêren zuo den ûnden. den besten minen willen wil ich iu bescheidenlichen kûnden.

1464 Sîn kan niht anders werden, ir edele ritter guot. erbeizet zuo der erden und houwet heizez bluot ûz den liechten ringen; des lât iuch niht verdriezen.» sie stuonden von den satelen; diu ros sie hinder sich ze rugge stiezen. 1465 «Nu zuo, ir mæren helde», sprach dô Hartmuot. «gêt nâher zuo der selde. ez sî übel oder guot, ich muoz ze Waten dem alden. swie mir dâ gelinge, ich wil doch versuochen, ob ich in hôher von der porten bringe.» 1466 Mit ûf geworfen swerten begunden sie dô gân, Hartmuot der küene und ouch sine man. do bestúont er Waten den grimmen; daz was dem helde ein ère. L dô hôrt' man swert erklingen. dô starp guoter ritter deste mêre. 1467 Dô Wate Hartmuoten zuo im dringen sach (den vanen truoc her Fruote), der helt mit zorne sprach: «jâ hœre ich zuo uns vaste vil guoter swerte erklingen. vil lieber neve Fruote, lât iuch niemen von der porten dringen.» 1468 Wate vil zorniclichen lief Hartmuoten an. dô wolde im niht entwichen der wætliche man. der melm gê der sunnen truobte harte sêre. ir kraft was unzerunnen. Hartmuot und Wate wurben vaste umb' ère. 1469 Waz half daz man sagete, sehs und zwéinzic manne kraft hête Wate der alde? doch gab im ritterschaft

Hartmuot der junge dâ her von Ormanine. swie die geste tæten, er versuochte ez vaste mit den sinen. 1470 Er was ouch ein recke und tet in strite wol. der berc von den tôten lac allenthalben vol. ez was ein michel wonder, daz dâ Hartmuot von Waten niht muoste sterben; vil grimme wás dér gemuot. 1471 Er hôrte lûte erschren daz Ludewiges wip. sin muoter Gêrlint klagete des edelen kûniges lip. siu bôt vil grôze miete, daz man'z iht vertrûege; daz man Kûdrûnen mit âllêm ir ingesinde slûege. 1472 Dô lief ein ungetriuwer, dem was liep daz guot, daz er beswârte sêre der schœnen frouwen muot, dâ bî ein ander sâzen diu kint von Hegelingen. durch die vil hôhen miete wolt' ér sie alle von dem lebene bringen. 1473 Als diu Hilden tohter sach blôz ein wâfen tragen gegen ir zornicliche, siu mohte balde klagen, daz siu sô verre wære von ir friunden komen. und sæhe ez niht her Hartmuot, ir wære ir houbet dâ benomen. 1474 Si vergáz ein teil ir zûhte; wie lûté siu schrê, als siu ersterben solde! diu angest tet ir wê. sam tâten d'andern frouwen, die dâ bî ir wâren in den witen venstern. jâ sach man sie vil übele ge- bâren.

1475 Si ẹrkande bi ir stimme der recke Hartmuot. in wundert' waz ir wære. dō sach der helt guot einen ungezogenen mit dem swerte stān, als er sie slahen wolde. der helt dō rüefén began: 1476 «Wer sit ir, zage bœse? waz twinget iuch des nōt, daz ir die juncfrouwen wellet slahen tōt? und slüeget ir ir eine, iwer lében wær' zergangen. allez iuwer künne müese sicherlichen drumbe hangen.» 1477 Jener spranc ûf hôher; er vorhte sinen zorn. dō het der künic selbe nâch den lip verlorn, daz er die gotes arme durch sine triuwe trōste, dō ẹr selbe stuont in sorge, daz er sie von dem grim- men tōde erlōste. 1478 Schiere kom Ortrūn von Ormanielant diu junge küniginne mit windender hant zūo froun Kūdrūnen, diu junge maget hêre. siu viel ir für die füeze; siu klagete ir vater Lude- wigen sêre. 1479 Siu sprach: «lâ dich erbarmen, edelez fürsten kint, sō vil miner mâge, die hie erstorben sint, und gedénke wie dir wære, do man slūoc den vater dinen. edele küniginne, nu hân ich hiute vloren hie den minen. 1480 Nu sich, maget edele: ditz ist ein grōziu nōt. min vater und mine mâge sint aller meiste tōt.

nu stêt der recke Hartmuot vor Waten in grôzer freise. verliuse ich den bruoder, sô muoz ich immer mêre sîn ein weise. 1481 Und lâz mich des geniezen», sprach daz edele kint, «sô dich niemen klagete aller die hie sint, du hetest niht friunde mêre danne mich vil eine. swaz dir iemen tæte, sô muoste ich z'allen ziten umb' dich weinen.» 1482 Dô sprach diu Hilden tohter: «des hâst du vil getân. ich enweiz niht wie ich müge den strit understân, ich enwære ein recke, daz ich wâfen trüege: sô schiede ich ez gerne, daz dir dinen bruoder nie- men slüege.» 1483 Siu weinde angestliche. wie tiure siu sie bat, unze daz frou Kûdrûn in daz venster trat. siu wincte mit der hende und frâgte sie der mære, ob von ir vater lande iemen recken dâr kómen wære. 1484 Des antwurte Herwic, ein edel ritter guot: «wer sit ir, juncfrouwe, diu uns frâgen tuot? hie ist von Hegelingen nâhen bî iu niemen. wir sin her von Sêwen. nu sâget uns, máget, waz sul wir iu dienen?» 1485 Dô sprach daz kûniges kûnne: «ich wolde iuch gerne biten, möhtet ir'z gescheiden (hie ist doch vil gestritten), daz wolde ich immer dienen, swer mich des getrôste, daz er mir Hartmuoten ûz strite von dem alten Wa- ten erlôste.»

1486 Dô sprach gezogenlichen der helt von Sêlant: «nu saget mir, maget edele, wie sit ir genant?» siu sprach: «ich heize Kûdrûn und bin daz Hagenen kûnne. swie rîche ich vór wære, sô sihe ich hie vil lützel keine wûnne.» 1487 Er sprach: «sit ir'z Kûdrûn, diu liebe frouwe mîn, sô sol ich iu gerne immer diende sin: sô bin ich'z Herwic und kôs iuch mir ze trôste, und lâze iuch daz wol schouwen, deich iuch von allen sorgen gerne lôste.» 1488 Siu sprach: «welt ir mir dienen, ritter ûz erkorn, sô sult ir uns vervâhen daz für deheinen zorn. mich bitent vlizicliche hie die schoenen meide, daz man Hartmuoten ûz strite von dem alden Waten scheide.» 1489 «Daz sol ich gerne leisten, vil liebiu frouwe mîn.» lûte ruoft' dô Herwic zuo den recken sin: «nu bringet mîniu zeichen Waten hin engegene.» dô sach man sêre dringen Hérwîge und alle sine degene. 1490 Ein herter frouwen dienst wart von im getân. Herwic ruoft' dô lûte den alden Waten an. er sprach: «Wate, lieber friunt, gunnet daz man scheide disen strit vil swinden; des bitent iuch die minnic- liche meide.» 1491 Wate sprach mit zorne: «her Herwic, nu gêt hin! solt' ich frouwen folgen, war tæte ich minen sin?

solde ich sparn die vinde, daz tæte ich ûf mich selben. des volge ich iu nimmer. Hârtmuot muoz siner frêvele engêlden.» 1492 Durch Kûdrûnen liebe zuo in beiden spranc Herwic der küene. der swerte vil erklanc. Wate was erzürnet; er kunde daz wol leiden, daz in strite niemen in von sinen vinden torste scheiden. 1493 Dô sluog er Herwige einen tiuren slac, der dâ wolde scheiden, daz er vor im lac. dar sprungen sine recken und hulfen im von dannen. genommen wart dô Hartmuot vor Herwige und vor allen sinen mannen.

1494 Wate tobete sêre; dô gieng er für den sal gegen der porten höher. manigen enden schal hôrte man von weinen und von swerte klingen. Hartmuot was gevangen. dô muoste ouch sinen helden misselingen. 1495 Dô vienc man bi dem künige ahzic ritter guot. die andern sluoc man alle. dô wart Hartmuot ûf ir schif gefüeret und beslozen sêre. ez hete noch niht ende; sie muosten liden arbeit dannoch mêre. 1496 Swie dicke man sie schiede von der bürge dan mit würfen und mit schüzen, Wate doch gewan die burc mit grimmen stürmen. sit wurden ûf gehouwen die rigele ûz der mûre. daz beweinden dô die schœ- nen frouwen. 1497 Hôrânt von Tenemarke daz Hilden zeichen truoc. im volgte vil der recken (der het er dâ genuoc)

für einen palas witen ûf den túrn áller besten, den die Hegelinge in der bürge indér dâ westen. 1498 Diu burc was gewonnen, als ich iu hân geseit. die sie dâ inne funden, den was grimme leit. dô sach man nâch gewinne dringen vil der recken. dô sprach Wate der grimme: «wâ sint nu die knehte mit den secken?» 1499 Dô wart ûf gehouwen vil manic richiez gadem. dô horte man dar inne vil ungefüegen kradem. joch wâren dâ die geste niht in einem muote. genuoge sluogen wunden, die andern wurben vaste nâch dem guote. 1500 Sie fuorten ûz der bürge, sô wir hœren sagen, daz ez zwêne kiele kunden niht getragen, von phelle und ouch von siden, von silber und von golde, der ûf tiefer flüete siniu schef dâ mite laden wolde. 1501 In der bürge niemen deheiner freude zam. daz volc von dem lande grôzen schaden nam. dô sluoc man dar inne mán únde wip. der kindel in den wiegen verlôs dâ manigez sinen lip. 1502 Írolt der starke ruofte Waten an: «jâ habent iu den tiuvel diu jungen kint getân. sie habent an unsern mâgen deheiner slahte schulde. durch die gotes êre sô lât die armen weisen haben hulde.»

1503 Dô sprach Wate der alde: «du hâst kindes muot. die in den wiegen weinent, diuhte dich daz guot, daz ich sie leben lieze? solden die erwachsen, sô wolde ich in niht mêre getrouwen danne einem wil- den Sahren.» 1504 Bluot in manigen ende ûz den gadenen flôz. ir friunde die daz sâhen, wie sêre si's verdrôz! dô kom vil sorcliche Ortrûn diu hêre dâ siu sach Kûdrûnen. jâ vorhte siu des schaden dan- noch mêre. 1505 Dô neigte siu ir houbet für die schoenen meit. siu sprach: «min frou Kûdrûn, lâz dir wesen leit minen starken jâmer und lâ mich niht verderben. ez'n stê an dinen tugenden, ich muoz von dinen friun- den hie ersterben.» 1506 «Ich wil dich neren gerne, ob ich mit rehte kan, wan ich dir aller êren und alles guotes gan. ich wil dir fride gewinnen; du maht wol beliben. sô stant mir deste nâher her mit dinen meiden unde wiben.» 1507 «Daz tuon ich harte gerne», sprach Ortrûn daz kint. mit dri und drizic meiden ernerte siu sie sint. zwêne und sehzic degene stuonden bi den frouwen. wæren die entwichen, sie wæren von den gesten gar verhouwen. 1508 Dô kom ouch dar gegâhet diu übele Gêrlint. diu bôt sich für eigen für daz Hilden kint:

«nu ner uns, küniginne, vor Waten und sinen mannen. ez'n stê an dir alleine, ich wæne ez sî úmbe mich ergangen.» 1509 Dô sprach diu Hilden tohter: «nu høre ich iuch gern, daz ich iu sî genædic. wie möhte ich iuch gewern? ich bat iuch nie zer werlde des ir mir woldet folgen. ir wârt mir ungenædic; des muoz ich iu von herzen sin erolgen.» 1510 Dô wart ir Wate der alde in der zit gewar. mit grisgramenden zenden húop ér sich dar, mit schînénden ougen, mit ellenbreitem barte. alle die dâ wâren vórhtén den helt von Stürmen harte. 1511 Mit bluote er was berunnen, náz wás sin wât. swie gerne in sæhe Kûdrûn, doch hête siu des râ, t daz er sô tobeliche gegen ir iht gienge. jâ wæn' ich ir deheiniu vor vorhten in iht minnicliche enphienge. 1512 Wan Kûdrûn diu frouwe gienc dâ siu Waten sach. diu reine Hilden tohter sórgénde sprach: «nu wis willekomen, Wate! wie gerne ich dich sæhe, ob sô vil der diete hie niht léidé von dir geschæhe.» 1513 «Genâde, maget edele! sit ir daz Hilden kint? wer sint dise frouwen, die iu sô nâhen sint?» dô sprach diu frouwe Kûdrûn: «deist Ortrûn diu hêre; der soltu, Wate, schönen. jâ fürhtent dich die frou- wen harte sêre. 1514 Daz ander sint die armen, die mit mir über mer von Hegeligen brâhte daz Ludewiges her.

ir sit von bluote sweizic; nu gêt uns niht sô nâhen. swaz ir uns dann' gedienet, daz lâze wir uns armen niht versmâhen.» 1515 Wate gienc ûf hôher, da er Herwigen vant und ouch Ortwinen, den kûnic von Ortlant, Îrolde und Môrungen und von Tenen Fruoten. die wâren vil unmûezic; sie sluogen dô vil manigen ritter guoten. 1516 Vil schiere kom Hergart, diu junge herzogin. «Kûdrûn vil edele, du solt genædic sin mir vil armen wibe. gedenke, daz wir hiezen und sin noch dîn gesinde; des lâz mich, edele frôuwé, geniezen.» 1517 In zorne sprach frou Kûdrûn: «ir sult ûf hôher stân. allez daz uns armen leides wart getân, daz klagetet ir vil kleine und ahte ez iuch ringe. nu ist ouch mir unmære, ob iu übele oder wol gelinge. 1518 Iedoch stêt mir dar nâher undèr diu magedin.» noch suochte Wate der alde die widerwarten sin, wâ er vinden solde die übelen Gêrlinde. bî froun Kûdrûnen was diu tiuvelinne mit ir ingesinde. 1519 Wate grimmiche gienc hin für den sal. er sprach: «min frou Kûdrûn, gebt mir her ze tal Gêrlint mit ir friunden, die iuch der wesche nôtên, und der selben kûnne, die uns dâ heime manigen recken tôtên.» 1520 Dô sprach diu minnicliche: «der ist deheiniu hie.» Wate in sinem zorne dô dar nâher gie.

er sprach: «welt ir niht balde mir die rechten zeigen, die fremeden zuo den friunden müezen alle wesen hie die veigen.» 1521 Er zurnde harte sêre, des wurden sie gewar. im wincte ein maget schœne mit den ougen dar. dâ von er bekande die übelen tiuvelinne. «saget mir, frou Gêrlint, welt ir der weschen mêré gewinnen?» 1522 Er vienc sie bi der hende und zôch sie von in dan. Gêrlint diu übele trûren dô began. er sprach in tobeheite: «kûniginne hêre, iu sol mîn juncfrouwe iuwer kleider waschen nimmer mêre.» 1523 Als er sie wæne bræhte für des sales tür, wes er mit ir gedæhte, des goumten sie hin für. er vienc sie bi dem hâre. wer het im daz erloubet? sin zûrnen was vil swære; er sluoc der kûniginne abe daz houbet. 1524 Die frouwen schrîrn alle; des twanc sie michel sêr. dô gienc er hin widere. er sprach: «wâ ist ir mêr, die ir dâ heizent sippe? die sult ir mir zeigen. ir dehêiniu ist, sô tiure, i'ne getürre ir houbet wol geneigen.» 1525 Dô sprach wêinênde daz Hêtélen kint: «nu lâst mîn geniezen die durch fride sint

her ze mir gegangen und bî mir gestanden. deist Ortrûn diu edele und ir gesinde ûz Ormanie- lande.» 1526 Den siu het fride gewonnen, die hiez man hôher stân. Wate ungüetliche frâgên began: «wâ ist mîn frou Hergart, diu junge herzoginne, diu in disem lande des kûniges schenken nam durch hôhe minne?» 1527 Sie wolden sie niht zeigen; dô trat er aber dar. er sprach: «ob ir für eigen hetet diu rîche gar, solher hôchverte, wer möhte iu der getrouwen? ir habet gedienet kleine in disem lande Kûdrûn iuwer frouwen.» 1528 Sie ruoften allgemeine: «lât sie noch genesen.» dô sprach Wate der alde: «des enmac niht wesen. ich bin kamerære; sus kan ich frouwen ziehen.» er sluog ir abe daz houbet; si begûnden hinder Kû- drûnen fliehen. 1529 Sie heten nu gemuozet des strites über al. dô kom der kûnic Herwic ze Ludewiges sal mit sinen walgenôzen nâch bluote var gegangen. als in ersach frou Kûdrûn, dô wart er von ir minnec- liche enphangen. 1530 Sin swert der degen schiere von der siten bant. dô schutte er sin gewæfen in des schildes rant. dô gie er isenvarwer dâ stên zuo der frouwen. er hete durch ir liebe daz wal des tages dîcké durch- houwen.

1531 Dô kom ouch her Ortwin, der künic von Ortlant. Írolt unde Môrunc diu zügen ab ir gewant, durch daz sie erkuolten ûzerhalp der ringe. sie wolden zuo den frouwen; die helde heten des vil guot gedinge. 1532 Dô sich erhouwen hêten die helde ûz Tenelant, ir schilde und ouch ir wâfen legten s' ûz der hant. ir helme sị abe gebunden und giengen zuo den meiden. ein gruez vil minneclicher wart von Kűdrűnén in beiden. 1533 Írolt unde Môrunc nigen sâ zehant der minniclichen meide. wie schiere man bevant, daz siu gerne sæhe daz edele ingesinde! dô was wol ze muote ûz Hegelinge lant dem Hilden kinde. 1534 Dô wurden des ze râte die herren und ir man, sît man Kassiane die guoten burc gewan, dâ mite betwungen wæren die bürge zuo den landen. dô riet Wate der alde, daz man türne unde palas brande. 1535 Dô sprach von Tenen Fruote: «des enmac niht sîn. hie inne muoz beliben diu liebe frouwe mîn. nu heizet ir die tôten tragen ûz den selden. es mac diu min gewerren hie ze lande allen disen helden. 1536 Diu burc ist vil veste, wît únde guot. heizet abe den wenden wáschén daz bluot,

daz iht verdrieze hinne die minniclichen frouwen. daz Hartmuotes erbe sul wir baz mit herverte schouwen.» 1537 Des wart gevolget Fruoten; wise er was genuoc. vil manigen ritter guoten man ûz der bürge truoc sêré verhouwen mit tiefen verschunden. dô fuorten s' zuo den ûnden die sie erslagen vor der porten funden. 1538 Der bevûlhen sie dem wâge vier tûsent oder baz. daz was ein ungenâde; Fruote riet in daz. des sie phlegen solden, daz was noch unergangen. in Ludewiges bürge wart Ortrûn diu künigin ge- vangen, 1539 Mit zwein und sehzic degenen und drizic meidin; die wurden mit ir gisel. dô sprach diu künigin: «der meide wil ich hüeten; sie nâmen fride den minen. nu tuo et, swaz er welle, Wate mit den gîsêlen sînen.» 1540 Der künic von den Mœren der wart enphangen wol, als man guote recken nâch arebeite sol. gedanket von den frouwen wart dô dem guoten herren, daz er von Karadine het gehervertet alsô verre. 1541 Do bevâlch man Hôrande, dem helde ûz Tenelant, swaz man dâ der gisel ze Kassîâne vant. man bevâlch im Kûdrûnen, sie und alle ir frouwen. er was ir næhstez künne; man mohte ime deste baz getrouwen.

1542 Man hiez in wesen meister vierzic türne guot und sehs sale witer, die stuonden bi der fluot, und dri palas riche. ein herre er was dar inne. dâ muoste noch beliben bi im frou Kûdrûn diu kü- niginne. 1543 Dô hiez man schaffen huote den schiffen bi der fluot. hin wider wart gefüeret der degen Hartmuot ûfe Kassîâne zuo andern sinen mâgen, dâ die schœnen frouwen ouch bi den helden dô ge- vangen lâgen. 1544 Man hiez ir alsô hüeten, daz niemen in entran, und liez ouch dâ beliben tûsent küener man, die mit dem Tenemarken huoten dâ der frouwen. Watē únd der küene Fruote wolden noch der schilde mêr verhouwen. 1545 Dô schihtén s' ir reise mit drizic tûsent man. daz fiwer allenthalben hiez man werfen an. dô begunde ir erbe an manigen enden brinnen. dem edelen Hartmuote wart êrste leit von allen sinen sinnen. 1546 Die helde von den Stürmen und die von Tenelant, die brâchen guote bürge, swaz man der dâ vant. sie nâmen roup den meisten, den iemen möchte bringen. vil manic schœniu frouwe wart dô gevangen von den Hegelingen. 1547 Ê daz die Hilden friunde ir reise kêrten wider, sehs und zweinzic bürge brâchen sie der nider.

sie wâren ir urliúges stólz únde hêre. sît brâhten sie froun Hilden tûsent gîsel oder dan- noch mêre. 1548 Man sach daz Hilden zeichen durch Ormanielant füeren unverirret hin wider ûf den sant, dâ sie heten lâzen die edelen maget hêre. sie wolden dannen scheiden; sie muoten dâ ze wesene niht mêre. 1549 Die sie dâ heten lâzen in Hartmuotes sal, die riten gêr ir friunden ûz der burc ze tal. sie gruozten willicliche die alden zuo den jungen. dô sprâchen die von Tenelant: «wie ist iu jungelinge dort gelungen?» 1550 Dô sprach der kûnic Ortwin: «daz ist die mâze wol, daz ich's minen friunden immer danken sol. wir haben in vergolden mit strite alsô sêre: swaz sie uns ie getâten, wir nâmen in wol tûsent stunde mêre.» 1551 Dô sprach Wate der alde: «wen wellen wir hie lâ, n, der uns phlege der lande? nu heizet abe gân die schœnen Kûdrûnen. wir suln gêr Hegelinge und lâzen dâ froun Hilden sehen waz wir ir ze lande bringen.» 1552 Dô sprâchen s' algemeine âlt únde junc: «daz tuon die Tene Hôrant unde Môrunc. die suln hie beliben mit tûsent küener manne.» dô muosten sie in volgen. die herren fuorten manigen gîsel dannen.

1553 Dô sie ze Hegelingen der vërte heten muot, sie brâhten zuo den schiffen maniger slahte guot, daz sie genommen hêten, und daz was ir eigen. die fremedez gerne brâhten, die mohten ez dâ heime vil wol zeigen. 1554 Dô hiez man Hartmuoten ûz dem sale gân, den réckén vil guoten, mit fünf hundert man, die alle gisel hiezen und wâren dâ gevangen. si gewûnnen bi ir vînden sider manigen zæhen tac vil langen. 1555 Man brâhte ouch Ortrûnen, die hêrlichen meit, mit ir ingesinde ze grôzer arebeit. dô sie von dem lande und von frîunden muosten scheiden, dô mohten s' wol gelouben wie Kûdrûnen wære und al ir meiden. 1556 Die gevangen liute fûortén sie dan. die gewonnen bürge wurden undertân Môrûnge und Hôrande. dô sie fuoren dannen, si beliben in Ormanie wol mit tûsent ir vil küenen manne. 1557 «Nu bæte ich iuch gerne», sprach dô Hartmuot, «dar umbe wolde ich setzen lîp únde guot, daz ir mich ledic liezet in mines vater riche.» dô sprach Wate der alde: «ja behâlden wir iuch sel- ben vlizicliche.

1558 I'ne weiz von welken schulden ez min neve tuot, der im gerne næme lip unde guot, daz er den heizet füeren heim ze sinem lande. wolt' er, ich schüefe ez schiere, daz er gesorgte nim- mer in den banden.» 1559 «Waz hulfe, ob ir sie alle», sprach her Ortwin, «hie ze tôde slüeget in dem lande sin? Hartmúot und sin gesinde die suln baz gedingen. ich wil sie lobeliche ze lande miner muoter Hilden bringen.» 1560 Sie brâhten zuo den schiffen den kréftigen rât, mit golde und mit gesteine rós únde wât. des sie gedingen hêten, dar an was in gelungen. die vor vil harte klageten, man hörte daz sie sume- liche sungen.

1561 Sich huop mit freuden widere daz Hegelinge her. die sie mit in hêten gefüeret über mer, der muoste dâ beliben, tôter unde wonder, driu tûsent unde mêre. sie klâgtén ir fríundé be- sunder. 1562 Ir schif giengen ebene, ir winde wâren guot. die den roup dâ brâhten, die wâren hôchgemuot. swie sie daz gefuogten, ir bóten sie für sanden. die brâhten disiu mære den frouwen heim ze Hege- linge lande. 1563 Sie gâhten swaz sie mohten, daz wil ich iu sagen. sie kômen heim ze lande in neizwie manigen tagen. ir gehôrté frou Hilde nie sô liebiu mære, dô sie ir daz sagten, der kûnic Ludewic erslagen wære. 1564 Siu sprach: «wie lebet min tohter und ir magedin?» «dâ bringet iu her Herwic die triutinne sîn.

ez darf niht baz gelingen helden alsô guoten. sie bringen Ortrûnen gevangen und ir bruoder Hârt- mûoten.» 1565 «Daz sint mir liebiu mære», sprach daz edele wip. «ez was von in bekumbert min herze und ouch min lip. ich sol in'z itewizzen, gesehent sie min ougen. michel ungemüete leit ich offenlichen unde tougen. 1566 Ir boten, ich sol iu lôn, daz ir mir habt geseit dâ von mir ist entwichen min ungefüegeleit. ich gebe iu golt daz mine und tuon daz billichen.» sie sprâchen: «frouwe hêre, jâ muget ir uns sânté gerîchen. 1567 Daz wir dâ hân geroubet, des bringen wir sô vil. wir tuon'z niht durch versmâhen, swer'z iuwer niht enwil. jâ sint unser kocken von liehtem golde swære. wir haben ûf unser verte, lázén vil guote kamerære.» 1568 Frou Hilde hiez bereiten, sô si'z het vernomen, gên ir vil lieben gesten, die ir dâ solden komen, trinken unde spise, stüele zuo den benken, dâ sie dâ sitzen solden. jâ kunde si'z nâch êren wol bedenken. 1569 Die ze Matelâne unmüezic man dô vant. dâ nidene ûf dem plâne und ouch ûf dem sant

schuof man zimberliute; die tilden des vil sère, wie dâ nâch êren sæze Hêrwîc und Kûdrûn diu hêre. 1570 Ich kan iu niht bescheiden, ob sie ûf dem mer heten iht der leide. daz Ortwines her wâs in sêhs wochen hin ze Matelâne. sie brâhten dar die frouwen unde manige maget wol getânē. 1571 Dô sie nu komen wâren (daz saget man uns für wâr), dô het ir herverten geweret wol ein jâr. ez was in einem meien, dô sie ir gisel brâhten. nu fuoren sie mit schalle, swie sie maniger arebeit gedâhten. 1572 Dô man in ir kocken vor Matelâne sach, von trumben und pûsûnen hورت' man manigen krach, floiten unde blâsen, ûf sumber sère bôzen. Waten schif des alden wâren nû in eine habe ge- stôzen. 1573 Dô kômen ouch die degene ûzer Ortlant. dô reit in hin engegene nider ûf den sant frou Hilde und ir gesinde ûz der búrc ze Matelâne. dô was ouch komen Kûdrûn; dâ sach man vor ir frouwen wol getânē. 1574 Sie wâren von den rossen gestanden ûf den sant, frou Hilde und ir gesinde. dô fuorte an siner hant die schœnen Kûdrûnen Írolt der mære. swie sie Hilde erkande, siu weste niht wer ir dehei- niu wære.

1575 Siu sach mit ir gesinde wol hundert frouwen gàn. «nu enweiz ich», sprach frou Hilde, «wen ich sol enphân für mine lieben tohter; diu ist mir gar unkünde. willekómen sin min friunde, die getreten sint ábe der ünde.» 1576 «Daz ist iuwer tohter», sprach Írolt der degen. dô gienc siu ir dar nâher. wer möhte in widerwegen mit guote dise freude, die sie dô gewonnen, dô sie ein ander kusten? dô was in ir léidés zerunnen. 1577 Frou Hilde enphienc Írólden und alle sine man. Waten siu vil tiefe nîgén began: «willekómen, helt von Stürmen! du hâst gedienet schône. wer möhte dich versolden, man engebe dir lant und eine krône?» 1578 Dô sprach er zuo der frouwen: «swa ich iu ge- dienen mac, des bin ich iu vil willic unz an den lestën tac.» dô kuste si in vor liebe; sam tet siu Ortwînen. dô was ouch komen Herwic mit den stolzen werden recken sînen. 1579 Der fuorte an siner hende Ortrûn daz kint. Kûdrûn bat ir muoter güetlichen sint: «nu küsset, liebiu frouwe, dise maget hêre. in minem éllénde bôt siu mir manigen dienést und êre.» 1580 «Ich wil hie niemen küssen, er'n si mir bekant. wer sint der frouwen mâge, oder wie ist siu genant,

die du mich heizest küssen sô rehte friuntliche?» siu sprach: «ez ist Ortrûn diu junge maget von Ormanieriche.» 1581 «Ich sol ir niht küssen; zwiu rætest du mir daz? daz ich sie hieze tœten, daz zæme mir vil baz. jâ habent mir ir mâge getân sô vil der leide. swaz ich hân her geweinet, daz was ir kunden bestiu ougen weide.» 1582 «Frouwe, dir riet selden disiu schœne meit», sô sprach aber Kûtrûn, «dehein herzen leit. gedenke, liebiu muoter, waz ich des hiete schulde, swen slûegen mine mâge. lâz die armen haben dine hulde.» 1583 Siu wolde es ir niht folgen. wéinendē allez an Kûdrûn ir muoter flêhen dô began. siu sprach: «ich wil dich langer niht sehen alsô riezen. hât siu dir iht gedienet, des muoz sî in disem lândé geniezen.» 1584 Dô kust' diu schœne Hilde daz Ludewiges kint. siu gruozte ouch mēr der frouwen durch Kûdrûnen sint. dô kom ouch frou Hildeburc ûzer fremeden landen, diu mit ir het gewaschen; die füorté her Fruote an siner hande. 1585 Dô sprach aber Kûdrûn: «vil liebiu muoter min, nu grüezet Hildeburgen. möchte iht bezzer sin, dan friuntlichiu triuwe? gólt óder gesteine, swaz des ein riche hête, daz solt' man Hildeburgen geben eine.»

1586 Dô sprach diu küniginne: «ez ist mir wol geseit, wie siu mit dir getragen hât liep únde leit. ich gesitze nimmer frœlich under krône, des siu dir hât gedienet, unze ich ir's mit triuwén gelône.» 1587 Dô siu die maget kuste (die andern tet siu sam), frou Hilde sprach ze Fruoten: «daz ist mir âne scham, daz ich dir gienc engegene und dinen wiganden. sit willekomen ir degene alle her ze Hegelinge lande.» 1588 Sie nigen ir vliziclichen. dô ir gruoze geschach, den künic von den Mœren komen man dô sach mit den sînen recken ûf den griez mit schalle. ein wise von Arâbe sungen dô die bézzîsten alle. 1589 Frou Hilde dô gebeite, daz er zem stade gic. den voget von Karadie siu vliziclich enphic: «sit willekomen, her Sifrit, ein künic ûz Môrlande. ich sol ez immer dienen, daz ir hulfet rechen minen anden.» 1590 «Frouwe, ich tuon ez gerne, swa ich iu gedienen mac. sô ich in diu lant nu kume, diu min vil manigen tac sint her gewesen von jugende, sit ich begunde rîten ûf schaden Herwiges, nu wil ich nimmer mêr mit im gestrîten.» 1591 Do entluoden sie die kocken und truogen ûf den sant vil dinges, des sie brâhten mit in in daz lant.

do ẹz begunde kuolen vor âbende nâhen, sie biten dâ niht langer; man sach sie gegen herberge gâhen. 1592 Frou Hilde mit ir gesten réit űf daż velt. man sach vor Matelâne hütten und gezelt von góldé gezieret; manic sedel riche heten sie dâ funden. dar inne phlác mán ir vlizicliche. 1593 Frou Hilde hete heizen füeren in ir lant, daz sie dâ niht liezen ir bürgen noch ir phant. ez wart in allen rîchen ein wirt nie sô guoter sam diu edele witewe. ir geste gulden weder win noch fuoter. 1594 Dâ ruoweten die müeden unz an den fünften tac. swie wol man doch ir aller mit handelunge phlac, dar úndér wart Hartmuot mit sorgen doch berâten, unz daz die schœnen meide froun Hildén umb' einen fride bâten. 1595 Ir tóhtér und Ortwin giengen dâ siu saz. siu sprach: «vil liebiu muoter, gedénkét an daz, daz niemen sol mit übele deheines hazzes lônên. ir sult iuwer tugende an dem künic Hartmuote schônên.» 1596 Siu sprach: «vil liebiu tohter, des solt du mich niht biten. ich hân von sinen schulden grôzen schaden erliten.

im sol min kerkære sins übermuotes büezen.» wol mit sehxic meiden vielen ir die frouwen dô zen füezen. 1597 Dô sprach diu frouwe Ortrûn: «lât et in genesen; daz er iu gerne diene, des wil ich bürge wesen. ir sult genædiclichen minen bruoder halden. ez kumt iu z'allen êren, sol er noch der siner krône walden.» 1598 Sie weinden allgemeine daz er gevangen saz in vil starken banden. ir ougen wurden naz umbe Hartmuoten den künic von Ormandine. die vil grôzen boien lãgên an im und an den sinen. 1599 Dô sprach diu küniginne: «ir sult daz weinen lân. ich wil sie ungebunden ze hove lâzen gân. sie müezen mir erstæten, daz sie uns iht entrinnen, und müezen swern eide, daz si âne min gebot iht riten binnen.» 1600 Die vil edele gisel man ûz den banden liez. Kûdrûn die helde tougen baden hiez unde schône kleiden und hin ze hove bringen. sie wâren guote degene; des muoste in deste báz dâ gelingen. 1601 Dô man Hartmuoten sach bi den recken stân, mán vant wætlîcher nie deheinen man. in allen sinen sorgen stuont er in der gebære, als er mit einem pensel an ein permint wol entworfen wære. 1602 Dô sâhen in die frouwen güetlichen an; dâ von er heimliche bezzer sit gewan.

mit vollen wart versüenet der haz, den sie dâ truogen, daz sie des gar vergâzen, daz ir recken é ein ander sluogen. 1603 Herwic dô gedâhte, wie er Hegelinge lant mit êren möhte rûmen. wâfen und gewant hiez er zen rossen bringen. man luot sine soume. daz gefriesch frou Hilde; siu werte in der reise harte koume. 1604 Siu sprach: «mîn her Herwic, ir sult hie bestân. mir ist sô vil der liebe von iuwer schult getân, daz ich'z immer diene. jâ sult ir ninder ritên. ê sich die geste scheiden, ich wil mit minen friunden hôchzîten.» 1605 Dô sprach der fürste Herwic: «frouwe, éz ist wol erkant, die ir mâge sendent in ander kûnige lant, daz ir eteslicher die sine gerne sæhe. si erbeitent des vil kûme, wann' unser widervart hin heim geschæhe.» 1606 Dô sprach aber Hilde: «ir sult mir gunnen hie der êren und der freude; sô wart mir sanfter nie. vil edel kûnic Herwic, nu gebet mir daz ze lône, daz min liebiu tohter bi mir armen frouwen trage krône.» 1607 Er volgte's ungerne. siu bat und ouch gebôt; dâ mite die éllénden kômen sit ûz nôt.

do er verjehen hête, daz er'z gerne tæte, dô wart diu frouwe Hilde in ir hôhen freuden harte stæte. 1608 Den helden hiez siu sidelen ie baz unde baz dâ sit vil manic recke mit êren bi ir saz ze einer hôchzite, die erkande man sit verre. die schœnen Kûdrûnen hiez dô krœnen Hêrwîc der herre. 1609 Die mit in komen wâren, der schiet ê niemen dan, unz man vor Matelâne der hôchzit began. dar zuo kleidet' Hilde wol sehxic oder mêre minniclicher meide. vil liep was ir ir lop und ouch ir êre. 1610 Wol hundert schœnen wîben gap man guot gewant. man liez der niht beliben, die man in daz lant dar ze gisel brâhte; die kleidet' man besunder. diu vil schœne Hilde tete mit ir gâbe michel wonder. 1611 Îrôlt wart kamerære; der degen in ir lant muoste komen gæhes. vil schiere man den vant. Wâte wart trûhsæze, der helt von Sturmlande. nâch dem starken Fruoten von Tenemarke man dô schiere sande. 1612 Man hiez in wesen schenke. der helt sprach ir zuo: «ich leiste ez gerne, frouwe, welt ir daz ich'z tuo. diu lêhen sult ir lihen mit zwelf vanen richen; sô wurde ich herre in Tenelant.» des lachte dô frou Hilde minneclichen.

1613 Dô sprach diu küniginne: «des mac niht gesin. in Tenelant ist herre Hôránt der neve dîn. du solt in friundes mâze an sîner stat schenken. swie er sî z'Ormanie, sô solt du doch hie heime in bedenken.» 1614 Daz liut hiez man berihten, wes sie solden phlegen. frou Hilde hiez zerfüeren, daz lange was gelegen in kisten und in kameren, manigen phelle rîchen. die truogen kamerære; die teilde man den gesten williclichen. 1615 Dâ was sô swacher niemen, man gæbe im guot gewant. ob sie noch fremeder iemen brâhten in daz lant, daz ist mir ungewizzen, wes sie dâ mite gedâhten. der was wol drizic tûsent die sie von Ormanie dâr brâhten. 1616 Der sî alle wolde kleiden, wâ solde er daz hân? ob z'Árâbî daz rîche im wære undertân, sô wæne ich drinne niemen funde bezzer wæte, dan man dâ gap den gesten. daz wâren ouch froun Kûdrûnen ræte. 1617 Dô diu vil minnicliche bi den gesten saz, nâch Ortwin siu sande. dar umbe tet siu daz, daz siu im râten wolde nâch Ortrûnen minne. diu Ludewiges tohter saz bi Kûdrûnen ouch dar inne. 1618 Der hekt von Nortriche z'ir kemenâten gie. Ortwinen vlizicliche vil manec maget enphie.

sin swester stuont von sedele und nam in bi der hende. Kûdrûn diu edele gie mit im des hoves an ein ende. 1619 Siu sprach: «vil lieber bruoder, nu solt du volgen mir. mit vil rehten triuwen sô wil ich râten dir. wilt du bi dinem lebene freuden iht gewinnen, swie du daz gefüegest, sô solt du Hartmuotes swester minnen.» 1620 Dô sprach der ritter küene: «dihte dich daz guot? wir sin niht sô gefriunde, ich und Hartmuot. wir sluogen Ludewigen. sô siu dar an gedæhte, und siu bi mir læge, ir wæn' ez under wilen siuften bræhte.» 1621 «Dâ solt du daz verdienen, daz siu des niht entuo. an minen besten triuwen sô râte ich dir dar zuo, die ich zer werlde z'iemmen bi miner zit gewünne. sol siu dir ze frouwen wérdén, du hâst mît ir wünne.» 1622 Dô sprach der ritter edele: «ist siu dir sô bekant, daz ir sulen dienen liute unde lant, weist du s' in den zühten, ich wil sie gerne minnen.» dô sprach aber Kûdrûn: «jane kânst du bi ir leiden tac gewinnen.» 1623 Er sagete ez sinen friunden. frou Hilde ez wider- sprach, unz er sin Herwige dem recken ouch verjach. der riet ez im mit triuwen. ouch sagete er ez Fruoten. der sprach: «du solt sie minnen; du hâst von ir ma- nigen recken guoten.

1624 Man sol den haz versüenen, den wir hân getragen. mit wie getânen dingen, daz wil ich dir sagen.» alsô redete ûz Tenelant der snelle degen Fruote. «dâ sul wir Hildeburge gemahelen dem kûnic Hartmuote.» 1625 Herwic der bîderbe mit triuwen sprach dar zuo: «ich wil ez gerne râten daz ez diu maget tuo. vor Hartmuotes lande ist siu frouwe rîche. under sînen handen hât er wol tûsent bûrge hêrlîche.» 1626 Kûdrûn diu schœne in heimliche sprach die edelen Hildeburgen, siu fuogte ir gemach. siu sprach: «trûtgespile mîn, wilt du daz ich dir lône des du mir hâst gedienet, sô wirt dir z'Ormanie ein richiu krône.» 1627 Dô sprach diu schœne Hildeburc: «unsânfte mir daz tuot, sol ich einen minnen, der herze noch den muot nie an mich gewande zuo deheinen stunden. sol ich mit im alden, wir werden etewenne in zorne funden.» 1628 Dô sprach diu frouwe Kûdrûn: «daz solt du understên. ich wil nâch Hartmuote balde heizen gên, ob im daz gevalle, daz ich in ûz banden lœse mit den recken, und in sende heim ze sînen landen. 1629 Sô saget er mir genâde; zehant râte ich daz, daz er'z immer gerne diene deste baz;

sô wil ich in frâgen, ob er welle minnen, dâ mite er mine mâge unde mich ze fründé gewinne.» 1630 Man brâhte Hartmuoten den kunic von Normandin. mit im gie dô Fruote dâ stolziu magedin vor der Hilden tohter ze kemenâten sâzen, die sit vil maniges leides von der frouwen râté vergâzen. 1631 Dô sun der Ludewiges durch den palas gie, diu beste noch diu bœste deheiniu daz verlie, sie tâten'z im ze liebe und stuonden von dem sedele. er was bevollen küene; dar zuo was er beide rich und edele. 1632 Dô bat in sitzen Kûdrûn diu minnicliche meit. ez hete niht ir grüezen deheiniu im verseit. dô sprach diu Hilden tohter: «zuo der gespilen minen solt du sitzen, Hartmuot, diu ê mit mir wuosch den helden dinen.» 1633 «Ir welt mir'z itewizzen, kûniginne hêr. swaz man iu tet ze leide, daz wâren miniu sêr. jâ hiez mich'z alle zîte heln diu frouwe mine, daz ich'z iht erfunde noch mîn vater und al die helde sine.» 1634 Dô sprach diu juncfrouwe: «ich kan des niht verlân; ich muoz mit iu, Hartmuot, sundersprâchen gân. daz sol niemen hœren wan ich und ir éine.» dô gedâhte im Hartmuot: «nu gebîete ir got daz si'z mit triuwen meine.»

1635 Dar zuo hiez siu niemen niwan Fruoten gân. dô sprach zuo dem künige diu maget wol getân: «welt ir des volgen, Hartmuot, alsô ich iuch lêre, tuot ir daz willicliche, sô scheidet ir von aller hande sêre.» 1636 «Ich weiz iuch in den tugenden», sprach dô Hartmuot, «daz ir mir niht enrâtet wan êre unde guot. ich weiz in minem herzen niht alsôlher sinne, i'ne tuo swaz ir mir râtet harte gerne, edele küniginne.» 1637 Siu sprach: «sô râte ich gerne dir fristen dinen lîp. ich und mine mâge wir geben dir ein wîp, dâ mite wirt behalten din lant und ouch din êre, und ouch der vîentschefte wirt dâ von gewâhenet nimmer mêre.» 1638 «Sô lât mich wizzen, frouwe, wen welt ir mir geben? ê daz ich alsô minnet', ê lieze ich mîn leben, daz ez mine mâge dâ heime dihte smæhe: sô wolde ich wærlîche, daz man mich ê véigén gesæhe.» 1639 «Dâ wil ich Ortrûnen, die schœnen swester dîn, geben hie ze wibe dem lieben bruoder mîn. sô nim du Hildeburgen, die edelen küniginne. du kanst in der werlde tiurer maget nîndér gewinnen.» 1640 «Muget ir daz gefûegen, als ir mir habt geseit, daz iuwer bruoder Ortwin Ortrûn die schœnen mit nimet wærlîchen hie ze einem wibe, sô nim ich Hildeburgen, daz ez immer âne haz belibe.»

1641 Siu sprach: «ich hân'z gefüeget, daz er'z gelobet hât. ob dich des genüeget, daz er dir wider lât din lant und din erbe und ouch die bürge drinne, sô mac dich des wol lusten daz Hildeburc dâ werde küniginne.» 1642 Er sprach: «daz lobe ich gerne», und lóbet eez án ir hant. «swie schiere sô min swester bi dem von Ortlant stêt únder krône, sô wil ich niht verzihen die schœnen Hildeburge, si enmüeze mit mir geben unde lihen.» 1643 Do er'z gelobet hête, dô sprach diu maget hêr: «ich wil der friuntschefte gerne machen mêr, daz siu mit uns stæte immer mêr belibe. wir geben ouch dem von Karadê Hêrwîges swester z' einem wibe.» 1644 Ich wæne als grôziu süene nie wart als tet daz kint. die tiure helde küene zesamene kômen sint. daz riet allez Fruote úzer Tenelande, daz man nâch Ortwine unde nâch der Mœre künige sande. 1645 Ze hove sie dô giengen und truogen guot gewant. dô schuof daz frou Kudrûn, daz ez Wate ervant. man hiez ouch Írolde sagen diu selben mære. sie giengen sundersprâchen; dô wart der helde rât vil lobebære. 1646 Dô sprach Wate der alde: «wer möhte ez süenen ê, unz Ortrûn und Hartmuot für froun Hilden gê und biete sich ze füezen der edelen küniginne. wande lobet si'z eine, sô muge wir s' alle wol ze hul- den bringen.»

1647 Dô sprach diu edele Kûdrûn: «daz wil ich iu sagen: si ist in niht ungenædic. nu sehet ir sie doch tragen diu kleider, diu mîn muoter gap mir und minen frouwen. ich wil ez gerne süenen; des múgen die éllénden mir getrouwen.» 1648 Dô hiez man Ortrûnen zuo dem ringe gân und ouch Hildeburge, die maget wol getân. Ortwin und Hartmuot die nâmen sie ze wibe. «nu wil ich», sprach frou Hilde, «daz ez ímmér mit fride belibe.» 1649 Ortwin von dem ringe ze im daz magedin zuhte minniclichen. ein guldin vingerlîn gab er der kúniginne in ir vil wizen hende. dâ mite was verdrungen gar von ir daz michel éllénde. 1650 Dô umbeslôz ouch Hartmuot die meit ûz Írlant. ir ietweder dem andern daz golt stiez an die hant. siu hete niht untugende, diu sich im mehte leiden. Hartmuot und Hildeburc die wâren sit mit triuwen ungescheiden. 1651 Dô sprach diu Hilden tohter: «Herwic, herre mîn, mugen dîniu erbe hie sô nâhen sin, daz man dine swester, swie man daz bedæhte, dem kúnige ûz Káradie her ze miner muoter lande bræhte?» 1652 Dô sprach der kúnic Herwic: «daz wil ich dir sagen. der sin wolde gâhen, ez geschæhe in zwélf tagen.

der die maget junge bræhte her ze lande, er müeste es hân arebeit, ê ich ir mîn geleite dâr sânde.» 1653 Dô sprach diu Hilden tohter: «wie gerne ich's biten wil! sô brüevet ir iu selben maniger hande spil. dar zuo git iu mîn muoter kleider unde spise. nu bringet uns die frouwen, daz ich iu'z mit rehten triuwen prise.» 1654 Dô sprach der fürste Herwic: «wâ næme siu gewant? der von Karadie wuoste mir mîn lant und brande mine bürge. dô vlôs ich ir gewæte.» dô sprach der kûnic von Mœren, daz er ir wan in einem hemede bæte. 1655 Herwic hundert recken nâch ir sande dan. dô hiez er ûf der verte gâhen sine man. Waten er mit in rîten bat únd den snellen Fruoten. daz was in ein arebeit; iedoch werten sie den degen guoten. 1656 Sie strichen, swaz sie kunden, die tage zuo der naht. dô sie die maget funden, daz Wate dô niht vaht, daz understuonden kûme die Herwiges helde. mit vier und zweinzic frouwen brâhten sie die recken von der selde. 1657 Wate was ir geleite von der bürge unz ûf den sant, dâ er zwô galeide und zwêne kocken vant.

Der nâmen sie den einen; sie begunden îlen. des hulpen in die winde. sie kômen wider in zwelf tagewilen. 1658 Dô sie die maget brâhten ze Hegelinge lant, die ritter des gedâhten, wie sie über sant ilden gê der schœnen. mit banîerén sie fuoren. si behielden wol ir eide, die nâch der edelen frou- wen minnen swuoren. 1659 Wie möhte ein gruoze iht schœner von edelen kin- den sin? ir fuoren hin engegene diu schœnen magedin und Hildé diu edele mit frouwen vil gemeine. swie ir lant verbrennet wære, Hérwîges swester fuor niht eine. 1660 Ir volget' ûz dem hûse wol driu hundert man. do ir der kûnic Herwic nâhen nu began, manigen puneiz rîchen reit er durch ir êre. sam tâtten d'andern alle; man horte schilde stôzen helde sêre. 1661 Die vier kûnige rîche ir hin engegene rîten. dô sie zesamene kômen, von helden wart gestriten umbe ir aller schœne, wer diu beste wære. man lobte ir aller tugende. hie mite sô gestuonden disiu mære. 1662 Dô kuste sie frou Kûdrûn und d'andern al zehant. sie giengen ûf dem grieze dâ man ein hûtte vant

von vil richen stiden, dâ sie gestuonden under. • wes man dâ phlegen wolde, dës nam Hérwiges swe- ster wonder. 1663 Den künic von Karadie hiez man dár gán. sie sprâchen zuo der frouwen: «welt ir disen man? der machet iuch gewaldic niwen künicriche.» bi dem sach siu salwen stên vil manigen ritter lobe- lichen. 1664 Sin vater und sin muoter die wâren niht enein. sin varwe kristenliche an dem helde schein. sin hâr lac ûf dem houbte als ein golt gespunnen. siu wære gar unwise, solde s' im ir minne niht en- gunnen. 1665 Doch lobete siu in trâge, als dicke ein maget tuot. dô bôt man im ir minne; dô sprach der degen guot: «si behâget mir in der mâze, daz ich niht erwinde, i'n gediene sô der frouwen, daz man mich an der schœnen bette vinde.» 1666 Dô lobeten sie ein ander der ritter und daz kint. si erbiten alle kûme der naht des tages sint. ir aller heimliche fuogt' sich alsô schône. vierer künige tohter die wiht' man vor den helden zuo der krône.

1667 Dô wâren ouch die künige gewihet nâch ir ê. dâ wurden swertdegene fünf hundert oder mê. diu werde hôchzîte geschach in Hilden lande. ez was ze Matelâne vor der bürge dâ ûf dem sande. 1668 Dô gap diu schœne Hilde al ir gesten kleit. hei wie vor dem gesidele der alde Wate reit, Îrolt unde Fruote, die helde ûz Tenelande! vil schefte hôt' man brechen, die dâ die recken neig- ten mit ir handen. 1669 Swie lützel windes wæte, der stoup wart sam diu naht. die helde lobebære heten's lützel aht, ob dâ an schœnen frouwen iht salwet' guoter wæte. sie nâmen bûhurt manigen vor dem gesidelẹ in Má- telâne stæte. 1670 Man wolde dâ niht lâzen beliben dô diu kint. mit der schœnen Hilden brâhte man sie sint in diu witen venster den recken z'ougen wëide. dô sach man bi den vieren wol hundert mégede in wünnlichem kleide.

1671 Der varnden kunst muoste schinen dên tac. swaz ieclicher kunde, wie gerne er des phlac! an dem andern morgen, nâch fruomesse zite, dô dâ wart gote gedienet, dô sâhen s' aber die swért- dégene riten. 1672 Waz möhte dâ sin mêre dan freude unde schal? von maniger hande dône der palas dicke erhal. daz werte vollicliche unz an den vierden tac. daz edele ingesinde selden müezic dâ gelac. 1673 Dô was der milden einer hin ze hove komen. der hete von den varnden daz vil wol vernomen, daz si alle wurden riche, dar nâch stüend' ir gedinge. do ẹrhuob er'z willicliche, daz in möhte deste baz gelingen. 1674 Ez was der voget von Sêwen, der die ếrste gâbe swanc sô willichlich von hende, daz im des sagten danc alle die ez sâhen unde sit erfunden. des sinen rôten goldes gap dâ her Herwic wol ze tûsent phunden. 1675 Dar zuo gâben kleider sin mâge und sine man. ros mit guoten satelen maniger dô gewan, der sie selden hête geriten vor den ziten. dô daz sách Ortwin, sie begunden mit der milde striten. 1676 Der künic von Ortlande gap sô riche wât, ob iemen bezzer keine sît getragen hât,

des wizzen wir niht mære noch haben's niht erfunden. er und sine degene gestuonden kleider blôz in kurzen stunden. 1677 Ez kunde erahten niemen, wie manige riche wât die von Môrlande, als man úns gesaget hât, liezen dâ beliben zuo rossen den vil guoten. den sie dâ geben wolden, die dórftén dâ hœhers niht enmuoten. 1678 Die jungen zuo den alden die wurden guotes rich. dô sach man Hartmuoten; der tet dem wol gelich, als niht verheret wære der junge künic hêre. den wiste man sô milden, daz dehéiner hête niht ge- geben mære. 1679 Er und sine friunde, die im volgten dan, die dâ gisel hiezen, wie sanfte man gewan swaz sie haben mohten und iemen an sie gerte! Hartmuot mit den sinen die líuté des gütlichen werte. 1680 Kûdrûn diu schœne diu was holt genuoc Hiltbûrge ûz Írlande, diu dicke mit ir truoc diu kleider zuo dem grieze, dâ sie waschen solden. siu wæn' des ouch niht lieze, sine gewûnne ir Hart- muoten holden. 1681 Dem hiez siu von ir kameren der mâze guotes tragen, swem siu daz geben wolde, daz man daz möhte sagen, dem diu kûniginne sô guotes willen wære, daz siu ze gebene hête silber unde wât und golt daz swære.

1682 Man sach den von den Stürmen von dem sedele stân in sô guoter wæte, daz künic noch küniges man bezzer nie getruogen in deheinen ziten. die dâ ir gâbe wolden, die liezen sie dar nâch niht langer biten. 1683 Wate der gap eine alsô guot gewant, daz man an küniges libe bezzer nie bevant. von golde und von gesteine was ez überhangen mit einem netze riche. dâ mite kom der helt ze hove gegangen. 1684 In ieclichem stricke lac ein edel stein, swie sin name hieze. dâ bî daz wól schein, daz sie verslozzen wâren ze Abalt dem lande. Waten und sine holden nâmen dô die helde bî ir handen. 1685 Sie muosten algeliche, die'z heten dâ gesehen, Wâten dem küenen degene der wârheite jehen, daz für küniges gâbe sin gâbe reichte verre. dem siu dâ kom ze handen, der was von hôhem guote lange ein herre. 1686 Îrolt der liez schouwen willic sinen muot, daz im niht erbarmte deheiner slahte guot. von Tenemarke Fruote was Hilden kamerære. er diende siner frouwen, daz man dâ von lange sagte mære.

1687 Dô wolden sie sich scheiden; diu hôchzit ende nam. dô liez man Hartmuoten die mâze als im gezam gedingen mit den vinden in fride siner frouwen. sie kômen sit ze lande baz danne es iemen môhté getrouwen. 1688 Frou Hilte minniclichen sie scheiden von ir lie. síu únd ir tohter mit Hildeburge gie und allez daz gesinde von der bürge verre. dô sie dannen wolden, urloup nam dô Hartmuot der herre. 1689 Frou Hilde in gap geleite úf erde und úf dem mer. sie gewonnen sunder ein stüberlichez her, die Ortwin und her Herwic hin wider mit in sanden. die ir gesinde hiezen, der brâhten sie wol tûsent zuo den landen. 1690 Küssen manigen enden man sich die frouwen sach. ir sumelicher scheiden alsô dâ geschach, daz sie dar nâch gesâhen ein ander selden mêre. , si beléite unz úf ir kocken Órtwîn und Hérwîc der hêre. 1691 Ir geléite muoste werden Írólt unz an ir lant. den hiez der künic sô werben, daz er ez tæte erkant Hôránde úz Tenemarke, wie sie gescheiden wæren. sit fuorte er ze lande mit im heim vil manigen de- gen mære. 1692 I'nē weiz in welher zite, spâte oder fruo, daz sie begunden segelen Kassiânen zuo.

sich freuten willliche állé die diete. ich wæn' nâch arebeitet got vil manigen freuden dô beriete. 1693 Îrolt sâget' Hôrânde in Normantelant, wie in die kûnige hêtten mit in dar gesant. er sprach: «sô ist ez billich daz man'z den recken rûme. sie sint hie heime gerne; so erbite ouch ich ze minen landen kûme.» 1694 Si enphiengen Hartmuoten und rûmten im sin lant. wie er der lande phlæge, daz ist mir unbekant. Hôrânt und sine friunde gâhten des vil starke, dô sie dannen schieden, daz sie kômen schiere in Tenemarke. 1695 Ir vart wir lân beliben und wellen ahten daz, daz von hôchgezite nie geschieden baz recken al deheine noch deheine ir mâge. dannoch hôchverte die von Karadê dem lande phlâgen.

1696 Dâ ze Hegelingen biten sie niht mê. Herwiges swester gegen Alzabê fuorten sie mit schalle. in was dâ wol gelungen. dô sị ûf der strâze wâren, die stolzen ritter frœlichen sungen. 1697 Frou Hilte liez sie alle minniclichen dan. swie riche sie ir kœmen, Herwiges man, siu liez sie âne ir gâbe dannoch niht beliben. der nu sô milde wære, jâ müeste man im'z für ein wonder schriben. 1698 Frou Kûdrûn sprach z'ir muoter: «nu solt du sælic sin. getrœste dich der veigen. ich und der herre mîn suln dir alsô dienen, daz selden dîn gemüete belibe in keiner swære. du solt geniezen Herwîges güete.» 1699 Dô sprach diu kûniginne: «vil liebiu tohter mîn, wil du mir sin genædic, mich suln die boten dîn

dri stunt sehen des jâres hie zen Hegelingen. ân' michel ungemüete getrouwe ich sús nîmmer hie gedingen.» 1700 Dô sprach diu edele Kûdrûn: «muoter, daz sol sin.» mit lachen und mit weinen siu und ir magedin verwendicliche giengen ûzer Matelâne. ir sorge hete nu ende. man gesach nie niht sô wol getânes. 1701 Dô brâhte man gesatelet, diu solden tragen dan sie und ouch ir meide, diu ros vil wol getân mit goltrôten zoumen, mit smalen fürbüegen. langer dâ ze wesene ich wæn' die frôuwén dô iht ge- wüegen. 1702 Die ir ungebunden under gólde riten bî, ich wæne die des hazzes iht beliben fri, duo sie von Ortrûnen schieden und ir meiden. ob iemen schöner lebete, daz wære Kûdrûn der frou- wen leide. 1703 Die triutinnē Ortwînes danken dô began der edelen Kûtrûnen, daz von ir schult gewan Hartmuot ir bruoder daz lant ze Normandie. «des lôn' dir gót, Kûdrûn; des bin ich immer mēr diu sorgen frie.» 1704 Des begünde s' ouch genâde ir muoter Hilden sagen, daz siu ze Nortlande krône solde tragen

bî Ortwin dem kûnige, daz siu dâ frouwe hieze. dô sprach diu kûniginne, daz si'z immer ungeniten lieze. 1705 Ortwin und Herwic die swuoren beide samt mit triuwen stæte ein ander, daz sie ir fürsten amt nâch ir hôhen êren vil lobeliche trûegen; swelhe in schaden wolden, daz sie die beide viengen unde slûegen.