Biterolf und Dietleib

Ob uns hie ieman wese bî sö vertiurtes muotes fri , den des künde gezemen daz er möhte vernemen ditze fremde ma3re , (daz ist sö redeba3re daz ez wol von rehte ritter unde knehte, dar zuo wip unde man wol für guot mügen hän), den sage ich endeliche von einem künege riche, wie der waere genant ode wä er boute siniu lant, sine bürge unde stete. nu ruochet hojren mine bete daz ir swiget dar zuo , daz ich iu daz kunt getuo. Von sinen alten mägen darf mich nieman fragen: wie die schuofen ir leben , des kan ich iu niht ende geben, der dise rede tihte, der liez uns unberihte, und ist doch übele beliben. haßte er iht dä von geschriben, daz lieze wir iuch unverdeit : uns hät des nieman niht geseit. Von dem man hie gesprochen hat, des wil ich niht haben rat ich enkünde iu sinen namen. er endörfte es sich niht schämen, ob er noch lebendic waere. er was sö lobebaere und hete sö ere geraden muot, daz biderben Hüten sanfte tuot l swä man saget von einem man, der wol nach 6ren werben kan. Bitrolf sö hiez der selbe degen. der herre hete sich gar be- wegen unzuht unde schände ; het er iht richer lande, daz gelt daz wart alsd verzert daz noch sin lop vil wften vert. Er schuof vil ritterlich sin leben und künde ouch sö ze wünsche geben, swä im ze gebenne geschach, daz man im niuwan eren jach, sin muot der was also gestalt , si waeren junc oder alt,

si waeren tump oder wis, si mohten haben wol für pris, ritter unde knehte, den sfnen lop ze rehte. Der selbe recke hete ein wlp daz man so werder frouwen Up bi ir beider stunden unsanfte haste funden. ir name hiez frou Dietlint : vil dicke ist ir gejehen sint, swä man vernam daz maere, daz si ze loben waere. si was von höher art erborn. diu schiene diu was niht verlorn die si an ir Übe truoc. si was ze lobenne genuoc, dä si sö wunschlichen bi edelen fürsten riehen gekro3net in ir lande gie. man vernam in der werlde nie von tumben noch von wisen ein frouwen baz geprisen. Der fürste hete slner man , swenne er ritter wolde hän, ahte tüsent oder baz in der houbetstat dä er saz: Tölet sö was diu genant, dar inne dienten im diu lant. ein berc lit nähen dä bi dä der list nigrömanzi von erste wart erfunden, den man bi unsern stunden noch vaste üebet unde liset; swie ir vil wenic iht geniset die sich dran hänt gellizzeu, swie wol si doch daz wizzen daz si dä mite sin verlorn. der edel künic wol geborn der was herre ob in dä. sit geschuof er anders wä sin dinc sö fürstenlichen, daz man in allen riehen sagte von im 'maere daz er ein degen waere. Sin ere höhe stuont genuoc: swä man der besten ie gewuoc, dä was er einer neben in. stniu jär diu giengen hin alsö lobelichen daz man nie alsö riehen sö senftes willen selten vant. swie sin eilen und sin haut dicke wunder hete getan, swä ieman künde iht des begän dä von man recken loben sol , daz künde er vliziclichen wol. ich enweiz von wanne ez waere komen ode wä ez hete der helt genomen, er hete daz beste wiegewant daz man deheinez lützel vant sö rehte staeticlichen guot. dä von gehoehet was sin muot, swaz er ie stürme drinne streit, daz in doch wäfen nie versneit. Er hete ein swert, daz was guot, daz im den sin und den muot vil dicke tiurte sere. sin lop und ouch sin Ire, des half daz wäfen alle zit: er kam in neheinen strit , ez engestüende im ie alsö daz sin der recke waere fi'd. Schrit was daz swert genant.

diu maere tuon ich iu bekant. an einem buoche hörte ich sagen, der swerte wurden driu gesiagen Yon einem smidemeister guot, der beide sin unde muot dar an wände s&re, daz man in den landen mere sö Staates niht enfunde ; wand er den list wol künde baz danne anders ieman da. er saz in Azzariä, von Tölöt zweinzic mile : er hete ouch e der wile der swerte mere gesiagen. sinen namen wil ich iu sagen , er hjez Mime der alte : sin kunst vil manegen valte der lenger waere wol genesen und des tödes muoste wesen von der swerte krefte. ze siner meisterschefte ich nieman kan geliehen in allen forsten riehen, An einen den ich iu nenne, daz man in dar bi erkenne : der was Hertrich genant und saz in Wasconje lant. durch ir sinne kraft sö heten si geselleschaft an werke und allen dingen : si mohten wol Volbringen swaz in ze tuonne geschach. swie vil man starker liste jach Wielande der da worhte ein swert daz unervorhte Witege der helt truoc, und einen heim guot genuoc der da Limme was genant : ouch worhte er allez daz gewant daz zuo dem swerte wol gezam, Witege truoc ez ane schäm, der eren ingesinde : er hete ez sinem kinde geworht so er beste mohte; dannoch im niht tohte daz er an disem maere sö wol gelobet waere, als Mime unde Hertrich: ir kunst was vil ungelich. die rede bescheide ich iu: der swerte wären zwelviu, diu sluogen dise zwene man, als ich iu kunt hän getan ; daz driuzehende Wielant, daz was Mimminc genant. Daz buoch haeren wir sagen, diu swert entorste nieman tragen er en waere fürste od fürsten kint. Bitrolf und frou Dietlint, si beide zugen einen degen, der wart sö höhe sit bewegen an lobe und ouch an ere, daz man ir keinen mere höhers lobes nie vernam. als ez ir eren wol gezam, so erzöch man ir beider kint : der helt der wart getiuret sint in allen fürsten landen für einen uz erkanden. Dietleip alsö was er genant: der helt was des ungeschant, sin muoter hiez frou Dietlint, diu was eins riehen küneges kint; in erbte an ere deste baz.

daz buoch hat uns gesaget daz, wie in sinen landen mit guoten wfganden Biterolf der riche saz werdicliche. Uns kündet ouch daz maere in welhem alter waere der vil junge wigant, dd sin vater siniu lant riimte unde dannen reit: als uns daz maere hat geseit, dö was der junge degen balt niuwan zweier jär alt. von einem msere daz geschach, daz der kuene vor im sach einen alten wisen witzic unde grisen vil verre dar gegangen, der wart da wol enphangen von Biterolf dem riehen vil harte vlizicliehen. dö er in zuo im komen sach, der künec vil güetlichen sprach 'herre, sit mir willekomen: ich haete gerne daz vernomen, von wanne ir wallet in daz lant. ir traget knicken an der hant und palme über herte, ich waen daz iur geverte in sorgen dicke sl gewesen; er muoz vil angestlich genesen der bouwet sd diu riche. dd sprach vil witzicliche der alle man 'daz ist wär, ich hän vil nähen hundert jär gelebt in sorgen mine tage, daz ich vil selten ieraan klage, niuwan daz gote diu wile min und ich bevolhen müeze sin/ Biterolf der wigant sprach ze sinem gaste zehant 'bruoder, ir sult sitzen gän. ich mac des niht rät hän, ich enmüeze iueh fragen, des enlät iueh niht beträgen , ir tuot mir kunt diu maere der ich unsanfte enbaere.' dd nu gesezzen was der gast, (an dem herren niht gebrast, er künde vil wol wirt gesin,) dö hiez er schenken sinen win dem alten balteniere: den brahte man im schiere, vor im säzen sine man : der herre frägen dö began den alten umb diu maere, wä gewallet waere dirre wäre gotes degen, und wä er üf den sinen wegen die besten haete gesehen : ob er im künde des verjehen, des bat er vlizicliche. in sinen witzen riche antwurten dö begunde der alte zuo der stunde. Er sprach 'herre, ich wildes jenen, ich hän wunders vil gesehen in stürmen und in striten bi minen jungen ziten : mit sorgen bin ich her gewesen und in grözer nöt genesen, nu wolde ich gote ze buoze stän des ich in jugende hän getan ; des vleiz ich mich vil sere. in höhem prise und ere erkenne ich manegen wigant,

ich hän ervarn manic lant under kristen unde heiden. in den namen beiden sd höchgelobten ich nie vant, der alsö manic rieh lant mit kreften hete ertwungen, dem sö vil der zungen von guoten recken waere M, (des weiz ich al gemeine fri daz nu kfinege sint genant,) äne den von Hiunen lant, Etzelen den vil riehen, der lebet wol wunschllchen. swaz man von Salomöne seit, swie der sin liep undouchstnleit mit einander künde tragen, der, herre, warn bi sinen tagen sö manegen ritter nie gewan sd ich ein zit gesehen hän bi Etzelen dem riehen: im kan sich niht geliehen. Man saget von Nibelöte daz, wie er ze Bärjse saz in einem riehen lande ; den ich vil wol erkande. der machte himele guldin, selbe wolde er got sf n , mit kraft er töte tusent her; ez mohte nieman keine wer wider in gefüeren , ez getorste ouch gerüeren mit strlte nieman siniu lant. swie hdhes namen was genant von Babiiöne Merctän , er künde nimmer widerstän dem von Hiunen riehen noch sich im geliehen. Sol er des haben ere, sö nenne ich ir iu mere die im genözsam solden sin : Antrahs von Gabelin , und Baligän von Lyblä. der hete üz Persiä wol ahzic tusent heiden : swie der unbescheiden ie taete swaz er wolde, ob er nu striten solde mit Etzelen dem riehen , er taete ez angestlichen. stt ir iu maere bitet sagen , sö sol ich iueh niht verdagen wie ez umb den künic stät. swenne er ze tische gät, sö tragent im ir kröne bi zehen künige unde drt; swaz ander recken bt im ist, die enmöhte ich in sö kurzer frist gesagen noch gezellen, die durch ir höhez eilen zuo im ritent in sin lant. dar zuo hän ich bi im erkant ein daz aller beste wlp diu in der werlde noch den lip in frouwen zühten ie getruoc. ze sagen haete ich iu genuoc wie höhe ir gröziu würde stät und waz si höher tugende hat. Helche so ist genant ir name. kristenliche äne schäme solde noch diu frouwe leben : dö wolde ez Etzel nie begeben unz daz mans im ze wibe erwarp. dä von der touf an ir verdarp, niuwan eine ir staeter muot, daz si sö kristenliche tuot daz si kan nieman niht versagen.

des muoz si bt ir werden tagen tragen das lop mit ere. tüsent stunde mere kumet ir geste, danne im tuo. den gewalt hat si wol dar zuo daz si gebe swem si wil, sin si lützel oder vil. des siht man zalien zlten üf vil hertez strtten schirmen leren dä diu kint: die kristen mit den heiden sint mit zühten in dem hove da. swie vil ich känige anderswä her bi minen stunden gewaltic habe erfunden, sd ist allez gar ein wint wider daz Botelunges kint'. Dd sprach des edeln fürsten wtp *nu riuwet mich der Heichen Up, daz diu künegin riebe sd rehte jaemerüche sol gescheiden sin von ir e; daz tuot mir inniclichen we. bruoder, kunnet ir gesagen (die frage kanich niht verdagen), kam iht mdre kristen dar, dd si die heiden mit ir schar von ir vater fuorten dan?' 'daz ist mir niht kunt getan/ antwurte er ir schiere , *wan kristenbehe ziere siht man allenthalben dä. ich enweiz wie ez dar umbe stä, wer mit ir kam in die heiden- schalt: gesach von kristen nie die kraft die bt ir zalien zlten sint , beidiu die alten und diu kint . Dä mit hiez er in ruowen gän. der künec wolt nieman wizzen län, wie drumbe stüende sin muot. dd tete er, als ein wiser tuot, der sin dinc sd tougen treit: er vorhte, und wurde daz geseit des er dar umbe hete muot, daz ez nieman diuhte guot. vil rieh er selbe wiste sich, er gedähte 'ich wände über mich mit lobe nieman wxre komen: nu hän ich wunder hie vernomen. min herze in dem gedingen stat daz mich nimd geruowen lät, ichn versuoche wer er si. wont im sd vil der recken bi , als ich hän von im vernomen, sd wü ich gerne zuo im komen schouwen dä die ritterschaft, wie ir eilen unde ir kraft sd hdhe ob uns in lüfte swebet daz er sd werdiclichen lebet \ Ditz hal er liute und ouch sin wip und die bekanten sinen Up. dd er sinnen dar began, nienlan wolde er wizzen län , wenne daz geschehe daz er Etzelen ssehe und Heichen die vil riehen, des gedähte er tägelfchen unz er die muoze doch gewan. sinen mägn und sinen man schuof er dd vogete under in. dd sprach sin wjp diu künigin

*nu weit ir doch noch selbe leben. zwiu solde ich min gerihte geben jenen, harte ichz selbe baz ? herre, lat mich hceren daz, war umbe berihtirsö diu laut?' ' dä ist mir, frouwe, daz bekant, der hiute wol gesunder gät daz man des morgen niht enhät. ob er denne stirbet niht, unde im lihte sus geschiht daz er von siecheit wirdet kranc, sd diuhte manegen gar ze lanc w enn ich im rihte alsam e. daz biten taete dem armen we, und müesten unbereitet varn. daz wil ich hie mite bewarn. Der künec zer küniginne sprach 'frowe, du solt ouch din gemach in diner kemenäten fuegen unde beraten daz dir des nimmer abe ge. wer vor dinem tische st£ beidiu späte unde fruo und dir der liebest si dar zuo, den wele dir, frouwe, hie zehant. waz ob ich rümen muoz daz laut durch unser beider ere, daz ich her wider iht mere, frouwe, sorge umbe dich, swie ich behüete selbe mich, daz ich des gar an angest si, du sist vor ungemache fnV Sich selben hiez er so vertreten daz in dem lande und in den steten sin daz üut vil wol enbar. er liez ouch tougenlichen gar würken daz er wolde dan selbe zwelfter slner man füeren in diu fremdiu lant. die besten recken die er vant die weite Biterolf dar zuo. er gedäht 'swie hie min volcgetuo, ez ensi dazz nimmer möge ge- schehen, ich wil der Hiunen künic sehen/ doch wart er geirret, daz ist war, siner verte siben jär mit strite und mit hervart daz ie bi ime ze tuonne wart daz er niht künde komen dan. so manegen sige der künec ge wan daz fride nu heten siniu lant. niwe gewaefen unde gewant, daz was den zwelven nu bereit, harnasch ros und ouch diu kleit gap man in volliclichen bi Biterolf dem riehen: si muosten siniu wäfen tragen. nach einen winahten tagen der herre von den Bergen reit. sin vart was alle die verdeit die im die naehsten wären bi, sit er die sorgen niht liez fri diu dicke sorge mit im truoc: er tete ir leides genuoc. Sit man iuz rehte sagen sol, ez geviel den frouwen ouch niht wol der friedel mit im dannen riten. mich dunket daz si langer biten dann ez ir wille waere. man saget uns an dem maere daz dö minnete nieman wip, er enhaete danne ir Up

ze sfner rehten £ genomen. nu ist ez uz den zühten komen : ob einer möhte drizic hän, er wolt sich niht genüegen län , er hete ir dannoch gerne me\ dirre frevel tuot der sele w6 und ist dem libe lästerlich und stet den tugenden ungelich, ez si man oder wlp, der minnet mer dann einen lip. Ez was doch unbescheidenheit daz der helt sus dannen reit und ez nieman wolde sagen, des wänden si in allen tagen, er waere in noch so nähen bi (des wären si gewaltes fri), ob er sich gerne lieze sehen, daz möhte zaller zit geschehen, man warte sin ze siben tagen: ir bat diu küniginne sagen ob ieman waerc daz bekant daz er in deheio ander lant teidinc hete gesprochen, ir senfte wart zebrochen die si sd volliclichen truoc : leides hete si nu genuoc, dö er sö lange von ir reit, daz was ir herzenlichen leh\ Der herre fuor sö dannen mit slnen zwelf mannen, dö er von hüse sich verstal, daz er sich allen den verhal die den helt erkanden von landen ze landen, swie vil dä heime klage ergie, dar umbe er doch daz niht lie, er fuor als er e hete gedäht. er hete in arbeite bräht sich und slner manne lip. des muoste ir eteliches wlp dä von werden ungemuot, swä so man den degen guot üf sinen sträzen an gereit, daz er sich ie dä von erstreit daz im doch nieman niht ennam. der recke fuor äne schäm alsö vermezzenllche unz in Hiunen riche. Der knaben wont in der mäze bi daz si der sorgen wären fri, ir rosse wurde wol gephlegen. dä zöch man mit iniif den wegen dri soumaere geladen harte swaere mit sö guotem golde, swaz man koufen solde, daz in dar an niht gebrast. swä noch füerc alsam ein gast, und haete er dar zuo wisenmuot, die nahtselde möhten werden guot. iedoch sö hoerc wir daz sagen, swaz tüsent soumaer möhten tragen daz wart im allez samt genomen, waer er niht baz von huse komen denne man doch waenen wil. sin lip der hete sterke vil, dar zuo er manlich eilen truoc. er fuorte ein wäfen guot genuoc, Welsunc sö was daz genant, sin vil' ellenthaftiu hant diu künde ez alsö wol getragen daz mans maere hörte sagen. ez was scharf und ouch vil breit, ze Pärls durch die stat gereit

Biterolf der wfgant. uns ist niht rehtc daz genant, Wä sich ein fürste hete genomen ode weihe ende er dar bekomen waere durch diu rlche: er fuor dem wol geliche, sam er haete sinen llp gezieret durch diu stolzen wip. Walther sö was er genant: er was der künec von Spanjelant. der was von Hiunen her bekomen, als ir wol habt e" vernomen. daz Bitrolf gerne waere da Dem jungen helde was geseit daz hie mit zwelf gesellen reit in rehter mäze ein alter man. im wart ouch kunt daz getan daz si äne helme niht enriten. einen garzün hiez er si des biten, daz si im enbuten maere war ir geverte waere. dö sprach Biterolf der degen 'der mich fraget, wie ich Ofden wegen rite und die gesellen min, dem saget daz wir geste sin und wellen ritcn durch diu lant, ich tuon im anders niht bekant.' Der garzün sagte demkünegedaz 'herre, ich weiz niht umbe waz er iu anders niht enböt: äne ertwungenliche nöt rite er swar in dunket guot. er hat sd herlichen muot unde ouch die gebaere, sam ez im zorn waere, daz ich in gefräget hän.' dö sprach der künic 'dazlätstän. ich wil in gerne selbe sehen, in swelher fuoge ez mac gesche- hen, slt im min name ist unbekant. und füere er alsö durch diu lant, des muese ich immer lasterhän. nu wil ich in daz sehen län : wirt noch nach maeren zim ge- sant, er enbiut mirs heim in miniu lant/ Sine man er da beltben hiez. der fürste dö daz niht enliez, er hielt g£n im üf den wegen, dö sach ouch Biterolf der degen an dem schilde guot genuoc bi dem wäpen daz er truoc, daz er was von Spanjelant dö gedähte er sä zehant daz wider komen waere Walther der degen maere üz hiunischen riehen, im selben angestlichen und den sinen niht ze guote. in beden in ir muote herter wille was gestalt: des wurden üf daz gras gevalt slt ir meere beider. den gesten wart nie leider und ouch den Waltheres man. der alte slt dä von gewan einen grimmigen muot:

dö spranc er an den helt guot, an Walthern den jungen. dö sluoc er Weisungen durch einen helmen riehen harte krefticlichen unz üf ein hiubel guldin. daz im genas der Up sin, daz hat man noch für wunder, dö truoc ouch da besunder Walthör ein wäfen an der hant, daz yü wlten was erkant zeinem dem aller besten daz si dö inder westen. ze strite künde er als ein degen : er hete senfte sich bewegen, den küneevon Bergen er dö sluoc daz üz der sarwacte truoc diu ecke heiz fiuwer röt. dem fürsten witze daz geböt unde ouch sin bescheidenheit: dö er sö herlichen streit, dö bat den zorn län der alte disen jungen man: 'Waz hülfe, ob ich slüege dich ode ob du houbetlösen mich tagtest mit der dinen kraft? unser b£der meisterschaft waere ringe hie gelegen, bist duz Walther der degen, sö hou üf mich niht mere. ez ist ein kleiniu ere, der den andern sö bestät, daz der schulde niht enhät.' er sprach ir habt mich rehte erkant: ich bin Walther genant.' dö sprach Biterolf der degen sö sol man senfte m ir ge wegen : min swester was diu muoter din, und ob du vor den handen min alsö ze töde waerst erslagen, sö möhte ich nimmer dich ver- klagen.' Dö sprach der kindische man «sö ist mir liep daz niht gewan iuwer Up dervon diu meil, und ist ouch unser beider heil: wan habt ir Weisungen hie, so genas als zeichenlfchen nie in der werlt nehein man, dann ich vor iuwer han getan, oeheim, sit mir wülekomen. mir ist liep daz ich han vernomen daz ir noch sit sö wol gesunt.' ir liuten winkten si zestunt, den vil liebe da geschach, dö man die statten suone sach. dö si heten daz vernomen wie diu suone was bekomen, dem fürsten nigen al zehant die guoten helde üz Spanjelant. Walther dö Biteroifen bat daz er ze Paris in die stat wider rite hinder sich ; dö sprach der degen nein ich. ze Paris ich nu niht enwil : ich hän ze reden mit iu vil, des sult ir mich niht verdagen.' er sprach ich wil iu gesagen swes ir mich hie gefräget, wan mich des niht betraget.' Si säzen nider üf den plan, den recken fragen er began

von hämischen riehen, vil bescheidenllchen sagt er im daz im was erkant, der heiden site und wie daz lant berihtet mit ir herren W3S, und daz vil lützel der genas die er in sine «hte nam, und wie der küniginne zam ir leben in hiunischen riehen, und wie rehte wünniclichen die recken lebten dar enlant, und wie sich des heldes hant hete ervohten an dem Rin. des smielte sä der neve sin. Walther dö herbergen hiez, die geste er von im niht enliez, man ensehüefe in ruowe unde gemach. der junge helt zem alten sprach 'friunt und lieber «heim min, ir sult durch kurzwile sin bi uns hie doch drtzic tage, unz ich iu allez daz gesage daz ich mit iu ze reden hän; daz kan so gähes niht ergän, alsö ir des habt gedäht. mich hat min eilende bräht üf sö grözen ungewin daz ich im immer vient bin. Die hätten hiez er üf daz velt spannen unde diu gezelt da si under solden ligen. diu sunne diu was nu gesigen den bergen alsö nahen, dö si gerihtet sähen gesidele üf einem anger wit. der mit liebem gaste sit ze tische wirdicltchen saz, die koste gap er äne haz: vor dem er kümeernertedenlip, der bevalch im lant undouch sin wip. die helde sliefen deste min , diu naht gienc in alsö hin: ö daz si sähen aber den tac, der helt mit fräge bi im lac wie stüende Röedegeres leben ode waz im hete der künec ge- geben wider Aräbi daz lant. er sprach ' dä st£t in stner hant allez daz der künic hät. er hät urliuges rät näch sinem erbe an sinen töt. daz Etzelen golt röt mac er geben swem er wil. er hset mir ouch wol alsö vil gegeben unde mere; Helene diu höre, diu böt mir tugentllche kröne und lant riche. sö bedähte ich mich baz : ich wiste äne zwivel daz, daz ich selbe hete lant Etzelen unde Heichen hant heten mir und Hildegunde verlihen in der stunde swes wir heten dä gegert. von Etzelen wir nämen swert, b6de ich unde Hagene. umb uns eilende degene liez sichz der künic here kosten michels mere, ze tüsent marken oder baz,

und tete vil williclichen daz/ Dö sprach Bitrolf der wtgant ich wil ouch hiunischiu lant und die recken schouwen und Heichen die frouwen von der ich wunder hoere sagen, wie si in ir höhen tagen lebe und in ir ziten, daz si äne widerstriten si daz miltiste küneges wip, diu noch ie gewan den Up. nu solt du, Walther, neve min, Urloup nam er von im dan. dö sähen wol des fürsten man daz vil friuntlich scheiden geschach dö von in beiden. Biterolf der keile dan, Waiths und die sine man ze Paris körten in die stat. wol leiste er des er in gebat: ez hete der degen guote sin lant in friundes huote. derförstevon den Bergen reit, daz er mit nieman da enstreit, ze Burgonje durch daz lant. wart er sit iht an gerant, daz werte sö sin eilen und siner hergesellen daz im nieman niht ennam : si riten daz sis äne schäm körnen durch daz riche. doch wart ez willicllche an si versuochet manege stunt. ir eilen wart die mäze kunt daz man si muose riten län. geleites er und sine man gerten harte selten ; fridemeister mtnes landes sin. lä dir bevolhen sin min guot, sö friunt dem andern dicke tuot. ich wil bevelhen dir min wlp und laz ouch miner recken Hp , vil lieber friunt der guote , sin in diner huote.' er sprach got müeze iuch dort bewarn, ir sult hie heime wol gevarn : an aller hande dingen sö sol iu wol gelingen. in dorfte nieman schelten ir eilen daz si durch diu lant brähte, dä der künic vant höchvart und michel übermuot. jä muoste sit der helt guot mit guoten helden striten: hast man in läzen riten, daz waerein selben wol bekomen. in wart dä nihtes niht genomen. Uns ist der maere niht geseit wie der küene helt reit ode wä er nahtselde nam. er fuor, als im wol gezam, in koste harte rlche. er reit wol dem geliche daz unkunt waeren im diu lant. alsö kam der wlgant Zuo der Tuonouwe fluot: dä säzen helde vil guot ze Beiern in dem lande, do enböt dem Wigande der vil küene Gelfrät daz si des dä haben wolden rat daz ieman füere durch ir lant, swie er waere genant,

ritter oder koufman, ern solde billichen hän geleite durch ir marke. dö Bitrolf der vil starke hete vernomen gar ir muot, er sprach 'ich fuere kein guot da von man mute söle gern. ir seht mich riten hie mit spern, swie lützel wir der Schilde hän. äne kouf ich mich began etewenne ein langez jär. nu saget den helden für war, wir sin ritter als si sint, und bitet des alten Elsen kint daz si uns des geniezen län. wir haben in nihtes niht getan.' den jungen helden üz erkorn wart des gastes rede zorn. dö namens ir Schilde und suochten daz gevilde da si die wite funden ; si waen niht phlegen künden güetliche da ir geste. Gelfrät der nötveste der reit Biteroifen an , da von er selbe dö gewan sines llbes arbeit; der tiure degen vil gemeit ze gähes gar ernande daz er in an gerande. Der alte fuorte vor sin einen schaft hurnin geneiget harte sere. der an im warp iht ere, diu kam in vil tiure an. Gelphräte bresten dö began sin schaft, sö dicke schefte tuont : der Biterolfes der gestuont. des stach er nider üf daz gras der sin da wartende was mit rosse mitalle. sich erbot nach dem valle Gelphrät der wigant: an lief er in zehant. der forste was ouch nider komen : des swertes hete er genomen einen swanc vil witen. der herre künde strlten : den schilt er an daz ende sluoc durch herte gespenge guot ge- nuoc: da erreichte er ouch die ringe. nu wart dem getelinge des gastes eilen wol erkant: der helt geloubte sichs zehant. Nu was Else ouch komen. den schilt hete für sich genomen ein der Biterolfes man; da von Else dö gewan ein spertiefe wunden: er stach in bl den stunden daz im nider flöz das bluot. vier und drizic ritter guot die wären dä mit in komen. den gesten wart dä niht genomen, wan daz si wunden künden wem beidiu mit swerten und mit spern: die geste sluogen siben man. ich wil die ritter die ich hän noch gesunt', sprach Gelphrät, 'niht vliesen, sit dise hat der tiuvel gesendet in min lant. si slüege wol des einen hant, der mir verhouwen hat die wät. solher mute,' sprach Gelphrät,

wir werden selten rlche, die man uns volkcllche mit swerten mizzet über rant. ich wil in, sprach der wlgant , 'weder sträze noch die wege, weder brücken noch die stege nimmer für geriten.' daz lantvolc wolde strlten: wegen , dö verböt ez Gelphrät slt man uns sö gemütet hat, sö sult ir strites iuch bewegen, swer ez wil in sin kamere legen swaz er in sö gewinnet an, mines teiles ich im gan ze haben immer äne strit.' alsö schieden si sich sit. Si riten nider durch daz lant daz si slt nie mannes hant geruort mit strlten üf den unz daz Biterolf der degen die burc ze Bechelären sach. zuo den slnen er dö sprach ir neide, rihtet alsam e\ ob man durch müte iuch beste, daz wir in teilen unser golt daz si uns werden nimmer holt.' si täten als er in geböt: doch was in guoter witze nöt. ir einen Sauden si dö dan, der vant zwene wartman vor im üf der marke : si heten sorge starke daz si wurden an gerant. die zwene fragte er zehant daz si im sagten maere wes diu burc da waere. Si sagten ähe vären *si heizet Bechelären, ir herre heizet Rüedeger. uns hat diu marcgrävinne her hiute her vil fruo gesant daz wir behüeten ditze lant' der wartman sprach 'nu saget mir daz, (ir vart lihte deste baz), wer sint die nach iu rltent hie ?' er sprach die sint vil selten ie kumen her in ditze lant. wir haßten gerne daz bekant ob waer hie heime er Rüedeger, ob uns der marcgräve her enthielte unz an den morgen'. des sit an alle sorgen ' sprach der eine wartman ; sit wir daz vernomen han daz ir nahtselde gert, der werdet ir vil wol gewert.' Dö sagte daz gesinde der schcenen Goteünde, da waeren komen geste. hüsfrowe diu beste diu ie fürsten hüs besaz geböt dem ingesinde daz, daz man ir schöne soldephlegen. dö kam Biterolf der degen daz in diu marcgraevinne sach : von sinen zühten daz geschach daz si sich ere an im versan; da von ze friunt er si gewan. dö man in und ouch sin volc enphie, diu marcgrävinne daz niht lie, si bat in für sich bringen mit sinen jungelingen. dö hete man ir daz geseit

daz ir liehten Schilden breit von den »werten waeren schart, dd nu der gast enphangen wart von ir und ouch ir wiben, dd liez si niht beliben, Sin fragte in umbe sine vart, diu si vil viizicliche wart und ir gesinde gar verholn. ja hete er sich so üz verstoln daz ez da heime was verdeit : zwiu solde erz hän hie geseit? er verdagte ez Gotelinde und allem ir gesinde. doch dient man im mit vollen wol: swer guoter wirde danken sol, alse ouch im dä was geschehen, dem wirte er sol genäden jenen: alsam taten ouch si duo. dö in der naehste morgen fruo was getaget in daz lant, den recken hiez man ir ge- want üf die soumeere tragen, ich enkan iu daz niht vol ge- sagen wie schöne si in und sine man von in scheiden liezen dan. Dö er urloup hete genomen, si sprach 'daz min geleite komen sol mit im vol durch daz lant. ze Medelicke ist unbekant wie wir si hie gegrüezet hän : si sullen Rüedegeres man vil wol vermidentif den wegen.' dannen reit der küene degen nider in daz Österlant. vil seine wart er an gerant, wan man daz geleite sach: nieman in dä abe enbrach. dä mite si fuoren wol behuot. in sprach dä nieman waneguot. Der herre kam in Österlant, dä er eine burc ouch vant, diu hiez ze Mütären, dä ritter üf wären die besten üf ertriche. die helde lobellche der geste wurden gewar. dö huoben sich ir drizic dar und wolden nemen in ir guot, sö man noch dicke den gesten tuot. der herren zwene mit in riten. wart an den gesten iht erstriten, daz müeste äne ir danc gesche- hen. s wie dicke man daz hete gesehen daz den helden jungen an strite was gelungen, Wolfräte und Astolden, die hie werben wolden mit strite guot und ere : si muosten deste mere dar näch ungemüetes hän. die geste frägen man began, wer si geleite durch daz lant. Biterolf sprach unser hant und unser degenlicher muot git uns geleite vaste guot.' Wolfrät der neigte sä den schaff, do geschuof diu Biterolfes kraft, er gesaz als ein steinwant. dö hete der helt an siner hant ein sper geneiget sere,

er dolte ungerne une"re: Wolfräten stach er dar nider, daz ros lief zu o der bürge wider, dar umbe enliez er niht den strit, er versuochte ez anders sit nie mit Biterolfe spiln. der künde ritterschaft sö ziln daz er im lützel iht vertruoc: durch schilt und ringe er in sluoc daz diu brünne meil gewan; da von geloubte sichs der man. Dd sin bruoder daz ersach, Astolt ir einen nider stach, den andern er ze töde sluoc. dö wart zornic genuoc Bitrolf der küene wigant : dö vertrat des beides, hant sich unde ouch sine man. die Etzel noch nie gewan im ze friunde bi ir tagen, in beiden wart von im geslagen wunden durch die sarwät. dö sprach der küene Wolfrat 'ich gesach nie grimmer einen man: möhte er Etzelen golt hän, daz beleite er wol eine, der minen al deheine sol siner nieman rüeren an : mir ist leit daz ich niht e gewan künd ö ich hete hie gestriten; ich enhaete in nimmer an ge- riten. swie ich ie strites hete muot, ich lieze in immer mer singuot füeren daz ichs gerte niht. swaz im durch Österlant ge- schürt, daz wil ich im gelten gar, ob sin niht wirdet gewar eine der vil küene degen : vermidet in der üf den wegen, für war mac ich des wizzen niht ; äne aleine ob in gesiht von Kriechenlande Sintram. sit mir des siges niht gezam, sö mac in nemen der Krieche, von dem manec edel sieche ist worden in den riehen/ si rieten friuntlfchen sich von den gesten scheiden, geleite von den beiden sider Biterolf gewan daz er mit urloube dan von den guoten recken reit; si wurden dienstes im bereit für Wiene unz in Ungerlant, da er sit derHiunen künic vant. Des enhän ich niht vernomen, ist er ane strit komen hinz Etzelburc der riehen, dö er sö friuntlichen wart geleitet durch die marke. Bitrolf der vil starke hörte sagen diu maere daz dä heime waere der künec von Hiunen riche mit helden lobellche : der hete er ein vil michel kraft, dö freute sich der ritterschaft Biterolf, dö daz geschach daz er si bi dem künige sach. Do er nu ze Etzelburc was komen, dö wart sinvastewargenomen. swie vil dä ritter waere,

man hiez den (legen maere herbergen nach gewonheit: s wer ie ze sküneges ho ve gereit, der wart vü wdnic übersehen, also muoste ouch im geschehen. Wol behalten wart ir wät. durch den Biterolfes rat si legten bezzer kleider an. dem künege wart dö kirnt ge- tan daz dä ritter wahren komen : swä si haeten sich genomen, si füerten dürkel Schilde schart. dä von ir wol gegoumet wart der künec hiez dd besehen hin: 'hänt si iht herren under in, daz sol man mich wizzen län\ der böte sach ir herren an: der truoc wät von Abalin, dar under hiute vischin ze bezöge wären wol genät: swaz slner helde bi im stät, die truogen ouch die besten wät die ieman noch gesehen hät: daz wären phelle üz Alzabe, samit grüene alsam der kl£ gesniten wite und ouchvillanc, dar under wlzer danne blanc riche vedern hermin daz si niht bezzer mohten sin. Der ie ritter gerne sach, von des boten daz geschach daz si ze hove muosten komen. die daz heten e vernomen daz fremde Wigande waeren in dem lande, die Iltens al geltche sehen, bi ir gruoze mohte er jeben, si truogen den recken holden muot. dise helde vü guot komen dä der künic saz : der wirt sin selbes dö vergaz daz ervonsedelenihtenspranc. des sagte im deste seiner danc Bitrolf und die sinen man des gruozes des im wart getän. si nigen im, er hiez si sider zuo ime sitzen nid er und hiez in schenken sinen win. wie künde er ungefräget sin dä von dirre inaere, von wanne komen wasre der recke unde ouch sine man! der künec versümen des began, daz der eine ir aller phlac an dem diu hoehste zuht lac. Der künec von Bergen sprach duo dem sune Botelunges zuo Etzel, tiurlicher degen, wir haben uns üf den fremden wegen gearbeit harte sere daz wir die grözen ere hie zen Hiunen wolden sehen; und waer doch anders niht ge- schehen , wan daz uns vinde hänt ver- triben, und waern ouch anderswä be- liben, wan durch dinen lop den riehen,

den man vil voUiclichen saget in ander künege lant ; und wirt uns des iht erkant , sö var wir immer deste baz.' der künec dd langer niht ensaz, von dem sedele er balde spranc und sagte im der reise danc die si da riten in sin lant. er sprach 'min golt, min ge- want, silber ros und ouch min wät und allez daz min kamere hat, daz sol mit iu geteilet sin. ' er tete in guoten willen schin 13» und bevalch die geste alzehant Rämunge üz der Wlächen lant. Vil dringens muoste da ge- schehen von den die ez niht heten ge- sehen wie si der Hiunen künec enphie. dd sach man Rüedegeren hie und Gotelen den riehen, die enphiengen vliziclichen die fremden Wigande in hiunischen landen, si nigen als si solden. die andern die da wolden ouch mit gruoze si enphän, die sach man zuo den gestengAn: Gibeche unde Hornboge, von Pölän der herzöge , der was in vanenüsse da, zuo den gesten gienc er sä ; also tete ouch Schrütän, der herzöge von Merän, von Dürengen der wigant der was Irnfrit genant; dar gienc ouch Otte der (legen des pris vil höhe was gewegen; Irinc unde ouch Hawart, von den vil wol gegrüezet wart der fremde gast in Hiunen lant. dar nach enphienc in sä zehant vil vliziclichen Rüedeger. dö dankete im der degen hör der guoten nahtseiden die er mit sinen helden ze Bechelaren nämen, dd si dar kämen, von der maregravinne: 'diu erböt uns die minne, daz uns nie baz erboten wart an unser langen üzvart.' • daz wolde got, ' sprach dö der degen, daz iuwer wsere also gephlegen als ich iu des gunde. gelebe ab ich die stunde , daz ir ritet durch daz lant, iu wirt min wille baz erkant.' Si säzen nider alsam e\ dd was der küniginne we, wenne daz geschähe daz si die geste s»he. si was guoten recken holt: da mite hete si daz versolt • daz man ir maneger tugent jach. swä daz von frouwen sit ge- schach, die valschen hetenz niht für guot: si jehent noch daz in ir muot std üf valsche minne.

dem site der küniginne niht ze rehte wären kunt, er mohte irz velschen manege stunt. s wenne ab ez der künec vernam, er wart ir nimmer drumbe gram Daz siz denhelden schöne erböt. si half vil manegem üz der nöt, die er ?il ofte hete län bi im vil unberäten gän: si habte im üf sin ere , und daz er Rüedegere hete gegeben den gewalt daz der snelle degen balt die armen wol beruochte, swaz ir sin laut besuochte. Froun Heichen antfanc niht geschach wan dö si den helt sach sit an dem dritten morgen, diu frouwe was in sorgen wie si die helde enphienge alsö daz sin die geste wahren ßrö und daz sis ouch haete ere: des vleiz si sich vil s£re. der dritte morgen der was komen, dö hete der helt wol vernomen daz in diu frouwe wolde sehen, des enkunde ouch anders niht geschehen wan da si bi dem künige saz. der helt liez ungezürnet daz daz si von dem sedele stuont, sö frouwen noch in zühten tuont. Biterolf dö zuo ir gie : sö vliziclich si in enphie daz si da von wart rösenvar. si blicte harte dicke dar : ez was ein wol gestalter man. frou Helche in biten dö began daz er sich niht verdriezen da lieze, und hete er anderswä bezzer friunt danne an in, da woldens immer dienen hin daz er in eine waere holt: 'mines herren lant und unser golt, daz sol mit iu geteilet sin: lät iu durch den willen min versmähen niht des küneges guot. ob ir iu schaden iht getuot durch iuwern gebresten also sprach si zen gesten, 'daz waere unwislicher muot: der künec sö gerne git sin guot daz ez nieman kan gesagen. vil gerne hoeren wir die klagen die unser gäbe ruochent und ez an uns versuochent. der gast sprach mit guoten siten 'frouwe, swen man hreret biten, ob der denne wirt gewert, sö ist getän des er da gert. ich diene iu gerne swaz ich mac : des ie der Hiunen könic phlac, vil wol versihe ich mich dar zuo, swaz ich im miner dienste tuo, er löne mirs in einem tage/ sit wart daz frouwen Heichen klage daz er niht von in beiden nam. swenn aber den künicdes gezam daz er herverten reit ,

der gast vor slnen reckea streit sam er ervehten wolt diu laut: die besten die man bt im vant, sd was er einer drunder unde iedoch besunder der beste den man dö vant. den sige warp ie des beides hant vil dicke lobelichen vor Etzein deme Heben. Daz treip der fürste, daz ist war, vil nähen in daz dritte jär daz im der dienste nie gebrast: dar umbe diente da der gast daz er die recken gerne sacb. zem künege man vil ofte sprach 'seht disen, der möhte künic sin. er tuot sö degenlichen schln und ouch sd ritterliche tat: swiez umbe sin geslehte stät, der recke ist alsö gemuot daz ir und allez iuwer guot kündet niht verenden, daz er mit sinen henden tuot in manegen ziten in ieslkhen strlten.* Dd sprach der künec 'ich weiz vil wol wie ich den helt versolden sol: 15» iedoch hän ich des immer schäm daz er nie niht von mir genam. mfne gäbe biete genomen, waere er mir sö nahen komen, Baligän der vil riche , der vil gewalticliche ist ob den heiden alse ich bin. e er äne gäbe kseme hin , ja gibe ich im zehen lant.' stt wart Biterolf gesant dä sich ander helde werten in stürmen alsö herten : Etzele unde sine man michel ere dä gewan. Biterolf und Rüedegär und Schrütän der degen hör die täten swaz si künden. si heten in ir stunden Etzelen gedienet also daz ers d was vil dicke frd : nu muoste er sin truric wesen. stner liute wenic was genesen vor einer stat dä man streit. als uns daz buoch hät geseit, diu stat diu lac durch Priuzen laut: si was Gamali genant, vil turne bete se unz in daz mer. des wart daz biunische her getwungen vil sere, unz daz mit Rüedegere Biterolf der helt truoc ein zeichen riche genuoc zem aller heehsten bürgetor. die in des solden wesen vor, durch list wichen in hindan : Biterolf und stne man und Ruedgeres ingesinden, die muoste man dö vinden innerhalp der bürge tor. vil manic ketene was dä vor mit swerten üf gehouwen :

wie mohtens des getrouwen daz si wurden stt gevangen? si beten sich vergangen ein gazzen ze verre. Biterolf der herre, der helt vil unverdrozzen , mit würfen und geschozzen wart er des ertwungen daz er kam gesprungen an einen turn vesten. den werten da den gesten die stolzen burgsere : des wart der schade msere. Dö wart gevangen Rüedeger und Biterolf der degen hör wol mit ahzic mannen, die andern muosten dannen harte schedelichen komen. den sige heten da genomen die stolzen burgaere. daz wart harte swaere Etzelen deme riehen; Heichen sicherlichen truobte ez sere den muot daz s6 manegen helt guot Etzele weste von in tdt: noch was daz ein groezer nöt daz dise gevangen lägen hie. swaz er des sinen schaden ie von sinen vinden gewan, so klagte er nie sine man sö bitterlichen s£re. hundert tüsent oder mere möhten dar under ligen tdt, daz si koemen uz der nöt. Herverten dö began der künic selbe und sine man. Helche diu höre klagte die grözen öre diu an den helden was gelegen, swie Etzel hete manegen degen, si muosten sider, daz ist wär, gevangen ligen wol vier jär in der stat ze Gamalin, daz er mit al den recken sin si nie künde ervehten; wan daz den guoten knehten ein gelöcke sit geschach daz durch einen turn brach diu Biterolfes wisheit; als uns daz maere ist her geseit, dar üf ruowiclichen lac des landes herre manegen tac, er und diu küniginne , und sliefen nahtes drinne; Da von si stt daz lant verlurn. Biterolf durch einen turn in den andern hete gegraben: jä wolde er da niht langer haben 16' quäle alsd gevangen. waer des niht ergangen, Etzele und alle sine man die künden niht ervohten hän üz der selben veste die vil werden geste. Bodislau der künic hiez. daz in ie genesen liez Biterolf, da er in vant, dar umbe lie des heldes hant den künic slnes tddes fri , daz im lac beneben bi daz aller schoenste windisch wip, diu ie gewan den ir 11p üf al dem ertrlche. er schiet in baldecliche

von der küniginne dan. den künec besliezen er began , als er beslozzen selbe Iac. mit ir handen manegen slac diu frouwe zuoir brüsten sluoc : leide sö was ir genuoc, ja vorhte si ir mannes töt. der gast ir schrien sä verböt, si getorste ninder werden lüt. do bevalch der Dietlinde trüt den künic Röedegere: er lie bi im niht mere , wane zehen siner man. vil tougenliche kam er dan, nach volgeten im wol sibenzec man. zuo der porte er kam gegän , er vant den portenaere : des wart sit freuden laere Gamal! diu guote stat. des slüzzels er niht langer bat, daz houbet er im abe gesluoc. sorgen hete er dö genuoc wie erz den Hiunen möhte ge- sagen, daz er niht selbe wurde erslagen: des muoste er eine frist hän. daz sin gesinde hete er län innerhalp der porte ligen; des mohte deste baz gesigen dö daz hiunische her. an dem lande und üf dem mer hiez man behöeten dd die stat. ir spii dem was so nähen mat, des si heten e gephlegen: Biterolf der ziere degen allenthalben schieb bot. der Priuzen künec kam in die not, und möhte er Etzein selbe hän, daz er in gerne hete län. Der Hiunen gast der was nu komen. Etzele hete nie vernomen sö rehte liebiu maere: mit beiden lobebaere huop er sich zuo dembürgetor. sän ze strite sich dä vor rihten nu der Hiunen man. in der stat sich des versan der bürge hüetaere, und was in vil unmaere. Der besten, die der künic dar brähte, wart schöne gar vor dem tage tüsent man. Biterolf der gie von dan, sam der helt waere des nahtes zirkaere. er kam hin wider dä im e vil dicke was gewesen wc : dä von si laut und stete vlurn. dö sande er üf den einen turn einen hervanen breit, sehzic helde vil gemeit die liez er durch daz loch dar in. dö gie er aber wider hin dä er den wirt gevangen vant : der muoste Rüedegeres hant dulden, alse er in e. drlzic frouwen oder me sach er bi im weinende stän : ob si in leben wolden län,

des bat der wirt die geste. degene aller beste sprächen 'ir ersterbet niht; swaz halt anders hie geschiht, ir geniezet iuwers wibes mer danne iuwers libes.' D6 wart der Etzelen van von den Rüedegeres man an einen schaft gebunden, den stiezen sie ze stunden vil höhe üz einer zinne. d6 vlegt diu küniginne daz man ir lieze ir liut genesen, 'daz muoz an Etzein gnade sprach Biterolf der wtgant. 'iedoch gewiget iu wol min hant, 17» iu und den frouwendiehiesint, daz man der guoten ritter kint frieret mit uns lebendic hin. iedoch ist Etzel nu her in.' D6 wert diu naht niht mere. der Hiunen künec vil here liez siniu horn erschellen daz sine wicgesellen im hülfen stürmen zuo der stete, daz liut gemächlichen tete daz ez nu an die were gie. vil übele nächgebüren hie heten si dar inne. mit stritgerendem sinne der künec den schilt nam zuo der hant: da von sö hete er Hiunen lant lebendic nimmer mer gesehen : sö herte muoste ez noch ge- schehen von strite bi im drinne. si sahen üz der zinne noch des Zeichens niht wagen : der Hiunen künic war erslagen, wan von Lütringe Irinc, dem vil höhe siniu dinc ze maoegem strite wären kö- rnen, der hete binder sich genomen Etzein den vil riehen, man mohte wol geliehen die lassteine kaltem sne den si vil dicke sähen ö von winden undr einander gän: alsö dicke wurden län die schuzze nider üf sie. ouch wart von slingen würfen hie erdeezet manic helmvaz. waz half der Hiunen künic daz, daz er selbe drinne was? mit grözer nöt er da genas, ze siben torn sich huop der strlt ; dä was der Etzelen nit vaste under si bekomen: waere er noch niht danne kö- rnen, sö waere er von den steinen tot. nu gie den burgaeren nöt ob in gezwlvelt der muot; wan si ein zeichen harte guot sähen üf dem turne wagen, wer möhte in daz ze gloube sagen

daz ir künec gevangen lac? der wirt in da mit dö gewac daz er in selbe fride schuof : man hörte lüte sinen ruof daz erz ir künic wsere. dö sach man onch strltbaere daz volc dort unde hie. der porte man deheine lie, man versuochte ez unz dar an : des manegen verchwunden man gewan der künec von Hiunen lant. dä tete selbe des fürsten hant daz ez vil lange wart geseit. swie herlichen bl im streit Der künic von den Bergen, sit muoste er fride werben, in der gewalte er e dä was, vil maneger sit von im genas, der des tödes müeste wesen. man mohte fuodermaeze lesen die phile vor der müre ligen. senfte muoste sin verzigen : man fuort den wirt gevangen dan, sin schoene wip tet man alsan. die stolzen burgaere , mich dunket daz ir waere vil maneger dä von ungemuot, dö si die vesten turne guot der Hiunen künege muosten geben, ob si iht langer wolden leben. Mit nöt gedingte Rüedeger von Priuzen lant dem künege her. die Hiunen brächen nu hie vor vil manege tür unde tor. den hüten was gedinges nöt , daz sis niht alle sluogen töt die si dar inne funden. doch sach man manegen wun- den, dem sin was vil ungedäht. swie dicke der Hiunen künic bräht hete dar diu grözen her, si wärn im ie alsö ze wer daz er und alle sine man mit schaden muosten scheiden dan. diu stat waer immer frl gelegen, niuwan durch den einen degen, der löst sich selben üz der nöt. der Priuzen lac dä maneger töt, dä von daz er den turn durch- brach. vil gewaltic man dö sach Etzein den vi! riehen : nie wolde er entwichen unz man im den künec gap bi der hant, der muose im liute und ouch sin lant antwurten und sin selbes lip. schiere hiez er im sin wlp zuo sinem stuole wisen: sol man unkristen prisen, sö mohte ouch si ze prlse wesen. an einem buoche hörte ich lesen ze einem wären msere daz nehemiu schoener wsere von windischer diete.

der si bl ir biete, der mohte man dä schouwen sehs und ahzic frouwen, wfp unde ouch meide. nu baten dise beide , der gast und her Rüedeger, daz er der kamere keine mer in der stete lieze brechen : wold er sich schöne rechen, so solde er mit im füeren dan die küniginne unde ir man, und daz er berihte daz lant und die stete nach slner hant. Do volgete er vil dräte nach der helde rate, er nam sö vil der glsel sider daz er mit im fuorte wider vier hundert ritter oder baz. der künic tete ez umbe daz , daz man ez sagte ze maere daz sin hofgesinde waere der kunec von Priuzen landen. in die stat si sanden und suochten drüz die besten die si dar inne westen , ez waere frouwe oder meit. grözen schaz und richiu kleit fuorten si dö mit in dan. als ich iu gesaget hän, sö rihten si sich sä zehant mit verte zuo der Hiunen lant. Nach dirre grözen arbeit mit urloube von in reit der marcgrave riche. er hete vil müellche erbiten daz ez geschaehe wie er Bechelären saehe unde ouch Gotelint sin wip : diu hete hr minnicllchen 11p nach im verklaget se*re. dem guoten Rüedegere die wege wären wol bekant. dö kerte er von der Priuzen lant gahende vil starke ze Beheim durch die marke: ich wsen er schöne enphangen wart nach siner langen üzvart, dö er gesunder wider reit. wirn wizzen niht der warheit wie er sin dinc da heime vant. beidiu liute und ouch sin lant, daz mohte allez deste baz , do er nu ze Bechelären saz. ich wil gelouben und des jehen daz sin antfanc was geschehen mit guote in slnem lande* dem edeln Wigande wären sine recken holt. daz hete er wol an in versolt Waz er nu dä ze tuonne habe, der maere muoz ichkumenabe, ich wil iu von den fürsten sagen. si kämen küme in vierzic tagen zuo derTuonouwe an die fluot. si fuorten manegen ritter guot, eteliche wol gesunde , sumellch vil se're wunde, und beten dort in strites nöt ir vil manegen läzen töt. ze Etzelburc der rieben kam vil fraglichen der künic dä er Heichen vant. die liute über al sin lant

der künfte wurden wo] gemuot. sin wip diu küniginne guot diu gienc für einen palas: der künec von slnem rosse was gestanden nahen bl der tür. mit Heichen giengen dö dar für die da bi ir solden sin. 'willekomen, herre min/ sprach daz tugenthafte wip, « mir ist liep daz ich dinen Up sd wol gesunden hän gesehen: des wil ich mir gelückes jenen.' ir gruozes dankte er ir gar wol, als man friunde danken sol. isoo mit armen er si umbesloz , er sprach 'min dienest ist sd gröz daz du mirs gerne danken solt. ich bin dir inniclichen holt und händirmergesindesbräht. da mit hän ich an dich gedäht in stürme da ich angest leit. manege frouwen unde meit, die solt du heizen für dich gän, die ich ze glsel mit mir hän gefüeret her in ditze lant. frouwe, daz si dir bekant, ich hän der Prinzen künic hie. faßlichen si dö mit im gie. abe zöch er sin gewant, zuo ir saz er sä zehant und sagte ir diu masre wie im dort gelungen waere. Ir heile danken si began daz er die selben stat gewan to diu im sd lange widerstreit, und daz diu Rüedegeres leit heten ende sö genomen. dö sprach er 'daz ist alles komen von unserm küenen gaste, landes hundert raste hete verdienet wol sin hant. ich enhete die stat noch daz lant äne in niht betwungen. daz uns ist gelungen, daz ist von sinem eilen komen.' dö si hete daz vernomen , dö sprach vil güetliche diu küniginne rfche da sul wir denken wol dar zuo daz man näch slnem willen tuo allez daz er selbe wil. möhten wir im alsö vil geben sam wir lande hän , daz solde allez sin getan.' Dar näch, dösidaz gesprach, der künec die frouwen ir gemach schaffen mit ir meiden liez. bat er im bereiten hiez : si badeten harnaschräm von in. von Priuzenlant die künigin, die hiez man dö ze hove komen. si hete e" wunders vil vernomen von frouwen Heichen richeit: vil frouwen unde manic meit mit ir ze hove muosten komen. der wart sö schöne war ge- nomen daz siz für minne muosten hän. dö sach man in engegen gän des künic Etzelen wip. maneger schoenen frouwen Up hete si dä vor dicke erkant : sö 8chceniu in der Hinnen lant was bi ir zlten nie bekomen,

so die der künic hete genomen in der »tat ze Gamatin. hundert und zwelf magedin sach man bi der frouwen gän , ritterwlp vü wol getan vierzic unde viere. in ir zühten schiere firou Helche den ir gruoz böt. mich dunket daz si noch der nöt dar umb niht äne waeren. si heten nach den maeren sich einander hie gesehen: was ie höher gruoz geschehen, den tete fron Helche ir gesten; iedoch sach man in bresten ir senfte : des wurden naz ir wange trahene, ich gloube daz. . doch tröste si des wirtes wip, vil wol gehandelt wart ir lip. Frou Helche boten sande dan, zem künege si urloup des gewan ob si ir geste solde küssen, ob er wolde haben daz für guot. dö sprach er 'swaz si gerne tuot, dä ist ouch wol min wille bi. swie si mit in gerne si , des sol ich si irren niht. swaz man der klagehaften siht, waz wirret, machet si die frö?' daz enböt ir der künic dö. dö si daz urloup gewan, vor liebe lachen si began : die künegin si dö kuste, vor liebe si des taste. den andern si ez wol erböt. da mit schiet si si von der nöt, diu in was klagende nähen bt. funfzic wochen unde dri si waren slt gesinde dä. si waeren ninder anderswä gewesen sanfter in der stunt: den konewiben tete man kunt, si solden ligen bi ir man. dö man in daz urloup gewan, ir ieslichen dühte ez guot. man phlac ir, sö man gtsel tuot, der alten und der jungen, mit guoter vestenunge und daz si giengen äne bant, des muoste dä der besten hant mit gestatten eiden swern. do endorfte in ouch daz nie- man wem, si riten üz oder in. Des Priuzen wip diu künigin was nie baz beraten, in ir selber kemenäten ir gesinde hete ez guot. deste sanfter stuont ir muot hin wider in ir herren lant. näch einem gaste wart ge- saut, den bat man hin ze hove gän, von des schulden was getan daz man brach der Priuzen stat. frou Helche diu küniginne bat daz er des lön solde enphän,

des er ze dienste hete getän Etzelen dem riehen : des bat si vlizicllchen. Dö er hin ze hove gie , diu frouweinvliziclicheenphie. sit fragte si in maere wie er geheizen waere. daz hete er nieman da geseit. do gedaht der degen vil gemeit swie ez doch recken niht en- tüge, nu muoz ich mich mit einer lüge mit rede von ir enbinden daz . . . dö er vor der frouwen saz, er gedähte im eines namen : er dorfte sichs niht enschamen ; der in von wären schulden truoc, biderbe was er genuoc: er was ein recke üz Tenelant, Fruote sö was er genant. Dö sprach der degen guote 'frouwe, ich heize Fruote.' daz hete der künec ouch e ver- nomen daz ein recke waere komen mit jenem künege in daz lant, der ouchFruote wasgenant. diu frouwe sprach 'ez tuot mir wol daz ich doch daz wizzen sol , wan ich iueh gerne nennen wil. wir hän dar näch gefräget vil daz ich et nie künde ervarn.' er sprach 'dä von muose ichz bewarn: ich bin ein eilender man, durch vinde haz hän ichz län.' dem künege wart ez ouch geseit. dö gie der degen vil gemeit zuo Heichen der vil riehen: si beide güetlichen buten im ein f ürsten lant , der sich da hete Fruote genant, des höchster name von Bergen hiez, da er richiu lant und kröne liez. Dö si in buten an ir guot, dö sprach der recke wol gemuot her künec, nu lät michs äne stn unz daz ez baz die hende min verdienen, als ich willen hän. ich hän noch solhes niht getan dar umbe ich kröne süle en- phän ,' sprach der vil werde man. 'gediene ichz, sö llhet mir: die wile ichs alles wol enbir, daz niht ensprechen iuwer man, diu gebe si umbe sus getan.' der künec ersmielte, ez was im zorn: 'sö hete ich manege gäbe vlorn,' sprach der Botelunges suon; ' solde ich nieman liebez tuon, wan als ir wille wa3re, sö möhte mir mit swaere dienen ein ieslicher man/ der gast der sprach 'die wile ich hän des ich dä brähte in iuwer lant,

sö nime ich schaz noch gewant.' Die rede liezens alsö stau, do begunde ein iegelicher gän dar in dö sin wille truoc. phlegen , si funden da ze hove genuoc der kurzwile der man phlac: da mite vertriben si den tac. daz jär nam doch ende sint. des künic Öseriches kint hete ir gisel baz unt baz. daz buoch hat uns verholn daz, wes dö die Hiunen muosten und wie ouch Fruote der degen 21' truoc sine degenheit. ein ander maere ist uns geseit: möht ich daz vol ze ende sagen, sö wolde ich iuch niht verdagen. äventiure wie Dietleip zen Von dem ich iu wil nu sagen, der wuohs in slnen jungen tagen in einem riehen lande. den zugen Wigande, wan er was eines küneges kint. diu küniginne Dietlint diu hiez sin phlegen schöne, dar umbe daz er kröne ob riehen landen solde tragen, daz daz ieman künde sagen, gelebte er daz und naeme swert, daz er niht waere kröne wert: daz waere slner muoter leit. ir name der ist uns ouch ge- seit: si was frou Dietlint genant, des ist uns ende niht gegeben wie die Hiunen dö ir leben schuofen da in ir landen, ode waz den Wiganden der künec erböt zen Ären, nu müezen wir verk£ren die rede die wir gesprochen han. nu wil ich iuch hoeren län umb einen den küenesten degen: da man ze prise solde wegen tüsent künege riebe, man funde im niht geliche. der kom slt in Hiunen laut: da von er wlten wart erkant , dö man in bl den recken sach. ob man im iht der eren jach die tumber degen werben sol, die künde er ouch verdienen wol. sinen vater suochte. ir dienten siben f Arsten lant; da hiez ir sun her Dietleip. der ditze maere an schreip , der wolde es niht vergezzen. er wart ein helt vermezzen vil tiure und vil riche : dem tete er wol geliche , wan er in slner jugende phlac vil maneger tugende und vleiz sich maneger öre. waz sol ich sprechen mere? die in heten under in erzogen, von den er uf den regenbogen vil selten wart gesetzet, si wolden sich ergetzet ir herren mit dem kinde hän.

allez daz wart wol getan, swie man im gap die lere, des wuohs er nach ir ere. si zugen in vlizicliche : sinem vater vil geliche gebaren er begunde. (des was vil manege stunde daz si ir herren heten vlorn.) den jungen recken wol geborn bi helden dö man wesen hiez : vil gerne er sich scheiden Uez von ammen die sin phlägen e. dem kinde tete daz dicke w£ : swa er ander kindel bl im sach, ir etelichez 'vater' sprach; sd fragte er ie der maere wä sin vater waere. Sin muoter weinende sprach 'daz ist lanc daz ich den sach, der dir ze vater was genant. des lop was so wite erkant daz wir den gerne raöhten han. nu ist min vlust alsd getan daz ich nach im han immer leit: wir enwizzen wie er uns ent- reit, dö ich in guoten freuden saz und sach ouch an dem künege daz, daz iravilhöhestuontdermuot. vil manegen edeln ritter guot er mir hie ze dienste lie. dö er nu jungest von mir gie, dö kuste er mich an minen munt und bat, mich friste gotgesunt: daz was do ich in ze leste sach. ob ie wibe leit geschach, so ist ouch mir vil leit gesche- hen.' dö sprach daz kint 'hört ie- man jehen war er hin gekeret si?' si sprach 'der frage ich selten fri bin gewesen zehen jär, ob ieman sagte mir für war, dem din vater waere er- kant, • ob er in ander forsten lant geriten si durch minne,' als sprach diu küniginne, 'oder durch sin degenheit. nu ist mir anders niht geseit, wan daz ich sin äne bin. da von get mir min wtle hin vil dicke jaemerlichen. nie fürsten alsö riehen gesach ich sö diemüete. sin zuht und ouch sin güete , die riuwent mich vil sere : dar zuo ich keinen mere ninder miltern han gesehen , sö wir die besten hoeren jehen.' Dö sprach der junge helt gemeit 'muoter, und waere ez iu niht leit, eilende ich immer wolde sin , ich enfunde danne den vater min.' si sprach 'friunt und lieber suon, war umbe woldest du daz tuon ? waer er uns lebendic nähen bi,

sö lieze er uns des selten fri ern s»he uns under stunden, ich bin niht anders fanden, ich warne des, er si et tot. sö w«r daz alsö gröz ein nöt, soldichdin, Uebezkint, enbern. du solt die muoter din gewern daz du nimmer von ir kumest ; da mite euch du dir selben frumest du suochest diner lande reht. ob dir daz ritter unde kneht raten wolden, liebez kint, und die mit dir vergiselt sint, die tröstes an dir solden leben, einen rat wil ich dir geben: du wirst ze künege hie genant, du solt behalten diniu lant, als ir din vater hie vor phlac. si sint nu vil manegen tac in diner helde hant gewesen, derfrumenlützel wasre genesen, waer der von Kärlingen niht: swaz ie den liuten din geschürt, Walther ez heizet widertuon. der ist diner basen suon.' Do sprach der kindische degen 'got den läze wir sin phlegen, nu wir slns lebens niht en- hän. frouwe, ich wil bi iu bestan.' diu rede freute ir al den sin. doch gedahte er zallen ziten hin, wa er slnen vater funde. so er tougenlf ehest künde, sö nam er helde kleider war, unz daz er erkunte gar wie man gen strite harnasch truoc. niemanne er des zuo gewuoc. er lernte rlten umbe daz , üf frevele ros er dicke saz ; Schilde nam er an die hant , die tjost er kund eil che ervant. sin muoter sin dö hueten hiez daz man in ze rehte rften liez. wä von? ez dühte si zefruo. dö greif ab er so kindisch zuo daz von siner tumben hant vil der schefte wart verswant. Swaz er die wlsen sach begän, des enwolde er niht Verlan, ern lernete ez sä zehant. swä er die schirmmeister vant mit schilde und buckelaeren, er hiez im ie bewahren die kunst bescheidenliche. den jungen künic riche ein meister lerte üz Irlant, daz diu kunst des heldes hant über alle schirmaere truoc: dar zuo was er starc genuoc. vil ellenthafte stuont sin muot. « der junge starke degen guot vant ein gewaßfen riche daz e vil ritterliche sin vater dicke hete getragen , und einen heim wol geslagen von gesmidigem stäle: der wünniclichen male vil manegez man dar üfe vant, diu des smides meisterhant hete gestreut in den glänz;

siben helmelisten ganz in heten umbevangen. da bi sach er ouch bangen ein wäfen scharf unde breit, ez waere slner muoter leit, solde si ez wizzen, daz der helt vermezzen daz wäfen alsö gerne sacb. vi] heimliche daz geschach daz er ez von der scheide nara. dö sprach daz kint vil lobesam solde ich dich nach willen daz wirt eriteniuwet dir. kumest du nu ze mäze mir, ze ringe noch ze s waere, wie frö ich des waere.' er schütte ez als ein schirm- swert. eins herren was ez wol gewert: ez was zuo im bestatet sd daz er sin was selbe frö , dö er die güete dran versan. er hal ez alle sine man, dar zuo meide und ouch diu wlp. dö wäfente er sin selbes Up , daz er doch übele künde. baz danne drl stunde schutt er den halsberc ane sich, der junge degen lobelich (wie sere in des luste !) daz er g£n der brüste daz hinder teil ie kerte. diu arbeit in lerte daz er ez slt ze rehte truoc. haele hete er des genuoc daz er daz wäfen drüber bant ; den schilt nam er an die hant dö bant er üf den helmhuot: nach ritterschefte stuont sin muot. von nagele huop er einen schaft, dar an versuochte er stne kraft, der was von helfenbeine: ob er den alters eine alsö tumber solde tragen , daz möhte man für wunder sa- gen. Von drlen stücken was der schaft von des selben heldes kraft, der manege tjost da mite reit, von Kalle ein sper vil breit was vorne an daz ort geslagen. swaz man von spiegelvarwe sagen möhte deheiniu maere, swaz es noch liehter waere danne ie dehein glas gewan, der selbe helme wol getan der mohte geliehen wol dar zuo. der nu in beiden rehte tuo , der sol si ninder füeren ern welle tjoste rüeren. Entwäfen er sich began. dö brähte ez der vil tumbeman hin wider dä erz ligende vant. in düht wie wäfen unde gewant im allez rehte solde komen : haet sin muoter daz vernomen, si hete ez lihte baz behuot.

vil vllzic was der degen guot, ob er der küniginnen immer möhte entrinnen, mit rittern reit er üf den plän, (daz hete er selten e getan,) da er die valkenaere vant. nieman liez er sin erkant waz sin wille wsere. der junge helt vil maere, sus wolde er sich stein dan: sin muoter biten er began daz si im gunnen solde, swenne er riten wolde, beizen mit den helden üz slnes vater seiden. Den urloup er von ir gewan. dö schicte er drl knaben dan, wä im die solden komen zuo an dem naehsten morgen fruo. vil küme er beit, daz began, sit er riten wolde dan, dem tage diu naht den schln benemen. ez enmohte im anders niht ge- zemen daz er sich hete also verholn. slner muoter wart verstoln slnes lieben vater wicgewant : er liez ez mit sin selbes haut die müre durch ein venster nider; ez nämen sine knaben sider und brähten ez dä er si hiez. vil selten man in släfen liez ninder wan dä lägen wip und stolzer juncfrouwen Up: künde er minnehängephlegen, sö waere er sanfte dä gelegen. dd was im minne unerkant, dä von vil selten si sin hant hete gerüeret inder an. swaz im dä liebes was getan, des wart in niene habedanc: in düht daz wesen bl in lanc. Dö er den tac alreste er- sach, ze slner muoter er dö sprach 'frouwe, ich wil nu beizen varn.' si sprach 'got müeze dich be- warn.' 'muoter, als tuo er ouch dich, nu du ungesträfet läzest mich von diner kemenäten gän.' er sprach 'du häst mir liep getän. ich kürze hiute mir den tac, sd ich aller beste mac , mit den valkenaeren min. got hüete, liebe muoter, dln.' Von sinem rosse ist uns ge- seit, daz er üz der bürge reit, Belche sd waz daz genant ir lützel man dekeinez vant bezzer in al dem rlche , im enwaere daz geliche daz her Dietrich der degen reit, doch ist uns daz für wär geseit, ez was der selben stüete. slner sterke und slner güete bedorfte wol der junge man. vil ungesellicliche getän was von hove sin reise.

des landes manic weise nach im weinen stt began. nu vant der kindische man sine knaben und die wät: dö wolde er des niht haben rät, ern schütte an sich daz liehte gewant. dö rümte er slnes vater lant, e es inne wurde Dietlint. in fuorten sine knaben sint ze Tölet für die guoten stat. wie vaste er sich da heln bat ! sam tätens ouch sin selbes sit. den schilt von golde spannen wit, den bedahten si so gar daz des da njeman wart gewar. Der schaft der was ouch über- zogen (daz maere daz ist ungelogen) mit einem phelle tusenvar, daz des nieman wart gewar daz er von helfenbeine schein : si fuorten in alle viere enein. den heim er ouchtougentruoc. von düblet guot genuoc ein hulft ob sinem satele lac: dar umbe daz der schin niht wac wider dem schilde wol ge- er künde keiner slahte man vermelden daz siz waren, er liez in manegen swaeren sin volc über al daz lant. dö sinen recken wart erkant daz er niht beizen was geriten, sin muoter begunde biten mit weinen daz man suochte'n helt, 'habt ir ze valkenaere erweit den minen einigen suon, sd moht ir nimmer wirs ge- tuon.' Dö suochten si in üf dem plan beidiu wider unde dan , in künde et nieman vinden. der frouwen ingesinden in die kamern wären komen: dö was der harnasch genomen dä er e alle zite lac. mit henden manegen brustlac frou Dietlint dö ir selber sluoc: dö wart ir leide genuoc und allem ir ingesinde näch ir vil lieben kinde. Si klagt daz si ie wart geborn: e hete ich minen tröst verlorn, min freude ist nu geriten hin. owe, wie ich verweiset bin. ob mir min man und ouch min kint beide also verlorn sint , owe, wie möhte ich die ver- klagen? min ungelücke in minen tagen daz muoz sin verwäzen. wem hat mich nu läzen der friden solde disiu lant ? nu tregt min houbet noch min hant vor leide nimmer mere golt. diu ungenäde ist mir sö holt daz si mich nimmer wilverlän;

des muoz ich du vü trüricstän.' schach , waz half ir weinen unde ir kla- er fremdete si ze manegen tagen daz er si lange niht gesach: von einen schulden daz ge- daz er ir gar ze verre reit, der junge degen vil gemeit begunde fragen durch diu lant: vil gerne hete er daz erkant wa er sinen vater solde suochen , den er wolde vil gerne und williclichen se- hen: 25" daz mohte sanfte niht gesche- hen. swä si ie die State funden, wie übele si da künden werben nach der spise. doch wären si sö wise , si wehselten umb silber golt. der ieman wolde wesen holt durch sinen kintlichen muot, den möhte ir leben dunken guot. ich weiz ir nahtseiden niht : wie in an ir vart geschürt, daz ist mir rehte niht bekant. wan ze Burgonde lant dar begundens fragen, die sträze in allen lagen nähen vil geliche : si beten fremdiu riche dä vor selten ie bekant. in der Burgonde lant fuoren si äne ungemach. durch daz mans ungewäfent sach, dä von nieman mit in streit, sus fuorten si vil guotiu kleit, diu richiu kint wol mohten tragen. dö hörten si vil schiere sagen von einer bürge diu was guot, dar uf säzen vil höchgemuot vierzic ritter oder baz; die hiezen frägen umbe daz , von wanne föeren disiu kint. man sagte in von der bürge sint daz diu Tronje was genant: daz hüs und ouch daz guote lant was allez Hagenen undertän. dö disiu fräge was ergän, von den knaben die hie riten antwurten in vil höhen siten sö mohte man in vinden. des wart ouch den kinden misseboten dä etewaz. niht täten äne schulde daz von Tronje die burgaere : durch daz si nieman maere mit antwurte wolden sagen, si wänden pris an in bejagen. Sehse ir balde zuo in riten. sit dö wart an in erstriten vil kleiner lop und ere. waer ir gewesen raere , des gesindes daz dä reit, si heten deste grcezer leit erworben an den gesten. den jungen nötvesten

wäfenten dö die dri man. vil balde er des began , er wolde wem sine wät. dö wolden si niht haben rat, si wolden mit im striten : si möhten gerne biten noch hin nach disem siben tage, ob ieman wa3tlich pris bejage , so mohte man in prisen baz dö er uf sinem rosse saz. zehant dö reit in einer an, den stach er von dem sateie dan wol drler sperschefte lanc der hinder satelboge spranc vil verre mit dem manne nider. ich waen in luste des iht sider daz er strite mit im m£ ; der einic stich tet im so we daz er dort sinneloser lac. der ander schaden sich bewac, Mit zorne reit er in dö an. . da von künde im niht gestan übergurt und fürbüege : der gast was ungefüege, er frumte ez allez mit im hin. der rede ich sö beribtet bin : waere an slnem Schafte sper, in selben mit unsenfte her heten si im gevolget dar. si waeren noch sö sinne bar , daz in der dritte sä bestuont, als noch gelfe liute tuont. den zwein den was niht wol geschehen: der dritte hete sich versehen , er gewunne michel ere an im. ich enweiz ob ichs iht schaden nim/ sprach er zuo den'gesellen duo. ich waen, er dem geliche tuo daz er ir tüsent steche nider.' unwerdicllch gelac er sider vor des jungen recken hant: sich selben er vil verre vant hinderm rosse üf dem plan, alrerste wart des war getan daz sin schaft was äne sper. dö sprächen si ir sit uns her ein teil vil lasterlichen kö- rnen. 26» hät iu daz iuwer zuht benomen,' sprächen dö die wisen, 'daz ir des speres Isen niht enstiezet an den schaft?' 'ich ensach der ritterschaft niht der ich hie solde phlegen ; ez ist noch alsö guöt gelegen stille bt dem helme min , des muoz ez ungeschiftet sin. ich enweiz an iu niht disen haz.' die ungevallen sprächen daz wir nu ritter möhten hän, sö wellen wir iuch rlten län.' er sprach 'daz vergelte iu Krist, nu mir niht mer geschehen ist wan daz ich versuochet bin.' iedoch si sanden boten hin gegen Metzen durch den nlt: den kom er alsö nähen sit daz in wol gesähen die. Ortwmes witwe hete hie wol hundert ritter oder baz. ich weiz niht endelichen daz ,

in welher z!t er dar gerite. ez was ie der bcesen site daz man diefrumen hazzen tuo. ez reit der junge recke duo gegen Metze sine sträze dan. durch daz ez in was kunt getan, so beten sieb ir zwelve dar (ez was ouch greezer niht ir sebar) nach im gerihtet üf die slä : si wänden an im ertwingen dä allez daz si döhte guot. der junge degen höchgemuot zuo den sinen knaben sprach, do er dise nach im rtten sach 'sol ich sislahen oder län, ob die ritter mich bestän?' dd sprach der wisest under in 'slaht ir si, wie kome wir hin von dirre also grözen stete? weit ir mich wern miner bete, si enwolden iueh ze töde slän, ir sult si unverwundet län.' ein garzun wart zuo in ge- sant: von wanne er füere durch daz lant , daz solde er si wizzen län. si erkanden waz er bete getan dd er dort für Tronje reit: ez was in allez wol geseit. Den garzün grüezen er began. dö dankete er dem jungen man und sprach vil balde wider in von guoten rittern her ich bin ein böte , die hänt mich iu ge- sant: von wanne ir ritet durch daz lant, daz sult ir, si wizzen län.' dö sprach der vil junge man 'ich rite von sö maneger stete, ich kan si weren niht ir bete daz ich inz halbez mäge sagen, dar zuo muoz ich si des ver- dagen war mir ze riten st6t min sin : ich selbe enweiz wä ich wil hin. Der garzun lief und sagte in daz. dö sprach ir einer 'deste baz, sit er üf strites willen vert, sul wir versuochen wie sich wert des vil guoten heldes hant.' vil schiere wart er an gerant von einem dem besten under in. den stach er flögelingen hin (wie guot sin wille an im er- schein!) daz er als ein swaerer stein viel hinderm rosse üf daz gras, dö der satel laere was, einen knaben er ez nemen hiez. der ander ez dd niht enliez, er wolde ez noch versuochen baz. dö tete er dem selben daz : ich warn, er lihte an im erstrite. alsam er ungegurtet rite sin ros, sö schiet er in der von. si wären des vil ungewon daz ez in waere ie geschehen, noch liez in der dritte sehen Waz künste stüende in siner hant.

des gelf der wart von im gesant vil verre, daz er sich versan daz si an dem jungen man möhten werben frumen niht. der Vierde sprach 'deist ein ge- schürt uns allen harte lasterlich, waere er inder im gelich, sö solden wir in dar für hän, der valsche site nie gewan , Baltram üz Alexandrin; niuwan daz der lip sin küme halp als er gewahsen ist. dar zuo hän ich keinen list wer der vil guote ritter st. im wonet niht ritterschefte bi also gröz als umbe ein här.' heten si gewist für war daz er waere noch ein kneht, si selbe diuhte gar unreht daz si in heten an gerant. si sprächen 'irmugt durch daz lant riten swa iuch dunket guot. Wir heten des vil statten muot, wir solden iuch betwungen hän. der knabe sprach ' ir sult ez län durch iuwer selber ere. muotet ir iht m£re daune daz ir twinget mich, ist ez niht schäme, daz tuonich sö ich aller schierest kan. helde ich künde nie gewan die durch sö gar vergeben ntt an ieman hüeben keinen strit, als ich umbe iuch hän versolt. ir guoten ritter, sft mir holt. wirde ich ritter, als ir slt, sö 8ol ich nieman keinen nit üf ritterlichen sin getragen, ich enmöhte pris an im beja- gen.' dö si heten daz vernomen daz er was knehtes wise komen, dö was ez in allen leit. [kleit si sprächen swenne ir ritters bi dem namen füeret an, man sol iuch unbetwungen län/ Ir einer sprach zuo ime sider *wie stüende uns ob wir na- men wider diu ros diu bi iu ledic stant? ich wil daz sis iuch füeren länt, und gebet si swem iuch dunket guot.' [muot er sprach ja hän ich niht den daz ich ieman iht des neme des mir ze haben niht enzeme.' in Metzen si dö mit im riten. nach vil firiunüichen siten, sö gäbens im die koste dä. da mite erfuoren si in sa , war sin gedinge wa3re. dö sprach der degen maere, ob si inder westen keiniu lant dar inne in waere bekant mit vollen werdiu ritter- schaft. si sprächen ja, vil michel kraft habe wir hie helde nähen bi. junger fürsten der sint dri vogete über dilze lant. Wormez ist ein stat genant dä diu Dancrätes kint mit grözer ritterschefte sint.

Ouch liez ein gesinde dä nomen , Gibeche, daz man anderswä bezzer ritter selten vant. si bede heten ditze lant: nu ist ez an die jungen komen.' er fragte 'habt ir iht ver- ob inder bi in si ein man der ze guoter mäze kan ritterschaft, swanne er die siht ? ' si sprächen 'dan ist fremder niht,' und fragten in der maere in welher mäze er waere. des enhän ich niht vernomen. iedoch ist er ze stete komen, gewahsen ebenmaeze ein man, dar zuo ich daz vernomen hän daz im gräwe nu der bart. ob ir inder sine vart habt erfunden durch daz lant , gerne haete ich daz erkant.' Si kundens sagen niht für wär. doch zeigte im ir einer dar, ob er in vinden wolde , daz er in suochen solde in hiunischen rfchen: sich enkunde niht geliehen zuo der grözen Überkraft die der künec mit ritterschaft hete zallen ziten mit schimphen und mit strften ; ' des hät er zallen ziten vil. freude und ernstlichiu spil, der ist verre mere da denn in den landen anderswä. Dö sprach daz kint 'dar muoz ich varn. got der sol iueh bewarn und vergelte iu disen win. nach dem ungemache min habt ir mich gehalten wol. des ich iu immer danken sol.' von in schiet er äne haz. si täten williclichen daz , vernam , daz si im zeigten durch daz lant: [28» ir huote wart mit im gesant vod Bietzen siben mile dan. ob er Sit arbeit gewan , e er ze Rine waere komen , des enhän ich niht vernomen. ir böte der fuor mit im dan. dö heten si gemach getan ir guoten moeren die si riten. noch wart allez hie gestriten mit rede, ez waere Baltram, von dem man manegen pris der sider künec ze Pülle wart. die knaben schuofen dö ir vart, dö si ir geleite heten län ; durch Lütringen si dö dan riten an den Wasgenwalt. dö sprach der junge degen balt 'nu reichet mir den heim her unde schiftet mir daz sper wider an den mlnen schalt. ez sint lihte hie mit kraft schächaere in disem tiefen tan : an den kan nieman lop begän, wan swaz man ir slüege töt , daz waere lande und liuten nöt.'

äventiure wie Dietleip Belebe mahticlichen gie. äne huote er daz niht lie, einen knaben hiez er vor im dan durch huote riten in den tan, da si da durch solden varn, und daz er solde wol bewarn daz er iht wurde an gerant, er entaete imz e bekant. si riten dan, dö daz geschach. der knabe niemen frieren sach weder heim noch isenwät. sit er mit fride geriten hät sö schöne durch den Wasgen- walt, dd hiez ab der degen balt von dem Schafte nemen daz sper. dd riten liute zuo im her: die selben fragen er began , ob der künec und sine man da ze Wormze waeren. dö hörte er an den mseren , daz si waeren uz geriten und heten einen strit gestriten in der Sahsen landen , und daz si wider sanden ir volc nu allez an den Rln. er sprach zuo den gesellen sin 'Wie sul wir danne über komen, daz uns iht werde hie benomen des wir da her gefueret hän?' er sprach diuht iueh daz guot getan daz wir Wormez vermiten und anderswä zem Rine riten da wir möhten über komen? Guntkere streit. slt wir haben daz vernomen daz hie ist Volkes solhiu kraft, wir enmügen ir ritterschaft mit unser kraft gestriten niht. ob aber ez danne alsö gesehiht daz uns ieman rltet an , ich tuon als ich e hän getan/ Näch dem rate si dö riten da si Wormez vermiten: die liezen si zer zeswen hant. ein stat ist Oppenheim genant, da fuorte man si über Rin. si wolden dä niht langer sin, durch daz si vorhten ungemach. der junge helt dö selbe sach daz hüte fuoren gegen im dan. der künic hete lützel län hinder im der sinen schar: sine recken wären gar ze Wormez in die stat nu ko- men. dö hete der künic zim genomen Gernöten unde Hagenen ; er sprach mit den degenen dä er üf der sträzen reit, under einem schilde breit si sähen riten einen man. der künic goumen des began, die andern füeren bi im blöz. der fürsten freude diu was gröz daz er mit sige von Sahsen reit: des was er stolz und ouch ge- raeit. Er sprach 'Hagen, nu mugt ir sehen dort von einem schilde brehen

eine buckel riche. ez ist gewisliche nieman der minen. swä halt er der sinen iht mere habe läzen, er rltet üf der sträzen sam er üz strite si bekomen. gerne hete ich daz vernomen war sin wille waere. muget ir der maere fragen, Hagen der neve min, ob ez mit fuoge mühte sin, so erkande ich gerne sinen muot.' ' daz tuon ich/ sprach der de- gen guot. Do reit Hagene nach imdan; den heim er binden üf began. durch daz er in gewäfent sach, stner knaben einer sprach dort ritet einer nach uns her under Schilde und füeret sper.' dd sprach der kindische man 'sö schiftet ouch mir minezan.' der künec sin biten wolde hie. daz Hagenen ros vil balde gie: Dietleip umbe warf daz sin ; dö wolde da daz kindelin biten des der nach im reit, im wurden maere nie verseit unsanfter denne er da vernam. dem knehte daz von nieman daz er strafe solde doln. sin gewa3fen und den voln Hagene brüeven dö began: schiere er sich dd versan, der sin ze koufen hete gegert, ez waere tüsent marke wert. Hagene gruozte in überrant. im neic der knabe sä zehant: dd wänd der degen maere daz ez ein ritter waere. 'ich sol iuch fragen, daz ist reht. mich hat gesendet, guotekneht, ein richer künec her umbe daz daz ir im kündet äne haz von wanne ir ritet durch diu lant, ode ob iuch ieman habe gesant durch äventiure üf ritterschaft. sich gelichet grözer kraft der iuwer schaft von helfen- bein. iwers helmes varwe ist niht enein, diu ist von vier stücken gar: läsürblä und silbervar, daz ein teil swarz alsam ein kol, daz stdt gen der blenke wol ; daz vierde rot alsam ein bluot von rotem golde harte guot. sin gespenge ist sö lobelich daz in ein edel keiser rieh mit grözen eren mühte tragen, weit ir mir niht der maere sagen diu ich dem künege sagen sol ?' er sprach 'wold ich, ich sagte iu wol von wanne ich rite od war ich wil. sö müese ich muoze haben vil, solde ichz alle hoeren län

für die ich her geriten hän.' Er sprach *sd lät doch daz ver- neinen wie iu sd jungem mac gezemen daz harnasch daz ir füeret an und iuwer ros sd wol getan und daz sper lieht spiegelvar. und wsere rcemisch künec sd gar gewäfent unz üf sin reht, ez lobte im ritter unde kneht.' Dd sprach der kindische degen ir habt lihte uf iu wem wegen gewäfent liute wol gesehen: als ist iu ouch an mir gesche- hen.' dd sprach von Tronje der helt 'sit ir enbieten niht enwelt Gunther dem künege riehen, sd tuot ir biliiehen daz ir selbe ritet dar. ir seht uns alle dri gar, wir sin ouch vonstrite komen.' er sprach daz habt ir wol ver- nomen daz ich dar umbe enfräge niht. ich enruoche ob immer mich gesiht der künec und alle sine man. Hagene sprach ' ich müese hän ein spotten von dem herren min, lieze ich ez nu alsö sin daz ich im brahte maere niht.' dd sprach der knabe 'und weit ir iht an mir ertwingen, deistunsin: ine weiz selbe wer ich bin/ Hagene zornic wart gemuot. *nu muoz ich/ sprach der degen guot, 'iueh des twingen, ob ich kan, daz ir den künec sult hosren län diu msere diu ir mich vfcrdeit' üf den knahen er dd reit: da von im dürkel wart sin rant. dd hete ouch des kindes hant geneiget üf den küenen man und stach in sd daz im began bresten vil der ringe. swie hdhe sin gedinge dem von Tronje waere , in frumt der gast vil msere in siner brünne bluotvar. Hagenen was sin schaft gar ze stücken worden vor der hant. dd zuete der wfgant ein schoene swert daz s£re sneit : der junge helt was ouch bereit. wie dd erklungen in diu swert! dd wart Hagene gewert aber einer wunden. do gezuete er an den stunden . . sinem herten sinne daz des kindes swert unmäzen sneit. er sprach ' ir habt mir geseit daz mich des mac betragen, sol ich iueh mere fragen.' Der helt was in die brüst wunt. dd kerte er umbe sä zestunt:

bezzer waere ez ö geschehen, dö in der kunec begunde sehen alsö kumen bluotes naz , Gernöt der sprach daz diu maere sint uns noch ver- deit. mir ist unmsezlichen leit, ich sihe Hagenen riten wunt/ schiere tet in der degen kunt swaz im jener hete geseit. Gernot sprach ez wirt im leit, mirn gebreste miner kraft." vil schiere er schilt unde schaft zucte zomic gemuot. dd gähte der helt guot da er den unkunden vant. von im wart er an gerant, als ein recke degene tuot. dd was ouchniht ze wol gemuot der vil junge wigant : durch ir ietweders rant begunden bresten diu sper. vil körne gesaz er der Hagenen rechen wolde : wan daz er noch niht solde sterbenin sö kurzen tagen, der gast in anders heete er- slagen. Diu swertsi beide in aide zugen. die schilde si des niht entrugen, si muosen beide werden schart. Gernöt dd verhouwen wart ein teil durch liehtez sin ge- want, und hete der gast an siner hant erhaben höher iht daz swert, sö waer des tödes da gewert der tiure degen Gernöt. des beides sin im daz verböt, nie raere sluoc er üf den gast: guoter site niht gebrast dem knaben daz er ez Uez stn. der recke ouch bluotvarwen schln brahte da sin bruoder reit, dem könege wart von schulden leit, dö er den schaden hete er- sehen. er sprach ich han gehöret je- nen, daz schade nach gelöcke kumet. wie lützel iuch daz bedefrumet daz ir recken sit genant! nu sol versuochen daz min hant wie ich und ouch der gast ge- var.' der könic körte schiere dar. Dö wolde er des getrouwen wol, durch daz man forsten furhten sol, er müese im volgen in die stat. wie balde er im* daz sagen bat, war umbe er haete daz getan, daz er im den slnen man verwundete und den bruoder sin. er sprach 'si wolden böde min ge waltic sin, ine weiz durch waz. sit irz der künec, sö saget mir daz ob ir mich wellet riten län: han ich iht wider iuch getan, daz ist äne mine schult ge- schehen.

dd sprach der helt ich muoz gesehen ob ich hän küniclichez reht.' alsö balde sprach der kneht 's wie tump ich mines muotes st, sö sit ir als ich sinnes fri, ob ir dar umbe mich bestät daz sich min hant errettet hat.' Der künic was ein küene man: sä zehant reit er in an. der knabe enblient dem rosse daz (mit sporn ruorte erz deste baz) daz ez deste witer spranc. 31» er stach den künec daz im er- klanc sin schiltgespenge sere. er haete nimmer mere deheinen gast bestanden sider, wan daz im daz ros nider des Stiches struchte üf daz gras : da von Gunther dö genas, des kuneges schaft zestoup vil gar. der junge> helt wol wart gewar, er taste im schaden , möhte ez stn. ir helme truogen fiuwers schin vil schiere von ir beider siegen, des wart dö Gunther der degen verwundet von des gastes hant durch stn liehtez stahelgewant. Wol sach er daz er waere starc. von im warf er dd daz marc, daz swert vorhte er sere. er bat in durch sin ere daz er im sagte maere ob er ein förste wsere. er sprach 'wie möhte ich fürste sin? ja gewan ich bl den tagen min deheiner lande nie gewalt. ich getruoc ouch,' sprach der degen balt, 'weder schilt noch wafen nie. ich bin ein kneht und rite hie: den schilt füer ich niuwan durch not, slt mir got des niht geböt daz ich in ritter solde tragen, haet ir beide mich erslagen, sö wolt ir min ze ritter jenen.' dö sprach der künec 'ich hän gesehen sd kuener knaben niene me\ mir tuot daz inniclichen we daz ich iueh ie bestanden hän. weit ir, sd sol ich daz niht län, ich versüene ez als ich beste mac. daz ist mir ein leider tac daz ich iueh hiute hän gesehen.' dö sprach der gast 'ich mac niht jehen daz iu st min swaere leit. haet ich mit ungewizzenheit iuwern zorn verdienet hie , so getete man knehte rehter nie.' Der künec sprach 'über mtnen schaden sö wil ich iueh ze hüse laden : nu gemochet mit mir rltenhin, swie ich selbe verwundet bin.

dö sprach der junge ich en- wil. haßt ich der järe noch sö vil als ich der noch zelebennehän, ich wil ez nimmer tac verlän ich enreche daz mir ist ge- schehen. wol mohte er an dem künege sehen daz im vil trüebe was der sin. nu wolde er von im rtten hin. er sprach geselle, wizzet daz, ob ich iu wasre sö gehaz , und möht ir tusent Übe hän, ich hän sö manegen küenen man daz ir in vil kurzer stunt Verliesen müeset den gesunt.' Die helde schieden sich dd sä. swie ez dem knaben anderswä sit geraor üf slnen wegen, dö kerte Gunther der degen ze Wormez bl den stunden : er bräht sich selben wunden unde ouch Gernöten vil säre verschröten unde ouch Hagener) den degen. dö begunden under wegen reden die hergesellen von des knaben eilen : dö sprach Hagne ich wil des jehen, waer ez iu selben niht gesche- hen, sö zalt ir mirz ze schänden, got enläze mich ze handen solhem knehte niemer komen. er haete mir den 11p benomen , haete ich läzen niht den strit. her kunec, daz irs ge warnet sit: sol Bitrolf inder erben hän, sö sippet der vil junge man an Walther den wigant , den recken üzer Spanjelant.' Dö sprach der kunec desn weiz ich niht. ich ante wol daz im geschiht niht leides von den mlnen man/ sit ich im arges niene gan,' sprach dö der starke Gernöt, war umbe füegte ich im den töt? daz mir min brünne ist bluo- tes naz, von Hagenen schulden ist mir daz komen, daz er an gereit den jungen degen vil gemeit.' Hagene sprach ich wil iu sa- gen, er kumt llhte noch nach disen tagen: • mac er von ieman helfe hän , sö werden wir von im bestän. sö waere bezzer daz wir in sö fri niht liezen riten hin/ dö sprach der voget von Rlne ' mir ist ungruoz der sine daz leit daz ich verdienet hän ; nu müezen wir ez läzen gän. haßt ich sin zehen töt ges lagen,

man möht dä von niht anders sagen wan daz ez waere ein kneht. ez ist keines fürsten reht daz imer gerüere den sin hant.' dd riten ze Wormez üf den sagen : sant die dri helde bluotvar: die liute nämen alle war ob den fürsten unde ir man der tiuvel haete daz getan, die besten liefen gegen in herre , waz mac ditze sin ? üz stürme ir kämet wol gesunt : wä sit ir so worden wunt?' Der künec daz wolde nieman sagen , si b£de bat erz ouch verdagen, sinen bruoder unde Hagenen : dö hälen siz die degene. ez was den Burgonden leit: ze strite schiere was bereit vier hundert ritter oder baz. der künic der verbot daz , daz si im schadeten üf den wegen, und ob si sahen nu den degen, er müese es wol genozzen stän. dö hiez er alle sfne man ziehen abe die sarwät: der räche wolde er haben rät. ich enweiz, sit si wären wunt, wie si wurden nu gesunt. diu maere enwil ich niht ver- dagen, ich muoz iu von dem kinde weihe wege er dö geriet, dö er von Wormze geschiet. dem lande reit er näher baz. dö rieten im die knaben daz, wolde er strites haben rät, so züge im abe die sarwät: er möhte in niht gestriten die im widerriten vil dicke raücsen üf den wegen ; daz in Gunther der degen, bede Hagene und Gernöt, die helde niht slüegen tot daz waere ein gröziu saelekeit. dö zöch er abe diu strites kleit näch der knaben räte dar umbe daz die helde gewunnen nahtselde. Die fremden dö näch geste siten für sich in österfranken riten, dä noch ein wazzer nider gät: Möun ez den namen hät. dö kom in daz ze heile daz si dä funden veile des si bedorften in ir nöt, vische fleisch unde bröt, und guoten fränkischen win. der ir wirt dä solde sin, der schuof in ruowe unde ge- mach. der Biterolfes sun sprach 'müge wir mitfride bi iu wesen? der wirt sprach 'ir sult wol genesen bi uns unze morgen fruo.' dö griffen sine knaben zuo

unde engurten diu marc : jä kuolten si die voln starc. Den rossen man ir sptse truoc. der wirt gap in des genuoc des si des nahtes solden hän. dö da ruowen began der edelen Dietlinde kint, den slnen wirt fragte sint der junge degen imere , welch der site waere der Hute in dem lande. dö sprach er sä zehande ir mögt hie guoten fride hän. ich wil iuch daz wizzen län: überritet ir die marke , man roubet alsd starke ze Beiern ime lande; ez enwaer daz man erkande geleite daz ir mühtet hän , vil dicke werdet ir bestän.' er sprach 'nu ratet, wirt min, waz daz geleite möhte sin da mit wir kumen durch daz lant\ er sprach 'da nemet an iuwer hant eines lörboumes zwi: si waenent alle dazz iu si gegeben von dem riche ; sö vart ir wisliche'. Dö in nu komen was der tac, daz edel ingesinde lac langer an den betten niht; alsö gesten noch geschiht, si muosten deste fruejer sin daz si liezen hinder in der fremden lande deste mer. dö was dem jungen recken här sin imbfz worden wol bereit, dem wirte wart ouch niht ver- seit, swie höhe er siz gelten bat dö rümten si dieselben stat und schieden güetlichen dan. ir wirt zeigen in began die rehten sträzen durch daz lant. dö nam ir einer an die hant ein ris als in der wirt geriet, dö er von sinen gesten schiet. Dö muostc ir fride staete sin. slt brähten si daz kindelin so nähen in der Beier lant daz im daz wol wart erkant, wä diu Tuonouwe hine flöz. vil manegen Beier daz verdröz der si ir fride föeren sach; vil maneger doch dar under sprach 'soldens äne geleite sin , swaz die fücrnt daz waere min.' beten abe si daz erkant daz ubele von im was gewant etelicher sö gemuot, haßte er aller künege guot , daz sis im haeten nihtgenomen, sö waere ouch uz ir munde ko- men der tumben rede niht sö vil. daz hete er für ein kindes spil. Swie si nieman wiste da , er fuor iedoch die rehten slä dä ouch sin vater e hine reit, alsö daz nieman mit in streit,

unz in daz hiunische lant. swem daz lörzwi wart erkant, der weste vil wol daz er län die liute solde fride hän: ez was von altem rehte komen. si haßten sin doch niht genomen, haete siz der wirt verdeit : si müesten michel arbeit haben der tage manege stunt. wären si e niht worden wunt, si waern 'ze hove unsanfte ko- men, si müesten schaden hau geno- men. Dö si näch ir tumben siten zuo der Etzein bürge riten, si suochten herberge sä. vil der heiden goumte ir da wie ir geverte waere gewant: daz heten ouch vil gerne erkant eteliche kristen. genuoge gerne wisten , waer ieman ritter under in. schiere zeigte man in hin da des küneges marschalc saz : ir einer im dö sagte daz , si wseren geste in Hiunen lant. dö hiez er si sä zehant herbergen in die stat. vil vliziclichen er si bat zen Hiunen willekomen sin. guot gemach diu kindeltn die naht gewunnen unze fruo. knaben schuof aldä dar zuo sunderbär der marschalch, den er die tumben geste en- phalch. Er hiez ir güetlichen phlegen, diu ros wol f üetern, sanfte legen. wie si körnen in daz lant, dem künege tete erz noch er- kant S daz der släfen wolde gän. dö sprach der übermüete man 'si suln mir willekomen sin, dem liute und ouch dem lande min, ob si wellen hie bestan: si sullen morgen für mich gän e" daz si enbizzen sint'. der rede wiste man diu kint, diu daz heten wol vernomen, daz si ze hove solden komen, Die jungen knaben in der stat bereiten hiezen in ein bat: si legten frischiu kleider an sö guot daz nieman künde hän bezzer knabenwaete niht. die hetens, als daz maere giht, gefüeret von ir lande dar. die dri wären wol gevar, näch edelen liuten wol gestalt: dö was der vierde degen balt niht halp gewahsen zeinem man. daz volc dö merken began : swie Helche diu riche schoene und minnicliche hete vil der meide, noch süezer ougenweide laege an disem jungen man; die scluensten die si ie gewan, ez waere magct oder wip , noch schcener waer des heldes Üp.

Er truoc ouch här alsam ein maget, der junge degen unverzaget, daz für den swertvezzel hie : swanne erz ungebunden he , vor regene mohte er sich da mite decken näch der valken site ; vil schöne goltvar ez schein. der liute wünsch was niht enein die in vor in sähen stände bf in nähen : der wünschte sines libes , der alsö schoenes wibes daz er die immer solde hän ; der wünsche wart da vil getän. Si muostens alle hän verlorn, dö stuont der degen höch ge- born, da man den kristen messe sanc. michel sö wart der gedranc, si heten in nie me* gesehen, dö diu wtle was geschehen daz man gote gediente hie , daz volc für einen palas gie. dö gienc ouch vor den srnen man der künec mit guoten recken dan: zchant er vor den fürsten saz. dö liez ouch niht der knabe daz, er kam dar man in komen bat. der künic saz an sfner stat. mit dem marschalke er dö gie, da er sich die helde sehen lie , für den künic riehen. do enphienc in minnicllchen des fürsten Botelunges suon, als er daz gerne mohte tuon. vil helde stuont bedrungen dä : dä vor hetens anderswä sö schoenenknaben nie gesehen, des küneges gruoz nu was ge- schehen , Dö frägte er in der maere wä hin sin wille waere ode ob er wolde dä bestän. dö sprach der kindische man 'herre, ich waere gerne hie, wan ich des hörte jenen ie daz ich nu selbe hän gesehen , ez waere künege nie geschehen dem mere recken wonte bi. ob ez in iuwern hulden si, her künec, sö wil ich hie be- stän.' dö hiez er in dar näher gän und lobte im daz an sine hant, swie schiere im ledic wurde ein lant, er endörft sichs niht verzihen, daz wolde er im Ithen. Sin vater saz ouch dä zehant. der knabe was im unbekant , ouch erkande er sines vater niht. swä ieman sippefriunt siht , wart ers mit künde niht gewar, in treit iedoch daz herze dar. mit vlize in manic recke enphie. diu küniginne daz niht lie, si hiez den knaben betagen ir: si sprach *nu heizet her ze mir des küneges jungen gast ko- men.' si hete der maere wol vernomen daz an im waere jugende schin.

ez giengen sküneges kindelin zwei dar dä der knabe gie: Ort unde Erpfe wären die. der Vierde daz was Nuodunc, der edel marcgräve junc, der schoenen Gotelinde kint: der gie mit im ze hove sint. Man hete ir maere vil geseit: frou Helche durch gezogenheit vü balde von ir sedele stuont ; swiez küniginne niht entuont daz si üf gegen knehten stän , iedoch wart ez von ir getan. si enphienc in unde sprach alsö 'ich und der künic sin des frö, ir jeht ir weit hie bl uns sin. ' dö sprach daz edel kindelin möht ich iu beiden dienen iht, so kume ich gähes hinnen niht. ' diu frouwe sprach dö under in 'iuwer zit sol komen hin bi minen sünen beiden. Jät iu hie niht leiden , » daz wil ich iu wol räten. in miner kemenäten sult ir sin unde Nuodunc'. dö nigen die zwtaefürstenjunc Heichen der riehen vil gezogenlichen. Mit z übten brähtens in daz an daz er ir dienen began allez daz man im geböt. tiurres knaben was unnöt daz den ieman funde. künden sich begunde der recke meiden unde man , dä von er friunde vil gewan. geste erfüllet was daz lant dä von daz man den willen vant an Etzein zallen ziten, daz er sunder striten in allen teilte mit sin guot. des was daz volc vil höchgemuot, daz man dicke bi im vant dem jungen knaben warterkant ze hove kurzwile vil. er sach dä maneger hande spil von helden mit vil grözer kraft: dicke schuzzen si den schaft, dä bi würfen si den stein, dö was under in dehein der ez tete für den gast, solher krefte im niht gebrast, si liefen oder Sprüngen , die alten zuo den jungen: sö verre brach er in diu zil , ir wäre lützel oder vil , daz man im prises muoste je- nen. frouwen mohtenz dicke sehen durch diu venster da ez ge- schach. der künec ze sinem wtbe sprach 'wir suln den gast ze kinde hän, ob er wil hie bi uns bestän'. »Des volge ich iu sö sprach si duo. 'er grift sö degenlichen zuo , sin wirt getiuret unser länt. swie lützel er uns si bekant, er ist von guotem künne komen, swä sich der degen habe geno- men'. der frouwen rede diu was war.

e sich verante daz jär , der künic herverten reit, in drien stürmen, da er streit, da entete ez nieman baz (die recken sähen alle daz) denne der gast in sinem lant, der sich da Diete hete genant, swaz ir in urliugerite, schach , da enfuor nieman gerner mite denne ouch haete getan, von dem ich iu gesaget hän, der tumbe und der vil werde gast. an im des willen niht gebrast: swä man strites solde phlegen, vil "gerne waere da der degen , wan daz in der künec niht lie. dar nach ez in die rede ergie daz man in doch in strite sach. ich enweiz wä von daz ge- der künec ein ungetriuwen man het, den fürsten üz Pölän: dar schuof er sine hervart. des heres leitaere wart Rüedeger der riche, der tete daz vlizicliche. Der künic der hiez riten dar aht tüsent ritter wol gar. swaz er degene mohte hän, der liez er nieman da bestän. do bevalch er besundert ritter zweinzic hundert uzer Lütringen dem küenen Iringen. Häwart unde ouch Irnfrit, die zwöne helde riten mit : alsö tete ouch Diete. die besten die er niete, die schiet er an die hervart. der Priuzen künec do läzen wart daz er trüege mit im haz. ein teil tet er ungerne daz , wan er ir nächgebüre hiez, der künec ins niht dar umbe erliez daz er im hiete geswarn : er muoste üf sine vinde varn. scharn : Dem edelen gisel kam ein her. die Pölän satzten sich ze wer. do hiez der künic riten dan die sinen erbaeren man, die stolzen helde unde junc Hornboge und Rämunc, und Sigeher der frie, der helt von Turkie , 36» die fuorten sunder ritterschaft. der junge gast der liute kraft unmüezic mit gewaefen vant do wolde er mit in in daz lant da si da strites solden phlegen. ze hove gie der junge degen da er den künic sitzen sach. der junge recke zuo im sprach ich sihe daz volc sich allez herre, mit wem sol ich nu varn in des dienste ich da si ?' der künic sprach 'du maht niht bi recken sin da strit geschiht.

ichn liez dichs unbegrüezet niht ob ich saehe an dir die kraft: ich hän sö vil der ritterschaft daz man da kinde hat wol rät. geselle, ich sage dir wie ez stät. swer fremden gast wil überse- hen, dem mac vil Uhte ein schade geschehen. du solt hie heime bi mir wesen, du maht hie vil baz genesen danne dort in Sturmes nöt, da vil der recken nimetdertöt.' Dem knaben dö vil leide wart daz in der künec die hervart niht varn mit den recken lie. in sine herberge er dö gie. dar under hete er einen sin , er dähte 'ich muoz et doch da hin. der Priuzen künec der wolde dan. stn wip die liez er dä bestan bl Heichen der riehen : diu phlac ir minnicltchen. des küneges zeichen man üf baut. Rüedeger der wigant Der knabe slngewaefen nam. er Ute , alse im dö gezam , daz der degen guote kom üz der Hiunen huote vil fruo an einem morgen, doch was er in den sorgen daz er in dem lande und Gotele der mareman, daz her si wlsten dö von dan. die recken giengen in den sal, urloup nämens über al von Etzelen dem riehen, der bevalch dö vliziclichen die recken sine geste den heehsten die er weste, an den gar sin ere lac. wol wiste er daz ir schöne phlac Rüedeger der rlche und ouch vil willicltche. Dö er von dem künege gie, dö hiez er vaste hüeten hie des knaben daz er iht von dan rite mit den stnen man : wan er daz wol an im ersach daz im vil leide dran geschach, daz er in rtten niht enlie. da von hiez er sin hüeten hie. diu huote werte zwene tage , daz was des jungen heldes klage ; iedoch bereite er sich dar zuo vil harte tougenllchen duo. stnen knaben den tete er kunt daz er in vil kurzer stunt nach den andern wolde varn, swie sere ez Etzel hiez bewarn. der wege niht erkande. er kom zer Tuonouwe dan: dä lönte er einem schefman, daz er in über brähte. wie balde er dö gähte von dem urvare da! schiere kam er üf die slä

da daz her hine reit: des was er firö unde gemeit. sus gähte der helt balt, ez waere wazzer oder walt, unz er da ein flieze sach, da den Hüten geschach ungemach vil grcezlich: dar kom der junge degen rieh, da er sach die ünde. er gedähte ob ich niht gründe, so enweiz ich wie ich über sol.' doch gefuogte sich im wol daz er ein urvar da vant ein wenic höher üf daz lant: dö wären Etzelen man vil nach vor im geriten dan, da er die übervart da vant. daz wazzer schiet da diu lant: ez heizet noch der Priuzenwäc. vil maneger sach da stnen mäc in vil grözer arbeit. der junge helt dö balde reit unz er zuo dem here kam, daz sin nie man war genam. der zite, sö man uns seit, wären dri schar breit geriten üf die Pölän: die Priuzen heten daz getan, wan ez in Etzele geböt. nu wärens anderhalp in nöt von dem hofgesinde. vil maneger muoter kinde mohteez wol ze schaden komen. sich heten vaste für genomen die guoten Wigande von hiunischem lande, Gotele unde Rüedeger und Diete der degen her: mit vier tüsent mannen vor den andern dannen kömens an die Pölän. dö man des strites began, sö muoste ez werden herte. der herzöge werte vil grimme sine marke. Biterolf der starke, eine gazzen er durchsluoc lanc unde wit genuoc al durch der Pöläne her, swie vaste im waere ze wer der herzöge Herman. dä von vil maneger gewan tiefe wunden unde wlt. der gast der durchsluoc sit daz her unz an ein ende : vor des heldes hende lac ir alsö vil gestreut, daz lant was des ungefreut. swaz halt die Etzelen man in strite künden dä begän , daz was wider in ein wint. dö kom daz Dietlinde kint vaste her gedrungen, bed enthalben klungen den recken an den handen diu wäfen üf den randen. Sin eilen brähtein zuo in dar. do begunde toumen diu schar von dem heizen bluote: dö muosten helde guote sterben von des kindes hant; und ob er eine daz lant ze Pölän solde erstriten, sö künde er in den ziten

nimmer baz gevehten. von alsö guoten knehten dä wart vil maneger harte wunt. von morgen an den äbunt daz wal si bouten sere. der junge degen here der hete sich verdrungen, daz alte noch die jungen westen niht der maere wer der degen waere. Swä man sach den helt guot, dä kös man vaste daz bhiot riechen von den wunden. sich hete ouch vor den stunden her Diete vergangen einen sweif langen durch der vlande schar: si künden sküneges vanen dar nach dem helde niht getragen, dö hete der junge durchslagen eine gazzen wlte : er versan sich in dem strite daz er der zeichen niht ensach. dä von so muoste er ungemach hän von schüzzen und von sie- gen. dö widergienc im jener degen. Er wände ez waer sin viant : den er durch vil manegiu lant hete gesuochet anderswä, den sach er herlichen dä vor im striten in der schar, vil balde spranc der helt dar und sluoc im einen solhen slac daz fiuwers vanken gelac vil gestreut über rant. dö sluoc des eiteren hant üf den heim stahelin, daz der junge vor sin strühte nider in daz bluot. dö was der fride niht ze guot. Vor im lac vil der siechen, er kös für einen Kriechen den vil kindischen man: dö kös für einen Pölän der junge den alten, er hete vil näch gehalten dar an im selben den töt. irte in niht daz bluot röt, sö haete er vil wol erkant des heldes wäfen an der hant dö sluoc der degen junge den guoten Welsunge sö starke üf den vater stn daz der fiuwerröte schin lougete üz den ringen, diu swert hörten klingen die helde üz Hiunen riche. dö kom vil baltliche mit dem Etzelen van Rüedeger der helt dan. Do erkande er bi dem schilde der vor in daz gevilde hete gemachet bluotnaz. vil ungerne sach er daz, daz dirre degen vor im stuont: er vant si, sö noch helde tuont, üf helme houwen sere. dö wart von Rüedegöre ein michel dringen dä getän: er woldes in dem strite län niht einander slahen töt.

des jungen eilen daz geböt , daz der alte kiime genas. in beiden vi! unkunde was , ez was ein vater und stn kint. vil küme ez understuont sint Rüedeger der rlche harte angestUche. Der marcgräve vil wol sach, dö ez im scheiden geschach under disen küenen man daz er sich vil wol versan, daz ez wsere daz kint, swie er nach in kaeme sint, den si zen Iliunen heten län. der alte sich dö wol versan, dö er gehörte den kianc des swertes scharf unde lanc, deme geliche getan daz er da heime hete län, an ir beider klänge, swie er waere lange gewesen von sf nem lande, und swier doch niht erkande den helt der daz swert truoc, dö was im ande genuoc. Dö nu an disen beiden den strit hete gescheiden der marcgräve Rüedeger , der lerte den jungen degen her daz er des vanen nxme war, swenn er gebrache durch die schar, er brähte dö ze rehte die vil guoten knehte under Etzelen vanen. lihte mohte er si manen daz die küenen degene den vlnden hin begegene mit einander giengen. des rätes schaden geviengen die fürsten üzer Pölän. der herzöge von Merän der tete wol daz sine: daz tete et da ze schine der vil küene Schrütan, unde ouch ander Etzein man. Hornboge unde Rämunc die valten manegen helt junc. also tet ouch her Rüedeger, der frumte manegen verchser in dem selben strite mit maneger wunden wite. Irnfrit unde Iläwart, die frumten manegen rinc schart mit den scharfen swerten. niht bezzers si dö gerten wan daz si alle slüegen töt. .nieman tete sö gröze nöt dem fürsten üzer Pölän, sö der unkunde man der sich da Diete hete genant, dö worhte des jungen heldes hant noch mere dar under der vinde besunder, danne viere der besten die si inder bf in westen. sit muoste ez doch ende hän. dö der schade was getän von Etzelen mannen, und daz si wolden dannen, dö muoste ouch volgen mit in dan

der herzöge üz Pölän , wan er den »ige da hete vlorn. die guoten ritter üz erkorn die hiez man zuo einander komen, die in heten da genomen. Dö man si bi einander sach, Rüedeger der helt dö sprach ' nu bewart iuwer wunden und lät si die gesunden wider füeren in daz lant, und heizet ouch hie zehant suochen die töten, die sere vcrschröten, swä die ligen üf dem wal, daz wir wizzen die zal waz wir haben hie verlorn durch der viande zorn.' dö sprach der degen Rämunc 'si sin alt oder junc, wol driu tüsent oder baz die ligent in dem bluote naz, die wir hiute hän verlorn durch der küenen Riuzen zorn unde ouch von den Pölän. dö sprach der Etzelen man RüedgiT der tugentriche *sö tuot als wisliche, schüttets üz der sarwät. svvaz der töten hie bestät, ' die suln wir alle begraben, daz si die wolve und die raben iht ziehen an daz gevilde. ir wäfen unde ir schilde sul wir allez füeren wider.' vil wol geleisten si daz sider daz in Rüedeger geböt. si brähten manegen rinc röt der erslagenen Wigande zuo dem Etzein lande. Of die wagen hiez dö legen Hornboge und Rämunc der degen ir schilde unde ir sarwät: den was niht arbeite rät e si alle wurden begraben. die liute heten sich erhaben gegen hiunischen landen, den guoten Wiganden gebrast wol tüsent manne, dö si schieden danne. Rüedeger der guote het vaste in stner huote die vil werden geste: an den tet er daz beste. Dö si nu fuoren über lant und man in vancnüsse vant den herzogen von Pölän , die Priuzen heten ouch getän daz beste daz si künden. Etzele in sinen stunden vil ritter mit ir mägen twanc. swer gediente sinen habedanc, der düht sich saelic geborn: da von wart liute vil verlorn , wan er was guotes riche und gap daz willicliche. ir boten sanden si dö dan mit den dem künege kunt ge- tan wurden disiu maere wie in gelungen waere. der macre wart der künic frö. man hörte ir eteliche dö ir gedinge höhe tragen: den aber ir friunt dort erslagen üf dem wale lägen,

die beweinten hie ir mägen. Der künic fragen dö began 'wie habent die geste min getan, die küenen hergeseilen? ist aber uns ir eilen ze frumen iht gestanden? wir haben in den landen verlorn einen jungelinc, daz mir alliu miniu dinc niht sint sd swaere , ob er geriten niht waere an urloup von uns hinnen.' der böte sprach mit sinnen 'nu lät iu wesen niht ze leit: swaz allez iuwer her gestreit, daz was wider in ein wint. sd wol gestriten hat daz kint daz mauz immer wol mac sagen. ouch hat da liute vil erslagen der da Diete ist genant, man füeret wider in daz lant sehzic und hundert bare, ouch bringet man iu zware den fursten üzer Pölän. Gibeche unde Schrütän, die tatenz in dem stürme guot: des was firceliche gemuot Rüedeg&r der wfgant. ja enmac ichs hie zehant besunder niht genennen, an den ir muget erkennen daz si sin degenliche gemuot/ 'ich weiz wol,' sprach der künic guot, 'lihte mac man mir daz sagen, wie si min ere künnen tragen, des danke ich in als ich sol : si mugen mir gelouben wol, ich teile in allez daz ich hän.' dö diu rede was getan, Do sach man soumaere geladen harte swaere hin ze hove bringen. den stolzen jungelingen nomen : den wart sit gedanket wol, sd man näch arbeite sol danken iegelichem man. den Pölane voget hete dan mit im gefüeret Rüedeger: den sach nu der künic her. vil liebe was im ze muote , daz er in slner huote alsö verre was nu komen. frou Helche hete ez ouch ver- dd lobte si die hervart , daz niene wart gespart daz si beide mohten hän. enphangen wart der Pdlan von in in der mäze dö daz ers niht was ze frö. Der künec ein teil in zorne sprach ' ir sult mir minen ungemach gelten und die mlnen man, die ich von iu verlorn han.' dö sprach der gast, ez waere reht: 'ez sl ritter oder kneht, swaz ir liget erslagen töt, die sol ich büezen mit der not als ich dar umbe gisel bin/ und waere niht diu künigin , sö hete er sin houbet vlorn

durch den Etzelen zora. dem helde des tödes si gewac. in des küneges bände er dö lac wol mit hundert slner man. den frou Helche sit gewan des riehen küneges hulde näch ir vil grözen schulde. Der künec was frd unde ge- gegen sinen gesten er dd reit da si da fuoren üf den wegen: einen ieslichen degen gruozt er näch sinem rehte. ritter unde k nebte wurden da von wol gemuot. dö sach er disen degen guot der äne urloup von im reit : iedoch was im sin gruoz bereit, der knabe neic im unde sprach *ere enfüeget niht gemach, unsenfte hat näch eren strft. her künec, habt ir gezürnet slt, dest mir leit. ich enmohte hie beliben niht, dö daz ergie daz si alle riten da hin: dar nach stuont ouch mir der sin. swaz ich ze tuonne solde hän, mich dühte, und waere ich hie bestän, ich war niht einer böne wert. da sö manic helt sin swert versuochet hät üf sarwät, ze sehenne hete ich des niht rät.' Der künic smielen des began. dö kerte er mit im wider dan dä er die recken alle enphie: die helde er ninder von im lie. dö si nu wären komen in, dö gienc diu edel künigin zuo im üf den palas. swaz herter dinge geschehen was , diu hiez der künic scheiden mit rede vor in beiden, dö sagt dem künege vil hör von Bechelären Rüedeger von disen Wiganden, waz si an den vianden wunders haeten getan, und wie si einander bestän haeten in dem gedingen daz si einander twingen für zwene vlnde solden ; ob wir si alle wolden gerne dä gescheiden hän, wir hetenz müeliche getan.' alsö sagte im Rüedeger «dö kam ich dä die recken her zeinander truogen herten haz. vil küme ich fuogte in beden daz, daz ich in sagte maere 41' dazz ein gesinde waere. Dö gerihten si sich sit näch den vanen in den strlt. dä von hörte man dö schal von swerten diezen über al, unz daz dirre junge man in strite hete alsö getan, daz si alle wurden wichhaft.

ir beleip dö vil von siner kraft do er den Pöläne voget vie: da von ist er gfsel hie.' der künic danken dö began dem alten und dem jungen man und andern guoten knehten. ze dienste er im gerehten mit gäbe machte manegen man. frou Helche ouch danken began den jungen zuo den alten : si künde tugende walten, die wunden hete man In ge- trägen. der künic hiez in niht versagen swes si bedorften zuo ir nöt: den gesunden man ez wol erböt. Wie si gefuoren nach der zit ? vil wol gedingen mohte slt der f&rste von Pölän. urloup von dan gewan der Priuzen künic in sin lant. frou Helche golt und ouch ge- want gap meiden unde wiben , dö si b! ir beliben langer niene mehten. dö gap den guoten knehten Etzele der vil riche sin guot vil willicliche. frou Helche si mit zühten he, dö ir üzreise ergie, scheiden von den landen. von Etzelen handen muos er sin lant enphähen, verren unde nahen die guoten bürge unde stete. dö half der küniginne bete dem herzogen von Pölän daz er unde ouch sine man mit gedinge riten in ir lant. stt dö muose ir beider hant Etzein dienen manegen strlt. der wunden vil geheilte slt, doch mohtens alle niht ge- nesen. wie mohte tugenthafter wesen Helche diu vil riche ! weinende guetltche lie si von ir scheiden dan beidiu wtp unde man: ouch heten si daz wol erkant, daz sis da ze Hiunen lant immer lieze mit ir man. nu wart ouch als vor getan In dem hove ze manegen stun- den. der künec wart ofte funden in froelichem muote, und sine recken guote. sider näch den zlten dient im in siben strlten alsö des küenen gastes hant der sich da Diete hete genant, daz man im ere muoste jehen. da bl man dicke mohte sehen disen kindischen man der ouch vil höhen pris gewan : der ervaht Etzelen stt ein lant, daz ist Pomerän genant, swie ofte man imz werte, die wfge grimme herte vor des küneges volke er vaht. dö sunnen tage unde ouch naht der künic unde sin wip

wie si im behielten den lip ir landen ze eren. vil manegen degen heren hete der künec in sinen phlegen : da für muost man in einen wegen an maneger hande dingen. ez muoste im wol gelingen. vil freude man ze hove vant : ob si alle selbe heten lant, sin künden nimmer baz gevarn. der künic hiez daz wol bewarn daz er den sinen gesten iht lieze gebresten. Guot ritterschaft man da sach: durch ere heten un gemach die werden und die wisen. den künec man mohte prfsen daz ers in allen wol gestuont fürsten ez nu selten tuont die ez in lazen sö behagen. dventiure wie Dietleip Dise rede sul wir beliben län, so swaz si tuon od hän getan , und sagen ein ander maere wie bt dem künege waere vil manic ritter unerkant, der golt bürge noch lant m an im erdienen wolde niht. als was ouch, sö man uns des gibt, bl Etzeln unde Heichen sint der 8choenen Dietlinde kint, oo daz sich Bitrolf und sin suon nie mohten kunt getuon, ez enhaete ir herze daz geseit swie man von im horte sagen daz er ein heiden waere, 42' man saget vil witen maere von im unz an den legten tac, daz stn wirde nie gelac unz an sines libes töt. hete ein künec nu goldes rot grcezer danne waere ein berc, si tasten niht als miltiu werc. der fürsten lop und ere, daz swindet leider sere. daz wuohs e von tage ze tage. daz muoz nu sin der wisen klage daz ez sö gar ist komen abe : daz ist der guoten ungehabe. fürsten zugen kint, daz wurden ouch edele fürsten sint. da man nu fürsten erben siht, wie grözer schänden man den gibt! den küenen recken vil gemeit dazs einander soldfen wesen holt, swie siz niht haeten versolt, si wehselten doch dicke vil güetliche blicke. In hete sin vater doch erkant , wan daz der junge sin gewant hete gemachet sturmvar: heim und brünne, daz was gar besprungen mit dem bluote. ouch hete der degen guote sinen helfenbeininen schaft geverwet sd in strites kraft daz er nieman was erkant,

wan im selben in der hant. ir beider nam vil ofle war, der ouch von fremden landen dar was mit arbeiten komen: swie er sin niht hete vernomen, sich versan der degen raaere daz ez sin künne waere. ouch muoste daz da von ge- schehen daz er den alten gesehen hete vor den zlten dicke in herten striten ze Arabl in dem lande, swie er sfn niht erkande, da ofte der künic streit, e daz der degen vil gemeit dannen muoste entwichen vor im zen Hiunen riehen. Er gedähte ich wil mich wol versehen daz si rairs gerne niht verjehen, sint si einander künde, swie ab ichz erfunde, so erfreute ez harte mir den muot.' do gienc er zuo dem degene guot der sich dä Diete hete genant, er underreite ez sä zehant umbe den helt vil maere daz im niht leit enwaere , in solde ouch niht betragen des er in wolde fragen, er sprach, er hörte ez wol für guot: ' svvaz frage ir an mich getuot, die wil ich nimmer iueh ver- dagen, ich wils iu williclfchen sagen.' der maregrave sprach zehant 'ir slt Biterolf genant, swie ez nu dar umbe st£t, ir säzet £ ze Tölät, dar zuo diente iu al daz lant. ich hän iueh allez her erkant, unde enmohte iu doch niht je- nen daz ich iueh hete hie vor ge- sehen. des hat mich gejämert immer sint. diu kfiniginne Dietlint hat kröne bi iu her getragen, nu hörte ich iueh daz gerne sagen, ob ez iueh niht beswseret, wie ir gescheiden waeret von siben riehen landen dä ir guoten Wiganden gäbet ros unde wät. nu wiste ich gerne wie ez stät • frouwen Dietlinde , dem Diethdres kinde, wie ir gescheiden sit dä von. ich was ie vil ungewon, swie vil mir recken st genant, daz ich keinen bezzern habe erkant. Vor leide blüwec wart der man. antwurten im iedoch began der herre von den Bergen

'ob getauften noch getwergen, der beder künic wart ich nie. war umbe waere ich denne hie, möhte ich haben eigen lant? ich bin ouch Bitrolf niht ge- nant/ dö sprach der marcgräve her 'lougent ir mirs immermer, ir sitz vor dem ich z' Arlas in strite noetliche genas, weit ir mirs friuntliche ver- jehen, ich zeige iu hie, weit ir in sehen, gesipten friunt alsö guot daz ez iu troestet wol den muot.' si b£de stuonden alsö hie daz man von in gehörte nie swaz da spraeche ir beider munt. er jach, er taete im gerne kunt, 'ob irz sö tougen kündet tragen daz ir ez nieman woldet sagen/ Dö sprach der Gotelinde man 'minen cit sult ir ze phande hän, daz ich ez alsö kan verdagen daz ich ez immer wil gesagen manne noch wibe. daz habt üf minem Übe: ir erhoert es e an mich ver- jehen. daz läze ich iuch wol gesehen. Der voget dö von den Bergen sprach 'wirt ez mir ein ungemach, sö haet ir an mir wol versolt daz ich iu nimmer wurde holt. ich bin Biterolf genant, vil guoten firide hete min lant dö ich nu nächste danne reit, marcgräve, daz si iu geseit , wol gesunt liez ich min wip. geurbort hän ich minen Up bi den guoten recken hie : ich getorst mich iu gemeiden nie, und hän iuch lange her bekant wes jehet ir mir ze Hiunen lant, 43» den ich ze friunt hie müge hän ? den sult ir mich sehen län.' Dö sprach der marcgräve Rüedeger 'nu lät mich wizzen, künic her, ob ir und frouwe Dietlint ie gewunnet mit einander kint' 'ja wir,' sprach der kuene de- gen; 'ich liez dä heime in gotes phlegen zwei vil kleiniu küidelin , einen sun und ouch ein toh- terlin. minem sune was niht mer ge- zalt, wan drithalp jär was er alt , der zit dö ich von danne reit/ 'lät ez iu niht wesen leit,' sprach Rüedeger der riebe : ' er mac gewalticliche vil guoten knehten widerstan, swie kleine ir in dort habt Ver- lan.' Der marcgräve vonimdögie. den jungen helt den vant er hie spilnde bi den kinden. von den hofgesinden

hiez er den knaben zuo im gän. sit wart im wol kunt getan wie der degen was genant: mit grözer fuoge er daz er- vant. heimlichen fragen er began wie lange weit ir, junger man, iuwer geslehte vor uns heln ? waenet ir Etzein an versteln wie iuwer name s! genant? ich weiz wol wä ir habet lant und liute vil darinne.' der tumbe sprach mit sinne möhte ich liut und lant gehän, ir saeht mich niht sus eine stän. er sprach 'zwiu helt ir mich nu daz? ir sult ez läzen äne haz daz min und der marcgravln kint iu vil nähen sippe sint. ir sult iuch melden äne schäme : Diether hiez iuwers anen name, iuwer muoter hiez Dietlint. ir stt daz Biterolfes kint. den sach ich, des ist niht lanc. waer iuwer witze niht sö kranc, so solde iuch niht beträgen, ir solt mich drumbe fragen/ Der helt sich fröuwen dö began. do gedähte im des der junge man 44» des bin ich immer ungeschant. sö hat ouch er mir hie genant minen vater,' gedäbte der de- gen: 'er en welle untugende phlegen, er sol michs wlsen furbaz. ich wil mich melden umbe daz, daz er mir zeige den vater min: sd wil ich frö ie mere sm.' Dö er der rede vil getreip , dö sprach der junge Dietleip her Rüedger, tugentltcher de- gen, nu sult ir iuwer zuhte phlegen, slt daz iuwer beider kint sö nähen mir sippe sint, als ir mir selbe habt geseit. nu sol ez werden niht verdeit, ich wilz iu üf genäde sagen daz ich lange tougen hän ge- tragen: min muoter heizet Dietlint, des alten Dietheres kint. min vater ist Biterolf genant nu sult ir mir daz tuon bekant wä ir den recken habt gesehen. mirn künde liebers niht ge- schehen, wiste ich wä der waere.' näch dem selben maere nam er den degen bi der hant und gienc da'r sinen vater vant. Der knabe vor in beiden stuont, als noch kint vor den helden tuont,

dö sprach der guote Rüedeg^r hast ich sö lange in niht ge- sehen , von mir sö müese ein kus ge- schehen dem knaben der hie vor uns stet. daz irm begegene niht eng^t, herBiterolf, des wundert mich. ja hat der junge degen sich nach ern verriten verre.' Biterolf der herre fragte dö der maere wie er genant waere. er sprach 'er heizet Dietleip. daz in ze disen landen treip, daz tete diu sorge näch iu dan.' dd sprach der kindische man slt ir Biterolf genant , sö hän ich in der Hiunen lant durch iuwer liebe her geriten.' mit rehte friuntlichen siten einander si enphiengen: sunder si dö giengen da si nieman ensach , unz er im alles des verjach wie er gerumet hete daz lant. Rüedeger der wigant hete niht tüsent marcgenomen, si en waere n b£de dar bekomen. Dö fragt von sinen landen und von den Wiganden Biterolf der msere , ob noch gesunt waere diu küniginne Dietlint. dö sprach daz Biterolfes kint 'ir sult gelouben mir für war, sin ist lötzel über ein jär daz ich von dem lande reit, dö wären frö unde gemeit die liute in dem lande, näch iu was mir ande : nu ist mir liep daran geschehen daz ich iuch lebendic hän ge- sehen. si dankten bede sere der triuwen Rüedegere die er hete an in begän. dö sprach der Etzelen man ich tuonz noch gerne , ob ich raac. des ist nu vil manegen tac, daz ich nie wart sö frö gemuot. hei wiste ez der künic guot , die ere diu im ist geschehen, sö solde er iuch vil schiere sehen und von erste iuch enphähen.' swie er waere bi in nähen, iedoch entorste ez Rüedegör vermelden niht dem künege her. Er bat si schaffen ir gemach. dä er die küniginne sach , dar gie der Gotelinde win vil gezogenlichen hin. dö sprach diu küniginne her 'slt willekomen, Rüedegär. sagt ir iht fremder maere?' dö sprach der lobebaere 'ich hän niht fremder maere erkant. wist aber ich,' sprach der wi- gant,

'ieman guotiu maere sagen, diu wolde ich iuch vil gar ver- dagen , dar zuo iuwer werdiu wtp. ze phande st£t des min lip und daz ich alle sküneges man haele daz ich vernomen han. nu ichz alsö sol verdagen, so wil ichz einer meide sagen : daz ist min frouwe Herrät. ich wil dazz heimliche ergät da si diu maere hoeren sol.' daz hüs saz edelerfrouwenvol: die hal erz algemeine wan dise maget aleine. Dö si diu maere rehte ver- nam, vor liebe lachen ir gezam. do verstuont si wol sinen muot war umbe ez tete der helt guot. dö gie gezogenliche diu junge maget riche da si yant die künigin. ich wils niht äne lön gesin,' sprach diu schoene Herrät. ' umb disiu maere ez alsö stät daz ichz billlchen sol verdagen/ si sprach 'du solt mirz doch sagen, ob du mir ie wurdest holt: dar umbe gibe ich dir min golt.' si sprach 'sö hceret, edel wtp, wie getiuret iuwer lip und ouch minesherren, sküne- ges, si. iu zwein wonent mit dienste bi die besten Wigande die ze hiunischem lande bi iuwern zlten sint bekomen: daz hän ich wol vernomen. die habent sich lange hie ver- horn und ouch ir edelkeit verstoln vor dem künege in sinen landen und vor sinen Wiganden.' Si fragte wä die waeren. 'man saget mir an den maeren,' sprach diu frouwe Herrät , ' ich sage iu wiez darumbe stät. der sich da Diete hat genant, des name ist Biterolf erkant, sin wip heizet Dietlint. der knabe ist ir beider kint , der hie sö wol gedienet hat. ir dinc nach hohem wünsche stät, si habent bürge und richiu laut, nu hät der junge wigant funden sinen vater hie. ir gewunnet werder geste nie.' dö sprach diu küniginne guot (vil trüric was ir muot) wie wir ervaeret sin, ich und ouch der herre min! daz mac uns £ren letzen, wir kunnens niht ergetzen sö swacher handelunge , die der alte und der junge hie zen Hiunen habent geno- men. wir suln zuo ir hulden komen, sö wir nu aller beste taugen, min herre sol des wol gehügen daz ez im selben ist geschehen,

wil er der wärheite jenen.' Frou Helene bat dd dräte zuo ir kemenäte Etzelen den vil riehen komen heimlichen. dö er zer küniginne gie, diu frouwe in weinende enphie. dd wunderte in der maere , waz ir geschehen waere. si bat in sitzen sä zestunt : mit maeren tete si im dd kunt wie in beiden waere geschehen, des hat Rüedeger verjehen miner nifteln Herräte.' zuo Heichen kemenäte hiez er si dri dö bringen, die boten Ilten springen und hiezen hin ze hove gan der scheenen Gotelinde man und die vil werden geste. ir de weder dö niht weste daz si vermeldet waeren ze hove mit den maeren. dö Bitrolf in daz hüs gie, küneges geste wurden nie ze hove baz enphangen. der künec lie sich belangen niht, er gie engegenin: alsö tet ouch diu künigin. sö höhe enphiengen si si hie sam ob sis gesahen nie vordes in Hiunen riehen, dö dankte vliziclichen her Biterolf und ouch sin kint dem künege und ouch froun Heichen sint. Si bätens sitzen neben in. der knabe niht bete den sin daz er sitzen solde. der künec dö niht enwolde enbera erne saeze nider. zuo in beiden sprach er sider nu waz hete ich iu getan daz irmich niht habt wizzenlän wie ir waere t genant? haet ich iueh bede rehte erkant, ez waere iu verre baz erboten, ich gedanke es nimmer minen goten daz ez mir her verholn ist. nu hän ich keiner slahte list wie ich mich wider iueh erhol, daz ichs iueh ergetze wol.' Dö sprach der alte man herre, uns ist hie niht getan wan guot unde ere. ich nam von Rüedegere dar umbe sine Sicherheit dazz nimmer wurde geseit weder wibe noch man: nu ist uns dar an missegän, daz beswaeret iu und uns den muot.' dö sprach Rüedger der degen guot 'die rede wil ich iu bescheiden: haetet ir ez mich vor meiden heizen heln sam vor wiben, sö hete ichz müezen lau beli- ben.' der künec dö lachende sprach 'mir ist hep daz ez geschach daz ich iuwer beider künde hän. nu wirt des nimmer niht verlän

darnäch ringet iuwer sin: allez des ich gewaltic bin, daz st iu uodertän. swä wir uns versumet hän, ich und ouch diu frouwe min, daz sol iu wol gebüezet sin/ Diu küniginne riche sprach gezogenliche ich verschame mich sö gähes niht, swie ez halt anders nu geschürt, daz ich si niht gehandelt hän als ich von rehte solde hän/ in böt der künic richiu lant dö sprach her Biterolf zehant 'ich hän noch selbe lande driu, der knabe bouwe vieriu ob er diu gerne haben wil. dar inne ist guoter beide vil , die dienent tägelichen mir. der Hiunen künec, got löne dir daz du mir biutest diniu lant. nu bin ich Biterolf genant, vor was Diete min name. der dinge ich mich nimer ge- daz ir mir bietet iuwer lant: bab iht gedienet unser hant, her künec, des Jönet, sö wirs gern.' dö sprach frou Helche ( ir sult gewern mich und ouch den herren min: iuwer sun sol ritter sin. uns enbreste des wir bediuhän, daz sol in kurzer zit ergän.' Der helt ir neic unde sprach 'ja muoz ich einen im gern ach, liebe frowe, verenden ö, £ daz ich under kröne ste ode ritterliche enphähe swert. ir beidiu habt an mich gegert daz ich von iu enphähe lant: nu tuon ich iu daz bekant daz ich ein teil gehoenet bin. muget ir mich des bringen in daz ich des niht laster hän , swaz ir danne weit, daz si getän. daz wil ich zeiner gäbe nemen, ob ez uns beiden mac gezemen, daz ir mir helfet miniu leit rechen diu min herze treit.' der künec dö fragte maere waz im geschehen waere. Er sprach 'da reit ich über Rln, do ich suochen wolde den vater min hie in iuwerm lande: Gunther mich an rande und ouch die sinen oiäge. die riten mir sö ze läge daz ich mit nöt vor in genas, swie ich vil gar unschuldic was, si wolden mich betwungen hän daz ich hete durch si getän daz ich mit in rite zeiner stete. dö ich niht werte si ir bete, alrest bestuont mich Hagene. do erwerte ich mich dem degene als min gelücke daz geböt. zehant kam ouch Gernöt : min kintheit half mir von im dan

daz er mich muose rf ten län , wan er wart ein lützel wunt. dö kam der künic sä zestunt und rant mich übellichen an. daz ich fride von dem gewan, daz was gelücke und ouch min heil. doch fuorte er miner tjoste teil, swie ich sl ein kneht, mit im da hin. da von gescheide ich mlnen sin nimmer, ez enwerde in leit.' dö sprach der künec 'ich bin bereit miner helfe wol darzuo , daz man in einen slac getuo. Ich schicke iu her daz mlne daz Gunther noch die sfne erwernt nimmer des ir lant, ir enstiftet roup unde brant. üf in und oucli sine man wil ich iu mlne helfe län mit vierzic tüsent hinnen: swaz die schaden gewinnen ode swaz man leides den getuot, da mac verrücket werden huot swenne ez kumet an den strit. ob ir des in zwivel sit, mugt ir si twingen niht dä mite, (si habent höchvertigen site,) sö wil ich iu miner man ze drien vollen stürmen län ie ahzic tüsent oder baz.' der helt neic im umbe daz. Do sprach Bitrolf der wigant 'wir muoten in der fürsten lant niht wan zweinzic tüsent man. disen knaben sullen sehen län slner muoter künne , ob getriuwe sippe iht wünne si ieman in dem rlche. s!me neven Dietriche sol er boten senden : deste minner mac man wenden im sine reise an den Rin, wil er im blgestendic sin. sö bite ouch Ermenriche. der tuot ez billiche: sin vater und frou Dietlint wären zweier bruoder kint. sö sende ouch danne sä zehant m der Harlunge lant, Frltelen unde Imbrecken , ob die küenen recken im helfe wellen bt gestän , als ez von schulden ist getan. Sö läze ouch sich niht wenden, er sol ze Meilän senden; ob die Berkeres kint bl Ermenriche niht ensint , sö sol manz dä heime wizzen län die fürsten von Meilän.' dö sprach diu edele künigin 'des mac iu wol ze räte sin daz ir ninder mir ensendet , sit ez wol eine verendet der Hiunen künec mit sinem her. an vier enden unz an daz mer möht iuch der künec wol brin- gen, daz iuch nieman dringen mit strite wol enkunde. sö lobe ich hie zestunde,

ob ir weit mlne helfe hän : ich wil iu zehen tusent län die ich iu sende üf minen solt. wir sin iu beiden wol sö holt, ich und der künic häre, weit ir noch recken mere , dann ir bedürfet an den Rin, die müezen iu vil bereite sin/ Do dankten vllzicliche die helde dem künege riche und ouch der küniginne her. al balde sprach dö Rüedeger 'ja dürfet ir mer helfe niht, swenn iuwer reise dar geschiht, danne mlnes herren man. wil iu danne ir helfe län Helche mm frouwe, ir muget, als ich wol trouwe, än allez widerstrlten unz an den Roten rlten ; und lät iu daz niht versmähen, beidiu verre unde nähen füere ich iu der minen man, der besten die ich inder hän, fünf hundert Wigande ze Guntheres lande, ich wil dar selbe rlten: spiln oder strlten, swes ich danne kan phlegen, des wil ich helfen sprach der degen. Si dankten schöne beide, froun Heichen was niht leide daz si den dienest wolden nemen. *nu tuot als ez uns mac ge- zemen,' sprach Biterolf der wigant. 'gebet unz boten in daz lant die von dem künege widersagen, und ahten daz in weihen tagen wir mugen rlten an den Rin. sö sint ouch die friunde sin dem jungen Dietleibe komen : swer ez danne hat vernomen , den iht beswaeret unser leit, der ist uns helfe dar bereit.' dö sprach Rüedeger der de- gen ' lät mich der botschefte phle- gen, die wil ich senden an den Rin. diu hervart mac niht e sin, als ir sin beide habt gedäht daz die zesamene werden bräht die mit iu gerne rlten dar. unz ir diu velt seht bluomenvar, zen nächsten sunewenden , sö mugen ouch wirz verenden ; sö sint beraten wol diu lant. die wile habt ir iuch besaut mit den iuch selben dunket guot. swä man widersagen tuot künegen alsö riehen, daz tuo sö zitlichen daz ez iemanne laster st. e sich verenden tage dri, die boten senden wir dä hin. durch iuch ich des vlizic bin daz man der hervart sö getuo daz helde sprechen wol dar zuo.' Man liez an Rüedegere daz. dö muoste in zogen deste baz, die den boten kleider sniten, daz si bezite danne riten.

zwelve worden der bereit: guotiu phärt und rlchiu kleit, daz wart in schiere gegeben, mit koste schuof man ouch ir leben, beidiu dar unde dan. Rüedegfr der küene man vil wol bedenken künde daz. der Hiunen künic smen haz durch Dietleip an den Rin en- bot: des waere in guoter witze ob si daz künden understän. der künic hiez si wizzen län daz er zuo ir lande drizic tusent sande durch einen kindischen degen : den heten si uf sinen wegen beswseret ane schulde; des enheten siner holde niht die Burgondsere. dö hiez ouch sagen ir maere Helche diu vil riebe daz si unhazliche den recken allez waere holt; si m fiese ir silber unde ir golt ze solde geben üf ir leit: ir hete ein jungelinc gekleit waz si heten im getan; dem wolde si ir helfe län mit zehen tusent mannen, daz im die volgeten dannen. sol ouch daz niht verda- gen, man sol von Blosdeltne sagen: der frieret dar besundert dri und drtzic hundert, von allen den forsten die hie sin bt iu und ouch der frouwen min, die'z urliuge mit iu wellen tra- gen, von den sol man in widersagen und in dort alle nennen daz sis mugen erkennen.* dö sprach der guote Rüedeger 'ir saget den fürsten also her daz in mtn herre sf gehaz. wellen si im büezen daz , sö heize er üf si rlten niht : ob des danne niht geschiht, sö möese er senden an den Rin die in wol schade mögen sin, und welle in ir lande rechen die schände diu sinem gaste st geschehen, daz si län vil balde sehen ob siz wellen enden, zen nächsten sune wenden, so wirt mit urliuge in getan daz si sin schaden müezen hän.'

er sande ouch hin ze Rabene ze Ermenriche dem degene. er hiez ouch si daz wizzen län, ob si die helde üz Meilän bt Ermenriche fanden, dazs in diu maere künden: wurd ez in da niht kunt getan, sö riten hin ze Meilän. er hiez ouch Berhtunge biten daz er näch friunt liehen siten dem helde helfen solde, ob er daz wizzen wolde daz er sin künne waere ; und bat ouch disiu maere sagen den Härtungen, den edelen fursten jungen, Fritelen und Imbrecken, 'ob wizzen daz die recken umb frouwen Dietlinde kint, swes si dem helde schuldicsint. Ir sultz ouch Wahsmuote sagen und ouch dem alten Regen- tagen, Eckeharten und Rimsteinen. verdaget irz ir keinen , daz si ir triuwe läzen sehen: ir helfe si uns not geschehen.' die boten wurden dö gesant daz si sich teilten in diu lant: si würben umbe ritterschaft, die Etzein von slner kraft widersäzen sere. waz sol ich sprechen mSre? si gähten vaste an den Rin. ir firide muoste guot sin. swä si riten durch diu lant, diu Etzein herschaft was erkant. dar umbe man in ere bot : geleites was in ninder nöt. 'als wir diu maere heeren sagen, inner sehzehen tagen kömens ze Wormez an den Rfn. h nach siten des hoves sin sach man die boten kleider tragen. die jungen fursten hörten sagen daz in geste waeren komen : swä sich die haeten genomen, si trüegen in der mäze kleit als Hagen er von Hiunen reit : •als ist gestalt ir gewant, als er dö brähte üz Hiunen lant.' Der künec hiez ir dö nemen war: sin marschalc gähte balde dar und herbergete si zestunt. Hage Den wart ez schiere kunt: der kom da er die boten sach. zem künege er harte balde sprach 'si riten uz der Hiunen lant. ich waen, ez habe näch mir ge- sant der künec und ouch sin werdez wip: si wellent daz ich minen 11p aber zen Hiunen läze sehen. daz sol nimmer mer geschehen. man sol in dienstes sin bereit; si tragent miner frouwen kleit diu in ir kamere sint gesniten. warumbe si sin her geriten, daz sint vil starkiu maere. der fürste lobebsere

hiez in schaffen guot gemach, unz er gehörte unde sach waz si "wolden an den Rin. dd kom zuo den künden sin Hagene der wlgant: nmbe den künic und daz lant die boten fragen er began. schiere wart im kunt getan daz sich der künic rlche gehabte froeliche. 'nu saget mir von der frouwen min. 'si künde stolzer niht gesin,' sprach ir einer drunder. 'si beide hät des wunder, waz iu bi in si geschehen daz ir iuch so selten läzet sehen in hiunischem lande, näch iu ist in vil ande.' Dd sprach Hagene der degen 'mir ist niht gäch zuo den wegen die ich zen Hiunen rite, got läze si ir zlte mit freude wol hine brin- gen. 50" ich hän des niht gedingen, swie-wol si heten gnade min, daz ich mer dä welle recke sin.' hiunisch er dd zuo in sprach daz si schüefen ir gemach: des gunde in der künic wol. als man herren boten sol , alsd wart ir dä gephlegen. hin wider Hagene der degen kam dä er den künic vant: «wie sint si kumen in daz lant? wizzet ir iht der msere?' dd sprach der redebaere 'wan daz ich si hän gesehen, si habent mir anders niht ver- gehen/ dem künege sagte er daz duo 'si wellen für iuch morgen fruo : alsö hdrtc ich si jenen. dd sprach der künec 'daz si ge- schehen.' Alsd liezen si daz stän unz daz zem münster wolde gän der künic an dem morgen fruo. die boten wären komen duo und stuonden für in an den wegen, aldä gruozte si der degen. si nigen unde begunden gern ob er si wolde des gewern, daz si sin urloup solden hän , $d wolden si in wizzen Jan waz si würben in sin lant. daz urloup gap er in zehant. dd sprach ein ritter under in 'iu tregt vil hazllchen sin der künec von Hiunen riche : er hiez iu endicliche sinen dienest widersagen, ouch sul wir iuchz niht ver- dagen war umbe er iu si gehaz.' dd sagte er im allez daz , alse im dä vor was geseit. daz was den Burgonden leit , ez muote den künec vil vaste. 'weit aber ir stnem gaste büezen sine schände, diu im in iuwerm lande

von iu herren ist getän, sd sult ir guoten fride hän.' Gunther sprach er mac wol jehen daz im hie schade si geschehen : doch hän ich schaden mere. ich schönte es durch min ere daz man in ze töde niht ensluoc : heres hete ich im genuoc; dö liez ich in doch riten. wil er an uns erstriten mit den Hiunen slnen pris, si sin tumbe oder wis , lieze im Etzel drizic her, den allen satzte ich mich ze wer, e ich im buoze sande ze hiunischem lande/ 'so enbiutet iu der jungelinc, der da brüevet ditze dinc, daz er iu eretc widerseit. ouch sol iuch werden niht ver- deit, sin vater tuot iu alsam. Biterolf ist des nam, der knabe heizet Dietleip. nieman hinder uns beleip in der Hiunen lande der guoten Wigande, si hiezen iu alle widersagen. der künic wil iu niht vertragen sines gastes ungemüete. nu seht 'wie manz behüete : iuwer lant muoz drumbe rin- nen. waz muget irs frumen gewin- nen, ode wä naemet ir die wer? der künec im sendet her ein her mit vierzic tüsent sraer man. sd sol ich iuch daz wizzen lan: min frouwe hiez iu widersagen, dö si den recken hörte klagen. eilenden liuten ist si holt: uz ir kamere gibet si golt wol zehen tüsent mannen, die ritent mit im dannen. Noch sult ir hoeren mere , ir guoten degen h$re, von recken die zen Hiunen sint. vil maneger werder muoter kint, diu habent iu heizen wider- sagen. der sol ich einen nihtverdagen, die da fürsten sint genant, die iuch von der Hiunen lant wellent suochen an den Rin. des küneges bruoder Bloedelin, der füert da her besundert dri und drtzic hundert, da mit ritet ouch Rämunc und Hornboge der helt junc. Gibeche unde Schrutan, der herzöge von Merän, die hant iu bede widerseit, (daz mac iu helden wesen leit,) und Sigeher der frie , der helt üz Turkte. Gotele der riche widersaget iu vllzicliche. als hat ouch Rüedeger getan , der künic Etzelen man , der von Bechelären. dö si ze hove wären, hört ich die guoten knehte je- hen

daz si sich wolden lazen sehen hie in disem lande, die guoten Wigande, Ha wart der starke, der helt uz Tenemarke, und Irnfrit der wigant, der fürste üz Düringe lant, und ouch der degen Irinc und manic stolzer jungelinc üz hiunischem riche , die koment iu schedeliche.' Dd sprach von Troneje Ha- gene «hat er nu al die degene die er ie gefuorte hervart, sit daz er erste künic wart, wolden die üf uns riten, der müest wir hie erblten.' dö sprach der recke Gernöt 's wie gewalticlfche erherenbdt, daz man von disem lande zen Hiunen gisel sande , dem künege wir niemere erbieten solhe eW der künec ze sinem tische er hiez der boten umbe daz niht wirs gen einem häre phle- gen. dd nu enbizzen was der degen, dd hiez er balde springen: gäbe hiez er bringen boten der vfande sin. die sd starke an den Rin widersagten oflenliche, die hiez er vil herliche beleiten wider in ir lant. dd sprach ir einer unerkant 'wizzet daz uns der künec ge- bdt, > ob ir uns g«ebet berge röt von liehtem golde gar guot, so h»ten wirs deheinen muot ze nemen umb einen phenninc. s6 höhe stet des küneges dinc. wir tuonz niht durch versmä- hen, wir geturrens niht enphähen.' Die boten schieden dd von dan. der künic gie mit sinen man sunder sich beraten waz si dar umbe täten, des vereinte sich zehant der voget von Burgonde lant. dd sprach aber Hagene ' wä naemen wir die degene da mite wir werten daz lant? haeten wir alle die besant die wir ze friunde mügen hän, wir künden nimmer widerstan Etzelen dem riehen. ich rate iu wislichen , weit ir die hervart wenden , ir sult nach fürsten senden und ladet die zeiner Wirtschaft, daz si komen mit ir kraft und niht län bellben si enkomen mit ir wiben ieslicher her zer höchzft, reht alse ir des bewiset sit daz man iueh welle suochen hie; die man ze höhen dingen ie

prtset in allen enden, daz si zen Bunewenden zuo iu rlten an den Rin, und hie bi der höchztte stn mit den besten die si hän üf guoter ritterschefte wän : die suln hie bi uns schouwen mäge und edele frouwen. Und enbietet den Wiganden , swaz si ir zuo den landen immer mögen bringen , daz si des haben gedingen, in si des ungebrosten, ir weit si gar verkosten. slt ir mit fride gerne, so sendet gen Palerne ze dem der voget ist überz laut : der ist Stuotfuhs genant; ich erkenne wol sin über- muot, sd kumet iu der helt guot. habt ir ze wer gedingen, sö sult ir ze hüse bringen den starken Liudegere , der ist ein degen here. der könec von Tenemarke, des helfe frumet iu starke wider ir grozen übermuot; und bitet ouch den helt guot, den küenen Liudegaste, der gezaeme iu wol ze gaste, wolde er komen an den Rin mit dem nächgebüren sin; und ouch die Wigande da her von österlande, die ie nach prise würben, die Durenge und die Surben. Iuwer boten werden ouch gesant ze Bäheim unde in Beier laut: ze Witzlän dem vil riehen, der kumet iu sicherltchen, und Poytan von Wuscherat: die besten ritter die er hat, die bringet er iu an den Rin. ir sult ouch des gemant sin daz iu kome von Beier laut Gelphrät der wigant und Else der mareman. man sol ouch niht belihen län von Regensburc Nantwin, der sol zer höchzite sin, den heizet iu ouch bringen: wie mdht ir baz gedingen? bitet Fridleip dz Swäben ko- men: daz habt ir selbe wol vernomen, der ist ein vil guot wigant. Herleip ist iu ouch erkant von Westväle dem lande, der ist ein helt zer hande. Von Elsazen gräve Berhtolt, der naeme da für kein golt ern saehe ouch hie die ritter- schaft. so kumet iu ouch mit stner kraft der ffirste dä von Spanjelant, Walth^r der wigant; der lobte, oh daz geschaehe swenn man in gerne saehe ze Wormez bi dem Rine, daz er und al die sine iuzedienstewolden komen: daz habet ir selbe wol vernomen.

wer mac iuch danne twingen? her bringet von Harlingen der künec alle sfne man , die sint im dienstes undertän : Arragün und Navarren lant, daz stet gar in einer hant ; da von er bringet helde her in iuwer selde. Ir sult ouch Sifride biten, daz er in friuntlichen siten ze Wormez rite an den Rin, daz er die triutinne sin mit im dannen füere. vil wol ich des geswuere, kumet er her in ditze lant, sö hilfet uns des recken hant daz wir dem Etzelen her sin al deste baz ze wer.' näch dem Hagenen räte si frumten boten drate in der selben forsten lant, die ich iu habe vor genant, und hiezen den fursten allen sagen daz si näch den phingesttagen alle kcemen an den Rln: die dä fursten möhten sin , die brachten alle dar ir wip. des wart der edelen frouwen 11p getiuret harte sere : beidiu zuht und ere mohte man dä vinden, an in und ir gesinden. Dö man die boten riten liez, die wlie der künec bereiten hiez gestüele g6n den gesten. die stat hiez er ouch vesten bediu mit müre und mit graben : vil werkes wart von in erhaben : des si alles hseten niht getan , haet sis der Hiunen künec er- län; der machte in dise swaere. nu merket ouch diu maere Wie Etzein boten körnen wider, waz si ze hove sagten sider von Gunthare und stnenmägen, dö si begunde frägen der künec «waz habt ir dort vernomen?' 'dä wellent si niht abe komen deheiner ritterlicher wer. ob ir in sendet tüsent her, durch nieman rüment si ir lant ; ez wil ouch ir keines hant iu Zinsen slnes vater guot. si wellent, swaz man in getuot, zuo in warten an den Rln." dö sprach der künec ( nu muoz ez sin. si gelfent nie sö vaste, ich wil ez mlnem gaste Volbringen an sin ere. ir boten , saget mir mere: was Hagene bl den künegen dä ode was er inder andersw^ die boten sprächen alzehant 'als wir körnen in daz lant, er was der erste der uns sach. vil harte güetllche er sprach von iu und mtner frouwen/ ' ich wil des wol getrouwen sprach der künic riche, *daz min vil friuntliche

gedähte der helt guot, lieze er wan sin übermuot.' Dö sprach ir einer under in 'ich hörte in wol den ersten sin der den kfinegen riet die wer. er hete doch der Hiunen her in langen ziten niht gesehen/ dö sprach der kunec 'des man im jehen lange hörte, deist an im. swaz ich nu rede von im ver- nim, sd ist ez doch der wirste man, des ich künde ie gewan.' die da waren <* gesant in der Amelunge lant dem fürsten Dietrichen, die körnen unsorclichen, wan si heten wol vernomen daz in gerne wolde komen vil willicliche er Dietrich: aht tüsent helde lobelich , die wolde er in bringen, sich freuten des gedingen die ellent haften geste. den helden nötveste ir aller dienest wart geseit, und daz in waere vil bereit Ermenrtch der meere mit manegem Rabensere. Den jungen Berhtungen von den Amelungen, den wolde er in senden , daz künde nieman wenden, sin helfe wart niht kleine , wan Witege unde Heime die körnen böde an siner schar : ouch sande er Liutwaren dar und Sabenen den vil riehen, die im vil williclichen , alse ez Ermenrich geböt, gestuonden zaller siner nöt , mit zehen tüsent mannen : die fuoren mit im dannen. *sö heizent iu die zwene sagen (daz sol ich iueh niht verdagen) Rienolt unde Randolt, si sin iu bede wol sö holt , si frieren iu üz Meüän driu tüsent küener man in ringen stälherte; si wellen ir geverte durch iueh schaffen an den Rin und in dem urliuge sin. Die zwene fürsten junge, die küenen Harlunge, die enbietent iu ir statten muot, friuntschaft unde allez guot, daz si iu willic sin genuoc. dö man der maere gewuoc, dö freuten si sich sere, und jehent swaz se iuwer Sre mit ir Wiganden mögen füegen in den landen, si wellens nimmer abe gestän, si komen selbe mit ir man; der bringens iu gesundert sibenzehen hundert, vil vaste riet ez Wahsmuot und Eckehart der helt guot , Herdegen unde Hache, die jähen, iuwer räche muese deste baz geschehen, daz man si bi iu solde sehen.

schart , Die küenen Berna,. , die wären durch diu maere harte freeliche gemuot. Wolf hart der helt guot, der sprach da werdent helme und gefüeget sich diu hervart/ der böte sprach 'ich sach dä wol zwelve Dietriches man, der iesüch sines rates phlac. ez was in ein freudehafter tac, dö si diu maere hörten sagen daz si iu helfe solden tragen, beidiu pris und ere: des freuten si sich s£re. dventiure wie si ze Wormeze Es was nu an die zite komen, als ir wol e habt vernomen, daz si sich samenen solden die mit den gesten wolden herverten an den Rin. daz künde Janger niht gesln, si senkten dd ir hervart ieslicher ingesinde wart bereitet nach ir rehte, ritter unde knehte. dö bevalch der künic here dem maregräven Rüedegere sin gesinde und sine man , daz er si solde füeren dan und ouch.ir leitaere in der herverte waere. vil gerne/ sprach dö Rüede- ger, 'bring ich si, edel künic her, der eine daz was Hildebrant und Helpferich der wfgant, Gerbart unde Wichart, Sigeher und Ritschart, Wolfbrant unde Wolfwin, und Sigestap der neve sin, und ouch der küene Wolf hart: si freuten sich der hervart daz des erlachte er Dietrich/ dö sprach Et zele der künic rieh 'swaz mir sinkünegeundertäo, ich möhtdie helfe nimmer hau diu iu ist hie vor genant, ir möhtet wol durch alliu lant riten unbetwungen vor alten und vor jungen/ in herverte fuoren. nach iuwern grözen eren, da si wol mögen beseren Dietleibes viande ze Rine in dem lande/ Dö sprach diu edel künigin 'so bevilhe ich daz gesinde min Iringen von Lütringen: des han ich gedingen daz si der eilenthafte man nach eren wol geleiten kan. dä mite rite ouch Häwart , sö füeget sich diu hervart , und Irnfrit der wigant. die muosen doch ir selber lant rümen durch ir vinde haz. ez zimet in lihte deste baz ob ir in dem strite deheiner widerrite/ der künec in sinem lande

näch sinen helden sande , daz die recken vil gemeit schiere waren bereit, die er wolde senden dan. drizic tüsent er gewan, die muosten swern herevart. Rüedger ir aller venre wart ▼od hiunischem lande, sin selbes Wigande schuof er fünf hundert duo dem küenen üietleibe zuo, swie si gefüeren üf den wegen, daz si des beides solden phle- gen. Bitrolfe bevalch er bt der hant vil manegen stolzen wigant, daz er der helde solde phlegen. er wiste wol, ez waere ein de- gen. der helt si üf sin triuwe enphie : der recke froelichen gie sitzen wider üf sine banc. diu wlle was dö niht lanc daz Rüedger sin gesinde sande Gotelinde hin ze Bechelseren, daz die bereite wsren, swenne er füere über lant , daz si im koemen al zehant. die wfsen ouch daz rieten hie, die slnes rätes phlagen ie, wie er die geste senden solde, daz imz erwenden übele nieman künde, und swä manz erfunde , daz ers ge£ret waere. tüsent helde maere hiez er dö disen beiden von den andern üz bescheiden, die waren kristen als sie: er bevalch in vliziclichen die. Dö rieten si daz under in, wä si die samenunge hin der küenen Hiunen solden le- gen, ode wä si nach den nächsten wegen solden komen an den RJn. *daz heizet ungesorget sin/ sprach dö Rüedeger der degen. ( ich kan iuch wol üf allen we- gen füeren durch diu riche.' si sprächen al geliche 'nu volgen Rüedegere.' dö riet der degen here die ersten samenunge, daz alte unde junge hin ze Blodelingen riten, und der andern denne biten dä b! in dem lande, die küenen Wigande heten an den stunden diu zeichen ane gebunden und sibenzehen hervanen. der künec begunde sie manen daz den helden vil guot niht beswärte den muot, ob er bestüende in Hiunen lant. an genuogen wasimdazbekant, si leisten swaz in diuhte guot: si wseren tumbe oder fruot, si liten alle arbeit der künec mit sinen mannen' reit Unze an der LItä stat.

frou Helche ir gesinde bat varn deme geliche, als si waBre riche. urloup wol mit minne von der küniginne die recken heten nu genomen : dö si an die wite wären komen, dö sach man da besundert sehstehalp hundert und fünfzic tüsent manne , die mit den gesten danne riten herliche üz hiunischem riche. dö daz her vil starke ab hiunischer marke zuo der Uta gereit, dö was frö unde gemeit Etzele der vil riche. er liez dö güetliche scheiden Bloedeline von im und die sine. si erbeizten nider zuo der fluot : die helde küene unde guot des nahtes wolden dä sin. si bedorften under in wahte noch der huote. vil manege hütte guote sach man uf gespannen. urloup nam ouch dannen der marcgräve riche von dem künege güetliche. Dö reit er naht unde tac daz er ruowe niht enphlac gegen Bechelaren. die sine die da wären, die hiez er riten mit dem her. die helde nuzzen äne wer swaz erbouwen hete daz laut, üf der Tuonouwe sant huoben sich den morgen die Hiunen äne sorgen, gegen Wiene si dö riten : die schaff«re niht vermiten, si muosten des unmuoze hän e daz si alsö manegen man bereiten dä die spise. nomen , Sigeher was wise der ir al die wile phlac dar näch unz an den fünften tac, unz si aber sach Rüedeg£r : si liez der marcgräve h£r ninder unberäten varn. daz hiez der helt wol bewarn daz er niht sparte sküneges golt. des wären si im alle holt die den helt erkanden üz ieslichen landen. Als ich diu maere hän ver- die dritten naht si wären ko- men zer Treisem an die wite vor äbendes zite. die dä ze Mütären gowaltic wirte wären , Wolfrät unde Astolt, die sprächen, ob in wolde holt Biterolf der degen sin, si riten mit im an den Rin. dö si ir wurden dä gewar, dö sanden si ir boten dar

daz si in erfüeren maere waz ir wffle waire. dd die Biterolf ersach, der helt gezogenllchen sprach si habent mir des niht getan , ich enwelle ir dienest gerne hän. ir sult in min dienest sagen : ich wii in gerne daz vertragen daz si mich ö riten an. daz selbe hete ich in getan ob si sö riten durch min lant. ich was in niht sö wol erkant daz ichz in iht unprfse.' Bitrolf der was wise. In fride der Etzelen man riten von Mütären dan die zwene Wigande , da si üf der Trcisem sande hf den Hiunen recken funden Biteroifen bi den stunden, dö si nu kumen wären , die ir e ilten vären , die giengen dö begegene Astolde dem degene unde ouch Wolfraten, den antfanc si taten als ez von rehte solde sin. vil wol enphienc si Bla»delin. für eine hütte nf dem plän was her Biterolf gegän mit Dietleibe sinem suon: sö si von rehte solden tuon, enphiengen si die zwene man. dö giengen mit in sitzen dan die zwene Wigande: die recken üz erkande , einander sagten si ir muot. dö sprach Astoltder helt guot 'ich wände ich hete daz versolt daz ir mir nimmer wurdet holt, dö ich iuch hete an gerant, dö wart von iu sö hin gesant mtn wille und ouch min über- muot daz ich iuch, maere helt guot, dä von sol immer prisen. ich weiz mich nu sö wisen daz ichz immer mer sol län, daz ich ir keinen bestän der sö gellche recken vert. mir was der töt vil nach be- schert. Biterolf der sprach duo swaz der man mit sorgen tuo, man solz im wizen deste min. iuwer friunt ich nu sö stajter bin, möht ich ervehten iu ein lant, daz müese dienen iuwer hant.' si nigen im beide umbe daz. friuntschaft äne allen haz rieten si dö under in. si wolden von in scheiden hin, dö sprach der starke Wolfrät 'swaz Astolt unde Arne hät, daz sol mit iu geteilet sin. hänt iht beslozzen niiniu schrin, ez si silber oder golt, daz sol wesen iuwer solt ze geben, üz erweiter helt, allen den ir gerne weit.' dö si sich wolden scheiden, dö lobten si den beiden ze füeren mit in danne

sehzic küener manne. Si nämen urloup von in dan. guot gemach dö wart getän den beiden durch der recken rät swaz ein rlchiu burc hat, daz muost mit in geteilet sin : fleisch Tisch bröt unt wln, des kom in dar vil swsere geladen soum&re. dö ez Dietleip ersach, ze sinem vater er dö sprach 'der sö friunt verdienet üf den wegen, der solde nimmer sich gelegen/ Bitrolf smielen des began. dö teilte er mit Etzelen man daz si in heten dar gesaut, in was allen wol erkant wie si gescheiden waren, dö si ir begunden vären. Dö in aber kam der tac , der daz her da wisen phlac, der hiez si sich üf machen, man hört da lüte erkrachen pusünen die hellen, dö rihten sich die snellen von hiunischen riehen zer verte krefticllchen. üf gegen Medelicke dan fuoren die Etzelen man die rehten lantsträze. dienest ane maze den von Hiunen riebe böt vil minnicltche Rüedeger der helt guot vor der sinen heimuot. dö si da geret wären , üf für Bechelären si riten höher in daz lant: Rüedeger der wlgant aber leiten si began. uns ist daz niht kunt getan wä die vil küenen beide nämen nahtselde , ode wie si mit ir dingen körnen ze Blodelingen an der samenunge stat. Rüedeger der helt bat Bitrolfe und Dietleibe daz si riten beide zuo frouwen Gotelinde. - dö liezens ir gesinde mit den andern üf den wegen, danne fuorte si der degen dä si die frouwen solden sehen, ir was vil liebe geschehen : si gie in hin engegene und enphienc dö die degene mit küsse minniclichen, Bitrolf den muotes riehen und sfnen sun den jungen. mit rede was ersprungen daz ir der degen msere vil nähen sippe w»re. dö sprach diu schoene Gotelint 'sit ir daz Dietlinde kint, der lieben vetern tohter min, unser zweier kindelin sint iuwer sippez künne. ich hän des immer wünne daz ich iueh bede hän gesehen. möhte A immer geschehen daz ir uns wahret nähen , sö solde iu niht versmähen

des marcgräven dienest unde min.* dö sprach der degen »wir sullen sin 57" bi einander über zehen lant. Nuodunge tuon ich daz bekant daz ich im immer bi gestän die wile und ich daz leben hau. Si b£de dö dem beide nigen, da wart d an ken niht vers wigen. der marcgräve unde Gotelint iiezen minniclichen sint die tugentrlche helde scheiden üz ir selde: zuo dem her si riten dan. da heten Bloedelines man nu ir stat gevangen. witen unde langen einen anger si dö funden: si wolden an den stunden der recken biten möre. der marcgräve here der schuof ir imbizes stat : äne schaden er si bat ligen in dem lande, die guoten Wigande heten alle die gcnuhtsam diu guoten recken wol gezam. ze Blodelingen si dri tage lägen, alse ich iu nu sage, unz si körnen alle dar, den si da warten, mit ir schar von iesllchem lande, die guoten Wigande ze rate wurden under in wä si möhten keren hin, dä si die wite möhten hän. dö sprach der Etzelen man Ruedeger der riebe ich füere iueh senfticliche (mir sint die wege wol erkant,) gen Swäben durch der Beier lant. ich leite iueh näch der wite und dä wir alle ztte guote herberge hän , und dä ein ieslicher man vindet sine lipnar.' die helde schikten ir schar üf durch der Beier lant. Rüedeger der wigant schuof dä die nachhuote: dö was in wol ze muote. Waz mac ich mere dä von ich enweiz in wie manegen ta- gen si körnen an daz Lechvelt. manic hätte unde gezelt si sähen dar abe schinen, da her Dietrich mit den sinen lac üf dem gevilde. vil helme unde schilde sach man von danne glesten und manegen schaft vesten, dö si heten üf gebunden ir baniere an den stunden. ich hän der maere niht ver- nomen, wie er von Berne waere komen, und ob den tiurlichen degen haet iht gemüet üf den wegen, ahte tüsent siner man het er mit im gefüeret dan : die bete geleitet Hildebrant an daz Lech in Beier lant.

Dä vor an dem nächsten tage dö waren komen, als ich iu sage, die zwene künege junge, die küenen Harlunge, Fritele und Imbrecke. den hete manic recke dar gevolget in daz iant. Wahsmuot der wigant , der was ir leitaere. driu tüscnt helde ma3re brähten die recken junge zuo der samenunge. nu was ouch komen Berhtunc, der tiurllche helt junc: von Rabene der veste helde aller beste het er genieret in daz lant, die Ermrich hete dar gesant: geriten waren mit in dan zehen tüsent siner man. her Witege unde ouch Iieime, die kämen ouch niht eine, die brähten dar gesundert ir recken vier hundert. Sabene unde Liutwar, die hülfen Ermenriches schar leiten gegen Rine. Rienolt und ouch die sine wären kumen in daz lant: swaz sin und Randoldes hant in mohte dienen mit ir schar, des wären si bereit gar: näch wünsche stuont in gar ir dinc. dä was ir iesliches rinc vil wite gevangen. dö daz was ergangen, dö kämen die Etzelen man. vor den helden riten dan Biterolf und stn suon. waz mohten bezzers dö getuon die eilenthafte geste, degene aller beste? diu ros si hiezen bringen den küenen getelingen : die stolzen Rabenaere westen wol diu maere daz waere komen in daz lant, der näch in dä hete gesaut. Dö hörte ez ouch her Dietrich. mit sinen helden lobelich was er komen uf diu marc. dö wart daz dringen starc von den üzer Berne. die helde sähen gerne den si dä dienen solden. dä sis enphähen wolden, dä kös man michel dringen: man hörte ouch löte erklingen vil manege buckel riche , dä si vil ritterliche den buhurt zuo in riten dan. her Dietrich unde sine man enphiengen dise geste sö daz si von schulden waren frö. sinen neven triuten er began. Wahsmuot brähte zuo in dan die zwene künege junge, die küenen Harlunge. Dö körnen ouch zwene man , die fürsten üz Meilän , Randolt unde Rienolt; den gesten wären si vil holt. Hächen unde Regentagen , jä künde iu nieman gesagen , wie si enphie her Rüedegex

und ander roanic recke her oz hiunischem rfche. den herren Dietriche und alle Ermenriches man bediu wider unde dan sach man griiezende gän. aus wart der antfanc getan 59» vil harte lobelichen daz ez mohte riehen der edelen Dietlinde kint. die helde sprachen daz sint, in künde nimmer baz ge- schehen, daz er haste gesehen sd manegen friunt guoten. dieHiunen sach man muoten wie si üherz Lech solden komen. herberge hete in dd genomen dermarschalcbtdemGunzenle: weder sider noch £ kom nie als manic wfgant hin ze Swäben in daz lant. die geste schuofen ir gemach unz ir iesllcher sach sin volc zuo im allez komen. dd hete ouch sich nu für ge- nomen Rüedeger der riche , der wolde vollicliche die Hiunen bringen an den Rln. des wolde gestrite sin üzer Berne Hildebrant, daz die von Amelunge lant solden ze vorderst riten. da mit si muosten biten an den herren Dietrich, der sprach dd vil zühticHch ja sol min herre Nuodunc, der tiurltche helt junc , sin vanlohen vliesen niht. swaz im eren geschiht , dem helde ich es vil wol gan/ mit den Etzelen man reit dd ze vorderst Rüedeger, unz si der maregrave her brahte durch der Swäbe lant. dar nach fuoren si zehant ze Elsäzen über Rin. aldä muosten si dd sin zwelif tage unde baz: mit arbeite geschach daz daz si über kamen in daz lant. Gunther der wigant, der hete sd vil der geste ze Wormez in der veste daz er an angest wolde sin, swä si keemen an den Rin, daz si deheinen herbrant möhten bringen in sin lant. ' der trdst was im nuo benomen, wan si über waren komen. ze tal den Rin si dd riten mit vil hdchvertigen siten hin für Hagenouwe. in dem Ringouwe da gelegten si sich sit in ein gevilde, daz was wit. da schuofen die helde guote ir her vil grdze huote, von iesliches fürsten schar sehzic ritter wol gar, da si gemach wolden han daz von den Guntheres man die geste in dem lande nieman an gerande. Die helde spienen üf daz velt

hütten unde ouch gezelt. ir snüere wären sidin , wan si heten under in vü manegen üz erweiten degen, die hiezen de« heres wol phle- gen. si westen übele gemuot Guntheren den helt guot. ai warn im nu sö nahen daz si den rouch wol sähen da bi in sehs milen. vü boten sach man ilen die dem künege sagten msere, daz gar erfüllet waere sin lant mit fremden gesten. den slnen ndtvesten der künic sagte dö daz: an einen rinc er gesaz mit helden ze räte , die fruo unde späte truogen gar sin ere. dö frägte der künic here waz im daz beste waere, ob er den helden maere möhte widerriten. 'wir süln ir hie erbtten,' sprach von Troneje Hagene, *unz wir hoeren, wen si degene zuo uns föeren in daz lant. ich räte,' sprach der wlgant, daz wir behalten die stete.' der künic näch des recken bete volgete slnem räte: dö sande er boten dräte 60» und hiez ervarn des maere, wer fürsten bi in waere. Sin böte kam vü balde dar. dö gefragte er in der schar näch in al besunder: dä was neide ein wunder, alsö er daz hete vernomen, dö Ute er schiere wider komen und sagte dem künege maere wie vü dä fürsten waere, und waz si manne möhten hän. schiere wart im kunt getan , dä er vü heimliche saz, ir waer fünfzic tüsent oder baz. dö sprach der künec daz läzet sin. ich hän der geste und ouch der min niuwan zweinzic tüsent man: dä mite ich wol geschaffen kau daz si geriuwet her diu vart, daz ir ie gedäht wart daz si ie körnen an den Rin.' Gunther hete der geste sin siben künege riche ze hüse lobeilche, dar zuo ir iesliches wtp. jä was ir deheines 11p durch striten zuo im niht ka- men: iedoch hän ich wol vernomen, er hete die besten degene die gedähten ie ze lehene. Die hal er disiu maere. mit dienste lobebaere sö hete er sine geste. si hülfen sine veste sit dem künege riche wern vü lobeliche. der künec vü tougen an truoc. ze tuonne hete er des genuoc, dä mite er friden soit sin lant.

herte stürme unde brant, der hete er doch den vollen niht. von überdrö noch geschürt, daz gemüet vil manegen man. nu wil ich iuch daz hoeren lan wie die fremden Wigande in des forsten lande ir boten wolden senden, ob er daz wolde wenden daz si iht wuosten im sin lant. die besten man da zehant des heres vier enden Ute gar besenden. Die beide säzn an einen rinc: si begunden ahten al ir dinc, waz in daz beste waere ode wer der helde maere brahte Guntheren an: der solde sin sö wise ein man daz sin die Wigande dar nach iht heten schände. si rieten wer der waere. »5 Hildebrant der maere, der riet an Rüedegere , ob si den degen here mit vil güetllchen siten der dienste möhten erbiten so daz er ir botschaft dannen den könegen unde ir mannen ze Wormez brachte in die stat. her Dietrich aller erste bat den marcgräven riehen der reise vlizieiiehen. in bätens al die besten die si under in da westen unz inz gelobte Rüedeger. man beschiet dem marcgräven her, er solde ir einen niht verdagen von den man solde widersagen. Daz lobte dö der wigant. er hiez sich kleiden al zehant fünf hundert siner manne, die fuorte mit im danne der maregräve rlche vil behagenliche. dö si nu riten gen der stat die man diu maere ervinden bat, dö sähens uzen vor den graben mit gezimber höhe üf erhaben pheteraere und mangen und manegen swenkel langen, des künic Etzelen man, ein Hiune, reden dö began daz er der genaehe nie baz gezimbert saehe deheine burc noch stat : den marcgräven er im sagen bat wem da diente daz lant. daz sagte im Rüedeger zehant.

die geste vor dem graben sint spiln sähen da diu kint, si heten freude Überkraft, ir genuoge schuzzen den schalt, diu kurzwile was niht klein, sumeliche würfen den stein: die alten mit den jungen liefen unde Sprüngen, dö si die geste sähen der stete nu sö nähen , die brücken wurden nider län, die porten wite üf getän. dd fuorte der marcgräve her einen schaft äne sper, daz man dä bi gesaehe daz man in frides ja3he. an tumben unde an wlsen mohte man dd prisen den gruoz vil minnicllchen g£n Rüedeger dem riehen. Durch die porten si döriten. si fuorten kleider sö gesniten, die Franken enwolden lüge je- nen, si heten solhes niht gesehen daz guoten beiden zaeme baz. der marschalc hete gesehen daz wie si ze hove wären komen: er hete es vil wolwargenomen. si erbeizten für den palas. alsö von im enphangen was der gast und sin gesinde. von maneger muoter kinde hete er e wol vernpmen wie si in daz lant waeren ko- men. erbeizet wärens alle dä. der marschalc herbergen sä wolde dö die geste. dö sprach der muotes veste , des künic Etzelen man ( lät uns diu ros stän: wir mugen hie niht biten, wir müezcn schiere riten. Ich horte des gerne raaore wä der künic waere, ob daz mühte geschehen, daz ich den künde gesehen/ dö sprach ein Gernotes man daz wil ich iueh wizzen län. get üf den palas, dä ich vil niullchen was, ich waen, man in dä vinde bl slnem ingesinde. dö hete ouch nu der künec vernomen daz im geste waeren komen. fragen er begunde ob ieman wizzen künde der im sagte maere wer daz gesinde waere. daz enkunde im nieman sagen, dö begunde er tougen klagen von Metzen Ortwinen , den lieben neven stnen : der starp ze fruo in slnen ta- gen. er gedähte des, der solde im sagen von fremden Wiganden üz ieslichen landen. Dä was ein ander Ortwin: der was der vetern sun sin , der was dä zen Sahsen von kintheit gewahsen. der kam dä er den künic sach :

vil wol hörte er swaz er sprach, dö sprach der junge wigant si sint üz verrer künege lant her bekomen an den Hin. nu habet des den rät min , sendet hin nach Hagenen : hät ieman von den degenen vernomen deheiniu maere, iu mac der Tronejaere der maere schiere hän verjehen, ob er si e habe gesehen. , Die boten Ilten da er was. dö stuont er vor dem palas , man hiez in zuo dem künege gän. der fürste fragte sinen man ob der helt erkande die fremden Wigande, wannen si ksemen in sin lant. dö blicte der küene wigant nider für den palas da der marcgräve was : dö Hagene Rüedegeren sach, daz wort er lachende sprach 'nu wol dich, künic here, dirre vil grözer ere diu dtnem lande ist geschehen, daz du hie hast gesehen den aller tiuresten man , der ie urbor gewan ode ie geboute fürsten lant, und ouch der ie mit degenes hant deheinen swertslac gesluoc. milter degene ist genuoc, doch gewan nie milter daz le- ben: den wünsch hät im got gege- ben.* Er fragte wer er waere. dö sprach der degen maere 'ez ist der milte Rüedeger den ir, edel künic her, dort vor den andern sehet stän. nu sult ir mich geniezen län ob ich iu triuwe könne phlegen. ich wil mich hiute,' sprach der degen, 'des landes min verzihen, daz sult ir, herre, lihen dem edelen Rüdegere. Etzele der künic h6re hät in waerliche vertriben: er waere immer dort beliben daz er niht kceme an den Rin.' dö sprach der künic daz sol sin. sit ir sin muotet, Hagene, wil ich dem degene gerne lihen iuwer lant. der tiurliche wigant lief dö zuo Rüedegere : des gruozes hete er ere. Hagene enphähen dö began den herren unde sine man 'willekomen ir Wigande zuo miner herren lande, und der marcgrave ze vorderöst. ich hän des ie gehabt tröst, swenne daz geschaehe, daz ich den helt hie saehe. nu ist ez alsö bekomen ; des ist mir trüeber muot beno- men, [62 daz er ist komen an den Rin.

nu so) ich im sinen win wol gelten und die sptse die er mich in friundes wfse vil dicke ane geboten hat gelücke deist der gotes rät: des mac ich dar wo! jehen daz ich in hie hän gesehen, zen Hiunen waere ich ofte tdt, dö mirz nieman wol erbot, wan des forsten Geren kint, diu marcgraevinne Gotelint, unde ouch Rüedeger der degen : min wart da vil wol gephlegen von in im eilende, swer mir nu daz wende ob ichs im wol gedanke hie, der gewan getriuwe site nie. Dö disiu rede von im ge- schach, den künec man zuo im gähen sach: der enphienc dö vhzicliche den helt von Hiunen riebe und sine helde guote mit willigem muote. des dankte im dö der wigant. der künic nam in bt der hant und wiste in üf den palas da er e gewesen was: in einem sedele riche der fürste in güetliche hiez sitzen neben sin. dö schankt man im den besten win den man da ze hove vant. der künic sagte im al zehant wie sich Hagen verzihen wolde, 'daz ich iu lihen solde daz sin herzogentuom, dar umbe daz ich hsete ruom daz ir woldet hie besten, nu sult ir mich daz wizzen lan ob ir weit bellben hie; so gap iu der künic nie von Hiunen landen alsö vil: für war ich iu daz sagen wil f ich gibe iu dristunt mere. daz wizzet, degen here.' laz mich/ sprach dö Rüe- deger, 'gedanken, edel künic her, iu beiden güetllchen , stt ir mich woldet riehen mit alsö grözem guote. sit iu des ist ze muote, da von bin ich iu beden holt, ja niuze ich der Hiunen golt swie vil unde ich selbe wil. ich hän gedient unz an daz zü Etzelen mlnem herren: mir kan daz lützel werren, wirt er iht zornic gemuot, wand er vil selten iht getuot daz wider minen willen si. des sol ich immer wesen bi Botelunges kinde und heizen sin gesinde.' Dö sprach der milte Rüedeger ich wil iueh biten, künic her, daz daz mit urloube st, und mich hazzes läzet fri daz ich iu sage diu m«re, iu beiden lobebajre, war umbe ich zuo iu bin gesaut

ode waz ich wirbe in ditze lant. sol ich des iuwern urloup han, sö habet ir mir liebe getan. dö sprach der voget von Rine ' ich und die bruoder mlne hazzen niht des ir saget swelch böte daz verdaget daz man fürsten sagen sol , der ist niht küneges böte wol.' Der voget von Bechelären mit den die bi im wären, von dem sedele er dö stuont : do gebarte er sö die recken tuont. sus sprach der edel wigant 'mich hat her zuo iu gesant her Biterolf und ouch sin suon, und sol iu daz kunt tuon wie si zuo iu sin gemuot. liebe und aller hande guot widerbietent si iu beide. ich enweiz wenn ir ze leide dem jungen helde habet geriten : irn ergetzet in nach friundes siten, er naeme iu, möhte er, wol den tac. der wille nie an im gelac sit im beswa3ret wart der muot. ouch enbiut iu,' sprach der helt guot, 'künec Etzel, min herre, swaz sinem gaste werre, des welle er immer vor im sin. er hat mit im an den Hin gesendet fünfzic tüsent man und heizet iuch daz wizzen län, irn wellet mit im süenen , sö sullen iu die küenen geriten sö deiz iu wirt leit daz erz dem künege hat gekleit.' Der furste von dem Rine sprach min zorn und mlnungemach, der ist noch groezer denne der sin. mac ich mit den Munden min erwern die bürge und min lant, daz tuon ich im vil schiere be- kant. ich schaffe im ouch der gisel niht, daz er daz selbe wol besiht daz ich niht frides koufen wil. haet er nu tüsentstunt sö vil helde sam ir her Etzel hat, ich wil gewaltes haben rat.' dö sprach der guote Ruedeger «so beeret, edel künic her, von wem ich iu sol widersagen.' der fürste bat in noch stille dagen unz er der Wigande durch rät mer besande. Dö bat der künic springen und vil balde bringen sinen bruoder Gernöten und Gfselhem den guoten. er Diez ouch Sifride komen der im ze trute hete genomen sin swester Krimhüte: der küene und ouch der milte, langer er daz niht enlie, vil balde er hin ze hove gie. der wirt hiez gähen sä zehant

dä man Stuotfuhse vant, den voget von Palerne: des rät hörte er gerne, dar nach hiez er springen und Waltheren bringen, den helt üzer Spanjelant. mit dem körnen al zehant stner undertänen drt kunege die im stuonden bt. dar nach hiez er ouch gän nach dem erbaeren man daz Herbort der starke, der helt üz Tenemarke , hin ze hove ouch kaeme und die rede vernaeme, wie man im hete widerseit. er bat die degene vil gemeit, Liudegaste und Liudegere , daz man die recken here ze hove solde bringen, er hete ouch des gedingen, ez solde hoeren Witzlän und ouch stn bruoder Poytan. den herzogen von Beier laut , vil schiere hete er den besant, den küenen Nantwfnen mit den nächgebüren slnen , Elsen und Gelfräten: daz wart im geraten daz er nach den sande, daz waeren Wigande, dd die ze hove wären komen, die botschaft hete ouch dd vernomen der Swäbe herzöge Herman. mit im reit ze hove dan von Elsäzen gräve Berhtolt: die wären ie dem künege holt, dar nach körnen al zehant von Missen und Düringe lant die fursten lobeltche; dar kämen ouch ritterliche von Lütringen unde Brabant die ze herren wären da genant, und al die graven umbe sie die in dort unde hie wären bi gesezzen: der wart dö niht vergezzen. Den boten mohte wol betra- gen, dö der künec näch stnen ma- gen hiez alsö tlende gän. nu körnen mäge unde man. swelher ie ze hove gie, wie rehte minnicliche enphie iesllcher Ruedegöre ! der tiure degen here was mit grözen ören dar be- komen, daz hetens lange wol vernomen. her Walthör lachende gie dä er den marcman enphie: er gedähte an diu maere wie er gescheiden waere von hiunischem rtche: si redeten schimphlfche. er frägte an der stunde näch der scho?nen Hildegunde, dö sprach Walthör der degen *diu ist hie in Guntheres phle- gen. weit ir, daz mac vil wol ge- schehen ,

daz ich iuch läze die gesehen/ Den boten wunderte sere wie Hildegunt diu here zuo dem Rlne was bekomen : der helt hete noch niht verno- men der unglouplichen maire daz ir da mere wsere. im sagte der helt von Spanje- lant Gunther hät näch uns gesant: die da heizent käneges kint , daz unser vierzehen sint, der hahent siben hie ir wip : des ist der Hildegunde Up b! den andern hie gesehen, wir hörten sine boten jehen, wir solden zeiner höchzit. nu riuwet mich daz immer slt daz ich so smähe her gereit, und ist mir doch ze mäzen leit. sul wir wem im sin lant , sö sol dienen hie min hant so wol sin bröt und ouch den win daz si mir holt müezen sin.' Die herren waren alle komen, von den ir e* habet vernomen, die küencn getelinge. si brähtc zeinem ringe her Gunther unde Gernöt, als in ir wisheit gcböt. daz riet von Troneje Hagene : jä solde man die degene hoeren län diu maere , waz in enboten waere. dö sprach der edel könec her 'nu lät uns hoeren, Rüedeger, wer die beide mügen sin dje uns dä suochent an den Rin; die mir da heizent widersagen, der sult ir einen niht verdagen vor disen Wiganden, die mir und minen landen dröuwent alsd sere.' dö sprach der böte here 'sö nenne ich iu den Arsten und under in den hersten , daz ist der känec von Hiunen lant. der hiez siner recken hant rechen slnes gastes leit: manegen degen vil gemeit hät er uf den schaden dln her gesendet an den Rin. Helche diu vil riche, diu hät im waerliche läzen zehen tüsent man: die liez si riten mit im dan daz im die dienen uf ir golt : si ist im durch sin tugende holt. Sö widersaget iu Bloedelin mit aht tüsent helden sin, und die recken üz Hiunen lant. swie die Kirsten sin genant, der wil ich einen niht verdagen. dä bi heizet iu widersagen von Berne der fürste Dietrich : zehen tüsent helde lobellch hät er von sinem lande bräbt die iu wers schaden hant gedäht. die leitet zuo iu in daz lant von Berne meister Hildebrant.

Gerbart unde Wichart, Sigeher und Ritachart , Sigestap und Wicnant , die helde üz Amelunge lant, Wolfbrant unde Wolfwin und Wolfhart der neve sin, die küenen Wülfinge , die sint in dem gedinge , ez enwer guoter recken hant, ir müezt in rümen iuwer lant. Man widersaget iu höchliche von dem künege Ermenrlche und ouch von slnen mannen , der er sande dannen zweinzic tüsent oder baz. ir sult für war wizzen daz , daz die leitet Berhtunc und Witege der helt junc und Heime, Madelgeres kint, die doch des küneges venre sint. da mite ritet Liutwar, der leitet Berhtunges schar, und Sabene der junge, der der Amelunge bediewet hat vil manege kraft daz si im nu sint zinshaft. Man widersaget iu mere von den forsten here, den küenen Härtungen: der alten und der jungen hat in mite volget dan driu tüsent küener man. die leitet der helt Wahsmuot und Hache, der helt guot, Herdegen unde Eckehart, die vil manegen heim schart mit ir handen hänt geslagen. so heizent iu ouch widersagen die forsten da von Meilän : die habent zwei tüsent man iu helden schedellchen brAht; in ist des vil wol gedaht daz si recken hie ir haut # daz si rumen ditze lant.' Dö sprach der kunic rlche vil gezogenllche 'nu wil ich' iuch fragen, die fremden zuo den mägen , waz iuch hedunke guot getan, des wir hie vernomen han/ dö sprach daz Sigelinde kint wider Guntharen sint, Slfrit der wlgant 'ich hilfe iu wem iuwer lant daz her Dietrich und die sine mügen bi dem Rine deste min gewait gefueren. ob si iuch mit brande röeren , man sol ouch mich bi in sehen, ja ha3ret man ir keinem jehen so gremeliches muotes , der iuch iuwers guotes mit sinem eilen sö beher ern vinde im etewen ze wer. Ezn ist dehein Dietrich sö starc und sö freislfch, sol ich mit im zesamene kö- rnen, im enwerde lihte benomen sin ubermuot den er hat, ob mir daz wäfen min gestat'

dö sprach üzer Spanjelant WaltheY der wigant 'her künec, haet ir mich wizzen län, dö ich mit juncfrouwen dan von Spanje her zem Rine reit, wie sere iu si hie widerseit , sin möhte dannoch werden rät. • ob man iuch mit strite bestat, ich braehte niun tüsent man : die wile und ich der einen hän und ouch ich selbe lebendk bin, iif iuwer helfe stet min sin. des sagte im dö der könic danc. dö sprach ane widerwanc der voget üz Palerne 'herre, ich wil iu gerne helfen alles des ich kan, wil mir diu stange min gestän und ouch min starkez wäfen breit. in mac ir suochen werden leit her in der Burgonde lant. ich wil daz si den heres brant hie füeren maeziclichen , und ouch daz si entwichen ein teil von ir uhermuot. daz rate ich/ sprach der helt guot. Der rede im dankte sere Gunther der recke here. dö sprach der küene wigant Herbort üz Tenclant und weiz uns hie her Dietrich, sö dunket mich unbUlich daz er und die Amelunge , die alten und die jungen, sö frevellfchen widersagen : ez möhtensumellche verdagen. nu ist im doch wol gewizzen,' sprach der helt vermezzen , 'wie ich von Ormanie reit, und wie min eilen da erstreit des künic Ludewtges kint. ja fuorte ich die maget sint uz Ormanie rlche vil gewalticltche, da mich hiete bestan Hartmuot unde sine man und Ludewic, der vater stn. ich und ouch daz magedin, wir beten nieman mere die Ludewic der here nie künde betwingen: dem muose misselingen von min einiges haut, also reit ich über lant, und hete wunden doch min lip. dö hörte ich man unde wip jehen dirre maere daz ein rise waere hagel al der lande, in muote was mir ande unz ich den välant ersach : daz lantvolc ich an im gerach, ich sluoc in waerllchen töt. swie doch heten von im nöt Ludewic und alle sine man, die getorsten in doch nie bestan : von dem gerümte ich in daz lant. dö hete ich,' sprach der wigant, 'Goltwart und Sewart ersJagen. daz sult ir Dietriche sagen ob er daz beere gerne, sit kam ich hin ze Berne:

mit welber arbeit daz geschach daz mich her Dietrich da gesacb und ouch sin alter Hildebrant! dö ich min frouwen über lant fuorte wan einiger man, ze stete randen si mich an. waere ez in alsö dö komen, si heten gerne mir benomen Hildeburgen die vil riehen, sit liezens in entwichen der ir vil grözen übermuot. ich bräht si,' sprach der helt guot, 'ungevangen durch daz lant; daz weiz wol meister Hilde- brant. des ist diu frouwe mine noch hie bi mir ze Ritte.' Dö sprach ein junger wigant, Boppe üz Tenelant , Herbortes swesterkint 'ez ist allez ein wint swaz wir mit helden hän ge- spilt. uns ist üf ritterschaft gezilt hie ze Wormez an den Bin: nu sol ouch ich die hant min gerecken hie mit ritterschaft. ob nu von aller kunege kraft unserm wirte wapre widerseit, im sol min dienest sin bereit : ich hilfe im alles des ich kan/ dö sprach der fürste Witzlän 'ez waere iu frume und cre, haete ich ritter mere mit mir gefüeret in daz lant. nu diu rede ist so gewant degen , daz wir hie strites sullen phle- gen: ob wir niht kumen,' sprach der 'mit gieven und buckelaeren, doch mögen wir satele laeren mit Datschen wol snidunden. die tiefen verchwunden sul wir mit swerten houwen hie. ja gestreit ich williclicher nie, beide ich und ouch die mine. Etzele unde al die sine, die habent vinde undr uns hie. er wolde mich des twingen ie daz wir im waeren undertän, ich und min bruoder Poytan.' Des erlachte Rüedeger, der edel maregräve her 'mich naeme des untüre, (ich bin guot nächgebüre), daz iueh ertwinge sin gewalt. wir läzen,' sprach der helt balt, 'an iueh noch unversuochet niht. daz man iueh sd ledic siht, daz swaßret dicke mir den muot, als harte als ez den könec tuot/ Der antwurte im Witzlän 'genuogiu swaerc die ich hän, diust iuwer schult, her Rüe- deger.' dö sprach der maregräve her min habe ist des küneges guot. al daz sin gewalt da tuot, (dä von bin ich riebe,) des hilfe ich billiche.' Liudeger niht langer liez

der zuo den Sahsen hcrre hiez, und Liudegast der herrc guot, dem wirte sagten si ir muot wir haben her von Sahsen , ze strite wol gewahsen : ir eilen ist vil wol bekant. ez sol von in und miner hant geprüevet werden helme klanc, wil iemanne dienstes sagen danc der wirt, und ist dersögemuot, daz erz uns williclichen tuot.' DieDürenge undvonMissen- lant, swaz ich ir e hän genant, die wären guotes willen gar. do trat vil manlichen dar von Beier lande Nantwln , er sprach 'got sol gelobet sin! ich und ouch die mäge min '* (daz ist doch dicke worden schin) hän niht geroubet unde geno- men: nu ist ez an die zite komen daz wir füllen unser schrin ; wan Witege der n*heim min mit mir doch stritet umb daz lant. kume ich in sin wicgewant, ich füere immer deste baz.' dö sprach dermaregräve daz, Rüedger der tugentriche, vil gezogenliche friunt sol friunde bi gestän. mir ist liep daz ich niht han friunt, als ich iuch ho?re jehen, die wider min willen wolden sehen in ir gewalt min sarwät : der neven hän ich gerne rät.' Dö daz von im gesprochen was, über al des küneges palas daz volc lachen des began. dö sprach aber der edel man sö wir nu riten durch iur lant, und tuet ir allez daz gewant daz ir noch ie habet gesehen, und mac iu danne der pris ge- schehen daz wir rouben von iu doln , sö muget ir iuch noch baz er- holn, dan ez aber also wa?re komen daz ir haltet genomen daz tusent wagene möhten tra- gen; daz wil ich iu für wär sagen. dö sprach der küene Gelfrät daz uns sö vil genomen hat Etzele und ouch sine man, vil übele ich ims ze haben gan, ich und Else Her bruoder min.' sö wir nu riten über Rin,' sprach aberderguole Rüedeger, 'so nemet uns dristunde mer denne wir iu genomen hän, und habet daz wol widertän.' Vil höhe rede hört man dä. liute ninder anderswä hän ich sö frevellich vernomen. ist ez von alten siten komen, sö habent sin noch die Beier reht. von strite redet dä mer ein kneht dan drizic ritter anderswä.

der site muoz immer wesendä, giuden unde schallen 68» muoz in wol gevallen. daz kunnens alsö sere, si wellen des hän ere daz maneger £ erhangen wirt e" daz er den roup verbirt. sam snel s6 die Bertüne warn die von Arragune: vonNä varre was da manic degen, da man strites solde phlegen , unde ouch von Francriche. die sagten im al gellche , si wolden im strites bl gestän. dö sprach der Etzelen man ' ich hän dicke her vernomen maere diu mir sanfter komen sint in Hiunen riehen. möht ich dem gelfe entwichen, daz taete ich,' sprach dö Rüe- deger. 'nu heeret, edel künec her, ich hän von gesten widerseit und hän mich selben noch ver- deit. swie vil ich hoere der übermuot, üf boten reht/ sprach der helt guot, sö sol iu wesen widerseit. in harnasch ritterlich gekleit fünf hundert miner man, mit den wil ich bi gestän hern Biterolfes kinde : minem sune und Gotelinde er ist sippe alsö nähen , und lät er imz niht versmähen ich diene im allez daz ich sol.' dö sprach der künec *ir mottet woJ, verdaget hän daz wider^agen: ir müezt die sorge mit mir und müezet min gevangen sin. daz ir sö gähes umbe den Rfn iht brennet, ir und iuwer man. swaz mir schaden hie wirt ge- tan von Etzein und sinen künden, des han ich bürgen funden.' Dö sprach der böte here 'so getorste ouch nimmer m£re bi mines herren ziten keines küneges böte geriten der iemanne torste widersagen, mich enhelfe daz ich hän ge- tragen den schaft hie selbe an miner hant, da bi min fride sol sin bekant. dö sprach der küeneüagene h ze. Gunthers dem degene ' wir bedürfen sin ze gisel niht. swaz von den andern, hie ge- schürt, daz vertragen ouch Büedegere. hset mir der degen here Troneje nu gebrochen nider, ich hülfe im fride liehen wider.' dö sprach der künic 'daz la sin. swie vaste er üf den schaden min ritet mit den sinen man, ich wil in friuntlichen län von uns hinnen scheiden.

nu sol. im vori uns beiden, vori mir und Glrrtöte, der linser bouge röte ze fcebe niht versmäheti.' dö hiez er balde gähen zet kameren da sin golt lac: wert , üf einen schilt maß es da wac swaz sin viere mohten tragen, und dar züo , als wir hceren sa- gen, man brähte im hundert ritter- kleit. ein ros daz selbe der künic reit iöch märt mit andern zwelven dar. vierzic helrtie silbervar truoc man ouch dem boten unde als manic schoenez swert und alsd manege bränne wiz. dar an k£rte er smen vllz wie er im mühte alsd geben daz ers gedrehte ai sin leben. Vil manic helt die gäbe sach. der künec ze Medegere sprach vil lieber Munt , ir suh enphän daz ich iu ze gebenne hän , und daz ir hie habet gesehen, sit ich iu des ho?rc jehen dar habe gegeben iuwer hant, und hxt ir drizic künege lant daz ir niht milter möhtet sin , nemet ditze durch den willen min? dö sprach der helt mit züh- tegen siten man muoz versagen dä man biten heferet nffit ze rehte\ ritter unde knehte, die schuldeil mich dar umbe, weere ichz nu der tumbe, ob ich nu naeme in dirre nöt iuwer silber unde golt rot, ros und iuwer sarwät. • her künec, des wil ich haben rät. daz sult ir läzen äne haz, und gebet ez die ez dienen baz mögen an diseri stunden. wurd ich in stürme funden , so gediente ich iuwer gäbe alsd daz irs vil selten wurdet frö. Und wizzet endelichen : minen herrn weiz ich sö riehen daz ich bi miner stunde ez niht vergeben künde daz ich von im ze geben hän. herre , ir sult mich riten län.' dö sprach der starke Gernöt, als im sin tugent daz gebdt, er tuot ez niht durch versmä- hen. doch sol er von mir enphähen, ob ez uns beden mac gezemen, daz ein richer keiser möhte nemen.' er frägte waz daz waere. dö sprach der vil msere 'ich wils urloup zen künegen hän und wil iueh hiute sehen län ,

sit ir gewunnet ritters Up , daz ir sö manic schoenez wip noch nie zer werlde habt gese- hen, des ir mir danne müezet jehen. Ich wil ouch Sifride biten daz erz vertrage in friundes siten und iuch küssen läze sin wip.' keinen mines mäges lip wold ich si gerner küssen lau,' alsö sprach der Krimhilde man, ' danne iuch Rüedegere.' daz was ein höhiu ere dventiure wie der marcgrdve Der marcgräve vor in allen sprach sd wsen ez boten nie geschach daz mir hiute widervert. slt mir diu ere ist hie beschert, die gäbe wil ich gerne enphän.' Gernöthiez Giselheren gän da er die frowen sitzende vant. daz kindelin tet ir bekant wes die helde hseten rnuot , daz Rüedeger, der hell guot, mit fünf hundert siner man zuo den frouwen solde gän. dö daz vernam des wirtes wip, dö wart vil maneger frouwcn lip gezäfet verre deste baz. ir sult ouch wol gelouben daz, daz vil üz valde wart genomen daz selten was her für komen. Der junge knabe vil gemeit dem Etzein Wigande von hiunischem lande. dem boten an der hovevart eren nur erboten wart, dö sprach der künic riche so erloube ich friuntliche küssen Rüedeger min wip , sit daz im sin werder lip die werdekeit verdienet hät.' Walther sprach sö ist niht rät ei n küsse ouch Hildegunde diu in in vil langer stunde mit mirzenHiunen häterkant." des neic er im dö zehant. die frouwen schouwete. hete den frouwen ouch geseit daz küssen im erloubet wart. ich wajn daz im da vor verspart ir munt deheiniu hsete diu ez an angest taste, diu künegin unde ir geste , in einen paias veste hiezen si ir meide gän , und ob daz möhte sin getan daz ez alle künegesolden sehen, sö künde man in niht gejehen daz si gegen deheinen maeren ie baz gekleidet wahren, vil wol gezieret was ir lip. da säzen siben künege wip üf gcsidele harte riche, daz man waerliche zen heiden bi den stunden niht bezzers hete fuuden . Der küniginne palas

von guotcm umbehangc was verdecket an daz ende : der estrich und die wende , des envant man Ifitzel blöz. in ir werden zfihten gröz gesäzen nu die frouwen, die si da sohlen schouwen. dö kam der helt von Hiunen lant, den hete genomen bi der hant Gernöt der köene degen. man sach si bede ir tugende phlegen so si aller beste kunden. sich hete ouch an den stunden der böte geneiget in die tür: dä hiengen zenzela*re für von siden harte riche. dö wären zühticliche von sedele gestanden uz ieslichen landen der vil edelen fürsten wip. wie möhte deheines fürsten lip immer baz getriutet sin ? Brünhilt diu künigin vil gezogenlich dö gie da si den marcgräven enphie enmitten in dem palas , wan ez ir erloubet was. dö kuste in Guntheres wip , des was getiuret wol sin Up. in kuste ouch Sifrides win. ich weiz , ninder ir sin sin naher stuont danne dä. so schoene munde er anderswä ze küssen e vil selten vant. dö gienc ouch dar von Spanje- lant diu minnicliche Hildegunt: ir süezen rösenröten munt bot si in minniclichen an. der andern grüezen wart getan mit Sprüchen minniclichen. den marcgräven riehen nam diu wirtinne bi der hant und gienc dä si ir sedel vant: dä erloubtes im dö sider zuo in beiden sitzen nider, zwischen ir und Krimhilten, man gesach nie man so milten, der im daz grüezen hete getan, ern möhte ez gerne enphangen hän. Do gesäzen in den palas swaz meide und wibe drinne was. Brünhilt wider den helt balt sprach 'her maregräve, min ge- walt sol iu hie enbieten ere. haet ir noch ritter mere , den erloube ich zuo den frou- wen min , daz ir deheiner hie sol sin ez ensitze hie bi im ein meit. dem bi den si ze wesen leit, der läze uns daz schouwen und sitze bi den frouwen/ Ir neic der böte riche der wirde vlfzicliche. die ritter säzen under in: wol gienc in diu wile hin, si gedähten des si dühte guot. ir deheiner sinen muot künde aldä verenden : drücken an wizen henden

unde güetlicU selben an x des wart da harte vil getan. Frou HUdegunt d? fragen von Hejchen umle ir n\agen den. edelen gast begunde. er sagte ir swa/ er Hunde wjzzen guqter magrer dö sprach diu freudenlere Brünbilt diu, yil rictie vil, gezogenlictye 'nu lat uns, beeren, Rüedeger, ob Kelche diu kyniginne her von schulden daz verdienet hat daz ir Ion so höhe stali vor andern fürsten wfben : so solde ir leben beliben unz an de,n jungesten, tac/ 'mit wärheit ich wol jehen mac,' sprach der marcgrave,r^che, ' S)i häj, so vl^zicliche ir lop verdienet manege ztt , daz man ir von prise git. daz nime ich, üf die triuwe min daz et deheiner frouwen sin baz niJ^t wesen möhte. ob einer daz gelötye daz ir dienten ailiu lant, s^ wart nie milter herze erkant daz ie fr ouwea lip getruoc. tugentrich>t si g^uoc.' löne iu go V sprach, Brünhilt, 'daz iuch, des an ir, niht bevilt, otj iticb iht, arbeiten tuojtf ir tugent und ouchj ir werder muot.' dö sprach der bei* '4az. kan ich tragen, daz ez ir wol muos he^agen/ dö sprach aber des. küneges wfp 'immer saeljc sj ü[ Up 71» daz si hat daz m^ tugende bräht daz ir, wirtj dicke w,ol gebäht nu saget mir, edel Rqedeger, dö Gunther der kunic hör iu sine gäbe fyöt, dö machtet ir in schamer,öt. helt, war umbe tat ir daz ? iu gezaeine üf min triuwe baz von im ze, nemen,ouch siaguot, (aH.sl.eJ, des, hehjes muoi,) denn von eteiicheni man d>r tugent niht bedenken kan, sö Gunther, der riebe: der tuot vil wijlicliche swazer durch ere verenden mac. daz ist sin site nu. manegen tac. weiz ich vil wqV sprach der degen, 'daz er roilte kan gephlegen. doch stajende ez bösliche : wan ich bin selbe als ricfye, daz etelicher kröne hat, daz mir min d ine schöner stät.' dö sprach; Krimhilt^ wider in ' iuwer und frouaH^chpn sin, die varat einander bj; des sit ir, innrer schandep fri Uflz an iuwer beider tot' nu macfiet mich.iüh^setyune-

sprach des edelen küneges wfp: sich dunket gSret des min lip, (lät iu niht versmähen,) geruocht ir iht enphähen daz ich iu ze geben hän.' dö sprach der Etzelen man frouwe , lät ez äne nit. etewaz daz man mir git daz nime ich billicherr, doch wil ich mich niht riehen mit fremder linte guote.' dö hiez diu höchgemuote zwene Gernötes man nach richer fursten gäbe gän. e daz geschehen was, dö hete man in dem palas geschenket dristunde. sö er gähest künde , der böte der da was gesant, der eine truoc uf siner hant einen habechmuzaere , der ander degen maere mit dem andern bi im gie. bi den habechen zöch man hie daz aller beste wintspil, daz kurzwile also vil nieman zer werlde gewan. sö man die habechen hete län, ietweder sach gerne zaller stunt swenne im helfen solt der mint, er stoubte ofte kranechen vil, elbiz wären gar sin spil , trappen und die vasän: swaz ieman mit habeche solde van, des liezen si vil wenic hin. die boten wären komen in stende für Rüedegere. diu küniginne here üf von dem sedele trat , die gäbe si in nemen bat: des bat ouch Sifrides wip daz sin vil tugentlicher Up die gäbe ruochte ab in enphän. er sprach frowe , daz si getan.' Si nam der maregräve her. näch danke sprach dö Rüdeger zuo der küniginne 'zwiu solde ich fueren hinnen ditze schoene vederspil? bi Rine ist guoter beize vil: zer Hiunen lant dä sintdiu mos sö tief daz ofte guotiu ros in dem bruoche ligent dä. diu beize zimet baz anderswä dä man geriten müge derbi. wiste ich iueh nu zornes fri, gäbe diu tuot mir sö wol daz ich ir niht behalten sol.' Si erloubte im allen sinen muot dö gap er die habeche guöt den zwein Gernötes man: mit in danken dö began Ge^rnöt der tugentrlche harte zühticliche. nu weiz got wol,' sö sprach der degen , daz ich nie nihtdä wider wegen künde miner frouwen daz si mich miner trouwen wolde län geniezen, unz mich begunde verdriezen daz ich näch den habechen bat. sich hat gef üeget mir diu stat

daz si mir sint zen banden kö- rnen : nu ist hie geben unde genomen.' als sprach der herre Geruöt. ein teil wart ir varwe rot der küniginne riebe; si schämt sichs iniiicliche. Do sprach diu küniginne her 's wie uugerne Iiüedegrr arbeite sich mit vederspil, einez ich im noch geben wil.' dö hiez si balde hine gän zwo junefrouvven wol getan. die bede brauten sä zestunt einen sparwa?re unde ein vogel- huut: den truoc man für den edelen man, er moht wol zehen müzc hän. hie sult ir hauen msere wie dem gevazzede wa*re daz an dem sparw&re lac. swie ringe ez si ze geben wac , doch was diu gäbe riche. der vezzel vlizicliche geworht was in Karadin. niemanne was der lip sin so siech , der in umbe truoc ern wurde wol gesunt genuoc : üz ieslichem würfel schein mit solher kraft ein edel stein da man wol buozte sühte mite, si hete ze geben werde site. Nu hoert ouch umb den vogel- hunt. von Machsami was e der stunt diu halse komendieerdätruoc. dar inne steine ouch guot ge- nuoc ahzic lägen unde dri\ ein edel borte üz Aräbi was des vogelhundes seil, der gebe was worden doch sin teil dem maregräven riehen : daz wizzet sicherlichen, stuont , swer ir ze k outen hete gegert, diu gebe wair tüsent marke wert, der hell neic vlizicliche der küniginne riche. genude, vil edel wip. uu sol unmüezic sin min lip , kume ich wider in Uiuneu laut. ein bou ist Hyrse da genant, da sint wahtel inne : miner frowen der küniginne, lat siz ir niht versmäheu, [72'' sol ich ir vil gevahen.' für schimph man im daz ver- als die kargen alle luont: doch gelönte im sit des küne- ges wip, des schimphes hete vil nach den lip verlorn der guote Rüedcger. daz schuof diu küniginne her. Do hiez si ir balde bringen dar einen schaft, was läsürvar, vil starc und zaihe hurnin. ja was im an dem orte sin

von rotem golde ein tolle, dran ein sper geschift von Angran. von dem sper unz üf die hant einen vanen man gewunden vant mit einem borten wol dar an. dö sprach si zuo dem küenen man den vanen ueraet, her Rüede- edel marcgräve her, und f uert in d urch die liebe min und aller frouwen die hie sin.' dö sprach der Goteiindc man von gäbe ich nie die not ge- wan, als man mir hie mit gäbe tuot. nu verkeret sich min inuot: sit sin niht mac wesen rät , nu min frouwe sö gesprochen hat, durch diu vil edeln muoterkint, die werden frouwen, die hie sint, sö wolde ich kiesen den tot.' dö si in den vanen ane böt, alle sprächen si dar zuo. des enphie in der helt duo. Nach der gäbe ir wart geni- gen, s wie- er si hete verzigen daz er niht nemen solde. si frägte in ob er wolde durch diu vil minniclichen wip urborn dä sin selbes lip , swä sö si in gebarten hin. dö sprach er ' ob ich ritter bin, daz enwirt iu niht verseil' dö bat in wip unde meit sö sult ir disen vanen tragen , daz wirs iu immer danc sagen, hie ze Wormez an daz bürge- tor. ob ir ieman habet dä vor der iu nütze si dar zuo , der iu sö guote helfe tuo ; und lät ir uns daz gesehen , sö wellen wir iu immer jehen daz ir mit prise habt bejaget daz lange ist her von iu gesa- gezam : get: Dö sprach der helt ich hän dar zuo reht daz ich ez gerne tuo , allez daz frouwen wille si : dem muote bin ich immer bi.' der vane wart also genomen : er jach, sold er ze ende komen sincs lebens ze vollen siben tagen, er müese werden sö getragen daz man sin sagte msere wie er ze Wormez wajre. urloup er dö von in genam. der wünsch den frouwen wol si bäten al geliche, beide arme und riebe, daz er mit heile müese varn. iedoch kund er daz niht bewarn, man truoc im dar under haz. jä hete unverdienet daz der marcgräve riche. dö sc Iii et er vil fragliche von den minniclichen frouwen. im lönte der alten trouwen der vil küene Hagene :

dö reit er mit dem degene eine mile oder baz; vil willicllchen tete er daz. urloup er von den fürstennam. als slner höchvart gezam, sprach Herbort von Tenelant, der üzerwelte wigant 'sit uns genaedic, Rüedeger. daz Etzele der künec her alsö vil ze geben hat, da von ez uns sorclichen stat.' Do sprach der edel Rüedeger Etzele der künec her der mac wol geben swem er wil: üf tugent und ritterlichiu spil tuot der vil lobebaere sin kamere dicke laere.' mit urloube er dö danne reit. dö wären frö unde gemeit ir eteliche drunder, die dicke manegiu wunder von den gesten hörten sagen, daz sis in so kurzen tagen ze Wormez alle soWen sehen ; da was vil liebe an geschehen den die truogen tumben muot. da muosteouchmanicheltguot vil michel angest under han. der wirt dö fragen began, Gunther der vil riche r der sprach dö wfsllche *nu ratet, mine geste: wayr diu stat sö veste daz man in hielte vor diu. tor, wir sullen zuo in da vor rlten e der stunde, e ir keiner daz erfunde wie Wormez waere gestalt. si mugen doch ir gewalt niht sö verre bringen, als si des habent gedingen.' Dö sprach in grözer ühermuot Sifrit der helt guot ' swie gröze kraft si mügen han, wir haeten ritterscbaft getan mit in üzer Hiunen lant unz her ze Wormez üf den sant.' Stuotfuhs dö den kunic bat 'ungemüet sit mit der stat von deheinen vestenungen. daz lant ist unbetwungen, ob ir die halbe möhtet hän die ir seht hie bi iu stan.' iedoch enliezen si daz niht , alse ez lihte noch geschiht den die sorgen müezen tragen, si rieten alle einander sagen daz si sich huoten umbe ir haz, ir dinc gefüere deste baz. die wile was oucb Hagene mit Rüedeger dem degene geriten von der stete dan. swaz die zwene küene man einander sagten üf den wegen, der marcgräve und der küene degen, daz hat uns nieman noch geseit. einander heten si gekleit ir arbeit, bedunket mich. dö sprach der helt vil lobelich 'hüet ir iuch, her Rüedeger, tiurlicher degen hör: ir sult dem Krimhilde man in strite ninder vor gestan , •

Sifride dem jungen ; der treit Balmungen, des alten Nibelunges swert. er wirt yil übele gewert , über den der holt von Niderlant in stürme strecket sine hant töne iu got, her Eagene,' alsö sprach er zem degene; 'friuntscbefte habt ir an mich reht. ez muoz immer ebensieht vili statte an uns beiden sin iuwer triu we und ouchdiu min/ dventiure wie der marcgrdve von Wormexe wider komen was. In sin herberge er gereit, ab zugen si diu rei&kleit. den füeslen bat er sagen daz, si wajren bi einander baz dann, er in sunder solde sagen, des er si niht möhte verdagen. dö Helens undr einander daz, ez gezaeme ninder baz dan ander einer hütten wit: dä> samenetien si sich sit. die besten körnen alle dar. da sach man an einer schar wol vier unddrizicfürstenstän. dö sagte der Etzelen man, der böte vjl redebaere, den beiden siniu maere alse er hete dort vernomen, und wer ze helfe waere komen dem vogete üz Burgonde lant. sich begunde nidern al zehant eteliches tumber muot , dö si von disen recken guot vernämen diu wären maere dö schieden si sich sä zehant. Hagene kette in daz lant, Rüedegrr hin wider reit da er manegen degen gemeit nach ime varnden vaat, die gerne heten daz bekant swaz er hete dort vernomen. vil schiere sähen si in komen: genuoge liefen gegen in. dieichdockgernehetegesehen : üf fragen stuont ir aller sin, die gerne wisten maere wie er dan gescheiden w»re. wer bl in da waere . Für die ander sprach dö Wolfhart 'sö solde mich diu hervart niht harte müen in ditze lant, wurden mir die hie bekant sö waer mir immer wol ge- schehen, ich wolde roubes doch enbern. mir ist liep ob si gewern uus, wellen hie mit ritterschaft, daz ich ir eteliches kraft in strite solde hie gesehen , der ich ,d och hörte von injehen.' 'wes freut ir iuch ?' sprach Hil- debrant. 'si hat der tiuvel her gesant von den uns saget her Rüedeger. jä gehörte ich noch nie mer sö manegen edelen .wigant durch hoves wer komen in ein lant.'

Dietleip sprach duo hat Gunther willen iht dar zuo ob er ergetzen welle mich , steuerlichen und solt ich gewinnen nimmer küneges lant, und mac ich , im getuot min hant daz im vil schedelichen kumet. wrg esehen wol waz im ge- frumet der junge künec, her Sifrit. ir helde, tuot des ich iueh bit und ratet mir als ir hie stät. slt er daz versmahet hat daz er mir niht büezen wil, wir haben hie guoter helde vil daz wir da mite geriten so daz er der rede werde unfrö, daz ich so guote friunde han. daz wart in höchvart getan, wan räten üf den strit.' her Biterolf sprach « des ist zit. nu ist ez kumen üf daz zil daz ich mime gelücke wil danken und der srelekcit daz mit gesten nie gereit üf strit me* so manic man , als mit uns beden hat getan.' Dö sprach der herre Dietrich ' ez wspre niht unbiilich daz wir hie rieten zehant wie wir die stete und ouch daz lant allez wüeste liezen ligen, ode wie wir mühten so geligen daz wir in und ouch die geste sin besagen sö daz in der Rin wenic spise trüege zuo/ her Witege der sprach duo 'ich wa'ne wol und dunket mich, unde ist ouch vil waetlich , daz hie gesezzes niht geschibt, daz man vil wol gesiht si riten zuo uns mit ir schar, swer dan helde sehen getar, der wese frö und zeige daz.' daz sprach er üf Guntheres haz. Do sprach aber Rüedeg« r ir helde , sümet iueh niht mer. ha?t ir gehöret, als ich han, sö höhe rede vonmanegem man, ir liezt iu zogen deste baz. ich rate iu sicherlichen daz, daz ir der reise also getuot daz wir ere unde guot iht Verliesen hie ze lande, ez ist schade unde ouch schände, der höhe rede gen strite hat, ob er ez denne nider lät. weit ir zuo in riten dar , so sult ir schicken iuwer schar, wir sullen des rAtgeben han: ob si uns morgen niht bestan , so herbergen naher für die stat/ Berhtunc der helt bat , man lieze an Hildebrande daz: die schar enschicte nieman baz. Do sprach der alte Hildebrant 'höre ich daz siz hie zehant alle gerne hänt verguot , so bin ichz derz mit willen tuot.' nieman daz dö widersprach.

dö er aller willen sach, do begunde ahten Hifdebrant wier si scharte in daz lant. 'iedoch wil ich hoeren län,' sprach dö der Gotelinde man , « wie ich gescheiden bin von in. der künec wand allen sinen sin dar an wier gaebe mir sin guot: dö hete aber ich keinen muot ze nemen daz er mir gebot. sines Silbers und sin golt rot , des wart sö vil für mich getragen daz ich iuz niht rehte kan ge- sagen. ros wäfen unde wät , als ein künec von rehte hät, des bot er mir also vil daz ich ims immer danken wil. zuo ist eren mir geschehen, wesset irz , ir möhtet jehen daz ich in saelde koeme dar. dö des Gernöt wart gewar daz ich niht gäbe woldeenphän , dö wolde er mich des niht er- län, ich mimste im doch der gäbe jehen daz mich der . . . hiez sehen siben richer künege wip. sö maneger stolzen frouwenlip ich nie noch bi einander vant. selbe nam mich bi der hant frou Brünhilt diu riche, als tete ouch minnicliche des starken Sifrides wip: ob nie niht eren haet min lip mer bejaget wane die , sö bin ich wol gewesen hie. wie moht man mirz erbieten baz? do ich zwischen zwein den hrehsten saz, die man nu sihet kröne tragen ode von ieman hovet sagen , daz dö hiezens under mine man ir ingesinde wol getän sich teilen in dem palas daz kein min recke dä was , ern saeze zwischen magedin. ouch hät durch alten dienest min mir ere erboten Hildegunt: mich kusten an den minen munt edeler künigtnne dri. swaz boten mfr geschehen sl von frouwen ere, der habe im daz läze ich immer äne haz. Dar zuo böt mir des wirtes wip riche gebe daz ir min lip dar urabe tregt vil holden muot. si gap mir zwene habeche guot und dar zuo einen beizwint. dä mite böt ich ere sint zwein Gernötes man daz mir des danken began Gernöt als wol alse sie. noch hän ich mere gäbe hie , die wil ich iueh sehen län.' dö hiez balde hine gän Rüedeger der maere näch dem sparwaere : dö bräht man ouch den vogel- hunt.

si sprächen alle sa aestunt , die gurten Wigande, ez saeze ob keinem lande kein künic alsd riebe , er enmfthte werdicliche dise gäbe enphähen mit eren äne smähen. 'Ja zeige ich in noch m£re sprach aber der böte höre, »das ir Ton schulden müezet jehen daz ir vil sehen habet gesehen gäbe sö lobeliche, diu ie als angestliche genomen wurde noch von man als ich die gäbe enphangen hän; als ir mir danne müezet jehen, sö ir die gäbe habet gesehen.' die sult ir uns sehen lau/ nach dem vanen hiez dö gän der maregräve riebe, den bräht man snellicliche. dö man den vanen üf gewant , den schaft den nam an die hant Randolt uz Meilan. von vier stücken wol getan was er geworht von golde röt, alsd des meisters sin geböt: die andern viere hürnin daz si niht bezzer dorften sin: daz niunde stücke helfenbein daz wiz alsam ein veder schein, mit einem sper geschiftet was ein stücke grüene alsam ein gras ze aller vorderst dar an, wol geworht von Angran. ein ritter mohte in gerne tragen. nu beeret von dem Vanen sagen, daz was ein phelle az Ninive sö maneger bilde daz liian e sebcener lützel keiniu vant: von meisterschefte künstic hant hete dä wunder in gegeben, lier alsam si solden leben. Daz werc daz was sö üz er- kant k und grözer sin dar an gewant von vogele und von tiere : alsö rlchiu geziere unde als maneger hande waen ieman mer bekande. man schouwete in durch wun- der: ieglrch tier besunder, daz was nach siner ahte gevar, Unde ouch underscheiden gar mit golde und mit gesteine. manege perle kleine sach man verwieret dar in, saphir smäragde sardln jächande balase rubine : man mohte von ir schifte üz dem golde gerne sehen daz ir vil wünnicliche breben. Er wart dicke geschouwet sider. uzen gar diu ende nider da lägen stücke riche geworht vil meisterliche von oben alumbe unz üf die hant dä man in zuo dem Schafte baut. sö sich inder ruorte der wint.

sö was da weder alt noch kint der in möhte wol getragen: sö vil was goldes drin geslagen und der vil edelen steine, b£diu gröz und kleine ; und was ouch, alsunsistgeseit, wol vierdehalbe klafter breit, die besten die in sähen algemeine des jähen, swer sin ze koufen hete gegert, er waer wol tüsent marke wert. ze Rüedgere sprach dd Wolf- hart ich rite immer hervart, der taete alsolhe gäbe mir.' der marcgräve sprach nu lieze ich dir minen teil des frumen dran, als ich den vanen enphangen hän, daz du in als ich soldest tragen.' dd bäten* inz die recken sagen, Hat Iweren wie irn habt geno- men.' 'ja muoz mir ze helfe komen aller miner friunde kraft, od ich muoz miner ritterschaft vil lasterlichen abe gestän. den vanen ich so genomen hän von der küniginne hant, £ ich gerüme ditze lant , daz ich in an die müre trage, üf genäde ich iu daz sage daz ir mir helfet sö dar zuo daz ichz näch minen eren tuo. jä mac ich sin geweigern niht, swaz sö mir da von geachiht: ich müeste es anders immer sin gunert unz an daz ende min. von frouwen wart ich umbe- treten: 3i habent umb anders niht ge- beten wan daz si iuch recken wellent sehen wem si des prises mögen jehen. ' Do sprach der herre Dietleip 'ich waene, selten noch beleip in der werlde ie kein firum man , dä man iht des sofcle began daz frouwea solden hänfur guot, ern kerte dar an sinen muot. alsö mac ouch hie geschehen. her marcgräve , ir sult gesehen, hie ist sö maaic ritter guot daz irz mit vollen staten tuot.' dö sprach der herre Dietrich saget uns , marcgräve rieh , sol ez äne stürm gestän, sit ir zer mure wellet gen , ode sol man mit ganzer Ritter- schaft verauochen da der helde kraft ? ' der marcgräve sprach ich sol der maere erbiten, daz ich wol der frouwen willen dran ervar, wie ich den vanen bringe dar.' der recken was deheine, sine sprachen algemeine , die er in dem here bi im vant *jä sol guot wille und friunde hant

iu den vanen sö helfen tragen daz man ez lange müeze sagen.' Des dankete in dö Rüedeger. er gewan da helfe verre mer von helden denne err wolde hän do er an die innre solde gän. des wart ez allenlhalben guot. der slnen wän und sinen muot mit triuwen wände dar an daz er ieslichen man Nu wil ich iuch hosren län wie die fursten unde ir man hin näher riten in daz lant, und wie der alte Hildebrant twelte , daz der geste schar gegen hertem strlte wurde gar. der maere helt der sprach duo 'wir muezen ligen unze fruo. als ez erste beginne tagen , niht mer erwartet iemans sagen, sö sult ir alle stn bereit in iuwer wiclichiu kleit. sd schaffe ich,' sprach Hilde- brant , ' daz unser venre Wicnant ein hornbläsen schelle, daz der ddz erhelle : sö sult ir niht langer blten unde sult gen Wormze rlten, unde gedenket wol dar zuo ob ieman dem geliche tuo daz er uns welle hestän, daz wir des iht beliben län. ir volget miner l<*re, sö möget ir frume und ere deste baz erwerben , ze friunde gerne hiete , im wurde daz ze miete daz maneger wagt durch in daz leben, 77" so ein ander mfleste drumbe geben sin und siner friunde habe , und stüende im lthte der dienst doch abe. und deste min ersterben mac der guoten knehte. ich wise iuch helde rehte , einen ieslichen man wie wir die vinde suln bestan. Ist aber daz man des niht entuot (lihte läzent siz durch kargen muot daz wir niht werden bestan), dunkt ez iuch danne guot getan , so herberget für die stat. ich schar iuch, sö man mich des bat, sö ich aller beste kan. Sifride den sol bestan min herre, der fürste Dietrich, umb nieman ist sö billich daz er gewalte widerstät sö umb den der ouch die Sterke hät. Sifride sprach her Hildebrant, 'dunket daz er alliu lant mit siner kraft ertwinge wol: ist ieman der daz nidern sol. sö tuot ez ouch der herre min. des wil ich äne zwivel sin.

sul wir strttes mit in phlegen, sö sol her Dietleip der degen den wirt hie selbe bestän, von dem wir die arbeit hän. Sö sol von Burgonde lant G£rnöte den küenen wlgant der fürste Biterolf bestän: so wil ich gen den zwein län , Liudegaste und Liudegere, die stolzen künege here, die küenen Harlunge, zwene fürsten junge , Frltelen unde Imbrecken: sd sol Bkedelin der recke den küenen Witziän bestan und slnen bruoder Poytan. des helfe Sigeher der frle , der helt üz Turkle. so beste den helt msere, Stuotfuhs den Pullaere, Rienolt unde Randolt, die doch einander nimmer holt werdent an ir b£der töt. sö sol daz Etzein golt rot dienen der helt Rüedeger: von Spanjelant den künec hör sol er mit siner hant bestan. daz er froun Hildegunden dan enphuorte Helchen der riehen, er richet ez ouch billichen.' Vor zorne röten dö began des riehen künic Etzein man, Rüedger der vil rlche, der sprach dö schimphliche ' waz wlzet ir mir , Hildebrant ? waer iu Walther alsö wol bekant als mir ist der küene degen , ir hat mich nimmer im gewe- gen ze einem widerstriten. ja lieze ich in noch rtten , und naeme er mir die tohter min, sö solde er ungevangen sin immer von der mlnen hant. er rümte mines herrenlant gar ane alle schände daz ich sö rehte erkande sine site, des jungen man: des muoste ich in dö riten län/ dö sprach aber her Hildebrant vil tiurlicher wlgant, ich hänz dar umbe niht getan, ich envinde in wol der in bestan getürre hie üf strites haz, und läze iueh wol gesehen daz/ Des gestate ich niht' sprach Rüedeger. 'hart er nu drizic sterke mer über mich dann ich ir han , dannochsö wolde ich in bestan/ daz lobte im manic wigant, daz man in an dem willen vant daz im gezwivelt niht der muot : daz düht si al geliche guot. dö sprach aber her Hildebrant 'die zwene helde üz Österlant, Wolfrät unde Astolt, an den Etzelen golt künde nie niht venrän, die suln mit strite bestan die ie daz beste täten, Elsen und Gelfräten.

Sö sullen des niht abe gestän des künic Ermenriches man , Witege und Heime der helt guot, si besten durch ir übermuot künic Guntheres holden , Hagenen unde Rümolden. sö schaffe ich Berhtungen, dem edelen degen jungen , den stolzen und den meeren und den vil lobebseren , den jungen Ortwine daz an in beden schlne ir vil degenlicher sin : in guotem willen ich des bin. sö schaffe ich Wahsmuoten Herborte dem degene guoten, dem fürsten üz Tenelant. Eckehart der wlgant, der strlte wider Boppen, den kindischen knappen , den Herbortes swestersuon , den man unsanfte nider tuon mac siner grözen hdchmuot,' also sprach der helt guot, der er nu lange hat gephlegeu. sö soi Sigestap der degen besten Nantwlne, den Witege und ouch die sine künde nie ertwingen. den herzogen üz Lütringen, den sol her Irinc bestän, von dem in aehte wart getän der Etzein recke üz Hiunen lant Irnfride den wigant, den schaffe ich billichen dem lantgräven riehen , von dem der helt wart doch vertriben . und eilende ist ouch beliben in hiunischen landen bt Etzein Wiganden. Sö schaffe ich Hä warte, der nie den lip gesparte in keiner angestlichen not, swie wol er saehe den töt ob er da sterben solde , dem fürsten Berhtolde von der Swäbe lande, mich allen Hildebrande wil ich niht läzen under wegen da wir strites sullen phlegen: Sindolt wil ich bestan , einen den küenesten man, den die Burgondtere, die stolzen helde maere, ie gewunnen bi ir tagen. von einem hän ich hoeren sagen, daz ist der junge Hünolt , der daz Guntheres golt dienet wol nach eren an den künegen heren , wellent siz bedenken daz also küenen schenken künec noch keiser nie gewan. der herzöge Ramunc sol bestan da von Arragün den degen. sö sol Gotele strites phlegen wider den von Nävarren lant. Sabene der wigant und der küene Liutwar, die bede haben eine schar

wider den von Francriche.' dd sprach Wolfhart vil zor- nicliche 'ceheim, ir habt mich wol be- wart: ze welhem tiufl bin ich ge- schart?' des smielte ein teil her Diet- rich, diu rede in dühte gamelich , die andern lachten über al. da wart von rede michel schal, dd sprach aber Hildebrant einer von Burgonde lant, den hau ich dir behalten, maht du der krefte walten daz dich vor im daz eilen din ernert, so mahtu, neve min, dinem gelucke sagen danc, tuostu gesunde widerwanc' Er fragte wer der waere. dd sprach der helt maere 'er ist geheizen Gere. dar umb daz du iht mere mich sehest als übellichen an, wil ich dich mit im strlten län.' dd sprach aber Wolfhart zwiu sol der in hervart von dem man niht ze reden hat ? swie angestliche ez umbe in stat, sol ich sin stritgeselle sin, ich erwer wol den kotzen min. 'die guoten friunt die ich noch hän ,' sprach der Dietriches man, Wolfbrant unde Wolfwin , die suln daz lazen werden schin wie si die nächhuote han. mtnes herren Dietriches man Wichart unde Wicher und Wicnant der degen her, Helpferich und Ritschart, die gedenken wie diu hervart mit eren wider wenden tuo: da habent si michel reht zuo.* Dö er die schar geschihte, zir aller aogesihte saz noch der berre Dietrich, swie dicke er hete erwert sich maneger angestlichen nöt, dise sorge im daz gebdt daz er dar an gedähte, wie man in ze rede brähte Sifride dem degene guot: da von gezwivelt im der muot, daz man im sagte maere daz der recke waere komen in ein rlche lant [80* da er zw£n edele künege vant bi manegem stolzen ritter guot, als man noch vU dicke tuot; die wolden da geteilet hän daz in ir vater hete län. einer hiez Nibelunc und sin bruoder Schilbunc, alsus was er bi namen genant, ditz maere was Dietriche bekant daz er die künege bede sluoc. si beten doch bi in genuoc die ez gewert solden hän , b£de ir mäge und ouch ir man, fünf hundert ritter oder baz. man sagte im sicherlichen daz, die sluoc er unz an drizic man:

die entronnen von dem beide dan. dannoch wären zwelve dä die den künegen anderswä erstriten heten forsten lant : Von den tete man uns bekant, si waern wol risenmaßzic, der werlde widersaezic. der einer brähte in in den zorn, dä von die andern wurden vlorn. er twanc oucb Alberichen , den vil lobellchen , mit sterke und ouch mit mei- sterschaft. der hete wol zweinzic manne kraft, von grözem eilen im daz kam. ein tarnkappen er dem nam: daz was im gar ein kindes spil, swie ungerne manz gelouben wil. dö nam der degen höchgemuot der köenen Nibelunge guot, dar zuo er ein lant erstreit. der wunder was im sd vil ge- seit daz im gedähte er Dietricb besten ich in unde er mich, wie kan ich dan vor im genesen? möht ichs mit eren abe wesen, daz si mich schüefen anderswar, e" bestüende ich drt schar, e* den Sigemundes suon. nune kan ichz in niht kunt ge- tuon mit deheiner miner ere. daz müet mich harte sere.' In dem gedanke er alsö saz. dem helde was umbe daz se*re gezwlvelt der muot , swaz ieman wider den recken guot sprach , daz ers von der nöt nieman antwürte böt. alsö saz her Dietrich. Wolfhart, der degen lobelich, der begunde reden wider in. er liez in alsö scheiden hin daz er nihtes niht ensprach. er gienc da'r Hildebrande sach : 'jarä ja,' sprach dd Wolfhart, daz wir die hervart ie geriten an den Rin ! von dem getroestet solden sin die küenen Amelunge,' sprach Wolfhart der junge, dem ist gezwlvelt sd der muot daz er,' sprach der degen guot, *niht nützer waere danne ein wtp, dä wir die ere und den Up suln wägen uf ritterschaf t , daz uns sin helfe und sin kraft ze kleinen staten dä gestät. ich hörte ie sagen, der niht hat geleites, der mac misse varn. wie sul wir uns dä vor be warn, vil lieber Geheim Hildebrant?' »wen meint ir?' sprach der wlgant. Minen herren Dietrichen sprach er vil zorniclfchen , der istz den ich gemeinet hän.' mit unguote antwurten im began

zehant meister Hüdebrant daz ratet dir der välant daz du in zihest zageheit. wirt ez dem recken geseit, sö.fürhte ich harte s£re, ez ge" dir an din ere. nu swic und rede niht mer da von. ich bin an im vil ungewon daz im verzagte ie der muot. ja wil ich den degen guot heimliche fragen waz im si. da sol nieman wesen bi.' Dö gienc der alte Hildebrant da er sinen herren vant und fragte den fürsten riehen vil gezogenlichen 'herre, waz ist iu geschehen? man hat iueh disen tac gesehen niuwan ubele gemuot. ist iu/ sprach der degen guot, 81» von ieman iht gesprochen , daz wirt schiere gerochen , und waere vil kurzliche ergän.' 'mir hat. nieman niht getan/ sprach der herre Dietrich. Hildebrant, der degen rieh, hiez in von dem sedele stän: ' wir sollen riten da wir hän spräche heimliche.' den neiden lobeliche zoch man diu phärt dar. *ir sult gewäfent werden gar,' sprach aber meister Hildebrant. 'ich wil ouch mines Schildes rant füeren und den minen schaft, ob wir von iemannes kraft lihte werden an gerant, daz ouch wir sä zehant den ze wer sin bereit.' dö wart vil schiere gekleit in sin stritlich gewant der helt von Amelunge lant. Hildebrant in dö verbot und sprach, ez wäre kein not daz ieman nach in zwein rite. müeliche in slner ungebite liez ez der küene Wolfhart, si riten eine danvart daz nieman von dem here sach ob in liep oder leit geschach. Wolfhart künde ez doch niht län, ern rite nach in beiden dan : er wolde wizzen wä si hin haeten willen unde sin. si wären nu sö verre komen daz si niht möhten hän ver- nomen ein horn von dem her herdan. dö sprach der sinnehafte man, von Berne meister Hildebrant ' wie nu, vil tiure wigant, maere helt Dietrich ? si wänden daz ich haete dich ze eren dinen man erzogen : mich selben han ich dran be- trogen, von dir und dinem künne solt wir haben wünne, nu sehen wir niuwan arbeit, mir muoz immer wesen leit daz ich mich sus versümet hän.

diu zuht diech an in han ge- tan, diu mac uns niht ze staten kö- rnen. ich han daz hiute wol verno- men daz wir niht andere küneges hän. ist iuwer wille so getan , als mir ist von iu gesaget, daz ir an manheit sit verzaget, des scheiden wir von eren. 8ol ich von erste iuch leren als ein zwelfjaeric kint, des m ugen sich fröuwen die uns sint alle ir zit her gehaz. so zimet uns b£den daz, daz wir uns müezen scheiden e, dann ez uns lasterliche ergeV Dö sprach der von Amelunge lant «waz wizt ir mir, her Hilde- brant? iuwer rede diu ist mir leit. hat iu ieman iht geseit , des ich lihte unschuldic bin , so möht ir haben wol den sin, und solt mich ungesträfet län/ ' ez mac als sanfte niht ergän,' sprach aber meister Hildebrant. iuwer vater gap iuwer hant durch triuwe in die mine, daz ich iuch und al die sine in miner phlege solde han. da bi stuont vil manic man, b£de tiutsch unde oucb walch, dd er mir allez daz bevalch daz er nach töde hie verlie. also balde und daz ergie , dö wände ich herze unde sin wie ich iuch mit eren brühte hin: nu bin ich also gar betrogen, sam ich iuch nie tac het erzo- gen. nu müezt ir strites mit mir phlegen also sprach Hildebrant der degcn, und wizzet daz ichs niht enber , ich wil sehen wie daz sper geneiget werde von iur hant. daz mine,' sprach her Hilde- brant, 'muoz üf iuch geneiget sin; und babetdazuf die triuwe min. (des willen ist unlougen,) durch die brüst ode üz diu ougen stiche ich iu mit miner hant, ir enwert ez, sprach der wi- gant. Dö sprach der herre Dietrich dem si wir b£de ungelich gewäfent, ich unde ouch ir, da von ichz billlch verbir. ich füere al mine sarwät : swie man mich zeinem zagen hat, nf swen geneiget wirt min schaft,

der muoz enphinden miner kraft. so füert ir, maere wlgant, niuwan den schilt an der hant und traget ein hemde sidln. ich wold iuwer gerne äne sin. swiehertez strafen ir mich tuot, ich sol ez miden, srgicu guot.' Do sprach aber der grise ' ich weiz iuch niht sö wise noch iuwer eilen alsö gröz. ez schadet mir kleine, bin ich blöz, swie sere ir stechet üf mich. dö zurnde der herre Dietrich, vil balde warf er umb daz marc und neigte einen schaft starc: daz selbe tete ouch Dietrich, dem helde vil lobelich er sinen stich dö abe gesluoc, (wise sö was er genuoc und starc, daz Dietmare« kint,) daz im daz fürbüege sint verre von dem ro6se spranc: des muoste er äne sinen danc hinderz marc üf daz gras, alsö daz geschehen was, dö zurnde der herre Dietrich : an den helt vil tobelich lief er mit dem swerte. hin engegenwerte spranc im der alte Hildebrant. nu hete ouch im den Schildes rant erreicht der helt von Berne: er haete in alsö gerne sam einen Riuzen erslagen. kund er den schilt niht baz sö möhte er nimmer sin ge- nesen. der ander slac muose wesen meister Hildebrandes: sines herren schütrandes woi eilen breit er hin gesluoc. dö erdente balde genuoc den dritten slac her Dietrich, wol verstuont der helt sich daz er al durch daz Spenge sluoc üf einen buckel guot ge- nuoc. Der alte spranc dö hinder sich zehant , ' msere helt, nu entere dich niht an dem besten friundedin. ja han ichz üf die triuwe min dir ze väre niht getan, daz ich dich sö versuochet hän. helt, nu iä mich genesen: ez sol vil stseter fride wesen zwischen uns, degen hfre.' dö sluoc der künec niht mgre. dö sprach der Dietmäressuon ' wolde ich immer iht getuon wider triuwe und die £re min, sö müeset ir des tödes sin.' waz hülfe iu daz ? ' sprach Hil- debrant: 'iedoch tet einer mir bekant, iu waer verzaget gar der muot.' den nennet mir,' sprach der helt guot. 'den tuon ich niht,' sprach er

daz er iu wurde bekant , ich enmüge üf iuwer triuwe bän daz irz ze guote wellet hän.' daz lobe ich sprach her Diet- rich. dö sach der degen waetlich einen wol gewäfenden man verre rlten üf dem plan: si wundert wer der waere. Hildebrant der maere sprach 'ez ist Wolfhart.' er winkte im an der selben vart mit dem swerte zuo zim dar. des wart der helt vil wolgewar. schiere kam der degen junc da er den küenen Amelunc bi meister Hildebrande vant: dö gruozten si den wlgant. er erbeizte nider zuo in sän. sin herre fragen in Legan wä er waere hin geriten. er antwurte in zornes siten reit unde nam des war ob ir inder zuo der schar waert geriten und woldet tuon des ir ere unde ruon bede möhtet wol gehän. waere ez danne also getan daz ir waeret bestanden, so wolde ich iu Wiganden mit ern zehelfe sin bekomen.' dö si beten daz vernomen, ft si säzen wider üf diu marc. Hildebrant, der degen starc, reit zen herbergen dan. aber fragen began der tugenthafte Dietrich «her Hildebrant, noch habet ir mich verholn jeniu maere.' dö sprach der redebaere ez was min neve Wolfhart.' vil röt der helt von Berne wart und sach in zornicllchen an: den recken fragen er began «her Wolfhart , wer hat iu ge- saget daz ich da von wart verzaget dö man mich gen Slfride maz ?' der helt sprach «ich wiste daz, wan iu was diu varwe erblichen albegarwe. ir nennet mir deheinen man , lat man mich in sehen an, ich weiz wol sprach der degeo balt, «wie sin gemüete sf gestalt, er sl küene od sl ein zage, Dö sprach der herre Dietrich « daz ist ein kunst sö lobelich daz ich si gerne wolde hän, woldest du mich die lernen län. alse du mir häst geseit, sö bist du für die zageheit der aller beste arzät, den zer werlde ieman hat.' dö sprach meister Hildebrant was aber ez im rehte erkant?' «ja entriuwen,* sprach her Dietrich, «min muot was sö zagelich, dö ich gedähte an den man , waz er wunders hete began

dö er die Nibelunge sluoc biuot , und ouch ander degene genuoc, da er den grözen hört gewan : da von ich zwiveln began. mir ist aber erwärmet nu daz swaz ir deheiner uns getuot , daz in vergebene niht gestät. ez hilfet wol daz mich sö hat gesträfet meister Hildebrant.' si riten hin wider sä zehant da er sin ingesinde vant , der herre da von Berne. dö heten ouch si vil gerne von im vernomen maere war er geriten waere. Die dri rieten daz verdagen. Wolfhart dö begunde klagen wie lange si da wolden ligen ode wem si möhten an gesigen mit senfle und mit gemache, 'ez waere ein fremdiu sache,' sprach der küene Wolfbrant, 'ob ein fürste siniu lant dar umbe rümen wolde, ob er daz hoeren solde daz man im dröute sere, man entaete im mere.' Dö sprach aber Wolfhart 'ich gesach halt nie hervart da ritter kurz wüten min. ja geilt uns die tage hin als den vil blceden wtben. sol ez alsö beliben daz wir ze tuonne niene hän ?' dö sprach der Ermenrlches man, der herzöge Berhtunc 'hie ist manic alt unde junc der ez als gerne same ob ritterschaft geschaehe üf disem velde alsö breit." dö sprach der küene Dietleip 'wä mit möht man iu, Wolf- hart, lieben dise hervart?' dö sprach der degen unverzaget 'mir ist lange her gesaget daz Gunther und die sine , die recken von dem Rlne, alle zit phJegen ritterspil und wie si turnieren vil , b£diu üf vlust und ouch gewin : da mite gent ir jär hin. wold unser voget von Berne , daz saehe ouch wir vil gerne, mich müet,' sprach aber Wolf- hart, ' daz ich neheine hervart versaz in Lamparten lant, und mir daz nie wart erkant daz si heizent turnieren, sit ez sol ritter zieren/ Her Witege fragen dö began ob ez si dühte guot getan. dö jähen die helde guote, es waere in wol ze muote. her Biterolf der wigant sprach mir ist daz wol erkant, si versagent uns dehein spil, si habent guoter ritter vil. hasten wir einen boten dar, ir wurdet schiere des gewar daz ir sin wurdet wol gewert, slt ir turnierens gerk'

dö sprach Rienolt von Meilan 'solde Wolfhart min neve hän sö dicke geturoiert alsö ich, so wil ich gelouben daz er sich vii lötzel mtiete alhie dermite. sit aber daz der helt sin bite , sö helfet, guote Wigande, daz wir üf des Rines sande gcprücven gen des fürsten man daz man ze reden müge hän.' die tumben dö des baten: die alten giengen raten, wer der böte waere so gefüege der diu m?ere den helden werben künde , ob sinen gesten gunde Gunther der künic rieh , (ez wa?re an helden lobelich), daz si phlaegen ritterspil. dö wart vingerzeiget vil üf den Gotelinde man daz si den wolden senden dan. Dö sprach der stolze Dietleip 'sit mich ungelücke treip in disiu fremden fürsten lant, sö wil ich,' sprach der wigant, 'daz eilendes mich geniezen län sol der Gotelinde man, Rüedeger der riebe, sö tuot er vil friuntliche. wir möhten wol ander boten dar senden , wan daz nieman gar gereden kan diebescheidenheit, daz werde hin und her geseit ob si turnierens wellen phlegen , wie hö si an der vlüste wegen der gevangen werde hin , ode waz der schade und der gewin bedenthalben müge sin, oder waz wir gegen in [84 h gewafent sullen bringen dar, ode wie man uns da vor bewar, da wir mit helden striten, daz uns in den ziten die kipper niht enbrechen abe; daz unser lop und unser habe iht bi dem Rine hie beste, ez ensi daz ez von schulde erge. Rüedeger der sweic duo. Blaedelin der sprach im zuo Nu ritä, edel Rüedeger. wir Hiunen 6ähen doch nie mer wie turnieren si getan : die Priuzen und die Pölän habent sin selten iht gephlegen.' dö sprach der tiurlicher degen 'ich rite dar, ist ez iu guot. doch rate ich daz ir einez tuot: wir riten näher in daz lant. werde wir dan niht an gerant, sö sitzent *i ze burewer. sö sul ouch wir unser her in gelegen alsö nähen daz ez in mac versmähen. ' si volgeten al gemeine Rüedegfren eine des er daz hergesinde bat: si riten näher zuo der stat daz ez in niemen misseböt. durch deheiner slahte nöt hat ez dä maneger niht verlän :

hasten si ez niht getän durch des wirtes ere, so heeten siz vil sere versuochet an die geste. ze Wormez für die veste riten die Wigande, dö si von den üz dem lande niht ritterschefte mohten hän, si herberget en uf den plan nnd allenthalben üf den sant. dventiure wie der tut Die helde schuofen ir ge- mach. Ä wie manege hütten man da sach und manic herltch gezelt ! der was erfüllet gar daz velt wol raste breit vor der stat. dö tete des man in e bat Rüedeger der riche. vil harte vllzicliche wart er schiere wol gekleit mit zwelif recken gemeit. als er riten wolde dan, der hell dö raten began 'ir mseren helde guote, nu schaffet iuwer huote allenthalben umb daz her. vindet man iueh ane wer , daz ist schade und schämelich. des lät iueh , helde, ane mich : Hagene ist ein näcbranc man. si heten uns anders nimmer län der stete komen sö nähen, iu sol daz niht versmähen, ir volget miner lere, ich wil noch reden mere wider iueh, Wigande. dort inne man vil manegen vant dem ez beswärte dd den muot, und der deheiner slahte guot dar umbe niht hete genomen, ern waere für die porte komen und harte ouch ritterschaft ge- tan: dö muosten siz beliben län durch den kunic riehen, der riet in wislichen. ft'ormeze getchach. lät in niht wesen ande wie ich nime die ritterschaft. zwäre si habent wol die kraft daz si uns nimmer wirt verseit. ez waere iu helden lihte leit, lobt ich veriiesen iueh diu marc : sö wurde der schade al zestarc. under uns ist diu sarwät, daz er immer drumbe rät möhte turnierens hän, e er si hie mücse län. des bedenkt iueh , helde guote. wes ist iu pu ze muote, waz man für iegelichen man sol ze Jedigunge hän der gevangen wirt hin in? lät mich beeren iuwern sin waz iueh nu, helde, dunkeguot. die liute habent niht einen muot/ Dö sprach der Bernaere ' daz ist uns vil uninaere ob si turnieren ane fride. sö sul wir rüeren so diu lide daz uns diu sarwät beste. Wolfhart sprach 'ja wolde ich e

sicherlichen nacket hinne gän t e daz sis wurden erlän.' der marcgräve hin zer stete reit. dö nam der degen vil gemeit sinen sparwaere üf die hant: da bi tete er in bekant daz er fride wolde hän. dö sprach der förste Witzlän dem künic Gunthere zuo ich versihe mich daz uns aber nuo maere bringe er Rüedeg&r, sit daz der marcgräve hei* füeret den sparwaere.' % durch liebe der maere Gunther der vü edele spranc von sinem sedele und gienc dä er den helt sach. der künic lachende sprach sit willekumen, her Rüedeger. waz weit ir, marcgräve her, mit disem Urkunde ? wie gerne ich daz erfunde.' Ich sage iu,' sprach der marc- iii an , war umbe ich her geriten hän. iu enbietent die Wigande von iesltchem lande die iuch dä suochent an den Rin, ob ez mit fuoge möhte sin daz man in brüevte ritterschaft ir habet liute wol die kraft : weit ir turnierens phlegen? mit strlte in disen landen noch nieman hät bestanden. nu wolden die von Hiunen lant daz man in taste daz bekant waz geturnieret waere.' Gunther der helt maere ein teil smielen des began, er sprach 'ich wil ez wizzen län die recken , mine geste. swaz si dunke daz beste, des volge ich billichen.' zuo den fürsten riehen si giengen üf den palas, dä manic kurzwile was. • dö liefens al engegene Rüedegere dem degene, der wart vil wol enphangen. dö daz was ergangen , der künec sagt in diu maere wie er dar komen waere ; Nu hoeret, ir Wigande, daz die von Hiunen lande uns bietent turnieren an. waz dunket iuch des guot getan? ir edelen fürsten riche, nu lät uns kurzliche dar umbe beeren iuwern muot.' dö sprach Sffrit der helt guot 'e ez in werde verseit, ich wolde e ros unde kleit die Hiunen füeren läzen hin. in dem willen unde ich bin , den wil ich iu vil schiere sagen : swaz si Verliesen ode bejagen, sö wil ich hundert miner man dä zer vesperie hän.' dö sprach der künic riche sd sende ich sicherliche ouch hundert dar der minen.' so wil ich läzen schinen,'

sprach WaltheY von Spanjelant, daz uns turnieren ist bekant : ich wil ouch lazen hundert dar. si werdent schiere wol gewar wie wir turnierens kunnen phlegen.' dd sprach Witzlän der degen 'ich wil der minen senden der graben zuo den enden hundert helde maere. in sol niht wesen swasre ob si niht sper enföeren : si sulnz mit flatschen rüeren den helden üf den renden. ja siht man von ir henden durch zoume selten geslagen : üf haben unde nach jagen, des kunnen si daz minnist. si habent anders keinen list, wan dazs an guoten knehten immer mugen ervehten, dar an ist ir sin gewant. der site ist in Beheimlant.' Gemärt wart dd diu ritter- schar. [86 Gernöt sande ouch hundert dar, als teteder künec vonTenelant : von dem wurden dar gesant ouch hundert ritter wsetlich. Stuotfuhs der hete sich dar zuo vil schiere bedäht, er sprach der ich her hän bräht , der sende ich hundert ritter dar. ich wil ouch selbe an die schar bi minen helden riten. si spiln oder striten, des sol helfen da min hant.' dd sprach von Arragüne lant der wirt 'ich wil ouch da* han gewäfent hundert mtner man.' Liudegast und Liudeger, zwei hundert ritter vQ hör lobten si dar ze senden. weit ir ez verenden sprach Rüedeger der rtche, « daz tuot vil baldecliche.' Dd sprach von Metzen Ortwtn ' ich wil mit hundert helden min bl den gesten wesen üf dem plan.' ja dunket mich daz guot getan,' sprach von Troneje Ha gene: sendet tüsent degene zuo zin an diu hämit, obe ir des gewis sit daz iuz verbürget Rüedeger, daz si deheinen ritter mer gegen in enfüeren. die lät ez hiute rüeren , swaz halt morgen hie geschehe, dem man gelückes danne jene, der danke slner saelekeit.' dd sprach der böte vil gemeit ' der fride st iu von mir gegeben : ir sult unangestlichen leben, d daz da schaden iht ergd, ich wolde iuch selbe warnen d.' dd nam der künic höre den fride von Rüedegöre , er gap ouch fride dem gaste bestaetet alsd vaste daz erz dem fürsten lobte duo. der marcgräve sprach im zuo *nu sult ir mich hoeren län

wie der turnei sol gestan am fride und ame guote. wes iu si ze muote , 87» daz saget mir ,' sprach her Rüe- deger. d6 sprach Sifrit der körne her 'man mac in wol in fride hän und daz ein iegelicher man, der alte und ouch der junge , gebe ze ledigunge tüsent marke ungewegen. da mite ein ieslicher degen sich loese und ouch sin wiege- want.' daz widerredete sä zebant der junge degen Nantwin 'zwiusol dem man daz gwaete sin ern genieze es etewaz? wan lät ez gelten allez daz swaz man ze velde bringe ; wand mir min gedinge üf Witegen heim vil höhe stät und üf daz swert daz er hät: koeme mir daz ze minen phle- gen, mir künde ez nie man wider- wegen ,' sprach der herzöge hör. des erlachte Rüedeger. Dö sprach der Etzelen man *ir muget sin vil wol muot hän, ez mac ab in üe liehe geschehen, ich enwolde im danne lüge je- nen, daz nime ich üf die triuwe min, und waere Lamparten sin, er lieze ez £ die sarwat und ouch daz swert daz er hät ich sag iu diu rehten maere : der herten turnierere habe wir vil manegen funden. ich gesach bi minen stunden neheinen also herten, der sich so freislich werte: des sult ir, junger wlgant, niht gähen mit der iuwern haut nach dem Witegen zoume. sam in einem troume mugt ir si wol Verliesen, daz läze ichs alle kiesen die in in stürme haben tgesehen, daz ich der wärheit hän ver- jehen.' Her Sifrit sprach aber duo er kom ir etelichen zuo, da er sinen Mimmingen ze nutze mohte bringen.' ' wie läzen wir ez nu gestän V sprach Rüedeger der marc- man. k dö sprach Sifrit der starke 'da sten ie tüsent marke.' dö sprach der nötveste 'ja, künic, si wir geste und haben niht Nibelunges golt. ahzic tüsent versolt haet ich in einem halben tage, und mühte ich haben iuwer habe. ich räte iu baz sprach Rüe- deger: Etzelen, des küneges her, treskamer ist mir ze verre :

mich löste wol min herre und ieslichen sinen man. wir suln den turnei läzen stän für allez daz der man hät, beidiu ros und sarwat, driu hundert marke und niht min.' daz lobten si dd under in. Wie schaffet irz,' sprach Rüe- deger, ' daz lät mich hceren, künic her, sol ez äne kipper sin?' ja bi rehten triuwen min sprach Gunther der riche , ' daz lobe ich endeliche. swelhen ritter rüeret kippers hant, er si knabe oder sarjant , den des turneis niht beste , daz ez im an die hant ge.' der fride was alsd geno- men. dd muost mit Rüedegere komen der edel ritter Gerndt, dem Rüedger sinen fride bot da si sider diu hämit stacten kurz oder wit, swie si duhte guot getan, dar reit mit drizic siner man Ge'rnöt der tiurliche degen. dd der turnei was gewegen, dd reit er gegen der stat dan. da ze Wormez tüsent man, die gähten in die ringe : vil hd stuont ir gedinge die der ritterschefte solden phlegen. dd was ouch RüedegeY der degen hin wider zuo den sinen komen . schiere heten si vernomen von im diu rehten maere, fride , und wiez verbürget waere umb si und ouch die von der stat. e daz er si behalten bat sin gelübde und sinen eit, ze harnasch harte wol bereit warn vier tüsent oder baz . leit was Rüedegerc daz. Er sprach 'swer brichet minen ob man mich hienge an ein wide, holt wirde ich im nimmer mer. verbietetz/ sprach der recke hör, 'iuwerm volke, er Dietrich, od ich enbinde schiere mich: ich warne si ze guoter zit. daz si deheiner slahte nit an in erfüllen mügen wol , daz understän ich alse ich sol/ ein icslich fürste sine man muose vor im sehen stän daz si Rüedegere, dem boten vil höre, da niht brächen sinen eit. den sarjanden was vil leit diu stsete vestenunge: swie halt in gelunge, si hjetenz doch versuochetdar. ir tüsent ritter wol gar waren nu ze rossen komen. ir wart vil vaste war genomen

durch ir liehte sarwät: waen man geturnieret hat slt bl RIne manegen tac, daz ez nie sö höhe wac. Vil maneger drunder wart er- slagen. dö sach man vor den helden wagen zehen schoeniu baniere, bi den kös man schiere gewäfent hundert küener man. ir helme glesten verre dan gegen Wormez der witen. dar näch in kurzen zlten sach man die porten oifen stän. dö was frou Brünhilt gegän mit frouwen in die zürne , seip sibende kuniginne: die vil minniclichen frouwen, daz spil si wolden schouwen, und die meide schänden frle die vil werden vesperie. dö si gesezzen wären nider, vil lüte hörten si da sider manic horn erschellen, holre bläsen vor den snel- unde maneger trumben döz , sumber slahen alsö gröz daz erwägen mohte der palas , e daz hofgesinde was uz komen mit Ortwine den gesten ze schine. Man hörte in Brünhilde sal her engegene den schal von den unkunden. man hörte an den stunden vil garzüne vor der schar : mit gröiern si leiten dar die fremden gen der veste, degene aller beste. der burgaere reit nu einer hie sö gewafent daz man nie ritter baz gezieret vant: der was von Burgonde lant und was geheizen Ortwin; ez erbte in von den mägen sin daz er ouch von Metzen hiez. diu ougen g£n im dö wenken liez Wolf hart, der Dietriches man. der helt denken des begao , ez waer Gunther oder Gernöt. durch daz er einen heim röt fuorte von liehtem golde var. sinen gesellen zeigte er dar daz si karten da er in sach. in der zlt, dö daz geschach, dö muote ouch gen im Ortwin, durch daz von zimier liehten schin fuorte der starke Wolfhart, dö sprach der junge degen zart daz mac wol sin her Dietrich, ir helde, helft, von dem wil ich hie die ersten tjoste nemen.' dem jungen helde muose zemen ein puneiz lanc unde wit. Wolf hart der geneigte slt stn sper uf Ortwinen. si üezen b£de schinen wol ir eilenthaften muot. sit gestruhte daz ros guot under dem Dietriches man:

Ortwin uz dem satele dan stach in nider mit siner kraft, doch brast der Wolfhartes schaft ze stücken vor der slnen hant. üf spranc dö der wtgant, • schiere was er in dem satele sin. dd hete aber Ortwin gewendet daz vil guote marc. ir beder eilen daz was starc. dd schämte sich Wolfhart der degen daz er dar nider was gelegen , er zucteein s wert daz was guot. Ortwines ellenthafter muot versuochte ez aber an den man : in beiden diezen dö began beidiu wäfen unde rant. dö kam üz Amelunge lant diu helfe Wolfharten, si jähen, die des warten, daz da wurde wol geriten: da wurden Schilde versniten , dar under brästen ringe vil manegem getelinge. Oz siner schar kam gerant Stuotfuhs üz Pöllelant: üf den geneigte Rämunc. da sach man alt unde junc slahen unde stechen, vil lüte schefte brechen in den scharn über al. ob dä deheiner slahte schal wajre wan von scheften , man möhte von den kreften den palas hreren diezen. des muosten ouch geniezen die vil minniclichen frouwen, die ez gerne wolden schouwen : die mohten ho?ren grözenklanc. Rämunc wider üf gespranc, wan er nider üf daz gras von Stuotfuhse gevellet was; der wolde in hän gefüeret dan. dö kam der vil grimme man, von Lütringen Irinc. vil manic halsberges rinc sach man dä bresten von den e daz der tiurliche degen errette Rainungen. diu swert vil lüte erklungen, dö er in füeren wolde dan : mitschar beschuttensi den man daz er in sider riten lie. man sach dort unde hie dringen vil graulichen : noch wolde nie entwichen Ortwin der vil küene man Wolfharte, der in gerne dan gefüeret haete an siner schar, dö kam ein ingesinde dar der stolzen Harlunge, hundert ritter junge ze helfe Wolfharten, wer künde dä gewarten den wäfen an ir henden ? gen den sach man dö wenden hundert Waltheres man. dö begunde enstete stän dä daz ritterliche spil für diu hämit an ir zil. Vil schiere komen wären die von Bechelären gegen den von Spanjelant, den ze helfe man dö vant

die von Arragüne lande. dd was ouch der vom Sande ze velde hundert ritter komen: der heten vil wol war genomen hundert Hadebrandes man, die Dietleip der helt dan hete gesendet zuo dem spil. da hört man klanges harte vil von Sahsen und der Swäbe lant : mit hurte durch die schar ge- rant kam vil manic gelfer man der slt schiet müelichen dan. Von den von Francriche sach man diu swert erblichen : ob dem herten stäle der liehten goltmäle vil lützel da geschönet wart, ez wart nie turnei sö hart sö des si da begunden, wan sin niht enkunden die helde üz Hiunen riehen, und wolden doch niht wichen, da sach man Nantwines man wenden wider unde dan, da von Beier lande die guoten Wigande heten ere gerne genomen. dd was in zegegene komen von Meilän daz gesinde. die fiuwerroten winde sach man von helmen üf gän: sich wolden Rienoldes man Ä nieman zoumen lazen. mit hurte än alle mäzen körnen die Rabenaere, der Berhtunc der maere hete hundert dar gesant : diu swert man in an der hant sach glesten gen dem herten spil. für war ich iu daz sagen wil, swä si halt heten sich genomen, zuo einander wären komen zweinzic baniere. uf helme diu geziere mit swerten gar zerfüeret wart, dar under wurden ringe schart von ir eteltches hant; man sach da maneges Schildes rant dürkel unde zerhouweo. für den palas da die frouwen uf durch sehen waren komen, da wart der helde war genomen ze Wormez vor der veste , wer da ta3te daz beste. Der wirt saz selbe an den graben (dar umbe sö wart ez erhaben) und ander helde ein michel kraft, und sähen da die ritterschaft. da wart gedrungen unde ge- striten, näch gewinne selten geriten. dö sach der Pülloysaere, Stuotfuhs der degen maere , hie houwen unde dringen und hört vil lüte erklingen diu swert den helden an der hant: nach hure blicken man dä vant vil ofte bluotvarwen schin. Stuotfuhs und die gesellen sin

die drangen die von Berne: daz sach Wolfhart ungerne. sin wille was, er wolde in dan zoumen von den sinen man, den vil kreftigen degen. dö werte 6ich mit solhen siegen der tiurliche wigant daz im der heim und der rant von fiure gap den widerschin. Wolfharte künde daz ros sin von der Sterke niht gestän, die der vil übermüete man in beden sinen armen truoc. also freisliche er sluoc daz beidiu ros unde man muosten nider üf den plan. Swie sö die von Berne geholfen haeten gerne daz Wolfhart wider waere kö- rnen, dö hete in also für genomen von Palerne der starke degen daz er üz bitterlichen siegen sich künde nie gerihten. zir aller angesihte zucte in hin üf daz marc Stuotfuhs der degen starc. swaz ieman sluoc oder dranc ode swaz da Wolfhart geranc, iedoch muose er mit im dan. dö sprach dä manic küene man 'wäfen, welch ein välant!' vil wol sach ez Hildebrant, der ouch dä schouwende reit. im wart nie turnei sö leit daz er im dä ze stunde gehelfen niht enkunde: er sagte ez Dietriche. dö wünschten al gellche die tiuren degene maere daz ez äne fride waßre. des mohte aber niht gesin. dö tete er siner Sterke schin, der voget üz Palerne; daz sach der wirt vil gerne. er brähte im Wolfharten dan. dö wundert vil manegen man daz ez alsö was geschehen, ditze heten ouch gesehen die von Bechelären. wie vlizic si des wären dö, die Rüedegeres man, daz si ahte zoumten dan der von Tenelande ! dö wart der vorne Sande vil hende in zoume geslagen. die dä wänden pris bejagen, Vil manegen dö misselanc. wlle, du habest undanc, daz ez ie geprüevet wart ! nu was der küene Wolfhart vol gefuort unz an den graben. dä wolden in die knehte haben unbescheidenliche entwäfenöt: dö sluoc er dä vil schiere töt 1" zw£ne mit der fiuste nider. Gunther der künic sprach dö sider wes mac ich anders verjehen , wan daz in ist vil rehte ge- schehen?' den heim löste man dö sider, der künic hiez in sitzen nider. dö man im daz swert abe ge- ballt, die von Burgonde lant

fragten in der maere wie er genennet waere. dö lougent sin der wigant, er sprach 'ich bin von Hiunen lant, Gotele ist min toufname.' er wolde des haben schäme daz man in dä gevangen sach. Gfrnöt der recke sprach ■' ir sit uns anders hekant, jä s!t ir Wolfhart genant.' lougen er des niht mühte, nomen , wan ez im niht entohte. dö sprach der küene Wolfhart 'mir ist leit daz ich der hcrvart ie gevolgte in ditze lant : mich gevienc nie mannes hant unze hiute an disen tac , daz ich iemer mer wol klagen mac daz ich turnierens ie began.' der könic und die sinen man , die erlachten des dö er ez sprach. wie dicke er wuivischen sach dö man diu wäfen bi im truoc! er gedähte es ofte genuoc wie er danne möhte komen. ich sage iu, als ichz hän ver- da wart gevangen manic man. die Hiunen gisel zoumten dan zehen Wigande , daz wärn der vome Sande. Die geste täten si wol in. Rüedgercs helde zoumten hin zwelif ritter unde dri, swie selten turnieren bi waere dä ze Rine Rüedger und die sine ; daz was von ir kunst geschehen daz siz heten e gesehen z'Aräbi in dem lande. Waltheres Wigande , sibene fuorten sie sit der Ruedgeres durch diu hä- mlt. 91» die Rerhtunges zoumten dan zweinzic Nantwines man. den was e llf gewin ze gäch: vil ofte ist ez unnäch swaz man waenet haben in der hant. die Sahsn und die von Dü- renge lant, die künden wol daz selbe spil: des wart der geste von in vil gevangen unde gefüeret dan. swes dä ieman began, daz was Hildebrande leit. zuo slnem herren er dö reit, ja sprach er willicllche zem fürsten Dietriche 'ouwe, lieber herre min , wie grözer schade uns daz muoz sin, ob morgen hie der strit geschürt, daz man bi uns niht ensiht Wolfharten den neven min! in lät Gunther und die sin mit willen nimmer von in ko- men danne?' sprach her Diet- rich.

' sö tuont si rehte alsam ich. hiet ich gevangen einen man des ich schaden möhte hän, den lieze ich ungerne.' so sprach der von Berne ir habet daz selbe wol gesehen, ez ist vil manegem hie gesche- hen und muoz ouch noch e'z ende hat.' Hildebrant sprach 'ez ist min rat, swie wir lo?sen noch den man, wir suln niht under wegen län Wolfharten miner s wester kint. aller die bi iu hie sint, der deheiner iu niht baz gestat. ez waere Hildebrandes rät daz man turnierte äne fride. s6 wurden eteliches lide mit siegen hinte sö gebert. swie alter mir turnieren wert, doch muoz ich zuo zin dar in : ich hilfe minem neven hin mit bürgen ode mit ritterschaft. ja frumet uns morgen sö sin kraft, uns ert man iemer deste baz.' dd riet er vliziclichen daz, daz si den Wiganden den fride wider sanden. Vor Wormez üf dem san- de wart von helde hande üf die helme sö gebert daz man in nu lihtehete gewert daz si daz spil heten län. in diu hämit getan wurden die helde dicke : als manec küener recke gezoumet in den fride wart, sam der reit die widervart. wol hundert ritter unde baz (Gunther der sach daz), die zöch man wider unde dan. her Dietrich biten dö Legan den edelen Rüedegf're ob ez der degen here mit ihte gefüegen künde , daz in der selben stunde der fride wurde widerseit. dö sprach der helt 'ichbin bereit swes ir gebiet , her Dietrich.' Dietleip den degen lobelich fragen si begunden ob siz ahten künden daz ez sin wille wiere. 'ja ,' sprach der helt vil maere, 'swaz ich schaden geraten kan, ungerne scheide ich mich her dan.' Der marcgräve dö danne reit. si sähen daz daz velt breit mit den wunden was bestreut, des was Hagene gefreut, an des wirtes veste degen aller beste reit da er den künic vant. Gunther der wigant nam des heldes wol war: maere brähte er in dar diu manegen körnen zunstaten. als in der künec ersach, der baten

daz er im sagte rnaere, waz sin gewerp dar waere. Rüedeger lachen began den küenen Wolfharten an da er bi den andern saz : wol markte der helt daz. wie schiere er winken began des kunic Etzelen man , daz er solde verdagen ob er im iht wolde sagen : wol versweic ez Rüedeger. dö sprach der marcgräve her 'her künic, mich habent her gesant die iuwern geste in daz lant. Die dunkt ir ruowe ze vil : si waern ouch gerne bi dem spii ob ez mit fuoge möhte ergän. wolt ir den fride abe län des iu gap Sicherheit min hant, dar umbe bin ich her gesant daz ez in liep waere.' dö sprach der helt maere 'gerätent daz die geste min, ich läze ez äne fride sin. Sifriden fragen man began und ouch den Hildegunde man, Waltheren von Spanjelant. dö sprach der recke sä zehant 'wes fraget ir mich eine?' dö sprächens al gemeine • wir läzenz also hine gän , nu si niht frides wellen hän.' Dem künege neic dö Rüedeger. Wolfhart vernam nie gerner mer deheiner hande maere : ich geloube daz er waere ungerne innerhalp der graben, sit dö wart ein spil erhaben, daz geschadete manegen man. der böte gähen began und sagte ez gählichen dem fursten Dietrichen und den andern über al. von gähen wart grözer schal der küenen getelinge : der slouf in die ringe wol vier tüsent oder baz , wan si wären gehaz ein teil den burgaeren. dö Uten des die maeren wie si in ze schaden möhten komen. alrerste hete sich für genomen her Dietrich mit den sinen : er lie daz vaste schinen daz im daz liep waere ob Wolfhart der maere ledic wurde äne golt : die helde wären niht ze holt Stuotfuhse und sinen man. vil lüte erdiezen dö began der küenen burgaere schal, für den Brünhilde sal sach man in kurzen zlten wol fünf tüsent riten. Ze velde was her Dietrich komen. swer ie niete vernomen von deheinen s werten klanc, der mohte im wol sagen danc und sinen Wiganden. ja enblienden siz ir handen ,

als ez ir eilen wol gezam. si mohten wichen äne schäm die im da habten engegene: er unde sine degene kerten umbe vier schar, daz velt wart allez blöz gar von den sarjanden : sö die helde erkanden , die rümten daz geviide. si fuoren, sam si wilde waeren, die von Berne, daz wolden in ungerne die von Francriche vertragen: dö wart gehurt unde geslagen von vil maneges hende daz des sales wende erduzzen von dem schalle. si waren komen alle die ritterschaft da wolden phle- gen. des wiile und tat was gelegen , Dem gestrühte da daz marc. ir inriten was sö starc daz nieman schaden war nam. dä von ez niht missezam, sach man dä ieman wunden. vil maneger wart dä fanden in ritterlichem prise. Hildebrant der wise reit dristunde durch die schar: er tete staeticlichen war des von Püllelanden , ob ieman sinen anden an im rechen künde. ja hete er in der stunde gemachet manegen verchwunt. man tuot uns an dem maere kunt und hoeret ez noch von im sa- gen, daz Stuotfuhs niht mohte tra- gen nehein ros einer mile breit, ez entsetz mit grözer arbeit, nu was ouch kumen Hagene, er unde sine degene. [93 dö hört man schefte krachen nach ritterlichen Sachen: si würben vaste umb ere. dä von wart deste mere der recken unde ir rosse wunt. vil maneger gaebe dä zestunt tüsent marc, möht er si hän , daz man in dannen hete län. Niemen fürstenmandä sach, wan, als ich iu verjach, Stuotfuhs und her Dietrich, die küenen helde lobelich , und ouch von Metzen Ortwin , und Hagene der neve sin , und ouch der alte Hildebrant der mit Dietriche in gerant was vil zornicliche , und Rämunc der riche: die selben striten sere. dä kam ouch hin niht mere der forsten von den landen, mit sinen Wiganden sach man hie Stuotfuhse ha- ben: si bedorften schranken noch graben dä si wichen solden in. wie dicke Wolfhart wünschte hin daz er bi in waere !

Hildebrant der ma?re, der hete nu durchdrungen mit den Amelungen der vesperfe veste. hie sähen si die geste, die recken uz Palerne: hern Dietriche uz Berne dö zeigte er den von Püllelant. er sprach 'seht, wä der valant hie habet, der Wolfhart nider sluoc und in mit siner kraft truoc zuo imc üf daz marc.' dö wart ein dringen harte starc von Dietriche und sinen man. vil lützel wichen im von dan die stolzen Püllaere : des wart der schade maere daz si üf einander da geriten. da habte in höchvertigen siten der voget uz Palerne, der beit ir da gerne. Dö hurte der fürste Diet- rich üf den helt vil lobelich, alsö daz in vor handen abe den Schildes randen dräte daz gespenge : breite und die lenge die steine sprungen üf daz gras, her Dietrich sö gemuot was, er wolde sinen gisel hän erloeset hie mit disem man. dö sluoc der herre Dietrich vil manegen slac freislich ; daz vergalt im wol der man: die arme strecken er began mit einem swerte vil breit, daz vil freisljehen sneit. sin eilen was vil grcezlich. daz ros, dar üf her Dietrich hete gehurt üf den (legen, daz was näch nider gelegen, swie wol ez was gelobet ie, ja kam ez nider üf beidiu knie; ouch genicte der man. dö der slac was ergän, dö erholte sich daz marc. mit einer krefte sö starc sluoc er üf Ililtgrimen. der heim begunde erschtnen sam der helt aller brunne. dö hete ouch sich diu sunne geneiget an den äbunt. er waere worden tötwunt von des Pülloysaeres hant , niuwan sin lieht wiege want daz ernerte den degen. im muoste entwichen üz den siegen her Dieterich von Berne, daz sähen die sine ungerne. Lüte rief dö Wicnant 'stüenden an mir alliu lant, ich wilz versuochen an den degen, ob min gelücke sinen siegen hie lihte widerstät.' 'des sult ir, neve, haben rat/ sprach der alte Hildebrant: 'er verhouwet iu daz wiegewant und wundet iueh sö sere daz er uns nimmer mere den schaden vol gebüezen kan.'

iedoch drangen üf den man Wicher unde ouch Wicnant. dö gedähte im des ' ich bin ge- schant' der fürste von Berne und sach ez vil ungerne: für si gedranc her Dietrich, mit manegem slage freislich enphienc in der von Püllelant. vil krefticliche an siner hant huop Dietrich daz alte sahs: daz sneit die helme als ein wahs, daz weich gebert waere. ouch was der helt vil maere erzürnt üf den von Püllelant: zwischen heim unde rant het in erlanget daz swert; daz houbet spranc im hinwert, daz ros in houbetlösen truoc. dö was liebe genuoc geschehen Hildebrande: in dühte wie sin ande gar gerochen waere. die stolzen Püllaere ir herren sähen tot erslagen: nu kan iu nieman gesagen wie si ir schaden rächen, si sluogen unde stächen üf die von Amelunge lant daz den helden an der hant begunden bresten diu swert. si wären übele gewert von Dietriche und sinen man. ir banier in dö abe gewan der vil küene Wicnant: dö muosten die von Püllelant vil schedeliche entwichen dem herren Dietrichen. Hildebrant der sprach duo dem sune Dietmärcs zuo 'nu wol dir, edel Dietrich, maerer helt, du häst mich errochen nach den eren din. fürste, nim daz swert min, und wilt du witze walten , die siege solt du behalten zuo dem strite morgen fruo.' des gevolgete er im duo. dö Hildebrant daz swert gewan, dö hiez er mit der banier dan keren gen den schranken : die Swäbe und ouch die Fran- ken [95* die wichen beidenthalben hin. Wolfhart der sach üz unt in wenden die von Berne : er waer bi in vil gerne. swie er doch äne heim saz , dö gedähte er ane daz, 'swie der künec tuo und die sine, gesehent mich die mine, die helde helfent mir hindan, sit ich gesichert niht enhän.' einen tobelichen muot gewan dö der helt guot. Von dem sedele er gespranc. dö wart im der arm lanc : der sin dä huote al den tac, dem gap er einen füstslac daz er vor im nider schöz. dö wart ir nächilen gröz, die bi dem künege wären. mit übelem gebären

brach der edel wigant ein swert einem üz der hant : da mite er an den stunden sluoc vil manege wunden , diu wol vermiten waere ob der helt maere den heim haete getragen, er spranc , als wir hoeren sagen, als ein wilder liebart. dö sach der küene Gerbart daz Wolfhartes dan komen: dö er den schal hetevernomen, dö sach er loufen den man. dö rief er Dietrichen an , der Ute im dö engegenwert • >«....« vil höhe üf an der hant. Hagene üz Burgonde lant vil nahen an in was komen : er wolde in gerne hän genomen. daz irten die Amelunge. Wolfhart der junge über die schrancboume spranc daz diu bräune an im erklanc. Dö kam sin oeheim Wolfwln, der brähte dö dem neven sin ein ros und einen heim guot: dö wolde alrerste sinen muot erküelet haben Wolfhart. da waen iht zoumens site wart nach vesperie rehte , wan daz die guoten knehte vil gemeinlichen sit vähten alle einen strit. diu sunne was sö nider ko- men daz ir den schin hete benomen der wölken trüebe gen der naht, dö man sö ernestllchen vaht, dö hiez diu küniginne die frouwen üz der zinne hin wider in den sal gan : do begunde man den frideban ruofen , der da wolde haben oder solde deheiniu ritterlichiu reht, ez waere ritter oder kneht , daz si rümten den plan, sus was der fride da getan: daz künde der helt maere, des küneges ruofaere. die geste riten über sant: mit den von Burgonde lant ketten die ander wider in. von Pülle diu künigin vernam dö erete maere daz ir man erslagen waere. si erschrei und sprach sä zehant w6 daz in Burgonde lant diu höchzit ie wart betaget. ja wirt von mir niht verklaget gar ze mlnen iesten tagen, daz mir hie 11t erslagen der tröst und ouch der herre min. wie möhte ez geschehen sin daz ich sö ungefröuwet bin, wan daz unser ungewin uns riten riet her an den Hin. ich wände daz der herre min voget waere in allen landen ob guoten Wiganden: Nuist des leider nihtgeschehen/ von ir weinen muos man sehen

trüren vi] manic schoene wip. iedoch getröste si den Up , so stt viJ manegiu hät getan. der wirt hiez suochen üf dem plän sin liute und siner geste: sin fride was sö veste daz man den töten an der hant diu wäfen dannoch Ilgen vant: in hete nieman niht genomen. mit fünf hundert lichten kö- rnen die bürgere wären. die töten hiez man baren , die wunden fuort man sus von dan. Stuotfuhs, den küenen man, den lie die frouwen nieman sehen. diu vesperie was geschehen ze schaden und nieman ze fru- men. swer noch schefte solde ver- drumen sö vil mit ritters henden , wer künde ouch daz verenden ? Der wirt rihte sich dar zuo wie er an dem naehsten mor- gen fruo erwerte lant und ouch die stete, si taten wol nach siner bete die er ze gaste hete aldä : die bat er zeiner spräche sä komen üf den palas. er sagt swes im ze muote was, er wolde wern siniu lant. ir deheinen er dö vant, sin wolden im alle bi gestän. den schaden den wir genomen hän ,' sprach der künic riebe , den dulten güetliche; dar nach geschaffe wir ez baz. ich räte iu doch allen daz, daz iuwer keiner durch sin kraft sunder suoche ritterschaft: si habent von manegem lande die besten Wigande , die ie gevolgeten einem her. ' si vindent antwurte unde wer,' sprach Herbort üz Tenelant , geseht ir roup oder brant immer bi dem Rine. ich wil daz houbet mine dar umbe läzen wette sin, si habent ninder under in bezzer degene denn wir hän. du merket, sö wir hie bestän, tuont si uns zen porten in. dä bi sö hoeret minen sin: sö furhte ich ir keines kraft , ich enwelle in geben ritter- schaft.' dö sprach Boppe üz Tenelant *8welhes ir eines hant mir verrücke minen huot, den habet für einen helt guot. Dö sprach von Troneje Uagene *got gebe daz ir degene morgen umbe dise zit ze hove nach minem willen sit ; sö habe wir frumen und ere. uns gebristet helfe sere an dem üz Pülleriche : der waere uns sicherliche morgen sö gestanden,

daz unser aller ande deste baz gerochen waere.' dö sprach Slfrit der maere der uns den schaden hat getan, und sol ich minen llp hän , ich sol im itewizen daz daz ich vor Etzelen saz und redete in miner kintheit; dö im daz wart geseit, zehant dö suochte er mich. ja hiete der helt sich ze strite also wol bewart, ich enkunde nie machen schart slnen heim noch die ringe, nu freut mich der gedinge : ich bin«gewahsen zeinem man, ich versuoche ob ich genidern kan den stnen höchvertigen muot , dar umbe daz der helt guot mich fuorte in Hiunen riche vil gewalticllche und wolt mit mir gedinget hän dar umbe daz er hete getan dem künege üz Hiunen landen, ich wil minen anden morgen rechen ob ich kan / alsö sprach der Krim hilde man. Si redeten daz si dühte guot. bl in nähen slnen muot truoc der helt von Berne. der wirt weste gerne ein ende solher ritterschaft: der vinde hete er gröze kraft. ez was nu an die zite komen daz von manegen wart verno- men wie si strltes wolden phlegen. dd sprach Hildebrant derdegen ir wizzet wol wie ir iuch schart, daz si vil wol von iu bewart daz ir anders niht getuot. ir aller sin und ouch ir muot stöt uns vil vaste engegene: ez lebet niht küener degene • dan wir bi in vinden da.' Wolfhart sprach dö sä 'ir einer mir ze küene was, vor dem ich mit nöt genas: er hete ouch lihte mich erslagcn. jä begunde er mich tragen als ein ar tuot ein huon. ich sol in strite alsö tuon, ich wolde e under d'erde e ich mer gevangen werde. Got iön dir, edel Dietrich, daz nieman vordert umbe mich swaz man sol ze ledigunge hän. du hast ze mir alsö getän daz ich ez immer dienen wil unz an mlnes endes zil.' ir masre hörte man si sagen (die töten hört man lützel kla- gen) : des wart von in vil vernomen. si wären zuo einander komen in ein gezelt daz was wit, dar inne sprächen sie sit. dä hörte man si reden vil von des turnierens spil, ir waere genuoc verseröt unde ouch etellche töt. durch daz si heten herban , die knehte sanden si dö dan daz si die hclde guote suochten üz dem bluote.

ich waen, si nieman funden wan manegen sö wunden daz si mohten rften noch gän. ir knaben truogen ir swert dan unde ouch al ir wiege want, daz man bi in ligende vant, und liezen da die wären töt. her Dietrich bat unde gebot den sinen ze herbergen gän , 'ez sol ein ieslicher man dem Übe schaffen hlnte gemach/ also daz der helt gesprach , Heime der maere der hiez die Rabentere zuo den herbergen varn, so wir uns morgen wellen scharn, wer sol uns künden die zit ?' alle rieten si daz sft an Rüedegeren eine, daz widerredete keine daz er hiete vernomen, daz si ze velde solden komen swenn in der recke künde daz. mit urloube si äne haz schieden von einander duo : etelfch unz an den morgen fruo slief niht einer hande breit. von einem garzun wart geseit sit swaz ir ieslicher sprach, dö kam er da'r sitzende sach der besten zwelf dort inne die von allem ir sinne rieten wern des küneges lant. Walther der wigant sprach lät iur sorge under wegen. hie so! ein ieslicher degen wane mir volgen mite. ich wil daz man si Hhte erbite daz si den vinden sin ze wer. und gesiget hie der Hiunen her, ich weiz die helde alsö gemuot, wir hsetenz alle geliche guot. dä von sol ein iesllch man hie striten als er beste kan.' Walthör redete mere sider *e si mich zen Hiunen wider fuorten äne minen danc, ich lieze se zehen lande lanc noch herverten fürbaz ; wan Etzel wolde sinen haz allen rechen ane mir. edel künec, ich rate dir daz wir mit geliehen scharn äne sorgen zuo in varn.' dö sprach der künec 'daz so! geschehen, si suln dä heime selten jehen daz si uns werlös funden hie. swer nach lobe geworben ie habe, der läz daz werden schin, so belibent mir diu erbe min. ir rät si truogen alle enein: ir wille sit sö wol erschein daz man inz priste manegen tac. ir iegelicher sich bewac üf e>e gen der ritterschaft. ' und hetens al der werlde kraft/ sprach Sifrit üz Niderlant, ' wir sullen sehen waz ir hant hie ze Wormze mac bejagen. solde wir dä von verzagen • daz si ie wider einen man

wol drizic oder mere hän, daz waere ein lasterlicher muot. so eines frumen heldes hant getuot daz erfürhten muoz ein wltez her. her wirt, ir slt sö wol ze wer, ir muget an angest slafen gän. ich wiliuch morgen sehen län, e sich verende vol der tac, daz ich iu niht baz gedienen mac/ Mit urloube schieden si sich duo. si rieten alle wol dar zuo daz si über halben wec ge*n in riten von der stete hin denn daz si näher solden komen. dö diu rede was vernomen, si giengen dan an ir gemach. es ir eteliches släf geschach niht ane troumen gen dem tage. nu hceret rehte waz ich sage : dö nu der liehte morgen schein in des sales eckestein, to dö hört man manegen sumber döz, pusünen hellen daz wart gröz , dö si sich üz machten. ir eteliche erwachten ?s unsanfter danne in was gedäht : zuo einander wurden bräht wol zweinzic vanen riche. vil harte vlizicliche daz her sich mähte für die stat. so von Pulle daz gesinde bat, man gaebe in einen houbetman : si wolden, möhte daz ergän, des tages rechen gerne ir voget von Palerne. Der künec bat Geren si bewarn, den herzogen, daz er mit in varn solde gen des strites nöt, er tete daz im der künec gebot, und was ein sö küener degen daz er ir künde wol gephlegen : ir guot gedinge wart niht vlorn. si wurden üz den bürgetorn alsö vlizicliche geschart, si liezen ouch niht unbewart die si in ir huote solden hän. die porten hiez offen lan der wirt durch sinen höhen muot. [98 vil manegen liehten heim guot man dä üf gebunden sach. vil maneger frouwen ungemach sich uobte diu noch släfes phlac. ez was nu komen an den tac: si wägten ere und ouch den lip, dä von meide und ouch diu wtp muosten ungemüetes phlegen : ez kam in sorgen manic degen. der wirt die sine gerne bat, dö si sich huoben von der stat, daz si braechen niht die schar und daz si mit einander dar füeren dä si wolden phlegen strites , der in gewegen ouch ze rehte niht enwas : und maneger doch vil wol genas des herze noch vil angest truoc. ir vinde sähen si genuoc sich vaste rihten gegen in. vil sanfte sach man staphen hin den künic unde sine man da si den strit solden hän.

Nu hoert von den von Hiu- nen lant. vil balde Rüedger üf gebant den Etzelen hervanen : die Hiunen begunde er manen daz si mit strite taeten als si gelobet haeten Etzelen dem vil riehen, er sprach vil friuntltchen 'min herre si iu bevolhen hat der dinc in grözen sorgen stat: bi den sult ir ez hie bejagen des si iu immer danc sagen und dem künege üz Hiunen lande/ dö schuof er da zehande für die Etzelen man fünf hundert guoter helde sän der stnen ingesinden. er sprach 'man muoz iueh vinden bi mines herren vanen hie. ob ich hän gestriten ie, daz wizzet,' sprach her Rüe- deger, 'Etzele der künic her dankt es iuimmer deste baz. ir wizzet vil wol selbe daz , daz ich zallen sinen striten muoz ze vorderst riten. Ze naehste mines herren man Gibeche unde Schrütän leiten Blo3delines vanen. ich sol ouch billiche manen Irnfride den wigant und Häwart von Tenelant und Iringen den küenen degen daz si mit vlize hiute phlegen miner frouwen ingesinde. vil maneger muoter kinde ist zuo dem töde alhie gedäht. die zwene fürsten habent bräht driu tüsent Wigande da her von Ylächen lande , Hornboge unde Ramunc: Sigeher, der helt junc, der wirt uns vor den nütze, die Valwen ir geschütze sullen hiute teilen hie, daz die Rinfranken nie in groezer angest sin bekomen : der habe wir her mit uns ge- nomen wol driu tüsent oder baz. den Franken ist unkünde daz daz wir in wol gesigen an, Guntheren und den sinen man. Her Wolfrät und her Astolt, nu dienet daz iu immer holt der künec und ouch min frou- we si, unde gesteh ir alsö bi das si iu's immer sage danc ; und lebet ir tüsent järe lanc, si werdent iu nimmer gehaz.' die zwene recken lobten daz. dd sprach Biterolf der degen 'ob sich nieman tar bewegen üf den Krimhilde man? ez ist lthte alsö getan,

als vil ofte ist her geschehen, daz man etelichen hat gesehen eintweder tot od starke wunt und daz der ander von der stunt des selben vinde für gestat, und lihte dar nach so ergät daz sin gestrite wurde erslagen : so solde man dem danc sagen der jenen bestüende sä ze- sprach Biterolf der wigant. *sam taete ich gerne, undmöhte ez sin, haete ich einen der sich min mit huote underwunde. an der ersten stunde und ich saehe den von Nider- lant, sö versuochte an im min hant wie starc des recken eilen si.' Heime stuont da nähen bi, der sprach Biterolfe zuo 'swaz halt ander ieman tuo, ich bin der iueh niht ubersiht ob strit von iu und im geschiht.' Witege ruofen dd began wie ritent mines herren man zuo sinem van sö seine? nu ensüme sich der keine der dienen welle sinen gruoz : ich bin der von im dulden muoz zürnen ob des iht geschiht des man uns niht für ere giht.' Sabene und ouch Liutwar, die zwene helde schöne gar, habten vor des küneges van : Berhtunc der hiez si dan nach dem zeichen rlten. niht langer wolden biten die stolzen Beraaere. Wolfhart der masre ein horn bläsen dö began. her Dietrich unde sine man, gedrücket unde gedrungen der von den Amelungen hetens eine veste schar: in einem vanen blävar sach man einen lewen wagen , üz golde von siden wol getra- gen; dem volgeten die Wigande von der Amelunge lande. Dö heten die von Meilän ze rosse bräht vilmanegenman under einen vanen der was breit. Wahsmuot der helt gemeit reit vor den Harlungen dan: klegrüene was ir van, von einem samit riche. si hörten krefticliche die vinde komen gegen in. Fritele sprach 'nu sol dä hin unser aller sorge sin. 100' ob Dietleip, der neve min, römisch künic waere, sö möhte der helt maere niht füeren schamer ritter- schaft.' dö hörte man von schalle kraft b£denthalben vor dem her : ez kam nie künic baz ze wer dan Gunther der wigant. swaz man von schalle gebräh- tes vant, des hiez Witege gar gedagen.

nu sach er einen vanen tragen mit einer burczinne , diu ]ac gesniten drinne : den fuortHagene und sine man. dargegen er rihten sich began. der vil muotgrimme degen weste wol daz im gewegen der helt von Troneje waere. dö sach der helt vil ma?re , der tugentriche Dietrich , einen vanen hrrlich: ein kröne gesniten was dar in, als ez meisterlicher sin vil wol geprfieven künde, der helt sprach sä zestunde Dort halt daz Sigelinde kint, dem alle sine sache sint wan tif höchvart gewant.' dö sprach meister Hildebrant *swie vil er übermüde hat, der mac hie wol werden rät. dö sach Bitrolf der w igant ob den von Burgonde lant sweben einen vanen breit: er was gefüege der in sneit. ez was ein phelle tusenvar; swer des wolde nemen war, von wizem silber drin geslagen sach man einen eber wagen sam er lebendic wa;re. Rüedeger der msere der zeigte Dietleibe dar, er sprach daz ist des küneges schar/ der helt sprach ' des bin ich frö. sit er niemannes drö durch sine sterke fürhten wil, wir bringenz üz dem kindes spil Gunthare und den shien man mit den friunden die ich hän.' Dö sprach der degen Rüede- ger nu goumt ir , junge künege hör, jenes vanen den man dort hat : daz ist ein phelle driblat. ein hirz lit dar inne geworht mit guotem sinne, sin gehürne daz ist guldin : des gestrite sult ir sin. daz bringet uns von Tenelant Herbort der wigant,' dö sprach der küene Wahsrauot uns tumben helden ist daz guot daz uns bcwiset Rüedege'r, der edel marcgräve her/ Der Etzein venre dö began ruofen den von Meilän 'bekennet, ir Wigande, her von Püllelande daz zeichen dort die helde tra- gen den ir herre ist erslagen : ein rat von golde drinne stät. s wen in der künecgeschaffethät, si sint niht äne houbetman.' dö sprach Rienolt von Meilän ' ich hän dort einen schilt ge- sehen , der gibet von vier stücken bre- hen: den tregt von Burgonde lant Gere der wigant, der mac leiten wol ir schar, swie ez anders uns gevar, ja wirt ir hie vergezzen niht' " ich weiz , vil wol uns geschiht,'

sprach Eckehart der guote de- gen, ' den wir in strite sin gewegen, wir werden so von in geslagen daz man des maere hoeret sagen.' des erlachte Imb recke. Regentage der recke der nam daz zeichen an die hant. Rüedeger der wlgant der sprach ir sult noch riten niht, unz iegelicher sich besiht wä er süle wenden hin.' sin rät und ouch sin wiser sin behielt aldä vil maneges leben, nu sach er einen vanens weben, ein lützel ruorte den der wint. 'hie kumet daz Alpkeres kint,' sprach der marcgräve riche , ' mit spangen snegeliche , im volget her von Spanje- lant. 101» die ersten tjost sol mm hant tuon vor der Hiunen her : dar nach rihten sich ze wer die Hiunen. swiemanhiegetuo, sö muoz ich Walthere zuo , sit mich des wolde niht erlän des fürsten Dietriches man.' Do sprach der recke Dietleip mir ist doch lange her geseit, und hörte in selbe des verjehen, dö ich in naehste hän gesehen dö ich reit zuo der Hiunen lant, daz Walther der wigant waere miner basen kint. der maere verjach im sint Riterolf der vater sin 'sin muoter was diu s wester min. wie sich daz verkeret hat daz er nu Gunthere gestät ! er füert ein kreftige schar, wir solden einen boten dar senden der im künde gesagen daz wir im holden willen tragen, swie halt uns der helt getuo.' Rüedeger der gap duo eines lörboumes zwi einem garzün, der stuont da bi und hörte gar diu maere waz hin enboten waere : der lief dö balde vor in dar. Walther hielt vor siner schar sam ernustrites wolde phlegen der Hiunen, unde sach der de- gen den boten tragen an der hant. daz er im waere dar gesant , des verdähte er sich duo : er sprach dem boten balde zuo ' saget an, waz maere bringet ir ?' er sprach 'herre, zeiget mir hie den künec von Spanjelant. dem habent die zwene mich ge- sant, Bitrolf und Dietleip der degen, durch wenerwellesichbewegen sö guoter Munde sö si sint.' dö sprach daz Alpkeres kint 'ich bin Walther genant. sö sl iu daz bekant daz si bede klagent daz, daz ir in alsö sit gehaz dazirdurchiemansibestät 101" und die verchsippe lät

zwischen iu und slnem kinde. die helde und ir gesinde , die waeren iu vil gerne bi: daz ir si liezet schaden fri , daz wolden si ze liebe hän.' dö sprach der tugenthafte man so brauche ich min sicherheil, wurde ez nimmer in geseit, minem 03heim und dem sune sin, so leiste ich in die triuwe min die wile ichz leben mac gehän. wie wolde er sinen wirt verlän scharn : der im schankte sinen win? ich hete die nahtselde sin vil undegenliche genomen, wold ich im niht ze helfe kö- rnen.' Zuo dem boten er dö sprach ich leiste des ich im verjach , dö ich nu jungest von im reit im sol daz niht wesen leit swa er hcere von iemannessage daz ich lop unde kröne trage, geselle, got gesegene dich , und bite daz niht zürnen mich minneveund ouch dervatersin. dar under si suln hüeten min swä wir uns samenen in den sö sol ouch ich daz wol bewarn daz in min kraft iht widerstö; ja bestüende ich einen Krie- chen eV Der böte bräht diu maere dan, als er im hete kunt getan, dö dühte dise helde guot Waltheres sin und ouch sin muot. der Hiunen venre zuo in sprach dö er si widerriten sach ir helde, habt noch langer hie. an den ich guoten willen nie erwerben künde in minen ta- gen, ob den sih ich ein zeichen wa- gen: daz ist üz Beheim Witzlän und ouch sin bruoder Poytän. daz wizzet, helde maere, vil guote sturmaere sinl die helde üz Beheimlant. dem si niht rehte sint bekant , der warte an jeniu linden ris, dar under si versuochent prls. daz ir zeichen wtet der wint: daz si übele nächgeburen sint, daz hän ich ofte wol gesehen.' 'wäfen, waz sol hie gesche- hen?' sprach der küene Wolfhart, 'ez mac niht heizen hervart da nieman diu geliche tuot daz im der sin und der muot inder gegen strite ste. mir tuot daz haben alsö we* sam ob ich vaehte disen tac' sin oeheim hin ze im zornes phlac. Dö sprach der alte Hildebrant 'lebte der helt von Püllelant, ir sliefet sanfter noch dri tage

dann ir gähtet gegen sinem slage. swie gäch iu si zer vinde schar, nu hüetet des daz wir gewar iht werden iu wers vvichens dan.' dö sprach der grimmige man nu enwelle got daz daz ge- schehe dazz mannes ouge immer sehe.' Rüedeger der degen guot sprach ich waene , keinen muot die helde haben dazs unsbestän. dar umbe sul wirz niht län, wir riten zuo in näher baz. als in der helt geriet daz, Dö kömens alle üf diu marc. Sindolt der helt vü starc der Burgonde zeichen truoc: dö ruofte er lüte genuoc wol nf , ir Wigande , an maneger helde hande sihe ich schefte mit den spern. die ich ze strite ie hörte gern, daz mugen si wol vinden hie.' Sifrit dö daz niht enlie , er zucte den schilt für sinehant. von iegelicher fürsten lant die recken täten alle sam. ein böte des wol war genam und sagte Brünhilde daz: in diu venster aber gesaz diu wirtinne unde manic wlp, wan der küniginne lip von Pulle : der was also gesche- hen daz si niht strites wolde sehen. swelhiu d«t friunde mohte hän, diu haete ungerne daz verlän sin hsete in gewünschet dö daz si wider koemen frö. Nu riten , als ich iu hän geseit, die küenen recken vil gemeit zuo einander mit ir schar. Rüedeger wart wol gewar wä Gunther der künic reit under einem schilde breit verre vor siner schar: dö zeigte er Dietleibe dar. dö sprach der marcgräve wis 'hie sol pris wider pris versuochen der guoten helde hant.' dö hete ouch sines Schildes rant für sich gedrücket Gernöt. ein adelar von golde rot Dietleibe dem jungen für die brüst was betwungen. zehant dö hiu er daz marc. Biterolf der helt starc erkande wol den sinen : Gunther liez dö schinen , und ouch sin bruoder Gernöt, dö man si tjoste ane bot, daz siz wol holn künden, die viere wurden funden in beweger ritterschaft , daz man von der helde kraft die stiche hörte erhellen, sich gesamente nach den sn eilen ir volc mit einer grözen kraft, dö ir ietweders schaft ze stücken wart über sie,

dö bertens ir gesmfde hie mit alsö ritterlichen siegen als die wol strites künden phle- gen. her Dietrich hete wol gese- hen, wa2 von den helden was gesche- hen: dö nam er Sifrides war. der helt was uz siner schar von den andern geriten : dö kam in höchvertigen siten gen im daz Sigelinde kint. alsam ez waete der wint, sö balde truogen si diu marc. ir tjoste wurden alsö starc daz ez als ein doner hal. dar nach sach man in vil gezal diu swert erwägen an der hant. dö kam von Amelunge lant daz Dietriches gesinde, dem sune Sigelinde kämen ouch die sine man. swaz man strites ie began , daz was wider disen ein wint. dö sach daz Alpkeres kint der maregrave Rüedeger: die Etzein helde liez er unde reit Waltheren an. dö hete ouch sin der junge man vor den Hiunen war geno- men: si muosten zuo einander kö- rnen als ez den helden wol gezam. daz da den töt niht ennam der maregrave here, des wundert mich vil sere. ouch kom im ze heile daz , daz üf dem rosse gesaz der maregrave riche. ze helfe im snellicliche körnen dö die sine man: haet er den niderwanc getan , sö künde er nimmer sin gene- sen. wie mohteez grimmer gewesen, dö ez diu Rüedegeres hant versuochte an den von Span- jelant. Witege unde ouch Hagene , die überm üe ten degene , die wären zuo einander komen. wart ie tjoste war genomen , sö mohte man die gerne sehen diu von in beiden was gesche- hen. Heime unde Rümolt einander niht wären holt: von ir beider krefte wurden der helde schefte gebrochen da ze stücken gar. dö wart Rienolt gewar der helde üz Püllelanden: die fürsten an ir handen bede geneigten dö ir sper. dö kam gevarn gen in her Von Burgonden Gere. ob Stuotfuhs der here noch gesunde wasre, sö niöhten die helde maere nimmer baz zesamene komen. Gere die tjoste hete genomen von Rienolde dem riehen : üf Randolt herlichen het einer uz Püjlelant

den schafl geneiget an der hant, in beiden strühten diu marc dö wart ein strit vil starc den nieman künde gescheiden. dö körnen zuo den beiden, Liudegaste und Liudegere, die jungen künege here von den Harlungen. die buckel lute erklungen dö si geneigten diu sper. nach ir iegcliches ger verstächen si ir schefte. Eckehart mit siner krefte einen sd dä nider stach daz er nimmer wort ensprach. Hache unde Herdegen , mit stiche und mit swertes sie- gen bestuonden si die Sahsen : von swerten wol gewahsen hört man siege erhellen, ouch werten sich die snellen. dar was ouch nu Bloedel kö- rnen: ja hete man vil wol vernomen daz er ein recke waere. Witzlän der maere der hielt im hie begegene. si b£de unde ir degene zuo einander wären komen; dä wart schaden vil genomen von flatschen die vil sere sniten. die Vlächen kämen in geriten mit manegem h um inen bogen, die wären höhe üf gezogen ze schuzze: manege phile die sach man an der wile sö dicke von der senewen gän sam ofte der sn£ hät getan, dä den tribet der wint. des muost vil maneger muoter kint mit schaden rümen diu marc, des wart der schade harte starc. als si des heten dä gedäht, Wahsmuot hete In bräht die stolzen Harlunge. dö sach der degen junge Herbort von Tenelant und Boppen den wigant, dar gähte er unde Eckebart: ich sihe ir einen der mir wart ge wegen hie ze teile. nu ist an dlnem heile daz Boppe ritet neben im : swenne ich mit der tjoste nim den voget üzer Tenelant, sö habe dir disen wigant : dar gähe degenliche üf in. dar under habe dinen sin : ezsintzwenedieköenestenman der ich noch künde ie gewan.' Als daz Wahsmuot gesprach, über Schildes rant er gesach als er ein lewe waere. er und Eckehart der maere sprancten mit ir beider man die von Tenelanden an, die heten ouch geneiget, ir wille wart erzeiget an den guoten helden sider: Boppe stach Eckeharten nider. von den schulden daz gescbach daz Ruschen daz fürbüege brach: alsö was sin ros genant.

Herbort der wtgant stach üf Wahsmuoten , einen helt vil guoten , daz mit dem hindern satelbogen, als er waere dar geflogen, der helt zer erden gespranc. vil manic swert ob im erklanc: man wolt si hän gevangen. daz möhte sin ergangen: dar kam der alte Regentac, der manegen h£rüchen slac bi siner bruoder kinden sluoc. des was den helden not genuoc. dö Hache Eckeharten sach daz im siner helfe not geschach, dö kam er sinem kinde mit stolzem ingesinde , mit tüsent Harlunge man. diu ros man widere gewan Eckeharten und Wahsmuoten : vil manegen heim guoten sach man von siegen bresten, da si mit scharn vesten üf einander wären komen. des wart lützelfrumegenomen ; wol mohte schade d ä geschehen, nu hete ouch Berhtunc ge- sehen Den küenen Ortwinen. er und al die sinen drungen vaste zuo in dar: die helme wurden fiuwervar ■ dö si zesamene wären komen, als man wol dicke hat vernomen daz si küene wären beide, nu sach ouch im niht leide Sigestap an Nantwinen : den widerwinnen sinen sach er vor im in der schar, vil schiere kom der helt dar: zuo einander was in ger. verstochen heten si diu sper in alsö kurzer stunde daz man niht kiesen künde wie si in körnen von der hant. Sigestap der wigant üf Nantwinen sluoc, der im vil wenic vertruoc, der bruoder Volcwines , der nieman niht des sines vergebene wolde läzen. mit kreften äne mäzen hörte man erklingen ir swert üf den ringen , des was dö dehein rät. Astolt unde Wolfrät, die widerriten dö zehant den helden üz Beier lant, Elsen und Gelfräten; mit willen si daz täten , wan si wurden zin gewegen. da vaht Astolt der degen sam er erstriten wolde ein lant : daz werte Gelfrätes hant sö er beste künde. Wolfrät ouch zuo der stunde üf Elsen den helt rpit. dö hörte man diu swert gereit durch die schar erdiezen : engelten unde geniezen mohte man ir beider kraft dö kam mit stolzer ritter- schaft Irinc unde Häwart die frou Helche in die hervart bat mit den gesten riten.

dö sähens gen in biten den helt von Lütringen , (dö huop sich michel dringen ,) dem half von Svväbcn Bcrh- tolt. 105» der küniginne Heichen golt dienten die Wigande von hiunischem lande. da wart schaden niht bewart. die da e waren wol geschart, der veste wart durchbrochen. vil manic rinc entlochen wart mit Stichen unde siegen: manegen stritvarwcn degen sach man allenthalben da. die schützen heten nider sä sich von den rossen getan , von bogen und armbrusten gän sach man in der wile vil der scharfen phile. Dö rief von Berne Wicnant 'wie nu, veter Hildebrant, ich sihe Sindolden hie. tätet ir degenes werc ie, daz läzet ouch nu schinen. her Sifrit hat den sinen an unserm vogete funden. hänt si niht tiefer wunden , vil michel wunder mich des hat: ir ietweders swert gät nider sam der schürstein. Helpferich min eeheim hät den vanen an der hant.' waz mac ich des sprach Hil- debrant, wie min herre Dietrich mit Sifride begot nu sich? ez erge ze schaden ode ze frumen, ich muoz ze Sindoide kumen den ich mir dö selbe nam. ich gemache mir in zam od er sieht mir die wunden , daz daz wol wirt erfunden daz ich verrer niht enkan.' do ernande der Dietriches man, üzer Berne Hildebrant, üf Sindolt den wigant da er dö habte in der schar. der luft der wart dö nebelvar dö si üf einander drungen , diu swert vil löte erklungen der zweier fürsten holden. Hildebrant sluoc Sindolden daz er strüchen began ; dö half wider üf dem man sin neve, der junge Hünolt. sich hete der truhsaeze erholt: dö lief er Hildebranden an , des fürsteu Dietriches man, daz alle unde junge, die kücnen Amelunge, des gewis wolden wesen er künde nimmer genesen. Dö sprach der küene Wicnant 'seht ir, bruoder Wolfbrant, wie min veter Hildebrant vor der Sindoldes hant gen uns her gewichen hat?' 'des mac werden guot rät,' sprach der küene Ritschart: 'wir machen eine durchvart daz in gedünnet ir schar/ zehant kerten sie dar, die küenen Wigande von Amelunge lande , Wicher unde Wichart,

Sigeher und Ritschart, schar : Wolfwin unde Wolfbrant, Adelhart der wigant, und ouch der starke Helforlch. für si was her Dietrich gesprungen zuo der vinde dd wart ez allez loucvar von der guoten helde hant. dö heten die von Tenelant die schützen also in getan daz die Etzelen man von Vlächen den landen mit schaden fürder wanden, ouch was der schade von in so starc: manegen man unde marc heten si gescheiden, da von man an den beiden geschozzen manege wunden vant. dö heten die von Spanjelant, als wir diu m«ere hoeren sagen , baz danne tusent erslagen der hiunischen schützen. swie wol si künden nützen ir hornbogen bi der schar, ir kocher wären laere gar: der was geschozzen von ir bant so vil daz der von Spanjelant vil maneger tot was beliben. des heten si so vil getriben daz von den wunden rossen sider muose vil manic helt nider üf die füeze in die schar. des hete wol genomen war der maregräve Rüedeger, daz Walther der degen her mit den sinen üfez gras von den rossen kumen was. Swaz dö der edel wigant der küenen Hiunen bi im vant, die mante er wol ze strite. siben schar vil wite, die volgeten Rüedegere. BlaBdelin der here, der erbeizte nider neben sin. dö truobte der sunnen schin der nebd von der helde hant. dö kam der helt von Hiunen lant da er Walteren sach. der guote maregräve sprach näher alle die ich hän. kumet der Hildegunde man üz der Guntheres schar, so müezen uns die andern gar bieten hiute ir Sicherheit.' dö Rüedeger der helt gestreit daz er wart Walthere bekant , dö sprach der herre üz Span- jelant ' hie kumet der Gotelinde man : möhte ich mich mit eren dan von dem helde gescheiden, man gesaehe von uns beiden tälanc deheinen swertes swanc. Hildebrant der habe undanc der mich zuo im gemezzen hat : wir hetens bede gerne rät. ich schiet also von Hiunen lant daz mir der maere wigant nie beswärte minen muot: nu muoz ich den helt guot

under minen danc bestan. swaz er mir liebes hat getan , des wolde ich im nu lönen , und künde er min geschönen , sö wurde schaden deste min« er lät mich nu niht komen hin , slt mich der küene hat gesehen, sö muoz under uns geschehen des ich vil gerne enbaere ob ez mir ere waere.' [106 Nu was ouch komen Rüedeger. dö sprach der marcgräve her got weiz , her künec von Span- jelant, hie muoz unser eines hant bejagen schaden oder frumen.' vil manic swert sach man dru- men und bl in beiden bresten, dö man die nötvesten sach zuo einander springen, dö hört man lüte erklingen ir beider wäfen an der hant. dö wurden die von Spanjelant umbe gekeret mit ir schar. ez was vil degenliche dar komen der guote Rüedeger. do versümte sich der künic her daz diu Rüedegeres hant den helt erreichte über rant. er sluoc in durch den heim guot daz im gezwivelt der muot , und sich wunden da versan von dem Etzelen man. Walther der küene wigant huop dö höher an der hant ein schoenez swert daz er truoc: dem marcgräven er daz sluoc durch schilt und durch sarwät, do er des niht mohte haben rat, daz sere sweizen began des künic Etzelen man. ouch was Waitherworden wunt dö kam in vil gäher stunt der herzöge Rämunc und ander manic helt junc , die drungen Rüedegere von dem künege here : dö weich der Hildegunde man von Etzelen schar dan. BloRdelin was ouch nu komen, des hete sin vint war genomen , A Irnfrit und her Irinc: vil maneger halsberge rinc si frumten da verhouwen. do genöz siner trouwen der marcgräve riche : si hülfen vil friuntliche dem guoten recken üz der schar, sin wät was alliu bluotvar. sin wunde wart gebunden, mit den wol gesunden ilte er wider in den strit 107» tief lanc unde wit wart sit maneger geslagen : ez wolden nieman niht vertra- gen die helde üz Burgonde lant. wie dicke ez Dietleibes hant versuochte bi Dietriche ! si gestuonden friuntliche in dem strite einander bi. swie man welle daz niht si ieman küener da gewesen , si liezen manegen da genesen , die eilen truogen ouch als sie:

der sach man dort unde hie vil manegen küenen wigant. die helde üz Lamparten lant die wären in die schar komen : wart grözes klanges iht verno- men, ich w?cn, man den da vinde. Ermriches ingesinden truogen schilde noch enhant. unmüezic man die knehte vant: diu ros si zugen von in dan allenthalben üf dem plan. Die ritter wären nider komen und heten für ir brüst genomen die schilde gen dem strite. des heres die vier site daz volc was gemischet gar. durch der Püllaere schar brach Witege unde Berhtunc, dö muose alt unde junc sterben von ir ecken und veige gelicken. dä gelac vil manic man. ouch körnen die von Meilän, die herzogen beide , die täten vil der leide den Guntheres gesten. vil manegen rinc vesten die helde dö durchsluogen , diu swertes ecke truogen nach in daz Oiezende bluot. Heime der helt guot der tete mit Magelringen daz man vil ofte erklingen hört daz swert an siner hant. er kam dä er Rümolden vant, üf den was im geräten : die helde dez beste täten daz si an den ziten künden. I07 in grözer wer wart funden der Guntheres ambetman , vil lützel pris im an gewan Heime der wigant: von des kuchenmeisters hant wart er wol beräten. er gap dä für die bräten die verchtiefen wunden, swie dicke Heime funden wurde in heldes mäzen, er hete nu gerne läzen den kuchenmeister under we- gen. wäre Witege der degen im ze helfe niht komen , sö wien im hete den Up benomen der maere degen Rümolt: er diente dez Gernötes golt so ez guoten knehten wol gezam. Witege im Heimen benam mit vil ungefuegen siegen. daz sach Hagene der degen : Er und der küene Ortwin und Hünolt der neve sin dar näher balde sprungen. mit Hünolde dem jungen was ouch Sindolt dar komen ; si wolden gerne hän benomen Witegen sine übermuot. Hagene der helt guot, zuo dem recken er dö spranc, manegen stich unde swanc frumte der Guntheres man. swie dicke Witege hete getan daz man für wunder hätgeseit, si muosten mit ir schare breit wider wichen hinder sich ,

die recken alsö lobelich , Witege unde Berhtunc , Heime der helt junc, Randolt unde Rienolt: wan der küene Rümolt gröze helfe dd gewan. dö spranc ouch näher zuo in dan Gunther unde Gernöt. sich werten , wan des gienc in nöt, die übermüeten recken : vil manegen schilt decken sach man da mit fiure; der strit wart ungehiure. Do sach der küene Wolf- hart 108» vil manegen guoten heim schart von des kuchenmeisters hant. einen ruozvarwen rant sach er den selben helt tragen : er begunde ez sinen friunden sagen 'seht ir daz, her Hildebrant? dort ist einem uf den rant zinment als der kraphen streut : ich waen ez lützel uns gefreut, ein kröuwel obene dar an stät den einez in der hant hat nach menschlichem bilde. ich waen ein lewe wilde alsö grimme nie gestreit. daz im got gebe leit! wie wir sin beraten von sinen rouwen braten! dö sprach zehant der Wülfinc ' mir liebent vaste disiu dinc daz daz hiute ist geschehen daz ich wichen han gesehen Witegen und Heimenden (legen, ich hört si ie sich selben wegen wider ein breitez her: nu sint si körne mit ir wer von dem kuchenmeister komen daz si niht schaden hant genu- inen.' Lüte sprach dö Hildebrant 'der helt uz Amelunge lant sol si widerbringen des höhen ir gedingen mit den guoten Wiganden üz sines vater landen/ des volgete im dö Dietrich: mit einer schar vil lobelich des fürsten Dietniäres suon begunde vaste nider tuon die edelen Wigande von Burgonde lande, in den strit spranc Hildebrant und Wolf hart der wfgant , Sigeher und Ritschart, und ouch der küene Adelhart , Wicher unde Wicnant , Wolf win unde Wolf brant , Helpherich und Helmnöt da mohte vil wol der töt erbouwen sine sträze. mit Sterke äne maze Sigestap und Gerbart , die truogen bede ungespart diu guoten swert an der hant. der herre üz Amelunge lant, der stuont vor in als ein berc. da sach man ellenthaftiu werc [Dö kam der degen Dietleip.

der ditze maere erste schreip, dem muose ez wesen wol be- kant. hei wie Biterolfes hant half da sinem kinde \ ja waen man inder vinde an deheinem maere dä sö vil recken von maneger fürsten landen komen , sö mit disen Wiganden.] Von den Harlungen. Fritelen dem jungen unde ouch Imb recken, den volgeten die recken Wahsmuot unde Rimstein. ez warn der tac nie beschein bezzer Wigande, von Harlunge lande Hache unde Eckehart, die taten vil der ringe schart, nu was ouch Herbort dar der hete diu maere wol verno- men daz Gunther umbestanden von den besten Wiganden üz al dem her waere. dö hörte ouch disiu maere Sifrit uz Niderlant : uf geworfen an der hant daz swert er vil höhe truoc: er machte im rümes genuoc beidenthalp der hende. vil manegen an den ende liez er hinder im bestan. von im wart gröz helfe getan den sinen konemägen: jä dorften si niht fragen bezzers friundes danne er was. hei wie lötzel ir genas die er begreif mit den siegen ! sö ritterliche kom der degen Gunthare dem vil riehen, gen strite lobellchen vant er die fürsten b£de stan. dö hete der könic Witzlän sins wirtes angest verno- men; mit al den sinen was er komen die si ze helfe mohten hän, er und sin bruoder Poytän, Si brächen durch vil manege schar. si körnen sö krefticlichen dar daz si der künic gerne sach. alsö balde und dazgeschach, dö kämen die vil küenen man , von den ouch wunder wart ge- tan, Wolfrat unde Astolt: die dorften Etzelen golt niht dar umbe hän genomen daz von in beiden waere komen sö maneger uf den ende, si truogen an ir hende diu scharfen snidende swert, si drungen vaste darewert da si an den stunden Dietleiben funden stende vil herrliche bi dem herren Dietriche, dö körnen die Wigande von hiunischem lande Gotele unde Sigeher. waere diu Guntheres wer deste groezer niht gewesen,

sö künden nimmer sin genesen die von Burgonde lant. mit gedrenge man dö vant Elsen und Gelphräten : mit willen si daz täten daz si verenden künden ; die tiefen verchwnnden frumten die Wigande von Beiern deme lande. Üz Begensburc Nantwin, er und die gesellen sin wären üz der rede komen, swaz ie in ro übe wart genomen, daz si nu des gerten niht. von schaden kos man dö ge- schiht allenthalben in der schar. die Sahsen und die Swäbe dar ze strite drungen unervorht , dä wart gröz wunder geworht von der guoten recken haut, von Stirmarke Hadebrant der sluoc vi! manege wunden, an den selben stunden gähte dar her Liudeger : des vant man manegen degen her bi in ligen in der schar. si brähten manegen ritter dar , er und sin bruoder Liudegast. si truogen alle den last der sorge über rücke, si hiewen manege lücke mitswerten dö durch unt durch, von bluote dä manic furch sach man fliezen den tac: slac wider slage gelac. ouch wart vil manic heim schart, dö mit gedrenge bräht wart der Swäbe herre Berhtolt. Düringe, Hessen äne solt vähten als si künden, in strite wurden funden die stolzen Missenaere : von Surben helde maere und die von Elsäzen, über Schildes rant si mäzen manege wunde vil wit. ouch kam von Francriche sit vil manic tiurlicher degen : dä was in Waltheres phlegen von Arragün manec heit guot. Nävarren heten übelen muot: si fundenz rühez vor in dä , si waeren sanfter anderswä. dö man sach in widerwer also maneger fürsten her, dö hört man allenthalben klanc über kurz und über lanc. also wit vant man die schar, jene her und dise dar, also phlägen sis den tac: vil iützel ieman des bewac, daz velt lac der töten vol. ez stüende den künegen wol daz si müesten gisel geben, daz man deheine lieze leben. Biterolf der helt ersach daz michel wunder hie geschach von Sigeinundes kinde: er gedähte im harte swinde daz er in lobte e bestän. dö was ouch Heime gegän dä Ilelpherichdenvanentruoc:

im sagte schiere genuoc Biterolf der wigant daz er den von Niderlant alzehant wolde bestän. deste näher wolde er gän, sprach der Ermenriches degen, ' ob ich iu schaden müge gewe- gen.' in hazlichem zorne zucte üf daz einhorne Biterolf der wigant ; da mit was im der Schildes rant verdact , swä in der helt truoc dö dranc er vaste genuoc da er Sifride vant. dö sach der künec von Niderlant, er waere übele gemuot : dö warp der helt guot mit erbürtera schilde , dar üz daz fiuwer wilde sere stieben began. Biterolf der küene man üf Sifriden sluoc, daz man louges genuoc brehen ob dem schilde vant. Sifrit der küene wigant sluoc im durch daz einhorne daz von des küenen recken zorne der schilt erliuhten began. Bitrolf der vil küene man versuochte ez aber mere : der stolze degen höre durch Sifrides kröne sluoc daz edeler steine genuoc draete gegen dem ecke , lüter ane Hecke. daz swert was lanc unde breit. daz er den helt niht versneit, des zurnde Biterolf der degen. dö hete höhe üf erwegen Sifrit der degen junge den starken Balmunge: Er sluoc den kreftigen man daz er niht mohte vor gestän dem Sigemundes kinde. daz Etzein ingesinde mohte scheiden niht den haz : Heime der gesach daz , des künic Ermenriches man , daz harte wichen began degen , Biterolf der maere. in zorne vreidebaere [ was Heime der küene degen ; mit vil ungefüegen siegen sö lief er Sifriden an. dö stuont der erbaere man geneiget übers Schildes rant: Heime der wigant sluoc üf den degen maere. daz swert daz was vil swaere daz er truoc an der hant : ez hete der küene wigant vil schiere dürkel getan slnen schilt woigetän mit vil kreftigen siegen. doch schirmte im der küene Sifrit, daz er vernaeme ob im daz eilen zaeme. In unmuoze fragen er began 'ir sult mich künde läzen hän, recke, wie sit ir genant? gerne haete ich daz erkant.' 'ich heize Heime' sprach der degen.

sö sol vor den iuwern siegen sprach der Krimhilde man, 'in sorgen nimmer könec ge- stän. wan iu ist gewizzen,' sprach der helt vermezzen, 'der von arde ein künic si, dem sult ir wan siege dri bieten und deheinen mer; degen , wan ir sit, sprach der fürste her, ' eines köneges eigen man, ir sult von mir wichen dan. slaht ir üf mich iht mere , ir verlieset Hp und ere.' dö sprach Heime der degen 'der ungeföege ich hän ge- phlegen bi guoten helden manegen tac, daz dicke mfn nitslac üf riehen könegen ist gelegen, daz mich deheiner,' sprach der 'gesmähte nie sö sere: nu sol ich deste mere der ungeföege hie begän.' daz werte der Krimhilde man und sluoc daz Madelgeres kint daz er als ein rat sint vor dem beide umbe gic. Heime däht 'ja sol ich hie nu niht langer bi im wesen, ob ich gerne welle genesen.' Von im dan kerte der de- gen, 111» dö er den Sifrides siegen niht entroute vor gestän. dö sprach der Dietriches man, der vil kuene Wolfhart 'nu schouwet wie die widervart Heime hät gewunnen. im ist ein teil zerunnen der sinen grözen höchmuot.' daz erhörte der helt guot , zehant du lief er wider an der schönen Krimhilde man mit manegen kreftigen siegen: wol wiste Sifrit der degen, Nagelrinc sneit sere. Sifrit der vil here Heimen warten dö began. dö er daz wäfen wol getän höhe erburte an der hant , dö sluoc im der wigant einen solhen widerswanc daz Heimen daz swert spranc von dem slage uz der hant. sö starc was der wigant daz ez diu kraft üf truoc, (daz sähen helde da genuoc,) daz ez von im drsete, als ez der winl wsete, in dem lüfte lange. von des swertes klänge wart es Hildebrant gewar. er zeigte den andern allen dar, Er sprach 'seht, herre Dietrich, nu tuot uns allen freuden wich Heimen ubermueter zorn. wie wunderliche er hat verlorn den guoten Nagelringen ! daz hörte ich löte erklingen, ez sluoc im öz der sinen hant der recke dä von Niderlant: ez flouc wol über dri schar, werdent sin die vinde gewar,

ich läze iuch daz wol kiesen daz wir den sige Verliesen, wan wirt ez Gernöten, sö kunnen wir die «töten gähes nimmer begraben , die wir danne von im haben; begrift ez aber Gunther, so wirt daz volc äne wer daz im danne vor gestät. l ir helde, habet des minen rät und gähet hinewerte alle nach dem swerte; ich kere umbe mit der schar/ dö truoc mau den vanen dar des fürsteu von Berne: si täten alle gerne daz in Hildebjant gebot, lougende fiuwer rot sach man dicke erschinen, dö Dietrich mit den sinen nach dem swerte gienc von dan. dö was der Ermenriches man vil kumc von Sifride komen daz er den tot niht hete geno- men. Dö brach der grimme wigant einem ein wäfen von der hant der vor im dar nider lac. manegen kreftigen slac sluoc der Madelgcres suon. des begunde war tuon Witege der wigant; er sprach 'der Heimen Schildes rant, der wart nie schart sö sere , ich hau in ouch nie mere noch sö tobendigen gesehen. waz dem helde si geschehen, daz wiste ich harte gerne, ich sihe ouch die von Berne mit swerten üf geworfen gän : des künic Ermenriches man, nu keren alle zuo in. dö hiez er Liutwaren hin daz Ermenriches zeichen tra- gen: die schar wurden durchslagen. Berhtunc der wigant, der helt von Lamparten lant, und Sibechen sun Sabene, die gunden wol ze habene ir herren michel ere; si drungen harte sere mit zweinzic hundert mannen durch den kreiz von dannen. Gunther nam es vil wol war, Witege wiste sie dar. dö wände des der wigant, wand er den helt vonSpanjelant hie vor Dietriche sach, daz durch sinen ungemach alle wolden komen dar. er hiez der Burgonde schar alle keren zuo in hin: nu helft Waltheren von in, sö rehte liep ich iu si: wan gest üende wir im niht bi , sö slüegen in die geste. seht wie der sturmveste vor den andern allen stät, daz er des Kitzel sin hat daz er wiche von in dan.' alle Guntheres man huoben schilde in bcnden.

wer möhte daz verenden? si körnen in den herten strit: zesamene brähten sie sit vierzehener künege hervanen. dd mohte man si iihte ermanen daz grimmer strit von in ge- schach, da iegelich den sinen sach zuo deme er was gezalt. si waeren junc oder alt, si kämen zuo einander gar: so döz ez über ai die schar, sam ez näch doners blicke tuot. wie dicke sich die recken guot mit siegen underliefen! genuoge 'we, we' riefen: die andern sprächen 'näher dar!' sich heten alle die schar gesamenet da daz swert lac: vil maneges jungester tac was im unz dar gespart. daz velt über al dö wart geverwet mit dem bluote : da stürben helde guote. Waz mac ich mere da von sagen ? wart ie frouwen tröst erslagen, der was maneger da gelegen , wan si der bluotige regen vaste nider hete getän. dö was üf daz swert gegän her Dietrich unde sine man, und wolden gerne tragen dan den guoten Nagelringen, da hört man iüte erklingen den vesten Balmungen von Sifride dem jungen , der hete Dietrich ersehen, swaz e von in was geschehen, daz was allez nu ein niht gen der tätlichen phliht heten vaste die gewant, sö die helde üz Niderlant von dem swerte drungen. von Sifride dem jungen her Dietrich wart bestanden; den sinen Wiganden was niuwan schouwen da ge- schehen, ez gehörte nieman jenen von strite sö angestlichen. ir deweder dem andern entwi- chen wolde niht eins fuozes breit. ir ietweders swert sneit den guoten helden an der hant also daz ietweder lant da mite möhte ertwingen. vil sere sach man dringen den starken Sifriden dan einen den küenesten man den man in strite ie bevant, daz was vou Ameluuge lant der tugentüche Dietrich: vaste muoste er hinder sich vor dem. starken Sifride gän. er und alle sine man , die wurden sö gedrungen daz ez den Amelungen bi ir ziteu nie geschach. swie helflich man bi in sach die von Lamparten laut, swie lüte man an Witegen hant oft hörte erklingen den guoten Mimmingen, doch muoste er dringen von in doln.

sich enkunde nie erholn Sabene unde Berhtunc , und Liutwar der helt junc, si muosten rümen den kreiz. ez wart vil angeblichen heiz den recken uz Berne: si tätenz viJ ungerne daz si sö muosten wichen mit dem herren Dietrichen. Man sach toumende stän des rarsten Dietriches man: swaz si ie siges hetengenomen, ez was in dar zuo nu komen daz si müete diu Hinvart, daz ir ie gedäht wart. jaria; sprach Wolfhart, 13' 'und haete ich die widervart mit minen eren nu getan, Körne unde Laträn gaeb ich dar umbe, und waere ez min. ich waene daz wir soiden sfn unserthalp des heres tröst, ir aller ze vorderöst. ach, ach, daz ez ie geschach : ez gent sam krebzen üz dem bach min herre und alle sine man von siegen rückfclingen dan. schämt iuch, rarste Dietrich! ez was ie unlobelich swä helde in strite erblichen und undegenliche entwichen/ Diu rede tele im niht ze wol. Dietrich rouch sam ein kol, dö ditze Wolfhart gesprach. swie sere man Sifride sach üf sine vinde dringen, sinen höhgedingen muose der helt nu nider län. wie grimme zürnen began des künic Dietraäres kint! den heizen huwerröten wint sach man erlougen sä zehant: dö her Dietrich wart ermant von der Wolfhartes zihte da , dö wolde er von der schäme sä scheiden ob er künde. sich wolde da zestunde des erholn her Dietrich: Sifriden den helt vil lobelich , den begunde der degen here dringen also sere als er von im gedrungen wart ; er muose ouch die widervart nach der krebze site gän. swaz ie in strite wart getan, sö künde nieman des gejehen , der den von Wormez hete ge- sehen, daz man bi iemens stunden hertern hete funden dan von helden da geschach. Hagene Witegen sten sach vor andern Ermenriches man: dö lief er den helt an in zornigem muote. Witege der unguote , höhe höt er im den rant: dö sluoc Hagene der wigant einen sö krefticlichen swanc daz er im den schilt lanc unz üf den slangen versneit. wser Hagenen tot niht sö leit

dö gewesen Ortwine , sö het Witege swert daz sine durch Hagenen houbet gesla- gen und hetc daz swert dan getragen mit im in dem schilde, wan ez der muotes wilde ein teil ze tiefe gesluoc: starker zucke genuoc muose tuon dö Ilagene , e erz nam dem degene. des half im dö Ortwin daz Hagene daz swert sin sagen : mit not wider da gewan. noch sach man bi einander stän Sifride und Dietriche, in beden angestliche. Nu was ouch komen Diet- leip. dä von unmüezic beleip Gunther der künic riche : zesamene hezzicliche die zwene helde sprungen. Dietleip den jungen sach man striten sö , den de- gen: haet im mit künste niht gewe- gen Gunther, sö hete er in erslagen. hie muget ir wunder ho»ren ßitrolf zuo Gernöte spranc, helme diezn unt swerte klanc hört man von in beiden sä. Walther von Spanjc was ouch da: zuo dem spranc ouch Rfledeger, swie im e der künic her ein wunden haste geslagen. swer ez sach, der mohte wol sagen daz der degen maere vil un verzaget waere. Die Harlungc wären komen da man wolde han genomen daz Heimen swert üf dem plän. dar umbe ouch wären dar ge- gän Liudeger und Liudegast, dä von vil manic heim brast : zuo den sach man dringen, des huop sich swerte klingen, Fritelen und Imbrecken: ja bestuonden dä die recken mit nide einander in der schar. der küene Herbort kam ouch dar und Boppe üz Tenelant: iegelich den sinen vant der im in stürme was gezalt. swie si wären gestalt , si kämen zuo einander dä : ir deheiner hete nie anderswä sö starken veltstrit funden. man sach bl den stunden vierzehen kunege zeichen tragen sö nähen dazs anander wagen muosten in dem gedrenge. daz velt wart in ze enge: die gerne wichen wolden , die cnwisten war si sohlen. Nu was der herre Dietrich durch sinen muot gremlfch erhertet in den sinnen

daz er mit unminnen vil guoten rüm wolde hau , swä si giengen üf dem plan, als wir daz nwere han vernomen, dö was her Sifrit komen da Nagelrinc daz swert lac. daz erz niht üz dem bluote wac, daz machte dazz der wigant da vor hete niht erkant : er was im doch sö nahen komen daz er cz hete wol genomen. dö warn ouch allen enden dar die recken kumen mit ir schar, da wart sö vil swerte erlöst daz ir keiner hete tröst , ern möhte töter da bestän. dö wart der Krimhilde man wider ab dem swerte gedrun- gen, daz tete mit den Amelungen üzer Berne Dietrich. Hildebrant der degen lobelich der sach in bluote ligen naz wol hundert wäfen oder baz. war ir herren wären komen, des enhän ich niht vernomen. Dö sach meister Hildebrant daz swert daz uz der Heimen hant mit grözer krefte wart geslagen. daz begunde er dö sagen sinem herren Dietriche. dö sprach der fürste riche zeiget mirz , her Hildebrant.' sä dö winkte er mit der hant dem Dietmäres kinde. der herre und der gesinde begunden überz swert gän. dö erz genomen wolde hän , daz werte im aber Sifrit mit vil ungefücgen sit: der sluoc im alsö manegen slac , da daz swert vor in lac, daz sich an der stunde nie geneigen künde her Dietrich vor der selben nöt. Wolfhart lac sit alsö tot daz im leider nie geschach alsö dö er sinen herren sach so dicke dringen wider dan. der helt dö klagen daz began daz er ze Worraez ie gereit, truoc , dö ruofte in die schar breit üzer Berne Hildebrant 'ir beide üz Amelunge lant, ir sumt iueh gar ze sere. nu helfet , recken here , minem herren Dietrichen daz wir lobelichen tragen Nagelringen hin. ja sult ir, helde, zuo in bi den Amelungen stän ; so geschaffet fride mir der man daz ich ez nime mit miner hant.' die helde begunden alle sant dringen mit Dietrichen : dö muoste üf höher wichen manec ritter sturmveste. der wirt und sine geste warn alle bi einander dä. Dieterich der helt sä daz swert ze beiden handen

die vesten schar er gar durch- sluoc unz daz meister Hildebrant den guoten Nagelringen vant, daz ez der hell guote gezuct da uz dem bluote. des half im wol her Dietrich mit manegen siegen freislich. Do der Dietriches man JNagelringen wider gewan , er warf ez höhe üf in der hant: sus sprach der alte Hildebrant *nu löne iu got, her Dietrich, ez wart nie strit so lobelich gestriten also wol ze rehte vor sö manegem guotem knehte.' daz swert Hildebrant dö truoc und gap ez balde genuoc sinem neven Wolfharten: vil manegen heim scharten frumte dö ir beider hant. daz wart in stürme wol erkant da si diu swert truogen. swie vil si ir gesluogen, dochtete man anderhalben sam: sin lant daz werte äne schäm Gunther der lobeliche. ze strlte sö herliche gesach man nie zer werlde mer. Brünhilt diu kiiniginne her ein teil ir iibermuot vergaz da si in den venstern saz mit andern schienen frouwen. swie sis niht mohlen trouwen, Sö sere tournte daz bluot daz ob den helden vi! guot der sunnen truobte der schin. Gunther mit den friunden sin, die wären vil nach in getan , wan von den übermfieten man Walthere und Herborten : in der mitte und an den orten streit also der helde hant daz her Dietrich und sin Hilde- brant nie bezzers iht getäten, vil engiu phat si traten die dä heten recken namen : sich endorfte ir keiner schämen itewize der in dä geschach. uz den venstern man dö sach die edelen küniginne gän , si sprach wir suln beliben iän daz schouwen des uns was ge- däht: ich wa?n, ez habe in angest bräht vil manegen tiurlichen helt. die uns ze vogete sint er weit , die habentz in, nu wizzet daz, enblanden verre deste baz daz wir hie gesczzen sin , ich und ouch die friunt min. ein teil hän wir sin frume ge- nomen: ob ez ieman si ze schaden kö- rnen, daz ich klage deste min ; ich waen daz si sö scheiden hin daz uns beliben noch diu lant/ die frouwen giengen sa zehant üz den venstern in den palas.

ob iht frouwen von in was, daz mtiese tougen geschehen, daz si die beide möhten sehen. Äne lop wart niht getan, swaz da ir iegelicher man hete began in sturmes not da sö vil lac der helde töt, so wir daz maere ho?ren jehen, so grozer dinge niht gesehen hete ir aller keiniu e. ich waen ouch nimmer mer erge daz under helden daz geschehe daz man so manegen recken sehe sms übes in der freide , daz im diu tageweide des tödes als nähen mohte kö- rnen. wä solde man daz hän verno- men, daz ez ie waere geschehen , des man mit wärheit möhte je- hen, stürm oder veltstrit? ez ist ouch nach den tagen sit vil selten ergangen, si moht des wol belangen die an deme morgen fruo griffen stritlichen zuo : an den ez werte den langen tac daz in da nie niht gelac ir wille noch ir ellens muot. die maere n helde vil guot striten unz inz diu naht benam daz in ruowe niht gezam. Si waren zuo einander kö- rnen, von den ir e habet vernomen, die armen und die riehen, sich künde niht geliehen der nöt so da die helde liten, e si den tac vollen striten, unz inz benam diu vinsternaht. Dietleip niht anders ane vaht wan daz z wischenn heren beiden der strit wart gescheiden mit vil grözen sorgen, unz an den dritten morgen wart der haz dannoch niht län. swaz si da heten alle getan , des gap man ir ieglichem pris. dö rieten die da wären wis daz siz liezen gestan, möht ez an einen fride gän ode an staete süene : daz lobten helde küene , daz ez wol mit eren waere. swie halt Wolfhart der maere nie waere komen an die stat dä er vehtens wurde sat, doch was ermuedet so sin haut daz der maere wigant vil gerne frides jaehe, swie halt der geschaehe. Diu naht gap dd dem strlte fride, daz in diu houbet und diu lide geruotn unz aber morgen fruo. doch gehört dä vestenunge zuo daz den Wiganden von iegelichen landen nie man niht entaete. diu naht beleip vil staete,

wan in der kiinic selbe gebot; den gesten wart ouch nie so nöt, daz in die strites frechen des nahtes torsten brechen. Den fride hetens über al. dö hiez man suochen üf dem wal sagen , die töten und die wunden. swa si die da funden, wie lützel man der ligen lie! daz bluot über die sporn gie den die suochten in dem wal. für den Brünhilde sal (für war sult ir haben daz) von bluote rot unde naz fuort man dar wol tüsent man : doch muost man ir dort mere län die gar ze töde warn erslagen. nu hoeret ouch diu maere wie do taste Rüedeger. durch Etzelen den künic her bat er die sine gesunden daz si der tötwunden nsemen güetlichen war. dö wurden braht zuo in dar der recken üz Hiunen lant verhouwen von der helde haut wol zweinzic hundert oder baz. der edel marcgräve schuof daz, swaz man ir künde fristen mit erzenie listen, daz daz muoste geschehen, si heten alle wol gesehen wie der künic werte sin lant. vil manegen man gesunden vant ligende sam er wäre tot: vor müede liten si die not. swie man geschuof der wunden dinc, die gesunden heten ir gerinc gegen dem fride nu läzen : schade ane mäzen was bedenthalp dä geschehen, do begunde Gunther verjehen, er wolde ez gerne süenen. daz tete er durch die küenen. Nu kam ez an den morgen : des willen unverborgen man noch vil manegen helt vant. dö sprach von der Hiunen lant Rüedeger der riche 'ich schiede ez müeliche. e sol ich hie sehen lan, e staeter fride wirt getan , swaz ich gelobte den frouwen. si dorften mir getrouwen eren anders nimmer niht, ob niht vollicliche geschiht daz ich in geheizen hän. von frouwen was ich umbestän, dä si mich bäten al geineine : diu bete was niht ze kleine die ich gen in gelobet hän; und solde ich der hieabegestan. so waere ich immer mer ge- schaut, nu sit ir vaste des gemant . und helfet daz daz gescheht* daz man zuo der porte gesehe mich tragen Brünhilde van; und wizzet äne zwivels wän, swer mir nu hilfet dar zuo daz ich den vanen morgen fruo

vol bringe , als ich gelobet hän, dem wil ich nimmer abe gestän dvtmtittre wie Rüedegcr < Also gienc der wigant • da er Dietleibe vant, durch den er dar was komen. der hete vil schiere vemomen daz er sin gerte in einen strit: daz lobte im güetlichen slt der schoenen Dietlinde kint. Biterolf der sprach sint ' habt ir den vanen so genomen, so müczen zuo einander komen al die besten die wir hän, die sult ir ez wizzen lan.' Hüedeger dö selbe reit, dö ez nu kume was bereit, da er an ir gemache vant die im da volgeten in daz lant, swanne si waren dar komen. die besten wurden dö genomen an ein spräche kleine, er sagte in dö gemeine swes in frou Brünhilt »* k bat , daz erz ir lobte an der stat : 'daz machten edcler fürs tenwip. swer mir nu hilfet daz min lip ungeschendet hinnen vert, ode si mir hie der töt beschert daz daz kurzliche geschehe, ich wil daz man daz hie gesehe, wer sö getriuwen willen hat der mir ze miner not gestat. die rede ich iu bescheiden sol : ez eret alle ritter wol der dienest den man mir hie tuot. triuwen und der eren , swar ich beginne k^ren.' an die porten truoc. ez sol des nieman keinen muot haben der niht fürste si daz' er dem vanen wese bi, sö ich den an die porte trage, vernemet, ir helde, daz ich sage: hat er bürge und fursten lant, sö sol helfen mir sin hant. der sol ich sehs und ahzic hän die mit mir an die porte gän; sö hän ich immer mere beidiu lop und ere.' dö sprach her Dietrich sä ze- hant ich tuon iu m inen willn bekant : durch Gotelint die niftel min sö wil ich bi dem vanen sin selbezehende miner man, den ich diu lant gelihen hän , herzogen und marcgräven kint, die alle in fursten namen sint , Und sage iu wie die sint genant, der erste daz ist Hildebrant, der hilfet iu vil gerne , und Sigestap von Berne: der dritte si Wichart und sin bruoder Gerbart und der marcgräve Wicher und Wicnant der degen her, der sibende daz si Wolfbrant, der helt von Amelunge lant, der ahte daz si Wolfwin und Ritschart der bruoder sin, der zehende daz si Helferich. ich troute wol sprach Dietrich,

'vorm riche daz bewaeren dazs alle ffirsten wahren.' nu erbarmes got, sprach Wolfhart, daz min ungelücke wart ie so gröz bi in inen tagen daz man mich niht kan gesagen ze landes herrn für warheit (daz muoz mir wsrlich wesen leit), daz ich die reise müese bestan. und möhte ich hiute ein lant han, dar umb wold ichs ze wüeste jehen daz man mich da müese sehen/ Des erlachte er Dietrich, dö sprach der fürste lobelich und haete ich niuwan ein lant, daz wolde ich teilen hie zehant, lieber friunt her Wolfhart, ir müezet mit uns an die vart.' Sigestap der sprach duo dem herren Dietrichen zuo der zweier lande , der ich han, der wil ich einez ledic län und wil mich des verzihen: ir sult ez Mute lihen Wolfharlen dem neven min , er muoz ein fürste mit uns sin.' dö neic der küene Wolfhart, er sprach mich sol diu hervart geriuwen nuo deste min.' si giengen mit einander hin. als sich ir Sigestap verzech, Dietrich einz Wolfharten lech mit siben vanen riehen, er dientez ouch herlichen. Do sprach der küene Dietleip da zuo den Bergen beleip mines vater helfe und diu min. doch wil ich selbe dritte sin bi dem vanen, Rücdeger. wir haben hie niht fürsten mer, ez entarten die von Hiunen lande die frou Helene mit uns sande: ich meine Kamungen und Hornbogen den jungen und Irntrit von Dürenge lant und Hawart den wigant und Irinc von Lütringen; und ob sich dar liezen bringen Wolfrät unde Astolt, ich wolde in immer wesen holt, so hete wir zwelf an der schar die wir mit fürsten namen dar brachten volliclichen für ßrünhilt die riehen. man fragt die helde maere, waz ir wille waere: Dö sprach in zühticlichen sit der tiure degen Irnfrit wir wellen Rüedegers gedagen : ja wolden wir ez niht versagen einem dem lindsten man der ritters namen ie gewan.' dö sprach der küene ßerh- tunc wir haben alt unde junc, die fürsten namen sint genant, gefuort üz Lamparten lant zwelif ritt er oder baz.

ich gelobe iu für si alle daz, daz si gerne kom<»nt dar.' der fürsten heteer zu» der schar, der marcgräve Rüedegnr, wol sehs und drizic oder mer. im lohten die Harlunge, die edelen fürsten junge, ietweder selpsehste an die schar komen in fürsten namen dar. dö lobten die von Meilän daz si im koemen mit sehs man daz landes herren mühten sin. dö sprach der fürste Rloedelin ich bringe iu ahte miner man die diu lant mit mir hän von Etzelen dem riehen enphangen fürstlichen. dar zuo sol iu bi gestän ieglicher mit vier siner man, Gotele unde Sigehfrr. die andern suoche Rücdeger , der marcgräve riebe , der tuot ez billiche.' swä si Rüedeger slt nam , dem ieglich wol der name zam daz er fürste hieze, ich wa?ne er des niht lieze, er hete in kurzen stunden sehs und ahzic funden die im wolden niht versagen, si lobten alle mit im tragen den vanen an die müre : sit wart ez in vil süre, die sin dar umbe verjähen daz si gerne frouwen sähen. Der marcgräve dö sande einen boten von Hiunen lande Gunthare dem riehen und hiez bescheidenlichen im künden disiu m«ere, waz dort gelobet wsere : daz er beliben liez sin her, und daz er rihte sich ze wer mit als manegem Wigande, der iegelich ob lande ze herren wajre genant ode anders sus waere erkant daz si hiezen fürsten kint. Gunther der sprach sint der wsen wir inder drizic hän.' dö sprach der Hildegunde man, Walt her von Spanjelant < nu bin ich eine doch genant über zehen künege riche : ich wil iu sicherliche bi mir zeigen zweinzic man die laut und fürsten namen hän. Dö sprach der herre Sifrit in einem höchvertigen sit 'ich boute e eine gräfschaft, e wir des wurden lügehaft, wirn gewunnen sam manegen man. driu künicriche diu ich hän müezen werden zwelf herzen- tuom, e daz si haeten den ruom daz wir gestriten möhten niht. swaz halt andere hie geschiht, man sol uns bi einander sehen, hoert wes iu die andern jehen , die ouch fürsten sint genant. der wirt sande sä zehant

nach beiden die er hete da : swa die wären anderswä , die hiez er im bringen, er sagte in den gedingen den Rüedgerheteufritterschaft. Witzlän sprach 'wir hän wol kraft mit fürsten ouch alsö sie , oder wir hän mere hie. ich sage iu wen ich bringe dar, swie ez halt anders hie gevar, die mit mir müezen uz dem tor. da ist Ladislau und Ratebor, Schirn unde Sy tomer: ez gefuorten künege nie her, si entorsten wol geriten in. Stoyne muoz ouch da hin. ich und min bruoder Poytän , mit zwelven den unsern man so wern wir den höhen muot.' alsö sprach der helt guot. Dö kam der helt von Tene- lant. Herbort sprach sä zehant ' ich gestreit so gerne nie.' ouch stuonden bl dem künege hie Liudegast und Liudeger. si jähen daz si heten mer wol hundert recken oder baz (der wirt vil gerne hörte daz) die fürsten waeren wol genant, die solden wern im sin lant. die benande man dö gar. dö hiez der wirt der sinen schar einen vanen ane binden : % si wolden niht erwinden , sin tajten des er si gebat. der böte huop sich von der stat und sagte Rüedege>e, dem marcgräven here , daz er kceme sö in diuhte guot. die geste wurden höchgemuot, dö sprach der marcgräve rieh 'ir mseren helde lobelich, von schulden ich iueh fragen sol: an wemgevelletiudazwol der den vanen vor uns trage? ich wil daz mans im danc sage/ dö sprach der herre Dietrich daz tuo min friunt Helpferich. swa müede der degen junc, dä neme in danne Berhtunc, des lesten trage in Rüedeger.' dö sprach der marcgräve her daz ist ein friuntlicher rät, wan mich sin harter bestät dann ander hie deheinen man. dä von daz ich in genomen hän von Brünhilde der riehen, des trage ich in billichen.' si körnen al besunder. die andern hete wunder daz ez alsö gelobet wart : genuoge waeren an die vart gerne mit in , möhte ez sin. 'ich hän des den eit min geboten,' sprach dö Rüedeger, daz unser keiner wurde mer wan sehs unde ahzic man , die mit dem vanen solden gan gen dem palas an daz tor.

man enwciz uns niht hie vor: des wirz von schulden müezen län.' dö sprach der Dietriches man, der ungemuote Wolfhart 'swie ich gctuo die widervart, min wille der stet alsö dar daz si des werdent wol gewar.' Witege der sprach duo dem herren Dietrichen zuo Heime der helt guot der wil daz ir sinen muot, fürste, senftet da mite, und tuot des iuch der helt hite oh daz fuoge möhte han : swie mit grözer not dan Hildebrant sin swert truoc daz im Sifrit üzder hende sluoc , daz hete gerne nu der degen: so möhte er deste haz gewegen sinem übe wunden, swä in die vinde fundcn.' dö sprach der herre Hildebrant ich solz tragen an miner hant unz daz urliuge ein ende hat, s wie ez halt darnach ergät. verteilent ez die recken mir, daz swert gibe ich danne dir: e kumet ez niht von miner hant unz wir rumen ditze lant. Swaz ieman dö dar umbe ge- sprach, swie her Dietrich des verjach daz ez ein gesinde waere , Hildebrant der imcre der liez ez alsö hine gän. der künic Ermenriohes man der kam dö mit in in den strit wol und ritterlichen slt. ez wart in kurzen stunden an einen schaft gebunden der vane vaster dennoch £. dö sümten si sich niht me, si schuofen daz man schefte ir iegeliches krefte nach siner mäze fuorte mite : der gerner mit dem swerte strite, si fundens wol die State aldä. vor ir hütten sach man sä gesatelt ziehen in diu marc. gesach ie mannes ouge starc fitterschaft in keinen landen von guoten Wiganden , daz mohte ouch da wol ge- « schehen. als ir mich e hörtet jehen, Helpferich der wigant der nam den vanen in die hant: si riten kurzlichen dan. daz wart schiere kunt getan Brunhilt der vil riehen. diu hiez dö snelliclichen die frouwen nemen ir guotiu kleit: als irdaz maire wart gescit, wie schiere si in diu venstersaz ! mit stolzen frouwen tete si daz : siben edeler künege wip und maneger junefrouwen lip säzen da in richer wät. des was dö niht langer rat, Der wirt muose für daz tor. ja vant er ritterschaft da vor , der höchsten der er ie gephlac unz an sinen lesten tac.

üf diu ros si wären komen : dö hete ouch Ortwin genomen des küneges vaneü in die hant. ir einer muhte wol ein lant zieren, waer er dar inne. mit meisterlichem sinne riten sehs und ahzic man gewäfent von der porte dan. si westen wol deiz müeste sin : bedenthalben hinder in liezen si vil manegen degen , der die selben solde wegen, daz man bi den stunden als küenen hete funden sam der für die porte rfit: ez was ir etelichem leit daz er muoste da bestän. dö sprach der Krimhilde man ' iäzet offen uns diu tor. si suln uns vinden so hie vor (daz ist der min gedinge) , daz Küedger nimmer bringe den vanen mit eren hine wider.' iedoch so hülfen im des sider die von Amelunge lant daz in der helt an siner hant mit ge walte unz in die porte truoc. versuochet wart ez genuoc ob siz erwern künden, ir ieglich hete funden an dem gejeide sinen bcrn, die sich mit s werte und mit spern unverre liezen dringen, nu bort man aber erklingen maneger haude lüten krach. vil manic cröjieraere sprach mich Site siner herren lant. man pruovte ir heim unde ir rant, dar zuo ir ritterlichen muot. da habte manic degen guot, der ez als gerne hete getan ob er es fuoge möhte hän. Witegen rücken üf geschach den heim, daz er daz gesach wie Hagene in dem satele saz: schiere kos der degen daz, er hete richer tjoste muot. eins wales einen schaft guot fuorte der degen vischin: aber der übermüete sin starc , wolde der Guntheres man Witegen gerne geletzet hän. Heimen den unguoten, gen dem begunde muotcn der truhsa?ze Sindolt ; dö hete der küene Rümolt ouch den sinen da erkorn. üz helme blicken niht verlorn hete der Krimhilde man , er sach ungüetlichen an den f Arsten da von Berne : dö hete ouch in vil gerne geletzet siner erc Dietrich der degen here. Gunther dö Dietleibe ersach , wider Ortwine er sprach 'hie kumet Dietlinde kint. al die mine friunt sint , die helfen, sprach der degen ' ob er mir rume daz niarc

daz uns daz ros alhie beste.' ich waen daz im der helt e het gerümet sines vater lant. Walther der wigaat, der sach Rüedegeren an : dö sprach der Hildegunde man 'des weiz got wol die wärheit, mir ist inniclichen leit daz ich dem helde gewegen bin. füert er nu den pris hin, des hän ich lützel ere: slah aber ich Rüedegere, so hat der alte friunt min übel bestatet den sinen win den ich ze Bechelären traue: so habe diu wile undanc daz des spils ie wart gedäht. sin tugent hat mich dar zuo bräht daz ich ofte den Up min wägte durch den willen sin.' Sus wärens bedenthalben gar, geliche geschart als ein har her Gunther und die sine, die recken von dem Rine: in der mäze kam ouch dar Dietleip mit siner schar, die leite dö her Rüedeger. dö hiez der maregräve hör den küenen Helpherichen üf Ortwin den riehen mit dem vanen wenden : der fuorte an sinen henden des künic Guntheres vanen. man mohte in lihte gema- nen, er was doch grimme gemuot Helphertch der degen guot neigte daz zeichen herlich: dö daz gesach her Dietrich, dö neigtens al gemeine ; dä was ir deheine der vergaBze an der hant, dem wart ritterschaft erkant , siner baniere. üf einander schiere warn die vanenmeister komen. ze rehter tjoste hete genomen Dietleip Gunthere, geneiget hete der here sinen schaft helfenbeinin : also hete Gunther den sin üf den tugenthaften man. ir beider ros muosten gän üf die hähsen in daz gras. Belebe schiere üf was , daz ros daz Dietleip dä reit: Gunther der helt vil gemeit ouch sin selbes niht vergaz, baz er in den satei saz. Her Dietrich und her Sifrit in einem nitlichen sit wären zuo einander komen. sper brechen wart vernomen daz ez als ein doner döz. sö richiu tjost und also gröz was lange her nie geschehen, sö diu aldä wart gesehen von guoten Wiganden, dö bedenthalp ir hauden geneigten sehs und ahzic man. die trunzen sach man höhe gän, durch Schilde stächen diu sper : dirre viel , dort gesaz der

vor stiche ungefüege; dem brach daz iürbüege, so gestrühte dem daz marc: ir etelichez was so starc daz ez nach stiche dan truoc sinen herren verre genuoc. Sit wart michel der gedranc. man hörte grazlichen klanc nf manegen buckei riche. dö sach man Helpheriche mit dem vanen gen dem tor: des was man da mit strite vor den eilenthaften gesten. [122* vil manegen heim vesten sach man von siegen schincn. dö Gunther mit den sinen wert daz lant und ouch die stat, dö muhte ir etclichem mat werden aller siner spil. dö was dözes harte vil von sperbruche nu gelegen: gehurt man wunder ie von sie- gen, daz mohte man ouch wol ver- neinen. ez muose im übele gezemen dem Hünolt schankte da den win, und dem zer anrihte sin Rümolt gap die braten, die wurden dö beraten von biulen lanc und armgröz. dem bluot von wunden da niht üöz, der wart aber sus also geslagen daz ez ir etelicher klagen mohte envollen wol daz jär. ez wären zuo einander gar komen die nötvesten , die ersten mit den besten. Swaz ander ieman da begie, üz sinen siegen nie verlie her Sifrit Dietrichen. der helt vil lobeliche liez ouch daz niht under wegen, man sach von den sinen siegen den Sifrides Schildes rant von der Dietriches hant wol verhouwen und zerslagen. daz wunder künde iu nieman sagen daz Witege und Hagene begie: ja bezzer ritter wurden nie baz in strite funden , denn an den selben stunden an den vonRabenedägeschach. da heten kleinen gemach Randolt unde Rienolt: ob si der Nibelunge golt des tages ervohten sohlen han, ez enmöhte in angestlicher stan. Sabene unde Berhtunc, die helde küene unde junc, vor ir widerstanden in erwagten an den banden halte dicke diu swert. [V2T zeinander wären wol gewerl Bitrolf und her Gernöt. gegen in hete der töt sines huses tür entlochen, vil swinde wart gerochen des jungen Dietleibes zorn. Gunther der degen üz erkorn, der wont bi im in arbeit.

man sach daz herliche streit Herbort da von Tenelant und Boppe der wigant, Herbortes swesterkint. er brähte fiuwerröten wint dicke uz Schildes renden den helden vor den henden. Walthör unde ouch Rüedeger, die versuochtenz deste mör daz si wlten warn erkant ez möhte Waltheres hant veste türne brechen nider, doch erwerte sich im sider des künic Etzein wigant. die zwene recken man ouch vant, Liudegast und Liudegere , da man die helde here mit strite wol bedrungen vant. da streit ouch von der Hiunen lant Bioedel und die sine man. swaz degenheit da wart getan, volzuc des vaste wären die helde von Mütären. da muoste brechen manic rinc, da Häwart unde irinc zuo dem vanen drangen. Hornbogen und Ramlingen sach man vil willicliche dä : wä solt man suochen anderswä Irnfride den riehen? man sach dä krefticlichen die Harlunge striten. bi niemannes ziten vant man guote ritter baz. man sach bescheidenltchen daz, daz Witzlän und die sine dem vogete von dem Rine stuonden wilhelichen bi. dä was deheiner also fri ern haet dä ungemacbes vil in dem herten nttspil, des dä von in begunnen was. ein wunder ist daz dä genas der dritte inder under in. Helphrich brähte den vanen hin mit ungeföeger arbeit , dä der degen vil gemeit erbeizte vor den schranken nider. der geste venre der wart sider bi dem vanen nider geslagen (des mac man wunder hoeren sagen), swie bi im stüenden dä ze tal die geste, die den herten schal praovten dä mit beides hant. Helpherich der wigant was ein teil worden wunt: den vanen zuete dä zestunt der tiurliche Berhtunc. dö was vil manic helt junc bi im nider dä gestanden. von Burgonde landen Gunther mit al den friunden sin erbeizten nider gegen in , daz mans im mohte danken, die Swäbe zuo den Franken gestuonden angestlicher nie , dö Berhtunc der helt hie daz zeichen in die schranken truoc. man sach dä helme genuoc erschinen unde erglesten, dö die sturmvesten wären zuo einander komen.

ir habet e vil wol verDomen beidenthalben von ir kraft : man mohte werde ritterschaft kiesen an ir handen von maneger fürsten landen. Nach prise was in allen ger. Witege der lief jenenher sam ein wildez eberswin, Hagenen den vtnt sin dranc er mit siegen hinder sich, die liute duhte unbillich unde ouch wunderliche genuoc, daz ietweder den andern niht sluoc. Heime und Witege hülfen dan des künic Ermenriches man , dem stolzen Berhtungen. mit im wart so gedrungen daz manz für wunder mac ge- sagen wie der vane wart getragen von der Berhtunges hant. Sifrit üz Niderlant hete gerne daz gewert : ez wart mit hamere nie gebert so sere uf aneböze. sin wolden schäme gröze han Gunther und die sine, die recken von dem Rine , und ouch ir küenen geste. wer dä taete daz beste, daz künde nieman gespehen. ez mohte leide vil wol sehen BrünhUt diu künigin , dö man her unde hin ir friedel mit den siegen dranc : si mohte sagen wol undanc ir milte , diu alsö geschach daz man sö manegen helt sach in angest sines libes stan. daz siz hane verlän , daz n&mens alle für guot. kein frouwe was sd höchge- muot, diu ir gesellen sach aldä, si wiste in gerner anderswä. Mit erhaben Schilden hohe ge- nuoc die man dä vor handen truoc sach man die werden geste gän. da wart ein huswer getan diu nie von helden mer ge- schach, dö man Berhtungen sach den edelen und den riehen dä von im muosten wichen die von Lamparten lant. dä tete diu Sifrides hant daz man immer saget ze maere, wie er ze helfe waere sinen konemägen bi. ob si beliben schaden fri , des half in wol des recken hant. Berhtungen den wigant er underm vanen nid er sluoc. dar sprungen schiere genuoc Witege und ouch her Dietrich mit ir helden iobelich , die küenen BernaBre, Berhtungen den helt maere brähtens harte küme dan. den vanen aber sä gewan Rüedeger an sine hant. Walther von Spanjelant unde ouch Herbort der degen, mit den aller meisten sie- gen der ie gephlägen küneges kint,

dä mit si von der porten sint drungen Dietrichen daz er in muoste entwichen. Ein teil wart Wahsmuot dä wunt. sin veter Hache sä zestunt für den maeren helt spranc: daz Eckehartes swert erklanc dem recken lüte an stner hant. ja sach man diu helmbant vil starke vor in bresten , manegen schilt vesten sach man dä gar zerhouwen. vor dem palas bl den frouwen waz ez wol sö nähen dazs ir aller eilen sähen , ob sis erkennen künden. man sach dä schiere wunden den fürsten Wiehere: Else der vil here den recken in die brüst sluoc underm schilde den er truoc. Dö wart von Wolfbrandes hant Gelphrät üz Beier lant durch die brünne bluotvar. Nantwin nam des war, von Beier lant der herzöge : swie nu einem helde gezoge, dö lief er Hildebranden an, des fürsten Dietriches man. Hildebrant sluoc Nantwine , daz sines helmes schine der sunnen gap den widerglast und daz im der heim brast, dem Witegen swesterkinde. ich waen man immer vinde, noch enhät alher getan , sö manegen rehte küenen man, sö man dö bi einander sach. etlichem der bluotvarwe bach hete durchflozzen sine wät, als ez noch in strite stät; etlich gienc dä ouch wol gesunt. dö wart von Rümolde wunt schiere der grimme Wolfhart, deste me helme schart muoste werden bl in hie. froun Heichen ingesinde gie vaste Rüedegere bi. [124 wie Blcedel an dem strite si, daz hoeret an dem maere sagen, man dörfte es für einen zagen bl andern guoten recken jehen, hete man dä bevor gesehen inder sine degenheit. daz was ouch niht verdeit, man gedähte es under stunden: sö biderben hete man in funden. Nu hört man ouch hie sun- der wile daz vil guote Hornbile , daz Biterolf der helt truoc. man hörte ouch klanges genuoc von dem starken Welsunge, daz Dietleip der junge vil dicke herlichen sluoc. dä was ouch dözes genuoc dä daz alte sahs erschal, daz dicke üf unde ze tal gie an Dietriches hant. under in was wol erkant swä man Mimmingen sluoc daz Witege der helt truoc. man hörte ouch Nagelringen üf helme dicke erklingen.

dar under diezen man vernam, sö Sifriden wol gezam, den guoten Bairaungen : man sach den helt jungen stunde enmitten under in. da was ouch Hagene komen hin : des künic Guntheres man hete ez da vil guot getan. Walther von Spanjelant der truoc Wasgen an der hant, der kam dar gesprungen. die burgaere gedrungen heten wider die geste ze Wormez von der veste, daz si sich schämen begunden daz si nie enkunden an die porten vollen komen. Rüedgere hete der strit beno- men vil der sinen krefte. dö sprach der nöthafte Helfet, edel Irinc, daz ich alliu iuwer dinc mit iu über rücke trage , daz der küniginne vane wage ze Wormez innerhalp dem tor. swaz wir ie täten hie bevor, daz ist wider ditze ein wint.' Irinc truoc den vanen sint also vor Rüedegere daz ez gemüete sere alle die da wären, e der von Bechelären vollen in die porte gedranc, vü manic swert ob im erklanc. dö gie der herre Dietrich als der degen lobelich dicke hete vor getan, under die porten kam gegän Dietleip und Biterolf der degen. solch wunder hört man nie von siegen daz dö diu Guntheres hant frumte: dä von er daz lant behabte vor den gesten. Sifrides des nötvesten genuzzen die Burgondsere. Herbort der helt raaere der tete ellens grözen schin. wie möhte ez herter gesin, dö Liudeger und Witzlän und Liudegast niht understän enmohten daz die helde drungen in die selde. Dö was Rüedgerhine komen: des wart vil wol war genomen, dö der degen also stolz begunde slniu spiegelholz üz der porte houwen; dö hete er den frouwen gedienet übele unde wol. für wär ich iu daz sagen so! , ez waern och bezzer beliben denn wider üz der porte ge- triben von der küenen recken banden die helde üz fremden landen, do enbuten von der zinne der recken triutinne daz man schiede den strit. wol vernämen ez sit Dietleip und heu Dietrich :

dise helde hinder sich si hiezen gAn der porte stän , wir sullen eine wile län daz urliuge scheiden, gevellet ez den beiden , Gunthare und Gernöten.' etlichen bluotes röten hört man ez dö räten. wie balde si daz täten ! Den fride gaben si dö dar. ' ez was noch niht verendet gar, unz ez so wart gescheiden under ir friunden beiden daz man Dietleibe prises jach , und daz man vollicliche sprach den lop ouch Rüedegere , daz e noch sit nie mere ein vane wurde baz getragen : woldens im die danc sagen durch die erz haete getän , sö müese er gar daz lop hän. dä was keiner under in (des ich vil gewis bin), im enwaern so mfiede diu lide daz si beidenthalp den fride rieten unde ouch süene. Gunther der vil kuene , swaz ander ieman dä gesprach, des prises er Dietleibe jach. dä mite was gesenftöt dä der guoten helde not. si wolden riten von der stat : Gunther d6 die helde bat daz si sich ze huse liezen laden, er wolt si schöne heizen baden unde in schenken sinen win. daz rieten sie under in daz si ez naemen wol für guot. ir keiner was sö wol behuot, der under in niht wunden truoc, ern haet dochbiulensusgenuoc. Dö engarten sich die geste , degene aller beste, fünf hundert ritter oder baz. mit des wirtes willen tete man daz, daz man die porten offen lie. man schuof in den gemach hie daz man si dö baden hiez. vil ungerne sehen liez Wolfhart sinen rugge blöz : swarz lanc unde gröz striche lägen vil dar an , sam mit brenden der man hinden bestrichen wsere, und waer der helt maere sö wol gewäfent niht gewesen, er künde nimmer sin gene- sen. in fride und staster süene riet Gunther der küene daz in die geste gunden daz si an den stunden mit brunnen badeten abe den räm. etelichem derz vernam was vil leit daz ers bat. die geste riten in die stat : die landes herren zuo in dar körnen, dä si harnaschvar vil manegen ritter funden. etlichen an den stunden si anders niht erkanden, wan daz den Wiganden

alsö töten diu wort, da von daz si nach eren hört gestriten beten sere. sehs und ahzic oder m£re gesäzen zeinem bade hie , da Gunther selbe hine gie mit dem herren Dietriche, der recken lobeliche wart anderhalben alsö vil , der man vil manegen äne zil gersemet in dem strite vant. von iegeUcher fürsten lant fünf hundert recken oder baz gemeinlich da zem bade saz : mit gedinge daz geschach, daz man von edelen frouwen sach vil badelachen dar gesant. Rüedeger von Hiunen lant daz sine hete gedienet so daz er sin mohte wesen frö, er und alle sine man. swaz ieman lobes da gewan, des wart im da der beste teil. Wolfhart sprach der liute heil ist ungewegen und sinewel. ich han ez\ sprach der degen snel, 'versuocht als ouch her Rüe- deger.' Dietrich sprach dö din sper wart niht geneiget als daz sin , dd Walthören den friunt min stach der hiunische gast daz im daz fürbüege brast.' Wolfhart sprach *nu seht mich an: weit ir wol zerblouwen einen man kiesen inder, daz bin ich/ her Dietrich sprach 'ja hän ich 126" von der Stfrides hant sö vil der biulen daz man vant an helde Übe ir mere nie. swie vaste ich im begegene gie, sö brähte mich ie von im dan alsö der Krimhilde man (daz sult ir wizzen wol für war), daz ich sanfter zehen jär waere wol von im gewesen (mit solher not ich bin genesen), dann bi im einen halben tac* der helde schimph dö nie gelac. der sprach hin, sö sprach der her. sus gienc ez under in entwer mit lachenlichem muote. man sach da helde guote tragen ingebunden hant , da man doch wunden niht en- vant. ich enweiz wä der schimph gelac. den gesten man dö ere phlac bieten als ez in gezam. swer der frouwen kleinät nam. der muoste hin ze hove komen. ze hüse hete si sö genomen Gunther der künic riebe daz si sit friuntliche von Rine rümten daz lant. den frouwen was daz wol er- kant,

wem gesendet was ir wat. der wirt hete des niht rät, er brähtes üf den palas, da in vil wol gesidelt was zer aller besten spise die wirt in küneges wlse ie manne künde bieten: dö gap in ze miete Gunther der tiurliche degen sinen win nach grözen siegen, sit geschuof der degen daz , daz manic werder gast gesaz für die vil minniclichen wip. da wart mit ougen ritters Up getriutet durch ir degenheit. da was vil frouwen unde meit die si vil wol enphiengen (16 si ze hove giengen. Man enböt in michel ere. der helde enwas niht mere für die frouwen gegun wan die mit dem vanendan unz in die porten sich erstriten. mit vil zühticlichen siten man hörte itewizzen den helden vermezzen, wie die degene maere wahren sö gevaere dem wirte und dem lande. des antwurte sä zehande der edel fürste Dietrich Brünhilde der künigiDne rieh ja haste er mich ze vinde niht, wan daz dicke geselüht daz friunt friunde gestät: er ist saelic der in hat sö ez im gät an die not. dö mir min neve daz enböt , Dietleip der degen .««wo, daz er beswaeret waere hie in disem lande, des müese ich haben schände daz ich in hete dö verlän. swaz wir hie haben getan, daz kumet nu wol ze suone. ouch zimet im wol ze tuone, Gunthere dem vil riehen , daz er minniclichen ergetze miner basen kinL' daz gelobten sie sint mit vil staetem muote. Krimhilt diu vil guote diu sprach Dietriche zuo 'ich wil daz man den fride tuo sö staete und ouch die süene daz ir, degen küene, sö iht hazzet minen man. herre, waz hete wir iu getan? sn\ es ander ieman hie phlac, ich sach daz iuwer nit gelac üf minem friunt sö verre daz Sifrit min herre des hat vil wol enphunden. hat er von iu niht wunden , er ist aber sus zerslagen daz ich daz rouoz von schulden klagen, daz ich iueh ze Wormeze ie gesach.' Dietrich der helt sprach 'nieman klaget den schaden min, der ist noch gra?zer danne der sin. ir klaget danne den Schildes rant,

sö hät im anders hie min hant 127» in disem strite niht getan , wan daz ich den zerhouwen hän. sö küme ich bin vor im genesen, ich wil iuch bitende wesen, mac ez in iuwern gnaden sin, daz er mich vor den friunden min immer m£r gedringe, daz mir min höbgedinge so nidere von im mere kume. dar zuo wil ich daz mich frume iuwer vil tugentlicher muot.' 'min helfe sol iu wesen guot,' alsö sprach daz Sifrides wip: 'ouch sult ir mines herren lip durch minen willen längesunt.' her Dietrich lobte ir sä zestunt, ern möese ez tuon durch gröze not, daz er üf des heldes tdt gerite nimmer mlle breit, dö sprach der ritter vil gemeit Sifrit schimphlich ouchdar zuo got löne im der die suone tuo, der mir des hazzes so gewege, daz ich hern Dietriches siege immer mer enphinde: wan die sint so swinde daz si niht gähes mugen ver- swern. swer sinen Stichen und den spern sol zegegene ritcn, der mac vil wol erbiten sines endes üf dem wal.' des erlachten über al ritter unde frouwen. ich wil des wol getrouwen, der schimph was noch ungele- gen. dö sprach Rüedeger der degen ze Brfinhilt der riehen ' wie rehte senfticlfchen mir iuwer gäbe ist bekomen! swaz ich des frume habe ge- nomen, der tiuvel habe im minen teil, ich waen min rücke iht werde heil in einem halben järe.* 'ich tete ez äne väre' sprach des edelen küneges wip. 'sin müese trüric sin min lip, und waere sin niht geschehen. her Rüedeger, ir sult niht jenen daz ich ez taste üf iemans haz. ich tete ez niuwan umbe daz, 128- als ez doch ist hie geschehen , daz wir die recken hän gesehen von den wir wunder hörten sagen. hie ist keiner sö geslagen , ich waen mir werde es mere e Gunther der vil here vol versuenet ane mich. die sorge hän ich, swaz swerns üf sinem rücke lit, daz er mirs die selben mäze git.' Dö sprach der edel Rüedeger 'des wolde ich immer wesen her, der mir künde daz gesagen

daz ir wurdet wol zerslagen: dä waer mir deste sanfter mite, ir wärt in iuwer alte site komen der ir phlaget e : des tuot manegem der rücke we" daz ir sö gerne sehet strit.' des erlachte aber slt vil manic ritter unde maget. Hildegunt sprach 'nu ir alle klaget, nu klage ouch ich den mlnen man. dem hät der marcgräve getan daz an im wol ze kiesen ist. wser sin eilen und sfn list uf rehtez strlten niht gewant, mich hete des marcgräven hant von freudeh nach gescheiden gar. des bin ich worden wol gewar, der helt gedähte ninder min, wie ich im schankte mlnen wfn, dö ich von den Hiunen reit, den ich vil eilende meit Etzelen und sinen recken truoc.' des wart gelachet ouch genuoc vor der küniginne: ir säzen dar inne vierzehen unde mere die bt dem künege höre lägen in der trunkenheit. dö si diu maere hete geseit, des wart gelachet über al in dem Guntheres sal. Dö sprach der guote Rüedeger «ob ir, küniginne her, mich überhüfibet der schäm, mich hät gemachet im sö zam der degen üz Spanjelant: [128 haet ir hie twalm an der hant, den trunke ich, unde gebüte er daz. ez was nöt daz ane haz uns der wirt sö hät gelabet, mich hät alsö ze hüse gehabet der schoenen Hildegunde man daz ichs vergezzen niene kan.' Brünhilt diu sprach duo dem edelen Dietleibe zuo 'wir hasten nach vil sere engolten daz iur ere sö höhe an guoten friundenstät. ich wolde noch niht haben rät, swie uns hie doch si geschehen, ich enhete Wolfharte gesehen.' dö sprach gezogenltche Gunther der künic riche 'des mac iuch nemen untüre. solt aber ir vor der müre sine siege enphangen hän, ir haet in alsö gerne län bellben dä ze Berne.' si sprach ich sach daz gerne , dö er sö gremlichen saz und man im daz helmvaz abe löste und im daz s wert nam : er was ein wenic worden zam,' sprach diu küniginne. Wolf hart sprach 'hier inne ist nu der schimph gar gelegen, haet ichs getrouwet,' sprach der degen, 'daz ez solde alsö geschehen, ir haet mich järlanc nie gesehen/

Er lachte und tete im doch niht wol. alsö ein begozzen kol begunde riechen dö der man. diu frouwe biten in began daz er ez lieze äne haz. her Witege der sprach daz wie hete her Gunther daz er- däht daz im zelantwer wurden bräht also werde geste? helde so nötveste bi deheinen stunden bi einander wurden funden. ich solde im nimmer werden holt, wan mich hat her Rümolt mit kraphen und mit braten in strite also beraten daz mir diu lide müezen swero. swelchschiltkneht an in wil gern in zorne sine spise , [ • der dunket mich niht wise.' Her Heime der sprach duo dem helde Hünolde zuo ich wolde e ungetrunken sin, e er mir gaebe solhen win den mir da schankte iuwer hant.' dö sprach Hunolt der wigant her Heime, ir möht den spot wol län. ich hete es gerne mer getan , waer ez niht schade an ere. iuwer wäfen sneit so sere daz ich schankte niht den win bevollen nach dem willen min/ Dö sprach der wirt ez vertsus baz.' der känec von Tenelande saz und smielte der rede die er ver- nam: er was dar under niht sö zam, er hete daz sine ouch wol getan. Witzlän unde Poytän mit rede sprachen ouch dar zuo. der künec von Beheim sprach duo swaz man min hie vergezzen hät, des ist niht vil ; doch hin ich rat vil gerne der gcselleschaft diu mir von guoter helde kraft in strite hie gekündet ist ich hete ze etelicher frist einesalten wibesfridegenomen, möht er mir sin ze staten kö- rnen.' dö sprach der fürste üz Tenelant mir wart nie höchzit erkant dar ich sö friuntDche geladen wart , da ich sö grözen schaden möhte wol gewunnen hän. swaz ich noch hergestriten han, ez kam mir uf die angest nie. man hete min niht funden hie, solde ich sin getrouwet han. nu ez aber sö wol ist ergän , sö sol der wirt den dienest min verdulten in den zutuen sin.' Dö sprach Gunther der degen

für schaden and für missetät. dö frumte mich der Hagenen rät : der riet mir daz wir sanden nach iu edelen Wiganden , alse ir e habet vernomen. alsö sint si her bekomen und habent errettet miniu lant.' dö sprach Rienolt zehant »her künec, des muget ir wol jenen, ich hän so ringen solt gesehen zer werlde nie gedienen baz.' allez daz da helde gesaz, die redeten sunder dö ir muot. des wirtes win der was sö guot daz maneger gämelichen sprach, her Gernöt schiere daz ge- sach, Si wolden urloup dannen hän. von dem sedele was gestan her ßitrolf unde ouch Dietleip.* der helde nieman dö beleip, si stuonden von dem sedele. vil manege frouwen edele man daz gestüele rümen sach. der Biterolfes sun dö sprach 'her künic, IM uns urloup hän. swaz wir einander hän getan, daz sol gar verkorn sin.' dö sprach diu edel künigin 'sö küsset ir iuch beide, daz manz da mit sö scheide , daz ir iht äveret den baz.' die helde rieten alle daz , als ez gesprach des küneges wip. vil roaneges küenen ritters lip mit zühten urloup genam. geföegiu rede dä wol gezam den rittern mit den meiden dö si sich wolden scheiden. Dö sprach diu küniginne hör ' edel marcgräve Rüedegär , ir sult froun Heichen daz sagen, daz wir in zühten wol vertragen daz si ir volc hat her gesant. uns sint diu maere wol bekant wie si her Dietleip bestät , dä von daz ir gedienet hät er und her Biterolf der degen. ich wünsche jr daz der gotes segen iedoch bi ir gelücke sl. si sol immer hazzes fri dar umbe gar vor uns bestän: sft si ie 'z beste hät getan, dö tete si wol daz si den degen niht wolde läzen under wegen. Dö sprach diu schäme Hilde- gunt wiste wir nu hie zestunt 130- waz wir Rüedegere möhten bieten ere nach friuntlicher minne, er und diu marcgrävinne hänt uns sö dicke liep getän , wir künden niht sö guotes hän wir enteilten ez im gerne mite. dö sprach er 'frouwe, des ich bite, des gewert mich, vil edel wip. swie mir verhouwen si der lip von des küenen recken hant, sö wil ich von iu beiden sant in friuntschefte urloup hän.'

dö sprach Hildegunde man 'got phlege iuwer, Rüedeger. dö sümten si sich niht mer, si nämen urloup über al. die recken rumten dö den sal, si riten ze Wormez üf den sant. her Sifrit von Niderlant der reit gesellicliche mit dem herren Dietriche, dventiure, xme sich Die Hiunen kerten in ir lant. Dietleip der wigant volgete in wider über Rln und Biterolf der vater sin hin wider unz an den Gunzenlä da si zesamene körnen £. da schiet sich dö her Dietrich in siten harte friuntllch von siner muomen kinde. daz Ermriches gesinde nam urloup ouch von in dan. her Berhtunc unde sine man und Witege der wigant , si kerten in ir herren lant , und ander ir gesellen. dö hete ir starkez eilen gedienet vüziclichen Dietleibe dem riehen. Die fürsten üz MeiJän kerten ouch froelichen dan , den dankte vil güetlichen sint der schoenen Dietlinde kint. ez schieden ouch die beide üf der selben heide, die küenen Harlunge , die zwene degene junge, sam si wurden nie gehaz. ouch erte den wirt daz , daz er die Wigande lie von sinem lande scheiden vil minniclichen : die in e wänden riehen mit schaden und mit sere, den bot er michel ere. ze lande schiet. Frftele unde Imbrecke, und ander manic recke die im gedienet heten dar. alsö schieden si sich gar, die guoten Wigande und karten heim ze lande. Hie sult ir hoeren waz ge- schach. Heime der helt sprach zem herren Dietrichen 'nu tuot sö friuntlichen (da mite hoehet miniu dinc), und helfet mir daz Nagelrinc wider kome in mine phlege, daz mir die Sifrides siege sö verre brähten von der hant.' dö sprach der alte Hildebrant vil gerne gaebe ich iu d az s wert, und waere ez eines landes wert: hefit ir wan daz eine verlan daz ir niht hastet bestan Sifride den vil riehen vor minem herrn Dietrichen: daz was ein gröz übermuot wol west ir daz der helt guot gegen im gewegen waere.

ez ist mir immer swaere daz ir den gelf habet begän. ir sult daz rehte verstan : ich wolde ö rümen Berne, £ ich iu immer gerne daz swert ze handen bringe. wie ante iuch sd ringe min voget, der fürste Dietrich ? iu enkumet daz wäfen lobeltch nimmer wider in iuwer hant, im erstritet ez,' sprach Hilde- Dietrich : brant. Dö sprach der küene Heime 'so bin ichz der eine der also wol gestriten tar, » ein wie ode in Volkes schar, sam deheines försten man. möht ich daz wäfen wider hän, der rede waere allez min/ Wolfhart sprach dd wider in Geheim , gebetz im an die hant.' er sprach und solden alliu lant verweisen an dem libe min, ich versuoche wol daz ellensin. 'des gestate ich niht' sprach ' ob der helt vergähte sich , doch sul wir unser zühte phle- gen.' dö sprach Witege der degen 'swä erz füeret durch diu lant, iu dient iedoch des heldeshant.' her Dietrich dö Hilbrande bat 'gebt im daz swert an der stat durch Ermenrich den veter min.' 'herre, daz enmac niht sin, ez enwerde mir alsö benomen. daz muoz von iuwern schulden komen ob ich ez niht behalten kan. man weiz vil wol wie ichz ge- wan: dä solde erz selbe hän genomen.' sit muosten si zesamene ko- men, Heime und ouchherHildebrant. an in wart sit wol erkant ir nit unde ouch strites haz. her Dietrich erloubte in daz, dd erz niht scheiden künde: swelhem diu erste wunde vom andern wurde geslagen , jener solde den pris tragen. Dö sprach der helt Wolfwin 'sold er Hildebrant der veter min gegen Nagelringe stän, er enmöhte ein als guot wäfen hän, so wäre ez ungeliche.' dem forsten Dietriche si rieten daz erz teile baz , dö si niht künden den haz zwischen in gescheiden. sit vant man in beiden zwei swert wol ebenmsezic und vil widersaezic. daz eine der truoc Gerbart , dä mite er manegen schilt schart vil dicke hiete geslagen ; daz ander truoc, hörte ich sa- gen, der vil starke Wolf brant :

daz wart Heimen an die hant. mit übelem gebären schiere gewäfent wären die zw^ne Wigande, der neide uz slnem lande einen rinc bestalte Dietrich, den schilt gezucte für sich der vil genende wigant, Heime dz Lamparten lant lief dö Hildebranden an: dö schirmte im Dietriches man, daz si bede wol künden. dö sluoc eine wunden Heime dem meister Hildebrant. als der helt der enphant , dö sluoc er Madelgeres kint, daz beidiu bluot und fiuwers wint uz den ringen draete sam ez der luft dä wate. Dar näher spranc her Dietrich , der tiure degen lobellch, er gestatte ins dö niht me*re. si wären beide in ere des strites noch bestanden : doch muost man Hildebranden den pris dä für Heimen wegen, alsö behabte der kuene degen den guoten Nagelringen , die aller besten klingen, her Dietrich schiet ez undcr in: Heime fuorte daz swert hin von hern Dietriches bete. Hildebrant ez ungerne tete daz er daz wäfen muoste län. her Dietrich unde sine man , die kerten gegen Berne. dö fuoren alsö gerne die degene aller b«ste ze Rabene in die veste. Nu wolden rumen ouch daz lant die e hiete besant Gunther der tiurliche degen: sich rihte dö zuo den wegen manec man ze siner heimuot. der wirt hete sin guot mit in geteilet gerne dö: solher helfe was er frö die er hete von in gesehen, dö hörte er ir deheinen jehen der sine gäbe wolde en- phän. dö kam für den könec gegän Walther und frou Hildegund urloup si nämen an der stunt. als tete der herre uz Tenelant, ze bove blähte er an der hant Hildeburc die vü riehen, dö kom ouch baltlichen üz Beheime Witzlän: des wip was vil wol getan , diu gienc dem helde an siner hant. er kam dä er Brünhilde vant Liudeg^r von Sahsen lande, dem küenen Wigande, dem was ouch urloubes muot. Liudegast, der helt guot, der kam ouch mit der sinen: von stolzen magedlnen sach man gesinde nach im gän. dä wolde ouch langer niht bestän des fürsten Stuotfuhses wip.

swaz freuden hete deheiner lip, daz frumte si vil kleine, si liezen ir deheine scheiden güetllcher dan, dö si daz urloup gewan. Dö si zesamene wären komen, und urloup mit küsse wart ge- nomen von den die sich nie mere durch freude noch durch sere gesamenten sider anders wä als si gesamenet wären da : swaz der kunec und sin wlp dö sprach und swaz dankens da geschach, daz künde iu nieraan vol gesa- gen. swer eren welle vil bejagen, der tuo'z an dem der eren phlege. in vier enden die wege vil unmüezic man dö vant. die fürsten Guntheres lant rümten wol nach ir ere. ouch urborten sich vil sere die stolzen Burgondsere al ir zit uf werdiu m<ere. Also ante sich der schäch. swes si phlägen sit hie nach , des ist mir Kitzel iht bekant, wan wie zuo der Hiunen lant riten dö die Etzelen man. die leite Rüedeger von dan , als er si brahte an den Rin. 32» Heichen und dem herren sin het er erworben ere: dö muoten ouch niht mere Etzele und daz edel wlp. sit wart der guoten ritter Up enphangen vllziclichen in hiunischen riehen. Bloede), als uns ist geseit, mit den sinen er dö reit da der fürste hete lant: Ylächen so was daz genant. Rüedeger der helt guot da heime in siner heimuot ze Bechelären niht bestuont. er tete als die getriuwen tuont: der helt gesach wan sin wip unde arbeite sinen lip mit den gesten wider in daz lant. dö Rüedeger der wlgant nu für Mütären reit, die stolzen ritter vil gemeit, Wolfrät unde Astolt, dö nämen danc für den solt. des wart in da genuoc getan. dö sprachen dise zwene man, her Bitrolf und her Dietleip , ob si des twungen keiniu leit daz in ir helfe wurde nöt, si riten mit in in den töt. sus schieden, die da wären, von den von Mütären. ze tal bi Tuonouwe lluot Rüedeger der helt guot fuorte in hiunischiu lant vi) manegen stolzen wigant, die Etzele der liehe im vil vlizidiche bevalch in die hervart. daz mtere für gesant wart dem künege und der künigin

daz daz ingesinde sin koeme wol von Rine. der künec fragt umb die sine, wie si waeren geriten und wie si haeten gestriten. daz wart im allez wol geseit. sin botenbröt wart vil bereit: des gap man dö bebande zwei hundert bisande. Als uns diu maere sint ge- seit, daz edel ingesinde reit ze Etzelburc der riehen, si wurden froelichen von dem künege enphangen. den palas übergangen hete er hin engegene Biterolfe dem degene: vil wo] enphienc er sinen suon, als er daz gerne mohte tuon. der künic saz dö zwischen in und fragte wie ir wile hin gegän waer in ir strites tagen. do begundens im genäde sagen sö höher dienste siner man, daz des froellche site gewan des fürsten Botelunges kint. diu küniginne mohte sint erblten niht der maere. dö gienc diu erbaere da si den künec sitzende sacb: diu frouwe froelichen sprach 'willekomen, ir recken edele.' wie balde von dem sedele die alten zuo den jungen ir hin engegene Sprüngen ! Dö si die recken alle enphie , diu küniginne sitzen gie dem künege an sine site : mit müelicher bite warte si der msere. Rüedger der lobebaere, in den palas er dö gie. der künic in froellche enphie, alsö tet ouch diu künigtn. • waz maere ich bringe über Rin, diu vernemet , künic riche. iu enbiutet vil friuntliche her Gunther und her Gernöt, die maeren helde vil guot, ir dienest unde ir friuntschaft. si wänden niht daz iuwer kraft mit here si solde twingen. sin hete ouch nibt gedingen Hagene der wigant; der sprach , ez hete in Hiunen lant sin hant umb iueh verdienet niht. s waz schaden in von iu geschürt, daz muget ir wol Volbringen. er hat ouch den gedingen, swenn ez mit fuoge mac ge- schehen, daz er iueh gerne welle sehen in hiunischen riehen. mit dienste friuntlichen er enböt ouch miner frouweu daz, daz er ir immer äne haz aller triuwen wil gestan.' vil wol danken im began Helche diu tugentriche. dö sprach gezogenüche

aber der küene marcman 'frouwe, ich sol iuch hoeren län, waz iu frou Brünhilt enböt. si wünschet des daz iuwer töt ir nimmer werde für geseit , und daz ir äne herzen leit belibet unz an daz ende, an alle missewendc bat si iu ir dienest sagen : solt si iu wünschen zuo den so sullen ouch wir niht län , tagen wie lange iu werte daz leben, iu wurden tüsent jär gegeben. *nu löne in got,' sprach Hel- che dö, *daz si sint alle sö frö, swaz mir wonet gelückes bi. got hüete ir eren swä si si.' Dö sprach der tiurlichedegen 'frouwe, ich hän in minen phlegen gäbe diu iu ist gesant.' vil schiere ir wart bekant, waz diu gäbe waere. man brähte den sparwaere und ouch den guoten vogelhunt. ir deheiner vor der stunt het im geliches niht gesehen, dö si begunden rehte spehen des vogeihundes leitseil, vil maneger wünschte daz erteil der edelen steine solde hän. lancvezzel also wol getän wart nie an vederspil gesehen , reht alse ich iu e hän verjeheu, wie richer koste er waere. den gap diu erbaere einer ir gesinde , dem Nitkeres kinde , einer meide herlich. Helche sprach du solt mich mit dir beizen riten län. so min herre und sine man , Etzele der maere 134» und sine valkenaere, wellen kurzwile hän, wir suln ir beizen schouwen, ich und mine frouwen.' Rüedeger der wigant hiez im bringen sä zehant den sinen vanen riehen , den er vil angestlichen ze Wormez in die porte truoc. der wart geschouwet dä genuoc von Etzein unde al sinen man. vil maneger lachen des began , swer ie vernam diu maere, wie er im gegeben waere. des gewan dö Rüedegere beidiu lop und ere. der helt dö begunde biten den künec in zühticlichen siten und Heichen die vil riehen , daz si vliziclichen den recken danken solden, ob si in guotes wolden gunnen unde ouch ere. dö frägte der künic here, wer die recken waeren : er zeigt die lobebaeren. den wart gedanket allen wol daz siz heten gar für vol. nu schuofens alle ir gemach.

Etzele der künic sprach 'man sol in geben des si gern.* do begunde manz gesinde wern Waete harte riche. er ldnte vllzicliche allen den gesten und liez in niht gebresten alles des si solden han. ze lande muoten dö began her Biterolf der wigant. dd bdt im üut unde lant Etzele der riche: des dankte im grcezllche die zwene Wigande. ob vil richem lande si wären beide herren: swie si wären verren von ir urbore komen, ungerne haetens iht genomen von deheines küneges hant. Biterolf der wigant [134 den künic biten dd began, daz er si solde riten län mit friuntlichem muote und Helche diu vil guote. Dö sprach daz Botelunges kint wider die guoten recken sint ir sult mich niht verzihen. ich mac iu niht gelihen, ir enwellet ouch von mir en- phän: für eigen sult ir von mir hän des jungen Nuodunges lant. daz erstate ich hie zehant dem Rüedegeres kinde. allez Etzein gesinde daz sprach güetliche derzuo. Biterolf der jach duo , war umbe er solde nemen lant: ze lthen hete sin selbes hant 8ö vil den Wiganden, ob üz der Hiunen landen ieman wurde vertriben, der wa3re ninder baz beliben dann in den landen mfnen.' Etzele mit al den sinen Biterolf den riehen vil gemeinlichen bäten daz er nseme , daz im doch wol gezaeme zeim jeithove Stirelant. für eigen gap erz sä zehant dem edelen försten riehen. im dankte vlizicllchen Biterolf und sin suon, als si wol mohten tuon. Helche diu küniginne mit friuntlicher minne si bSde biten des began, daz si schieden von in dan, daz si in lobten offenbare daz zeiner zlt in dem järe ir einer keeme in Hiunen lant ob si niht möhten bede sant, daz uns ze liebe daz geschehe daz man iu wer einen hie gesehe.' daz lobten in die helde sän e daz si schieden von in dan. Des landes er si wisen hiez, und ouch die bürge die er liez in dienen eigenlichen. • nie gejeithof alsö riehen gap deheines küneges hant.

d6 Biterolf hete bekant diu urbor rehte und ouch er- sach, ze slnem sune der helt dö sprach 'ez lft ze kurzwile hie baz danne laut ie noch gelac ze ritterspil. hie ist weide und waldes vil, diu wazzer habent vische ge- nuoc, kein ertliche nie getruoc baz korn unde win: wie möhte uns baz ge$ siben golterze ez hat. lützel hie kein berc stat man envinde silber ze guotem gewinne lit daz lant über al, beidiu uf unde ze tal : wilt zam und vederspil, des mac man hie haben vil. hal sint ouch dar inne. wir handelnz wol mit sinne, und daz ichz lihe swem ich wil. ez hat edeler ritter vil und vil edele dienestman. ez wart Etzelen undertan von siner grözen herschaft. wir gewinnen lihte noch die kraft daz wir erbouwen sd daz lant daz unser eilen unde hant vor allen künegen ez wol wer. zwischen der Elbe und dem mer Stent ninder bezzer burcstal.' bl der Stire ze tal wlste in dö her Hadebrant. der selbe edel wlgant daz lant von Biterolfe nam durch die gröze genuhtsam. dar nach in kurzer stunde bouwen begunde der helt vil lobebaere Stire die burc maere, diu sft vil witen wart erkant , dar näch diu marke wartgenant daz si Staate Stire hiez. wol zwelf jär er si liez dem küenen Hadebrande. stt geliebte in dem lande Bitrolfe deme riehen daz man in staeticllchen hiez den Stirare, swie daz der helt vil rnaere hete siben rarsten lant, daz man in doch dicke vant da unde in Hiunen rfche, den helt vil tugentlfche. Frou Helche diu erwarp daz sint daz Bitrolf und frou Dietlint nider zuo Tuonouwe riten. mit vil herltchen siten diu künegin in daz an gewan. si sprach ze Etzelen ir man , er mües immer schaden wesen fri, sö si im waeren gerne bl, von andern Wiganden üz richer künege landen, der könic sprach, ez waere war. dar näch daz aller naehste jär si hiezen bouwen in daz lant,

die man sit ofte rlche vant , ein burc diu Treisenmüre hiez. in beiden si dö daz gehiez , ob siz geleben solde, daz si da sehen wolde die schoenen Dietlinde unde ouch ir gesinde und daz Rüedegeres wip« wie möhte tugenthafter lip in der werlde sin bekant? der frouwen sin was gewant üf höhen Jop und ere. Etzele der künic h« ; re, swie er ein heiden waere, ir lop, daz witen msere, daz fuogte er zaller stunde so er beste künde. und taete ez noch ein kristen , der mit so guoten listen erwürbe pris und ere , der endorfte niht so scre erfürhten die hellevart. ich enweiz war umb der kristen wart od zwiu er toufe hat genomen, vil maneger, der ze helle ist komen niuwan durch girlichen muot und ninder kristenlichen tuot, niuwan horden unde sparn; der mac noch baz ze helle varn dann Etzele der nuere, swie er ein heiden waere. Dise rede län under wegen. dö reit Biterolf der degen hin widere in daz lant da er Etzelen vant und Heichen die riehen, er dankte in vliziclichen daz im der msere wigant ze eigen gap daz riche lant , als er ez hete dö gesehen, der künic nu begunde jehen, er wolde im immer teilen mite. frou Helene nach ir alten site bot in wirde und ere. doch wolden dä niht mere beliben die Wigande, si kerten heim ze lande. urloup heten si genomen, dö was daz ingesinde komen: von den schieden si dö hie daz fremde recken mere nie baz gerümten fursten lant. si griffen des in Heichen hant daz sis dicke wolden sehen, bezzer botschaft geschehen was selten fürsten wibe, denn bi ir mannes Übe frou Helche Dietlinde enböt. geleites was ouch gar unnöt den vil guoten recken, doch heten die vil kecken ze dienste Rüedegere. der maregräve höre si brähte durch ir eigen lant. dö riet er und Hadebrant daz si mit in fuorten dan vierzic wdetiieher man , wol gekleit und wol geriten, und doch nach hiunischen siten. sus volgeten in ze lande die vil guoten Wigande. sit hat uns nieman daz geseit,

mit wie getaner senfte reit her Biterolf unz in sin lant. iedoch ist uns daz sit erkant, daz er vil wol enphangen wart nach slner langen heimvart. er moht da heime in sinen tagen vil roenegiu msere sit gesagen , wie er waere geriten und waz er haete gestriten. swaz er in fremden landen hete mit sinen handen erworben, daz wart wol erkant. ouch sagte der edel wigant, swaz Helche Dietlinde enböt: ir wurde noch nie niht s6 nöt alsö daz si si gesajhe ; si enwände niht dazz geschähe od immer künde wol ergän. vil höhez danken wart getan von Biterolfes wibe der schämen Heichen libe. In freuden höhe stuont ir muot, daz die helde vil guot kämen alsö wol gesunt. er rihte nach der selben stunt swaz im ze rihtenne geschach. er schuof im sit vil guot gemach nach maneger grözen arbeit. er hete da heime nuo geseit, wie im ein lant was gegeben : da hin er pruovte sit sin leben mit gemeinem rate bediu fruo und späte, da von dem helde daz geschach, daz er sit vil dicke sach den künec von Hiunen landen mit sinen Wiganden. Frou Helche und ir gesinde von frouwen Dietlinde redete zaller stunde daz beste daz si künde. sit gefuogte sich ouch daz, daz Biterolf der hell besaz daz lant ze Stiremarke, und Dielleip der starke , und sin muoter Dietlint: ze Stire brähten sie sint ir volc und ir gesinde gar. dar mich muose in dienen dar der gelt von ir lande, und stolze Wigande, so er bedorfte, der kam im vil. sus lebte er an sin endes zil bi Etzelen dem riehen sine tage vil herlichen , und Dietleip der starke : in diente Stiremarke wol nach grözen eren ; und Dietlint der heren enböt Helche diu riebe ir botschaft friuntliche. ouch muoste ofte daz geschehen daz bi Heichen gesehen wart diu frouwe Dietlint mit vil grözen freuden sint. ez phlac wol nach eren Dietlinde der vil heren Helche diu vil riche. des hete diu tugentliche lop unz an ir endes tac, daz ir lop nie gelac.